ԵԴ1/3389/01/24







Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

Հայաստանի Հանրապետության Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան),

Նախագահող դատավոր Ս.ԳԶՈԳՅԱՆԻ
քարտուղարությամբ Լ.ՉՈԲԱՆՅԱՆԻ
մասնակցությամբ
հանրային մեղադրող Ա․ԵՐԻՑՅԱՆԻ
մեղադրյալ Ն․ՆԱՀԱՊԵՏՅԱՆԻ


2024 թվականի դեկտեմբերի 3-ին, Երևան քաղաքում, դռնբաց դատական նիստում, քննելով քրեական գործն ըստ մեղադրանքի`
Նարեկ Վազգենի Նահապետյանի՝ ծնված 1992 թվականի սեպտեմբերի 14-ին, Աբովյան քաղաքում, հայ, ՀՀ քաղաքացի, միջնակարգ կրթությամբ, նախկինում չդատապարտված, աշխատում է Yandex» ծառայությունում որպես տաքսու վարորդ, չամուսնացած, հաշվառված է և բնակվում է Կոտայքի մարզ, ք․Աբովյան, Շինարարների փողոց 5 տուն հասցեում, մեղադրանք է առաջադրվել 3 դրվագ ՀՀ քրեական օրենսգրքի 344-րդ հոդվածի 1-ին մասով, որպես խափանման միջոց է ընտրվել բացակայելու արգելքը,

ՊԱՐԶԵՑ

1.Գործի դատավարական նախապատմությունը
2024 թվականի հունվարի 19-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 20-0066-24 քրեական վարույթը:
2024 թվականի փետրվարի 1-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60-0536-24 քրեական վարույթը:
2024 թվականի փետրվարի 1-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60-0538-24 քրեական վարույթը:
Նախաքննության մարմնի 2024 թվականի օգոստոսի 8-ի որոշմամբ թիվ 20-0066-24 և թիվ 60-0538-24 քրեական վարույթները միացվել թիվ 60-0536-24 քրեական վարույթին, վարույթը շարունակվել թիվ 60-0536-24 համարով։
2024 թվականի հոկտեմբերի 25-ի որոշմամբ Նարեկ Վազգենի Նահապետյանի նկատմամբ քրեական հետապնդում է հարուցվել 3 դրվագ ՀՀ քրեական օրենսգրքի 344-րդ հոդվածի 1-ին մասով այն արարքների համար, որ նա հանդիսանալով տրանսպորտային միջոցներ վարելու իրավունքը կասեցված անձ, 3 անգամ վարել է տրանսորտային միջոց:
Այսպես՝ Նարեկ Վազգենի Նահապետյանի տրանսպորտային միջոցներ վարելու իրավունքը 2023 թվականի հուլիսի 21-ի որոշմամբ կասեցվել է 6 ամիս ժամկետով, ինչի մասին Նարեկ Վազգենի Նահապետյանը փոստային առաքմամբ պատշաճ ծանուցվել է: Իր տրանսպորտային միջոցներ վարելու իրավունքի կասեցման մասին տեղեկացված լինելով, Ն.Նահապետյանը 2023 թվականի նոյեմբերի 21-ին՝ ժամը 23-ի սահմաններում, Երևան քաղաքի Կոմիտասի պողոտայում վարել է «Օպել» մակնիշի 81 NS 777 հաշվառման համարանիշի տրանսպորտային միջոցը, որը կանգնեցվել է ՀՀ ՆԳՆ ոստիկանության Պարեկային ծառայության աշխատակիցների կողմից և կազմվել է վարչական իրավախախտման վերաբերյալ թիվ 8180260365 արձանագրությունը։
Բացի այդ, Նարեկ Վազգենի Նահապետյանն իր տրանսպորտային միջոցներ վարելու իրավունքի կասեցման մասին տեղեկացված լինելով, 2023 թվականի դեկտեմբերի 25-ին՝ ժամը 19:30-ի սահմաններում, Կոտայքի մարզի Աբովյան քաղաքի Օգոստոսի 23-ի և Հանրապետության փողոցների խաչմերուկում վարել է «Օպել» մակնիշի 81 NS 777 հաշվառման համարանիշի տրանսպորտային միջոցը, ինչի համար ոստիկանության պարեկային ծառայության աշխատակիցների կողմից կազմվել է վարչական իրավախախտման վերաբերյալ թիվ 8180360271 արձանագրությունը։
Բացի այդ, Նարեկ Վազգենի Նահապետյանն իր տրանսպորտային միջոցներ վարելու իրավունքի կասեցման մասին տեղեկացված լինելով, 2024 թվականի հունվարի 21-ին՝ ժամը 15։00-ի սահմաններում, Երևան քաղաքի Բաղրամյան պողոտայում վարել է «Օպել» մակնիշի 81 NS 777 հաշվառման համարանիշի տրանսպորտային միջոցը, որը կանգնեցվել է ՀՀ ՆԳՆ ոստիկանության պարեկային ծառայության աշխատակիցների կողմից և կազմվել է վարչական իրավախախտման վերաբերյալ թիվ 8180263954 արձանագրությունը:
2024 թվականի հոկտեմբերի 31-ի որոշմամբ Նարեկ Վազգենի Նահապետյանի նկատմամբ խափանման միջոց է ընտրվել բացակայելու արգելքը:
2024 թվականի նոյեմբերի 18-ին քրեական գործը մեղադրական եզրակացությամբ ստացվել է Երևան քաղաքի առաջին ատյանի ընդհանուր իրավասության քրեական դատարանում, գործին շնորհվել է ԵԴ1/3389/01/24 համարը:
2024 թվականի նոյեմբերի 20-ին Դատարանի դատավոր Ս.Գզոգյանը որոշում է կայացրել վարույթը ստանձնելու և նախնական դատալսումներ նշանակելու մասին։
2024 թվականի դեկտեմբերի 3-ին Դատարանը Նարեկ Վազգենի Նահապետյանի նկատմամբ կայացրել է մեղադրական վերդիկտ։


2.Դատարանում հետազոտված և գնահատված ապացույցներ
Մեղադրյալ Նարեկ Վազգենի Նահապետյանն առաջադրված մեղադրանքում իրեն մեղավոր է ճանաչել, հիմնական դատալսումների ընթացքում, օգտվելով իր իրավունքներից, հրաժարվել է ցուցմունք տալ (տե՛ս դատական նիստի արձանագրությունը):
Մինչդատական վարույթի ընթացքում 2024 թվականի հոկտեմբերի 31-ին Նարեկ Վազգենի Նահապետյանը ցուցմունք է տվել այն մասին, որ առաջադրված մեղադրանքում իրեն մեղավոր է ճանաչում և տեղյակ է եղել այն մասին, որ կասեցված է իր տրանսպորտային միջոցներ վարելու իրավունքը, այդ մասին ծանուցվել է փոստի միջոցով։ Իրեն ուղարկվել է կասեցման մասին որոշումը: Հետադարձ հավաստագրի վրա առկա է իր ստորագրությունը և 07.08.2023 թվականին ծանուցագիրը ստացվել է իր կողմից: Հայտնել է նաև, որ նշված դեպքերում էլ մեքենան վարել է ինքը որպես տաքսի, քանի որ դա է հանդիսանում եկամտի միակ աղբյուրը (տե´ս դատական նիստի արձանագրություն, քրեական գործ, 92-94-րդ թերթեր)։
Ցուցմունքները հրապարակելուց հետո Նարեկ Վազգենի Նահապետյանը հայտնել է, որ դրանք ճիշտ են և պնդել է դրանք (տե՛ս դատական նիստի արձանագրությունը):
Հիմնական դատալսումների ընթացքում հետազոտվել են հետևյալ գրավոր ապացույցները.
Վարչական իրավախատման վերաբերյալ 21.11.2023թ. կազմված արձանագրությունը, որի համաձայն՝ ՀՀ ոստիկանության պարեկային ծառայության պարեկ Նարեկ Կարապետյանը 2023 թվականի նոյեմբերի 21-ին կազմել է վարչական իրավախախտման վերաբերյալ արձանագրությունն այն բանի համար, որ Նարեկ Վազգենի Նահապետյանը կասեցված տրանսպորտային միջոցներ վարելու իրավունքի վկայականով վարել է Օպել» մակնիշի տրասնպորտային միջոցը (տե´ս դատական նիստի արձանագրություն, քրեական գործ, 2-4-րդ թերթ)։
ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրի քաղվածքը, որի համաձայն՝ Նարեկ Վազգենի Նահապետյանը տրանսպորտային միջոցներ վարելու իրավունքը կասեցված է 2023 թվականի օգոստոսի 7-ից մինչև 2024 թվականի փետրվարի 7-ը (տե´ս դատական նիստի արձանագրություն, քրեական գործ, 54-56-րդ թերթ)։
ՀՀ ՆԳՆ ոստիկանության ՃՈ ծառայության կողմից 2023 թվականի հուլիսի 21-ին կայացված վարչական տույժ նշանակելու մասին թիվ 2316759150 որոշումն այն մասին, որ Նարեկ Վազգենի Նահապետյանի տրասպորտային միջոցներ վարելու իրավունքը կասեցվել է 6 ամիս ժամկետով, որն ուղարկվել է Կոտայքի մարզ, Աբովյան, Շինարարների փողոց 5 տուն հասցեով։
Հայփոստից ստացված հավաստագիրը, որի համաձայն Նարեկ Վազգենի Նահապետյանը ՃՈ-ի կողմից ուղարկված թիվ 2316759150 որոշումը ստացել է 07․08․2023 թվականին։ Հավաստագրի վրա առկա է ստորագրություն։
Վարչական իրավախատման վերաբերյալ 25.12.2023թ. կազմված արձանագրությունը, որի համաձայն՝ ՀՀ ոստիկանության պարեկային ծառայության պարեկի կողմից 2023 թվականի դեկտեմբերի 25-ին կազմել է վարչական իրավախախտման վերաբերյալ արձանագրությունն այն բանի համար, որ Նարեկ Վազգենի Նահապետյանը կասեցված տրանսպորտային միջոցներ վարելու իրավունքի վկայականով վարել է Օպել» մակնիշի տրասնպորտային միջոցը (տե´ս դատական նիստի արձանագրություն, քրեական գործ, 11-13-րդ թերթեր)։
Վարչական իրավախատման վերաբերյալ 21.01.2024թ. կազմված արձանագրությունը, որի համաձայն՝ ՀՀ ոստիկանության պարեկային ծառայության պարեկի կողմից 2024 թվականի հունվարի 21-ին, կազմել է վարչական իրավախախտման վերաբերյալ արձանագրությունն այն բանի համար, որ Նարեկ Վազգենի Նահապետյանը կասեցված տրանսպորտային միջոցներ վարելու իրավունքի վկայականով վարել է Օպել» մակնիշի տրասնպորտային միջոցը (տե´ս դատական նիստի արձանագրություն, քրեական գործ, 61-63-րդ թերթեր)։
Արտավարութային փաստաթուղթ ճանաչելու մասին 2024 թվականի սեպտեմբերի 18-ի որոշումը (տե´ս դատական նիստի արձանագրություն, քրեական գործ, 72-73-րդ թերթեր)։
Ն․Նահապետյանի դատավածության վերաբերյալ տեղեկանքը, որի համաձայն Ն․Նահապետյանի նախկինում դատապարտված չի եղել (տե´ս դատական նիստի արձանագրություն, քրեական գործ, 76-րդ թերթ):


3.Դատարանի իրավական վերլուծությունները
Դատարանը, վերլուծելով մեղադրյալ Ն․Նահապետյանը առաջադրված մեղադրանքի հիմքում դրված և հիմնական դատալսումների ընթացքում հետազոտված վերոգրյալ ապացույցները՝ դրանք գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր կասկածները նրա օգտին մեկնաբանելով, հաստատված է համարում, որ Նարեկ Վազգենի Նահապետյանը, տեղեկացված լինելով տրանսպորտային միջոցներ վարելու իրավունքի կասեցման մասին, 2023 թվականի նոյեմբերի 21-ին՝ ժամը 23-ի սահմաններում, Երևան քաղաքի Կոմիտասի պողոտայում վարել է «Օպել» մակնիշի 81 NS 777 հաշվառման համարանիշի տրանսպորտային միջոցը, որը կանգնեցվել է ՀՀ ՆԳՆ ոստիկանության Պարեկային ծառայության աշխատակիցների կողմից և կազմվել է վարչական իրավախախտման վերաբերյալ թիվ 8180260365 արձանագրությունը։ Բացի այդ, Նարեկ Վազգենի Նահապետյանը իր տրանսպորտային միջոցներ վարելու իրավունքի կասեցման մասին տեղեկացված լինելով, 2023 թվականի դեկտեմբերի 25-ին՝ ժամը 19:30-ի սահմաններում, Կոտայքի մարզի Աբովյան քաղաքի Օգոստոսի 23-ի և Հանրապետության փողոցների խաչմերուկում վարել է «Օպել» մակնիշի 81 NS 777 հաշվառման համարանիշի տրանսպորտային միջոցը, ինչի համար ոստիկանության Պարեկային ծառայության աշխատակիցների կողմից կազմվել է վարչական իրավախախտման վերաբերյալ թիվ 8180360271 արձանագրությունը։ Բացի այդ, Նարեկ Վազգենի Նահապետյանը իր տրանսպորտային միջոցներ վարելու իրավունքի կասեցման մասին տեղեկացված լինելով, 2024 թվականի հունվարի 21-ին՝ ժամը 15։00-ի սահմաններում, Երևան քաղաքի Բաղրամյան պողոտայում վարել է «Օպել» մակնիշի 81 NS 777 հաշվառման համարանիշի տրանսպորտային միջոցը, որը կանգնեցվել է ՀՀ ՆԳՆ ոստիկանության Պարեկային ծառայության աշխատակիցների կողմից և կազմվել է վարչական իրավախախտման վերաբերյալ թիվ 8180263954 արձանագրությունը:
Այսպիսով, Դատարանը գտնում է, որ սույն գործով ձեռք բերված հավաստի ապացույցների համակցությունը բավարար է հիմնավոր կասկածից վեր ապացուցողական չափանիշին համապատասխան հաստատված համարելու մեղադրյալ Ն․Նահապետյանի կողմից երեք անգամ տրանսպորտային միջոցներ վարելն այն վարելու իրավունքը կասեցված լինելու պայմաններում, այդ արարքներն ապացուցված են, ճիշտ են որակված և համապատասխանում է 3 դրվագ ՀՀ քրեական օրենսգրքի 344-րդ հոդվածի 1-ին մասի հատկանիշներին:
Անդրադառնալով մեղադրյալի նկատմամբ նշանակվելիք պատժի հարցին՝ Դատարանն արձանագրում է, որ անձի նկատմամբ պատժի տեսակ և չափ ընտրելիս, ինչպես նաև այն կրելու նպատակահարմարության հարցը լուծելիս պետք է ղեկավարվել ՀՀ քրեական օրենսգրքի մի շարք դրույթներով:
ՀՀ քրեական օրենսգրքի 55-րդ հոդվածի 2-րդ մասի համաձայն՝ «2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»։
ՀՀ քրեական օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ։ (․․․)»։
Պատժի նշանակման հիմնական կանոնները սահմանող իրավական նորմերը (նախկին օրենսգրքի) ՀՀ վճռաբեկ դատարանը վերլուծել և դրանց վերաբերյալ իրավական դիրքորոշումներ է հայտնել թիվ ՎԲ-50/07, ՎԲ-124/07, ՎԲ-142/07, ՎԲ-192/07, ՎԲ-201/07, ԱՎԴ2/0059/01/08, ԵԱՔԴ/0078/01/09 ԵԿԴ/0042/01/11, ինչպես նաև մի շարք այլ գործերով կայացված որոշումներում: Վճռաբեկ դատարանի ձևավորած կայուն նախադեպային իրավունքի համաձայն՝ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման: Քրեական օրենքը համընդհանուր բնույթ ունի, իսկ արարքը և այն կատարող անձը կոնկրետ են: Հետևաբար կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, այն կատարող անձի, պատիժը մեղմացնող և ծանրացնող հանգամանքների վերլուծության հիման վրա
Այսպես` Դատարանը մեղադրյալ Ն․Նահապետյանի նկատմամբ պատիժ նշանակելիս հաշվի է առնում նրան մեղսագրված հանցագործության՝ հանրության համար վտանգավորության աստիճանն ու բնույթը, այդ թվում՝ հանցանքի կատարման հանգամանքները և եղանակը, ինչպես նաև խախտված հասարակական հարաբերության սոցիալական նշանակությունը:
Դատարանը մեղադրյալ Ն․Նահապետյանի նկատմամբ պատիժ նշանակելիս հաշվի է առնում նաև նրա անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Մասնավորապես, Դատարանը, որպես Ն․Նահապետյանը անձը բնութագրող տվյալ հաշվի է առնում այն, որ նակինում դատապարտված չի եղել։
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, որպես մեղադրյալ Ն․Նահապետյանի պատասխանատվությունն ու պատիժը մեղմացնող հանգամանք հաշվի է առնում այն, որ նա իրեն լիովին մեղավոր է ճանաչել և տվել խոստովանական ցուցմունքներ, անկեղծորեն զղջացել է կատարած արարքների համար:
Դատարանը, արձանագրում է, որ մեղադրյալ Ն․Նահապետյանի պատասխանատվությունն ու պատիժը ծանրացնող հանգամանքներ առկա չեն:
Դատարանը գտնում է, որ կատարած արարքների համար մեղադրյալ Ն․Նահապետյանը ենթակա է պատժի:
Դատարանը, հաշվի առնելով մեղադրյալ Ն․Նահապետյանի կատարած արարքների՝ հանրության համար վտանգավորության աստիճանն ու բնույթը, նրա անձը բնութագրող, պատասխանատվությունը և պատիժը մեղմացնող հանգամանքները, գտնում է, որ մեղադրյալ Ն․Նահապետյանն իր կատարած 3 դրվագ ՀՀ քրեական օրենսգրքի 344-րդ հոդվածի 1-ին մասով նախատեսված հանցավոր արարքների համար ենթակա է պատժի տուգանքի ձևով։ Այսպես՝ ՀՀ քրեական օրենսգրքի 344-րդ հոդվածի 1-ին մասով՝ տուգանք՝ 375․000 (երեք հարյուր յոթանասունհինգ հազար) ՀՀ դրամի չափով, ՀՀ քրեական օրենսգրքի 344-րդ հոդվածի 1-ին մասով՝ տուգանք՝ 375․000 (երեք հարյուր յոթանասունհինգ հազար) ՀՀ դրամի չափով, և ՀՀ քրեական օրենսգրքի 344-րդ հոդվածի 1-ին մասով՝ տուգանք՝ 375․000 (երեք հարյուր յոթանասունհինգ հազար) ՀՀ դրամի չափով։
ՀՀ քրեական օրենսգրքի 74-րդ հոդվածի հիման վրա՝ պատիժների լրիվ գումարելու միջոցով, մեղադրյալ Նարեկ Վազգենի Նահապետյանի նկատմամբ վերջնական պատիժ նշանակել տուգանք՝ 1․125․000 (մեկ միլիոն հարյուր քսանհինգ հազար) ՀՀ դրամի չափով։
ՀՀ քրեական օրենսգրքի 59-րդ հոդվածի 8-րդ մասի համաձայն՝ «8. Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ (․․․)»
Դատարանը, հաշվի առնելով մեղադրյալ Ն․Նահապետյանի գույքային դրությունը՝ այն, որ նա չունի բավարար նյութական միջոցներ չունի անհապաղ, ամբողջությամբ վճարելու նշանակված տուգանքը, գտնում է, որ նրա նկատմամբ նշանակված պատժի՝ տուգանքի վճարումը պետք է տարաժամկետել 10 (տաս) ամիս ժամկետով և թույլատրել տուգանքը վճարել մաս առ մաս՝ յուրաքանչյուր ամիս 112․500 (հարյուր տասներկու հազար հինգ հարյուր ) ՀՀ դրամի չափով։
Դատարանն արձանագրում է, որ արտավարութային փաստաթուղթ ճանաչված և քրեական գործին կցված փաստաթղթերը պետք է թողնել կցված քրեական գործին՝ դատավճիռն օրինական ուժի մեջ մտնելուց հետո։
Քննարկելով մեղադրյալ Ն․Նահապետյանի նկատմամբ ընտրված խափանման միջոցի հարցը՝ Դատարանը գտնում է, որ վերջինիս նկատմամբ որպես խափանման միջոց ընտրված բացակայելու արգելքը, պետք է թողնել անփոփոխ՝ մինչև դատավճռի օրինական ուժի մեջ մտնելը, որից հետո վերացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 347-350-րդ, 464․1-րդ-464․5-րդ հոդվածներով` Դատարանը

Վ Ճ Ռ Ե Ց

Նարեկ Վազգենի Նահապետյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով, 344-րդ հոդվածի 1-ին մասով և 344-րդ հոդվածի 1-ին մասով նախատեսված արարքների կատարման մեջ և նրա նկատմամբ պատիժ նշանակել․
ՀՀ քրեական օրենսգրքի 344-րդ հոդվածի 1-ին մասով՝ 375․000 (երեք հարյուր յոթանասունհինգ հազար) ՀՀ դրամի չափով։
ՀՀ քրեական օրենսգրքի 344-րդ հոդվածի 1-ին մասով՝ 375․000 (երեք հարյուր յոթանասունհինգ հազար) ՀՀ դրամի չափով։
ՀՀ քրեական օրենսգրքի 344-րդ հոդվածի 1-ին մասով՝ 375․000 (երեք հարյուր յոթանասունհինգ հազար) ՀՀ դրամի չափով։
ՀՀ քրեական օրենսգրքի 74-րդ հոդվածի հիման վրա՝ պատիժների լրիվ գումարելու միջոցով, մեղադրյալ Նարեկ Վազգենի Նահապետյանի նկատմամբ վերջնական պատիժ նշանակել տուգանք՝ 1․125․000 (մեկ միլիոն հարյուր քսանհինգ հազար) ՀՀ դրամի չափով։
ՀՀ քրեական օրենսգրքի 59-րդ հոդվածի հիման վրա՝ նրա նկատմամբ նշանակված տուգանքը տարաժամկետել 10 (տաս) ամիս ժամկետով և թույլատրել տուգանքը վճարել մաս առ մաս՝ յուրաքանչյուր ամիս 112․500 (հարյուր տասներկու հազար հինգ հարյուր ) ՀՀ դրամի չափով։
Նարեկ Վազգենի Նահապետյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ մինչև դատավճռի օրինական ուժի մեջ մտնելը:
Արտավարութային փաստաթղթերը թողնել կցված քրեական գործին դատավճիռն օրինական ուժի մեջ մտնելուց հետո։
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:


ԴԱՏԱՎՈՐ՝ Ս.ԳԶՈԳՅԱՆ