ԵԴ1/3361/01/24


Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

04.12.2024 թվական ք.Երևան

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ
ՔՐԵԱԿԱՆ ԴԱՏԱՐԱՆ

ՆԱԽԱԳԱՀՈՂ ԴԱՏԱՎՈՐ՝ Ժ.ՉԻՉՈՅԱՆ
ՆԻՍՏԻ ՔԱՐՏՈՒՂԱՐ՝ Ա.ԱՍՏՎԱԾԱՏՐՅԱՆ
ՄԱՍՆԱԿՑՈՒԹՅԱՄԲ`
ՀԱՆՐԱՅԻՆ ՄԵՂԱԴՐՈՂ՝ Ռ.ՀԱՐՈՒԹՅՈՒՆՅԱՆԻ
ՊԱՇՏՊԱՆ՝ Վ.ԲԵԳՈՅԱՆԻ

Դռնբաց դատական նիստում, մեղադրյալի բացակայությամբ՝ վարույթի հեռակա կարգով, քննության առնելով քրեական գործն ըստ մեղադրանքի Արթուր Էդուարդի Փահլևանյանի՝ ծնված 11.01.1998 թվականին, ազգությամբ հայ, ՀՀ քաղաքացի, չդատապարտված, հաշվառված՝ Երևան քաղաքի Ա․Խաչատրյան փողոցի 79-րդ հասցեի տանը, որպես խափանման միջոց է ընտրված Հայաստանի Հանրապետությունից բացակայելու արգելքը, մեղադրվում է 2 դրվագ՝ ՀՀ քրեական օրենսգրքի 344-րդ հոդվածի 2-րդ մասով, 04.12.2024 թվականին Ա.Փահլևանյանի վերաբերյալ կայացվել է մեղադրական վերդիկտ՝ 2 դրվագ՝ ՀՀ քրեական օրենսգրքի 344-րդ հոդվածի 2-րդ մասով.

I.Գործի դատավարական նախապատմությունը.

2024 թվականի օգոստոսի 22-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ՝ Հ.Կիրակոսյանը արձանագրություն է կազմել թիվ 60570424 քրեական վարույթը նախաձեռնելու մասին:
2024 թվականի օգոստոսի 22-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ՝ Հ.Կիրակոսյանը որոշում է կայացրել թիվ 60582324 քրեական վարույթը թիվ 60570424 քրեական վարույթին միացնելու մասին։
2024 թվականի սեպտեմբերի 10-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ՝ Հ.Կիրակոսյանը արձանագրություն է կազմել թիվ 60582324 քրեական վարույթը նախաձեռնելու մասին։
2024 թվականի սեպտեմբերի 18-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ՝ Հ.Կիրակոսյանը միջնորդություն է հարուցել թիվ 60570424 քրեական վարույթով հսկող դատախազին Արթուր Էդուարդի Փահլևանյանի նկատմամբ ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով հանրային քրեական հետապնդում հարուցելու մասին:
2024 թվականի սեպտեմբերի 18-ին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Ռ.Հարությունյանը որոշում է կայացրել քրեական վարույթով ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով Արթուր Էդուարդի Փահլևանյանի վերաբերյալ հանրային քրեական հետապնդում հարուցելու մասին, մեղադրանքի փաստական կողմի հետևյալ նկարագրությամբ․ «[ն]ա, չունենալով տրանսպորտային միջոցներ վարելու իրավունք և միաժամանակ գտնվելով ոչ սթափ վիճակում, 2024 թվականի օգոստոսի 12-ին և 2024 թվականի օգոստոսի 18-ին վարել է ավտոմեքենա:
Այսպես.
Արթուր Էդուարդի Փահլևանյանը չունենալով տրանսպորտային միջոցներ վարելու իրավունք և գտնվելով ոչ սթափ վիճակում (սթափության վիճակի զննման կտրոնի համարը՝ 01729)՝ մեկ լիտր արտաշնչած օդի մեջ մաքուր ալկոհոլի պարունակությունը 0.543 մգ/լ (առնվազն՝ 0.4887 մգ/լ՝ նկատի ունենալով ստուգաչափող թիվ 91100906 ալկոտեստեր սարքի չափման ճշտության հնարավոր 10% սխալանքը), 2024 թվականի օգոստոսի 12-ին՝ ժամը 02:45-ին, Երևան քաղաքի Սարյան փողոցում վարել է «Տոյոտա» մակնիշի 06 CC 600 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության պարեկ Հովհաննես Սարգսյանի կողմից նույն օրը' ժամը 02:48-ին, կազմվել է վարչական իրավախախտման վերաբերյալ թիվ 8180409309 արձանագրությունը:
Բացի այդ, Արթուր էդուարդի Փահլևանյանը չունենալով տրանսպորտային միջոցներ վարելու իրավունք և գտնվելով ոչ սթափ վիճակում (սթափության վիճակի զննման կտրոնի համարը՝ 01929)՝ մեկ լիտր արտաշնչած օդի մեջ մաքուր ալկոհոլի պարունակությունը 0.568 մգ/լ (առնվազն՝ 0.5112 մգ/լ՝ նկատի ունենալով ստուգաչափող թիվ 91101009 ալկոտեստեր սարքի չափման ճշտության հնարավոր 10% սխալանքը), 2024 թվականի օգոստոսի 18-ին՝ ժամը 02:15-ին, Երևան քաղաքի Հալաբյան փողոցում վարել է «Մերսեդես» մակնիշի 88 OH 888 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության պարեկ Դավիթ Ասատրյանի կողմից նույն օրը՝ ժամը 02:22-ին, կազմվել է վարչական իրավախախտման վերաբերյալ թիվ 8180407497 արձանագրությունը:»
2024 թվականի սեպտեմբերի 18-ին Արթուր Էդուարդի Փահլևանյանի նկատմամբ որպես խափանման միջոց է ընտրվել Հայաստանի Հանրապետությունից բացակայելու արգելքը:
2024 թվականի սեպտեմբերի 26-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ՝ Հ.Կիրակոսյանը միջնորդություն է հարուցել թիվ 60570424 քրեական վարույթով հսկող դատախազին Արթուր Էդուարդի Փահլևանյանի նկատմամբ հարուցված հանրային քրեական հետապնդման ժամկետը կասեցնելու մասին:
2024 թվականի սեպտեմբերի 26-ին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Ռ.Հարությունյանը որոշում է կայացրել քրեական վարույթով ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով Արթուր Էդուարդի Փահլևանյանի վերաբերյալ հարուցված հանրային քրեական հետապնդման ժամկետը կասեցնելու մասին։
2024 թվականի հոկտեմբերի 30-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ՝ Հ.Կիրակոսյանը միջնորդություն է հարուցել թիվ 60570424 քրեական վարույթով հսկող դատախազին Արթուր Էդուարդի Փահլևանյանի նկատմամբ հարուցված հանրային քրեական հետապնդման կասեցված ժամկետը վերսկսելու մասին:
2024 թվականի հոկտեմբերի 30-ին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Ռ.Հարությունյանը որոշում է կայացրել քրեական վարույթով ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով Արթուր Էդուարդի Փահլևանյանի վերաբերյալ հարուցված հանրային քրեական հետապնդման կասեցված ժամկետը վերսկսելու մասին։
2024 թվականի հոկտեմբերի 30-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ՝ Հ.Կիրակոսյանը որոշում է կայացրել թիվ 60570424 քրեական վարույթով մեղադրյալ Արթուր Էդուարդի Փահլևանյանի նկատմամբ հեռակա վարույթ իրականացնելու մասին։
2024 թվականի հոկտեմբերի 31-ին կազմվել է մեղադրական եզրակացությունը:
2024 թվականի նոյեմբերի 13-ին Երևան քաղաքի Կենտրոն և Նորք-Մարաշ վարչական շրջանների դատախազության դատախազ Ռ.Հարությունյանը որոշում է կայացրել մեղադրական եզրակացությունը հաստատելու մասին:
2024 թվականի նոյեմբերի 15-ին քրեական գործը մուտք է եղել դատարան, էլեկտրոնային եղանակով մակագրվել և 2024 թվականի նոյեմբերի 18-ին հանձնվել է դատավոր Ժ.Չիչոյանին:
2024 թվականի նոյեմբերի 20-ին որոշում է կայացվել քրեական գործով վարույթ ստանձնելու և նախնական դատալսումներ նշանակելու մասին:
2024 թվականի դեկտեմբերի 04-ին որոշում է կայացվել Ա.Փահլևանյանի նկատմամբ կիրառված խափանման միջոց՝ Հայաստանի Հանրապետությունից բացակայելու արգելքը անփոփոխ թողնելու մասին:
2024 թվականի դեկտեմբերի 04-ին որոշում է կայացվել հիմնական դատալսումներ նշանակելու մասին:
2024 թվականի դեկտեմբերի 04-ին մեղադրյալ Արթուր Էդուարդի Փահլևանյանի նկատմամբ կայացվել է մեղադրական վերդիկտ, նույն օրը որոշում է կայացվել լրացուցիչ դատալսումներ անցկացնելու մասին:

II.Հեռակա դատաքննության ընթացքում հետազոտված թույլատրելի ապացույցները.

2024 թվականի օգոստոսի 12-ին՝ ժամը 02:48-ին, Երևան քաղաքի Սարյան փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 2-րդ գումարտակի 2-րդ վաշտի պարեկ Հովհաննես Սարգսյանի /կրծքանշան թիվ 06507/ կողմից կազմված վարչական իրավախախտման վերաբերյալ թիվ 8180409309 արձանագրությունը, համաձայն որի՝ Արթուր էդուարդի Փահլևանյանը (ծնված՝ 22.01.1998թ.) չունենալով տրանսպորտային միջոցներ վարելու իրավունք՝ ժամը 02:45-ի սահմաններում Երևան քաղաքի Սարյան փողոցում՝ ոչ սթափ վիճակում վարել է «Տոյոտա» մակնիշի 06 CC 600 հաշվառման համարանիշի տրանսպորտային միջոցը: Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն: Արձանագրությանը ծանոթացա, իմ իրավունքների ու պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումը ստանալու հատվածում առկա է ստորագրություն:
(հատոր 1-ին գ.թ. 4, դատական նիստի արձանագրություն)
Ալկոհոլի պարունակության ստուգման կտրոնը, համաձայն որի՝ ստուգաչափման սարքի համարն է՝ 91100906, զննման համարը՝ 01729, զննման ամսաթիվը՝ 12.08.2024թ., զննման ժամը՝ 02:46:42, վերջին ստուգաչափման ամսաթիվը՝ 05.04.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.543մգ/լ, վարորդի անունն է՝ Արթուր, ազգանունը՝ Փահլևանյան, տրանսպորտային միջոցի համարանիշը՝ 06 CC 600, ՀԾՀ- 3201980483, Պ/Ծ ազգանունը՝ Ղարիբյան, կրծքանշանի համարը՝ 11318, ստորաբաժանում՝ 2-րդ գումարտակ, 2-րդ վաշտ:
(հատոր 1-ին գ.թ. 5, դատական նիստի արձանագրություն)
ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 120899 ստուգաչափման վկայականը, համաձայն որի՝ վկայականը ուժի մեջ է 2024 թվականի ապրիլի 05-ից մինչև 2025 թվականի ապրիլի 05-ը, ստուգաչափման սարքի գործարանային համարն է 91100906, տեսակը՝ Jupiter X/RP, չափման տիրույթը՝ 0.00+2.000մգ/լ, ճշտության դասը, կարգը /սխալանքը/ +10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008 MП 242-1353 -2012, ստուգաչափող անվան դիմաց առկա է ստորագրություն և նշված է Ա.Գուլքանյան, իսկ բաժնի /լաբորատորիայի վարիչ/ անվան դիմաց առկա ստորագրություն և նշված է Գ.Մարտիրոսյան:
(հատոր 1-ին գ.թ. 6, դատական նիստի արձանագրություն)
ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվությունը, համաձայն որի՝ Արթուր էդուարդի Փահլևանյանի /սոցիալական քարտ' 3201980183/ անվամբ վարորդական վկայական առկա չէ:
(հատոր 1-ին գ.թ. 7, դատական նիստի արձանագրություն)
ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկանքի զննությունը, համաձայն որի՝ Արթուր Էդուարդի Փահլևանյանը՝ ծնված 22.01.1998թ. անձնագիր՝ 011603321, հաշվառված է քաղաք Երևան, Ա.Խաչատրյան փողոց 79 տուն հասցեում:
(հատոր 1-ին գ.թ. 8, դատական նիստի արձանագրություն)
2024 թվականի օգոստոսի 18-ին՝ ժամը 02:22-ին, Երևան քաղաքի Հալաբյան փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 2-րդ վաշտի կրտսեր պարեկ Դավիթ Ասատրյանի /կրծքանշան թիվ 07395/ կողմից կազմված վարչական իրավախախտման վերաբերյալ թիվ 8180407497 արձանագրությունը, համաձայն որի՝ Արթուր Էդուարդի Փահլևանյանը (ծնված՝ 22.01.1998թ.) չունենալով տրանսպորտային միջոցներ վարելու իրավունք՝ 18.08.2024թ. ժամը 02:15-ի սահմաններում Երևան քաղաքի Հալաբյան փողոցում՝ ոչ սթափ վիճակում վարել է «Մերսեդես» մակնիշի 88 OH 888 հաշվառման համարանիշի տրանսպորտային միջոցը: Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն: Արձանագրությանը ծանոթացա, իմ իրավունքների ու պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումը ստանալու հատվածում առկա է ստորագրություն:
(հատոր 1-ին գ.թ. 18, դատական նիստի արձանագրություն)
Ալկոհոլի պարունակության ստուգման կտրոնը, համաձայն որի՝ ստուգաչափման սարքի համարն է՝ 91101009, զննման համարը՝ 01929, զննման ամսաթիվը՝ 18.08.2024թ., զննման ժամը՝ 02:19:09, վերջին ստուգաչափման ամսաթիվը՝ 23.05.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.568մգ/լ, վարորդի անունն է՝ Արթուր, ազգանունը՝ Փահլևանյան, տրանսպորտային միջոցի համարանիշը՝ 88 OH 888, անձ. 011603321, Պ/Ծ ազգանունը՝ Սողոմոնյան, կրծքանշանի համարը՝ 05338, ստորաբաժանում՝ 4-րդ գումարտակ, 2-րդ վաշտ:
(հատոր 1-ին գ.թ. 19, դատական նիստի արձանագրություն)
ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 125433 ստուգաչափման վկայականը, համաձայն որի՝ վկայականը ուժի մեջ է 2024 թվականի մայիսի 23-ից մինչև 2025 թվականի մայիսի 23-ը, ստուգաչափման սարքի գործարանային համարն է 91101009, տեսակը՝ Jupiter X/RP, չափման տիրույթը՝ 0.00+200մգ/լ, ճշտության դասը, կարգը /սխալանքը/ +10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի հ41/2835-2008 242-1353 -2012, ստուգաչափող անվան դիմաց առկա է ստորագրություն և նշված Ա.Գուլքանյան, իսկ բաժնի /լաբորատորիայի վարիչ/ առկա ստորագրություն և նշված է Գ.Մարտիրոսյան:
(հատոր 1-ին գ.թ. 20, դատական նիստի արձանագրություն)
2024 թվականի սեպտեմբերի 17-ի զննում կատարելու մասին արձանագրությունը, համաձայն որի՝ զննության են ենթարկվել վերոնշյալ փաստաթղթերը:
(հատոր 1-ին գ.թ. 29-31, դատական նիստի արձանագրություն)
2024 թվականի սեպտեմբերի 17-ի քննիչի որոշմամբ որպես արտավարույթային փաստաթուղթ ապացույց ճանաչված և քրեական վարույթին կցված՝ Արթուր Էդուարդի Փահլևանյանի նկատմամբ կազմված վարչական իրավախախտման վերաբերյալ թիվ 8180409309, 8180407497 արձանագրությունների, ալկոհոլի պարունակության ստուգման թիվ 01729, 01929 կտրոնների, ստուգաչափման թիվ 120899, 125433 վկայականների, ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ, ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության պատճենները:
(հատոր 1-ին գ.թ. 32-33, դատական նիստի արձանագրություն)

III.Դատարանի պատճառաբանությունը և եզրահանգումները.

Հեռակա դատալսումների ընթացքում պատշաճ իրավական ընթացակարգով հետազոտված թույլատրելի ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով, Դատարանը հաստատված է համարում, որ Արթուր Էդուարդի Փահլևանյանը չունենալով տրանսպորտային միջոցներ վարելու իրավունք և գտնվելով ոչ սթափ վիճակում (սթափության վիճակի զննման կտրոնի համարը՝ 01729)՝ մեկ լիտր արտաշնչած օդի մեջ մաքուր ալկոհոլի պարունակությունը 0.543 մգ/լ (առնվազն՝ 0.4887 մգ/լ՝ նկատի ունենալով ստուգաչափող թիվ 91100906 ալկոտեստեր սարքի չափման ճշտության հնարավոր 10% սխալանքը), 2024 թվականի օգոստոսի 12-ին՝ ժամը 02:45-ին, Երևան քաղաքի Սարյան փողոցում վարել է «Տոյոտա» մակնիշի 06 CC 600 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության պարեկ Հովհաննես Սարգսյանի կողմից նույն օրը' ժամը 02:48-ին, կազմվել է վարչական իրավախախտման վերաբերյալ թիվ 8180409309 արձանագրությունը: Բացի այդ, Արթուր էդուարդի Փահլևանյանը չունենալով տրանսպորտային միջոցներ վարելու իրավունք և գտնվելով ոչ սթափ վիճակում (սթափության վիճակի զննման կտրոնի համարը՝ 01929)՝ մեկ լիտր արտաշնչած օդի մեջ մաքուր ալկոհոլի պարունակությունը 0.568 մգ/լ (առնվազն՝ 0.5112 մգ/լ՝ նկատի ունենալով ստուգաչափող թիվ 91101009 ալկոտեստեր սարքի չափման ճշտության հնարավոր 10% սխալանքը), 2024 թվականի օգոստոսի 18-ին՝ ժամը 02:15-ին, Երևան քաղաքի Հալաբյան փողոցում վարել է «Մերսեդես» մակնիշի 88 OH 888 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության պարեկ Դավիթ Ասատրյանի կողմից նույն օրը՝ ժամը 02:22-ին, կազմվել է վարչական իրավախախտման վերաբերյալ թիվ 8180407497 արձանագրությունը: Այլ խոսքով, Դատարանը հանգում է այն հետևության, որ մեղադրյալ Արթուր էդուարդի Փահլևանյանը կատարել է իրեն մեղսագրված արարքը, որի համար կիրառելի է ՀՀ քրեական օրենսգրքի 344-րդ հոդվածի 2-րդ մասը և ՀՀ քրեական օրենսգրքի 344-րդ հոդվածի 2-րդ մասը:
ՀՀ քրեական օրենսգրքի 55-րդ հոդվածի 1-ին մասի համաձայն.
§1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:¦
ՀՀ քրեական օրենսգրքի 69-րդ հոդվածի 1-ին մասի համաձայն.
§1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե Դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ:¦
ՀՀ քրեական օրենսգրքի 344-րդ հոդվածի 2-րդ մասի համաձայն.
§Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով (…)¦
Դատարանը հաստատված համարելով հանցագործության և դրա կատարման մեջ Արթուր էդուարդի Փահլևանյանի մեղքի ապացուցված լինելը, գտնում է, որ նա ենթակա է պատժի կատարածի համար:
Դատարանը ՀՀ քրեական օրենսգրքի հոդվածների համապատասխան Արթուր էդուարդի Փահլևանյանի նկատմամբ նշանակվող պատժի տեսակը և չափը որոշվելիս հաշվի է առնում կատարված հանցագործության եղանակը, հանցագործության շարժառիթներն ու նպատակները, նրա անձը բնութագրող տվյալները՝ այն որ դատապարտված չի եղել, ինչպես նաև նշանակվող պատժի` մեղադրյալի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցության հանգամանքը:
Դատարանը, ղեկավարվելով ՀՀ քրեական օրենսգրքի 70-րդ հոդվածով արձանագրում է, որ Արթուր էդուարդի Փահլևանյանի պատասխանատվությունը կամ պատիժը մեղմացնող հանգամանքներ չկան:
Դատարանը ղեկավարվելով ՀՀ քրեական օրենսգրքի 71-րդ հոդվածով արձանագրում է, որ Արթուր էդուարդի Փահլևանյանի պատասխանատվությունը կամ պատիժը ծանրացնող հանգամանքներ չկան:
Դատարանը՝ հիմք ընդունելով մեղադրյալի կողմից կատարած հանցագործության եղանակը, տեղը, ժամանակը, հանցագործության շարժառիթը և նպատակները, դիտավորության տեսակը, պատասխանատվությունը և պատիժը մեղմացնող ու ծանրացնող հանգամանքների բացակայությունը և ղեկավարվելով ՀՀ քրեական օրենսգրքի 7-րդ հոդվածի 1-ին, 55-րդ և 69-րդ հոդվածներով, գտնում է, որ Արթուր էդուարդի Փահլևանյանի նկատմամբ պետք է նշանակել ՀՀ քրեական օրենսգրքի 344-րդ հոդվածի 2-րդ մասի և ՀՀ քրեական օրենսգրքի 344-րդ հոդվածի 2-րդ մասի սանկցիայով նախատեսված տուգանքի ձևով պատիժ:
ՀՀ քրեական օրենսգրքի 59-րդ հոդվածի համաձայն.
§(…)
Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով։ (…)¦
Քրեաիրավական նշված նորմի վերլուծությունից պարզ է դառնում, որ տուգանքի հաշվարկման հիմքում դրվում է ոչ թե նվազագույն աշխատավարձը, այսինքն պետությունում սահմանված ֆիքսված որևէ գումար, այլ հանցանք կատարած անձի եկամուտը:
ՀՀ քրեական օրենսգրքի 3-րդ հոդվածի համաձայն.
§(…)
Ամսական եկամուտ` հանցանքն ավարտվելու օրվան նախորդող 12 ամիսների ընթացքում անձի ստացած միջին ամսական եկամտի 35 տոկոսը: Միջին ամսական եկամտի մեջ հաշվարկվում են ստացվող աշխատավարձը և դրան հավասարեցված այլ վճարումները, (…)¦:
Հաշվի առնելով այն, որ քրեական նոր օրենսգրքում տուգանքի հաշվարկման հիմքում դրվում է հանցանք կատարած անձի եկամուտը, օրենսդիրը կարգավորել է նաև այն իրավիճակները, երբ անձը եկամուտ չունի կամ դրա չափը անհնարին է պարզել: Այդ դեպքերում տուգանքի չափը հաշվարկվում է հանցանքը կատարելու պահին նվազագույն ամսական աշխատավարձի չափով:
Հաշվի առնելով, այն հանգամանքը, որ մեղադրյալ Արթուր Փահլևանյանը չի հանդիսանում վարձու աշխատող, ուստի վերջինիս նկատմամբ որպես պատիժ նշանակվող տուգանքի չափը պետք է որոշվի ՀՀ-ում սահմանված նվազագույն ամսական աշխատավարձի չափով:
2022 թվականի դեկտեմբերի 7-ին ընդունված՝ «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն՝ 2023 թվականի հունվարի 1-ին ՀՀ-ում որպես նվազագույն ամսական աշխատավարձ է սահմանվել 75.000 ՀՀ դրամը:
Դատարանը հիմք ընդունելով մեղադրյալ Արթուր Փահլևանյանի անձը բնութագրող տվյալները, պատիժն ու պատասխանատվությունը մեղմացնող և ծանրացնող հանգամանքների բացակայությունը, ինչպես նաև վերջինիս կողմից կատարված հանցանքի բնույթն ու նշանակությունը գտնում է, որ վերջինիս նկատմամբ ՀՀ քրեական օրենսգրքի 344-րդ հոդվածի 2-րդ մասով որպես պատիժ պետք Է նշանակվի տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով, ինչպես նաև ՀՀ քրեական օրենսգրքի 344-րդ հոդվածի 2-րդ մասով որպես պատիժ պետք Է նշանակվի տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով և ՀՀ քրեական օրենսգրքի 74-րդ հոդվածի 2-րդ մասի կանոնների կիրառմամբ հանցանքների համակցությամբ պատիժները լրիվ գումարելու միջոցով վերջնական պատիժ պետք է նշանակել տուգանք՝ 750.000 (յոթ հարյուր հիսուն հազար) ՀՀ դրամի չափով։
Քննության առնելով 2024 թվականի սեպտեմբերի 17-ի որոշմամբ որպես արտավարույթային փաստաթուղթ ճանաչված և քրեական վարույթին կցված՝ Արթուր Էդուարդի Փահլևանյանի նկատմամբ կազմված վարչական իրավախախտման վերաբերյալ թիվ 8180409309, 8180407497 արձանագրությունների, ալկոհոլի պարունակության ստուգման թիվ 01729, 01929 կտրոնների, ստուգաչափման թիվ 120899, 125433 վկայականների, ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ, ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության պատճենների հարցը, Դատարանը գտնում է, որ դրանք պետք է պահել քրեական գործի հետ միասին՝ վերջինիս պահելու ամբողջ ժամանակամիջոցում:
Քննության առնելով մեղադրյալի նկատմամբ նախնական դատալսման ընթացքում ընտրված խափանման միջոցի հարցը՝ Դատարանը գտնում է, որ այն պետք է թողնել անփոփոխ` մինչ դատավճռի օրինական ուժի մեջ մտնելը:
Դատարանը գտնում է նաև, որ վարույթային ծախսերի հարցը պետք է համարել լուծված, քանի որ ՀՀ քրեական դատավարության օրենսգրքի 167-րդ հոդվածով նախատեսված վարույթային ծախսը բացակայում է:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 9-րդ, 347-349-րդ հոդվածներով, Դատարանը՝

Վ Ճ Ռ Ե Ց

Արթուր Էդուարդի Փահլևանյանին մեղավոր ճանաչել՝ 2 (երկու) դրվագ՝ ՀՀ քրեական օրենսգրքի 344-րդ հոդվածի 2-րդ մասով նախատեսված արարքներում։
Արթուր Էդուարդի Փահլևանյանի նկատմամբ ՀՀ քրեական օրենսգրքի 344-րդ հոդվածի 2-րդ մասով պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
Արթուր Էդուարդի Փահլևանյանի նկատմամբ ՀՀ քրեական օրենսգրքի 344-րդ հոդվածի 2-րդ մասով պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի 2-րդ մասի կանոնների կիրառմամբ հանցանքների համակցությամբ պատիժները լրիվ գումարելու միջոցով վերջնական պատիժ նշանակել տուգանք՝ 750.000 (յոթ հարյուր հիսուն հազար) ՀՀ դրամի չափով։
2024 թվականի սեպտեմբերի 17-ի որոշմամբ որպես արտավարույթային փաստաթուղթ ճանաչված և քրեական վարույթին կցված՝ Արթուր Էդուարդի Փահլևանյանի նկատմամբ կազմված վարչական իրավախախտման վերաբերյալ թիվ 8180409309, 8180407497 արձանագրությունների, ալկոհոլի պարունակության ստուգման թիվ 01729, 01929 կտրոնների, ստուգաչափման թիվ 120899, 125433 վկայականների, ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ, ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության պատճենները, պահել գործի հետ միասին՝ վերջինիս պահելու ամբողջ ժամանակամիջոցում:
Դատավճռի օրինական ուժի մեջ մտնելուց հետո Արթուր Էդուարդի Փահլևանյանի նկատմամբ ընտրված խափանման միջոց՝ Հայաստանի Հանրապետությունից բացակայելու արգելքը և դրանով պայմանավորված սահմանափակումները, վերացնել:
Վարույթային ծախսերի հարցը համարել լուծված:
Դատավճիռը, այդ թվում՝ հեռակա վարույթի կիրառման ոչ իրավաչափ լինելու հիմքով, կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:


ԴԱՏԱՎՈՐ՝ Ժ.ՉԻՉՈՅԱՆ