ԵԴ1/3391/01/24


ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ

Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


«20» Փետրվարի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ՝ նաև Դատարան)՝
նախագահող դատավոր՝ ԱՐՇԱԿ ՄԱԹԵՎՈՍՅԱՆ
քարտուղարությամբ՝ ՌՈԲԵՐՏ ՍԻՐԱԿԱՆՅԱՆԻ
մասնակցությամբ.
հանրային մեղադրող՝ ԵՍԱՅԻ ԱԲՈՎՅԱՆԻ
մեղադրյալ՝ ԱՐՄԵՆ ՂԱՆԴԻԼՅԱՆԻ
դռնբաց դատական նիստում քննելով Արմեն Գրիգորի Ղանդիլյանի(1) վերաբերյալ քրեական գործն ըստ մեղադրանքի՝ ՀՀ քրեական օրենսգրքի 344 հոդվածի 2-րդ մասով.





1. ՄԵՂԱԴՐԱՆՔԻ ՓԱՍՏԱԿԱՆ ՆԿԱՐԱԳՐՈՒԹՅՈՒՆԸ.
Թիվ 60083624 քրեական վարույթով Արմեն Գրիգորի Ղանդիլյանին ՀՀ քրեական օրենսգրքի 344 հոդվածի 2-րդ մասով մեղադրանք է ներկայացվել հետևյալ արարքի համար.
«[Նա] տրանսպորտային միջոցներ վարելու իրավունքից ՀՀ ՆԳՆ ոստիկանության պարեկային ծառայության աշխատակցի կողմից կայացված թիվ 8180254510 որոշմամբ 2023 թվականի ապրիլի 16-ին 1 տարի ժամկետով զրկվել է, և նշված որոշման մասին ծանուցվել նույն օրը, ինչից հետո Ա.Ղանդիլյանը տրանսպորտային միջոցներ վարելու իրավունքից 1 տարի ժամկետով զրկված լինելով և գտնվելով հարբած (ոչ սթափ) վիճակում՝ ալկոհոլի պարունակությունը արտաշնչած օդում 0,129 մգ/լ, 2023 թվականի մայիսի 24-ին, ժամը՝ 03:35-ի սահմաններում Երևան քաղաքի Ազատության պողոտայում վարել է «Տոյոտա» մակնիշի AR-999-MG հաշվառման համարանիշի տրանսպորտային միջոցը, ինչի վերաբերյալ ՀՀ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180256556 արձանագրությունը»։

2. ԴԱՏԱՔՆՆՈՒԹՅԱՆ ԸՆԹԱՑՔՈՒՄ ՀԵՏԱԶՈՏՎԱԾ ԹՈՒՅԼԱՏՐԵԼԻ ԱՊԱՑՈՒՅՑՆԵՐԸ.
ՀԻՄՆԱԿԱՆ ԴԱՏԱԼՍՈՒՄՆԵՐ

2.1 2024 թվականի հոկտեմբերի 21-ի «Զննություն կատարելու մասին» արձանագրության համաձայն.
«1. Վարչական իրավախախտման գործով թիվ 8180256556 արձանագրության պատճենի զննությամբ պարզվել է, որ 24.05.2023թ.՝ ժամը 03:50-ին, ՀՀ ոստիկանության պարեկային ծառայության Երևան քաղաքի գնդի 4 գումարտակի 3 վաշտի պարեկ Գագիկ Հրաչիկի Հարությունյանի /05675/ կողմից Արմեն Գրիգորի Ղանդիլյանի նկատմամբ կազմվել է վարչական իրավախախտման վերաբերյալ արձանագրություն, ըստ որի Արմեն Ղանդիլյանը նույն օրը՝ ժամը 03:35-ին, «Տոյոտա» մակնիշի AR-999-MG հաշվառման համարանիշի ավտոմեքենան վարել է Երևան քաղաքի Ազատության պողոտայում, տրանսպորտային միջոցներ վարելու իրավունքից զրկված և գտնվելով ոչ սթափ վիճակում:
2. Վարչական իրավախախտման գործով թիվ 8180254510 արձանագրության և որոշման պատճենի զննությամբ պարզվել է, որ 16.04.2023թ. կատարած վարչական իրավախախտման համար Արմեն Գրիգորի Ղանդիլյանը նույն օրը զրկվել է տրանսպորտային միջոցներ վարելու իրավունքից 1 տարի ժամկետով, նշված որոշման պատճենը և կատարման կարգի քաղվածքը ստացել է իր ստորագրությամբ:
3. Թիվ 093645 ստուգաչափման վկայականի զննությամբ պարզվել է, որ ստուգաչափման թվականն է՝ 2023-04-25, այն ուժի մեջ է մինչև 2024-04-25, Ակլկոտեստր, գործարանային համարը՝ 91100902, տեսակը՝ Jupiter X/RP, չափման տիրույթը 0.000-2.000, արտադրող՝ Չինաստան, պատկանում է ՀՀ ՊԾ-ին, ստուգաչափումը կատարվել է համաձայն Mu 2835-2008, առկա են ստորագրություններ:
4. Ալկոհոլի պարունակության ստուգման կտրոնի պատճենի զննությամբ պարզվել է, որ սարքի համարն է 91100902, զննման համարը՝ 00910, զննման ամսաթիվը՝ 24.05.2023, ստուգումը կատարվել է ավտոմատ, ժամը 03:44:14-ին, ալկոհոլի պարունակությունը՝ 0,129 մգ/լ, վարորդի անունը՝ Արմեն, ազգանունը՝ Ղանդիլյան, տրանսպորտային միջոցի համարանիշը՝ AR-999-MG Պ/Ծ տեսուչի ազգանունը՝ Հարությունյան, կրծքանշանի համար 05675, ստորաբաժանում՝ 4 գումարտակի 3 վաշտ:
5. ՀՀ ՆԳՆ ՃՈ էլեկտրոնային ռեգիստրից ստացված քաղվածքի զննությամբ պարզվել է, որ Արմեն Գրիգորի Ղանդիլյանի վարորդական վկայականի կարգավիճակը զրկված՝ սկիզբ 16.04.2023, ավարտ՝ 16.04.2024»: (2)
2.2 Դատարանի նախաձեռնությամբ հետազոտման ենթակա ապացույցների ծավալը լրացվել է. հետազոտվել է Արմեն Գրիգորի Ղանդիլյանի կողմից ներկայացված Վրաստանի Հանրապետության վարորդական իրավունքի վկայականը, որը Դատարանի որոշմամբ ճանաչվել է որպես արտավարութային փաստաթուղթ.
2023 թվականի ապրիլի 24-ին տրված Վրաստանի Հանրապետության վարորդական իրավունքի թիվ KH0790969 վկայականը պատկանում է Արմեն Ղանդիլյանին (Armen Ghandilyan):
2.3 Նախաքննության մարմնի որոշմամբ արտավարութային փաստաթուղթ ճանաչված՝ վարչական իրավախախտման վերաբերյալ թիվ 8180254510 արձանագրության համաձայն՝ 2023 թվականի ապրիլի 16-ին Արմեն Ղանդիլյանը մեկ տարի ժամկետով զրկվել է տրանսպորտային միջոցներ վարելու իրավունքից։ Որպես Արմեն Ղանդիլյանի վարորդական իրավունքի վկայականի համար նշված է KH0746617, տրանսպորտային միջոցը՝ «Տոյոտա» մակնիշի AR-999-MG հաշվառման համարանիշի ավտոմեքենան: (3)
2.4 Արմեն Գրիգորի Ղանդիլյանը ներկայացված մեղադրանքում իրեն մեղավոր ճանաչեց և, ըստ էության, ցուցմունք տվեց այն մասին, որ նա 2023 թվականի ապրիլի 16-ին 1 տարի ժամկետով զրկվել է տրանսպորտային միջոցներ վարելու իրավունքից։ Այդ ժամանակ ինքը պարեկներին է տվել նաև իր Վրաստանի Հանրապետության վարորդական իրավունքի վկայականը։ Պարեկային ծառայության ծառայողներն իրեն պարզաբանել են, որ Վրաստանի Հանրապետության իրավասու մարմինների կողմից տրված վարորդական վկայականն իրեն հետ չեն տալու, և ինքը պետք է այն վերականգնի Վրաստանում։ Դրանից հետո, ինքը գնացել է Վրաստանի Հանրապետություն, որտեղ նոր վկայական ստանալու համար դիմել է տեղի իրավասու մարմիններին՝ հայտնելով, որ ՀՀ-ում զրկվել է տրանսպորտային միջոցներ վարելու իրավունքից։ Վրաստանի իրավասու մարմիններն իրեն հայտնել են, իր կողմից հայտնածի վերաբերյալ «բազայում» որևէ տեղեկատվություն առկա չէ և առաջարկել են դիմում գրել վարորդական իրավունքի վկայականը կորցնելու վերաբերյալ։ Ինքն այդպես էլ արել է և ստացել է Վրաստանի Հանրապետության վարորդական իրավունքի նոր՝ թիվ KH0790969 վկայականը։ Ստանալով այն, ինքը կարծել է, որ այլևս իրավունք ունի վարել տրանսպորտային միջոցներ։ Ինքը չի գիտակցել, որ վարորդական իրավունքի վկայականը կորցնելու հիմքով Վրաստանի Հանրապետությունում վերականգնելու դեպքում միևնույնն է ՀՀ-ում որևէ տրանսպորտային միջոց վարելու իրավունք չէր ունենալու։
ԼՐԱՑՈՒՑԻՉ ԴԱՏԱԼՍՈՒՄՆԵՐ

2.5 Դատվածությունների և հետախուզման առկայության Ձև 8 հարցման պատասխանի, «DataLex» դատական տեղեկատվական համակարգում առկա տվյալների, թիվ ԵԴ1/1042/01/24 քրեական գործով օրինական ուժի մեջ մտած դատավճիռն ի կատար ածելու մասին կարգադրության պատճենի, ինչպես նաև ՀՀ արդարադատության նախարարության պրոբացիայի ծառայության Երևանի քաղաքային մարմնի պետ Վահրամ Խալաթյանի 2025 թվականի հունվարի 30-ի թիվ 29.2.1/5913-2025 գրության համաձայն՝
-Թիվ ԵԴ1/1042/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի 2024 թվականի սեպտեմբերի 4-ի դատավճռով՝ Արմեն Գրիգորի Ղանդիլյանը մեղավոր է ճանաչվել 2023 թվականի ապրիլի 16-ին ՀՀ քրեական օրենսգրքի 344 հոդվածի 1-ին մասով նախատեսված հանցանքը կատարելու մեջ և դատապարտվել է տուգանքի՝ նվազագույն աշխատավարձի հնգապատիկի՝ 375.000 ՀՀ դրամի չափով: Արմեն Գրիգորի Ղանդիլյանին թույլատրվել է տուգանքը վճարել մաս առ մաս 1 տարվա ընթացքում՝ յուրաքանչյուր ամիս վճարելով՝ 31.250 ՀՀ դրամ գումար: Դատավճիռն օրինական ուժի մեջ է մտել 2025 թվականի փետրվարի 14-ին:
-Թիվ ՇԴ1/0273/01/24 քրեական գործով Շիրակի մարզի առաջին ատյանի ընդհանուր իրավասության դատարանի 2024 թվականի հոկտեմբերի 16-ի դատավճռով Արմեն Գրիգորի Ղանդիլյանը մեղավոր է ճանաչվել ՀՀ քրեական օրենսգրքի 344 հոդվածի 1-ին մասով նախատեսված արարքը կատարելու մեջ և դատապարտվել է տուգանքի` 375.000 ՀՀ դրամի չափով: Արմեն Ղանդիլյանին թույլատրվել է նշանակված տուգանքը վճարել 1 (մեկ) տարվա ընթացքում: Դատավճիռն օրինական ուժի մեջ է մտել 2024 թվականի դեկտեմբերի 17-ին: 2025 թվականի հունվարի 15-ին Արմեն Ղանդիլյանը ներկայացել է ՀՀ արդարադատության նախարարության պրոբացիայի ծառայության Երևանի քաղաքային մարմին և նույն օրը վերցվել հաշվառման:
2.6 ՀՀ քաղաքացիական կացության ակտերի գրանցման տվյալների շտեմարանում միասնական էլեկտրոնային տեղեկատվական համակարգի միջոցով կատարված հարցմանն ի պատասխան ստացվել են՝
-ամուսնության թիվ 62 վկայականը, համաձայն որի՝ Արմեն Գրիգորի Ղանդիլյանը և Վիկտորիա Ռաֆայելի Մարտիրոսյանն ամուսնացած են,
-ծննդի պետական գրանցման թիվ 315 ակտը, համաձայն որի՝ 2018 թվականի փետրվարի 27-ին ծնված Գալինա Արմենի Ղանդիլյանի հայրն է Արմեն Գրիգորի Ղանդիլյանը,
-ծննդի պետական գրանցման թիվ 597 ակտը, համաձայն որի՝ 2019 թվականի մայիսի 6-ին ծնված Նանե Արմենի Ղանդիլյանի հայրն է Արմեն Գրիգորի Ղանդիլյանը:
2.7 ՀՀ պետական եկամուտների կոմիտեի հարկ վճարողների սպասարկման վարչության պետի 2024 թվականի նոյեմբերի 27-ի գրության համաձայն՝ Արմեն Գրիգորի Ղանդիլյանը հանցանքն ավարտվելու օրվան նախորդող 12 ամիսների ընթացքում չի հանդիսացել վարձու աշխատող։ Հարկային մարմնի տեղեկատվական բազայում առկա չեն նաև Արմեն Գրիգորի Ղանդիլյանի կողմից իր ակտիվների ներդրմամբ (տրամադրմամբ) այլ անձանց գործունեությունից ստացված եկամուտի (շահաբաժնի, տոկոսի, ռոյալթիի, վարձակալական վճարի) վերաբերյալ տվյալներ։ (4)
Քննարկման ենթակա հարցերի վերաբերյալ կողմերի դիրքորոշումները.
2.8 Պատժի վերաբերյալ հարցերը քննարկելիս հանրային մեղադրողը Դատարանին խնդրեց Արմեն Գրիգորի Ղանդիլյանի նկատմամբ որպես պատիժ նշանակել տուգանք՝ նվազագույն աշխատավարձի հնգապատիկի չափով:
2.9 Մեղադրյալ Արմեն Ղանդիլյանը նշեց, որ չի ցանկանում կատարել հանրային աշխատանքներ և խնդրեց տուգանքի ձևով պատժի նշանակման դեպքում վճարման ժամկետը տարաժամկետել մինչև 1 տարի, քանի որ հնարավորություն չի ունենա մի անգամից և ամբողջությամբ վճարել այն:

3. ԴԱՏԱՐԱՆԻ ՓԱՍՏԱԿԱՆ ՎԵՐԼՈՒԾՈՒԹՅՈՒՆՆԵՐԸ ԵՎ ԴԱՏԱՐԱՆԻ ԿՈՂՄԻՑ ՀԱՍՏԱՏՎԱԾ ԿԱՄ ՀԵՐՔՎԱԾ ՓԱՍՏԱԿԱՆ ՀԱՆԳԱՄԱՆՔՆԵՐԸ.
3.1 Հիմնական դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանն արձանագրում է, որ առկա է փոխկապակցված վերաբերելի, թույլատրելի, հավաստի ապացույցների ամբողջություն, որը թույլ է տալիս հաստատված համարել, որ Արմեն Գրիգորի Ղանդիլյանը, 2023 թվականի ապրիլի 16-ից տրանսպորտային միջոցներ վարելու իրավունքից 1 տարի ժամկետով զրկված լինելով, և գտնվելով հարբած (ոչ սթափ) վիճակում՝ հաշվի առնելով ստուգաչափող սարքի հնարավոր սխալանքը 1 լիտր ծավալով օդի մեջ մաքուր ալկոհոլի պարունակությունը կազմել է 0,1161 մգ/լ, 2023 թվականի մայիսի 24-ին՝ ժամը 03:35-ի սահմաններում Ազատության պողոտայում վարել է «Տոյոտա» մակնիշի AR-999-MG հաշվառման համարանիշի տրանսպորտային միջոցը:
Անդրադառնալով Արմեն Գրիգորի Ղանդիլյանի կողմից 2024 թվականի ապրիլի 24-ին Վրաստանի Հանրապետությունում նոր վարորդական իրավունքի վկայական ստանալու և դրանով պայմանավորված տրանսպորտային միջոցներ վարելու իրավունքից զրկված լինելու փաստը չգիտակցելու մասին վերջինի ցուցմունքին՝ Դատարանն այն արժանահավատ չի համարում, քանի որ ըստ մեղադրյալի ցուցմունքի նա նշված վկայականը ստացել է իրականությանը չհամապատասխանող տեղեկատվության հիման վրա, ինչն ինքնին բավարար է փաստելու, որ նա գիտակցել է իր արարքի այն փաստական հանգամանքները, որոնք հանցակազմի հատկանիշ են, և այդ արարքը կատարելը եղել է նրա նպատակը կամ նպատակին հասնելու միջոցը:
Բացի այդ, 2023 թվականի ապրիլի 16-ից հետո Արմեն Գրիգորի Ղանդիլյանին Վրաստանի Հանրապետությունում տրված վարորդական իրավունքի նոր վկայականը չի կարող ազդեցություն ունենալ վերջինի արարքի իրավական գնահատականի վրա, քանի որ նա զրկվել է ոչ թե վարորդական իրավունքի վկայականից, այլ ՀՀ-ում կոնկրետ գործունեությամբ՝ տրանսպորտային միջոցներ վարելու իրավունքից։
3.2 Հիմնական և լրացուցիչ դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը հաստատված է համարում նաև սույն քրեական գործի լուծման համար նշանակություն ունեցող հետևյալ փաստական հանգամանքները.
-Արմեն Ղանդիլյանն ամուսնացած է, խնամքին են երկու անչափահաս երեխաներ։
-մեղսագրվող հանցանքն ավարտվելու օրվան նախորդող 12 ամիսների ընթացքում Արմեն Ղանդիլյանի ստացած եկամտի վերաբերյալ տվյալներ առկա չեն։
4. ԴԱՏԱՐԱՆԻ ԻՐԱՎԱԿԱՆ ՎԵՐԼՈՒԾՈՒԹՅՈՒՆՆԵՐԸ, ՀԵՏԵՎՈՒԹՅՈՒՆՆԵՐՆ ՈՒ ՈՐՈՇՈՒՄՆԵՐԸ.
4.1 Դատարանի կողմից հաստատված փաստական հանգամանքների և 2025 թվականի փետրվարի 20-ին կայացված մեղադրական վերդիկտի հիման վրա Դատարանն ապացուցված է համարում մեղադրյալ Արմեն Գրիգորի Ղանդիլյանին վերագրվող արարքը, այդ արարքի քրեական հակաիրավականությունը, մեղադրյալի կողմից այդ արարքը կատարելը, մեղադրյալի մեղավորությունը տվյալ արարքը կատարելու մեջ, սահմանելով, որ դատապարտված մեղադրյալի արարքի նկատմամբ ենթակա է կիրառման ՀՀ քրեական օրենսգրքի 344 հոդվածի 2-րդ մասը։
4.2 Դատարանի կողմից հաստատված փաստական հանգամանքների հիման վրա Դատարանն արձանագրում է, որ Արմեն Գրիգորի Ղանդիլյանի պատասխանատվությունն ու պատիժը մեղմացնող ՀՀ քրեական օրենսգրքի 70 հոդվածով նախատեսված հանգամանք է պատիժ նշանակելու պահին մեղադրյալի խնամքի տակ երկու անչափահաս երեխաների առկայությունը:
Դատարանն արձանագրում է, որ Արմեն Գրիգորի Ղանդիլյանի պատասխանատվությունն ու պատիժը ծանրացնող՝ ՀՀ քրեական օրենսգրքի 71 հոդվածով նախատեսված հանգամանքներ առկա չեն:
4.3 Կատարած հանցանքի համար մեղադրյալ Արմեն Գրիգորի Ղանդիլյանը ենթակա է պատժի։
4.4 Պատժի տեսակն ու չափը որոշելիս՝ Դատարանը հաշվի է առնում հետևյալը՝
-Արմեն Գրիգորի Ղանդիլյանի կատարած հանցանքի հանգամանքները, հանրային վտանգավորության աստիճանն ու բնույթը, մասնավորապես՝ այն, որ նրա կատարած հանցանքը դասվում է ոչ մեծ ծանրության հանցագործությունների շարքին։
-Արմեն Գրիգորի Ղանդիլյանի անձը բնութագրող տվյալները, պատասխանատվությունը և պատիժը մեղմացնող հանգամանքի առկայությունն ու ծանրացնող հանգամանքների բացակայությունը, ՀՀ քրեական օրենսգրքի 69 հոդվածի 2-րդ մասում թվարկված մյուս հանգամանքները։
Այսպիսով, Դատարանը գտնում է, որ ՀՀ քրեական օրենսգրքի 55 հոդվածի 2-րդ մասով սահմանված պատժի նպատակներն ապահովելու համար Արմեն Գրիգորի Ղանդիլյանի կողմից ՀՀ քրեական օրենսգրքի 344 հոդվածի 2-րդ մասով կատարված հանցագործության բնույթին, վտանգավորության աստիճանին, դրա կատարելու հանգամանքներին, ինչպես նաև հանցավորի անձին համաչափ պատիժ է հնգապատիկի չափով տուգանքը:
Հիմք ընդունելով ՀՀ քրեական օրենսգրքի 59 հոդվածի 5-րդ մասը, և հաշվի առնելով մեղսագրվող հանցանքն ավարտվելու օրվան նախորդող 12 ամիսների ընթացքում Արմեն Գրիգորի Ղանդիլյանի եկամտի բացակայության վերաբերյալ տվյալները՝ տուգանքի չափը պետք է հաշվարկել հանցանքը կատարելու պահին՝ 2023 թվականի մայիսի 24-ին ՀՀ նվազագույն աշխատավարձի՝ 75.000 (յոթանասունհինգ հազար) ՀՀ դրամի չափով:
• Այսպիսով, Դատարանը գտնում է, որ ՀՀ քրեական օրենսգրքի 344 հոդվածի 2-րդ մասով նախատեսված հանցանքի կատարման համար Արմեն Գրիգորի Ղանդիլյանի նկատմամբ պատիժ պետք է նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով։
4.5 ՀՀ քրեական օրենսգրքի 75 հոդվածով սահմանված կարգով սույն դատավճռով նշանակվող պատժին պետք է լրիվ գումարել թիվ ԵԴ1/1042/01/24 և ՇԴ1/0273/01/24 քրեական գործերով Արմեն Գրիգորի Ղանդիլյանի նկատմամբ նշանակված պատիժները՝ 375.000-ական (երեք հարյուր յոթանասունհինգ հազար) ՀՀ դրամ տուգանքները, և նրա նկատմամբ վերջնական պատիժ նշանակել տուգանք՝ 1.125.000 (մեկ միլիոն հարյուր քսանհինգ հազար) ՀՀ դրամի չափով:
Հիմք ընդունելով ՀՀ քրեական օրենսգրքի 59 հոդվածի 8-րդ մասը, հաշվի առնելով մեղադրյալ Արմեն Գրիգորի Ղանդիլյանի եկամտի բացակայության վերաբերյալ ստացված տվյալը՝ Դատարանը գտնում է, որ Արմեն Ղանդիլյանին պետք է թույլատրել նշանակված տուգանքը վճարել մաս առ մաս՝ 1 (մեկ) տարվա ընթացքում՝ յուրաքանչյուր ամիս վճարելով նվազագույնը՝ 93.750 (իննսուներեք հազար յոթ հարյուր հիսուն) ՀՀ դրամ:
4.6 Դատարանը գտնում է, որ կատարած հանցանքի համար Արմեն Գրիգորի Ղանդիլյանի նկատմամբ լրացուցիչ պատիժ նշանակելու հիմքերն ու անհրաժեշտությունը բացակայում են։
4.7 Արմեն Գրիգորի Ղանդիլյանը պետք է կրի իր նկատմամբ նշանակված պատիժը, քանի որ նրան պատժից ազատելու հիմքեր առկա չեն։
4.8 ՀՀ քրեական դատավարության օրենսգրքի 348 հոդվածի 1-ին մասի 11-14-րդ հարցերին անդրադառնալու անհրաժեշտությունը սույն քրեական գործով բացակայում է։
4.9 Արմեն Գրիգորի Ղանդիլյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ՝ մինչև դրա իրավաչափության պայմանների փոփոխումը՝ բայց ոչ ավելի, քան դատավճռի օրինական ուժի մեջ մտնելը, քանի որ այն բավարար է մեղադրյալի կողմից ՀՀ քրեական դատավարության օրենսգրքի 116 հոդվածի 2-րդ մասով նախատեսված որևէ գործողություն կատարելու ռիսկերը չեզոքացնելու համար։
4.10 ՀՀ քրեական դատավարության օրենսգրքի 167 հոդվածի 1-ին մասի 1-6-րդ կետերով նախատեսված վարութային ծախսեր սույն քրեական գործով առկա չեն, իսկ 7-րդ կետով նախատեսված ծախսերի վերաբերյալ տվյալները բացակայում են: Ավելին՝ այդ վարութային ծախսերի հատուցման պահանջ Դատարանին չի ներկայացվել, որպիսի պայմաններում վարութային ծախսերի հարցը պետք է համարել լուծված։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 167, 276, 347, 348, 349 և 364 հոդվածներով՝ Դատարանը

Վ Ճ Ռ Ե Ց

1. Արմեն Գրիգորի Ղանդիլյանին մեղավոր ճանաչել ՀՀ քրեական օրենսգրքի 344 հոդվածի 2-րդ մասով նախատեսված հանցանքը կատարելու մեջ և նրա նկատմամբ պատիժ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով։
ՀՀ քրեական օրենսգրքի 75 հոդվածով սահմանված կարգով՝ սույն դատավճռով նշանակված պատժին լրիվ գումարել՝
-թիվ ԵԴ1/1042/01/24 քրեական գործով Երևան քաղաքի առաջին ատյանի ընդհանուր իրավասության քրեական դատարանի 2024 թվականի սեպտեմբերի 4-ի դատավճռով նշանակված պատիժը՝ 375.000 (երեք հարյուր յոթանասունհինգ հազար) ՀՀ դրամ տուգանքը,
-թիվ ՇԴ1/0273/01/24 քրեական գործով Շիրակի մարզի առաջին ատյանի ընդհանուր իրավասության դատարանի 2024 թվականի հոկտեմբերի 16-ի դատավճռով նշանակված պատիժը՝ 375.000 (երեք հարյուր յոթանասունհինգ հազար) ՀՀ դրամ տուգանքը։
2. Արմեն Գրիգորի Ղանդիլյանի նկատմամբ վերջնական պատիժ նշանակել տուգանք՝ 1.125.000 (մեկ միլիոն հարյուր քսանհինգ հազար) ՀՀ դրամի չափով:
3. Արմեն Ղանդիլյանին թույլատրել 1.125.000 (մեկ միլիոն հարյուր քսանհինգ հազար) ՀՀ դրամի չափով նշանակված տուգանքը վճարել մաս առ մաս՝ 12 (տասներկու) ամիսների ընթացքում՝ յուրաքանչյուր ամիս վճարելով նվազագույնը 93.750 (իննսուներեք հազար յոթ հարյուր հիսուն) ՀՀ դրամ:
4. Արմեն Ղանդիլյանի նկատմամբ կիրառված խափանման միջոցը՝ բացակայելու արգելքը, թողնել անփոփոխ՝ մինչև դրա իրավաչափության պայմանների փոփոխումը՝ բայց ոչ ավելի, քան դատավճռի օրինական ուժի մեջ մտնելը:
5. Վարութային ծախսերի հարցը համարել լուծված:
Դատավճիռը վերաքննության կարգով կարող է բողոքարկվել Հայաստանի Հանրապետության վերաքննիչ քրեական դատարան՝ ստանալու օրվանից հետո՝ մեկամսյա ժամկետում:



ԴԱՏԱՎՈՐ ԱՐՇԱԿ ՄԱԹԵՎՈՍՅԱՆ

(1) Ծնված՝ 1985 թվականի հոկտեմբերի 30-ին Վրաստանի Հանրապետությունում, ազգությամբ հայ, Հայաստանի Հանրապետության և Վրաստանի Հանրապետության քաղաքացի, միջնակարգ կրթությամբ, ամուսնացած, խնամքին երկու անչափահաս երեխա, նախկինում դատապարտված, չի աշխատում, հաշվառված է և բնակվում է Երևան քաղաքի Վիլնյուսի փողոցի 55 շենքի թիվ 69 բնակարանում, որպես խափանման միջոց է կիրառված բացակայելու արգելքը
(2) Տե՛ս, քրեական գործ, հատոր 1, թերթեր 26-27
(3) Տե՛ս, քրեական գործ, հատոր 1, թերթ 5
(4) 2.5-2.7 կետերի վերաբերյալ տե՛ս Դատարանում ստեղծված և Դատարան ստացված նյութերը