ԵԴ1/3550/01/24
Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

2025 թվականի հունվարի 23-ին Երևան քաղաքում

Երևան քաղաքի առաջին ատյանի ընդհանուր իրավասության քրեական
դատարանը (այսուհետ նաև` Դատարան)` հետևյալ կազմով

Նախագահությամբ դատավոր՝ Տիգրան Ոսկանյանի
Քարտուղարությամբ՝ Սյուզաննա Բադալյանի

Մասնակցությամբ
Մեղադրող՝ Արա Դավթյանի
Մեղադրյալ` Կարեն Բարսեղյանի

Դռնբաց դատական նիստում քննեց քրեական գործն ըստ մեղադրանքի Կարեն Գագիկի Բարսեղյանի (ծնված՝ 13.08.1986 թվականին, ազգությամբ հայ, ՀՀ քաղաքացի, չամուսնացած, նախկինում չդատված, միջնակարգ կրթությամբ, չի աշխատում, հաշվառված և փաստացի բնակվող՝ Արարատի մարզ, գ․Դաշտաքար, Կենտրոնական փողոց, 2-րդ տուն հասցեում) 7 դրվագ ՀՀ քրեական օրենսգրքի 344-րդ հոդվածի 1-ին մասով,
1.Գործի դատավարական նախապատմությունը.
2023 թվականի օգոստոսի 15-ին ՀՀ քրեական օրենսգրքի 344-րդ հոդվածի 1-ին մասով ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում նախաձեռնվել է թիվ 60216023 քրեական վարույթը:
2023 թվականի դեկտեմբերի 22-ին ՀՀ քրեական օրենսգրքի 344-րդ հոդվածի 1-ին մասով ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում նախաձեռնվել է թիվ 60292123 քրեական վարույթը:
2024 թվականի հունվարի 08–ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի պետի տեղակալ Ռ․Մկրտչյանի գրությամբ, թիվ 60216023 քրեական վարույթն ուղարկվել է ՀՀ քննչական կոմիտեի Երևան քաղաքի քննչական վարչության «Զվարթնոց» միջազգային օդանավակայանի տարածքում կատարված հանցագործությունների քննության բաժին՝ նախաքննությունը շարունակելու համար։
2024 թվականի հունվարի 10–ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի պետի տեղակալ Ռ․Մկրտչյանի գրությամբ, թիվ 60292123 քրեական վարույթն ուղարկվել է ՀՀ քննչական կոմիտեի Երևան քաղաքի քննչական վարչության «Զվարթնոց» միջազգային օդանավակայանի տարածքում կատարված հանցագործությունների քննության բաժին՝ թիվ 60216023 քրեական վարույթին միացնելու և նախաքննությունը մեկ վարույթում շարունակելու համար։
2024 թվականի հունվարի 17-ին ՀՀ քննչական կոմիտեի Երևան քաղաքի քննչական վարչության «Զվարթնոց» միջազգային օդանավակայանի տարածքում կատարված հանցագործությունների քննության բաժնի ՀԿԳ քննիչ Գ․Ավագյանի որոշմամբ՝ թիվ 60292123 քրեական վարույթը միացվել է թիվ 60216023 քրեական վարույթին և նախաքննությունը շարունակվել է թիվ 60216023 քրեական վարույթի համարի ներքո։
2024 թվականի նոյեմբերի 27-ին Երևան քաղաքի Մալաթիա-Սեբաստիա վարչական շրջանի դատախազության դատախազ Ա․Դավթյանի որոշմամբ՝ թիվ 60216023 քրեական վարույթով Կարեն Գագիկի Բարսեղյանի նկատմամբ հարուցվել է հանրային քրեական հետապնդում՝ 7 դրվագ ՀՀ քրեական օրենսգրքի 344-րդ հոդվածի 1-ին մասով:
2024 թվականի նոյեմբերի 27-ին ՀՀ քննչական կոմիտեի Երևան քաղաքի քննչական վարչության «Զվարթնոց» միջազգային օդանավակայանի տարածքում կատարված հանցագործությունների քննության բաժնի ՀԿԳ քննիչ Գ․Ավագյանի որոշմամբ՝ թիվ 60216023 քրեական վարույթով Կարեն Գագիկի Բարսեղյանի նկատմամբ կիրառվել է այլընտրանքային խափանման միջոց՝ բացակայելու արգելքը:
Թիվ 60216023 քրեական վարույթի նյութերն ըստ մեղադրանքի Կարեն Գագիկի Բարսեղյանի՝ 7 դրվագ ՀՀ քրեական օրենսգրքի 344-րդ հոդվածի 1-ին մասով, 2024 թվականի դեկտեմբերի 03-ի գրությամբ Երևան քաղաքի Մալաթիա-Սեբաստիա վարչական շրջանի դատախազությունից ուղարկվել է Երևան քաղաքի առաջին ատյանի ընդհանուր իրավասության քրեական դատարան, մուտքագրվել է 04.12.2024 թվականին և նույն օրն էլ համակարգչային ծրագրի միջոցով իրականացվող գործերի բաշխմամբ, գործը մակագրվել է դատավոր Տիգրան Ոսկանյանին:
Քրեական գործին շնորհվել է թիվ ԵԴ1/3550/01/24 համարը:
Քրեական գործը դատավորին հանձնվել է 2024 թվականի դեկտեմբերի 05-ին։
2024 թվականի դեկտեմբերի 09-ին որոշում է կայացվել Կարեն Գագիկի Բարսեղյանի վերաբերյալ 7 դրվագ ՀՀ քրեական օրենսգրքի 344-րդ հոդվածի 1-ին մասով թիվ ԵԴ1/3550/01/24 քրեական գործը վարույթ ստանձնելու և նախնական դատալսումների նշանակելու մասին:
Նախնական դատալսումների ընթացքում Դատարանը, անդրադառնալով ՀՀ քրեական դատավարության օրենսգրքի 316-րդ հոդվածով նախատեսված հարցին, որոշում է կայացրել մեղադրյալի նկատմամբ մինչդատական վարույթի ընթացքում ընտրված խափանման միջոցը` բացակայելու արգելքը թողնել անփոփոխ:
2. Մեղադրանքի փաստական նկարագրությունը.
Կարեն Գագիկի Բարսեղյանի նկատմամբ 7 դրվագ ՀՀ քրեական օրենսգրքի 344-րդ հոդվածի 1-ին մասով հանրային քրեական հետապնդում է հարուցվել այն բանի համար, որ նա տրանսպորտային միջոցներ վարելու իրավունքը վեց ամիս ժամկետով՝ 2023 թվականի հունվարի 24-ից մինչև 2023 թվականի հուլիսի 24-ը, կասեցված լինելու և այդ մասին նախապես տեղյակ լինելու պայմաններում, 2023 թվականի փետրվարի 10-ին՝ ժամը 09:32-ին, Երևան քաղաքի Իսակովի պողոտայում վարել է «Օպել» մակնիշի 37 MX 270 հաշվառման համարանիշի ավտոմեքենան, ինչը հայտնաբերվել է ՀՀ ճանապարհային ոստիկանության տեխնիկական միջոցներով, և որի վերաբերյալ Ճանապարհային ոստիկանության տեխնիկական միջոցներով հայտնաբերված իրավախախտումների վերաբերյալ գործերի քննության բաժնի կողմից կայացվել է վարչական տույժ նշանակելու մասին թիվ 2315989137 որոշումը:
Բացի այդ՝ Կարեն Գագիկի Բարսեղյանը, տրանսպորտային միջոցներ վարելու իրավունքը վեց ամիս ժամկետով՝ 2023 թվականի հունվարի 24-ից մինչև 2023 թվականի հուլիսի 24-ը, կասեցված լինելու և այդ մասին նախապես տեղյակ լինելու պայմաններում, 2023 թվականի ապրիլի 11-ին՝ ժամը 11:13-ին, Երևան քաղաքի Բագրատունյաց/Չեխով փողոցների խաչմերուկի հատվածում վարել է «Օպել» մակնիշի 37 MX 270 հաշվառման համարանիշի ավտոմեքենան, ինչը հայտնաբերվել է ՀՀ ճանապարհային ոստիկանության տեխնիկական միջոցներով, և որի վերաբերյալ Ճանապարհային ոստիկանության տեխնիկական միջոցներով հայտնաբերված իրավախախտումների վերաբերյալ գործերի քննության բաժնի կողմից կայացվել է վարչական տույժ նշանակելու մասին թիվ 2316292398 որոշումը:
Բացի այդ՝ Կարեն Գագիկի Բարսեղյանը, տրանսպորտային միջոցներ վարելու իրավունքը վեց ամիս ժամկետով՝ 2023 թվականի հունվարի 24-ից մինչև 2023 թվականի հուլիսի 24-ը, կասեցված լինելու և այդ մասին նախապես տեղյակ լինելու պայմաններում, 2023 թվականի մայիսի 10-ին՝ ժամը 12:57-ին, Երևան քաղաքի Խանջյան/Տիգրան Մեծ փողոցների խաչմերուկի հատվածում վարել է «VAUXHALL» մակնիշի 36 CG 279 հաշվառման համարանիշի ավտոմեքենան, ինչը հայտնաբերվել է ՀՀ ճանապարհային ոստիկանության տեխնիկական միջոցներով, և որի վերաբերյալ Ճանապարհային ոստիկանության տեխնիկական միջոցներով հայտնաբերված իրավախախտումների վերաբերյալ գործերի քննության բաժնի կողմից կայացվել է վարչական տույժ նշանակելու մասին թիվ 2316587095 որոշումը:
Բացի այդ՝ Կարեն Գագիկի Բարսեղյանը, տրանսպորտային միջոցներ վարելու իրավունքը վեց ամիս ժամկետով՝ 2023 թվականի հունվարի 24-ից մինչև 2023 թվականի հուլիսի 24-ը, կասեցված լինելու և այդ մասին նախապես տեղյակ լինելու պայմաններում, 2023 թվականի մայիսի 20-ին՝ ժամը 11:51-ին, Երևան քաղաքի Պարոնյան/Ձորափի փողոցների խաչմերուկի հատվածում վարել է «VAUXHALL» մակնիշի 36 CG 279 հաշվառման համարանիշի ավտոմեքենան, ինչը հայտնաբերվել է ՀՀ ճանապարհային ոստիկանության տեխնիկական միջոցներով, և որի վերաբերյալ Ճանապարհային ոստիկանության տեխնիկական միջոցներով հայտնաբերված իրավախախտումների վերաբերյալ գործերի քննության բաժնի կողմից կայացվել է վարչական տույժ նշանակելու մասին թիվ 2316587084 որոշումը:
Բացի այդ՝ Կարեն Գագիկի Բարսեղյանը, տրանսպորտային միջոցներ վարելու իրավունքը վեց ամիս ժամկետով՝ 2023 թվականի հունվարի 24-ից մինչև 2023 թվականի հուլիսի 24-ը, կասեցված լինելու և այդ մասին նախապես տեղյակ լինելու պայմաններում, 2023 թվականի մայիսի 29-ին՝ ժամը 16:11-ին, Երևան քաղաքի Բագրատունյաց/Չեխովի փողոցների խաչմերուկի հատվածում վարել է «VAUXHALL» մակնիշի 36 CG 279 հաշվառման համարանիշի ավտոմեքենան, ինչը հայտնաբերվել է ՀՀ ճանապարհային ոստիկանության տեխնիկական միջոցներով, և որի վերաբերյալ Ճանապարհային ոստիկանության տեխնիկական միջոցներով հայտնաբերված իրավախախտումների վերաբերյալ գործերի քննության բաժնի կողմից կայացվել է վարչական տույժ նշանակելու մասին թիվ 2316764667 որոշումը:
Բացի այդ՝ Կարեն Գագիկի Բարսեղյանը, տրանսպորտային միջոցներ վարելու իրավունքը վեց ամիս ժամկետով՝ 2023 թվականի հունվարի 24-ից մինչև 2023 թվականի հուլիսի 24-ը, կասեցված լինելու և այդ մասին նախապես տեղյակ լինելու պայմաններում, 2023 թվականի հունիսի 4-ին՝ ժամը 12:52-ին, Երևան քաղաքի Սեբաստիա/Րաֆֆի/Վանթյան փողոցների խաչմերուկի հատվածում վարել է «VAUXHALL» մակնիշի 36 CG 279 հաշվառման համարանիշի ավտոմեքենան, ինչը հայտնաբերվել է ՀՀ ճանապարհային ոստիկանության տեխնիկական միջոցներով, և որի վերաբերյալ Ճանապարհային ոստիկանության տեխնիկական միջոցներով հայտնաբերված իրավախախտումների վերաբերյալ գործերի քննության բաժնի կողմից կայացվել է վարչական տույժ նշանակելու մասին թիվ 2316764669 որոշումը:
Բացի այդ՝ Կարեն Գագիկի Բարսեղյանը, տրանսպորտային միջոցներ վարելու իրավունքը վեց ամիս ժամկետով՝ 2023 թվականի հունվարի 24-ից մինչև 2023 թվականի հուլիսի 24-ը, կասեցված լինելու և այդ մասին նախապես տեղյակ լինելու պայմաններում, 2023 թվականի հունիսի 8-ին՝ ժամը 16:32-ին, Երևան քաղաքի Բագրատունյաց/Չեխովի փողոցների խաչմերուկի հատվածում վարել է «VAUXHALL» մակնիշի 36 CG 279 հաշվառման համարանիշի ավտոմեքենան, ինչը հայտնաբերվել է ՀՀ ճանապարհային ոստիկանության տեխնիկական միջոցներով, և որի վերաբերյալ Ճանապարհային ոստիկանության տեխնիկական միջոցներով հայտնաբերված իրավախախտումների վերաբերյալ գործերի քննության բաժնի կողմից կայացվել է վարչական տույժ նշանակելու մասին թիվ 2316764666 որոշումը:
3.Դատաքննությամբ հետազոտված թույլատրելի ապացույցները.
Մեղադրյալ Կարեն Գագիկի Բարսեղյանը հիմնական դատալսումների ժամանակ օգտվելով իր սահմանադրական իրավունքից՝ ցուցմունք չտվեց։ Հայտնեց, որ ընդունում է իր ներկայացված մեղադրանքը, զղջում է կատարածի համար:
(Տե՛ս դատական նիստի արձանագրություն)
Հետազոտվել են.
2024 թվականի նոյեմբերի 26-ի որոշմամբ արտավարութային փաստաթուղթ ճանաչված թիվ 2215966981, թիվ 2315989137, թիվ 2316292398, թիվ 2316251866, թիվ 2316587095, թիվ 2316587084, թիվ 2316764669 և թիվ 2316764667 որոշումների պատճենները, Կ.Բարսեղյանին ուղարկված հաղորդագրության տեղեկանքը, ՀՀ ՆԳՆ ոստիկանության Արարատի մարզային վարչության Արարատի բաժնի 22.02.2023թ. թիվ 40/1039 գրության պատճեն, որոնց զննությամբ պարզվել է, որ՝
Նախաքննության ընթացքում կատարվել է վարույթի նյութերում առկա, ՀՀ ոստիկանության ճանապարհային ոստիկանություն ծառայությունից 15.08.2023թ. ստացված թիվ 14/7/38586-23, 29.08.2023թ.-ին ստացված թիվ 14/7/104924-23 և 22.12.2023թ. թիվ 14/7/67653 ուղեկցական գրություններին կցված Կարեն Գագիկի Բարսեղյանի վերաբերյալ կազմված նյութերի զննում, որով պարզվել է հետևյալը.
Կարեն Բարսեղյանի վարորդական վկայականի ժամկետը կասեցվել է 26.12.2022թ.-ին կայացված թիվ 2215966981 որոշման հիման վրա:
Պարզվել է, որ Կ.Բարսեղյանին չի հանձնվել վերը նշված որոշման փոստային առաքանին, սակայն 2023 թվականի հունվարի 28-ին նրա՝ +374-91-51-55-38 հեռախոսահամարին ուղարկվել է հաղորդագրություն՝ ԿԱՐԵՆ ԳԱԳԻԿԻ ԲԱՐՍԵՂՅԱՆ վարորդական վկայականը կասեցվել է բովանդակությամբ:
Բացի այդ, առկա է ՀՀ ՆԳՆ ոստիկանության Արարատի մարզային վարչության Արարատի բաժնի 22.02.2023թ. թիվ 40/1039 գրությունը, որի բովանդակության համաձայն Կ.Բարսեղյանը պատշաճ կերպով ծանուցվել է: Գրությանն առդիր առկա է նաև համապատասխան ծանուցումը, որում առկա է ստորագրություն և ձեռագիր Բարսեղյան Կարեն 17.02.2023թ. գրառումը:
Կարեն Բարսեղյանի կողմից պատշաճ ծանուցված լինելուց հետո կատարվել են մի շարք ՃԵԿ իրավախախտումներ, որոնց վերաբերյալ կազմվել են վարչական տույժ նշանակելու մասին որոշումներ, մասնավորապես՝
1.Թիվ 2316085715 որոշման համաձայն՝ Կ.Բարսեղյանը տուգանվել է 3000 ՀՀ դրամ՝ 2023 թվականի փետրվարի 28-ին՝ ժամը 18:28-ին, Վազ 211540 մակնիշի 36 XV 462 հաշվառման համարանիշի ավտոմեքենայով Երևան քաղաքի Գայի պողոտայում սահմանված արագությունը գերազանցելու համար:
2.Թիվ 2316148162 որոշման համաձայն՝ Կ.Բարսեղյանը տուգանվել է 2000 ՀՀ դրամ՝ 2023 թվականի մարտի 12-ին՝ ժամը 09:02-ին, Վազ 211540 մակնիշի 36 XV 462 հաշվառման համարանիշի ավտոմեքենայով Երևան քաղաքի Իսակովի պողոտայում սահմանված արագությունը գերազանցելու համար:
3.Թիվ 2316150019 որոշման համաձայն՝ Կ.Բարսեղյանը տուգանվել է 6000 ՀՀ դրամ՝ 2023 թվականի մարտի 12-ին՝ ժամը 21:43-ին, Վազ 211540 մակնիշի 36 XV 462 հաշվառման համարանիշի ավտոմեքենայով Երևան քաղաքի Արշակունյաց պողոտայում սահմանված արագությունը գերազանցելու համար:
4.Թիվ 2316150871 որոշման համաձայն՝ Կ.Բարսեղյանը տուգանվել է 20000 ՀՀ դրամ՝ 2023 թվականի մարտի 13-ին՝ ժամը 12:16-ին, Վազ 211540 մակնիշի 36 XV 462 հաշվառման համարանիշի ավտոմեքենայով Երևան քաղաքի Թամանցիների փողոցում սահմանված արագությունը գերազանցելու համար:
5.Թիվ 2316161463 որոշման համաձայն՝ Կ.Բարսեղյանը տուգանվել է 4000 ՀՀ դրամ՝ 2023 թվականի մարտի 15-ին՝ ժամը 20:02-ին, Վազ 211540 մակնիշի 36 XV 462 հաշվառման համարանիշի ավտոմեքենայով Երևան քաղաքի Մոնթե Մելքոնյան խճուղում սահմանված արագությունը գերազանցելու համար:
6.Թիվ 2316240467 որոշման համաձայն՝ Կ.Բարսեղյանը տուգանվել է 3000 ՀՀ դրամ՝ 2023 թվականի մարտի 30-ին՝ ժամը 18:23-ին, Վազ 211540 մակնիշի 36 XV 462 հաշվառման համարանիշի ավտոմեքենայով Երևան քաղաքի Արարատյան սահմանված արագությունը գերազանցելու համար:
7.Թիվ 2316288760 որոշման համաձայն՝ Կ.Բարսեղյանը տուգանվել է 5000 ՀՀ դրամ՝ 2023 թվականի ապրիլի 10-ին՝ ժամը 10:35-ին, Վազ 211540 մակնիշի 36 XV 462 հաշվառման համարանիշի ավտոմեքենայով Երևան քաղաքի Վ.Համբարձումյան/Երզնկյան/ Բաղրամյան խաչմերուկի հատվածում ՃԵԿ իրավախախտում թույլ տալու համար:
8.Թիվ 2316351544 որոշման համաձայն՝ Կ.Բարսեղյանը տուգանվել է 3000 ՀՀ դրամ՝ 2023 թվականի ապրիլի 24-ին՝ ժամը 14:27-ին, Վազ 211540 մակնիշի 36 XV 462 հաշվառման համարանիշի ավտոմեքենայով Մ-2 65.9կմ, գ.Երասխի հատվածում սահմանված արագությունը գերազանցելու համար:
9.Թիվ 2316382034 որոշման համաձայն՝ Կ.Բարսեղյանը տուգանվել է 5000 ՀՀ դրամ՝ 2023 թվականի ապրիլի 11-ին՝ ժամը 11:13-ին, Օպել մակնիշի 37 MX 270 հաշվառման համարանիշի ավտոմեքենայով Երևան քաղաքի Բագրատունյաց/Չեխով խաչմերուկի հատվածում տ/մ-ն կայանել է երկրորդ շարքում:
10.Թիվ 2316382042 որոշման համաձայն՝ Կ.Բարսեղյանը տուգանվել է 5000 ՀՀ դրամ՝ 2023 թվականի մարտի 30-ին՝ ժամը 15:04-ին, Օպել մակնիշի 37 MX 270 հաշվառման համարանիշի ավտոմեքենայով Երևան քաղաքի Կոմիտաս/Գյուլբենկյան խաչմերուկի հատվածում ՃԵԿ խախտում թույլ տալու համար:
11.Թիվ 2316433774 որոշման համաձայն՝ Կ.Բարսեղյանը տուգանվել է 4000 ՀՀ դրամ՝ 2023 թվականի ապրիլի 29-ին՝ ժամը 10:42-ին, Վազ 211540 մակնիշի 36 XV 462 հաշվառման համարանիշի ավտոմեքենայով Մ-2 30.4կմ, ք.Արտաշատի հատվածում սահմանված արագությունը գերազանցելու համար:
12.Թիվ 2316460557 որոշման համաձայն՝ Կ.Բարսեղյանը տուգանվել է 4000 ՀՀ դրամ՝ 2023 թվականի մայիսի 03-ին՝ ժամը 19:10-ին, Վազ 211540 մակնիշի 36 XV 462 հաշվառման համարանիշի ավտոմեքենայով Մ-2 30.4կմ, ք.Արտաշատի հատվածում սահմանված արագությունը գերազանցելու համար:
13.Թիվ 2316523322 որոշման համաձայն՝ Կ.Բարսեղյանը տուգանվել է 5000 ՀՀ դրամ՝ 2023 թվականի մայիսի 27-ին՝ ժամը 09:13-ին, Վազ 211540 մակնիշի 36 XV 462 հաշվառման համարանիշի ավտոմեքենայով Երևան քաղաքի Դավիթ Բեկ/Հ.Ավետիսյան խաչմերուկի հատվածում ՃԵԿ իրավախախտում կատարելու համար:
14.Թիվ 2316587084 որոշման համաձայն՝ Կ.Բարսեղյանը տուգանվել է 5000 ՀՀ դրամ՝ 2023 թվականի մայիսի 20-ին՝ ժամը 11:51-ին, VAUXHALL մակնիշի 36 CG 279 հաշվառման համարանիշի ավտոմեքենայով Երևան քաղաքի Պարոնյան/Ձորափ խաչմերուկի հատվածում ՃԵԿ իրավախախտում կատարելու համար:
15.Թիվ 2316587095 որոշման համաձայն՝ Կ.Բարսեղյանը տուգանվել է 5000 ՀՀ դրամ՝ 2023 թվականի մայիսի 10-ին՝ ժամը 12:57-ին, VAUXHALL մակնիշի 36 CG 279 հաշվառման համարանիշի ավտոմեքենայով Երևան քաղաքի Խանջյան/Տիգրան Մեծ խաչմերուկի հատվածում ՃԵԿ իրավախախտում կատարելու համար:
16.Թիվ 2316632637 որոշման համաձայն՝ Կ.Բարսեղյանը տուգանվել է 5000 ՀՀ դրամ՝ 2023 թվականի հունիսի 21-ին՝ ժամը 20:04-ին, Վազ 211540 մակնիշի 36 XV 462 հաշվառման համարանիշի ավտոմեքենայով Մ-2 30.4կմ, ք.Արտաշատի հատվածում սահմանված արագությունը գերազանցելու համար:
17.Թիվ 2316764666 որոշման համաձայն՝ Կ.Բարսեղյանը տուգանվել է 5000 ՀՀ դրամ՝ 2023 թվականի հունիսի 08-ին՝ ժամը 16:32-ին, VAUXHALL մակնիշի 36 CG 279 հաշվառման համարանիշի ավտոմեքենայով Երևան քաղաքի Բագրատունյաց/Չեխովի խաչմերուկի հատվածում ՃԵԿ իրավախախտում կատարելու համար:
18.Թիվ 2316764667 որոշման համաձայն՝ Կ.Բարսեղյանը տուգանվել է 5000 ՀՀ դրամ՝ 2023 թվականի մայիսի 29-ին՝ ժամը 16:11-ին, VAUXHALL մակնիշի 36 CG 279 հաշվառման համարանիշի ավտոմեքենայով Երևան քաղաքի Բագրատունյաց/Չեխովի խաչմերուկի հատվածում ՃԵԿ իրավախախտում կատարելու համար:
19.Թիվ 2316764669 որոշման համաձայն՝ Կ.Բարսեղյանը տուգանվել է 25000 ՀՀ դրամ՝ 2023 թվականի հունիսի 04-ին՝ ժամը 12:52-ին, VAUXHALL մակնիշի 36 CG 279 հաշվառման համարանիշի ավտոմեքենայով Երևան քաղաքի Սեբաստիա/Րաֆֆի/Վանթյան խաչմերուկի հատվածում ՃԵԿ իրավախախտում կատարելու համար:
20.Թիվ 2316825802 որոշման համաձայն՝ Կ.Բարսեղյանը տուգանվել է 20000 ՀՀ դրամ՝ 2023 թվականի հուլիսի 24-ին՝ ժամը 08:56-ին, Վազ 211540 մակնիշի 36 XV 462 հաշվառման համարանիշի ավտոմեքենայով Երևան քաղաքի Իսակովի պողոտայում սահմանված արագությունը գերազանցելու համար:
Թիվ 2315989137 որոշումը, որի համաձայն՝ 2023 թվականի փետրվարի 10-ին՝ ժամը 09:32-ին, Օպել մակնիշի 37 MX 270 հաշվառման համարանիշի ավտոմեքենայով Երևան քաղաքի Իսակովի պողոտայում կատարվել է վարչական իրավախախտում, որի համար տուգանվել է տվյալ տ/մ-ի սեփականատեր Արթուր Անդրանիկի Չինարյանը: Նշված իրավախախտումն իր անվամբ վերահասցեագրելու վերաբերյալ Կարեն Բարսեղյանը 29.03.2023թ. ձեռագիր դիմում է ներկայացրել Ճանապարհային ոստիկանություն: Դիմումում որպես իր կոնտակտային հեռախոսահամար նշել է 041-93-93-97 հեռախոսահամարը:
Կարեն Բարսեղյանի կողմից ՃՈ ծառայությանն ուղղված մեկ այլ ձեռագիր դիմում՝ 11.05.2023թ.-ի թվագրության, որով խնդրել է Օպել մակնիշի 37 MX 270 հաշվառման համարանիշի ավտոմեքենայով կատարված թիվ 2316292398 և թիվ 2316251866 որոշումներն վերահասցեագրել իրեն:
Այնուհետև դիմումի համաձայն վերը նշված որոշումներով նույն իրավախախտումների փաստի առթիվ կայացվել են թիվ 2316382034 /զննության արձանագրության 9-րդ կետ/ և թիվ 2316382042 /զննության արձանագրության 10-րդ կետ/ որոշումները::
(Տե՛ս դատական նիստի արձանագրություն, գ․թ․ 3-4, 50-53, 118-121, 124, 126, 128, 143, 180-181, 193-196, 226-230)
4.Դատարանի փաստական վերլուծությունները և Դատարանի կողմից հաստատված փաստական հանգամանքները:
Հետազոտված ապացույցների հիման վրա դատարանի կողմից հաստատված են համարվում հետևյալ փաստական հանգամանքները.
Կարեն Գագիկի Բարսեղյանը տրանսպորտային միջոցներ վարելու իրավունքը վեց ամիս ժամկետով՝ 2023 թվականի հունվարի 24-ից մինչև 2023 թվականի հուլիսի 24-ը, կասեցված լինելու և այդ մասին նախապես տեղյակ լինելու պայմաններում, 2023 թվականի փետրվարի 10-ին՝ ժամը 09:32-ին, 2023 թվականի ապրիլի 11-ին՝ ժամը 11:13-ին, 2023 թվականի մայիսի 10-ին՝ ժամը 12:57-ին, 2023 թվականի մայիսի 20-ին՝ ժամը 11:51-ին, 2023 թվականի մայիսի 29-ին՝ ժամը 16:11-ին, 2023 թվականի հունիսի 4-ին՝ ժամը 12:52-ին, 2023 թվականի հունիսի 8-ին՝ ժամը 16:32-ին վարել է տրանսպորտային միջոց, ինչը հայտնաբերվել է ՀՀ ճանապարհային ոստիկանության տեխնիկական միջոցներով, և որոնց վերաբերյալ Ճանապարհային ոստիկանության տեխնիկական միջոցներով հայտնաբերված իրավախախտումների վերաբերյալ գործերի քննության բաժնի կողմից կայացվել է վարչական տույժ նշանակելու մասին համապատասխան որոշումներ:
5.Դատարանի իրավական վերլուծությունը.
Հիմնական դատալսումների ընթացքում պատշաճ իրավական ընթացակարգով հետազոտված ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով, Դատարանը հանգում է հետևության, որ ապացուցված է Կարեն Գագիկի Բարսեղյանին վերագրվող արարքները, այդ արարքների քրեական հակաիրավականությունը, այդ արարքները մեղադրյալի կողմից կատարելը, ինչպես նաև նրա մեղավորությունը տվյալ արարքների կատարման մեջ:
Դատարանը հանգում է այն հետևության, որ մեղադրյալ Կարեն Գագիկի Բարսեղյանը կատարել է իրեն մեղսագրված արարքները, որոնց նկատմամբ կիրառելի է 7 դրվագ ՀՀ քրեական օրենսգրքի 344-րդ հոդվածի 1-ին մասը:
Դատարանը հաստատված համարելով հանցագործության և դրա կատարման մեջ Կարեն Գագիկի Բարսեղյանի մեղքի ապացուցված լինելը, գտնում է, որ նա ենթակա է պատժի կատարած հանցանքների համար:
ՀՀ քրեական դատավարության օրենսգրքի 348-րդ հոդվածի համաձայն՝ ի թիվս այլի դատավճռում պետք է շարադրվեն հետևյալ հարցերի պատասխանները․
-ապացուցված են արդյոք դատապարտված մեղադրյալի պատասխանատվությունը և պատիժը մեղմացնող կամ ծանրացնող հանգամանքները.
-ինչ պատիժ պետք է նշանակվի դատապարտված մեղադրյալի նկատմամբ.
-դատապարտված մեղադրյալը արդյոք պետք է կրի իր նկատմամբ նշանակված պատիժը։
Նշված հարցերի լուծման ընթացքում դատարանը պետք է ղեկավարվի ՀՀ քրեական օրենսգրքի Ընդհանուր մասի մի շարք դրույթներով:
ՀՀ քրեական օրենսգրքի 7-րդ հոդվածի համաձայն՝ «1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը»:
ՀՀ քրեական օրենսգրքի 55-րդ հոդվածի 2-րդ մասի համաձայն՝ «2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»:
ՀՀ քրեական օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները»:
Պատժի նշանակման հիմնական կանոնները սահմանող իրավական նորմերը (2003 թվականի ապրիլի 18-ին ընդունված ՀՀ քրեական օրենսգիրք) ՀՀ վճռաբեկ դատարանը վերլուծել և դրանց վերաբերյալ իրավական դիրքորոշումներ է հայտնել թիվ ՎԲ-50/07, ՎԲ-124/07, ՎԲ-142/07, ՎԲ-192/07, ՎԲ-201/07, ԱՎԴ2/0059/01/08, ԵԱՔԴ/0078/01/09 ԵԿԴ/0042/01/11, ինչպես նաև մի շարք այլ գործերով կայացված որոշումներում:
Նշված որոշումներում Վճռաբեկ դատարանի ձևավորած կայուն նախադեպային իրավունքի համաձայն՝ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման: Քրեական օրենքը համընդհանուր բնույթ ունի, իսկ արարքը և հանցավորի անձը կոնկրետ են: Հետևաբար, կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, հանցավորի անձի, պատիժը մեղմացնող և ծանրացնող հանգամանքների վերլուծության հիման վրա: Նշված հանգամանքների գնահատման ժամանակ դատարանը պետք է ելնի ՀՀ քրեական օրենսգրքի 48-րդ հոդվածով նախատեսված՝ պատժի նպատակների իրացումն ապահովելու անհրաժեշտությունից:
Այսպիսով, պատիժ նշանակելիս դատարանը, ի թիվս այլ հանգամանքների, պետք է հաշվի առնի արարքի հանրային վտանգավորության աստիճանը և բնույթը: Հանցագործության այս հատկանիշներին Վճռաբեկ դատարանն անդրադարձել է Գ. Մադաթյանի գործով որոշման մեջ՝ իրավական դիրքորոշում արտահայտելով այն մասին, որ «Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության՝ հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում՝ հանցավորի կատարած արարքը և հանցագործությանը նրա մասնակցության աստիճանը» (տե՛ս Գարուշ Մադաթյանի գործով Վճռաբեկ դատարանի 2009 թվականի փետրվարի 17-ի թիվ ԵՇԴ/0029/01/08 որոշման 14-րդ կետը):
Արմեն Սուրիկի Շահբազյանի վերաբերյալ 2014 թվականի օգոստոսի 15-ի ԵՇԴ/0143/01/13 որոշման մեջ ՀՀ վճռաբեկ դատարանը դիրքորոշում է ձևավորել այն մասին, որ «(…) դատարանի կողմից արարքի հանրային վտանգավորության աստիճանի և բնույթի բացահայտումը սերտորեն կապված է պատիժ նշանակելու ընդհանուր սկզբունքների հետ՝ թե՛ արդարացի պատիժ նշանակելու և թե՛ պատժի անհատականացման համատեքստում: Հանցագործության հանրային վտանգավորության տիպային բնութագիրն արտացոլվում է օրենսդրի կողմից սահմանված սանկցիայում, իսկ յուրաքանչյուր կոնկրետ գործով արարքի հանրային վտանգավորության աստիճանի գնահատականը տրվում է դատարանի կողմից՝ հանցագործության կատարման հանգամանքների, հանցավորի անձնավորության, պատասխանատվությունն ու պատիժը մեղմացնող և ծանրացնող հանգամանքների հիման վրա, և արտահայտվում է կոնկրետ պատժի տեսքով (տե՛ս mutatis mutandis Նարեկ Սարգսյանի գործով Վճռաբեկ դատարանի 2011 թվականի դեկտեմբերի 22-ի թիվ ԵԿԴ/0042/01/11 որոշման 16-17-րդ կետերը): Հանցագործության կատարման եղանակի, գործիքների, միջոցների, պատճառված վնասի չափի և բնույթի (հանրորեն վտանգավոր հետևանքների), հանցավորի մտադրության իրականացման աստիճանի, շարժառիթների, նպատակների բացահայտումը մեծապես ազդում է պատժի տեսակի ընտրության, ինչպես նաև դրա՝ առավել կամ նվազ խիստ լինելու վրա: (…)»:
Օրենսդրի կողմից կոնկրետ հոդվածով սահմանված պատիժների միջև ճիշտ ընտրություն կատարելու և արարքի բնույթն ու հանրային վտանգավորության աստիճանը գնահատելու հարցերին ՀՀ վճռաբեկ դատարանն անդրադարձել է Գ.Մադաթյանի գործով որոշման մեջ, որում իրավական դիրքորոշում է ձևավորել այն մասին, որ. «(…)այլընտրանքային սանկցիաների միջև ընտրություն կատարելիս պատժի արդարացիության սկզբունքի ապահովման հիմնական երաշխիքը դատարանների կողմից յուրաքանչյուր գործի քննության ժամանակ այնպիսի հանգամանքների բացահայտումն է, որոնք ազդել են անձի կողմից կատարված արարքի հանրային վտանգավորության բնույթի և աստիճանի վրա:
(…)Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը:
(…)Արարքի հանրային վտանգավորության բնույթի որոշման հարցում Վճռաբեկ դատարանը կարևորում է խախտված քրեաիրավական նորմով պաշտպանվող հասարակական հարաբերության սոցիալական նշանակությունը, և գտնում է, որ պատիժ նշանակելիս դատարանները պարտավոր են հաշվի առնել տվյալ ժամանակահատվածում քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը:
Այսպիսով, նշանակվող պատժի արդարացիության հիմնական պահանջն այն է, որ պատիժը պետք է համապատասխանի հանցագործության հանրային վտանգավորության աստիճանին և բնույթին (հանցագործության` հանրության համար վտանգավորության աստիճանի և բնույթի հարցերի վերաբերյալ մանրամասն տե՛ս Գարուշ Մադաթյանի վերաբերյալ Վճռաբեկ դատարանի 2009 թվականի փետրվարի 17-ի ԵՇԴ/0029/01/08 որոշման 14-րդ կետը)։
Ա.Ավագյանի և Վ.Սահակյանի վերաբերյալ որոշման մեջ ՀՀ վճռաբեկ դատարանը նաև նշել է, որ. «(…) Հանցագործության հանրային վտանգավորության տիպային բնութագիրն արտացոլվում է օրենսդրի կողմից սահմանված սանկցիայում, իսկ յուրաքանչյուր կոնկրետ գործով արարքի հանրային վտանգավորության գնահատականը դատարանի կողմից կարող է որոշվել կոնկրետ հանցագործության տարրերի առանձնահատկությունների, դրա կատարման հանգամանքների, հանցավորի անձնավորության, պատասխանատվությունն ու պատիժը մեղմացնող և ծանրացնող հանգամանքների հիման վրա։
ՀՀ քրեական օրենսգրքի 344-րդ հոդվածի համաձայն՝
«1. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը՝
պատժվում է տուգանքով` առավելագույնը տասնապատիկի չափով, կամ հանրային աշխատանքներով` առավելագույնը հարյուր ժամ տևողությամբ, կամ կարճաժամկետ ազատազրկմամբ՝ առավելագույնը մեկ ամիս ժամկետով:
(…)»:
Այլընտրանքային սանկցիաների միջև ճիշտ ընտրություն կատարելու և արարքի բնույթն ու հանրային վտանգավորության աստիճանը գնահատելու հարցերին ՀՀ վճռաբեկ դատարանն անդրադարձել է Գ.Մադաթյանի գործով որոշման մեջ, որում իրավական դիրքորոշում է ձևավորել այն մասին, որ. «(…)այլընտրանքային սանկցիաների միջև ընտրություն կատարելիս պատժի արդարացիության սկզբունքի ապահովման հիմնական երաշխիքը դատարանների կողմից յուրաքանչյուր գործի քննության ժամանակ այնպիսի հանգամանքների բացահայտումն է, որոնք ազդել են անձի կողմից կատարված արարքի հանրային վտանգավորության բնույթի և աստիճանի վրա:
(…)Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը:
(…)Արարքի հանրային վտանգավորության բնույթի որոշման հարցում Վճռաբեկ դատարանը կարևորում է խախտված քրեաիրավական նորմով պաշտպանվող հասարակական հարաբերության սոցիալական նշանակությունը, և գտնում է, որ պատիժ նշանակելիս դատարանները պարտավոր են հաշվի առնել տվյալ ժամանակահատվածում քրեական օրենսդրությամբ պահպանվող կոնկրետ հասարակական հարաբերության սոցիալական նշանակությունը, այդ ոլորտում պետության քրեական քաղաքականության ուղղվածությունը:
Այսպիսով, նշանակվող պատժի արդարացիության հիմնական պահանջն այն է, որ պատիժը պետք է համապատասխանի հանցագործության հանրային վտանգավորության աստիճանին և բնույթին (հանցագործության` հանրության համար վտանգավորության աստիճանի և բնույթի հարցերի վերաբերյալ մանրամասն տե՛ս Գարուշ Մադաթյանի վերաբերյալ Վճռաբեկ դատարանի 2009 թվականի փետրվարի 17-ի ԵՇԴ/0029/01/08 որոշման 14-րդ կետը)։
Ա.Ավագյանի և Վ.Սահակյանի վերաբերյալ որոշման մեջ ՀՀ վճռաբեկ դատարանը նաև նշել է, որ. «(…) Հանցագործության հանրային վտանգավորության տիպային բնութագիրն արտացոլվում է օրենսդրի կողմից սահմանված սանկցիայում, իսկ յուրաքանչյուր կոնկրետ գործով արարքի հանրային վտանգավորության գնահատականը դատարանի կողմից կարող է որոշվել կոնկրետ հանցագործության տարրերի առանձնահատկությունների, դրա կատարման հանգամանքների, հանցավորի անձնավորության, պատասխանատվությունն ու պատիժը մեղմացնող և ծանրացնող հանգամանքների հիման վրա»։
Վերոգրյալի հաշվառմամբ՝ Դատարանը, որպես մեղադրյալ Կարեն Գագիկի Բարսեղյանի անձը բնութագրող, պատասխանատվությունը և պատիժը մեղմացնող հանգամանքներ է արձանագրում՝ մեղքն ամբողջությամբ ընդունելը, զղջալը, նախկինում դատապարտված կամ արատավորված չլինելը։
Միաժամանակ, Դատարանն արձանագրում է, որ մեղադրյալ Կարեն Գագիկի Բարսեղյանի պատասխանատվությունը և պատիժը ծանրացնող հանգամանքներ առկա չեն:
Վերոգրյալ իրավական նորմերի լույսի ներքո անդրադառնալով մեղադրյալ Կարեն Գագիկի Բարսեղյանի նկատմամբ նշանակվող պատժի տեսակի և չափի հարցերին, Դատարանն արձանագրում է, որ մեղադրյալ Կարեն Գագիկի Բարսեղյանը ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության համար ենթակա է պատժի՝ հանրային աշխատանքների ձևով՝ դրվագներից յուրաքանչյուրով՝ 60 ժամ տևողությամբ։ Սահմանված պատիժը տվյալ դեպքում համաչափ է կատարված կոնկրետ հանցագործության բնույթին, վտանգավորության աստիճանին, այն կատարելու հանգամանքներին, հանցավորի անձին և բավարար է պատժի նպատակների նվաճման տեսանկյունից:
Միաժամանակ Դատարանը գտնում է, որ Կարեն Գագիկի Բարսեղյանի նկատմամբ սույն դրվագներով վերջնական պատիժ պետք է նշանակվի ՀՀ քրեական օրենսգրքի 74-րդ հոդվածով սահմանված կարգով։
ՀՀ քրեական օրենսգրքի 74-րդ հոդվածի 9-րդ մասի համաձայն՝
«9. Հանցագործությունների համակցության դեպքում մյուս պատիժները լրիվ կամ մասնակիորեն գումարելու դեպքում նշանակվող վերջնական պատիժը չի կարող գերազանցել սույն օրենսգրքի Ընդհանուր մասով պատժի տվյալ տեսակի համար սահմանված առավելագույն ժամկետը կամ չափը»:
ՀՀ քրեական օրենսգրքի 60-րդ հոդվածի համաձայն՝
«1. Հանրային աշխատանքները դատարանի նշանակած և իրավասու մարմնի որոշած վայրում չվարձատրվող, դատապարտյալի ուսումնառությունից կամ աշխատանքից ազատ ժամանակահատվածում նրա կողմից հանրության համար օգտակար այնպիսի աշխատանքների կատարումն է, որոնք չեն վտանգում նրա ֆիզիկական կամ հոգեկան առողջությունը։
2. Հանրային աշխատանքները դատապարտյալի համաձայնությամբ ոչ ավելի, քան օրական 4 ժամ տևողությամբ սահմանվում են ոչ մեծ և միջին ծանրության հանցագործությունների համար՝ 60-270 ժամ տևողությամբ:
3. Հանրային աշխատանքների նվազագույն տևողությունը սույն օրենսգրքով նախատեսված դեպքերում կարող է պակաս լինել 60 ժամից: (...)»:
Հաշվի առնելով այն, որ մեղադրյալ Կարեն Գագիկի Բարսեղյանի նկատմամբ որպես պատիժ է նշանակվում հանրային աշխատանքները, ուստի Դատարանը գտնում է, որ ՀՀ քրեական օրենսգրքի 74-րդ հոդվածով սահմանված կարգով նշանակված պատիժները գումարելու միջոցով Կարեն Գագիկի Բարսեղյանի նկատմամբ վերջնական պատիժ պետք է նշանակվի հանրային աշխատանքներ՝ 270 ժամ տևողությամբ:
ՀՀ քրեական դատավարության 348-րդ հոդվածի համաձայն դատավճռում պետք է շարադրվեն նաև հետևյալ հարցերի պատասխանները․
-գույքային հայցը ենթակա է արդյոք բավարարման, ում օգտին և ինչ չափով, ինչպես նաև պատճառված գույքային վնասը ենթակա է արդյոք հատուցման, եթե գույքային հայց չի հարուցվել.
-որ գույքն է ենթակա բռնագրավման, ինչ չափով և ինչպիսի հիմքով․
-վերացվելու է արդյոք կիրառված գույքի արգելադրումը, իսկ եթե այդպիսին կիրառված չէ, ապա ենթակա է արդյոք կիրառման.
-ինչպես պետք է պահպանվեն և տնօրինվեն ապացույցները.
-դատապարտված մեղադրյալի նկատմամբ վերացվելու, փոխվելու կամ կիրառվելու է արդյոք որևէ խափանման միջոց.
-ում վրա և ինչ չափով պետք է դրվեն վարութային ծախսերը։
Քննարկելով մեղադրյալի նկատմամբ ընտրված խափանման միջոցի հարցը՝ Դատարանը գտնում է, որ վերջինիս նկատմամբ որպես խափանման միջոց ընտրված բացակայելու արգելքը, պետք է թողնել անփոփոխ մինչև դատավճռի օրինական ուժի մեջ մտնելը, իսկ դրանից հետո՝ վերացնել:
Նկատի ունենալով, որ սույն քրեական գործով գույքային հայց, գույք բռնագրավելու անհրաժեշտություն, արգելադրված գույք, վարութային ծախսեր, ապացույցների պահպանման և տնօրինման հարցեր առկա չեն, դատարանը այդ հարցերին չի անդրադառնում:
Ելնելով վերոգրյալից և ղեկավարվելով Հայաստանի Հանրապետության քրեական դատավարության օրենսգրքի 30-31-րդ, 100-րդ, 167-րդ, 347-350-րդ, 352-353-րդ, 364-րդ հոդվածներով, Դատարանը`
Վ Ճ Ռ Ե Ց
Կարեն Գագիկի Բարսեղյանին մեղավոր ճանաչել 7 դրվագ ՀՀ քրեական օրենսգրքի 344-րդ հոդվածի 1-ին մասով նախատեսված հանցագործությունների կատարման մեջ և դրվագներից յուրաքանչյուրով պատիժ նշանակել հանրային աշխատանքներ՝ 60 ժամ տևողությամբ:
ՀՀ քրեական օրենսգրքի 74-րդ հոդվածով սահմանված կարգով նշանակված պատիժները գումարելու միջոցով Կարեն Գագիկի Բարսեղյանի նկատմամբ վերջնական պատիժ նշանակել հանրային աշխատանքներ՝ 270 ժամ տևողությամբ:
Կարեն Գագիկի Բարսեղյանի նկատմամբ ընտրված բացակայելու արգելք խափանման միջոցը թողնել անփոփոխ մինչև դատավճռի օրինական ուժի մեջ մտնելը, իսկ դրանից հետո՝ վերացնել:
Դատավճիռը կարող է բողոքարկվել ՀՀ վերաքննիչ քրեական դատարան` այն ստանալու օրվանից հետո՝ մեկամսյա ժամկետում:

ԴԱՏԱՎՈՐ ՏԻԳՐԱՆ ՈՍԿԱՆՅԱՆ