Գործ ԵԴ1/3387/01/24



Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

05.05.2025 թվական ք.Երևան

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ
ՔՐԵԱԿԱՆ ԴԱՏԱՐԱՆ

ԴԱՏԱՎՈՐ՝ Դ.ԲԱԼԱՅԱՆ
ՆԻՍՏԻ ՔԱՐՏՈՒՂԱՐ՝ Ա.ՄԱԼՈՅԱՆ
ՄԱՍՆԱԿՑՈՒԹՅԱՄԲ`
ՄԵՂԱԴՐՈՂ` Դ.ԿՅՈՒՐԵՂՅԱՆ
ՊԱՇՏՊԱՆ՝ ԷԴ.ՂԱԶԱՐՅԱՆ
ՄԵՂԱԴՐՅԱԼ՝ Շ.ՔՈՉԻՆՅԱՆ

Դռնբաց դատական նիստում, դատական քննության հատուկ կարգի՝ արագացված վարույթի կիրառմամբ, քննության առնելով վարույթն ըստ մեղադրանքի
Շահեն Վլադիմիրի Քոչինյանի՝ ծնված 27.06.1995 թվականին, Երևան քաղաքում,
ազգությամբ հայ, ՀՀ քաղաքացի, բարձրագույն կրթությամբ, չամուսնացած, ըստ իր հայտարարության խնամքին է մայրը, չդատված, բնակվում է քաղաք Երևան, Սոսեի փողոց, տուն 24/2 հասցեում, որպես խափանման միջոց է ընտրված բացակայելու արգելքը, մեղադրվում է 3 դրվագ՝ ՀՀ քրեական օրենսգրքի 344-րդ հոդվածի 1-ին մասով

I.Գործի դատավարական նախապատմությունը.

2024 թվականի փետրվարի 29-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի ՀԿԳ ավագ քննիչ Մ.Մուրադյանը արձանագրություն է կազմել ՀՀ քրեական օրենսգրքի 344-րդ հոդվածի 1-ին մասի հատկանիշներով թիվ 60-0832-24 քրեական վարույթը նախաձեռնելու մասին /հատոր 1-ին գ.թ. 6-7/:
2024 թվականի օգոստասի 9-ին հիշյալ վարույթի քննությունը հանձարարվել է ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանների քննչական բաժնի քննիչ Մ.Հարությունյանին /հատոր 1-ին գ.թ. 10/:
2024 թվականի սեպտեմբերի 23-ին քննիչ Մ.Հարությունյանը արձանագրություններ է կազմել ՀՀ քրեական օրենսգրքի 344-րդ հոդվածի 1-ին մասի հատկանիշներով թիվ 09112624 և թիվ 09112724 քրեական վարույթները նախաձեռնելու մասին /հատոր 1-ին գ.թ. 70-71, 78-79/:
2024 թվականի սեպտեմբերի 23-ին և հոկտեմբերի 30-ին որոշումներ են կայացվել թիվ 09112624, 09112724, 09112824, 60082724 և 60083024 քրեական վարույթները թիվ 60083224 քրեական վարույթին միացնելու մասին և վարույթի քննությունը 60083224 /հատոր 1-ին գ.թ. 66-67, 74-75, 83-84, 96-97, 111-112/:
2024 թվականի նոյեմբերի 01-ին Երևան քաղաքի Արաբկիր և Քանաքեռ-Զեյթուն վարչական շրջանների դատախազության ավագ դատախազ Էդ.Գրիգորյանը որոշում է կայացրել Շահեն Քոչինյանի նկատմամբ հանրային քրեական հետապնդում հարուցելու մասին, այն բանի համար, որ նա, տրանսպորտային միջոցներ վարելու իրավունքը կասեցված վիճակում, վարել է տրանսպորտային միջոց:
Այսպես.
Շահեն Վլադիմիրի Քոչարյանը, 2023 թվականի մայիսի 12-ին ՀՀ ՆԳՆ պարեկային ծառայության աշխատակցի կողմից տեղեկանալով թիվ 2316113264 որոշմամբ 2023 թվականի ապրիլի 01-ից 2023 թվականի հոկտեմբերի 01-ն ընկած ժամանակահատվածում իր տրանսպորտային միջոցներ վարելու իրավունքի կասեցված լինելու մասին, կասեցման ժամկետը չլրացած, 2023 թվականի մայիսի 20-ին՝ ժամը 06:30-ի սահմաններում, Իջևան-Սևան-Երևան ավտոճանապարհին վարել է «Վոլկսվագեն» մակնիշի 19 VP 019 հաշվառման համարանիշի ավտոմեքենան, որի վերաբերյալ կազմվել է վարչական իրավախախտման վերաբերյալ 8180283685 արձանագրությունը:
Այսինքն՝ Շահեն Վլադիմիրի Քոչինյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարում:
Բացի այդ, Շահեն Վլադիմիրի Քոչինյանը, 2023 թվականի մայիսի 12-ին ՀՀ ՆԳՆ պարեկային ծառայության աշխատակցի կողմից տեղեկանալով թիվ 2316113264 որոշմամբ 2023 թվականի ապրիլի 01-ից 2023 թվականի հոկտեմբերի 01-ն ընկած ժամանակահատվածում իր տրանսպորտային միջոցներ վարելու իրավունքի կասեցված լինելու մասին, կասեցման ժամկետը չլրացած, 2023 թվականի հունիսի 30-ին՝ ժամը 22:25-ի սահմաններում, ք.Երևան, Բաղրամյան փողոցում վարել է «Վոլկսվագեն» մակնիշի 19 VP 019 հաշվառման համարանիշի ավտոմեքենան, որի վերաբերյալ կազմվել է վարչական իրավախախտման վերաբերյալ 8180260582 արձանագրությունը:
Այսինքն՝ Շահեն Վլադիմիրի Քոչինյանը մեղսգրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարում:
Բացի այդ, Շահեն Վլադիմիրի Քոչինյանը, 2023 թվականի մայիսի 12-ին ՀՀ ՆԳՆ պարեկային ծառայության աշխատակցի կողմից տեղեկանալով թիվ 2316113264 որոշմամբ 2023 թվականի ապրիլի 01-ից 2023 թվականի հոկտեմբերի 01-ն ընկած ժամանակահատվածում իր տրանսպորտային միջոցներ վարելու իրավունքի կասեցված լինելու մասին, կասեցման ժամկետը չլրացած, 2023 թվականի հուլիսի 14-ին՝ ժամը 01:55-ի սահմաններում, ք.երևան, Բաղրամյան փողոցում վարել է «Վոլկսվագեն» մակնիշի 19 VP 019 հաշվառման համարանիշի ավտոմեքենան, որի վերաբերյալ կազմվել է վարչական իրավախախտման վերաբերյալ 8180258065 արձանագրությունը:
Այսինքն՝ Շահեն Վլադիմիրի Քոչինյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարում:
Այսպիսով՝ Շահեն Վլադիմիրի Քոչինյանին մեղսագրվում են հանցանքների կատարում՝ նախատեսված ՀՀ քրեական օրենսգրքի 344-րդ հոդվածի 1-ին մասով /երեք դրվագ/ /գ.թ. 171-173/:
2024 թվականի նոյեմբերի 02-ին ավագ դատախազ Էդ.Գրիգորյանը որոշում է կայացրել Շահեն Քոչինյանի նկատմամբ ՀՀ քրեական օրենսգրքի 344-րդ հոդվածի 1-ին մասով քրեականհետապնդում՝ ՀՀ քրեական դատավարության օրենսգքրի 12-րդ հոդվածի 1-ին մասի 1-ին կետի հիմքով չիրականացնելու մասին /հատոր 1-ին գ.թ. 174-183/:
2024 թվականի նոյեմբերի 06-ին Շահեն Քոչինյանի նկատմամբ որպես խափանման միջոց է ընտրվել բացակայելու արգելքը /հատոր 1-ին գ.թ. 185-188/:
2024 թվականի օգոստոսի 08-ին Շահեն Քոչինյանին ներկայացվել է մեղադրանքը և պարզաբանվել մեղադրյալի իրավունքներն ու պարտականությունները /հատոր 1-ին գ.թ. 192, 193-194, 195/:
2024 թվականի նոյեմբերի 11-ին կազմվել է մեղադրական եզրակացությունը /հատոր 1-ին գ.թ. 203-211/:
2024 թվականի նոյեմբերի 14-ին Երևան քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Ե.Աբովյանը որոշում է կայացրել մեղադրական եզրակացությունը հաստատելու մասին /հատոր 2-րդ, գ.թ. 2-3/:
2024 թվականի նոյեմբերի 18-ին քրեական գործը մուտք է եղել դատարան, էլեկտրոնային եղանակով մակագրվել և հաջորդ օրը հանձնվել է դատավոր Դ.Բալայանին: /հատոր 2-րդ գ.թ. 1, 4-5/:
2024 թվականի նոյեմբերի 20-ին որոշում է կայացվել քրեական գործը վարույթ ստանձնելու և նախնական դատալսումներ նշանակելու մասին /հատոր 2-րդ գ.թ. 6/:
2025 թվականի ապրիլի 25-ին Երևան քաղաքի Արաբկիր և Քանաքեռ-Զեյթուն վարչական շրջանների դատախազ Հ.Մանանդյանը մեղադրանքի պաշտպանությունը հանձնարարել է նույն դատախազության դատախազ Դ.Կյուրեղյանին /հատոր 2-րդ գ.թ. 27/:

II. Արագացված վարույթ.

2025 թվականի ապրիլի 25-ի նախնական դատալսումների ընթացքում, մեղադրյալ Շահեն Քոչինյանը միջնորդել է կիրառել արագացված վարույթ: Հանրային մեղադրողի կողմից մեղադրանքի փաստական հիմքը ու մեղադրյալին վերագրվող արարքների իրավական գնահատականը ներկայացնելուց հետո, մեղադրյալը հայտարարել է, որ ներկայացված մեղադրանքն իրեն պարզ է, համաձայն է մեղադրանքի հետ, իրեն դրանցում մեղավոր է ճանաչում, արագացված վարույթ կիրառելու միջնորդությունը ներկայացրել է կամավոր, մինչ միջնորդությունը ներկայացնելը խորհրդակցել է իր պաշտպանի հետ, գիտակցում է արագացված վարույթ կիրառելու հետևանքներն ու պնդում է ներկայացված միջնորդությունը:
Պաշտպան Էդ.Ղազարյանը խնդրել է բավարարել արագացված վարույթ կիրառելու վերաբերյալ ներկայացված միջնորդությունը:
Հանրային մեղադրող Դ.Կյուրեղյանը մեղադրյալի միջնորդության դեմ առարկություն չի ներկայացրել:
Դատարանը համոզվելով, որ առկա է ՀՀ քրեական դատավարության օրենսգրքի 464.1 հոդվածի 1-ին մասով նախատեսված հիմքը և բացակայում են նույն հոդվածի 2-րդ մասով նախատեսված՝ արագացված վարույթի կիրառումը բացառող հանգամանքները՝ որոշում է կայացրել արագացված վարույթ կիրառելու վերաբերյալ միջնորդությունը բավարարելու մասին։
Համաձայն ՀՀ քրեական դատավարության օրենսգրքի 464.2 հոդվածի 6-րդ մասի՝ «Արագացված վարույթ կիրառելու մասին միջնորդությունը բավարարելու դեպքում դատարանը սույն օրենսգրքով սահմանված ընդհանուր կարգով ապացույցների հետազոտում չի իրականացնում և որոշում է կայացնում լրացուցիչ դատալսումներ անցկացնելու մասին»:
ՀՀ քրեական դատավարության օրենսգրքի 464.3 հոդվածի 1-ին մասի համաձայն՝ «Արագացված վարույթով լրացուցիչ դատալսումների ընթացքում դատարանը քննարկում է սույն օրենսգրքի 345-րդ հոդվածի 1-ին մասի 2-9-րդ կետերով և 11-րդ կետով նշված հարցերը»:

III.Դատարանի պատճառաբանությունը և եզրահանգումները.

ՀՀ քրեական դատավարության օրենսգրքի 464.4 հոդվածի համաձայն՝
«1. Արագացված վարույթի արդյունքով դատարանը կայացնում է մեղադրական դատավճիռ սույն օրենսգրքի 347-350-րդ հոդվածներով սահմանված կարգով` հաշվի առնելով սույն հոդվածով նախատեսված առանձնահատկությունները:
2. Դատարանը արագացված վարույթի արդյունքով մեղադրական դատավճիռ կայացնելիս նշանակում է պատիժ՝ հաշվի առնելով Հայաuտանի Հանրապետության քրեական օրենսգրքի ընդհանուր մասի վերաբերելի դրույթները:
3. Սույն օրենսգրքի 167-րդ հոդվածի 1-ին մասով նախատեսված վարույթային ծախսերը մեղադրյալից ենթակա չեն բռնագանձման:
4. Դատավճիռը հրապարակելուց հետո դատավորը կողմերին պարզաբանում է նաև դատավճիռը բողոքարկելու` սույն օրենսգրքով նախատեսված սահմանափակումները:»:
Ներկայացված մեղադրանքն մեղադրյալ Շահեն Քոչինյանի կողմից ընդունելու և արագացված վարույթ կիրառելու պայմաններում` դատարանը գտնում է, որ մեղադրյալ Շահեն Քոչինյանի կողմից՝ նրա մեղավորությամբ, նրան մեղսագրված արարքների կատարումն ապացուցված է, նրա արարքները ճիշտ են որակված և յուրաքանչյուրը համապատասխանում է ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության հատկանիշներին։
Դատարանը, հաստատված համարելով հանցագործությունների և դրանց կատարման մեջ մեղադրյալ Շահեն Քոչինյանի մեղքի ապացուցված լինելը, գտնում է, որ նա ենթակա է պատժի կատարածի համար:
Դատարանը մեղադրյալի նկատմամբ պատիժ նշանակելիս հաշվի է առնում ինչպես նրա կատարած հանցագործության բնույթը, եղանակն ու նպատակը, դիտավորության աստիճանը, հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությունը, այնպես էլ նրա անձը բնութագրող տվյալները, այնպես էլ նրա անձը բնութագրող տվյալները:
Դատարանը արձանագրում է, որ մեղադրյալի պատասխանատվությունը և պատիժը ինչպես մեղամացնող այնպես էլ ծանրացնող հանգամանքներ առկա չեն:
Դատարանը՝ հաշվի առնելով Շահեն Քոչինյանի անձը բնութագրող տվյալները, նրա պատասխանատվությունն ու պատիժը մեղմացնող և ծանրացնող հանգամանքների բացակայությունը, ղեկավարվելով ՀՀ քրեական օրենսգրքի 7-րդ հոդվածի 1-ին, 55-րդ և 69-րդ հոդվածներով գտնում է, որ նրա նկատմամբ յուրաքանչյուր արարքով որպես պատիժ պետք է նշանակել ՀՀ քրեական օրենսգրքի 344-րդ հոդվածի 1-ին մասի սանկցիայով նախատեսված ամենամեղմ պատժատեսակը՝ տուգանքը, քանի որ սույն գործով տուգանք նշանակելու պարագայում կարելի է հասնել պատժի նպատակների իրագործմանը: Դատարանը՝ հաշվի առնելով այն հանգամանքը, որ մեղադրյալն չունի աշխատանք և եկամուտ, արձանագրում է, որ տուգանքի չափի հաշվարկը պետք է իրականացվի ՀՀ քրեական օրենսգրքի 59-րդ հոդվածի 5-րդ մասով սահմանված կարգով՝ «Նվազագույն ամսական աշխատավարձի մասին» օրենքով սահմանված նվազագույն ամսական աշխատավարձի չափով: Հիմք ընդունելով, որ «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն ՀՀ-ում ամսական նվազագույն աշխատավարձը սահմանված է 75.000 ՀՀ դրամը: Դատարանը գտնում է, որ մեղադրյալի նկատմամբ առաջին արարքով /2023թ. մայիսի 20/ պետք է պատիժ նշանակել նվազագույն աշխատավարձի հնգապատիկի՝ 375.000 ՀՀ դրամի չափով, մյուս երկու արարքներից յուրաքանչյուրով /2023թ. հունիսի 30 և հուլիսի 14/ վեցապատիկի՝ 450.000 ՀՀ դրամի չափով:
Միևնույն ժամանակ ղեկավարվելով ՀՀ քրեական օրենսգրքի 74-րդ հոդվածի 1-ին մասի կանոնով և հիմք ընդունելով ՀՀ քրեական օրենսգրքի 59-րդ հոդվածի 3-րդ մասով սահմանված տուգանք պատժատեսակի նվազագույն չափը, դատարանը գտնում է, որ հանցագործությունների համակցությամբ պատիժները լրիվ գումարելու միջոցով վերջնական պատիժ պետք է նշանակել տուգանքը 1.275.000 ՀՀ դրամի չափով:
Սրա հետ մեկտեղ, դատարանը՝ հաշվի առնելով, մեղադրյալի գույքային դրությունը, և կանոնավոր վաստակ չունենալու հանգամանքը, գտնում է, որ վերջինս ի վիճակի չէ անհապաղ և ամբողջությամբ վճարել տուգանքը: ՀՀ քրեական օրենսգրքի 59-րդ հոդվածի 8-րդ մասի համաձայն՝ եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ Դատարանը գտնում է, որ կոնկրետ դեպքում մեղադրյալի նկատմամբ նշանակված տուգանքը վճարելու համար պետք է սահմանել 12 ամիս ժամկետ՝ յուրաքանչյուր ամիս 106.250 ՀՀ դրամ վճարելու պայմանով:
Քննության առնելով դատապարտված մեղադրյալի նկատմամբ ընտրված խափանման միջոցի հարցը՝ դատարանը գտնում է, որ այն պետք է վերացնել դատավճռի օրինական ուժի մեջ մտնելուց հետո:
Նկատի ունենալով, որ ՀՀ քրեական դատավարության օրենսգրքի 4644 հոդվածի 3-րդ մասի համաձայն՝ «Սույն օրենսգրքի 167-րդ հոդվածի 1-ին մասով նախատեսված վարույթային ծախսերը մեղադրյալից ենթակա չեն բռնագանձման», ուստի այդ հարցը պետք է համարել լուծված:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 9-րդ, 347-349-րդ և 4644 հոդվածներով, դատարանը

Վ Ճ Ռ Ե Ց

Շահեն Վլադիմիրի Քոչինյանին մեղավոր ճանաչել երեք արարքներում, որոնցից յուրաքանչյուրը նախատեսված է ՀՀ քրեական օրենսգրքի 344-րդ հոդվածի 1-ին մասով և պատիժ նշանակել տուգանք՝
1-ին արարքով՝ /2023թ. մայիսի 20-ին կատարած հանցանք/ նվազագույն աշխատավարձի հնգապատիկի՝ 375.000 ՀՀ դրամի չափով,
2-րդ արարքով՝ /2023թ. հունիսի 30-ին կատարած հանցանք/ նվազագույն աշխատավարձի վեցապատիկի՝ 450.000 ՀՀ դրամի չափով,
3-րդ արարքով՝ /2023թ. հուլիսի 14-ին կատարած հանցանք/ նվազագույն աշխատավարձի վեցապատիկի՝ 450.000 ՀՀ դրամի չափով,
ՀՀ քրեական օրենսգրքի 74-րդ հոդվածի 1-ին մասի կանոնով՝ նշանակված պատիժների լրիվ գումարման արդյունքում վերջնական պատիժ նշանակել տուգանք 1.275.000 ՀՀ դրամի չափով:
Տուգանքը վճարելու համար սահմանել 12 ամիս ժամկետ՝ յուրաքանչյուր ամսում 106.250 ՀՀ դրամ վճարելու պայմանով:
Շահեն Քոչինյանի նկատմամբ ընտրված խափանման միջոցը՝ բացակայելու արգելքը, վերացնել՝ դատավճռի օրինական ուժի մեջ մտնելուց հետո:
Վարութային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան ստանալու օրվանից հետո՝ մեկամսյա ժամկետում:



ԴԱՏԱՎՈՐ Դ.ԲԱԼԱՅԱՆ