ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

Գործ թիվ ԵԴ1/3533/01/24

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆԸ
Նախագահությամբ՝ դատավոր Դավիթ Արղամանյանի,
քարտուղարությամբ՝ Դավիթ Հակոբյանի,

մասնակցությամբ՝

հանրային մեղադրող՝ Արտակ Հովհաննիսյանի,
մեղադրյալ՝ Մարգար Պողոսյանի,

2025թ. մայիսի 8 ք.Երևան,

դռնբաց դատական նիստում քննելով քրեական վարույթն ըստ մեղադրանքի
Մարգար Արմենի Պողոսյանի
(ծնված՝ 19.06.1996թ., Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին՝ երեք անչափահաս երեխա, նախկինում չդատված, չի աշխատում, հաշվառված՝ Երևան քաղաքի Նուբարաշեն 11-րդ փողոցի 16-րդ շենքի բնակարան 29 հասցեում, բնակվող՝ Երևան քաղաքի Նուբարաշեն Բ4 թաղամասի 10-րդ հողակտոր հասցեում)
ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով՝



ՊԱՐԶԵՑ
1. Գործի դատավարական նախապատմությունը.
1. 2024 թվականի հուլիսի 16-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60-2695-24 քրեական վարույթը (այսուհետ նաև՝ քրեական վարույթ)։
2. 2024 թվականի հուլիսի 20-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60-2765-24 քրեական վարույթը։
3. ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Հրայր Ստեփանյանի 2024 թվականի հուլիսի 26-ի որոշմամբ թիվ 60-2695-24 և 60-2765-24 քրեական վարույթները միացվել են մեկ վարույթում և նախաքննությունը շարունակվել է 60-2695-24 համարի ներքո։
4. Երևան քաղաքի Էրեբունի և Նուբարաշեն վարչական շրջանների դատախազության դատախազ Արտակ Հովհաննիսյանի 2024 թվականի նոյեմբերի 28-ի որոշմամբ թիվ 60-2695-24 քրեական վարույթով Մարգար Արմենի Պողոսյանի նկատմամբ ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով հարուցվել է հանրային քրեական հետապնդում։
5. 2024 թվականի նոյեմբերի 28-ի որոշմամբ Մարգար Արմենի Պողոսյանի նկատմամբ որպես խափանման միջոց է կիրառվել բացակայելու արգելքը։
6. 2024 թվականի դեկտեմբերի 2-ին Երևան քաղաքի Էրեբունի և Նուբարաշեն վարչական շրջանների դատախազությունից՝ հաստատված մեղադրական եզրակացությամբ, Երևան քաղաքի առաջին ատյանի ընդհանուր իրավասության քրեական դատարան է ստացվել թիվ 60-2695-24 քրեական վարույթը, քրեական գործին շնորհվել է ԵԴ1/3533/01/24 համարը։
7. 2024 թվականի դեկտեմբերի 3-ին Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև՝ Դատարան) որոշում է կայացրել թիվ ԵԴ1/3533/01/24 քրեական գործով վարույթ ստանձնելու և նախնական դատալսումներ նշանակելու մասին։
8․ 2024 թվականի դեկտեմբերի 17-ի Դատարանի որոշմամբ Մարգար Արմենի Պողոսյանի նկատմամբ կիրառված «բացակայելու արգելք» այլընտրանքային խափանման միջոցը թողնվել է անփոփոխ։
9․ Նույն օրը Մարգար Արմենի Պողոսյանի նկատմամբ կայացվել է մեղադրական վերդիկտ, համաձայն որի՝ Մարգար Արմենի Պողոսյանի մեղավոր է ճանաչվել ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործությունների կատարման մեջ։
2. Մեղադրանքի փաստական նկարագրությունը.
Մարգար Արմենի Պողոսյանի նկատմամբ հարուցվել է հանրային քրեական հետապնդում ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով՝ այն արարքների համար, որ նա՝ «(...) չունենալով տրանսպորտային միջոցներ վարելու իրավունք, հարբած (ոչ սթափ) վիճակում վարել է տրանսպորտային միջոց:
Այսպես.
Մարգար Արմենի Պողոսյանը, չունենալով տրանսպորտային միջոցներ վարելու իրավունք, այն է՝ օրենքով սահմանված կարգով մեկ տարի ժամկետով՝ 2022 թվականի հուլիսի 18-ից մինչև 2023 թվականի հուլիսի 18-ը, զրկված լինելով տրանսպորտային միջոցներ վարելու իրավունքից և զրկման ժամկետը լրանալուց հետո սահմանված կարգով տրանսպորտային միջոցներ վարելու իրավունքը վերականգնած չլինելով, հարբած (ոչ սթափ) վիճակում՝ մեկ լիտր արտաշնչած օդի մեջ 0.258 միլիգրամ ալկոհոլի պարունակությամբ, 2024 թվականի մայիսի 30-ին՝ ժամը 02:15-ին, Երևան քաղաքի Այվազովսկի և Արցախի փողոցների խաչմերուկում վարել է «Մազդա» մակնիշի 37 XR 256 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայողը կազմել է վարչական իրավախախտման վերաբերյալ թիվ 8180407204 արձանագրությունը:
Այսինքն՝ Մարգար Արմենի Պողոսյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցավոր արարքի կատարում:
Բացի այդ, Մարգար Արմենի Պողոսյանը, չունենալով տրանսպորտային միջոցներ վարելու իրավունք, այն է՝ օրենքով սահմանված կարգով մեկ տարի ժամկետով՝ 2022 թվականի հուլիսի 18-ից մինչև 2023 թվականի հուլիսի 18-ը, զրկված լինելով տրանսպորտային միջոցներ վարելու իրավունքից և զրկման ժամկետը լրանալուց հետո սահմանված կարգով տրանսպորտային միջոցներ վարելու իրավունքը վերականգնած չլինելով, հարբած (ոչ սթափ) վիճակում՝ մեկ լիտր արտաշնչած օդի մեջ 0.685 միլիգրամ ալկոհոլի պարունակությամբ, 2024 թվականի հունիսի 16-ին՝ ժամը 03:05-ին, Երևան քաղաքի Նուբարաշեն փողոցում վարել է «Տոյոտա» մակնիշի 11 NU 101 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայողը կազմել է վարչական իրավախախտման վերաբերյալ թիվ 8180412142 արձանագրությունը:
Այսինքն՝ Մարգար Արմենի Պողոսյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով նախատեսված հանցավոր արարքի կատարում:
Այսպիսով՝ Մարգար Արմենի Պողոսյանին մեղսագրվում է ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով նախատեսված հանցավոր արարքի կատարում:
(...)»
3.1. Հիմնական դատալսումների ընթացքում հետազոտված թույլատրելի ապացույցները.
- վարչական իրավախախտման վերաբերյալ թիվ 8180407204 արձանագրությունը և որոշումը, համաձայն որոնց՝ ՀՀ ոստիկանության պարեկային ծառայության 4-րդ գումարտակի, 2-րդ վաշտի պարեկ Ռաֆիկ Պռազյանը (06541) 2024 թվականի մայիսի 30-ին, ժամը՝ 02:28-ին կազմել է արձանագրություն այն մասին, որ քաղաքացի Մարգար Արմենի Պողոսյանը (ծնված՝ 19.06.1996թ., բնակվող՝ ք.Երևան Նուբարաշեն 11-րղ փողոց 16-րղ շենք 29-րդ բնակարան) չունենալով տրանսպորտային միջոցներ վարելու իրավունք ժամը՝ 02:15-ին Երևան քաղաքի Այվազովսկի փողոցի և Արցախի պողոտայի խաչմերուկում ոչ սթափ վիճակում վարել է «Մազդա» մակնիշի 37 XR 256 հաշվառման համարանիշի տրանսպորտային միջոցը՝ չունենալով տվյալ կարգի տրանսպորտային միջոցներ վարելու իրավունք: Վարչական իրավախախտում կատարած անձի բացատրության, դիտողության, ստորագրության բաժնում առկա է գրառում այն մասին, որ տվյալ անձը հրաժարվում է բացատրություն տալուց և ստորագրելուց: Առկա է նաև ստորագրություն Պռազյանի կողմից: Իրավունքների և պարտականությունների մասին քաղվածքի և խախտման քննարկման վայրի ու ժամանակի վերաբերյալ ծանուցման բաժնում առկա է ստորագրություն Պռազյանի կողմից և գրառում այն մասին, որ իրավախախտում կատարած անձը հրաժարվում է ստորագրելուց: Խախտման ծածկագիրն է՝ 203.5 (հատոր 1, վ/թ 3),
- Մարգար Պողոսյանի սթափության կտրոնը, համաձայն որի՝ սարքի համարն է՝ 91100888, զննման համարը՝ 01702, զննման ամսաթիվը՝ 30.07.2024թ., զննման ժամը՝ 02:20:58, ալկոհոլի պարունակությունը՝ 0,258մգ/լ, վարորդի անունը՝ Մարգար, ազգանունը՝ Պողոսյան, տրանսպորտային միջոցի համարանիշը՝ 37XR256, պարեկային ծառայողի ազգանունը՝ Բադալյան, կրծքանշանի համարը՝ 07137 (հատոր 1, վ/թ 9),
- ստուգաչափման թիվ 120916 վկայականը, համաձայն որի՝ ստուգաչափման թվականն է՝ 08.04.2023թ., ուժի մեջ է մինչև՝ 08.04.2024թ.: Չափման միջոցի անվանումը՝ ալկոտեստեր, գործարանային համարը՝ 91100888, տեսակը «Jupiter X/RP», չափման տիրույթը՝ 0,000-2,000 մգ/լ (հատոր 1, վ/թ 7),
- ճանապարհային ոստիկանության էլեկտրոնային ռեգիստրի տվյալները, համաձայն որոնց՝ Մարգար Արմենի Պողոսյանի տվյալների որոնման արդյունքում հայտնաբերվել է, որ Մարգար Արմենի Պողոսյանը 2022 թվականի հուլիսի 18-ին զրկվել է վարորդական վկայականից 1 տարի ժամկետով (հատոր 1, վ/թ 4),
- 2022 թվականի հուլիսի 18-ի վարչական իրավախախտման վերաբերյալ թիվ 8180151847 արձանագրությունը և որոշումը, համաձայն որոնց՝ ՀՀ ոստիկանության պարեկային ծառայության 4-րդ գումարտակի, 3-րդ վաշտի կրտսեր պարեկ Մինաս Մարգարյանը (05519), ժամը՝ 01:25-ին կազմել է արձանագրություն այն մասին, որ քաղաքացի Մարգար Արմենի Պողոսյանը (ծնված՝ 19.06.1996թ., բնակվող՝ քաղաք Երևան Նուբարաշեն 11-րդ փողոց 16-րդ շենք 29-րդ բնակարան) Երևան քաղաքի Նուբարաշեն խճուղում տրանսպորտային միջոցը վարել է ոչ սթափ վիճակում՝ 1 լիտր արտաշնչած օդի մեջ ալկոհոլի պարունակությունը գերազանցում է 0.5 մ/գրամը: Վարչական իրավախախտում կատարած անձի բացատրության, դիտողության, ստորագրության բաժնում առկա է «Համաձայն եմ» գրառումը և ստորագրություն: Իրավունքների և պարտականությունների մասին քաղվածքի և խախտման քննարկման վայրի ու ժամանակի վերաբերյալ ծանուցման բաժնում առկա է ստորագրություն: Խախտման ծածկագիրն է՝ 70,2: ՎԻՎ ՀՀ օրենսգրքի 126-րդ հոդվածի 2-րդ մասի համաձայն Մարգար Պողոսյանը զրկվել է տրանսպորտային միջոց վարելու իրավունքից: Պատճենի ստացման դաշտում առկա է ստորագրություն (հատոր 1, վ/թ 5, 19),
- Մարգար Պողոսյանի սթափության կտրոնը, համաձայն որի՝ սարքի համարն է՝ 93000578, զննման համարը՝ 00446, ամսաթիվը՝ 18.07.2022թ., ալկոհոլի պարունակությունը՝ 0,640մգ/լ, վարորդի անունը՝ Մարգար, ազգանունը՝ Պողոսյան, տրանսպորտային միջոցի համարանիշը՝ 05 GA 055, պարեկային ծառայողի ազգանունը՝ Մարգարյան, կրծքանշանի համարը՝ 05519 (հատոր 1, վ/թ 6, 20),
- ստուգաչափման թիվ 060011 վկայականը, համաձայն որի՝ ստուգաչափման թվականն է 17.11.2021թ., ուժի մեջ է մինչև՝ 17.11.2022թ., գործարանային համարը՝ 93000758, տեսակը «Jupiter X/RP», չափման տիրույթը՝ 0,000-1,200 մգ/լ (հատոր 1, վ/թ 8),
- վարչական իրավախախտման վերաբերյալ թիվ 8180412142 արձանագրությունը և որոշումը, համաձայն որոնց՝ ՀՀ ոստիկանության պարեկային ծառայության 3-րդ գումարտակի, 3-րդ վաշտի կրտսեր պարեկ Սիմոն Հակոբյանը (11604), ժամը՝ 03:35-ին կազմել է արձանագրություն այն մասին, որ քաղաքացի Մարգար Արմենի Պողոսյանը (ծնված՝ 19.06.1996թ., բնակվող՝ քաղաք Երևան Նուբարաշեն 11-րդ փողոց 16-րդ շենք 29-րդ բնակարան) Երևան քաղաքի Նուբարաշեն փողոցում տրանսպորտային միջոցը վարել է ոչ սթափ վիճակում՝ 1 լիտր արտաշնչած օդի մեջ ալկոհոլի պարունակությունը 0,685 մ/գրամը: Վարչական իրավախախտում կատարած անձի բացատրության, դիտողության, ստորագրության բաժնում առկա է ստորագրություն: Իրավունքների և պարտականությունների մասին քաղվածքի և խախտման քննարկման վայրի ու ժամանակի վերաբերյալ ծանուցման բաժնում առկա է ստորագրություն: Խախտման ծածկագիրն է՝ 2025 (հատոր 1, վ/թ 8),
- Մարգար Պողոսյանի սթափության կտրոնը, համաձայն որի՝ սարքի համարն է՝ 91100984, զննման համարը՝ 02589, ամսաթիվը՝ 16.06.2024, ալկոհոլի պարունակությունը՝ 0,685մգ/լ, վարորդի անունը՝ Մարգար, ազգանունը՝ Պողոսյան, տրանսպորտային միջոցի համարանիշը՝ 11 NU 101, պարեկային ծառայողի ազգանունը՝ Հակոբյան, կրծքանշանի համարը՝ 11604 (հատոր 1, վ/թ 23),
- ստուգաչափման թիվ 120882 վկայականը, համաձայն որի՝ ստուգաչափման թվականն է՝ 04.04.2024թ., ուժի մեջ է մինչև՝ 04.04.2025թ., գործարանային համարը՝ 91100984, տեսակը՝ «Jupiter X/RP», չափման տիրույթը՝ 0,000-2000մգ/լ (հատոր 1, վ/թ 21),
- վերոնշյալ փաստաթղթերը զննության ենթարկելու մասին 2024 թվականի նոյեմբերի 22-ի արձանագրությունը (հատոր 1, վ/թ 30-33),
- վերոնշյալ փաստաթղթերը որպես արտավարութային փաստաթուղթ ճանաչելու մասին 2024 թվականի նոյեմբերի 26-ի որոշումը (հատոր 1, վ/թ 34-35)։
3.2. Լրացուցիչ դատալսումների ընթացքում հետազոտված անհրաժեշտ ապացույցները.
- 2024 թվականի դեկտեմբերի 17-ին արտատպված Մարգար Արմենի Պողոսյանի ՔԿԱԳ տվյալների շտեմարանի քաղվածքը. առկա է՝ Հասմիկ Մարգարի Պողոսյանի (ծնված՝ 01.05.2022թ.) ծննդի պետական գրանցման մասին թիվ 11113 ակտը, Արմեն Մարգարի Պողոսյանի (ծնված՝ 20.07.2024թ.) ծննդի պետական գրանցման մասին թիվ 23944 ակտը, Սամվել Մարգարի Պողոսյանի (ծնված՝ 20.07.2024թ.) ծննդի պետական գրանցման մասին թիվ 23955 ակտը և հայրության ճանաչման պետական գրանցման մասին համապատասխանաբար թիվ 3213, 5080, 5078 ակտերը,
- 2024 թվականի դեկտեմբերի 17-ին արտատպված ձև 8 տեղեկանքը, համաձայն որի՝ Մարգար Արմենի Պողոսյանի վերաբերյալ առկա են թիվ 60656924, 60103423 քրեական վարույթները։ Թիվ 60656924 քրեական վարույթը ուղարկվել է Դատարան՝ դատապարտման կամ պատժի վերաբերյալ սակայն տեղեկություններ առկա չեն։ Թիվ 60103423 քրեական վարույթով Մարգար Արմենի Պողոսյանի նկատմամբ 13.02.2024թ. վերջնական պատիժ է նշանակվել հանրային աշխատանքներ՝ 160 ժամ տևողությամբ։
- 2024 թվականի դեկտեմբերի 17-ին արտատպված՝ Մարգար Պողոսյանի վերաբերյալ ՊԵԿ տվյալների շտեմարանի քաղվածքները, համաձայն որոնց՝ Մարգար Պողոսյանը 30.05.2023թ.-30.05.2024թ. ընկած ժամանակահատվածում ստացել է 3.683.734 ՀՀ դրամ աշխատավարձ, իսկ 16.06.2023թ.-16.06.2024թ. ընկած ժամանակահատվածում ստացել է 3.536.884 ՀՀ դրամ աշխատավարձ,
- ՀՀ ԱՆ պրոբացիայի ծառայության Երևանի քաղաքային մարմնի պետ Վահրամ Խալաթյանի գրությունները, համաձայն որոնց՝ Մարգար Պողոսյանի վերաբերյալ թիվ ԵԴ1/2228/01/23 դատավճռով նշանակված 160 ժամ տևողությամբ հանրային աշխատանքներ պատիճը 20.05.2024թ. փաստացի ի կատար է ածվել և վերջինս հանվել է հաշվառումից, իսկ ԵԴ1/0490/01/24 դատավճիռն առ 06.05.2025թ. ՀՀ ԱՆ պրոբացիայի ծառայության Երևանի քաղաքային մարմին չի ստացվել։
4. Դատարանի իրավական վերլուծությունները և եզրահանգումը.
4.1. Գնահատելով դատաքննության ընթացքում հետազոտված ապացույցների յուրաքանչյուրը վերաբերելիության, թույլատրելիության և հավաստիության տեսանկյունից՝ Դատարանն արձանագրում է, որ ապացույցների հետազոտման ընթացքում չեն արձանագրվել դրանց ձեռք բերման պատշաճ իրավական ընթացակարգի խախտումներ, ուստի հետազոտված ապացույցներից յուրաքանչյուրը թույլատրելի է։
Միևնույն ժամանակ Դատարանն արձանագրում է, որ հետազոտված ապացույցներից յուրաքանչյուրը պարունակում է տեղեկություններ գործի համար նշանակություն ունեցող փաստերի վերաբերյալ՝ հետևաբար հետազոտված ապացույցներից յուրաքանչյուրը բավարարում են ապացույցի վերաբերելիության պահանջին։
Դատարանն արձանագրում է, որ հետազոտված ապացույցներից ոչ մեկը չի պարունակում հակասական տվյալներ գործի փաստերի վերաբերյալ, ուստի դրանք գնահատվում են բավարար՝ հավաստիության տեսանկյունից։
4.2. Հիմնական դատալսումների ընթացքում պատշաճ իրավական ընթացակարգով հետազոտված ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով՝ Դատարանը հաստատված է համարում, որ Մարգար Արմենի Պողոսյանը, չունենալով տրանսպորտային միջոցներ վարելու իրավունք, այն է՝ օրենքով սահմանված կարգով մեկ տարի ժամկետով՝ 2022 թվականի հուլիսի 18-ից մինչև 2023 թվականի հուլիսի 18-ը, զրկված լինելով տրանսպորտային միջոցներ վարելու իրավունքից և զրկման ժամկետը լրանալուց հետո սահմանված կարգով տրանսպորտային միջոցներ վարելու իրավունքը վերականգնած չլինելով, հարբած (ոչ սթափ) վիճակում՝ մեկ լիտր արտաշնչած օդի մեջ 0.258 միլիգրամ ալկոհոլի պարունակությամբ, 2024 թվականի մայիսի 30-ին՝ ժամը 02:15-ին, Երևան քաղաքի Այվազովսկու և Արցախի փողոցների խաչմերուկում վարել է «Մազդա» մակնիշի 37 XR 256 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայողը կազմել է վարչական իրավախախտման վերաբերյալ թիվ 8180407204 արձանագրությունը: Բացի այդ, Մարգար Արմենի Պողոսյանը, չունենալով տրանսպորտային միջոցներ վարելու իրավունք, այն է՝ օրենքով սահմանված կարգով մեկ տարի ժամկետով՝ 2022 թվականի հուլիսի 18-ից մինչև 2023 թվականի հուլիսի 18-ը, զրկված լինելով տրանսպորտային միջոցներ վարելու իրավունքից և զրկման ժամկետը լրանալուց հետո սահմանված կարգով տրանսպորտային միջոցներ վարելու իրավունքը վերականգնած չլինելով, հարբած (ոչ սթափ) վիճակում՝ մեկ լիտր արտաշնչած օդի մեջ 0.685 միլիգրամ ալկոհոլի պարունակությամբ, 2024 թվականի հունիսի 16-ին՝ ժամը 03:05-ին, Երևան քաղաքի Նուբարաշեն փողոցում վարել է «Տոյոտա» մակնիշի 11 NU 101 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայողը կազմել է վարչական իրավախախտման վերաբերյալ թիվ 8180412142 արձանագրությունը:
Այսինքն՝ ապացուցված է Մարգար Արմենի Պողոսյանի կողմից մեղավորությամբ ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով նախատեսված հակաիրավական արարքների կատարումը։
ՀՀ քրեական օրենսգրքի 344-րդ հոդվածի 2-րդ մասի համաձայն՝
«2. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:»
Անդրադառնալով դատապարտված մեղադրյալի պատասխանատվությունը և պատիժը մեղմացնող հանգամանքներին՝ Դատարանն արձանագրում է, որ որպես քրեական պատասխանատվությունը կամ պատիժը մեղմացնող հանգամանք Դատարանը հաշվի է առնում մեղադրյալ խնամքին երեք անչափահաս երեխաների առկայության փաստը, ինչն ապացուցված է Հասմիկ Մարգարի Պողոսյանի (ծնված՝ 01.05.2022թ.) ծննդի պետական գրանցման մասին թիվ 11113 ակտով, Արմեն Մարգարի Պողոսյանի (ծնված՝ 20.07.2024թ.) ծննդի պետական գրանցման մասին թիվ 23944 ակտով, Սամվել Մարգարի Պողոսյանի (ծնված՝ 20.07.2024թ.) ծննդի պետական գրանցման մասին թիվ 23955 ակտով և հայրության ճանաչման պետական գրանցման մասին համապատասխանաբար թիվ 3213, 5080, 5078 ակտերով։ Այսպիսով՝ Դատարանն արձանագրում է, որ ապացուցված է մեղադրյալի խնամքին երեք անչափահաս երեխաների առկայությունը, այն է՝ ՀՀ քրեական օրենսգրքի 70-րդ հոդվածի 1-ին մասի 4-րդ կետը։
Անդրադառնալով դատապարտված մեղադրյալի պատասխանատվությունը և պատիժը ծանրացնող հանգամանքների հարցին՝ Դատարանն արձանագրում է, որ ՀՀ քրեական օրենսգրքի 71-րդ հոդվածով սահմանված հանգամանքներ առկա չեն։
Անդրադառնալով մեղադրյալ Մարգար Պողոսյանի անձը բնութագրող հանգամանքներին՝ Դատարանն արձանագրում է, որ Մարգար Պողոսյանն ընդունել է մեղքը, զղջացել է կատարածի համար։
Անդրադառնալով մեղադրյալի կողմից պատժի ենթակա լինելու հարցին՝ Դատարանն արձանագրում է, որ մեղադրյալ Մարգար Պողոսյանին քրեական պատասխանատվությունից, պատժից ազատելու հիմքեր առկա չեն, հետևաբար նա ենթակա է պատժի՝ իր կատարած հանցանքի համար։
Մեղադրյալ Մարգար Պողոսյանի նկատմամբ պատիժ նշանակելու հարցին անդրադառնալով՝ Դատարանն արձանագրում է հետևյալը.
ՀՀ քրեական օրենսգրքի 7-րդ հոդվածի 1-ին մասի համաձայն՝
«1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:»
Նույն օրենսգրքի 55-րդ հոդվածի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»
Նույն օրենսգրքի 69-րդ հոդվածի համաձայն՝
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
(…)»
Դատարանն արձանագրում է, որ ՀՀ քրեական օրենսգրքի 344-րդ հոդվածի 2-րդ մասով սահմանված պատժատեսակները չորս են՝ տուգանք, հանրային աշխատանքներ, կարճաժամկետ ազատազրկում և ազատազրկում։ Նկատի ունենալով, որ նշված հոդվածը հանդիսանում է ոչ մեծ ծանրության հանցանք, իսկ մեղադրյալը հանդիսանում է առաջին անգամ հանցանք կատարած անձ, հաշվի առնելով նաև կատարված արարքների հանրային վտանգավորությունն ու առաջացած հետևանքները, ինչպես նաև մեղադրյալի կողմից տուգանքը վճարելու անհնարինությունը և հանրային աշխատանքներ կատարելու վերաբերյալ համաձայնությունը՝ Դատարանը գտնում է, որ պատժի նպատակներին հնարավոր է հասնել հանրային աշխատանքներ պատժատեսակի կիրառմամբ։
ՀՀ քրեական օրենսգրքի 60-րդ հոդվածի համաձայն՝
«1. Հանրային աշխատանքները դատարանի նշանակած և իրավասու մարմնի որոշած վայրում չվարձատրվող, դատապարտյալի ուսումնառությունից կամ աշխատանքից ազատ ժամանակահատվածում նրա կողմից հանրության համար օգտակար այնպիսի աշխատանքների կատարումն է, որոնք չեն վտանգում նրա ֆիզիկական կամ հոգեկան առողջությունը։
2. Հանրային աշխատանքները դատապարտյալի համաձայնությամբ ոչ ավելի, քան օրական 4 ժամ տևողությամբ սահմանվում են ոչ մեծ և միջին ծանրության հանցագործությունների համար՝ 60-270 ժամ տևողությամբ:
(…)»
Այսպիսով, Դատարանը, հիմք ընդունելով մեղադրյալ Մարգար Պողոսյանի անձը բնութագրող տվյալները՝ դատվածություն չունենալը, պատասխանատվությունն ու պատիժը մեղմացնող հանգամանքների առկայությունը, ծանրացնող հանգամանքների բացակայությունը, նրա կողմից կատարված հանցավոր արարքների բնույթը, նշանակությունը և վտանգավորությունը՝ գտնում է, որ նրա նկատմամբ ՀՀ քրեական օրենսգրքի 344-րդ հոդվածի 2-րդ մասով պատիժ պետք է նշանակվի հանրային աշխատանքներ՝ 60 ժամ տևողությամբ, ՀՀ քրեական օրենսգրքի 344-րդ հոդվածի 2-րդ մասով՝ հանրային աշխատանքներ՝ 60 ժամ տևողությամբ, և նա պետք է կրի իր նկատմամբ նշանակված պատիժը։
ՀՀ քրեական օրենսգրքի 74-րդ հոդվածի 1-ին մասի համաձայն՝
«1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:»
Առաջնորդվելով ՀՀ քրեական օրենսգրքի 74-րդ հոդվածով՝ Դատարանը գտնում է, որ Մարգար Պողոսյանի նկատմամբ ՀՀ քրեական օրենսգրքի 344-րդ հոդվածի 2-րդ մասով նշանակված 60 ժամ տևողությամբ հանրային աշխատանքներ պատժին անհրաժեշտ է լրիվ գումարել ՀՀ քրեական օրենսգրքի 344-րդ հոդվածի 2-րդ մասով նշանակված 60 ժամ տևողությամբ հանրային աշխատանքներ պատիժը և մեղադրյալ Մարգար Պողոսյանի նկատմամբ վերջնական պատիժ է նշանակում հանրային աշխատանքներ՝ 120 ժամ տևողությամբ։
Նկատի ունենալով այն հանգամանքը, որ սույն քրեական վարույթով գույքային հայց, գույք բռնագրավելու անհրաժեշտություն, արգելադրված գույք առկա չէ՝ Դատարանն այդ հարցերին չի անդրադառնում:
Անդրադառնալով ապացույցների պահպանման և տնօրինման հարցին՝ Դատարանն արձանագրում է, որ դրանք ենթակա են պահման քրեական գործի հետ՝ այն պահելու ամբողջ ժամանակահատվածում:
Դատարանը գտնում է նաև, որ Մարգար Պողոսյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ` մինչև դատավճռի օրինական ուժի մեջ մտնելը, իսկ դատավճիռը օրինական ուժի մեջ մտնելուց հետո Մարգար Պողոսյանի վերաբերյալ ՀՀ միգրացիոն ծառայությունում և Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքները պետք է վերացնել:
Հաշվի առնելով, որ սույն գործով վարութային ծախսեր առկա չեն՝ Դատարանն այդ հարցին անդրադարձ չի կատարում։
Ելնելով վերոգրյալից և ղեկավարվելով ՀՀ քրեական օրենսգրքի 55-րդ, 59-րդ, 69-րդ, 70-րդ և ՀՀ քրեական դատավարության օրենսգրքի 31-րդ, 33-րդ, 347-349-րդ, 352-353-րդ, 364-րդ հոդվածներով՝ Դատարանը

ՎՃՌԵՑ
1. Մարգար Արմենի Պողոսյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով, ՀՀ քրեական օրենսգրքի 344-րդ հոդվածի 2-րդ մասով և՝
Մարգար Արմենի Պողոսյանի նկատմամբ ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման համար պատիժ նշանակել՝ հանրային աշխատանքներ՝ 60 (վաթսուն) ժամ տևողությամբ,
Մարգար Արմենի Պողոսյանի նկատմամբ ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման համար պատիժ նշանակել՝ հանրային աշխատանքներ՝ 60 (վաթսուն) ժամ տևողությամբ։
2. ՀՀ քրեական օրենսգրքի 74-րդ հոդվածով սահմանված կարգով մեղադրյալ Մարգար Արմենի Պողոսյանի նկատմամբ ՀՀ քրեական օրենսգրքի 344-րդ հոդվածի 2-րդ մասով նշանակված 60 (վաթսուն) ժամ տևողությամբ հանրային աշխատանքներ պատժին լրիվ գումարել ՀՀ քրեական օրենսգրքի 344-րդ հոդվածի 2-րդ մասով նշանակված 60 (վաթսուն) ժամ տևողությամբ հանրային աշխատանքներ պատիժը, և մեղադրյալ Մարգար Արմենի Պողոսյանի նկատմամբ վերջնական պատիժ նշանակել հանրային աշխատանքներ՝ 120 (հարյուր քսան) ժամ տևողությամբ։
3. Մարգար Արմենի Պողոսյանի պատժի կատարումը դնել ՀՀ արդարադատության նախարարության պրոբացիայի ծառայության վրա։
4. Ապացույցները պահել քրեական գործի հետ՝ այն պահելու ամբողջ ժամանակահատվածում:
5. Մարգար Արմենի Պողոսյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը, իսկ դրանից հետո՝ վերացնել:
6. Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո` մեկամսյա ժամկետում:


Դատավոր` Դավիթ Արղամանյան