ԵԴ1/3548/01/24

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

18 դեկտեմբերի 2024 թվական ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև՝ Դատարան),

Նախագահությամբ՝ դատավոր Մ.Մելքոնյանի,
քարտուղարությամբ` Ա.Մանասյանի,
մասնակցությամբ`
մեղադրող Վ.Եդիգարյանի,
մեղադրյալ Գ.Խնոևի,

Դռնբաց դատական նիստում հատուկ արագացված կարգի կիրառմամբ քննության առնելով քրեական գործն ըստ մեղադրանքի` Գարիկ Գեղամովիչ Խնոևի (ծնված` 23.09.1983թ.-ին ՀՀ-ում, ազգությամբ հայ, ՀՀ քաղաքացի, նախկինում դատված, ամուսնացած, հաշվառված և բնակվում է Կոտայքի մարզի Արզնի 3-րդ փողոց 14 տանը)
ՀՀ քրեական օրենսգրքի 344-րդ հոդվածի 1-ին մասով.

Պ Ա Ր Զ Ե Ց

1․ Քրեական գործի դատավարական նախապատմությունը․
1․1․ 2023 թվականի հոկտեմբերի 19-ին ՀՀ ՔԿ ԵՔՔՎ ՃՏՀ քննության բաժնի քննիչ Վ.Գրիգորյանը կազմել է արձանագրություն ՀՀ քրեական օրենսգրքի 344-րդ հոդվածի 1-ին մասով թիվ 60-0339-23 քրեական վարույթը նախաձեռնելու մասին:
1.2. 2024 թվականի օգոստոսի 06-ին թիվ 60033923 քրեական վարույթի նախաքննությունը փոխանցվել է ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժին:
1.3. 2024 թվականի հոկտեմբերի 15-ին ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնի պետի տեղակալ Ռ.Մախմուդյանը որոշում է կայացրել թիվ 60033923 քրեական վարույթով ՀՀ ոստիկանության պարեկային ծառայության 2023 թվականի մարտի 25-ի վարչական իրավախախտման վերաբերյալ գործով արձանագրությունը և թիվ 8180248791 որոշումը, ՀՀ ոստիկանության պարեկային ծառայության 2022 թվականի սեպտեմբերի 19-ի վարչական իրավախախտման վերաբերյալ գործով արձանագրությունը և թիվ 8180158018 որոշումը, ճանապարհային ոստիկանության էլեկտրոնային ռեգիստրի ՌՋ261223 տվյալները որպես արտավարութային փաստաթուղթ ապացույց ճանաչելու մասին:
1.4. 2024 թվականի նոյեմբերի 13-ին թիվ 60033923 քրեական վարույթի նախաքննությունը հանձնարարվել է ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնի ՀԿԳ քննիչ Մարետա Միսակյանին:
1.5. 2024 թվականի նոյեմբերի 26-ին ՀՀ դատախազության Երևան քաղաքի Էրեբունի և Նուբարաշեն վարչական շրջանների դատախազության դատախազ Վ.Եդիգարյանը որոշում է կայացրել թիվ 60033923 քրեական վարույթով Գարիկ Գեղամովիչ Խնոևի նկատմամբ ՀՀ քրեական օրենսգրքի 344-րդ հոդվածի 1-ին մասով հանրային քրեական հետապնդում հարուցելու մասին:
1.6. 2024 թվականի նոյեմբերի 27-ին ՀՀ ՔԿ ԵՔՔՎ Էրեբունի և Նուբարաշեն վարչական շրջանների քննչական բաժնի ՀԿԳ քննիչ Մարետա Միսակյանը որոշում է կայացրել թիվ 60033923 քրեական վարույթով մեղադրյալ Գարիկ Գեղամովիչ Խնոևի նկատմամբ որպես խափանման միջոց բացակայելու արգելքը կիրառելու մասին:
1.7. 2024 թվականի դեկտեմբերի 03-ին թիվ 60033923 քրեական վարույթը, հաստատված մեղադրական եզրակացությամբ, ստացվել է Երևան քաղաքի առաջին ատյանի ընդհանուր իրավասության քրեական դատարանում, որը ստանալով թիվ ԵԴ1/3548/01/24 դատական համարը, մակագրվել և ստացվել է նույն դատարանի դատավոր Մասիս Մելքոնյանի աշխատակազմում:
1.8. 2024 թվականի դեկտեմբերի 04-ին Երևան քաղաքի առաջին ատյանի ընդհանուր իրավասության քրեական դատարանը, նախագահությամբ դատավոր Մասիս Մելքոնյանի, որոշում է կայացրել թիվ ԵԴ1/3548/01/24 քրեական գործը վարույթ ընդունելու և նախնական դատալսումներ անցկացնելու մասին:
1.9. 2024 թվականի դեկտեմբերի 18-ին Դատարանը թիվ ԵԴ1/3548/01/24 քրեական գործով մեղադրյալ Գարիկ Գեղամովիչ Խնոևի նկատմամբ ՀՀ քրեական օրենսգրքի 344-րդ հոդվածի 1-ին մասով կայացրել է մեղադրական վեդիկտ։
2. Մեղադրանքի փաստական նկարագրությունը.
2024 թվականի նոյեմբերի 26-ին ՀՀ դատախազության Երևան քաղաքի Էրեբունի և Նուբարաշեն վարչական շրջանների դատախազության դատախազ Վ.Եդիգարյանը որոշում է կայացրել թիվ 60033923 քրեական վարույթով Գարիկ Գեղամովիչ Խնոևի նկատմամբ ՀՀ քրեական օրենսգրքի 344-րդ հոդվածի 1-ին մասով հանրային քրեական հետապնդում հարուցելու մասին այն հանցանքի կատարման համար, որ նա, զրկված լինելով տրանսպորտային միջոց վարելու իրավունքից և պատշաճ տեղեկացված լինելով այդ մասին, վարել է տրանսպորտային միջոց:
Այսպես. Գարիկ Գեղամովիչ Խնոևը, թիվ 8180158018 որոշմամբ 19.09.2022թ-ից մինչև 19.09.2023թ. զրկված լինելով տրանսպորտային միջոց վարելու իրավունքից և տեղեկացված լինելով սույն որոշման մասին, 2023 թվականի մարտի 25-ին՝ ժամը 13:40-ին Երևան քաղաքի Նոր Արեշ 15 փողոցում վարել է «ՎԱԶ» մակնիշի 35 662 հաշվառման համարանիշի ավտոմեքենան, ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180248791 արձանագրությունը:
3.Դատաքննության ընթացքում հետազոտված թույլատրելի ապացույցները.
2024 թվականի դեկտեմբերի 18-ին տեղի ունեցած դատական նիստում մեղադրյալ Գարիկ Խնոևը, օգտվելով իր իրավունքից, հրաժարվել է ցուցմունք տալուց:
Դատարանը, հաշվի առնելով այն հանգամանքը, որ մեղադրյալ Գարիկ Խնոևը, օգտվելով իր իրավունքից, հրաժարվել է ցուցմունք տալուց և հարցերին պատասխանելուց, որոշում է կայացրել հրապարակել մեղադրյալ Գարիկ Խնոևի նախաքննական ցուցմունքները:
(Դատական նիստի արձանագրություն՝ 18.12.2024թ.)
2024 թվականի նոյեմբերի 27-ին որպես մեղադրյալ հարցաքննվելիս Գարիկ Խնոևը ցուցմունք է տվել այն մասին, որ առաջադրված մեղադրանքում իրեն ամբողջությամբ մեղավոր է ճանաչում, քանի որ տեղյակ է եղել, որ զրկված է տրանսպորտային միջոցը վարելու իրավունքից, բայց վարել է, քանի որ անհրաժեշտ է եղել, զղջում է իր կատարած արարքի համար, նախաքննության ավարտի մասին չի ցանկանում տեղեկանալ, նյութերին ևս չի ցանկանում ծանոթանալ, ավելացնելու ոչինչ չունի:
(Հատոր 1, Գ.Թ. 29-30)
Զննություն կատարելու մասին արձանագրության համաձայն՝ զննության է ենթարկվել ՀՀ ոստիկանության պարեկային ծառայության 2023 թվականի մարտի 25-ի վարչական իրավախախտման վերաբերյալ գործով արձանագրությունը և թիվ 8180248791 որոշումը, ՀՀ ոստիկանության պարեկային ծառայության 2022 թվականի սեպտեմբերի 19-ի վարչական իրավախախտման վերաբերյալ գործով արձանագրությունը և թիվ 8180158018 որոշումը, ճանապարհային ոստիկանության էլեկտրոնային ռեգիստրի ՌՋ261223 տվյալները, համաձայն որի՝ ՀՀ ոստիկանության Պարեկային ծառայության 2023 թվականի մարտի 25-ի վարչական իրավախախտման վերաբերյալ գործով արձանագրության և թիվ 8180248791 որոշման զննությամբ պարզվել է, որ ՀՀ ոստիկանության պարեկային ծառայության 2-րդ գումարտակի, 2-րդ վաշտի կրտսեր պարեկ Արեգ Արտեմի Ղամբարյանը (06467) 2023 թվականի մարտի 25-ին, ժամը՝ 13:55-ին կազմել է արձանագրություն այն մասին, որ քաղաքացի Գարիկ Գեղամովիչ Խնոևը (ծնված՝ 23.09.1983 թվական, բնակվող՝ Կոտայք Արզնի 3 փողոց 14 տուն, հեռ՝ 098-86-06-06 ) ժամը՝ 13:40-ին Երևան քաղաքի Նոր Արեշի 15 փողոցում «Վազ» մակնիշի 35 UF 662 հաշվառման համարանիշի տրանսպորտային միջոցը վարել է տրանսպորտային միջոցներ վարելու իրավունքից զրկված վիճակում: Տրանսպորտային միջոցը ի պահ է հանձնվել Հրանտ Գագիկի Եղիազարյանին MB921785: Վարչական իրավախախտում կատարած անձի բացատրությունը, դիտողությունը, ստորագրությունը բաժնում առկա է ստորագրություն: Իրավունքների և պարտականությունների մասին քաղվածքի և խախտման քննարկման վայրի և ժամանակի վերաբերյալ ծանուցման ստացման բաժնում առկա է ստորագրություն և Խնոև ազգանունը: Խախտման ծածկագիրն է՝ 20101:
ՀՀ ոստիկանության Պարեկային ծառայության 2022 թվականի սեպտեմբերի 19-ի վարչական իրավախախտման վերաբերյալ գործով արձանագրության և թիվ 880158018 որոշման զննությամբ պարզվել է, որ ՀՀ ոստիկանության պարեկային ծառայության ԵՔԳ 1-ին գումարտակի, 3-րդ վաշտի պարեկ Էմիլ Ալբերտի Իսկանդարյանը (05648) 2022 թվականի սեպտեմբերի 19-ին, ժամը՝ 06:00-ին կազմել է արձանագրություն այն մասին, որ քաղաքացի Գարիկ Գեղամովիչ Խնոևը (ծնված՝ 23.09.1983 թվական, բնակվող՝ Կոտայք Արզնի 3 փողոց 14 տուն, հեռ՝ 098-86-06-06) ժամը՝ 05:15-ին Երևան քաղաքի Մյասնիկյան պողոտայում «Վազ» մակնիշի 35 UF 662 հաշվառման համարանիշի տրանսպորտային միջոցը վարել է առանց հաշվառման համարանիշի: Վարչական իրավախախտում կատարած անձի բացատրությունը, դիտողությունը, ստորագրությունը բաժնում առկա է ստորագրություն և «համաձայն եմ» գրառումը: Իրավունքների և պարտականությունների մասին քաղվածքի և խախտման քննարկման վայրի և ժամանակի վերաբերյալ ծանուցման ստացման բաժնում առկա է ստորագրություն և Խնոև ազգանունը: Խախտման ծածկագիրն է՝ 15: Թիվ 3180158018 որոշմամբ Գարիկ Խնոևը զրկվել է տրանսպորտային միջոցներ վարելու իրավունքից՝ մեկ տարի ժամկետով:
Ճանապարհային ոստիկանության էլեկտրոնային ռեգիստրի RJ261223 տվյալների զննությամբ պարզվել է, որ վարորդական վկայականի կարգերն են՝ B (00-00-0000), (00-00-0000), կարգավիճակը՝ զրկված, թողարկված՝ 27-12-2016, կասեցումներ չեն գտնվել, զրկումների սկիզբը՝ 19-09-2022, զրկումների ավարտը՝ 19-09-2023:
(Հատոր 1, Գ.Թ. 12-13)
Արտավարութային փաստաթուղթ ապացույց ճանաչելու մասին որոշման համաձայն որպես արտավարութային փաստաթուղթ ապացույց է ճանաչվել ՀՀ ոստիկանության պարեկային ծառայության 2023 թվականի մարտի 25-ի վարչական իրավախախտման վերաբերյալ գործով արձանագրությունը և թիվ 8180248791 որոշումը, ՀՀ ոստիկանության պարեկային ծառայության 2022 թվականի սեպտեմբերի 19-ի վարչական իրավախախտման վերաբերյալ գործով արձանագրությունը և թիվ 8180158018 որոշումը, ճանապարհային ոստիկանության էլեկտրոնային ռեգիստրի ՌՋ261223 տվյալները:
(Հատոր 1, Գ.Թ. 14-15)
4.Դատարանի իրավական վերլուծությունները.
4.1. Վերլուծելով մեղադրյալ Գարիկ Գեղամովիչ Խնոևին ներկայացված մեղադրանքը և հիմնվելով հետազոտված թույլատրելի ապացույցների վրա` Դատարանը գտնում է, որ.
• ապացուցված է մեղադրյալ Գարիկ Գեղամովիչ Խնոևին վերագրվող փաստական հանգամանքները, մասնավորապես՝ մեղադրյալ Գարիկ Գեղամովիչ Խնոևի կողմից տրանսպորտային միջոցներ վարելու իրավունքից զրկված լինելով կրկին տրանսպորտային միջոց վարելու փաստը.
• ապացուցված է վերոգրյալ արարքի քրեական հակաիրավականությունը, որը նախատեսված է 2021 թվականի մայիսի 05-ին ընդունված ՀՀ քրեական օրենսգրքի 344-րդ հոդվածի 1-ին մասով.
• ապացուցված է մեղադրյալ Գարիկ Գեղամովիչ Խնոևի կողմից 2021 թվականի մայիսի 05-ին ընդունված ՀՀ քրեական օրենսգրքի 344-րդ հոդվածի 1-ին մասով նախատեսված վերոգրյալ արարքները կատարելը.
• ապացուցված է մեղադրյալ Գարիկ Գեղամովիչ Խնոևի մեղավորությունը 2021 թվականի մայիսի 05-ին ընդունված ՀՀ քրեական օրենսգրքի 344-րդ հոդվածի 1-ին մասով նախատեսված արարքները կատարելու մեջ:
4.2. Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
4.3. ՀՀ Սահմանադրության 71-րդ հոդվածի համաձայն՝ 1. Հանցանք կատարած անձի պատժի հիմքը նրա մեղքն է: 2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին:
4.4. ՀՀ քրեական օրենսգրքի 7-րդ հոդվածի 1-ին մասի համաձայն`
Հանցանք կատարած անձին քրեական պատասխանատվության «պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին հանցավորի անձնավորությանը:
4.5. ՀՀ քրեական օրենսգրքի 55-րդ հոդվածի 2-րդ մասի համաձայն՝
1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ: 2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:
4.6. ՀՀ քրեական օրենսգրքի 69-րդ հոդվածի համաձայն`
Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները: 2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները: 4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ: Պատիժ նշանակելը քրեական գործով արդարադատության իրականացման վճռական պահն է, որը պետք է դառնա կատարված հանցանքի հասարակական վտանգավորության գնահատման լիարժեք չափանիշ, պատժի ենթարկվող անձին վերասոցիալականացնելու, ինչպես մեղադրյալի, այնպես էլ այլ անձանց կողմից հանցագործությունները կանխելու գործուն միջոց: Արդարության և պատասխանատվության անհատականացման սկզբունքը պատժի տեսակը և չափը որոշելու բազմաթիվ դրույթների ու չափանիշների հետ մեկտեղ անխզելիորեն կապված է պատասխանատվությունը և պատիժը մեղմացնող ու ծանրացնող հանգամանքները հետազոտելու և հաշվի առնելու հետ: ՀՀ քրեական դատավարության օրենսգրքի 102-րդ հոդվածում թվարկված են յուրաքանչյուր քրեական գործով ապացուցման ենթակա փաստական հանգամանքները: Այդ հոդվածի 5-րդ կետի համաձայն՝ քրեական օրենքով նախատեսված պատասխանատվությունը մեղմացնող կամ խստացնող հանգամանքները հաստատվում են միայն ապացույցների հիման վրա: Ընդ որում, անձի պատասխանատվությունը և պատիժը մեղմացնող ու ծանրացնող հանգամանքների գնահատումը յուրաքանչյուր կոնկրետ գործով պատիժ նշանակելիս հնարավորություն է տալիս դատարանին պատկերացում կազմել հանցանքի հանրության համար վտանգավորության աստիճանի, բնույթի, ինչպես նաև հանցավորի անձնավորության մասին և յուրաքանչյուր կոնկրետ գործով անհատականացնել պատիժը: Պատժի անհատականացման կարևորությունն այն է, որ դա լուրջ երաշխիք է ՀՀ քրեական օրենսգրքի 55-րդ հոդվածի 2-րդ մասով սահմանված պատժի նպատակների իրականացման համար:
4.7. Վերոհիշյալ իրավադրույթների և ՀՀ վճռաբեկ դատարանի որոշումների համատեքստում, ուսումնասիրելով մեղադրյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մեղադրյալ Գարիկ Գեղամովիչ Խնոևի նկատմամբ, նրա կատարած հանցանքի համար պատիժ նշանակելիս` Դատարանը հաշվի է առնում հանցանքի բնույթն ու հանրության համար վտանգավորության աստիճանը, հանցավորի անձը բնութագրող հանգամանքները, այն, որ նա դատվածություն չունի:
4.8. Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, որպես մեղադրյալի պատասխանատվությունը և պատիժը մեղմացնող հանգամանք, հաշվի է առնում այն, որ նա ներկայացված մեղադրանքում իրեն լիովին մեղավոր է ճանաչել և տվել է խոստովանական ցուցմունք:
Մեղադրյալի պատասխանատվությունն ու պատիժը ծանրացնող հանգամանքներ Դատարանը չի արձանագրում:
4.9. Դատարանը, քննարկելով մեղադրյալ Գարիկ Գեղամովիչ Խնոևի նկատմամբ պատժի նշանակման հարցը, գտնում է, որ մեղադրյալ Գարիկ Գեղամովիչ Խնոևի նկատմամբ անհրաժեշտ է տուգանքի չափ նշանակել նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով, որով կապահովվի ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը, ավելին՝ այն անհրաժեշտ և բավարար է սոցիալական արդարությունը վերականգնելու, պատժի ենթարկված անձին վերասոցիալականացնելու և հանցագործությունները կանխելու համար: Միաժամանակ Դատարանը գտնում է, որ մեղադրյալ Գարիկ Գեղամովիչ Խնոևի նկատմամբ սույն դատավճռով նշանակված պատժին դատավճիռների համակցությամբ պետք է մասնակի գումարել թիվ ԿԴ/0734/01/23 քրեական գործով ՀՀ Կոտայքի մարզի առաջին ատյանի ընդհանուր իրավասության դատարանի 2024 թվականի մարտի 21-ի դատավճռով Գ․Խնոևի նկատմամբ նշանակված 910.000 ՀՀ դրամ տուգանքից և Գարիկ Գեղամովիչ Խնոևի նկատմամբ որպես վերջնական պատիժ նշանակել տուգանք՝ 1.100.000 (մեկ միլիոն հարյուր հազար) ՀՀ դրամի չափով: Միևնույն ժամանակ, հաշվի առնելով մեղադրյալի գույքային դրությունը՝ դատարանը գտնում է, Գարիկ Գեղամովիչ Խնոևի նկատմամբ նշանակված տուգանքի` 1.100.000 (մեկ միլիոն հարյուր հազար) ՀՀ դրամ գումարի վճարումը պետք է տարաժամկետել, դրա վճարման ժամկետ սահմանել 12 (տասներկու) ամիս:
4.10. ՀՀ քրեական դատավարության 348-րդ հոդվածի համաձայն դատավճռում պետք է շարադրվեն նաև հետևյալ հարցերի պատասխանները.
• գույքային հայցը ենթակա է արդյոք բավարարման, ում օգտին և ինչ չափով, ինչպես նաև պատճառված գույքային վնասը ենթակա է արդյոք հատուցման, եթե գույքային հայց չի հարուցվել.
• որ գույքն է ենթակա բռնագրավման, ինչ չափով և ինչպիսի հիմքով,
վերացվելու է արդյոք կիրառված գույքի արգելադրումը, իսկ եթե այդպիսին կիրառված չէ, ապա ենթակա է արդյոք կիրառման,
• ինչպես պետք է պահպանվեն և տնօրինվեն ապացույցները,
• դատապարտված մեղադրյալի նկատմամբ վերացվելու, փոխվելու կամ կիրառվելու է արդյոք որևէ խափանման միջոց.
• ում վրա և ինչ չափով պետք է դրվեն վարութային ծախսերը։
4.11. Քննարկելով մեղադրյալի նկատմամբ ընտրված խափանման միջոցի հարցը՝ Դատարանը գտնում է, որ վերջինիս նկատմամբ որպես խափանման միջոց ընտրված բացակայելու արգելքը, պետք է թողնել անփոփոխ մինչև դատավճռի օրինական ուժի մեջ մտնելը, իսկ դրանից հետո՝ վերացնել:
4.12. Նկատի ունենալով, որ սույն քրեական գործով գույքային հայց, գույք բռնագրավելու անհրաժեշտություն, արգելադրված գույք, վարույթային ծախսերի վերաբերյալ հարցեր առկա չեն, Դատարանը այդ հարցերին չի անդրադառնում:
4.13. Քննարկելով որպես արտավարութային փաստաթուղթ ապացույց ճանաչված ՀՀ ոստիկանության պարեկային ծառայության 2023 թվականի մարտի 25-ի վարչական իրավախախտման վերաբերյալ գործով արձանագրության և թիվ 8180248791 որոշման, ՀՀ ոստիկանության պարեկային ծառայության 2022 թվականի սեպտեմբերի 19-ի վարչական իրավախախտման վերաբերյալ գործով արձանագրության և թիվ 8180158018 որոշման, ճանապարհային ոստիկանության էլեկտրոնային ռեգիստրի ՌՋ261223 տվյալների պահպանության հարցը՝ Դատարանը գտնում է, որ դատավճիռն օրինական ուժի մեջ մտնելուց հետո դրանք պետք է թողնել կցված քրեական գործի նյութերի հետ:
Ելնելով վերոգրյալից և ղեկավարվելով Հայաստանի Հանրապետության քրեական դատավարության օրենսգրքի 30-31-րդ, 100-րդ, 167-րդ, 347-350-րդ, 352-353-րդ, 364-րդ հոդվածներով, Դատարանը`

Վ Ճ Ռ Ե Ց

1. Մեղադրյալ Գարիկ Գեղամովիչ Խնոևին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված արարք կատարելու համար:
2. ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության կատարման համար Գարիկ Գեղամովիչ Խնոևի նկատմամբ պատիժ նշանակել տուգանք՝ նվազագույն աշխատավարձի վեցապատիկի չափով՝ 450.000 /չորս հարյուր հիսուն հազար/ ՀՀ դրամի չափով:
3. ՀՀ Կոտայքի մարզի առաջին ատյանի ընդհանուր իրավասության դատարանի ԿԴ/0734/01/23 քրեական գործով 2024 թվականի մարտի 21-ի դատավճռով Գ․Խնոևի նկատմամբ նշանակված 910.000 ՀՀ դրամ տուգանքին ՝ ՀՀ քրեական օրենսգրքի 75-րդ հոդվածով դատավճիռների համակցությամբ և պատիժների մասնավոր գումարման սկզբունքով Գարիկ Գեղամովիչ Խնոևի նկատմամբ որպես վերջնական պատիժ նշանակել տուգանք՝ 1.100.000 (մեկ միլիոն հարյուր հազար) ՀՀ դրամի չափով:
4. Գարիկ Գեղամովիչ Խնոևին թույլատրել դատավճռով նշանակված 1.100.000 (մեկ միլիոն) ՀՀ դրամի չափով տուգանքը վճարել մաս առ մաս՝ 12 (տասներկու) ամիս ժամկետում:
5. Գարիկ Գեղամովիչ Խնոևի նկատմամբ որպես խափանման միջոց ընտրված բացակայելու արգելքը թողնել անփոփոխ մինչև սույն դատավճռի օրինական ուժի մեջ մտնելը:
6. Դատավճիռն օրինական ուժի մեջ մտնելուց հետո արտավարութային փաստաթուղթ ճանաչված ապացույցները թողնել կցված քրեական գործի նյութերին:
7. Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալուց հետո մեկամսյա ժամկետում:

ԴԱՏԱՎՈՐ ՄԱՍԻՍ ՄԵԼՔՈՆՅԱՆ