ԵԴ1/3555/01/24






ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

Հայաստանի Հանրապետության Երևան քաղաքի առաջին ատյանի ընդհանուր իրավասության քրեական դատարանը (այսուհետնաև` Դատարան),


Նախագահող դատավոր Ս.ԳԶՈԳՅԱՆԻ
քարտուղարությամբ Լ.ՉՈԲԱՆՅԱՆԻ
մասնակցությամբ
հանրային մեղադրող Վ․ՍԱՄՍՈՆՅԱՆԻ
պաշտպաններ Ս․ՅՈՒԶԲԱՇՅԱՆԻ
Ռ․ՀԱՐՈՒԹՅՈՒՆՅԱՆԻ
մեղադրյալ Գ․ՄԻՍԱԿՅԱՆԻ



2026 թվականի մարտի 24-ին, Երևան քաղաքում, դռնբաց դատական նիստում, քննելով քրեական գործն ըստ մեղադրանքի`
Գևորգ Մեսրոպի Միսակյանի՝ ծնված 1981 թվականի ապրիլի 22-ին, Երևան քաղաքում, հայ, ՀՀ քաղաքացի, միջնակարգ կրթությամբ, ամուսնացած, աշխատում է որպես տաքսու վարորդ, դատվածություն չունեցող, հաշվառված և բնակվում Արմավիրի մարզ, Արմավիր քաղաք, Մաշտոցի փողոց, 3ա շենքի 55-րդ բնակարան հասցեում, մեղադրանք է առաջադրվել 2 դրվագ ՀՀ քրեական օրենսգրքի 297-րդ հոդվածի 1-ին մասով, ՀՀ քրեական օրենսգրքի ՀՀ քրեական օրենսգրքի 195-րդ հոդվածի 1-ին մասով և 452-րդ հոդվածի 2-րդ մասով, որպես խափանման միջոց է ընտրվել վարչական հսկողությունը,

ՊԱՐԶԵՑ

1.Գործի դատավարական նախապատմությունը
2023 թվականի օգոստոսի 19-ին ՀՀ քրեական օրենսգրքի 297-րդ հոդվածի 1-ին մասով և նախաձեռնվել է թիվ 70913323 քրեական վարույթը:
2023 թվականի օգոստոսի 19-ին Գևորգ Մեսրոպի Միսակյանը ձերբակալվել է։
2023 թվականի օգոստոսի 21-ին Գևորգ Մեսրոպի Միսակյանը ազատ է արձակվել։
2024 թվականի փետրվարի 20-ին Գևորգ Մեսրոպի Միսակյանը ձերբակալվել է և նույն օրը ազատ արձակվել։
2024 թվականի փետրվարի 20-ին ՀՀ քրեական օրենսգրքի 195-րդ հոդվածի 1-ին մասով և նախաձեռնվել է թիվ 70905524 քրեական վարույթը:
Նախաքննության մարմնի 2024 թվականի մայիսի 27-ի որոշմամբ թիվ 70905524 քրեական վարույթը միացվել է թիվ 70913323 քրեական վարույթին և քրեական վարույթը շարունակվել թիվ 70913323 քրեական համարով:
2024 թվականի հոկտեմբերի 15-ին Գևորգ Մեսրոպի Միսակյանը ձերբակալվել է և նույն օրը ազատ արձակվել։
2024 թվականի հոկտեմբերի 15-ին ՀՀ քրեական օրենսգրքի 297-րդ հոդվածի 1-ին մասով և նախաձեռնվել է թիվ 70921224 քրեական վարույթը:
Նախաքննության մարմնի 2024 թվականի հոկտեմբերի 22-ի որոշմամբ թիվ 70921224 քրեական վարույթը միացվել է թիվ 70913323 քրեական վարույթին և քրեական վարույթը շարունակվել թիվ 70913323 քրեական համարով:
Նախաքննության մարմնի 2024 թվականի նոյեմբերի 14-ի որոշմամբ Գևորգ Մեսրոպի Միսակյանի նկատմամբ հանրային քրեական հետապնդում է հարուցվել ՀՀ քրեական օրենսգրքի 297-րդ հոդվածի 1-ին մասով, 452-րդ հոդվածի 2-րդ մասով, 195-րդ հոդվածի 1-ին մասով և 297-րդ հոդվածի 1-ին մասով այն արարքների համար, որ «նա, 2023 թվականի օգոստոսի 18-ին` ժամը 23:30-ի սահմաններում, գտնվելով «Զվարթնոց» միջազգային օդանավակայանի տարածքում, իր կողմից վարած «Հոնդա Ելիսոն» մակնիշի, 37 QF 617 հաշվառման համարանիշի ավտոմքենան կայանել է կանգառն արգելված վայրում՝ ժամանման սրահի մուտքի դռան դիմաց՝ մայթեզրին, ապա իջնելով ավտոմքենայից, մուտք է գործել ժամանման սրահ՝ որպես տաքսի ծառայություն մատուցող վարորդ՝ հաճախորդին դիմավորելու և համապատասխան հյուրանոց տեղափոխելու նպատակով: Նույն պահին «Զվարթնոց» միջազգային օդանավակայանի տարածքում ծառայություն իրականացնող ՀՀ ՆԳՆ ոստիկանության պարեկային ծառայության Երևան քաղաքի գնդի, 1-ին գումարտակի, 1-ին վաշտի պարեկ, ոստիկանության ավագ լեյտենանտ Վալտեր Հրաչյայի Գևորգյանը նկատելով Գևորգ Մեսրոպի Միսակյանի կողմից վարած ավտոմեքենայի խախտմամբ՝ արգելված վայրում կայանված լինելու հանգամանքը, շուրջ 5 րոպե սպասելուց հետո, ռադիոկապով այդ մասին հայտնել է նույն գնդի, նույն գումարտակի ու վաշտի կրտսեր պարեկ, ոստիկանության ենթասպա Խաչատուր Համլետի Միրզաջանյանին, ով մոտենալով արդեն ավտոմեքենայի սրահում նստած Գևորգ Միսակյանին, հայտնել է, որ իր կողմից վարած տրանսպորտային միջոցն արգելված հատվածում է կայանել, ապա պահանջել է ներկայացնել համապատասխան փաստաթղթերը՝ միաժամանակ հայտնելով, որ անհրաժեշտ է կազմել վարչական իրավախախտման վերաբերյալ արձանագրություն:
Խաչատուր Միրզաջանյանի օրինական պաինջին ի պատասխան՝ Գևորգ Միսակյանը, նշված չնչին առիթով, իր եսը մյուսներից վեր դասելու մոլուցքով տարված, ակնհայտորեն խախտելով վարքագծի համընդհանուր կանոնները, անթաքույց արհամարհական վերաբերմունք դրսևորելով հասարակությունում ընդունված իրավական և բարոյական նորմերի, ՀՀ ՆԳՆ ոստիկանության պարեկային ծառայության և վարչական իրավախախտումների մասին ՀՀ օրենքի պահանջների նկատմամբ, իսկ հասարակության՝ «Զվարթնոց» միջազգային օդանավակայանի ժամանման սրահից դուրս՝ մոտակայքում գտնվող անձանց, ՀՀ ՆԳՆ ոստիկանության պարեկային ծառայության նկատմամբ դրսևորելով բացահայտ անհարգալից վերաբերմունք, հնչեցրել է «իմ ավտոմեքենայի վերաբերյալ արձանագրություն կազմելու համար մատնացույց անողի մորը մատնացույց անեմ» արտահայտությունը, որից հետո անտեելով ՀՀ ՆԳՆ ոստիկանության պարեկային ծառայողների՝ իրեն կարգի հրավիրելու հորդորներն ու շարունակելով իր հանցավոր՝ հակօրինական և հակաբարոյական վարքագիծը, կրկին անտեսելով ՀՀ ՆԳՆ ոստիկանության պարեկային ծառայողների ու պատահական անցորդների ներկայությունը, հնչեցրել է սեռական բնույթի հայհոյանքներ, այդ կերպ՝ խոչընդոտել ՀՀ ՆԳՆ ոստիկանության պարեկային ծառայության բնականոն աշխատանքը:
Այսինքն՝ Գևորգ Մեսրոպի Միսակյանը կատարել է արարք` նախատեսված ՀՀ քրեական օրենսգրքի 297-րդ հոդվածի 1-ին մասով:
Բացի այդ, վերը նշված նույն միջադեպի ընթացքում, Գևորգ Միսակյանի հակաօրինական և հակաիրավական վարքագծով պայմանավորված՝ ՀՀ ՆԳՆ ոստիկանության պարեկային ծառայության Երևան քաղաքի գնդի, 1-ին գումարտակի, 1-ին վաշտի պարեկ, ոստիկանության լեյտենենտ Վալտեր Հրաչյայի Գևորգյանը և վերջինիս կանչով դեպքի վայր ժամանած նույն գնդի, նույն գումարտակի ու վաշտի պարեկ, ոստիկանության լեյտենանտ Նվեր Նշանի Մուրադյանը ձերբակալել և ձեռնաշղթաներն անցկացնելով Գևորգ Միսակյանի ձեռքերին՝ վերջինիս նստեցրել են կրկին պարեկային ծառայողների կանչով դեպքի վայր ժամանած՝ նույն գնդի, նույն գումարտակի, 2-րդ վաշտի պարեկ, ոստիկանության ավագ լեյտենանտ Դավիթ Արմենի Հովհաննիսյանի կողմից վարվող 1072 կողային համարով՝ «Շկոդա» մակնիշի, 107 CC 61 հաշվառման համարանիշի ծառայողական ավտոմեքենան, ինչի ընթացքում Գևորգ Միսակյանը փորձելով դիմադրել՝ իր ձերբակալումը կանխելու նպատակով հնչեցրել է սեռական բնույթի հայհոյանք, որից հետո, արդեն ավտոմեքենայի սրահում գտնվելիս պաշտոնատար անձինք հանդիսացող՝ պետության անունից հանդես գալու լիազորություն ունեցող, պատասխանատվություն առաջացնող գործառույթներ իրականացնող ՀՀ ՆԳՆ ոստիկանության պարեկային ծառայության աշխատակիցներ Դավիթ Հովհաննիսյանի և Խաչատուր Միրզաջանյանի ծառայողական գործունեությանը միջամտելու նպատակով, պետության կողմից նրանց տրամադրված գույքը՝ 1072 կողային համարով՝ «Շկոդա» մակնիշի, 107 CC 61 հաշվառման համարանիշի ծառայողական ավտոմեքենան վնասելու դիտավորությամբ ոտքերով հարվածել է նշված ավտոմեքենայի հետևի ձախակողմյան դռան ապակու պաշտպանիչ ցանցին, ինչի հետևանքով վնասել է այն և կոտրել ապակին՝ պատճառելով շուրջ 33.500 ՀՀ դրամի չափով գույքային վնաս:
Այսինքն՝ Գևորգ Մեսրոպի Միսակյանը կատարել է արարք` նախատեսված ՀՀ քրեական օրենսգրքի 452-րդ հոդվածի 2-րդ մասով:
Բացի դա, Գևորգ Մեսրոպի Միսակյանը, 2024 թվականի փետրվարի 20-ին՝ ժամը 01:25-ի սահմաններում, «Զվարթնոց» միջազգային օդանավակայանի ժամանման սրահում, տաքսի ծառայություն մատուցելու հարցում Սերոժ Պիոների Սահրադյանին աջակցելու պատճառով վիճաբանել է Դանիել Հրաչյաի Բաղդասարյանի հետ, որի ընթացքում ձեռքերով մեկից ավելի հարվածներ է հասցրել նրա մարմնի տարբեր մասերին՝ վերջինիս առողջությանը պատճառելով թեթև վնասի հատկանիշներ չպարունակող՝ ձախ այտի և քթի հատվածի կարմրած տեղամասերով մարմնական վնասվածքներ, որոնք չեն առաջացրել ՀՀ քրեական օրենսգրքի 171-րդ հոդվածով նախատեսված հետևանքները:
Այսինքն՝ Գևորգ Մեսրոպի Միսակյանը կատարել է արարք` նախատեսված ՀՀ քրեական օրենսգրքի 195-րդ հոդվածի 1-ին մասով:
Բացի այդ, Գևորգ Մեսրոպի Միսակյանը, 2024 թվականի հոկտեմբերի 15-ին՝ ժամը 07:00-ի սահմաններում, գտնվելով «Զվարթնոց» միջազգային օդանավակայանի տարածքում, իր կողմից վարած «Տոյոտա» մակնիշի, 37 EB 195 հաշվառման համարանիշի ավտոմքենան կայանել է կանգառն արգելված վայրում՝ ժամանման սրահի մուտքի դռան դիմաց՝ մայթեզրին, ապա իջնելով ավտոմքենայից, կանգնել է ժամանման սրահի մուտքի դռան մոտակայքում: Նույն պահին «Զվարթնոց» միջազգային օդանավակայանի տարածքում 1007 կողային համարով ծառայողական ավտոմեքենայով ծառայություն իրականացնող ՀՀ ՆԳՆ ոստիկանության պարեկային ծառայության Երևան քաղաքի գնդի, 2-րդ գումարտակի, 2-րդ վաշտի պարեկ Ազատ Անդրանիկի Սրապյանն ու նույն գնդի, նույն վաշտի պարեկ Արմինե Իսահակի Վարդանյանը նկատելով Գևորգ Մեսրոպի Միսակյանի կողմից վարած ավտոմեքենայի խախտմամբ՝ արգելված վայրում կայանված լինելու հանգամանքը, պահանջել են դուրս բերել ավտոմեքենան, որից հետո Գևորգ Միսակյանը մոտեցել է իրենց և հայտնել, որ մի քանի րոպեից դուրս կբերի: Պարեկային ծառայողները հասկանալով, որ նա հրաժարվում է հեռացնել ավտոմեքենան՝ Արմինե Վարդանյանն իջնելով ավտոմեքենայից՝ մոտեցել է Գևորգ Միսակյանին և պահանջել փաստաթղթերը, ով դրանք ներկայացնելուց հետո վառել է ծխախոտն ու սկսել ծխել՝ ծուխը փչելով Արմինե Վարդանյանի ուղղությամբ, որից հետո անտեսելով ոստիկանության ծառայողների հորդորը՝ ծխախոտը հանգցնելու վերաբերյալ՝ բացահայտ անհարգալից և արհամարհական վերաբերմունք դրսևորելով իրավական և բարոյական նորմերի, ինչպես նաև ՀՀ ՆԳՆ ոստիկանության պարեկային ծառայության աշխատակիցների նկակտմամբ՝ հրաժարվել է հանգցնել, միաժամանակ հայտնել, որ, եթե իրենց դուր չի գալիս, ապա կարող են հեռու կանգնել, նրանք ով են, որ իրեն ասեն, թե ինչպես պահի, ինչպես կցանկան, այդպես էլ իրեն կպահի, որից հետո Գևորգ Միսակյանը, նշված չնչին առիթով, իր եսը մյուսներից վեր դասելու մոլուցքով տարված, ակնհայտորեն խախտելով վարքագծի համընդհանուր կանոնները, անթաքույց արհամարհական վերաբերմունք դրսևորելով հասարակությունում ընդունված իրավական և բարոյական նորմերի, ՀՀ ՆԳՆ ոստիկանության պարեկային ծառայության և վարչական իրավախախտումների մասին ՀՀ օրենքի պահանջների նկատմամբ, իսկ հասարակության՝ «Զվարթնոց» միջազգային օդանավակայանի ժամանման սրահից դուրս՝ մոտակայքում գտնվող անձանց, ՀՀ ՆԳՆ ոստիկանության պարեկային ծառայության նկատմամբ դրսևորելով բացահայտ անհարգալից վերաբերմունք, անտեելով ՀՀ ՆԳՆ ոստիկանության պարեկային ծառայողների՝ իրեն կարգի հրավիրելու հորդորներն ու շարունակելով իր հանցավոր՝ հակօրինական և հակաբարոյական վարքագիծը՝ անտեսելով ՀՀ ՆԳՆ ոստիկանության պարեկային ծառայողների ու պատահական անցորդների ներկայությունը, հնչեցրել է սեռական բնույթի հայհոյանքներ, այդ կերպ՝ խոչընդոտել ՀՀ ՆԳՆ ոստիկանության պարեկային ծառայության բնականոն աշխատանքը։
Այսինքն՝ Գևորգ Մեսրոպի Միսակյանը կատարել է արարք` նախատեսված ՀՀ քրեական օրենսգրքի 297-րդ հոդվածի 1-ին մասով»:
2024 թվականի նոյեմբերի 14-ին Գևորգ Մեսրոպի Միսակյանը ձերբակալվել է։
Երևան քաղաքի առաջին ատյանի ընդհանուր իրավասության քրեական դատարանի 2024 թվականի նոյեմբերի 15-ի որոշմամբ Գևորգ Մեսրոպի Միսակյանը նկատմամբ որպես խափանման միջոց է կիրառվել տնային կալանքը` երկու ամիս ժամկետով։
Նախաքննության մարմնի 2024 թվականի նոյեմբերի 27-ի որոշմամբ թիվ 70913323 քրեական վարույթով Դանիել Բաղդասարյանը ճանաչվել է տուժող:
2024 թվականի դեկտեմբերի 4-ին քրեական գործը մեղադրական եզրակացությամբ ստացվել է Երևան քաղաքի առաջին ատյանի ընդհանուր իրավասության քրեական դատարանում, գործին շնորհվել է ԵԴ1/3555/01/24 համարը:
2024 թվականի դեկտեմբերի 6-ին Դատարանի դատավոր Ս.Գզոգյանը որոշում է կայացրել վարույթը ստանձնելու և նախնական դատալսումներ նշանակելու մասին։
ՀՀ վերաքննիչ քրեական դատարանի 2025 թվականի մայիսի 15-ի որոշմամբ մեղադրյալ Գևորգ Միսակյանի նկատմամբ կիրառված տնային կալանքը փոխվել է, և նրա նկատմամբ որպես խափանման միջոց է կիրառվել վարչական հսկողությունը։
2026 թվականի մարտի 24-ին Դատարանը Գևորգ Մեսրոպի Միսակյանի նկատմամբ կայացրել է մեղադրական վերդիկտ։


2.Դատարանում հետազոտված և գնահատված ապացույցներ
Մեղադրյալ Գևորգ Մեսրոպի Միսակյանը հիմնական դատալսումների ընթացքում, օգտվելով իր իրավունքներից, հրաժարվել է ցուցմունք տալ (տե՛ս դատական նիստի արձանագրությունը):
Նախաքննության ընթացքում՝ 2023 թվականի օգոստոսի 19-ին, Գևորգ Միսակյանը ցուցմունք է տվել այն մասին, որ դեմ չի և չի առարկում հարցաքննվել առանց փաստաբանի, կարող է պաշտպանել իր շահերն անձամբ: Զինվորական ծառայության ժամանակ ստացել է հրազենային վիրավորում, որի հետևանքով ենթարկվել է մի քանի վիրահատության, ունի առաջին կարգի հաշմանդամություն, ամուսնացած է ունի երկու տղա, նրանցից մեկը զինվորական ծառայության մեջ է գտնվում, իսկ երկրորդը ուսանող է: Տեղի ունեցածի վերաբերյալ հայտնեց, որ գտնվել է օդանավակայանի ժամանման սրահում, իրեն է մոտեցել պարեկային ծառայության աշխատակից, ձեռքով հրել և ասել, որ այդ հատվածում չի կարելի կանգնել, որից իրենց մեջ զրույց է սկսվել, սակայն վիճաբանություն չի եղել: Դրանից հետո ինքը դիմավորել է տարեց տղամարդու, ում պետք է ուղեկցեր հյուրանոց, երբ մոտեցել են իր ավտոմեքենային, որը կայանել էր ժամանման սրահի մուտքի դիմային հատվածում, ուղևորին նստեցնելուց հետո իրեն մոտեցել է պարեկային ծառայության աշխատակից և պահանջել է փաստաթղթեր, ինքը փոխանցել է փաստաթղթերը, որից հետո պարեկը հայտնել է, որ պետք է արձանագրություն կազմի, յանդեքս տաքսու վարորդը մատնացույց է արել և պետք է կազմվի արձանագրություն: Այդ լսելուց հետո ինքը վրդովվել է, թե ինչու պետք է յանդեքս տաքսու վարորդը չտուգանվի, իսկ ինքը տուգանվի, որից հետո արտահայտվել է, որ իրեն մատնացույց անողի մաման մատնացույց անի, դրանից հետո պարեկային ծառայության աշխատակիցը իրեն հայհոյել է, բառացի ասելով՝ «քունեմ մերտ», որը լսելուց հետո ինքնատիրապետումը կորցրել է, դրանից հետո իրեն նստեցրել են պարեկային ավտոմեքենա, որի ընթացքում հարվածել են մարմնին, ինքը հայտնել է, որ հաշմանդամ է, անգամ իրենց է մոտեցել իր հայրը և նույնը հայտնել, սակայն իրեն ուժով նստեցրել են ավտոմեքենայի հետևի նստատեղին և տեղափոխել ոստիկանության բաժին: Ավտոմեքենայի մեջ իր ոտքը ձգվել է, անզգայացել, ձեռքով շարժել է ոտքը, չի հիշել ավտոմեքենայի մեջ տեղի ունեցածը, քանի որ գտնվել է շոկային վիճակում: Հայտնել է նաև, որ ոտքը ձգվում է վիրավորում ստանալու հետևանքով: Ոստիկանության բաժնում գտնվելիս ջուր է խնդրել, ինչպես նաև խնդրել է ձեռնաշղթաները արձակել, ինքնազգացողությունը վատացել է, անգամ խնդրել է շտապօգնություն կանչել: Ոստիկանության բաժնում գտնվելիս պարեկային ծառայողի հետ զրուցել է, հարցրել է, թե ինչու իրեն մայր հայհոյեց, նա պատասխանել է, որ չի հայհոյել, որից հետո արտահայտվել է հետևյալ կերպ՝ «ինձ մեր քրֆողին էսքան մարդը նրա մերը», որից հետո այդ պարեկային ծառայողը քաշել գցել է գետնին, երբ արձակել են ձեռնաշղթաները բջջային հեռախոսով զանգահարել է 1-02 և հայտնել է, որ իրեն Զվարթնոցի օդանավակայանի բաժնում խոշտանգում են, ջուր չեն տալիս, հարվածում են: Դրանից հետո հրավիրել են բժիշկների, իրեն դեղորայք են ներարկել, խմել է իր մոտի դեղահաբերից, որպիսի ինքնազգացողությունը լավանա, անգամ շտապօգնության աշխատակիցներ են հրավիրվել և իրեն ցուցաբերել են բժշկական օգնություն: Իրեն հարվածած, աթոռից վայր գցած և սեռական բնույթի հայհոյանք տված, օդանավակայանի ժամանման սրահում հրած պարեկային ծառայողը եղել է նույն անձը, չի կարողացել նկարագրել նրա արտաքին նկարագիրը, տեսնելու դեպքում կարող է ճանաչել, կարող է չճանաչել, ինքը ունի հիշողության հետ կապված խնդիրներ, որը կապված է վիրահատությունների հետ, ինչպես նաև ստացած վիրավորումի հետ, ունեցել է նաև խնդիրներ գլխի հետ կապված, արյունաքամ լինելու պատճառով վնասվել է նաև ուղեղը, իսկ վիրավորումը ստացել է ոտքի և ներքին օրգանների հատվածում: Դրանից հետո ինքն ու պարեկային ծառայողը զրուցել են տեղի ունեցածի վերաբերյալ, ինքը պարզաբանել է, որ սկզբում հասկացել է, որ յանդեքս տաքսու վարորդն է ցուցում տվել իր վերաբերյալ արձանագրությւոն կազմել, որից էլ վրդովված է եղել, սակայն երբ տեղեկացել է, որ պարեկային ծառայողն է այդ ցուցումը տվել, ներողություն է խնդրել ոստիկանության աշխատակիցներից, նրանք էլ իրենց հերթին իրենից են ներողություն խնդրել տեղի ունեցածի համար, իրենք հաշտվել են միմյանց հետ: Տեղի ունեցածի հետևանքով աջ ձեռքի ափի կողային հատվածում ստացել է վնասվածք քերծվածքի ձևով, վիրավորում ստացած ոտքը ուռել է, դիմացի ատամներից մեկը շարժվում է, այդ ամենը առաջացել է պարեկային ծառայողի կողմից իրեն հարվածելու հետևանքով: Այլ մանրամանսեր չի հիշել, ցուցմունքին ավելացնելու այլ տեղեկություններ չի ունեցել։
2024 թվականի փետրվարի 20-ին նախաքննության ընթացքում ցուցմունք է տվել այն մասին, որ 2024 թվականի փետրվարի 20- ին՝ ժամը 01-ի սահմաններում, գտնվել է Զվարթնոց օդանավակայանի ժամանման սրահում, իր հետ միասին ժամանման սրահում է եղել նաև Դանիելը, ով նստած է եղել տրուբայի վրա, իսկ ինքը՝ քայլելուց է եղել: Ցանկացել է դուրս գալ, նկատել է, որ տաքսու վարորդ Սերոժ պապիկը չի կարողանում հաղորդակցվել ուղևորի հետ, մոտեցել է նրանց, զրուցել ուղևորի հետ, Սերոժ պապիկին հայտնել է, որ նա ցանկանում է գնալ Կասկադ, իսկ Սերոժ պապիկը հայտնել է գումարը փոխադրման համար, որը կազմել է 4000 ՀՀ դրամ: Ինքն օգնել է Սերոժ պապիկին, քանի որ տաքսու վարորդները միմյանց օգնում են, իսկ ինքը կարողացել է շփվել անգլերեն լեզվով, օգնելուց հետո Սերոժ պապիկը՝ ուղևորի հետ գնացել է, իսկ Դանիելը այդ ընթացքում ասում էր, որ ուղևորին նա պետք է տանի, իր գործն է: Այդ ժամանակ ինքը Դանիելին ասել է, որ դա Սերոժ պապիկի գործ է եղել, ինքն էլ օգնել է նրան, նա իր հետ միասին գտնվել է ժամանման սրահում, մի ստի: Այդ ժամանակ Դանիելը սկսել է հեգնանքով, արհամարական տոնով զրուցել իր հետ, որի ընթացքում օգտագործել է «արա» արտահայտությունը, ինքը Դանիելին զգուշացրել է, որ իր հետ նման ձևով չխոսել, սակայն նա շարունակել է, որից իր նյարդերը տեղի են տվել և մեկ հատ հայրական ապտակ է տվել նրան, որից հետո քաշքշել են միմյանց: Այդ ընթացքում մոտեցել են պարեկային ծառայության աշխատակիցները և իրենց ներկայացրել ոստիկանության բաժին: Ոչ ինքը, ոչ էլ Դանիելը հայհոյանքներ չեն տվել միմյանց, ինքը մարմնական վնասվածքներ չի ստացել, քաշքշելուց այտն է կարմրել, սակայն արդեն անցել է, հարվածել է մեկ անգամ, իրեն Դանիելը չի հարվածել, ոստիկանների մոտենալուց հետո ենթարկվել է նրանց կարգադրություններին, սա է եղելությունը, ավելացնելու բան չունի:
2024 թվականի հոկտեմբերի 15-ին նախաքննության ընթացքում ցուցմունք է տվել այն մասին, որ 2024 թվականի հոկտեմբերի 15-ին՝ լուսադեմ ժամը 07-ի սահմաններում, գտնվել է Զվարթնոց օդանավակայանի ժամանման սրահի առաջին մուտքի դիմաց, եկ եկել է Հանր Հանրապետության Հրապարակից, իր հետ բերել է ուղևորի, այդ անձն իր հետ զրուցել է ռուսերեն, և քանի որ ինքը լավ չի տիրապետել ռուսերենին, մանրամասն չի հասկացել նրա ուզածը, սակայն հասկացել է, որ պետք է ուղեբեռի պահպանման համար նախատեսված ծառայությունից օգտվի, այդ պատճառով էլ կայանել է մեքենան առաջին հարկում, որքանով հասկացել է այդ ուղևորը հնարավոր է շարունակեր իր ծառայություններից օգտվել, բացի այդ նա պետք է գումար փոխանակեր և վարձատրեր իր ծառայության գումարը, ինքը հայտնել է նրան, որ կսպասի 2 րոպե նշված վայրում: Երբ ներս է մտել ուղևորը, ինքը ծխախոտ է ծխել, մոտեցել է տաքսու վարորդների, նրանք երկու կամ երեք հոգի են եղել, սակայն չի հիշել ովքեր են եղել, 15 կամ 20 վայրկյան անցնելուց հետո մոտեցել է պարեկային ծառայության մեքենան, հայտարարել իր մեքենան դուրս բերել կայանված 26 վայրից, ինքը մոտեցել է մեքենային, խնդրել է 5 րոպե սպասել, քանի որ սպասել է ուղևորի, սակայն նրանք չընդառաջեցին իր խնդրանքին, պահանջեցին հեռացնել, ինքը ևս մեկ անգամ խնդրեց սպասել, որից հետո աղջիկ պարեկը դուրս եկավ մեքենայից և պահանջեց փաստաթղթերը, որն ինքը ներկայացրել է: Աղջիկ պարեկը պահանջել է հանգցնել ծխախոտը, ինքը հայտնել է, թե որ օրենքի համաձայն ինքը պետք է հանգցնի, այդ ժամանակ միջամտել է վարորդ տղամարդ՝ պարեկը և խոսել կոպիտ ձևով: Ինքը աղջիկ պարեկին դիմել քույր ջան, տղամարդ պարեկին բացի ջանից այլ ձևով չի դիմել, սակայն նա իր հետ զրուցել է «արա» արտահայտությունով և կոպիտ ձևով: Ասել է, որ չի հասկանում, որ պետք է հանգցնի ծխախոտը, որից հետո ոլորել է ձեռքերը և պարկեցրել գետնին, որի ժամանակ զգացել է ցավ ոտքերի հատվածում, երբ կանգնեցրել է ոտքի, մտածել է վերջացավ տանջանքը, սակայն մեքենան նստեցնելու փոխարեն շպրտել է մեքենայի մեջ, ճանապարհին բանավիճել են քույրիկ ջան արտահայտության շուրջ, ինքը հայտնել է, որ ջանով է զրուցել իրենց հետ, իսկ նա «արա» արտահայտությունով, ով է գրագետ, դաստիարակված իրենցից, այդ ժամանակ նկատել է տղամարդ պարեկի ձեռքը, չի հասկացել, թե ինչպես է անցկացրել ցկացրել մեք մեքենայի սրահի հետևի հատվածը քանի որ առկա է ճաղավանդակ, մտածել է, որ նա ցանկացել է հարվածել իրեն: Երբ հասել են կառավարական մուտքի մոտ, կայանել է մեքենան, իրեն քարշ տալով դուրս բերել մեքենայից և կռացնելով գլուխը հարվածել բետոնին, որից ինքը ստացել է վնասվածք աջ հոնքի հատվածում, դրանից հետո բերել են ոստիկանության բաժին, իր ինքնազգացողությունը վատացել է, մանրամասներ չի հիշել, հայտնել է, որ նկատել է ոստիկանապետի տեղակալ Արթուր Զաքարյանին, ով հորդորել է իրեն հանգստանալ, հնարավոր է կորցրել է ինքնազգացողությունը, ոստիկանության բաժնի ներսում տեղի ունեցածի վերաբերյալ մանրամասներ չի հիշել: Ինքը հայհոյանքներ չի հնչեցրել ոչ մեկին, առհասարակ րակ հայհոյանքներ չի տվել, չի խախտել հասարակական վայրում որևէ մեկի անդորրը, իրեն պահել է հանգիստ, այդ մասին կարող են վկայել պարեկային ծառայության աշխատակիցների տեսանկարահանող սարքերի տեսագրությունները և օդանավակայանի անվտանգության տեսախցիկների տեսագրությունները: Սա է եղել ողջ իրականությունը, Աստված վերև, ցուցմունքին ավելացնելու այլ տեղեկություններ չի ունեցել:
2024 թվականի նոյեմբերի 14-ին նախաքննության ընթացքում ցուցմունք է տվել այն մասին, որ Առաջադրված մեղադրանքի էությունն հարցաքննությամբ հայտնեց, բովանդակությունն իր համար պարզ և հասկանալի են, օգտվելով իր դատավարական իրավունքներից հրաժարվել է դիրքորոշում հայտնել առաջադրված մեղադրանքի շուրջ և տալ ցուցմունքներ (տե´ս դատական նիստի արձանագրություն, քրեական գործ, 1-ին հատոր, 25-29-րդ, 203-205-րդ թերթեր, 2-րդ հատոր, 24-26-րդ, 86-87-րդ թերթեր)։
Վկա Նվեր Մուրադյանը դատաքննության ընթացքում ցուցմունք տալիս հայտնել է, որ մեղադրյալին ճանաչում է միջադեպի հետ կապված։ Դեպքի օրը չի հիշում, Զվարթնոց օդանավակայում ձերբակալում են իրականացրել հասարակական վայրում հայհոյանքների հնչեցնելու համար։ Ինքը միջադեպի սկզբում չի եղել, ընթացքից է մոտեցել։ Ձերբակալման գործընթացի ժամանակ նույնպես հայհոյանքներ հնչեցվել է։ Հայհոյանքները բարձր է եղել, լսելի է եղել, հավաքված մարդիկ նայում էին, բայց կոնկրետ մեկի ուղղված չի եղել։ Ձեռնաշղթա անցկացնելու ժամանակ դիմադրել է։ Առհասարակ ամիսներով հերթափոխ են նշանակում, մշտական ծառայություն չի, վերադասը որոշում է որտեղ հերթապահեն։ Մեղադրյալը տեղափոխման ժամանակ հարվածել է ծառայողական մեքենայի կողային հատվածին, կոտրել ապակին։ Ոստիկանության բաժնում արդեն հանգիստ էր, ասել է առողջական խնդիր ունի։ Առաջարկել են շտապոգնություն կանչել, հրաժարվել է։ Տեսանելի վնասվածքներ վրան չի եղել։ Զվարթնոցում ադեկվատ չի պահել, բայց ոստիկանության բաժնում լավ է պահել (տե´ս դատական նիստի արձանագրություն)։
Վկա Դավիթ Հովհաննիսյանը դատաքննության ընթացքում ցուցմունք տալիս հայտնել է, որ մեղադրյալին ճանաում է դեպքի հետ կապված։ Դեպքի օրը պարեկները օգնություն են կանչել, ինքը գնացել է, ձերբակալել է Գևորգին, դժվարությամբ նստացրել են ոստիկանական մեքենա, չէր ուզում, դիմադրում էր, նա անկանոն շարժումներ էր անում մեքենայի մեջ, ոտքերով կոտրել է մեքենայի ապակին, ինքը այդ մասով զեկուցագիր է կազմել։ Մեղադրյալի կողմից հայհոյանքներ հնչեցնելու պահով չի հիշում լսել է, թե ոչ, խոսակցության թեման էլ չի հիշում։ Ոստիկանության բաժին տեղափոխել են ինքը և գործընկերը։ Առողջական խնդիրների մասով չի հիշում գանգատվել է, թե ոչ (տե´ս դատական նիստի արձանագրություն)։
Նախաքննության ընթացքում՝ 2023 թվականի օգոստոսի 19-ին հարցաքննվելիս վկա Դավիթ Հովհաննիսյանը հայտնել է, որ 2023 թվականի օգոստոսի 18-ին գտնվել է ծառայության մեջ Երևան քաղաքի Զվարթնոց օդանավակայանի տարածքում, ռադիոկապով Վալտեր Գևորգյանից տեղեկացել են, որ խախտումով կայանված ավտոմեքենա է առկա, որից հետո մոտեցել են օդանավակայանի ժամանման սրահի դիմային հատվածը, որտեղից ազատել էին կայանված ավտոմեքենաները։ Խաչատուր Միրզաջանյանը մոտեցել է խախտումով կայանված ավտոմեքենային, զրուցել է վարորդի հետ, նա ցանկանում էր պարզբանել խախտումի էությունը, սակայն վարորդը հակադրվում էր, որից էլ նրանց միջև զրույց սկսվել, հիշում է, որ վարորդը, ով հետագայում տեղեկացել է, որ հանդիսանում է Գևորգ Միսակյանը, ագրեսիվ տրամադրված էր զրուցում, զրույցի ժամանակ արտահայտվել է, թե իր ավտոյին մատնացույց անողի մամային մատնացույց անի, որից հետո նա սկսել է վիրավորական արտահայտություններ և հայհոյանքներ հնչեցնել, իսկ դրանից հետո Վալտեր Գևորգյանը և Խաչատուր Միրզաջանյանը ձերբակալել են նրան և մոտեցրել են իր կողմից վարվող պարեկային ծառայության ավտոմեքենայի ուղղությամբ, որի կողային համարն է 1072: Հիշում է նաև, որ Գևորգը բղավում էր, որ հաշմանդամ է, որի հետ կապված Խ.Միրզաջանյանը շատ զգույշ՝ տեղափոխեց նրա ոտքը, քանի որ բողոքում էր ոտքից, ավտոմեքենան նստեցնելուց Գևորգ Միսակյանը՝ հնչեցրել է հերթական սեռական բնույթի հայհոյանքը, բառացի՝ քունեմ լավտ, որը հավանաբար ուղղված էր իրեն ձերբակալողին, դրանից հետո ինքը ու Խ.Միրզաջանյանը Գևորգին տեղափոխել են գծային բաժին, ով ճանապարհին ոտքերով հարվածել է ձախ դռանը, որից էլ վնասվել է ապակին, երբ հասել են բաժնի դիմաց, Խ.Միրզաջանյանը նրան ուղեկցել է բաժին, իսկ ինքը որոշ ժամանակ անց է մտել, քանի որ զբաղված եմ եղել ԱՊՊԱ գոլծակալության հետ կապ հաստատելով և վնասվածքի մասին տեղեկություն փոխանցելով: Գևորգ Միսակյանին ոչ ոք չի հարվածել, ոչ ոք ծեծի չի ենթարկել, նրա նկատմամբ միայն կիրառվել է համաչափ ուժ, երբ նրան ձերբակալում էին և նա չէր ցանկանում նստել ավտոմեքենան և փորձում էր չմոտենալ ավտոմեքենային: Վստահաբար հայտնում է, որ Գևորգ Միսակյանին ոչ ոք ծեծի չի ենթարկել, վնասվածք չի հասցրել, իսկ նա հնչեցրել է սեռական բնույթի հայհոյանքներ (տե´ս դատական նիստի արձանագրություն, քրեական գործ, հատոր 1-ին, 43-45-րդ թերթեր)։
Ցուցմունքը հրապարակվելուց հետո վկան հայտնել է, որ ինքը այդ ժամանակ ճիշտ ցուցմունք է տվել։ Հայհոյանքներ եղել է, լարված իրավիճակ եղել է, բավականին շատ մարդ է հավաքվել, մի մասը ասում էին մի ձերբակալեք, մի տարեք։ Հայհոյանքներն անհասցե են եղել։ Պարեկային ծառայողների կողմից հայհոյանքներ չի եղել (տե´ս դատական նիստի արձանագրություն)։
Վկա Մեսրոպ Միսակյանը դատաքննության ընթացքում ցուցմունք տալիս հայտնել է, որ մեղադրյալը իր տղան է։ Գևորգը կանգնել է տաքսիների կանգնած տեղը, վարորդներ են եղել ասել է մի կանգնեք, ասել է երկար չի կանգնելու ամենաշատը 3-4 րոպե, պարեկն է մոտեցել, տղան ասել է, որ մարդ է սպասում ու կգնա։ Այդ ընթացքում հաճախորդ է եկել։ Պարեկի մեքենա է կանգնել, պարեկին ասել է, որ հաշմանդամ է չի կարելի այդպես վարվել։ Շոգ է եղել, տղան վատ է զգացել, ասել են ջուր տվեք, իրենք թողել գնացել են սրահ, քանի որ պատուհանները փակ է եղել, տղան մեքենայի ապակին ջարդել է։ Վերցրել տարել են ոստիկանական բաժին, ինքն էլ հետը գնացել է, ցուցմունք են վերցրել։ Ինքը սթրես է տարել, նրանց արարքները մարդկային քայլ չէր։ Ինքը պատմել է իր աչքի տեսածը։ Բացի այս դեպքը եղել է դեպքեր, որ ցանկացել է գնա գումար աշխատել, եկել են ասել են ինչու եք կանգնել։ Գորգոռոցներ եղել է, կարող է հայհոյանքներ էլ հնչեցրած լինի, ինքը չի հիշում։ Դեպքից հետո տուժողը և Գևոգրը հանդիպել են, խոսել են, ասել են ամոթել է, որ այսպես ստացվեց, հիմա որ տեսնում բարևում խոսում են, կարևորը իրանց մեջ թշնամություն չկա (տե´ս դատական նիստի արձանագրություն)։
Վկա Վալտեր Գևորգյանը դատաքննության ընթացքում ցուցմունք տալիս հայտնել է, որ դեպքի օրը հերթապահել է Զվարթնոց օդանավակայանում։ Գևորգ Միսակյանը կանգնած էր այնտեղ, որտեղ արգելված էր կանգնել։ Իրենց աշխատակիցներից Խաչատուրը մոտեցել է նրան և ասել, որ դրսում պետք է կայացվի վարչական արձանագրություն։ Սակայն Գևորգ Միսակյանը սկսել է քաշքշել, հայհոյել, հասարարակական կարգը խախտել, Զվարթնոց օդանավակայանի բնականոն աշխատանքը խաթարել, հավաքված մարդիկ կային, որոնք լսել են այդ հայհոյանքները։ Մարդիկ հավաքվել էին նրա մեքենայի կողքը, նրա մեքենան սպիտակ հոնդա էր։ Հայհոյանքները ուղղված էին տաքսու վարորդներին, որոնք մատնանշել էին նրան, որ կանգնել է չթույլատրված վայրում։ Հետևաբար անցումից հետո տեղակայաված է կանգառ արգելված գոտի և նա հենց դրա մեջ էր կանգնած։ Այդ գոտուց առաջ կամ հետո կարող է կանգնել։ Արգելված գոտին առանձնանում է եզրաքարերով և չեն կարող այնտեղ կայանել։ Ինքը մեքենայի մեջ չէր, իսկ եթե ուղևորը մեքենայի մեջ չէ, ուրեմն դա արգելվում է կայանել։ Խաչատուրն և Դավիթն են նրան ձերբակալել։ Ճանապարհին մեքենայի մեջ հայհոյանքներ է հնչեցրել և ոտքով հարվածել է հետևի ճաղավանդակներով ապակուն և կոտրել այն։ Իրեն ասել են, որ նա պառկել է նստարարանին և ոտքով դիտավորյալ հարվածել, իսկ Գևորգը ասել է, որ հաշմանդամություն ունի, ոտքը ջղաձգվել է և դրսում է դիպել ապակուն։ Գծային բաժին տեղափոխելիս ջուր է ուզել, տվել են ջուր, վատ է իրեն զգացել, շտապ օգնություն են կանչել (տե´ս դատական նիստի արձանագրություն)։
Վկա Էրիկ Հայրապետյանը դատաքննության ընթացքում ցուցմունք տալիս հայտնել է, որ աշխատում է պարեկային ծառայությունում, որպես կրտսեր պարեկ։ Դեպքի օրը Զվարթնոց օդանավակայանում Գևորգի և Դանիելի միջև ծեծկռտուք է եղել։ Առաջին հարկի մուտքի մոտ էին, նկատել են նրանց վիճաբանությունը, Գևորգը հարվածել է Դանիելին, ինքը մի հատված է տեսել։ Նրանք բարձր էին խոսում, դրա համար է նկատել են։ Նրանք երկուսով տաքսի են վարել։ Հենց մոտիկացել են նրանց դադարել են վիճել։ Ինքը Էդգար Հայրապետյանի հետ է քշել։ Որևէ անպարկեշտ արտահայտություններչի հնչեցրել։ Միջադեպի արդյունքում ինչ-որ տեղ հարձակվել է Զվարթնոց օդանավակայանում ։ Չի հիշում Դանիելը հարվածել է, թե ոչ։ Բայց քաշքշուկ միմյանց հետ եղել է (տե´ս դատական նիստի արձանագրություն)։
Նախաքննության ընթացքում՝ 2024 թվականի հունիսի 25-ին հարցաքննվելիս վկա Էրիկ Հայրապետյանը հայտնել է, որ փետրվարի 20-ին` ժամը 01-ի սահմաններում, ինքը և Էդգար Հայրապետյանը նկատել են, որ ժամանման սրահի առաջին մուտքի մոտ, երկու քաղաքացիներ իրար հարվածներ էին հասցնում: Անմիջապես մոտեցել են նրանց, բաժանել, որից հետո ուղեկցել են օդանավակայանի գծային բաժին, որտեղ էլ էդգար Հայրապետյանը ներկայացրել է զեկուցագիր կատարվածի մասին: Նշել է, որ նրանք միմյանց չեն հայհոյել, որևէ անպարկեշտ արտահայտություններ չեն հնչեցրել: Հարվածողները եղել են երկուսը, որոնց ուղեկցել են գծային բաժին, այլ անձինք վիճաբանության մասնակիցներ չեն եղել: Նրանք ենթարկվել են մեր օրինական կարգադրություններին, որևէ կերպ չեն դիմադրել, չեն հակառակվել, ագրեսիվություն չեն դրսևորել (տե´ս դատական նիստի արձանագրություն, քրեական գործ, 1-ին հատոր, 231-233-րդ թերթեր)։
Ցուցմունքները հրապարակվելուց հետո վկան հայտնել է, որ միգուցե Դանիելն էլ է հարվածել, բայց իր հիշելով Գևորգը մեկ հարված է հասցրել։ Չի բացառում, որ մինչ իրենց մոտենալը ինչ-որ հարված լիներ, բայց ինքը չի տեսել (տե´ս դատական նիստի արձանագրություն)։
Վկա Խաչատուր Միրզաջանյանը դատաքննության ընթացքում ցուցմունք տալիս հայտնել է, որ դեպքի օրը հերթապահել է Զվարթնոց օդանավակայանում։ Գևորգ Միսակյանը խախտում է արել։ Վալտեր Գևորգյանը զանգահարել է իրեն և ասել, որ մոտենա Գևորգի Հոնդա մակնիշի մեքեանային։ Գևորգին տեղեկացրել, պարզաբանել են և կազմել են արձանագրություն և այդ ընթացքում նա սկսել է հայհոյել և իրենք նրան ձերբակալել են։ Նրա հայհոյանքները ուղղված է եղել տաքսու վարորդներին։ Սակայն երբ նրան տեղափոխում էին ոստիկանական բաժին, նա կրկին մեքենայի մեջ հայհոյել է։ Նրա գործողություններով բնականոն ընթացքը խաթարվել էր, նաև հարվածել էր մեքենային, ճաղավանդակի ապակին կոտրել է։ Չի հիշում կամ կարծում, որ ոստիկանները Գևորգին հայհոյեին (տե´ս դատական նիստի արձանագրություն)։
Վկա Արմինե Վարդանյանը դատաքննության ընթացքում ցուցմունք տալիս հայտնել է, որ մեղադրյալը իր մեքենայով կանգնած էր արգելված վայրում՝ Զվարթնոց օդանավակայանում։ Անցած տարվա դեպք էր, լուսադեմ էր ժամը 7։00-ի կողմերը իրենք բարձրախոսով ասել են, որ մեքենան տեղափոխի, մի քանի անգամ հարցրեցին, բայց չէր ենթարկվում, ավելին ոչ կոռեկտ էր իրեն պահում։ Հանել է ծխախոտը սկսել է ծխել ու ծուխը փչել է իր վրա։ Իրենք նրան ասել են, որ անջատի ծխախոտը, բայց ոչ դա էր անում, ոչ էլ մեքենան էր տեղափոխում։ Ինքը ծառայություն իրականացնում էր Ազատ Սրապյանի հետ։ Մեղադրյալը սկսել է հայհոյել հասարակական վայրում, լիքը քաղաքացիներ են եղել այդ ժամանակ։ Այդ ամենը տեղի էր ունենում ժամանաման պային 2-րդ մուտքի մոտ։ ՈՒ մարդիկ կային, որոնք տեսնում և լսում էին այդ ամենը։ Այլ կարգախումբ է եկել, որ իրենց օգնի, իրենց հերթափոխն էր։ Մեղադրյալը չի հարվածել, բայց երբ ձերբակալել էր, նա չէր ենթարկվում, չէր իջնում մեքենայից, որ գնան ոստիկանություն։ Ձեռնաշղթա անցկացնելուց էլ է դիմադրել, բայց միևնույն է ձեռնաշղթա հագցրել էին։ Երբ իքը նրան ասել է անջատի ծխախոտը, նա ասել է, որ եթե քեզ խանգարում է դու գնա հեռու (տե´ս դատական նիստի արձանագրություն)։
Վկա Էդգար Հայրապետյանը դատաքննության ընթացքում ցուցմունք տալիս հայտնել է, որ Էդգար Հայրապետյանին ճանաչում է Զվարթնոցում տաքսու վարորդ է, իսկ ինքը ոստիկան է, այնտեղ ծառայություններ է իրականացնում, հաճախ է նրան հանդիպում։ Դեպքը կապված է Գևորգի և Դանիելի հետ։ Չի հիշում կոնֆլիկտը ումից է առաջացել։ Քայլում էր նկատել է, որ իրենք վիճաբանում են, իրենք մոտեցել բաժանել են։ Դռների մոտ էին Գևորգի ձայնը առաջինը լսեց, մի քաղաքացի էլ կար, բայց Դանիելի ու Գևորգի միջ էր խնդիրը։ Հարվածների պահը չի հիշում։ Գևորգին և Դանիելին տարել բաժին։ Հայհոյանքներ չի լսել, սրահը դատարկ էր, մարդ չկար։ Հարվածներ նկատել է, բայց չի հիշում, ով ում է հարվածել։
Նախաքննության ընթացքում՝ 2024 թվականի հունիսի 25-ին հարցաքննվելիս վկա Էդգար Հայրապետյանը հայտնել է, որ ծառայում է ՀՀ ՆԳՆ ոստիկանության Պարեկային ծառայության Երևան քաղաքի գնդի 4-րդ գումարտակի 1-ին վաշտում, որպես պարեկ, ծառայում է ՊԾ-ում 2021 թվականից: 2024 թվականի փետրվարի 19-ին՝ ժամը 20:00-ին, ինքը և Էրիկ Հայրապետյանը, գտնվել են ծառայության մեջ Զվարթնոց օդանավակայանում, ծառայությունն իրականացրել են օդանավակայանի ժամանման սրահում։ Նշել է նաև, որ ինքը հանդիսացել է իրենց ծառայության պատասխանատուն: Արդեն փետրվարի 20-ին՝ ժամը 01:55-ի սահմաններում, եթե չի սխալվում, ինքը ու Էրիկ Հայրապետյանը ծառայություն էին իրականացնում ժամանման սրահում, երբ նկատեցին, որ ժամանման սրահի մուտքի մոտ, ներսի հատվածում, երկու քաղաքացիներ իրար քաշքշում էին և հարվածներ էին հասցնում միմյանց: Անմիջապես մոտեցել են նրանց, բաժանել նրանց, որից հետո նրանց ուղեկցել են օդանավակայանի գծային բաժին, որտեղ էլ ներկայացրել է զեկուցագիր՝ կատարվածի մասին և նշել մանրամասները: Նշել է, որ նրանք միմյանց չեն հայհոյել, որևէ անպարկեշտ արտահայտություններ չեն արել: Հարվածողները եղել են երկուսը, որոնց ուղեկցել են գծային բաժին, այլ անձինք վիճաբանության մասնակիցներ չեն եղել: Նրանք ենթարկվել են իրենց կարգադրություններին, որևէ կերպ չի դիմադրել կամ հակառակվել, անգամ օգնության կարիք չի եղել, ինքը ռադիոկապով օգնություն չի պահանջել, քանի որ նրանք ենթարկվել են իրենց օրինական կարգադրություններին: Հայտնել է նաև, որ մարդկային կուտակումներ չեն եղել, որևէ կերպ օդանավակայանի բնականոն աշխատանքը չի խաթարվել: Ավելացրել է ցուցմունքին, որ օրվա ուշ ժամի հետ կապված իրենց մոտ եղած տեսախցիկները չի տեսաձայնագրել, քանի որ մարտկոցները լիցքաթափված են եղել: Դրանից հետո շարունակել են իրենց ծառայությունը: Այլ տեղեկություններ ցուցմունքին ավելացնելու չունի (տե´ս դատական նիստի արձանագրություն, քրեական գործ, 1-ին հատոր 278-280-րդ թերթեր)։
Ցուցմունքը հրապարակելուց հետո վկան հայտնել է, որ երկուսն էլ հարվածել են, ճիշտ է իր նախաքննական ցուցմունքը, ինքը նկատել է, որ Գևորգը հարվածել է Դանիելին (տե´ս դատական նիստի արձանագրություն)։
Վկա Ազատ Սրապյանը դատաքննության ընթացքում ցուցմունք տալիս հայտնել է, որ մեղադրյալին ճանաչում է դեպքի հետ կապված։ Իրենք ծառայություն էին իրականացնում։ Հերթապահ էին տվյալ հասցեում, նկատել են սխալ տեղում կայանված տաքսի։ Բարձրախոսով հայտնել են, որ տեղափոխեն, բայց չեն տեղափոխել։ Իր գործընկերները՝ Արմինեն մոտեցել է, նկատել է, որ անհարգալից է իրեն պահում, սկսել էծխել և ծուխը փչել Արմինեի վրա՝ ասելով, որ եթե հաճելի չէ գնա այն կողմ։ Հետո սկսել է հայհոյել, իրենց չի ենթարկվել։ Տևական ժամանակ իրեն վատ էր պահում։ Մարդիկ կային, բոլորը զարմացած նայում էին, խցանում չէր առաջացրել, վերև էր տրանսպորտը, իրենց բնականոն աշխատանքը խաթարվել էր, նա չէր ենթարկվում, խուսափում էր ձեռբակալվելուց (տե´ս դատական նիստի արձանագրություն)։
Վկա Սերոժ Սահրադյանը դատաքննության ընթացքում ցուցմունք տալիս հայտնել է, որ ճանաչում է Գևորգ Միսակյանին, ինքն էլ է վարում տաքսի։ Ինքը Զվարթնոց օդանավակայանում էր։ Իրեն մոտեցել է մի կին ու տղամարդ և ճանապարհել է Երևան քաղաք 30․000 ՀՀ դրամով։ Գևորգը անգլերեն գիտի, ինքը կանչել է նրան, որ բացատրի, այդ ժամանակ իրենց է մոտեցել Դանիելը ու Գևորգի հետ սկսել է վիճաբանություն, բայց ինքը ուղևորին վերցրել գնացել է, այլ բան չի տեսել (տե´ս դատական նիստի արձանագրություն)։
Նախաքննության ընթացքում՝ 2024 թվականի հունիսի 26-ին հարցաքննվելիս վկա Սերոժ Սահրադյանը հայտնել է, որ 2024 թվականի փետրվարի 20-ին՝ ժամը 01-ի սահմաններում, մոտեցել է երկու անձնավորության, հարցրել է տաքսի հարկավոր է, նրանք պատասխանել են այո, քանի որ նրանք խոսել են անգլերեն, ինքը չէր հասկանում, մոտեցել է Գևորգը, նա հարցրել է թե որտեղ է գնում, Գևորգը հայտնել է, որ գնում են կենտրոն, նշել է նաև գինը, որին ինքը համաձայնվել է և տարել է ուղևորներին: Այդ ժամանակ իրենց է մոտեցել Դանիելը, ում և Գևորգի միջև սկսվել է խոսակցություն, դրանից հետո նրանց միջև առաջացել է վիճաբանություն, սակայն ինքը հեռացել է և այդ ուղևորներին տարել է կենտրոն, դրանից հետո վերադարձել է և հետաքրքրվել է Գևորգի ու Դանիելի մասին, սակայն նրանց չի հանդիպել, բայց տեղյակ է եղել, որ նրանք գտնվել են ոստիկանության բաժնում: Գևորգի ու Դանիելի միջև խոսակցության, ինչպես նաև հետագայում՝ ծեծկռտուքի ժամանակ նրանք հայհոյանքներ չեն հնչեցրել, ինքը հայհոյանք չեմ լսել: Օդանավակայանի ծառայությունների բնականոն աշխատանքը խաթարվելու, մարդկային կուտակումներ առաջանալու, կամ մարդկանց մոտ տագնապային վիճակ ստեղծվելու մասին որևէ բան չի կարող հայտնել, քանի որ ինքը ուղևորների հետ հեռացել է, անտեղյակ է այդ մասին, համենայն դեպս իր ներկայությամբ նման իրավիճակ չի ստեղծվել: Հարցաքննության ժամանակ ներկայացվել է քրեական վարույթում առկա տեսագրությունը, որի մասին վկա Ս.Սահրադյանը հայտնել է հետևյալը. Տեսագրության մեջ երևացող սպիտակ մազերով անձը հանդիսանում է ինքը, իրեն են մոտենում երկու անձ, ինչպես նշել է ցուցմունքում դրանք ուղևորներ էին, որոնց տեղափոխել է Երևան քաղաքի կենտրոն, նրանց հետ զրուցելու ժամանակ իրենց է մոտենում մի երիտասարդ, նա հանդիսանում է Դանիելը, նրանից հետո մոտենում է Գևորգը, ում հետ ինքը ձեռքով բարևում է, դրանից հետո Գևորգը թարգմանում է զրույցը և օգնում պայմանավորվել, երբ ուղևորների հետ հեռանում էր, Գևորգի և Դանիելի միջև զրույց է սկսվում, վիճաբանություն, որն էլ վերածվում է ծեծկռտուքի: Տեսագրությամբ ձախ կողմում կանգնած է Գևորգը, իսկ աջից Դանիելը, տեսագրությամբ երևում է, որ նրանք միմյանց մի քանի անգամ հարվածում են, ինքը փորձում է բաժանել նրանց, միջամտում են քաղաքացիներ, որոնց ինքը չի ճանաչում, որից հետո ինքը հեռանում է, քանի որ ուղևորները սպասում էին իրեն դրսում, դրանից հետո մոտենում է պարեկային ծառայույթան աշխատակիցները և ամեն ինչ հանդարտվում է: Այլ տեղեկություններ ցուցմունքին ավելացնելու չունի (տե´ս դատական նիստի արձանագրություն, քրեական գործ, 1-ին հատոր, 235-237 թերթեր)։
Ցուցմունքը հրապարակվելուց հետո վկան հայտնեց, որ երկար ժամանակ է անցել չի հիշում, միգուցե նման բան ասել է։ Եվս մեկ անգամ տեսել է տեսգրությունը և ճիշտ է ամեն ինչ (տե´ս դատական նիստի արձանագրություն)։
Վկա Տիգրան Մարգարյանը դատաքննության ընթացքում ցուցմունք տալիս հայտնել է, որ ճանաչում է մեղադրյալ Գևորգ Միասակյանին, դեպքի օրը չի հիշում, թե ինչ է տեղի ունեցել (տե´ս դատական նիստի արձանագրություն)։
Վկա Ներսես Գրիգորյանը դատաքննության ընթացքում ցուցմունք տալիս հայտնել է, որ ճանաչում է Գևորգ Միսակյանին, ինքն էլ է տաքսի վարում։ Դեպքի հետ կապված չի հիշում ոչինչ, քանի որ շաքարային դիբետ ունի։ (տե´ս դատական նիստի արձանագրություն)։
Հիմնական դատալսումների ընթացքում հետազոտվել են հետևյալ գրավոր ապացույցները.
Դատաապրանքագիտական փորձաքննության թիվ 23-1888 եզրակացությունը, որի համաձայն՝ ներկայացված «SKODA մակնիշի «OCTAVIA 1.4 TSI» տիպարի 107 CC 61 հաշվառման համարանիշով տրանսպորտային միջոցի հետին ձախ դռան ապակու շուկայական արժեքը 2023 թվականի օգոստոսի 18-ի դրությամբ կազմել է շուրջ 23900 ՀՀ դրամ, իսկ հետին ձախ դռան ապակու պաշտպանիչ ցանցինը՝ 9600 ՀՀ դրամ (դատական նիստի արձանագրությունը, քրեական գործ, 1-ին հատոր, 157-163-թերթեր):
Գևորգ Մեսրոպի Միսակյանին ձերբակալելու վերաբերյալ 2023 թվականի օգոստոսի 19-ի, 2024 թվականի փետրվարի 20-ի, 2024 թվականի հոկտեմբերի 15-ի արձանագրությունները (դատական նիստի արձանագրությունը, քրեական գործ, 1-ին հատոր, 8-9-րդ, 184-185-րդ, 192-193-րդ թերթեր):
2024 թվականի նոյեմբերի 27-ի որոշմամբ արտավարութային փաստաթուղթ ճանաչված «Արմենիա միջազգային օդանավակայաններ» ՓԲ ընկերությունից ստացված 23.08.2023թ. թիվ 626/ADM/23 գրությանը կցված լազերային սկավառակը, որի զննության համաձայն՝ 71-Arriv.Main entr. West - 960 x 576 - 20fps_20230818_233959 անվանումով վիդեոֆայլի տևողությունը 25 րոպե է, տեսանկարահանող սարքը տեսագրում է օդանավակայանի ժամանման սրահի մուտքը և երթևեկելի հատվածում առկա հետիոտնի անցման հատվածը: Տեսագրության վերևի աջ անկյունում առկա է <<23:40:00 08/18/2023>>, վերևի ձախ անկյունում առկա է <<Senstar>>, իսկ ներքևի ձախ անկյունում առկա է <<Ch3>> գրառումները: Տեսագրությամբ երևում են քաղաքացիների անց ու դարձը, տեսագրության 45 վայրկյանին աջ հատվածից դեպի ձախ, ավտոմեքենաների համար նախատեսված երթևեկելի հատվածով անցնում են երկու պարեկային ծառայության ավտոմեքենաներ, որոնցից մեկի կողային համարն է 1202, իսկ երկրորդինը՝ 1072: Տեսագրության 01 րոպեին նշված ավտոմեքենաներն անցնում են դեպի ձախ և դուրս գալիս տեսագրությունից: Տեսագրության 02 րոպեի 56 վայրկյանին օդանավակայանի ժամանման սրահից դուրս է գալիս պարեկային ծառայության աշխատակից, բջջային հեռախոսը ականջին կպցրած, հավանաբար զրուցելիս: Տեսագրության 03 րոպեի 27 վայրկյանին տեսագրության աջ հատվածից դեպի ձախ անկյունն է անցնում սպիտակ գույնի մարդատար ավտոմեքենա, կայանվում է ավտոմեքենան, որից հետո սև գույնի մայկայով, սև գույնի տաբատով նիհարավուն կազմվածքով մի տղամարդ մոտենում է ավտոմեքենայի բեռնախցիկի հատվածին և տանիքի հատվածում տեղադրում տաքսու տարբերանշան, որից հետո շրջանցում է ավտոմեքենան և հեռանում դեպի տեսագրության ձախ հատվածը և դուրս գալիս տեսագրությունից: Տեսագրության 04 րոպեի 36 վայրկյանին պարեկային ծառայության աշխատակիցն անջատում է բջջային հեռախոսը և ձեռքն իջեցնում: Տեսագրության 07 րոպեի 14 վայկրյանին կայանված սպիտակ գույնի ավտոմեքենայի կողայի հատվածից դեպի տեսագրության աջ հատվածն է քայլում սև մայկայով, նիհարավուն կազմվածքով անձ, ով կանգնում է կայանված ավտոմեքենայի կողային հատվածում, իսկ այդ ընթացքում պարեկային ծառայության աշխատակիցը կանգնած է ժամանման սրահի մուտքի դիմաց, դեմքով դեպի երթևեկելի հատվածը, որի ընթացքում կրկին բջջային հեռախոսով զանգահարում է: Սև մայկայով տղամարդն այնուհետև անցնում է սյան մոտով և մտնում օդանավակայանի ժամանման սրահ, իսկ այդ ընթացքում պարեկային ծառայության աշխատակիցը գտնվում է ժամանման սրահի մուտքի դիմային հատվածում, որից հետո քայլում է դեպի աջ և տեսագրության 09 րոպեի 35 վայրկյանին դուրս գալիս տեսագրությունից: Այդ ընթացքում երթևեկելի հատվածով անցնում են պատահական ավտոմեքենաներ, անցնում են պատահական քաղաքացիներ դեպի ժամանման սրահ և հակառակը: Տեսագրության 10 րոպեի 01 վայրկյանին տեսագրության աջ հատվածից դեպի կայանված սպիտակ գույնի ավտոմեքենայի ուղղությամբ է քայլում պարեկային ծառայության այն նույն աշխատակիցը, որի հետ անցնում է նաև ևս մեկ պարեկային ծառայության աշխատակից, ում հագուստին առկա է նաև դեղին գույնի ժիլետ: Դեղին գույնի ժիլետով պարեկային ծառայության աշխատակիցը մոտենում է կայանված սպիտակ գույնի ավտոմեքենային, ում ընդառաջ գալիս է նիհարավուն կազմվածքով, սև գույնի մայկայով, որի դիմային հատվածում առկա է դեղին գույնով նախշ, իսկ առանց դեղին գույնի ժիլետի պարեկային ծառայության աշխատակիցը քայլում է դեպի ժամանման սրահի մուտքի դիմային հատվածը և սկսում հետևել պարեկային ծառայողի գործողություններին: Նիհարավուն կազմվածքով անձը ձեռքը պարզում է դեպի ավտոմեքենայի բեռնախցիկի վերևի հատվածից դրված տասքու տարբերանշանին, և այդ ընթացքում հայացքն ուղղում դեպի պարեկային ծառայողի ուղղությամբ, որից հետո մոտենում նրան և անցնում դեպի ձախ և դուրս գալիս տեսագրությունից, այդ ընթացքում ժամանման սրահի մուտքի դիմաց կանգնած պարեկային ծառայողը քայլում է դեպի նշված ավտոմեքենան, տեսագրության 10 րոպեի 26 վայրկյանին տեսագրության աջ հատվածից անցնում և կանգնում է պարեկային ծառայության 1072 կողային համարով ավտոմեքենան, որից հետո հետընթաց երթևեկելով անցնում դեպի տեսագրության աջ հատվածը և դուրս գալիս տեսագրությունից: Տեսագրության 11 րոպեի 05 վայրկյանին վերը նշված պարեկային ծառայության աշխատակիցները ավտոմեքենայի բեռնախցիկի հատվածում կանգնած զրուցում են, երթևեկելի հատվածով անցնում և պարեկային ծառայողների կողքին կայանվում է սպիտակ գույնի մարդատար ավտոմեքենա, պարեկային ծառայողներից առանց դեղին ժիլետով աշխատակիցը ձեռքերն իրար խաչելով շարժում է կատարում, որից հետո տեսագրությամբ ձախ ձեռքը պարզում դեպի ձախ հատվածը, որից հետո նշված ավտոմեքենան ընթանում է ձախ և դուրս գալիս տեսագրությունից, իսկ այդ ընթացքում դեղին գույնի ժիլետով պարեկային ծառայության աշխատակիցը ուսումնասիրում է ձեռքին առկա իրը, որը տեսագրությամբ հնարավոր չեղավ արձանագրել՝ տեսագրության որակի և հեռավորության պատճառով: Դրանից հետո առանց դեղին ժիլետով պարեկային ծառայության աշխատակիցը հեռանում էդեպի աջ, նրան ընդառաջ քայլում են ևս երկու պարեկային ծառայության աշխատակիցներ, որոնց հագին նույնպես առկա է դեղին գույնի ժիլետներ: Նրանցից մեկը կանգնում և զրուցում է առանց դեղին գույնի ժիլետի պարեկային ծառայողի հետ, իսկ մյուսը մոտենում ավտոմեքենայի բեռնախցիկի մոտ կանգնած պարեկային ծառայողին: Տեսագրության 13 րոպեի 08 վայրկյանին տեսագրության ձախ հատվածից, կայանված սպիտակ գույնի մարդատար ավտոմեքենայի կողքով քայլելով անցնում և մոտենում է պարեկային ծառայողներին սև գույնի հագուստով անձը, ով հավանաբար հանդիսանում է նշված ավտոմեքենայի վարորդը, վերջինս հավանաբար սկսում է զրուցել վերջիններիս հետ, սև գույնի հագուստով անձը ձեռքը պարզում է դեպի տեսագրությամբ ձախ կողմը, տեսագրության 13 րոպեի 44 վայրկյանին սև գույնի հագուստով անձը քայլելով անցնում է դեպի կայանված ավտոմեքենայի բեռնախցիկի կողային հատվածը և շարունակում զրուցել պարեկային ծառայողի հետ, տեսագրության 13 րոպեի 53 վայրկյանին նշված անձը կրկին մոտենում է պարեկային ծառայության աշխատակիցներին և շարունակում զրուցել վերջիններիս հետ: Տեսագրության 14 րոպեի 21 վայրկյանին պարեկային ծառայության 1072 կողային համարով ավտոմեքենան երթևեկելի հատվածով անցնում է դեպի ձախ և դուրս գալիս տեսագրությունից: Տեսագրության 14 րոպեի 36 վայրկյւանին տեսագրության ձախ հատվածից, կայանված սպիտակ գույնի ավտոմեքենայի կողային հատվածով դեպի բեռնախցիկի հատվածն է անցնում պարեկային ծառայության աշխատակիցը, որից հետո շարունակում են զրուցել: Տեսագրության 15 րոպեի 45 վայրկյանին զրուցին ակտիվ միջամտում է առանձ դեղին գույնի ժիլետի պարեկային ծառայողը և կտրուկ մոտենում սև գույնի հագուստով անձին, իսկ տեսագրության 15 րոպեի 46 վայրկյանին ոլորում սև գույնի հագուստով անձի ձախ ձեռքը, մոտեցնում դեպի կայանված սպիտակ գույնի ավտոմեքենայի բեռնախցիկի հատվածին՝ դեմքով դեպի բեռնախցիկը, սակայն վերջինս կտրուկ պտտվում է դեմքով դեպի պարեկային ծառայողը և ազատում ձեռքը, որից հետո պարեկային ծառայողը կրկին ոլորում է ձեռքը, քայլում սև գույնի հագուստով անձի հետ դեպի կայանված ավտոմեքենայի կողային հատվածը և անցնում դեպի ձախ՝ դուրս գալով տեսագրությունից: Այդ ընթացքում պարեկային մնացած ծառայողները որևէ միջամտություն չեն կատարում, իսկ պատահական անցորդները կանգնում է նայում են տեղի ունեցածին, որից հետո պատահական անցորդները հավաքվում են կայանված ավտոմեքենայի կողային հեռավոր հատվածը, որտեղ երևում են նաև դեղին գույնի ժիլետով պարեկային ծառայողները, զրուցում նրանց հետ, իսկ այդ ընթացքում երթևեկելի հատվածով անցնում են ավտոմեքենաներ, որևէ կերպ չի խոչընդոտվում երթևեկությունը: Հավաքված քաղաքացիների հետ զրուցելուց հետո պարեկային ծառայության աշխատակիցները քայլում են դեպի ժամանման սրահի մուտքի դիմային հատվածը, որից հետո մտնում են ժամանման սրահ, իսկ հավաքաված քաղաքացիները հեռանում են, որից հետո ժամանման սրահից դուրս են գալիս պարեկային ծառայության աշխատակիցները, քայլում դեպի տեսագրությամբ ձախ հատվածը և դուրս գալիս տեսագրությունից, այդ ընթացքում կայանված սպիտակ գույնի ավտոմեքենայի բեռնախցիկի հատվածին է մոտենում մի տղամարդ, վերցնում տաքսու տարբերանշանը և քայլում դեպի կողային հատվածն ու դուրս գալիս տեսագրությունից, կրկին վերադառնում դեպի բեռնախցիկի հատվածը, որից հետո վառվում են ավտոմեքենայի հետևի հատվածի լուսարձակները, որից հետո նշված ավտոմեքենան երթևեկում է և դուրս գալիս տեսագրությունից: Մինչև տեսագրության ավարտը քրեական վարույթի համար նշանակություն ունեցող այլ գործողություններ տեղի չեն ունենում, որևէ միջադեպ, քաղաքացիների կուտակումներ չեն լինում (դատական նիստի արձանագրությունը, քրեական գործ, 1-ին հատոր, 75-րդ, 94-149-րդ թերթեր, 2-րդ հատոր, 168-172 թերթեր):
2024 թվականի նոյեմբերի 27-ի որոշմամբ արտավարութային փաստաթուղթ ճանաչված ՀՀ ՆԳՆ ոստիկանության պարեկային ծառայությունից ստացված 24․08․2023թ․ թիվ 91/2222-2023 գրությանը կցված լազերային սկավառակը, որի զննության համաձայն՝ Տեսաձայնագրության սկզբում առկա է տեղեկատվություն (լատինատառ) հետևյալ բովանդակության՝ Recording start: 18 August 2023 23:46:00, end: 18 August 2023 23:57:30, Reorder ID: 468341, MP4 vreated on: 24 August 2023 10:28:34, by: monitoring: Տեսանկարահանող սարքը պարեկային ծառայության վարորդ աշխատակցին է ամրակցված, վարորդի կողքի պարեկային ծառայողը դուրս է գալիս ավտոմքենայից, սարքը ուղղված է դեպի ավտոմեքենայի սրահը, ավտոմեքենան կայանելուց հետո վարորդը, վերցնելով ռադիոկապը, նույնպես դուրս է գալիս և քայլելով մոտենում կայանված պարեկային ծառայության ավտոմքենային, որի դիմային հատվածում՝ հետիոտնային անցումից անմիջապես հետո, կայանված է սպիտակ գույնի մարդատար ավտոմեքենա, որի կողքին կանգնած է պարեկային ծառայող և կատարում է ստուգում, վերջինիս ձեռքին առկա է կամ վարորդական իրավունքի վկայական, կամ ավտոմեքենայի տեխանձնագիր: Կայանված սպիտակ գույնի ավտոմեքենան Հոնդա մակնիշի է, 37 QF 617 հաշվառման համարանիշների, աջ հատվածում օդանավակայանի ժամանման սրահի մուտքն է, մայթեզրին կանգնած են բազմաթիվ պատահական անցորդներ: Ավտոմեքենայի ձախ կողային հատվածից պարեկային ծառայության աշխատակիցներին է մոտենում սև գույնի, ոսկեգույն նախշերով մայկայով տղամարդ և սկսում զրուցել պարեկային ծառայության աշխատակիցների հետ: Որից հետո տեսախցիկով պարեկային ծառայության աշխատակիցը նստում է ծառայողական ավտոմեքենան, դուրս գալիս և մոտենում կայանված սպիտակ գույնի վերը նշված ավտոմեքենային, որի շուրջը կանգնած են պարեկային ծառայության աշխատակիցներ և քաղաքացիներ՝ կանայք, երեխաներ: Այնուհետև մոտենում է դիմային հատվածում կայանված պարեկային ծառայության ավտոմեքենային, նրանից առաջ մոտենում են պարեկային ծառայության երեք աշխատակիցներ, որոնցից երկուսը քաղաքացուն ձերբակալել և փորձում են նստեցնել պարեկային ծառայության ավտոմեքենայի հետևի աջ դռնից, սակայն վերջինս դիմադրում է և փորձում է չնստել ավտոմեքենան, նրանց կողքի կանգնած է ևս մեկ պարեկային ծառայության աշխատակից, նրանց է մոտենում քաղաքացիական հագուստով տարեց տղամարդ, հավաքվում են այլ քաղաքացիներ, ցանկանում են մոտենալ պարեկային ծառայության ավտոմեքենային, տարեց քաղաքացուն պարեկային ծառայության աշխատակիցները հեռվացնում են ծառայողական ավտոմեքենայից, իսկ այդ ընթացքում հավաքվում են բազմաթիվ քաղաքացիներ: Պարեկային ծառայության ավտոմեքենայի հետևի աջ դուռը գտնվում է բաց վիճակում, ոտքերը դուրս հանած նստած է ձերբակալված անձը,մ ով հանդիսանում է Գևորգ Մեսրոպի Միսակյանը, վերջինս ցանկանում է կանգնել և դուրս գալ ավտոմեքենայից, սակայն պարեկային ծառայության աշխատակիցը թույլ չի տալիս, որից հետո փակում են դուռը, նստում ավտոմեքենան և շարժվում: Ավտոմեքենան կայանելուց հետո պարեկային ծառայության աշխատակիցները մոտենում և բացում են հետևի աջ դուռը,մ դուրս հրավիրում Գևորգ Մեսրոպի Միսակյանին, ձեռնաշղթաներ անցկացնում ձեռքերին, որից հետո տեսագրությունն ավարտվում է (դատական նիստի արձանագրությունը, քրեական գործ, 1-ին հատոր, 77-րդ թերթեր, 2-րդ հատոր՝71-72, 173-176-թերթեր):
2024 թվականի նոյեմբերի 27-ի որոշմամբ արտավարութային փաստաթուղթ ճանաչված Արմենիա միջազգային օդանավակայաններ ՓԲ ընկերությունից ստացված 21.02.2024թ. թիվ 158/ADM/24 գրությանը կցված լազերային սկավառակը, որի զննությամբ պարզվել է, որ Լազերային սկավառակում առկա են թվով երկու հատ տեսագրություններ, որոնք պատկերում են Զվարթնոց միջազգային օդանավակայանի ժամանման սրահի առաջին մուտքի դրսի և ներսի կողմից կատարված նկարահանումները: Տեսագրություններում ձայնային մաս առկա չէ: Դրսի կողմից կատարված տեսագրություններում վարույթի համար նշանակություն ունեցող տվյալներ առկա չեն: Իսկ ներսի կողմից կատարված տեսագրություններով պարզվել է, որ 2024 թվականի փետրվարի 20-ին՝ ժամը 01:14-ին երեք անձինք կանգնած են ելքի դռան մոտ: Նրանցից մեկը նմանվում է Գևորգ Միսակյանին, իսկ մյոսը՝ Դանիել Բաղդասարյանին: Նրանց կողքին է կանգնած ավելի մեծ տարիքով տղամարդ: Նրանց միջև ծավալվող խոսակցության ընթացքում Գևորգ Միսակյանը, ժամը 01:14:18-ին հարվածում է Դանիել Բաղդասարյանի դեմքի ձախ հատվածին, որից հետո նրանք բռնում էին միմյանց ձեռքերը, հագուստները և սկսում են միմյանց քաշքշել, որի ընթացքում Դ.Բաղդասարյանը նույնպես փորձում է հարվածել Գ.Միսակյանին, սակայն վերջինս հաջողվում է խույս տալ: Միջադեպի ժամանակ Գ.Միսակյանը ձեռքերով երկու և ավելի հարվածներ է հասցնում Դ.Բաղդասարյանի մարմնի տարբեր հատվածներին, որի վայրկյաններ անց միջամտում են այլ քաղաքացիներ, ապա նաև պարեկային ծառայողներ, ովքեր բաժանում են նրանց միմյանցից և միջադեպը դադարում է, իսկ վերջիններս ենթարկվում են պարեկային ծառայության աշխատակիցների հրահանգներին: Գ.Միսակյանի հարվածներից մինչև պարեկային ծառայողի միջամտությունը տևել է 24 վայրկյան: Դրանցից հետո պարեկային ծառայողները Գ.Միսակյանին և Դ.Բաղդասարյանին դուրս են բերում օդանավակայանի նշված ելքից դեպի դուրս (դատական նիստի արձանագրությունը, քրեական գործ, 1-ին հատոր, 219-220-րդ, 2-րդ հատոր, 177-179 թերթեր):
2024 թվականի նոյեմբերի 27-ի որոշմամբ արտավարութային փաստաթուղթ ճանաչված Արմենիա միջազգային օդանավակայաններ ՓԲ ընկերությունից ստացված 16.10.2024թ. թիվ 818/ADM/24 գրությանը կցված լազերային սկավառակով, որի զննությամբ պարզվել է, որ Լազերային սկավառակում առկա են թվով 3 (երեք) հատ տեսաձայնագրության ֆայլեր՝ 31-Parking outside 6 - 960 x 576 - 20fps_20241015_065958, 140-Arrival car path 360-ptz - 1920 x 1080 - 20fps_20241015_065358, Parking outside - 116 - 1920 x 1080 - 20fps_20241015_065959 անվանումներով, տեսագրություններում բացակայում է ձայնային հատվածը: 31-Parking outside 6 - 960 x 576 - 20fps_20241015_065958 անվամբ ձայնագրությունը 04 րոպե 01 վայրկյան է: Տեսանկարահանող սարքի ձախ վերևի անկյունում առկա է Senstar, աջ վերևի անկյունում՝ 06:59:59: 15/10/2024, իսկ ներքևի ձախ անկյունում՝ Ch3 գրառումները: Տեսանկարահանող սարքը տեսագրում է ՀՀ ՆԳՆ ոստիկանության ՀՈԳ վարչության Զվարթնոց օդանավակայանի բաժնի դիմային հատվածը և Զվարթնոց օդանավակայանի ծառայողական բացօթյան կայանատեղին: Տեսագրության հեռավոր դիմային հատվածում երևում է ՀՀ ՆԳՆ ոստիկանության ՀՈԳ վարչության Զվարթնոց օդանավակայանի բաժնի մուտքը: Տեսագրությամբ երևում է ավտոկայանատեղիի ասֆալտապատ հատվածը թաց է, անձրևային եղանակ է, տեսագրության 02 րոպեի 56 վայրկյանին տեսագրության դիմային ձախ անկյունից դեպի տեսագրության դիմային հեռավոր հատվածն են անցնում երեք անձինք, որոնցից երկուսի հագին առկա է ոստիկանական համազգեստին նմանվող հագուստ, քայլելու ընթացքում նրանք քաղաքացիական հագուստով անձին կռացած ուղեկցում են դեպի ոստիկանության բաժնի մուտքի դիմաց և մտնում ներս, որից հետո տեսագրությունն ավարտվում է: Parking outside - 116 - 1920 x 1080 - 20fps_20241015_065959 անվամբ ձայնագրությունը 04 րոպե 01 վայրկյան է: Տեսանկարահանող սարքի ձախ վերևի անկյունում առկա է Senstar, աջ վերևի անկյունում՝ 07:00:00 15/10/2024 գրառումները: Տեսանկարահանող սարքը տեսագրում է Զվարթնոց օդանավակայանի ծառայողական բացօթյան կայանատեղին: Տեսագրության դիմային հատվածում երևում է ավտոկայանատեղիի երթևեկելի հատվածը, դիմային ձախ հատվածում երևում են կայանված ավտոմեքենաներ, իսկ հեռավոր դիմային աջ անկյունում երևում է ավտոկայանատեղիի ելքը և արգելափակոցները, որի հետևի հատվածում երևում է Զվարթնոց օդանավակայանի վարչական շենքը և ճանապարհը: Տեսագրության 01 րոպեի 27 վայրկյանին երևում է չանապարհով անցնող պարեկային ծառայության ավտոմեքենա՝ փարոսիկները միացված վիճակում, որը անցնելով կայանվում է ավտոկայանատեղիի ելքի, արգելափակոցների ձախակողմյան հատվածում և երևում է միայն ավտոմեքենայի դիմային հատվածը: Տեսագրության 02 րոպեի 18 վայրկյանին ավտոմեքենայի հետևի հատվածից դդեպի դիմային հատված են անցնում երկու անձինք, որոնցից մեկը դիմադրում է և չի ցանկանում քայլել, իսկ նրան ուղեկցողը քաշում է դեպի առաջ, որոշակի հատված քայլելուց հետո դիմադրող անձն ընկնում է գետնին, նրան ուղեկցող անձը կորցնելով հավասարակշռությունը նույնպես ընկնում է գետնին, որից հետո նրանց է միանում ևս մեկ անձ, օգնում է բարձրանալ, իսկ ուղեկցով անձը բարձրանում է ինքնուրույն, դրանից հետո երկու անձինք ուղեկցում են երրորդ անձին, քայլելով մոտենում են դեպի տեսանկարահանող սարքը, մոտենալուց հետո պարզվեց, որ վայր ընկած անձի ձեռքերը գտնվում են թիկունքի հատվածում, հավանաբար ձեռնաշղթաներով, իսկ նրան ուղեկցում են ոստիկանության համազգեստով անձինք, որոնցից մեկը տղամարդ է, իսկ երկրորդը կին, վայր ընկած ոստիկանության համազգեստով անձը հանդիսանում է տղամարդ: Ձեռնաշղթաներով անձը քայլում է կռացած վիճակում, ոստիկանության համազգեստով տղամարդը բռնել է նրա ձեռքերից, տեսագրության 03 րոպեի 04 վայրկյանին նրանք անցնում են դեպի տեսագրության ձախ անկյունային հատվածը և դուրս գալիս տեսագրությունից, որից հետո տեսագրությունն ավարտվում է: 140-Arrival car path 360-ptz - 1920 x 1080 - 20fps_20241015_065358 անվամբ ձայնագրությունը 06 րոպե 01 վայրկյան է: Տեսանկարահանող սարքի ձախ վերևի անկյունում առկա է Senstar, աջ վերևի անկյունում՝ 06:53:59 15/10/2024 գրառումները: Տեսանկարահանող սարքը տեսագրում է Զվարթնոց օդանավակայանի ժամանման սրահի առաջին մուտքի դիմային հատվածը, հետիոտնի համար նախատեսված անցումը, ժամանման սրահի դիմային հատվածի երթևեկելի հատվածը: Տեսագրության դիմային հեռավոր հատվածում՝ հետիոտնի համար նախատեսված անցումից առաջ, երթևեկելի հատվածի մայթեզրին մոտ, երևում է կայանված սպիտակ գույնի սեդան թափքով ավտոմեքենա, որի հաշվառման համարանիշները և մակնիշը հնարավոր չեղավ արձանագրել՝ հեռավորության պատճառով: Տեսագրության ընթացքում ժամանման սրահի դիմային հատվածում երևում են պատահական քաղաքացիներ՝ կանգնած, հետիոտնի համար նախատեսված հատվածով դեպի փակ ավտոկայանատեղի անցնող և հակառակը, երթևեկելի հատվածով անցնում են տարբեր ավտոմեքենաներ: Տեսագրության 21 վայրկյանին դիմային հեռավոր աջ անկյունից երթևեկելի հատվածով մոտենում է պարեկային ծառայության ավտոմեքենա, որը հասնելով վերը նկարագրված կայանված ավտոմեքենային միացնում է փարոսիկները, տեսագրության 54 վայրկյանին սպիտակ գույնի ավտոմեքենային է մոտենում ժամանման սրահի մուտքի դիմաց կանգնած տղամարդը, մոտենում է վարորդի դռանը, որից հետո մոտենում է պարեկային ծառայության ավտոմեքենայի դիմացի ձախ դռանը, կռանում դեպի պատուհանը, զրուցում վարորդի նստատեղի կողքին նստած պարեկային ծառայողի հետ, ձեռքը պարզում դեպի օդանավակայանի ժամանման սրահի մուտքի կողմը, որից հետո շրջվում և քայլելով վերադառնում դեպի կայանված սպիտակ գույնի ավտոմեքենայի մոտ, որից հետո ձեռքերը տանում է դեպի դեմքը և իջեցնում, պարեկային ծառայության ավտոմեքենայի վարորդի կողքի նստատեղից դուրս է գալիս պարեկային ծառայողը, մոտենում վերը նշված քաղաքացուն, իսկ այդ ընթացքում պարեկային ծառայության ավտոմեքենան երթևեկում և կայանվում է դեպի կայանված սպիտակ գույնի ավտոմեքենան: Քաղաքացին հենվում է ավտոմեքենայի թափքին, որից հետո հավանաբար սկսում է զրուցել պարեկային ծառայության աշխատակցի հետ, որի ընթացքում երևում է քաղաքացին ծխում է և ծուխը փչում դեպի վերև և դեպի պարեկային ծառայության աշխատակցի ուղղությամբ: Այդ ընթացքում երթևեկելի հատվածում առաջանում է խցանում, երթևեկելի հատվածից ազատ միայն մեկ գիծը, առաջին գիծը նախատեսված չէ երթևեկության համար, իսկ երկրորդ գծում կայանված է պարեկային ծառայության ավտոմեքենան: Զրուցելու ընթացքում քաղաքացին կանգնած հատվածից՝ հենված դեպի սպիտակ գույնի ավտոմեքենայի դռանը, եևկու քայլ է անում և կրկին հենվում ավտոմեքենայի դիմացի կողային հատվածին, նրա հետ զրուցող պարեկային ծառայողը մոտենում է նրան, պարեկային ծառայության ավտոմեքենայի վարորդը դուրս է գալիս ավտոմեքենայից և մոտենում նրանց, սկսում զրուցել քաղաքացու հետ, որի ընթացքում անցնում են պատահական անցորդներ: Զրուցելու ընթացքում նրանք տեղափոխվում են կայանված սպիտակ գույնի ավտոմեքենայի դիմային հատվածը, որի ընթացքում քաղաքացին շարունակում է ծխել, նրա գլխի հատվածում երևում է ծուխ, որից հետո պարեկային ծառայողը բռնում է նրա ձեռքերից և սկսում շարժումներ կատարել, քաղաքացուն տեղափոխում դեպի կայանված ավտոմեքենայի ձախակողմյան դռան կողմը և հենում ավտոմեքենային, որից հետո քաղաքացու հետ քայլում են դեպի պարեկային ծառայության ավտոմեքենան, այդ ընթացքում քաղաքացին հետ քայլ է կատարում, որից հետո նրան մոտեցնում են պարեկային ծառայության ավտոմեքենայի հետևի դռանը, բացում այն և նստեցնում, պարեկային ծառայողներից մեկը մոտենում է ծառայողական ավտոմեքենայի հակառակ կողմի հետևի դռանը, բացում այն մարմնի կիսով չափ անցնում դեպի ներս, դուրս գալիս և փակում դուռը, որից հետո նստում դիմացի նստատեղին, որից հետո պարեկային ծառայության ավտոմեքենան երթևեկում է և դուրս գալիս տեսագրությունից, որից հետո տեսագրությունն ավարտվում է (դատական նիստի արձանագրությունը, քրեական գործ 2-րդ հատոր՝ 50, 143-145, 177-179 թերթեր):

Լրացուցիչ դատալսումների ընթացքում հետազոտվել են՝
Գ․Միսակյանի դատավածության վերաբերյալ տեղեկանքը, որի համաձայն՝ Երևան քաղաքի ընդհանուր իրավասության դատարանի 2018 թվականի մարտի 7-ի դատավճռով մեղավոր է ճանաչվել ՀՀ նախկին քրեական օրենսգրքի 316-րդ հոդվածի 1-ին մասով և դատապարտվել տուգանքի՝ 300․000 ՀՀ դրամ չափով, պատժի կրումից ազատվել է 2018 դեկտեմբերի 12-ին (դատական նիստի արձանագրությունը, քրեական գործ, 1-ին հատոր, 188-189 թերթեր):
ՀՀ պաշտպանության նախարարության սոցիալան պաշտպանության վարչության պետ Ս․Հարությունյանի կողմից տրված տեղեկանքը, որի համաձայն՝ Գևորգ Միսակյանը 2000 թվականի մայիսի 21-ին վիրավորվել է ծառայողական պարտականությունները կատարելիս և հանդիսնաում է 1-ին խմբի հաշմանդամ (տե´ս դատական նիստի արձանագրություն, 1-ին հատոր 32-րդ թերթ):
Գևորգ Միսակյանի կնոջ Լիանա Համբարձումյանի առողջական վիճակի վերաբերյալ փաստաթղթերը, մասնավորապես՝ Մեդլայն ԲԿ-ի կողմից տրված տեղեկանքը, որի համաձայն՝ նա տառապում է վարիկոզ հիվանդությամբ (դատական նիստի արձանագրությունը):
Գևորգ Միսակյանի վերաբերյալ Էրեբունի ԲԿ-ի կողմից տրված Էպիկրիզը, որի համաձայն՝ Գևորգ Միսակյանը տառապում է Էպիլեպսիա հիվանդությամբ (դատական նիստի արձանագրությունը):


3.Դատարանի իրավական վերլուծությունները
Դատարանը, վերլուծելով մեղադրյալ Գևորգ Մեսրոպի Միսակյանին առաջադրված մեղադրանքի հիմքում դրված և հիմնական դատալսումների ընթացքում հետազոտված վերոգրյալ ապացույցները՝ դրանք գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր կասկածները նրա օգտին մեկնաբանելով, հաստատված է համարում, որ Գևորգ Մեսրոպի Միսակյանը 2023 թվականի օգոստոսի 18-ին` ժամը 23:30-ի սահմաններում, գտնվելով «Զվարթնոց» միջազգային օդանավակայանի տարածքում, իր կողմից վարած «Հոնդա Ելիսոն» մակնիշի, 37 QF 617 հաշվառման համարանիշի ավտոմքենան կայանել է կանգառն արգելված վայրում՝ ժամանման սրահի մուտքի դռան դիմաց՝ մայթեզրին, ապա իջնելով ավտոմքենայից, մուտք է գործել ժամանման սրահ՝ որպես տաքսի ծառայություն մատուցող վարորդ՝ հաճախորդին դիմավորելու և համապատասխան հյուրանոց տեղափոխելու նպատակով: Նույն պահին «Զվարթնոց» միջազգային օդանավակայանի տարածքում ծառայություն իրականացնող ՀՀ ՆԳՆ ոստիկանության պարեկային ծառայության Երևան քաղաքի գնդի, 1-ին գումարտակի, 1-ին վաշտի պարեկ, ոստիկանության ավագ լեյտենանտ Վալտեր Հրաչյայի Գևորգյանը նկատելով Գևորգ Մեսրոպի Միսակյանի կողմից վարած ավտոմեքենայի խախտմամբ՝ արգելված վայրում կայանված լինելու հանգամանքը, շուրջ 5 րոպե սպասելուց հետո, ռադիոկապով այդ մասին հայտնել է նույն գնդի, նույն գումարտակի ու վաշտի կրտսեր պարեկ, ոստիկանության ենթասպա Խաչատուր Համլետի Միրզաջանյանին, ով մոտենալով արդեն ավտոմեքենայի սրահում նստած Գևորգ Միսակյանին, հայտնել է, որ իր կողմից վարած տրանսպորտային միջոցն արգելված հատվածում է կայանել, ապա պահանջել է ներկայացնել համապատասխան փաստաթղթերը՝ միաժամանակ հայտնելով, որ անհրաժեշտ է կազմել վարչական իրավախախտման վերաբերյալ արձանագրություն: Խաչատուր Միրզաջանյանի օրինական պաինջին ի պատասխան՝ Գևորգ Միսակյանը, նշված չնչին առիթով, իր եսը մյուսներից վեր դասելու մոլուցքով տարված, ակնհայտորեն խախտելով վարքագծի համընդհանուր կանոնները, անթաքույց արհամարհական վերաբերմունք դրսևորելով հասարակությունում ընդունված իրավական և բարոյական նորմերի, ՀՀ ՆԳՆ ոստիկանության պարեկային ծառայության և վարչական իրավախախտումների մասին ՀՀ օրենքի պահանջների նկատմամբ, իսկ հասարակության՝ «Զվարթնոց» միջազգային օդանավակայանի ժամանման սրահից դուրս՝ մոտակայքում գտնվող անձանց, ՀՀ ՆԳՆ ոստիկանության պարեկային ծառայության նկատմամբ դրսևորելով բացահայտ անհարգալից վերաբերմունք, հնչեցրել է «իմ ավտոմեքենայի վերաբերյալ արձանագրություն կազմելու համար մատնացույց անողի մորը մատնացույց անեմ» արտահայտությունը, որից հետո անտեելով ՀՀ ՆԳՆ ոստիկանության պարեկային ծառայողների՝ իրեն կարգի հրավիրելու հորդորներն ու շարունակելով իր հանցավոր՝ հակօրինական և հակաբարոյական վարքագիծը, կրկին անտեսելով ՀՀ ՆԳՆ ոստիկանության պարեկային ծառայողների ու պատահական անցորդների ներկայությունը, հնչեցրել է սեռական բնույթի հայհոյանքներ, այդ կերպ՝ խոչընդոտել ՀՀ ՆԳՆ ոստիկանության պարեկային ծառայության բնականոն աշխատանքը:
Բացի այդ, վերը նշված նույն միջադեպի ընթացքում, Գևորգ Միսակյանի հակաօրինական և հակաիրավական վարքագծով պայմանավորված՝ ՀՀ ՆԳՆ ոստիկանության պարեկային ծառայության Երևան քաղաքի գնդի, 1-ին գումարտակի, 1-ին վաշտի պարեկ, ոստիկանության լեյտենենտ Վալտեր Հրաչյայի Գևորգյանը և վերջինիս կանչով դեպքի վայր ժամանած նույն գնդի, նույն գումարտակի ու վաշտի պարեկ, ոստիկանության լեյտենանտ Նվեր Նշանի Մուրադյանը ձերբակալել և ձեռնաշղթաներն անցկացնելով Գևորգ Միսակյանի ձեռքերին՝ վերջինիս նստեցրել են կրկին պարեկային ծառայողների կանչով դեպքի վայր ժամանած՝ նույն գնդի, նույն գումարտակի, 2-րդ վաշտի պարեկ, ոստիկանության ավագ լեյտենանտ Դավիթ Արմենի Հովհաննիսյանի կողմից վարվող 1072 կողային համարով՝ «Շկոդա» մակնիշի, 107 CC 61 հաշվառման համարանիշի ծառայողական ավտոմեքենան, ինչի ընթացքում Գևորգ Միսակյանը փորձելով դիմադրել՝ իր ձերբակալումը կանխելու նպատակով հնչեցրել է սեռական բնույթի հայհոյանք, որից հետո, արդեն ավտոմեքենայի սրահում գտնվելիս պաշտոնատար անձինք հանդիսացող՝ պետության անունից հանդես գալու լիազորություն ունեցող, պատասխանատվություն առաջացնող գործառույթներ իրականացնող ՀՀ ՆԳՆ ոստիկանության պարեկային ծառայության աշխատակիցներ Դավիթ Հովհաննիսյանի և Խաչատուր Միրզաջանյանի ծառայողական գործունեությանը միջամտելու նպատակով, պետության կողմից նրանց տրամադրված գույքը՝ 1072 կողային համարով՝ «Շկոդա» մակնիշի, 107 CC 61 հաշվառման համարանիշի ծառայողական ավտոմեքենան վնասելու դիտավորությամբ ոտքերով հարվածել է նշված ավտոմեքենայի հետևի ձախակողմյան դռան ապակու պաշտպանիչ ցանցին, ինչի հետևանքով վնասել է այն և կոտրել ապակին՝ պատճառելով շուրջ 33.500 ՀՀ դրամի չափով գույքային վնաս:
Բացի այդ, Գևորգ Մեսրոպի Միսակյանը, 2024 թվականի փետրվարի 20-ին՝ ժամը 01:25-ի սահմաններում, «Զվարթնոց» միջազգային օդանավակայանի ժամանման սրահում, տաքսի ծառայություն մատուցելու հարցում Սերոժ Պիոների Սահրադյանին աջակցելու պատճառով վիճաբանել է Դանիել Հրաչյաի Բաղդասարյանի հետ, որի ընթացքում ձեռքերով մեկից ավելի հարվածներ է հասցրել նրա մարմնի տարբեր մասերին՝ վերջինիս առողջությանը պատճառելով թեթև վնասի հատկանիշներ չպարունակող՝ ձախ այտի և քթի հատվածի կարմրած տեղամասերով մարմնական վնասվածքներ, որոնք չեն առաջացրել ՀՀ քրեական օրենսգրքի 171-րդ հոդվածով նախատեսված հետևանքները:
Բացի այդ, Գևորգ Մեսրոպի Միսակյանը, 2024 թվականի հոկտեմբերի 15-ին՝ ժամը 07:00-ի սահմաններում, գտնվելով «Զվարթնոց» միջազգային օդանավակայանի տարածքում, իր կողմից վարած «Տոյոտա» մակնիշի, 37 EB 195 հաշվառման համարանիշի ավտոմքենան կայանել է կանգառն արգելված վայրում՝ ժամանման սրահի մուտքի դռան դիմաց՝ մայթեզրին, ապա իջնելով ավտոմքենայից, կանգնել է ժամանման սրահի մուտքի դռան մոտակայքում: Նույն պահին «Զվարթնոց» միջազգային օդանավակայանի տարածքում 1007 կողային համարով ծառայողական ավտոմեքենայով ծառայություն իրականացնող ՀՀ ՆԳՆ ոստիկանության պարեկային ծառայության Երևան քաղաքի գնդի, 2-րդ գումարտակի, 2-րդ վաշտի պարեկ Ազատ Անդրանիկի Սրապյանն ու նույն գնդի, նույն վաշտի պարեկ Արմինե Իսահակի Վարդանյանը նկատելով Գևորգ Մեսրոպի Միսակյանի կողմից վարած ավտոմեքենայի խախտմամբ՝ արգելված վայրում կայանված լինելու հանգամանքը, պահանջել են դուրս բերել ավտոմեքենան, որից հետո Գևորգ Միսակյանը մոտեցել է իրենց և հայտնել, որ մի քանի րոպեից դուրս կբերի: Պարեկային ծառայողները հասկանալով, որ նա հրաժարվում է հեռացնել ավտոմեքենան՝ Արմինե Վարդանյանն իջնելով ավտոմեքենայից՝ մոտեցել է Գևորգ Միսակյանին և պահանջել փաստաթղթերը, ով դրանք ներկայացնելուց հետո վառել է ծխախոտն ու սկսել ծխել՝ ծուխը փչելով Արմինե Վարդանյանի ուղղությամբ, որից հետո անտեսելով ոստիկանության ծառայողների հորդորը՝ ծխախոտը հանգցնելու վերաբերյալ՝ բացահայտ անհարգալից և արհամարհական վերաբերմունք դրսևորելով իրավական և բարոյական նորմերի, ինչպես նաև ՀՀ ՆԳՆ ոստիկանության պարեկային ծառայության աշխատակիցների նկակտմամբ՝ հրաժարվել է հանգցնել, միաժամանակ հայտնել, որ, եթե իրենց դուր չի գալիս, ապա կարող են հեռու կանգնել, նրանք ով են, որ իրեն ասեն, թե ինչպես պահի, ինչպես կցանկան, այդպես էլ իրեն կպահի, որից հետո Գևորգ Միսակյանը, նշված չնչին առիթով, իր եսը մյուսներից վեր դասելու մոլուցքով տարված, ակնհայտորեն խախտելով վարքագծի համընդհանուր կանոնները, անթաքույց արհամարհական վերաբերմունք դրսևորելով հասարակությունում ընդունված իրավական և բարոյական նորմերի, ՀՀ ՆԳՆ ոստիկանության պարեկային ծառայության և վարչական իրավախախտումների մասին ՀՀ օրենքի պահանջների նկատմամբ, իսկ հասարակության՝ «Զվարթնոց» միջազգային օդանավակայանի ժամանման սրահից դուրս՝ մոտակայքում գտնվող անձանց, ՀՀ ՆԳՆ ոստիկանության պարեկային ծառայության նկատմամբ դրսևորելով բացահայտ անհարգալից վերաբերմունք, անտեելով ՀՀ ՆԳՆ ոստիկանության պարեկային ծառայողների՝ իրեն կարգի հրավիրելու հորդորներն ու շարունակելով իր հանցավոր՝ հակօրինական և հակաբարոյական վարքագիծը՝ անտեսելով ՀՀ ՆԳՆ ոստիկանության պարեկային ծառայողների ու պատահական անցորդների ներկայությունը, հնչեցրել է սեռական բնույթի հայհոյանքներ, այդ կերպ՝ խոչընդոտել ՀՀ ՆԳՆ ոստիկանության պարեկային ծառայության բնականոն աշխատանքը
Այսպիսով, Դատարանը գտնում է, որ սույն գործով ձեռք բերված հավաստի ապացույցների համակցությունը բավարար է հիմնավոր կասկածից վեր ապացուցողական չափանիշին համապատասխան հաստատված համարելու մեղադրյալ Գ․Միսակյանի կողմից խուլիգանություն կատարելը, Գ․Միսակյանի կողմից տուժողին հարվածներ հասցնելը, պաշտոնատար անձի հսկողության տակ գտնվող գույքը վնասելը, այդ արարքներն ապացուցված են, ճիշտ են որակված և համապատասխանում են 2 դրվագ ՀՀ քրեական օրենսգրքի 297-րդ հոդվածի 1-ին մասի, ՀՀ քրեական օրենսգրքի 195-րդ հոդվածի 1-ին մասի և ՀՀ քրեական օրենսգրքի 452-րդ հոդվածի 2-րդ մասի հատկանիշներին:
Դատարանի վերոնշված հետևությունը հիմնված է հետազոտված ապացույցների՝ վկաների ցուցմունքների և տեսաձայնագրությունների զննության արձանագրությունների վերլուծության և գնահատման արդյունքների վրա: Մասնավորապես՝ վերոհիշյալ ապացույցներով հաստատվում է մեղադրյալ Գևորգ Միսակյանի կողմից հայհոյանքներ տալը, տուժողին հարվածներ հասնելը և ոստիկանության մեքենային հարվածելը և վնասելը։
Ինչ վերաբերում է մեղադրյալ Գևորգ Միսակյանի կողմից հայտնած փաստերին, որ ինքը չի հայհոյել, մեքենային չի հարվածել, տուժողին հայրական մեկ ապտակ է տվել, հակառակն իրեն են հարվածել և խոշտանգել, ապա Դատարանը դրանք ճանաչում է ոչ արժանահավատ, քանի որ դրանք հակասում են գործով հետազոտված ապացույցներից բխող հաստատված փաստական հանգամանքներին: Նման ցուցմունքներ տալով՝ մեղադրյալը փորձում է խուսափել քրեական պատասխանատվությունից։
Այսպիսով, Դատարանը հիմնավոր կասկածից վեր ապացուցողական չափանիշով հաստատված է համարում մեղադրյալ Գևորգ Մեսրոպի Միսակյանի կողմից 2 դրվագ ՀՀ քրեական օրենսգրքի 297-րդ հոդվածի 1-ին մասով, ՀՀ քրեական օրենսգրքի 195-րդ հոդվածի 1-ին մասով և ՀՀ քրեական օրենսգրքի 452-րդ հոդվածի 2-րդ մասով մեղսագրվող արարքների կատարելը և գտնում է, որ այդ հանցանքների համար նա ենթակա է պատժի:
Անդրադառնալով մեղադրյալի նկատմամբ նշանակվելիք պատժի հարցին՝ Դատարանն արձանագրում է, որ անձի նկատմամբ պատժի տեսակ և չափ ընտրելիս, ինչպես նաև այն կրելու նպատակահարմարության հարցը լուծելիս պետք է ղեկավարվել ՀՀ քրեական օրենսգրքի մի շարք դրույթներով:
ՀՀ քրեական օրենսգրքի 55-րդ հոդվածի 2-րդ մասի համաձայն՝ «2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»։
ՀՀ քրեական օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ։ (…)»։
ՀՀ վճռաբեկ դատարանի ձևավորած կայուն նախադեպային իրավունքի համաձայն՝ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման: Քրեական օրենքը համընդհանուր բնույթ ունի, իսկ արարքը և այն կատարող անձը կոնկրետ են: Հետևաբար կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, այն կատարող անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված՝ պատժի նպատակների իրացումն ապահովելու անհրաժեշտությունից (ի թիվս այլնի տե՛ս ՀՀ վճռաբեկ դատարանի թիվ ԵՇԴ/0029/01/08, ԱՎԴ2/0059/01/08, ԵԱՔԴ/0078/01/09 ԵԿԴ/0042/01/11 որոշումները)։
Այսպես` Դատարանը մեղադրյալ Գ․Միսակյանի նկատմամբ պատիժ նշանակելիս հաշվի է առնում նրան մեղսագրված հանցագործության՝ հանրության համար վտանգավորության աստիճանն ու բնույթը, այդ թվում՝ հանցանքի կատարման հանգամանքները և եղանակը, ինչպես նաև խախտված հասարակական հարաբերության սոցիալական նշանակությունը:
Դատարանը մեղադրյալ Գ․Միսակյանի նկատմամբ պատիժ նշանակելիս հաշվի է առնում նաև նրա անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Մասնավորապես, Դատարանը, որպես Գ․Միսակյանի անձը բնութագրող տվյալ հաշվի է առնում այն, որ նա դատվածություն չունի և բնութագրվում է դրական։
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, որպես մեղադրյալ Գ․Միսակյանի պատասխանատվությունն ու պատիժը մեղմացնող հանգամանք հաշվի է առնում այն, որ նա վատառողջ է, ունի հաշմանդամության 1-ին կարգ, խնամքին է վատառողջ կինը։
Դատարանը, արձանագրում է, որ մեղադրյալ Գ․Միսակյանի պատասխանատվությունն ու պատիժը ծանրացնող հանգամանքներ առկա չեն:
Դատարանը, հաշվի առնելով վերոնշյալ` մեղադրյալ Գ․Միսակյանի արարքների հանրության համար վտանգավորության աստիճանն ու բնույթը, նրա անձը բնութագրող հանգամանքները, պատասխանատվությունն ու պատիժը մեղմացնող հանգամանքները և ծանրացնող հանգամանքների բացակայությունը, գտնում է, որ մեղադրյալ Գ․Միսակյանն իր կատարած` ՀՀ քրեական օրենսգրքի 297-րդ հոդվածի 1-ին մասով ենթակա է պատժի ազատության սահմանափակման ձևով՝ 6 (վեց) ամիս ժամկետով, ՀՀ քրեական օրենսգրքի 297-րդ հոդվածի 1-ին մասով՝ ազատության սահմանափակման ձևով՝ 6 (վեց) ամիս ժամկետով, ՀՀ քրեական օրենսգրքի 195-րդ հոդվածի 1-ին մասով՝ ազատության սահմանափակման ձևով՝ 6 (վեց) ամիս ժամկետով, իսկ ՀՀ քրեական օրենսգրքի 452-րդ հոդվածի 2-րդ մասով՝ ՀՀ քրեական օրենսգրքի 72-րդ հոդվածի կիրառմամբ՝ ազատազրկրման ձևով՝ 6 (վեց) ամիս 6 (վեց) օր ժամկետով:
ՀՀ քրեական օրենսգրքի 64-րդ հոդվածի համաձայն՝ «1. Ազատության սահմանափակումը դատապարտյալին առանց ուսումնառությունից կամ աշխատանքից կտրելու տնային պայմաններում հսկողության տակ պահելն է:
2. Ազատության սահմանափակումը նշանակվում է ոչ մեծ և միջին ծանրության հանցագործությունների համար` 6 ամսից 3 տարի ժամկետով: Դատարանը, ազատության սահմանափակում նշանակելով, արգելում է հանցանք կատարած անձին այցելել տարբեր ժամանցային կամ այլ հաստատություններ, կազմակերպել, մասնակցել կամ այցելել որոշակի միջոցառումների կամ առանց դատապարտյալի նկատմամբ վերահսկողություն իրականացնող իրավասու մարմնի համաձայնության փոխել բնակության վայրը կամ որոշակի ժամերի բացակայել տնից: Դատարանը, ազատության սահմանափակում նշանակելով, դատապարտյալի նկատմամբ սահմանում է սույն մասով սահմանված արգելքներից մեկը կամ մի քանիսը։
3. Դատարանի նշանակած արգելքները չեն կարող սահմանափակել դատապարտյալի հետ համատեղ բնակվող անձանց ազատության կամ այլ անձանց հետ հաղորդակցվելու իրավունքը։
4. Որոշակի ժամերի տնից բացակայելու արգելքը չի կարող պակաս լինել օրական 8 և չի կարող ավելի լինել օրական 12 ժամից:
(...)»:
Միևնույն ժամանակ, Դատարանը գտնում է, որ Գևորգ Մեսրոպի Միսակյանի նկատմամբ ազատության սահմանափակման ընթացքում պետք է դնել պարտականություն, այն է՝ արգելել վերջինիս այցելել Զվարթնոց» միջազգային օդանավակայան բացառությամբ որպես ուղևոր և առանց վերահսկողություն իրականացնող իրավասու մարմնի համաձայնության չփոխել բնակության վայրը։
ՀՀ քրեական օրենսգրքի 74-րդ հոդվածի հիման վրա՝ պատիժների մասնակի գումարելու միջոցով, մեղադրյալ Գևորգ Մեսրոպի Միսակյանի նկատմամբ պատիժ է նշանակել ազատազրկում՝ 6 (վեց) ամիս 6 օր ժամկետով և ազատության սահմանափակում՝ 1 (մեկ) տարի ժամկետով՝ արգելելով այցելել Զվարթնոց» միջազգային օդանավակայան բացառությամբ որպես ուղևոր և առանց վերահսկողություն իրականացնող իրավասու մարմնի համաձայնության փոխել բնակության վայրը։
Միաժամանակ ՀՀ քրեական օրենսգրքի 79-րդ հոդվածի 3-րդ մասի համաձայն՝ «Մինչև դատավճռի օրինական ուժի մեջ մտնելը, անկախ Հայաստանի Հանրապետության իրավազորությունից, փաստացի անազատության մեջ գտնվելու ժամկետը հաշվակցվում է կարճաժամկետ ազատազրկման, կարգապահական գումարտակում պահելու, ազատազրկման ձևով նշանակված պատժին` 1 օրը հաշվելով 1 օրվա դիմաց, ազատության սահմանափակման ձևով նշանակված պատժին՝ 1 օրը հաշվելով 2 օրվա դիմաց, իսկ հանրային աշխատանքների դեպքում՝ 1 օրը 8 ժամի դիմաց»:
Սույն գործով մեղադրյալ Գ․Միսակյանի անազատության մեջ է գտնվել 6 (վեց) ամիս 6 (վեց) օր, որպիսի ժամկետը պետք է հաշվակցել նրա նկատմամբ նշանակվելիք պատժի ժամկետին և ազատազրկման ձևով նշանակված պատիժը համարել կրած։
Դատարանն արձանագրում է, որ արտավարութային փաստաթուղթ ճանաչված և քրեական գործին կցված փաստաթղթերը պետք է թողնել կցված քրեական գործին՝ դատավճիռն օրինական ուժի մեջ մտնելուց հետո։
Քննարկելով մեղադրյալ Գ․ Միսակյանի նկատմամբ ընտրված խափանման միջոցի հարցը՝ Դատարանը գտնում է, որ վերջինիս նկատմամբ որպես խափանման միջոց ընտրված վարչական հսկողությունը թողնել, պետք է թողնել անփոփոխ՝ մինչև դատավճռի օրինական ուժի մեջ մտնելը:
Դատական ծախսերի հարցը համարել լուծված՝ հաշվի առնելով մեղադրյալի առողջական վիճակը։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 33-34-րդ, 347-350-րդ, 364-րդ հոդվածներով՝ Դատարանը

ՎՃՌԵՑ

Մեղադրյալ Գևորգ Մեսրոպի Միսակյանին մեղավոր ճանաչել 2 դրվագ ՀՀ քրեական օրենսգրքի 297-րդ հոդվածի 1-ին մասով, ՀՀ քրեական օրենսգրքի 452-րդ հոդվածի 2-րդ մասով և ՀՀ քրեական օրենսգրքի 195-րդ հոդվածի 1-ին մասով նախատեսված արարքների կատարման մեջ, և նրա նկատմամբ պատիժ նշանակել․
ՀՀ քրեական օրենսգրքի 195-րդ հոդվածի 1-ին մասով՝ ազատության սահմանափակում՝ 6 (վեց) ամիս ժամկետով
ՀՀ քրեական օրենսգրքի 297-րդ հոդվածի 1-ին մասով՝ ազատության սահմանափակում՝ 6 (վեց) ամիս ժամկետով։
ՀՀ քրեական օրենսգրքի 297-րդ հոդվածի 1-ին մասով՝ ազատության սահմանափակում՝ 6 (վեց) ամիս ժամկետով։
ՀՀ քրեական օրենսգրքի 452-րդ հոդվածի 2-րդ մասով՝ ՀՀ քրեական օրենսգրքի 72-րդ հոդվածի հիման վրա՝ ազատազրկում 6 (վեց) ամիս 6 օր ժամկետով։
ՀՀ քրեական օրենսգրքի 74-րդ հոդվածի հիման վրա՝ պատիժների մասնակիորեն գումարելու միջոցով, մեղադրյալ Գևորգ Մեսրոպի Միսակյանին նկատմամբ վերջնական պատիժ նշանակել ազատազրկում՝ 6 (վեց) ամիս 6 (վեց) օր ժամկետով և ազատության սահմանափակում՝ 1 (մեկ) տարի ժամկետով։
ՀՀ քրեական օրենսգրքի 79-րդ հոդվածի հիման վրա՝ հաշվակցել Գևորգ Մեսրոպի Միսակյանի անազատության մեջ գտնվելու ժամանակահատվածը, և նրա նկատմամբ ազատազրկման ձևով պատիժը համարել կրած։
Ազատության սահմանափակման ընթացքում մեղադրյալ Գևորգ Մեսրոպի Միսակյանի վրա դնել պարտականություն՝ արգելել վերջինիս այցելել Զվարթնոց» միջազգային օդանավակայան բացառությամբ որպես ուղևոր և առանց վերահսկողություն իրականացնող իրավասու մարմնի համաձայնության փոխել բնակության վայրը։
Մեղադրյալի նկատմամբ հսկողությունը պետք է իրականանցվի ՀՀ ԱՆ պրոբացիայի ծառայության կողմից:
Արտավարութային փաստաթուղթ ճանաչված և քրեական գործին կցված փաստաթուղթը թողնել կցված քրեական գործին՝ դատավճիռն օրինական ուժի մեջ մտնելուց հետո։
Մեղադրյալ Գևորգ Մեսրոպի Միսակյանի նկատմամբ որպես խափանման միջոց ընտրված վարչական հսկողությունը թողնել անփոփոխ՝ մինչև դատավճռի օրինական ուժի մեջ մտնելը:
Դատական ծախսերի հարցը համարել լուծված։
Դատավճիռը կարող է բողոքարկվել ՀՀ վերաքննիչ քրեական դատարան՝ ստանալու օրվանից հետո՝ մեկամսյա ժամկետում:


ԴԱՏԱՎՈՐ՝ Ս.ԳԶՈԳՅԱՆ