Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


ԵԴ1/3302/01/24

«20» նոյեմբերի 2024թ. ք. Երևան

Երևան քաղաքի առաջին ատյանի ընդհանուր իրավասության քրեական դատարանը

նախագահությամբ դատավոր՝ Ա. Մելիքսեթյանի,
քարտուղարությամբ՝ Ս. Ջավադյանի,

մասնակցությամբ.
հանրային մեղադրող՝ Վ․ Մարգարյանի,

դռնբաց դատական նիստում, քննելով քրեական գործն ըստ մեղադրանքի՝
Զորիկ Ավետիքի Պետրոսյանի՝ /ծնված՝ 20.08.1995թ., ազգությամբ հայ, ՀՀ քաղաքացի, չամուսնացած, միջնակարգ կրթությամբ, չի աշխատում, հաշվառված և բնակվող՝ ք․ Երևան, Նոր Նորքի 9-րդ զանգված, Վիլնիուսի 31 շ․, բն․ 25/ ՀՀ քրեական օրենսգրքի 344-րդ հոդվածի 2-րդ մասով,

Պ Ա Ր Զ Ե Ց

1.Գործի դատավարական պատմությունը.
1.1․ 2023թ. նոյեմբերի 15-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60-0676-23 քրեական վարույթը:
1.2․ 2024թ. օգոստոսի 23-ին որոշում է կայացվել Զորիկ Ավետիքի Պետրոսյանի նկատմամբ ՀՀ քրեական օրենսգրքի 344-րդ հոդվածի 2-րդ մասով հանրային քրեական հետապնդում հարուցելու մասին:
1.3․ 2024թ. օգոստոսի 26-ին որոշում է կայացվել Զորիկ Ավետիքի Պետրոսյանի նկատմամբ որպես խափանման միջոց բացակայելու արգելքը կիրառելու մասին:
1․4․ 2024 թվականի օգոստոսի 30-ին միջնորդություն է ներկայացվել թիվ 60-0676-23 քրեական վարույթով հսկող դատախազին՝ մեղադրյալ Զորիկ Ավետիքի Պետրոսյանի նկատմամբ հարուցված հանրային քրեական հետապնդման ժամկետը կասեցնելու վերաբերյալ՝ մեղադրյալ Զորիկ Ավետիքի Պետրոսյանի քննությունից խուսափելու կամ այլ պատճառով գտնվելու վայրը հայտնի չլինելու հիմքով։
1․5․ 2024 թվականի հոկտեմբերի 16-ին որոշում է կայացվել թիվ 60-0676-23 քրեական վարույթով մեղադրյալ Զորիկ Ավետիքի Պետրոսյանի նկատմամբ կասեցված հանրային քրեական հետապնդման ժամկետը մեղադրյալի հայտնաբերման հիմքով վերսկսելու մասին։
1.6․ 2024 թվականի նոյեմբերի 13-ին Երևան քաղաքի առաջին ատյանի ընդհանուր իրավասության քրեական դատարան մուտք է եղել ՀՀ դատախազության Երևան քաղաքի Ավան և Նոր Նորք վարչական շրջանների դատախազությունից ստացված նախաքննական 60067623 համարով քրեական գործն ըստ մեղադրանքի Զորիկ Ավետիքի Պետրոսյանի՝ ՀՀ քրեական օրենսգրքի 344-րդ հոդվածի 2-րդ մասով, քրեական գործին շնորհվել է ԵԴ1/3302/01/24 դատական գործի համարը, աշխատակազմին է հանձնվել 2024 թվականի նոյեմբերի 14-ին:
1.7․ 2024 թվականի նոյեմբերի 14-ին Դատարանը կայացրել է թիվ ԵԴ1/3302/01/24 քրեական գործով վարույթ ստանձնելու և նախնական դատալասումներ նշանակելու մասին որոշում:


2. Մեղադրանքի փաստական նկարագրությունը.
Զորիկ Ավետիքի Պետրոսյանը, չունենալով տրանսպորտային միջոցներ վարելու իրավունք, 2023 թվականի մարտի 30-ին՝ ժամը 02:50-ի սահմաններում, Երևան քաղաքի Աճառյան փողոցում վարել է «Վազ 21140» մակնիշի 37 SC 255 հաշվառման համարանիշի տրանսպորտային միջոցը, որը ստուգման նպատակով կանգնեցվել է ՀՀ ՆԳՆ ոստիկանության պարեկային ծառայության աշխատակցի կողմից: Ստուգման արդյունքում պարզվել է, որ Զորիկ Ավետիքի Պետրոսյանը, չունենալով տրանսպորտային միջոցներ վարելու իրավունք, տրանսպորտային միջոցը վարել է հարբած/ոչ սթափ/ վիճակում, այսինքն՝ սթափության վիճակի զննությամբ պարզվել է, որ նրա մեկ լիտր արտաշնչած օդի մեջ մաքուր ալկոհոլի պարունակությունը կազմել է 0.196 մգ/լ, որն ըստ Վարչական իրավախախտումների վերաբերյալ ՀՀ օրենսգրքի 126-րդ հոդվածի 9-րդ մասի՝ համարվում է ոչ սթափ վիճակում գտնվող, ինչի կապակցությամբ Զորիկ Ավետիքի Պետրոսյանի նկատմամբ կազմվել է 8180249532 վարչական իրավախախտման վերաբերյալ արձանագրությունը:

3. Դատաքննությամբ հետազոտված թույլատրելի ապացույցները.
3.1․ 22.08.2024թ. զննում կատարելու մասին արձանագրությունը, համաձայն որի՝ 2023 թվականի հունիսի 15-ին ՀՀ ՆԳՆ ոստիկանության պարեկային ծառայությանից ստացվել է հաղորդում, համաձայն որի՝ 2022 թվականի մարտի 30-ին` ժամը 02:50-ին, ՀՀ պարեկային ծառայության 3 գումարտակի 3 վաշտի պարեկ Հայկ Գագիկի Նասլյանը /կրծքանշան՝ 17282 կազմել է վարչական իրավախախտումների վերաբերյալ` թիվ 8180249523 արջանագրությունն այն մասին, որի Զորիկ Ավետիքի Պետրոսյանը (ծնված 20.08.1995թ., բնակվող՝ քաղաք Երևան, Նոր Նորք 4-րդ զանգված 26/3 տուն, ՀԾՀ 3008950582) 2022 թվականի մարտի 30-ին ժամը 02:30-ին, Երևան քաղաքի Հ. Ավետիսյան փողոցում վարել է «Վազ 21140» մակնիշի 37SC255 հաշվառման համարանիշի տրանսպորտային միջոցը՝ չունենալով տրանսպորտային միջոցներ վարելու իրավունքի վկայական և ոչ սթափ վիճակում:
Արձանագրությանը կցվում է հատվածում առկա է գրառում՝ Զնհ 00164:
Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն:
Արձանագրությանը, իրավունքներին և պարտականություններին ծանոթանալու հատվածում առկա է ստորագրություն:
Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր/կոդ նշված՝ 202.5 թիվը:
3․2․ Վարորդի սթափության վիճակի զննության կտրոնի պատճենի զննության արձանագրությամբ, համաձայն որի՝ ստուգաչափման սարքի համարն է՝ 91101134, զննման համարը՝ 00164, զննման ամսաթիվը՝ 30.03.2022թ., զննման ժամը՝ 02:46:16 վերջին ստուգաչափման ամսաթիվը՝ 10.11.2022թ., դատարկ թեստ (0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0,196մգ/լ, վարորդի անունն է՝ Զորիկ, կողքին ստորագրություն, ազգանունը՝ Պետրոսյան, տրանսպորտային միջոցի համարանիշը՝ 37SC255, վ/վ անձ. AN0595297, Պ/Ծ տեսուչ՝ Նասլյան, կրծքանշանի համարը՝ 07282, ստորաբաժանումը՝ 3-րդ գումարտակ, 3-րդ վաշտ:
3․3․ ՀՀ էկոնոմիկայի նախարարության «Ստանդարտացման և չափագիտության ազգային մարմին» ՓԲԸ-ից կողմից տրված թիվ 083543 ստուգաչափման վկայականի պատճենի զննության արձանագրությունը, համաձայն որի՝ վկայականն ուժի մեջ է 2022 թվականի նոյեմբերի 10-ից մինչև 2023 թվականի նոյեմբերի 10-ը, ստուգաչափման սարքի գործարանային համարն է 91101134, տեսակը՝ Jupiter X/RP, չափման տիրույթը՝ 0.000+1,200մգ/լ, ճշտության դասը, կարգը /սխալանքը/ +5 +10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Ա. Գուլքանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ.Մարտիրոսյան:
3․4․ ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության զննության արձանագրությունը, համաձայն որի՝ Զորիկ Ավետիքի Պետրոսյան (ՀԾՀ՝ 3008950582) տվյալներով վարորդական իրավունքի վկայական չի գտնվել:
3․5․ 22.08.2024թ. որոշմամբ որպես արտավարութային փաստաթուղթն ապացույց ճանաչված և քրեական վարույթին կցված վարչական իրավախախտման վերաբերյալ կազմված թիվ 8180249532 արձանագրության պատճենը, վարորդի սթափության վիճակի զննության թիվ 00164 կտրոնի պատճենը, թիվ 083543 ստուգաչափման վկայականի պատճենը, ՀՀ ոստիկանության «Ճանապարհային ոստիկանություն էլեկտրոնային ծառայության» ռեգիստրից ստացված տվյալները:
3.6․ Մեղադրյալ Զորիկ Ավետիքի Պետրոսյանը դատարանում հրաժարվեց ցուցմունք տալ, ուստի հանրային մեղադրողի միջնորդությամբ հրապարակվեց վերջինիս նախաքննական ցուցմունքը, համաձայն որի՝ «(…) մեղադրյալ Զորիկ Ավետիքի Պետրոսյանը հայտնեց, որ իրեն մեկնաբանվել է առաջադրված մեղադրանքը, այն իրեն հասկանալի է և պարզ։ Չի ցանկացել մեկնաբանել իր արարքը, քանի որ ընդունում է մեղքը և զղջում կատարվածի համար, խնդրել է մեղմ վերաբերվել։ (…)»

4. Դատարանի փաստական վերլուծությունները և դատարանի կողմից հաստատված փաստական հանգամանքները.
Հետազոտված ապացույցների հիման վրա Դատարանի կողմից հաստատվել են հետևյալ փաստական հանգամանքները.
Զորիկ Ավետիքի Պետրոսյանը, չունենալով տրանսպորտային միջոցներ վարելու իրավունք, 2023 թվականի մարտի 30-ին՝ ժամը 02:50-ի սահմաններում, Երևան քաղաքի Աճառյան փողոցում վարել է «Վազ 21140» մակնիշի 37 SC 255 հաշվառման համարանիշի տրանսպորտային միջոցը, որը ստուգման նպատակով կանգնեցվել է ՀՀ ՆԳՆ ոստիկանության պարեկային ծառայության աշխատակցի կողմից: Ստուգման արդյունքում պարզվել է, որ Զորիկ Ավետիքի Պետրոսյանը, չունենալով տրանսպորտային միջոցներ վարելու իրավունք, տրանսպորտային միջոցը վարել է հարբած/ոչ սթափ/ վիճակում, այսինքն՝ սթափության վիճակի զննությամբ պարզվել է, որ նրա մեկ լիտր արտաշնչած օդի մեջ մաքուր ալկոհոլի պարունակությունը կազմել է 0.196 մգ/լ, որն ըստ Վարչական իրավախախտումների վերաբերյալ ՀՀ օրենսգրքի 126-րդ հոդվածի 9-րդ մասի՝ համարվում է ոչ սթափ վիճակում գտնվող, ինչի կապակցությամբ Զորիկ Ավետիքի Պետրոսյանի նկատմամբ կազմվել է 8180249532 վարչական իրավախախտման վերաբերյալ արձանագրությունը:

5. Դատարանի իրավական վերլուծությունները.
5.1. Վերլուծելով մեղադրյալ Զորիկ Ավետիքի Պետրոսյանին առաջադրված մեղադրանքը և հիմնվելով հետազոտված թույլատրելի ապացույցների վրա` Դատարանը գտնում է, որ.
- ապացուցված է մեղադրյալ Զորիկ Ավետիքի Պետրոսյանին վերագրվող փաստական հանգամանքները, մասնավորապես մեղադրյալ Զորիկ Ավետիքի Պետրոսյանի կողմից չունենալով տրանսպորտային միջոցներ վարելու իրավունք, ոչ սթափ վիճակում տրանսպորտային միջոց վարելը,
- ապացուցված է վերոգրյալ արարքի քրեական հակաիրավականությունը, որը նախատեսված է ՀՀ քրեական օրենսգրքի 344-րդ հոդվածի 2-րդ մասով,
- ապացուցված է մեղադրյալ Զորիկ Ավետիքի Պետրոսյանի կողմից ՀՀ քրեական օրենսգրքի 344-րդ հոդվածի 2-րդ մասով նախատեսված վերոգրյալ արարքը կատարելը.
- ապացուցված է մեղադրյալ Զորիկ Ավետիքի Պետրոսյանի մեղավորությունը ՀՀ քրեական օրենսգրքի 344-րդ հոդվածի 2-րդ մասով նախատեսված արարքը կատարելու մեջ:
5.2. Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ Սահմանադրության 71-րդ հոդվածի համաձայն
«1. Հանցանք կատարած անձի պատժի հիմքը նրա մեղքն է:
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին»:

ՀՀ քրեական օրենսգրքի 7-րդ հոդվածի 1-ին մասի համաձայն`
«1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:»:

ՀՀ քրեական օրենսգրքի 55-րդ հոդվածի 2-րդ մասի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»:

ՀՀ քրեական օրենսգրքի 69-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ»:

Պատիժ նշանակելը քրեական գործով արդարադատության իրականացման վճռական պահն է, որը պետք է դառնա կատարված հանցանքի հասարակական վտանգավորության գնահատման լիարժեք չափանիշ, պատժի ենթարկվող անձին վերասոցիալականացնելու, ինչպես մեղադրյալի, այնպես էլ այլ անձանց կողմից հանցագործությունները կանխելու գործուն միջոց: Արդարության և պատասխանատվության անհատականացման սկզբունքը պատժի տեսակը և չափը որոշելու բազմաթիվ դրույթների ու չափանիշների հետ մեկտեղ անխզելիորեն կապված է պատասխանատվությունը և պատիժը մեղմացնող ու ծանրացնող հանգամանքները հետազոտելու և հաշվի առնելու հետ: ՀՀ քրեական դատավարության օրենսգրքի 102-րդ հոդվածում թվարկված են յուրաքանչյուր քրեական գործով ապացուցման ենթակա փաստական հանգամանքները: Այդ հոդվածի 5-րդ կետի համաձայն քրեական օրենքով նախատեսված պատասխանատվությունը մեղմացնող կամ խստացնող հանգամանքները հաստատվում են միայն ապացույցների հիման վրա: Ընդ որում, անձի պատասխանատվությունը և պատիժը մեղմացնող ու ծանրացնող հանգամանքների գնահատումը յուրաքանչյուր կոնկրետ գործով պատիժ նշանակելիս հնարավորություն է տալիս դատարանին պատկերացում կազմել հանցանքի՝ հանրության համար վտանգավորության աստիճանի, բնույթի, ինչպես նաև հանցավորի անձնավորության մասին և յուրաքանչյուր կոնկրետ գործով անհատականացնել պատիժը: Պատժի անհատականացման կարևորությունն այն է, որ դա լուրջ երաշխիք է ՀՀ քրեական օրենսգրքի 55-րդ հոդվածի 2-րդ մասով սահմանված պատժի նպատակների իրականացման համար:
5.3. Դատարանը որպես մեղադրյալի պատասխանատվությունը և պատիժը մեղմացնող հանգամանք, հաշվի է առնում այն, որ վերջինս ներկայացված մեղադրանքում իրեն լիովին մեղավոր է ճանաչել և զղջացել կատարած արարքի համար:
Անդրադառնալով մեղադրյալի պատասխանատվությունը և պատիժը ծանրացնող հանգամանքներին Դատարանն արձանագրում է, որ մեղադրյալը դիտավորյալ արարքի համար դատվածությունը մարված չլինելու պայմաններում կատարել է ՀՀ քրեական օրենսգրքի 344-րդ հոդվածի 2-րդ մասով նոր դիտավորյալ հանցանք, ուստի վերջինիս արարքում առկա է հանցագործություննրի ռեցիդիվ, սակայն, ղեկավարվելով ՀՀ քրեական օրենսգրքի 71-րդ հոդվածի 4-րդ մասով, սույն դեպքում հանցանքը դատվածություն ունեցող անձի կողմից կատարելը հաշվի չի առնվում որպես ծանրացնող հանգամանք։
5.4. Վերոգրյալ իրավանորմերի համատեքստում քննարկելով այն հարցը, թե ինչ պատժատեսակ և պատժաչափ պետք է նշանակվի մեղադրյալի նկատմամբ, հաշվի առնելով մեղադրյալի կատարած հանցագործության բնույթը և հանրության համար վտանգավորության աստիճանը, ինչպես նաև հանցագործության անմիջական օբյեկտի՝ հասարակության անվտանգության դեմ ուղղված ոտնձգության բնույթը և այդ ոլորտում պետության քրեական քաղաքականության ուղղվածությունը, դրանք համադրելով մեղադրյալի անձը բնութագրող տվյալների հետ, հաշվի առնելով նաև մեղադրյալի պատասխանատվությունը և պատիժը մեղմացնող վերոգրյալ հանգամանքի առկայությունը Դատարանը գտնում է, որ մեղադրյալ Զորիկ Ավետիքի Պետրոսյանն իր կատարած՝ ՀՀ քրեական օրենսգրքի 344-րդ հոդվածի 2-րդ մասով նախատեսված արարքի համար ենթակա է պատժի այդ հանցագործության համար նախատեսված պատիժներից առավել մեղմ պատժի` տուգանքի ձևով, իսկ առավել խիստ պատիժ նշանակելու հիմքերը բացակայում են:
Այս համատեքստում անդրադառնալով մեղադրյալի նկատմամբ ազատազրկման ձևով պատիժ նշանակելու վերաբերյալ, Դատարանն արձանագրում է, որ 2024 թվականի հունվարի 16-ի /ուժի մեջ է մտել 2024թ. փետրվարի 6-ին/ ՀՀ քրեական օրենսգրքում լրացումներ և փոփոխություններ կատարելու մասին օրենքով ՀՀ քրեական օրենսգքրի 76-րդ հոդվածը լրացվել է հետևյալ բովանդակությամբ.՝
«1.1. հանցագործությունների ռեցիդիվի դեպքում նշանակվում է ազատազրկում կամ ցմահ ազատազրկում պատժատեսակը, եթե կատարված հանցանքի համար պատասխանատվություն նախատեսող հոդվածի սանկցիայով նախատեսված են այդ պատժատեսակները:»
Հաշվի առնելով, որ մեղադրյալի կողմից արարքը կատարվել է 2023 թվականի մարտի 30-ին, իսկ ՀՀ քրեական օրենսգրքի 9-րդ հոդվածի 1-ին մասը սահմանում է՝ «Արարքի հանցավորությունը սահմանող, պատիժը խստացնող կամ հանցանք կամ քրեական օրենսդրությամբ նախատեսված արարք կատարած անձի վիճակն այլ կերպ վատթարացնող օրենսդրությունը հետադարձ ուժ չունի», ուստի Դատարանն արձանագրում է, որ ՀՀ քրեական դատավարությամբ սահմանված օրենսդրսական պարտադիր պահանջը ռեցիդիվով պայմանավորված մեղադրյալի նկատմամբ բացառապես ազատազրման ձևով պատիժ նշանակելու վերաբերյալ սույն դեպքում կիրառելի չէ:
Դատարանը, հաշվի առնելով, որ մեղադրյալը չի աշխատում /չունի եկամուտներ/, ուստի ղեկավարվելով ՀՀ քրեական օրենսգրքի 59-րդ հոդվածի 5-րդ մասով գտնում է, որ մեղադրյալի նկատմամբ տուգանքի ձևով պատժի չափը որոշելիս պետք է հաշվի առնել հանցանքը կատարելու պահին նվազագույն աշխատավարձի չափը, որը «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն սահմանված է 75.000 (յոթանասունհինգ հազար) ՀՀ դրամ:
Դատարանը գտնում է, որ 2023 թվականի մարտի 30-ին կատարված ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման համար մեղադրյալի նկատմամբ պետք է նշանակվի պատիժ տուգանք՝ նվազագույն աշխատավարձի տաստապատիկի՝ 750.000 /յոթհարյուր հիսուն հազար/ ՀՀ դրամի չափով, որով կապահովվի ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին և բավարար կլինի սոցիալական արդարությունը վերականգնելու, պատժի ենթարկված անձին վերասոցիալականացնելու և հանցագործությունները կանխելու համար:
5.5. Անդրադառնալով պատիժը մեղադրյալի կողմից կրելու հարցին՝ Դատարանն արձանագրում է, որը մեղադրյալը պատիժը պետք է կրի: Միևնույն ժամանակ հաշվի առնելով այն, որ մեղադրյալը չունի բավարար ֆինանսական միջոցներ, Դատարանը գտնում է, որ մեղադրյալն ի վիճակի չէ անհապաղ և ամբողջությամբ վճարելու նշանակված տուգանքը, ուստի արձանագրում է, որ անհրաժեշտ է դատավճռով նրա նկատմամբ նշանակվող տուգանքը տարաժամկետել 10 /տասը/ ամիս ժամկետով՝ թույլատրելով վերջինիս յուրաքանչյուր ամիս վճարել առնվազն 75.000 /յոթանասունհինգ հազար/ ՀՀ դրամ գումար:
5.6. Անդրադառնալով մեղադրյալի նկատմամբ լրացուցիչ պատիժ նշանակելու հարցին, Դատարանն արձանագրում է, մեղադրյալի նկատմամբ լրացուցիչ պատժատեսակ նշանակելու անհրաժեշտություն առկա չէ:
5.7. Դատարանն արձանագրում է, որ սույն գործով գույքային հայց չի հարուցվել, բռնագրավման ենթակա գույքի, ինչպես նաև գույքի արգելադրման վերաբերյալ տվյալներ գործում առկա չեն:
5.8. Անդրադառնալով ապացույցների տնօրինման հարցին՝ Դատարանը գտնում է, որ արտավարութային փաստաթուղթ ճանաչված և վարույթի նյութերին կցված՝ վարչական իրավախախտման վերաբերյալ կազմված թիվ 8180249532 արձանագրության պատճենը, վարորդի սթափության վիճակի զննության թիվ 00164 կտրոնի պատճենը, թիվ 083543 ստուգաչափման վկայականի պատճենը, ՀՀ ոստիկանության «Ճանապարհային ոստիկանություն էլեկտրոնային ծառայության» ռեգիստրից ստացված տվյալներըպետք է պահել վարույթի նյութերի հետ՝ դրանք պահելու ամբողջ ընթացքում:
5.9. Քննարկելով խափանման միջոցի հարցը` դատարանը գտնում է, որ մեղադրյալի նկատմամբ որպես խափանման միջոց բացակայելու արգելքն ընտրված է ճիշտ և այն վերացվելու կամ փոփոխվելու ենթակա չէ մինչև դատավճռի օրինական ուժի մեջ մտնելը:
5.10. Քննարկելով վարութային ծախսերի հարցը՝ Դատարանն արձանագրում է, որ վարույթով դատական ծախսեր առկա չեն:
Վերոգրյալի հիման վրա և ղեկավարվելով Հայաստանի Հանրապետության քրեական դատավարության օրենսգրքի 100-րդ, 167-րդ, 347-350-րդ, 352-353-րդ, 364-րդ հոդվածներով, Դատարանը`


Վ Ճ Ռ Ե Ց


Մեղադրյալ Զորիկ Ավետիքի Պետրոսյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքում և պատիժ նշանակել տուգանք՝ նվազագույն աշխատավարձի տասնապատիկի` 750.000 /յոթհարյուր հիսուն հազար/ ՀՀ դրամ գումարի չափով:
Թույլատրել Զորիկ Ավետիքի Պետրոսյանին դատավճռով նշանակված 750.000 ՀՀ դրամ գումարի չափով տուգանքը վճարել մաս առ մաս, 10 /տասը/ ամսվա ընթացքում՝ յուրաքանչյուր ամիս վճարելով առնվազն 75.000 /յոթանասունհինգ հազար/ ՀՀ դրամ գումար:
Մեղադրյալ Զորիկ Ավետիքի Պետրոսյանի նկատմամբ ընտրված խափանման միջոց բացակայելու արգելքը պահպանել՝ մինչև դատավճռի օրինական ուժի մեջ մտնելը:
Դատական ծախսերի հարցը համարել լուծված։
Վարույթի նյութերին կցված արտավարութային փաստաթղթերը պահել վարույթի նյութերի հետ՝ դրանք պահելու ամբողջ ընթացքում:
Դատավճիռը կարող է բողոքարկվել ՀՀ վերաքննիչ քրեական դատարան` դատական ակտը ստանալու օրվանից հետո մեկամսյա ժամկետում:



ԴԱՏԱՎՈՐ՝ Ա. ՄԵԼԻՔՍԵԹՅԱՆ