ԵԴ1/3203/01/24




ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

«06» դեկտեմբերի 2024թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը, նախագահությամբ՝ դատավոր Տաթևիկ Մուրադյանի (այսուհետ` Դատարան), գրավոր ընթացակարգով՝ համաձայնությամբ տուգանք նշանակելու վարույթի կարգի կիրառմամբ քննելով քրեական գործն ըստ մեղադրանքի՝ Աննա Արմենի Բադեյանի՝ ծնված՝ 22.12.1992թ. Վարդենիս քաղաքում, ազգությամբ հայ, ՀՀ քաղաքացի, ամուսնացած, բարձրագույն կրթությամբ, աշխատում է «Ա․Բ․Ա Ֆարմ» ՍՊԸ–ում՝ որպես դեղագետ, նախկինում չդատված, հաշվառված է Գեղարքունիքի մարզի Վարդենիս քաղաքի Վ․Համբարձումյան փողոցի թիվ 23 տուն հասցեում, բնակվում է՝ Աբովյան քաղաքի Առինջ գյուղի Վ․Տերյան թաղամասի 3/1 տուն հասցեում ՀՀ քրեական օրենսգրքի 344-րդ հոդվածի 1-ին մասով,

ՊԱՐԶԵՑ

1. Քրեական գործի դատավարական նախապատմությունը.
2024 թվականի հուլիսի 16-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 1-ին մասով նախաձեռնվել է թիվ 60-2690-24 քրեական վարույթը:
2024 թվականի հոկտեմբերի 29-ին ՀՀ դատախազության Երևան քաղաքի Արաբկիր և Քանաքեռ–Զեյթուն վարչական շրջանների դատախազության դատախազ Ելենա Կարապետյանի որոշմամբ՝ թիվ 60-2690-24 քրեական վարույթով Լևոն Արսենի Մկրտչյանի նկատմամբ ՀՀ քրեական օրենսգրքի 344-րդ հոդվածի 1-ին մասով հարուցվել է հանրային քրեական հետապնդում:
2024 թվականի նոյեմբերի 08-ին Երևան քաղաքի առաջին ատյանի ընդհանուր իրավասության քրեական դատարան է ստացվել թիվ ԵԴ1/3203/01/24 քրեական գործն ըստ մեղադրանքի՝ Աննա Արմենի Բադեյանի՝ ՀՀ քրեական օրենսգրքի 344-րդ հոդվածի 1-ին մասով:
Նույն օրը թիվ ԵԴ1/3203/01/24 քրեական գործն էլեկտրոնային եղանակով մակագրվել և 2024 թվականի նոյեմբերի 11-ին հանձնվել է դատավոր Տաթևիկ Մուրադյանին:
2024 թվականի նոյեմբերի 12-ին Դատարանի կողմից որոշում է կայացվել թիվ ԵԴ1/3203/01/24 քրեական գործով վարույթն ստանձնելու և համաձայնությամբ տուգանք նշանակելու վարույթ հարուցելու մասին։
Վարույթն իրականացվել է գրավոր ընթացակարգով և դատավճռի կայացման օր է նշանակվել 2024 թվականի նոյեմբերի 26-ը:
2024 թվականի նոյեմբերի 12-ին Դատարանի կողմից հարցում է կատարվել ՀՀ ՊԵԿ հարկ վճարողների սպասարկման վարչություն՝ խնդրելով տրամադրել տեղեկատվություն Աննա Բադեյանի՝ հանցանքը կատարելուն նախորդող տասներկու ամիսներին ստացած եկամուտների վերաբերյալ։
Նկատի ունենալով, որ հիշյալ հարցման պատասխանը 2024 թվականի նոյեմբերի 26-ի դրությամբ Դատարան չի ստացվել, հետևաբար դատական ակտի կայացման օրը հետաձգվել է մինչև դրա ստանալու օրը։
2024 թվականի դեկտեմբերի 06-ին Դատարան է ստացվել ՀՀ ՊԵԿ հարկ վճարողների սպասարկման վարչության պետի գրությունը՝ կից տեղեկատվություն Աննա Բադեյանի կողմից հանցանքը կատարելուն նախորդող տասներկու ամիսներին ստացած եկամուտների վերաբերյալ։

2. Մեղադրանքի փաստական նկարագրությունը.
Աննա Արմենի Բադեյանին մեղադրանք է ներկայացվել ՀՀ քրեական օրենսգրքի 344-րդ հոդվածի 1-ին մասով՝ այն բանի համար, որ «նա իրավասու պետական մարմնի աշխատակցի կողմից կայացված վարչական տույժ նշանակելու մասին թիվ 2417809878 որոշմամբ ենթարկված լինելով վարչական պատասխանատվության՝ տրանսպորտային միջոցներ վարելու իրավունքը 6 վեց ամիս ժամկետով կասեցնելու ձևով և պատշաճ կարգով ծանուցված լինելով այդ մասին, կասեցման ժամկետը չլրացած՝ 2024 թվականի հունիսի 18-ին՝ ժամը 23։13-ի սահմաններում, Երևան քաղաքի Ռուբինյանց փողոցում վարել է «Շեվրոլետ» մակնիշի 50 BA 100 հաշվառման համարանիշի ավտոմեքենան, ինչի վերաբերյալ կազմվել է վարչական իրավախախտման մասին թիվ 8180407308 արձանագրությունը:»:

3. Դատարանի փաստական վերլուծությունները և հաստատված կամ հերքված փաստական հանգամանքները.
Ուսումնասիրելով քրեական վարույթի նյութերը, Դատարանն արձանագրում է, որ մեղադրական եզրակացությանը կցված է համաձայնությամբ տուգանք նշանակելու վարույթ նախաձեռնելու վերաբերյալ ՀՀ քննչական կոմիտեի Երևան քաղաքի քննչական վարչության Քանաքեռ–Զեյթուն վարչական շրջանի քննչական բաժնի քննիչ Վահան Գևորգյանի կողմից 2024 թվականի հոկտեմբերի 31-ին կազմված արձանագրությունը, համաձայն որի՝ մեղադրյալը չի վիճարկում իրեն ներկայացված մեղադրանքի փաստական հիմքն ու իրավական գնահատականը և պաշտպանի հետ խորհրդակցելուց հետո կամավոր ցանկություն է հայտնել, որ դատարանում գործի քննությունն իրականացվի համաձայնությամբ տուգանք նշանակելու վարույթի կարգով, ինչի վերաբերյալ քննիչը մեղադրյալի միջնորդության հիման վրա կազմել է համապատասխան արձանագրությունը, որը ստորագրել են քննիչը, մեղադրյալը և նրա պաշտպանը:
Մեղադրական եզրակացությունը հաստատելու և վարույթի նյութերը դատարան հանձնելու մասին ՀՀ դատախազության Երևան քաղաքի Արաբկիր և Քանաքեռ–Զեյթուն վարչական շրջանների դատախազության դատախազ Ե․Կարապետյանի 2024 թվականի նոյեմբերի 07-ի որոշմամբ հաստատվել է համաձայնությամբ տուգանք նշանակելու վարույթի կարգով ստացված մեղադրական եզրակացությունը։
ՀՀ ՊԵԿ հարկ վճարողների սպասարկման վարչություն կատարված հարցման պատասխանի համաձայն՝ ՀՀ պետական եկամուտների կոմիտեի տվյալների շտեմարանում մեղսագրվող հանցանքն ավարտվելու օրվան նախորդող 12 ամիսների ընթացքում Աննա Բադեյանի ստացած եկամուտները կազմում են 3.912.098 երեք միլիոն ինը հարյուր տասներկու հազար իննսունութ ՀՀ դրամ, և նրա ստացած միջին ամսական եկամուտը կազմում է 326.000 երեք հարյուր քսանվեց հազար ՀՀ դրամ, որի 35 տոկոսը կազմում է 114.100 հարյուր տասնչորս հազար հարյուր ՀՀ դրամ, ինչն ավելի բարձր է հանցանքի կատարման պահին սահմանված նվազագույն աշխատավարձի չափից` 75.000 յոթանասունհինգ հազար ՀՀ դրամից։

4. Դատարանի իրավական վերլուծությունները, հետևությունները և որոշումները.
ՀՀ քրեական օրենսգրքի 7-րդ հոդվածի 1-ին մասի համաձայն`
«1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը»:
ՀՀ քրեական օրենսգրքի 55-րդ հոդվածի 2-րդ մասի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»:
ՀՀ քրեական օրենսգրքի 69-րդ հոդվածի 1-ին մասի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:»:
ՀՀ քրեական օրենսգրքի 77-րդ հոդվածի 6-րդ մասի համաձայն՝ ավարտված կամ չավարտված հանցագործություններով համաձայնությամբ տուգանք նշանակելու վարույթի դեպքում նշանակվում է սույն օրենսգրքի Հատուկ մասի համապատասխան հոդվածի սանկցիայով նախատեսված տուգանքի նվազագույն չափը՝ առանց լրացուցիչ պատիժ և անվտանգության միջոց նշանակելու:
Դատարանը համաձայնությամբ տուգանք նշանակելու վարույթ կիրառելու պայմաններում ապացուցված է համարում մեղադրյալ Աննա Բադեյանին վերագրվող փաստական հանգամանքները (արարքը), այդ արարքի քրեական հակաիրավականությունը, մեղադրյալի կողմից այդ արարքը կատարելը, մեղադրյալի մեղավորությունը տվյալ արարքը կատարելու մեջ, ինչպես նաև գտնում է, որ մեղադրյալի արարքի նկատմամբ պետք է կիրառվի ՀՀ քրեական օրենսգրքի 344-րդ հոդվածի 1-ին մասը։
Դատարանը, հաշվի առնելով, որ ՀՀ քրեական օրենսգրքի 77-րդ հոդվածի 6-րդ մասից հետևում է, որ համաձայնությամբ տուգանք նշանակելու վարույթ կիրառելու դեպքում որպես պատիժ նշանակվում է ՀՀ քրեական օրենսգրքի Հատուկ մասի համապատասխան հոդվածի սանկցիայով նախատեսված տուգանքի նվազագույն չափը՝ առանց լրացուցիչ պատիժ և անվտանգության միջոց նշանակելու, ուստի սույն դատական ակտով չի անդրադառնում պատիժը մեղմացնող կամ ծանրացնող հանգամանքներին, քանի որ մեղադրյալի նկատմամբ՝ որպես պատիժ ենթակա է նշանակման ՀՀ քրեական օրենսգրքի Հատուկ մասի համապատասխան հոդվածի սանկցիայով նախատեսված տուգանքի նվազագույն չափը։
Դատարանն արձանագրում է, որ ՀՀ ՊԵԿ հարկ վճարողների սպասարկման վարչություն կատարված հարցման պատասխանի համաձայն՝ ՀՀ պետական եկամուտների կոմիտեի տվյալների շտեմարանում մեղսագրվող հանցանքն ավարտվելու օրվան նախորդող 12 ամիսների ընթացքում Աննա Բադեյանի ստացած միջին ամսական եկամուտի 35 տոկոսը կազմում է 114.100 հարյուր տասնչորս հազար հարյուր ՀՀ դրամ։ Հետևաբար՝ մեղադրյալ Աննա Բադեյանի նկատմամբ նշանակված տուգանքի չափը պետք է հաշվարկել 114.100 ՀՀ դրամի հաշվարկով 114.100 x 5, որի դեպքում այն կկազմի 570.500 (հինգ հարյուր յոթանասուն հազար հինգ հարյուր) ՀՀ դրամ:
Այսպիսով, Դատարանը գտնում է, որ Աննա Բադեյանի նկատմամբ՝ որպես պատիժ պետք է նշանակել տուգանք` ամսական աշխատավարձի հնգապատիկի՝ 570.500 (հինգ հարյուր յոթանասուն հազար հինգ հարյուր) ՀՀ դրամի չափով։
Դատարանը գտնում է, որ մեղադրյալ Աննա Բադեյանը պետք է կրի իր նկատմամբ նշանակված պատիժը, քանի որ նրան պատժից ազատելու հիմքեր առկա չեն։
Դատարանն արձանագրում է, որ ՀՀ քրեական դատավարության օրենսգրքի 348-րդ հոդվածի 1-ին մասի 11-14-րդ կետերով նշված հարցերին անդրադառնալու անհրաժեշտությունը սույն քրեական վարույթով բացակայում է:
Անդրադառնալով մեղադրյալի նկատմամբ ընտրված խափանման միջոցի հարցին՝ Դատարանն արձանագրում է, որ Աննա Բադեյանի նկատմամբ որպես խափանման միջոց ընտրված բացակայելու արգելքը, պետք է թողնել անփոփոխ մինչև դատավճռի օրինական ուժի մեջ մտնելը, իսկ դրանից հետո պետք է վերացնել:
Դատարանը գտնում է նաև, որ վարութային ծախսերի հարցը պետք է համարել լուծված, քանի որ համաձայնությամբ տուգանք նշանակելու վարույթ կիրառելու պայմաններում ՀՀ քրեական դատավարության օրենսգրքի 167-րդ հոդվածի 1-ին մաuով նախատեսված վարութային ծախսերը մեղադրյալ Աննա Բադեյանից ենթակա չեն բռնագանձման՝ համաձայն ՀՀ քրեական դատավարության օրենսգրքի 464.9 հոդվածի 4-րդ մասի։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 347-349-րդ, 464.6-464.10-րդ հոդվածներով` Դատարանը

ՎՃՌԵՑ

Աննա Արմենի Բադեյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման մեջ, և նրա նկատմամբ պատիժ նշանակել տուգանք՝ ամսական աշխատավարձի հնգապատիկի՝ 570.500 (հինգ հարյուր յոթանասուն հազար հինգ հարյուր) ՀՀ դրամի չափով։
Աննա Արմենի Բադեյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը։
Դատավճիռն օրինական ուժի մեջ մտնելուց հետո Աննա Արմենի Բադեյանի վերաբերյալ ՀՀ միգրացիոն ծառայությունում Հայաստանի Հանրապետության սահմանային էլեկտրոնային կառավարման տեղեկատվական (ՍԷԿՏ) համակարգում բացառապես սույն գործով առկա արգելանքները վերացնել:
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով նախատեսված հիմքերի, կարող է բողոքարկվել ՀՀ վերաքննիչ քրեական դատարան՝ ստանալու օրվանից հետո մեկամսյա ժամկետում:




ԴԱՏԱՎՈՐ ՏԱԹԵՎԻԿ ՄՈՒՐԱԴՅԱՆ