ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


Գործ թիվ ԵԴ1/3453/01/24

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆԸ
Նախագահությամբ՝ դատավոր Դավիթ Արղամանյանի,
քարտուղարությամբ՝ Դավիթ Հակոբյանի,

մասնակցությամբ՝

հանրային մեղադրող՝ Վեհանուշ Մարգարյանի,
մեղադրյալ՝ Սերգեյ Թադևոսյանի,

2024թ. դեկտեմբերի 9 ք.Երևան,

դռնբաց դատական նիստում քննելով քրեական վարույթն ըստ մեղադրանքի
Սերգեյ Վարդանի Թադևոսյանի
(ծնված՝ 13.01.1989թ․, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած՝ խնամքին մեկ անչափահաս երեխա, նախկինում չդատված, հաշվառված և բնակվող՝ ք.Երևան, Նազարբեկյան թաղամաս, 13-րդ շենք, բնակարան 25)
ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով՝





ՊԱՐԶԵՑ
1. Գործի դատավարական նախապատմությունը.
1․ 2024 թվականի մայիսի 3-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60-1800-24 քրեական վարույթը (այսուհետ նաև՝ քրեական վարույթ)։
2. 2024 թվականի հունիսի 15-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60-2429-24 քրեական վարույթը։
3. 2024 թվականի հուլիսի 16-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60545324 քրեական վարույթը։
4. 2024 թվականի հուլիսի 25-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչի պաշտոնակատար Գեղամ Ծառուկյանի որոշմամբ թիվ 60242924 և 60545324 քրեական վարույթները միացվել են թիվ 60180024 քրեական վարույթին և նախաքննությունը շարունակվել է թիվ 60180024 համարի ներքո։
5. 2024թ. նոյեմբերի 5-ին Ավան և Նոր Նորք վարչական շրջանների դատախազության ավագ դատախազ Վեհանուշ Մարգարյանի որոշմամբ թիվ 60180024 քրեական վարույթով Սերգեյ Վարդանի Թադևոսյանի նկատմամբ 344-րդ հոդվածի 1-ին մասով՝ ՀՀ քրեական օրենսգրքի 344-րդ հոդվածի 2-րդ մասով և 344-րդ հոդվածի 2-րդ մասով հարուցվել է հանրային քրեական հետապնդում։
6. 2024թ. նոյեմբերի 6-ի որոշմամբ Սերգեյ Վարդանի Թադևոսյանի նկատմամբ որպես խափանման միջոց է կիրառվել բացակայելու արգելքը։
7. 2024թ. նոյեմբերի 22-ին Ավան և Նոր Նորք վարչական շրջանների դատախազությունից մեղադրական եզրակացությամբ Երևան քաղաքի առաջին ատյանի ընդհանուր իրավասության քրեական դատարան է ստացվել թիվ 60-1800-24 քրեական վարույթը, քրեական գործին շնորհվել է ԵԴ1/3453/01/24 համարը։
8. 2024թ. նոյեմբերի 27-ին Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև՝ Դատարան) որոշում է կայացրել թիվ ԵԴ1/3453/01/24 քրեական գործով վարույթ ստանձնելու և նախնական դատալսումներ նշանակելու մասին։
9․ 2024 թվականի դեկտեմբերի 6-ի որոշմամբ Սերգեյ Վարդանի Թադևոսյանի նկատմամբ կիրառված «բացակայելու արգելք» այլընտրանքային խափանման միջոցը թողնվել է անփոփոխ։
10․ Նույն օրը Սերգեյ Վարդանի Թադևոսյանի նկատմամբ կայացվել է մեղադրական վերդիկտ, համաձայն որի՝ Սերգեյ Վարդանի Թադևոսյանը մեղավոր է ճանաչվել ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործությունների կատարման մեջ։



2. Մեղադրանքի փաստական նկարագրությունը.
Սերգեյ Վարդանի Թադևոսյանի նկատմամբ հարուցվել է հանրային քրեական հետապնդում ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով՝ այն արարքների համար, որ նա՝
«(...)
2023 թվականի ապրիլի 23-ին կազմված վարչական իրավախախտման վերաբերյալ թիվ 8180248480 արձանագրությամբ 1 տարի ժամկետով զրկված լինելով տրանսպորտային միջոց վարելու իրավունքից, 2023 թվականի նոյեմբերի 22-ին՝ ժամը 11:15-ին, Երևան քաղաքի Բագրատունյաց փողոցում վարել է «Մերսեդես» մակնիշի 06 ՏT 090 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության 4-րդ գումարտակի 1-ին վաշտի պարեկ Հովհաննես Մկրտչյանի կողմից կազմվել է թիվ 8180263856 արձանագրությունը:
Այսինքն՝ Սերգեյ Վարդանի Թադևոսյանին մեղսագրվում է մեղավորությամբ կատարված արարք՝ նախատեսված ՀՀ քրեական օրենսգրքի 344-րդ հոդվածի 1-ին մասով:
Բացի այդ, Սերգեյ Վարդանի Թադևոսյանը 2023 թվականի ապրիլի 23-ին կազմված վարչական իրավախախտման վերաբերյալ թիվ 8180248480 արձանագրությամբ 1 տարի ժամկետով զրկված լինելով տրանսպորտային միջոց վարելու իրավունքից, զրկման ժամկետը լրանալուց հետո սահմանված կարգով չի վերականգնել տրանսպորտային միջոցներ վարելու իրավունքը և չունենալով տրանսպորտային միջոց վարելու իրավունք 2024 թվականի մայիսի 12-ին՝ ժամը 22:35-ին, Երևան քաղաքի Գայի պողոտայում 0,453 մգ ալկոհոլի ազդեցության տակ վարել է «Մերսեդես» մակնիշի 06 ՏT 090 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության 1-ին գումարտակի 3-րդ վաշտի կրտսեր պարեկ Սաքո Եղյանի կողմից կազմվել է թիվ 8180160579 արձանագրությունը:
Այսինքն՝ Սերգեյ Վարդանի Թադևոսյանին մեղսագրվում է մեղավորությամբ կատարված արարք՝ նախատեսված ՀՀ քրեական օրենսգրքի 344-րդ հոդվածի 2-րդ մասով:
Բացի այդ, Սերգեյ Վարդանի Թադևոսյանը 2023 թվականի ապրիլի 23-ին կազմված վարչական իրավախախտման վերաբերյալ թիվ 8180248480 արձանագրությամբ 1 տարի ժամկետով զրկված լինելով տրանսպորտային միջոց վարելու իրավունքից, զրկման ժամկետը լրանալուց հետո սահմանված կարգով չի վերականգնել տրանսպորտային միջոցներ վարելու իրավունքը և չունենալով տրանսպորտային միջոց վարելու իրավունք 2024 թվականի մայիսի 17-ին՝ ժամը 22:20-ին, Երևան քաղաքի Դավիթ Անհաղթ փողոցում 0,714 մգ ալկոհոլի ազդեցության տակ վարել է «Մերսեդես» մակնիշի 06 ՏT 090 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության 4-րդ գումարտակի 3-րդ վաշտի կրտսեր պարեկ Ռոման Սահակյանի կողմից կազմվել է թիվ 8180404664 արձանագրությունը:
Այսինքն՝ Սերգեյ Վարդանի Թադևոսյանին մեղսագրվում է մեղավորությամբ կատարված արարք՝ նախատեսված ՀՀ քրեական օրենսգրքի 344-րդ հոդվածի 2-րդ մասով։
(...)»
3.1. Հիմնական դատալսումների ընթացքում հետազոտված թույլատրելի ապացույցները.
- Թիվ 8180248480 արձանագրությունը, որը կազմվել է 23.04.2023թ.՝ 11:20-ին, ՀՀ ոստիկանության պարեկային ծառայության Երևանի քաղաքի գնդի 1-ին գումարտակի 3-րդ վաշտի կրտսեր պարեկ Արամո Հրաչիկի Մարգարյանի կողմից (06942)՝ Սերգեյ Վարդանի Թադևոսյանի վերաբերյալ, վերջինս 2023թ. ապրիլի 5-ին՝ ժամը 03:50-ին Երևան քաղաքի Հաղթանակ կամրջի վրա «Օպել» մակնիշի 06 TՏ 090 հաշվառման համարանիշներով ավտոմեքենան վարել է ոչ սթափ վիճակում, իրավախախտման համար Սերգեյ Վարդանի Թադևոսյանը մեկ տարի ժամկետով զրկվել է տրանսպորտային միջոցներ վարելու իրավունքից: Խախտման քննարկման վայրի և ժամանակի մասին ծանուցման վայրում առկա է ստորագրություն, որով Սերգեյ Վարդանի Թադևոսյանը ստացել է ծանուցումը: 05.04.2023թ. ժամը 04:20-ին կազմվել է թիվ 00870 համարի ուղեգիրը՝ վարորդի սթափության զննության մասին, Սերգեյ Վարդանի Թադևոսյանը ներկայացվել է ՀՀ ԱՆ կախվածությունների բուժման ազգային կենտրոն ՓԲ ընկերություն՝ սթափության վիճակի զննության (հատոր 1, վ/թ 5, 25, 36),
- 05.04.2023թ. ժամը 04:20-ին կազմված թիվ 00870 համարի ուղեգիրը՝ համաձայն որի Սերգեյ Վարդանի Թադևոսյանը ներկայացվել է ՀՀ ԱՆ կախվածությունների բուժման ազգային կենտրոն ՓԲ ընկերություն՝ սթափության վիճակի զննության: Թիվ 117 զննության արձանագրության համաձայն կատարվել է զննություն 05.04.2023թ.՝ ժամը 04:20-ին, զննվել է Սերգեյ Վարդանի Թադևոսյանը, վերցվել է արյան փորձանմուշ, հետազոտման արդյունք՝ 3.0 գ/լ ոչ սթափ, առկա են հետազոտող և հետազոտվող դաշտերը, որոնցից վերջին դաշտում որպես հետազոտվող գրված է Սերգեյ Թադևոսյան, առկա է ստորագրություն: 18.04.2023թ. տրվել է թիվ 1157 տոքսիկոքիմիական լաբորատորիայի եզրակացությունը, համաձայն որի՝ Սերգեյ Վարդանի Թադևոսյանի արյան փորձանմուշում ալկոհոլի՝ էթիլ սպիրտի քանակությունը կազմել է 3.0 գ/լ (հատոր 1, վ/թ 6-8),
- ՃՈ էլեկտրոնային ռեգիստրից արտատպված՝ վարորդական իրավունքի վկայականի առկայության վերաբերյալ տեղեկատվության պատճեն, համաձայն որի՝ 23.04.2023թ. մինչև 23.04.2024թ. Սերգեյ Վարդանի Թադևոսյանի անվամբ գրանցված RF 791436 համարի վարորդական իրավունքի վկայականը գտնվում է զրկված կարգավիճակում (հատոր 1, վ/թ 4, 24, 35),
- թիվ 8180263856 արձանագրությունը, որը կազմվել է 22.11.2023թ.՝ ժամը 12:00-ին, ՀՀ ոստիկանության պարեկային ծառայության Երևանի քաղաքի գնդի 4-րդ գումարտակի 1-ին վաշտի կրտսեր պարեկ Հովհաննես Արմենի Մկրտչյանի կողմից (08466)՝ Սերգեյ Վարդանի Թադևոսյանի վերաբերյալ, վերջինս ժամը 11:15-ին Երևան քաղաքի Բագրատունյաց փողոցում վարել է «Մերսեդես» մակնիշի 06 ՏT 090 հաշվառման համարանիշի ավտոմեքենան՝ զրկված լինելով տրանսպորտային միջոցներ վարելու իրավունքից, խախտման քննարկման վայրի և ժամանակի մասին ծանուցման վայրում առկա է նշագրում՝ ստորագրություն և ազգանուն «Թադևոսյան» (հատոր 1, վ/թ 3),
- թիվ 8180404664 արձանագրությունը, որը կազմվել է 17.05.2024թ.՝ 22:24-ին, ՀՀ ոստիկանության պարեկային ծառայության Երևանի քաղաքի գնդի 4-րդ գումարտակի 3-րդ վաշտի կրտսեր պարեկ Ռոման Սպարտակի Սահակյանի կողմից (07317)՝ Սերգեյ Վարդանի Թադևոսյանի վերաբերյալ, վերջինս 2024թ. մայիսի 17-ին՝ ժամը 22:20-ին Երևան քաղաքի Դավիթ Անհաղթ փողոցում Մերսեդես մակնիշի 06 ՏT 090 հաշվառման համարանիշներով ավտոմեքենան վարել է ոչ սթափ վիճակում՝ չունենալով տրանսպորտային միջոցներ վարելու իրավունք: Խախտման քննարկման վայրի և ժամանակի մասին ծանուցման վայրում առկա է ստորագրություն, համաձայն որի Սերգեյ Վարդանի Թադևոսյանը ստացել է ծանուցումը (հատոր 1, վ/թ 23),
- սթափության կտրոնի պատճենը, որի վրա առկա են հետևյալ գրառումները՝ սարքի համար՝ 91100892, զննման համար՝ 02945, զննման ամսաթիվ՝17.05.2024, զննման ժամը՝ 22:23:56, ստուգման ձևաթուղթ ավտոմատ, ալկոհոլի պարունակություն 0,714 մգլ, վարորդի անուն, ազգանուն՝ Սերգեյ Թադևոսյան, Տ/Մ համարանիշ 06 ST 090, պարեկային ծառայող Սահակյան, կրծքանշանի համար՝ 07317, ստորաբաժանում՝ 4գ3վ (հատոր 1, վ/թ 22),
- թիվ 099448 ստուգաչափման վկայականը, որի վրա առկա են հետևյալ գրառումները՝ ստուգաչափման թվականը՝ 03.07.2023թ., ուժի մեջ է մինչև 03.07.2024թ, ալկոտեստերի գործարանային համար՝ 91100892, տեսակ՝ Jupiter, չափման տիրույթ՝ 0.000 մինչև 0.2000 մգ/լ, ճշտության դասը, կարգը, սխալանք՝ +-10տոկոս, արտադրողը՝ Չինաստան, պատկանում է ՀՀ պարեկային ծառայությանը: Ստուգաչափումը կատարվել է համաձայն MU 2835-2008, m/п 242-1353-2012, առկա է ստուգաչափող Ա.Գուլքանյանի և բաժնի լաբորատորիայի վարիչ Գ.Մարտիրոսյանի ստորագրությունները (հատոր 1, վ/թ 27),
- թիվ 8180160579 արձանագրությունը, որը կազմվել է 12.05.2024թ.՝ 22:58-ին, ՀՀ ոստիկանության պարեկային ծառայության Երևանի քաղաքի գնդի 1-ին գումարտակի 3-րդ վաշտի պարեկ Սաքո Հովհաննեսի Եղյանի կողմից (05325)՝ Սերգեյ Վարդանի Թադևոսյանի վերաբերյալ, վերջինս 2024թ. մայիսի 12-ին՝ ժամը 22:35-ին Երևան քաղաքի Գայի պողոտայում Մերսեդես մակնիշի 06 ST 090 հաշվառման համարանիշներով ավտոմեքենան վարել է ոչ սթափ վիճակում՝ չունենալով տրասնպորտային միջոցներ վարելու իրավունք: Խախտման քննարկման վայրի և ժամանակի մասին ծանուցման վայրում առկա է ստորագրություն, համաձայն որի Սերգեյ Վարդանի Թադևոսյանը ստացել է ծանուցումը (հատոր 1, վ/թ 34),
- թիվ 115142 ստուգաչափման վկայականը, որի վրա առկա են հետևյալ գրառումները՝ ստուգաչափման թվականը՝ 26.01.2024թ., ուժի մեջ է մինչև 26.01.2025թ, ալկոտեստերի գործարանային համար՝ 91100909, տեսակ՝ Jupiter, չափման տիրույթ՝ 0.000 մինչև 0.2000 մգ/լ, ճշտության դասը, կարգը, սխալանքը՝ +-10տոկոս, արտադրող՝ Չինաստան, պատկանում է ՀՀ ՆԳՆ ոստիկանությանը: Ստուգաչափումը կատարվել է համաձայն MU 2835-2008, m/ո 242-1353-2012, առկա է ստուգաչափող Վ.Բաբաջանյանի և բաժնի լաբորատորիայի վարիչ Գ.Մարտիրոսյանի ստորագրությունները (հատոր 1, վ/թ 40)
- սթափության կտրոնի պատճենը, որի վրա առկա են հետևյալ գրառումները՝ սարքի համար՝ 91100909, զննման համար՝ 01326, զննման ամսաթիվ՝ 12.05.2024, զննման ժամը՝ 22:49:02, ստուգման ձևաթուղթ՝ ավտոմատ, ալկոհոլի պարունակություն՝ 0,453մգլ, վարորդի անուն ազգանուն՝ Սերգեյ Թադևոսյան, Տ/Մ համարանիշ 06 ՏT 090, պարեկային ծառայող Պողոսյան, կրծքանշանի համար 06522, ստորաբաժանում 1գ3վ (հատոր 1, վ/թ 41),
- 2024 թվականի նոյեմբերի 4-ին զննում կատարելու մասին արձանագրությունը, համաձայն որի զննության են ենթարկվել վերոնշյալ բոլոր փաստաթղթերը (հատոր 1, վ/թ 67-71),
- 2024 թվականի նոյեմբերի 7-ի արտավարութային փաստաթուղթն ապացույց ճանաչելու մասին որոշում, որով վերոնշյալ փաստաթղթերը ճանաչվել են արտավարութային փաստաթուղթ (հատոր 1, վ/թ 95-96),
- մեղադրյալ Սերգեյ Թադևոսյանն օգտվելով իր իրավունքից հրաժարվեց Դատարանում ցուցմունք տալուց, պնդեց նախաքննության ընթացքում վկայի և մեղադրյալի կարգավիճակում տված ցուցմունքները, ուստի հանրային մեղադրողի կողմից հրապարակվեցին վերոնշյալ ցուցմունքները, համաձայն որոնց նա հայտնել է, որ ներկայացված մեղադրանքում իրեն է ճանաչում, զղջում է արարքի կատարման համար, դիտավորություն չի ունեցել մեքենա վարելու, դա կատարել է հանգամանքների բերումով, կնոջ ինքնազգացողությունն է վատացել, ստիպված գնացել է հիվանդանոց (հատոր 1, վ/թ 88-92):
3.2. Լրացուցիչ դատալսումների ընթացքում հետազոտված անհրաժեշտ ապացույցները.
- 2024 թվականի դեկտեմբերի 6-ին արտատպված ՊԵԿ տվյալների շտեմարանի քաղվածքները, համաձայն որոնց Սերգեյ Թադևոսյանի եկամուտների վերաբերյալ տվյալներ առկա են, որոնց հաշվարկով սակայն պարզ է դառնում, որ հանցանքն ավարտվելու օրվան նախորդող 12 ամիսների ընթացքում անձի ստացած միջին ամսական եկամտի 35 տոկոսը չի գերազանցում հանցանքը կատարելու պահին նվազագույն աշխատավարձի չափը,
- 2024 թվականի դեկտեմբերի 6-ին արտատպված ձև 8 տեղեկանքը, համաձայն որի Սերգեյ Թադևոսյանը նախկինում դատված չի եղել,
- 2024 թվականի դեկտեմբերի 6-ին արտատպված Սերգեյի Թադևոսյանի ՔԿԱԳ տվյալների շտեմարանի քաղվածքը. առկա է Վարդան Սերգեյի Թադևոսյանի (ծնված՝ 13.05.2021թ.) ծննդի պետական գրանցման մասին թիվ 4431 ակտը։
4. Դատարանի իրավական վերլուծությունները և եզրահանգումը.
4.1. Գնահատելով դատաքննության ընթացքում հետազոտված ապացույցների յուրաքանչյուրը վերաբերելիության, թույլատրելիության և հավաստիության տեսանկյունից՝ Դատարանն արձանագրում է, որ ապացույցների հետազոտման ընթացքում չեն արձանագրվել դրանց ձեռք բերման պատշաճ իրավական ընթացակարգի խախտումներ, ուստի հետազոտված ապացույցներից յուրաքանչյուրը թույլատրելի է։
Միևնույն ժամանակ Դատարանն արձանագրում է, որ հետազոտված ապացույցներից յուրաքանչյուրը պարունակում է տեղեկություններ գործի համար նշանակություն ունեցող փաստերի վերաբերյալ՝ հետևաբար հետազոտված ապացույցներից յուրաքանչյուրը բավարարում են ապացույցի վերաբերելիության պահանջին։
Դատարանն արձանագրում է, որ հետազոտված ապացույցներից ոչ մեկը չի պարունակում հակասական տվյալներ գործի փաստերի վերաբերյալ, ուստի դրանք գնահատվում են բավարար՝ հավաստիության տեսանկյունից։
4.2. Հիմնական դատալսումների ընթացքում պատշաճ իրավական ընթացակարգով հետազոտված ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով՝ Դատարանը հաստատված է համարում, որ Սերգեյ Թադևոսյանը 2023 թվականի ապրիլի 23-ին կազմված վարչական իրավախախտման վերաբերյալ թիվ 8180248480 արձանագրությամբ 1 տարի ժամկետով զրկված լինելով տրանսպորտային միջոց վարելու իրավունքից, 2023 թվականի նոյեմբերի 22-ին՝ ժամը 11:15-ին, Երևան քաղաքի Բագրատունյաց փողոցում վարել է «Մերսեդես» մակնիշի 06 ՏT 090 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության 4-րդ գումարտակի 1-ին վաշտի պարեկ Հովհաննես Մկրտչյանի կողմից կազմվել է թիվ 8180263856 արձանագրությունը: Բացի այդ, Սերգեյ Վարդանի Թադևոսյանը 2023 թվականի ապրիլի 23-ին կազմված վարչական իրավախախտման վերաբերյալ թիվ 8180248480 արձանագրությամբ 1 տարի ժամկետով զրկված լինելով տրանսպորտային միջոց վարելու իրավունքից, զրկման ժամկետը լրանալուց հետո սահմանված կարգով չի վերականգնել տրանսպորտային միջոցներ վարելու իրավունքը և չունենալով տրանսպորտային միջոց վարելու իրավունք 2024 թվականի մայիսի 12-ին՝ ժամը 22:35-ին, Երևան քաղաքի Գայի պողոտայում 0,453 մգ ալկոհոլի ազդեցության տակ վարել է «Մերսեդես» մակնիշի 06 ՏT 090 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության 1-ին գումարտակի 3-րդ վաշտի կրտսեր պարեկ Սաքո Եղյանի կողմից կազմվել է թիվ 8180160579 արձանագրությունը: Բացի այդ, Սերգեյ Վարդանի Թադևոսյանը 2023 թվականի ապրիլի 23-ին կազմված վարչական իրավախախտման վերաբերյալ թիվ 8180248480 արձանագրությամբ 1 տարի ժամկետով զրկված լինելով տրանսպորտային միջոց վարելու իրավունքից, զրկման ժամկետը լրանալուց հետո սահմանված կարգով չի վերականգնել տրանսպորտային միջոցներ վարելու իրավունքը և չունենալով տրանսպորտային միջոց վարելու իրավունք 2024 թվականի մայիսի 17-ին՝ ժամը 22:20-ին, Երևան քաղաքի Դավիթ Անհաղթ փողոցում 0,714 մգ ալկոհոլի ազդեցության տակ վարել է «Մերսեդես» մակնիշի 06 ՏT 090 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության 4-րդ գումարտակի 3-րդ վաշտի կրտսեր պարեկ Ռոման Սահակյանի կողմից կազմվել է թիվ 8180404664 արձանագրությունը:
Այսինքն՝ ապացուցված է Սերգեյ Վարդանի Թադևոսյանի կողմից մեղավորությամբ ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով նախատեսված հակաիրավական արարքների կատարումը։
ՀՀ քրեական օրենսգրքի 344-րդ հոդվածի 1-ին մասի համաձայն՝
«1. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը՝
պատժվում է տուգանքով` առավելագույնը տասնապատիկի չափով, կամ հանրային աշխատանքներով` առավելագույնը հարյուր ժամ տևողությամբ, կամ կարճաժամկետ ազատազրկմամբ՝ առավելագույնը մեկ ամիս ժամկետով:»
ՀՀ քրեական օրենսգրքի 344-րդ հոդվածի 2-րդ մասի համաձայն՝
«2. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:»
Անդրադառնալով դատապարտված մեղադրյալի պատասխանատվությունը և պատիժը մեղմացնող հանգամանքներին՝ Դատարանն արձանագրում է, որ որպես քրեական պատասխանատվությունը կամ պատիժը մեղմացնող հանգամանք Դատարանը ապացուցված է համարում Սերգեյ Թադևոսյանի խնամքին մեկ անչափահաս երեխայի՝ Վարդան Սերգեյի Թադևոսյանի (ծնված՝ 13.05.2021թ.) առկայության փաստը, այն է՝ ՀՀ քրեական օրենսգրքի 70-րդ հոդվածի 1-ին մասի 4-րդ կետը։
Անդրադառնալով դատապարտված մեղադրյալի պատասխանատվությունը և պատիժը ծանրացնող հանգամանքների հարցին՝ Դատարանն արձանագրում է, որ ՀՀ քրեական օրենսգրքի 71-րդ հոդվածով սահմանված հանգամանքներ առկա չեն։
Անդրադառնալով մեղադրյալ Սերգեյ Թադևոսյանի անձը բնութագրող հանգամանքներին՝ Դատարանը արձանագրում է, որ Սերգեյ Թադևոսյանը նախկինում դատապարտված չի եղել՝ բնութագրվում է դրականորեն, ընդունել է մեղքը, զղջացել է կատարածի համար։
Անդրադառնալով մեղադրյալի կողմից պատժի ենթակա լինելու հարցին՝ Դատարանն արձանագրում է, որ մեղադրյալ Սերգեյ Թադևոսյանին քրեական պատասխանատվությունից, պատժից ազատելու հիմքեր առկա չեն, հետևաբար նա ենթակա է պատժի՝ իր կատարած հանցանքի համար։
Մեղադրյալ Սերգեյ Թադևոսյանի նկատմամբ պատիժ նշանակելու հարցին անդրադառնալով՝ Դատարանն արձանագրում է հետևյալը.
ՀՀ քրեական օրենսգրքի 7-րդ հոդվածի 1-ին մասի համաձայն՝
«1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:»
Նույն օրենսգրքի 55-րդ հոդվածի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»
Նույն օրենսգրքի 69-րդ հոդվածի համաձայն՝
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
(…)»
Դատարանն արձանագրում է, որ ՀՀ քրեական օրենսգրքի 344-րդ հոդվածի 1-ին մասով սահմանված պատժատեսակները երեքն են՝ տուգանք, հանրային աշխատանքներ և կարճաժամկետ ազատազրկում, ՀՀ քրեական օրենսգրքի 344-րդ հոդվածի 2-րդ մասով սահմանված պատժատեսակները չորս են՝ տուգանք, հանրային աշխատանքներ, կարճաժամկետ ազատազրկում և ազատազրկում։ Նկատի ունենալով, որ նշված հոդվածները հանդիսանում են ոչ մեծ ծանրության հանցանքներ, իսկ մեղադրյալը հանդիսանում է առաջին անգամ հանցանք կատարած անձ, հաշվի առնելով նաև կատարված արարքների հանրային վտանգավորությունն ու առաջացած հետևանքները՝ Դատարանը գտնում է, որ պատժի նպատակներին հնարավոր է հասնել տուգանք պատժատեսակի կիրառմամբ։
ՀՀ քրեական օրենսգրքի 59-րդ հոդվածի համաձայն՝
«1. Տուգանքը դրամական տուժանք է, որը նշանակվում է սույն օրենսգրքով նախատեսված դեպքերում և չափերով:
2. Տուգանքը որպես հիմնական պատիժ կարող է նշանակվել սույն օրենսգրքի Հատուկ մասով նախատեսված դեպքերում:
3. Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով։
(…)
5. Հանցանք կատարած անձի եկամտի բացակայության կամ դրա չափը պարզելու անհնարինության դեպքում տուգանքի չափը հաշվարկվում է հանցանքը կատարելու պահին նվազագույն աշխատավարձի չափով: Տուգանքի չափը որոշվում է նույն կարգով, եթե հանցանք կատարած անձի եկամուտն առաջացել է հանցանքն ավարտվելուց հետո։ Տուգանքի չափը որոշվում է նույն կարգով նաև այն դեպքում, երբ անձի ամսական եկամտի հաշվարկի արդյունքով դրա չափը պակաս է ստացվում նվազագույն աշխատավարձի չափից:
(…)
7. Տուգանքի նշանակման հնարավորությունը և չափը դատարանը որոշում է՝ հաշվի առնելով հանցագործության ծանրությունը, հանցագործությամբ պատճառված վնասի բնույթն ու չափը, հանցագործությամբ ստացված գույքային կամ ոչ գույքային բնույթի օգուտները, դատապարտվողի ու նրա ընտանիքի գույքային դրությունը, ինչպես նաև դատապարտվողի՝ եկամուտ ստանալու հնարավորությունը կամ նրան պատկանող այնպիսի գույքի առկայությունը, որի վրա կարող է բռնագանձում տարածվել։
8. Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ Եթե տուգանքը նշանակելուց հետո դատապարտյալի նյութական վիճակի վատթարացման հետևանքով նա զրկվում է տուգանքը վճարելու հնարավորությունից, ապա դատարանը, հաշվի առնելով դատապարտյալի դիրքորոշումը`
1) երկարաձգում է տուգանքի վճարման սահմանված վերջնաժամկետը` առավելագույնը 1 տարով,
2) նշանակում է հանրային աշխատանքներ` հանրային աշխատանքների 24 ժամը հաշվարկելով հանցանքը կատարելու պահին նվազագույն աշխատավարձի չափով:
(…)»
Նույն օրենսգրքի 3-րդ հոդվածի 1-ին մասի համաձայն՝
1. Սույն օրենսգրքում օգտագործվում են հետևյալ հասկացությունները.
(…)
6) ամսական եկամուտ` հանցանքն ավարտվելու օրվան նախորդող 12 ամիսների ընթացքում անձի ստացած միջին ամսական եկամտի 35 տոկոսը: Միջին ամսական եկամտի մեջ հաշվարկվում են ստացվող աշխատավարձը և դրան հավասարեցված այլ վճարումները, անձի կողմից իր ակտիվների ներդրմամբ (տրամադրմամբ) այլ անձանց գործունեությունից ստացված եկամուտը (շահաբաժինը, տոկոսը, ռոյալթին, վարձակալական վճարը): Ամսական եկամուտը հաշվարկելիս հաշվի չեն առնվում դրանց համար վճարվող հարկերը, տուրքերը կամ այլ վճարներ.
7) նվազագույն աշխատավարձ՝ «Նվազագույն ամսական աշխատավարձի մասին» օրենքով սահմանված նվազագույն ամսական աշխատավարձի չափը.
(…)»
Վերոգրյալ իրավանորմերը վկայում են այն մասին, որ տուգանքը որպես հիմնական պատիժ նշանակվում հանցանք կատարած անձի ամսական եկամտի հնգապատիկից հիսնապատիկի չափով, իսկ մեղադրյալին մեղսագրվող արարքներից մեկի համար՝ առավելագույնը տասնապատիկի չափով, իսկ մյուս երկուսի համար՝ առավելագույնը քսանապատիկի չափով։
Հետազոտելով 2024 թվականի դեկտեմբերի 6-ին արտատպված ՊԵԿ տվյալների շտեմարանի քաղվածքները պարզ է դառնում, որ Սերգեյ Թադևոսյանի եկամուտների վերաբերյալ տվյալներ առկա են, որոնց հաշվարկով պարզ է դառնում, որ հանցանքն ավարտվելու օրվան նախորդող 12 ամիսների ընթացքում անձի ստացած միջին ամսական եկամտի 35 տոկոսը չի գերազանցում հանցանքը կատարելու պահին նվազագույն աշխատավարձի չափը, ուստի տուգանքի չափը պետք է հաշվարկել հանցանքը կատարելու պահին նվազագույն աշխատավարձի չափով:
Նվազագույն աշխատավարձի մասին ՀՀ օրենքի 1-ին հոդվածի համաձայն՝ 2023 թվականի հունվարի 1-ից «Հայաստանի Հանրապետությունում նվազագույն ամսական աշխատավարձը սահմանել 75000 դրամ»:
Այսպիսով, Դատարանը հիմք ընդունելով մեղադրյալ Սերգեյ Թադևոսյանի անձը բնութագրող տվյալները՝ առաջին անգամ հանցանք կատարած լինելը, պատասխանատվությունն ու պատիժը մեղմացնող հանգամանքի առկայությունը՝ խնամքին մեկ անչափահաս երեխայի առկայությունը և ծանրացնող հանգամանքների բացակայությունը, վերջինիս կողմից կատարված հանցավոր արարքի բնույթը, նշանակությունը և վտանգավորությունը՝ գտնում է, որ նրա նկատմամբ ՀՀ քրեական օրենսգրքի 344-րդ հոդվածի 1-ին մասով պատիժ պետք է նշանակվի տուգանք՝ նվազագույն աշխատավարձի հնգապատիկի՝ 375.000 ՀՀ դրամի չափով, ՀՀ քրեական օրենսգրքի 344-րդ հոդվածի 2-րդ մասով՝ տուգանք՝ նվազագույն աշխատավարձի վեցապատիկի՝ 450.000 ՀՀ դրամի չափով, ՀՀ դրամի չափով, ՀՀ քրեական օրենսգրքի 344-րդ հոդվածի 2-րդ մասով՝ տուգանք՝ նվազագույն աշխատավարձի վեցապատիկի՝ 450.000 ՀՀ դրամի չափով և վերջինս պետք է կրի իր նկատմամբ նշանակված պատիժը։
ՀՀ քրեական օրենսգրքի 74-րդ հոդվածի 1-ին մասի համաձայն՝
«1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:»
Առաջնորդվելով ՀՀ քրեական օրենսգրքի 74-րդ հոդվածով՝ Դատարանը գտնում է, որ Սերգեյ Թադևոսյանի նկատմամբ ՀՀ քրեական օրենսգրքի 344-րդ հոդվածի 1-ին մասով նշանակված 375.000 ՀՀ դրամի չափով տուգանք պատժին անհրաժեշտ է լրիվ գումարել ՀՀ քրեական օրենսգրքի 344-րդ հոդվածի 2-րդ մասով նշանակված 450.000 ՀՀ դրամի չափով և ՀՀ քրեական օրենսգրքի 344-րդ հոդվածի 2-րդ մասով նշանակված 450.000 ՀՀ դրամի չափով տուգանք պատիժները և մեղադրյալ Սերգեյ Թադևոսյանի նկատմամբ վերջնական պատիժ է նշանակում տուգանք՝ 1.275.000 ՀՀ դրամի չափով։
Դատարանն արձանագրում է նաև, որ մեղադրյալին պետք է թույլատրել որպես պատիժ նշանակված 1.275.000 ՀՀ դրամի չափով տուգանքը վճարել մաս առ մաս 12 ամսվա ընթացքում՝ նվազագույնը 106.250 ՀՀ դրամի չափով՝ ըստ վերջինի և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
Նկատի ունենալով այն հանգամանքը, որ սույն քրեական վարույթով գույքային հայց, գույք բռնագրավելու անհրաժեշտություն, արգելադրված գույք առկա չեն՝ Դատարանն այդ հարցերին չի անդրադառնում:
Անդրադառնալով ապացույցների պահպանման և տնօրինման հարցին՝ Դատարանն արձանագրում է, որ դրանք ենթակա են պահման քրեական գործի հետ՝ այն պահելու ամբողջ ժամանակահատվածում:
Անդրադառնալով Սերգեյ Թադևոսյանի նկատմամբ կիրառված այլընտրանքային խափանման միջոցի՝ բացակայելու արգելքի հարցին՝ Դատարանն արձանագրում է, որ ըստ Սերգեյ Թադևոսյանի խոսքերի նա աշխատանքային այցով պետք է մեկնի արտասահման, որպիսի հանգամանքը կբարելավի նրա սոցիալական վիճակը։ Նշվածի համատեքստում հաշվի առնելով նշանակված տուգանքի չափը՝ Դատարանը գտնում է, որ նշված աշխատանքային այցը թույլ կտա Սերգեյ Թադևոսյանի բարելավել սոցիալական վիճակը և ժամանակին վճարել նշանակված տուգանքը։ Վերոգրյալի հաշվառմամբ՝ Դատարանը գտնում է, որ Սերգեյ Թադևոսյանի վերաբերյալ ՀՀ միգրացիոն ծառայությունում և Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքներն անհապաղ պետք է վերացնել։
Հաշվի առնելով, որ սույն գործով վարութային ծախսեր առկա չեն, Դատարանն այդ հարցին անդրադարձ չի կատարում։
Ելնելով վերոգրյալից և ղեկավարվելով ՀՀ քրեական օրենսգրքի 55-րդ, 59-րդ, 69-րդ, 70-րդ և ՀՀ քրեական դատավարության օրենսգրքի 31-րդ, 33-րդ, 347-349-րդ, 352-353-րդ, 364-րդ հոդվածներով՝ Դատարանը

ՎՃՌԵՑ
1. Սերգեյ Վարդանի Թադևոսյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով՝
Սերգեյ Վարդանի Թադևոսյանի նկատմամբ ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության կատարման համար պատիժ նշանակել՝ տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով,
Սերգեյ Վարդանի Թադևոսյանի նկատմամբ ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման համար պատիժ նշանակել՝ տուգանք՝ նվազագույն աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով,
Սերգեյ Վարդանի Թադևոսյանի նկատմամբ ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման համար պատիժ նշանակել՝ տուգանք՝ նվազագույն աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով։
2. ՀՀ քրեական օրենսգրքի 74-րդ հոդվածով սահմանված կարգով մեղադրյալ Սերգեյ Վարդանի Թադևոսյանի նկատմամբ ՀՀ քրեական օրենսգրքի 344-րդ հոդվածի 1-ին մասով նշանակված 375.000 (երեք հարյուր յոթանասունհինգ հազար) ՀՀ դրամի չափով տուգանք պատժին լրիվ գումարել ՀՀ քրեական օրենսգրքի 344-րդ հոդվածի 2-րդ մասով նշանակված 450.000 (չորս հարյուր հիսուն հազար) ՀՀ դրամի չափով և ՀՀ քրեական օրենսգրքի 344-րդ հոդվածի 2-րդ մասով նշանակված 450.000 (չորս հարյուր հիսուն հազար) ՀՀ դրամի չափով տուգանք պատիժները, և մեղադրյալ Սերգեյ Վարդանի Թադևոսյանի նկատմամբ վերջնական պատիժ նշանակել տուգանք՝ 1.275.000 (մեկ միլիոն երկու հարյուր յոթանասունհինգ հազար) ՀՀ դրամի չափով։
3. Սերգեյ Վարդանի Թադևոսյանին թույլատրել որպես պատիժ նշանակված՝ 1.275.000 (մեկ միլիոն երկու հարյուր յոթանասունհինգ հազար) ՀՀ դրամի չափով տուգանքը վճարել մաս առ մաս 12 (տասներկու) ամսվա ընթացքում՝ նվազագույնը 106.250 (հարյուր վեց հազար երկու հարյուր հիսուն) ՀՀ դրամի չափով՝ ըստ վերջինի և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
4. Ապացույցները պահել քրեական գործի հետ՝ այն պահելու ամբողջ ժամանակահատվածում:
5. Սերգեյ Վարդանի Թադևոսյանի նկատմամբ ընտրված խափանման միջոցը՝ բացակայելու արգելքը վերացնել:
6. Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո` մեկամսյա ժամկետում:

Դատավոր` Դավիթ Արղամանյան