ԵԴ1/3608/01/24
ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

23 դեկտեմբերի 2024 թվական ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև՝ Դատարան), նախագահությամբ՝ դատավոր Մասիս Մելքոնյանի, գրավոր ընթացակարգով քննության առնելով համաձայնությամբ տուգանք նշանակելու մասին թիվ ԵԴ1/3608/01/24 վարույթն (նախաքննության համարն է 11144223) ըստ մեղադրանքի Արմեն Սերյոժայի Ավետիսյանի (ծնված՝ 09.04.1974 թվականին, ազգությամբ հայ, ՀՀ քաղաքացի, նախկինում չդատապարտված, միջնակարգ կրթությամբ, հաշվառված է և բնակվում է ք․Երևան Եղ.Թադևոսյան փ., 20 շ., 6 բն.) ՀՀ քրեական օրենսգրքի 396-րդ հոդվածի 1-ին մասով.

Պ Ա Ր Զ Ե Ց

1. Գործի դատավարական նախապատմությունը.
1.1. 2023 թվականի ապրիլի 07-ին ՀՀ ոստիկանության Շենգավիթի բաժնի ավագ տեսուչ Կ.Սահակյանը կազմել է արձանագրություն Արմեն Սերյոժայի Ավետիսյանին ապօրինի թմրամիջոց պահելու անմիջականորեն ծագած հիմնավոր կասկածի հիմքով ձերբակալելու մասին՝ ազատությունից փաստացի զրկելով 07.04.2023թ-ին, ժամը՝ 18:35-ին:
1.2. 2023 թվականի ապրիլի 07-ին ՀՀ ՔԿ ԵՔՔՎ Շենգավիթ վարչական շրջանի քննչական բաժնի ՀԿԳ քննիչ Լ.Անտանոսյանը կազմել է արձանագրություն՝ ՀՀ քրեական օրենսգրքի 393-րդ հոդվածի 1-ին մասով և ՀՀ քրեական օրենսգրքի 396-րդ հոդվածի 1-ին մասով թիվ 11144223 քրեական վարույթը նախաձեռնելու մասին:
1.3. 2023 թվականի ապրիլի 07-ին ՀՀ ՔԿ ԵՔՔՎ Շենգավիթ վարչական շրջանի քննչական բաժնի ՀԿԳ քննիչ Լ.Անտանոսյանը որոշում է կայացրել թիվ 11144223 քրեական վարույթով հանցանք կատարած լինելու անմիջականորեն ծագած հիմնավոր կասկածի հիմքով Արմեն Սերյոժայի Ավետիսյանին ձերբակալելու մասին:
1.4. 2023 թվականի ապրիլի 07-ին ՀՀ ՔԿ ԵՔՔՎ Շենգավիթ վարչական շրջանի քննչական բաժնի ՀԿԳ քննիչ Լ.Անտանոսյանը որոշում է կայացրել թիվ 11144223 քրեական վարույթով ձերբակալված Արմեն Սերյոժայի Ավետիսյանին անազատության մեջ պահելու անհրաժեշտությունը վերանալու հիմքով ազատ արձակելու մասին:
1.5. 2023 թվականի հունիսի 26-ին թիվ 11144223 քրեական վարույթի նախաքննության կատարումը հանձնարարվել է ՀՀ ՔԿ ԵՔՔՎ Շենգավիթ վարչական շրջանի քննչական բաժնի քննիչ Ս.Աղախանյանին:
1.6. 2023 թվականի նոյեմբերի 16-ին ՀՀ ՔԿ ԵՔՔՎ Շենգավիթ վարչական շրջանի քննչական բաժնի քննիչ Ս.Աղախանյանը որոշում է կայացրել թիվ 11144223 քրեական վարույթով Արմեն Ավետիսյանի մոտից անձնական խուզարկությամբ հայտնաբերված 0,44 գրամ քաշով, յուրահատուկ հոտով, դարչնագույն երանգի 0,42 գրամ քաշով «MDMB(N)-022» տեսակի թմրամիջոցի զանգվածը, դեղնականաչավուն երանգի անհամասեռ մանրացված բուսական զանգվածը և մեկ հատ կանաչ գույնի պոլիմերային կափարիչով, այրված մոխրացված հետքերով «MDMB(N)-022» տեսակի թմրամիջոցի հետքեր պարունակող ապակյա գլանակը, որպես իրեղեն ապացույց ճանաչելու մասին:
1.7. 2024 թվականի նոյեմբերի 29-ին ՀՀ դատախազության Երևան քաղաքի Շենգավիթ վարչական շրջանի դատախազության դատախազ Դ.Թադևոսյանը որոշում է կայացրել թիվ 11144223 քրեական վարույթով Արմեն Սերյոժայի Ավետիսյանի նկատմամբ ՀՀ քրեական օրենսգրքի 396-րդ հոդվածի 1-ին մասով հանրային քրեական հետապնդում հարուցելու մասին:
1.8. 2024 թվականի նոյեմբերի 30-ին ՀՀ ՔԿ ԵՔՔՎ Շենգավիթ վարչական շրջանի քննչական բաժնի քննիչ Ս.Աղախանյանը որոշում է կայացրել թիվ 11144223 քրեական վարույթով մեղադրյալ Արմեն Սերյոժայի Ավետիսյանի նկատմամբ որպես խափանման միջոց բացակայելու արգելքը կիրառելու մասին:
1.9. 2024 թվականի նոյեմբերի 30-ին ՀՀ ՔԿ ԵՔՔՎ Շենգավիթ վարչական շրջանի քննչական բաժնի քննիչ Ս.Աղախանյանը որոշում է կայացրել թիվ 11144223 քրեական վարույթից թիվ 11820124 քրեական վարույթը անջատելու և ՀՀ քրեական օրենսգրքի 393-րդ հոդվածի 1-ին մասով նախատեսված հանցանքի առերևույթ դեպքով նախաքննություն իրականացնելու մասին:
1.10. 2024 թվականի նոյեմբերի 30-ին ՀՀ ՔԿ ԵՔՔՎ Շենգավիթ վարչական շրջանի քննչական բաժնի քննիչ Ս.Աղախանյանը կազմել է արձանագրություն քրեական վարույթի նյութերը ծանոթացնելու համար ներկայացնելու մասին, որում մեղադրյալ Ա.Ավետիսյանը հայտնել է, որ ցանկանում է, որ իր նկատմամբ կիրառվի համաձայնությամբ տուգանքի վարույթ և այն վճարի 1 տարվա ընթացքում:
1.11. 2024 թվականի դեկտեմբերի 06-ին թիվ 11144223 քրեական վարույթը, հաստատված մեղադրական եզրակացությամբ ստացվել է Երևան քաղաքի առաջին ատյանի ընդհանուր իրավասության քրեական դատարանում, որը ստանալով թիվ ԵԴ1/3608/01/24 դատական համարը, մակագրվել և ստացվել է նույն դատարանի դատավոր Մասիս Մելքոնյանի աշխատակազմում:
1.12. 2024 դեկտեմբերի 09-ին Երևան քաղաքի առաջին ատյանի ընդհանուր իրավասության քրեական դատարանը, նախագահությամբ դատավոր Մասիս Մելքոնյանի, որոշում է կայացրել թիվ ԵԴ1/3608/01/24 քրեական գործը վարույթ ընդունելու և համաձայնությամբ տուգանք նշանակելու վարույթ հարուցելու մասին:
2. Մեղադրանքի փաստացի նկարագրությունը.
Արմեն Սերյոժայի Ավետիսյանը մեղադրվում է այն բանի համար որ նա, խախտելով «Թմրանյութերի և հոգեմետ (հոգեներգործող նյութերի մասին» 2002 թվականի դեկտեմբերի 26-ի ՀՀ օրենքի և ՀՀ կառավարության 2010 թվականի մարտի 18-ի թիվ 270-ն որոշման պահանջները, քննությամբ չպարզված ժամանակահատվածում և հանգամանքներում, առանց իրացնելու նպատակի՝ իր անձնական օգտագործման համար, ապօրինի ձեռք է բերել և 2023 թվականի ապրիլի 07-ին՝ ժամը 18:35-ի սահմաններում, Երևան քաղաքի Եղ. Թադևոսյան փողոցի 20-րդ շենքի մոտակայքում իր մոտ ապօրինի պահել «Թմրամիջոցների և հոգեմետ (հոգեներգործուն) նյութերի մանր չափերը, շրջանառությունն արգելված թմրամիջոցներ, հոգեմետ (հոգեներգործուն), խիստ ներգործող կամ թունավոր նյութեր պարունակող բույսերի ցանկը, դրանց մանը, զգալի, խոշոր և առանձնապես խոշոր չափերը, պրեկուրսորների խոշոր և առանձնապես խոշոր չափերը թունավոր նյութերի ցանկը, խիստ ներգործող նյութերի ցանկը և դրանց խոշոր չափերը սահմանելու մասին» ՀՀ կառավարության 2018 թվականի հունիսի 27-ի թիվ 707 որոշման 1-ին հավելվածով նախատեսված և այդ պահին զգալի չափ հանդիսացող՝ 0,42 գրամ հաստատուն քաշով MOMB(N)-022» տեսակի թմրամիջոց կրող բուսական զանգված» տեսակի թմրամիջոցը, որը նույն օրը հայտնաբերվել է ՀՀ ՆԳՆ ոստիկանության Շենգավիթի բաժնում կատարված իր անձնական խուզարկությամբ:Այսինքն Ա․Ավետիսյանը կատարել է հանցավոր արարք նախատեսված ՀՀ քրեական օրենսգրքի 396-րդ հոդվածի 1-ին մասով։

3. Համաձայնությամբ տուգանք նշանակելու մասին վարույթ.

2024 թվականի նոյեմբերի 30-ին ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնի քննիչ Ս․Աղախանյանը թիվ 11144223 քրեական վարույթով նախաքննությունը ավարտելու նյութերը մեղադրյալին ծանոթացման մասին կազմված արձանագրությամբ գրավոր արձանագրել է մեղադրյալ Ա․Ավետիսյանի հետևյալ հայտարարությունը ․․․ խնդրում եմ վարույթն իրականացնող մարմնին համաձայնեցված վարույթով նշանակված տուգանքի վճարումը 1 տարով տարաժամկետել․․․
Մեղադրյալ Ա․Ավետիսյան
Պաշտպան Տ․Հակոբյան
Քննիչ Ս․Աղախանյան
4. Դատավճռի պատճառաբանական մասը․
4.1. Դատարանի իրավական վերլուծությունը, դատարանի հետևությունները և դրանց իրավական հիմնավորումները.
Առաջադրված մեղադրանքը մեղադրյալ Արմեն Սերյոժայի Ավետիսյանի կողմից ընդունելու և համաձայնությամբ տուգանք նշանակելու վարույթ կիրառելու պայմաններում Դատարանը, գործով ձեռք բերված ապացույցների ընդհանուր կարգով սահմանված հետազոտություն չկատարելով, արձանագրում է, որ Արմեն Սերյոժայի Ավետիսյանը կատարել է իրեն մեղսագրված հանցանքը, այն ճիշտ է որակված և համապատասխանում է ՀՀ քրեական օրենսգրքի 396-րդ հոդվածի 1-ին մասով նախատեսված հանցագործության հատկանիշներին:
4.2. ՀՀ քրեական դատավարության օրենսգրքի (այսուհետ՝ օրենսգիրք) 55.2-րդ գլուխը կարգավորում է համաձայնությամբ տուգանք նշանակելու վարույթի կարգը:
4.3. Օրենսգրքի 464.6-րդ հոդվածը սահմանում է համաձայնությամբ տուգանք նշանակելու վարույթ սկսելու կարգը, համաձայն որի՝ 1. Սույն օրենսգրքի 199-րդ հոդվածով սահմանված կարգով նախաքննությունն ավարտելու դեպքում քննիչը, ստանալով հսկող դատախազի գրավոր համաձայնությունը, Հայաստանի Հանրապետության քրեական օրենսգրքի 3-րդ հոդվածի 1-ին մասի 2-րդ կետի իմաստով` առաջին անգամ հանցանք կատարած և ոչ մեծ ծանրության հանցագործության համար մեղադրվող մեղադրյալին գրավոր ծանուցում է նաև համաձայնությամբ տուգանք նշանակելու վարույթ կիրառելու հնարավորության և իրավական հետևանքների մասին: 2. Վարույթի նյութերը մեղադրյալի ծանոթացմանը ներկայացնելիս քննիչը ճշտում է համաձայնությամբ տուգանք նշանակելու վարույթ կիրառելու վերաբերյալ վերջինիս դիրքորոշումը: 3. Եթե մեղադրյալը չի վիճարկում իրեն ներկայացված մեղադրանքի փաստական հիմքն ու իրավական գնահատականը և պաշտպանի հետ խորհրդակցելուց հետո կամավոր ցանկություն է հայտնում, որ դատարանում գործի քննությունն իրականացվի համաձայնությամբ տուգանք նշանակելու վարույթի կարգով, ապա քննիչը մեղադրյալի բանավոր միջնորդության հիման վրա կազմում է համապատասխան արձանագրություն, որը ստորագրում են նաև մեղադրյալը և նրա պաշտպանը: Արձանագրությունը կցվում է մեղադրական եզրակացությանը: 4. Համաձայնությամբ տուգանք նշանակելու վարույթ նախաձեռնելու արձանագրություն կազմելուց առաջ քննիչն իրավասու է մեղադրյալին հարցեր տալու միջոցով հավաստիանալու, թե արդյոք մեղադրյալը գիտակցում է իր միջնորդության բնույթն ու հետևանքները:
4.4. Օրենսգրքի 464.7-րդ հոդվածը սահմանում է համաձայնությամբ տուգանք նշանակելու վարույթ իրականացնելու հիմքը և բացառող հանգամանքները, համաձայն որի՝ 1. Համաձայնությամբ տուգանք նշանակելու վարույթն իրականացվում է, եթե առկա է սույն օրենսգրքի 464.6-րդ հոդվածով սահմանված կարգով կազմված և ստորագրված արձանագրություն: 2. Համաձայնությամբ տուգանք նշանակելու վարույթ չի կարող իրականացվել, եթե` 1) մեղադրյալն անչափահաս է. 2) մեղադրյալը մեղադրվում է մեկից ավելի հանցանքներ կատարելու համար. 3) մեղադրյալին մեղսագրվող արարքի համար Հայաստանի Հանրապետության քրեական օրենսգրքով տուգանք պատժատեսակ սահմանված չէ.4) մեղադրյալին մեղսագրվող արարքով վնաս է պատճառվել մասնավոր անձի շահերին.5) գույքային հայց է հարուցվել մեղադրյալի կամ այն անձի դեմ, որի վրա կարող է գույքային պատասխանատվություն դրվել մեղադրյալի գործողությունների համար. 6) սույն օրենսգրքով սահմանված կարգով մեղադրական եզրակացությունը հաստատելիս հսկող դատախազն իրավական կամ փաստական հիմնավորմամբ առարկել է դրա դեմ` այդ մասին նշում կատարելով մեղադրական եզրակացությունը հաստատելու որոշման մեջ. 7) մեղադրյալը գրավոր հրաժարվել է համաձայնությամբ տուգանք նշանակելու վարույթ կիրառելուց. 8) խախտվել է սույն օրենսգրքի 464.6-րդ հոդվածով սահմանված կարգը:
4.5. Օրենսգրքի 464.8-րդ հոդվածը սահմանում է համաձայնությամբ տուգանք նշանակելու վարույթ կիրառելու հարցի լուծման կարգը, համաձայն որի՝ 1. Դատավորը քրեական գործն ստանալուց հետո հավաստիանալով, որ առկա է համաձայնությամբ տուգանք նշանակելու վարույթ կիրառելու հիմքը, և բացակայում են սույն օրենսգրքի 464.7-րդ հոդվածի 2-րդ մասով նախատեսված հանգամանքները, եռօրյա ժամկետում որոշում է կայացնում վարույթ ստանձնելու և համաձայնությամբ տուգանք նշանակելու վարույթ հարուցելու մասին: Հակառակ դեպքում կայացվում է սույն օրենսգրքի 310-րդ հոդվածի 2-րդ մասով նախատեսված որոշումը: 2. Համաձայնությամբ տուգանք նշանակելու վարույթ կիրառելու մասին որոշումը պետք է բովանդակի տեղեկություններ այն կայացրած դատարանի և դատավորի, քրեական գործն ստանալու և որոշումը կայացնելու օրվա, վարույթը գրավոր ընթացակարգով իրականացնելու, ինչպես նաև դատավճռի կայացման օրվա մասին: 3. Սույն հոդվածի 2-րդ մասով նախատեսված որոշումը կայացվելուց հետո` երկօրյա ժամկետում, դատավորը դրա պատճենն ուղարկում է հանրային մեղադրողին և վարույթի մասնավոր մասնակիցներին: 4. Դատարանը որոշում է կայացնում համաձայնությամբ տուգանք նշանակելու վարույթը դադարեցնելու և նախնական դատալսումներ նշանակելու մասին, եթե, ծանոթանալով քրեական գործին, հանգում է հետևության, որ` 1) մեղադրյալին մեղսագրվող արարքն ակնհայտորեն կատարվել է մեղադրյալ չհանդիսացող այլ անձի կողմից կամ նրա մասնակցությամբ. 2) մեղադրյալին մեղսագրվող արարքին տրված իրավական գնահատականն ակնհայտորեն չի համապատասխանում մեղադրանքի փաստական հանգամանքներին. 3) առկա է սույն օրենսգրքի 464.7-րդ հոդվածի 2-րդ մասով նախատեսված հանգամանքներից որևէ մեկը:
4.6. Օրենսգրքի 464.9-րդ հոդվածը սահմանում է համաձայնությամբ տուգանք նշանակելու վարույթով դատավճիռ կայացնելը, համաձայն որի՝ 1. Համաձայնությամբ տուգանք նշանակելու վարույթի արդյունքով դատարանը գրավոր ընթացակարգով կայացնում է մեղադրական դատավճիռ սույն օրենսգրքի 347-350-րդ հոդվածներով սահմանված կարգով` հաշվի առնելով սույն հոդվածով նախատեսված առանձնահատկությունները: 2. Դատավճիռը կայացվում է համաձայնությամբ տուգանք նշանակելու վարույթ կիրառելու մասին որոշումը կայացնելուց հետո` հնարավորին չափ սեղմ ժամկետում, սակայն ոչ ուշ, քան 15 օրվա ընթացքում: 3. Համաձայնությամբ տուգանք նշանակելու վարույթի արդյունքով մեղադրական դատավճիռ կայացնելիս դատարանը նշանակում է պատիժ` հաշվի առնելով Հայաստանի Հանրապետության քրեական օրենսգրքի 77-րդ հոդվածի վերաբերելի դրույթները: 4. Սույն օրենսգրքի 167-րդ հոդվածի 1-ին մասով նախատեսված վարութային ծախսերը մեղադրյալից ենթակա չեն բռնագանձման: 5. Դատավճիռը պետք է պարունակի պարզաբանում այն բողոքարկելու` սույն օրենսգրքով նախատեսված սահմանափակումների վերաբերյալ: 6. Դատավճիռը կայացնելուց հետո` ոչ ուշ, քան հինգ օրվա ընթացքում, ուղարկվում է դատապարտված մեղադրյալին, նրա պաշտպանին, հանրային մեղադրողին:
4.7. Օրենսգրքի 464.10-րդ հոդվածը սահմանում է համաձայնությամբ տուգանք նշանակելու վարույթով դատավճռի բողոքարկման սահմանները, համաձայն որի՝ 1. Սույն օրենսգրքի 464.9-րդ հոդվածին համապատասխան կայացված դատավճիռը կարող է բողոքարկվել սույն օրենսգրքով սահմանված կարգով, սակայն այն չի կարող բողոքարկվել սույն օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերով:
4.8. Դատարանն արձանագրում է, որ համաձայնությամբ տուգանք նշանակելու մասին վարույթով մեղադրյալ Արմեն Սերյոժայի Ավետիսյանը մեղադրվում է առաջին անգամ ոչ մեծ ծանրության մեկ արարք կատարելու համար, նրան մեղսագրվող արարքի համար որպես պատիժ տուգանքը նախատեսված է, մեղսագրվող արարքով մասնավոր անձի վնաս չի պատճառվել, գույքային հայց մեղադրյալի կամ այն անձի դեմ, որի վրա կարող է գույքային պատասխանատվություն դրվել, ներկայացված չէ, մեղադրյալը գրավոր կարգով համաձայնվել է համաձայնությամբ իր նկատմամբ որպես պատիժ տուգանք նշանակելուն, հսկող դատախազի կողմից մեղադրական եզրակացությունը հաստատելիս՝ չի առարկել համաձայնությամբ տուգանք նշանակելու վարույթի կիրառման դեմ:
4.9.Դատարանն արձանագրում է, որ համաձայնությամբ տուգանք նշանակելու վարույթի արդյունքում մեղադրական դատավճիռ կայացնելիս՝ Դատարանը նշանակում է պատիժ՝ հաշվի առնելով ՀՀ քրեական օրենսգրքի 77-րդ հոդվածի վերաբերելի դրույթները:
4.10. ՀՀ քրեական օրենսգրքի 77-րդ հոդվածը սահմանում է պատիժ նշանակելը համաձայնեցման կամ համագործակցության կամ արագացված կամ համաձայնությամբ տուգանք նշանակելու վարույթի դեպքում, համաձայն որի՝ (…) 6. Ավարտված կամ չավարտված հանցագործություններով համաձայնությամբ տուգանք նշանակելու վարույթի դեպքում նշանակվում է սույն օրենսգրքի Հատուկ մասի համապատասխան հոդվածի սանկցիայով նախատեսված տուգանքի նվազագույն չափը` առանց լրացուցիչ պատիժ և անվտանգության միջոց նշանակելու (…):
4.11. ՀՀ քրեական օրենսգրքի 396-րդ հոդվածի 1-ին մասը պատասխանատվություն է սահմանում Առանց իրացնելու նպատակի զգալի չափերով թմրամիջոց, հոգեմետ (հոգեներգործուն) նյութ, դրանց պատրաստուկ կամ դրանց համարժեք նյութ (անալոգ) կամ դրանց ածանցյալ կամ պրեկուրսոր ապօրինի արտադրելու, պատրաստելու, վերամշակելու, ձեռք բերելու, պահելու, տեղափոխելու կամ առաքելու համար, որի համար պատիժ է սահմանում տուգանքով՝ առավելագույնը տասնապատիկի չափով(…):
4.12. ՀՀ քրեական օրենսգրքի 3-րդ հոդվածի 2-րդ մասը սահմանում է առաջին անգամ հանցանք կատարած անձ հասկացությունը, համաձայն որի՝ առաջին անգամ հանցանք կատարած անձ, որը նախկինում հանցանք չի կատարել կամ կատարել է, սակայն ազատվել է քրեական պատասխանատվությունից, կամ որի դատվածությունը սույն օրենսգրքով սահմանված կարգով մարվել կամ վերացվել է:
4.13. ՀՀ քրեական օրենսգրքի 59-րդ հոդվածի համաձայն՝ Տուգանքը դրամական տուժանք է, որը նշանակվում է սույն օրենսգրքով նախատեսված դեպքերում և չափերով: (…) Տուգանքը վճարելուց խուսափելու դեպքում բռնագանձվում է դատարանի որոշած տուգանքի չափին համարժեք գույք, եթե այդպիսին առկա է: Եթե այդպիսի գույք առկա չէ, ապա տուգանքը փոխարինվում է ազատազրկմամբ` ազատազրկման 3 օրը հաշվարկելով նվազագույն աշխատավարձի դիմաց:
4.14. Վերոգրյալ հոդվածից Դատարանն արձանագրում է, որ ազատազրկման 3 օրը հավասար է նվազագույն աշխատավարձի չափին:
4.15. ՀՀ քրեական օրենսգրքի 79-րդ հոդվածի համաձայն՝ (…) 4. Անազատության մեջ գտնվող անձի նկատմամբ տուգանքի, որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելու, զինվորական ծառայության մեջ սահմանափակման ձևով հիմնական պատիժ նշանակելիս դատարանը, հաշվի առնելով մինչև դատավճիռ կայացնելը, անկախ Հայաստանի Հանրապետության իրավազորությունից, փաստացի անազատության մեջ գտնվելու ժամկետը, մեղմացնում է նշանակված պատիժը կամ ազատում է պատիժը կրելուց: (…)
4.16. Սույն պայմաններում Դատարանն արձանագրում է, որ մեղադրյալը քրեական վարույթի նախաքննության ընթացքում 1 օր գտնվել է անազատության մեջ, ուստի ՀՀ քրեական օրենսգրքի 79-րդ հոդվածի 4-րդ մասի համաձայն, հիմք ընդունելով 59-րդ հոդվածի 11-րդ մասով նախատեսված ազատազրկման և տուգանքի հաշվարկման հավասարումը, գտնում է, որ մեղադրյալ Արմեն Սերյոժայի Ավետիսյանի նկատմամբ նշանակվող պատիժը պետք է մեղմացվի և որպես վերջնական պատիժ պետք է նշանակվի տուգանք՝ 350.000 ՀՀ դրամի չափով (հանցանք կատարելու պահին նվազագույն աշխատավարձի չափը եղել է 75.000 ՀՀ դրամ, տուգանք նշանակվում է 5-ապատիկի՝ 375.000 ՀՀ դրամի չափով, անազատության 3 օրը հավասար է 75.000 ՀՀ դրամի չափին, համապատասխանաբար անազատության 1 օրը հավասար է 25.000 ՀՀ դրամի չափին, նշանակված 375.000 ՀՀ դրամից 25.000 ՀՀ դրամ հանելու դեպքում վերջնական պատիժ պետք է նշանակել 350.000 ՀՀ դրամի չափով):
4.17. Անդրադառնալով կիրառված խափանման միջոց բացակայելու արգելքին՝ Դատարանը գտնում է, որ այն ընտրված է ճիշտ, դա փոփոխելու հիմքերը բացակայում են, այն պետք է թողնել անփոփոխ մինչև դատավճիռը օրինական ուժի մեջ մտնելը, իսկ դատավճիռը օրինական ուժի մեջ մտնելուց հետո այն ենթակա է վերացման:
4.18. Անդրադառնալով իրեղեն ապացույց ճանաչված՝ Արմեն Ավետիսյանի մոտից անձնական խուզարկությամբ հայտնաբերված 0,44 գրամ քաշով, յուրահատուկ հոտով, դարչնագույն երանգի 0,42 գրամ քաշով «MDMB(N)-022» տեսակի թմրամիջոցի զանգվածի, դեղնականաչավուն երանգի անհամասեռ մանրացված բուսական զանգվածի և մեկ հատ կանաչ գույնի պոլիմերային կափարիչով, այրված մոխրացված հետքերով «MDMB(N)-022» տեսակի թմրամիջոցի հետքեր պարունակող ապակյա գլանակի պահպանության հարցը՝ Դատարանը գտնում է, որ դատավճիռն օրինական ուժի մեջ մտնելուց հետո այն ենթակա է վերադարձման ՀՀ ՔԿ ԵՔՔՎ Շենգավիթ վարչական շրջանի քննչական բաժին՝ թիվ 11820124 քրեական վարույթին կցելու համար:
4.19. Համաձայնությամբ տուգանք նշանակելու վարույթով ՀՀ քրեական դատավարության օրենսգրքի 167-րդ հոդվածի 1-ին մասով նախատեսված վարութային ծախսերը մեղադրյալից բռնագանձման ենթակա չեն:
5. Դատարանի եզրահանգումը.
Ղեկավարվելով ՀՀ քրեական դատավարության օրենսգրքի 55.2-րդ գլխի կարգավորումներով, ղեկավարվելով ՀՀ քրեական դատավարության օրենսգրքի 347-350-րդ հոդվածներով՝ Դատարանը․

Վ Ճ Ռ Ե Ց

1. Արմեն Սերյոժայի Ավետիսյանին մեղավոր ճանաչել ՀՀ քրեական օրենսգրքի 396-րդ հոդվածի 1-ին մասով նախատեսված արարք կատարելու համար:
2. ՀՀ քրեական օրենսգրքի 396-րդ հոդվածի 1-ին մասով նախատեսված հանցագործության կատարման համար Արմեն Սերյոժայի Ավետիսյանի նկատմամբ որպես պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
3. ՀՀ քրեական օրենսգրքի 79-րդ հոդվածի 4-րդ մասի համաձայն՝ Արմեն Սերյոժայի Ավետիսյանի նկատմամբ նշանակված 375.000 (երեք հարյուր յոթանասունհինգ հազար) ՀՀ դրամի չափով տուգանքը մեղմացնել՝ հաշվակցելով նախաքննության ընթացքում անազատության մեջ գտնվելու 1 (մեկ) օր ժամկետը և որպես վերջնական պատիժ նշանակել տուգանք՝ 350.000 (երեք հարյուր հիսուն հազար) ՀՀ դրամի չափով:
4. Արմեն Սերյոժայի Ավետիսյանի նկատմամբ ընտրված խափանման միջոց բացակայելու արգելքը թողնել անփոփոխ մինչև դատավճռի օրինական ուժի մեջ մտնելը:
5. Արմեն Սերյոժայի Ավետիսյանին թույլատրել նշանակված պատիժը տուգանքի ձևով վճարել 12 ամսվա ընթացքում:
6. Իրեղեն ապացույց ճանաչված՝ Արմեն Ավետիսյանի մոտից անձնական խուզարկությամբ հայտնաբերված 0,44 գրամ քաշով, յուրահատուկ հոտով, դարչնագույն երանգի 0,42 գրամ քաշով «MDMB(N)-022» տեսակի թմրամիջոցի զանգվածը, դեղնականաչավուն երանգի անհամասեռ մանրացված բուսական զանգվածը և մեկ հատ կանաչ գույնի պոլիմերային կափարիչով, այրված մոխրացված հետքերով «MDMB(N)-022» տեսակի թմրամիջոցի հետքեր պարունակող ապակյա գլանակը վերադարձնել ՀՀ ՔԿ ԵՔՔՎ Շենգավիթ վարչական շրջանի քննչական բաժին՝ թիվ 11820124 քրեական վարույթին կցելու համար:
7. Դատավճիռը կարող է բողոքարկվել ՀՀ վերաքննիչ քրեական դատարան դատական ակտը ստանալու օրվանից հետո` մեկամսյա ժամկետում, բացառությամբ՝ չի կարող բողոքարկվել ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերի:

ԴԱՏԱՎՈՐ ՄԱՍԻՍ ՄԵԼՔՈՆՅԱՆ