ԵԴ1/3568/01/24



ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

2025 թվականի մարտի 20-ին քաղաք Երևան
Երևան քաղաքի առաջին ատյանի ընդհանուր իրավասության քրեական դատարանը /այսուհետ նաև` Դատարան/` հետևյալ կազմով
Նախագահությամբ դատավոր՝ Վ.Մելիքյանի
Քարտուղարությամբ՝ Ա.Բարդամյանի
Մասնակցությամբ.
Հանրային մեղադրող՝ Ա.Դավթյանի
Մեղադրյալ՝ Ի.Թոսունյանի
դռնբաց դատական նիստում քննության առնելով քրեական գործն ըստ մեղադրանքի Իվան Թոսունյանի (ծնված՝ 13.05.1984թ., ազգությամբ հայ, ՀՀ քաղաքացի, չի աշխատում, դատվածություն չունեցող, ամուսնացած, խնամքին 5 անչափահաս երեխա՝ ըստ բանավոր հայտարարության, հաշվառված՝ ք.Երևան, Թաիրով փ., 37 տուն հասցեում, փաստացի բնակվում է Արարատի մարզ, գ.Գետափնյա, 10 փողոց 51/1 վագոն տնակում) ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 1-ին մասով երկու դրվագով,
1.Գործի դատավարական նախապատմությունը.
14.02.2023 թվականին ՀՀ ՔԿ ԵՔՔՎ ՃՏՀ քննության բաժնում ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60822323 քրեական վարույթը /հատոր 1-ին, գ.թ. 11/:
26.05.2023 թվականին ՀՀ ՔԿ ԵՔՔՎ ՃՏՀ քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60924823 քրեական վարույթը /հատոր 1-ին, գ.թ. 20/:
29.05.2023 թվականին նախաքննական մարմնի որոշմամբ թիվ 60924823 և թիվ 60822323 քրեական վարույթները միացվել են մեկ վարույթում /հատոր 1-ին, գ.թ. 24/:
12.06.2023 թվականին ՀՀ ՔԿ ԵՔՔՎ ՃՏՀ քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60937723 քրեական վարույթը /հատոր 1-ին, գ.թ. 36/:
29.05.2023 թվականին նախաքննական մարմնի որոշմամբ թիվ 60937723 և թիվ 60822323 քրեական վարույթները ևս միացվել են մեկ վարույթում, իսկ քրեական վարույթը շարունակվել է թիվ 60822323 համարի ներքո /հատոր 1-ին, գ.թ. 40-41/:
20.11.2024 թվականին Երևան քաղաքի Մալաթիա-Սեբաստիա վարչական շրջանների դատախազության դատախազ Ա.Դավթյանի որոշմամբ Իվան Ստեփանի Թոսունյանի նկատմամբ հարուցվել է հանրային քրեական հետապնդում ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 1-ին մասով երկու դրվագով /հատոր 1-ին, գ.թ. 73-74/:
Նախաքննական մարմնի որոշմամբ մեղադրյալ Իվան Ստեփանի Թոսունյանի նկատմամբ խափանման միջոց է կիրառվել բացակայելու արգելքը:
Թիվ ԵԴ1/3568/01/24 (60822323 նախաքննական համար) քրեական գործն ըստ մեղադրանքի՝ Իվան Թոսունյանի ՀՀ քրեական օրենսգրքի 344-րդ հոդվածի 2-րդ մասով և 344-րդ հոդվածի 1-ին մասով երկու դրվագով ուղարկվել է Երևան քաղաքի առաջին ատյանի ընդհանուր իրավասության քրեական դատարան և համակարգչային ծրագրի միջոցով իրականացվող գործերի բաշխմամբ մակագրվել և հանձնվել է աշխատակազմին:
05.12.2025 թվականի որոշմամբ քրեական գործը վարույթ է ստանձնվել և նախնական դատալսումներ է նշանակվել:
2.Մեղադրանքի փաստական նկարագրությունը.
Իվան Ստեփանի Թոսունյանի նկատմամբ ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 1-ին մասով երկու դրվագով հանրային քրեական հետապնդում է հարուցվել այն բանի համար, որ նա տրանսպորտային միջոցներ վարելու իրավունքից մեկ տարի ժամկետով՝ 2022 թվականի նոյեմբերի 30-ից մինչև 2023 թվականի հունվարի 8-ին՝ ժամը 21:50-ի սահմաններում, Երևան քաղաքի Ծովակալ Իսակովի պողոտայում ոչ սթափ վիճակում՝ 0.518 մգ/լ պարունակությամբ ալկոհոլ օգտագործած (հաշվի առնելով ստուգաչափման սարքի սխալանքը՝ +-10), վարել է Օպել մակնիշի 51 FF 555 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180159839 արձանագրությունը:
Բացի այդ՝ Իվան Ստեփանի Թոսունյանը, տրանսպորտային միջոցներ վարելու իրավունքից մեկ տարի ժամկետով՝ 2022թվականի նոյեմբերի 30-ից մինչև 2023 թվականի նոյեմբերի 30-ը, զրկված լինելու և այդ մասին տեղյակ լինելու պայմաններում, 2023 թվականի ապրիլի 16-ին՝ ժամը 16:30-ի սահմաններում, Երևան քաղաքի Մենթե Մելքոնյան փողոցում՝ վարել է Օպել մակնիշի 51 FF 555 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից և ինչի կապակցությամբ կազմվել է վարչական իրավախախտման վերաբերյալ թիվ 8180251278 արձանագրությունը։
Բացի այդ՝ Իվան Ստեփանի Թոսունյանը, տրանսպորտային միջոցներ վարելու իրավունքից մեկ տարի ժամկետով՝ 2022 թվականի նոյեմբերի 30-ից մինչև 2023թվականի նոյեմբերի 30-ը, զրկված լինելու և այդ մասին տեղյակ լինելու պայմաններում, 2023 թվականի մայիսի 21-ին՝ ժամը 11:40-ի սահմաններում, Երևան քաղաքի Լենինգրադյան փողոցում վարել է Օպել մակնիշի 51 FF 555 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180253329 արձանագրությունը:
3.Դատաքննությամբ հետազոտված թույլատրելի ապացույցները.
Մեղադրյալ Իվան Ստեփանի Թոսունյանն իրեն մեղավոր է ճանաչել, զղջացել կատարածի համար և օգտվելով իր իրավունքից հրաժարվել ցուցմունք տալուց:
Հրապարակվել է մեղադրյալ Իվան Ստեփանի Թոսունյանի նախաքննական ցուցմունքը, համաձայն որի՝ «...2022թ-ի նոյեմբեր ամսին՝ օրը հստակ չի հիշում Օպել Աստրա մակնիշի 10 CD 505 հաշվառման համարանիշի ավտոմեքենան Գյումրի քաղաքում վարել է ալկոհոլ օգտագործած վիճակում, որի ընթացքում իրեն կանգնացրել են պարեկային ոստիկանները, կազմել համապատասխան արձանագրություն, որ խմած վիճակում վարել է ավտոմեքենա և 1 տարի ժամկետով զրկել են իրեն տրանսպորտային միջոց վարելու իրավունքից: Դրանից հետո իր կողմից վարվող Օպել Աստրա մակնիշի 51 FF 555 պետհամարանիշի ավտոմեքենան ալկոհոլ օգտագործած վիճակում վարել է 2023թ-ի հունվար ամսին՝ օրը չի հիշում, որի ժամանակ Ծովակալ Իսակով պողոտայում գտնվելու ընթացքում իրեն կանգնացրել է պարեկային ոստիկանության աշխատակիցը և կազմել արձանագրություն, որ ալկոհոլ օգտագործած և տրանսպորտային միջոց վարելու իրավունքից զրկված վիճակում վարել է տրանսպորտային միջոց, որի ժամանակ ավտոմեքենան տարել են տուգանային հրապարակ, հետագայում ավտոմեքենան պետական վճար կատարելուց հետո դուրս է բերել տուգանային հրապարակից: Նշել է նաև, որ 2023թ-ի մայիս ամսին՝ օրը չի հիշում, Օպել մակնիշի 51 FF 555 հաշվառման համարանիշի ավտոմեքենան տրանսպորտային միջոց վարելու իրավունքից զրկված վիճակում վարել է Երևան քաղաքի Լենինգրադյան փողոցով, որի ընթացքում պարեկային ոստիկանությունից իրեն կանգնացրել են և կազմել արձանագրություն, որ վարել է ավտոմեքենան տրանսպորտային միջոց վարելու իրավունքից զրկված վիճակում։ Հայտնել է, որ 2023թ-ի ապրիլ ամսին 51 FF 555 պետհամարանիշի ավտոմեքենան տրանսպորտային միջոց վարելու իրավունքից զրկված վիճակում վարել է, որի ընթացքում Երևան քաղաքի Մոնթե Մելքոնյան փողոցում իրեն կանգնացրել են պարեկային ոստիկանները և կազմել արձանագրություն, որ վարել է տրանսպորտային միջոցը տրանսպորտային միջոց վարելու իրավունքից զրկված վիճակում…»:
/Հատոր 1-ին, գ.թ. 55-57/:
Մեղադրյալ Իվան Ստեփանի Թոսունյանը պնդել է նախաքննական ցուցմունքը:
Հիմնական դատալսումների ընթացքում հետազոտվել են.
Զննված և արտավարութային փաստաթուղթ ճանաչված ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 1-ին վաշտի պարեկ Կարապետ Լյովայի Գևորգյանի կողմից Իվան Ստեփանի Թոսունյանի նկատմամբ 08.01.2023թ-ին՝ ժամը 22:10-ին, կազմված թիվ 8180159839 արձանագրությունը, որի համաձայն՝ վերջինս նույն օրը՝ ժամը 21:50-ին, Երևան քաղաքի Ծովակալ Իսակովի պողոտա 27 հասցեի դիմաց Օպել մակնիշի 51 FF 555 հաշվառման համարանիշի տրանսպորտային միջոցը վարել է տրանսպորտային միջոց վարելու իրավունքից զրկված և ոչ սթափ վիճակում:
Սթափության վերաբերյալ զննման կտրոնի պատճենը, որի համաձայն՝ ստուգվել է մեղադրյալ Իվան Ստեփանի Թոսունյանի սթափությունը թիվ 91100938 Յուպիտեր Ալկովիզր սարքի միջոցով, որի համաձայն ալկոհոլի պարունակությունը կազմել է 0.576 մգ/լ:
Թիվ 084205 ստուգաչափման վկայականի պատճենը:
ՀՀ ՆԳՆ ոստիկանության պարեկային ծառայության Շիրակի գումարտակի 1-ին վաշտի 1-ին դասակի ավագ պարեկ Արթուր Զաքարի Քուրքչյանի կողմից Իվան Ստեփանի Թոսունյանի նկատմամբ 30.11.2022թ-ին՝ ժամը 23:42-ին, կազմված թիվ 8180227225 արձանագրությունը, որի համաձայն՝ վերջինս նույն օրը՝ ժամը 22:30-ին, Գյումրի քաղաքի Ռուսթավելու փողոցում Օպել մակնիշի 10 CD 505 հաշվառման համարանիշի տրանսպորտային միջոցը վարել է ոչ սթափ վիճակում:
ՀՀ ՆԳՆ ոստիկանության պարեկային ծառայության Երևան քաղաքի գնդի 1-ին գումարտակի 1-ին վաշտի պարեկ Արամ Մարտինի Խաչատրյանի կողմից Իվան Ստեփանի Թոսունյանի նկատմամբ 21.05.2023թ-ին՝ ժամը 11:45-ին, կազմված թիվ 8180253329 արձանագրությունը, որի համաձայն՝ վերջինս նույն օրը՝ ժամը 11:40-ին, Երևան քաղաքի Լենինգրադյան փողոցում Օպել մակնիշի 51 FF 555 հաշվառման համարանիշի տրանսպորտային միջոցը վարել է տրանսպորտային միջոց վարելու իրավունքից զրկված վիճակում:
ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 1-ին վաշտի պարեկ Գոռ Սպարտակի Վահրամյանի կողմից Իվան Ստեփանի Թոսունյանի նկատմամբ 16.04.2023թ-ին` ժամը 17:10-ին, կազմված թիվ 8180251278 արձանագրությունը, որի համաձայն՝ վերջինս նույն օրը՝ ժամը 16:30-ին, Երևան քաղաքի Մոնթե Մելքոնյան փողոցում Օպել մակնիշի 51 FF 555 հաշվառման համարանիշի տրանսպորտային միջոցը վարել է տրանսպորտային միջոց վարելու իրավունքից զրկված վիճակում:
Իվան Ստեփանի Թոսունյանի տրանսպորտային միջոցներ վարելու իրավունքի վերաբերյալ ՀՀ ՆԳՆ ՃՈ էլեկտրոնային ռեգիստրից արտատպված պատճենի զննության համաձայն՝ Իվան Ստեփանի Թոսունյանի տրանսպորտային միջոցներ վարելու իրավունքի զրկման սկիզբն է՝ 30.11.2022թ., ավարտ՝ 30.11.2023թ.-ը:
/Հատոր 1-ին, գ.թ. 2, 3-7, 18-19, 30, 69-71/:
4.Դատարանի փաստական վերլուծությունները և Դատարանի կողմից հաստատված փաստական հանգամանքները.
Իվան Ստեփանի Թոսունյանը տրանսպորտային միջոցներ վարելու իրավունքից մեկ տարի ժամկետով՝ 2022 թվականի նոյեմբերի 30-ից մինչև 2023 թվականի հունվարի 8-ին՝ ժամը 21:50-ի սահմաններում, Երևան քաղաքի Ծովակալ Իսակովի պողոտայում ոչ սթափ վիճակում՝ 0,518 մգ/լ պարունակությամբ ալկոհոլ օգտագործած (հաշվի առնելով ստուգաչափման սարքի սխալանքը՝ +-10), վարել է Օպել մակնիշի 51 FF 555 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180159839 արձանագրությունը:
Բացի այդ՝ Իվան Ստեփանի Թոսունյանը, տրանսպորտային միջոցներ վարելու իրավունքից մեկ տարի ժամկետով՝ 2022թվականի նոյեմբերի 30-ից մինչև 2023 թվականի նոյեմբերի 30-ը, զրկված լինելու և այդ մասին տեղյակ լինելու պայմաններում, 2023 թվականի ապրիլի 16-ին՝ ժամը 16:30-ի սահմաններում, Երևան քաղաքի Մոնթե Մելքոնյան փողոցում՝ վարել է Օպել մակնիշի 51 FF 555 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից և ինչի կապակցությամբ կազմվել է վարչական իրավախախտման վերաբերյալ թիվ 8180251278 արձանագրությունը։
Բացի այդ՝ Իվան Ստեփանի Թոսունյանը, տրանսպորտային միջոցներ վարելու իրավունքից մեկ տարի ժամկետով՝ 2022 թվականի նոյեմբերի 30-ից մինչև 2023 թվականի նոյեմբերի 30-ը, զրկված լինելու և այդ մասին տեղյակ լինելու պայմաններում, 2023 թվականի մայիսի 21-ին՝ ժամը 11:40-ի սահմաններում, Երևան քաղաքի Լենինգրադյան փողոցում վարել է Օպել մակնիշի 51 FF 555 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության աշխատակցի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180253329 արձանագրությունը:
Դատարանի իրավական վերլուծությունները.
Դատալսումների ընթացքում պատշաճ իրավական ընթացակարգով հետազոտված ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցներն իրենց համակցության մեջ՝ ներքին համոզման հիման վրա, անմեղության կանխավարկածով, հիմնվելով պատշաճ ապացուցման արդյունքների վրա, Դատարանը հանգում է հետևության, որ ապացուցված է մեղադրյալ Իվան Ստեփանի Թոսունյանի՝ ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 1-ին մասով երկու դրվագով վերագրվող արարքների փաստական հանգամանքները, ապացուցված է նշված արարքների քրեական հակաիրավականությունը, ապացուցված է նաև մեղադրյալի կողմից այդ արարքը կատարելը և նրա մեղավորությունը տվյալ արարքը կատարելու մեջ:
Մեղադրյալ Իվան Ստեփանի Թոսունյանի կատարած արարքների նկատմամբ կիրառելի է համապատասխանաբար՝ ՀՀ քրեական օրենսգրքի 344-րդ հոդվածի 2-րդ մասը և ՀՀ քրեական օրենսգրքի 344-րդ հոդվածի 1-ին մասը երկու դրվագներով:
Դատարանը հաստատված համարելով հանցագործության և դրա կատարման մեջ Իվան Ստեփանի Թոսունյանի մեղքի ապացուցված լինելը հանգում է հետևության, որ վերջինս դա կատարելու համար ենթակա է քրեական պատասխանատվության և պատժի:
Դատարանը մեղադրյալ Իվան Ստեփանի Թոսունյանի պատասխանատվությունն ու պատիժը մեղմացնող և անձը բնութագրող հանգամանքներ է արձանագրում մեղքն ընդունելը, խնամքին 5 անչափահաս երեխա ունենալը և անկեղծորեն զղջալը:
Դատարանը մեղադրյալ Իվան Ստեփանի Թոսունյանի պատասխանատվությունն ու պատիժը ծանրացնող հանգամանքներ չի արձանագրում:
Դատարանը, նպատակ ունենալով վերականգնելու սոցիալական արդարությունը, ուղղելու պատժի ենթարկված անձին, ինչպես նաև կանխելու հանցագործությունները և հաշվի առնելով Իվան Ստեփանի Թոսունյանի անձը, նրան բնութագրող դրական տվյալները, նրա պատասխանատվությունն ու պատիժը մեղմացնող հանգամանքների առկայությունը և ծանրացնող հանգամանքների բացակայությունը, հանգում է հետևության, որ մեղադրյալ Իվան Ստեփանի Թոսունյանն իր կատարած հանցագործությունների համար ենթակա է պատժի` նվազ խիստ տեսակի նշանակմամբ, քանի որ այն կարող է ապահովել պատժի նպատակները:
Քննելով տուգանքի ձևով պատիժը մեղադրյալ Իվան Ստեփանի Թոսունյանի կողմից կրելու հարցը և հաշվի առնելով մեղադրյալի հայտարարությունն առ այն, որ միանգամից չի կարող վճարել տուգանքի գումարը, ունի նյութական խնդիրներ, Դատարանը գտնում է, որ ամբաստանյալի կողմից տուգանքի գումարի վճարման համար պետք է ժամանակացույց սահմանել, թույլատրելով նրան տուգանքի գումարը վճարել մաս առ մաս հետևյալ պատճառաբանությամբ.
ՀՀ քրեական օրենսգրքի 59-րդ հոդվածի 8-րդ մասի համաձայն՝
<<Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում առավելագույնը մեկ տարի ժամկետով կամ թույլատրում է տուգանքը մաս առ մաս վճարել նույն ժամկետում... (…)>>:
Վերը թվարկված իրավական նորմը կիրառելով սույն գործի փաստական տվյալների վրա, Դատարանը գտնում է, որ մեղադրյալ Իվան Ստեփանի Թոսունյանն ի վիճակի չէ անհապաղ և ամբողջությամբ վճարելու նշանակված տուգանքը, ուստի անհրաժեշտ է դատավճռով նրա նկատմամբ նշանակվող տուգանքը տարաժամկետել մեկ տարով՝ հնարավորություն տալով վերջինս վճարելու տուգանքի գումարը:
Միևնույն ժամանակ Դատարանը հաշվի առնելով, որ բացակայում է մեղադրյալի կողմից հանցանքներ կատարելու նախորդող ժամանակահատվածում վերջինիս եկամուտները, գտնում է, որ վերջինիս նկատմամբ տուգանքի ձևով պատիժ պետք է նշանակվի հանցանքները կատարելու պահին ՀՀ-ում գործող նվազագույն աշխատավարձի չափով:
Քրեական գործով քաղաքացիական հայց չի հարուցվել, դատական ծախսեր և տնօրինման ենթակա իրեղեն ապացույցներ չկան:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 347-349-րդ, 364-րդ հոդվածներով, Դատարանը.
Վ Ճ Ռ Ե Ց
Իվան Թոսունյանին մեղավոր ճանաչել (...) ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 1-ին մասով երկու դրվագով:
1.ՀՀ քրեական օրենսգրքի 344-րդ հոդվածի 2-րդ մասով դատապարտել տուգանքի նվազագույն աշխատավարձի հնգապատիկի՝ 375.000 ՀՀ դրամի չափով:
2. ՀՀ քրեական օրենսգրքի 344-րդ հոդվածի 1-ին մասով դատապարտել տուգանքի նվազագույն աշխատավարձի հնգապատիկի՝ 375.000 ՀՀ դրամի չափով:
3. ՀՀ քրեական օրենսգրքի 344-րդ հոդվածի 1-ին մասով դատապարտել տուգանքի նվազագույն աշխատավարձի հնգապատիկի՝ 375.000 ՀՀ դրամի չափով:
ՀՀ քրեական օրենսգրքի 74-րդ հոդվածի կիրառմամբ պատիժները լրիվ գումարելու սկզբունքով մեղադրյալ Իվան Թոսունյանի նկատմամբ ՀՀ քրեական օրենսգրքի 344-րդ հոդվածի 2-րդ մասով նշանակված 375.000 ՀՀ դրամի չափով տուգանքին լրիվ գումարել ՀՀ քրեական օրենսգրքի 344-րդ հոդվածի 1-ին մասով յուրաքանչյուր դրվագով նշանակված 375.000 ՀՀ դրամ տուգանքները և վերջնական պատիժ սահմանել տուգանք 1.125.000 ՀՀ դրամի չափով:
Թույլատրել Իվան Թոսունյանին դատավճռով նշանակված 1.125.000 ՀՀ դրամ գումարի չափով տուգանքը վճարել մաս առ մաս 1 /մեկ/ տարվա ընթացքում՝ յուրաքանչյուր ամիս վճարելով 93.750 ՀՀ դրամ գումար:
Մեղադրյալ Իվան Թոսունյանինկատմամբ կիրառված բացակայելու արգելք խափանման միջոցը թողնել անփոփոխ՝ մինչև դատավճռի օրինական ուժի մեջ մտնելը:
Արտավարութային փաստաթղթերը թողնել կցված քրեական գործին՝ դրա պահպանության ողջ ժամանակահատվածում:
Դատավճիռը կարող է բողոքարկվել ՀՀ վերաքննիչ քրեական դատարան ստանալու օրվանից հետո՝ մեկամսյա ժամկետում:

ԴԱՏԱՎՈՐ Վ.ՄԵԼԻՔՅԱՆ