Հիմնական
Գործի համար:
ԵԴ1/3341/01/24
Վիճակագրական տողի համար :
15.4
Պատասխանող
Հակոբ Խուդավերդյան Ռոբերտի
Հակոբ Խուդավերդյան
Դատավոր
Երևանի քրեական դատարան
Տաթևիկ Մուրադյան
Դատավոր
Երևանի քրեական դատարան
Տաթևիկ Մուրադյան
| Դատարան | Օր | Ժամ | Դատարանի դահլիճի համար | Ստատուս | Որոշում | Այլ նշումներ |
|---|---|---|---|---|---|---|
| Երևանի քրեական դատարան | 2025-05-23 | 16:30 | 4 | Կայացել է | ||
| Տվյալների կենտրոն | 2025-05-07 | 11:00 | 4 | Նիստը կայացել է | ||
| Տվյալների կենտրոն | 2025-03-14 | 12:00 | 4 | Նիստը կայացել է | ||
| Տվյալների կենտրոն | 2025-02-20 | 10:00 | 4 | Նիստը կայացել է | ||
| Տվյալների կենտրոն | 2025-02-04 | 11:00 | 4 | Նիստը կայացել է | ||
| Տվյալների կենտրոն | 2025-01-17 | 10:00 | 4 | Նիստը կայացել է | ||
| Տվյալների կենտրոն | 2024-11-29 | 14:00 | 4 | Նիստը կայացել է |
ԵԴ1/3341/01/24
ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
«23» մայիսի 2025թ. ք.Երևան
Երևան քաղաքի առաջին ատյանի ընդհանուր իրավասության քրեական դատարանը (այսուհետ` Դատարան)
նախագահությամբ՝ դատավոր Տաթևիկ Մուրադյանի,
քարտուղարությամբ՝ Ագնետա Հակոբյանի,
մասնակցությամբ`
հանրային մեղադրող՝ Արա Դավթյանի,
պաշտպան՝ Շուշան Հարությունյանի,
մեղադրյալ՝ Հակոբ Խուդավերդյանի,
դռնբաց դատական նիստում, արագացված կարգով քննելով քրեական գործն ըստ մեղադրանքի`
Հակոբ Ռոբերտի Խուդավերդյանի՝
ծնված՝ 01.04.1996թ., ազգությամբ հայ, ՀՀ քաղաքացի, բարձրագույն կրթությամբ, չամուսնացած, հանդիսանում է անհատ ձեռներեց, նախկինում չդատված, հաշվառված և բնակվող՝ ք.Երևան, Ս.Մերգելյան փողոց, տուն 11 հասցեում ՀՀ քրեական օրենսգրքի 344-րդ հոդվածի 1-ին մասով,
ՊԱՐԶԵՑ
1. Քրեական գործի դատավարական նախապատմությունը.
2024 թվականի սեպտեմբերի 27-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60611724 քրեական վարույթը:
2024 թվականի հոկտեմբերի 28-ին ՀՀ դատախազության Երևան քաղաքի Մալաթիա-Սեբաստիա վարչական շրջանի դատախազության դատախազ Մ.Խաչատրյանի որոշմամբ՝ թիվ 60611724 քրեական վարույթով Հակոբ Ռոբերտի Խուդավերդյանի նկատմամբ ՀՀ քրեական օրենսգրքի 344-րդ հոդվածի 1-ին մասով հարուցվել է հանրային քրեական հետապնդում:
2024 թվականի նոյեմբերի 14-ին Երևան քաղաքի առաջին ատյանի ընդհանուր իրավասության քրեական դատարան է ստացվել թիվ ԵԴ1/3341/01/24 քրեական գործն ըստ մեղադրանքի՝ Հակոբ Ռոբերտի Խուդավերդյանի՝ ՀՀ քրեական օրենսգրքի 344-րդ հոդվածի 1-ին մասով։
Նույն օրը քրեական գործն էլեկտրոնային եղանակով մակագրվել և 2024 թվականի նոյեմբերի 15-ին հանձնվել է Երևան քաղաքի առաջին ատյանի ընդհանուր իրավասության քրեական դատարանի դատավոր Տաթևիկ Մուրադյանին:
2024 թվականի նոյեմբերի 18-ին Դատարանի կողմից որոշում է կայացվել թիվ ԵԴ1/3341/01/24 քրեական գործի վարույթն ստանձնելու և նախնական դատալսումներ նշանակելու մասին։
Նախաքննության մարմնի կողմից 2024 թվականի հոկտեմբերի 28-ին Հակոբ Ռոբերտի Խուդավերդյանի նկատմամբ որպես խափանման միջոց է ընտրվել բացակայելու արգելքը։
Նախնական դատալսումների ընթացքում Դատարանի 2025 թվականի մայիսի 05-ի որոշմամբ մեղադրյալ Հակոբ Խուդավերդյանի նկատմամբ կիրառված այլընտրանքային խափանման միջոց բացակայելու արգելքը փոխվել է, և նրա նկատմամբ որպես խափանման միջոց է կիրառվել կալանքը՝ երկու ամիս ժամկետով:
Նախնական դատալսումների ընթացքում Դատարանի 2025 թվականի մայիսի 05-ի որոշմամբ մեղադրյալ Հակոբ Խուդավերդյանի նկատմամբ կիրառված խափանման միջոց կալանքը փոխվել է և նրա նկատմամբ որպես խափանման միջոց է կիրառվել բացակայելու արգելքը։
2. Մեղադրանքի փաստական նկարագրությունը.
Հակոբ Ռոբերտի Խուդավերդյանին մեղադրանք է ներկայացվել ՀՀ քրեական օրենսգրքի 344-րդ հոդվածի 1-ին մասով` այն բանի համար, որ «որ նա, 2024 թվականի սեպտեմբերի 13-ին, տեղեկանալով իր՝ տրանսպորտային միջոցներ վարելու իրավունքը 6 ամիս ժամկետով՝ 2024 թվականի սեպտեմբերի 13-ից մինչև 2025 թվականի մարտի 13-ը, կասեցված լինելու մասին, 2024 թվականի սեպտեմբերի 20-ին՝ ժամը 05:40-ի սահմաններում, Երևան քաղաքի Իսակովի պողոտայում, վարել է «Մազդա» մակնիշի 66 HH 266 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Արմավիրի մարզի գումարտակի 1-ին վաշտի 2-րդ դասակի կրտսեր պարեկ Սերգո Բագրատի Համբոյանի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180422690 արձանագրությունը։»:
3. Արագացված վարույթը և լրացուցիչ դատալսումների ընթացքում հետազոտված թույլատրելի ապացույցները.
Նախնական դատալսումների ընթացքում պաշտպանը ներկայացրեց արագացված վարույթ կիրառելու մասին միջնորդություն:
Մեղադրյալը միացավ իր պաշտպանի միջնորդությանը՝ հայտնելով, որ իրեն պարզ է ներկայացված մեղադրանքը, ամբողջությամբ համաձայն է ներկայացված մեղադրանքի հետ, միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված վարույթ կիրառելու հետևանքները և պնդում է ներկայացված միջնորդությունը:
Հանրային մեղադրող Արա Դավթյանը չառարկեց արագացված վարույթ կիրառելու դեմ:
Դատարանը, համոզվելով, որ առկա է ՀՀ քրեական դատավարության օրենսգրքի 464.1-րդ հոդվածի 1-ին մասով նախատեսված հիմքը, բացակայում են ՀՀ քրեական դատավարության օրենսգրքի 464.1-րդ հոդվածի 2-րդ մասով նախատեսված` արագացված վարույթի կիրառումը բացառող հանգամանքները, բավարարեց արագացված վարույթ կիրառելու մասին միջնորդությունը և որոշում կայացրեց լրացուցիչ դատալսումներ անցկացնելու մասին:
Լրացուցիչ դատալսումների ընթացքում հետազոտվել են հետևյալ թույլատրելի ապացույցները.
ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանից ստացված տեղեկանքը, համաձայն որի՝ Հակոբ Ռոբերտի Խուդավերդյանը նախկինում դատապարտված չի եղել:
Միասնական էլեկտրոնային տեղեկատվական համակարգում կատարված հարցման արդյունքում ստացված պատասխանի համաձայն՝ ՀՀ պետական եկամուտների կոմիտեի տվյալների շտեմարանում Հակոբ Ռոբերտի Խուդավերդյանի վերաբերյալ հանցանքը կատարելուն նախորդող 12 ամիսների ընթացքում եկամուտները բացակայում են։
«Արմավիր» ՔԿՀ-ից ստացված գրությունը, համաձայն որի՝ Հակոբ Ռոբերտի Խուդավերդյանը 20.05.2025 թվականին ներկայացվել է քրեակատարողական հիմնարկ:
Երևան քաղաքի Կենտրոն վարչական շրջանի ղեկավարի գրությանը կից ներկայացված՝ ք.Երևան, Մերգելյան փողոց 11 հասցեում հաշվառված Հակոբ Խուդավերդյանի մասին հարևանների բնութագիրը, համաձայն որի՝ նա բնութագրվում է դրականորեն։
4. Դատարանի փաստական վերլուծությունները և հաստատված կամ հերքված փաստական հանգամանքները.
Լրացուցիչ դատալսումների ընթացքում հետազոտված թույլատրելի ապացույցները, ինչպես նաև գործով կազմված մեղադրական եզրակացության մեջ պարունակվող տվյալները վերլուծելու և գնահատելու արդյունքում Դատարանը հաստատված է համարում սույն քրեական գործի լուծման համար նշանակություն ունեցող հետևյալ փաստական հանգամանքները.
Հակոբ Ռոբերտի Խուդավերդյանը նախկինում դատված չի եղել, մեղսագրվող հանցանքն ավարտվելու օրվան նախորդող 12 ամիսների ընթացքում Հակոբ Ռոբերտի Խուդավերդյանի ստացած եկամուտները բացակայում են, բնութագրվում է դրականորեն, 2025 թվականի մայիսի 20-ից մինչև 2025 թվականի մայիսի 23-ը եղել է անազատության մեջ։
5. Դատարանի իրավական վերլուծությունները, հետևությունները և որոշումները.
Արագացված վարույթ կիրառելու պայմաններում Դատարանն ապացուցված է համարում մեղադրյալ Հակոբ Ռոբերտի Խուդավերդյանին վերագրվող փաստական հանգամանքները (արարքը), այդ արարքի քրեական հակաիրավականությունը, մեղադրյալի կողմից այդ արարքը կատարելը, մեղադրյալի մեղավորությունը տվյալ արարքը կատարելու մեջ, ինչպես նաև գտնում է, որ մեղադրյալ Հակոբ Ռոբերտի Խուդավերդյանի արարքի նկատմամբ պետք է կիրառվի ՀՀ քրեական օրենսգրքի 344-րդ հոդվածի 1-ին մասը:
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, գտնում է, որ Հակոբ Խուդավերդյանի պատասխանատվությունն ու պատիժը մեղմացնող հանգամանք պետք է դիտել ներկայացված մեղադրանքում իրեն լիովին մեղավոր ճանաչելը և կատարածի համար զղջալը (Դատարանի նման մոտեցումը համահունչ է Սերոբ Սարգսյանի գործով 2012 թվականի նոյեմբերի 1-ի թիվ ՍԴ/0109/01/12 որոշման 27-րդ կետում ՀՀ վճռաբեկ դատարանի արտահայտած իրավական դիրքորոշմանը):
Դատարանը միաժամանակ արձանագրում է, որ Հակոբ Խուդավերդյանի պատասխանատվությունն ու պատիժը ծանրացնող՝ ՀՀ քրեական օրենսգրքի 71-րդ հոդվածի 1-ին մասով նախատեսված հանգամանքներ առկա չեն:
Դատարանը գտնում է, որ կատարած հանցանքի համար մեղադրյալ Հակոբ Խուդավերդյանը ենթակա է պատժի։
Դատարանն արձանագրում է նաև, որ Հակոբ Խուդավերդյանի անձը բնութագրող հանգամանք է նախկինում դատված չլինելը, դրական բնութագրվելը։
Դատարանը, հաշվի առնելով Հակոբ Խուդավերդյանի կատարած հանցանքի հանգամանքները, պատասխանատվությունը և պատիժը մեղմացնող հանգամանքի առկայությունը, պատասխանատվությունը և պատիժը ծանրացնող հանգամանքների բացակայությունը, ՀՀ քրեական օրենսգրքի 69-րդ հոդվածի 2-րդ մասում թվարկված մյուս հանգամանքները, ինչպես նաև այն, որ ՀՀ քրեական օրենսգրքի 344-րդ հոդվածի 1-ին մասի սանկցիայով որպես հիմնական պատիժ է նախատեսված նաև տուգանքի ձևով և ՀՀ քրեական օրենսգրքի 55-րդ հոդվածի 2-րդ մասով սահմանված պատժի նպատակներն ապահովելու համար նշված հանցագործության կատարման համար առավել խիստ պատիժ նշանակելու անհրաժեշտությունը բացակայում է, Դատարանը գտնում է, որ Հակոբ Խուդավերդյանի նկատմամբ ՀՀ քրեական օրենսգրքի 344-րդ հոդվածի 1-ին մասով հիմնական պատիժ պետք է նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 79-րդ հոդվածի 4-րդ մասի կիրառմամբ հիմք ընդունելով մեղադրյալ Հակոբ Խուդավերդյանի՝ 2025թ. մայիսի 20-ից 23-ն ընկած ժամանակահատվածում անազատության մեջ գտնվելու հանգամանքը՝ Դատարանը գտնում է, որ նրա նկատմամբ նշանակված պատիժը պետք է մեղմացնել և վերջնական պատիժ պետք է նշանակել տուգանք՝ 300.000 (երեք հարյուր հազար) ՀՀ դրամի չափով:
Դատարանը միաժամանակ գտնում է, որ կատարած հանցանքի համար Հակոբ Խուդավերդյանի նկատմամբ լրացուցիչ պատիժ նշանակելու հիմքերն ու անհրաժեշտությունը բացակայում են։
Դատարանն արձանագրում է, որ ՀՀ քրեական դատավարության օրենսգրքի 348-րդ հոդվածի 1-ին մասի 11-14-րդ կետերով նշված հարցերին անդրադառնալու անհրաժեշտությունը սույն քրեական վարույթով բացակայում է։
Անդրադառնալով մեղադրյալի նկատմամբ ընտրված խափանման միջոցի հարցին՝ Դատարանն արձանագրում է, որ Հակոբ Խուդավերդյանի նկատմամբ որպես խափանման միջոց ընտրված բացակայելու արգելքը պետք է թողնել անփոփոխ մինչև դատավճռի օրինական ուժի մեջ մտնելը, իսկ դրանից հետո պետք է վերացնել:
Դատարանը գտնում է, որ վարութային ծախսերի հարցը պետք է համարել լուծված, քանի որ արագացված վարույթ կիրառելու պայմաններում ՀՀ քրեական դատավարության օրենսգրքի 167-րդ հոդվածի 1-ին մաuով նախատեսված վարութային ծախսերը մեղադրյալ Հակոբ Խուդավերդյանից ենթակա չեն բռնագանձման՝ համաձայն ՀՀ քրեական դատավարության օրենսգրքի 464.4 հոդվածի 3-րդ մասի։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 347-350-րդ, 352-353-րդ, 364-րդ, 464.4 և 464.5 հոդվածներով` Դատարանը
ՎՃՌԵՑ
Հակոբ Ռոբերտի Խուդավերդյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարման մեջ, և նրա նկատմամբ պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 79-րդ հոդվածի 4-րդ մասի կիրառմամբ Հակոբ Ռոբերտի Խուդավերդյանի նկատմամբ նշանակված պատիժը մեղմացնել և վերջնական պատիժ նշանակել տուգանք՝ 300.000 (երեք հարյուր հազար) ՀՀ դրամի չափով:
Հակոբ Ռոբերտի Խուդավերդյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ մինչև դատավճռի օրինական ուժի մեջ մտնելը, իսկ դրանից հետո՝ վերացնել:
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով նախատեսված հիմքերի, կարող է բողոքարկվել ՀՀ վերաքննիչ քրեական դատարան՝ ստանալու օրվանից հետո մեկամսյա ժամկետում:
ԴԱՏԱՎՈՐ ՏԱԹԵՎԻԿ ՄՈՒՐԱԴՅԱՆ
ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
«23» մայիսի 2025թ. ք.Երևան
Երևան քաղաքի առաջին ատյանի ընդհանուր իրավասության քրեական դատարանը (այսուհետ` Դատարան)
նախագահությամբ՝ դատավոր Տաթևիկ Մուրադյանի,
քարտուղարությամբ՝ Ագնետա Հակոբյանի,
մասնակցությամբ`
հանրային մեղադրող՝ Արա Դավթյանի,
պաշտպան՝ Շուշան Հարությունյանի,
մեղադրյալ՝ Հակոբ Խուդավերդյանի,
դռնբաց դատական նիստում, արագացված կարգով քննելով քրեական գործն ըստ մեղադրանքի`
Հակոբ Ռոբերտի Խուդավերդյանի՝
ծնված՝ 01.04.1996թ., ազգությամբ հայ, ՀՀ քաղաքացի, բարձրագույն կրթությամբ, չամուսնացած, հանդիսանում է անհատ ձեռներեց, նախկինում չդատված, հաշվառված և բնակվող՝ ք.Երևան, Ս.Մերգելյան փողոց, տուն 11 հասցեում ՀՀ քրեական օրենսգրքի 344-րդ հոդվածի 1-ին մասով,
ՊԱՐԶԵՑ
1. Քրեական գործի դատավարական նախապատմությունը.
2024 թվականի սեպտեմբերի 27-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60611724 քրեական վարույթը:
2024 թվականի հոկտեմբերի 28-ին ՀՀ դատախազության Երևան քաղաքի Մալաթիա-Սեբաստիա վարչական շրջանի դատախազության դատախազ Մ.Խաչատրյանի որոշմամբ՝ թիվ 60611724 քրեական վարույթով Հակոբ Ռոբերտի Խուդավերդյանի նկատմամբ ՀՀ քրեական օրենսգրքի 344-րդ հոդվածի 1-ին մասով հարուցվել է հանրային քրեական հետապնդում:
2024 թվականի նոյեմբերի 14-ին Երևան քաղաքի առաջին ատյանի ընդհանուր իրավասության քրեական դատարան է ստացվել թիվ ԵԴ1/3341/01/24 քրեական գործն ըստ մեղադրանքի՝ Հակոբ Ռոբերտի Խուդավերդյանի՝ ՀՀ քրեական օրենսգրքի 344-րդ հոդվածի 1-ին մասով։
Նույն օրը քրեական գործն էլեկտրոնային եղանակով մակագրվել և 2024 թվականի նոյեմբերի 15-ին հանձնվել է Երևան քաղաքի առաջին ատյանի ընդհանուր իրավասության քրեական դատարանի դատավոր Տաթևիկ Մուրադյանին:
2024 թվականի նոյեմբերի 18-ին Դատարանի կողմից որոշում է կայացվել թիվ ԵԴ1/3341/01/24 քրեական գործի վարույթն ստանձնելու և նախնական դատալսումներ նշանակելու մասին։
Նախաքննության մարմնի կողմից 2024 թվականի հոկտեմբերի 28-ին Հակոբ Ռոբերտի Խուդավերդյանի նկատմամբ որպես խափանման միջոց է ընտրվել բացակայելու արգելքը։
Նախնական դատալսումների ընթացքում Դատարանի 2025 թվականի մայիսի 05-ի որոշմամբ մեղադրյալ Հակոբ Խուդավերդյանի նկատմամբ կիրառված այլընտրանքային խափանման միջոց բացակայելու արգելքը փոխվել է, և նրա նկատմամբ որպես խափանման միջոց է կիրառվել կալանքը՝ երկու ամիս ժամկետով:
Նախնական դատալսումների ընթացքում Դատարանի 2025 թվականի մայիսի 05-ի որոշմամբ մեղադրյալ Հակոբ Խուդավերդյանի նկատմամբ կիրառված խափանման միջոց կալանքը փոխվել է և նրա նկատմամբ որպես խափանման միջոց է կիրառվել բացակայելու արգելքը։
2. Մեղադրանքի փաստական նկարագրությունը.
Հակոբ Ռոբերտի Խուդավերդյանին մեղադրանք է ներկայացվել ՀՀ քրեական օրենսգրքի 344-րդ հոդվածի 1-ին մասով` այն բանի համար, որ «որ նա, 2024 թվականի սեպտեմբերի 13-ին, տեղեկանալով իր՝ տրանսպորտային միջոցներ վարելու իրավունքը 6 ամիս ժամկետով՝ 2024 թվականի սեպտեմբերի 13-ից մինչև 2025 թվականի մարտի 13-ը, կասեցված լինելու մասին, 2024 թվականի սեպտեմբերի 20-ին՝ ժամը 05:40-ի սահմաններում, Երևան քաղաքի Իսակովի պողոտայում, վարել է «Մազդա» մակնիշի 66 HH 266 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Արմավիրի մարզի գումարտակի 1-ին վաշտի 2-րդ դասակի կրտսեր պարեկ Սերգո Բագրատի Համբոյանի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180422690 արձանագրությունը։»:
3. Արագացված վարույթը և լրացուցիչ դատալսումների ընթացքում հետազոտված թույլատրելի ապացույցները.
Նախնական դատալսումների ընթացքում պաշտպանը ներկայացրեց արագացված վարույթ կիրառելու մասին միջնորդություն:
Մեղադրյալը միացավ իր պաշտպանի միջնորդությանը՝ հայտնելով, որ իրեն պարզ է ներկայացված մեղադրանքը, ամբողջությամբ համաձայն է ներկայացված մեղադրանքի հետ, միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված վարույթ կիրառելու հետևանքները և պնդում է ներկայացված միջնորդությունը:
Հանրային մեղադրող Արա Դավթյանը չառարկեց արագացված վարույթ կիրառելու դեմ:
Դատարանը, համոզվելով, որ առկա է ՀՀ քրեական դատավարության օրենսգրքի 464.1-րդ հոդվածի 1-ին մասով նախատեսված հիմքը, բացակայում են ՀՀ քրեական դատավարության օրենսգրքի 464.1-րդ հոդվածի 2-րդ մասով նախատեսված` արագացված վարույթի կիրառումը բացառող հանգամանքները, բավարարեց արագացված վարույթ կիրառելու մասին միջնորդությունը և որոշում կայացրեց լրացուցիչ դատալսումներ անցկացնելու մասին:
Լրացուցիչ դատալսումների ընթացքում հետազոտվել են հետևյալ թույլատրելի ապացույցները.
ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանից ստացված տեղեկանքը, համաձայն որի՝ Հակոբ Ռոբերտի Խուդավերդյանը նախկինում դատապարտված չի եղել:
Միասնական էլեկտրոնային տեղեկատվական համակարգում կատարված հարցման արդյունքում ստացված պատասխանի համաձայն՝ ՀՀ պետական եկամուտների կոմիտեի տվյալների շտեմարանում Հակոբ Ռոբերտի Խուդավերդյանի վերաբերյալ հանցանքը կատարելուն նախորդող 12 ամիսների ընթացքում եկամուտները բացակայում են։
«Արմավիր» ՔԿՀ-ից ստացված գրությունը, համաձայն որի՝ Հակոբ Ռոբերտի Խուդավերդյանը 20.05.2025 թվականին ներկայացվել է քրեակատարողական հիմնարկ:
Երևան քաղաքի Կենտրոն վարչական շրջանի ղեկավարի գրությանը կից ներկայացված՝ ք.Երևան, Մերգելյան փողոց 11 հասցեում հաշվառված Հակոբ Խուդավերդյանի մասին հարևանների բնութագիրը, համաձայն որի՝ նա բնութագրվում է դրականորեն։
4. Դատարանի փաստական վերլուծությունները և հաստատված կամ հերքված փաստական հանգամանքները.
Լրացուցիչ դատալսումների ընթացքում հետազոտված թույլատրելի ապացույցները, ինչպես նաև գործով կազմված մեղադրական եզրակացության մեջ պարունակվող տվյալները վերլուծելու և գնահատելու արդյունքում Դատարանը հաստատված է համարում սույն քրեական գործի լուծման համար նշանակություն ունեցող հետևյալ փաստական հանգամանքները.
Հակոբ Ռոբերտի Խուդավերդյանը նախկինում դատված չի եղել, մեղսագրվող հանցանքն ավարտվելու օրվան նախորդող 12 ամիսների ընթացքում Հակոբ Ռոբերտի Խուդավերդյանի ստացած եկամուտները բացակայում են, բնութագրվում է դրականորեն, 2025 թվականի մայիսի 20-ից մինչև 2025 թվականի մայիսի 23-ը եղել է անազատության մեջ։
5. Դատարանի իրավական վերլուծությունները, հետևությունները և որոշումները.
Արագացված վարույթ կիրառելու պայմաններում Դատարանն ապացուցված է համարում մեղադրյալ Հակոբ Ռոբերտի Խուդավերդյանին վերագրվող փաստական հանգամանքները (արարքը), այդ արարքի քրեական հակաիրավականությունը, մեղադրյալի կողմից այդ արարքը կատարելը, մեղադրյալի մեղավորությունը տվյալ արարքը կատարելու մեջ, ինչպես նաև գտնում է, որ մեղադրյալ Հակոբ Ռոբերտի Խուդավերդյանի արարքի նկատմամբ պետք է կիրառվի ՀՀ քրեական օրենսգրքի 344-րդ հոդվածի 1-ին մասը:
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, գտնում է, որ Հակոբ Խուդավերդյանի պատասխանատվությունն ու պատիժը մեղմացնող հանգամանք պետք է դիտել ներկայացված մեղադրանքում իրեն լիովին մեղավոր ճանաչելը և կատարածի համար զղջալը (Դատարանի նման մոտեցումը համահունչ է Սերոբ Սարգսյանի գործով 2012 թվականի նոյեմբերի 1-ի թիվ ՍԴ/0109/01/12 որոշման 27-րդ կետում ՀՀ վճռաբեկ դատարանի արտահայտած իրավական դիրքորոշմանը):
Դատարանը միաժամանակ արձանագրում է, որ Հակոբ Խուդավերդյանի պատասխանատվությունն ու պատիժը ծանրացնող՝ ՀՀ քրեական օրենսգրքի 71-րդ հոդվածի 1-ին մասով նախատեսված հանգամանքներ առկա չեն:
Դատարանը գտնում է, որ կատարած հանցանքի համար մեղադրյալ Հակոբ Խուդավերդյանը ենթակա է պատժի։
Դատարանն արձանագրում է նաև, որ Հակոբ Խուդավերդյանի անձը բնութագրող հանգամանք է նախկինում դատված չլինելը, դրական բնութագրվելը։
Դատարանը, հաշվի առնելով Հակոբ Խուդավերդյանի կատարած հանցանքի հանգամանքները, պատասխանատվությունը և պատիժը մեղմացնող հանգամանքի առկայությունը, պատասխանատվությունը և պատիժը ծանրացնող հանգամանքների բացակայությունը, ՀՀ քրեական օրենսգրքի 69-րդ հոդվածի 2-րդ մասում թվարկված մյուս հանգամանքները, ինչպես նաև այն, որ ՀՀ քրեական օրենսգրքի 344-րդ հոդվածի 1-ին մասի սանկցիայով որպես հիմնական պատիժ է նախատեսված նաև տուգանքի ձևով և ՀՀ քրեական օրենսգրքի 55-րդ հոդվածի 2-րդ մասով սահմանված պատժի նպատակներն ապահովելու համար նշված հանցագործության կատարման համար առավել խիստ պատիժ նշանակելու անհրաժեշտությունը բացակայում է, Դատարանը գտնում է, որ Հակոբ Խուդավերդյանի նկատմամբ ՀՀ քրեական օրենսգրքի 344-րդ հոդվածի 1-ին մասով հիմնական պատիժ պետք է նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 79-րդ հոդվածի 4-րդ մասի կիրառմամբ հիմք ընդունելով մեղադրյալ Հակոբ Խուդավերդյանի՝ 2025թ. մայիսի 20-ից 23-ն ընկած ժամանակահատվածում անազատության մեջ գտնվելու հանգամանքը՝ Դատարանը գտնում է, որ նրա նկատմամբ նշանակված պատիժը պետք է մեղմացնել և վերջնական պատիժ պետք է նշանակել տուգանք՝ 300.000 (երեք հարյուր հազար) ՀՀ դրամի չափով:
Դատարանը միաժամանակ գտնում է, որ կատարած հանցանքի համար Հակոբ Խուդավերդյանի նկատմամբ լրացուցիչ պատիժ նշանակելու հիմքերն ու անհրաժեշտությունը բացակայում են։
Դատարանն արձանագրում է, որ ՀՀ քրեական դատավարության օրենսգրքի 348-րդ հոդվածի 1-ին մասի 11-14-րդ կետերով նշված հարցերին անդրադառնալու անհրաժեշտությունը սույն քրեական վարույթով բացակայում է։
Անդրադառնալով մեղադրյալի նկատմամբ ընտրված խափանման միջոցի հարցին՝ Դատարանն արձանագրում է, որ Հակոբ Խուդավերդյանի նկատմամբ որպես խափանման միջոց ընտրված բացակայելու արգելքը պետք է թողնել անփոփոխ մինչև դատավճռի օրինական ուժի մեջ մտնելը, իսկ դրանից հետո պետք է վերացնել:
Դատարանը գտնում է, որ վարութային ծախսերի հարցը պետք է համարել լուծված, քանի որ արագացված վարույթ կիրառելու պայմաններում ՀՀ քրեական դատավարության օրենսգրքի 167-րդ հոդվածի 1-ին մաuով նախատեսված վարութային ծախսերը մեղադրյալ Հակոբ Խուդավերդյանից ենթակա չեն բռնագանձման՝ համաձայն ՀՀ քրեական դատավարության օրենսգրքի 464.4 հոդվածի 3-րդ մասի։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 347-350-րդ, 352-353-րդ, 364-րդ, 464.4 և 464.5 հոդվածներով` Դատարանը
ՎՃՌԵՑ
Հակոբ Ռոբերտի Խուդավերդյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարման մեջ, և նրա նկատմամբ պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 79-րդ հոդվածի 4-րդ մասի կիրառմամբ Հակոբ Ռոբերտի Խուդավերդյանի նկատմամբ նշանակված պատիժը մեղմացնել և վերջնական պատիժ նշանակել տուգանք՝ 300.000 (երեք հարյուր հազար) ՀՀ դրամի չափով:
Հակոբ Ռոբերտի Խուդավերդյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ մինչև դատավճռի օրինական ուժի մեջ մտնելը, իսկ դրանից հետո՝ վերացնել:
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով նախատեսված հիմքերի, կարող է բողոքարկվել ՀՀ վերաքննիչ քրեական դատարան՝ ստանալու օրվանից հետո մեկամսյա ժամկետում:
ԴԱՏԱՎՈՐ ՏԱԹԵՎԻԿ ՄՈՒՐԱԴՅԱՆ
Դատական գործ N: ԵԴ1/3341/01/24
Երևանի քրեական դատարան
Նոր քրեական գործ
| Երբ է գործը ստացվել | 14-11-2024 |
|---|---|
| Ինչ կարգով է գործը ստացվել | Առաջին անգամ |
| Դատախազություն | Մալաթիա-Սեբաստիա վարչական շրջանի դատախազություն |
| Նախաքննական գործի համարը | 60611724 |
| Մեղադրական եզրակացության համառոտ բովանդակություն | Հակոբ Ռոբերտի Խուդավերդյանին մեղադրանք է առաջադրվել այն բանի համար, որ նա, 2024 թվականի սեպտեմբերի 13-ին, տեղեկանալով իր' տրանսպորտային միջոցներ վարելու իրավունքը 6 ամիս ժամկետով' 2024 թվականի սեպտեմբերի 13-ից մինչև 2025 թվականի մարտի 13-ը, կասեցված լինելու մասին, 2024 թվականի սեպտեմբերի 20-ին' ժամը 05:40-ի սահմաններում, Երևան քաղաքի Իսակովի պողոտայում, վարել է «Մազդա» մակնիշի 66 HH 266 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Արմավիրի մարզի գումարտակի 1-ին վաշտի 2-րդ դասակի կրտսեր պարեկ Սերգո Բագրատի Համբոյանի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180422690 արձանագրությունը: |
| Մեղադրյալ | |
| Անձ | |
| Անուն | Հակոբ |
| Ազգանուն | Խուդավերդյան |
| Հայրանուն | Ռոբերտի |
| Հասցե | --------------- |
| Ծննդյան օր | --------------- |
| Սոցիալական քարտ | --------------- |
| Հոդված_1 | |
| Դատվածություն | |
| Դատվածություն | Չդատված |
| Վիճակագրական տողի համարը | 15.4 |
| Լրացուցիչ վիճակագրական տողի համար | Առկա չէ |
| Իրավական բարդության չափանիշ | 1.1 |
| Չափահաս | Այո |
Մակագրել
| Երբ | 14-11-2024 |
|---|---|
| Նախագահող դատավոր | |
| Անուն | Տաթևիկ |
| Ազգանուն | Մուրադյան |
Նոր օրենսդրությամբ քննվող գործեր
Վարույթը ստանձնելու և նախնական դատալսումներ նշանակելու մասին որոշում
| Որոշման ամսաթիվ | 18-11-2024 |
|---|---|
| Որոշում | ԵԴ1/3341/01/24 ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ Ո Ր Ո Շ ՈՒ Մ ՎԱՐՈՒՅԹ ՍՏԱՆՁՆԵԼՈՒ ԵՎ ՆԱԽՆԱԿԱՆ ԴԱՏԱԼՍՈՒՄՆԵՐ ՆՇԱՆԱԿԵԼՈՒ ՄԱՍԻՆ «18» նոյեմբերի 2024թ. ք.Երևան Երևան քաղաքի առաջին ատյանի ընդհանուր իրավասության քրեական դատարանի դատավոր Տաթևիկ Մուրադյանս, ստանալով թիվ ԵԴ1/3341/01/24 քրեական գործը, Պ Ա Ր Զ Ե Ց Ի 2024 թվականի նոյեմբերի 14-ին Երևան քաղաքի առաջին ատյանի ընդհանուր իրավասության քրեական դատարան է ստացվել թիվ ԵԴ1/3341/01/24 քրեական գործն ըստ մեղադրանքի՝ Հակոբ Ռոբերտի Խուդավերդյանի՝ ՀՀ քրեական օրենսգրքի 344-րդ հոդվածի 1-ին մասով: Նույն օրը քրեական գործն էլեկտրոնային եղանակով մակագրվել և 2024 թվականի նոյեմբերի 15-ին հանձնվել է դատավոր Տաթևիկ Մուրադյանին: Ելնելով վերոգրյալից և ղեկավարվելով ՀՀ քրեական դատավարության օրենսգրքի 310-րդ հոդվածով՝ Ո Ր Ո Շ Ե Ց Ի Ստանձնել թիվ ԵԴ1/3341/01/24 քրեական գործի վարույթը և նշանակել դռնբաց նախնական դատալսումներ 2024 թվականի նոյեմբերի 29-ին՝ ժամը 14:00-ին, Երևան քաղաքի առաջին ատյանի ընդհանուր իրավասության քրեական դատարանի Աջափնյակ-1 նստավայրում (ք. Երևան, Նազարբեկյան թաղամաս 40, դատական նիստերի դահլիճ №4)։ Որոշման օրինակը ուղարկել հանրային մեղադրողին, ինչպես նաև վարույթի մասնակիցներին՝ դրան կցելով հասցեատիրոջ իրավունքների և պարտականությունների վերաբերյալ սահմանված ձևի հուշաթերթ: ԴԱՏԱՎՈՐ՝ ՏԱԹԵՎԻԿ ՄՈՒՐԱԴՅԱՆ |
| Դատավարության կողմեր | Մեղադրյալ |
| Դատավարության կողմեր | Հանրային մեղադրող |
| Դատավարության կողմեր | |
| Անուն | Հակոբ |
| Ազգանուն | Խուդավերդյան |
| Հասցե | --------------- |
| Սոցիալական քարտ | --------------- |
| Դատավարության կողմեր | |
| Կազմակերպության անուն | Երևան քաղաքի Մալաթիա-Սեբաստիա վարչական շրջանի դատախազություն |
| Կազմակերպության հասցե | ք. Երևան |
Նախնական դատալսումներ
| Ամսաթիվ | 29-11-2024 |
|---|---|
| Ժամ | 14:00 |
| Նիստերի դահլիճի համարը | 4 |
Նիստը կայացել է
| Նիստի ամսաթիվ | 29-11-2024 |
|---|---|
| Նիստը | Կայացել է |
Նախնական դատալսումներ
| Ամսաթիվ | 17-01-2025 |
|---|---|
| Ժամ | 10:00 |
| Նիստերի դահլիճի համարը | 4 |
Անավարտ գործեր
| Հաշվետու ժամանակահատված | 2024 թվական |
|---|---|
| Տեսակը | Անավարտ գործեր, որոնք գտնվում են քննության փուլում |
Նիստը կայացել է
| Նիստի ամսաթիվ | 17-01-2025 |
|---|---|
| Նիստը | Կայացել է |
Նախնական դատալսումներ
| Ամսաթիվ | 04-02-2025 |
|---|---|
| Ժամ | 11:00 |
| Նիստերի դահլիճի համարը | 4 |
Նիստը կայացել է
| Նիստի ամսաթիվ | 04-02-2025 |
|---|---|
| Նիստը | Կայացել է |
Նախնական դատալսումներ
| Ամսաթիվ | 20-02-2025 |
|---|---|
| Ժամ | 10:00 |
| Նիստերի դահլիճի համարը | 4 |
Նիստը կայացել է
| Նիստի ամսաթիվ | 20-02-2025 |
|---|---|
| Նիստը | Կայացել է |
Նախնական դատալսումներ
| Ամսաթիվ | 14-03-2025 |
|---|---|
| Ժամ | 12:00 |
| Նիստերի դահլիճի համարը | 4 |
Նիստը կայացել է
| Նիստի ամսաթիվ | 14-03-2025 |
|---|---|
| Նիստը | Կայացել է |
Նախնական դատալսումներ
| Ամսաթիվ | 07-05-2025 |
|---|---|
| Ժամ | 11:00 |
| Նիստերի դահլիճի համարը | 4 |
Նիստը կայացել է
| Նիստի ամսաթիվ | 07-05-2025 |
|---|---|
| Նիստը | Կայացել է |
Խափանման միջոցի հարցի քննարկում
| Ամսաթիվ | 07-05-2025 |
|---|---|
| Մեղադրյալի նկատմամբ խափանման միջոցի հարցի քննարկում | Խափանման միջոցի փոխելը |
| Որոշման բովանդակություն | գործ թիվ ԵԴ1/3341/01/24 Ո Ր Ո Շ Ո Ւ Մ ԽԱՓԱՆՄԱՆ ՄԻՋՈՑԻ ՀԱՐՑԸ ՔՆՆԱՐԿԵԼՈՒ ՄԱՍԻՆ «07» մայիսի 2025թ. ք.Երևան Երևան քաղաքի առաջին ատյանի ընդհանուր իրավասության քրեական դատարանը (այսուհետ Դատարան)` նախագահությամբ դատավոր Տաթևիկ Մուրադյանի, քարտուղարությամբ՝ Ագնետա Հակոբյանի, մասնակցությամբ՝ հանրային մեղադրող Արա Դավթյանի, նախնական դատական լսումների ընթացքում քննարկելով Հակոբ Ռոբերտի Խուդավերդյանի նկատմամբ ընտրված խափանման միջոց բացակայելու արգելքը կալանավորմամբ փոխարինելու հարցը, ՊԱՐԶԵՑ 2024 թվականի սեպտեմբերի 27-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում նախաձեռնվել է թիվ 60611724 քրեական վարույթը՝ ՀՀ քրեական օրենսգրքի 344-րդ հոդվածի 1-ին մասի հատկանիշներով: Երևան քաղաքի Մալաթիա-Սեբաստիա վարչական շրջանի դատախազության դատախազ Մ.Խաչատրյանի 2024 թվականի հոկտեմբերի 28-ի որոշմամբ Հակոբ Ռոբերտի Խուդավերդյանի նկատմամբ հարուցվել է հանրային քրեական հետապնդում՝ ՀՀ քրեական օրենսգրքի 344-րդ հոդվածի 1-ին մասով այն բանի համար, որ «նա, 2024 թվականի սեպտեմբերի 13-ին, տեղեկանալով իր՝ տրանսպորտային միջոցներ վարելու իրավունքը 6 ամիս ժամկետով՝ 2024 թվականի սեպտեմբերի 13-ից մինչև 2025 թվականի մարտի 13-ը, կասեցված լինելու մասին, 2024 թվականի սեպտեմբերի 20- ին՝ ժամը 05:40-ի սահմաններում, Երևան քաղաքի Իսակովի պողոտայում, վարել է «Մազդա» մակնիշի 66 HH 266 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Արմավիրի մարզի գումարտակի 1-ին վաշտի 2-րդ դասակի կրտսեր պարեկ Սերգո Բագրատի Համբոյանի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180422690 արձանագրությունը:»։ 2024 թվականի հոկտեմբերի 28-ին Հակոբ Ռոբերտի Խուդավերդյանի նկատմամբ որպես խափանման միջոց է ընտրվել բացակայելու արգելքը։ 2024 թվականի նոյեմբերի 14-ին Երևան քաղաքի առաջին ատյանի ընդհանուր իրավասության քրեական դատարան է ստացվել թիվ ԵԴ1/3341/01/24 քրեական գործն ըստ մեղադրանքի՝ Հակոբ Ռոբերտի Խուդավերդյանի՝ ՀՀ քրեական օրենսգրքի 344-րդ հոդվածի 1-ին մասով: Նույն օրը քրեական գործն էլեկտրոնային եղանակով մակագրվել և 2024 թվականի նոյեմբերի 15-ին հանձնվել է դատավոր Տաթևիկ Մուրադյանին: 2024 թվականի նոյեմբերի 18-ին Դատարանը որոշում է կայացրել թիվ ԵԴ1/3341/01/24 քրեական գործի վարույթն ստանձնելու և նախնական դատալսումներ նշանակելու մասին։ Դատարանն արձանագրում է, որ սույն քրեական գործով նախնական դատալսումները նշանակվել է 2024 թվականի նոյեմբերի 29-ին՝ ժամը 14։00-ին, որի վերաբերյալ մեղադրյալին ուղարկված ծանուցագիրը հետ է ստացվել դատարանում՝ չպահանջված նշումով։ Նախնական դատալսումները հետաձգվել և նշանակվել է 2025 թվականի հունվարի 17-ին՝ ժամը 10։00-ին, որի վերաբերյալ մեղադրյալին ուղարկված ծանուցագիրը կրկին հետ է ստացվել չպահանջված նշումով։ Դատարանը որոշում է կայացրել մեղադրյալին հարկադրաբար դատարան ներկայացնելու մասին և նախնական դատալսումները հետաձգվել ու նշանակվել է 2025 թվականի փետրվարի 04-ին՝ ժամը 11։00-ին։ Հիշյալ օրը և ժամին մեղադրյալի ներկայությունը չի ապահովվել, ուստի Դատարանը կրկին որոշում է կայացրել մեղադրյալին հարկադրաբար դատարան ներկայացնելու մասին և նախնական դատալսումները հետաձգվել ու նշանակվել է 2025 թվականի փետրվարի 20-ին՝ ժամը 10։00-ին։ Հիշյալ օրը և ժամին մեղադրյալի ներկայությունը չի ապահովվել, ուստի Դատարանը կրկին որոշում է կայացրել մեղադրյալին հարկադրաբար դատարան ներկայացնելու մասին և նախնական դատալսումները հետաձգվել ու նշանակվել է 2025 թվականի մարտի 14-ին՝ ժամը 12։00-ին։ Հիշյալ օրը և ժամին մեղադրյալի ներկայությունը չի ապահովվել։ Յուրաքանչյուր անգամ Դատարան է ստացվել գրություն այն մասին, որ մեղադրյալի բնակության հասցեի դուռը գտնվել է փակ վիճակում։ Վերը նշված դատական նիստերի օրվա և ժամի մասին մեղադրյալը յուրաքանչյուր անգամ տեղեկացվել է նաև Դատարանի աշխատակազմի կողմից հեռախոսազանգի միջոցով, սակայն հայտնել է, որ բնակվում է մեկ այլ՝ ք.Երևան Ս.Մերգելյան 11 տանը և խնդրել է ծանուցել այդ հասցեով: Դատարանը 2025 թվականի մարտի 14-ին կրկին որոշում է կայացրել մեղադրյալին հարկադրաբար դատարան ներկայացնելու մասին և նախնական դատալսումները հետաձգվել ու նշանակվել է 2025 թվականի մայիսի 07-ին՝ ժամը 11։00-ին։ Հիշյալ օրը և ժամին նշանակված դատական նիստի կայացման ժամից առաջ մեղադրյալը ներկայացել է, սակայն նրան տեղեկացվել է, որ դատական նիստը սկսվելու է փոքր–ինչ ուշացմամբ՝ նկատի ունենալով, որ հանրային մեղադրողը նույն դատարանի շենքում մեկ այլ քրեական գործով մասնակցել է դատական նիստի։ Սակայն մեղադրյալը հեռացել է դատարանի շենքից՝ դրսևորելով ոչ պարկեշտ վարքագիծ։ Դատարանի աշխատակազմը հեռախոսազանգի միջոցով տեղեկացրել է նրան, որ պետք է ներկայանա դատական նիստին, սակայն վերջինս պատասխանել է, որ չի պատրաստվում ներկայանալ։ Դատական նիստի ժամանակ հանրային մեղադրողը հայտնեց, որ մեղադրյալը խուսափում է իր վրա դրված պարտականությունները կատարելուց և առանց հարգելի պատճառներ ներկայացնելու չի ներկայանում դատական նիստերին, ուստի նրա նկատմամբ կիրառված խափանման միջոցը ենթակա է փոփոխման։ Քննարկելով մեղադրյալ Հակոբ Խուդավերդյանի նկատմամբ կիրառված խափանման միջոց բացակայելու արգելքը փոխելու հարցը՝ Դատարանը գտնում է հետևյալը. Դատարանը, վերլուծելով սույն քրեական գործի փաստական հանգամանքները, ինչպես նաև հաշվի առնելով, որ քրեական գործը հաստատված մեղադրական եզրակացությամբ ուղարկվել է Դատարան և դատավորի կողմից ստանձնվել է քրեական գործի վարույթը, և հիմք ընդունելով անմեղության կանխավարկածի սկզբունքի առաջնայնությունը, արձանագրում է, որ մեղադրյալի նկատմամբ խափանման միջոց կիրառելու պայմաններն առերևույթ առկա են: ՀՀ Սահմանադրության 27-րդ հոդվածի համաձայն՝ յուրաքանչյուր ոք ունի անձնական ազատության իրավունք։ Ոչ ոք չի կարող անձնական ազատությունից զրկվել այլ կերպ, քան հետևյալ դեպքերում և օրենքով սահմանված կարգով` (…) 3) օրենքով սահմանված որոշակի պարտականության կատարումն ապահովելու նպատակով. 4) անձին իրավասու մարմին ներկայացնելու նպատակով, երբ առկա է նրա կողմից հանցանք կատարած լինելու հիմնավոր կասկած, կամ երբ դա հիմնավոր կերպով անհրաժեշտ է հանցանքի կատարումը կամ դա կատարելուց հետո անձի փախուստը կանխելու նպատակով. (…): Մարդու իրավունքների եվրոպական դատարանը (այսուհետ` նաև Եվրոպական դատարան) մշակել է հանցագործության համար մեղադրվող անձին մինչև դատավճիռը կալանքի տակ պահելու համար ընդունելի չորս հիմնական հիմքեր. Մեղադրյալի՝ դատաքննությանը չներկայանալու վտանգը (տե՛ս Stogmuller v. Austria, 1969 թվականի նոյեմբերի 10, § 15), մեղադրյալի ազատ արձակվելու դեպքում արդարադատության իրականացմանը խոչընդոտելու վտանգը (տե՛ս Wemhoff v. Germany, 1968 թվականի հունիսի 27, § 14) կամ, որ նա կկատարի նոր հանցանքներ (տե՛ս Matznetter v Austria, 1969 թվականի նոյեմբերի 10, § 9) կամ կկատարի հասարակական անկարգություններ (տե՛ս Letellier v. France, 1991 թվականի հունիսի 26, § 51): ՀՀ քրեական դատավարության օրենսգրքի 18-րդ հոդվածի համաձայն՝ վարույթի ընթացքում անձի նկատմամբ հարկադրանքի միջոցները կարող են կիրառվել ոչ այլ կերպ, քան սույն օրենսգրքով սահմանված հիմքերով և կարգով: Վարույթի ընթացքում անձին ազատությունից զրկելը չպետք է պատժի նպատակ հետապնդի: Նույն հոդվածի 2-րդ մասի համաձայն՝ վարույթն իրականացնող մարմինն անձի նկատմամբ հարկադրանքի միջոց ընտրելիս առաջնորդվում է նվազագույնի սկզբունքով։ Արգելվում է անձի նկատմամբ ընտրել ավելի խիստ հարկադրանքի միջոց, քան այն, որով քրեական վարույթի ընթացքում հնարավոր կլինի ապահովել անձի օրինական վարքագիծը: ՀՀ քրեական դատավարության օրենսգրքի 43-րդ հոդվածի 2-րդ մասի համաձայն՝ մեղադրյալը պարտավոր է՝ 1) ներկայանալ վարույթն իրականացնող մարմնի հրավերով. 2) վարույթն իրականացնող մարմնի պահանջով ենթարկվել բժշկական զննման, մատնադրոշմման, անձնական խուզարկության, քննման և փորձաքննության, լուսանկարվել կամ փորձաքննության համար հանձնել սույն օրենսգրքով նախատեսված նմուշներ. 3) չխոչընդոտել քրեական վարույթին, այդ թվում` ապօրինի չմիջամտել ապացուցման գործընթացին. 4) այլ վայր մեկնելիս վարույթն իրականացնող մարմնին նախապես տեղեկացնել իր գտնվելու նոր վայրի և իր հետ հաղորդակցվելու միջոցների մասին. 5) ենթարկվել վարույթն իրականացնող մարմնի կարգադրություններին և դատական նիստի կարգին: ՀՀ քրեական դատավարության օրենսգրքի 115-րդ հոդվածի 1-ին մասի համաձայն՝ խափանման միջոցներն են կալանքը և այլընտրանքային խափանման միջոցները։ ՀՀ քրեական դատավարության օրենսգրքի 116-րդ հոդվածի 1-ին մասի համաձայն՝ խափանման միջոց չի կարող կիրառվել, եթե բացակայում է մեղադրյալի կողմից իրեն վերագրվող հանցանքը կատարելու մասին հիմնավոր կասկածը: Նույն հոդվածի 2-րդ մասի համաձայն՝ խափանման միջոցը կարող է կիրառվել, եթե դա անհրաժեշտ է՝ 1) մեղադրյալի փախուստը կանխելու համար կամ 2) մեղադրյալի կողմից հանցանք կատարելը կանխելու համար կամ 3) մեղադրյալի կողմից իր վրա սույն օրենսգրքով կամ դատարանի որոշմամբ դրված պարտականությունների կատարումն ապահովելու համար: Նույն հոդվածի 3-րդ մասի համաձայն՝ խափանման միջոցի տեսակն ընտրելիս հաշվի են առնվում մեղադրյալի օրինական վարքագիծն ապահովող և դրան խոչընդոտող բոլոր հնարավոր հանգամանքները: ՀՀ քրեական դատավարության օրենսգրքի 117-րդ հոդվածի համաձայն՝ «1. Եթե խափանման միջոցի գործողության ընթացքում փոխվել կամ վերացել են դրա իրավաչափության պայմանները, վարույթն իրականացնող մարմինն իր իրավասության սահմաններում որոշում է կայացնում խափանման միջոցը փոխելու կամ վերացնելու մասին: (...) 3. Եթե մեղադրյալը խախտում է իր նկատմամբ կիրառված խափանման միջոցի պայմանները, վարույթն իրականացնող մարմինն անհրաժեշտության դեպքում իր իրավասության սահմաններում միջոցներ է ձեռնարկում այլ՝ առավել պիտանի խափանման միջոց կիրառելու համար: (...)»: ՀՀ քրեական դատավարության օրենսգրքի 118-րդ հոդվածի 2-րդ մասի համաձայն՝ կալանքը կարող է կիրառվել միայն այն դեպքում, երբ այլընտրանքային խափանման միջոցների կիրառումն անբավարար է սույն օրենսգրքի 116-րդ հոդվածի 2-րդ մասի պահանջների կատարումն ապահովելու համար: Նույն հոդվածի 4-րդ մասի համաձայն՝ կալանքը կարող է կիրառվել միայն այն դեպքում, երբ փաստական հանգամանքների բավարար ամբողջությամբ քննիչի կամ դատախազի կողմից հիմնավորվել և դատարանի կողմից պատճառաբանված հաստատվել են սույն օրենսգրքի 116-րդ հոդվածով նախատեսված իրավաչափության համապատասխան պայմանները: Դատական վարույթում կալանքի կիրառման համար բավարար է դատարանի կողմից նշված պայմանների պատճառաբանված հաստատումը (…)»։ Մեջբերված նորմերի վերլուծությունից հետևում է, որ խափանման միջոցները դասակարգվում են երկու մասի՝ կալանք և կալանքին այլընտրանք հանդիսացող խափանման միջոցներ: Վարույթն իրականացնող մարմինն անձի նկատմամբ խափանման միջոց ընտրելիս պետք է առաջնորդվի նվազագույնի սկզբունքով, այն է՝ չպետք է ընտրի ավելի խիստ խափանման միջոց, քան այն, որով քրեական վարույթի ընթացքում հնարավոր կլինի ապահովել մեղադրյալի օրինական վարքագիծը: Այս իրավակարգավորումն իր ամրագրումն է գտել անձի ազատության և անձեռնմխելիության քրեադատավարական սկզբունքն ամրագրող ՀՀ քրեական դատավարության օրենսգրքի 18-րդ հոդվածում, որի նպատակն է բացառել կալանքի կիրառումը բոլոր այն դեպքերում, երբ առկա է որոշակի հնարավորություն երաշխավորելու մեղադրյալի պատշաճ վարքագիծը՝ առանց նրան ազատությունից զրկելու: Ինչ վերաբերում է խափանման միջոցի կիրառման հիմքերին, ապա դրանք ձևակերպվել են որպես նպատակներ՝ հաշվի առնելով այն հանգամանքը, որ դրանք որպես կանոն կանխատեսական, այլ ոչ թե փաստական բնույթ են կրում։ Խափանման միջոցի տեսակն ընտրելիս հաշվի են առնվում մեղադրյալի օրինական վարքագիծն ապահովող և դրան խոչընդոտող բոլոր հնարավոր հանգամանքները: Այլ կերպ՝ օրենսդիրը շեշտը դնում է ոչ թե կոնկրետ հանգամանքների վրա, այլ մեղադրյալի հնարավոր վարքագծի տեսանկյունից դրական և բացասական գործոնների հակակշռման և հավասարակշռման գաղափարի վրա։ Խափանման միջոցներ կիրառելու, այդ թվում՝ դրանց տեսակներն ընտրելու, հետագայում դրանք փոխելու մեխանիզմի հիմքում դրված կարևոր գաղափարը խափանման միջոցի պիտանիությունն է՝ դրված նպատակին։ Այս չափանիշն օրենսդիրն ամրագրել է սկզբունքի մակարդակով՝ մեղադրյալի պատշաճ վարքագիծն ապահովելու նպատակով ոչ միայն հնարավորություն տալով կիրառել խափանման միջոց, այլ կիրառել այն խափանման միջոցը, որն առավել պիտանի կլինի հետապնդվող նպատակին հասնելու համար: Այս պահանջն ուղղակիորեն ամրագրված է խափանման միջոցը փոխելու ընթացակարգի շրջանակներում, որով սահմանվել է, որ վարույթն իրականացնող մարմինը իրավասու է որոշում է կայացնել խափանման միջոցը փոխելու կամ վերացնելու մասին, եթե խափանման միջոցի գործողության ընթացքում փոխվել կամ վերացել են դրա իրավաչափության պայմանները: Հաշվի առնելով կալանքի առանձնահատուկ տեղը խափանման միջոցների համակարգում՝ օրենսդիրը սահմանել է դրա իրավաչափության լրացուցիչ պայմաններ, որոնք առավելապես վերաբերում են ապացուցողական իրավունքի տիրույթին։ Դրանք են՝ ա) այլընտրանքային խափանման միջոցների ոչ պիտանի լինելը, բ) խափանման այդ միջոցի իրավաչափության պայմանների՝ քննիչի կամ դատախազի կողմից պատշաճ հիմնավորվելը և միաժամանակ դատարանի կողմից պատճառաբանված հաստատվելը: Վերոգրյալի համատեքստում անդրադառնալով մեղադրյալ Հակոբ Խուդավերդյանի նկատմամբ կիրառված խափանման միջոցը փոխելու հարցին՝ Դատարանը գտնում է, որ սույն որոշմամբ վերը մեջբերված տեղեկությունները և փաստերը վկայում են այն մասին, որ մեղադրյալ Հակոբ Խուդավերդյանը չի կատարում իր վրա ՀՀ քրեական դատավարության օրենսգրքով դրված պարտականությունները, այն է՝ առանց հարգելի պատճառի չի ներկայանում դատական նիստերին, որպիսի եղանակով, ըստ էության, խոչընդոտում է նաև քրեական գործով դատական քննությանը: Միևնույն ժամանակ, այդ տեղեկությունների և փաստերի համադրումը, Դատարանի գնահատմամբ, թույլ է տալիս հիմնավորված համարելու ենթադրությունն այն մասին, որ ազատության մեջ մնալու դեպքում մեղադրյալ Հակոբ Խուդավերդյանի օրինական և պատշաճ վարքագիծն այլևս հնարավոր չէ ապահովել կիրառված խափանման միջոցի պահպանմամբ: Այլ կերպ՝ Դատարանը գտնում է, որ սույն որոշմամբ վերը մեջբերված տեղեկությունները և փաստերն այլևս վկայում են բացակայելու արգելք խափանման միջոցի կիրառմամբ ՀՀ քրեական դատավարության օրենսգրքի 116-րդ հոդվածի 2-րդ մասի պահանջների կատարումն ապահովելու անբավարարության մասին: Դատարանի գնահատմամբ՝ վերոնշյալ հանգամանքները վկայում են այլընտրանքային խափանման միջոցի ոչ պիտանի լինելու մասին՝ էականորեն բարձրացնելով մեղադրյալի ոչ իրավաչափ վարքագծի, մասնավորապես՝ ՀՀ քրեական դատավարության օրենսգրքով որպես մեղադրյալ իր վրա դրված պարտականությունները չկատարելու միջոցով գործի քննությանը խոչընդոտելու հավանականությունը, միաժամանակ, համակցության մեջ թույլ են տալիս ողջամիտ դատողություն անելու այն մասին, որ վարույթի ընթացքում նրա ոչ պատշաճ վարքագիծը կանխել հնարավոր է միայն վերջինի նկատմամբ կալանքը որպես խափանման միջոց կիրառելու միջոցով։ Այլ կերպ՝ Դատարանը գտնում է, որ վերոնշյալ հանգամանքները վկայում են Հակոբ Խուդավերդյանի նկատմամբ կիրառված բացակայելու արգելք խափանման միջոցի՝ որպես նրա կողմից ոչ պատշաճ վարքագիծ դրսևորելու վտանգի չեզոքացման գործուն երաշխիք այլևս չհանդիսանալու մասին: Դատարանը գտնում է, որ վերը նշված հանգամանքները ծանրակշիռ փաստարկներ են և իրենց համակցության մեջ հիմնավորում են մեղադրյալ Հակոբ Խուդավերդյանի նկատմամբ վարույթի տվյալ փուլում խափանման միջոցներից ամենախիստը կիրառելու անհրաժեշտությունը և իրավաչափությունը։ Ամփոփելով վերոգրյալը՝ Դատարանը գտնում է, որ մեղադրյալ Հակոբ Խուդավերդյանի նկատմամբ որպես խափանման միջոց կիրառված բացակայելու արգելքը պետք է փոխել և վերջինի նկատմամբ որպես խափանման միջոց ընտրել կալանքը՝ 2 (երկու) ամիս ժամկետով՝ կալանքի սկիզբը հաշվելով սույն որոշման հիման վրա մեղադրյալ Հակոբ Խուդավերդյանին փաստացի արգելանքի վերցնելու օրվանից: Վերոգրյալի հիման վրա և ղեկավարվելով ՀՀ քրեական դատավարության օրենսգրքի 18-րդ, 33-րդ, 115-119-րդ, 122-րդ, 270-րդ, 389-390-րդ հոդվածներով՝ Դատարանը Ո Ր Ո Շ Ե Ց Մեղադրյալ Հակոբ Ռոբերտի Խուդավերդյանի (ծնված՝ 01.04.1996թ. Երևան քաղաքում, ազգությամբ հայ, ՀՀ քաղաքացի, նախկինում չդատապարտված, բնակվում է Երևան քաղաքի Սերգեյ Մերգելյան փողոցի 11 տուն հասցեում) նկատմամբ կիրառված խափանման միջոց բացակայելու արգելքը փոփոխել և նրա նկատմամբ որպես խափանման միջոց ընտրել կալանքը՝ երկու ամիս ժամկետով: Կալանքի սկիզբը հաշվել Հակոբ Ռոբերտի Խուդավերդյանին փաստացի արգելանքի վերցնելու օրվանից։ Որոշման կատարումը հանձնարարել ՀՀ ՆԳՆ ոստիկանության համայնքային ոստիկանության գլխավոր վարչության Մարաշի բաժնին և ՀՀ արդարադատության նախարարության համապատասխան քրեակատարողական հիմնարկի պետին: Որոշումը կարող է բողոքարկվել ՀՀ վերաքննիչ քրեական դատարան` ստանալու օրվանից հետո տասնօրյա ժամկետում: ԴԱՏԱՎՈՐ՝ ՏԱԹԵՎԻԿ ՄՈՒՐԱԴՅԱՆ |
Նախնական դատալսումներ
| Ամսաթիվ | 23-05-2025 |
|---|---|
| Ժամ | 16:30 |
| Նիստերի դահլիճի համարը | 4 |
Նիստը կայացել է
| Նիստի ամսաթիվ | 23-05-2025 |
|---|---|
| Նիստը | Կայացել է |
Արագացված վարույթ
| Ամսաթիվ | 23-05-2025 |
|---|---|
| Այո/Ոչ | Այո |
Լրացուցիչ դատալսումներ
| Ամսաթիվ | 23-05-2025 |
|---|---|
| Ժամ | 17:00 |
| Նիստերի դահլիճի համարը | 4 |
Նիստը կայացել է
| Նիստի ամսաթիվ | 23-05-2025 |
|---|---|
| Նիստը | Կայացել է |
Կայացվել է դատավճիռ
| Ամսաթիվ | 23-05-2025 |
|---|
Մեղադրական
| Մեղադրյալ | |
|---|---|
| Անուն | Հակոբ |
| Ազգանուն | Խուդավերդյան |
| Հասցե | --------------- |
| Սեռ | 0 |
| Ամսաթիվ | 23-05-2025 |
| Առավել ծանր հանցագործության հոդված |
Դատական ակտ
| Դատական ակտի բովանդակությունը | ԵԴ1/3341/01/24 ԴԱՏԱՎՃԻՌ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ «23» մայիսի 2025թ. ք.Երևան Երևան քաղաքի առաջին ատյանի ընդհանուր իրավասության քրեական դատարանը (այսուհետ` Դատարան) նախագահությամբ՝ դատավոր Տաթևիկ Մուրադյանի, քարտուղարությամբ՝ Ագնետա Հակոբյանի, մասնակցությամբ` հանրային մեղադրող՝ Արա Դավթյանի, պաշտպան՝ Շուշան Հարությունյանի, մեղադրյալ՝ Հակոբ Խուդավերդյանի, դռնբաց դատական նիստում, արագացված կարգով քննելով քրեական գործն ըստ մեղադրանքի` Հակոբ Ռոբերտի Խուդավերդյանի՝ ծնված՝ 01.04.1996թ., ազգությամբ հայ, ՀՀ քաղաքացի, բարձրագույն կրթությամբ, չամուսնացած, հանդիսանում է անհատ ձեռներեց, նախկինում չդատված, հաշվառված և բնակվող՝ ք.Երևան, Ս.Մերգելյան փողոց, տուն 11 հասցեում ՀՀ քրեական օրենսգրքի 344-րդ հոդվածի 1-ին մասով, ՊԱՐԶԵՑ 1. Քրեական գործի դատավարական նախապատմությունը. 2024 թվականի սեպտեմբերի 27-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60611724 քրեական վարույթը: 2024 թվականի հոկտեմբերի 28-ին ՀՀ դատախազության Երևան քաղաքի Մալաթիա-Սեբաստիա վարչական շրջանի դատախազության դատախազ Մ.Խաչատրյանի որոշմամբ՝ թիվ 60611724 քրեական վարույթով Հակոբ Ռոբերտի Խուդավերդյանի նկատմամբ ՀՀ քրեական օրենսգրքի 344-րդ հոդվածի 1-ին մասով հարուցվել է հանրային քրեական հետապնդում: 2024 թվականի նոյեմբերի 14-ին Երևան քաղաքի առաջին ատյանի ընդհանուր իրավասության քրեական դատարան է ստացվել թիվ ԵԴ1/3341/01/24 քրեական գործն ըստ մեղադրանքի՝ Հակոբ Ռոբերտի Խուդավերդյանի՝ ՀՀ քրեական օրենսգրքի 344-րդ հոդվածի 1-ին մասով։ Նույն օրը քրեական գործն էլեկտրոնային եղանակով մակագրվել և 2024 թվականի նոյեմբերի 15-ին հանձնվել է Երևան քաղաքի առաջին ատյանի ընդհանուր իրավասության քրեական դատարանի դատավոր Տաթևիկ Մուրադյանին: 2024 թվականի նոյեմբերի 18-ին Դատարանի կողմից որոշում է կայացվել թիվ ԵԴ1/3341/01/24 քրեական գործի վարույթն ստանձնելու և նախնական դատալսումներ նշանակելու մասին։ Նախաքննության մարմնի կողմից 2024 թվականի հոկտեմբերի 28-ին Հակոբ Ռոբերտի Խուդավերդյանի նկատմամբ որպես խափանման միջոց է ընտրվել բացակայելու արգելքը։ Նախնական դատալսումների ընթացքում Դատարանի 2025 թվականի մայիսի 05-ի որոշմամբ մեղադրյալ Հակոբ Խուդավերդյանի նկատմամբ կիրառված այլընտրանքային խափանման միջոց բացակայելու արգելքը փոխվել է, և նրա նկատմամբ որպես խափանման միջոց է կիրառվել կալանքը՝ երկու ամիս ժամկետով: Նախնական դատալսումների ընթացքում Դատարանի 2025 թվականի մայիսի 05-ի որոշմամբ մեղադրյալ Հակոբ Խուդավերդյանի նկատմամբ կիրառված խափանման միջոց կալանքը փոխվել է և նրա նկատմամբ որպես խափանման միջոց է կիրառվել բացակայելու արգելքը։ 2. Մեղադրանքի փաստական նկարագրությունը. Հակոբ Ռոբերտի Խուդավերդյանին մեղադրանք է ներկայացվել ՀՀ քրեական օրենսգրքի 344-րդ հոդվածի 1-ին մասով` այն բանի համար, որ «որ նա, 2024 թվականի սեպտեմբերի 13-ին, տեղեկանալով իր՝ տրանսպորտային միջոցներ վարելու իրավունքը 6 ամիս ժամկետով՝ 2024 թվականի սեպտեմբերի 13-ից մինչև 2025 թվականի մարտի 13-ը, կասեցված լինելու մասին, 2024 թվականի սեպտեմբերի 20-ին՝ ժամը 05:40-ի սահմաններում, Երևան քաղաքի Իսակովի պողոտայում, վարել է «Մազդա» մակնիշի 66 HH 266 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Արմավիրի մարզի գումարտակի 1-ին վաշտի 2-րդ դասակի կրտսեր պարեկ Սերգո Բագրատի Համբոյանի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180422690 արձանագրությունը։»: 3. Արագացված վարույթը և լրացուցիչ դատալսումների ընթացքում հետազոտված թույլատրելի ապացույցները. Նախնական դատալսումների ընթացքում պաշտպանը ներկայացրեց արագացված վարույթ կիրառելու մասին միջնորդություն: Մեղադրյալը միացավ իր պաշտպանի միջնորդությանը՝ հայտնելով, որ իրեն պարզ է ներկայացված մեղադրանքը, ամբողջությամբ համաձայն է ներկայացված մեղադրանքի հետ, միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված վարույթ կիրառելու հետևանքները և պնդում է ներկայացված միջնորդությունը: Հանրային մեղադրող Արա Դավթյանը չառարկեց արագացված վարույթ կիրառելու դեմ: Դատարանը, համոզվելով, որ առկա է ՀՀ քրեական դատավարության օրենսգրքի 464.1-րդ հոդվածի 1-ին մասով նախատեսված հիմքը, բացակայում են ՀՀ քրեական դատավարության օրենսգրքի 464.1-րդ հոդվածի 2-րդ մասով նախատեսված` արագացված վարույթի կիրառումը բացառող հանգամանքները, բավարարեց արագացված վարույթ կիրառելու մասին միջնորդությունը և որոշում կայացրեց լրացուցիչ դատալսումներ անցկացնելու մասին: Լրացուցիչ դատալսումների ընթացքում հետազոտվել են հետևյալ թույլատրելի ապացույցները. ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանից ստացված տեղեկանքը, համաձայն որի՝ Հակոբ Ռոբերտի Խուդավերդյանը նախկինում դատապարտված չի եղել: Միասնական էլեկտրոնային տեղեկատվական համակարգում կատարված հարցման արդյունքում ստացված պատասխանի համաձայն՝ ՀՀ պետական եկամուտների կոմիտեի տվյալների շտեմարանում Հակոբ Ռոբերտի Խուդավերդյանի վերաբերյալ հանցանքը կատարելուն նախորդող 12 ամիսների ընթացքում եկամուտները բացակայում են։ «Արմավիր» ՔԿՀ-ից ստացված գրությունը, համաձայն որի՝ Հակոբ Ռոբերտի Խուդավերդյանը 20.05.2025 թվականին ներկայացվել է քրեակատարողական հիմնարկ: Երևան քաղաքի Կենտրոն վարչական շրջանի ղեկավարի գրությանը կից ներկայացված՝ ք.Երևան, Մերգելյան փողոց 11 հասցեում հաշվառված Հակոբ Խուդավերդյանի մասին հարևանների բնութագիրը, համաձայն որի՝ նա բնութագրվում է դրականորեն։ 4. Դատարանի փաստական վերլուծությունները և հաստատված կամ հերքված փաստական հանգամանքները. Լրացուցիչ դատալսումների ընթացքում հետազոտված թույլատրելի ապացույցները, ինչպես նաև գործով կազմված մեղադրական եզրակացության մեջ պարունակվող տվյալները վերլուծելու և գնահատելու արդյունքում Դատարանը հաստատված է համարում սույն քրեական գործի լուծման համար նշանակություն ունեցող հետևյալ փաստական հանգամանքները. Հակոբ Ռոբերտի Խուդավերդյանը նախկինում դատված չի եղել, մեղսագրվող հանցանքն ավարտվելու օրվան նախորդող 12 ամիսների ընթացքում Հակոբ Ռոբերտի Խուդավերդյանի ստացած եկամուտները բացակայում են, բնութագրվում է դրականորեն, 2025 թվականի մայիսի 20-ից մինչև 2025 թվականի մայիսի 23-ը եղել է անազատության մեջ։ 5. Դատարանի իրավական վերլուծությունները, հետևությունները և որոշումները. Արագացված վարույթ կիրառելու պայմաններում Դատարանն ապացուցված է համարում մեղադրյալ Հակոբ Ռոբերտի Խուդավերդյանին վերագրվող փաստական հանգամանքները (արարքը), այդ արարքի քրեական հակաիրավականությունը, մեղադրյալի կողմից այդ արարքը կատարելը, մեղադրյալի մեղավորությունը տվյալ արարքը կատարելու մեջ, ինչպես նաև գտնում է, որ մեղադրյալ Հակոբ Ռոբերտի Խուդավերդյանի արարքի նկատմամբ պետք է կիրառվի ՀՀ քրեական օրենսգրքի 344-րդ հոդվածի 1-ին մասը: Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, գտնում է, որ Հակոբ Խուդավերդյանի պատասխանատվությունն ու պատիժը մեղմացնող հանգամանք պետք է դիտել ներկայացված մեղադրանքում իրեն լիովին մեղավոր ճանաչելը և կատարածի համար զղջալը (Դատարանի նման մոտեցումը համահունչ է Սերոբ Սարգսյանի գործով 2012 թվականի նոյեմբերի 1-ի թիվ ՍԴ/0109/01/12 որոշման 27-րդ կետում ՀՀ վճռաբեկ դատարանի արտահայտած իրավական դիրքորոշմանը): Դատարանը միաժամանակ արձանագրում է, որ Հակոբ Խուդավերդյանի պատասխանատվությունն ու պատիժը ծանրացնող՝ ՀՀ քրեական օրենսգրքի 71-րդ հոդվածի 1-ին մասով նախատեսված հանգամանքներ առկա չեն: Դատարանը գտնում է, որ կատարած հանցանքի համար մեղադրյալ Հակոբ Խուդավերդյանը ենթակա է պատժի։ Դատարանն արձանագրում է նաև, որ Հակոբ Խուդավերդյանի անձը բնութագրող հանգամանք է նախկինում դատված չլինելը, դրական բնութագրվելը։ Դատարանը, հաշվի առնելով Հակոբ Խուդավերդյանի կատարած հանցանքի հանգամանքները, պատասխանատվությունը և պատիժը մեղմացնող հանգամանքի առկայությունը, պատասխանատվությունը և պատիժը ծանրացնող հանգամանքների բացակայությունը, ՀՀ քրեական օրենսգրքի 69-րդ հոդվածի 2-րդ մասում թվարկված մյուս հանգամանքները, ինչպես նաև այն, որ ՀՀ քրեական օրենսգրքի 344-րդ հոդվածի 1-ին մասի սանկցիայով որպես հիմնական պատիժ է նախատեսված նաև տուգանքի ձևով և ՀՀ քրեական օրենսգրքի 55-րդ հոդվածի 2-րդ մասով սահմանված պատժի նպատակներն ապահովելու համար նշված հանցագործության կատարման համար առավել խիստ պատիժ նշանակելու անհրաժեշտությունը բացակայում է, Դատարանը գտնում է, որ Հակոբ Խուդավերդյանի նկատմամբ ՀՀ քրեական օրենսգրքի 344-րդ հոդվածի 1-ին մասով հիմնական պատիժ պետք է նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով: ՀՀ քրեական օրենսգրքի 79-րդ հոդվածի 4-րդ մասի կիրառմամբ հիմք ընդունելով մեղադրյալ Հակոբ Խուդավերդյանի՝ 2025թ. մայիսի 20-ից 23-ն ընկած ժամանակահատվածում անազատության մեջ գտնվելու հանգամանքը՝ Դատարանը գտնում է, որ նրա նկատմամբ նշանակված պատիժը պետք է մեղմացնել և վերջնական պատիժ պետք է նշանակել տուգանք՝ 300.000 (երեք հարյուր հազար) ՀՀ դրամի չափով: Դատարանը միաժամանակ գտնում է, որ կատարած հանցանքի համար Հակոբ Խուդավերդյանի նկատմամբ լրացուցիչ պատիժ նշանակելու հիմքերն ու անհրաժեշտությունը բացակայում են։ Դատարանն արձանագրում է, որ ՀՀ քրեական դատավարության օրենսգրքի 348-րդ հոդվածի 1-ին մասի 11-14-րդ կետերով նշված հարցերին անդրադառնալու անհրաժեշտությունը սույն քրեական վարույթով բացակայում է։ Անդրադառնալով մեղադրյալի նկատմամբ ընտրված խափանման միջոցի հարցին՝ Դատարանն արձանագրում է, որ Հակոբ Խուդավերդյանի նկատմամբ որպես խափանման միջոց ընտրված բացակայելու արգելքը պետք է թողնել անփոփոխ մինչև դատավճռի օրինական ուժի մեջ մտնելը, իսկ դրանից հետո պետք է վերացնել: Դատարանը գտնում է, որ վարութային ծախսերի հարցը պետք է համարել լուծված, քանի որ արագացված վարույթ կիրառելու պայմաններում ՀՀ քրեական դատավարության օրենսգրքի 167-րդ հոդվածի 1-ին մաuով նախատեսված վարութային ծախսերը մեղադրյալ Հակոբ Խուդավերդյանից ենթակա չեն բռնագանձման՝ համաձայն ՀՀ քրեական դատավարության օրենսգրքի 464.4 հոդվածի 3-րդ մասի։ Ելնելով վերոգրյալից և ղեկավարվելով ՀՀ քրեական դատավարության օրենսգրքի 347-350-րդ, 352-353-րդ, 364-րդ, 464.4 և 464.5 հոդվածներով` Դատարանը ՎՃՌԵՑ Հակոբ Ռոբերտի Խուդավերդյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարման մեջ, և նրա նկատմամբ պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով: ՀՀ քրեական օրենսգրքի 79-րդ հոդվածի 4-րդ մասի կիրառմամբ Հակոբ Ռոբերտի Խուդավերդյանի նկատմամբ նշանակված պատիժը մեղմացնել և վերջնական պատիժ նշանակել տուգանք՝ 300.000 (երեք հարյուր հազար) ՀՀ դրամի չափով: Հակոբ Ռոբերտի Խուդավերդյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ մինչև դատավճռի օրինական ուժի մեջ մտնելը, իսկ դրանից հետո՝ վերացնել: Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով նախատեսված հիմքերի, կարող է բողոքարկվել ՀՀ վերաքննիչ քրեական դատարան՝ ստանալու օրվանից հետո մեկամսյա ժամկետում: ԴԱՏԱՎՈՐ ՏԱԹԵՎԻԿ ՄՈՒՐԱԴՅԱՆ |
|---|---|
| Դատական ակտի ամսաթիվը | 23-05-2025 |
Դատավճռի, որոշման կատարում
| Ամսաթիվ | 16-07-2025 |
|---|
Գործը հանձնվել է գրասենյակ
| Գործը հանձնվել է գրասենյակ | 05-09-2025 |
|---|---|
| Էջերի քանակ | 2 հատոր, 1 հատոր՝ 43 թերթ, 2 հատոր՝ 155 թերթ: |
Գործը հանձնվել է դատարանի արխիվ
| Ամսաթիվ | 05-09-2025 |
|---|---|
| Էջերի քանակը | 2 հատոր, 1 հատոր՝ 43 թերթ, 2 հատոր՝ 155 թերթ: |