ԵԴ1/3744/01/24



Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

Հայաստանի Հանրապետության Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան),

Նախագահող դատավոր Ս.ԳԶՈԳՅԱՆԻ
քարտուղարությամբ Լ.ՉՈԲԱՆՅԱՆԻ
մասնակցությամբ
հանրային մեղադրող Ա․ՄԱՆՈՒԿՅԱՆԻ
մեղադրյալ Ն․ԳՐԻԳՈՐՅԱՆԻ


2025 թվականի հունվարի 24-ին, Երևան քաղաքում, դռնբաց դատական նիստում, քննելով քրեական գործն ըստ մեղադրանքի`
Նարեկ Գեորգիի Գրիգորյանի՝ ծնված 1990 թվականի դեկտեմբերի 4-ին, Երևան քաղաքում, հայ, ՀՀ քաղաքացի, միջնակարգ կրթությամբ, ամուսնալուծված, ըստ իր հայտարարության՝ խնամքին երկու երեխա, չի աշխատում, նախկինում դատապարտված, հաշվառված է Երևան քաղաքի Խուդիակովի 23 տանը և բնակվում է ք․Երևան, Ա․Բաբաջանյան փողոցի 129 շենքի 52 բնակարանում, մեղադրանք է առաջադրվել ՀՀ քրեական օրենսգրքի 344-րդ հոդվածի 2-րդ մասով, որպես խափանման միջոց է ընտրվել բացակայելու արգելքը,


ՊԱՐԶԵՑ

1.Գործի դատավարական նախապատմությունը
2024 թվականի հոկտեմբերի 25-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60659424 քրեական վարույթը:
2024 թվականի նոյեմբերի 26-ի որոշմամբ Նարեկ Գեորգիի Գրիգորյանի նկատմամբ քրեական հետապնդում է հարուցվել ՀՀ քրեական օրենսգրքի 344-րդ հոդվածի 2-րդ մասով այն արարքի համար, որ նա, չունենալով տրանսպորտային միջոց վարելու իրավունք և գտնվելով ոչ սթափ՝ 0.862 մգ/լ ալկոհոլային հարբածության վիճակում, 2024 թվականի հոկտեմբերի 9-ին՝ ժամը 04.13-ի սահմաններում, Երևան քաղաքի Օգանովի փողոցում վարել է «Շևրոլետ» մակնիշի, 53 KK 355 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ՆԳՆ ոստիկանության պարեկային ծառայողի կողմից և կազմվել է վարչական իրավախախտման վերաբերյալ թիվ 8180416732 արձանագրությունը։
Այսինքն՝ Նարեկ Գեորգիի Գրիգորյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի կատարում»։
2024 թվականի նոյեմբերի 27-ի որոշմամբ Նարեկ Գեորգիի Գրիգորյանի նկատմամբ որպես խափանման միջոց է ընտրվել բացակայելու արգելքը:
2024 թվականի դեկտեմբերի 12-ին քրեական գործը մեղադրական եզրակացությամբ ստացվել է Երևան քաղաքի առաջին ատյանի ընդհանուր իրավասության քրեական դատարանում, գործին շնորհվել է ԵԴ1/3744/01/24 համարը:
2024 թվականի դեկտեմբերի 16-ին Դատարանի դատավոր Ս.Գզոգյանը որոշում է կայացրել վարույթը ստանձնելու և նախնական դատալսումներ նշանակելու մասին։
2025 թվականի հունվարի 24-ին Դատարանը Նարեկ Գեորգիի Գրիգորյանի նկատմամբ կայացրել է մեղադրական վերդիկտ։


2.Դատարանում հետազոտված և գնահատված ապացույցներ
Մեղադրյալ Նարեկ Գեորգիի Գրիգորյանն առաջադրված մեղադրանքում իրեն մեղավոր է ճանաչել, հիմնական դատալսումների ընթացքում, օգտվելով իր իրավունքից, հրաժարվել է ցուցմունք տալ (տե՛ս դատական նիստի արձանագրությունը):
Մինչդատական վարույթի ընթացքում Նարեկ Գեորգիի Գրիգորյանը հայտնել է, որ ունեցել է «B,C» կարգերի վարորդական վկայական, որից 22.08.2021թ.-ին զրկվել է մեկ տարի ժամկետով, ծանոթացել է այդ արձանագրությանը և համաձայն է դրա հետ: 2024 թվականի հոկտեմբերի 09-ին՝ ժամը 04:13-ի սահմաններում, Երևան քաղաքի Օգանովի փողոցում «Շևրոլետ մակնիշի 53 KK 355 հաշվառման համարանիշի ավտոմեքենան վարել է ոչ սթափ վիճակում գտնվելով և չի ունեցել տրանսպորտային միջոցներ վարելու իրավունք, որի վերաբերյալ պարեկային ծառայության աշխատակիցները կազմել են թիվ 8180416732 արձանագրությունը: Նշված արձանագրությանը ծանոթացել է, համաձայն է այդ արձանագրության հետ: Վերը նշված արարքը կատարելու համար ընդունում է իր մեղավորությունը, զղջում է կատարվածի համար, իր խնամքին ունի երկու անչափահաս երեխա խնդրում է այդ հանգամանքը հաշվիր առնել իր նկատմամբ պատիժ նշանակելիս և նշանակել հնարավորինս մեղմ պատիժ (տե´ս դատական նիստի արձանագրություն, քրեական գործ, 46-48-րդ թերթ)։
Ցուցմունքների հրապարակումից հետո մեղադրյալը հայտնեց, որ պնդում է այդ ցուցմունքները։
Հիմնական դատալսումների ընթացքում հետազոտվել են հետևյալ գրավոր ապացույցները.
ՀՀ ոստիկանության պարեկային ծառայության Երևան քաղաքի գնդի պարեկ Արմեն Արարատի Բադալյանի (կրծքանշանի համար՝ 07137) կողմից Նարեկ Գեորգիի Գրիգորյանի (ՀԾՀ) 1412900506) վերաբերյալ կազմված վարչական իրավախախտման վերաբերյալ արձանագրությունը, որի համաձայն՝ վերջինս նույն օրը՝ ժամը 04:13-ին, Երևան քաղաքի Օգանովի փողոցում, ոչ սթափ վիճակում գտնվելով, վարել է «Շևրոլետ» մակնիշի 53 KK 355 հաշվառման համարանիշի ավտոմեքենան՝ չունենալով տրանսպորտային միջոց վարելու իրավունք: Արձանագրության համապատասխան տողերում առկա են «հասցեատերը հրաժարվեց ստորագրելուց և բացատրություն տալուց» գրառումը և պարեկային ծառայողի ստորագրությունը։
Նարեկ Գեորգիի Գրիգորյանի սթափության կտրոնը, որի համաձայն՝ ստուգաչափման սարքի համարը՝ 91101016, զննման համարը՝ 04145, զննման ամսաթիվը՝ 09.10.2024թ., ստուգումը կատարվել է ավտոմատ, ժամը՝ 04:17:36-ին, ալկոհոլի պարունակությունը՝ 0.862 մգ/լ, վարորդի անունը՝ Նարեկ, ազգանունը՝ Գրիգորյան, տրանսպորտային միջոցի համարանիշը՝ 53 KK 355, COC 1412900506, տեսուչի ազգանունը՝ Բադալյան, կրծքանշանի համար՝ 07137, առկա են «Հրաժարվեց ստանալ իր օրինակը» գրառումը և պարեկային ծառայողի ստորագրությունը:
Ստուգաչափման թիվ 128892 վկայականը, որի համաձայն՝ ստուգաչափման թվականն է 12.08.2024թ., այն ուժի մեջ է մինչև 12.08.2025թ.: Չափման միջոցի անվանումը և տեսակը՝ ալկոմետր, գործարանային համարը՝ 91101169 տեսակը՝ «Jupiter X/RP», չափման տիրույթը՝ (0.000-0,2000 մգ/լ), ճշտության կարգը և դասը (սխալանքը) 0:0,1+-5%, 0,1-0,15+- 8% > 0,15+-10%, արտադրողը՝ Չինաստան, պատկանում է ՀՀ ՆԳՆ ոստիկանություն:
Նարեկ Գեորգիի Գրիգորյանի վերաբերյալ ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրից կատարված քաղվածքը, որի համաձայն՝ վերջինս ունեցել է «B,C» կարգերի վարորդական վկայական, որն ունի զրկված կարգավիճակ, զրկման սկիզբը՝ 22.08.2021թ., զրկման ավարտը՝ 22.08.2022թ., զրկման հիմքը՝ ԱՖ777056 որոշում:
ԱՖ777056 որոշումը, որի համաձայն՝ 2021 թվականի օգոստոսի 22-ին՝ ժամը 17:50-ին, Երևան-Սևան-Իջևան ավտոճանապարհի 57-րդ կիլոմետրի հատվածում ՀՀ ոստիկանության ճանապարհային ոստիկանության 2-րդ գումարտակի տեսուչ Վաղարշակ Լուդվիկի Գրիգորյանի (կրծքանշանի համար՝ 11685) կողմից Նարեկ Գեորգիի Գրիգորյանի (ծնվ.՝ 04.12.1990թ.) վերաբերյալ կազմվել է վարչական իրավախախտման վերաբերյալ արձանագրություն (կից լրացված վարչական իրավախախտման որոշում՝ ԱՖ777056) այն մասին, որ վերջինս նույն օրը՝ ժամը 17:05-ին, Երևան-Սևան-Իջևան ավտոճանապարհի 53- րդ կիլոմետրի հատվածում, ոչ սթափ վիճակում գտնվելով (վարորդի արտաշնչած մեկ լիտր օդի մեջ մաքուր ալկոհոլի պարունակությունը գերազանցում է 0.5 միլիգրամը), վարել է «Ֆորդ» մակնիշի 23 00 813 հաշվառման համարանիշի ավտոմեքենան։ Կից լրացված որոշմամբ 22.08.2021թ.-ին Նարեկ Գեորգիի Գրիգորյանը մեկ տարի ժամկետով զրկվել է տրանսպորտային միջոցներ վարելու իրավունքից: Արձանագրության համապատասխան տողերում առկա է արձանագրությունը կազմող տեսուչի ստորագրությունը և «հասցեատերը հրաժարվեց որոշումն ստանալուց» գրառումը:
Արտավարութային փաստաթուղթ ճանաչելու մասին 2024 թվականի նոյեմբերի 5-ի որոշումը (տե´ս դատական նիստի արձանագրություն, քրեական գործ, 16-17-րդ թերթեր)։
Ն․Գրիգորյանի դատավածության վերաբերյալ տեղեկանքը, որի համաձայն՝ Նարեկ Գեորգիի Գրիգորյանը Երևան քաղաքի առաջին ատյանի ընդհանուր իրավասության քրեական դատարանի 2024 թվականի սեպտեմբերի 23-ի դատավճռով մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով նախատեսված արարքի կատարման մեջ և դատապարտվել տուգանքի՝ 375․000 ՀՀ դրամի չափով (տե´ս դատական նիստի արձանագրություն, քրեական գործ, 23-27-րդ թերթեր):


3.Դատարանի իրավական վերլուծությունները
Դատարանը, վերլուծելով մեղադրյալ Նարեկ Գրիգորյանին առաջադրված մեղադրանքի հիմքում դրված և հիմնական դատալսումների ընթացքում հետազոտված վերոգրյալ ապացույցները՝ դրանք գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր կասկածները նրա օգտին մեկնաբանելով, հաստատված է համարում, որ Նարեկ Գեորգիի Գրիգորյանը, չունենալով տրանսպորտային միջոց վարելու իրավունք և գտնվելով ոչ սթափ՝ 0.862 մգ/լ ալկոհոլային հարբածության վիճակում, 2024 թվականի հոկտեմբերի 9-ին՝ ժամը 04.13-ի սահմաններում, Երևան քաղաքի Օգանովի փողոցում վարել է «Շևրոլետ» մակնիշի, 53 KK 355 հաշվառման համարանիշի ավտոմեքենան:
Այսպիսով, Դատարանը գտնում է, որ սույն գործով ձեռք բերված հավաստի ապացույցների համակցությունը բավարար է հիմնավոր կասկածից վեր ապացուցողական չափանիշին համապատասխան հաստատված համարելու մեղադրյալ Նարեկ Գրիգորյանի կողմից ոչ սթափ վիճակում տրանսպորտային միջոց վարելը տրանսպորտային միջոց վարելու իրավունք չունենալու պայմաններում, այդ արարքն ապացուցված է, ճիշտ է որակված և համապատասխանում է ՀՀ քրեական օրենսգրքի 344-րդ հոդվածի 2-րդ մասի հատկանիշներին:
Անդրադառնալով մեղադրյալի նկատմամբ նշանակվելիք պատժի հարցին՝ Դատարանն արձանագրում է, որ անձի նկատմամբ պատժի տեսակ և չափ ընտրելիս, ինչպես նաև այն կրելու նպատակահարմարության հարցը լուծելիս պետք է ղեկավարվել ՀՀ քրեական օրենսգրքի մի շարք դրույթներով:
ՀՀ քրեական օրենսգրքի 55-րդ հոդվածի 2-րդ մասի համաձայն՝ «2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»։
ՀՀ քրեական օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ։ (․․․)»։
Այսպես` Դատարանը մեղադրյալ Ն․Գրիգորյանի նկատմամբ պատիժ նշանակելիս հաշվի է առնում նրան մեղսագրված հանցագործության՝ հանրության համար վտանգավորության աստիճանն ու բնույթը, այդ թվում՝ հանցանքի կատարման հանգամանքները և եղանակը, ինչպես նաև խախտված հասարակական հարաբերության սոցիալական նշանակությունը:
Դատարանը մեղադրյալ Ն․Գրիգորյանի նկատմամբ պատիժ նշանակելիս հաշվի է առնում նաև նրա անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Դատարանը, որպես մեղադրյալ Ն․Գրիգորյանի պատասխանատվությունն ու պատիժը մեղմացնող հանգամանք հաշվի է առնում այն, որ նա իրեն լիովին մեղավոր է ճանաչել և տվել խոստովանական ցուցմունքներ, անկեղծորեն զղջացել է կատարած արարքի համար:
Դատարանը, արձանագրում է, որ մեղադրյալ Ն․Գրիգորյանի պատասխանատվությունն ու պատիժը ծանրացնող հանգամանք առկա չէ:
Դատարանը գտնում է, որ կատարած արարքի համար մեղադրյալ Նարեկ Գրիգորյանը ենթակա է պատժի:
Դատարանը, հաշվի առնելով մեղադրյալ Ն․Գրիգորյանի կատարած արարքի՝ հանրության համար վտանգավորության աստիճանն ու բնույթը, նրա անձը բնութագրող, պատասխանատվությունը և պատիժը մեղմացնող հանգամանքները, գտնում է, որ մեղադրյալ Ն․Գրիգորյանն իր կատարած ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության համար ենթակա է պատժի տուգանքի ձևով՝ 375.000 (երեք հարյուր յոթանասուն հինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի 11-րդ մասի համաձայն՝ «11. Պատիժը նշանակվում է սույն հոդվածի կանոններով, եթե դատավճիռ կայացնելուց հետո պարզվի, որ դատապարտյալը մեղավոր է նաև մեկ այլ հանցանքի համար, որը նա կատարել է նախքան առաջին գործով դատավճիռ կայացնելը: Այս դեպքում վերջնական պատժի ժամկետին հաշվակցվում է առաջին դատավճռով նշանակված պատժի կրած մասը և պատժի կրման սկիզբ է համարվում առաջին դատավճռով նշանակված պատժի կրման սկիզբը»։
Սույն գործի նյութերի ուսումնասիրությունից երևում է, որ Երևան քաղաքի առաջին ատյանի ընդհանուր իրավասության քրեական դատարանի 2024 թվականի սեպտեմբերի 23-ի դատավճռով Նարեկ Գրիգորյանը մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման մեջ և դատապարտվել տուգանքի՝ 375․000 ՀՀ դրամ չափով։
Հիմք ընդունելով վերոգրյալը՝ Դատարանը փաստում է, որ Նարեկ Գրիգորյանի նկատմամբ վերջնական պատիժ պետք է սահմանվի ՀՀ քրեական օրենսգրքի 74-րդ հոդվածի կարգով, այն է՝ սույն գործով Նարեկ Գրիգորյանի նկատմամբ նշանակված պատժին պետք է լրիվ գումարել Երևան քաղաքի առաջին ատյանի ընդհանուր իրավասության քրեական դատարանի 2024 թվականի սեպտեմբերի 23-ի դատավճռով նշանակված տուգանքը՝ 375.000 (երեք հարյուր յոթանասուն հինգ հազար) ՀՀ դրամը և վերջնական պատիժ սահմանել տուգանք՝ 750․000 (յոթ հարյուր հիսուն հազար) ՀՀ դրամ:
ՀՀ քրեական օրենսգրքի 59-րդ հոդվածի 8-րդ մասի համաձայն՝ «8. Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ (․․․)»
Հիմք ընդունելով ՀՀ քրեական օրենսգրքի 59-րդ հոդվածի 8-րդ մասը և հաշվի առնելով, որ մեղադրյալ Նարեկ Գեորգիի Գրիգորյանն ի վիճակի չէ անհապաղ և ամբողջությամբ վճարելու տուգանքը՝ Դատարանը գտնում է, որ նրան պետք է թույլատրել նշանակված տուգանքը վճարել մաս առ մաս՝ 10 (տաս) ամսվա ընթացքում՝ յուրաքանչյուր ամսում 75.000 (յոթանասունհինգ հազար) ՀՀ դրամի չափով։
Դատարանն արձանագրում է, որ արտավարութային փաստաթուղթ ճանաչված և քրեական գործին կցված փաստաթղթերը պետք է թողնել կցված քրեական գործին՝ դատավճիռն օրինական ուժի մեջ մտնելուց հետո։
Քննարկելով մեղադրյալ Ն․Գրիգորյանի նկատմամբ ընտրված խափանման միջոցի հարցը՝ Դատարանը գտնում է, որ վերջինիս նկատմամբ որպես խափանման միջոց ընտրված բացակայելու արգելքը, պետք է թողնել անփոփոխ՝ մինչև դատավճռի օրինական ուժի մեջ մտնելը, որից հետո վերացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 347-350-րդ, 464․1-րդ-464․5-րդ հոդվածներով` Դատարանը

Վ Ճ Ռ Ե Ց

Մեղադրյալ Նարեկ Գեորգիի Գրիգորյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված արարքի կատարման մեջ, և նրա նկատմամբ պատիժ նշանակել տուգանք՝ 375.000 (երեք հարյուր յոթանասունհինգ հազար) ՀՀ դրամի չափով։
ՀՀ քրեական օրենսգրքի 74-րդ հոդվածի հիման վրա՝ Նարեկ Գեորգիի Գրիգորյանի նկատմամբ նշանակված պատժին լրիվ գումարել Երևան քաղաքի առաջին ատյանի ընդհանուր իրավասության քրեական դատարանի 2024 թվականի սեպտեմբերի 23-ի դատավճռով նշանակված տուգանքը 375.000 (երեք հարյուր յոթանասուն հինգ հազար) ՀՀ դրամը և վերջնական պատիժ սահմանել տուգանք՝ 750․000 (յոթ հարյուր հիսուն հազար) ՀՀ դրամի չափով:
ՀՀ քրեական օրենսգրքի 59-րդ հոդվածի հիման վրա՝ նրա նկատմամբ նշանակված տուգանքը տարաժամկետել 10 (տաս) ամսով և թույլատրել տուգանքը վճարել մաս առ մաս՝ յուրաքանչյուր ամիս 75․000 (յոթանասունհինգ հազար) ՀՀ դրամի չափով։
Մեղադրյալ Նարեկ Գեորգիի Գրիգորյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը:
Արտավարութային փաստաթուղթ ճանաչված և քրեական գործին կցված փաստաթղթերը թողնել կցված քրեական գործին՝ դատավճիռն օրինական ուժի մեջ մտնելուց հետո։
Դատավճիռը կարող է բողոքարկվել ՀՀ վերաքննիչ քրեական դատարան՝ ստանալու օրվանից հետո մեկամսյա ժամկետում:


ԴԱՏԱՎՈՐ՝ Ս.ԳԶՈԳՅԱՆ