ԵԴ1/3464/01/24




Ո Ր Ո Շ Ո ւ Մ
ՔՐԵԱԿԱՆ ԳՈՐԾԻ ՎԱՐՈւՅԹԸ ԿԱՐՃԵԼՈւ ԵՎ
ՔՐԵԱԿԱՆ ՀԵՏԱՊՆԴՈւՄԸ ԴԱԴԱՐԵՑՆԵԼՈւ ՄԱՍԻՆ


«24» սեպտեմբերի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)


Նախագահող դատավոր
դատական նիստերի քարտուղարներ

հանրային մեղադրող
մեղադրյալ
Էդ.Մկրտչյան
Վ.Պապոյան
Գ.Հարությունյան
Դ.Կյուրեղյան
Ա.Խաչատրյան

դռնբաց դատական նիստում, քննության առնելով քրեական գործն ըստ մեղադրանքի Արեստակես Ջիվանի Խաչատրյանի (ծնված՝ 1993 թվականի հունվարի 11-ին Երևան քաղաքում, ազգությամբ՝ հայ, ՀՀ քաղաքացի, դատվածություն չունեցող, չամուսնացած, հաշվառված է Երևան քաղաքի Անդրանիկի 100-րդ շենքի 3-րդ բնակարանում, բնակվում է Երևան քաղաքի Րաֆֆու փողոցի 15-րդ շենքի 33-րդ բնակարանում)` ՀՀ քրեական օրենսգրքի 254-րդ հոդվածի 2-րդ մասի 1-ին կետով,

Պ Ա Ր Զ Ե Ց

2024 թվականի օգոստոսի 13-ին ՀՀ քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանի քննչական բաժնի ավագ քննիչ Ա.Խաչատրյանի կողմից ՀՀ քրեական օրենսգրքի 254-րդ հոդվածի 2-րդ մասի 1-ին կետով նախատեսված հանցագործության հատկանիշներով նախաձեռնվել է թիվ 16192724 քրեական վարույթը:
2024 թվականի նոյեմբերի 18-ին Երևան քաղաքի Մալաթիա-Սեբաստիա վարչական շրջանների դատախազության դատախազ Ա.Ոսկանյանի որոշմամբ թիվ 16192724 քրեական վարույթով Արեստակես Ջիվանի Խաչատրյանի նկատմամբ ՀՀ քրեական օրենսգրքի 254-րդ հոդվածի 2-րդ մասի 1-ին կետով հարուցվել է հանրային քրեական հետապնդում:
2024 թվականի նոյեմբերի 18-ին ՀՀ քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանի քննչական բաժնի ավագ քննիչ Ա.Խաչատրյանի որոշմամբ թիվ 16192724 քրեական վարույթով մեղադրյալ Արեստակես Ջիվանի Խաչատրյանի նկատմամբ որպես խափանման միջոց է ընտրվել բացակայելու արգելքը:
2024 թվականի նոյեմբերի 22-ին Արեստակես Ջիվանի Խաչատրյանի վերաբերյալ թիվ 16192724 քրեական վարույթը մեղադրական եզրակացությամբ ուղարկվել է Դատարան, որտեղ քրեական գործին շնորհվել է ԵԴ1/3464/01/24 համարը։
2024 թվականի նոյեմբերի 26-ին Երևան քաղաքի առաջին ատյանի ընդհանուր իրավասության քրեական դատարանի դատավոր Էդ.Մկրտչյանի որոշմամբ ստանձնվել է թիվ ԵԴ1/3464/01/24 քրեական գործի վարույթը և նշանակվել նախնական դատալսումներ։
Սույն քրեական գործով նախնական դատալսումների ընթացքում՝ ՀՀ քրեական դատավարության 311-րդ հոդվածի 1-ին մասով նախատեսված հարցերի քննարկման ժամանակ, մեղադրյալ Արեստակես Ջիվանի Խաչատրյանը միջնորդեց իր նկատմամբ քրեական հետապնդումը դադարեցնել և քրեական գործի վարույթը կարճել՝ ՀՀ քրեական դատավարության օրենսգրքի 12-րդ հոդվածի 1-ին մասի 12-րդ կետի, այն է՝ Հայաuտանի Հանրապետության քրեական oրենuգրքի 82-րդ հոդվածի 1-ին մասի ուժով քրեական պատաuխանատվությունից ազատման ենթակա լինելու հիմքով:
Տուժող Էռա Սահակյանը դատական նիստից առաջ՝ հեռախոսազանգի միջոցով, դատավարության կողմերի ներկայությամբ, դատարանի աշխատակազմին հայտնեց, որ հաշտվել է մեղադրյալ Արեստակես Խաչատրյանի հետ, նրա նկատմամբ որևէ բողոք կամ պահանջ չունի և չի առարկում վերջինի նկատմամբ քրեական հետապնդումը դադարեցնելու դեմ։
Մեղադրյալ Արեստակես Խաչատրյանը հայտնեց, որ ինքը նույնպես հաշտվել է տուժող Էռա Սահակյանի հետ և չի առարկում, որ իր նկատմամբ քրեական հետապնդումը դադարեցվի ոչ արդարացնող՝ տուժողի հետ հաշտության, հիմքով:
Հանրային մեղադրող Դ.Կյուրեղյանը հայտնեց, որ չի առարկում տուժողի հետ հաշտության հիմքով մեղադրյալի նկատմամբ քրեական հետապնդման դադարեցմանը:
ՀՀ քրեական դատավարության օրենսգրքի 12-րդ հոդվածի 1-ին մասի 12-րդ կետի համաձայն՝
«Քրեական հետապնդում չպետք է հարուցվի, իսկ հարուցված քրեական հետապնդումը ենթակա է դադարեցման, եթե`
(...) անձը Հայաuտանի Հանրապետության քրեական oրենuգրքի ընդհանուր կամ հատուկ մասի դրույթների ուժով ենթակա է ազատման քրեական պատաuխանատվությունից»:
ՀՀ քրեական օրենսգրքի 82-րդ հոդվածի համաձայն՝
«1. Եթե անձն առաջին անգամ է հանցանք կատարել, ապա ազատվում է քրեական պատասխանատվությունից, եթե նրա կատարած արարքը ոչ մեծ կամ միջին ծանրության հանցանք է, և նրա ու տուժողի միջև առկա է հաշտության վերաբերյալ ինքնուրույն և ազատ կամարտահայտության վրա հիմնված փոխադարձ համաձայնությունը, բացառությամբ այն դեպքերի, երբ կատարված հանցանքում առկա են ընտանիքում բռնության հատկանիշներ:
(...)»:
ՀՀ քրեական օրենսգրքի 254-րդ հոդվածի 2-րդ մասի համաձայն՝
«Գողությունը, որը կատարվել է՝
1) մի խումբ անձանց կողմից նախնական համաձայնությամբ,
(...)
պատժվում է տուգանքով` քսանապատիկից հիսնապատիկի չափով, կամ հանրային աշխատանքներով՝ հարյուր հիսունից երկու հարյուր յոթանասուն ժամ տևողությամբ, կամ ազատության սահմանափակմամբ՝ մեկից երեք տարի ժամկետով, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ` երկուսից հինգ տարի ժամկետով»:
ՀՀ քրեական օրենսգրքի 17-րդ հոդվածի 3-րդ մասի համաձայն՝
«Միջին ծանրության հանցանքներ են համարվում սույն օրենսգրքով նախատեսված այն արարքները, որոնց համար սույն օրենսգրքի Հատուկ մասով նախատեսված առավելագույն պատիժը չի գերազանցում 5 տարի ժամկետով ազատազրկումը»:
ՀՀ քրեական դատավարության օրենսգրքի 311-րդ հոդվածի առաջին մասին երրորդ կետի համաձայն՝ նախնական դատալսումների ընթացքում սույն հոդվածով սահմանված հաջորդականությամբ դատարանը քննարկման առարկա է դարձնում՝ (...) քրեական հետապնդումը դադարեցնելու կամ վարույթը կարճելու հարցը:
ՀՀ քրեական դատավարության օրենսգրքի 315-րդ հոդվածի 1-ին մասի համաձայն` սույն օրենսգրքի 12-րդ հոդվածի 1-ին մասի 3-14-րդ կետերով նախատեսված որևէ հանգամանքի առկայության դեպքում, երբ դա հնարավոր է առանց ապացույցների հետազոտման, դատարանը որոշում է կայացնում քրեական հետապնդումը դադարեցնելու և վարույթը կարճելու մասին: Եթե քրեական հետապնդումը բացառող հանգամանքը վերաբերում է մեղադրյալներից մեկին, ապա քրեական հետապնդումը դադարեցվում է միայն նրա նկատմամբ՝ առանց վարույթը կարճելու:
Անդրադառնալով սույն քրեական գործի փաստական հանգամանքներին՝ Դատարանն արձանագրում է, որ մեղադրյալի և տուժողի միջև առկա է հաշտության վերաբերյալ ինքնուրույն և ազատ կամարտահայտության վրա հիմնված փոխադարձ համաձայնություն, ՀՀ ՆԳՆ ոստիկանության ինֆորմացիոն կենտրոնի օպերատիվ տեղեկատու քարտադարանից Արեստակես Ջիվանի Խաչատրյանի վերաբերյալ ստացված ձև 8 տեղեկանքի համաձայն՝ վերջինը սույն քրեական գործով իրեն մեղսագրված ենթադրյալ արարքի կատարման պահին հանդիսանում է դատվածություն չունեցող, Արեստակես Ջիվանի Խաչատրյանին մեղսագրվում է միջին ծանրության հանցանքի կատարում, ուստի Դատարանը գտնում է, որ քրեական գործի վարույթը պետք է կարճել, իսկ Արեստակես Ջիվանի Խաչատրյանի նկատմամբ ՀՀ քրեական օրենսգրքի 254-րդ հոդվածի 2-րդ մասի 1-ին կետով քրեական հետապնդումը դադարեցնել՝ ՀՀ քրեական դատավարության օրենսգրքի 12-րդ հոդվածի 1-ին մասի 12-րդ կետի հիմքով:
ՀՀ քրեական դատավարության օրենսգրքի 315-րդ հոդվածի 2-րդ մասի համաձայն` քրեական հետապնդումը դադարեցնելու մասին որոշմամբ վերացվում են տվյալ մեղադրյալի նկատմամբ կիրառված հարկադրանքի միջոցները, իսկ վարույթը կարճելու դեպքում` նաև այլ անձանց նկատմամբ կիրառված հարկադրանքի միջոցները: Վարույթը կարճելու մասին որոշմամբ լուծվում է նաև իրեղեն ապացույցների տնօրինման հարցը:
ՀՀ քրեական դատավարության օրենսգրքի 117-րդ հոդվածի 1-ին մասի համաձայն` եթե խափանման միջոցի գործողության ընթացքում փոխվել կամ վերացել են դրա իրավաչափության պայմանները, վարույթն իրականացնող մարմինն իր իրավասության սահմաններում որոշում է կայացնում խափանման միջոցը փոխելու կամ վերացնելու մասին:
Անդրադառնալով Արեստակես Խաչատրյանի նկատմամբ ընտրված խափանման միջոցի հարցին՝ Դատարանը, հաշվի առնելով այն, որ վերոգրյալ հիմնավորմամբ Արեստակես Խաչատրյանի նկատմամբ հարուցված քրեական հետապնդումը պետք է դադարեցնել, գտնում է, որ վերջինի նկատմամբ որպես խափանման միջոց ընտրված բացակայելու արգելքը ենթակա է վերացման:
Ելնելով վերոգրյալից և ղեկավարվելով ՀՀ քրեական օրենսգրքի 82-րդ և ՀՀ քրեական դատավարության օրենսգրքի 12-րդ, 311-րդ, 315-րդ հոդվածներով` Դատարանը
Ո Ր Ո Շ Ե Ց

Թիվ ԵԴ1/3464/01/24 քրեական գործի վարույթը կարճել և Արեստակես Ջիվանի Խաչատրյանի նկատմամբ ՀՀ քրեական օրենսգրքի 254-րդ հոդվածի 2-րդ մասի 1-ին կետով քրեական հետապնդումը դադարեցնել՝ ՀՀ քրեական դատավարության օրենսգրքի 12-րդ հոդվածի 1-ին մասի 12-րդ կետի, այն է՝ ՀՀ քրեական oրենuգրքի 82-րդ հոդվածի 1-ին մասի ուժով քրեական պատաuխանատվությունից ազատման ենթակա լինելու հիմքով:
Արեստակես Ջիվանի Խաչատրյանի նկատմամբ ընտրված խափանման միջոցը՝ բացակայելու արգելքը, վերացնել:
Որոշումը կարող է բողոքարկվել ՀՀ վերաքննիչ քրեական դատարան` ստանալու պահից մեկամսյա ժամկետում:


ԴԱՏԱՎՈՐ ԷԴ.ՄԿՐՏՉՅԱՆ