Գործ ԵԴ1/3593/01/24




Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

28 ապրիլի 2025 թվական ք.Երևան

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ
ՔՐԵԱԿԱՆ ԴԱՏԱՐԱՆԸ

ՆԱԽԱԳԱՀՈՂ ԴԱՏԱՎՈՐ՝ Ժ.ՉԻՉՈՅԱՆ
ՆԻՍՏԻ ՔԱՐՏՈՒՂԱՐ՝ Ա.ԱՍՏՎԱԾԱՏՐՅԱՆ
Ն․ԱՅՎԱԶՅԱՆ
ՄԱՍՆԱԿՑՈՒԹՅԱՄԲ`
ՀԱՆՐԱՅԻՆ ՄԵՂԱԴՐՈՂ՝ Տ.ՎԱՐԴԱՆՅԱՆԻ
ՊԱՇՏՊԱՆ՝ Հ.ԱՎԱԳՅԱՆԻ
ՄԵՂԱԴՐՅԱԼ՝ Գ.ՄԱՆՈՒԿՅԱՆԻ

Դռնբաց դատական նիստում, դատական քննության հատուկ կարգի՝ արագացված վարույթի կիրառմամբ, քննելով քրեական գործն ըստ մեղադրանքի՝ Գեղամ Սուրիկի Մանուկյանի՝ ծնված 05.05.1985թ. ազգությամբ հայ, ՀՀ քաղաքացի, չդատապարտված, բարձրագույն կրթությամբ, ամուսնացած, խնամքին երկու անչափահաս երեխա, «Դավ-Դան» ՍՊ ընկերության հիմնադիր տնօրեն, հաշվառված և բնակվող՝ Երևան քաղաքի Մաշտոցի պողոտայի 15-րդ շենքի 4-րդ հասցեի բնակարանում, որպես խափանման միջոց է ընտրված Հայաստանի Հանրապետությունից բացակայելու արգելքը, մեղադրվում է ՀՀ քրեական օրենսգրքի 335-րդ հոդվածի 1-ին մասով.

I.Գործի դատավարական նախապատմությունը.

2024 թվականի սեպտեմբերի 27-ին ՀՀ քննչական կոմիտեի Կոտայքի մարզային քննչական վարչության ՀԿԳ քննիչ՝ Տ.Գևորգյանը որոշում է կազմել թիվ 49-0447-24 քրեական վարույթից՝ մեղադրյալ Գեղամ Մանուկյանի՝ ՀՀ քրեական օրենսգրքի 335-րդ հոդվածի 1-ին մասով մասն անջատելու, այն առանձնացնելու և թիվ 49114324 համարը շնորհելու մասին։
2024 թվականի մայիսի 15-ին ՀՀ քննչական կոմիտեի Կոտայքի մարզային քննչական վարչության ՀԿԳ քննիչ՝ Տ.Գևորգյանը արձանագրություն է կազմել թիվ 49-0447-24 քրեական վարույթը նախաձեռնելու մասին։
2024 թվականի հուլիսի 03-ին կազմվել է Գեղամ Մանուկյանի ձերբակալման վերաբերյալ արձանագրությունը։
2024 թվականի հուլիսի 03-ին ՀՀ քննչական կոմիտեի Կոտայքի մարզային քննչական վարչության ՀԿԳ քննիչ՝ Վ.Դավթյանը որոշում է կայացրել Գեղամ Մանուկյանին՝ հանցանք կատարելու անմիջականորեն ծագած հինավոր կասկածի հիմքով, ձերբակալելու մասին։
2024 թվականի հուլիսի 04-ին ՀՀ քննչական կոմիտեի Կոտայքի մարզային քննչական վարչության ՀԿԳ քննիչ՝ Տ.Գևորգյանը արձանագրություն է կազմել թիվ 49105424 քրեական վարույթը նախաձեռնելու մասին։
2024 թվականի հուլիսի 04-ին ՀՀ քննչական կոմիտեի Կոտայքի մարզային քննչական վարչության ՀԿԳ քննիչ՝ Տ.Գևորգյանը որոշում է կայացրել թիվ 49105424 քրեական վարույթը թիվ 49-0447-24 քրեական վարույթին միացնելու և նախաքննությունը թիվ 49-0447-24 համարի ներքո շարունակելու մասին։
2024 թվականի հուլիսի 05-ին ՀՀ քննչական կոմիտեի Կոտայքի մարզային քննչական վարչության ՀԿԳ քննիչ՝ Տ.Գևորգյանը ը միջնորդություն է հարուցել քրեական վարույթի օրինականության նկատմամբ դատավարական հսկողություն իրականացնող դատախազին՝ Գեղամ Սուրիկի Մանուկյանի նկատմամբ ՀՀ քրեական օրենսգրքի 335-րդ հոդվածի 1-ին մասով, հանրային քրեական հետապնդում հարուցելու մասին։
2024 թվականի հուլիսի 05-ին ՀՀ քննչական կոմիտեի Կոտայքի մարզային քննչական վարչության ՀԿԳ քննիչ՝ Տ.Գևորգյանը որոշում է կայացրել ձերբակալված Գեղամ Մանուկյանին ազատ արձակելու մասին։
2024 թվականի հուլիսի 05-ին Կոտայքի մարզի դատախազության ավագ դատախազ Ա.Հարությունյանը որոշում է կայացրել թիվ 49-0447-24 քրեական վարույթով ՀՀ քրեական օրենսգրքի 335-րդ հոդվածի 1-ին մասով Գեղամ Սուրիկի Մանուկյանի վերաբերյալ հանրային քրեական հետապնդում հարուցելու մասին, մեղադրանքի փաստական կողմի հետևյալ նկարագրությամբ․ «[ն]ա, ապօրինի կերպով ձեռք է բերել և ապօրինի կերպով պահել է հրազեն և հրազենի համար ռազմամթերք հանդիսացող փամփուշտներ:
Այսպես.
Գեղամ Սուրիկի Մանուկյանը՝ չունենալով «Զենքի շրջանառության կարգավորման մասին» ՀՀ օրենքով սահմանված հրազենի, ռազմամթերքի շրջանառություն իրականացնելու՝ այդպիսի առարկաներ ձեռք բերելու, պահելու, փոխադրելու և իրացնելու իրավունք, ինչպես նաև հրազենի և ռազմամթերքի շրջանառություն իրականացնելու համապատասխան թույլտվություն, քննությամբ չպարզված հանգամանքներում ապօրինի կերպով ձեռք է բերել և Երևան քաղաքի Մաշտոցի պողոտայի 15-րդ շենքի 4-րդ բնակարանի տարբեր հատվածներում ապօրինի կերպով պահել է ինքնաշեն եղանակով ձևափոխված ողորկափող հրազեն հանդիսացող գործարանային արտադրության «RETAY PT23» տեսակի, RIRERYYS04-2401282 գործարանային համարի, 9մմ տրամաչափի ձայնաազդանշանային ատրճանակ, թվով 14 հատ սահմանափակ խոցելիության վնասվածքային (Травматически) հրազենների համար նախատեսված ռազմամթերք հանդիսացող գործարանային արտադրության 9մմ /9921/ տրամաչափի փամփուշտներ, ակոսափող զենքերից կրակվելու համար նախատեսված ռազմամթերք հանդիսացող թվով 25 հատ գործարանային արտադրության 9մմ /9x18/ տրամաչափի փամփուշտներ, ակոսափող զենքերից կրակվելու համար նախատեսված ռազմամթերք հանդիսացող թվով 10 հատ գործարանային արտադրության 9մմ /9x19/ տրամաչափի փամփուշտներ, ակոսափող զենքերից կրակվելու համար նախատեսված ռազմամթերք հանդիսացող թվով 10 հատ գործարանային արտադրության 6,35Br/6,35x15/մմ տրամաչափի փամփուշտներ, ակոսափող զենքերից կրակվելու համար նախատեսված ռազմանթերք հանդիսացող թվով 2 հատ գործարանային արտադրության 5,45մմ /5,45x18/ տրամաչափի փամփուշտներ, ակոսափող զենքերից կրակվելու համար նախատեսված ռազմամթերք հանդիսացող թվով 1 հատ 6մմ տրամաչափի օղակավոր բոցավառման սպորտային-որսորդական փամփուշտ, սահմանափակ ազդեցության հրազենների համար նախատեսված ռազմամթերք հանդիսացող թվով 12 հատ 9մմ տրամաչափի տրավմատիկ փամփուշտներ, որոնք 2024 թվականի հուլիսի 3-ին հայտնաբերվել և վերցվել են հիշյալ հասցեում գտնվող բնակարանում կատարված խուզարկության ժամանակ:»
2024 թվականի հուլիսի 05-ին ՀՀ քննչական կոմիտեի Կոտայքի մարզային քննչական վարչության ՀԿԳ քննիչ՝ Տ.Գևորգյանը որոշում է կայացրել ազատության մեջ գտնվող մեղադրյալ Գեղամ Մանուկյանին դատարան ներկայացնելու համար ձերբակալելու մասին։
2024 թվականի հուլիսի 05-ին կազմվել է մեղադրյալ Գեղամ Մանուկյանին ձերբակալելու մասին արձանագրությունը։
2024 թվականի հուլիսի 05-ին ՀՀ քննչական կոմիտեի Կոտայքի մարզային քննչական վարչության ՀԿԳ քննիչ՝ Տ.Գևորգյանը միջնորդություն է հարուցել Կոտայքի մարզի առաջին ատյանի ընդհանուր իրավասության դատարան՝ մեղադրյալ Գեղամ Մանուկյանի նկատմամբ կալանքը՝ 2 ամիս ժամկետով, որպես խափանման միջոց կիրառելու մասին։
2024 թվականի հուլիսի 06-ին Կոտայքի մարզի առաջին ատյանի ընդհանուր իրավասության դատարանի թիվ ԿԴ/0008/06/24 որոշմամբ ՀՀ քննչական կոմիտեի Կոտայքի մարզային քննչական վարչության ՀԿԳ քննիչ՝ Տ.Գևորգյանը միջնորդությունը բավարարվել է մասնակի և մեղադրյալի նկատմամբ որպես խափանման միջոց է կիրառվել տնային կալանքը՝ 2 ամիս ժամկետով։ Տնային կալանքի սկիզբը հաշվելով մեղադրյալին փաստացի արգելանքի տակ վերացնելու պահից։
2024 թվականի սեպտեմբերի 02-ին ՀՀ քննչական կոմիտեի Կոտայքի մարզային քննչական վարչության ՀԿԳ քննիչ՝ Տ.Գևորգյանը միջնորդություն է հարուցել Կոտայքի մարզի առաջին ատյանի ընդհանուր իրավասության դատարան՝ մեղադրյալ Գեղամ Մանուկյանի նկատմամբ կիրառված տնային կալանքի ժամկետը՝ 2 ամիս ժամկետով, երկարաձգելու մասին։
2024 թվականի սեպտեմբերի 03-ին Կոտայքի մարզի առաջին ատյանի ընդհանուր իրավասության դատարանի թիվ ԿԴ/0008/06/24 որոշմամբ ՀՀ քննչական կոմիտեի Կոտայքի մարզային քննչական վարչության ՀԿԳ քննիչ՝ Տ.Գևորգյանը միջնորդությունը բավարարվել է ամբողջությամբ և մեղադրյալի նկատմամբ որպես խափանման միջոց կիրառված տնային կալանքի ժամկետը երկարաձգվել է 2 ամիս ժամկետով։
2024 թվականի հոկտեմբերի 07-ին Կոտայքի մարզի դատախազության ավագ դատախազ Ա.Եղիազարյանը որոշում է կայացրել թիվ 49-0447-24 քրեական վարույթը նախաքննության կատարման համար ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժին փոխանցելու մասին։
2024 թվականի հոկտեմբերի 29-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական երրորդ բաժնի ավագ քննիչ՝ Լ.Պողոսյանը միջնորդություն է հարուցել Երևան քաղաքի առաջին ատյանի ընդհանուր իրավասության քրեական դատարան՝ մեղադրյալ Գեղամ Մանուկյանի նկատմամբ կիրառված տնային կալանքի ժամկետը՝ 2 ամիս ժամկետով, երկարաձգելու մասին։
2024 թվականի նոյեմբերի 05-ին Երևան քաղաքի առաջին ատյանի ընդհանուր իրավասության քրեական դատարանի թիվ ԿԴ/0008/06/24 որոշմամբ ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական երրորդ բաժնի ավագ քննիչ՝ Լ.Պողոսյանը միջնորդությունը բավարարվել է մասնակի և մեղադրյալի նկատմամբ որպես համակցված խափանման միջոցներ են կիրառվել վարչական հսկողությունը և Հայաստանի Հանրապետությունից բացակայելու արգելքը։
2024 թվականի հոկտեմբերի 29-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական երրորդ բաժնի ավագ քննիչ՝ Լ.Պողոսյանը միջնորդություն է հարուցել թիվ 49114324 քրեական վարույթի նախաքննության օրինականության նկատմամբ դատավարական հսկողություն իրականացնող դատախազին մեղադրյալ Գեղամ Մանուկյանի նկատմամբ հարուցված հանրային քրեական հետապնդման ժամկետը կասեցնելու մասին՝ նշանակված փորձաքննության եզրակացությունը ստացված չլինելու հիմքով։
2024 թվականի նոյեմբերի 08-ին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Տ․Վարդանյանը որոշում է կայացրել ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական երրորդ բաժնի ավագ քննիչ՝ Լ.Պողոսյանը միջնորդությունը բավարարելու և մեղադրյալ Գեղամ Մանուկյանի նկատմամբ հարուցված հանրային քրեական հետապնդման ժամկետը կասեցնելու մասին։
2024 թվականի նոյեմբերի 19-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական երրորդ բաժնի ավագ քննիչ՝ Լ.Պողոսյանը միջնորդություն է հարուցել թիվ 49114324 քրեական վարույթի նախաքննության օրինականության նկատմամբ դատավարական հսկողություն իրականացնող դատախազին մեղադրյալ Գեղամ Մանուկյանի նկատմամբ հարուցված հանրային քրեական հետապնդման կասեցված ժամկետը վերսկսելու մասին։
2024 թվականի նոյեմբերի 19-ին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Տ․Վարդանյանը որոշում է կայացրել ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական երրորդ բաժնի ավագ քննիչ՝ Լ.Պողոսյանը միջնորդությունը բավարարելու և մեղադրյալ Գեղամ Մանուկյանի նկատմամբ հարուցված հանրային քրեական հետապնդման կասեցված ժամկետը վերսկսելու մասին։
2024 թվականի նոյեմբերի 29-ին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Տ․Վարդանյանը որոշում է կայացրել թիվ 49114324 քրեական վարույթով ՀՀ քրեական օրենսգրքի 335-րդ հոդվածի 1-ին մասով Գեղամ Սուրիկի Մանուկյանի վերաբերյալ հանրային քրեական հետապնդում հարուցելու մասին, մեղադրանքի փաստական կողմի հետևյալ նկարագրությամբ․ «[ն]ա, քննությամբ դեռևս չպարզված ժամանակ ու հանգամանքներում ապօրինի կերպով ձեռք է բերել և Երևան քաղաքի Մաշտոցի պողոտայի 15-րդ շենքի 4-րդ բնակարանի տարբեր հատվածներում ապօրինի կերպով պահել է հրազեն և ռազմամթերք:
Այսպես.
Գեղամ Սուրիկի Մանուկյանը, չունենալով «Զենքի շրջանառության կարգավորման մասին» ՀՀ օրենքով սահմանված հրազենի, ռազմամթերքի շրջանառություն իրականացնելու, այդպիսի առարկաներ ձեռք բերելու, պահելու, փոխադրելու և իրացնելու իրավունք, ինչպես նաև հրազենի և ռազմամթերքի շրջանառություն իրականացնելու ՀՀ ՆԳՆ ոստիկանությունում օրենքով սահմանված կարգով ձևակերպված համապատասխան թույլտվություն, քննությամբ դեռևս չպարզված ժամանակ ու հանգամանքներում ապօրինի կերպով ձեռք է բերել և իր՝ Երևան քաղաքի Մաշտոցի պողոտայի 15-րդ շենքի 4-րդ բնակարանի տարբեր հատվածներում ապօրինի կերպով պահել է կրակելու համար պիտանի, ինքնաշեն եղանակով ձևափոխված ողորկափող հրազեն հանդիսացող գործարանային արտադրության «RETAY PT23» տեսակի, RIIRERYYS04-2401282 գործարանային համարի, 9մմ տրամաչափի կիսակրակահերթ և մենահատ կրակոցներ կատարելու հնարավորությամբ ձայնաազդանշանային ատրճանակը, ռազմամթերք հանդիսացող թվով 14 սահմանափակ խոցելիության վնասվածքային հրազենների համար նախատեսված գործարանային արտադրության, նպատակային օգտագործման համար պիտանի 9մմ /9x21/ տրամաչափի փամփուշտները, ինքնաշեն եղանակով ձևափոխված թվով 5 8մմ (8x20) տրամաչափի փամփուշտները, թվով 2 հատ 9մմ (9x21) տրամաչափի ինքնաշեն եղանակով ձևափոխված փամփուշտները, ակոսափող զենքերից կրակվելու համար նախատեսված թվով 25 գործարանային արտադրության 9մմ /9x18/ տրամաչափի փամփուշտները, թվով 10 գործարանային արտադրության 9մմ /9x19/ տրամաչափի փամփուշտները, թվով 7 գործարանային արտադրության 6,35Br/6,35x15/մմ տրամաչափի փամփուշտները, թվով 2 գործարանային արտադրության 5,45մմ /5,45x18/ տրամաչափի փամփուշտները, թվով 1 գործարանային արտադրության 7,62մմ /7,62x39/ տրամաչափի փամփուշտը, թվով 1 գործարանային արտադրության 7,65Br/7,65x17մմ/ տրամաչափի փամփուշտը, թվով 1 գործարանային արտադրության 5,65մմ/5,6x15,6/ տրամաչափի փամփուշտը, սահմանափակ ազդեցության հրազենների համար նախատեսված թվով 12 9մմ տրամաչափի տրավմատիկ փամփուշտները, որոնք հայտնաբերվել և վերցվել են Գեղամ Մանուկյանի՝ Երևան քաղաքի Մաշտոցի պողոտայի 15-րդ շենքի 4-րդ բնակարանում 2024 թվականի հուլիսի 3-ին կատարված խուզարկության ընթացքում:»
2024 թվականի նոյեմբերի 29-ին ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական երրորդ բաժնի ավագ քննիչ՝ Լ.Պողոսյանը որոշում է կայացրել թիվ 49114324 քրեական վարույթից մաս անջատելու և անջատված մասին թիվ 08155224 համարը շնորհելու մասին։
2024 թվականի դեկտեմբերի 02-ին կազմվել է մեղադրական եզրակացությունը:
2024 թվականի դեկտեմբերի 05-ին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Տ․Վարդանյանը որոշում է կայացրել մեղադրական եզրակացությունը հաստատելու մասին:
2024 թվականի դեկտեմբերի 06-ին քրեական գործը մուտք է եղել Երևան քաղաքի առաջին ատյանի ընդհանուր իրավասության քրեական դատարան, էլեկտրոնային եղանակով մակագրվել և 2024 թվականի դեկտեմբերի 09-ին հանձնվել է դատավոր Ժ.Չիչոյանին:
2024 թվականի դեկտեմբերի 10-ին դատավոր Ժ․Չիչոյանը որոշում է կայացվել քրեական գործով վարույթ ստանձնելու և նախնական դատալսումներ նշանակելու մասին:
2025 թվականի մարտի 26-ին որոշում է կայացվել Գ.Մանուկյանի նկատմամբ համակցված կիրառված խափանման միջոցներից՝ Հայաստանի Հանրապետությունից բացակայելու արգելքը անփոփոխ թողնելու, իսկ վարչական հսկողությունը վերացնելու մասին:
2025 թվականի ապրիլի 28-ի դատական նիստի ժամանակ մեղադրյալ Գեղամ Մանուկյանը միջնորդություն է ներկայացրել արագացված վարույթ կիրառելու վերաբերյալ, ինչը Դատարանի կողմից բավարարվել է և նույն օրը որոշում է կայացվել լրացուցիչ դատալսումներ անցկացնելու մասին:

II. Արագացված վարույթ.

Քրեական գործի նախնական դատալսումների փուլում մեղադրյալ Գեղամ Սուրիկի Մանուկյանը միջնորդել է կիրառել արագացված վարույթ, հայտարարելով, որ իրեն պարզ է ներկայացված մեղադրանքը, համաձայն է մեղադրանքի հետ, պնդում է արագացված վարույթ կիրառելու մասին միջնորդությունը, միջնորդությունը ներկայացվել է կամավոր, մինչև միջնորդությունը ներկայացնելը խորհրդակցել է պաշտպանի հետ, գիտակցում է արագացված վարույթ կիրառելու հետևանքները:
Հանրային մեղադրող Տ.Վարդանյանն արագացված վարույթ կիրառելու դեմ չի առարկել:
Դատարանը, համոզվելով, որ առկա է ՀՀ քրեական դատավարության օրենսգրքի 464.1-ին հոդվածի 1-ին մասով նախատեսված հիմքը, բացակայում են սույն օրենսգրքի 464.1-ին հոդվածի 2-րդ մասով նախատեսված` արագացված վարույթի կիրառումը բացառող հանգամանքները, ինչպես նաև հաշվի առնելով, որ մեղադրյալը համաձայն է մեղադրանքի հետ, պաշտպանի հետ խորհրդակցելուց հետո միջնորդությունը ներկայացրել է կամավոր և գիտակցում է իր միջնորդության բնույթը ու հետևանքները, որոշում է կայացրել արագացված վարույթ կիրառելու վերաբերյալ միջնորդությունը բավարարելու և լրացուցիչ դատալսումներ անցկացնելու մասին:

III. Արագացված վարույթով լրացուցիչ դատալսումներ.

Լրացուցիչ դատալսումների ընթացքում հետազոտվեց ՀՀ ՆԳՆ ոստիկանության ինֆորմացիոն կենտրոնի ձև 8 տեղեկանքը, համաձայն որի՝ Գեղամ Սուրիկի Մանուկյանը համարվում է դատվածություն չունեցող անձ։
(հատոր 3-րդ, գ․թ․ 131, դատական նիստի արձանագրություն)
Հետազոտվեց նաև «Ավշարի ԲԱ» ՀՈԱԿ-ի, «Հրազդանի բժշկական կենտրոն» ՓԲԸ-ի և «Էրեբունի» բժշկական կենտրոնի կողմից տրված տեղեկանքների պատճենները, համաձայն որոնց մեղադրյալ Գեղամ Մանուկյանը ունի առողջական խնդիրներ։
Հետազոտվեց նաև Երևան քաղաքի Կենտրոն վարչական շրջանի «Կենտրոն-1» համատիրության կառավարչի կողմից տրված տեղեկանքը, համաձայն որի՝ մեղադրյալը իր փաստացի բնակության հասցեում բնակվում է կնոջ և 2012 թվականին և 2019 թվականին ծնված անչափահաս որդիների հետ միասին։
Հետազոտվեց նաև Երևան քաղաքի Կենտրոն վարչական շրջանի «Կենտրոն-1» համատիրության կառավարչի կողմից տրված և հարևանների կողմից ստորագրված բնութագիրը, համաձայն որի՝ Գեղամ Մանուկյանը բնութագրվում է որպես հարևանների, ընկերների և շրջապատի հարգանքը վայելող անձնավորություն, մշտապես հոգացել է ընտանիքի կարիքները, հետևել է թաղամասի կարգուկանոնի պահպանմանը, աջակցել է թաղամասի կառուցապատման, բարեկարգման աշխատանքներին։
Հետազոտվեց նաև Արարատի մարզի Արարատ համայնքի Ավշար բնակավայրի վարչական ղեկավարի կողմից տրված բնութագիրը, համաձայն որի՝ Գեղամ Մանուկյանը իրեն դրսևորել է որպես բարեխիղճ և պատասխանատու անձնավորություն, ընկերասեր է, ընտանիքին և համագյուղացիներին նվիրված, վայելում է շրջապատի սերն ու հարգանքը։
Հետազոտվեց նաև ՀՀ երկրապահ կամավորականների միության Արարատի տարածքային բաժանմունքի նախագահի կողմից տրված տեղեկանքը, համաձայն որի՝ Գեղամ Մանուկյանը մասնակցել է 2020 թվականի սեպտեմբերի 27-ին սկսված պատերազմին՝ Ավշարի ջոկատի կազմում։ Եղել է ԵԿՄ-ի անբաժանելի մասնիկը, լինելով մեծ հայրենասեր՝ մեծ օգնություն է ցուցաբերել ջոկատին, թե հոգեպես, թե ֆիզիկապես, նաև ֆինանսավորել է Ավշարի ջոկատին այդ ճակատագրական օրերին։
(դատական նիստի արձանագրություն)

IV.Դատարանի պատճառաբանությունը և եզրահանգումները.

Առաջադրված մեղադրանքի հետ մեղադրյալ Գեղամ Սուրիկի Մանուկյանի համաձայն լինելու և արագացված վարույթ կիրառելու պայմաններում Դատարանը արձանագրում է, որ ապացուցված է Գեղամ Սուրիկի Մանուկյանին վերագրվող փաստական հանգամանքները, վերջինս կատարել է իրեն մեղսագրված հանցանքը, դրանք ճիշտ է որակված և համապատասխանում է ՀՀ քրեական օրենսգրքի 335-րդ հոդվածի 1-ին մասով նախատեսված հանցագործության հատկանիշներին, ինչպես նաև ապացուցված է մեղադրյալի մեղավորությունը տվյալ արարքը կատարելու մեջ։
Մեղադրյալ Գեղամ Սուրիկի Մանուկյանի նկատմամբ պատիժ նշանակելու հարցը քննարկելիս՝ Դատարանն արձանագրում է հետևյալը.
ՀՀ քրեական օրենսգրքի 7-րդ հոդվածի 1-ին մասի համաձայն՝
Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:
ՀՀ քրեական օրենսգրքի 55-րդ հոդվածի համաձայն՝
§1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»
ՀՀ քրեական օրենսգրքի 69-րդ հոդվածի համաձայն՝
§1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե Դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ:¦
ՀՀ քրեական օրենսգրքի 77-րդ հոդվածի 4.1-րդ մասի համաձայն՝
Արագացված վարույթ կիրառելու դեպքում պատիժը չի կարող գերազանցել սույն օրենսգրքի Հատուկ մասի համապատասխան հոդվածի սանկցիայով նախատեսված առավել խիստ պատժատեսակի համար նախատեսված առավելագույն չափի կամ ժամկետի երեք քառորդը։ Եթե առավել խիստ պատժատեսակի երեք քառորդը պակաս է ստացվում սույն օրենսգրքի Հատուկ մասի համապատասխան հոդվածի սանկցիայով նախատեսված առավել խիստ պատժատեսակի նվազագույն չափից կամ ժամկետից, ապա այն չի կարող պակաս լինել նվազագույն չափից կամ ժամկետից։
ՀՀ քրեական օրենսգրքի 335-րդ հոդվածի 1-ին մասի համաձայն.
§1. Ապօրինի կերպով հրազեն (բացառությամբ քաղաքացիական ողորկափող հրազենի, դրա փամփուշտների կամ դրա բաղկացուցիչ մասերի), դրա հիմնական բաղկացուցիչ մաս, ռազմամթերք, ակոսափող հրազենի փամփուշտ, պայթուցիկ նյութ կամ պայթեցման սարք ձեռք բերելը, իրացնելը, պահելը, փոխադրելը, առաքելը կամ կրելը՝
պատժվում է ազատության սահմանափակմամբ՝ առավելագույնը երեք տարի ժամկետով, կամ կարճաժամկետ ազատազրկմամբ՝ առավելագույնը երկու ամիս ժամկետով, կամ ազատազրկմամբ՝ առավելագույնը հինգ տարի ժամկետով:
(…)¦
ՀՀ քրեական դատավարության օրենսգրքի 464․4-րդ հոդվածի 2-րդ մասի համաձայն՝
Դատարանը արագացված վարույթի արդյունքով մեղադրական դատավճիռ կայացնելիս նշանակում է պատիժ՝ հաշվի առնելով Հայաuտանի Հանրապետության քրեական օրենսգրքի ընդհանուր մասի վերաբերելի դրույթները:
Դատարանը ՀՀ քրեական օրենսգրքի հոդվածների համապատասխան Գեղամ Սուրիկի Մանուկյանի նկատմամբ նշանակվող պատժի տեսակը և չափը որոշելիս հաշվի է առնում կատարված հանցագործության եղանակը, հանցագործության շարժառիթներն ու նպատակները, քրեական պատասխանատվությունն ու պատիժը մեղմացնող և ծանրացնող հանգամանքները, նրա անձը բնութագրող տվյալները, ինչպես նաև նշանակվող պատժի` մեղադրյալի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցության հանգամանքը:
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, որպես Գեղամ Սուրիկի Մանուկյանի պատիժը և պատասխանատվությունը մեղմացնող հանգամանք արձանագրում է, այն որ վերջինս ընդունել է իրեն առաջադրված մեղադրանքը և զղջացել է կատարածի համար, ինչպես նաև այն հանգամանքը, որ վերջինս մասնակցել է 2020 թվականի սեպտեմբերի 27-ին սկսված պատերազմին։ Դատարանը, որպես Գեղամ Սուրիկի Մանուկյանի պատասխանատվությունը և պատիժը մեղմացնող հանգամանքներ հաշվի է առնում նաև վերջինի խնամքին գտնող երկու անչափահաս երեխաների առկայության հանգամանքը։
(դատական նիստի արձանագրություն)
Դատարանը ղեկավարվելով ՀՀ քրեական օրենսգրքի 71-րդ հոդվածով արձանագրում է, որ Գեղամ Սուրիկի Մանուկյանի պատասխանատվությունը կամ պատիժը ծանրացնող հանգամանքներ չկան:
Դատարանը, որպես մեղադրյալ Գեղամ Սուրիկի Մանուկյանի անձը բնութագրող հատկանիշներ արձանագրում է, որ վերջինս դրական բնութագրվելու, առողջական խնդիրներ ունենալու, ինչպես նաև դատվածություն չունենալու հանգամանքները։
(դատական նիստի արձանագրություն)
Պատժի տեսակների միջև ճիշտ ընտրություն կատարելու և արարքի բնույթն ու հանրային վտանգավորության աստիճանը գնահատելու հարցերին ՀՀ վճռաբեկ դատարանն անդրադարձել է Գ.Մադաթյանի գործով որոշման մեջ, որտեղ իրավական դիրքորոշում է հայտնել այն մասին, որ. §(…) այլընտրանքային սանկցիաների միջև ընտրություն կատարելիս պատժի արդարացիության սկզբունքի ապահովման հիմնական երաշխիքը դատարանների կողմից յուրաքանչյուր գործի քննության ժամանակ այնպիսի հանգամանքների բացահայտումն է, որոնք ազդել են անձի կողմից կատարված արարքի հանրային վտանգավորության բնույթի և աստիճանի վրա:
Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը: (…)¦ (տե՛ս Գարուշ Նորիկի Մադաթյանի վերաբերյալ 2009 թվականի փետրվարի 17-ի թիվ ԵՇԴ/0029/01/08 որոշումը):
ՀՀ վճռաբեկ դատարանի ձևավորած իրավական դիրքորոշումների, ինչպես նաև վերևում նշված փաստական հանգամանքների գնահատման արդյունքում Դատարանը գտնում է, որ մեղադրյալ Գեղամ Սուրիկի Մանուկյանը իր կատարած` ՀՀ քրեական օրենսգրքի 335-րդ հոդվածի 1-ին մասով նախատեսված հանցագործության համար ենթակա է պատժի՝ ազատազրկման ձևով՝ 4 (չորս) ամիս ժամկետով, ինչը տվյալ դեպքում, համաչափ է կատարված կոնկրետ հանցագործության բնույթին, վտանգավորության աստիճանին, այն կատարելու հանգամանքներին, հանցավորի անձին, բխում է ՀՀ քրեական օրենսգրքի 7-րդ հոդվածով սահմանված՝ արդարության և պատասխանատվության անհատականացման, պատիժ նշանակելու ընդհանուր սկզբունքներից և բավարար է ՀՀ քրեական օրենսգրքի 55-րդ հոդվածով սահմանված պատժի նպատակների իրականացման տեսանկյունից:
Դատարանը գտնում է, որ մեղադրյալի նկատմամբ դատարանի կողմից որոշած պատժաչափը համապատասխանում է ՀՀ Սահմանադրության 71-րդ և 78-րդ հոդվածներով ամրագրված քրեական պատժի և պետական հարկադրանքի «Համաչափության» սկզբունքին:
ՀՀ քրեական օրենսգրքի 79-րդ հոդվածի 3-րդ մասի համաձայն՝ մինչև դատավճռի օրինական ուժի մեջ մտնելը, անկախ Հայաստանի Հանրապետության իրավազորությունից, փաստացի անազատության մեջ գտնվելու ժամկետը հաշվակցվում է կարճաժամկետ ազատազրկման, կարգապահական գումարտակում պահելու, ազատազրկման ձևով նշանակված պատժին` 1 օրը հաշվելով 1 օրվա դիմաց, ազատության սահմանափակման ձևով նշանակված պատժին՝ 1 օրը հաշվելով 2 օրվա դիմաց, իսկ հանրային աշխատանքների դեպքում՝ 1 օրը 8 ժամի դիմաց:
Հարկ է արձանագրել, որ մեղադրյալ Գ.Մանուկյանը 2024 թվականի հուլիսի 03-ից մինչև 2024 թվականի նոյեմբերի 08-ը գտնվել է անազատության մեջ, ուստի հաշվի առնելով վերոգրյալը Դատարանը գտնում է, որ ՀՀ քրեական օրենսգրքի 79-րդ հոդվածի 3-րդ մասի կիրառմամբ Գեղամ Մանուկյանի նկատմամբ նշանակված 4 (չորս) ամիս ժամկետով ազատազրկմանը պետք է հաշվակցել վերջինիս անազատության մեջ գտնված 4 (չորս) ամիս 5 (հինգ) օր ժամկետը և վերջինիս նկատմամբ նշանակված պատիժը պետք է համարել կրած։
Քննության առնելով քրեական գործով իրեղեն ապացույց ճանաչված՝ «RETAY PT23» տեսակի R11RERYYS04-2401282 գործարանային համարի, 9մմ տրամաչափի ինքնաշեն եղանակով ձևափոխման ենթարկված՝ փողանցքի արգելապատնեշը հեռացված ողորկափող ատրճանակի, ռազմամթերք հանդիսացող թվով 14 հատ /որոնցից փորձաքննության ընթացքում փորձարարական կրակոցների համար օգտագործվել է թվով 9 հատ /սահմանափակ խոցելիության վնասվածքային հրազենների համար նախատեսված գործարանային արտադրության, նպատակային օգտագործման համար պիտանի 9մմ /9x21/ տրամաչափի փամփուշտների, ինքնաշեն եղանակով ձևափոխված թվով 5 հատ 8մմ (8x20) տրամաչափի փամփուշտների/որոնցից փորձաքննության ընթացքում փորձարարական կրակոցների համար օգտագործվել է թվով 2 հատ/, թվով 2 հատ 9մմ (9x21) տրամաչափի ինքնաշեն եղանակով ձևափոխված փամփուշտների/որոնցից փորձաքննության ընթացքում փորձարարական կրակոցների համար օգտագործվել է թվով 1 հատ/ և ակոսափող զենքերից կրակվելու համար նախատեսված թվով 25 հատ գործարանային արտադրության 9մմ /9x18/ տրամաչափի փամփուշտների, թվով 10 հատ գործարանային արտադրության 9մմ /9x19/ տրամաչափի փամփուշտների, թվով 7 հատ գործարանային արտադրության 6,35Br/6,35x15/մմ տրամաչափի փամփուշտների, թվով 2 հատ գործարանային արտադրության 5,45մմ /5,45x18/ տրամաչափի փամփուշտների, թվով 1 հատ գործարանային արտադրության 7,62մմ /7,62x39/ տրամաչափի փամփուշտի, թվով 1 հատ գործարանային արտադրության 7,65Br/7,65x17մմ/ տրամաչափի փամփուշտի, թվով 1 հատ գործարանային արտադրության 5,65մմ/5,6x15,6/ տրամաչափի փամփուշտի, սահմանափակ ազդեցության հրազենների համար նախատեսված թվով 12 հատ 9մմ տրամաչափի տրավմատիկ փամփուշտների/ որոնցից փորձաքննության ընթացքում փորձարարական կրակոցների համար օգտագործվել է ընդհանուր թվով 10 հատ փամփուշտների հարցը՝ Դատարանը գտնում է, որ դատավճիռն օրինական ուժի մեջ մտնելուց հետո դրանք պետք է հանձնել ՀՀ ՔԿ ԵՔՔՎ Կենտրոն և Նորք-Մարաշ վարչական շրջանի քննչական երրորդ բաժնին թիվ 08155224 քրեական վարույթի հետ համատեղ ընթացքը լուծելու նպատակով:
Քննության առնելով մեղադրյալի նկատմամբ նախնական դատալսման ընթացքում ընտրված խափանման միջոցի հարցը՝ Դատարանը գտնում է, որ դատավճռի օրինական ուժի մեջ մտնելուց հետո մեղադրյալի նկատմամբ ընտրված խափանման միջոցը՝ Հայաստանի Հանրապետությունից բացակայելու արգելքը և դրանով պայմանավորված սահմանափակումները պետք է վերացնել:
Դատարանը գտնում է նաև, որ վարույթային ծախսերի հարցը պետք է համարել լուծված, քանի որ ՀՀ քրեական դատավարության օրենսգրքի 464.4–րդ հոդվածի 5-րդ մասի համաձայն՝ նույն օրենսգրքի 167-րդ հոդվածի 1-ին մաuով նախատեսված վարութային ծախսերը մեղադրյալից ենթակա չեն բռնագանձման:

Եզրափակիչ մաս.
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 9-րդ, 347-350-րդ, 364-րդ, 464.1-464.5-րդ հոդվածներով՝ Դատարանը հոդվածներով, Դատարանը.

Վ Ճ Ռ Ե Ց

Գեղամ Սուրիկի Մանուկյանի մեղավոր ճանաչել ՀՀ քրեական օրենսգրքի 335-րդ հոդվածի 1-ին մասով նախատեսված արարքում և պատիժ նշանակել ազատազրկում՝ 4 (չորս) ամիս ժամկետով:
ՀՀ քրեական օրենսգրքի 79-րդ հոդվածի 3-րդ մասի կիրառմամբ Գեղամ Սուրիկի Մանուկյանի նկատմամբ նշանակված 4 (չորս) ամիս ժամկետով ազատազրկմանը հաշվակցել վերջինիս՝ 2024 թվականի հուլիսի 03-ից մինչև 2024 թվականի նոյեմբերի 08-ը, անազատության մեջ գտնված 4 (չորս) ամիս 5 (հինգ) օր ժամկետը և նշանակված պատիժը համարել կրած։
Դատավճռի օրինական ուժի մեջ մտնելուց հետո, իրեղեն ապացույց ճանաչված՝ «RETAY PT23» տեսակի R11RERYYS04-2401282 գործարանային համարի, 9մմ տրամաչափի ինքնաշեն եղանակով ձևափոխման ենթարկված՝ փողանցքի արգելապատնեշը հեռացված ողորկափող ատրճանակը, ռազմամթերք հանդիսացող թվով 14 հատ /որոնցից փորձաքննության ընթացքում փորձարարական կրակոցների համար օգտագործվել է թվով 9 հատ /սահմանափակ խոցելիության վնասվածքային հրազենների համար նախատեսված գործարանային արտադրության, նպատակային օգտագործման համար պիտանի 9մմ /9x21/ տրամաչափի փամփուշտները, ինքնաշեն եղանակով ձևափոխված թվով 5 հատ 8մմ (8x20) տրամաչափի փամփուշտների/որոնցից փորձաքննության ընթացքում փորձարարական կրակոցների համար օգտագործվել է թվով 2 հատ/, թվով 2 հատ 9մմ (9x21) տրամաչափի ինքնաշեն եղանակով ձևափոխված փամփուշտների/որոնցից փորձաքննության ընթացքում փորձարարական կրակոցների համար օգտագործվել է թվով 1 հատ/ և ակոսափող զենքերից կրակվելու համար նախատեսված թվով 25 հատ գործարանային արտադրության 9մմ /9x18/ տրամաչափի փամփուշտները, թվով 10 հատ գործարանային արտադրության 9մմ /9x19/ տրամաչափի փամփուշտները, թվով 7 հատ գործարանային արտադրության 6,35Br/6,35x15/մմ տրամաչափի փամփուշտները, թվով 2 հատ գործարանային արտադրության 5,45մմ /5,45x18/ տրամաչափի փամփուշտները, թվով 1 հատ գործարանային արտադրության 7,62մմ /7,62x39/ տրամաչափի փամփուշտը, թվով 1 հատ գործարանային արտադրության 7,65Br/7,65x17մմ/ տրամաչափի փամփուշտը, թվով 1 հատ գործարանային արտադրության 5,65մմ/5,6x15,6/ տրամաչափի փամփուշտը, սահմանափակ ազդեցության հրազենների համար նախատեսված թվով 12 հատ 9մմ տրամաչափի տրավմատիկ փամփուշտների/որոնցից փորձաքննության ընթացքում փորձարարական կրակոցների համար օգտագործվել է ընդհանուր թվով 10 հատ փամփուշտները, հանձնել ՀՀ ՔԿ ԵՔՔՎ Կենտրոն և Նորք-Մարաշ վարչական շրջանի քննչական երրորդ բաժնին թիվ 08155224 քրեական վարույթի հետ համատեղ ընթացքը լուծելու նպատակով։
Դատավճռի օրինական ուժի մեջ մտնելուց հետո, Գեղամ Սուրիկի Մանուկյանի նկատմամբ ընտրված խափանման միջոց՝ Հայաստանի Հանրապետությունից բացակայելու արգելքը և դրանով պայմանավորված սահմանափակումները, վերացնել:
Վարույթային ծախսերի հարցը համարել լուծված:
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով նախատեսված հիմքերի, կարող է բողոքարկվել ՀՀ վերաքննիչ քրեական դատարան ստանալու օրվանից հետո՝ մեկամսյա ժամկետում։



ԴԱՏԱՎՈՐ՝ Ժ.ՉԻՉՈՅԱՆ