ԵԴ1/3616/01/24

Դ Ա Տ Ա Վ Ճ Ի Ռ

ՀԱՅԱՍՏԱՆԻ ՀԱՆՐԱՊԵՏՈւԹՅԱՆ ԱՆՈւՆԻՑ


«17» հունվարի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)
նախագահող դատավոր՝ Ռազմիկ Մարիկյան
դատական նիստերի քարտուղար՝ Էդուարդ Սարգսյան


մասնակցությամբ`

հանրային մեղադրող Մերինե Սահակյանի
մեղադրյալ Հակոբ Սուլյանի

դռնբաց դատական նիստում քննելով քրեական վարույթն ըստ մեղադրանքի Հակոբ Սերգեյի Սուլյանի (ծնված՝ 30.07.1991թ., ՀՀ քաղաքացի, բարձրագույն կրթությամբ, ամուսնացած, չի աշխատում, հանցանքները կատարելու պահին դատվածություն չունեցող, հաշվառված և փաստացի բնակվում է Երևան քաղաքի Չերնիշևսկու փողոցի 64 տուն հասցեում), մեղադրանք է ներկայացվել 2 (երկու) դրվագ ՀՀ քրեական օրենսգրքի 344-րդ հոդվածի 1-ին մասով նախատեսված հանցավոր արարքները կատարելու համար, որպես խափանման միջոց է կիրառվել բացակայելու արգելքը,
1. Գործի դատավարական նախապատմությունը.
2023 թվականի հոկտեմբերի 19-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախատեսված հանցագործության դեպքով ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում նախաձեռնվել է թիվ 60-0429-23 քրեական վարույթը։
2024 թվականի մայիսի 18-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախատեսված հանցագործության դեպքով ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում նախաձեռնվել է թիվ 60-1983-24 քրեական վարույթը։
2024 թվականի հուլիսի 26-ի որոշմամբ թիվ 60-1983-24 քրեական վարույթը միացվել է թիվ 60-0429-23 քրեական վարույթին, և նախաքննությունը շարունակվել է թիվ 60042923 նախաքննական համարի ներքո:
2024 թվականի նոյեմբերի 28-ին ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 2-րդ մասի հատկանիշներով Հակոբ Սերգեյի Սուլյանի նկատմամբ հարուցվել է հանրային քրեական հետապնդում:
2024 թվականի դեկտեմբերի 6-ին ՀՀ դատախազության Երևան քաղաքի Էրեբունի և Նուբարաշեն վարչական շրջանի դատախազությունից մեղադրական եզրակացությամբ Երևան քաղաքի առաջին ատյանի ընդհանուր իրավասության քրեական դատարան է ստացվել թիվ 60042923 նախաքննական համարով քրեական գործը, որին շնորհվել է թիվ ԵԴ1/3616/01/24 համարը։
2024 թվականի դեկտեմբերի 11-ին Երևան քաղաքի առաջին ատյանի ընդհանուր իրավասության քրեական դատարանի դատավոր Ռազմիկ Մարիկյանի կողմից որոշում է կայացվել թիվ ԵԴ1/3616/01/24 քրեական գործով վարույթը ստանձնելու մասին:
2024 թվականի դեկտեմբերի 23-ին՝ հիմնական դատալսումների ժամանակ հանրային մեղադրողը, տեխնիկական վրիպակով պայմանավորված, փոփոխել է մեղադրյալ Հակոբ Սուլյանին ներկայացված մեղադրանքը, և նրան մեղադրանք է ներկայացվել 2 (երկու) դրվագ ՀՀ քրեական օրենսգրքի 344-րդ հոդվածի 1-ին մասով:
2024 թվականի դեկտեմբերի 23-ին Դատարանը թիվ ԵԴ1/3616/01/24 քրեական գործով կայացրել է մեղադրական վերդիկտ՝ Հակոբ Սերգեյի Սուլյանին մեղավոր ճանաչելով 2 (երկու) դրվագ ՀՀ քրեական օրենսգրքի 344-րդ հոդվածի 1-ին մասով նախատեսված արարքների կատարման մեջ:
2. Մեղադրանքի փաստական նկարագրությունը.
Հակոբ Սերգեյի Սուլյանին մեղադրանք է ներկայացվել ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 2-րդ մասով այն բանի համար, որ «նա տրանսպորտային միջոցներ վարելու իրավունքը կասեցված վիճակում 2023թ. փետրվարի 10-ին վարել է տրանսպորտային միջոց, 2024թ. ապրիլի 14-ին զրկված լինելով տրանսպորտային միջոցներ վարելու իրավունքից մեկ տարի ժամկետով վարել է տրանսպորտային միջոց։
Այսպես.
Հակոբ Սուլյանի տրանսպորտային միջոցներ վարելու իրավունքը վարչական տույժ նշանակելու մասին 2022 թվականի սեպտեմբերի 22-ին կայացված թիվ 8200301860 որոշմամբ 2022 թվականի սեպտեմբերի 22-ից մինչև 2023 թվականի մարտի 22-ը կասեցվել է (վարորդական վկայական թիվ RB 444011): Նշված որոշումը ստորագրությամբ նույն օրը հանձնվել է Հակոբ Սուլյանին:
Այնուհետև, պատշաճ ծանուցված լինելով իր՝ տրանսպորտային միջոցներ վարելու իրավունքը կասեցված լինելու հանգամանքի մասին, Հակոբ Սուլյանը 2023 թվականի փետրվարի 10-ին Երևան քաղաքի Էրեբունու փողոցում վարել է «ԲՄՎ» մակնիշի, 36 NR 547 հաշվառման համարանիշի ավտոմեքենան, որը կանգնեցվել է տվյալ տարածքում ծառայություն իրականացող ՀՀ ՆԳՆ ոստիկանության «Պարեկային ծառայության» 2-րդ գումարտակի 1-ին վաշտի պարեկ Արտյոմ Չոբանյանի կողմից և ստուգման արդյունքում պարզվել է, որ Հակոբ Սուլյանի տրանսպորտային միջոցներ վարելու իրավունքը կասեցված է վեց ամիս ժամկետով:
Այսինքն, Հակոբ Սուլյանին մեղսագրվում է հանցանքի կատարում նախատեսված ՀՀ քրեական օրենսգրքի 344-րդ հոդվածի 1-ին մասով:
Բացի այդ, Հակոբ Սուլյանը 2024թ. հունվարի 31-ին ՀՀ ՆԳՆ ոստիկանության «Պարեկային ծառայության» ԵՔԳ 4-րդ գումարտակի 2-րդ վաշտի պարեկ Հովհաննես Դավթյանի կողմից թիվ 8180400180 որոշմամբ 1 տարի ժամկետով զրկվելով տրանսպորտային միջոցներ վարելու իրավունքից և այդ մասին պատշաճ ծանուցված լինելով 2024թ. ապրիլի 14-ին Երևան քաղաքի Ամիրյան փողոցում վարել է «ԲՄՎ» մակնիշի, 36 NR 547 հաշվառման համարանիշի ավտոմեքենան, որի ընթացքում՝ ժամը 07:35-ի սահմաններում, նրա վարած վերոհիշյալ ավտոմեքենան կանգնեցվել է տվյալ տարածքում ծառայություն իրականացնող, ՀՀ ՆԳՆ ոստիկանության «Պարեկային ծառայության» 4-րդ գումարտակի 3-րդ վաշտի պարեկ Նարեկ Հակոբյանի կողմից և պարզվել, որ Հակոբ Սուլյանը զրկված լինելով տրանսպորտային միջոցներ վարելու իրավունքից 1 տարի ժամկետով, ավտոմեքենան վարել է ոչ սթափ վիճակում:
2024 թվականի ապրիլի 14-ին՝ ժամը 04:17-ին, Alcovisor Jupter X/RP թիվ 91101069 համարի սարքի միջոցով ստուգվել է Հակոբ Սուլյանի սթափության վիճակը, որի արդյունքում ստացված 01252 սթափության զննության կտրոնի համաձայն՝ Հակոբ Սուլյանի 1 լիտր արտաշնչած օդի մեջ ալկոհոլի պարունակությունը կազմել է 0.741 մգ /թիվ 113393 ստուգաչափման վկայականի հնարավոր 10% սխալանքը հաշվի առնելով՝ 0,666 մգ/, որը ՀՀ Վարչական իրավախախտումների վերաբերյալ օրենսգրքի 126-րդ հոդվածի 9-րդ մասի համաձայն համարվում է ոչ սթափ վիճակ:
Այսինքն, Հակոբ Սուլյանին մեղսագրվում է հանցանքի կատարում նախատեսված ՀՀ քրեական օրենսգրքի 344-րդ հոդվածի 2-րդ մասով:»։
Հաշվի առնելով ՀՀ քրեական դատավարության օրենսգրքի 277-րդ հոդվածի 6-րդ մասի կարգավորումը՝ հիմնական դատալսումների ընթացքում բոլոր ապացույցների հետազոտումից հետո հանրային մեղադրողը նշել է, որ չի ապացուցվել 2-րդ դրվագով Հակոբ Սուլյանի խմածության հանգամանքը, ուստի միջնորդել է Հակոբ Սուլյանին նշված դրվագով նույնպես մեղավոր ճանաչել ոչ թե ՀՀ քրեական օրենսգրքի 344-րդ հոդվածի 2-րդ մասով, այլ նույն հոդվածի 1-ին մասով նախատեսված հանցանք կատարելու մեջ:
3. Դատաքննության ընթացքում հետազոտված թույլատրելի ապացույցները.
Հիմնական դատալսումների ընթացքում հետազոտված թույլատրելի ապացույցները.
- Դատաքննության ընթացքում մեղադրյալ Հակոբ Սուլյանը ցուցմունք է տվել այն մասին, որ Ամիրյան փողոցում առավոտյան ժամը 7-ի սահմաններում են իրեն կանգնեցրել, ինքը հաստատ ալկոհոլ օգտագործած վիճակում չի եղել, ինչը ստուգվել է պարեկային ծառայության աշխատակիցների կողմից:
- ՀՀ ոստիկանության պարեկային ծառայության՝ 2023 թվականի փետրվարի 10-ի վարչական իրավախախտման վերաբերյալ գործով արձանագրությունը և թիվ 8180247101 որոշումը, համաձայն որի՝ ՀՀ ոստիկանության պարեկային ծառայության գնդի 2-րդ գումարտակի 1-ին վաշտի պարեկ Արտյոմ Մարտիկի Չոբանյանը (11793) 2023 թվականի փետրվարի 10-ին՝ ժամը՝ 21։10-ին կազմել է արձանագրություն այն մասին, որ քաղաքացի Հակոբ Սերգեյի Սուլյանը (ծնված՝ 1991 թվական, բնակվող՝ Չերնիշևսկու փողոց 64 տուն, հեռ․՝ 044-60-00-07) տրանսպորտային միջոցներ վարելու իրավունքը կասեցված վիճակում, ժամը՝ 21։00-ին Երևան քաղաքի Էրեբունու փողոցում վարել է «ԲՄՎ» մակնիշի 36 NR 547 հաշվառման համարանիշի տրանսպորտային միջոցը։ Վարչական իրավախախտում կատարած անձի բացատրությունը, դիտողությունը, ստորագրությունը բաժնում առկա է ստորագրություն։ Իրավունքների և պարտականությունների մասին քաղվածքի և խախտման քննարկման վայրի ու ժամանակի վերաբերյալ ծանուցման բաժնում առկա է ստորագրություն և Սուլյան ազգանունը։ Խախտման ծածկագիրն է՝ 201․3։
- Ճանապարհային ոստիկանության էլեկտրոնային ռեգիստրի RB444011 տվյալները, որի համաձայն՝ Հակոբ Սերգեյի Սուլյանի վարորդական վկայականի կարգերն են՝ B (13-05-2013) , C(13-05-2013) կարգավիճակը՝ կասեցված, թողարկված՝ 20-03-2019, զրկումներ չեն հայտնաբերվել, կասեցումների սկիզբը՝ 22.09.2022թ., կասեցումների ավարտը՝ 22.03.2023թ.։
- ՀՀ ոստիկանության Պարեկային ծառայության՝ 2022 թվականի սեպտեմբերի 22-ի վարչական իրավախախտման վերաբերյալ գործով արձանագրությունը և թիվ 8200301860 որոշումը, որոնց համաձայն՝ ՀՀ ոստիկանության պարեկային ծառայության պարեկ Արա Զաքարյանը (03807) 2022 թվականի սեպտեմբերի 22-ին՝ ժամը 11։17-ին կազմել է արձանագրություն այն մասին, որ քաղաքացի Հակոբ Սերգեյի Սուլյանը (բնակվող՝ Չերնիշևսկու փողոց 64 տուն) 2022 թվականի սեպտեմբերի 22-ին, ժամը՝ 11։10-ին Երևան քաղաքի Էրեբունի Նուբարաշեն խճուղում վարել է «ԲՄՎ» մակնիշի 36 NR 547 հաշվառման համարանիշի տրանսպորտային միջոցը, միևնույն ժամանակ վարորդը ձեռքի օգտագործմամբ ընթացքի ժամանակ օգտվել է հեռախոսակապից։ Իրավունքների և պարտականությունների մասին քաղվածքի և խախտման քննարկման վայրի ու ժամանակի վերաբերյալ ծանուցման բաժնում առկա է ստորագրություն։ Խախտման ծածկագիրն է՝ 31-2։ Թիվ 8200301860 որոշմամբ 2022 թվականի սեպտեմբերի 22-ին Հակոբ Սերգեյի Սուլյանի տրանսպորտային միջոցներ վարելու իրավունքը կասեցվել է վեց ամիս ժամկետով։ Որոշման պատճենի և կատարման կարգի մասին քաղվածքի ստացման բաժնում առկա է ստորագրություն։
- ՀՀ ոստիկանության պարեկային ծառայության 2024 թվականի ապրիլի 14-ի վարչական իրավախախտման վերաբերյալ գործով արձանագրությունը և թիվ 8180404550 որոշումը, որոնց համաձայն՝ ՀՀ ոստիկանության պարեկային ծառայության 4-րդ գումարտակի, 3-րդ վաշտի պարեկ, ոստիկանության ավագ լեյտենանտ Նարեկ Ռաֆիկի Հակոբյանը (02122) 2024 թվականի ապրիլի 14-ին՝ ժամը 07։42-ին կազմել է արձանագրություն այն մասին, որ քաղաքացի Հակոբ Սերգեյի Սուլյանը (ծնված՝ 30․07․1991 թ․, բնակվող՝ Չերնիշևսկու փողոց 64 տուն, հեռ․՝ 044-60-00-07) 2024 թվականի ապրիլի 14-ին, ժամը՝ 07։35-ին Երևան քաղաքի Ամիրյան փողոցում տրանսպորտային միջոցներ վարելու իրավունքից զրկված վիճակում վարել է «ԲՄՎ» մակնիշի 36 NR 547 հաշվառման համարանիշի տրանսպորտային միջոցը։ Վարչական իրավախախտում կատարած անձի բացատրությունը, դիտողությունը, ստորագրությունը բաժնում առկա է ստորագրություն։ Իրավունքների և պարտականությունների մասին քաղվածքի և խախտման քննարկման վայրի ու ժամանակի վերաբերյալ ծանուցման բաժնում առկա է ստորագրություն։ Խախտման ծածկագիրն է՝ 201․1։
- Ճանապարհային ոստիկանության էլեկտրոնային ռեգիստրի RB444011 տվյալները, որոնց համաձայն՝ Հակոբ Սերգեյի Սուլյանի վարորդական վկայականի կարգերն են՝ B (13-05-2013), C (13-05-2013) կարգավիճակը՝ զրկված, թողարկված՝ 20-03-2019, կասեցումների պատմություն՝ սկիզբը՝ 22.09.2022թ., ավարտը՝ 22.03.2023թ., զրկումների սկիզբը՝ 31.01.2024թ., զրկումների ավարտը՝ 31.01.2025թ.։
- ՀՀ ոստիկանության Պարեկային ծառայության՝ 2024 թվականի հունվարի 31-ի վարչական իրավախախտման վերաբերյալ գործով արձանագրությունը և թիվ 8180400180 որոշումը, որոնց համաձայն՝ ՀՀ ոստիկանության պարեկային ծառայության ԵՔԳ 4-րդ գումարտակի, 1-ին վաշտի պարեկ Հովհաննես Ժորայի Դավթյանը (09512) 2024 թվականի հունվարի 31-ին, ժամը՝ 04։20-ին կազմել է արձանագրություն այն մասին, որ քաղաքացի Հակոբ Սերգեյի Սուլյանը (ծնված՝ 30․07․1991 թ․, բնակվող՝ Չերնիշևսկու փողոց 64 տուն) 2024 թվականի հունվարի 31-ին, ժամը՝ 04։10-ին Երևան քաղաքի Արշակունյաց պողոտայում «ԲՄՎ» մակնիշի 36 NR 547 հաշվառման համարանիշի տրանսպորտային միջոցը վարել է ոչ սթափ վիճակում։ Վարչական իրավախախտում կատարած անձի բացատրությունը, դիտողությունը, ստորագրությունը բաժնում առկա է ստորագրություն։ Իրավունքների և պարտականությունների մասին քաղվածքի և խախտման քննարկման վայրի ու ժամանակի վերաբերյալ ծանուցման բաժնում առկա է ստորագրություն։ Խախտման ծածկագիրն է՝ 70․2։ Թիվ 8180400180 որոշմամբ Հակոբ Սերգեյի Սուլյանը 1 (մեկ) տարի ժամկետով զրկվել է տրանսպորտային միջոցներ վարելու իրավունքից։ Որոշման պատճենի և կատարման կարգի մասին քաղվածքի ստացման բաժնում առկա է ստորագրություն։
- Պարտավորագիրը, որի համաձայն՝ Հակոբ Սերգեյի Սուլյանը համաձայնվել է, որպեսզի «ԲՄՎ» մակնիշի 36 NR 547 հաշվառման համարանիշի տրանսպորտային միջոցը Արթուր Գառնիկի Սարգիսյանը Երևան քաղաքի Արշակունյաց պողոտայից տեղափոխի Չերնիշևսկու փողոց։
- Վերոնշյալ փաստաթղթերը զննության ենթարկելու մասին արձանագրությունը:
- Վերոնշյալ փաստաթղթերը արտավարութային փաստաթուղթ ճանաչելու մասին որոշումը:
Լրացուցիչ դատալսումների ընթացքում հետազոտված թույլատրելի ապացույցները.
 ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանից ստացված տեղեկանքը, որի համաձայն՝ Հակոբ Սերգեյի Սուլյանը Արմավիրի մարզի ընդհանուր իրավասության դատարանի՝ 2024 թվականի մայիսի 6-ի դատավճռով մեղավոր է ճանաչվել ՀՀ քրեական օրենսգրքի 344-րդ հոդվածի 1-ին մասով, և նրա նկատմամբ նշանակվել է պատիժ տուգանք՝ նվազագույն աշխատավարձի հնգապատիկի՝ 340.000 (երեք հարյուր քառասուն հազար) ՀՀ դրամի չափով:
 ՀՀ ԱՆ պրոբացիայի ծառայության Երևանի քաղաքային մարմնի պետի՝ 2025 թվականի հունվարի 3-ի գրությունը, որի համաձայն՝ Հակոբ Սերգեյի Սուլյանը Արմավիրի մարզի ընդհանուր իրավասության դատարանի՝ 2024 թվականի մայիսի 6-ի դատավճռով մեղավոր է ճանաչվել ՀՀ քրեական օրենսգրքի 344-րդ հոդվածի 1-ին մասով, և նրա նկատմամբ նշանակվել է պատիժ տուգանք՝ նվազագույն աշխատավարձի հնգապատիկի՝ 340.000 (երեք հարյուր քառասուն հազար) ՀՀ դրամի չափով: Դատավճիռն օրինական ուժի մեջ է մտել 2024 թվականի հունիսի 24-ին: 2024 թվականի դեկտեմբերի 24-ին Հակոբ Սուլյանը պրոբացիայի ծառայություն է ներկայացրել 208.000 (երկու հարյուր ութ հազար) ՀՀ դրամի վճարման անդորրագիր: Տուգանքի չվճարված մասը կազմում է 131.667 (հարյուր երեսունմեկ հազար վեց հարյուր վաթսունյոթ) ՀՀ դրամ:
 ՔԿԱԳ տվյալների շտեմարանից արտատպված տեղեկատվության համաձայն՝ Հակոբ Սուլյանն ունի երկու անչափահաս երեխաներ՝ Աննա Հակոբի Սուլյան, ծնված՝ 16.09.2022թ., և Էմիլ Հակոբի Սուլյան, ծնված՝ 22.07.2024թ.:
 ՊԵԿ տվյալների շտեմարանից արտատպված տեղեկանքը, որի համաձայն՝ Հակոբ Սուլյանի եկամուտը դեպքին նախորդող 12 ամիսների ընթացքում բացակայում է:
4. Դատարանի փաստական վերլուծությունները և հաստատված կամ հերքված փաստական հանգամանքները.
Հիմնական դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանըգտնում է, որ առկա է փոխկապակցված վերաբերելի, թույլատրելի, հավաստի ապացույցների ամբողջություն, որը թույլ է տալիս հաստատված համարելու, որ Հակոբ Սուլյանը, պատշաճ ծանուցված լինելով իր՝ տրանսպորտային միջոցներ վարելու իրավունքը կասեցված լինելու հանգամանքի մասին, 2023 թվականի փետրվարի 10-ին Երևան քաղաքի Էրեբունու փողոցում վարել է «ԲՄՎ» մակնիշի, 36 NR 547 հաշվառման համարանիշի ավտոմեքենան, որը կանգնեցվել է տվյալ տարածքում ծառայություն իրականացող ՀՀ ՆԳՆ ոստիկանության «Պարեկային ծառայության» 2-րդ գումարտակի 1-ին վաշտի պարեկ Արտյոմ Չոբանյանի կողմից և ստուգման արդյունքում պարզվել է, որ Հակոբ Սուլյանի տրանսպորտային միջոցներ վարելու իրավունքը կասեցված է վեց ամիս ժամկետով: Բավարարելով հանրային մեղադրողի՝ ՀՀ քրեական դատավարության օրենսգրքի 277-րդ հոդվածի 6-րդ մասի հիման վրա ներկայացված միջնորդությունը, Դատարանը հաստատված է համարում նաև, որ Հակոբ Սուլյանը, զրկված լինելով տրանսպորտային միջոցներ վարելու իրավունքից և այդ մասին պատշաճ ծանուցված լինելով 2024 թվականի ապրիլի 14-ին Երևան քաղաքի Ամիրյան փողոցում վարել է «ԲՄՎ» մակնիշի, 36 NR 547 հաշվառման համարանիշի ավտոմեքենան, որի ընթացքում՝ ժամը 07:35-ի սահմաններում, նրա վարած վերոհիշյալ ավտոմեքենան կանգնեցվել է:
Դատարանը գտնում է, որ դատավճռի հիմքում դրված՝ փոխկապակցված վերաբերելի, թույլատրելի, հավաստի ապացույցների ամբողջությունը բացառում է Հակոբ Սուլյանին ներկայացված մեղադրանքի (տրանսպորտային միջոցներ վարելու իրավունքից կասեցված պայմաններում տրանսպորտային միջոց վարելը (2 դրվագ)) ապացուցվածության վերաբերյալ ցանկացած հիմնավոր կասկած։
Հիմնական և լրացուցիչ դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը հաստատված է համարում նաև սույն քրեական գործի լուծման համար նշանակություն ունեցող հետևյալ փաստական հանգամանքը.
- Հակոբ Սուլյանն իրեն մեղսագրվող հանցավոր արարքները կատարելու պահին դատվածություն չի ունեցել, ներկայում ունի դատվածություն:
5. Դատարանի իրավական վերլուծությունները, հետևությունները և որոշումները.
Դատարանի կողմից հաստատված փաստական հանգամանքների և 2025 թվականի հունվարի 8-ին կայացված մեղադրական վերդիկտի հիման վրա Դատարանը գտնում է, որ ապացուցված է մեղադրյալ Հակոբ Սերգեյի Սուլյանին վերագրվող փաստական հանգամանքները (Հակոբ Սուլյանը, պատշաճ ծանուցված լինելով իր՝ տրանսպորտային միջոցներ վարելու իրավունքը կասեցված լինելու հանգամանքի մասին, 2023 թվականի փետրվարի 10-ին Երևան քաղաքի Էրեբունու փողոցում վարել է «ԲՄՎ» մակնիշի, 36 NR 547 հաշվառման համարանիշի ավտոմեքենան: Բացի այդ, Հակոբ Սուլյանը, զրկված լինելով տրանսպորտային միջոցներ վարելու իրավունքից և այդ մասին պատշաճ ծանուցված լինելով 2024 թվականի ապրիլի 14-ին Երևան քաղաքի Ամիրյան փողոցում վարել է «ԲՄՎ» մակնիշի, 36 NR 547 հաշվառման համարանիշի ավտոմեքենան), այդ արարքների քրեական հակաիրավականությունը, մեղադրյալի կողմից այդ արարքները կատարելը, մեղադրյալի մեղավորությունը տվյալ արարքները կատարելու մեջ, ինչպես նաև գտնում է, որ մեղադրյալ Հակոբ Սուլյանի արարքների նկատմամբ երկու դրվագով պետք է կիրառվի ՀՀ քրեական օրենսգրքի 344-րդ հոդվածի 1-ին մասը:
Դատարանը որպես մեղադրյալ Հակոբ Սուլյանի պատասխանատվությունն ու պատիժը մեղմացնող հանգամանքներ է դիտարկում`
- առաջադրված մեղադրանքում իրեն մեղավոր ճանաչելը (տե՛ս Սերոբ Ֆրունզիկի Սարգսյանի վերաբերյալ ՀՀ վճռաբեկ դատարանի 2012 թվականի նոյեմբերի 1-ի թիվ ՍԴ/0109/01/12 որոշումը),
- խնամքին երկու անչափահաս երեխաների առկայությունը (Աննա Հակոբի Սուլյան, ծնված՝ 16.09.2022թ., և Էմիլ Հակոբի Սուլյան, ծնված՝ 22.07.2024թ.):
Դատարանն արձանագրում է, որ բացակայում են մեղադրյալ Հակոբ Սուլյանի պատասխանատվությունն ու պատիժը ծանրացնող հանգամանքները:
Դատարանը, դրական պատասխանելով ՀՀ քրեական դատավարության օրենսգրքի 342-րդ հոդվածի 1-ին մասով նախատեսված հարցերին, գտնում է, որ կատարած արարքների համար Հակոբ Սուլյանը ենթակա է քրեական պատասխանատվության և պատժի:
ՀՀ քրեական օրենսգրքի 17-րդ հոդվածի համաձայն՝
(…)
2. Ոչ մեծ ծանրության հանցանքներ են համարվում սույն օրենսգրքով նախատեսված այն արարքները, որոնց համար սույն օրենսգրքի Հատուկ մասով նախատեսված առավելագույն պատիժը չի գերազանցում 2 տարի ժամկետով ազատազրկումը, կամ որոնց համար նախատեսված է ազատությունից զրկելու հետ չկապված պատիժ:
(…)
ՀՀ քրեական օրենսգրքի 53-րդ հոդվածի համաձայն՝
1.Հանցագործությունների համակցություն է համարվում միևնույն անձի կողմից մեկ կամ մեկից ավելի արարքներով սույն օրենսգրքով նախատեսված երկու կամ ավելի հանցանք կատարելը, եթե նա դրանցից ոչ մեկի համար քրեական պատասխանատվության չի ենթարկվել:
(…)
ՀՀ քրեական օրենսգրքի 55-րդ հոդվածի 1-ին մասի համաձայն՝
1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:
ՀՀ քրեական օրենսգրքի 69-րդ հոդվածի համաձայն՝
1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե Դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ:
Նույն օրենսգրքի 74-րդ հոդվածի համաձայն՝
1.Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը, իսկ նույն հոդվածի 2-րդ մասի համաձայն՝ եթե հանցագործությունների համակցությունն ընդգրկում է միայն ոչ մեծ ծանրության հանցանքներ, ապա ազատազրկման ձևով վերջնական պատիժը նշանակվում է պատիժները լրիվ կամ մասնակիորեն գումարելու միջոցով:
(…)
11. Պատիժը նշանակվում է սույն հոդվածի կանոններով, եթե դատավճիռ կայացնելուց հետո պարզվի, որ դատապարտյալը մեղավոր է նաև մեկ այլ հանցանքի համար, որը նա կատարել է նախքան առաջին գործով դատավճիռ կայացնելը: Այս դեպքում վերջնական պատժի ժամկետին հաշվակցվում է առաջին դատավճռով նշանակված պատժի կրած մասը և պատժի կրման սկիզբ է համարվում առաջին դատավճռով նշանակված պատժի կրման սկիզբը:
ՀՀ քրեական օրենսգրքի 344-րդ հոդվածի համաձայն՝
1. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը՝
պատժվում է տուգանքով` առավելագույնը տասնապատիկի չափով, կամ հանրային աշխատանքներով` առավելագույնը հարյուր ժամ տևողությամբ, կամ կարճաժամկետ ազատազրկմամբ՝ առավելագույնը մեկ ամիս ժամկետով: (…):
Դատարանը, հիմք ընդունելով մեղադրյալի կողմից կատարած հանցագործությունների եղանակը, տեղը, ժամանակը, հանցագործության շարժառիթը և նպատակները, դիտավորության տեսակը, պատասխանատվությունը և պատիժը մեղմացնող ու ծանրացնող հանգամանքների առկայությունը և ղեկավարվելով ՀՀ քրեական օրենսգրքի 7-րդ, 55-րդ և 69-րդ հոդվածներով, գտնում է, որ Հակոբ Սոլյանի նկատմամբ երկու դրվագ ՀՀ քրեական օրենսգրքի 344-րդ հոդվածի 1-ին մասով յուրաքանչյուր դրվագի համար պետք է նշանակել հոդվածի սանկցիայով նախատեսված տուգանքի ձևով պատիժ:
ՀՀ քրեական օրենսգրքի 59-րդ հոդվածի համաձայն՝
(…)
3.Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով։
(…)
ՀՀ քրեական օրենսգրքի 3-րդ հոդվածի համաձայն.
(…)
Ամսական եկամուտ` հանցանքն ավարտվելու օրվան նախորդող 12 ամիսների ընթացքում անձի ստացած միջին ամսական եկամտի 35 տոկոսը: Միջին ամսական եկամտի մեջ հաշվարկվում են ստացվող աշխատավարձը և դրան հավասարեցված այլ վճարումները, (…):
Քրեաիրավական նշված նորմերի վերլուծությունից պարզ է դառնում, որ տուգանքի հաշվարկման հիմքում դրվում է ոչ թե նվազագույն աշխատավարձը, այսինքն՝ պետությունում սահմանված ֆիքսված որևէ գումար, այլ հանցանք կատարած անձի եկամուտը:
Հաշվի առնելով այն, որ քրեական նոր օրենսգրքում տուգանքի հաշվարկման հիմքում դրվում է հանցանք կատարած անձի եկամուտը, օրենսդիրը կարգավորել է նաև այն իրավիճակները, երբ անձը եկամուտ չունի կամ դրա չափը անհնարին է պարզել: Այդ դեպքերում տուգանքի չափը հաշվարկվում է հանցանքը կատարելու պահին նվազագույն ամսական աշխատավարձի չափով:
«Նվազագույն ամսական աշխատավարձի մասին» ՀՀ օրենքի՝ 2022 թվականի դեկտեմբերի 7-ի փոփոխության համաձայն՝ 2023 թվականի հունվարի 1-ին ՀՀ-ում որպես նվազագույն ամսական աշխատավարձ է սահմանվել 75.000 ՀՀ դրամը:
Նման պայմաններում, հաշվի առնելով, որ մեղադրյալ Հակոբ Սուլյանն իրեն մեղսագրվող հանցանքները կատարել է 2023 թվականի փետրվարի 10-ին և 2024 թվականի ապրիլի 14-ին՝ Դատարանն արձանագրում է, որ նրա նկատմամբ կիրառելի է ներկայում գործող նվազագույն ամսական աշխատավարձի չափը:
Դատարանը, հիմք ընդունելով մեղադրյալ Հակոբ Սուլյանի անձը բնութագրող տվյալները, պատիժն ու պատասխանատվությունը մեղմացնող հանգամանքների առկայությունը, պատիժն ու պատասխանատվությունը ծանրացնող հանգամանքների բացակայությունը, ինչպես նաև նրա կողմից կատարված հանցանքների բնույթն ու նշանակությունը, գտնում է, որ նրա նկատմամբ ՀՀ քրեական օրենսգրքի 344-րդ հոդվածի 1-ին մասի յուրաքանչյուր դրվագով պետք է նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
Դատարանը, նկատի ունենալով, որ Հակոբ Սուլյանը մեկից ավելի արարքներով ՀՀ քրեական օրենսգրքով նախատեսված երկու հանցանքներ է կատարել և դրանցից ոչ մեկի համար քրեական պատասխանատվության չի ենթարկվել, ինչպես նաև ղեկավարվելով ՀՀ քրեական օրենսգրքի 74-րդ հոդվածի 1-ին մասի կանոնով, որի համաձայն՝ հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, գտնում է, որ նրա նկատմամբ վերջնական պատիժ պետք է նշանակել պատիժները լրիվ գումարելու միջոցով:
Միևնույն ժամանակ Դատարանը, նկատի ունենալով, որ Հակոբ Սուլյանը Արմավիրի մարզի առաջին ատյանի ընդհանուր իրավասության քրեական դատարանի՝ 2024 թվականի մայիսի 6-ի թիվ ԱՐԴ/0240/01/23 դատավճռով որպես տուգանք նշանակված 340.000 (երեք հարյուր քառասուն հազար) ՀՀ դրամի չվճարված մասը՝ 131.667 (հարյուր երեսունմեկ հազար վեց հարյուր վաթսունյոթ) ՀՀ դրամը չի վճարել, գտնում է, որ հանցանքների համակցությամբ նշանակված տուգանքին պետք է լրիվ գումարել Արմավիրի մարզի առաջին ատյանի ընդհանուր իրավասության քրեական դատարանի՝ 2024 թվականի մայիսի 6-ի թիվ ԱՐԴ/0240/01/23 դատավճռով որպես տուգանք նշանակված 340.000 (երեք հարյուր քառասուն հազար) ՀՀ դրամի չվճարված մասը՝ 131.667 (հարյուր երեսունմեկ հազար վեց հարյուր վաթսունյոթ) ՀՀ դրամը և վերջնական պատիժ պետք է նշանակել տուգանք՝ 881.667 (ութ հարյուր ութսունմեկ հազար վեց հարյուր վաթսունյոթ) չափով:
Դատարանը, հաշվի առնելով մեղադրյալի գույքային դրությունը գտնում է, որ նա ի վիճակի չէ անհապաղ և ամբողջությամբ վճարել տուգանքը:
ՀՀ քրեական օրենսգրքի 59-րդ հոդվածի համաձայն.
(…)
7. Տուգանքի նշանակման հնարավորությունը և չափը դատարանը որոշում է՝ հաշվի առնելով հանցագործության ծանրությունը, հանցագործությամբ պատճառված վնասի բնույթն ու չափը, հանցագործությամբ ստացված գույքային կամ ոչ գույքային բնույթի օգուտները, դատապարտվողի ու նրա ընտանիքի գույքային դրությունը, ինչպես նաև դատապարտվողի՝ եկամուտ ստանալու հնարավորությունը կամ նրան պատկանող այնպիսի գույքի առկայությունը, որի վրա կարող է բռնագանձում տարածվել։
8. Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ Եթե տուգանքը նշանակելուց հետո դատապարտյալի նյութական վիճակի վատթարացման հետևանքով նա զրկվում է տուգանքը վճարելու հնարավորությունից, ապա դատարանը, հաշվի առնելով դատապարտյալի դիրքորոշումը`
1) երկարաձգում է տուգանքի վճարման սահմանված վերջնաժամկետը` առավելագույնը 1 տարով,
2) նշանակում է հանրային աշխատանքներ` հանրային աշխատանքների 24 ժամը հաշվարկելով հանցանքը կատարելու պահին նվազագույն աշխատավարձի չափով:
(…)
Հետևաբար, Դատարանը գտնում է, որ մեղադրյալին պետք է թույլատրել որպես պատիժ նշանակված 881.667 (ութ հարյուր ութսունմեկ հազար վեց հարյուր վաթսունյոթ) ՀՀ դրամի չափով տուգանքը վճարել մաս առ մաս 12 (տասներկու) ամսվա ընթացքում՝ ամսական նվազագույնը 73.472 (յոթանասուներեք հազար չորս հարյուր յոթանասուներկու) ՀՀ դրամի չափով՝ ըստ նրա և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
Դատարանը գտնում է, որ Հակոբ Սուլյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ` մինչև դատավճռի օրինական ուժի մեջ մտնելը, քանի որ մեղադրական դատավճիռ կայացնելու և տուգանքի ձևով պատիժ նշանակելու պայմաններում առկա է ողջամիտ ենթադրություն առ այն, որ մեղադրյալը, օգտագործելով անձը հաստատող փաստաթուղթ, կարող է հեռանալ Հայաստանի Հանրապետությունից՝ այդպիսով դիմելով փախուստի կամ չկատարելով իր վրա դրված պարտականությունները, իսկ բացակայելու արգելքի կիրառումը բավարար է մեղադրյալի փախուստը կանխելու և նրա վրա դրված պարտականությունների կատարումն ապահովելու համար։
Բացի այդ, Դատարանը գտնում է, որ դատավճիռը օրինական ուժի մեջ մտնելուց հետո Հակոբ Սուլյանի վերաբերյալ ՀՀ միգրացիոն ծառայությունում և Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքները պետք է վերացնել:
Անդրադառնալով արտավարութային փաստաթղթերի տնօրինման և պահպանման հարցին՝ Դատարանը գտնում է, որ վարույթն իրականացնող մարմնի՝ 2024 թվականի հոկտեմբերի 15-ի որոշմամբ արտավարութային փաստաթուղթ ճանաչված փաստաթղթերը պետք է պահել գործի հետ այն պահելու ամբողջ ժամանակահատվածում:
Անդրադառնալով վարութային ծախսերի հարցին՝ Դատարանը հարկ է համարում արձանագրել, որ ՀՀ քրեական դատավարության օրենսգրքի 167-րդ հոդվածի 1-ին մասի 1-6-րդ կետերով նախատեսված վարութային ծախսեր չկան, իսկ 7-րդ կետով նախատեսված ծախսերի վերաբերյալ տվյալները բացակայում են: Ավելին` այդ վարութային ծախսերի հատուցման պահանջ Դատարանին չի ներկայացվել։ Հետևաբար՝ Դատարանը գտնում է, որ վարութային ծախսերի հարցը պետք է համարել լուծված։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 167-րդ, 276-րդ և 347-349-րդ հոդվածներով` Դատարանը

Վ Ճ Ռ Ե Ց

Հակոբ Սերգեյի Սուլյանին մեղավոր ճանաչել 2 (երկու) դրվագ ՀՀ քրեական օրենսգրքի 344-րդ հոդվածի 1-ին մասով նախատեսված հանցանքներ կատարելու մեջ և պատիժ նշանակել՝
ՀՀ քրեական օրենսգրքի 344-րդ հոդվածի 1-ին մասով՝ տուգանք նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 344-րդ հոդվածի 1-ին մասով՝ տուգանք նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի 1-ին մասի կիրառմամբ՝ հանցանքների համակցությամբ պատիժները լրիվ գումարելու միջոցով Հակոբ Սերգեյի Սուլյանի նկատմամբ պատիժ նշանակել տուգանք՝ 750.000 (յոթ հարյուր հիսուն հազար) ՀՀ դրամի չափով:
ՀՀ քրեական օրենսգրքի 74-րդ հոդվածի 11-րդ կետի կիրառմամբ՝ հանցանքների համակցությամբ սույն դատավճռով նշանակված տուգանքին լրիվ գումարել Արմավիրի մարզի առաջին ատյանի ընդհանուր իրավասության քրեական դատարանի՝ 2024 թվականի մայիսի 6-ի թիվ ԱՐԴ/0240/01/23 դատավճռով որպես տուգանք նշանակված 340.000 (երեք հարյուր քառասուն հազար) ՀՀ դրամ տուգանքի չվճարված մասը՝ 131.667 (հարյուր երեսունմեկ հազար վեց հարյուր վաթսունյոթ) ՀՀ դրամը, և Հակոբ Սերգեյի Սուլյանի նկատմամբ վերջնական պատիժ նշանակել տուգանք՝ 881.667 (ութ հարյուր ութսունմեկ հազար վեց հարյուր վաթսունյոթ) ՀՀ դրամի չափով:
Հակոբ Սերգեյի Սուլյանին թույլատրել որպես պատիժ նշանակված 881.667 (ութ հարյուր ութսունմեկ հազար վեց հարյուր վաթսունյոթ) ՀՀ դրամի չափով տուգանքը վճարել մաս առ մաս 12 (տասներկու) ամսվա ընթացքում՝ ամսական նվազագույնը 73.472 (յոթանասուներեք հազար չորս հարյուր յոթանասուներկու) ՀՀ դրամի չափով՝ ըստ նրա և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
Հակոբ Սերգեյի Սուլյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը։
Դատավճիռն օրինական ուժի մեջ մտնելուց հետո Հակոբ Սուլյանի վերաբերյալ ՀՀ միգրացիոն ծառայությունում և Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքները վերացնել:
Դատավճիռն օրինական ուժի մեջ մտնելուց հետո վարույթն իրականացնող մարմնի՝ 2024 թվականի հոկտեմբերի 15-ի որոշմամբ արտավարութային փաստաթուղթ ճանաչված փաստաթղթերը պահել գործի հետ այն պահելու ամբողջ ժամանակահատվածում:
Վարութային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո` մեկամսյա ժամկետում:

ԴԱՏԱՎՈՐ