Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


ԵԴ1/3344/01/24

«05» փետրվարի 2025թ. ք. Երևան

Երևան քաղաքի առաջին ատյանի ընդհանուր իրավասության քրեական դատարանը

նախագահությամբ դատավոր՝ Ա. Մելիքսեթյանի,
քարտուղարությամբ՝ Ս. Ջավադյանի,

մասնակցությամբ.
հանրային մեղադրող՝ Ա․ Ալեքյանի,

դռնբաց դատական նիստում, քննելով քրեական գործն ըստ մեղադրանքի՝
Աշոտ Տիգրանի Աբրահամյանի՝ /ծնված՝ 24․02․2001թ. ք․ Երևանում, ազգությամբ հայ, ՀՀ քաղաքացի, չամուսնացած, նախկինում չդատապարտված, անհատ ձեռնարկատեր, հաշվառված՝ ք․ Երևան, Արտաշիսյան փողոց, 40/8 շենք, 17 բնակարան հասցեում, բնակվող՝ ք․ Երևան, Սասունցի Դավիթ 70/2 շենք, 1-ին բնակարան հասցեում/ ՀՀ քրեական օրենսգրքի 344-րդ հոդվածի 1-ին մասով /չորս դրվագ/,

Պ Ա Ր Զ Ե Ց

1.Գործի դատավարական պատմությունը.
1.1․ 2023թ․ հունվարի 09-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60113323 քրեական վարույթը:
1․2․ 2023թ․ փետրվարի 22-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60839823 քրեական վարույթը:
1․3․ 2023թ․ փետրվարի 22-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60839923 քրեական վարույթը:
1․4․ 2023թ․ փետրվարի 28-ին որոշում է կայացվել թիվ 60839823, թիվ 60839923 քրեական վարույթները թիվ 60113323 քրեական վարույթին միացնելու և նախաքննությունը թիվ 60113323 քրեական վարույթի համարի ներքո շարունակելու մասին։
1․5․ 2023թ. ապրիլի 28-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60897223 քրեական վարույթը:

1․6․ 2023թ. մայիսի 18-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60914623 քրեական վարույթը:
1․7․ 2023թ․ մայիսի 22-ին որոշում է կայացվել թիվ 60897223, թիվ 60914623 քրեական վարույթները թիվ 60113323 քրեական վարույթին միացնելու և նախաքննությունը թիվ 60113323 քրեական վարույթի համարի ներքո շարունակելու մասին։
1.8․ 2024թ. նոյեմբերի 04-ին որոշում է կայացվել Աշոտ Տիգրանի Աբրահամյանի նկատմամբ ՀՀ քրեական օրենսգրքի 344-րդ հոդվածի 1-ին մասով հանրային քրեական հետապնդում չհարուցելու մասին՝ ՀՀ քրեական դատավարության օրենսգրքի 12-րդ հոդվածի 1-ին մասի 1-ին կետով նախատեսված հիմքով:
1.9․ 2024թ. նոյեմբերի 05-ին որոշում է կայացվել Աշոտ Տիգրանի Աբրահամյանի նկատմամբ ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 1-ին մասով, ՀՀ քրեական օրենսգրքի 344-րդ հոդվածի 1-ին մասով և ՀՀ քրեական օրենսգրքի 344-րդ հոդվածի 1-ին մասով հանրային քրեական հետապնդում հարուցելու մասին:
1.10․ 2024թ. նոյեմբերի 05-ին որոշում է կայացվել Աշոտ Տիգրանի Աբրահամյանի նկատմամբ որպես խափանման միջոց բացակայելու արգելքը կիրառելու մասին:
1.11․ 2024 թվականի նոյեմբերի 14-ին Երևան քաղաքի առաջին ատյանի ընդհանուր իրավասության քրեական դատարան մուտք է եղել ՀՀ դատախազության Երևան քաղաքի Կենտրոն և Նորք-Մարաշ վարչական շրջանների դատախազությունից ստացված նախաքննական 60113323 համարով քրեական գործն ըստ մեղադրանքի Աշոտ Տիգրանի Աբրահամյանի՝ ՀՀ քրեական օրենսգրքի 344-րդ հոդվածի 1-ին մասով /4 դրվագ/, քրեական գործին շնորհվել է ԵԴ1/3344/01/24 դատական գործի համարը, աշխատակազմին է հանձնվել 2024 թվականի նոյեմբերի 15-ին:
1.12․ 2024 թվականի նոյեմբերի 15-ին Դատարանը որոշում է կայացրել թիվ ԵԴ1/3344/01/24 քրեական գործով վարույթը ստանձնելու և նախնական դատալասումներ նշանակելու մասին:


2. Մեղադրանքի փաստական նկարագրությունը.
Աշոտ Տիգրանի Աբրահամյանը 6 ամսով, այն է` 27.09.2022թ.-ից մինչև 27.03.2023թ.-ն ընկած ժամանակահատվածում, տրանապորտային միջոցներ վարելու իրավունքը կասեցված և 08.11.2022թ.-ին իրազեկված լինելով այդ մասին, 2023 թվականի հունվարի 8-ին՝ ժամը 12:50-ի սահմաններում, «ԲՄՎ» մակնիշի, 51 MM 501 հաշվառման համարանիշի տրանսպորտային միջոցը վարել է Երևան քաղաքի Թումանյան փողոց 15 հասցեի հարակից տարածքում, որը հայտնաբերվել է ՀՀ ՆԳՆ ոստիկանության պարեկային ծառայության Երևան քաղաքի գնդի 2-րդ գումարտակի 1-ին վաշտի ծառայողների կողմից և այդ մասին նույն օրը՝ ժամը 13:16-ին, կազմվել է վարչական իրավախախտման վերաբերյալ թիվ 8180167704 արձանագրությունը։
Բացի այդ,
Աշոտ Տիգրանի Արրահամյանը 6 ամսով, այն է՝ 27.09.2022թ.-ից մինչև 27.03.2023թ.-նն ընկած ժամանակահատվածում, տրանսպորտային միջոցներ վարելու իրավունքը կասեցված և 08.11.2022թ.-ին իրազեկված լինելով այդ մասին, 2023 թվականի հունվարի 25-ին՝ ժամը 10:50-ի սահմաններում, «ԲՄՎ» մակնիշի, 51 MM 501 հաշվառման համարանիշի տրանսպորտային միջոցը վարել է Երևան քաղաքի Ազատության պողոտայում, որը հայտնաբերվել է ՀՀ ՆԳՆ ոստիկանության պարեկային ծառայության Երևան քաղաքի գնդի 1-ին գումարտակի 1-ին վաշտի ծառայողների կողմից և այդ մասին նույն օրը ժամը 10:59-ին, կազմվել է վարչական իրավախախտման վերաբերյալ թիվ 8180245550 արձանագրությունը:
Բացի այդ,
Աշոտ Տիգրանի Աբրահամյանը 6 ամսով, այն է՝ 27.09.2022թ.-ից մինչև 27.03.2023թ.-նն ընկած ժամանակահատվածում, տրանսպորտային միջոցներ վարելու իրավունքը կասեցված և 08.11.2022թ.-ին իրազեկված լինելով այդ մասին, 2023 թվականի մարտի 4-ին՝ ժամը 02:22-ի սահմաններում, «Հոնդա» մակնիշի, 36 XF 219 հաշվառման համարանիշի տրանսպորտային միջոցը վարել է Երևան քաղաքի Դավիթ Բեկ փողոց 107 հասցեի հարակից հատվածում, որը հայտնաբերվել է ՀՀ ՆԳՆ ոստիկանության պարեկային ծառայության Երևան քաղաքի գնդի 1-ին գումարտակի 1-ին վաշտի ծառայողների կողմից և այդ մասին նույն օրը՝ ժամը 02:28-ին, կազմվել է վարչական իրավախախտման վերաբերյալ թիվ 8180245675 արձանագրությունը։
Բացի այդ,
Աշոտ Տիգրանի Աբրահամյանը 6 ամսով, այն է՝ 27.09.2022թ.-ից մինչև 27.03.2023թ.-նն ընկած ժամանակահատվածում, տրանսպորտային միջոցներ վարելու իրավունքը կասեցված և 08.11.2022թ.-ին իրազեկված լինելով այդ մասին, 2023 թվականի մարտի 18- ին՝ ժամը 11:10-ի սահմաններում, «Հոնդա» մակնիշի, 36 XF 219 հաշվառման համարանիշի ա տրանսպորտային միջոցը վարել է Երևան քաղաքի Նուբարաշեն 2Ա հասցեի հարակից հատվածում, որը հայտնաբերվել է ՀՀ ՆԳՆ ոստիկանության պարեկային ծառայության Երևան քաղաքի գնդի 1-ին գումարտակի 1-ին վաշտի ծառայողների կողմից և այդ մասին նույն օրը՝ ժամը 12:20-ին, կազմվել է վարչական իրավախախտման վերաբերյալ թիվ 8180245820 արձանագրությունը։


3. Դատաքննությամբ հետազոտված թույլատրելի ապացույցները.
3.1 Զննում կատարելու մասին արձանագրությունը, համաձայն որի՝ զննության է ենթարկվել վարչական իրավախախտման վերաբերյալ թիվ 8180164899 արձանագրությունը: Այն կազմվել է 08.11.2022թ.-ին՝ ժամը 12:31-ին: Արձանագրության համաձայն 08.11.2022թ.-ին` ժամը 12:20-ին Աշոտ Տիգրանի Աբրահամյանը «BMW» մակնիշի 51 MM 501 հաշվառման համարանիշի տրանսպորտային միջոցը Երևան քաղաքի Մաշտոցի պողոտայում վարել է տրանսպորտային միջոցներ վարելու իրավունքը կասեցված վիճակում: Արձանագրությանը ծանոթացա դաշտում առկա է ստորագրություն:
3․2. Զննության է ենթարկվել վարչական իրավախախտման վերաբերյալ թիվ 8180167704 արձանագրությունը: Այն կազմվել է 08.01.2023թ.-ին՝ ժամը 13:16-ին: Արձանագրության համաձայն 08.01.2023թ.-ին՝ ժամը 12:50-ին Աշոտ Տիգրանի Աբրահամյանը «BMW» մակնիշի 51 MM 501 հաշվառման համարանիշի տրանսպորտային միջոցը Երևան քաղաքի Թումանյան փողոցի 15 հասցեի մոտ վարել է տրանսպորտային միջոցներ վարելու իրավունքը կասեցված վիճակում: Արձանագրությանը ծանոթացա դաշտում առկա է ստորագրություն:
3․3. Զննության է ենթարկվել վարչական իրավախախտման վերաբերյալ թիվ 8180245550 արձանագրությունը: Այն կազմվել է 25.01.2023թ.-ին՝ ժամը 10:59-ին: Արձանագրության համաձայն 25.01.2023թ.-ին՝ ժամը 10:50-ին Աշոտ Տիգրանի Աբրահամյանը «BMW» մակնիշի 51 MM 501 հաշվառման համարանիշի տրանսպորտային միջոցը Երևան քաղաքի Ազատության պողոտայում վարել է տրանսպորտային միջոցներ վարելու իրավունքը կասեցված վիճակում: Արձանագրությանը ծանոթացա դաշտում առկա է ստորագրություն:
3․4. Զննության է ենթարկվել վարչական իրավախախտման վերաբերյալ թիվ 8180245820 արձանագրությունը: Այն կազմվել է 18.03.2023թ.-ին՝ ժամը 12:20-ին: Արձանագրության համաձայն 18.03.2023թ.-ին՝ ժամը 11:10-ին Աշոտ Տիգրանի Աբրահամյանը «Honda» մակնիշի 36 XF 219 հաշվառման համարանիշի տրանսպորտային միջոցը Երևան քաղաքի Նուբարաշեն փողոցի 2ա հասցեում վարել է տրանսպորտային միջոցներ վարելու իրավունքը կասեցված վիճակում: Արձանագրությանը ծանոթացա դաշտում առկա է ստորագրություն:
3․5. Զննության է ենթարկվել վարչական իրավախախտման վերաբերյալ թիվ 8180245675 արձանագրությունը: Այն կազմվել է 04.03.2023թ.-ին՝ ժամը 02:28-ին: Արձանագրության համաձայն 04.03.2023թ.-ին՝ ժամը 02:22-ին Աշոտ Տիգրանի Աբրահամյանը «Honda» մակնիշի 36 XF 219 հաշվառման համարանիշի տրանսպորտային միջոցը Երևան քաղաքի Դավիթ Բեկ փողոցում վարել է տրանսպորտային միջոցներ վարելու իրավունքը կասեցված վիճակում: Արձանագրությանը ծանոթացա դաշտում առկա է ստորագրություն:
3․6. Զննության է ենթարկվել ՀՀ ՆԳՆ ոստիկանության Ճանապարհային ոստիկանության էլեկտրոնային ռեգիստրից կատարված պատճենը, համաձայն որի Աշոտ Տիգրանի Աբրահամյանի /ծնվ. 24.02.2001թ., ՀԾՀ՝ 3422010238/ տրանսպորտային միջոցներ վարելու իրավունքը կասեցվել է 27.09.2022թ.-ից մինչև 27.03.2023թ.-նն:
3․7․ Զննության է ենթարկվել վարչական տույժ նշանակելու մասին թիվ 2215079726 որոշումը: Այն կայացվել է՝ 2022 թվականի օգոստոսի 26-ին ՀՀ ՆԳՆ ոստիկանության տեխնիկական միջոցներով հայտնաբերված իրավախախտումների վերաբերյալ գործերի քննության բաժնի տեսուչ Հովհաննես Գյուլումյանի կողմից: Որոշման համաձայն Աշոտ Տիգրանի Աբրահամյանի տրանսպորտային միջոցներ վարելու իրավունքի վկայականը կասեցվել է 6 ամիս ժամկետով՝ 13.08.2022 թվականին ժամը՝ 01:59-ին կատարված վարչական իրավախախտման ՝ արդյունքում, որի համաձայն վերջինս հանելով արագաչափ սարքի հնարավոր սխալանքի 10 կմ/ժ չափը՝ բնակավայրում գերազանցել է երթևեկության սահմանված արագությունը 32կմ/ժ-ով:
3․8․ Զննության է ենթարկվել վարչական տույժ նշանակելու մասին թիվ 2215076517 որոշումը: Այն կայացվել է՝ 2022 թվականի օգոստոսի 26-ին ՀՀ ՆԳՆ ոստիկանության տեխնիկական միջոցներով հայտնաբերված իրավախախտումների վերաբերյալ գործերի քննության բաժնի տեսուչ Սաշա Զաքարյանի կողմից: Որոշման համաձայն Աշոտ Տիգրանի Աբրահամյանի տրանսպորտային միջոցներ վարելու իրավունքի վկայականը կասեցվել է 6 ամիս ժամկետով՝ 10.08.2022 թվականին ժամը՝ 04:48-ին կատարված վարչական իրավախախտման արդյունքում, որի համաձայն վերջինս հանելով արագաչափ սարքի հնարավոր սխալանքի 10կմ/ժ չափը՝ բնակավայրում գերազանցել է երթևեկության սահմանված արագաությունը 15կմ/ժ-ով:
3․9․ Որպես արտավարութային փաստաթուղթ ճանաչված՝ Աշոտ Տիգրանի Աբրահամյանի նկատմամբ կազմված վարչական իրավախախտման վերաբերյալ թիվ 8180164899, 8180167704, 8180245550, 8180245820 և 8180245675 արձանագրությունների, վարչական տույժ նշանակելու մասին թիվ 2215079726 և 2215076517 որոշումների, ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության պատճենի և «ՀայՓոստ» ՓԲ առաքանու թերթիկի պատճենները։
3.10․ Մեղադրյալ Աշոտ Տիգրանի Աբրահամյանը դատարանում հրաժարվեց ցուցմունք տալ, սակայն չհրաժարվեց նախաքննության ընթացքում իր տված ցուցմունքից, ուստի հանրային մեղադրողի միջնորդությամբ հրապարակվեց վերջինիս նախաքննության ընթացքում վկայի դատավարական կարգավիճակով տված ցուցմունքը, համաձայն որի՝ «(…)Վկա՝ Աշոտ Տիգրանի Աբրահամյանը ցուցմունք տվեց հետևյալի մասին, որ 2215079726 և 2215076517 վարչական տույժ նշանակելու մասին որոշումները չի ստացել, քանի որ այն առաքվել է իր հաշվառման հասցեով: Իր վարորդական իրավունքի վկայականը կասեցնելու մասին առաջին անգամ իմացել է պարեկային ծառայության աշխատակիցներից երբ կանգնեցրել են իրեն և արձանագրություն կազմել, իր հիշելով դա եղել է 08.11.2022 թվականին, երբ Մաշտոցի պողոտայում կանգնեցրել են իր կողմից շահագործվող «ԲՄՎ» մակնիշի 51 MM 501 հաշվառման համարանիշի ավտոմեքենան: Հայտնել է, որ դրանից հետո, երբ եղել է արդեն տեղեկացված, որ իր վարորդական իրավունքի վկայականը կասեցված է՝ խիստ անհրաժեշտությունից ելնելով կրկին վարել է ավտոմեքենաններ, որի համար 08.01.2023 թվականին կազմվել է թիվ 818 0167704, 25.01.2023 թվականին կազմվել է թիվ 8180245550, 18.03.2023 թվակակին վարել է «Հոնդա» մակնիշի 36XF219 հաշվառման համարանիշի ավտոմեքենան, որի ժամանակ էլ կազմել են թիվ 818 0245820 արձանագրությունը և 04.03.2023 թվականին կազմվել է թիվ 8180245675 արձանագրությունը, այն մասին, որ վարորդական իրավունքի վկայականը կասեցված վիճակում վարել է ավտոմեքենա, նշված արձանագրությունների վերաբերյալ տեղեկացված է, քանի որ ինքն է վարել ավտոմեքենանները, զղջում է իր կողմից կատարած արարքի համար: Վարորդական իրավունքի վկայականը կասցենելու մասին առաջին անգամ իմացել է Մաշտոցի պողոտայում արձանագրություն կազմելիս 08.11.2022 թվականին: (…)»

4. Դատարանի փաստական վերլուծությունները և դատարանի կողմից հաստատված փաստական հանգամանքները.
Աշոտ Տիգրանի Աբրահամյանը 6 ամսով, այն է` 27.09.2022թ.-ից մինչև 27.03.2023թ.-ն ընկած ժամանակահատվածում, տրանապորտային միջոցներ վարելու իրավունքը կասեցված և 08.11.2022թ.-ին իրազեկված լինելով այդ մասին, 2023 թվականի հունվարի 8-ին՝ ժամը 12:50-ի սահմաններում, «ԲՄՎ» մակնիշի, 51 MM 501 հաշվառման համարանիշի տրանսպորտային միջոցը վարել է Երևան քաղաքի Թումանյան փողոց 15 հասցեի հարակից տարածքում, որը հայտնաբերվել է ՀՀ ՆԳՆ ոստիկանության պարեկային ծառայության Երևան քաղաքի գնդի 2-րդ գումարտակի 1-ին վաշտի ծառայողների կողմից և այդ մասին նույն օրը՝ ժամը 13:16-ին, կազմվել է վարչական իրավախախտման վերաբերյալ թիվ 8180167704 արձանագրությունը։
Բացի այդ,
Աշոտ Տիգրանի Արրահամյանը 6 ամսով, այն է՝ 27.09.2022թ.-ից մինչև 27.03.2023թ.-նն ընկած ժամանակահատվածում, տրանսպորտային միջոցներ վարելու իրավունքը կասեցված և 08.11.2022թ.-ին իրազեկված լինելով այդ մասին, 2023 թվականի հունվարի 25-ին՝ ժամը 10:50-ի սահմաններում, «ԲՄՎ» մակնիշի, 51 MM 501 հաշվառման համարանիշի տրանսպորտային միջոցը վարել է Երևան քաղաքի Ազատության պողոտայում, որը հայտնաբերվել է ՀՀ ՆԳՆ ոստիկանության պարեկային ծառայության Երևան քաղաքի գնդի 1-ին գումարտակի 1-ին վաշտի ծառայողների կողմից և այդ մասին նույն օրը ժամը 10:59-ին, կազմվել է վարչական իրավախախտման վերաբերյալ թիվ 8180245550 արձանագրությունը:
Բացի այդ,
Աշոտ Տիգրանի Աբրահամյանը 6 ամսով, այն է՝ 27.09.2022թ.-ից մինչև 27.03.2023թ.-նն ընկած ժամանակահատվածում, տրանսպորտային միջոցներ վարելու իրավունքը կասեցված և 08.11.2022թ.-ին իրազեկված լինելով այդ մասին, 2023 թվականի մարտի 4-ին՝ ժամը 02:22-ի սահմաններում, «Հոնդա» մակնիշի, 36 XF 219 հաշվառման համարանիշի տրանսպորտային միջոցը վարել է Երևան քաղաքի Դավիթ Բեկ փողոց 107 հասցեի հարակից հատվածում, որը հայտնաբերվել է ՀՀ ՆԳՆ ոստիկանության պարեկային ծառայության Երևան քաղաքի գնդի 1-ին գումարտակի 1-ին վաշտի ծառայողների կողմից և այդ մասին նույն օրը՝ ժամը 02:28-ին, կազմվել է վարչական իրավախախտման վերաբերյալ թիվ 8180245675 արձանագրությունը։
Բացի այդ,
Աշոտ Տիգրանի Աբրահամյանը 6 ամսով, այն է՝ 27.09.2022թ.-ից մինչև 27.03.2023թ.-նն ընկած ժամանակահատվածում, տրանսպորտային միջոցներ վարելու իրավունքը կասեցված և 08.11.2022թ.-ին իրազեկված լինելով այդ մասին, 2023 թվականի մարտի 18-ին՝ ժամը 11:10-ի սահմաններում, «Հոնդա» մակնիշի, 36 XF 219 հաշվառման համարանիշի տրանսպորտային միջոցը վարել է Երևան քաղաքի Նուբարաշեն 2Ա հասցեի հարակից հատվածում, որը հայտնաբերվել է ՀՀ ՆԳՆ ոստիկանության պարեկային ծառայության Երևան քաղաքի գնդի 1-ին գումարտակի 1-ին վաշտի ծառայողների կողմից և այդ մասին նույն օրը՝ ժամը 12:20-ին, կազմվել է վարչական իրավախախտման վերաբերյալ թիվ 8180245820 արձանագրությունը։


5. Դատարանի իրավական վերլուծությունները.
5.1. Վերլուծելով մեղադրյալ Աշոտ Տիգրանի Աբրահամյանին առաջադրված մեղադրանքը և հիմնվելով հետազոտված թույլատրելի ապացույցների վրա` Դատարանը գտնում է, որ.
- ապացուցված է մեղադրյալ Աշոտ Տիգրանի Աբրահամյանին վերագրվող փաստական հանգամանքները, մասնավորապես մեղադրյալ Աշոտ Տիգրանի Աբրահամյանի կողմից տրանսպորտային միջոցներ վարելու իրավունքը կասեցված լինելու պայմաններում 4 /չորս/ անգամ տրանսպորտային միջոց վարելը,
- ապացուցված է վերոգրյալ արարքների քրեական հակաիրավականությունը, որը նախատեսված է ՀՀ քրեական օրենսգրքի 344-րդ հոդվածի 1-ին մասով,
- ապացուցված է մեղադրյալ Աշոտ Տիգրանի Աբրահամյանի կողմից ՀՀ քրեական օրենսգրքի 344-րդ հոդվածի 1-ին մասով նախատեսված վերոգրյալ արարքները կատարելը.
- ապացուցված է մեղադրյալ Աշոտ Տիգրանի Աբրահամյանի մեղավորությունը ՀՀ քրեական օրենսգրքի 344-րդ հոդվածի 1-ին մասով նախատեսված արարքները կատարելու մեջ:
5.2. Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ Սահմանադրության 71-րդ հոդվածի համաձայն
«1. Հանցանք կատարած անձի պատժի հիմքը նրա մեղքն է:
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին»:

ՀՀ քրեական օրենսգրքի 7-րդ հոդվածի 1-ին մասի համաձայն`
«1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:»:

ՀՀ քրեական օրենսգրքի 55-րդ հոդվածի 2-րդ մասի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»:

ՀՀ քրեական օրենսգրքի 69-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ»:

ՀՀ քրեական օրենսգրքի 74-րդ հոդվածի համաձայն`
«1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:»:

Պատիժ նշանակելը քրեական գործով արդարադատության իրականացման վճռական պահն է, որը պետք է դառնա կատարված հանցանքի հասարակական վտանգավորության գնահատման լիարժեք չափանիշ, պատժի ենթարկվող անձին վերասոցիալականացնելու, ինչպես մեղադրյալի, այնպես էլ այլ անձանց կողմից հանցագործությունները կանխելու գործուն միջոց: Արդարության և պատասխանատվության անհատականացման սկզբունքը պատժի տեսակը և չափը որոշելու բազմաթիվ դրույթների ու չափանիշների հետ մեկտեղ անխզելիորեն կապված է պատասխանատվությունը և պատիժը մեղմացնող ու ծանրացնող հանգամանքները հետազոտելու և հաշվի առնելու հետ: ՀՀ քրեական դատավարության օրենսգրքի 102-րդ հոդվածում թվարկված են յուրաքանչյուր քրեական գործով ապացուցման ենթակա փաստական հանգամանքները: Այդ հոդվածի 5-րդ կետի համաձայն քրեական օրենքով նախատեսված պատասխանատվությունը մեղմացնող կամ խստացնող հանգամանքները հաստատվում են միայն ապացույցների հիման վրա: Ընդ որում, անձի պատասխանատվությունը և պատիժը մեղմացնող ու ծանրացնող հանգամանքների գնահատումը յուրաքանչյուր կոնկրետ գործով պատիժ նշանակելիս հնարավորություն է տալիս դատարանին պատկերացում կազմել հանցանքի՝ հանրության համար վտանգավորության աստիճանի, բնույթի, ինչպես նաև հանցավորի անձնավորության մասին և յուրաքանչյուր կոնկրետ գործով անհատականացնել պատիժը: Պատժի անհատականացման կարևորությունն այն է, որ դա լուրջ երաշխիք է ՀՀ քրեական օրենսգրքի 55-րդ հոդվածի 2-րդ մասով սահմանված պատժի նպատակների իրականացման համար:
5.3. Դատարանը որպես մեղադրյալի պատասխանատվությունը և պատիժը մեղմացնող հանգամանք հաշվի է առնում այն, որ ներկայացված մեղադրանքում իրեն լիովին մեղավոր է ճանաչել:
Դատարանը մեղադրյալի պատասխանատվությունը և պատիժը ծանրացնող հանգամանքներ չի արձանագրում:
5.4. Վերոգրյալ իրավանորմերի համատեքստում քննարկելով այն հարցը, թե ինչ պատժատեսակ և պատժաչափ պետք է նշանակվի մեղադրյալի նկատմամբ, հաշվի առնելով մեղադրյալի կատարած հանցագործության բնույթը և հանրության համար վտանգավորության աստիճանը, ինչպես նաև հանցագործության անմիջական օբյեկտի՝ հասարակության անվտանգության դեմ ուղղված ոտնձգության բնույթը և այդ ոլորտում պետության քրեական քաղաքականության ուղղվածությունը, դրանք համադրելով մեղադրյալի անձը բնութագրող տվյալների հետ, հաշվի առնելով նաև մեղադրյալի պատասխանատվությունը և պատիժը մեղմացնող հանգամանքի առկայությունը և ծանրացնող հանգամանքների բացակայությունը, Դատարանը գտնում է, որ մեղադրյալ Աշոտ Տիգրանի Աբրահամյանն իր կատարած՝ ՀՀ քրեական օրենսգրքի 344-րդ հոդվածի 1-ին մասով նախատեսված արարքների կատարման համար ենթակա է պատժի այդ հանցագործության համար նախատեսված պատիժներից առավել մեղմ պատժի` տուգանքի ձևով, իսկ առավել խիստ պատիժ նշանակելու հիմքերը բացակայում են:
Միևնույն ժամանակ, հաշվի առնելով, որ թեև մեղադրյալն աշխատում է, սակայն վերաբերելի ժամանակահատվածում եկամուտներ չի ստացել, Դատարանը գտնում է, որ մեղադրյալի նկատմամբ տուգանքի ձևով պատժի չափը որոշելիս պետք է հաշվի առնել հանցանքը կատարելու պահին նվազագույն աշխատավարձի չափը, որը «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն սահմանված է 75.000 (յոթանասունհինգ հազար) ՀՀ դրամ:
Դատարանը գտնում է, որ 2023 թվականի հունվարի 8-ին կատարված ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության կատարման համար մեղադրյալի նկատմամբ պետք է նշանակվի պատիժ տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով, 2023 թվականի հունվարի 25-ին կատարված ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության կատարման համար մեղադրյալի նկատմամբ պետք է նշանակվի պատիժ տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով, 2023 թվականի մարտի 4-ին կատարված ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության կատարման համար մեղադրյալի նկատմամբ պետք է նշանակվի պատիժ տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով, իսկ 2023 թվականի մարտի 18-ին կատարված ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության կատարման համար մեղադրյալի նկատմամբ պետք է նշանակվի պատիժ տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով։
Դատարանն արձանագրում է, որ ՀՀ քրեական օրենսգրքի 74-րդ հոդվածի 1-ին մասի համաձայն՝ հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, ուստի պատիժները լրիվ գումարելու միջոցով վերջնական պատիժ պետք է սահմանել տուգանք 1.500.000 /մեկ միլիոն հինգ հարյուր հազար/ ՀՀ դրամի չափով, որով կապահովվի ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին և բավարար կլինի սոցիալական արդարությունը վերականգնելու, պատժի ենթարկված անձին վերասոցիալականացնելու և հանցագործությունները կանխելու համար:
Այս համատեքստում անդրադառնալով մեղադրյալի դիրքորոշմանը՝ յուրաքանչյուր դրվագի համար նվազագույն աշխատավարձի հնգապատիկի չափով տուգանքի՝ խիստ լինելուն, Դատարանն արձանագրում է, որ տվյալ դեպքում մեղադրյալի նկատմամբ նշանակվել է տուգանքի նվազագույն չափը, իսկ օրենքով նախատեսվածից ավելի մեղմ պատիժ նշանակելու հիմքեր առկա չեն, քանզի 6 ամսվա ընթացքում առնվազն 4 անգամ վարելը, այլ տվյալների բացակայության պայմաններում չի կարող գնահատվել որպես բացառիկ շարժառիթ, և հիմք հանդիսանա օրենքով նախատեսված ավելի մեղմ պատիժ նշանակելու համար:
5.5. Անդրադառնալով պատիժը մեղադրյալի կողմից կրելու հարցին՝ Դատարանն արձանագրում է, որը մեղադրյալը պատիժը պետք է կրի: Միևնույն ժամանակ հաշվի առնելով տուգանքի չափը, Դատարանը գտնում է, որ մեղադրյալն ի վիճակի չէ անհապաղ և ամբողջությամբ վճարելու նշանակված տուգանքը, ուստի արձանագրում է, որ անհրաժեշտ է դատավճռով նրա նկատմամբ նշանակվող տուգանքը տարաժամկետել 12 /տասներկու/ ամիս ժամկետով՝ թույլատրելով վերջինիս յուրաքանչյուր ամիս վճարել առնվազն 125.000 /հարյուր քսանհինգ հազար/ ՀՀ դրամ գումար:
5.6. Անդրադառնալով մեղադրյալի նկատմամբ լրացուցիչ պատիժ նշանակելու հարցին, Դատարանն արձանագրում է, որ միայն հիմնական պատիժը՝ տուգանքը, բավարար է պատժի նպատակներին հասնելու համար, ուստի մեղադրյալի նկատմամբ լրացուցիչ պատժատեսակ նշանակելն աննպատակահարմար է:
5.7. Դատարանն արձանագրում է, որ սույն գործով գույքային հայց չի հարուցվել, բռնագրավման ենթակա գույքի, ինչպես նաև գույքի արգելադրման վերաբերյալ տվյալներ գործում առկա չեն:
5.8. Անդրադառնալով ապացույցների տնօրինման հարցին՝ Դատարանը գտնում է, որ 2024 թվականի հոկտեմբերի 25-ին արտավարութային փաստաթուղթ ճանաչված և վարույթի նյութերին կցված՝ Աշոտ Տիգրանի Աբրահամյանի նկատմամբ կազմված վարչական իրավախախտման վերաբերյալ թիվ 8180164899, 8180167704, 8180245550, 8180245820 և 8180245675 արձանագրությունների, վարչական տույժ նշանակելու մասին թիվ 2215079726 և 2215076517 որոշումների, ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության պատճենի և «ՀայՓոստ» ՓԲ առաքանու թերթիկի պատճենները պետք է պահել վարույթի նյութերի հետ՝ դրանք պահելու ամբողջ ընթացքում:
5.9. Քննարկելով խափանման միջոցի հարցը` դատարանը գտնում է, որ մեղադրյալի նկատմամբ որպես խափանման միջոց բացակայելու արգելքն ընտրված է ճիշտ և այն վերացվելու կամ փոփոխվելու ենթակա չէ մինչև դատավճռի օրինական ուժի մեջ մտնելը:
5.10. Քննարկելով դատական ծախսերի հարցը՝ Դատարանն արձանագրում է, որ վարույթային ծախսեր առկա չեն:
Վերոգրյալի հիման վրա և ղեկավարվելով Հայաստանի Հանրապետության քրեական դատավարության օրենսգրքի 100-րդ, 167-րդ, 347-350-րդ, 352-353-րդ, 364-րդ հոդվածներով, Դատարանը`
Վ Ճ Ռ Ե Ց


Մեղադրյալ Աշոտ Տիգրանի Աբրահամյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցանքներում և յուրաքանչյուր դրվագի համար պատիժ նշանակել տուգանք՝ նվազագույն աշխատավարձի հինգապատիկի` 375.000 /երեք հարյուր յոթանասունհինգ հազար/ ՀՀ դրամ գումարի չափով:
ՀՀ քրեական օրենսգրքի 74-րդ հոդվածի կիրառմամբ հանցանքների համակցությամբ պատիժները լրիվ գումարելու միջոցով վերջնական հիմնական պատիժ նշանակել տուգանք՝ 1.500.000 /մեկ միլիոն հինգ հարյուր հազար/ ՀՀ դրամը:
Աշոտ Տիգրանի Աբրահամյանին թույլատրել դատավճռով նշանակված 1.500.000 ՀՀ դրամ գումարի չափով տուգանքը վճարել մաս առ մաս, 12 /տասներկու/ ամսվա ընթացքում՝ յուրաքանչյուր ամիս վճարելով առնվազն 125.000 /հարյուր քսանհինգ հազար/ ՀՀ դրամ գումար:
Մեղադրյալ Աշոտ Տիգրանի Աբրահամյանի նկատմամբ ընտրված խափանման միջոց բացակայելու արգելքը պահպանել՝ մինչև դատավճռի օրինական ուժի մեջ մտնելը:
Վարութային ծախսերի հարցը համարել լուծված։
Վարույթի նյութերին կցված արտավարութային փաստաթղթերը պահել վարույթի նյութերի հետ՝ դրանք պահելու ամբողջ ընթացքում:
Դատավճիռը կարող է բողոքարկվել ՀՀ վերաքննիչ քրեական դատարան` դատական ակտը ստանալու օրվանից հետո մեկամսյա ժամկետում:



ԴԱՏԱՎՈՐ՝ Ա. ՄԵԼԻՔՍԵԹՅԱՆ