ԵԴ1/3733/01/24

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


20 փետրվարի 2025 թվական ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև՝ Դատարան),

Նախագահությամբ դատավոր` Մ.Մելքոնյանի,
քարտուղարությամբ` Ս.Գևորգյանի,
մասնակցությամբ`
մեղադրող` Բ.Ղազինյանի,
մեղադրյալ` Մ.Խաչատրյանի,

Դռնբաց դատական նիստում քննության առնելով քրեական վարույթն ըստ մեղադրանքի Մհեր Գարեգինի Խաչատրյանի՝ (ծնված՝ 06.10.1982թ., Հայաստանի Հանրապետություն, ազգությամբ հայ, ՀՀ քաղաքացի, ամուսնացած, թերի բարձրագույն կրթությամբ, չի աշխատում, չդատապարտված, հաշվառված և բնակվում է քաղաք Երևան, Գյուլբենկյան փողոց 21 շենքի 51 բնակարան հասցեում) ՀՀ քրեական օրենսգրքի 344-րդ հոդվածի 2-րդ մասով (3 դրվագ):

Պ Ա Ր Զ Ե Ց

1. Վարույթի փաստական հանգամանքները.
1.1. 2024 թվականի օգոստոսի 22-ին ՀՀ ՆԳՆ ոստիկանության պարեկային ծառայությունից ստացվել է հաղորդում այն մասին, որ 2024 թվականի օգոստոսի 14-ին՝ ժամը 01։09-ին, ՀՀ պարեկային ծառայության Երևանի գնդի 4-րդ գումարտակի 1-ին վաշտի պարեկ Դավիթ Ալբերտի Հակոբյանը կազմել է վարչական իրավախախտումների վերաբերյալ թիվ 81804177550 արձանագրությունն այն մասին, որ 2024 թվականի օգոստոսի 14-ին՝ ժամը 01:00-ին, Երևան քաղաքի Աշտարակի խճուղիում, Մհեր Գարեգինի Խաչատրյանը /ծնված՝ 06.10.1982թ., քաղաք Երևան, Գյուլբենկյան փողոց, 21 շենք, 51 բնակարան, ՀԾՀ՝ 1610820428/ «ՋԱՔ» մակնիշի 797GE77 հաշվառման համարանիշի տրանսպորտային միջոցը վարել է՝ չունենալով տվյալ կարգի տրանսպորտային միջոցը վարելու իրավունքի վկայական և գտնվելով ոչ սթափ վիճակում:
1.2 2024 թվականի օգոստոսի 23-ին ՝ ՀՀ քննչական կոմիտեի Երևան քաղաքի քննչական վարչության ՃՏՀ քննչական բաժնում Մհեր Գարեգինի Խաչատրյանի կողմից տվյալ կարգի տրանսպորտային միջոցը վարելու իրավունքի վկայական չունենալու և ոչ սթափ վիճակում գտնվելու պայմաններում՝ 2024 թվականի օգոստոսի 14-ին՝ ժամը 01:00-ին Երևան քաղաքի Աշտարակի խճուղիում ավտոմեքենա վարելու փաստի կապակցությամբ՝ ՀՀ քրեական օրենսգրքի 344-րդ հոդվածի 2-րդ մասով, նախաձեռնվել է թիվ 60569924 քրեական վարույթը:
1.3.2024 թվականի հոկտեմբերի 15-ին ՀՀ դատախազության Երևան քաղաքի Աջափնյակ և Դավթաշեն վարչական շրջանների դատախազության դատախազ Բ.Ղազինյանը որոշում է կայացրել Մհեր Գարեգինի Խաչատրյանի նկատմամբ ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքի հատկանիշներով հանրային քրեական հետապնդում հարուցելու մասին:
1.4. 2024 թվականի հոկտեմբերի 16-ին ՀՀ քննչական կոմիտեի Երևան քաղաքի քննչական վարչության ՃՏՀ քննչական բաժնում որոշում է կայացվել Մհեր Գարեգինի Խաչատրյանի նկատմամբ որպես խափանման միջոց բացակայելու արգելքը կիրառելու մասին:
1.5.2024 թվականի հոկտեմբերի 25-ին ՀՀ ՆԳՆ ոստիկանության պարեկային ծառայությունից ստացվել է հաղորդում այն մասին, որ 2024 թվականի հոկտեմբերի 7-ին՝ ժամը 03։35-ին, ՀՀ պարեկային ծառայության 2-րդ գումարտակի 2-րդ վաշտի կրտսեր պարեկ Սերյոժա Վահանի Ղազարյանը կազմել է վարչական իրավախախտումների վերաբերյալ թիվ 8180416237 արձանագրությունն այն մասին, որ Մհեր Գարեգինի Խաչատրյանը (ծնված 06.10.1982թ., բնակվող՝ քաղաք Երևան, Արաբկիր, Գյուլբենկյան փողոց, 21 շենք, 51 բնակարան, ՀԾՀ՝ 1610820428) 2024 թվականի հոկտեմբերի 7-ին՝ ժամը 03։20-ին, Երևան քաղաքի Գարեգին Նժդեհի հրապարակում վարել է ԲՄՎ մակնիշի 797MM77 հաշվառման համարանիշի տրանսպորտային միջոցը՝ չունենալով տվյալ կարգի տրանսպորտային միջոցներ վարելու իրավունքի վկայական և գտնվելով ոչ սթափ վիճակում:
1.6. 2024 թվականին հոկտեմբերի 26-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60661324 քրեական վարույթը:
1.7. 2024 թվականի հոկտեմբերի 25-ին ՀՀ ՆԳՆ ոստիկանության պարեկային ծառայությունից ստացվել է հաղորդում այն մասին, որ 2024 թվականի հոկտեմբերի 16-ին՝ ժամը 03։35-ին, ՀՀ պարեկային ծառայության 1-ին գումարտակի 3-րդ վաշտի կրտսեր պարեկ Հայկ Յուրիկի Բարսեղյանը կազմել է վարչական իրվախախտումների վերաբերյալ թիվ 8180407680 արձանագրությունն այն մասին, որ Մհեր Գարեգինի Խաչատրյանը (ծնված 06.10.1982թ., բնակվող՝ քաղաք Երևան, Արաբկիր, Գյուլբենկյան փողոց, 21 շենք, 51 բնակարան, ՀԾՀ՝ 1610820428) 2024 թվականի հոկտեմբերի 16-ին՝ ժամը 03։20-ին, Երևան քաղաքի Ազատամարտիկների պողոտայում վարել է Ջակ մակնիշի 797GE77 հաշվառման համարանիշի տրանսպորտային միջոցը՝ չունենալով տվյալ կարգի տրանսպորտային միջոցներ վարելու իրավունքի վկայական և ոչ սթափ վիճակում:
1.8. 2024 թվականի հոկտեմբերի 26-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60661424 քրեական վարույթը:
1.9. 2024 թվականի հոկտեմբերի 28-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում որոշում է կայացվել թիվ 60661324 և թիվ 60661424 քրեական վարույթները թիվ 60569924 քրեական վարույթին միացնելու և նախաքննությունը թիվ 60569924 համարի ներքո շարունակելու մասին:
1.10. 2024 թվականի նոյեմբերի 20-ին ՀՀ դատախազության Երևան քաղաքի Աջափնյակ և Դավթաշեն վարչական շրջանների դատախազության դատախազ Բ.Ղազինյանը որոշում է կայացրել Մհեր Գարեգինի Խաչատրյանի նկատմամբ ՀՀ քրեական օրենսգրքի 344-րդ հոդվածի 2-րդ մասով(3 դրվագ) նախատեսված հանցանքի հատկանիշներով նոր հանրային քրեական հետապնդում հարուցելու մասին:
1.11. Թիվ 60569924 քրեական վարույթի նյութերն ըստ մեղադրանքի Մհեր Գարեգինի Խաչատրյանի ՝ ՀՀ քրեական օրենսգրքի 344-րդ հոդվածի 2-րդ մասով(3 դրվագ) 2024 թվականի դեկտեմբերի 11-ի գրությամբ Երևանի քաղաքի Աջափնյակ և Դավթաշեն վարչական շրջանների դատախազությունից ուղարկվել է Երևան քաղաքի առաջին ատյանի ընդհանուր իրավասության քրեական դատարան, մուտքագրվել է 11․12․2024 թվականին և նույն օրը համակարգչային ծրագրի միջոցով իրականացվող գործերի բաշխմամբ` վարույթը մակագրվել է դատավոր Մասիս Մելքոնյանին: Քրեական վարույթին շնորհվել է թիվ ԵԴ1/3733/01/24 համարը:
1.12. 2024 թվականի դեկտեմբերի 12-ին դատավոր Մ.Մելքոնյանի կողմից որոշում է կայացվել Մհեր Գարեգինի Խաչատրյանի վերաբերյալ՝ ՀՀ քրեական օրենսգրքի 344-րդ հոդվածի 2-րդ մասով(3 դրվագ) թիվ ԵԴ1/3733/01/24 քրեական վարույթը ստանձնելու և նախնական դատալսումների նշանակելու մասին:
1.13. 2025 թվականի փետրվարի 25-ին մեղադրյալ Մհեր Գարեգինի Խաչատրյանի նկատմամբ ՀՀ քրեական օրենսգրքի 344-րդ հոդվածի 2-րդ մասով (3 դրվագով) Դատարանը կայացրել է մեղադրական վերդիկտ և նշանակել լրացուցիչ դատալսումներ։ Վերդիկտ կայացնելիս Դատարանը քննարկելով խափանման միջոցի հարցը՝ մեղադրյալ Մ.Խաչատրյանի նկատմամբ ընտրված խափանման միջոց բացակայելու արգելքը թողել է անփոփոխ։
2. Մեղադրանքի փաստական նկարագրությունը.
Մհեր Գարեգինի Խաչատրյանին մեղադրանք է առաջադրվել ՀՀ քրեական օրենսգրքով նախատեսված, պատժի սպառնալիքով արգելված, մեղավորությամբ կատարված հանրորեն վտանգավոր այն արարքի կատարման համար, որ նա, չունենալով տրանսպորտային միջոց վարելու իրավունք, 2024 թվականի օգոստոսի 14-ին ժամը 01.00-ի սահմաններում Երևան քաղաքի Աշտարակի խճուղում հարբած (ոչ սթափ) վիճակում արտաշնչած մեկ լիտր օդի մեջ ալկոհոլի պարունակությունը կազմել է 0.333 մգ/լ, վարել է «ՋԱՔ» մակնիշի 797GE77 հաշվառման համարանիշի տրանսպորտային միջոցը, որպիսի փաստն արձանագրվել է ՀՀ ՆԳՆ ոստիկանության պարեկային ծառայության ծառայողի կողմից նույն օրը կազմված վարչական իրավախախտման վերաբերյալ թիվ 8180417550 արձանագրությամբ:
Այսինքն՝ Մհեր Գարեգինի Խաչատրյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 344-րդ հոդվածի 2-րդ մասով:
Բացի այդ՝ Մհեր Գարեգինի Խաչատրյանը, չունենալով տրանսպորտային միջոց վարելու իրավունք, 2024 թվականի հոկտեմբերի 07-ին ժամը 03.20-ի սահմաններում Երևան քաղաքի Գարեգին Նժդեհի հրապարակում հարբած (ոչ սթափ) վիճակում' արտաշնչած մեկ լիտր օդի մեջ ալկոհոլի պարունակությունը կազմել է 0.631 մգ/լ, վարել է «ԲՄՎ» մակնիշի 797MM77 հաշվառման համարանիշի տրանսպորտային միջոցը. որպիսի փաստն արձանագրվել է ՀՀ ՆԳՆ ոստիկանության պարեկային ծառայության ծառայողի կողմից՝ նույն օրը կազմված վարչական իրավախախտման վերաբերյալ թիվ 8180416237 արձանագրությամբ:
Այսինքն՝ Մհեր Գարեգինի Խաչատրյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 344-րդ հոդվածի 2-րդ մասով:
Բացի այդ՝ Մհեր Գարեգինի Խաչատրյանը, չունենալով տրանսպորտային միջոց վարելու իրավունք, 2024 թվականի հոկտեմբերի 16-ին ժամը 03.20-ի սահմաններում Երևան քաղաքի Ազատամարտիկների պողոտայում հարբած (ոչ սթափ) վիճակում' արտաշնչած մեկ լիտր օդի մեջ ալկոհոլի պարունակությունը կազմել է 0.460 մգ/լ. վարել է «ՋԱՔ» մակնիշի 797GE77 հաշվառման համարանիշի տրանսպորտային միջոցը, որպիսի փաստն արձանագրվել է ՀՀ ՆԳՆ ոստիկանության պարեկային ծառայության ծառայողի կողմից նույն օրը կազմված Վարչական իրավախախտման վերաբերյալ թիվ 8180407680 արձանագրությամբ:
Այսինքն՝ Մհեր Գարեգինի Խաչատրյանին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 344-րդ հոդվածի 2-րդ մասով:
Այսպիսով, Մհեր Գարեգինի Խաչատրյանին մեղսագրվում է հանցավոր արարքների կատարում, որոնք նախատեսված է ՀՀ քրեական օրենսգրքի 344-րդ հոդվածի 2-րդ մասով /3 դրվագ/:
3. Դատաքննության ընթացքում հետազոտված թույլատրելի ապացույցները.
Մեղադրյալ Մհեր Գարեգինի Խաչատրյանը հիմնական դատալսումների ժամանակ հրաժարվել է ցուցմունք տալուց՝ միաժամանակ պնդելով նախաքննության ընթացքում տված ցուցմունքը տե´ս 20․02․2025թ․ դատական նիստի արձանագրությունը:
3.1. Դատարանը, ղեկավարվելով ՀՀ քրեական դատավարության օրենսգրքի 330-րդ հոդվածի 1-ին մասի 3-րդ կետով, որոշել է հրապարակել մեղադրյալի նախաքննական ցուցմունքները: Ներկայացված մեղադրանքում մեղադրյալ Մհեր Գարեգինի Խաչատրյանը իրեն մեղավոր է ճանաչել ամբողջությամբ և ցուցմունքով հայտնել է, որ զղջում է կատարվածի համար, սակայն չի ցանկանում մեկնաբանել կատարած արարքները։ Այլ բան չի ավելացրել Վ.Թ. 90-91, տե´ս 20․02․2025թ․ դատական նիստի արձանագրությունը:
3.2. Հիմնական դատալսումների ժամանակ հետազոտվել է արտավարութային փաստաթուղթ ճանաչված՝ վարչական իրավախախտումների վերաբերյալ թիվ 81804177550 արձանագրությունը, համաձայն որի՝ 2024 թվականի օգոստոսի 14-ին՝ ժամը 01:00-ին, Երևան քաղաքի Աշտարակի խճուղիում, Մհեր Գարեգինի Խաչատրյանը (ծնված 06.10.1982թ., բնակվող՝ քաղաք Երևան, Արաբկիր, Գյուլբենկյան փողոց, 21 շենք, 51 բնակարան, ՀԾՀ՝ 1610820428) «ՋԱՔ» մակնիշի 797GE77 հաշվառման համարանիշի տրանսպորտային միջոցը վարել է՝ չունենալով տվյալ կարգի տրանսպորտային միջոցը վարելու իրավունքի վկայական և ոչ սթափ վիճակում: Ս/հ 91101089, զ/հ 00764: Արձանագրությանը կցվում է հատվածում առկա է գրառում՝ սթափության կտրոն։
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է գրառում՝ «Համաձայն եմ» և ստորագրություն:
Արձանագրությանը, իրավունքներին և պարտականություններին ծանոթանալու հատվածում առկա է ազգանուն և ստորագրություն: Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր/կոդ նշված՝ 203.5 թիվը Վ.Թ. 3-8, տե´ս 20․02.2025թ․ դատական նիստի արձանագրությունը:
3.3. Հիմնական դատալսումների ժամանակ հետազոտվել է արտավարութային փաստաթուղթ ճանաչված՝ վարորդի սթափության վիճակի զննության կտրոնը, որի զննությամբ պարզվել է, որ ստուգաչափման սարքի համարն է՝ 91101089, զննման համարը՝ 00764, զննման ամսաթիվը՝ 14.08.2024թ., զննման ժամը՝ 01:02:24, վերջին ստուգաչափման ամսաթիվը՝ 24.05.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0,333 մգ/լ, վարորդի անունն է՝ Մհեր, ազգանունը՝ Խաչատրյան, տրանսպորտային միջոցի համարանիշը՝ 797GE77, Անձ՝ 009403296, Պ/Ծ տեսուչ՝ Հակոբյան, կրծքանշանի համարը՝ 05385, ստորաբաժանումը՝ 4-րդ գումարտակ, 1-ին վաշտ Վ.Թ. 42-46 տե´ս 20․02.2025թ․ դատական նիստի արձանագրությունը:
3.4. Հիմնական դատալսումների ժամանակ հետազոտվել է արտավարութային փաստաթուղթ ճանաչված՝ ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 125435 ստուգաչափման վկայականը, որի զննությամբ պարզվել է, որ վկայականն ուժի մեջ է 2024 մայիսի 24-ից մինչև 2025 թվականի մայիսի 24-ը, ստուգաչափման սարքի գործարանային համարն է 91101089, տեսակը՝ Jupiter X/RP, չափման տիրույթը՝ 0.000÷2,000մգ/լ, ճշտության դասը, կարգը /սխալանքը/ 0-0,1±5-%, 0,1-0,15±8%>0,15±10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Ա. Գուլքանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ. Մարտիրոսյան Վ.Թ. 54-58 տե´ս 20․02.2025թ․ դատական նիստի արձանագրությունը:
3.5. Հիմնական դատալսումների ժամանակ հետազոտվել է արտավարութային փաստաթուղթ ճանաչված՝ ՀՀ ոստիկանության Ճանապարհային ոստիկանություն ծառայության էլեկտրոնային ռեգիստրից ստացված տեղեկատվության լուսապատճենը, համաձայն որի՝ Մհեր Գարեգինի Խաչատրյան (ՀԾՀ՝ 1610820428) տվյալներով վարորդական իրավունքի վկայական չի գտնվել տե´ս 20․02․2025թ․ դատական նիստի արձանագրությունը:
3.6. Հիմնական դատալսումների ժամանակ հետազոտվել է արտավարութային փաստաթուղթ ճանաչված՝ վարչական իրավախախտումների վերաբերյալ թիվ 8180416237 արձանագրությունը,համաձայն որի՝ Մհեր Գարեգինի Խաչատրյանը (ծնված 06.10.1982թ., բնակվող՝ քաղաք Երևան, Արաբկիր, Գյուլբենկյան փողոց, 21 շենք, 51 բնակարան, ՀԾՀ՝ 1610820428) 2024 թվականի հոկտեմբերի 7-ին՝ ժամը 03։20-ին, Երևան քաղաքի Գարեգին Նժդեհի հրապարակում վարել է ԲՄՎ մակնիշի 797MM77 հաշվառման համարանիշի տրանսպորտային միջոցը՝ չունենալով տվյալ կարգի տրանսպորտային միջոցներ վարելու իրավունքի վկայական և ոչ սթափ վիճակում: Արձանագրությանը կցվում է հատվածում գրառում առկա չէ: Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն և գրառում՝ Տրանսպորտային միջոցն ի պահ հանձնվեց Արտեմ Միքայելյանին, վ/վ RB152715:
Արձանագրությանը, իրավունքներին և պարտականություններին ծանոթանալու հատվածում առկա է ստորագրություն: Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր/կոդ նշված՝ 203.5 թիվը Վ.Թ. 73-74 տե´ս 20․02.2025թ․ դատական նիստի արձանագրությունը:
3.7. Հիմնական դատալսումների ժամանակ հետազոտվել է արտավարութային փաստաթուղթ ճանաչված՝ վարորդի սթափության վիճակի զննության կտրոնը, որի զննությամբ պարզվել է, որ ստուգաչափման սարքի համարն է՝ 91101199, զննման համարը՝ 02111, զննման ամսաթիվը՝ 07.10.2024թ., զննման ժամը՝ 03:32:46-ին, վերջին ստուգաչափման ամսաթիվը՝ 13.08.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0,631 մգ/լ, վարորդի անունն է՝ Մհեր՝ կողքին ստորագրություն, ազգանունը՝ Խաչատրյան, տրանսպորտային միջոցի համարանիշը՝ 797MM77, անձնագիր՝ 009403296, Պ/Ծ տեսուչ՝ Ղազարյան, կրծքանշանի համարը՝ 10659, ստորաբաժանումը՝ 2-րդ գումարտակ, 2-րդ վաշտ տե´ս 20․02.2025թ․ դատական նիստի արձանագրությունը:
3.8. Հիմնական դատալսումների ժամանակ հետազոտվել է արտավարութային փաստաթուղթ ճանաչված՝ ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ի կողմից տրված թիվ 131490 ստուգաչափման վկայականը, համաձայն որի՝ վկայականն ուժի մեջ է 2024 թվականի օգոստոսի 13-ից մինչև 2025 թվականի օգոստոսի 13-ը, ստուգաչափման սարքի գործարանային համարն է 91101199, տեսակը՝ Jupiter X/RP, չափման տիրույթը՝ 0.000÷2,000մգ/լ, ճշտության դասը, կարգը /սխալանքը/ 0-0,1±5-%, 0,1-0,15±8%>0,15±10%, արտադրողը՝ Չինաստան, պատկանում է ՀՀ ՆԳՆ ոստիկանությանը, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Վ. Բաբաջանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ.Մարտիրոսյան տե´ս 20․02․2025թ․ դատական նիստի արձանագրությունը:
3.9. Հիմնական դատալսումների ժամանակ հետազոտվել է արտավարութային փաստաթուղթ ճանաչված՝ վարչական իրավախախտումների վերաբերյալ թիվ 8180407680 արձանագրությունը, համաձայն որի՝ Մհեր Գարեգինի Խաչատրյանը (ծնված 06.10.1982թ., բնակվող՝ քաղաք Երևան, Արաբկիր, Գյուլբենկյան փողոց, 21 շենք, 51 բնակարան, ՀԾՀ՝ 1610820428) 2024 թվականի հոկտեմբերի 16-ին՝ ժամը 03։20-ին, Երևան քաղաքի Ազատամարտիկների պողոտայում վարել է Ջակ մակնիշի 797GE77 հաշվառման համարանիշի տրանսպորտային միջոցը՝ չունենալով տվյալ կարգի տրանսպորտային միջոցներ վարելու իրավունքի վկայական և ոչ սթափ վիճակում: Արձանագրությանը կցվում է հատվածում առկա է գրառում՝ զննման կտրոն: Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն և գրառում՝ Համաձայն եմ: Արձանագրությանը, իրավունքներին և պարտականություններին ծանոթանալու հատվածում առկա է ազգանուն և ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր/կոդ նշված՝ 203.5 թիվը/ տե´ս 20․02.2025թ․ դատական նիստի արձանագրությունը:
3.10. Հիմնական դատալսումների ժամանակ հետազոտվել է արտավարութային փաստաթուղթ ճանաչված՝ վարորդի սթափության վիճակի զննության կտրոնը, որի զննությամբ պարզվել է, որ ստուգաչափման սարքի համարն է՝ 91100960, զննման համարը՝ 02371, զննման ամսաթիվը՝ 16.10.2024թ., զննման ժամը՝ 03։28։32-ին, վերջին ստուգաչափման ամսաթիվը՝ 04.04.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0,460 մգ/լ, վարորդի անունն է՝ Մհեր, ազգանունը՝ Խաչատրյան, տրանսպորտային միջոցի համարանիշը՝ 797GE77, ՀԾՀ՝ 1610820428, Պ/Ծ տեսուչ՝ Բարսեղյան, կրծքանշանի համարը՝ 08234, ստորաբաժանումը՝ 1-ին գումարտակ, 3-րդ վաշտ տե´ս 20․02.2025թ․ դատական նիստի արձանագրությունը:
3.11. Հիմնական դատալսումների ժամանակ հետազոտվել է արտավարութային փաստաթուղթ ճանաչված՝ ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 120887 ստուգաչափման վկայականը, համաձայն որի՝ վկայականն ուժի մեջ է 2024 թվականի ապրիլի 4-ից մինչև 2025 թվականի ապրիլի 4-ը, ստուգաչափման սարքի գործարանային համարն է 91100960, տեսակը՝ Jupiter X/RP, չափման տիրույթը՝ 0.000÷2,000մգ/լ, ճշտության դասը, կարգը /սխալանքը/ 0-0,1±5-%, 0,1-0,15±8%>0,15±10%, արտադրողը՝ Չինաստան, պատկանում է ՀՀ ՆԳՆ ոստիկանությանը, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Ա. Բաբաջանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ.Մարտիրոսյան տե´ս 20․02.2025թ․ դատական նիստի արձանագրությունը:
4. Դատարանի իրավական վերլուծություները․
4.1.ՀՀ քրեական օրենսգրքի 344-րդ հոդվածը սահմանում է՝ տրանսպորտային միջոցներ վարելու իրավունքից զրկված կամ այդ իրավունքը կասեցված անձի կողմից տրանսպորտային միջոցներ վարելը կամ այդ անձի կամ տրանսպորտային միջոցներ վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ սթափության վիճակի զննություն անցնելուց հրաժարվելը կամ խուսափելը 1. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը` պատժվում է տուգանքով` առավելագույնը տասնապատիկի չափով, կամ հանրային աշխատանքներով` առավելագույնը հարյուր ժամ տևողությամբ, կամ կարճաժամկետ ազատազրկմամբ` առավելագույնը մեկ ամիս ժամկետով:
4.2.ՀՀ քրեական օրենսգրքի 51-րդ հոդվածը սահմանում է հանցագործությունների բազմակիության հասկացությունը և տեսակները, համաձայն որի՝ 1. Հանցագործությունների բազմակիություն է համարվում միևնույն անձի կողմից երկու կամ ավելի հանցանք կատարելը: 2.Հանցագործությունների բազմակիության տեսակներն են՝ հանցագործությունների համակցությունը և հանցագործությունների ռեցիդիվը: 3. Հանցագործությունների բազմակիությունը բացակայում է, եթե նախորդ հանցագործության համար մարվել կամ վերացվել է դատվածությունը, կամ անձն օրենքով սահմանված կարգով ազատվել է քրեական պատասխանատվությունից: 4.Հանցագործությունների բազմակիությունը բացակայում է մեկ տևող կամ շարունակվող հանցագործության դեպքում: 5.Հանցագործությունների բազմակիությունը բացակայում է սույն օրենսգրքի Հատուկ մասով նախատեսված քրեաիրավական նորմերի մրցակցության դեպքում:
4.3. ՀՀ քրեական օրենսգրքի 53-րդ հոդվածը սահմանում է հանցագործությունների համակցությունը, համաձայն որի՝ 1. Հանցագործությունների համակցություն է համարվում միևնույն անձի կողմից մեկ կամ մեկից ավելի արարքներով սույն օրենսգրքով նախատեսված երկու կամ ավելի հանցանք կատարելը, եթե նա դրանցից ոչ մեկի համար քրեական պատասխանատվության չի ենթարկվել: 2.Եթե անձի մեկ արարքում առկա են սույն օրենսգրքի միևնույն հոդվածի միևնույն մասի տարբեր կետերով նախատեսված ծանրացնող հանգամանքներ, ապա հանցագործությունների համակցությունը բացակայում է: Այդ դեպքում, արարքը որակելիս՝ նշվում են այն բոլոր կետերը, որոնցում նախատեսված հանգամանքներն առկա են անձի արարքում: 3.Հանցագործությունների համակցությունը բացակայում է նաև երկընտրելի օբյեկտիվ կողմ ունեցող հանցակազմերի իրականացման այն դեպքում, երբ միևնույն անձը միասնական դիտավորությամբ կատարում է այդ հանցակազմի օբյեկտիվ կողմի մեջ մտնող մեկից ավելի արարքներ: 4. Հանցագործությունների համակցության դեպքում՝ անձը ենթակա է քրեական պատասխանատվության յուրաքանչյուր հանցագործության համար` սույն օրենսգրքի Հատուկ մասի համապատասխան հոդվածով կամ հոդվածի մասով:
4.4.Դատարանն արձանագրում է, որ ամբաստանյալ Մհեր Խաչատրյանին մեղսագրվող հանցանքները նրա կողմից կատարվել են տարբեր արարքներով, տարբեր օրերի ընթացքում, որոնց միջև առկա է ժամանակային շեղում, մեղսագրվող արարքներից և ոչ մեկը տևող հանցագործություն չէ, նախորդ և հաջորդ արարքների միջև լրացած չէ քրեական պատասխանատվության համար սահմանված վաղեմության ժամկետները, որպիսի պայմաններում Դատարանը եզրակացնում է, որ մեղադրյալի մոտ բացակայել է բոլոր արարքների իրագործման վերաբերյալ միասնական դիտավորությունը, այլ՝ յուրաքանչյուր արարքի դեպքում, նրա մոտ ծագել է նոր դիտավորություն: Կատարված և ոչ մի արարքի համար մեղադրյալը քրեական պատասխանատվության չի ենթարկվել և կատարված յուրաքանչյուր արարք առանձին վերցրած՝ ինքնուրույն հանցագործություն է, չնայած այն հանգամանքին, որ նրա կողմից կատարված բոլոր արարքներն իրավաբանական որակման տեսանկյունից միաբնույթ են, սակայն տարբեր են դրանց իրականացման փաստական հանգամանքները օբյեկտիվ կողմի տարրերը: Այսինքն՝ առկա է հանցագործությունների ռեալ իրական) համակցություն:
4.5. Հանցագործությունների համակցության վերաբերյալ ՀՀ Վճռաբեկ դատարանը թիվ ԿԴ1/0006/01/15 քրեական գործով 2017 թվականի հունիսի 22-ի որոշմամբ՝ արձանագրել է ...Վճռաբեկ դատարանն արձանագրում է, որ ՀՀ քրեական օրենսգրքի 20-րդ հոդվածով նախատեսված հանցագործությունների իրական համակցությունը շարունակվող հանցագործությունից տարանջատելու չափանիշները, շարունակվող հանցագործությանը ներկայացվող բնութագրական հատկանիշները վերլուծության են ենթարկվել Վ. Մկրտչյանի և մյուսների գործով Վճռաբեկ դատարանի կողմից կայացված որոշման շրջանակներում: Այսպես, վերահաստատելով և զարգացնելով Գարսևան Ոսկանյանի, ինչպես նաև Ս. Ղամբարյանի և այլոց գործերով արտահայտված իրավական դիրքորոշումները՝ Վճռաբեկ դատարանը Վ. Մկրտչյանի և մյուսների գործով որոշման շրջանակներում փաստել է.«(...)[Թե՛ իրական համակցությունը, թե՛ շարունակվող հանցագործությունը դրսևորվում են մեկից ավելի արարքների կատարմամբ, հետևաբար, կատարվող արարքներին ճիշտ քրեաիրավական գնահատական տալու հարցում կարևոր է դրանց տարանջատման հստակ չափանիշների սահմանումը: Այսպես` հանցագործությունների իրական համակցությունը հանցագործությունների բազմակիության տեսակներից մեկն է (հանցագործությունների ռեցիդիվի հետ միասին) և բնութագրվում է վերջինիս բնորոշ այնպիսի ընդհանուր հատկանիշով, ինչպիսին է միևնույն անձի կողմից մեկից ավելի արարքներով երկու կամ ավելի ինքնուրույն հանցակազմ պարունակող հանցանքներ կատարելով: Ընդ որում, իրական համակցություն են կազմում տարբեր, միասնական դիտավորությամբ չկապված այնպիսի արարքներ, որոնք պարունակում են ՀՀ քրեական օրենսգրքի տարբեր կամ միևնույն հոդվածներով նախատեսված հանցագործության հատկանիշներ: (...)Հետևաբար, Վճռաբեկ դատարանն ընդգծում է, որ հանցագործությունների իրական համակցության կամ շարունակվող հանցագործության կանոնները կիրառելու և հանցավորի արարքներին ճիշտ քրեաիրավական գնահատական տալու համար քրեական վարույթն իրականացնող մարմինը հատուկ ուշադրություն պետք է դարձնի կոնկրետ հանցագործության օբյեկտին, կատարվող արարքների բնույթին, կատարման եղանակին, աղբյուրին, դիտավորության ու նպատակի առանձնահատկություններին» (տե՛ս Վարդան Մկրտչյանի, Արբակ Առաքելյանի և Գրիշա Մուրադյանի գործով Վճռաբեկ դատարանի` 2016 թվականի նոյեմբերի 1-ի թիվ ԿԴ3/0034/01/15 որոշման 13-14-րդ կետերը) (...):
4.6. Հաստատված համարելով մեղադրյալ Մհեր Խաչատրյանի մեղավորությունը ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքների 3 երեք) դրվագով կատարման մեջ՝ Դատարանը գտնում է, որ անհրաժեշտ է անդրադառնալ մեղադրյալի նկատմամբ պատիժ նշանակելու հետ կապված հետևյալ հարցերին.
 դատապարտված մեղադրյալի պատասխանատվությունը և պատիժը մեղմացնող կամ ծանրացնող հանգամանքներին, ինչպես նաև նրա անձը բնութագրող հանգամանքներին:
 Դատարանը, որպես մեղադրյալ Մհեր Խաչատրյանի պատիժը մեղմացնող հանգամանք է դիտարկում առաջադրված մեղադրանքում իրեն մեղավոր ճանաչելը, նախաքննության ընթացքում խոստովանական ցուցմունք տալը և հանցանքի կատարման համար զղջալը (տե՛ս Սերոբ Ֆրունզիկի Սարգսյանի վերաբերյալ ՀՀ Վճռաբեկ դատարանի՝ 2012 թվականի նոյեմբերի 1-ի թիվ ՍԴ/0109/01/12 որոշումը):
4.7. Դատարանն արձանագրում է, որ գործում պատիժը ծանրացնող հանգամանք առկա չէ։
4.8. Անդրադառնալով պատժի հարցերին՝ Դատարանն արձանագրում է, որ սույն քրեական վարույթով մեղադրյալ Մհեր Խաչատրյանին պատասխանատվությունից, պատժից ազատելու հիմքեր առկա չեն, հետևաբար վերջինս ենթակա է պատժի՝ իր կատարած արարքի համար:
4.9. ՀՀ քրեական օրենսգրքի 7-րդ հոդվածի 1-ին մասի համաձայն` հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը (…):
4.10. ՀՀ քրեական օրենսգրքի 55-րդ հոդվածի 1-ին մասի համաձայն՝ պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամօդրանցօսահմանափակմամբ:Նույն հոդվածի 2-րդ մասի համաձայն՝ պատժի նպատակներն են՝ վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:
4.11. ՀՀ քրեական օրենսգրքի 69-րդ հոդվածի 1-ին, 2-րդ և 3-րդ մասերի համաձայն` հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները: Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ: Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
Մեջբերված իրավական նորմերը ՀՀ Վճռաբեկ դատարանը վերլուծել և դրանց վերաբերյալ իրավական դիրքորոշումներ է հայտնել թիվ ՎԲ-50/07, ՎԲ-124/07, ՎԲ-142/07, ՎԲ-192/07, ՎԲ-201/07, ԵՇԴ/0029/01/08, ԱՎԴ2/0059/01/08, ԵԱՔԴ/0078/01/09 ԵԿԴ/0042/01/11, ինչպես նաև մի շարք այլ գործերով կայացված որոշումներում: Նշված դատական ակտերում ՀՀ վճռաբեկ դատարանի ձևավորած կայուն նախադեպային իրավունքի համաձայն՝ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման: Քրեական օրենքը համընդհանուր բնույթ ունի, իսկ արարքը և այն կատարող անձը կոնկրետ են: Հետևաբար, կոնկրետ գործով պատիժ նշանակելիս՝ դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, այն կատարող անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված՝ պատժի նպատակների իրացումն ապահովելու անհրաժեշտությունից:
4.12. ՀՀ քրեական օրենսգրքի 74-րդ հոդվածը սահմանում է պատիժ նշանակելը հանցագործությունների համակցության դեպքում, համաձայն որի՝ 1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում՝ վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս՝ մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը: 2. Եթե հանցագործությունների համակցությունն ընդգրկում է միայն ոչ մեծ ծանրության հանցանքներ, ապա ազատազրկման ձևով վերջնական պատիժը նշանակվում է պատիժները լրիվ կամ մասնակիորեն գումարելու միջոցով: Գումարելիս՝ ազատազրկման ձևով վերջնական պատիժը չի կարող գերազանցել 5 տարին (…):
4.13. ՀՀ քրեական օրենսգրքի 77-րդ հոդվածը սահմանում է պատիժ նշանակելը համաձայնեցման կամ համագործակցության կամ արագացված վարույթի դեպքում, համաձայն որի՝ ...)4.1. Արագացված վարույթ կիրառելու դեպքում՝ պատիժը չի կարող գերազանցել սույն օրենսգրքի Հատուկ մասի համապատասխան հոդվածի սանկցիայով նախատեսված առավել խիստ պատժատեսակի համար նախատեսված առավելագույն չափի կամ ժամկետի երեք քառորդը: Եթե առավել խիստ պատժատեսակի երեք քառորդը պակաս է ստացվում սույն օրենսգրքի Հատուկ մասի համապատասխան հոդվածի սանկցիայով նախատեսված առավել խիստ պատժատեսակի նվազագույն չափից կամ ժամկետից, ապա այն չի կարող պակաս լինել նվազագույն չափից կամ ժամկետից: ...) 6. Հանցագործությունների համակցության դեպքում պատիժ նշանակելիս՝ սույն հոդվածով նախատեսված կանոնները կիրառելի են համակցության մեջ ընդգրկված յուրաքանչյուր հանցագործության համար առանձին:
4.14. ՀՀ քրեական դատավարության օրենսգրքի 464.4-րդ հոդվածի 2-րդ մասի համաձայն՝ Դատարանը, արագացված վարույթի արդյունքով մեղադրական դատավճիռ կայացնելիս, նշանակում է պատիժ՝ հաշվի առնելով Հայաuտանի Հանրապետության քրեական օրենսգրքի ընդհանուր մասի վերաբերելի դրույթները։
4.15. Պատիժ նշանակելու ընդհանուր սկզբունքներին ՀՀ Վճռաբեկ դատարանն անդրադարձել է Նարեկ Սարգսյանի վերաբերյալ 2011 թվականի դեկտեմբերի 22-ի թիվ ԵԿԴ/0042/01/11 գործով կայացված որոշման մեջ, որտեղ իրավական դիրքորոշում է ձևավորել այն մասին, որ «(...) Պատիժ նշանակելու ընդհանուր սկզբունքները քրեական օրենքով նախատեսված այն հիմնադրույթներն են, որոնցով պետք է ղեկավարվի դատարանը պատիժ նշանակելիս: Այդ սկզբունքներն են՝ ա) օրինականությունը, բ) արդարությունը, գ) պատժի անհատականացումը,դ)մարդասիրությունը: Պատիժ նշանակելու վերոնշյալ սկզբունքները սահմանում են այն հիմնական դրույթները, որոնցով ղեկավարվում է դատարանը յուրաքանչյուր քրեական գործով պատժի տեսակն ու չափն ընտրելիս: (…) Պատժի նշանակման իրավական շրջանակները սահմանված են ՀՀ քրեական օրենսգրքով: Դրա հետ մեկտեղ, սակայն, վերոնշյալ օրենքը դատարանին հնարավորություն է տվել որոշակի սկզբունքների (…) պահպանմամբ, իր ներքին համոզմանը և իրավագիտակցությանը համապատասխան, ՀՀ քրեական օրենսգրքի Ընդհանուր և Հատուկ մասերով նախատեսված սահմաններում որոշել պատժի տեսակն ու չափը: Այլ կերպ՝ ուրվագծելով կոնկրետ հանցանքի համար նշանակման ենթակա պատժի առավելագույն և նվազագույն սահմանները՝ ՀՀ քրեական օրենքը դատարանին տվել է այդ շրջանակում հայեցողություն դրսևորելու հնարավորություն»։ ՀՀ Վճռաբեկ դատարանն Արարատ Ավագյանի և Վահան Սահակյանի վերաբերյալ 2009 թվականի փետրվարի 17-ի թիվ ԵԿԴ/0252/01/13 որոշմամբ՝ արտահայտել է հետևյալ իրավական դիրքորոշումը. «(…) Նշանակվող պատժի արդարացիության հիմնական պահանջն այն է, որ պատիժը պետք է համապատասխանի հանցագործության հանրային վտանգավորության աստիճանին և բնույթին (…)»:
4.16. Հանցագործության հանրային վտանգավորության տիպային բնութագիրն արտացոլվում է օրենսդրի կողմից սահմանված սանկցիայում, իսկ յուրաքանչյուր կոնկրետ գործով արարքի հանրային վտանգավորության գնահատականը դատարանի կողմից կարող է որոշվել կոնկրետ հանցագործության տարրերի առանձնահատկությունների, դրա կատարման հանգամանքների, հանցավորի անձնավորության, պատասխանատվությունն ու պատիժը մեղմացնող և ծանրացնող հանգամանքների հիման վրա (…)։
4.17. Պատժի անհատականացման սկզբունքի բովանդակության հիմնական մասն է կազմում նաև հանցավորի անձը բնութագրող տվյալների գնահատումը, որոնք իրենց ամբողջության մեջ հնարավորություն են տալիս անձին դիտել ոչ միայն որպես հանցանք կատարող, որը պետք է պատասխանատվություն կրի, այլ նաև որպես կոնկրետ անձ՝ իր անհատական հատկանիշներով: Ընդ որում, անձի այն հատկանիշները, որոնք գտնվում են հանցակազմից դուրս, նշանակություն են ունենում դատարանի կողմից պատժի տեսակը և չափը որոշելիս: Որպես հանցավորի անձը բնութագրող հատկանիշներ՝ գնահատվում են նրա սոցիալ-հոգեբանական, սոցիալ-ժողովրդագրական հատկությունները՝ վարքագիծն ընտանիքում և կենցաղում, աշխատանքի նկատմամբ ունեցած վերաբերմունքը, կրթությունը, առողջական վիճակը, տարիքը, ծառայությունը պետության և հասարակության առջև և այլն (…):
4.18. Արարքի բնույթի ու հանրային վտանգավորության աստիճանի վերաբերյալ ՀՀ Վճռաբեկ դատարանը դիրքորոշում է արտահայտել Գարուշ Մադաթյանի վերաբերյալ 2009 թվականի փետրվարի 17-ի թիվ ԵՇԴ/0029/01/08 որոշմամբ, համաձայն որի՝ «(…) Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ: Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը: (…) Արարքի հանրային վտանգավորության բնույթի որոշման հարցում Վճռաբեկ դատարանը կարևորում է խախտված քրեաիրավական նորմով պաշտպանվող հասարակական հարաբերության սոցիալական նշանակությունը: Վճռաբեկ դատարանը գտնում է, որ պատիժ նշանակելիս դատարանները պարտավոր են հաշվի առնել տվյալ ժամանակահատվածում քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը: (…):
4.19. Վերը մեջբերված իրավական նորմերի և դիրքորոշումների լույսի ներքո մեղադրյալ Մհեր Խաչատրյանի նկատմամբ պատժի տեսակը և չափը որոշելիս՝ Դատարանը հաշվի է առնում վերջինիս կողմից կատարված հանցագործության բնույթը և հանրության համար վտանգավորության աստիճանը, մասնավորապես այն, որ նա կատարել է ոչ մեծ ծանրության հանցագործություն, խախտված հասարակական հարաբերության սոցիալական նշանակությունը, հանցանքը կատարելուց հետո մեղադրյալի դրսևորած վարքագիծը, պատասխանատվությունը և պատիժը մեղմացնող հանգամանքները, ինչպես նաև պատասխանատվությունը և պատիժը ծանրացնող հանգամանքների բացակայությունը:
4.20. Դատարանն արձանագրում է նաև, որ սույն քրեական վարույթով գույքային հայց չի ներկայացվել, հանցագործությամբ պատճառված վնասի հատուցման, գույքի բռնագրավման և արգելադրման հետ կապված հարցեր առկա չեն:
4.21. Անդրադառնալով մեղադրյալ Մհեր Խաչատրյանի նկատմամբ ընտրված բացակայելու արգելքի մասին խափանման միջոցին՝ Դատարանը գտնում է, որ այն պետք է թողնել անփոփոխ մինչև դատավճիռն օրինական ուժի մեջ մտնելը:
4.22. Անդրադառնալով ապացույցների տնօրինման և պահպանման հարցին՝ Դատարանը գտնում է, որ արտավարութային փաստաթուղթ ճանաչված փաստաթղթերի պատճենները պետք է պահվեն քրեական գործում:
4.23. ՀՀ քրեական դատավարության օրենսգրքի 464.4-րդ հոդվածի 3-րդ մասի համաձայն՝ նույն օրենսգրքի 167-րդ հոդվածի 1-ին մաuով նախատեսված վարութային ծախսերը մեղադրյալից ենթակա չեն բռնագանձման (քրեական գործով այդպիսիք առկա չեն), իսկ քրեական վարույթի ընթացքում հատուցման ենթակա՝ մեղադրյալին վերագրվող արարքի հետևանքով պատճառված այլ վնաս/ներ/ առկա չէ/են/:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 33-րդ, 346-350-րդ, 364-րդ, 464.1-464.5-րդ հոդվածներով՝ Դատարանը․

Վ Ճ Ռ Ե Ց

1. Մհեր Գարեգինի Խաչատրյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով 3 դրվագ) նախատեսված հանցագործությունների կատարման մեջ՝ 1.2024թ. օգոստոսի 14-ին, 2.2024թ. հոկտեմբերի 7-ին, 3.2024թ. հոկտեմբերի 14-ին, կատարած արարքների համար որպես պատիժ նշանակել տուգանքը՝ յուրաքանչյուր դեպքով նվազագույն աշխատավարձի հնգապատիկի՝ 375.000/երեք հարյուր յոթանասունհինգ հազար/ ՀՀ դրամի չափով՝ յուրաքանչյուր արարքի համար:
2. Պատիժների մասնակի գումարման սկզբունքով Մհեր Գարեգինի Խաչատրյանի նկատմամբ վերջնական պատիժ սահմանել տուգանքը 1.000.000 մեկ միլիոն) ՀՀ դրամի չափով:
3. Մհեր Խաչատրյանին թույլատրել նշանակված պատիժը տուգանքի ձևով վճարել 12 (տասներկու) ամսվա ընթացքում:
4. Մհեր Գարեգինի Խաչատրյանի նկատմամբ ընտրված բացակայելու արգելք խափանման միջոցը թողնել անփոփոխ՝ մինչև դատավճռի օրինական ուժի մեջ մտնելը, իսկ դրանից հետո՝ վերացնել:
5. Դատավճիռը կարող է բողոքարկվել ՀՀ վերաքննիչ քրեական դատարան` այն ստանալու օրվանից հետո՝ մեկամսյա ժամկետում:

ԴԱՏԱՎՈՐ ՄԱՍԻՍ ՄԵԼՔՈՆՅԱՆ