ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
քրեական գործ թիվ ԵԴ1/3384/01/24
Երևան քաղաքի առաջին ատյանի ընդհանուր իրավասության քրեական դատարանը,

ՆԱԽԱԳԱՀՈՒԹՅԱՄԲ՝ ԴԱՏԱՎՈՐ Ա.ԴԱՆԻԵԼՅԱՆԻ,
ՔԱՐՏՈՒՂԱՐՈՒԹՅԱՄԲ՝ Լ․ՄԱԿԱՐՅԱՆԻ,


ՄԱՍՆԱԿՑՈՒԹՅԱՄԲ`
ՀԱՆՐԱՅԻՆ ՄԵՂԱԴՐՈՂ,
ՀՀ ԳԼԽԱՎՈՐ ԴԱՏԱԽԱԶՈՒԹՅԱՆ ԲՆԱԿՉՈՒԹՅԱՆ
ԱՌՈՂՋՈՒԹՅԱՆ ԴԵՄ ՈՒՂՂՎԱԾ
ՀԱՆՑԱԳՈՐԾՈՒԹՅՈՒՆՆԵՐԻ
ԳՈՐԾԵՐՈՎ ՎԱՐՉՈՒԹՅԱՆ ԱՎԱԳ ԴԱՏԱԽԱԶ Ռ․ԳԵՎՈՐԳՅԱՆԻ,

ՄԵՂԱԴՐՅԱԼՆԵՐ Հ․ՏԵՐ-ԹԱԴԵՎՈՍՅԱՆԻ,
Մ․ԱԲՐԱՀԱՄՅԱՆԻ,
ՊԱՇՏՊԱՆ Ա․ՄԱՐԳԱՐՅԱՆԻ,
Ս․ՅՈՒԶԲԱՇՅԱՆԻ,

2025 թվականի հոկտեմբերի 27-ին Երևան քաղաքում
դատարանում, դռնբաց դատական նիստում քննելով քրեական գործն ըստ մեղադրանքի
Հարություն Աշոտի Տեր-Թադևոսյանի՝
(ծնված ․․․ , հայ, ՀՀ քաղաքացի, բարձրագույն կրթությամբ, ըստ իր հայտարարության՝ Ապրիլյան պատերազմի մասնակից, «Հավասար երիտասարդներ» հասարակական կազմակերպության հիմնադիր-նախագահ, բնակվում է ․․․, հաշվառման վայր չունի)
ՀՀ քրեական օրենսգրքի 393-րդ հոդվածի 3-րդ մասի 2-րդ կետով և ՀՀ քրեական օրենսգրքի 296-րդ հոդվածի 2-րդ մասի 1-ին և 2-րդ կետերով,

Մանուկ Մարտինի Աբրահամյանի՝
(ծնված ․․․, հայ, ՀՀ քաղաքացի, ամուրի, ըստ իր հայտարարության՝ խնամքին վատառողջ ծնողները, չի աշխատում, միջնակարգ կրթությամբ, Քառօրյա պատերազմի մասնակից, չդատված, հաշվառված է ․․․, բնակվում է ․․․)
ՀՀ քրեական օրենսգրքի 393-րդ հոդվածի 3-րդ մասի 2-րդ կետով և ՀՀ քրեական օրենսգրքի 296-րդ հոդվածի 2-րդ մասի 1-ին և 2-րդ կետերով,

Պ Ա Ր Զ Ե Ց
Գործի դատավարական ընթացքը.
1. 2023 թվականի մայիսի 4-ին ՀՀ քննչական կոմիտեի ՀԿԳ քննության գլխավոր վարչության մարդկանց թրաֆիքինգի, անչափահասների սեռական նաձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարուչությունում (այսուհետ՝ նաև Նախաքննության մարմին) ՀՀ քրեական օրենսգրքի 393-րդ հոդվածի 3-րդ մասի 1-ին և 2-րդ կետերով և ՀՀ քրեական օրենսգրքի 296-րդ հոդվածի 3-րդ մասի 1-ին և 3-րդ կետերով նախաձեռնվել է թիվ 69113523 քրեական վարույթը:
2. 2023 թվականի հունիսի 21-ին ՀՀ քննչական կոմիտեի Երևան քաղաքի քննչական վարչության Երևան քաղաքի Աջափնյակ և Դավթաշեն քննչական բաժնում ՀՀ քրեական օրենսգրքի 393-րդ հոդվածի 1-ին մասով և ՀՀ քրեական օրենսգրքի 396-րդ հոդվածի 1-ին մասով նախաձեռնվել է թիվ 10175723 քրեական վարույթը:
3. Նախաքննության մարմնի 2023 թվականի հունիսի 30-ի որոշմամբ թիվ 69113523 քրեական վարույթը միացվել է թիվ 10175723 քրեական վարույթին, և նախաքննությունը շարունակվել է թիվ 69113523 քրեական վարույթի համարի ներքո։
4. Հսկող դատախազի 2024 թվականի փետրվարի 1-ի որոշմամբ քննիչի միջնորդության հիման վրա Հարություն Աշոտի Տեր-Թադևոսյանի նկատմամբ ՀՀ քրեական օրենսգրքի 393-րդ հոդվածի 2-րդ մասի 1-ին կետով և 296-րդ հոդվածի 1-ին մասով հարուցվել է հանրային քրեական հետապնդում:
5. Նախաքննության մարմնի կողմից 2024 թվականի փետրվարի 1-ին որոշում է կայացվել Հարություն Աշոտի Տեր-Թադևոսյանին ձերբակալելու մասին՝ ազատության մեջ գտնվող մեղադրյալին դատարան ներկայացնելու հիմքով:
6. 2024 թվականի փետրվարի 1-ին Հարություն Աշոտի Տեր-Թադևոսյանը ձերբակալվել է:
7. 2024 թվականի փետրվարի 1-ին Հարություն Աշոտի Տեր-Թադևոսյանին ներկայացվել է մեղադրանք:
8. ՀՀ հակակոռուպցիոն դատարանի 2024 թվականի փետրվարի 2-ի որոշմամբ քննիչի միջնորդության հիման վրա Հարություն Աշոտի Տեր-Թադևոսյանի նկատմամբ որպես խափանման միջոց է ընտրվել կալանքը՝ 2 (երկու) ամիս ժամկետով` նույն ժամկետով սահմանափակելով նրա՝ այլ անձանց հետ հաղորդակվելու իրավունքը:
9. Երևան քաղաքի առաջին ատյանի ընդհանուր իրավասության քրեական դատարանի 2024 թվականի մարտի 28-ի որոշմամբ քննիչի միջնորդության հիման վրա Հարություն Աշոտի Տեր-Թադևոսյանին կալանքի տակ պահելու ժամկետը երկարաձգվել է երկու ամիս ժամանակով՝ նույն ժամանակով սահմանափակելով նրա՝ այլ անձանց հետ հաղորդակցվելու իրավունքը:
10. Երևան քաղաքի առաջին ատյանի ընդհանուր իրավասության քրեական դատարանի 2024 թվականի մայիսի 29-ի որոշմամբ Հարություն Աշոտի Տեր-Թադևոսյանի նկատմամբ որպես խափանման միջոց ընտրված կալաքը փոխվել է, և նրա նկատմամբ որպես համակցված խափանման միջոցներ են ընտրվել տնային կալանքը՝ 2 (երկու) ամիս ժամանակով, բացակայելու արգելքը և գրավը՝ 2.000.000 (երկու միլիոն) ՀՀ դրամ գումարի չափով:
Նույն որոշմամբ նրան արգելվել է շփում ունենալ, իր բնակության վայրում հյուրընկալել այլ անձանց, նրանց հետ ունենալ նամակագրություն, հեռախոսային խոսակցություններ, օգտնվել հաղորդակցության այլ ձևերից, այդ թվում՝ փոստային առաքանուց (բացառությամբ պետական և/կամ տեղական ինքնակառավարման մարմիններից, դատարանից ստացվող փոստային առաքանիների):
11. Երևան քաղաքի առաջին ատյանի ընդհանուր իրավասության քրեական դատարանի 2024 թվականի հուլիսի 31-ի և սեպտեմբերի 27-ի որոշումներով քննիչի միջնորդության հիման վրա Հարություն Աշոտի Տեր-Թադևոսյանին տնային կալանքի տակ պահելու ժամկետը երկարաձգվել է երկուական ամիս ժամանակով՝ նույն ժամկետով պահպանելով առկա սահմանափակումները:
12. Հսկող դատախազի 2024 թվականի սեպտեմբերի 19-ի որոշմամբ Հարություն Աշոտի Տեր-Թադևոսյանին ներկայացված մեղադրանքը փոփոխվել է և նրա նկատմամբ նոր հանրային քրեական հետապնդում է հարուցվել ՀՀ քրեական օրենսգրքի 393-րդ հոդվածի 3-րդ մասի 2-րդ կետով և 296-րդ հոդվածի 1-ին մասով:
13. Նույն օրը Հարություն Աշոտի Տեր-Թադևոսյանին ներկայացվել է մեղադրանք:
14. Հսկող դատախազի 2024 թվականի նոյեմբերի 7-ի որոշմամբ Հարություն Աշոտի Տեր-Թադևոսյանի ներկայացված մեղադրանքը փոփոխվել է և նրա նկատմամբ նոր հանրային քրեական հետապնդում է հարուցվել ՀՀ քրեական օրենսգրքի 393-րդ հոդվածի 3-րդ մասի 2-րդ կետով և 296-րդ հոդվածի 2-րդ մասի 1-ին և 2-րդ կետերով։
15. Նույն օրը Հարություն Աշոտի Տեր-Թադևոսյանին ներկայացվել է մեղադրանք:
16. Հսկող դատախազի 2024 թվականի նոյեմբերի 7-ի որոշմամբ քննիչի միջնորդության հիման վրա Մանուկ Մարտինի Աբրահամյանի նկատմամբ ՀՀ քրեական օրենսգրքի 393-րդ հոդվածի 3-րդ մասի 2-րդ կետով և 296-րդ հոդվածի 2-րդ մասի 1-ին և 2-րդ կետերով հարուցվել է հանրային քրեական հետապնդում։
Նույն օրը Մանուկ Մարտինի Աբրահամյանին ներկայացվել է մեղադրանք:
17. Նախաքննության մարմնի 2024 թվականի նոյեմբերի 7-ի որոշմամբ մեղադրյալ Մանուկ Աբրահամյանի նկատմամբ որպես խափանման միջոց է կիրառվել բացակայելու արգելքը:
18. Նախաքննության մարմնի 2024 թվականի նոյեմբերի 8-ի որոշմամբ թիվ 69113523 քրեական վարույթից անջատվել է Հարություն Աշոտի Տեր-Թադևոսյանի կողմից ՀՀ քրեական օրենսգրքի 393-րդ հոդվածի 3-րդ մասի 2-րդ կետով և 296-րդ հոդվածի 2-րդ մասի 1-ին և 2-րդ կետերով նախատեսված ենթադրյալ հանցագործությունների կատարման մասով նոր վարույթ, որին շնորհվել է 69134924 քրեական վարույթի համարը:
19. 2024 թվականի նոյեմբերի 11-ին թիվ 69134924 վարույթի նյութերը մեղադրական եզրակացությամբ ստացվել են Երևան քաղաքի առաջին ատյանի ընդհանուր իրավասության քրեական դատարանում, նույն օրը թիվ ԵԴ1/3384/01/24 քրեական գործի համարի ներքո մակագրվել և հանձնվել են Երևան քաղաքի առաջին ատյանի ընդհանուր իրավասության քրեական դատարանի դատավոր Ա.Գաբրիելյանին:
20. Երևան քաղաքի առաջին ատյանի ընդհանուր իրավասության քրեական դատարանի 2024 թվականի դեկտեմբերի 2-ի, փետրվարի 3-ի որոշումներով Հարություն Աշոտի Տեր-Թադևոսյանին տնային կալանքի տակ պահելու ժամկետը երկարաձգվել է երեքական ամիս ժամանակով՝ նույն ժամանակով արգելելով ունենալ նամակագրություն, հեռախոսային հաղորդակցություններ, օգտնվել հաղորդակցության այլ ձևերից, այդ թվում՝ փոստային առաքանուց (բացառությամբ դատական և վարութային ծանուցումներից, պետական և տեղական ինքնակառավարման մարմինների առաքանիներից) և շփում ունենալ ԵԴ1/3384/01/24 քրեական վարույթի մասնակիցների (բացառությամբ իր պաշտպանի) հետ:
21. Երևան քաղաքի առաջին ատյանի ընդհանուր իրավասության քրեական դատարանի 2024 թվականի ապրիլի 2-ի որոշմամբ Հարություն Աշոտի Տեր-Թադևոսյանին տնային կալանքի տակ պահելու ժամկետը երկարաձգվել է 3 (երեք) ամիս ժամանակով՝ մինչև 2025 թվականի սեպտեմբերի 10-ը՝ նույն ժամանակով արգելելով ունենալ նամակագրություն, հեռախոսային հաղորդակցություններ, օգտնվել հաղորդասկցության այլ ձևերից, այդ թվում՝ փոստային առաքանուց (բացառությամբ դատական և վարութային ծանուցումներից, պետական և տեղական ինքնակառավարման մարմինների աաքանիներից) և շփում ունենալ ԵԴ1/3384/01/24 քրեական վարույթի մասնակիցների (բացառությամբ իր պաշտպանի) հետ:
22. Դատավոր Ա․Գաբրիելյանի՝ լիազորությունները կասեցվելու հիմքով թիվ ԵԴ1/3384/01/24 (69134924) քրեական գործը 2025 թվականի մայիսի 7-ին հանձնվել է վերամակագրման, մակագրվել և 2025 թվականի մայիսի 8-ին փաստացի հանձնվել է դատավոր Ա.Դանիելյանին (այսուհետ՝ նաև Դատարան):
2025 թվականի մայիսի 13-ին որոշում է կայացվել քրեական գործով վարույթ ստանձնելու և նախնական դատալսումներ նշանակելու մասին։ Նախնական դատալսումներով դատական նիստը նշանակվել է նույն թվականի մայիսի 16-ին:
23․ Դատարանի 2025 թվականի հուլիսի 2-ի որոշմամբ մեղադրյալ Հարություն Աշոտի Տեր-Թադևոսյանի նկատմամբ որպես խափանման միջոց ընտրված տնային կալաքը և բացակայելու արգելքը թողնվել են անփոփոխ, իսկ որպես խափանման միջոց ընտրված գրավի գումարի չափը փոփոխվել է՝ սահմանելով 1.000.000 (մեկ միլիոն) ՀՀ դրամ գումարի չափով:
23․1․ Դատարանի 2025 թվականի սեպտեմբերի 9-ի որոշմամբ մեղադրյալ Հարություն Աշոտի Տեր-Թադևոսյանի նկատմամբ որպես խափանման միջոց ընտրված տնային կալանքը փոփոխվել է, և մեղադրյալը ազատ է արձակվել։ Նույն որոշմամբ նրա նկատմամբ որպես խափանման միջոց է ընտրվել վարչական հսկողությունը:
24․ Հիմնական դատալսումների փուլում պաշտպան Ա․Մարգարյանը ներկայացրել է մեղադրյալ Հարություն Տեր-Թադևոսյանի բջջային հեռախոսի զննում և լրացուցիչ զննում կատարելու մասին բոլոր արձանագրություններն անթույլատրելի ճանաչելու մասին միջնորդություն։
Մասնավորապես՝ պաշտպանը նշել է, որ ՀՀ քրեական դատավարության օրենսգրքով թվային խուզարկությունը նախատեսված է որպես առանձին քննչական գործողություն, որը, ի տարբերություն քրեական դատավարության նախկին օրենսգրքի, ենթակա է նախնական դատական վերահսկողության։ Այսինքն՝ թվային խուզարկությունը կարող է կատարվել բացառապես դատարանի որոշման հիման վրա։ Դատաքննության ընթացքում պարզվել է, որ բնակարանի խուզարկության ընթացքում իր պաշտպանյալի մոտից բջջային հեռախոս չի հայտնաբերվել և առգրավվել։ Այն առգրավվել է փողոցում՝ խուզարկության վայրի հետ կապ չունեցող վայրում, չի հանդիսացել խուզարկության անմիջական օբյեկտ։ Խուզարկության տեսաձայնագրությունները դիտելուց հետո պարզ է դարձել, որ իր պաշտպանյալի մոտից բջջային հեռախոս անմիջականորեն չի հայտնաբերվել և առգրավվել, որպիսի պայմաններում հաշվի առնելով խուզարկություն կատարելը թույլատրելու մասին դատարանի որոշումը և ՀՀ քրեական դատավարության օրենսգրքի կարգավորումները, Նախաքննության մարմինը պարտավոր էր Հարություն Տեր-Թադևոսյանի բջջային հեռախոսը զննելու թույլտվություն ստանալու համար դիմել դատարան։ Մինչդեռ Նախաքննության մարմինը իր պաշտպանյալի բջջային հեռախոսն առգրավելուց հետո մի քանի անգամ, տարբեր ժամանակահատվածներում, առանց իր պաշտպանյալի մասնակցության, իրականացրել է Հարություն Տեր-Թադևոսյանի բջջային հեռախոսի պարունակության զննում և լրացուցիչ զննում, որոնց հիման վրա կազմվել են համապատասխան արձանագրություններ։
Նշված հիմնավորումներով՝ իր պաշտպանյալի բջջային հեռախոսի զննումը կատարվել է օրենքի էական խախտմամբ՝ իր պաշտպանյալի սահմանադրական իրավունքների խախտմամբ և անտեսմամբ, ուստի Հարություն Տեր-Թադևոսյանի բջջային հեռախոսի տվյալների զննում և լրացուցիչ զննում կատարելու մասին բոլոր արձանագրությունները անթույլատրելի են՝ ՀՀ քրեական դատավարության օրենսգրքի 97-րդ հոդվածի 3-րդ մասի 3-րդ կետով նախատեսված հիմքով։
24․1․ Քննարկելով Պաշտպանի միջնորդությունը՝ Դատարանն արձանագրել է, որ Հանրային մեղադրողի փաստարկներն առ այն, որ սույն դեպքում կատարվել է ոչ թե թվային խուզարկություն, այլ զննություն, որի դեպքում Դատարանի որոշում անհրաժեշտ չէ, Դատարանի համար անընդունելի են։ Դատարանն ընդգծել է, որ զննությունը, թվային խուզարկությունը և առգրավումը տարբեր քննչական գործողություններ են, որոնք ունեն տարբեր իրավական երաշխիքներ՝ պայմանավորված այն հանգամանքով, թե ինչ շահի պաշտպանությանն են ուղղված։
ՀՀ քրեական դատավարության օրենսգրքի 226-րդ հոդվածի 6-րդ մասով ամրագրված նորմը վերաբերում է բացառապես հանրամատչելի տվյալներին, այս նորմի այլ մեկնաբանությունը կարող է հանգեցնել ՀՀ քրեական դատավարության օրենսգրքով նախատեսված վերը վկայակոչված մյուս երկու քննչական գործողությունների և դրանց երաշխիքների բովանդակազրկմանը, ինչը կհանգեցնի «Մարդու իրավունքների և հիմնարար ազատությունների մասին» եվրոպական կոնվենցիայի 8-րդ հոդվածով նախատեսված երաշխիքների բովանդակազրկման։ Հետևաբար՝ Հանրային մեղադրողի առաջարկած մեկնաբանությունը, թե սույն դեպքում բջջային հեռախոսը զննվել է ՀՀ քրեական դատավարության օրենսգրքի 226-րդ հոդվածի 6-րդ մասով սահմանված կարգով՝ Դատարանի համար անընդունելի է։
Սույն դեպքում Դատարանը պետք է նաև քննարկման առարկա դարձնի վրիպակի արդյունքում թվային խուզարկությունը կամ առգրավումը «զննություն» վերնագրված լինելու հնարավորությունը։ Այսպես՝ Դատարանն արձանագրել է, որ անկախ այն հանգամանքից, որ քննչական գործողությունները վերնագրված են որպես զննություն, դրանց բովանդակությունից երևում է, որ դրանք թվային խուզարկություն են։
Դատարանը համակարծիք է Հանրային մեղադրողի դիրքորոշմանն առ այն, որ բնակարանի խուզարկության թույլտվությունը սույն դեպքում պարունակել է նաև էլեկտրոնային սարքերում և կրիչներում համապատասխան գործողություններ կատարելու թույլտվություն։ Հետևաբար՝ Պաշտպանի փաստարկը՝ 2024 թվականի փետրվարի 1-ի թվային խուզարկությունն առանց Դատարանի որոշման կատարված լինելու վերաբերյալ, Դատարանը հիմնավորված չի գնահատում։ Իրավիճակն այլ է բջջային հեռախոսի լրացուցիչ զննություններ կատարելու կապակցությամբ, քանի որ դրանք կատարվել են դատարանի հիշյալ որոշմամբ սահմանված ժամկետից հետո։ Նման դեպքում քննչական գործողության կատարումը ենթադրում է դատարանի նոր որոշման առկայության, ինչը սույն դեպքում բացակայում է։
Ինչ վերաբերում է 2024 թվականի փետրվարի 1-ի արձանագրությանը՝ Դատարանն արձանագրել է, որ թեև վարույթն իրականացնող մարմինը դրա կատարման թույտվությունն ունեցել է դատարանի՝ բնակարանի խուզարկություն կատարելը թույլատրելու մասին դատարանի որոշմամբ, այնուամենայնիվ այն կատարվել է օրենքով սահմանված ընթացակարգի խախտմամբ։ ՀՀ քրեական դատավարության օրենսգիրքը թվային խուզարկության կատարման պարտադիր պայման է նախատեսել դրա տեսաձայնագրառումը, իսկ այն դեպքերում, երբ հնարավոր չէ տեսաձայնագրառում իրականացնել՝ ընթերակաների ներկայությունը։ Մինչդեռ սույն դեպքում կատարված թվային խուզարկության տեսաձայնագրառում առկա չէ, ինչի մասին նշում առկա չէ նաև արձանագրության համռոտագրման մեջ, որը տվյալներ չի պարունակում նաև տեսաձայնագրառման անհնարինության և ընթերականեր ներգրավված լինելու վերաբերյալ։
Այսպիսով՝ Դատարանը գտել է, որ քննարկվող քննչական գործողությունը կատարվել է ՀՀ քրեական դատավարության օրենսգրքով նախատեսված ընթացակարգի խախտմամբ, այն է՝ առանց դրա ընթացքի պարտադիր տեսաձայնագրառման, իսկ դրա հետևանքը այլ ապացուցողական գործողության պատշաճ կատարմամբ հնարավոր չէ վերացնել՝ հաշվի առնելով, որ այն չի կատարվել նաև ընթերակաների մասնակցությամբ, իսկ ՀՀ քրեական դատավարության օրենսգրքի 333-րդ հոդվածով Դատարանն օժտված չէ թվային խուզարկություն կատարելու լիազորությամբ:
Ելնելով վերոգրյալից՝ Դատարանն անթույլատրելի է ճանաչել Հարություն Տեր-Թադևոսյանի բջջային հեռախոսում զննում կատարելու մասին 2024 թվականի փետրվարի 1-ի արձանագրությունը՝ ՀՀ քրեական դատավարության օրենսգրքի 97-րդ հոդվածի 3-րդ մասի 3-րդ կետով, իսկ 2024 թվականի սեպտեմբերի 18-ի և 19-ի արձանագրությունները՝ ՀՀ քրեական դատավարության օրենսգրքի 97-րդ հոդվածի 4-րդ մասով նախատեսված հիմքերով։
25. Հիմնական դատալսումների փուլում պաշտպան Ա․Մարգարյանը ներկայացրել է Ժակլին Ալավերդյանի բջջային հեռախոսի զննում կատարելու մասին 2024 թվականի փերտվարի 1-ի արձանագրությունն անթույլատրելի ճանաչելու մասին միջնորդություն՝ ըստ էության հղում անելով նախորդ կետում մեջբերված հիմնավորումները։
25.1. Քննարկելով միջնորդությունը՝ Դատարանը գտել է, որ Ժակլին Ալավերդյանի բջջային հեռախոսի զննում կատարելու մասին 2024 թվականի փետրվարի 1-ի արձանագրությունը ևս անթույլատրելի է՝ Հարություն Տեր-Թադևոսյանի բջջային հեռախոսում զննում կատարելու մասին 2024 թվականի փետրվարի 1-ի արձանագրության անթույլատրելիության պատճառաբանություններով՝ ՀՀ քրեական դատավարության օրենսգրքի 97-րդ հոդվածի 3-րդ մասի 3-րդ կետով։
Ելնելով վերոգրյալից՝ Դատարանը անթույլատրելի է ճանաչել Ժակլին Ալավերդյանի բջջային հեռախոսի զննում կատարելու մասին 2024 թվականի փետրվարի 1-ի արձանագրությունը։
26․ Դատարանի կողմից 2025 թվականի հոկտեմբերի 27-ին կայացվել է մեղադրական վերդիկտ, որով Դատարանը գտել է, որ ապացուցված չէ մեղադրյալ Հարություն Տեր-Թադևոսյանի և Մանուկ Մարտինի Աբրահամյանի կողմից իրենց մեղսագրված՝ ՀՀ քրեական օրենսգրքի 296-րդ հոդվածի 2-րդ մասի 1-ին և 2-րդ կետերով նախատեսված արարքը կատարելը։
Նույն վերդիկտով Դատարանը գտել է, որ ապացուցված է մեղադրյալների մեղավորությունն իրենց մեղսագրված՝ ՀՀ քրեական օրենսգրքի 393-րդ հոդվածի 2-րդ մասի 1-ին և 2-րդ կետերով նախատեսված արարքը կատարելու մեջ։
Մեղադրական վերդիկտ կայացվելու պայմաններում մեղադրյալ Հարություն Տեր-Թադևոսյանի նկատմամբ ընտրված համակցված խափանման միջոցները՝ վարչական հսկողությունը, գրավը՝ 1.000.000 (մեկ միլիոն) ՀՀ դրամ գումարի չափով, և բացակայելու արգելքը, իսկ Մանուկ Աբրահամյանի նկատմամբ ընտրված խափանման միջոցը՝ բացակայելու արգելքը, թողնվել են անփոփոխ։

Մեղադրանքի փաստական նկարագրությունը.
27. Մեղադրյալ Հարություն Աշոտի Տեր-Թադևոսյանին ՀՀ քրեական օրենսգրքի 393-րդ հոդվածի 3-րդ մասի 2-րդ կետով և ՀՀ քրեական օրենսգրքի 296-րդ հոդվածի 2-րդ մասի 1-ին և 2-րդ կետերով մեղադրանք է ներկայացվել հետևյալ արարքների համար.
«(...) նա, խախտելով «Թմրամիջոցների և հոգեմետ ներգործուն) նյութերի մասին» ՀՀ օրենքի, «Թմրամիջոցների և հոգեմետ (հոգեներգործուն) նյութերի և դրանց պրեկուրսորների շրջանառության կանոնները սահմանելու մասին» ՀՀ կավարության 2010 թվականի մարտի 18-ի թիվ 270-Ն որոշման պահանջները, «Telegram» հեռահաղորդակցման հավելվածում գրանցված «@nger» օգտատիրոջ, Մանուկ Մարտինի Աբրահամյանի և դեռևս ինքնությունը չպարզված այլ անձանց հետ նախնական համաձայնությամբ, 2023 թվականի հունվարից մինչև 2024 թվականի մայիսն ընկած ժամանակահատվածում տարբեր եղանակներով, այդ թվում՝ «Telegram» հեռահաղորդակցման հավելվածում գրանցված «DrHopar» անվանումով առցանց խանութ-հարթակի միջոցով շահադիտական դրդումներով առանձնապես խոշոր չափերով թմրամիջոցների ապօրինի իրացմամբ զբաղվելու նպատակով, ապահովել է թմրամիջոցների ապօրինի ձեռքբերումը, առանձնացումն ըստ քաշերի, փաթեթավորումն ու նախապես տեղադրումը թաքստոցներում, որից հետո թմրամիջոցների գտնվելու վայրերը լուսանկարահանվել են, ծրագրային հավելվածի միջոցով նշվել են դրանց կոորդինատները և փոխանցվել են թմրամիջոց ձեռք բերելու ցանկություն հայտնած և հանցակիցների կողմից փաստացի կառավարվող արտարժութային դրամապանակներին համապատասխան չափով միջոցներ փոխանցած անձանց՝ այդ կերպ իրականացնելով առանձնապես խոշոր չափերով տարբեր տեսակի թմրամիջոցների՝ այդ թվում՝ «Մեթամֆետամին» և «Մարիխուանա» տեսակի թմրամիջոցի ապօրինի իրացումը:
Հիշյալ եղանակով՝ հեռահաղորդակցական տեխնոլոգիաների կիրառման միջոցով՝ իրացման նպատակով ձեռք բերված և պահված առանձանապես խոշոր չափերով թմրամիջոցի մի մասը՝ զգալի չափերով՝ 5,72 գրամ հաստատուն քաշով «Մարիխուանա» տեսակի թմրամիջոցը, ինչպես նաև «Մեթամֆետամին» և «Տետրահիդրոկանաբինոլ» տեսակի թմրամիջոցների հետքեր պարունակող սև պատյանով և արծաթագույն էլեկտրոնային կշեռքները հայտնաբերվել են 2024 թվականի փետրվարի 1-ին Հարություն Աշոտի Տեր–Թադևոսյանի և Մանուկ Աբրահամյանի փաստացի բնակության վայրում՝ Երևան քաղաքի Սայաթ-Նովա պողոտայի 15 շենքի 63 բնակարանում կատարված խուզարկությամբ։
(...)
Բացի այդ, Հարություն Աշոտի Տեր-Թադևոսյանը Մանուկ Մարտինի Աբրահամյանի և քննությամբ դեռևս չպարզված այլ անձանց հետ նախնական համաձայնությամբ հանցավոր ճանապարհով՝ թմրամիջոցների ապօրինի իրացումից ստացված գույքի՝ խոշոր չափերով՝ ընդհանուր 6.574.029 ՀՀ դրամին համարժեք ֆինանասական միջոցների հանցավոր ծագումը, դրանց իրական բնույթը թաքցնելու, հանցավոր ճանապարհով ստացված ֆինանսական միջոցների տեղաշարժն ու տեղաբաշխումը քողարկելու, դրանց օրինական տեսք հաղորդելու նպատակով հանցավոր ճանապարհով ձեռք բերված խոշոր չափերով միջոցների կենտրոնացումը և դրանով պայմանավորված իրավասու մարմինների տեսադաշտում հայտնվելը բացառելու, հնարավոր բացահայտումից խուսափելու և հետագա հանցավոր գործունեությունն անխոչընդոտ շարունակելու համար հանցավոր գործունեությունից գոյացած ֆինանսական միջոցները ստանալու, մասնատելու և շրջանառելու համար օգտագործել են տարատեսակ կրիպտոարժութային դրամապանակներ:
Նշված վճարային գործիքներին մուտքագրված ֆինանսական միջոցները հետագայում փոխակերպվել են և փոխանցվել տարբեր հաշիվների, կանխիկացվել կամ այլ կերպ տնօրինվել են հանցավոր գործունեությանը ներգրավված անձանց կողմից:
Մասնավորապես, «Տելեգրամ» հեռահաղորդակցման հավելվածում գործող Հարություն Աշոտի Տեր-Թադևոսյանի, Մանուկ Մարտինի Աբրահամյանի և դեռևս ինքնությունը չպարզված անձանց կողմից կառավարվող «DrHopar» անվանումով առցանց խանութ-հարթակից թմրամիջոցներ ձեռք բերելու ցանկություն հայտնած անձանց տրամադրվել են մի շարք կրիպտոարժութային դրամապանակների տվյալներ, այդ թվում՝ «դաշքոին» տեսակի XgCiozqvdw6kyCjHzQh3cysZtaMyqDsMEL դրամապանակի տվյալները՝ պատվիրված թմրամիջոցի համար նախատեսված գումարը նշված դրամապանակին փոխանցելու նպատակով։
Դրանից հետո «DrHopar» անվանումով առցանց խանութ-հարթակից թմրամիջոցներ ձեռք բերելու ցանկություն հայտնած անձինք թմրամիջոց ձեռք բերելու նպատակով կրիպտոարժույթի փոխանակմամբ զբաղվող անձանց էլեկտրոնային դրամապանակներին կատարել են համապատասխան չափով դրամային փոխանցումներ՝ դրանք կրիպտոարժույթով փոխանակելու վերոնշյալ անվանումով առցանց խանութ-հարթակների տրամադրած կրիպտոարժութային դրամապանակներին փոխանցելու համար, որից հետո փոխանցման անդորրագրերն ուղարկել նշված առցանց խանութ-հարթակներին և ապօրինի ձեռք բերել պատվիրված թմրամիջոցը: Ընդ որում՝ «դաշքոին» տեսակի XgCiozqvdw6kyCjHzQh3cysZtaMyqDSMEL դրամապանակին 2023 թվականի դեկտեմբերի 22-ից մինչև 2024 թվականի հունվարի 31-ն ընկած ժամանակահատվածում ստացվել է 3.056.942.14 ՀՀ դրամին համարժեք 7574 ԱՄՆ դոլարի 241.48085823 «դաշքոին» տեսակի կրիպտոարժույթ:
Այնուհետև հանցավոր գործունեությունից ստացված առանձնապես խոշոր չափերով գույքի հանցավոր ծագումը, իրական բնույթը թաքցնելու, հանցավոր ճանապարհով ստացված միջոցների տեղաշարժն ու տեղաբաշխումը քողարկելու, դրանց օրինական տեսք հաղորդելու նպատակով կրիպտորաժութային դրամապանակներին ստացված կրիպտոարժույթը փոխանցվել է ՀՀ տարածքում կրիպտոարժույթի փոխանակմամբ զբաղվող անձանց կողմից շահագործվող կրիպտոարժութային դրամապանակներին, որից հետո փոխակերպված ֆինանսական միջոցները հանցակիցների հանձնարարությամբ փոխանցվել են տարբեր էլեկտրոնային դրամապանակների, բանկային հաշիվների, կանխիկացվել կամ այլ կերպ տնօրինվել են հանցավոր գործունեությանը ներգրավված անձանց կողմից։
Նկարագրված եղանակով 2023 թվականի հունվարից մինչև 2024 թվականի մայիսն ընկած ժամանակահատվածում Հարություն Տեր-Թադևոսյանի և Մանուկ Աբրահամյանի անվամբ «Իդրամ» համակարգում նույնականացված դրամապանակներին, ինչպես նաև Հարություն Տեր-Թադևոսյանի կողմից փաստացի շահագործվող ․․․ համարի բանկային քարտին փոխանցվել և վերջիններիս կողմից տնօրինվել է հանցավոր ճանապարհով ձեռք բերված խոշոր չափերով՝ ընդհանուր 6.574.029 ՀՀ դրամ գումար:
Այսպես.
Հարություն Աշոտի Տեր-Թադևոսյանի անվամբ «Իդրամ» վճարահաշվարկային համակարգում գրանցված ․․․ համարի դրամապանակին 2023 թվականի հունվարի 19-ից մինչև 2024 թվականի մայիսի 12-ն ընկած ժամանակահատվածում կրիպտոարժույթների կանխիկացման գործարքների արդյունքում «Էդուարդ Ավետիսյան Ռուբենի» Ա/Ձ-ի աշխատակիցներ Գոռ Վարդանյանի, Հարություն Պապիկյանի, Էդուարդ Ավետիսյանի, Շուշան Հարությունյանի, Ստեփան Մանուկյանի, Արման Հարությունյանի, Թագուհի Ազարյանի, Ռաֆայել Ավետիսյանի, Մերի Յարիջանյանի և Մանե Ազատյանի անուններով նույնականացված և վերոհիշյալ Ա/Ձ-ի կողմից շահագործվող դրամապանակներից մուտքագրվել է ընդհանուր 414,100 ՀՀ դրամ գումար: Նույն ժամանակահատվածում նույնանման եղանակով «Էդուարդ Ավետիսյան Ռուբենի» Ա/Ձ-ի կողմից Մանուկ Մարտինի Աբրահամյանի անվամբ «Իդրամ» վճարահաշվարկային համակարգում գրանցված ․․․ համարի դրամապանակին մուտքագրվել է ընդհանուր 162100 ՀՀ դրամ գումար: Բացի այդ 2023 թվականի հունվարի 9-ից մինչև 2024 թվականի հունվարի 15-ն ընկած ժամանակահատվածում «Էդուարդ Ավետիսյան Ռուբենի» Ա/Ձ-ի կողմից կատարված կրիպտոարժույթի կանխիկացման գործարքների արդյունքում Հարություն Տեր–Թադևոսյանի կողմից փաստացի շահագործվող ․․․ համարի բանկային քարտին 190 գործաքներով մուտքագրվել է ընդհանուր 7495 ԱՄՆ դոլարին համարժեք 2.941.487 ՀՀ դրամ գումար:
Արդյունքում Հարություն Աշոտի Տեր-Թադևոսյանի, Մանուկ Մարտինի Աբրահամյանի և քննությամբ դեռևս չպարզված անձանց կողմից ստացվել ու տնօրինվել է հանցավոր ճանապարհով ձեռք բերված և տարբեր էլեկտրոնային դրամապանակների ու բանկային հաշիվների փոխանցված խոշոր չափերով` ընդհանուր 6.574.029 ՀՀ դրամ գումար»:
28․ Մեղադրյալ Մանուկ Մարտինի Աբրահամյանի ՀՀ քրեական օրենսգրքի 393-րդ հոդվածի 3-րդ մասի 2-րդ կետով և ՀՀ քրեական օրենսգրքի 296-րդ հոդվածի 2-րդ մասի 1-ին և 2-րդ կետերով մեղադրանք է ներկայացվել հետևյալ բովանդակությամբ. «(...)նա խախտելով «Թմրամիջոցների և հոգեմետ (հոգեներգործուն) նյութերի մասին» ՀՀ օրենքի, Թմրամիջոցների և հոգեմետ (հոգեներգործուն) նյութերի և դրանց պրեկուրսորների շրջանառության կանոնները սահմանելու մասին» ՀՀ կառավարության 2010 թվականի մարտի 18-ի թիվ 270-Ն որոշման պահանջները, «Telegram» հեռահաղորդակցման հավելվածում գրանցված «@nger» օգտատիրոջ, Մանուկ Մարտինի Աբրահամյանի և դեռևս ինքնությունը չպարզված այլ անձանց հետ նախնական համաձայնությամբ, 2023 թվականի հունվարից մինչև 2024 թվականի մայիսն ընկած ժամանակահատվածում տարբեր եղանակներով, այդ թվում՝ «Telegram» հեռահաղորդակցման հավելվածում գրանցված «DrHopar» անվանումով առցանց խանութ-հարթակի միջոցով շահադիտական դրդումներով առանձնապես խոշոր չափերով թմրամիջոցների ապօրինի իրացմամբ զբաղվելու նպատակով, ապահովել է թմրամիջոցների ապօրինի ձեռքբերումը, առանձնացումն ըստ քաշերի, փաթեթավորումը, նախապես տեղադրումը թաքստոցներում, որից հետո թմրամիջոցների գտնվելու վայրերը լուսանկարահանվել են, ծրագրային հավելվածի միջոցով նշվել են դրանց գտնվելու վայրերի աշխարհագրական կոորդինատները և փոխանցվել են թմրամիջոց ձեռք բերելու ցանկություն հայտնած և հանցակիցների կողմից փաստացի կառավարվող կրիպտոարժութային դրամապանակներին համապատասխան չափով միջոցներ փոխանցած անձանց՝ այդ կերպ իրականացնելով առանձնապես խոշոր չափերով տարբեր տեսակի թմրամիջոցների, այդ թվում՝ «Մեթամֆետամին» և «Մարիխուանա» տեսակի թմրամիջոցի ապօրինի իրացումը: Հիշյալ եղանակով՝ հեռահաղորդակցական տեխնոլոգիաների կիրառման միջոցով իրացման նպատակով ձեռք բերված և պահված առանձնապես խոշոր չափերով թմրամիջոցի մի մասը՝ զգալի չափերով՝ 5,72 գրամ հաստատուն քաշով «Մարիխուանա» տեսակի թմրամիջոցը, ինչպես նաև «Մեթամֆետամին» և «Տետրահիդրոկանաբինոլ» տեսակի թմրամիջոցների հետքեր պարունակող սև պատյանով և արծաթագույն էլեկտրոնային կշեռքները հայտնաբերվել են 2024 թվականի փետրվարի 1-ին Հարություն Աշոտի Տեր-Թադևոսյանի և Մանուկ Աբրահամյանի փաստացի բնակության վայրում՝ Երևան քաղաքի Սայաթ-Նովա պողոտայի 15 շենքի 63 բնակարանում կատարված խուզարկությամբ:
(…)
Բացի այդ, Հարություն Աշոտի Տեր-Թադևոսյանը Մանուկ Մարտինի Աբրահամյանի և քննությամբ դեռևս չպարզված այլ անձանց հետ նախնական համաձայնությամբ հանցավոր ճանապարհով՝ թմրամիջոցների ապօրինի իրացումից ստացված գույքի՝ խոշոր չափերով՝ ընդհանուր 6.574.029 ՀՀ դրամին համարժեք ֆինանսական միջոցների հանցավոր ծագումը, դրանց իրական բնույթը թաքցնելու, հանցավոր ճանապարհով ստացված ֆինանսական միջոցների տեղաշարժն ու տեղաբաշխումը քողարկելու, դրանց օրինական տեսք հաղորդելու նպատակով հանցավոր ճանապարհով ձեռք բերված խոշոր չափերով միջոցների կենտրոնացումը և դրանով պայմանավորված իրավասու մարմինների տեսադաշտում հայտնվելը բացառելու, հնարավոր բացահայտումից խուսափելու և հետագա հանցավոր գործունեությունն անխոչընդոտ շարունակելու համար հանցավոր գործունեությունից գոյացած ֆինանսական միջոցներն ստանալու, մասնատելու և շրջանառելու համար օգտագործել են տարատեսակ կրիպտոարժութային դրամապանակներ:
Նշված վճարային գործիքներին մուտքագրված ֆինանսական միջոցները հետագայում փոխակերպվել են և փոխանցվել տարբեր հաշիվների, կանխիկացվել կամ այլ կերպ տնօրինվել են հանցավոր գործունեությանը ներգրավված անձանց կողմից:
Մասնավորապես, «Տելեգրամ» հեռահաղորդակցման հավելվածում գործող Հարություն Աշոտի Տեր-Թադևոսյանի, Մանուկ Մարտինի Աբրահամյանի և դեռևս ինքնությունը չպարզված անձանց կողմից կառավարվող «DrHopar» անվանումով առցանց խանութ-հարթակից թմրամիջոցներ ձեռք բերելու ցանկություն հայտնած անձանց տրամադրվել են մի շարք կրիպտոարժութային դրամապանակների տվյալներ, այդ թվում՝ «դաշքոին» տեսակի XgCiozqvdw6kyCjHzQh3cysZtaMyqDsMEL դրամապանակի տվյալները՝ պատվիրված թմրամիջոցի համար նախատեսված գումարը նշված դրամապանակին փոխանցելու նպատակով։
Դրանից հետո «DrHopar» անվանումով առցանց խանութ-հարթակից թմրամիջոցներ ձեռք բերելու ցանկություն հայտնած անձինք թմրամիջոց ձեռք բերելու նպատակով կրիպտոարժույթի փոխանակմամբ զբաղվող անձանց էլեկտրոնային դրամապանակներին կատարել են համապատասխան չափով դրամային փոխանցումներ՝ դրանք կրիպտոարժույթով փոխանակելու վերոնշյալ անվանումով առցանց խանութ-հարթակների տրամադրած կրիպտոարժութային դրամապանակներին փոխանցելու համար, որից հետո փոխանցման անդորրագրերն ուղարկել իրված առցանց խանութ-հարթակներին և ապօրինի ձեռք բերել պատվիրված թմրամիջոցը: Ընդ որում՝ «դաշքոին» տեսակի XgCiozqvdw6kyCjHzQh3cysZtaMyqDSMEL դրամապանակին 2023 թվաականի դեկտեմբերի 22-ից մինչև 2024 թվականի հունվարի 31-ն ընկած ժամանակահատվածում ստացվել է 3.056.942.14 ՀՀ դրամին համարժեք 7574 ԱՄՆ դոլարի 241.48085823 «դաշքոին» տեսակի կրիպտոարժույթ:
Այնուհետև հանցավոր գործունեությունից ստացված առանձնապես խոշոր չափերով գույքի հանցավոր ծագումը, իրական բնույթը թաքցնելու, հանցավոր ճանապարհով ստացված միջոցների տեղաշարժն ու տեղաբաշխումը քողարկելու, դրանց օրինական տեսք հաղորդելու նպատակով կրիպտորաժութային դրամապանակներին ստացված կրիպտոարժույթը փոխանցվել է ՀՀ տարածքում կրիպտոարժույթի փոխանակմամբ զբաղվող անձանց կողմից շահագործվող կրիպտոարժութային դրամապանակներին, որից հետո փոխակերպված ֆինանսական միջոցները հանցակիցների հանձնարարությամբ փոխանցվել են տարբեր էլեկտրոնային դրամապանակների, բանկային հաշիվների, կանխիկացվել կամ այլ կերպ տնօրինվել են հանցավոր գործունեությանը ներգրավված անձանց կողմից։
Նկարագրված եղանակով 2023 թվականի հունվարից մինչև 2024 թվականի մայիսն ընկած ժամանակահատվածում Հարություն Տեր-Թադևոսյանի և Մանուկ Աբրահամյանի անվամբ «Իդրամ» համակարգում նույնականացված դրամապանակներին, ինչպես նաև Հարություն Տեր-Թադևոսյանի կողմից փաստացի շահագործվող ․․․ համարի բանկային քարտին փոխանցվել և վերջիններիս կողմից տնօրինվել է հանցավոր ճանապարհով ձեռք բերված խոշոր չափերով՝ ընդհանուր 6.574.029 ՀՀ դրամ գումար:

Այսպես.
Հարություն Աշոտի Տեր-Թադևոսյանի անվամբ «Իդրամ» վճարահաշվարկային համակարգում գրանցված ․․․ համարի դրամապանակին 2023 թվականի հունվարի 19 մինչև 2024 թվականի մայիսի 12-ն ընկած ժամանակահատվածում կրիպտոարժույթների կանխիկացման գործարքների արդյունքում «Էդուարդ Ավետիսյան Ռուբենի» Ա/Ձ-ի աշխատակիցներ Գոռ Վարդանյանի, Հարություն Պապիկյանի, Էդուարդ Ավետիսյանի, Շուշան Հարությունյանի, Ստեփան Մանուկյանի, Արման Հարությունյանի, Թագուհի Ազարյանի, Ռաֆայել Ավետիսյանի, Մերի Յարիջանյանի և Մանե Ազատյանի անուններով նույնականացված և վերոհիշյալ Ա/Ձ-ի կողմից շահագործվող դրամապանակներից մուտքագրվել է ընդհանուր 414,100 ՀՀ դրամ գումար: Նույն ժամանակահատվածում նույնանման եղանակով «Էդուարդ Ավետիսյան Ռուբենի» Ա/Ձ-ի կողմից Մանուկ Մարտինի Աբրահամյանի անվամբ «Իդրամ» վճարահաշվարկային համակարգում գրանցված ․․․ համարի դրամապանակին մուտքագրվել է ընդհանուր 162100 ՀՀ դրամ գումար: Բացի այդ 2023 թվականի հունվարի 9-ից մինչև 2024 թվականի հունվարի 15-ն ընկած ժամանակահատվածում «Էդուարդ Ավետիսյան Ռուբենի» Ա/Ձ-ի կողմից կատարված կրիպտոարժույթի կանխիկացման գործարքների արդյունքում Հարություն Տեր–Թադևոսյանի կողմից փաստացի շահագործվող ․․․ համարի բանկային քարտին 190 գործաքներով մուտքագրվել է ընդհանուր 7495 ԱՄՆ դոլարին համարժեք 2.941.487 ՀՀ դրամ գումար:
Արդյունքում Հարություն Աշոտի Տեր-Թադևոսյանի, Մանուկ Մարտինի Աբրահամյանի և քննությամբ դեռևս չպարզված անձանց կողմից ստացվել ու տնօրինվել է հանցավոր ճանապարհով ձեռք բերված և տարբեր էլեկտրոնային դրամապանակների ու բանկային հաշիվների փոխանցված խոշոր չափերով` ընդհանուր 6.574.029 ՀՀ դրամ գումար»։

Հիմնական դատալսումների ընթացքում հետազոտված թույլատրելի ապացույցները.
29. Մեղադրյալ Հարություն Աշոտի Տեր-Թադևոսյանի ցուցմունքը, որի համաձայն՝ ձերբակալման ամբողջ գործողությունը տեղի է ունեցել բնակարանից դուրս՝ Սայաթ-Նովա փողոցում՝ շենքի հատվածում, որտեղ վեց ոստիկան մոտեցել են իրեն և ձեռնաշղթա հագցրել, ինքը մոտ մեկ ու կես ժամ անցկացրել է մեքենայի մեջ։ Այդ ընթացքում իր հեռախոսը գտնվել է անհայտ անձի մոտ, որն ամենասկզբում հեռախոսը գցել է գետնին՝ մեքենայից դուրս, կոտրել։ Բնակարանի խուզարկության ժամանակ երևում է, որ իր մոտից հեռախոս չի հայտնաբերվել։ Նշեց, որ ոստիկանության աշխատակից է եղել այն անձը, ով վերցրել է իր հեռախոսը։ Խուզարկությունը կատարել է քննիչը ոչ բարեկիթ ձևով։ Տարածքում «Կոսմո Լաբ» բժշկական կենտրոն և «Երևան սիթի» հանրախանութ կա, որոնց տեսանկարահանող սարքերի տեսագրությամբ հաստատ տեսանելի կլինի, որ իրենից անձնական խուզարկությամբ վերցնում են բջջային հեռախոսը, քանի որ ինքը չի հիշում, թե ավելի կոնկրետ որտեղից են վերցրել հեռախոսը՝ գրպանից, պայուսակից, թե այլ տեղից։ Ինքը մոտ 40 րոպե ձեռնաշղթաներով գտնվել է մեքենայի մեջ, հետո իրեն բարձրացրել են ոստիկանության վարչություն, իրեն տեսել են Գաբրիել Շահինյանը և մեքենայի սեփականատերը։
Նախաքննության ժամանակ ցուցմունք չի տվել, քանի որ չի վստահել նախաքննության մարմնին։ Իր պաշտպանի միջնորդություններին անգամ ընթացք չի տրվել նախաքննության մարմնի կողմից։
Հեռախոսը վերցնելուց հետո՝ մոտ մեկ ժամ անց, այլ անձ է մոտեցել, ցանկացել հեռախոսը փոխանցել, սակայն հեռախոսը ընկել և կոտրվել է։ Այդ ժամանակ ինքը նստած է եղել մեքենայի մեջ, իր երկու կողմում ոստիկաններ են եղել, իսկ մեքենայի դիմացի նստարանին նստած է եղել քննիչը։ Երբ հեռախոսը բերել են, էկրանը միացրած է եղել, լույս է վառվել, սակայն ինքը չգիտի, թե ինչ են արել դրանով։ Երբ կոտրված հեռախոսը վերցրել և տվել են իր կողքին նստած անձին, ինքն ասել է, որ իր հեռախոսը կոտրել են, ինչին ի պատասխան՝ իրեն հրահանգել են, որ լռի։ Չի հիշում հեռախոսի մոդելը, սակայն գիտի, որ կոդ եղել է, այն հայտնել է հեռախոսն իրենից վերցնելու պահին, ինչպես նաև տանը։
Ինքը հորմոնալ թերապիաներ է անցել, ինչի պատճառով պարբերաբար նյարդային վիճակներում է եղել, չի գիտակցել իր գործողությունները, հնարավոր է՝ այդ ժամանակ էլ է եղել նման վիճակի մեջ։ Ինքը նաև քրեակատարողական հիմնարկում բուժումներ է ստացել իր նյարդային խնդիրներով պայմանավորված:
Չի հիշում, որ իր հեռախոսում եղած լինեն այն տվյալները, որոնք դատական նիստերի ընթացքում հրապարակվել են։ Ինքն ունեցել է մեկ տելեգրամյան էջ՝ «Մարիա» անունով էջը, որը հիմնականում օգտագործել է, ունեցել է նաև մեկ այլ էջ։ Նշված «DrHopar» ալիքը և բջջային հեռախոսահամարն իրենը չեն։ Իր հեռախոսի մոդելը տվյալ պահին չի հիշում, սակայն հիշում է, որ դրա վրա գաղտանաբառ է եղել, որն ինքը հայտնել է վարույթն իրականացնող մարմնին՝ անգիտակցաբար: Ամբողջ կրիպտոշուկան և կրիպտոարժույթների հետ կապված գործողությունները տեղի են ունենում «Exodus» հավելվածում: Ինքը նույնպես այդ հավելվածից օգտվել է և դրա միջոցով Դաշը փոխակերպել «FTN»-ի, «FTN»-ը «Bitcoin»-ի:
(տե՛ս դատական նիստի արձանագրությունը)
30․ Վկա Հայկ Արմենի Հովակիմյանի ցուցմունքը, որի համաձայն՝ չի ճանաչում մեղադրյալներին։ Ինքը հանդիսանում է մեկ այլ գործով մեղադրյալ՝ կապված թմրամիջոցների շրջանառության հետ։ Թմրամիջոցների շրջանառությունն իրականացվել է «Տելեգրամ» հավելվածի միջոցով, իսկ «DrHopar» և «Մոնա» տելեգրամյան ալիքների մասին երբևէ չի լսել, չի առնչվել։ Ինքը թմրամիջոցներ գնել է տարբեր ալիքներից։ Որևէ տեղեկատվություն չունի Թուրքիայից թմրամիջոցներ ներկրելու և ՀՀ-ում իրացնելու վերաբերյալ, իրեն հայտնի չէ նաև նույն գործողությունները ՔԿՀ-ի տարածքից կազմակերպելու վերաբերյալ տվյալներ։ Չի հիշում, որ սույն քրեական գործի նախաքննության ընթացքում հարցաքննված լինի, Դատարանի կողմից ցուցադրված ստորագրությունն ու գրառումը դիտարկելուց հետո հայտնեց, որ դրանք իր ձեռագիրը և ստորագրությունն են։
(տե՛ս դատական նիստի արձանագրությունը)
30․1․ Էական հակասության հիմքով հրապարակվեց վկա Հայկ Արմենի Հովակիմյանի 2024 թվականի հունվարի 9-ի հարցաքննության արձանագրությունը, որի համաձայն՝ ինքը տեղյակ է, որ «Drhopar» տելեգրամյան ալիքը վարում է «տրանս», որը նստած է «Արմավիր» ՔԿ հիմնարկի 4-րդ կորպուսում, հետագայում կճշտի նրա տվյալները և անունով ու մյուս տվյալներով կտա, այս էջը գործել է մինչև իր «բռնվելը»՝ 2023 թվականի նոյեմբերը, բայց «տրանսը» նստած է եղել դրանից ավելի շուտ, այսինքն նա ՔԿՀ-ից է զբաղվում թմրամիջոցի ապօրինի շրջանառությամբ, իսկ ապրանքը ձեռք է բերում իր ազատության մեջ գտնվող ընկերների՝ «տրանսների» միջոցով, վերջիններս հետանցքով Թուրքիայից ու Պարսկաստանից «կրիստալ»-ը բերում են ՀՀ, ավելի շատ՝ Թուրքիայից։ Իրեն այս տեղեկությունները փոխանցել են իր վստահելի մարդիկ, դրանք հավաստի աղբյուրներից են։ Մյուս հանդիպմանը ինքը կճշտի ամբողջական տվյալները և կբերի իր հետ։
(տե՛ս դատական նիստի արձանագրությունը, հատոր 4, գ․թ․ 24-28)
30․2․ Նույն հիմքով հրապարակվեց վկա Հայկ Արմենի Հովակիմյանի 2024 թվականի հունվարի 11-ի հարցաքննության արձանագրությունը, որի համաձայն՝ մյուսը, որի մասին ցանկացել է հայտնել, Հարություն Տեր-Թադևոսյանն է եղել, նույն ինքը՝ «տրանսվեստիտ» Մարիա Աթաբեկյանը, ով օգտագործում է ․․․ հեռախոսահամարը, ծնվել է 1998 թվականի մարտի 17-ին: Տելեգրամ հավելվածում վարում է «DR hopar» թմրամիջոցների ապօրինի շրջանառության համար ստեղծված էջը, այն նրան է պատկանում, վաճառում է «Մեթամֆետամին»։ Նախկինում Հարություն Տեր-Թադևոսյանը վարել է թմրամիջոցների ապօրինի շրջանառության համար ստեղծված «@MEDELINEYN», «@IGNITEOPERATOR», «@UNIKAL 11» անուններով էջերը, որոնցից «@MEDELINEYVN» էջը ջնջվել է, փոխարենը ստեղծել է «DR hopar» էջը, իսկ մյուս երկու էջերը չեն աշխատում:
Հարություն Տեր-Թադևոսյանին նույնականացնող տվյալներն են «․․․»՝ նույնականացման քարտ, «․․․»՝ անձնագիր: Նրա բնակության հասցեն, և թե ինչ վճարային գործիքներ է օգտագործում, չի իմացել։
(տե՛ս դատական նիստի արձանագրությունը, հատոր 4, գ․թ․ 127-129)
30․3․ Հակասությունը պարզաբանելիս վկա Հայկ Արմենի Հովակիմյանը հայտնեց, որ չի հիշում, թե հրապարակվածը իր ցուցմուքններն են, թե ոչ, քանի որ «շատ խառը ցուցմունք էր», միգուցե ինքն ասել է նման բան, սակայն չի հիշում։ Չի հիշում, որ նման բան ասած լինի։ Չի հիշում, թե այդ ցուցմունքներով հայտնած տվյալներն ինքը որտեղից է իմացել։ Հայտնեց, որ այդ ցուցմունքները ճիշտ չեն, անհրաժեշտ է դրանք հիմք չընդունել, հստակ չի հիշում, թե դրանք ինչ տեղեկություններ են։
Իր հարցաքննությունների տեսաձայնագրառումները դիտելուց հետո ևս հայտնեց, որ չի հիշում։ Հիշողության հետ կապված խնդիրներ ունի, վաղուց են առաջացել։ Իր նկատմամբ երբեք սպառնալիքներ չեն եղել, ճնշում չի եղել։ Չի պնդում իր կողմից տրված ցուցմունքները։ Նման ցուցմունք տվել է, սակայն չի պնդում։
Այս ցուցմունքները տվել է կալանքի տակ գտնված ժամանակ, չի հիշում, թե իրեն որտեղից է հայտնի եղել Հարություն Տեր-Թադևոսյանի տվյալները։ ՔԿՀ-ում գտնվել է 2022 թվականից։ Ցուցմունք տալու պահին գտնվել է «Արմավիր» ՔԿՀ-ում, 2022 թվականի սկզբից գտնվել է կալանքի տակ, դա նույն քրեական գործն է, որի շրջանակներում ինքը հիմա գտնվում է տնային կալանքի տակ։ «Արմավիր» ՔԿՀ-ում գտնվել է 3-րդ կորպուսի 307 խցում, իսկ 4-րդ կորպուսի հետ որևէ կապ չի ունեցել։
ՔԿՀ-ում կալանավորները միմյանց անձնագրային տվյալները չեն ունենում, չի հիշում, թե ինչ «վստահելի աղբյուրի» մասին է խոսքը, որից ինքը պետք ճշտեր իր ցուցմունքով նշված տվյալները։ Որևէ պետական մարմին իրեն այդ տվյալները չի տվել, ՔԿՀ-ում այլ կանալավորի անձնագրային տվյալները ստանալը«հնարավոր է դարձել էլի» ։ Ինքն ինչ ասել է, ինքն է ճշտել։ «DR hopar» էջից երբևէ չի օգտվել։
(տե՛ս դատական նիստի արձանագրությունը)
31․ Վկա Էդուարդ Ռուբենի Ավետիսյանի ցուցմունքը, որի համաձայն՝ մեղադրյալներին չի ճանաչում։ Մասնագիտությամբ ծրագրավորող է, աշխատում է կրիպտոարժույթների փոխարկմամբ զբաղվող կազմակերպությունում։ Կրիպտոարժույթի կանխիկացման նպատակով դիմում են իրենց, իրենք տրամադրում են հաշվեհամար, որին կատարում են կրիպտոարժույթի փոխանցումը, իրենք փոխարկում են և գումարը փոխանցում հաճախորդի տրամադրած դրամային հաշվին, քարտին, էլեկտրոնային դրամապանակին կամ կանխիկացնում են, քաղաքացիները մոտենում են և առձեռն ստանում։ Երբ իրենց փոխանցվում է 100 ԱՄՆ դոլար, իրենց մոտ երևում է, որ հենց այդքան էլ փոխանցվել է իրենց։
Իրենց դիմում են առցանց եղանակով, անհատականացնող տվյալներ չեն վերցնում, նույնականացում տեղի չի ունենում կանխիկացման դեպքում։ Նույնականցման տվյալը հանդիսանում է այն վճարային միջոցի տվյալները, որով փախանցումը կատարվում է․ դա կարող է լինել էլեկտրոնային դրամապանակ, քարտ, դրանք արդեն նույնականացված են։ Փոխանցողի անձնային տվյալները չեն վերցնում, ստուգում չի արվում, թե արդյոք նույն անձի փոխանցած կրիպտոարժույթն է փոխարկվում և փոխանցվում այդ անձի հաշվին։
Երբ իրենց փոխանցում են կատարում, իրենք փոխանցողի՝ իր կողմից վերը նշված տվյալները չեն տեսնում, սակայն այդ ցուցիչները պահպանվում են այն համապատասխան համակարգերում, որոնց միջոցով իրականացնում են իրենց գործարքները, այդ տվյալները վերլուծելով՝ հնարավոր է նույնականացում իրականացնել։
Չի հիշում, թե նախաքննության մարմինն իրենց ինչ տեղեկատվության պահանջ է ներկայացրել, սակայն կարող է վստահեցնել, որ իրենց կողմից տրամադրված տեղեկությունները համապատասխանում են իրականությանը։
Իրեն ցուցադրված փաստաթուղթը (հատոր 5, գ.թ. 244-246) զննելով՝ հայտնեց, որ երկու սյունակներում ներկայացված տվյալները իրենց ստացած կրիպտոարժույթների և դրանց դիմաց փոխանցված դրամի վերաբերյալ տեղեկատվություն են պարունակում։ Փախանցումները հազարավոր դոլարներ չեն պարունակում․ 5-50․000 ՀՀ դրամի չափով փոխանցումներ են, 15-20 հատ։
Տրամաբանությունը հետևյալն է․ եթե իրենք ստացել են 7․000 ԱՄՆ դոլար, ապա դրան համարժեք գործարք են արել։ Միջնորդավճարը դուրս է բերվում ուղարկված գումարից՝ դրա 1-2 տոկոսի չափով։ Փոխարկումը և փոխանակումը սովորաբար տևում է 5-10 րոպե։
(տե՛ս դատական նիստի արձանագրությունը)
32. Խուզարկություն կատարելու մասին 2024 թվականի փետրվարի 1-ի արձանագրությունը, որի համաձայն՝ Երևան քաղաքի Սայաթ-Նովա պողոտայի թիվ 15 շենքի թիվ 63 բնակարանում կատարվել է խուզարկություն, որի ընթացքում ննջասենյակից հայտնաբերվել է էլեկտրոնային կշեռք։ Հյուրասենյակում գտնվող պահարանից հայտնաբերվել են հետքերով լամպ, կաթուցիչ, մետաղյա տարա։
Նախասենյակում գտնվող պահարանից հայտնաբերվել են բազմաթիվ «զիպ» փականով պոլիէթրիլենային փաթեթներ և մեկ էլեկտրոնային կշեռք, որի վրա առկա են եղել հետքեր։
Նույն պահարանից հայտնաբերվել է «զիպ» փականով պոլիէթիլենային փաթեթի մեջ դրված «Մարիխուանա» տեսակի թմրամիջոցին նմանվող զանգված, որը փաթեթի հետ միասին կշռվել է, և քաշը կազմել է 11,2 գրամ։
Մանուկ Աբրահամյանը՝ Կարոլինան, հայտարարել է, որ զանգվածը հանդիսանում է «Մարիխուանա», պատկանում է իրեն, իր անձնական օգտագործման համար և գնել է «Տելեգրամի» էջից։
Խուզարկությամբ վերցվել է Մանուկ Աբրահամյանի անձնագիրը, նրա կողմից օգտագործվող «Այֆոն 15» մոդելի բջջային հեռախոսը, որում տեղադրված է եղել ․․․, ․․․ հեռախոսահամարները։ Վերցվել է Ժակլին Ալավերդյանի անձնագիրը, «Այֆոն 12 Pro» մոդելի բջջային հեռախոսը, որում տեղադրված է եղել ․․․ հեռախոսահամարը։ Վերցվել է Դավիթ Ղազարյանի անձնագիրը, «Սամսունգ» մոդելի բջջային հեռախոսը, որում տեղադրված է եղել ․․․ հեռախոսահամարը։ Վերցվել է «Ռեդմի» մոդելի (գաղտնաբառ՝ ․․․) բջջային հեռախոս, որում տեղադրված է եղել ․․․, ․․․ հեռախոսահամարները։
(տե՛ս դատական նիստի արձանագրությունը, հատոր 4, գ.թ. 44-46)
33. Որպես արտավարութային փաստաթուղթ ապացույց ճանաչված ՀՀ Կենտրոնական բանկից առգրավված՝ Հարություն Տեր-Թադևոսյանի բանկային գաղտնիք կազմող տեղեկությունները պարունակող փաստաթղթերը և դրանք զննելու մասին 2024 թվականի հուլիսի 22-ի արձանագրությունը, որի համաձայն՝ Հ․Տեր-Թադևոսյանի բանկային գաղտնիք կազմող տեղեկությունները գտնվել են թվով երկու թղթապանակներում, որոնցից առաջինը՝ «19-810 Harutyun Ter-Tadevosyan» վերնագրով, ՀՀ-ում գործող բանկերից ստացված տվյալներն են, իսկ երկրորդը՝ «22-811 Harutyun Ter-Tadevosyan» վերնագրով, ՀՀ-ում գործող վճարահաշվարկային կազմակերպություններից ստացված տվյալներն են։
Առաջինը զննության է ենթարկվել «19-810 Harutyun Ter-Tadevosyan» թղթապանակը և պարզվել հետևյալը․
«ԱԿԲԱ ԲԱՆԿ» ԲԲ ընկերությունից ստացված պատասխանի համաձայն՝ 2018 թվականի օգոստոսի 30-ից մինչև 2024 թվականի մարտի 18-ն ընկած ժամանակահատվածում Հարություն Աշոտի Տեր-Թադևոսյանը (ծնված՝ ․․․, անձնագրի համարը՝ ․․․) հանդիսանում է «ԱԿԲԱ ԲԱՆԿ» ԲԲԸ-ի հաճախորդ։ Կից ներկայացվել են նաև Հարություն Տեր-Թադևոսյանի անձնագրի պատճենը և միասնական քաղվածքը։
Բանկային գաղտնիք կազմող տեղեկությունների զննմամբ պարզվել է, որ Հարություն Աշոտի Տեր-Թադևոսյանը «ԱԿԲԱ ԲԱՆԿ» ԲԲ ընկերությունում ունեցել է ․․․ համարի բանկային քարտ, որին 2018 թվականից 2019 թվական ընկած ժամանակահատվածում մուտքագրվել է ընդհանուր 941․002 ՀՀ դրամ գումար, որոնք հիմնականում ստացվել են մոբայլ բանկինգներից կամ այլ բանկային քարտերից։ Նույն ժամանակահատվածում տվյալ համարի բանկային քարտից ելքագրվել է մուտքագրված գումարին համարժեք գումար։
Նույն բանկում Հարություն Աշոտի Տեր-Թադևոսյանի անվամբ բացված 220449966217800 համարի բանկային հաշվին 30․08․2018 թվականից մինչև 11․03․2020 թվականն ընկած ժամանակահատվածում մուտքագրվել է 2․747․258 ՀՀ դրամ։ Նույն ժամանակահատվածում նույն հաշվից ելքագրվել է մուտքագրված գումարին համարժեք գումար։
Զննությամբ պարզվել է, որ Հարություն Տեր-Թադևոսյանը նույն բանկի միջոցով կատարել է գործարքներ՝ վարկի և տոկոսների մարում։
Հաջորդիվ զննվել են «ՀԱՅԷԿՈՆՈՄԲԱՆԿ» ԲԲ ընկերությունից ստացված տեղեկությունները, որոնց համաձայն՝ Հարություն Աշոտի Տեր-Թադևոսյանը «ՀԱՅԷԿՈՆՈՄԲԱՆԿ» ԲԲ ընկերությունում հանդիսանում է հաճախորդ։ Բանկային գաղտնիք կազմող տեղեկությունների զննմամբ պարզվել է, որ «ՀԱՅԷԿՈՆՈՄԲԱՆԿ» ԲԲ ընկերությունում Հարություն Աշոտի Տեր-Թադևոսյանն ունեցել է ․․․ համարի բանկային հաշիվ, որին 29․06․2022 թվականին մուտքագրվել և ելքագրվել է 34․000 ՀՀ դրամ գումար։
Հաջորդիվ զննվել է «Արցախբանկ» ՓԲ ընկերությունից ստացված տեղեկությունները՝ համաձայն որի՝ Հարություն Աշոտի Տեր-Թադևոսյանը «Արցախբանկ» ՓԲ ընկերությունում չի հանդիսանում հաճախորդ, սակայն 2014 թվականի հունվարի 1-ից մինչև 2024 թվականի հունվարի 1-ը հանդիսացել է բանկի միջոցով իրականացված գործարքների կոնտրագենտ կողմ: Բանկային գաղտնիք կազմող տեղեկությունների զննմամբ պարզվել է, որ «Արցախբանկ» ՓԲ ընկերությունում Հարություն Աշոտի Տեր-Թադևոսյանի անունով ուղարկվել է ընդհանուր 31.567 ՀՀ դրամ գումար՝ զինվորական կարիքների համար։
Հաջորդիվ զննվել է «Արդշինբանկ» ՓԲ ընկերությունից ստացված տեղեկությունները՝ համաձայն որի՝ Հարություն Աշոտի Տեր-Թադևոսյանը «Արդշինբանկ» ՓԲ ընկերությունում հանդիսանում է հաճախորդ: Բանկային գաղտնիք կազմող տեղեկությունների զննմամբ պարզվել է, որ «Արդշինբանկ» ՓԲ ընկերությունում Հարություն Աշոտի Տեր-Թադևոսյանը ունեցել է ․․․ համարի բանկային հաշիվ, որին 20.08.2024 թվականին մուտքագրվել է 1.688.910 ՀՀ դրամ գումար ․․․ համարի բանկային հաշվից: Զննությամբ պարզվել է, որ Հարություն Տեր-Թադևոսյանը նույն բանկի միջոցով կատարել է գործարքներ՝ վարկի և տոկոսների մարում։
Հաջորդիվ զննվել է «ԱյԴի Բանկ» ՓԲ ընկերությունից ստացված տեղեկությունները՝ համաձայն որի՝ Հարություն Աշոտի Տեր-Թադևոսյանը «ԱյԴի Բանկ» ՓԲ ընկերությունում հանդիսանում է հաճախորդ: Բանկային գաղտնիք կազմող տեղեկությունների զննմամբ պարզվել է, որ «ԱյԴի Բանկ» ՓԲ ընկերությունում Հարություն Աշոտի Տեր-Թադևոսյանը ունեցել է 1180********6401 համարի բանկային հաշիվ, որտեղ գործարքներ չեն իրականացվել։ Հաջորդիվ զննվել է 1180********6403 համարի բանկային հաշիվը, որտեղ մուտքագրվել, և ելքագրվել է ընդհանուր 52.819 ՀՀ դրամ գորմար։
Հաջորդիվ զննվել է 1180********6404 համարի բանկային հաշվի միջոցով կատարված գործարքները։
Հաջորդիվ զննվել է «ԻՆԵԿՈԲԱՆԿ» ՓԲ ընկերությունից ստացված տեղեկությունները։ Բանկային գաղտնիք կազմող տեղեկությունների զննմամբ պարզվել է, որ «ԻՆԵԿՈԲԱՆԿ» ՓԲ ընկերությունում Հարություն Աշոտի Տեր-Թադևոսյանը ունեցել է ․․․ համարի բանկային հաշիվ, որտեղ կատարված գործարքը կարևոր տեղեկություններ չի պարունակում:
Հաջորդիվ զննվել է «ՎՏԲ-Հայաստան Բանկ» ՓԲ ընկերությունից ստացված տեղեկությունները, համաձայն որի՝ Հարություն Աշոտի Տեր-Թադևոսյանը «ՎՏԲ- Հայաստան Բանկ» ՓԲ ընկերությունում հանդիսանում է հաճախորդ: Բանկային գաղտնիք կազմող տեղեկությունների զննմամբ պարզվել է, որ «ՎՏԲ-Հայաստան Բանկ» ՓԲ ընկերությունում Հարություն Աշոտի Տեր-Թադևոսյանը ունեցել է 1604********3400 համարի բանկային հաշիվ և 4033********1210 համարի բանկային քարտ, որտեղ 2022 թվականի սեպտեմբերի 29-ից 30-ը ընկած ժամանակահատվածում մուտքագրվել և ելքագրվել է ընդհանուր 7.800 ՀՀ դրամ գումար: Հաջորդիվ «ՎՏԲ-Հայաստանկ Բանկ» ՓԲ ընկերության կողմից տրամադրված տեղեկություններում կարևոր տեղեկություն առկա չեն եղել:
Հաջորդիվ զննվել է «ԷՎՈԿԱԲԱՆԿ» ՓԲ ընկերությունից ստացված տեղեկությունները, համաձայն որի՝ Հարություն Աշոտի Տեր-Թադևոսյանը «ԷՎՈԿԱԲԱՆԿ» ՓԲ ընկերությունում հանդիսանում է հաճախորդ: Բանկային գաղտնիք կազմող տեղեկությունների զննմամբ պարզվեց, որ «ԷՎՈԿԱԲԱՆԿ» ՓԲ ընկերությունում Հարություն Աշոտի Տեր-Թադևոսյանը ունեցել է ․․․, ․․․, ․․․, ․․․, ․․․, ․․․, ․․․ համարի բանկային քարտ, սակայն տվյալ հաշիներից կատարված համարի բանկային հաշիվներ և գործարքները նախաքննության համար կարևոր տեղեկություններ չեն պարունակել:
Հաջորդիվ զննության է ենթարկվել «22-811 Harutyun Ter-Tadevosyan» թղթապանակը, և պարզվել է հետևյալը․
«Իզի Փեյ» ՍՊ ընկերությունից ստացված պատասխանի համաձայն՝ Հարություն Աշոտի Տեր-Թադևոսյանը հանդիսանում է «Իզի Փեյ» ՍՊԸ-ի հաճախորդ: Կից ներկայացվել են նաև Հարություն Տեր-Թադևոսյանի անձնագրի պատճեն և միասնական քաղվածքը, որը կցվում է սույն արձանագրությանը: Բանկային գաղտնիք կազմող տեղեկությունների զննմամբ պարզվել է, որ առկա է գրանցված Easy Wallet օգտահաշիվ նշված հեռախոսահամարով՝ +374․․․ : Զննման ընթացքում պարզվել է, որ տվյալ օգտահաշվից 2022 թվականի մայիսի 19-ից մինչև 2023 թվականի մայիսի 30-ը ընկած ժամանակահատվածում կատարվել են գոծարքներ՝ ընդհանուր 708.482 ՀՀ դրամ գումարի չափով, հիմնականում փոխանցումները կատարվել են ․․․ հաշվին: Զննման ժամանակ հայտնաբերվել են այլ փոխանցումներ, սակայն կարևոր տվյալներ չեն պարունակվել:
Հաջորդիվ զննության է ենթարկվել «Թել-ՍԵԼ» ԲԲ ընկերությունից ստացված բանկային գաղտնիք պարունակող տեղեկությունները: «Թել-ՍԵԼԼ» ԲԲ ընկերությունից ստացված տեղեկությունների համաձայն՝ Հարություն Աշոտի Տեր-Թադևոսյանը հանդիսանում է «Թել-ՍԵԼԼ» ԲԲԸ-ի հաճախորդ: Բանկային գաղտնիք կազմող տեղեկությունների զննմամբ պարզվել է, որ առկա է գրանցված ․․․ համարով հաշիվ, որտեղ 2019 թվականի դեկտեմբերի 5-ից մինչև 2022 թվականի նոյեմբերի 4-ը ընկած ժամանակահատվածում տվյալ հաշվին մուտքագրվել է ընդհանուր 2.768.462 ՀՀ դրամ գումար և ելքագրվել է ընդհանուր 2.744․321 ՀՀ դրամ գումար:
Հաջորդիվ զննության է ենթարկվել «ԻԴՐԱՄ» ՍՊ ընկերությունից ստացված բանկային գաղտնիք պարունակող տեղեկությունները: «ԻԴՐԱՄ» ՍՊ ընկերությունից ստացված տեղեկությունների համաձայն՝ Հարություն Աշոտի Տեր-Թադևոսյանը հանդիսանում է «ԻԴՐԱՄ» ՍՊԸ-ի հաճախորդ: Բանկային գաղտնիք կազմող տեղեկությունների զննմամբ պարզվել է, որ առկա է գրանցված ․․․ համարով հաշիվ, որտեղ 2021 թվականի նոյեմբերի 5-ից մինչև 2022 թվականի մայիսի 16-ը ընկած ժամանակահատվածում տվյալ հաշվին մուտքագրվել է ընդհանուր 1.459.950 ՀՀ դրամ գումար:
(տե՛ս դատական նիստի արձանագրությունը, հատոր 4, գ․թ․ 276-278, հատոր 5, գ.թ. 89-91, հատոր 6, գ․թ․ 86-107)
34․ Որպես արտավարութային փաստաթուղթ ապացույց ճանաչված ՀՀ Կենտրոնական բանկից առգրավված՝ Հարություն Տեր-Թադևոսյանի բանկային գաղտնիք կազմող տեղեկությունները պարունակող փաստաթղթերը և դրանք զննելու մասին 2024 թվականի սեպտեմբերի 4-ի արձանագրությունը, որոնց համաձայն՝ լազերային սկավառակը ներբեռնվել է համակարգչի մեջ, և պարզվել է, որ դրանում առկա են թվով 26 թղթապանակներ, որոնցից մեկը` «22-811 Harutyun Ter Tadevosyan» վերնագրով, Հարություն Աշոտի Տեր-Թադևոսյանի վերաբերյալ բանկային գաղտնիք կազմող տվյալներն են։
Զննության է ենթարկվել թղթապանակում առկա զիփ ֆայլը, որը պարունակելէ, երկու «էքզել» և մեկ «ՊԴՖ» ֆայլ, որն «Իդրամ» ՍՊ ընկերության ուղեկցական գրություն է եղել:
«Էքզել» ֆայլի զննությամբ պարզ է դարձել, որ Հարություն Աշոտի Տեր-Թադևոսյանի անվամբ գրանցված ․․․ «Իդրամ» հաշվեհամարին 24.07.2018 թվականից մինչև 25.03.2024 թվականը մուտքագրվել է 26․297.034 ՀՀ դրամ` թվով 1571 փոխանցումներով: Նշված փոխանցումներից թվով 59 հատ, 710․326 ՀՀ դրամի փոխանցվել է «Դիջիթեյն» ՍՊ ընկերության կողմից, թվով 155 հատ, 3․684․756 ՀՀ դրամի` «Սոֆթ Կոնստրակտ» ՍՊ ընկերության կողմից, թվով 80 հատ, 2․800․545 ՀՀ դրամի` «Աջարաբեթ» ՍՊ ընկերության կողմից, թվով 67 հատ, 971․790 ՀՀ դրամի` «Իդրամ» ՍՊ ընկերության կողմից, թվով 9 հատ, 114․805 ՀՀ դրամի` 431828**3511 հաշվեհամարով բանկային քարտի կողմից, թվով 82 հատ, 1․677․000 ՀՀ դրամի` սույն գործով վկա Ժակլին Ալավերդյանի կողմից, թվով 35 հատ, 272․950 ՀՀ դրամի` Մանուկ Աբրահամյանի կողմից, թվով 2 հատ, 800․000 ՀՀ դրամի` «Ռոյալ Կրեդիտ» ՍՊ ընկերության կողմից, թվով 236 հատ, 2․542․476 ՀՀ դրամի` «Թել-Սել» տերմինալների միջոցով, թվով 14 փոխանցում, 447․650 ՀՀ դրամի` Հռիփսիմե Մխիթարյանի կողմից, թվով 5 փոխանցում, 99․100 ՀՀ դրամի` էդուարդ Ավետիսյանի կողմից, թվով 10 փոխանցում, 434․813 ՀՀ դրամի` Կորյուն Սիմոնյանի կողմից:
Վերոնշյալ «Իդրամ» դրամապանակից թվով 3085 փոխանցումներով ելքագրվել է 26․191․802 ՀՀ դրամ, որից թվով 408 փոխանցումով 2․182․971 ՀՀ դրամ փոխանցվել է «Սոֆթ Կոնստրակտ» ՍՊ ընկերությանը, թվով 24 փոխանցումով 687․555 ՀՀ դրամ փոխանցվել է «Ֆասթ Բանկ» ՓԲ ընկերությանը, թվով 588 փոխանցումով 1․419․488 ՀՀ դրամ փոխանցվել է «Աջարաբեթ» ՍՊ ընկերությանը, թվով 265 փոխանցումով 854․098 ՀՀ դրամ փոխանցվել է «Դիջիթեյն» ՍՊ ընկերությանը, թվով 38 փոխանցումով 128․000 ՀՀ դրամ փոխանցվել է ․․․ հաշվեհամարով բանկային քարտին, թվով 74 փոխանցումով 644․988 ՀՀ դրամ փոխանցվել է վկա Ժակլին Ալավերդյանին, թվով 170 փոխանցումով 2․405․101 ՀՀ դրամ փոխանցվել է «Այ-Դի» բանկի ․․․ քարտին, 2․326․043 ՀՀ դրամ «Այ-Դի» բանկի այլ հաշվեհամարների:
(տե՛ս դատական նիստի արձանագրությունը, հատոր 4, գ․թ․ 276-278, հատոր 5, գ.թ. 158-159, հատոր 6, գ․թ․ 86-107)
35․ Որպես արտավարութային փաստաթուղթ ապացույց ճանաչված ՀՀ Կենտրոնական բանկից առգրավված՝ Հարություն Տեր-Թադևոսյանի բանկային գաղտնիք կազմող տեղեկությունները պարունակող փաստաթղթերը և դրանք զննելու մասին 2024 թվականի նոյեմբերի 6-ի արձանագրությունը, որոնց համաձայն՝ զննության է ենթարկվել մեղադրյալ Հարություն Տեր-Թադևոսյանի վերաբերյալ ՀՀ Կենտրոնական բանկից 06.05.2024 թվականին առգրավված բանկային գաղտնիք կազմող տեղեկությունները և «Էդուարդ Ավետիսյան Ռուբենի» Ա/Ձ-ից ստացված տեղեկությունները:
Պարզվել է, որ Հ.Տեր-Թադևոսյանի բանկային գաղտնիք կազմող տեղեկությունները գտնվում են թվով երկու թղթապանակներում, առաջինը՝ «19-810 Harutyun Ter-Tadevosyan» վերնագրով, ՀՀ-ում գործող բանկերից ստացված տվյալներն են, իսկ երկրորդը՝ «22-811 Harutyun Ter Tadevosyan» վերնագրով, ՀՀ-ում գործող վճարահաշվարկային կազմակերպություններից ստացված տվյալներն են:
Առաջինը զննության է ենթարկվել «22-811 Harutyun Ter-Tadevosyan» թղթապանակը: Զննության է ենթարկվել «ԻԴՐԱՄ» ՍՊ ընկերությունից ստացված տեղեկությունները: «ԻԴՐԱՄ» ՍՊ ընկերությունից տեղեկությունների համաձայն՝ Հարություն Աշոտի Տեր-Թադևոսյանը հանդիսանում է «ԻԴՐԱՄ» ՍՊ ընկերության հաճախորդ: Բանկային գաղտնիք կազմող տեղեկությունների զննմամբ պարզվել է, որ առկա է գրանցված ․․․ համարով հաշիվ, որտեղ 2023 թվականի հունվարի 10-ից մայիսի 12-ն ընկած ժամանակահատվածում «Էդուարդ Ավետիսյան Ռուբենի» կրիպտոարժույթի փոխանակմամբ զբաղվող Ա/Ձ-ի աշխատակիցներ Գոռ Վարդանյանը, Հարություն Պապիկյանը, Էդուարդ Ավետիսյանը, Շուշան Հարությունյանը, Ստեփան Մանուկյանը, Արման Հարությունյանը, Թագուհի Ազարյանը, Ռաֆայել Ավետիսյանը, Մերի Յարիջանյանը և Մանե Ազարյանը, որոնց վերոնշյալ Ա/Ձ-ի աշխատակից հանդիսանալու փաստը հաստատվում է «Էդուարդ Ավետիսյան Ռուբենի» Ա/Ձ-ի տնօրեն Էդուարդ Ավետիսյանի էլեկտրոնային հաղորդագրությամբ, տվյալ հաշվին մուտքագրել են ընդհանուր 414․100 ՀՀ դրամ գումար: Նշված փոխանցումները կատարվել են կրիպտոարժույթի կանխիկացման նպատակով։
(տե՛ս դատական նիստի արձանագրությունը, հատոր 4, գ․թ․ 276-278, հատոր 5, գ.թ. 158-159, հատոր 6, գ․թ․ 169-173)
36․ Որպես արտավարութային փաստաթուղթ ապացույց ճանաչված և «Էդուարդ Ավետիսյան Ռուբենի» Ա/Ձ-ի 2024 թվականի սեպտեմբերի 17-ի տեղեկանքը և այն զննելու մասին 2024 թվականի նոյեմբերի 6-ի արձանագրությունը, որոնց համաձայն՝ 2023 թվականի հունվարի 9-ից 2024 թվականի հունվարի 15-ն ընկած ժամանակահատվածում ․․․ բանկային քարտային հաշվի վրա, որը, համաձայն «ԻԴՐԱՄ» բանկային հավելվածում առկա տեղեկությունների, պատկանում է Հարություն Տեր-Թադևոսյանին, փոխանակման կետում առկա են կրիպտոարժույթի շուրջ 190 կանխիկացման գործարքներ՝ ընդհանուր 7․495 ԱՄՆ դոլարի համագումարով: Համաձայն «rate.am» կայքի տվյալների՝ դոլարի միջին արժեքը 2023 թվականի ընթացքում կազմել է 392․46 ՀՀ դրամ, հետևաբար՝ Հարություն Աշոտի Տեր-Թադևոսյանի կողմից կանխիկացվել է 7․495 ԱՄՆ դոլլարին համարժեք 2․941․487 ՀՀ դրամի կրիպտոարժույթ:
(տե՛ս դատական նիստի արձանագրությունը, հատոր 4, գ․թ․ 276-278, հատոր 5, գ․թ․ 174-182, հատոր 6, գ․թ․ 86-107)
37․ Թվային խուզարկություն կատարելու մասին 2024 թվականի սեպտեմբերի 24-ի արձանագրությունը, որի համաձայն՝ Մանուկ Աբրահամյանի «Iphone 15 ProMax» մոդելի բջջային հեռախոսում կատարվել է թվային խուզարկություններ:
Առաջինը թվային խուզարկության է ենթարկվել Մանուկ Աբրահամյանի բջջային հեռախոսում առկա «Telegram» հավելվածում գրանցված «Black Carolina» անվամբ, «@black carolina» նիքնեյմով և +374․․․ հեռախոսահամարով գրանցված էջը։ Նշված էջի թվային խուզարկությամբ հայտնավերվել է «mariamik» անվամբ, «ndnbnbvc» նիքնեյմով և +374․․․ հեռախոսահամարով գրանցված էջի հետ նամակագրություն: Մասնավորապես՝ «mariamik» անվամբ էջի օգտատերը կանչում է «Black Carolina» անվամբ էջի օգտատիրոջը՝ թմրամիջոցները միասին տեղադրելու, ինչին «Black Carolina» անվամբ էջի օգտատերը տալիս է իր համաձայնությունը:
Այնուհետև թվային խուզարկության է ենթարկվել «Maria Atabekyan» անվամբ և +374․․․ հեռախոսահամարով գրանցված էջի հետ նամակագրություն: Մասնավորապես՝ «Maria Atabekyan» անվամբ էջի օգտատերը ցուցումներով և կարգադրություններով ուղղորդում է «Black Carolina» էջի օգտատիրոջը ենթադրյալ թմրամիջոցների իրացման հարցում, պահանջում է ուղարկել թմրամիջոցների կշռման լուսանկարները, որոնք «Black Carolina» էջի օգտատերն ուղարկում է:
Մասնավորապես 2023 թվականի նոյեմբերի 19-ի նամակագրության համաձայն՝
««Maria Atabekyan» էջի օգտատեր-300 գրամ բերել եմ երեկ, 400 գրամի նկարը ու տեղը տվելա, որ վերցնեմ ու հլը ասում էր, որ բացի դրանից էսօր էլա նկարներ տալու, որ վերցնեմ, մինիմալը՝ 300 գրամներով ա նկար տալիս, (…):
«Black Carolina» էջի օգտատեր-(…):
««Maria Atabekyan» էջի օգտատեր-Արարատն անցնում ես, էտ մասերնա: 39.815830,44,743003 Յանդեքս գրի, էսի ցույց կտա, Սուրենավան չհասած, 46կմ:
Նամակագրության մեջ առկա է նաև «Black Carolina» էջի օգտատիրոջ (նույն ինքը՝ Մանուկ Աբրահամյան) կողմից այլ ծառայությունների մատուցման և դրանց արժեքի մասին հայտարարություն: Հայտարարության մեջ նշված է նաև +374․․․ հեռախոսահամարը»:
2023 թվականի դեկտեմբերի 21-ի նամակագրության համաձայն՝
««Maria Atabekyan» էջի օգտատեր-Դեշին փողա էկել 130.000, բայց էտի ինդենտների հետ կապ չունի էլի, չմտածես իդենտ ա ճամփել, ման գաս ովա, որ նկար տաս: Վերջ արդեն կանխիկացրի: Անջատի նորից միացրու, մեկ էլ կանալում 02-եր էլ կա, որի վրեն էլ քաշ չկա՝ 012, 015 երկուսի տեղ են էթում:
«Black Carolina» էջի օգտատեր-012 կամ 015՝ 10.000՞:
«Maria Atabekyan» էջի օգտատեր-Չէ: 012-10.000, 015-13.000, 02-16.000, 05-35.000, 1-70.000: Կանալուը որի վրեն գրած ա 02, էտի մենակ 02-ի տեղ կտաս: Որի վրեն քաշ չկա գրած, համ 015 ուզողին ենք էտ տալիս, 13.000-ով, համ 012 ուզողին ենք տալի 10.000-ով:
«Black Carolina» էջի օգտատեր-Լավ»:
2023 թվականի դեկտեմբերի 25-ի նամակագրության համաձայն՝
«Maria Atabekyan» էջի օգտատեր-Դե կշռի, հենց ասեմ, նոր կքցես:
«Black Carolina» էջի օգտատեր-Լավ, (Կշեռքի նկար, վրան նշված՝ 0,127):
«Maria Atabekyan» էջի օգտատեր-Չէ, 1 գրամ:
«Black Carolina» էջի օգտատեր-Էսի շատ ա:
«Maria Atabekyan» էջի օգտատեր-Էսի 012:
«Black Carolina» էջի օգտատեր-Թե՞ քիչ:
«Maria Atabekyan» էջի օգտատեր-Սրանից 9 անգամ շատ, ավելացրու մինչև կանգնի 1,0:
«Black Carolina» էջի օգտատեր-(Կշեռքի նկար, վրան նշված՝ 1,050):
«Maria Atabekyan» էջի օգտատեր-Հա:
(…)
«Maria Atabekyan» էջի օգտատեր-Մագնիս քցի մեջը, ու նկար տամ: (Թմրամիջոցի տեղադրման վայրի լուսանկար): Էս էր, շենքի կողքն ա հենց: Էն օրը, որ մեկին էլ հետներս ես դրեցի, ամենամութ տեղն ա, տրուբի տակը էս սպիտակ: Ուզում ես մի խլոմբի, սենց փաթաթի ուղարկի:
«Black Carolina» էջի օգտատեր-Պլոմբել եմ:
«Maria Atabekyan» էջի օգտատեր-Հա վսյո, դե հիմա շուտ քցի էլի, տամ պրծնենք: Հենց դրած լինի, ասա տամ: 1915 էլ աշխատեցինք:
«Black Carolina» էջի օգտատեր-Լավ հեսա կասեմ: Եթե ունես ID-իդ մեջ, 8000 կուղարկես, հեսա 20 իդենտ ունեմ, գալիսա հաստատ, կքցեմ քեզ:
«Maria Atabekyan» էջի օգտատեր-Հա:
(…)
«Maria Atabekyan» էջի օգտատեր-Քցած ա:
«Black Carolina» էջի օգտատեր-Ապրես կյանքս»:
(տե՛ս դատական նիստի արձանագրությունը, հատոր 6, գ․թ․ 38-39)
38. Զննում կատարելու մասին 2024 թվականի սեպտեմբերի 19-ի արձանագրությունը, որի համաձայն՝ զննության ընթացքում «Telegram» հավելվածում որոնման ենթարկվեց «@DrHopar» նիքնեյմով էջը։ Մտնելով վերոնշյալ էջի անձնական տվյալների նշման բաժինը պարզ դարձավ, որ այնտեղ առկա են թվով 3 հղումներ՝ որպես օպերատոր՝ «@DrHopari Operator» նիքնեյմով էջը, որպես ալիք՝ «DrHopari_kanal» նիքնեյմով էջը, որպես զրուցարան՝ «@DrHopari_Chat» նիքնեյմով էջը։
Առաջինը զննության ենթարկվեց «DrHopari Operator» նիքնեյմով էջը, որի զննությամբ պարզ դարձավ, որ նշված էջի ներկա պահին հասանելի առաջին հաղորդագրությունը ուղարկվել է 2024 թվականի մարտի 21-ին, իսկ վերջինը 2024 թվականի մայիսի 8-ին: Էջում առկա «Suparoom» անվամբ օգտատիրոջ վերաուղարկված հաղորդագրությունը, որտեղ գրված է «Կապ կա, 37 1Գ, ԱՐԱԲԿԻՐ, ԿԵՆՏՐՈՆ, ԱՋԱԲՆՅԱԿ, ԱՐԺԵՔԸ ՉԻ ՆԵՐԱՌՈՒՄ ՉԵՆՋԻ ՄԻՋՆՈՐԴԱՎՃԱՐԸ, Chef-@Supacook»: @Supacook հղումով մտնելով, վարույթի համար էական նշանակություն ունեցող տեղեկություններ չհայտնաբերվեցին: «DrHopari Operator» նիքնեյմով էջում նշված վերոնշյալ գործողությունները լուսանկարահանվեցին սքրինշոթի միջոցով և կցվեցին սույն արձանագրությանը:
Այնուհետև զննության ենթարկվեց «@DrHopari_kanal» նիքնեյմով էջը։ Մտնելով վերոնշյալ էջի անձնական տվյալների նշման բաժինը պարզ դարձավ, որ այնտեղ առկա են թվով 3 հղումներ՝ որպես օպերատոր՝ «DrHopari Operator» նիքնեյմով էջը, որպես տնօրեն՝ «@DrHopar» նիքնեյմով էջը, որպես զրուցարան՝ «DrHopari_Chat» նիքնեյմով էջը: Այնուհետև զննության ենթարկվեց նշված էջի զրուցարանը, որտեղ որպես ալիքի ստեղծման «@DrHopari_Operator», «@DrHopar» և բազմաթիվ գովազդներ, որտեղ «DrHopari_Chat» ալիքները նշված են որպես «Մեթամֆետամին» տեսակի թմրամիջոցի վաճառքով զբաղվող ալիքներ, տարատեսակ էջերի վերաուղարկված հաղորդագրություններ, որտեղ առկա են առերևույթ թմրամիջոցների նմանվող զանգվածների լուսանկարներ և շնորհակալության խոսքեր ենթադրյալ թմրամիջոցները տեղադրված վայրերից վերցնելու կապակցությամբ, նշված էջերի հովանավորությամբ կազմակերված թմրամիջոցների խաղարկություններին վերաբերվող հաղորդագրություններ, «@DrHopari_kanal» էջի կողմից գրված հաղորդագրություն, որտեղ նշվում է, որ վաճառվող «Մեթամֆետամին» տեսակի թմրամիջոցը ներմուծված է ԱՄՆ-ից: Նշված բովանդակությամբ հաղորդագրություններն ունեն պարբերական բնույթ և շարունակվում են մինչև տվյալ էջում առկա վերջին հաղորդագրության օրը՝ 2024 թվականի հունվարի 27-ը:
Այնուհետև զննության ենթարկվեց «@DrHopari_Chat» նիքնեյմով էջը։ Մտնելով վերոնշյալ էջի անձնական տվյալների նշման բաժինը պարզ դարձավ, որ այնտեղ առկա են թվով 3 հղումներ՝ որպես օպերատոր՝ «@DrHopari_Operator» նիքնեյմով էջը, որպես տնօրեն՝ «@DrHopar» նիքնեյմով էջը, որպես ալիք՝ «@DrHopari_kanal» նիքնեյմով էջը: Այնուհետև զննության ենթարկվեց նշված էջի զրուցարանը, որտեղ որպես ալիքի ստեղծման ամսաթիվ նշված է 2023 թվականի հոկտեմբերի 11-ը։ Էջում առկա էին բազմաթիվ գովազդներ, որտեղ «@DrHopari_Operator», «@DrHopar» u «@DrHopari_Chat» ալիքները նշված են որպես «Մեթամֆետամին», «Հերոին», «Հաշիշ» և այլ տեսակի թմրամիջոցի վաճառքով զբաղվող ալիքներ, տարատեսակ էջերի վերաուղարկված հաղորդագրություններ, որտեղ առկա են առերևույթ թմրամիջոցների նմանվող զանգվածների լուսանկարներ և շնորհակալության խոսքեր ենթադրյալ թմրամիջոցները պահոցից վերցնելու կապակցությամբ, նշված էջերի հովանավորությամբ կազմակերված թմրամիջոցների խաղարկություններին վերաբերվող հաղորդագրություններ, «@DrHopari kanal» էջի կողմից գրված հաղորդագրություն, որտեղ նշվում է, որ վաճառվող «Մեթամֆետամին» տեսակի թմրամիջոցը ներմուծված է ԱՄՆ-ից, կլադմենի աշխատանքի հայտարարություն, որտեղ նշված են պայմանները և աշխատավարձը։ Նշված բովանդակությամբ հաղորդագրությունները ունեն պարբերական բնույթ և շարունակվում են մինչև տվյալ էջում առկա վերջին հաղորդագրության օրը՝ 2024 թվականի հունվարի 27-ը։ Վերոնշյալ փաստերը լուսանկարահանվեցին և կցվեցին սույն արձանագրությանը:
(տե՛ս դատական նիստի արձանագրությունը, հատոր 5, գ․թ․ 247-267)
39․ ՀՀ ներքին գործերի նախարարության փորձաքրեագտիական վարչության 2024 թվականի հունիսի 13-ի դատաքիմիական փորձաքննության թիվ 233 Ք-24 եզրակացությունը, որի «Հետևություններ» մասի համաձայն՝
«1․ Փորձաքննության ներկայացված փաթեթում առկա 5․72 գրամ հաստատուն չոր քաշով մանրացված զանգվածը հանդիսանում է Մարիխուանա տեսակի թմրամիջոց:
2․ Փորձաքննության ներկայացված փաթեթում առկա փաթեթում առկա սև պատյանով էլեկտրոնային կշեռքի վրա առկա հետքերում առկա են Մեթամֆետամին և տետրահիդրոկանաբինոլ տեսակի հետքեր։ Որոնց քանակական հաշվարկ հնարավոր չէ կատարել հետքային քանակությունների առկայության պայմաններում։
3․ Փորձաքննության ներկայացված 1 լամպի, մետաղական տարայի և թվով 1 արծաթագույն պատյանով էլեկտրոնային կշեռքի մակերեսների վրա հայտնաբերվեցին Մեթամֆետամին տեսակի նյութի հետքեր: Որոնց քանակական հաշվարկ հնարավոր չէ կատարել հետքային քանակությունների առկայության պայմաններում։
4․ Փորձաքննության ներակայացված փաթեթում առկա թվով 1 ապակյա գլանակի մակերեսներին առկա հետքերում առկա են թմրալկալոիդ տետրահիդրոկանաբինոլի հետքեր: Որոնց քանակական հաշվարկ հնարավոր չէ կատարել հետքային քանակությունների առկայության պայմաններում»։
(տե՛ս դատական նիստի արձանագրությունը, հատոր 5, գ․թ․ 82-87)
40․ Որպես իրեղեն ապացույց ճանաչված՝ Հարություն Աշոտի Տեր-Թադևոսյանի և Մանուկ Մարտինի Աբրահամյանի փաստացի բնակության՝ Երևան քաղաքի Սայաթ-Նովա պողոտայի թիվ 15 շենքի թիվ 63 բնակարանի խուզարկությամբ հայտնաբերված և վերցված 5,72 գրամ հաստատուն չոր քաշով մանրացված «Մարիխուանա» տեսակի թմրամիջոցի զանգվածը, Հարություն Աշոտի Տեր-Թադևոսյանի «Ռեդմի» մոդելի բջջային հեռախոսը, Մանուկ Մարտինի Աբրահամյանի «Այֆոն 15» մոդելի բջջային հեռախոսը, «Մեթամֆետամին» և «Տետրահիդրոկանաբինոլ» տեսակի թմրամիջոցների հետքեր պարունակող թվով երկու էլեկտրոնային կշեռքները, «Մեթամֆետամին» և «Տետրահիդրոկանաբինոլ» տեսակի նյութի հետքեր պարունակող լամպը, կաթուցիչը, մետաղյա տարան, զիպ փականով պոլիէթիլենային փաթեթները:
(տե՛ս դատական նիստի արձանագրությունը, հատոր 6, գ․թ․ 164-168)

Լրացուցիչ դատալսումներում հետազոտված ապացույցները և նյութերը․
41․ «ԷԿԵՆԳ» ՓԲ ընկերության փոխգործելիության հարթակի միջոցով 2025 թվականի հոկտեմբերի 27-ին ստացված դատվածության և հետախուզման առկայության ձև 8 հարցումը, որի համաձայն՝ Մանուկ Մարտինի Աբրահամյանի՝ դատվածություն ունենալու վերաբերյալ տեղեկատվություն առկա չէ։
(տե՛ս դատական նիստի արձանագրությունը)
42․ «ԷԿԵՆԳ» ՓԲ ընկերության փոխգործելիության հարթակի միջոցով 2025 թվականի հոկտեմբերի 27-ին ստացված դատվածության և հետախուզման առկայության ձև 8 հարցումը, որի համաձայն՝ Հարություն Աշոտի Տեր-Թադևոսյանի՝ դատվածություն ունենալու վերաբերյալ տեղեկատվություն առկա չէ։
(տե՛ս դատական նիստի արձանագրությունը)
43․ ՀՀ ԱՆ իրավաբանական անձանց պետական ռեգիստրից ստացված՝ պետական միասնական գրանցամատյանից քաղվածքը, որի համաձայն՝ «Հավասար երիտասարդներ» իրավապաշտպան հասարակական կազմակերպության նախագահ է հանդիսանում Հարություն Աշոտի Տեր-Թադևոսյանը։
(դատական նիստի արձանագրությունը)
44․ «Իրավունքի կողմ» իրավապաշտպան հասարական կազմակերպության կողմից Հարություն Աշոտի Տեր-Թադևոսյանի անվամբ տրված հավաստագրեր։
(տե՛ս դատական նիստի արձանագրությունը)

Դատարանի փաստական վերլուծությունները և հաստատած փաստական հանգամանքները․
45. Հետազոտելով սույն դատավճռի 29-40-րդ կետերում շարադրված ապացույցները՝ Դատարանը գտնում է, որ դրանք վերաբերելի են սույն քրեական գործին։
46․ Անդրադառնալով հիշյալ ապացույցների արժանահավատության գնահատմանը՝ Դատարանն արձանագրում է, որ նշված հատկանիշը վերաբերում է ապացույցի բովանդակային գնահատմանը։ Արժանահավատ է այն ապացույցը, որի ճշմարտացիությունը կասկած չի հարուցում։ Ապացույցն արժանահավատության տեսանկյունից գնահատելիս դատարանը պետք է հիմք ընդունի հետևյալ հանգամանքները.
ա) ապացույցի աղբյուրի հատկանիշները (օրինակ՝ փորձագետի ձեռնհասությունը, ցուցմունք տվող անձի շահագրգռվածությունը, որոշ դեպքերում հոգեբանական և ֆիզիոլոգիական հատկանիշները, վիճակը, ինչպես նաև անձին վերաբերող այլ հատկանիշներ, որոնք կարող են ազդեցություն ունենալ այդ անձի կողմից գործի համար նշանակություն ունեցող հանգամանքներն ընկալելու, մտապահելու, վերարտադրելու գործընթացի վրա),
բ) ապացույցի ձևավորման հանգամանքները (օրինակ՝ վկայի կողմից կոնկրետ հանգամանքն ընկալելու պայմանները, պաշտպանի, ներկայացուցչի ներկայությունը և այլն),
գ) ապացուցողական տեղեկությունը ձեռք բերելու միջոցը,
դ) ապացույցի բովանդակությունը կազմող տեղեկությունը հաստատող կամ հերքող հանգամանքների առկայությունը,
ե) նույն տեղեկության ստացումն այլ աղբյուրից։
Յուրաքանչյուր ապացույց արժանահավատության տեսանկյունից պետք է գնահատվի ապացույցների համակցության մեջ՝ բազմակողմանի և մանրամասն գնահատելով փաստական տվյալների ստացման աղբյուրները և ապացույցի ձևավորման ամբողջ ընթացքը։ Ապացույցի արժանահավատության վերաբերյալ վերջնական որոշում կարող է կայացվել դրա բովանդակությունն այլ աղբյուրներից ստացված տեղեկությունների հետ համադրելու արդյունքում։ Որոշակի փաստի վերաբերյալ այս կամ այն աղբյուրից ստացված տեղեկությունների արժանահավատությունը գնահատելու համար անհրաժեշտ է վերլուծել ստացված տեղեկությունների բովանդակությունը, համադրել դրանք այլ ապացույցների հետ, պարզել դրանց համապատասխանությունը կամ հակասությունը, հակասության դեպքում` դրա պատճառները։
47. Վերը մեջբերված չափանիշների հաշվառմամբ սույն դատավճռի 31-40-րդ կետերում շարադրված ապացույցներն իրենց համակցության մեջ գնահատելով՝ Դատարանը գտնում է նաև, որ դրանք բովանդակային տեսանկյունից էական հակասություններ չեն պարունակում: Հաշվի առնելով դրանցից յուրաքանչյուրի աղբյուրի հատկանիշները, ձևավորման հանգամանքները, ապացուցողական տեղեկությունը ձեռք բերելու միջոցը՝ Դատարանը գտնում է, որ դրանք նաև արժանահավատ են:
47.1. Վերոգրյալի համատեքստում անդրադառնալով վկա Հայկ Հովակիմյանի ցուցմունքների գնահատմանը՝ Դատարանն արձանագրում է, որ դրանք անհամապատասխանություններ են պարունակում նրա՝ նախկինում և դատարանում հայտնած տվյալների միջև։ Մասնավորապես՝ վկան ակնհայտորեն խուսափել է իր կողմից նախկինում տրված ցուցմունքներով հայտնած տվյալները հաստատելուց կամ հերքելուց, նշել, որ չի հիշում, որ նման տվյալներ իրեն հայտնի եղած լինեն, կամ ինքը դրանք հայտնած լինի որևէ մեկին։ Նշել է, որ չի հիշում, որ սույն գործով նախկինում հարցաքննված լինի, սակայն հարցաքննությունների տեսաձայնագրառումները դիտելուց հետո հայտնել է, որ դրանում պատկերված անձն ինքն է, իսկ արձանագրության վերջում կատարված գրառումը իր ձեռագրով է, ստորագրությունն իրենն է (տե՛ս կետեր 30-30․3)։
Վկայի ցուցմունքի գնահատման տեսանկյունից հատկանշական է, որ վերջինս միևնույն խուսափողական պատասխաններն է տվել և՛ իր նախաքննական ցուցմունքները հրապարակելուց առաջ, և՛ դրանից հետո, ինչը անարժանահավատություն է հաղորդում վերջինիս դատաքննական ցուցմունքերի նկատմամբ։
Վերոգրյալից զատ Դատարանը հատկապես հաշվի է առնում այն, որ վկա Հայկ Հովակիմյանը ինչպես նախաքննության ընթացքում, այնպես էլ Դատարանում չի մատնանշել իր տեղեկատվության աղբյուրը, որի պայմաններում նրա հայտնած տվյալները զուրկ են ապացուցողական նշանակությունից։
48․ Անդրադառնալով ապացույցների բավարարության գնահատմանը մեղադրյալներին մեղսագրված փաստական հանգամանքների ապացուցվածության տեսանկյունից՝ Դատարանը գտնում է հետևյալը՝
48.1. Դատարանն առաջնահերթ անհրաժեշտ է համարում անդրադառնալ այն օբյեկտիվ ապացույցներին, որոնք անմիջականորեն բնութագրում են մեղադրյալներ Հարություն Աշոտի Տեր-Թադևոսյանի և Մանուկ Մարտինի Աբրահամյանի փաստացի բնակության վայրում առկա իրավիճակը։ Մասնավորապես՝ Երևան քաղաքի Սայաթ-Նովա պողոտայի թիվ 15 շենքի թիվ 63 բնակարանի խուզարկությամբ հայտնաբերվել և վերցվել են «Մարիխուանա» տեսակի թմրամիջոցին նմանվող զանգված, թվով երկու էլեկտրոնային կշեռքներ, «զիպ» փականով պոլիէթիլենային բազմաթիվ փաթեթներ, լամպ, կաթուցիչ, մետաղյա տարա, ինչպես նաև բջջային հեռախոսներ։ Նույն խուզարկության ընթացքում Մանուկ Աբրահամյանը հայտարարել է, որ հայտնաբերված զանգվածը հանդիսանում է «Մարիխուանա», պատկանում է իրեն, նախատեսված է իր անձնական օգտագործման համար և գնվել է «Telegram» հավելվածի էջից։
Վերոնշյալ հանգամանքը (հայտնաբերված առարկաների մասով) հետագայում օբյեկտիվ հաստատում է ստացել դատաքիմիական փորձաքննության եզրակացությամբ, որով արձանագրվել է, որ փորձաքննության ներկայացված 5.72 գրամ հաստատուն չոր քաշով մանրացված զանգվածը «Մարիխուանա» տեսակի թմրամիջոց է։ Միաժամանակ նույն եզրակացությամբ էլեկտրոնային կշեռքների, լամպի, մետաղական տարայի և ապակյա գլանակի մակերեսներին հայտնաբերվել են «Մեթամֆետամին» և/կամ «Տետրահիդրոկանաբինոլ» տեսակի նյութերի հետքեր։ Դատարանը նկատում է, որ փորձաքննությամբ «Մեթամֆետամին» տեսակի թմրամիջոցի առանձին քանակական հատկանիշ ունեցող զանգված չի հաստատվել, այլ արձանագրվել են դրա հետքեր, որոնց քանակը հնարավոր չի եղել որոշել։ Հետևաբար նշված ապացույցն ինքնին բավարար չէ կոնկրետ քանակությամբ «Մեթամֆետամին» պահելու կամ իրացնելու փաստն ապացուցված գնահատելու համար, սակայն այն ունի էական ապացուցողական նշանակություն՝ բնակարանում հայտնաբերված իրերը թմրամիջոցների օգտագործման, կշռման, փաթեթավորման կամ շրջանառության համատեքստում գնահատելու առումով։
Այս առումով Դատարանը կարևորում է, որ բնակարանում հայտնաբերվել են ոչ միայն թմրամիջոցի օգտագործման պարագաներ, այլև էլեկտրոնային կշեռքներ և բազմաթիվ «զիպ» փականով փաթեթներ։ Դրանք իրենց բնույթով համահունչ են ոչ միայն թմրամիջոցի անձնական օգտագործման, այլև թմրամիջոցների չափերի բաժանման, փաթեթավորման և փոխանցման հնարավոր կառուցակարգին։
48.2. Նշված իրերի ապացուցողական նշանակությունը փոխլրացվում և հիմնավորվում է մեղադրյալ Մանուկ Աբրահամյանի բջջային հեռախոսում հայտնաբերված նամակագրությունների բովանդակությամբ։
Մասնավորապես, Մանուկ Աբրահամյանի «Iphone 15 ProMax» մոդելի բջջային հեռախոսում առկա «Telegram» հավելվածում գրանցված «Black Carolina» անվամբ, «@black carolina» նիքնեյմով և +374․․․ հեռախոսահամարով էջի թվային խուզարկությամբ հայտնաբերվել է նամակագրություն «mariamik» անվամբ, «ndnbnbvc» նիքնեյմով և +374 ․․․ հեռախոսահամարով գրանցված էջի հետ։ Նամակագրության բովանդակությունից երևում է, որ «mariamik» անվամբ էջի օգտատերը Մանուկ Աբրահամյանի հետ նույնականացվող «Black Carolina» էջի օգտատիրոջը կանչել է թմրամիջոցները միասին տեղադրելու, իսկ վերջինս տվել է իր համաձայնությունը։ Նույն հեռախոսում հայտնաբերվել է նաև «Maria Atabekyan» անվամբ և +374 ․․․ հեռախոսահամարով գրանցված էջի հետ նամակագրություն, ըստ որի՝ «Maria Atabekyan» էջի օգտատերը ցուցումներով և կարգադրություններով ուղղորդել է «Black Carolina» էջի օգտատիրոջը ենթադրյալ թմրամիջոցների չափերի առանձնացման, կշռման, փաթեթավորման, իրացման հարցում, պահանջում ուղարկել թմրամիջոցների կշռման լուսանկարները, որոնք «Black Carolina» էջի օգտատերը ուղարկել է, առկա են քննարկումներ թմրամիջոցներ տեղադրելու, նկարներ և կոորդինատներ միմյանց ուղարկելու, դրա դիմաց գումար ստանալու վերաբերյալ (նամակագրությունների բովանդակությունը մանրամասն տե՛ս սույն դատավճռի 37-րդ կետը)։
Դատարանը նշված թվային ապացույցները գնահատում է որպես առանցքային նշանակություն ունեցող ապացույցներ, քանի որ դրանք վերաբերում են ոչ թե ընդհանուր, վերացական խոսակցությունների, այլ կոնկրետ գործողությունների՝ թմրամիջոցները տեղադրելու, կշռելու, լուսանկարելու, իրացման գործընթացում ցուցումներ ստանալու, դրա արդյունքում գումար աշխատելու հանգամանքներին։ Դրանք իրենց բովանդակությամբ փոխադարձաբար լրացնում են բնակարանի խուզարկությամբ հայտնաբերված կշեռքների, փաթեթների և թմրամիջոցների հետքեր պարունակող պարագաների վերաբերյալ ապացույցները։
48.3. Դատարանը հաստատված է գնահատում, որ մեղադրյալ Մանուկ Աբրահամյանն օգտագործել է «Black Carolina» անվամբ «Telegram» էջը, քանի որ այդ էջը հայտնաբերվել է նրա բջջային հեռախոսում, գրանցված է եղել նրա օգտագործած հեռախոսահամարով, իսկ խուզարկությամբ վերցված հեռախոսահամարների տվյալները համընկնում են թվային խուզարկությամբ արձանագրված տվյալների հետ։ Բացի այդ, մեղադրյալ Մանուկ Աբրահամյանը խուզարկության պահին ընդունել է բնակարանում հայտնաբերված «Մարիխուանա» տեսակի թմրամիջոցի իրեն պատկանելու հանգամանքը։ Թեև նա այն ներկայացրել է որպես անձնական օգտագործման համար նախատեսված, սակայն այդ բացատրությունը չի հերքում նրա մասնակցությունը թմրամիջոցների շրջանառությանը վերաբերող գործողություններին, քանի որ թվային նամակագրություններում վերջինս հանդես է եկել ոչ թե միայն որպես օգտագործող, այլ որպես անձ, ով համաձայնում է մասնակցել թմրամիջոցների տեղադրմանը, ստանում է իրացմանն առնչվող ցուցումներ և ուղարկում է կշռման լուսանկարներ, դրա դիմաց ստանում է գումար։
Այսպիսով՝ մեղադրյալ Մանուկ Աբրահամյանին ներկայացված մեղադրանքի կապակցությամբ Դատարանը հաստատված է գնահատում ոչ միայն 5.72 գրամ հաստատուն չոր քաշով «Մարիխուանա» տեսակի թմրամիջոցի՝ նրա փաստացի տիրապետման ներքո գտնվելու հանգամանքը, այլև այն, որ վերջինս «Telegram» հավելվածի միջոցով առնվազն «Maria Atabekyan» օգտատիրոջ հետ համատեղ ներգրավված է եղել թմրամիջոցների կշռման, տեղադրման և իրացման գործընթացին։ Այդ եզրահանգումը հիմնվում է այն համադրության վրա, որ բնակարանում հայտնաբերված իրերը, փորձաքննության եզրակացությունը և հեռախոսում առկա նամակագրությունները ձևավորում են փոխկապակցված ապացուցողական ամբողջություն։
48․4. Մեղադրյալ Հարություն Տեր-Թադևոսյանին ներկայացված մեղադրանքի մասով Դատարանը նախ անդրադառնում է այն հարցին, թե արդյոք «Maria Atabekyan», «mariamik» և դրանց հետ կապված հեռախոսահամարները կարող են նույնականացվել վերջինիս հետ։ Այս կապակցությամբ գործով առկա են մի շարք փոխկապակցված տվյալներ։ Նախ՝ խուզարկությամբ վերցվել է «Ռեդմի» մոդելի բջջային հեռախոս, որում տեղադրված են եղել +374 ․․․ և +374 ․․․ հեռախոսահամարները։ Նույն +374 ․․․ հեռախոսահամարով է գրանցված եղել «mariamik» անվամբ էջը, որի հետ «Black Carolina» էջի օգտատերը վարել է թմրամիջոցները միասին տեղադրելու վերաբերյալ նամակագրություն։ Բացի այդ, «Maria Atabekyan» անվամբ էջը գրանցված է եղել +374 ․․․ հեռախոսահամարով, իսկ Հարություն Տեր-Թադևոսյանի վերաբերյալ վճարահաշվարկային կազմակերպություններից ստացված տվյալներով վերջինիս անվամբ առկա է եղել Easy Wallet օգտահաշիվ նշված +374 ․․․ հեռախոսահամարով։
Դատարանը նկատում է, որ Հարություն Տեր-Թադևոսյանը դատաքննության ընթացքում ընդունել է, որ ունեցել է «Մարիա» անունով «Telegram» էջ, որը հիմնականում օգտագործել է, ինչպես նաև ունեցել է մեկ այլ էջ, սակայն հերքել է «DrHopar» ալիքի և նշված հեռախոսահամարի իրեն պատկանելը։
Այսպիսով՝ «Maria Atabekyan» անվամբ էջի հետ կապված +374 ․․․ հեռախոսահամարը կապվում է Հարություն Տեր-Թադևոսյանի վճարային գործիքների հետ, իսկ «mariamik» անվամբ էջի հետ կապված +374 ․․․ հեռախոսահամարը հայտնաբերվել է բնակարանից վերցված «Ռեդմի» հեռախոսում։ Այդ տվյալները, համադրվելով Մանուկ Աբրահամյանի հեռախոսում հայտնաբերված նամակագրությունների բովանդակության հետ, Դատարանին բավարար հիմք են տալիս եզրահանգելու, որ Մանուկ Աբրահամյանին թմրամիջոցների տեղադրման, կշռման և իրացման հարցում ուղղորդող էջերը փաստացի կապված են եղել Հարություն Տեր-Թադևոսյանի հետ։
48.5. Անդրադառնալով մեղադրյալ Հարություն Տեր-Թադևոսյանի ֆինանսական գործարքների վերաբերյալ ապացույցների գնահատմանը՝ Դատարանն արձանագրում է, որ ՀՀ Կենտրոնական բանկից առգրավված բանկային գաղտնիք կազմող տեղեկությունները և դրանց զննության արձանագրությունները ցույց են տալիս, որ Հարություն Տեր-Թադևոսյանի անվամբ տարբեր բանկերում և վճարահաշվարկային կազմակերպություններում առկա են եղել հաշիվներ և դրամապանակներ, որոնցով իրականացվել են բազմաթիվ մուտքագրումներ և ելքագրումներ։ Հատկապես էական է այն, որ «Իդրամ» հաշվեհամարին 2018 թվականի հուլիսի 24-ից մինչև 2024 թվականի մարտի 25-ը կատարվել են 26.297.034 ՀՀ դրամի մուտքագրումներ, իսկ նույն հաշվից կատարվել են 26.191.802 ՀՀ դրամի ելքագրումներ։ Միաժամանակ «Էդուարդ Ավետիսյան Ռուբենի» Ա/Ձ-ից ստացված տեղեկանքներով և դրանց զննությամբ հաստատվել է, որ 2023 թվականի հունվարի 9-ից մինչև 2024 թվականի հունվարի 15-ն ընկած ժամանակահատվածում Հարություն Տեր-Թադևոսյանի հետ կապվող ․․․ բանկային քարտային հաշվին իրականացվել են կրիպտոարժույթի շուրջ 190 կանխիկացման գործարքներ՝ ընդհանուր 7.495 ԱՄՆ դոլարի համագումարով, որը հաշվարկվել է 2.941.487 ՀՀ դրամին համարժեք։
Վկա Էդուարդ Ավետիսյանի ցուցմունքերով պարզաբանվում է նշված գործարքների մեխանիզմը․ կրիպտոարժույթի փոխարկման դեպքում հաճախորդը փոխանցում է կրիպտոարժույթ, իսկ փոխարկող կազմակերպությունը համարժեք գումարը փոխանցում է հաճախորդի տրամադրած դրամային հաշվին, քարտին, էլեկտրոնային դրամապանակին կամ կանխիկացնում է։ Վկան նաև նշել է, որ կանխիկացման դեպքում նույնականացում ըստ էության տեղի չի ունենում այն իմաստով, որ փոխանցողի անձնական տվյալները առանձին չեն վերցվում, սակայն վճարային միջոցների տվյալները կարող են պահպանվել և վերլուծվել։ Այս ցուցմունքը համադրվում է «Էդուարդ Ավետիսյան Ռուբենի» Ա/Ձ-ից ստացված տեղեկանքների հետ և հաստատում է, որ Հարություն Տեր-Թադևոսյանի հետ կապվող ֆինանսական գործիքներով իրականացվել են կրիպտոարժույթի կանխիկացման գործարքներ։
Վերոգրյալի հետ մեկտեղ Դատարանը հաշվի է առնում այն, որ մեղադրյալներ Հարություն Տեր-Թադևոսյանի և Մանուկ Աբրահամյանի վերը վկայակոչված նամակագրությունում Հարություն Տեր-Թադևոսյանի կողմից հիշատակվում է «Դեշ»-ին գումար ստացված լինելու հանգամանը։ Միաժամանակ Դատարանը չի կարող բոլոր բանկային կամ էլեկտրոնային դրամապանակային մուտքագրումներն ինքնաբերաբար գնահատել որպես թմրամիջոցների ապօրինի իրացումից ստացված եկամուտ։ Գործարքների մի մասը կատարվել է խաղադրույքային կամ այլ ընկերություններից, իսկ դրանց բնույթը ինքնին չի բացահայտում թմրամիջոցների շրջանառության հետ անմիջական կապ։ Սակայն ֆինանսական ապացույցների նշանակությունը սույն գործով այն է, որ դրանք հաստատում են Հարություն Տեր-Թադևոսյանի կողմից այնպիսի վճարային և կրիպտոարժութային գործիքների օգտագործումը, որոնք օբյեկտիվորեն համատեղելի են «Telegram»-ի միջոցով թմրամիջոցների իրացման մոդելի, ինչպես նրա նամակագրության բովանդակության հետ։ Այլ խոսքով՝ դրանք առավելապես ապացուցողական նշանակություն ունեն այն համակցության մեջ, որտեղ առկա են նաև թմրամիջոցների իրացման վերաբերյալ թվային նամակագրություններ, բնակարանում հայտնաբերված կշեռքներ, փաթեթներ և թմրամիջոցների հետքեր պարունակող պարագաներ։
48.6. Դատարանը, գնահատելով Հարություն Տեր-Թադևոսյանի վերաբերյալ ֆինանսական շրջանառության տվյալները, արձանագրում է, որ գործով առկա են փողերի լվացման ենթադրյալ մեխանիզմին բնորոշ որոշ արտաքին ցուցիչներ։ Մասնավորապես՝ մեղադրյալի անվամբ գրանցված «Իդրամ» դրամապանակով արձանագրվել է մուտքային և ելքային շրջանառություն, ընդ որում՝ մուտքերն ու ելքերը կատարվել են բազմաթիվ աղբյուրներից և տարբեր ուղղություններով։ Նշված կառուցվածքը կարող է վկայել դրամապանակի՝ ոչ թե միայն անձնական կենցաղային վճարումների, այլ ֆինանսական միջոցների շրջանառության և փոխանցման միջանկյալ գործիք լինելու մասին։
Միաժամանակ Դատարանը կարևորում է այն հանգամանքը, որ Հարություն Տեր-Թադևոսյանի հետ կապվող քարտային հաշվով արձանագրվել են կրիպտոարժույթի շուրջ 190 կանխիկացման գործարքներ՝ 7.495 ԱՄՆ դոլարի համագումարով, իսկ կրիպտոարժույթի փոխարկմամբ զբաղվող անձի ցուցմունքով՝ այդպիսի գործարքների դեպքում հաճախորդի ամբողջական նույնականացում չի իրականացվել, և գումարը փոխանցվել է հաճախորդի տրամադրած վճարային միջոցին։ Այս հանգամանքը, համադրվելով «Telegram» հավելվածով թմրամիջոցների ենթադրյալ իրացման վերաբերյալ թվային տվյալների հետ, կարող է դիտարկվել որպես հանցավոր ծագում ունեցող միջոցների փոխակերպման և դրանց ծագման հետագծելիությունը դժվարացնելու մեխանիզմի հնարավոր ցուցիչ։
Այդուհանդերձ, Դատարանn արձանագրում է, որ ներկայացված ֆինանսական տվյալներն ինքնին բավարար չեն եզրահանգելու համար, որ ամբողջ ֆինանսական շրջանառությունը կամ դրա յուրաքանչյուր բաղադրիչը ծագել է թմրամիջոցների ապօրինի իրացումից։ Ժակլին Ալավերդյանի, Մանուկ Աբրահամյանի և այլ ֆիզիկական անձանց հետ կատարված փոխանցումները ցույց են տալիս ֆինանսական կապերի առկայություն, սակայն բոլոր դեպքերում չեն բացահայտում նույնարժեք փոխանցում-վերադարձ կամ ձևական շրջանառության փակ շղթա։ Խաղադրույքային ընկերությունների հետ փոխադարձ հոսքերը նույնպես կարող են ունենալ օրինական բացատրություն, եթե գործով առանձին չի ապացուցվել, որ դրանք օգտագործվել են հանցավոր ծագում ունեցող գումարները օրինական շահումների կամ վերադարձների տեսքով ներկայացնելու նպատակով, ինչը սույն դեպքում չի արվել։
Հետևաբար փողերի լվացման ենթադրյալ մեխանիզմի մասով Դատարանը կարող է արձանագրել ոչ թե մեխանիզմի լիարժեք ապացուցված լինելը, այլ այն, որ գործով առկա են այդ մեխանիզմին բնորոշ ֆինանսական վարքագծի մի շարք ցուցիչներ՝ բազմաղբյուր մուտքեր, գրեթե համարժեք ընդհանուր ելքեր, կրիպտոարժույթի կանխիկացման բազմաթիվ գործարքներ, երրորդ անձանց և վճարային համակարգերի ներգրավում։ Այդ ցուցիչները կարող են ձեռք բերել ապացուցողական բավարարություն միայն այն դեպքում, երբ դրանք համադրվեն թմրամիջոցների իրացման կոնկրետ դրվագների, վճարման աղբյուրների, թվային նամակագրությունների և գումարների ծագման վերաբերյալ այլ օբյեկտիվ ու բավարար ապացույցների հետ, որոնք սույն դեպքում բացակայում են։
Այսպիսով՝ Դատարանը գտնում է, որ առկա ապացույցներով բավարար չափով չի հաստատվել մեղադրյալներ Հարություն Տեր-Թադևոսյանի և Մանուկ Աբրահամյանի կողմից թմրամիջոցների ապօրինի շրջանառության արդյունքում ստացված գումարի հստակ չափը, հենց այդ գումարը փոխարկելը կամ փոխանցելը կամ այլ կերպ տնօրինելը՝ դրա հանցավոր ծագումը, իրական բնույթը թաքցնելու, հանցավոր ճանապարհով ստացված միջոցների տեղաշարժն ու տեղաբաշխումը քողարկելու, դրանց օրինական տեսք հաղորդելու նպատակով, այլ ոչ թե շահադիտական դրդումներով կատարված հանցանքի արդյունքում ստացված գումարի ուղղակի տնօրինման նպատակով։
48.7. Վերոգրյալ ապացույցների համակցության գնահատմամբ Դատարանը մեղադրյալ Հարություն Տեր-Թադևոսյանին ներկայացված մեղադրանքի մասով հաստատված է համարում, որ վերջինս փաստացի կապված է եղել «Maria Atabekyan» և «mariamik» անվամբ «Telegram» էջերի, ինչպես նաև դրանց հետ առնչվող հեռախոսահամարների և վճարային գործիքների հետ, և այդ էջերի միջոցով մեղադրյալ Մանուկ Աբրահամյանին տվել է թմրամիջոցների կշռման, տեղադրման և իրացմանն առնչվող ցուցումներ, հայտնել թմրամիջոցների վաճառքից փոխանցված գումարների մասին։
Դատարանը հաստատված է համարում նաև այն, որ Մանուկ Աբրահամյանն իր կողմից օգտագործվող «Black Carolina» էջի միջոցով հաղորդակցվել է Հարություն Տեր-Թադևոսյանի հետ կապվող էջերի հետ, համաձայնել է մասնակցել թմրամիջոցների տեղադրմանը, ուղարկել է կշռման լուսանկարներ և փաստացի ներգրավված է եղել թմրամիջոցների շրջանառությանը։ Նրա կողմից խուզարկության պահին տրված հայտարարությունը՝ «Մարիխուանա»-ի իրեն պատկանելու և «Telegram»-ից գնելու մասին, ինքնին հաստատում է թմրամիջոցի փաստացի տիրապետման հանգամանքը, իսկ թվային նամակագրությունները և խուզարկությամբ հայտնաբերված կշեռքներն ու փաթեթները ցույց են տալիս, որ նրա վարքագիծը չի սահմանափակվել միայն անձնական օգտագործման փաստով։
49. Միաժամանակ Դատարանը գտնում է, որ՝
- առկա ապացույցներով բավարար չափով չի հաստատվել, որ Հարություն Տեր-Թադևոսյանը «Տելեգրամ» հեռահաղորդակցման հավելվածում կառավարել է «DrHopar» անվանումով առցանց խանութ-հարթակը։
- ֆինանսական գործարքների ամբողջ ծավալը չի կարող ամբողջությամբ նույնացվել թմրամիջոցների ապօրինի շրջանառությունից ստացված եկամտի հետ՝ առանց յուրաքանչյուր գործարքի կոնկրետ աղբյուրի և նշանակության վերաբերյալ լրացուցիչ ապացույցների։
- փորձաքննությամբ «Մեթամֆետամին» տեսակի թմրամիջոցի մասով հաստատվել են հետքեր, սակայն կոնկրետ քանակով առանձին զանգված չի հայտնաբերվել, հետևաբար այդ մասով ապացուցված կարող է համարվել միայն համապատասխան իրերի մակերեսների՝ «Մեթամֆետամին»-ի հետ շփման հանգամանքը, ոչ թե ինքնուրույն որոշակի քանակ պահելու փաստը։
50. Այսպիսով՝ պատշաճ ապացույցների բավարար համակցությամբ, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ Դատարանը գտնում է, որ «հիմնավոր կասկածից վեր» ապացուցողական չափանիշին համապատասխան ապացուցված է, որ մեղադրյալներ Հարություն Աշոտի Տեր-Թադևոսյանը և Մանուկ Մարտինի Աբրահամյանը՝
- «Telegram» հեռահաղորդակցման հավելվածում շահադիտական դրդումներով ապահովել են թմրամիջոցների ապօրինի ձեռքբերումը, առանձնացումն ըստ քաշերի, փաթեթավորումն ու նախապես տեղադրումը թաքստոցներում,
- թմրամիջոցների գտնվելու վայրերը լուսանկարահանվել են, ծրագրային հավելվածի միջոցով նշվել են դրանց կոորդինատները և փոխանցվել են թմրամիջոց ձեռք բերելու ցանկություն հայտնած և հանցակիցների կողմից փաստացի կառավարվող արտարժութային դրամապանակներին համապատասխան չափով միջոցներ փոխանցած անձանց՝ այդ կերպ տարբեր տեսակի՝ «Մեթամֆետամին» և «Մարիխուանա» տեսակի թմրամիջոցներ ապօրինի իրացնելով,
- հիշյալ եղանակով՝ հեռահաղորդակցական տեխնոլոգիաների կիրառման միջոցով՝ իրացման նպատակով ձեռք բերված և պահված զգալի չափերով՝ 5,72 գրամ հաստատուն քաշով «Մարիխուանա» տեսակի թմրամիջոցը, ինչպես նաև «Մեթամֆետամին» և «Տետրահիդրոկանաբինոլ» տեսակի թմրամիջոցների հետքեր պարունակող սև պատյանով և արծաթագույն էլեկտրոնային կշեռքները հայտնաբերվել են 2024 թվականի փետրվարի 1-ին Հարություն Աշոտի Տեր–Թադևոսյանի և Մանուկ Աբրահամյանի փաստացի բնակության վայրում՝ Երևան քաղաքի Սայաթ-Նովա պողոտայի 15 շենքի 63 բնակարանում կատարված խուզարկությամբ։

Պատճառաբանական մաս.
I. Մեղադրյալներ Հարություն Տեր-Թադևոսյանին և Մանուկ Աբրահամյանին ՀՀ քրեական օրենսգրքի 393-րդ հոդվածի 3-րդ մասի 2-րդ կետով վերագրված արարքների իրավական գնահատականը.
51. ՀՀ քրեական օրենսգրքի 393-րդ հոդվածի համաձայն՝
«1. Իրացնելու նպատակով թմրամիջոց, հոգեմետ (հոգեներգործուն) նյութ, դրանց պատրաստուկ կամ դրանց համարժեք նյութ (անալոգ) կամ դրանց ածանցյալ ապօրինի արտադրելը, պատրաստելը, վերամշակելը, ձեռք բերելը, պահելը, տեղափոխելը, առաքելը, տարածելը, գովազդելը կամ դրանք ապօրինի իրացնելը կամ մեկ ուրիշի դրդմամբ՝ նրա համար թմրամիջոց, հոգեմետ (հոգեներգործուն) նյութ, դրանց պատրաստուկ կամ դրանց համարժեք նյութ (անալոգ) կամ դրանց ածանցյալ ապօրինի ձեռք բերելը`
(…)
2. Սույն հոդվածի 1-ին մասով նախատեսված արարքը, որը կատարվել է՝
1) մի խումբ անձանց կողմից նախնական համաձայնությամբ,
2) շահադիտական դրդումներով,
(…)
պատժվում է ազատազրկմամբ՝ չորսից ութ տարի ժամկետով:
3. Սույն հոդվածի 1-ին կամ 2-րդ մասով նախատեսված արարքը, որը կատարվել է՝
(…)
2) առանձնապես խոշոր չափերով՝
(…)»:
51.1. Քննարկվող հանցակազմի օբյեկտը թմրամիջոցների, հոգեմետ (հոգեներգործուն) նյութերի, դրանց պատրաստուկների, պրեկուրսորների օրինական շրջանառության պահպանմանն ուղղված հասարակական հարաբերություններն են։
Հանցակազմի օբյեկտիվ կողմը դրսևորվում է թմրամիջոց, հոգեմետ (հոգեներգործուն) նյութ, դրանց պատրաստուկ կամ դրանց համարժեք նյութ (անալոգ) կամ դրանց ածանցյալ կամ պրեկուրսոր ապօրինի արտադրելով, պատրաստելով, վերամշակելով, ձեռք բերելով, պահելով, տեղափոխելով, առաքելով, տարածելով, գովազդելով կամ դրանք ապօրինի իրացնելով կամ մեկ ուրիշի դրդմամբ՝ նրա համար հիշյալ առականերն ապօրինի ձեռք բերելով։
Օբյեկտիվ կողմի պարտադիր հատկանիշ է առարկան, որոնց տեսակները և չափերը հստակ սահմանված են համապատասխան իրավական ակտերով։
«Թմրամիջոցների և հոգեմետ (հոգեներգործուն) նյութերի մանր չափերը, շրջանառությունն արգելված՝ թմրամիջոցներ, հոգեմետ (հոգեներգործուն), խիստ ներգործող կամ թունավոր նյութեր պարունակող բույսերի ցանկը, դրանց մանր, զգալի, խոշոր և առանձնապես խոշոր չափերը, պրեկուրսորների զգալի, խոշոր և առանձնապես խոշոր չափերը. Թունավոր նյութերի ցանկը, խիստ ներգործող նյութերի ցանկը և դրանց խոշոր չափերը սահմանելու մասին» ՀՀ կառավարության 2018 թվականի հունիսի 27-ի թիվ 707-Ն որոշման թիվ 1 հավելվածի համաձայն՝ «Մարիխուանա» տեսակի թմրամիջոցի զգալի չափը 2․5-12․5 գրամ է, իսկ առանձնապես խոշոր չափը՝ 62.5 գրամ։
Սուբյեկտիվ կողմից քննարկվող հանցակազմը դրսևորվում է բացառապես ուղղակի դիտավորությամբ և իրացման նպատակով։ Այսինքն՝ անձը պետք է գիտակցի, որ վերը նշված գործողություներն ապօրինի է, և միաժամանակ դրանք կատարելը պետք է նրա նպատակը լինի կամ նպատակին հասնելու միջոցը։
Իրացնելու նպատակով թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառության կամ դրանց ապօրինի իրացնելու հանցակազմը Վճռաբեկ դատարանը վերլուծության է ենթարկել Մարտիկ Բոլյանի գործով որոշման շրջանակներում՝ արտահայտելով հետևյալ իրավական դիրքորոշումը. «(…)Իրացման նպատակի տակ պետք է հասկանալ թմրամիջոցի կամ հոգեներգործուն նյութերի տարածման ցանկացած եղանակ, այդ թվում նաև նախնական պատվերով։ Իրացման նպատակի մասին կարող են վկայել ինչպես ձեռք բերողի (ստացողի, սպառողի) հետ համապատասխան պայմանավորվածության առկայությունը, այնպես էլ գործի մյուս հանգամանքները. թմրամիջոցներ ձեռք բերելը և պահելը դրանք չգործածող անձի կողմից, զգալի քանակությունը, իրացման համար հարմար փաթեթավորումը և այլն։ Ընդ որում, հանցավորից առգրավված թմրամիջոցների մեծ քանակությունն ինքնըստինքյան դրանք իրացնելու անվիճելի ապացույց չէ. դա պետք է գնահատել միայն իրացման նպատակի մասին վկայող այլ տվյալների հետ համակցության մեջ» (տե՛ս Վճռաբեկ դատարանի՝ Մարտիկ Բոլյանի վերաբերյալ գործով 2007 թվականի օգոստոսի 30-ի թիվ ՎԲ-135/07 որոշումը)
Դատարանն արձանագրում է, որ Վճռաբեկ դատարանի վերոնշյալ իրավական դիրքորոշումը ձևավորվել է 2003 թվականի ապրիլի 18-ին ընդունված ՀՀ քրեական օրենսգրքի նորմերի մեկնաբանման արդյունքում, սակայն մեջբերված հատվածով գաղափարական տեսանկյունից կիրառելի է գործող օրենսգրքի մեկնաբանման կապակցությամբ:
51.2. Որպես հանցակազմը ծանրացնող հանգամանք նախատեսված է մի խումբ անձանց կողմից նախնական համաձայնությամբ կատարելը։
ՀՀ քրեական օրենսգրքի օրենսգրքի 50-րդ հոդվածի 2-րդ մասի համաձայն՝
«Հանցանքը համարվում է մի խումբ անձանց կողմից նախնական համաձայնությամբ կատարված, եթե հանցագործությանը մասնակցել են այնպիսի համակատարողներ, որոնք նախքան հանցանքն սկսելը պայմանավորվել են հանցանքը համատեղ կատարելու մասին»:
Նույն օրենսգրքի 46-րդ հոդվածի 2-րդ մասի համաձայն՝
«Կատարող է համարվում այն անձը, որն անմիջականորեն կատարել է հանցանքը կամ դրա կատարմանը մասնակցել է այլ անձի (համակատարողի) հետ համատեղ, ինչպես նաև հանցանքը կատարել է այնպիսի անձի օգտագործելու միջոցով, որն օրենքի ուժով ենթակա չէ քրեական պատասխանատվության կամ ենթակա չէ քրեական պատասխանատվության տվյալ հանցագործության համար որպես կատարող կամ հանցանքը կատարել է անզգուշությամբ:»։
52. Վերոգրյալի հիման վրա և հաշվի առնելով Դատարանի կողմից սույն դատավճռի 48-50-րդ կետերում կատարված վերլուծությունները և հաստատված փաստական հանգամանքները՝ Դատարանն արձանագրում է, որ մեղադրյալներ Հարություն Տեր-Թադևոսյանի և Մանուկ Աբրահամյանի բնակարանից հայտնաբերված թնրամիջոցը եղել է «Մարիխուանա» տեսակի, որի չափը, ըստ ՀՀ ներքին գործերի նախարարության փորձաքրեագտիական վարչության 2024 թվականի հունիսի 13-ի դատաքիմիական փորձաքննության թիվ 233 Ք-24 եզրակացության, կազմել է 5․72 գրամ (ՀՀ Կառավարության 2018 թվականի հունիսի 27-ի թմրամիջոցների և հոգեմետ (հոգեներգործուն) նյութերի մանր, զգալի, խոշոր և առանձնապես խոշոր չափերը, շրջանառությունն արգելված՝ թմրամիջոցներ, հոգեմետ (հոգեներգործուն), խիստ ներգործող կամ թունավոր նյութեր պարունակող բույսերի ցանկը, դրանց մանր, զգալի, խոշոր և առանձնապես խոշոր չափերը, թմրամիջոցների և հոգեմետ (հոգեներգործուն) նյութերի պրեկուրսորների խոշոր և առանձնապես խոշոր չափերը. թունավոր նյութերի ցանկը, խիստ ներգործող նյութերի ցանկը և դրանց խոշոր չափերը սահմանելու մասին թիվ 707-Ն որոշման հավելված համար 1-ի համաձայն՝ «Մարիխուանա» տեսակի թմրամիջոցի առանձանպես խոշոր չափը կազմում է 62․5 գրամը), իսկ փորձաքննության ներկայացված առարկաների վրա առկա «Մեթամֆետամինի» և «Տետրահիդրոկանաբինոլի» հետքերի քանակական հաշվարկ հնարավոր չի եղել կատարել հետքային քանակությունների առկայության պայմաններում։
Վերոգրյալի համատեքստում հատկանշական է, որ մեղադրյալներին մեղսագրված է առանձնապես խոշոր չափի տարբեր տեսակի թմրամրջոցների ապօրինի շրջանառության իրականացում, մինչդեռ սույն քրեական գործով առկա և հետազոտված թմրամիջոցի ապացուցված չափը համապատասխանում է ՀՀ Կառավարության վերը մեջբերված որոշման հավելվածում նախատեսված՝ «Մարիխուանա» տեսակի թմրամիջոցի զգալի չափին։
Նման պայմաններում, առաջնորդվելով չփարատված կասկածները հօգուտ մեղադրյալի մեկնաբանելու սկզբունքով՝ Դատարանը գտնում է, որ ապացուցված չէ մեղադրյալ Հարութուն Տեր-Թադևոսյանին և Մանուկ Աբրահամյանին վերարգրված՝ առանձնապես խոշոր չափերի թմրամիջոցների ապօրինի շրջանառությունը։
Միևնույն ժամանակ Դատարանը գտնում է, որ «հիմնավոր կասկածից վեր» ապացուցողական չափանիշով ապացուցված է, որ մեղադրյալ Հարություն Աշոտի Տեր-Թադևոսյանը և Մանուկ Մարտինի Աբրահամյանը խմբի կազմում շահադիտական դրդումներով ուղղակի դիտավորությամբ իրացնելու նպատակով ձեռք են բերել և պահել են զգալի չափի թմրամիջոց։ Այսպիսով՝ Դատարանը գտնում է, որ ապացուցված է մեղադրյալ Հարություն Աշոտի Տեր-Թադևոսյանի և Մանուկ Մարտինի Աբրահամյանի մեղավորությունը ՀՀ քրեական օրենսգրքի 393-րդ հոդվածի 2-րդ մասի 1-ին և 2-րդ կետերով նախատեսված հանցագործության կատարման մեջ։

II. Մեղադրյալներին ՀՀ քրեական օրենսգրքի 296-րդ հոդվածի 2-րդ մասի 1-ին և 2-րդ կետերով վերագրված արարքների իրավական գնահատականը.
53. ՀՀ քրեական օրենսգրքի 296-րդ հոդվածի համաձայն՝
«1. Հանցավոր ճանապարհով ստացված գույքի փոխարկումը (կոնվերտացումը) կամ փոխանցումը (եթե հայտնի է, որ այդ գույքն ստացվել է հանցավոր գործունեության արդյունքում), որը նպատակ է ունեցել թաքցնել կամ խեղաթյուրել այդ գույքի հանցավոր ծագումը կամ օժանդակել որևէ անձի, որպեսզի նա խուսափի իր կատարած հանցանքի համար պատասխանատվությունից, կամ գույքի իրական բնույթը, ծագման աղբյուրը, գտնվելու վայրը, տնօրինման եղանակը, տեղաշարժը, տեղաբաշխումը, իրավունքները կամ պատկանելությունը թաքցնելը կամ խեղաթյուրելը (եթե հայտնի է, որ այդ գույքն ստացվել է հանցավոր գործունեության արդյունքում) կամ գույք ձեռք բերելը կամ տիրապետելը կամ պահելը կամ օգտագործելը կամ տնօրինելը (եթե այդ գույքի ստացման պահին հայտնի էր, որ այն ստացվել է հանցավոր գործունեության արդյունքում)`
(…):
2. Սույն հոդվածի 1-ին մասով նախատեսված արարքը, որը կատարվել է՝
1) մի խումբ անձանց կողմից նախնական համաձայնությամբ կամ
2) խոշոր չափերով`
պատժվում է ազատազրկմամբ` հինգից տասը տարի ժամկետով (…) »։
53.1. Քննարկվող հանցագործության օբյեկտը այն հասարակական հարաբերություն-ներն են, որոնք կարգավորում են ՀՀ-ում օրինական ձեռնարկատիրական գործունեությունը և ներդրումային քաղաքականությունը: Քրեաիրավական արգելքի էությունն այն է, որ ՀՀ տնտեսական համակարգը պաշտպանվի չվերահսկվող մեծ քանակի դրամական միջոցների և այլ գույքի ներդրումից, և կանխվի այնպիսի հանցավոր գործունեությունը, որը, որպես կանոն, իրականացվում է կազմակերպված հանցավոր խմբերի կողմից՝ ապօրինի ճանապարհով եկամուտ ստանալու նպատակով:
Հանցագործության օբյեկտիվ կողմը բխում է Եվրախորհրդի 1990 թվականի նոյեմբերի 8-ի «Հանցավոր ճանապարհով ստացված եկամուտների լվացման, հայտնաբերման, առգրավման և բռնագրավման մասին» կոնվեցիայից, որտեղ նախատեսված են հետևյալ արարքները.
ա) անձի կողմից, ով տեղյակ է եղել նյութական արժեքները հանցավոր ճանապարհով ձեռք բերելու մասին, դրանք պահելն ու հանձնելը՝ նյութական արժեքների ապօրինի ծագումը թաքցնելու կամ հիմնական հանցագործություն կատարելու մեջ ներգրավված ցանկացած անձի պատասխանատվությունից խուսափելուն օժանդակելու նպատակով,
բ) նյութական արժեքների և դրանց առնչվող իրավունքների բնույթը, ծագման աղբյուրները, գտնվելու վայրը, շարժը կամ իրական պատկանելությունը թաքցնելը կամ խեղաթյուրելը, եթե իրավախախտում թույլ տված անձն իմացել է, որ այդ արժեքները իրենցից ներկայացնում են հանցավոր ճանապարհով ձեռք բերված եկամուտներ,
գ) նյութական արժեքների ձեռքբերումը, տիրապետումը, օգտագործումը այն անձի կողմից, ով տեղյակ է, որ դրանք իր կողմից ստանալու պահին հանդիսանում են հանցավոր ճանապարհով ձեռք բերված եկամուտներ:
Օրենքը սուբյեկտիվ կողմի պարտադիր հատկանիշ է համարում որոշակի նպատակը՝ թաքցնել կամ խեղաթյուրել այդ գույքի հանցավոր ծագումը կամ օժանդակել որևէ անձի, որպեսզի նա խուսափի իր կատարած հանցանքի համար պատասխանատվությունից, կամ գույքի իրական բնույթը, ծագման աղբյուրը, գտնվելու վայրը, տնօրինման եղանակը, տեղաշարժը, իրավունքները կամ պատկանելությունը թաքցնելը կամ խեղաթյուրելը (եթե հայտնի է, որ այդ գույքը ստացվել է հանցավոր գործունեության արդյունքում):
54․ Վերոգրյալի հիման վրա և հաշվի առնելով Դատարանի կողմից սույն դատավճռի 48. 6-րդ և 50-րդ կետերում կատարված վերլուծությունները և հաստատված փաստական հանգամանքների շրջանակը՝ Դատարանը գտնում է, որ «հիմնավոր կասկածից վեր» ապացուցողական չափանիշին համապատասխան ապացուցված չէ, որ մեղադրյալ Հարություն Աշոտի Տեր-Թադևոսյանը և Մանուկ Մարտինի Աբրահամյանը խմբի կազմում նախնական համաձայնությամբ հանցավոր գործունեությունից ստացված առանձնապես խոշոր չափերով գույքի հանցավոր ծագումը, իրական բնույթը թաքցնելու, հանցավոր ճանապարհով ստացված միջոցների տեղաշարժն ու տեղաբաշխումը քողարկելու, դրանց օրինական տեսք հաղորդելու նպատակով կրիպտորաժութային դրամապանակներին ստացված կրիպտոարժույթը ՀՀ տարածքում կրիպտոարժույթի փոխանակմամբ զբաղվող անձանց կողմից շահագործվող կրիպտոարժութային դրամապանակներին փոխանցելու, փոխակերպված ֆինանսական միջոցները տարբեր էլեկտրոնային դրամապանակների, բանկային հաշիվների փոխանցելու, կանխիկացնելու կամ այլ կերպ տնօրինելու եղանակով իրենց անուններով «Իդրամ» համակարգում նույնականացված դրամապանակներին, ինչպես նաև Հարություն Տեր-Թադևոսյանի կողմից փաստացի շահագործվող ․․․ համարի բանկային քարտին ստացել և տնօրինել են հանցավոր ճանապարհով ձեռք բերված խոշոր չափերով՝ ընդհանուր 6.574.029 ՀՀ դրամ գումար։
Հետևաբար՝ Դատարանը գտնում է, որ ապացուցված չէ մեղադրյալ Հարություն Աշոտի Տեր-Թադևոսյանի և Մանուկ Մարտինի Աբրահամյանի կողմից ՀՀ քրեական օրենսգրքի 296-րդ հոդվածի 2-րդ մասի 1-ին և 2-րդ կետերով նախատեսված իրենց վերագրված արարքը կատարելը։

III. Մեղադրյալ Հարություն Աշոտի Տեր-Թադևոսյանի քրեական պատասխանատվության հարցը.
55. Հաստատված համարելով մեղադրյալ Հարություն Աշոտի Տեր-Թադևոսյանի մեղավորությունն իրեն՝ ՀՀ քրեական օրենսգրքի 393-րդ հոդվածի 2-րդ մասի 1-ին և 2-րդ կետերով մեղսագրված հանցանքի կատարման մեջ՝ Դատարանը գտնում է, որ անհրաժեշտ է անդրադառնալ մեղադրյալի նկատմամբ պատիժ նշանակելու հետ կապված հետևյալ հարցերին.
ա) արդյո՞ք ապացուցված են մեղադրյալի պատասխանատվությունը և պատիժը մեղմացնող կամ ծանրացնող հանգամանքները.
բ) մեղադրյալը ենթակա է արդյո՞ք պատժի իր կատարած հանցանքի համար.
գ) ի՞նչ պատիժ պետք է նշանակվի մեղադրյալի նկատմամբ.
դ) մեղադրյալն արդյո՞ք պետք է կրի իր նկատմամբ նշանակված պատիժը.
56. Անդրադառնալով «ա» կետով բարձրացված հարցին՝ Դատարանն անհրաժեշտ է համարում նշել, որ մեղադրյալ Հարություն Աշոտի Տեր-Թադևոսյանի պատասխանատվությունը կամ պատիժը մեղմացնող կամ ծանրացնող հանգամանքներ առկա չեն։
57. Անդրադառնալով «բ» կետով բարձրացված հարցին՝ Դատարանն արձանագրում է, որ սույն քրեական գործով մեղադրյալ Հարություն Աշոտի Տեր-Թադևոսյանին պատժից ազատելու հիմքեր առկա չեն, հետևաբար՝ նա ենթակա է պատժի իր կատարած հանցանքի համար։
58․ ՀՀ քրեական օրենսգրքի 7-րդ հոդվածի 1-ին մասի համաձայն՝
«Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:»:
ՀՀ քրեական օրենսգրքի 55-րդ հոդվածի 2-րդ մասի համաձայն՝
«Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»:
ՀՀ քրեական օրենսգրքի 69-րդ հոդվածի համաձայն՝
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ (…):»:
58․1․ Պատիժ նշանակելու ընդհանուր սկզբունքները քրեական օրենքով նախատեսված այն հիմնադրույթներն են, որոնցով պետք է ղեկավարվի դատարանը պատիժ նշանակելիս: Այդ սկզբունքներն են՝
ա) օրինականությունը,
բ) արդարությունը,
գ) պատժի անհատականացումը,
դ) մարդասիրությունը:
Պատիժ նշանակելու վերոնշյալ սկզբունքները սահմանում են այն հիմնական դրույթները, որոնցով ղեկավարվում է դատարանը յուրաքանչյուր քրեական գործով պատժի տեսակն ու չափն ընտրելիս:
Պատժի նշանակման իրավական շրջանակները սահմանված են ՀՀ քրեական օրենսգրքով: Դրա հետ մեկտեղ, սակայն, վերոնշյալ օրենքը դատարանին հնարավորություն է տվել որոշակի սկզբունքների պահպանմամբ, իր ներքին համոզմանը և իրավագիտակցությանը համապատասխան, ՀՀ քրեական օրենսգրքի Ընդհանուր և Հատուկ մասերով նախատեսված սահմաններում որոշել պատժի տեսակն ու չափը: Այլ կերպ՝ ուրվագծելով կոնկրետ հանցանքի համար նշանակման ենթակա պատժի առավելագույն և նվազագույն սահմանները՝ ՀՀ քրեական օրենքը դատարանին տվել է այդ շրջանակում հայեցողություն դրսևորելու հնարավորություն։
Նշանակվող պատժի արդարացիության հիմնական պահանջներից է այն, որ պատիժը պետք է համապատասխանի հանցագործության հանրային վտանգավորության աստիճանին և բնույթին:
Հանցագործության հանրային վտանգավորության տիպային բնութագիրն արտացոլվում է օրենսդրի կողմից սահմանված սանկցիայում, իսկ յուրաքանչյուր կոնկրետ գործով արարքի հանրային վտանգավորության գնահատականը դատարանի կողմից կարող է որոշվել կոնկրետ հանցագործության տարրերի առանձնահատկությունների, դրա կատարման հանգամանքների, հանցավորի անձնավորության, պատասխանատվությունն ու պատիժը մեղմացնող և ծանրացնող հանգամանքների հիման վրա:
Պատժի անհատականացման սկզբունքի բովանդակության հիմնական մասն է կազմում նաև հանցավորի անձը բնութագրող տվյալների գնահատումը, որոնք իրենց ամբողջության մեջ հնարավորություն են տալիս անձին դիտել ոչ միայն որպես հանցանք կատարող, որը պետք է պատասխանատվություն կրի, այլ նաև որպես կոնկրետ անձ՝ իր անհատական հատկանիշներով: Ընդ որում՝ անձի այն հատկանիշները, որոնք գտնվում են հանցակազմից դուրս, նշանակություն են ունենում դատարանի կողմից պատժի տեսակը և չափը որոշելիս: Որպես հանցավորի անձը բնութագրող հատկանիշներ՝ գնահատվում են նրա սոցիալ-հոգեբանական, սոցիալ-ժողովրդագրական հատկությունները՝ վարքագիծն ընտանիքում և կենցաղում, աշխատանքի նկատմամբ ունեցած վերաբերմունքը, կրթությունը, առողջական վիճակը, տարիքը, ծառայությունը պետության և հասարակության առջև և այլն:
58․2․Վերը մեջբերված իրավական նորմերում և դիրքորոշումներում սահմանված չափանիշների համատեքստում մեղադրյալ Հարություն Աշոտի Տեր-Թադևոսյանի նկատմամբ պատժի տեսակը որոշելիս Դատարանը հաշվի է առնում հետևյալը.
- նրա կողմից ՀՀ քրեական օրենսգրքի 393-րդ հոդվածի 2-րդ մասի 1-ին և 2-րդ կետերով կատարված հանցագործության բնույթը և հանրության համար վտանգավորության աստիճանը, մասնավորապես այն, որ նրան մեղսագրված արարքը բնակչության առողջության դեմ ուղղված, դիտավորյալ ծանր հանցագործություն է, դրսևորվել հանցակազմը ծանրացնող մի քանի հանգամանքներով՝ շահադիտական դրդումներով և նախնական համաձայնությամբ խմբի կազմում կատարելով, խմբի կազմում ունեցել է հարաբերականորեն ակտիվ դերակատարություն, թմրամիջոցների տեսակը, էլեկտրոնային հաղորդակցությամբ միջոցներով կատարելը,
- խախտված հասարակական հարաբերության սոցիալական նշանակությունը,
- այդ ոլորտում պետության քրեական քաղաքականության ուղղվածությունը, պատասխանատվությունը կամ պատիժը մեղմացնող, ինչպես նաև պատասխանատվությունը կամ պատիժը ծանրացնող հանգամանքների բացակայությունը,
- անձը բնութագրող հանգամանքները, այդ թվում՝ տարիքը, հանցանքն առաջին անգամ կատարելը, դրական բնութագրվելը, մշտական աշխատանք ունենալը (տե՛ս սույն դատավճռի 42-44-րդ կետերը):
Վերոգրյալի հաշվառմամբ՝ Դատարանը գտնում է, որ Հարություն Աշոտի Տեր-Թադևոսյանի նկատմամբ ՀՀ քրեական օրենսգրքի 393-րդ հոդվածի 2-րդ մասի 1-ին և 2-րդ կետերով նախատեսված հանցանքի կատարման համար պետք է նշանակել ազատազրկում՝ 4 (չորս) տարի 6 (վեց) ամիս ժամկետով։
Դատարանը գտնում է, որ վերոնշյալ պատժատեսակը և դրա չափը սույն դեպքում համաչափ է մեղադրյալ Հարություն Աշոտի Տեր-Թադևոսյանի անձին և նրա կատարած հանցանքին, բավարար՝ պատժի նպատակների իրացվելիության տեսանկյունից։
Դատարանն արձանագրում է նաև, որ ՀՀ քրեական օրենսգրքի 79-րդ հոդվածի կիրառմամբ՝ նշանակված պատժին պետք է հաշվակցել մեղադրյալ Հարություն Աշոտի Տեր-Թադևոսյանին անազատության մեջ պահելու 1 (մեկ) տարի 7 (յոթ) ամիս 8 (ութ) օրը և վերջնական պատիժ սահմանել ազատազրկում՝ 2 (երկու) տարի 10 (տաս) ամիս 22 (քսաներկու) օր ժամկետով՝ պատժի կրման սկիզբը հաշվելով սույն դատավճռի կատարման հիմքով նրան արգելանքի վերցնելու պահից:
59. Անդրադառնալով «դ» կետով բարձրացված հարցին՝ Դատարանը գտնում է, որ մեղադրյալ Հարություն Տեր-Թադևոսյանը պետք է կրի իր նկատմամբ նշանակված պատիժը:

IV. Մեղադրյալ Մանուկ Մարտինի Աբրահամյանի քրեական պատասխանատվության հարցը.
60. Հաստատված համարելով մեղադրյալ Մանուկ Մարտինի Աբրահամյանի մեղավորությունն իրեն՝ ՀՀ քրեական օրենսգրքի 393-րդ հոդվածի 2-րդ մասի 1-ին և 2-րդ կետերով մեղսագրված հանցանքի կատարման մեջ՝ Դատարանը գտնում է, որ անհրաժեշտ է անդրադառնալ մեղադրյալի նկատմամբ պատիժ նշանակելու հետ կապված հետևյալ հարցերին.
ա) արդյո՞ք ապացուցված են մեղադրյալի պատասխանատվությունը և պատիժը մեղմացնող կամ ծանրացնող հանգամանքները.
բ) մեղադրյալը ենթակա է արդյո՞ք պատժի իր կատարած հանցանքի համար.
գ) ի՞նչ պատիժ պետք է նշանակվի մեղադրյալի նկատմամբ.
դ) մեղադրյալն արդյո՞ք պետք է կրի իր նկատմամբ նշանակված պատիժը.
61. Անդրադառնալով «ա» կետով բարձրացված հարցին՝ Դատարանն անհրաժեշտ է համարում նշել, որ մեղադրյալ Մանուկ Մարտինի Աբրահամյանի պատասխանատվությունը կամ պատիժը մեղմացնող կամ ծանրացնող հանգամանքներ առկա չեն։
62. Անդրադառնալով «բ» կետով բարձրացված հարցին՝ Դատարանն արձանագրում է, որ սույն քրեական գործով մեղադրյալ Մանուկ Մարտինի Աբրահամյանին պատժից ազատելու հիմքեր առկա չեն, հետևաբար՝ նա ենթակա է պատժի իր կատարած հանցանքի համար։
63․ Սույն դատավճռի 58-58.1-րդ կետերում մեջբերված իրավական նորմերում և դիրքորոշումներում սահմանված չափանիշների համատեքստում մեղադրյալ Մանուկ Մարտինի Աբրահամյանի նկատմամբ պատժի տեսակը որոշելիս Դատարանը հաշվի է առնում հետևյալը.
- նրա կողմից ՀՀ քրեական օրենսգրքի 393-րդ հոդվածի 2-րդ մասի 1-ին և 2-րդ կետերով կատարված հանցագործության բնույթը և հանրության համար վտանգավորության աստիճանը, մասնավորապես այն, որ նրան մեղսագրված արարքը բնակչության առողջության դեմ ուղղված, դիտավորյալ ծանր հանցագործություն է, դրսևորվել հանցակազմը ծանրացնող մի քանի հանգամանքներով՝ շահադիտական դրդումներով և նախնական համաձայնությամբ խմբի կազմում կատարելով, խմբի կազմում նրա ունեցած դերակատարությունը, թմրամիջոցների տեսակը, էլեկտրոնային հաղորդակցությամբ միջոցներով կատարելը,
- խախտված հասարակական հարաբերության սոցիալական նշանակությունը,
- այդ ոլորտում պետության քրեական քաղաքականության ուղղվածությունը, պատասխանատվությունը կամ պատիժը մեղմացնող, ինչպես նաև պատասխանատվությունը կամ պատիժը ծանրացնող հանգամանքների բացակայությունը,
- անձը բնութագրող հանգամանքները, այդ թվում՝ տարիքը, հանցանքն առաջին անգամ կատարելը (տե՛ս սույն դատավճռի 41-րդ կետը):
Վերոգրյալի հաշվառմամբ՝ Դատարանը գտնում է, որ Մանուկ Մարտինի Աբրահամյանի նկատմամբ ՀՀ քրեական օրենսգրքի 393-րդ հոդվածի 2-րդ մասի 1-ին և 2-րդ կետերով նախատեսված հանցանքի կատարման համար պետք է նշանակել ազատազրկում՝ 4 (չորս) տարի ժամկետով։
Դատարանը գտնում է, որ վերոնշյալ պատժատեսակը և դրա չափը սույն դեպքում համաչափ է մեղադրյալ Մանուկ Մարտինի Աբրահամյանի անձին և նրա կատարած հանցանքին։
Դատարանն արձանագրում է նաև, որ ՀՀ քրեական օրենսգրքի 79-րդ հոդվածի կիրառմամբ՝ նշանակված պատժին պետք է հաշվակցել մեղադրյալ Մանուկ Մարտինի Աբրահամյանին անազատության մեջ պահելու 1 (մեկ) օրը և վերջնական պատիժ սահմանել ազատազրկում՝ 3 (երեք) տարի 11 (տասնմեկ) ամիս 29 (քսանինը) օր ժամկետով՝ պատժի կրման սկիզբը հաշվելով սույն դատավճռի կատարման հիմքով նրան արգելանքի վերցնելու պահից:
64. Անդրադառնալով «դ» կետով բարձրացված հարցին՝ Դատարանը գտնում է, որ մեղադրյալ Մանուկ Մարտինի Աբրահամյանը պետք է կրի իր նկատմամբ նշանակված պատիժը:

V. Այլ վերաբերելի հարցեր․
65. Անդրադառնալով մեղադրյալի նկատմամբ կիրառված խափանման միջոցներին՝ գրավին՝ 1.000.000 (մեկ միլիոն) ՀՀ դրամ գումարի չափով, վարչական հսկողությանը և բացակայելու արգելքին, Դատարանը գտնում է, որ մինչև սույն դատավճռի օրինական ուժի մեջ մտնելը նրա նկատմամբ ընտրված խափանման միջոցները պետք է թողնել անփոփոխ՝ դատական ակտի հնարավոր բողոքարկման դեպքում մեղադրյալի դատավարական պարտականությունների պատշաճ կատարումն ապահովելու համար։
66. Անդրադառնալով մեղադրյալի նկատմամբ կիրառված խափանման միջոցին՝ բացակայելու արգելքին, Դատարանը գտնում է, որ մինչև սույն դատավճռի օրինական ուժի մեջ մտնելը նրա նկատմամբ ընտրված խափանման միջոցը պետք է թողնել անփոփոխ՝ դատական ակտի հնարավոր բողոքարկման դեպքում մեղադրյալի դատավարական պարտականությունների պատշաճ կատարումն ապահովելու համար։
67. Անդրադառնալով որպես ապացույց հետազոտված՝ բջջային հեռախոսները պետք է վերադարձնել դրանց սեփականատերերին, կաթուցիչը և զիպ փականով պոլիէթիլենային փաթեթները ոչնչացնել, իսկ 5,72 գրամ հաստատուն չոր քաշով մանրացված «Մարիխուանա» տեսակի թմրամիջոցի զանգվածը, «Մեթամֆետամին» և «Տետրահիդրականաբինոլ» տեսակի թմրամիջոցի հետքեր պարունակող թվով երկու էլեկտրոնային կշեռքները, «Մեթամֆետամին» և «Տետրահիդրականաբինոլ» տեսակի նյութի հետքեր պարունակող լամպը, մետաղյա տարան վերադարձնել թիվ 69113523 վարույթն իրականացող մարմնին:
Անդրադառնալով արտավարութային փաստաթղթեր ճանաչված ապացույցներին՝ Դատարանը գտնում է, որ դրանք անհրաժեշտ է պահել վարույթի նյութերի հետ՝ դրանք պահելու ամբողջ ընթացքում:
68. Նկատի ունենալով, որ սույն քրեական գործով գույքային հայցի, գույքի վրա արգելանք դնելու, վարույթային ծախսերի վերաբերյալ տվյալներ առկա չեն՝ Դատարանն այդ հարցերը համարում է լուծված։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 99-100-րդ, 167-րդ, 342-րդ, 347-350-րդ հոդվածներով՝ Դատարանը

Վ Ճ Ռ Ե Ց

1. Ճանաչել և հռչակել մեղադրյալ Հարություն Աշոտի Տեր-Թադևոսյանի անմեղությունը՝ 296-րդ հոդվածի 2-րդ մասի 1-ին և 2-րդ կետերով նրան վերագրված արարքը կատարելու մեջ և նրան արդարացնել` մեղադրյալի կողմից այդ արարքը կատարելն ապացուցված չլինելու հիմքով:
2. Մեղադրյալ Հարություն Աշոտի Տեր-Թադևոսյանին մեղավոր ճանաչել ՀՀ քրեական օրենսգրքի 393-րդ հոդվածի 2-րդ մասի 1-ին և 2-րդ կետերով նախատեսված հանցանքում և դատապարտել ազատազրկման՝ 4 (չորս) տարի 6 (վեց) ամիս ժամկետով:
ՀՀ քրեական օրենսգրքի 79-րդ հոդվածի կիրառմամբ՝ նշանակված պատժին հաշվակցել մեղադրյալ Հարություն Աշոտի Տեր-Թադևոսյանին անազատության մեջ պահելու 1 (մեկ) տարի 7 (յոթ) ամիս 8 (ութ) օրը և վերջնական պատիժ սահմանել ազատազրկում՝ 2 (երկու) տարի 10 (տասը) ամիս 22 (քսաներկու) օր ժամկետով՝ պատժի կրման սկիզբը հաշվելով սույն դատավճռի կատարման հիմքով նրան արգելանքի վերցնելու պահից:
3. Ճանաչել և հռչակել մեղադրյալ Մանուկ Մարտինի Աբրահամյանի անմեղությունը՝ 296-րդ հոդվածի 2-րդ մասի 1-ին և 2-րդ կետերով նրան վերագրված արարքը կատարելու մեջ և նրան արդարացնել` մեղադրյալի կողմից այդ արարքը կատարելն ապացուցված չլինելու հիմքով:
4. Մեղադրյալ Մանուկ Մարտինի Աբրահամյանին մեղավոր ճանաչել ՀՀ քրեական օրենսգրքի 393-րդ հոդվածի 2-րդ մասի 1-ին և 2-րդ կետերով նախատեսված հանցանքում և դատապարտել ազատազրկման՝ 4 (չորս) տարի ժամկետով՝ պատժի կրման սկիզբը հաշվելով սույն դատավճռի կատարման հիմքով նրան արգելանքի վերցնելու պահից:
ՀՀ քրեական օրենսգրքի 79-րդ հոդվածի կիրառմամբ՝ նշանակված պատժին հաշվակցել մեղադրյալ Մանուկ Մարտինի Աբրահամյանին անազատության մեջ պահելու 1 (մեկ) օրը և վերջնական պատիժ սահմանել ազատազրկում՝ 3 (երեք) տարի 11 (տասնմեկ) ամիս 29 (քսանինը) օր ժամկետով՝ պատժի կրման սկիզբը հաշվելով սույն դատավճռի կատարման հիմքով նրան արգելանքի վերցնելու պահից:
5. Մեղադրյալ Հարություն Աշոտի Տեր-Թադևոսյանի նկատմամբ որպես համակցված խափանման միջոցներ կիրառված գրավը՝ 1.000.000 (մեկ միլիոն) ՀՀ դրամ գումարի չափով, վարչական հսկողությունը և բացակայելու արգելքը թողնել անփոփոխ մինչև դատավճռի օրինական ուժի մեջ մտնելը, իսկ դատավճիռն օրինական ուժի մեջ մտնելուց հետո գրավի վճարված գումարը վերադարձնել այն վճարած անձին։
6. Մեղադրյալ Մանուկ Մարտինի Աբրահամյանին նկատմամբ որպես խափանման միջոց կիրառված բացակայելու արգելքը թողնել անփոփոխ մինչև դատավճռի օրինական ուժի մեջ մտնելը:
7. Նախաքննության մարմնի 2024 թվականի նոյեմբերի 9-ի որոշմամբ իրեղեն ապացույց ճանաչված բջջային հեռախոսները վերադարձնել դրանց սեփականատերերին, կաթուցիչը և զիպ փականով պոլիէթիլենային փաթեթները ոչնչացնել, իսկ 5,72 գրամ հաստատուն չոր քաշով մանրացված «Մարիխուանա» տեսակի թմրամիջոցի զանգվածը, «Մեթամֆետամին» և «Տետրահիդրականաբինոլ» տեսակի թմրամիջոցի հետքեր պարունակող թվով երկու էլեկտրոնային կշեռքները, «Մեթամֆետամին» և «Տետրահիդրականաբինոլ» տեսակի նյութի հետքեր պարունակող լամպը, մետաղյա տարան վերադարձնել թիվ 69113523 վարույթն իրականացող մարմնին:
8. Դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` ստանալու օրվանից հետո՝ մեկամսյա ժամկետում:


ԴԱՏԱՎՈՐ ԱՆԻ ԴԱՆԻԵԼՅԱՆ