ԵԴ1/3644/01/24





Դ Ա Տ Ա Վ Ճ Ի Ռ

ՀԱՅԱՍՏԱՆԻ ՀԱՆՐԱՊԵՏՈւԹՅԱՆ ԱՆՈւՆԻՑ


«03» մարտի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)


Նախագահող դատավոր
դատական նիստերի քարտուղար
հանրային մեղադրող
տուժող
պաշտպան
մեղադրյալ
Էդ.Մկրտչյան
Գ.Հարությունյան
Տ.Պողոսյան
Լ.Նիկողոսյան
Հ.Ջհանգիրյան
Ա.Քիշմիրյան

դռնբաց դատական նիստում, դատաքննության հատուկ կարգով քննելով քրեական գործն ըստ մեղադրանքի Արա Լևոնի Քիշմիրյանի (ծնված՝ 1986 թվականի մարտի 3-ին Երևան քաղաքում, ազգությամբ՝ հայ, ՀՀ քաղաքացի, ութամյա կրթությամբ, ամուսնացած, խնամքին ունի երկու անչափահաս երեխաներ, նախկինում՝ դատապարտված, բնակվում է Երևան քաղաքի Մկրտիչ Սարգսյան փողոցի 38-րդ շենքի 5-րդ բնակարանում)՝ ՀՀ քրեական օրենսգրքի 167-րդ հոդվածի 1-ին մասի 1-ին կետով,
Պ Ա Ր Զ Ե Ց

Գործի դատավարական նախապատմությունը.
2023 թվականի հունվարի 19-ին ՀՀ քննչական կոմիտեի ՀԿԳ քննության գլխավոր վարչության մարդկանց, թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչության ՀԿԳ ավագ քննիչ Էդ.Թումաղայանի կողմից ՀՀ քրեական օրենսգրքի 188-րդ հոդվածի 2-րդ մասի 2-րդ կետով նախատեսված հանցագործության հատկանիշներով նախաձեռնվել է թիվ 69101323 քրեական վարույթը:
2023 թվականի մարտի 29-ին ՀՀ գլխավոր դատախազության մարդու դեմ ուղղված հանցագործությունների գործերով վարչության դատախազ Տ.Պողոսյանի որոշմամբ թիվ 69101323 քրեական վարույթով Արա Լևոնի Քիշմիրյանի նկատմամբ ՀՀ քրեական օրենսգրքի 188-րդ հոդվածի 2-րդ մասի 2-րդ կետով հարուցվել է հանրային քրեական հետապնդում:
2023 թվականի հունիսի 22-ին Երևան քաղաքի առաջին ատյանի ընդհանուր իրավասության քրեական դատարանի որոշմամբ թիվ 69101323 քրեական վարույթով մեղադրյալ Արա Լևոնի Քիշմիրյանի նկատմամբ որպես խափանման միջոց է ընտրվել կալանքը՝ 2 (երկու) ամիս ժամկետով:
2023 թվականի օգոստոսի 21-ին ՀՀ քննչական կոմիտեի ՀԿԳ քննության գլխավոր վարչության մարդկանց, թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչության ՀԿԳ ավագ քննիչ Էդ.Թումաղայանի որոշմամբ թիվ 69101323 քրեական վարույթով մեղադրյալ Արա Լևոնի Քիշմիրյանի նկատմամբ որպես խափանման միջոց է ընտրվել բացակայելու արգելքը։
2024 թվականի հունվարի 29-ին ՀՀ գլխավոր դատախազության մարդու դեմ ուղղված հանցագործությունների գործերով վարչության դատախազ Տ.Պողոսյանի որոշմամբ թիվ 69101323 քրեական վարույթով Արա Լևոնի Քիշմիրյանի նկատմամբ ՀՀ քրեական օրենսգրքի 188-րդ հոդվածի 2-րդ մասի 2-րդ կետով հարուցված հանրային քրեական հետապնդումը դադարեցվել է՝ ՀՀ քրեական դատավարության օրենսգրքի 12-րդ հոդվածի 1-ին մասի 1-ին կետով նախատեսված՝ անձի կողմից իրեն մեղսագրվող արարքը կատարած չլինելու հիմքով:
2024 թվականի նոյեմբերի 26-ին ՀՀ գլխավոր դատախազության մարդու դեմ ուղղված հանցագործությունների գործերով վարչության դատախազ Տ.Պողոսյանի որոշմամբ թիվ 69101323 քրեական վարույթով Արա Լևոնի Քիշմիրյանի նկատմամբ ՀՀ քրեական օրենսգրքի 167-րդ հոդվածի 1-ին մասով հարուցվել է հանրային քրեական հետապնդում:
2024 թվականի նոյեմբերի 26-ին ՀՀ քննչական կոմիտեի ՀԿԳ քննության գլխավոր վարչության մարդկանց, թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչության ՀԿԳ ավագ քննիչ Էդ.Թումաղայանի որոշմամբ թիվ 69101323 քրեական վարույթով մեղադրյալ Արա Լևոնի Քիշմիրյանի նկատմամբ որպես խափանման միջոց է ընտրվել բացակայելու արգելքը:
2024 թվականի նոյեմբերի 26-ին ՀՀ քննչական կոմիտեի ՀԿԳ քննության գլխավոր վարչության մարդկանց, թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչության ՀԿԳ ավագ քննիչ Էդ.Թումաղայանի որոշմամբ թիվ 69101323 քրեական վարույթից ՀՀ քրեական օրենսգրքի 167-րդ հոդվածի 1-ին մասով նախատեսված հանցագործության հատկանիշներով անջատվել է թիվ 69136624 քրեական վարույթը:
2024 թվականի դեկտեմբերի 5-ին Արա Լևոնի Քիշմիրյանի վերաբերյալ թիվ 69136624 քրեական վարույթը մեղադրական եզրակացությամբ ուղարկվել է Դատարան, որտեղ այն ստացվել է 2024 թվականի դեկտեմբերի 9-ին և քրեական գործին շնորհվել է ԵԴ1/3644/01/24 համարը:
2024 թվականի դեկտեմբերի 10-ին Երևան քաղաքի առաջին ատյանի ընդհանուր իրավասության քրեական դատարանի դատավոր Էդ.Մկրտչյանի որոշմամբ ստանձնվել է թիվ ԵԴ1/3644/01/24 քրեական գործի վարույթը և նշանակվել նախնական դատալսումներ։
Համաձայնեցման վարույթ կիրառելու միջնորդությունը.
ՀՀ քրեական դատավարության օրենսգրքի 311-րդ հոդվածով նախատեսված հարցերի քննարկման ընթացքում մեղադրյալ Արա Քիշմիրյանը միջնորդեց կիրառել համաձայնեցման վարույթ և հայտնեց, որ միջնորդությունը ներկայացրել է կամավոր, խորհրդակցել է պաշտպանի հետ, գիտակցում է համաձայնեցման վարույթով դատաքննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Հանրային մեղադրող Տ.Պողոսյանը, տուժող Լ.Նիկողոսյանը և պաշտպան Հ.Ջհանգիրյանը չառարկեցին համաձայնեցման վարույթով դատաքննություն անցկացնելու միջնորդության դեմ:
Դատարանը, նկատի ունենալով, որ առկա է ՀՀ քրեական դատավարության օրենսգրքի 458-րդ հոդվածի 1-ին մասով նախատեսված հիմքը, ինչպես նաև այն, որ մեղադրյալը համաձայն է իրեն մեղսագրվող արարքին, միջնորդությունը ներկայացրել է կամավոր, գիտակցում է միջնորդության բնույթը, հետևանքները և բացակայում են նույն օրենսգրքի 458-րդ հոդվածի 2-րդ մասով նախատեսված` համաձայնեցման վարույթի կիրառումը բացառող հանգամանքները, և ղեկավարվելով ՀՀ քրեական դատավարության օրենսգրքի 459-րդ հոդվածի 2-րդ մասով, բավարարեց մեղադրյալի միջնորդությունը և կողմերի բանակցությունների համար սահմանեց վերջինների կողմից միջնորդված ժամկետը:
Համաձայնության մասին արձանագրությունը.
Բանակցությունների արդյունքում կողմերը եկել են համաձայնության և կազմվել է համաձայնության մասին արձանագրություն հետևյալ բովանդակությամբ.
«ԱՐՁԱՆԱԳՐՈՒԹՅՈՒՆ
ՀՀ քրեական դատավարության օրենսգրքի 460-րդ հոդվածով սահմանված կարգով համաձայնության գալու վերաբերյալ
Սույն արձանագրությունը կազմվել է 2025 թվականի մարտի 3-ին Երևան քաղաքի առաջին ատյանի ընդհանուր իրավասության քրեական դատարանում /ք. Երևան, Նազարբեկյան թաղ. 40/
մասնակցությամբ՝ ՀՀ գլխավոր դատախազության մարդու դեմ ուղղված հանցագործությունների գործերով վարչության ավագ դատախազ՝ Տիգրան Պողոսյանի, ամբաստանյալ Արա Լևոնի Քիշմիրյանի (ծնված 03․03․1986թ․, ՀՀ, ք.Երևան, հայ, ՀՀ քաղաքացի, նախկինում դատված, միջնակարգ կրթությամբ, ամուսնացած, խնամքին 2 երեխա, առանց հաշվառման, բնակվում է ք․Երևան, Մկրտիչ Սարգսյան փող., շ. 38, բն. 5 հասցեում, մայրենի լեզուն հայերեն) և ՀՀ փաստաբանների պալատի փաստաբան Հակոբ Ջհանգիրյանի (արտոնագիր թիվ 2227)`
1. Արա Լևոնի Քիշմիրյանին նկատմամբ ՀՀ քրեական օրենսգրքի 167-րդ հոդվածի 1-ին մասով հանրային քրեական հետապնդում է հարուցվել այն բանի համար, որ նա «(…) նա 2023 թվականի հունվարի 17-ին՝ ժամը 6-ի սահմաններում ի սահմաններում Երևան քաղաքի Բագրատունյաց պողոտայի 43-րդ հասցեում գտնվող «Սև քար» հյուրանոցային համալիրում, մարմնավաճառությամբ զբաղվելու համար ծեծի է ենթարկել Լիաննա Նիկողոսյանին՝ նրա առողջությանը աջ այտային, ձախ այտաակնակապճային, կզակային, ստորին ծնոտի ձախ անկյան, ձախ ուսահոդի շրջանների արյունազեղումների, ենթամաշկային արյունահավաքների, ստորին ծնոտի ձախ անկյան տեղաշարժված կոտրվածքի ձևով դիտավորությամբ պատճառելով միջին ծանրության վնաս՝ առողջության տևական քայքայումով, նկատի ունենալով վնասվածքների հետ անմիջական պատճառական կապի մեջ եղած հետևանքների տևողությունը՝ 21 օրից ավելի (...)»:
2. Մեղադրյալ Արա Քիշմիրյանի նկատմամբ որպես խափանման միջոց ընտրված՝ բացակայելու արգելքը ենթակա է վերացման դատավճիռն ուժի մեջ մտնելուց հետո: 2023 թվականի հունիսի 21-ից մինչև 2023 թվականի օգոստոսի 21-ը գտնվել է արգելանքի տակ:
3. Մեղադրյալ Արա Քիշմիրյանին մեղսագրվող արարքներով, հատուցման ենթակա վնաս առկա չէ:
4. Նախաքննության ընթացքում մեղադրյալ Արա Քիշմիրյանի գույքի նկատմամբ արգելանք չի դրվել:
5. Հիմք ընդունելով ՀՀ քրեական դատավարության օրենսգրքի 460-րդ հոդվածի 4-րդ մասի 9-րդ կետը և ՀՀ քրեական օրենսգրքի 64-րդ հոդվածը՝ կողմերը համաձայնվում են մեղադրյալ Արա Լևոնի Քիշմիրյանին մեղսագրվող արարքի համար հետևյալ պատժատեսակի և պատժաչափի վերաբերյալ՝
5.1 ՀՀ քրեական օրենսգրքի 167-րդ հոդվածի 1-ին մասով:
ՀՀ քրեական օրենսգրքի 167-րդ հոդվածի 1-ին մասով նախատեսված հանցագործության կատարման համար մեղադրյալի նկատմամբ որպես պատիժ նշանակել ազատության սահմանափակում՝ 10 ամիս ժամկետով:
5.2. ՀՀ քրեական օրենսգրքի 79-րդ հոդվածի 3-րդ մասի կիրառմամբ հաշվակցել մեղադրյալ Արա Քիշմիրյանի սույն համաձայնագրի 2-րդ կետում նշված անազատության մեջ գտնվելու ժամանակահատվածը և նրա նկատմամբ որպես պատիժ թողնել կրելու ազատության սահմանափակում՝ 6 (վեց) ամիս ժամկետով:
5.3. ՀՀ քրեական օրենսգրքի 64-րդ հոդվածի 2-րդ և 4-րդ մասերի համաձայն Արա Քիշմիրյանի դրվում են հետևյալ արգելքները. այն է՝
1) առանց դատապարտյալի նկատմամբ վերահսկողություն իրականացնող իրավասու մարմնի համաձայնության փոխել բնակության վայրը՝ ք․Երևան, Մկրտիչ Սարգսյան փող., շ. 38, բն. 5 հասցեից,
2) Ժամը 22.30-ից 7.00-ը ժամերի բացակայել բնակության հասցեից՝ ք․Երևան, Մկրտիչ Սարգսյան փող., շ. 38, բն. 5 հասցեից:
6. Իրեղեն ապացույցներ չկան։
[ստորագրություն] Տ.Պողոսյան
[ստորագրություն] Ա.Քիշմիրյան
[ստորագրություն] Հ.Ջհանգիրյան»:
Դատարանը, ղեկավարվելով ՀՀ քրեական դատավարության օրենսգրքի 461-րդ հոդվածի 1-ին մասով, ընդունեց համաձայնության մասին արձանագրությունը և որոշում կայացրեց լրացուցիչ դատալսումներ անցկացնելու մասին:
Համաձայնեցման վարույթով լրացուցիչ դատալսումները.
Հանրային մեղադրողի կողմից համաձայնության մասին արձանագրության հրապարակումից հետո մեղադրյալ Արա Քիշմիրյանը, պատասխանելով նախագահողի հարցերին, հայտնեց, որ իրեն պարզ է կնքված համաձայնության բովանդակությունը, համաձայն է դրան, արտահայտել է իր իրական կամքը, գիտակցում է կնքված համաձայնության հետևանքները, պնդում է կնքված համաձայնությունը, շեշտադրել է, որ այն չի կնքվել բռնության, սպառնալիքի կամ հարկադրանքի այլ միջոցի ազդեցության հետևանքով։
Հրապարակված արձանագրության վերաբերյալ հանրային մեղադրողը և պաշտպանը հայտնեցին, որ պնդում են կնքված համաձայնությունը:
Դատարանի իրավական վերլուծությունները.
Առաջադրված մեղադրանքը մեղադրյալ Արա Քիշմիրյանի կողմից ընդունելու և համաձայնեցման վարույթ կիրառելու պայմաններում Դատարանը, գործով ձեռք բերված ապացույցների ընդհանուր կարգով սահմանված հետազոտություն չկատարելով, արձանագրում է, որ Արա Քիշմիրյանը կատարել է իրեն մեղսագրված հանցանքը, որը ճիշտ է որակված և համապատասխանում է ՀՀ քրեական օրենսգրքի 167-րդ հոդվածի 1-ին մասի 1-ին կետով նախատեսված հանցագործության հատկանիշներին:
Դատարանը, ղեկավարվելով ՀՀ քրեական դատավարության օրենսգրքի 463-րդ հոդվածի 3-րդ մասով, գտնում է, որ մեղադրյալի նկատմամբ նշանակվելիք պատժատեսակի, պատժաչափի, պատիժը կրելու նպատակահարմարության հարցերը պետք է լուծել ըստ համաձայնության մասին արձանագրության։
Անդրադառնալով խափանման միջոցի հարցին՝ Դատարանը գտնում է, որ Արա Քիշմիրյանի նկատմամբ ընտրված խափանման միջոցը՝ բացակայելու արգելքը, պետք է թողնել անփոփոխ՝ մինչև դատավճռի օրինական ուժի մեջ մտնելը:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 33-րդ, 347-350-րդ, 364-րդ, 458-464-րդ հոդվածներով` Դատարանը

Վ Ճ Ռ Ե Ց

Արա Լևոնի Քիշմիրյանին մեղավոր ճանաչել ՀՀ քրեական օրենսգրքի 167-րդ հոդվածի 1-ին մասի 1-ին կետով և նրա նկատմամբ պատիժ նշանակել ազատության սահմանափակում՝ 10 (տասը) ամիս ժամկետով։
ՀՀ քրեական օրենսգրքի 79-րդ հոդվածի կիրառմամբ նշանակված պատժին հաշվակցել Արա Լևոնի Քիշմիրյանի՝ սույն քրեական գործով 2023 թվականի հունիսի 21-ից մինչև օգոստոսի 21-ն անազատության մեջ գտնվելու ժամկետը՝ 2 (երկու) ամիսը, և նրա նկատմամբ վերջնական պատիժ նշանակել ազատության սահմանափակում՝ 6 (վեց) ամիս ժամկետով՝ արգելելով առանց դատապարտյալի նկատմամբ վերահսկողություն իրականացնող իրավասու մարմնի համաձայնության փոխել բնակության վայրը և ժամը 22:30-ից մինչև 07:00-ն բացակայել բնակության վայրից՝ Երևան քաղաքի Մկրտիչ Սարգսյան փողոցի 38-րդ շենքի 5-րդ բնակարանից:
Պատժի կրման սկիզբը հաշվել էլեկտրոնային հսկողության միջոցների կիրառման պահից:
Արա Լևոնի Քիշմիրյանի վարքագծի նկատմամբ վերահսկողությունը դնել ՀՀ ԱՆ պրոբացիայի ծառայության համապատասխան ստորաբաժանման վրա՝ ըստ բնակության վայրի:
Արա Լևոնի Քիշմիրյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը:
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերի, կարող է բողոքարկվել ՀՀ վերաքննիչ քրեական դատարան՝ ստանալու պահից մեկամսյա ժամկետում:


ԴԱՏԱՎՈՐ ԷԴ.ՄԿՐՏՉՅԱՆ