Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


ԵԴ1/3765/01/24

«24» դեկտեմբերի 2024թ. ք. Երևան

Երևան քաղաքի առաջին ատյանի ընդհանուր իրավասության քրեական դատարանը

նախագահությամբ դատավոր՝ Ա. Մելիքսեթյանի,
քարտուղարությամբ՝ Ս. Ջավադյանի,

մասնակցությամբ.
հանրային մեղադրող՝ Վ․ Մարգարյանի,

դռնբաց դատական նիստում, քննելով քրեական գործն ըստ մեղադրանքի՝
Լյուդվիգ Նորայրի Մուշեղյանի՝ /ծնված՝ 01.12.1988թ., ազգությամբ հայ, ՀՀ քաղաքացի, ամուսնացած, խնամքին 3 անչափահաս երեխա, բարձրագույն կրթությամբ, չի աշխատում, հաշվառված և բնակվող՝ Կոտայքի մարզ, Զովունի, 5-րդ փողոց, տուն 15/ ՀՀ քրեական օրենսգրքի 344-րդ հոդվածի 1-ին մասով,

Պ Ա Ր Զ Ե Ց

1.Գործի դատավարական պատմությունը.
1.1․ 2024թ. հոկտեմբերի 11-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60636224 քրեական վարույթը:
1.2․ 2024թ. նոյեմբերի 22-ին որոշում է կայացվել Լյուդվիգ Նորայրի Մուշեղյանի նկատմամբ ՀՀ քրեական օրենսգրքի 344-րդ հոդվածի 1-ին մասով հանրային քրեական հետապնդում հարուցելու մասին:
1.3․ 2024թ. նոյեմբերի 25-ին որոշում է կայացվել Լյուդվիգ Նորայրի Մուշեղյանի նկատմամբ որպես խափանման միջոց բացակայելու արգելքը կիրառելու մասին
1.4․ 2024 թվականի դեկտեմբերի 16-ին Երևան քաղաքի առաջին ատյանի ընդհանուր իրավասության քրեական դատարան մուտք է եղել ՀՀ դատախազության Երևան քաղաքի Ավան և Նոր Նորք վարչական շրջանների դատախազությունից ստացված նախաքննական 60636224 համարով քրեական գործն ըստ մեղադրանքի՝ Լյուդվիգ Նորայրի Մուշեղյանի՝ ՀՀ քրեական օրենսգրքի 344-րդ հոդվածի 1-ին մասով, քրեական գործին շնորհվել է ԵԴ1/3765/01/24 դատական գործի համարը, աշխատակազմին է հանձնվել 2024 թվականի դեկտեմբերի 17-ին:
1.5․ 2024 թվականի դեկտեմբերի 17-ին Դատարանը կայացրել է թիվ ԵԴ1/3765/01/24 քրեական գործով վարույթ ստանձնելու և նախնական դատալասումներ նշանակելու մասին որոշում:

2. Մեղադրանքի փաստական նկարագրությունը.
Լյուդվիգ Նորայրի Մուշեղյանը, զրկված լինելով տրանսպորտային միջոց վարելու իրավունքից, 2024 թվականի սեպտեմբերի 25-ին՝ ժամը 01:15-ի սահմաններում, Երևան քաղաքի Ա. Միկոյան փողոցում վարել է «Մերսեդես» մակնիշի 35XX064 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է թիվ 8180412858 արձանագրությունը։

3. Դատաքննությամբ հետազոտված թույլատրելի ապացույցները.
3.1․ 2024 թվականի նոյեմբերի 15-ին զննում կատարելու մասին արձանագրությունը, համաձայն որի՝ 2024 թվականի սեպտեմբերի 25-ին՝ ժամը 01:20- ին, ՀՀ պարեկային ծառայության Երևանի գնդի 2-րդ գումարտակի 3-րդ վաշտի ավագ պարեկ Արմեն Անդրանիկի Սարգսյանը /կրծքանշան՝ 01224 կազմել է վարչական իրավախախտումների վերաբերյալ թիվ 8180412858 արձանագրությունն այն մասին, որ Լյուդվիգ Նորայրի Մուշեղյանը (ծնված 01.12.1988թ., բնակվող՝ Կոտայքի մարզ, Զովունի, 5-րդ փողոց, 15 տուն, ՀԾՀ՝ 1112880518) 2024 թվականի սեպտեմբերի 25-ին՝ ժամը 01:15- ին, Երևան քաղաքի Ա. Միկոյան փողոցում վարել է «Մերսեդես» մակնիշի 35XX064 հաշվառման համարանիշի տրանսպորտային միջոցը՝ տրանսպորտային միջոցներ վարելու իրավունքից զրկված վիճակում:
Արձանագրությանը կցվում է հատվածում առկա է գրառում՝պարտավորագիր, ի պահ հանձնելու մասին վ/վ RB996309:
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է գրառում՝ «Վարորդը, հրաժարվեց ստորագրելուց և բացատրություն տալուց։ Արմեն Սարգսյան և ստորագրություն»:
Արձանագրությանը, իրավունքներին և պարտականություններին ծանոթանալու հատվածում առկա է ազգանուն և ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր/կոդ նշված՝ 201․1 թիվը:
3․2․ Պարտավորագրի զննությամբ պարզվել է՝ սկիզբը՝ 01:25-ին, ավարտը՝ 01:30-ին, 25.09.2024թ., քաղաք Երևան Գագիկ Զոհրապի Հակոբյան - ծնված 23.12.1986թ., բնակվող Կոտայքի մարզ, Զովունի, 38 փողոց, 23 շենք, բնակարան 1, վարրդական իրավունք RB996309/ պարտավորվել է «Մերսեդես» մակնիշի 35XX064 հաշվառման համարանիշի տրանսպորտային միջոցը քաղաք Երևան, Ա․ Միկոյան փողոցից անձամբ վարելով տեղափոխել բնակության հասցե:
3․3․ 2023 թվականի նոյեմբերի 7-ին՝ ժամը 00:58-ին, ՀՀ պարեկային ծառայության Երևանի գնդի 1-ին գումարտակի 3-րդ վաշտի կրտսեր պարեկ Վարդան Արթուրի Նիկոլյանը/կրծքանշան՝ 01783/ կողմից կազմված վարչական իրավախախտումների վերաբերյալ թիվ 8180258985 արձանագրությունն այն մասին, որ Լյուդվիգ Նորայրի Մուշեղյանը (ծնված 01.12.1988թ., բնակվող՝ Կոտայքի մարզ, Զովունի, 5-րդ փողոց, 15 տուն, ՀԾ- 1112880518) 2023 թվականի նոյեմբերի 7-ին՝ ժամը 00:25-ին, Երևան քաղաքի Հրազդանի կիրճում փողոցում վարել է «Մերսեդես» մակնիշի 35XX064 հաշվառման համարանիշի տրանսպորտային միջոցը՝ ոչ սթափ վիճակում:
Արձանագրությանը կցվում է հատվածում առկա է գրառում՝ պարտավորագիր, ի պահ հանձնելու մասին վ/վ RF184319:
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն:
Արձանագրությանը, իրավունքներին և պարտականություններին ծանոթանալու հատվածում առկա է ազգանուն և ստորագրություն:
Ստացա ժամանակավոր վկայական հատվածում առկա է ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր/կոդ նշված՝ 68 թիվը։
Որոշման հատվածում առկա է գրառում, ըստ որի ՎԻՎ ՀՀ օրենսգրքի 16-րդ հոդվածի 2-րդ մասի համաձայն՝ քաղաքացի Լյուդվիգ Մուշեղյանին զրկել տրանսպորտային միջոցներ վարելու իրավունքից 1 տարի ժամկետով: Որոշման պատճենը և կատարման կարգի մասին քաղվածքի հատվածում առկա է ստորագրություն, 13.11.2023թ.:
3․4․ Պարտավորագրի զննությամբ պարզվել է, որ Սերգեյ Վարդանի Սերգոյանը/Վ/վ RB375801, կարգը՝ B, C պարտավորվել է տեղափոխել «Մերսեդես» մակնիշի 35XX064 հաշվառման համարանիշի տրանսպորտային միջոցը գյուղ Զովունի 5 փողոց, 15 տուն։ 07․11․2023թ․ և ստորագրություն։
3․5․ Վարորդի սթափության վիճակի զննությանի զննությամբ պարզվել է, որ ստուգաչափման սարքի համարն է՝ 91100902, զննման համարը՝ 01508, զննման ամսաթիվը 07.11.2023թ., զննման ժամը՝ 00:57:04-ին, վերջին ստուգաչափման ամսաթիվը՝ 24.07.2023թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.164 մգ/լ, վարորդի անունն է՝ Լյուդվիգ, ազգանունը՝ Մուշեղյան, տրանսպորտային միջոցի համարանիշը՝ 35XX064, վ/վ RF184319, ՊԾ տեսուչ Նիկոլյան, կրծքանշանի համարը՝ 01783, ստորաբաժանումը՝ 1-ին գումարտակ, 3-րդ վաշտ:
3․6․ ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 102341 ստուգաչափման վկայականի պատճենի զննությամբ պարզվել է, որ վկայականն ուժի մեջ է 2023 թվականի հուլիսի 24-ից մինչև 2024 թվականի հուլիսի 24-ը, ստուգաչափման սարքի գործարանային համարն է 91100902, տեսակը՝ Jupiter X/RP, չափման տիրույթը՝ 0.000+2,000մգ/լ, ճշտության դասը, կարգը սխալանքը/ 0-0,1±5-%, 0,1-0,15±8%>0,15+10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Ա. Գուլքանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ. Մարտիրոսյան:
3․7․ 2023 թավականի հունիսի 4-ին՝ ժամը 03:10-ին, ՀՀ պարեկային ծառայության Երևանի գնդի 1-ին գումարտակի 3-րդ վաշտի կրտսեր պարեկ Էդիկ Վլադիկի Առաքելյանը /կրծքանշան՝ 03275/ կազմել է վարչական իրավախախտումների վերաբերյալ թիվ 8180251648 արձանագրությունն այն մասին, որ Լյուդվիգ Նորայրի Մուշեղյանը (ծնված 01.12.1988թ., բնակվող՝ Կոտայքի մարզ, Զովունի, 5-րդ փողոց, 15 տուն, ՀԾՀ՝ 1112880518) 2023 թվականի հունիսի 4-ին՝ ժամը 00:00-ին, Երևան քաղաքի Հրազդանի կիրճում փողոցում վարել է «Մերսեդես» մակնիշի 35XX064 հաշվառման համարանիշի տրանսպորտային միջոցը՝ ոչ սթափվիճակում:
Արձանագրությանը կցվում է հատվածում առկա է գրառում՝ U/h 91101151, զ/h 00311, վ/վ RF184319:
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն:
Արձանագրությանը, իրավունքներին և պարտականություններին ծանոթանալու հատվածում առկա է ստորագրություն:
Ստացա ժամանակավոր վկայական հատվածում առկա է ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր/կոդ նշված՝ 68 թիվը:
Որոշման հատվածում առկա է գրառում, ըստ որ ՎԻՎ ՀՀ օրենսգրքի 16-րդ հոդվածի 2-րդ մասի համաձայն քաղաքացի Լյուդվիգ Մուշեղյանին տուգանել 29.000 /քսանինը հազար ՀՀ դրամ: Որոշման պատճենը և կատարման կարգի մասին քաղվածքի հատվածում առկա է ստորագրություն,09.06.2023թ.:
Վկայականը վերադարձվեց հատվածում առկա է ստորագրություն,09.06.2023թ.:
3․8․ Վարորդի սթափության վիճակի զննությամբ պարզվել է, որ ստուգաչափման սարքի համարն է՝ 91101151, զննման համարը՝ 00311 զննման ամսաթիվը՝ 04.06.2023թ., զննման ժամը՝ 03:03:07-ին, վերջին ստուգաչափման ամսաթիվը՝ 13.04.2023թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.264 մգ/լ, վարորդի անունն Լյուդվիգ՝ կողքին ստորագրություն, ազգանունը՝ Մուշեղյան, տրանսպորտային միջոցի համարանիշը՝ 35XX064, վ/վRF184319, Պ/Ծ տեսուչ՝ Serobyan, կրծքանշանի համարը՝ 09253, ստորաբաժանումը՝ 1-ին գումարտակ, 3-րդ վաշտ:
3․9․ ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 093519 ստուգաչափման վկայականի պատճենի զննությամբ պարզվել է, որ վկայականն ուժի մեջ է 2023 թվականի ապրիլի 13- ից մինչև 2024 թվականի ապրիլի 13-ը, ստուգաչափման սարքի գործարանային համարն է 91101151, տեսակը՝ Jupiter X/RP, չափման տիրույթը՝ 0.000+2,000մգ/լ, ճշտության դասը, կարգը սխալանքը 0-0,1±5-%, 0,1-0,15±8%>0,15±10 արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Ա. Գուլքանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ. Մարտիրոսյան:
3․10․ ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության զննությամբ պարզվել է, որ Լյուդվիգ Նորայրի Մուշեղյան (ՀԾՀ՝ 1112880518) տվյալներով առկա է վարորդական իրավունքի վկայական՝ զրկված վիճակում: Սկիզբը՝ 13.11.2023թ., ավարտը՝ 13.11.2024թ.:
3․11․ 2024 թվականի նոյեմբերի 15-ին կայացված որոշմամբ որպես արտավարութային փաստաթուղթ ապացույց ճանաչված և քրեական վարույթին կցված` Լյուդվիգ Նորայրի Մուշեղյանի վերաբերյալ վարչական իրավախախտումների վերաբերյալ թիվ 8180412858 արձանագրության պատճենը, կից պարտավորագրի պատճենը, վարչական իրավախախտումների վերաբերյալ թիվ 8180258985 արձանագրության պատճենը, կից պարտավորագրի պատճենը, վարորդի սթափության զննության թիվ 01508 կտրոնի պատճենը, ստուգաչափման թիվ 102341 վկայականի պատճենը, վարչական իրավախախտումների վերաբերյալ թիվ 8180251648 արձանագրության պատճենը, կից պարտավորագրի պատճենը, վարորդի սթափության զննության թիվ 00311 կտրոնի պատճենը, ստուգաչափման թիվ 093519 վկայականի պատճենը,ՀՀ ոստիկանության «Ճանապարհային ոստիկանություն էլեկտրոնային ծառայության» ռեգիստրից ստացված տվյալները:
3.6․ Մեղադրյալ Լյուդվիգ Նորայրի Մուշեղյանը դատարանում հրաժարվեց ցուցմունք տալուց, ուստի հրապարակվեց վերջինիս նախաքննական ցուցմունքը, համաձայն որի՝ «(…) իրեն աղաջադրված մեղադրանքն իրեն հասկանալի է և պարզ, սակայն չի ցանկացել մեկնաբանել իր արարքը, այլ հայտնել է, որ զղջում է կատարվածի համար և նշել է, որ չի ցանկանում իր նկատմամբ կիրառվի համաձայնությամբ տուգանք նշանակելու վարույթ, այլ խնդրում է, որ դատարանը կիրառի հանրային աշխատանք կատարելու տարբերակը, քանի որ իր խնամքին ունի երեք անչափահաս երեխա և մշտական աշխատանք չունի։ Այլ բան չի ավելացրել (…)»

4. Դատարանի փաստական վերլուծությունները և դատարանի կողմից հաստատված փաստական հանգամանքները.
Հետազոտված ապացույցների հիման վրա Դատարանի կողմից հաստատվել են հետևյալ փաստական հանգամանքները.
Լյուդվիգ Նորայրի Մուշեղյանը, զրկված լինելով տրանսպորտային միջոց վարելու իրավունքից, 2024 թվականի սեպտեմբերի 25-ին՝ ժամը 01:15-ի սահմաններում, Երևան քաղաքի Ա. Միկոյան փողոցում վարել է «Մերսեդես» մակնիշի 35XX064 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է թիվ 8180412858 արձանագրությունը։

5. Դատարանի իրավական վերլուծությունները.
5.1. Վերլուծելով մեղադրյալ Լյուդվիգ Նորայրի Մուշեղյանին առաջադրված մեղադրանքը և հիմնվելով հետազոտված թույլատրելի ապացույցների վրա` Դատարանը գտնում է, որ.
- ապացուցված է մեղադրյալ Լյուդվիգ Նորայրի Մուշեղյանին վերագրվող փաստական հանգամանքները, մասնավորապես մեղադրյալ Լյուդվիգ Նորայրի Մուշեղյանի կողմից տրանսպորտային միջոցներ վարելու իրավունքից զրկված լինելու պայմաններում տրանսպորտային միջոց վարելը,
- ապացուցված է վերոգրյալ արարքի քրեական հակաիրավականությունը, որը նախատեսված է ՀՀ քրեական օրենսգրքի 344-րդ հոդվածի 1-ին մասով,
- ապացուցված է մեղադրյալ Լյուդվիգ Նորայրի Մուշեղյանի կողմից ՀՀ քրեական օրենսգրքի 344-րդ հոդվածի 1-ին մասով նախատեսված վերոգրյալ արարքը կատարելը.
- ապացուցված է մեղադրյալ Լյուդվիգ Նորայրի Մուշեղյանի մեղավորությունը ՀՀ քրեական օրենսգրքի 344-րդ հոդվածի 1-ին մասով նախատեսված արարքը կատարելու մեջ:
5.2. Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ Սահմանադրության 71-րդ հոդվածի համաձայն
«1. Հանցանք կատարած անձի պատժի հիմքը նրա մեղքն է:
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին»:

ՀՀ քրեական օրենսգրքի 7-րդ հոդվածի 1-ին մասի համաձայն`
«1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:»:

ՀՀ քրեական օրենսգրքի 55-րդ հոդվածի 2-րդ մասի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»:

ՀՀ քրեական օրենսգրքի 69-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ»:

5.3. Դատարանը որպես մեղադրյալի պատասխանատվությունը և պատիժը մեղմացնող հանգամանք, հաշվի է առնում այն, որ վերջինս ներկայացված մեղադրանքում իրեն լիովին մեղավոր է ճանաչել և զղջացել կատարած արարքի համար, իմչպես նաև խնամքին ունի երեք անչափահաս երեխա:
Մեղադրյալի պատասխանատվությունը և պատիժը ծանրացնող հանգամանքներ Դատարանը չի արձանագրում:
5.4. Վերոգրյալ իրավանորմերի համատեքստում քննարկելով այն հարցը, թե ինչ պատժատեսակ և պատժաչափ պետք է նշանակվի մեղադրյալի նկատմամբ, հաշվի առնելով մեղադրյալի կատարած հանցագործության բնույթը և հանրության համար վտանգավորության աստիճանը, ինչպես նաև հանցագործության անմիջական օբյեկտի՝ հասարակության անվտանգության դեմ ուղղված ոտնձգության բնույթը և այդ ոլորտում պետության քրեական քաղաքականության ուղղվածությունը, դրանք համադրելով մեղադրյալի անձը բնութագրող տվյալների, մեղադրյալի պատասխանատվությունը և պատիժը մեղմացնող վերոգրյալ հանգամանքների հետ, հաշվի առնելով նաև մեղադրյալի և հանրային մեղադրողի միջնորդությունները նշանակվող պատժատեսակի վերաբերյալ, մեղադրյալի նյութական վիճակը, Դատարանը գտնում է, որ մեղադրյալ Լյուդվիգ Նորայրի Մուշեղյանն իր կատարած՝ ՀՀ քրեական օրենսգրքի 344-րդ հոդվածի 1-ին մասով նախատեսված արարքի համար ենթակա է պատժի հանրային աշխատանքների ձևով։
Դատարանը գտնում է, որ 2024 թվականի սեպտեմբերի 25-ին կատարված ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության կատարման համար մեղադրյալի նկատմամբ պետք է նշանակվի հանրային աշխատանքներ՝ 60 /վաթսուն/ ժամ տևողությամբ, որով կապահովվի ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին և բավարար կլինի սոցիալական արդարությունը վերականգնելու, պատժի ենթարկված անձին վերասոցիալականացնելու և հանցագործությունները կանխելու համար:
5.5. Անդրադառնալով մեղադրյալի նկատմամբ լրացուցիչ պատիժ նշանակելու հարցին, Դատարանն արձանագրում է, մեղադրյալի նկատմամբ լրացուցիչ պատժատեսակ նշանակելու անհրաժեշտություն առկա չէ:
5.6. Դատարանն արձանագրում է, որ սույն գործով գույքային հայց չի հարուցվել, բռնագրավման ենթակա գույքի, ինչպես նաև գույքի արգելադրման վերաբերյալ տվյալներ գործում առկա չեն:
5.7. Անդրադառնալով ապացույցների տնօրինման հարցին՝ Դատարանը գտնում է, որ արտավարութային փաստաթուղթ ճանաչված և վարույթի նյութերին կցված՝ Լյուդվիգ Նորայրի Մուշեղյանի վերաբերյալ վարչական իրավախախտումների վերաբերյալ թիվ 8180412858 արձանագրության պատճենը, կից պարտավորագրի պատճենը, վարչական իրավախախտումների վերաբերյալ թիվ 8180258985 արձանագրության պատճենը, կից պարտավորագրի պատճենը, վարորդի սթափության զննության թիվ 01508 կտրոնի պատճենը, ստուգաչափման թիվ 102341 վկայականի պատճենը, վարչական իրավախախտումների վերաբերյալ թիվ 8180251648 արձանագրության պատճենը, կից պարտավորագրի պատճենը, վարորդի սթափության զննության թիվ 00311 կտրոնի պատճենը, ստուգաչափման թիվ 093519 վկայականի պատճենը,ՀՀ ոստիկանության «Ճանապարհային ոստիկանություն էլեկտրոնային ծառայության» ռեգիստրից ստացված տվյալները պետք է պահել վարույթի նյութերի հետ՝ դրանք պահելու ամբողջ ընթացքում:
5.8. Քննարկելով խափանման միջոցի հարցը` դատարանը գտնում է, որ մեղադրյալի նկատմամբ որպես խափանման միջոց բացակայելու արգելքն ընտրված է ճիշտ և այն վերացվելու կամ փոփոխվելու ենթակա չէ մինչև դատավճռի օրինական ուժի մեջ մտնելը:
5.8. Քննարկելով դատական ծախսերի հարցը՝ Դատարանն արձանագրում է, որ այդպիսիք առկա չեն:
Վերոգրյալի հիման վրա և ղեկավարվելով Հայաստանի Հանրապետության քրեական դատավարության օրենսգրքի 100-րդ, 167-րդ, 347-350-րդ, 352-353-րդ, 364-րդ հոդվածներով, Դատարանը`

Վ Ճ Ռ Ե Ց

Մեղադրյալ Լյուդվիգ Նորայրի Մուշեղյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցանքում և պատիժ նշանակել հանրային աշխատանքներ 60 /վաթսուն/ ժամ:
Մեղադրյալ Լյուդվիգ Նորայրի Մուշեղյանի նկատմամբ ընտրված խափանման միջոց բացակայելու արգելքը պահպանել՝ մինչև դատավճռի օրինական ուժի մեջ մտնելը:
Դատական ծախսերի հարցը համարել լուծված։
Վարույթի նյութերին կցված արտավարութային փաստաթղթերը պահել վարույթի նյութերի հետ՝ դրանք պահելու ամբողջ ընթացքում:
Դատավճիռը կարող է բողոքարկվել ՀՀ վերաքննիչ քրեական դատարան` դատական ակտը ստանալու օրվանից հետո մեկամսյա ժամկետում:



ԴԱՏԱՎՈՐ՝ Ա. ՄԵԼԻՔՍԵԹՅԱՆ