Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈւԹՅԱՆ ԱՆՈւՆԻՑ


«20» դեկտեմբերի 2024թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)՝ նախագահությամբ՝ դատավոր Մ․Արզումանյանի, համաձայնությամբ տուգանք նշանակելու վարույթի կիրառմամբ, գրավոր ընթացակարգով քննելով քրեական գործն ըստ մեղադրանքի Ֆրունզիկ Ռադիկի Թարվերդյանի (ծնված՝ 1987 թվականի դեկտեմբերի 20-ին Երևան քաղաքում, ազգությամբ հայ, ՀՀ քաղաքացի, դատվածություն չունեցող, հաշվառված է Երևան քաղաքի Մուշական 4-րդ փողոցի 7-րդ տանը)՝ ՀՀ քրեական օրենսգրքի 396-րդ հոդվածի 1-ին մասով, խափանման միջոց է կիրառված բացակայելու արգելքը,

Պ Ա Ր Զ Ե Ց

Գործի դատավարական նախապատմությունը.
2023 թվականի ապրիլի 13-ին Ֆրունզիկ Ռադիկի Թարվերդյանը հանցանք կատարած լինելու անմիջականորեն ծագած հիմնավոր կասկածի առկայության հիմքով ձերբակալվել է։
2023 թվականի ապրիլի 13-ին ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի քննիչ Թ․Մաթևոսյանի կողմից ՀՀ քրեական օրենսգրքի 393-րդ հոդվածի 1-ին մասով և 396-րդ հոդվածի 1-ին մասով նախաձեռնվել է թիվ 12151123 քրեական վարույթը։
2023 թվականի ապրիլի 14-ին ձերբակալված Ֆրունզիկ Ռադիկի Թարվերդյանն ազատ է արձակվել՝ անազատության մեջ պահելու անհրաժեշտությունը վերանալու հիմքով։
2024 թվականի հունիսի 10-ին ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի քննիչ Մ․Սիմոնյանի կողմից ՀՀ քրեական օրենսգրքի 46-396-րդ հոդվածի 1-ին մասով նախաձեռնվել է թիվ 12132524 քրեական վարույթը։
2024 թվականի հունիսի 10-ին ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի քննիչ Ա․Ասատրյանը որոշում է կայացրել թիվ 12132524 քրեական վարույթը թիվ 12151123 քրեական վարույթին միացնելու և նախաքննությունը թիվ 12151123 համարի տակ շարունակելու վերաբերյալ:
2024 թվականի հունիսի 11-ին Երևան քաղաքի Էրեբունի և Նուբարաշեն վարչական շրջանների դատախազության դատախազ Ա․Հովհաննիսյանը որոշում է կայացրել թիվ 12151123 քրեական վարույթով Ֆրունզիկ Ռադիկի Թարվերդյանի նկատմամբ հանրային քրեական հետապնդում հարուցել ՀՀ քրեական օրենսգրքի 396-րդ հոդվածի 1-ին մասով։
2024 թվականի հունիսի 12-ին ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի քննիչ Ա․Ասատրյանը որոշում է կայացրել մեղադրյալ Ֆրունզիկ Ռադիկի Թարվերդյանի նկատմամբ հետախուզում հայտարարելու մասին:
2024 թվականի հունիսի 12-ին ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի քննիչ Ա․Ասատրյանը որոշում է կայացրել թիվ 12151123 քրեական վարույթով մեղադրյալ Ֆրունզիկ Ռադիկի Թարվերդյանի նկատմամբ որպես խափանման միջոց բացակայելու արգելքն ընտրելու մասին:
2024 թվականի հունիսի 12-ին ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի քննիչ Ա․Ասատրյանը որոշում է կայացրել թիվ 12151123 քրեական վարույթից անջատել Արտյոմ Առուստամյանի կողմից Ֆրունզիկ Թարվերդյանին առանց իրացնելու նպատակի՝ անձնական օգտագործման համար, զգալի չափերով թմրամիջոց ձեռք բերելուն օժանդակելու դեպքի առթիվ ՀՀ քրեական օրենսգրքի 46-396-րդ հոդվածի 1-ին մասը՝ դրան շնորհելով թիվ 12133024 համարը։
2024 թվականի հունիսի 17-ին Երևան քաղաքի Էրեբունի և Նուբարաշեն վարչական շրջանների դատախազության դատախազ Ա․Հովհաննիսյանը որոշում է կայացրել թիվ 12151123 քրեական վարույթով մեղադրյալ Ֆրունզիկ Ռադիկի Թարվերդյանի նկատմամբ ՀՀ քրեական օրենսգրքի 396-րդ հոդվածի 1-ին մասով հարուցված հանրային քրեական հետապնդման ժամկետները կասեցնելու վերաբերյալ:
2024 թվականի նոյեմբերի 27-ին Երևան քաղաքի Էրեբունի և Նուբարաշեն վարչական շրջանների դատախազության դատախազ Ա․Հովհաննիսյանը որոշում է կայացրել թիվ 12151123 քրեական վարույթով մեղադրյալ Ֆրունզիկ Ռադիկի Թարվերդյանի նկատմամբ ՀՀ քրեական օրենսգրքի 396-րդ հոդվածի 1-ին մասով հարուցված հանրային քրեական հետապնդման կասեցված ժամկետը վերսկսելու վերաբերյալ:
2024 թվականի նոյեմբերի 28-ին ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի քննիչ Ա․Ասատրյանը որոշում է կայացրել թիվ 12151123 քրեական վարույթով մեղադրյալ Ֆրունզիկ Ռադիկի Թարվերդյանի նկատմամբ որպես խափանման միջոց բացակայելու արգելքն ընտրելու մասին:
2024 թվականի նոյեմբերի 29-ին ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի քննիչ Ա․Ասատրյանը որոշում է կայացրել թիվ 12151123 քրեական վարույթից անջատել անհայտ անձի կողմից Արտյոմ Առուստամյանի օժանդակությամբ Ֆրունզիկ Թարվերդյանին առանց իրացնելու նպատակի՝ անձնական օգտագործման համար, զգալի չափերով թմրամիջոց իրացնելու դեպքի առթիվ ՀՀ քրեական օրենսգրքի 393-րդ հոդվածի 1-ին մասը՝ դրան շնորհելով թիվ 12809724 համարը։
2024 թվականի դեկտեմբերի 04-ին Ֆ.Թարվերդյանի վերաբերյալ թիվ 12151123 քրեական վարույթը մեղադրական եզրակացությամբ և համաձայնությամբ տուգանք նշանակելու վարույթ նախաձեռնելու մասին կից արձանագրությամբ ուղարկվել է Դատարան, որին շնորհվել է ԵԴ1/3565/01/24 համարը։
2024 թվականի դեկտեմբերի 5-ին թիվ ԵԴ1/3565/01/24 քրեական գործը հանձնվել է դատավոր Մ․Արզումանյանին։
2024 թվականի դեկտեմբերի 06-ին Դատարանը, համոզվելով, որ առկա է ՀՀ քրեական դատավարության օրենսգրքի 464․6 հոդվածով նախատեսված համաձայնությամբ տուգանք նշանակելու վարույթ կիրառելու հիմքը, մասնավորապես՝ մեղադրյալ Ֆրունզիկ Թարվերդյանը հանդիսանում է առաջին անգամ հանցանք կատարած անձ, նրան մեղսագրվում է ոչ մեծ ծանրության հանցագործության կատարում, նա չի վիճարկել իրեն ներկայացված մեղադրանքի փաստական հիմքն ու իրավական գնահատականը և պաշտպանի հետ խորհրդակցելուց հետո կամավոր ցանկություն է հայտնել, որ դատարանում գործի քննությունն իրականացվի համաձայնությամբ տուգանք նշանակելու վարույթի կարգով և բացակայում են նույն օրենսգրքի 464.7 հոդվածի 2-րդ մասով նախատեսված հանգամանքները, որոշում է կայացրել քրեական գործի վարույթը ստանձնելու և համաձայնությամբ տուգանք նշանակելու վարույթ հարուցելու մասին, իսկ դատավճռի կայացման օր է նշանակվել 2024 թվականի դեկտեմբերի 20-ը։

Մեղադրանքի փաստական նկարագրությունը.
Ֆրուզիկ Ռադիկի Թարվերդյանի նկատմամբ հանրային քրեական հետապնդում է հարուցվել այն հանցավոր արարքը կատարելու համար, որ նա, խախտելով Թմրամիջոցների և հոգեմետ (հոգեներգործուն) նյութերի մասին» ՀՀ օրենքի 11-րդ հոդվածի 2-րդ կետի, ՀՀ Կառավարության 2010 թվականի մարտի 18-ի թիվ 270-Ն որոշման պահանջները, այն է` չունենալով բժշկական նպատակներով կամ բժշկի նշանակմամբ` թմրամիջոցների և հոգեմետ (հոգեներգործուն) նյութերի շրջանառություն իրականացնելու՝ թմրամիջոց ձեռք բերելու և պահելու թույլտվություն, Արտյոմ Գարիկի Առուստամյանի օժանդակությամբ, այն է՝ իր կողմից առանց իրացնելու նպատակի` իր անձնական օգտագործման համար, զգալի չափերով թմրամիջոց ապօրինի ձեռք բերելուն միջոցներ տրամադրելու՝ «Ռեդմի» մոդելի բջջային հեռախոսը թմրամիջոց պատվիրելու և գնելու համար իրեն տալու եղանակով, 2023 թվականի ապրիլի 13-ին Արտյոմ Առուստամյանի հիշյալ բջջային հեռախոսով «Տելեգրամ» բջջային հավելվածի «Տիտանիկ N1» անվանումով օգտատիրոջից 15.000 ՀՀ դրամ գումարով առանց իրացնելու նպատակի՝ իր անձնական օգտագործման համար, ապօրինի ձեռք է բերել ՀՀ կառավարության 2018 թվականի հունիսի 27-ի թիվ 707-Ն որոշման 1-ին հավելվածով սահմանված՝ ՀՀ քրեական օրենսգրքի 393-րդ հոդվածի 4-րդ մասի հաշվարկման հիմքով մանր չափերի նվազագույն շեմի տասնյոթապատիկը գերազանցող չափերով՝ 0.858 գրամ հաստատուն քաշով, նույն հավելվածի ցանկի՝ հանցանքը կատարելու պահին 980-րդ կետով նախատեսված, զգալի չափերի ««MDMB(N)-022» տեսակի թմրամիջոց կրող բուսական զանգված» տեսակի թմրամիջոց և 2023 թվականի ապրիլի 13-ին հիշյալ թմրամիջոցը՝ թափանցիկ կպչուն ժապավենով և փայլաթիթեղի հատվածով փաթեթավորված վիճակում, ապօրինի պահել է իր մոտ, որը նույն օրը հայտնաբերվել և վերցվել է Ֆրունզիկ Թարվերդյանի մոտից՝ վերջինիս և Արտյոմ Առուստամյանին թմրամիջոց ապօրինի պահելու հանցանք կատարած լինելու անմիջականորեն ծագած հիմնավոր կասկածով ձերբակալելուց հետո ՀՀ ՆԳՆ ոստիկանության Էրեբունու բաժնի աշխատակիցների կողմից իրականացված Ֆրունզիկ Թարվերդյանի անձնական խուզարկությամբ:
Համաձայնությամբ տուգանք նշանակելու վարույթի արդյունքով մեղադրական դատավճիռ կայացնելու համար էական նշանակություն ունեցող փաստական հանգամանքները.
- ՀՀ ոստիկանության ինֆորմացիոն կենտրոնի ձև 8 տեղեկանքը, համաձայն որի՝ Ֆրունզիկ Ռադիկի Թարվերդյանի վերաբերյալ հետաքրքրող տվյալներ առկա չեն:
- Համաձայնությամբ տուգանք նշանակելու վարույթ նախաձեռնելու վերաբերյալ արձանագրության համաձայն՝ մեղադրյալ Ֆրունզիկ Ռադիկի Թարվերդյանը հայտնել է, որ չի վիճարկում իրեն ներկայացված մեղադրանքի փաստական հիմքն ու իրավական գնահատականը և պաշտպանի հետ խորհրդակցելուց հետո կամավոր ցանկություն է հայտնել, որ դատարանում գործի քննությունն իրականացվի համաձայնությամբ տուգանք նշանակելու վարույթի կարգով։ Մեղադրյալը խնդրել է, որպեսզի տուգանքի վճարման ժամկետ սահմանվի առավելագույնը մեկ տարի ժամկետ:
Արձանագրությունը ստորագրված է նաև մեղադրյալ Ֆ.Թարվերդյանի և պաշտպան Ս․Հարությունյանի կողմից:

Դատարանի իրավական վերլուծությունները, հետևությունները և որոշումները.
ՀՀ քրեական դատավարության 469.9 հոդվածի համաձայն՝
«1. Համաձայնությամբ տուգանք նշանակելու վարույթի արդյունքով դատարանը գրավոր ընթացակարգով կայացնում է մեղադրական դատավճիռ սույն օրենսգրքի 347-350-րդ հոդվածներով սահմանված կարգով` հաշվի առնելով սույն հոդվածով նախատեսված առանձնահատկությունները:
2. Դատավճիռը կայացվում է համաձայնությամբ տուգանք նշանակելու վարույթ կիրառելու մասին որոշումը կայացնելուց հետո՝ հնարավորին չափ սեղմ ժամկետում, սակայն ոչ ուշ, քան 15 օրվա ընթացքում։
3. Համաձայնությամբ տուգանք նշանակելու վարույթի արդյունքով մեղադրական դատավճիռ կայացնելիս դատարանը նշանակում է պատիժ՝ հաշվի առնելով Հայաuտանի Հանրապետության քրեական օրենսգրքի 77-րդ հոդվածի վերաբերելի դրույթները:
4. Սույն օրենսգրքի 167-րդ հոդվածի 1-ին մասով նախատեսված վարութային ծախսերը մեղադրյալից ենթակա չեն բռնագանձման:
5. Դատավճիռը պետք է պարունակի պարզաբանում այն բողոքարկելու՝ սույն օրենսգրքով նախատեսված սահմանափակումների վերաբերյալ։
6. Դատավճիռը կայացնելուց հետո՝ ոչ ուշ, քան հինգ օրվա ընթացքում, ուղարկվում է դատապարտված մեղադրյալին, նրա պաշտպանին, հանրային մեղադրողին»:
Մեղադրյալ Ֆրունզիկ Թարվերդյանի կողմից ներկայացված մեղադրանքն ամբողջությամբ ընդունելու, համաձայնությամբ տուգանք նշանակելու վարույթ կիրառելու և գործով ձեռք բերված ապացույցների ընդհանուր կարգով սահմանված հետազոտություն չկատարելու պայմաններում՝ Դատարանը գտնում է, որ սույն քրեական գործով պետք է կայացնել մեղադրական դատավճիռ՝ մեղադրյալ Ֆրուզիկ Ռադիկի Թարվերդյանին մեղավոր ճանաչելով ՀՀ քրեական օրենսգրքի 396-րդ հոդվածի 1-ին մասով նախատեսված հանցագործության կատարման մեջ և նրա նկատմամբ պատիժ նշանակելով տուգանքի ձևով:
ՀՀ քրեական դատավարության օրենսգրքի 464.9 հոդվածի 3-րդ մասի համաձայն՝ համաձայնությամբ տուգանք նշանակելու վարույթի արդյունքով մեղադրական դատավճիռ կայացնելիս դատարանը նշանակում է պատիժ՝ հաշվի առնելով Հայաuտանի Հանրապետության քրեական օրենսգրքի 77-րդ հոդվածի վերաբերելի դրույթները։
ՀՀ քրեական օրենսգրքի 77-րդ հոդվածի 6-րդ մասի համաձայն՝ ավարտված կամ չավարտված հանցագործություններով համաձայնությամբ տուգանք նշանակելու վարույթի դեպքում նշանակվում է սույն օրենսգրքի Հատուկ մասի համապատասխան հոդվածի սանկցիայով նախատեսված տուգանքի նվազագույն չափը՝ առանց լրացուցիչ պատիժ և անվտանգության միջոց նշանակելու։
ՀՀ քրեական օրենսգրքի 396-րդ հոդվածի 1-ին մասի համաձայն՝ առանց իրացնելու նպատակի զգալի չափերով թմրամիջոց, հոգեմետ (հոգեներգործուն) նյութ, դրանց պատրաստուկ կամ դրանց համարժեք նյութ (անալոգ) կամ դրանց ածանցյալ կամ պրեկուրսոր ապօրինի արտադրելը, պատրաստելը, վերամշակելը, ձեռք բերելը, պահելը, տեղափոխելը կամ առաքելը՝ պատժվում է տուգանքով՝ առավելագույնը տասնապատիկի չափով, կամ հանրային աշխատանքներով՝ առավելագույնը հարյուր ժամ տևողությամբ, կամ ազատության սահմանափակմամբ՝ առավելագույնը մեկ տարի ժամկետով, կամ կարճաժամկետ ազատազրկմամբ՝ առավելագույնը մեկ ամիս ժամկետով, կամ ազատազրկմամբ՝ առավելագույնը մեկ տարի ժամկետով:
Համաձայնությամբ տուգանք նշանակելու վարույթի կիրառման պայմաններում Դատարանը, հաշվի առնելով ՀՀ քրեական օրենսգրքի 77-րդ հոդվածի 6-րդ մասի պահանջը, գտնում է, որ մեղադրյալի նկատմամբ պատիժ պետք է նշանակել տուգանքի ձևով՝ վերջինին մեղսագրվող հոդվածի սանկցիայով նախատեսված տուգանքի նվազագույն չափով:
Հիմք ընդունելով ՀՀ քրեական օրենսգրքի 59-րդ հոդվածի 5-րդ մասը և քրեական գործի նյութերում մեղսագրվող հանցանքն ավարտվելու օրվան նախորդող 12 ամիսների ընթացքում մեղադրյալ Ֆրունզիկ Ռադիկի Թարվերդյանի եկամտի վերաբերյալ տվյալների բացակայությունը՝ Դատարանը գտնում է, որ տուգանքի չափը պետք է հաշվարկվի հանցանքը կատարելու պահին (2024 թվականի ապրիլի 13) սահմանված նվազագույն աշխատավարձի, այն է՝ 75.000 (յոթանասունհինգ հազար) ՀՀ դրամի չափով (տե՛ս «Նվազագույն ամսական աշխատավարձի մասին» ՀՀ օրենքի 1-ին հոդվածը)։ Վերոգրյալի համատեքստում Դատարանը գտնում է, որ մեղադրյալի նկատմամբ պետք է պատիժ նշանակել ՀՀ քրեական օրենսգրքի 396-րդ հոդվածի 1-ին մասի սանկցիայով նախատեսված տուգանք՝ նվազագույն աշխատավարձի հնգապատիկի՝ 375․000 (երեք հարյուր յոթանասունհինգ հազար) ՀՀ դրամի չափով։
ՀՀ քրեական օրենսգրքի 59-րդ հոդվածի 8-րդ մասի համաձայն՝ եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում (…)։
Միաժամանակ, Դատարանը, հաշվի առնելով այն հանգամանքը, որ մեղադրյալ Ֆրուզիկ Ռադիկի Թարվերդյանը խնդրել է թույլատրել տուգանքը վճարել մեկ տարվա ընթացքում, և հիմք ընդունելով ՀՀ քրեական օրենսգրքի 59-րդ հոդվածի 8-րդ մասի իրավակարգավորումները, գտնում է, որ մեղադրյալի նկատմամբ նշանակված 375․000 (երեք հարյուր յոթանասունհինգ հազար) ՀՀ դրամի չափով տուգանքի վճարման ժամկետ պետք է սահմանել 1 տարի:
Անդրադառնալով մեղադրյալ Ֆ.Թարվերդյանի նկատմամբ ընտրված խափանման միջոցի հարցին՝ Դատարանը գտնում է, որ վերջինի նկատմամբ որպես խափանման միջոց ընտրված բացակայելու արգելքը պետք է թողնել անփոփոխ՝ մինչև դատավճռի օրինական ուժի մեջ մտնելը:
Անդրադառնալով ապացույցների տնօրինման և պահպանման հարցին՝ Դատարանը գտնում է, որ թիվ 12151123 քրեական վարույթով իրեղեն ապացույց ճանաչված՝ Ֆրունզիկ Ռադիկի Թարվերդյանի անձնական խուզարկությամբ հայտնաբերված դարչնավուն երանգի թղթե փաթեթում առկա թափանցիկ կպչուն ժապավենով և փայլաթիթեղի հատվածով փաթեթավորված 0,858 գրամ հաստատուն քաշով, «MDMB(N)-022» տեսակի թմրամիջոց կրող բուսական զանգված տեսակի թմրամիջոցի և դարչնավուն երանգի թղթե փաթեթում առկա թափանցիկ, կպչուն ժապավենի հատվածով փաթեթավորված, խրացած հետքերով ապակե գլանակի կոտրված ծայրերով, այրված, կանեփ բույսի բաղադրատարր հանդիսացող «տետրահիդրոկաննաբինոլ (ՏՀԿ)» տեսակի թմրամիջոցի հարցը պետք է թողնել լուծելու Ա.Առուստամյանի մեղադրանքի մասով դատարանի վարույթում քննվող գործով, իսկ թիվ 12151123 քրեական վարույթով արտավարութային փաստաթուղթ ճանաչված՝ Արտյոմ Առուստամյանի անձնական խուզարկությամբ հայտնաբերված Տիտանիկ տելեգրամյան ալիքի հետ ունեցած հաղորդագրությունները դատավճիռն օրինական ուժի մեջ մտնելուց հետո պետք է պահել քրեական գործերի նյութերի հետ՝ դրանց պահման ամբողջ ընթացքում։
Նկատի ունենալով այն հանգամանքը, որ քրեական գործով գույքային հայց, գույք բռնագրավելու անհրաժեշտություն, արգելադրված գույք առկա չեն, ուստի Դատարանն այդ հարցերին չի անդրադառնում:
Միևնույն ժամանակ, Դատարանը, նկատի ունենալով համաձայնությամբ տուգանք նշանակելու վարույթ կիրառելու հանգամանքը, և ղեկավարվելով ՀՀ քրեական դատավարության օրենսգրքի 464.9 հոդվածի 4-րդ մասով, փաստում է, որ ՀՀ քրեական դատավարության օրենսգրքի 167-րդ հոդվածի 1-ին մասով նախատեսված վարութային ծախսերը՝ առկայության դեպքում, մեղադրյալից ենթակա չեն բռնագանձման, ուստի վարութային ծախսերի հարցը պետք է համարել լուծված:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 30-31-րդ, 99-րդ, 347-350-րդ, 364-րդ, 464.9-464.10 հոդվածներով՝ Դատարանը

Վ Ճ Ռ Ե Ց

Ֆրունզիկ Ռադիկի Թարվերդյանին մեղավոր ճանաչել ՀՀ քրեական օրենսգրքի 396-րդ հոդվածի 1-ին մասով և նրա նկատմամբ պատիժ նշանակել տուգանք՝ նվազագույն աշխատավարձի հնգապատիկի՝ 375․000 (երեք հարյուր յոթանասունհինգ հազար) ՀՀ դրամի չափով:
Նշանակված տուգանքի վճարման ժամկետ սահմանել 1 (մեկ) տարի:
Ֆրունզիկ Ռադիկի Թարվերդյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո քրեական գործով իրեղեն ապացույց ճանաչված՝ Ֆրունզիկ Ռադիկի Թարվերդյանի անձնական խուզարկությամբ հայտնաբերված դարչնավուն երանգի թղթե փաթեթում առկա թափանցիկ կպչուն ժապավենով և փայլաթիթեղի հատվածով փաթեթավորված 0,858 գրամ հաստատուն քաշով, «MDMB(N)-022» տեսակի թմրամիջոց կրող բուսական զանգված տեսակի թմրամիջոցի և դարչնավուն երանգի թղթե փաթեթում առկա թափանցիկ, կպչուն ժապավենի հատվածով փաթեթավորված, խրացած հետքերով ապակե գլանակի կոտրված ծայրերով, այրված, կանեփ բույսի բաղադրատարր հանդիսացող «տետրահիդրոկաննաբինոլ (ՏՀԿ)» տեսակի թմրամիջոցի հարցը թողնել լուծելու Ա.Առուստամյանի մեղադրանքի մասով դատարանի վարույթում քննվող գործով, իսկ ապացույց ճանաչված արտավարութային փաստաթղթերը պահել գործի նյութերի հետ՝ դրանց պահման ամբողջ ընթացքում:
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերով, կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:

ԴԱՏԱՎՈՐ Մ.ԱՐԶՈւՄԱՆՅԱՆ