Գործ ԵԴ1/3527/01/24




Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈւՆԻՑ
ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ

ՆԱԽԱԳԱՀՈՂ ԴԱՏԱՎՈՐ` Վ.Լ.ԳՐԻԳՈՐՅԱՆ
ՔԱՐՏՈՒՂԱՐՈՒԹՅԱՄԲ` Լ.ՊՐԱԶՅԱՆԻ,
Մասնակցությամբ`
ՀԱՆՐԱՅԻՆ ՄԵՂԱԴՐՈՂՆԵՐ` Ա.ԲԱԴԱԼՅԱՆԻ,
ՊԱՇՏՊԱՆ՝ Խ.ՄԿՐՏՉՅԱՆԻ,
ՄԵՂԱԴՐՅԱԼ` Վ.ՎԱՐԴԱՆՅԱՆԻ

2025 թվականի նոյեմբերի 26-ին Երևան քաղաքում` դռնբաց դատական նիստում, արագացված վարույթի կարգով քննության առնելով քրեական գործն ըստ մեղադրանքի`
Վրեժ Ցոլակի Վարդանյանի /ծնված 14.06.1980 թվականին, Երևան քաղաքում, ազգությամբ՝ հայ, ՀՀ քաղաքացի, ութամյա կրթությամբ, ամուսնացած, խնամքին թոշակառու մայրը, չի աշխատում, դատվածություն չունեցող, հաշվառված և բնակվող՝ Երևան քաղաքի Խաղաղ Դոնի 19 շենքի 194 բնակարան հասցեում/: Մեղադրվում է ՀՀ քրեական օրենսգրքի 44-396-րդ հոդվածի 1-ին մասով, սույն գործով անազատության մեջ է գտնվում 2025 թվականի հոկտեմբերի 22-ից:

Պ Ա Ր Զ Ե Ց

Գործի դատավարական նախապատմությունը.
2022 թվականի օգոստոսի 16-ին ՀՀ ՔԿ ԵՔՔՎ Շենգավիթ վարչական շրջանի քննչական բաժնի ՀԿԳ քննիչ Հ.Պողոսյանը կազմել է արձանագրություն՝ ՀՀ քրեական օրենսգրքի 393-րդ հոդվածի 1-ին մասի, 396-րդ հոդվածի 1-ին մասի և 396-րդ հոդվածի 1-ին մասի հատկանիշներով թիվ 11813222 քրեական վարույթը նախաձեռնելու մասին:
2022 թվականի օգոստոսի 16-ին ՀՀ ՔԿ ԵՔՔՎ Շենգավիթ վարչական շրջանի քննչական բաժնի պետ Ռ.Վարդանյանը որոշում է կայացրել նախաքննության կատարումը մի քանի քննիչի հանձնարարելու մասին:
2022 թվականի օգոստոսի 16-ին ՀՀ ոստիկանության ՔՈԳՎ ԹԱՇԴՊՎ 3-րդ բաժնի ՀԿԳ ավագ օ/լ Ռ.Ասրյանը կազմել է արձանագրություն՝ Վրեժ Ցոլակի Վարդանյանին ձերբակալելու մասին:
2022 թվականի օգոստոսի 16-ին ՀԿԳ քննիչ Հ.Պողոսյանը կազմել է արձանագրություն՝ ՀՀ քրեական օրենսգրքի 396-րդ հոդվածի 1-ին մասի հատկանիշներով թիվ 11813622 քրեական վարույթը նախաձեռնելու մասին:
2022 թվականի օգոստոսի 16-ին ՀԿԳ քննիչ Հ.Պողոսյանը որոշում է կայացրել թիվ 11813622 քրեական վարույթը թիվ 11813222 քրեական վարույթին միացնելու մասին:
2022 թվականի օգոստոսի 16-ին ՀԿԳ քննիչ Հ.Պողոսյանը որոշում է կայացրել Վրեժ Ցոլակի Վարդանյանին ձերբակալելու մասին:
2022 թվականի օգոստոսի 16-ին ՀԿԳ քննիչ Հ.Պողոսյանը կազմել է արձանագրություն՝ ՀՀ քրեական օրենսգրքի 396-րդ հոդվածի 1-ին մասի հատկանիշներով թիվ 11813822 քրեական վարույթը նախաձեռնելու մասին:
2022 թվականի օգոստոսի 16-ին ՀԿԳ քննիչ Հ.Պողոսյանը որոշում է կայացրել թիվ 11813822 քրեական վարույթը թիվ 11813222 քրեական վարույթին միացնելու մասին:
2022 թվականի օգոստոսի 17-ին ՀԿԳ քննիչ Հ.Պողոսյանը որոշում է կայացրել ձերբակալված Վրեժ Ցոլակի Վարդանյանին ազատ արձակելու մասին:
2022 թվականի օգոստոսի 22-ին ՀԿԳ քննիչ Հ.Պողոսյանը կազմել է արձանագրություն՝ ՀՀ քրեական օրենսգրքի 393-րդ հոդվածի 1-ին մասի հատկանիշներով թիվ 11817022 քրեական վարույթը նախաձեռնելու մասին:
2022 թվականի օգոստոսի 22-ին ՀԿԳ քննիչ Հ.Պողոսյանը որոշում է կայացրել թիվ 11817022 քրեական վարույթը թիվ 11813222 քրեական վարույթին միացնելու մասին:
2022 թվականի օգոստոսի 16-ին ՀԿԳ քննիչ Հ.Պողոսյանը կազմել է արձանագրություն՝ ՀՀ քրեական օրենսգրքի 393-րդ հոդվածի 1-ին մասի և 396-րդ հոդվածի 1-ին մասի հատկանիշներով թիվ 11813422 քրեական վարույթը նախաձեռնելու մասին:
2022 թվականի սեպտեմբերի 26-ին ՀԿԳ քննիչ Հ.Պողոսյանը որոշում է կայացրել թիվ 11813422 քրեական վարույթը թիվ 11813222 քրեական վարույթին միացնելու մասին:
2022 թվականի օգոստոսի 16-ին քննիչի պաշտոնակատար Գ.Մանուկյանը կազմել է արձանագրություն՝ ՀՀ քրեական օրենսգրքի 393-րդ հոդվածի 1-ին մասի և 396-րդ հոդվածի 1-ին մասի հատկանիշներով թիվ 11813922 քրեական վարույթը նախաձեռնելու մասին:
2022 թվականի սեպտեմբերի 26-ին ՀԿԳ քննիչ Հ.Պողոսյանը որոշում է կայացրել թիվ 11813922 քրեական վարույթը թիվ 11813222 քրեական վարույթին միացնելու մասին:
2023 թվականի հունվարի 27-ին Երևան քաղաքի Շենգավիթ վարչական շրջանի դատախազության ավագ դատախազ Ա.Բոյաջյանը որոշում է կայացրել Վրեժ Ցոլակի Վարդանյանի նկատմամբ ՀՀ քրեական օրենսգրքի 44-396-րդ հոդվածի 1-ին մասով հանրային քրեական հետապնդում հարուցելու մասին՝ այն արարքը կատարելու համար, որ նա խախտելով «Թմրանյութերի և հոգեմետ /հոգեներգործող/ նյութերի մասին» 2002 թվականի դեկտեմբերի 26-ի ՀՀ օրենքի և ՀՀ կառավարության 2010 թվականի մարտի 18-ի թիվ 270-ն որոշման պահանջները, 2022 թվականի գոստոսի 16-ին առանց իրացնելու նպատակի փորձել է Պետրոս Սարգսի Թորոսյանից ապօրինի ձեռք բերել ՀՀ կառավարության 2018 թվականի հունիսի 27-ի թիվ 707 որոշման 1-ին հավելվածով նախատեսված զգալի չափերով՝ 0,0024 գրամ «Բուպրենորֆին» տեսակի թմրամիջոց, սակայն իր կամքից անկախ հանգամանքներում հանցագործությունը չի իրագործվել:
Այսպես.
Վրեժ Վարդանյանը խախտելով «Թմրանյութերի և հոգեմետ /հոգեներգործող/ նյութերի մասին» 2002 թվականի դեկտեմբերի 26-ի ՀՀ օրենքի և ՀՀ կառավարության 2010 թվականի մարտի 18-ի թիվ 270-ն որոշման պահանջները, Պետրոս Սարգսի Թորոսյանի հետ նախապես ունեցած հեռախոսազրույցի ընթացքում ձեռք բերված պայմանավորվածումյան համաձայն, 10.000 ՀՀ դրամ գումարի դիմաց, 2022 թվականի օգոստոսի 6-ին, ժամը 16:10-ի սահմաններում Երևան քաղաքի Բագրատունյաց փողոցի 3-րդ նրբանցքի 5 հասցեի մոտ փորձել է առանց իրացնելու նպատակի՝ իր անձնական օգտագործման համար, ապօրինի ձեռք բերել ՀՀ կառավարության 2018 թվականի հունիսի 27-ի թիվ 707 որոշման 1-ին հավելվածով նախատեսված զգալի չափերով 0,0024 գրամ «Բուպրենորֆին» տեսակի թմրամիջոց, սակայն իր կամքից անկախ հանգամանքներում հանցագործությունը չի իրագործվել, քանի որ ոստիկանության աշխատակիցների կողմից Պետրոս Թորոսյանի վարած «Օպել Աստրա» մակնիշի 36 GC 370 հաշվառման համարանիշի ավտոմեքանայով բերվել են ոստիկանության բաժին, որտեղ էլ Պետրոս Թորոսյանի անձնական խուզարկության ժամանակ վերջինիս սև գույնի կիսատաբատի ձախ գրպանից՝ պոլիէթիլենային տոպրակի մեջ փաթեթավորված, հայտնաբերվել է նշված դեղահաբը:
2023 թվականի հունվարի 27-ին ՀԿԳ քննիչ Ա.Ավագյանը որոշում է կայացրել թիվ 11813222 քրեական վարույթով Վրեժ Ցոլակի Վարդանյանի նկատմամբ որպես խափանման միջոց բացակայելու արգելք կիրառելու մասին:
2023 թվականի հունվարի 30-ին ՀԿԳ քննիչ Ա.Ավագյանը որոշում է կայացրել Պետրոս Սարգսի Թորոսյանի կողմից օգտագործված 094-96-33-26 բջջային հեռախոսահամարի նկատմամբ իրականացված «Թվային, այդ թվում՝ հեռախոսային հաղորդակցության վերահսկում» ՕՀ միջոցառման արդյունքում ստացված գաղտնազերծված տվյալներով ներբեռնված լազերային սկավառակը որպես արտավարութային փաստաթուղթ ապացույց ճանաչելու մասին:
2023 թվականի հունվարի 30-ին ՀԿԳ քննիչ Ա.Ավագյանը որոշում է կայացրել Պետրոս Թորոսի անձնական խուզարկությամբ հայտնաբերված 0,0024 գրամ քաշով «Բուպրենորֆին» տեսակի թմրամիջոցն իրեղեն ապացույց ճանաչելու մասին:
2023 թվականի հունվարի 30-ին ՀԿԳ քննիչ Ա.Ավագյանը որոշում է կայացրել ՀՀ քրեական օրենսգրքի 393-րդ հոդվածի 2-րդ մասի 3-րդ կետով նախաձեռնված քրեական վարույթի նյութերը թիվ 11813222 քրեական վարույթից անջատելու և դրան 11817022 համարը շնորհելու մասին:
Մեղադրյալներ Պետրոս Սարգսի Թորոսյանի, Արտակ Սամվելի Ղազարյանի, Խոսրով Ավետիքի Ասատրյանի, Սուրեն Սերյոժայի Եգորյանի և Վրեժ Ցոլակի Վարդանյանի վերաբերյալ թիվ 11813222 քրեական վարույթը՝ հաստատված մեղադրական եզրակացությամբ, 2023 թվականի փետրվարի 01-ին ստացվել է Երևան քաղաքի առաջին ատյանի ընդհանուր իրավասության քրեական դատարանում, որը ստացել է թիվ ԵԴ/0202/01/23 դատական համարը և մակագրվել է դատավոր Ա.Դանիբեկյանին:
2024 թվականի հուլիսի 24-ին թիվ ԵԴ/0202/01/23 քրեական գործը վերամակագրվել է նույն դատարանի դատավոր Վ.Գրիգորյանին:
2024 թվականի սեպտեմբերի 16-ին Երևան քաղաքի առաջին ատյանի ընդհանուր իրավասության քրեական դատարանը որոշում է կայացրել մեղադրյալ Վրեժ Ցոլակի Վարդանյանի նկատմամբ որպես խափանման միջոց կիրառված «Բացակայելու արգելքը» փոփոխելու և վերջինիս նկատմամբ 3 (երեք) ամիս ժամկետով «Կալանքը» որպես խափանման միջոց ընտրելու մասին:
2024 թվականի նոյեմբերի 27-ին Երևան քաղաքի առաջին ատյանի ընդհանուր իրավասության քրեական դատարանը որոշում է կայացրել թիվ ԵԴ/0202/01/23 քրեական գործից մեղադրյալ Վրեժ Ցոլակի Վարդանյանի վերաբերյալ մասն անջատելու մասին, իսկ անջատված մասին տրվել է թիվ ԵԴ1/3527/01/24 դատական համարը:
2025 թվականի հոկտեմբերի 23-ին դատարան է ստացվել ՀՀ ՆԳՆ ոստիկանության ՀՈԳՎ Նոր Նորքի բաժնի պետի գրությունն այն մասին, որ հետախուզման մեջ գտնվող Վրեժ Ցոլակի Վարդանյանը 22.10.2025թ-ին հայտնաբերվել է և տեղափոխվել է ՀՀ ԱՆ «Նուբարաշեն» ՔԿ հիմնարկ:

Արագացված վարույթ.
Նախնական դատալսումների ընթացքում մեղադրյալ Վրեժ Ցոլակի Վարդանյանը միջնորդեց կիրառել արագացված վարույթ և հայտարարեց, որ միջնորդությունը ներկայացրել է կամավոր, խորհրդակցել է պաշտպանի հետ, գիտակցում է արագացված վարույթ կիրառելու բնույթը և հետևանքները:
Հանրային մեղադրող Ա.Բադալյանը ներկայացրեց մեղադրանքի փաստական հիմքը, ինչպես նաև մեղադրյալին վերագրվող արարքի իրավական գնահատականը:
Մեղադրյալը հայտնեց, որ ներկայացված մեղադրանքն իրեն պարզ է, համաձայն է մեղադրանքի հետ, պնդում է արագացված վարույթ կիրառելու մասին միջնորդությունը, միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է պաշտպանի հետ, գիտակցում է արագացված վարույթ կիրառելու հետևանքները:
Դատարանը, համոզվելով, որ առկա է ՀՀ քրեական դատավարության օրենսգրքի 464.1-րդ հոդվածի 1-ին մասով նախատեսված հիմքը, բացակայում են նույն օրենսգրքի 464.1-րդ հոդվածի 2-րդ մասով նախատեսված` արագացված վարույթի կիրառումը բացառող հանգամանքները, որոշում է կայացրել արագացված վարույթ կիրառելու մասին միջնորդությունը բավարարելու և լրացուցիչ դատալսումներ անցկացնելու մասին:

Դատարանի իրավական վերլուծությունները.
Մեղադրյալի նկատմամբ պատիժ նշանակելու հարցը քննարկելիս` դատարանը գտնում է հետևյալը.
ՀՀ քրեական օրենսգրքի 14-րդ հոդվածի համաձայն` «1. Քրեական պատասխանատվության հիմքն ինչպես ավարտված, այնպես էլ չավարտված հանցանք կատարելն է:»:
ՀՀ քրեական օրենսգրքի 16-րդ հոդվածի համաձայն`
«1. Հանցանք է համարվում սույն օրենսգրքով նախատեսված, պատժի սպառնալիքով արգելված, հանցագործության սուբյեկտի կողմից մեղավորությամբ կատարված արարքը:
(...)»:
ՀՀ քրեական օրենսգրքի 396-րդ հոդվածի համաձայն`
«1. Առանց իրացնելու նպատակի զգալի չափերով թմրամիջոց, հոգեմետ (հոգեներգործուն) նյութ, դրանց պատրաստուկ կամ դրանց համարժեք նյութ (անալոգ) կամ դրանց ածանցյալ կամ պրեկուրսոր ապօրինի արտադրելը, պատրաստելը, վերամշակելը, ձեռք բերելը, պահելը, տեղափոխելը կամ առաքելը՝
պատժվում է տուգանքով՝ առավելագույնը տասնապատիկի չափով, կամ հանրային աշխատանքներով՝ առավելագույնը հարյուր ժամ տևողությամբ, կամ ազատության սահմանափակմամբ՝ առավելագույնը մեկ տարի ժամկետով, կամ կարճաժամկետ ազատազրկմամբ՝ առավելագույնը մեկ ամիս ժամկետով, կամ ազատազրկմամբ՝ առավելագույնը մեկ տարի ժամկետով:
(...):»
Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ Սահմանադրության 71-րդ հոդվածի համաձայն՝
«1. Հանցանք կատարած անձի պատժի հիմքը նրա մեղքն է:
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին:»:
ՀՀ Սահմանադրության 72-րդ հոդվածի համաձայն՝
«Ոչ ոք չի կարող դատապարտվել այնպիսի գործողության կամ անգործության համար, որը կատարման պահին հանցագործություն չի հանդիսացել: Չի կարող նշանակվել ավելի ծանր պատիժ, քան այն, որը ենթակա էր կիրառման հանցանք կատարելու պահին: Արարքի պատժելիությունը վերացնող կամ պատիժը մեղմացնող օրենքն ունի հետադարձ ուժ:»:
ՀՀ քրեական օրենսգրքի 55-րդ հոդվածի համաձայն`
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»:
ՀՀ քրեական օրենսգրքի 69-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ:»:
ՀՀ քրեական օրենսգրքի 77-րդ հոդվածի համաձայն՝
«(...)
4. Արագացված վարույթ կիրառելու դեպքում պատիժը չի կարող գերազանցել սույն օրենսգրքի Հատուկ մասի համապատասխան հոդվածի սանկցիայով նախատեսված առավել խիստ պատժատեսակի համար նախատեսված առավելագույն չափի կամ ժամկետի երեք քառորդը։ Եթե առավել խիստ պատժատեսակի երեք քառորդը պակաս է ստացվում սույն օրենսգրքի Հատուկ մասի համապատասխան հոդվածի սանկցիայով նախատեսված առավել խիստ պատժատեսակի նվազագույն չափից կամ ժամկետից, ապա այն չի կարող պակաս լինել նվազագույն չափից կամ ժամկետից։
(...)
10. Համաձայնեցման կամ համագործակցության կամ արագացված վարույթ կիրառելն արգելք չէ լրացուցիչ պատիժ կամ անվտանգության միջոց նշանակելու համար:»:
ՀՀ քրեական օրենսգրքի 396-րդ հոդվածի 1-ին մասի սանկցիան այլընտրանքային է, պատիժ է նախատեսում ինչպես տուգանքի, հանրային աշխատանքների, ազատության սահմանափակման, այնպես էլ՝ ազատազրկման ձևով:
ՀՀ քրեական օրենսգրքի 77-րդ հոդվածի համաձայն՝
«(...)
5. Առաջին անգամ ոչ մեծ ծանրության հանցագործություն կատարած անձը չի կարող դատապարտվել ազատազրկման:»:
Ուսումնասիրելով մեղադրյալ Վրեժ Ցոլակի Վարդանյանի անձը` նրա կատարած հանցագործության համար պատիժ նշանակելիս, Դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն որ վերջինս դատվածություն չունի, իրեն մեղավոր է ճանաչել: Միաժամանակ Դատարանը հաշվի է առնում մեղադրյալ Վրեժ Ցոլակի Վարդանյանի այն վարքագիծը, որ վերջինս տևական ժամանակ խուսափել է քննությունից և վերջինիս հնարավոր է եղել հայտնաբերել միայն հետախուզման արդյունքում:
Մեղադրյալ Վրեժ Ցոլակի Վարդանյանի պատասխանատվությունը և պատիժը ծանրացնող հանգամանքներ առկա չեն:
Հաշվի առնելով մեղադրյալ Վրեժ Ցոլակի Վարդանյանի կատարած հանցագործության բնույթը և հանրության համար վտանգավորության աստիճանը, դրա կատարման եղանակը, հանցավոր մտադրության իրականացման աստիճանը, հանցագործությունը կատարելուց հետո նրա դրսևորած վարքագիծը, ինչպես նաև խախտված հասարակական հարաբերության սոցիալական նշանակությունը, միաժամանակ հաշվի առնելով հայտնաբերված թմրամիջոցի տեսակը, դրա ազդեցության համեմատական առավել վտանգավոր լինելը և չափը` Դատարանը գտնում է, որ Վրեժ Ցոլակի Վարդանյանն իր կատարած` ՀՀ քրեական օրենսգրքի 396-րդ հոդվածի 1-ին մասով նախատեսված հանցագործության համար ենթակա է կարճաժամկետ ազատազրկման ձևով պատժի՝ առավելագուն չափով:
ՀՀ քրեական դատավարության օրենսգրքի 350-րդ հոդվածի համաձայն՝
«(...)
5. Եթե դատապարտված մեղադրյալը կալանքի տակ է, ապա նրան պատժից ազատելու, ազատությունից զրկելու հետ չկապված պատիժ նշանակելու կամ մեղադրյալին այն ժամկետով ազատությունից զրկելու հետ կապված պատժի դատապարտելու դեպքում, որը չի գերազանցում անազատության մեջ փաստացի մնալու ժամկետը, դատարանը դատական նիստի դահլիճից նրան անհապաղ ազատ է արձակում:
(...)»:
Քննարկելով խափանման միջոցի հարցը, հաշվի առնելով, որ Վրեժ Ցոլակի Վարդանյանի նկատմամբ ազատությունից զրկելու հետ կապված պատժի ժամկետը չի գերազանցում անազատության մեջ փաստացի մնալու ժամկետը և վերջինս պատժի կրումից ենթակա է ազատման՝ այն փաստացի կրած լինելու հիմքով, ուստի Դատարանը գտնում է, որ Վրեժ Ցոլակի Վարդանյանի նկատմամբ ընտրված «Կալանք» խափանման միջոցը ենթակա է վերացման և բացակայում են այլ խափանման միջոց կիրառելու հիմքերը:
Քննարկելով իրեղեն ապացույց ճանաչված 0,0024 գրամ քաշով «Բուպրենորֆին» տեսակի տմրամիջոցի պահպանման հարցը՝ Դատարանը գտնում է, որ դատավճիռն օրինական ուժի մեջ մտնելուց հետո այն ենթակա է պահպանման թիվ ԵԴ/0202/01/23 քրեական գործի հետ միասին:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ, 464.4-րդ, 464.5-րդ հոդվածներով` Դատարանը

Վ Ճ Ռ Ե Ց

Վրեժ Ցոլակի Վարդանյանին մեղավոր ճանաչել ՀՀ քրեական օրենսգրքի 44-396-րդ հոդվածի 1-ին մասով և դատապարտել կարճաժամկետ ազատազրկման 1 (մեկ) ամիս ժամկետով:
Վրեժ Ցոլակի Վարդանյանին ազատել նշանակված պատիժը կրելուց՝ այն փաստացի կրած լինելու հիմքով:
Վրեժ Ցոլակի Վարդանյանի նկատմամբ ընտրված «Կալանք» խափանման միջոցը վերացնել և Վրեժ Ցոլակի Վարդանյանին ազատ արձակել դատական նիստերի դահլիճում:
Իրեղեն ապացույց ճանաչված 0,0024 գրամ քաշով «Բուպրենորֆին» տեսակի տմրամիջոցը պահել թիվ ԵԴ/0202/01/23 քրեական գործի հետ միասին:
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով նախատեսված հիմքերի, կարող է բողոքարկվել ՀՀ վերաքննիչ քրեական դատարան` ստանալու օրվանից հետո մեկամսյա ժամկետում:

ԴԱՏԱՎՈՐ` Վ.Լ.ԳՐԻԳՈՐՅԱՆ