ԵԴ1/3196/01/24

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՌԱՋԻՆ
ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

2025թ․ հուլիսի <<11>> ք․Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)

Նախագահող դատավոր Ա.Հովհաննիսյան
դատական նիստերի քարտուղար Մ.Հովհաննիսյան
հանրային մեղադրող Է.Թովմասյան

դռնբաց դատական նիստում քննեց քրեական վարույթն ըստ մեղադրանքի՝ Արթուր Վարդանի Ասատրյանի՝ ծնված 1992 թվականի մայիսի 17-ին Երևան քաղաքում, ազգությամբ հայ, ՀՀ քաղաքացի, չամուսնացած, միջին մասնագիտական կրթությամբ, նախկինում չդատապարտված, բնակվող՝ Երևան քաղաքի Արամ Խաչատրյան փողոցի 22-րդ շենքի 30-րդ բնակարանում: Հանրային քրեական հետապնդում է հարուցվել ՀՀ քրեական օրենսգրքի 344-րդ հոդվածի 1-ին մասով՝ 3 դրվագ. որպես խափանման միջոց է կիրառվել բացակայելու արգելքը:
Վարույթի դատավարական նախապատմությունը.
2023 թվականի հունվարի 24-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Մանուկյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60148623 քրեական վարույթը:
2023 թվականի փետրվարի 3-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Մանուկյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60195523 քրեական վարույթը:
2023 թվականի փետրվարի 8-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Ա.Մանուկյանի որոշմամբ թիվ 60195523 քրեական վարույթը միացվել է թիվ 60148623 քրեական վարույթին և նախաքննությունը շարունակվել է 60148623 համարի ներքո:
2023 թվականի փետրվարի 20-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Վ.Բաղդասարյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60834323 քրեական վարույթը:
2023 թվականի մարտի 15-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Վ.Բաղդասարյանի որոշմամբ թիվ 60834323 քրեական վարույթը միացվել է թիվ 60148623 քրեական վարույթին և նախաքննությունը շարունակվել է 60148623 համարի ներքո:
2023 թվականի օգոստոսի 11-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Վ.Բաղդասարյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60209223 քրեական վարույթը:
2023 թվականի սեպտեմբերի 29-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Վ.Բաղդասարյանի որոշմամբ թիվ 60209223 քրեական վարույթը միացվել է թիվ 60148623 քրեական վարույթին և նախաքննությունը շարունակվել է 60148623 համարի ներքո:
2024 թվականի հոկտեմբերի 31-ի ՀՀ դատախազության Երևան քաղաքի Արաբկիր և Քանաքեռ-Զեյթուն վարչական շրջանների դատախազության ավագ դատախազ Է.Գրիգորյանի որոշմամբ Արթուր Վարդանի Ասատրյանի նկատմամբ հանրային քրեական հետապնդում է հարուցվել այն արարքների կատարման համար, որ նա տրանսպորտային միջձոց վարելու իրավունքից զրկված վիճակում, վարել է տրանսպորտային միջոց:
Այսպես, Արթուր Վարդանի Ասատրյանը, 2022 թվականի հոկտեմբերի 30-ին ՀՀ ՆԳՆ պարեկային ծառայության աշխատակցի կողմից տեղեկանալով թիվ 2214655205, 221486297, 2214851471 որոշումներով 2022 թվականի հուլիսի 6-ից 2023 թվականի օգոստոսի 22-ն ընկած ժամանակահատվածում իր տրանսպորտային միջոցներ վարելու իրավունքի զրկված լինելու մասին, զրկման ժամկետը չլրացած, 2022 թվականի նոյեմբերի 20-ին՝ ժամը 13:05-ի սահմաններում, Երևան քաղաքի Զ.Քանաքեռցու փողոցում վարել է <<ԲՄՎ>> մակնիշի 10 VC 007 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է թիվ 8180164430 արձանագրությունը:
Այսինքն՝ Արթուր Վարդանի Ասատրյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարում:
Բացի այդ, Արթուր Վարդանի Ասատրյանը, 2022 թվականի հոկտեմբերի 30-ին ՀՀ ՆԳՆ պարեկային ծառայության աշխատակցի կողմից տեղեկանալով թիվ 2214655205, 221486297, 2214851471 որոշումներով 2022 թվականի հուլիսի 6-ից 2023 թվականի օգոստոսի 22-ն ընկած ժամանակահատվածում իր տրանսպորտային միջոցներ վարելու իրավունքի զրկված լինելու մասին, զրկման ժամկետը չլրացած, 2023 թվականի հունվարի 16-ին՝ ժամը 00:55-ի սահմաններում, Երևան քաղաքի Հաղթանակ թաղամասի 1-ին փողոցում վարել է <<ԼԱԴԱ>> մակնիշի 37 QN 244 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է թիվ 8180169462 արձանագրությունը:
Այսինքն՝ Արթուր Վարդանի Ասատրյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարում:
Բացի այդ, Արթուր Վարդանի Ասատրյանը, 2022 թվականի հոկտեմբերի 30-ին ՀՀ ՆԳՆ պարեկային ծառայության աշխատակցի կողմից տեղեկանալով թիվ 2214655205, 221486297, 2214851471 որոշումներով 2022 թվականի հուլիսի 6-ից 2023 թվականի օգոստոսի 22-ն ընկած ժամանակահատվածում իր տրանսպորտային միջոցներ վարելու իրավունքի զրկված լինելու մասին, զրկման ժամկետը չլրացած, 2023 թվականի օգոստոսի 06-ին՝ ժամը 03:20-ի սահմաններում, Երևան քաղաքի Կոմիտասի պողոտայում վարել է <<ԲՄՎ>> մակնիշի 37 VH 019 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է թիվ 8180254970 արձանագրությունը:
Այսինքն՝ Արթուր Վարդանի Ասատրյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարում:
Այսպիսով՝ Արթուր Վարդանի Ասատրյանին մեղսագրվում են հանցանքնրի կատարում՝ նախատեսված ՀՀ քրեական օրենսգրքի 344-րդ հոդվածի 1-ին մասով (երեք դրվագ):
2024 թվականի հոկտեմբերի 31-ի ՀՀ դատախազության Երևան քաղաքի Արաբկիր և Քանաքեռ-Զեյթուն վարչական շրջանների դատախազության ավագ դատախազ Է.Գրիգորյանի որոշմամբ Արթուր Վարդանի Ասատրյանի նկատմամբ ՀՀ քրեական օրենսգրքի 344-րդ հոդվածի 1-ին մասով հանրային քրեական հետապնդում չի հարուցվել՝ ՀՀ քրեական դատավարության օրենսգրքի 12-րդ հոդվածի 1-ին մասի 1-ին կետի հիմքով:
2024 թվականի հոկտեմբերի 31-ի ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանների քննչական բաժնի քննիչ Զ.Սամսոնյանի որոշմամբ Արթուր Վարդանի Ասատրյանի նկատմամբ որպես խափանման միջոց է կիրառվել բացակայելու արգելքը:
2024 թվականի նոյեմբերի 7-ին թիվ 60148623 քրեական գործը մեղադրական եզրակացությամբ ուղարկվել է Երևան քաղաքի առաջին ատյանի ընդհանուր իրավասության քրեական դատարան:


Ապացույցների հետազոտումը և գնահատումը.
Հիմնական դատալսումների ընթացքում մեղադրյալ Արթուր Ասատրյանը, օգտվելով իր քրեադատավարական իրավունքից, հրաժարվել է ցուցմունք տալուց:
2024 հոկտեմբերի 31-ի մեղադրյալի հարցաքննության արձանագրության համաձայն. <<Մեղադրյալ Արթուր Վարդանի Ասատրյանը հայտարարեց, որ ներկայացված մեղադրանքի էությունն ու բովանդակությունը իրեն պարզ է և հասկանալի: Ներկայացված մեղադրանքում իրեն ամբողջությամբ մեղավոր է ճանաչում: Առաջին անգամ՝ երբ որ Երևան քաղաքի Դավիթ Անհաղթ փողոցում <<ԲՄՎ>> մակնիշի ավտոմեքենան վարելիս 2022 թվականի հոկտեմբերի 30-ին կանգնեցվել է պարեկային ծառայության աշխատակիցների կողմից և նրանցից տեղեկացել է, որ զրկված է տրանսպորտային միջոցներ վարելու իրավունքից, սակայն այդ ժամանակ տեղյակ չի եղել, որ զրկված է տրասնպորտային միջոցներ վարելու իրավունքից: Պարեկային ծառայության աշխատակիցների կողմից ծանուցվել է իր զրկման մասին, ապա դրանից հետո նշված ժամանակահատվածներում վարել է ավտոմեքենան՝ տեղյակ լինելով, որ զրկված է տրանսպորտային միջոցներ վարելու իրավունքից և իրավունք չունի ավտոմեքենա վարելու, սակայն ավտոմեքենան վարել է թե աշխատանքի բերումով, թե անձնական նկատառումներով: Ներկայացված մեղադրանում իրեն ամբողջությամբ մեղավոր է ճանաչում և զղջում է կատարած արարքի համար>>:
2024 թվականի հոկտեմբերի 29-ի զննություն կատարելու մասին արձանագրության համաձայն՝ ՀՀ ՆԳՆ ոստիկանության պարեկային ծառայության կողմից կազմված վարչական իրավախախտման վերաբերյալ 8180166000 արձանագրության առկայությամբ և այն զննելու արդյունքում պարզվել է, որ 2022 թվականի հոկտեմբերի 30-ին՝ ՀՀ ոստիկանության պարեկային ծառայության 4-րդ գումարտակի 2-րդ վաշտի պարեկ Սամվել Հերոսի Սողոմոնյանը, կրծքանշանի համար՝ 05338, կազմել է վարչական իրավախախտման վերաբերյալ արձանագրություն այն մասին, որ Արթուր Վարդանի Ասատրյանը, տրանսպորտային միջոցներ վարելու իրավունքից զրկված վիճակում 2022 թվականի հոկտեմբերի 30-ին՝ ժամը 18:45-ին Երևան քաղաքի Դավիթ Անհաղթ փողոցում վարել է <<ԲՄՎ>> մակնիշի 10 VC 007 հաշվառման համարանիշի ավտոմեքենան: Արձանագրության համապատասխան հատվածներում առկա են ստորագրություններ։ Խախտման ծածկագիր՝ 201.1։
ՀՀ ՆԳՆ ոստիկանության պարեկային ծառայության կողմից կազմված վարչական իրավախախտման վերաբերյալ 8180164430 արձանագրության առկայությամբ և այն զննելու արդյունքում պարզվել է, որ 2022 թվականի նոյեմբերի 20-ին ՀՀ ոստիկանության Պարեկային ծառայության 3-րդ գումարտակի 3-րդ վաշտի պարեկ Արմեն Ահարոնի Մարտիրոսյանը, կրծքանշանի համար՝ 08649, կազմել է վարչական իրավախախտման վերաբերյալ արձանագրություն այն մասին, որ Արթուր Վարդանի Ասատրյանը, տրանսպորտային միջոցներ վարելու իրավունքից զրկված վիճակում 2022 թվականի նոյեմբերի 20-ին՝ ժամը 13:05-ին Երևան քաղաքի Զ.Քանաքեռցու փողոցում վարել է <<ԲՄՎ>> մակնիշի 10 VC 007 հաշվառման համարանիշի ավտոմեքենան: Արձանագրության համապատասխան հատվածներում առկա են ստորագրություններ: Խախտման ծածկագիր՝ 201.1:
ՀՀ ՆԳՆ ոստիկանության պարեկային ծառայության կողմից կազմված վարչական իրավախախտման վերաբերյալ 8180169462 արձանագրության առկայությամբ և այն զննելու արդյունքում պարզվել է, որ 2023 թվականի հունվարի 16-ին՝ ՀՀ ոստիկանության Պարեկային ծառայության 4-րդ գումարտակի 3-րդ վաշտի կրտսեր պարեկ Ստեփան Ռուբենի Եղոյանը, կրծքանշանի համար՝ 01114, կազմել է վարչական իրավախախտման վերաբերյալ արձանագրություն այն մասին, որ Արթուր Վարդանի Ասատրյանը, տրանսպորտային միջոցներ վարելու իրավունքից զրկված վիճակում 2023 թվականի հունվարի 16-ին՝ ժամը 00:55-ին Երևան քաղաքի Հաղթանակ թաղամասի 1-ին փողոցում վարել է <<Լադա>> մակնիշի 37 QN 244 հաշվառման համարանիշի ավտոմեքենան: Արձանագրության համապատասխան հատվածներում առկա են ստորագրություններ: Խախտման ծածկագիր՝ 201.1:
ՀՀ ՆԳՆ ոստիկանության պարեկային ծառայության կողմից կազմված վարչական իրավախախտման վերաբերյալ 8180254970 արձանագրության առկայությամբ և այն զննելու արդյունքում պարզվել է, որ 2023 թվականի օգոստոսի 6-ին` ՀՀ ոստիկանության Պարեկային ծառայության 2-րդ գումարտակի 3-րդ վաշտի կրտսեր պարեկ Ռոբերտ Գարիկի Ապրեսյանը, կրծքանշանի համար՝ 06799, կազմել է վարչական իրավախախտման վերաբերյալ արձանագրություն այն մասին, որ Արթուր Վարդանի Ասատրյանը, տրանսպորտային միջոցներ վարելու իրավունքից զրկված վիճակում 2023 թվականի օգոստոսի 8-ին՝ ժամը 03:20-ին Երևան քաղաքի Կոմիտասի Պողոտայում վարել է <<ԲՄՎ>> մակնիշի 37 VH 019 հաշվառման համարանիշի ավտոմեքենան: Արձանագրության համապատասխան հատվածներում առկա են ստորագրություններ։ Խախտման ծածկագիր՝ 2011:
Վարչական տույժ նշանակելու մասին թիվ 2214655205 որոշմամբ և այն զննելու արդյունքում պարզվել է, որ 2022 թվականի հունիսի 3-ին կայացված վարչական տույժ նշանակելու մասին թիվ 2214655205 որոշմամբ վարչական իրավախախտումների վերաբերյալ ՀՀ օրենսգրքի 129.3-րդ հոդված 2-րդ մասի համաձայն, Արթուր Վարդանի Ասատրյանի տրանսպորտային միջոցներ վարելու իրավունքից զրկվել է 1 (մեկ) տարի ժամկետով։ Զննության ընթացքում պարզվել է, որ Արթուր Վարդանի Ասատրյանի անվամբ հաշվառված <<BMW>> մակնիշի 10 VC 007 հաշվառման համարանիշի ավտոմեքենան 2022 թվականի մայիսի 22-ին՝ ժամը 03:31-ին Երևան քաղաքի Իսակովի պողոտայում, հանելով արագաչափ սարքի հնարավոր սխալանքի 10կմ/ժ չափը՝ բնակավայրում գերազանցել է երթևեկության սահմանված արագությունը 16կմ/ժ-ով:
Վարչական տույժ նշանակելու մասին թիվ 2214851471 որոշմամբ և այն զննելու արդյունքում պարզվել է, որ 2022 թվականի հուլիսի 14-ին կայացված վարչական տույժ նշանակելու մասին թիվ 2214851471 որոշմամբ վարչական իրավախախտումների վերաբերյալ ՀՀ օրենսգրքի 129.3-րդ հոդված 2-րդ մասի համաձայն, Արթուր Վարդանի Ասատրյանի տրանսպորտային միջոցներ վարելու իրավունքը զրկվել է 1 (մեկ) տարի ժամկետով: Զննության ընթացքում պարզվել է, որ Արթուր Վարդանի Ասատրյանի անվամբ հաշվառված <<BMW>> մակնիշի 10 VC 007 հաշվառման համարանիշի ավտոմեքենան 2022 թվականի հուլիսի 5-ին՝ ժամը 07:46-ին Երևան քաղաքի Կիևյան փողոցում, հանելով արագաչափ սարքի հնարավոր սխալանքի 10կմ/ժ չափը՝ բնակավայրում գերազանցել է երթևեկության սահմանված արագությունը 15կմ/ժ-ով:
Վարչական տույժ նշանակելու մասին թիվ 2214860297 որոշմամբ և այն զննելու արդյունքում պարզվել է, որ 2022 թվականի հուլիսի 14-ին կայացված վարչական տույժ նշանակելու մասին թիվ 2214860297 որոշմամբ վարչական իրավախախտումների վերաբերյալ ՀՀ օրենսգրքի 129.3-րդ հոդված 2-րդ մասի համաձայն, Արթուր Վարդանի Ասատրյանի տրանսպորտային միջոցներ վարելու իրավունքը զրկվել է 1 (մեկ) տարի ժամկետով: Զննության ընթացքում պարզվել է, որ Արթուր Վարդանի Ասատրյանի անվամբ հաշվառված <<BMW>> մակնիշի 10 VC 007 հաշվառման համարանիշի ավտոմեքենան 2022 թվականի հուլիսի 8-ին՝ ժամը 07:27-ին Երևան քաղաքի Կիևյան փողոցում, հանելով արագաչափ սարքի հնարավոր սխալանքի 10կմ/ժ չափը՝ բնակավայրում գերազանցել է երթևեկության սահմանված արագությունը 33կմ/ժ-ով:
ՀՀ ՆԳՆ ոստիկանության <<Ճանապարհային ոստիկանություն>> ծառայությունից ստացված գրությամբ և այն զննելու արդյունքում պարզվել է, որ թիվ 2214655205, թիվ 2214860297 և թիվ 2214851471 որոշումները (զրկման սկիզբը՝ 2022 թվականի հուլիսի 6, ավարտը՝ 2023 թվականի օգոստոսի 22) թղթային տաբերակով, փոստային ծառայության միջոցով առաքվել են հասցեատիրոջը, սակայն փոստային ծառայությունը որոշումները վերադարձրել է Ճանապարհային ոստիկանություն:
Արթուր Վարդանի Ասատրյանի վերաբերյալ ճանապարհային ոստիկանության էլեկտրոնային ռեգիստրից վերաբերյալ տեղեկություն պարունակող տվյալի առկայությամբ և այն զննելու արդյունքում պարզվել է, որ Արթուր Վարդանի Ասատրյանի RB600054 վարորդական վկայականը թողարկված է 2021 թվականի հունվարի 8-ին, զրկման սկիզբ է հանդիսանում՝ 2022 թվականի հուլիսի 6, իսկ ավարտ՝ 2023 թվականի օգոստոսի 22, RB600054 վարորդական կայականի կարգավիճակը նշված է <<զրկված>>:
Զննության արդյունքում պարզվել է, որ Արթուր Վարդանի Ասատրյանը, վարչական տույժ նշանակելու մասին թիվ 2214655205, 2214851471 և 2214860297 որոշումներով 2022 թվականի հուլիսի 6-ից մինչև 2023 թվականի օգոստոսի 22-ը զրկված լինելով տրանսպորտային միջոցներ վարելու իրավունքից 2022 թվականի հոկտեմբերի 30-ին՝ ժամը 18:45-ին Երևան քաղաքի Դավիթ Անհաղթ փողոցում վարել է <<ԲՄՎ>> մակնիշի 10 VC 007 հաշվառման համարանիշի ավտոմեքենան, որի առթիվ կազմվել է վարչական իրավախախտման վերաբերյալ թիվ 8180166000 արձանագրությունը: Բացի այդ, 2022 թվականի նոյեմբերի 20-ին՝ ժամը 13:05-ին Երևան քաղաքի Զ.Քանաքեռցու փողոցում վարել է <<ԲՄՎ>> մակնիշի 10 VC 007 հաշվառման համարանիշի ավտոմեքենան, որի առթիվ կազմվել է վարչական իրավախախտման վերաբերյալ թիվ 8180164430 արձանագրությունը: Բացի այդ, 2023 թվականի հունվարի 16-ին՝ ժամը 00:55-ին Երևան քաղաքի Հաղթանակ թաղամասի 1-ին փողոցում վարել է <<Լադա>> մակնիշի 37 QN 244 հաշվառման համարանիշի ավտոմեքենան, որի առթիվ կազմվել է վարչական իրավախախտման վերաբերյալ թիվ 8180169462 արձանագրությունը: Բացի այդ, 2023 թվականի օգոստոսի 6-ին՝ ժամը 03։20-ին Երևան քաղաքի Կոմիտասի պողոտայում վարել է <<ԲՄՎ>> մակնիշի 37 VH 019 հաշվառման համարանիշի ավտոմեքենան, որի առթիվ կազմվել է վարչական իրավախախտման վերաբերյալ թիվ 8180254970 արձանագրությունը: Զննության արդյունքում պարզվել է նաև, որ վարչական տույժ նշանակելու մասին թիվ 2214655205, 2214851471 և 2214860297 որոշումները, որոնց համաձայն՝ Արթուր Վարդանի Ասատրյանը 2022 թվականի հուլիսի 6-ից մինչև 2023 թվականի օգոստոսի 22-ը զրկված է եղել տրանսպորտային միջոցներ վարելու իրավունքից, չի սստացել: Այսինքն տեղեկացված չի եղել, սակայն 2022 թվականի հոկտեմբերի 30-ին վերջինի նկատմամբ վարչական իրավախախտման վերաբերյալ թիվ 8180166000 արձանագրություն է կազմվել, որի ժամանակ նա տեղեկացվել է իր տրանսպորտային միջոցներ վարելու իրավունքը զրկված լինելու մասին, որից հետո շարունակել է վարել տրանսպորտային միջոց:
Զննության ավարտից հետո վարչական իրավախախտման վերաբերյալ թիվ 8180166000, 8180164430, 8180169462 և 8180254970 արձանագրությունների, վարչական տույժ նշանակելու մասին թիվ 2214655205, 2214851471 և 2214860297 որոշումների, ՀՀ ՆԳՆ ոստիկանության <<Ճանապարհային ոստիկանություն>> ծառայությունից ստացված գրության և ճանապարհային ոստիկանության էլեկտրոնային ռեգիստրից վարորդական վկայականի վերաբերյալ տվյալի պատճենները թողնվել են քրեական վարույթի իրենց տեղերում:
2024 թվականի հոկտեմբերի 29-ի արտավարութային փաստաթուղթ ճանաչելու մասին որոշման համաձայն՝ վարչական իրավախախտման վերաբերյալ թիվ 8180166000, 8180164430, 8180169462 և 8180254970 արձանագրությունների, վարչական տույժ նշանակելու մասին թիվ 2214655205, 2214851471 և 2214860297 որոշումների, ՀՀ ՆԳՆ ոստիկանության <<Ճանապարհային ոստիկանություն>> ծառայությունից ստացված գրության, ճանապարհային ոստիկանության էլեկտրոնային ռեգիստրից վարորդական վկայականի վերաբերյալ տվյալի պատճենները արտավարութային փաստաթուղթ են ճանաչվել և կցվել սույն քրեական վարույթին:
ՀՀ ՆԳՆ ոստիկանության ինֆորմացիոն կենտրոնի պահանջագրի համաձայն՝ Արթուր Ասատրյանը նախկինում արատավորված՝ դատապարտված չի եղել:
Դատարանի իրավական վերլուծությունները.
ՀՀ վճռաբեկ դատարանը 2013 թվականի մայիսի 8-ի թիվ ԵԿԴ/0168/01/12 որոշմամբ դիրքորոշում է հայտնել, որ ապացույցների գնահատումը կատարվում է ներքին համոզման հիման վրա: Ներքին համոզմունքը, որպես ապացույցների գնահատման արդյունք, բնութագրվում է օբյեկտիվ և սուբյեկտիվ գործոնների անխզելի կապով. այն, մի կողմից, պետք է բխի հետազոտվող ապացույցների բավարար համակցությունից և հիմնվի դրանց վրա, իսկ մյուս կողմից, անկողմնակալ դիտորդի մոտ պետք է առաջացնի այն վստահությունը, որ ապացույցները հետազոտվել են արդարության բոլոր պահանջների պահպանմամբ:
Հանցանք կատարելու մեջ անձի մեղավորությունը հաստատելիս ապացույցների բավարարությունը որոշելու հարցին ՀՀ վճռաբեկ դատարանն անդրադարձել է Արարատ Ավագյանի և Վահան Սահակյանի վերաբերյալ գործով 2014 թվականի հոկտեմբերի 31-ի թիվ ԵԿԴ/0252/01/13 որոշմամբ: Մասնավորապես` իրացնելով օրենքի միատեսակ կիրառությունն ապահովելու իր սահմանադրական գործառույթը` Վճռաբեկ դատարանը հիշատակված դատական ակտում նախադեպային նշանակության իրավական դիրքորոշումներ է արտահայտել առ այն, որ գործի լուծման համար բավարար ապացույցներ ասելով` պետք է հասկանալ թույլատրելի, վերաբերելի և արժանահավատ ապացույցների համակցություն, որը, հաղթահարելով անմեղության կանխավարկածը, անաչառ դիտորդի մոտ կձևավորի հիմնավոր կասկածից վեր համոզվածություն անձի մեղավորության վերաբերյալ, ինչպես նաև կհաստատի գործով ապացուցման առարկան կազմող մյուս հանգամանքները և հնարավորություն կտա կայացնել հիմնավորված և պատճառաբանված որոշում: Ապացույցների բավարարությունը չի կարող որոշվել թվաբանական ցուցանիշով: Ակնհայտ է, որ ապացույցները բավարար չեն, եթե`
1) գործում բացակայում է որևէ ապացույց գործի ճիշտ լուծման համար նշանակություն ունեցող որևէ հանգամանքի պարզման համար,
2) եղած ապացույցը թույլ չի տալիս պարզել այդ հանգամանքն անհրաժեշտ խորությամբ և լրիվությամբ,
3) այդ հանգամանքի ապացուցվածությունը կասկած է հարուցում (...):
Արդյունքում՝ Վճռաբեկ դատարանն արձանագրել է, որ քրեական դատավարությունում մեղքի հարցը լուծելիս որպես ապացույցների բավարարության շեմ պետք է գործի <<հիմնավոր կասկածից վեր>> ապացուցողական չափանիշը: Ընդ որում` <<հիմնավոր կասկածից վեր>> ապացուցողական չափանիշ ասելով պետք է հասկանալ փաստական տվյալների (ապացույցների) այնպիսի համակցություն, որը բացառում է հակառակի ողջամիտ հավանականությունը: Վերոգրյալը չի նշանակում, որ հանցանք գործելու մեջ անձի մեղավորությունն ընդհանրապես չի կարող առաջացնել որևէ կասկած, սակայն այդպիսի կասկածի հավանականության դեպքում դրա աստիճանը պետք է լինի աննշան (խիստ ցածր): Այլ խոսքով` մեղադրանքը կազմող յուրաքանչյուր փաստական հանգամանք պետք է հիմնավորվի ապացույցների այնպիսի ծավալով, որը կբացառի դրա ապացուցվածության վերաբերյալ ցանկացած ողջամիտ կասկած (...):
Անդրադառնալով մեղադրյալ Արթուր Ասատրյանի արարքներում ՀՀ քրեական օրենսգրքի 344-րդ հոդվածի 1-ին մասով (3 դրվագ) նախատեսված հանցանքների առկայության կամ բացակայության հարցին՝ Դատարանը գտնում է, որ դրանք հիմնավոր կասկածից վեր ապացուցողական չափանիշով հաստատվում են սույն քրեական գործի շրջանակներում ձեռք բերված ապացույցներով, այլ կերպ ասած՝ ապացուցված է Արթուր Վարդանի Ասատրյանի մեղավորությունը ՀՀ քրեական օրենսգրքի 344-րդ հոդվածի 1-ին մասով՝ 3 դրվագ, նախատեսված հանցավոր արարքների կատարման մեջ:
Ընդ որում, Դատարանի համար առանցքային նշանակություն ունի նաև այն, որ սույն քրեական գործի շրջանակներում մեղադրյալ Արթուր Ասատրյանն ամբողջովին ընդունում է մեղքը և զղջում է կատարվածի համար:
Դատարանը, ուսումնասիրելով Արթուր Վարդանի Ասատրյանի պատասխանատվությունը և պատիժը մեղմացնող ու ծանրացնող հանգամանքները, վերասոցիալականացման և իրավահպատակ վարքագծի ձևավորման համար նշանակություն ունեցող տվյալները, հանգում է հետևյալ եզրահանգման.
Դատարանը որպես Արթուր Ասատրյանի անձը դրականորեն բնութագրող հանգամանք է դիտում նախկինում արատավորված՝ դատապարտված չլինելը:
Արթուր Վարդանի Ասատրյանի քրեական պատասխանատվություն ու պատիժը մեղմացնող հանգամանք է մեղքն ընդունելը և կատարվածի համար զղջալը։
Ընդ որում, սույն մեղմացնող հանգամանքը վերագրվում է մեղսագրվող երեք դրվագներին:
Միևնույն ժամանակ, պետք է նկատել, որ Արթուր Վարդանի Ասատրյանի պատասխանատվությունն ու պատիժը ծանրացնող հանգամանքներ առկա չեն:
Կատարված արարքների համար մեղադրյալ Արթուր Վարդանի Ասատրյանը ենթակա է քրեական պատասխանատվության և պատժի։
ՀՀ վճռաբեկ դատարանը 2010 թվականի օգոստոսի 27-ի թիվ ՍԴ/0293/01/09 որոշմամբ դիրքորոշում է հայտնել, որ պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, անձը բնութագրող տվյալները և, քրեական օրենքով նախատեսված պահանջներից ելնելով, հանցագործության մեջ մեղավոր անձի նկատմամբ նշանակում է այնպիսի պատիժ, որն անհրաժեշտ է և բավարար է այդ անձին ուղղելու և նրա կողմից նոր հանցանքի կատարումը կանխելու համար: Պատժի տեսակի և չափի որոշման ժամանակ դատարանը պետք է հաշվի առնի կատարված հանցագործության՝ հանրության համար վտանգավորության աստիճանն ու բնույթը, հանցավորի անձը բնութագրող տվյալները, այդ թվում՝ նրա պատասխանատվությունը մեղմացնող և (կամ) ծանրացնող հանգամանքները:
Դատարանը, հաշվի առնելով Արթուր Ասատրյանի կատարած արարքների՝ հանրության համար վտանգավորության աստիճանն ու բնույթը, այդ թվում՝ նրա գործողությունների վտանգավորության աստիճանը, մասնավորապես՝ վերջինին մեղսագրվող արարքների ոչ մեծ ծանրության լինելը, անձը բնութագրող, ինչպես նաև պատասխանատվությունն ու պատիժը մեղմացնող հանգամանքի առկայությունը, ծանրացնող հանգամանքների բացակայությունը, ինչպես նաև այն, որ մեղադրյալի կատարած արարքների համար ՀՀ քրեական օրենսգրքի համապատասխան հոդվածի սանկցիայով նախատեսված է պատիժ նաև տուգանքի ձևով, իսկ ՀՀ քրեական օրենսգրքի 69-րդ հոդվածի 3-րդ մասի կարգավորմամբ՝ ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները, գտնում է, որ Արթուր Ասատրյանի նկատմամբ ՀՀ քրեական օրենսգրքի 344-րդ հոդված 1-ին մասով՝ առաջին դեպքում պատիժ պետք է նշանակել հանցանքը կատարելու պահին նվազագույն աշխատավարձի հնգապատիկի՝ 340.000 (երեք հարյուր քառասուն հազար) ՀՀ դրամի չափով, իսկ մյուս երկու դրվագներից յուրաքանչյուրով՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի 1-ին մասի կիրառմամբ՝ նշանակված պատիժները լրիվ գումարելու միջոցով Արթուր Վարդանի Ասատրյանի նկատմամբ վերջնական պատիժ պետք է նշանակել տուգանք՝ 1.090.000 (մեկ միլիոն իննսուն հազար) ՀՀ դրամի չափով:
Դատական նիստի ընթացքում մեղադրյալը միջնորդեց նշանակվելիք տուգանք պատժատեսակը տարաժամկետել և թույլատրել մաս առ մաս վճարել, քանի որ ֆինանսական դրությամբ պայմանավորված չի կարող միանվագ վճարում կատարել:
ՀՀ քրեական օրենսգրքի 59-րդ հոդվածի 8-րդ մասի համաձայն՝ եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում: Եթե տուգանքը նշանակելուց հետո դատապարտյալի նյութական վիճակի վատթարացման հետևանքով նա զրկվում է տուգանքը վճարելու հնարավորությունից, ապա դատարանը, հաշվի առնելով դատապարտյալի դիրքորոշումը`
1) երկարաձգում է տուգանքի վճարման սահմանված վերջնաժամկետը` առավելագույնը 1 տարով,
2) նշանակում է հանրային աշխատանքներ` հանրային աշխատանքների 24 ժամը հաշվարկելով հանցանքը կատարելու պահին նվազագույն աշխատավարձի չափով:
ՀՀ քրեակատարողական օրենսգրքի 26-րդ հոդվածի 2-րդ մասի համաձայն՝ պրոբացիայի ծառայություն ներկայանալու դեպքում դատապարտյալը վերցվում է հաշվառման, լրացվում է հաշվառման քարտ, նրան ստորագրությամբ անհապաղ պարզաբանվում են տուգանքի կատարման կարգն ու պայմանները, իր իրավունքները և պարտականությունները, ինչպես նաև դրանց չկատարման դեպքում օրենսդրությամբ սահմանված պատասխանատվությունը։ Այն դեպքում, երբ դատարանը թույլատրել է տուգանքը մաս առ մաս վճարել, կամ տուգանքի վճարման համար սահմանվել է մինչև մեկ տարի ժամկետ, ապա կազմվում է նաև վերահսկողության պլան:
Վերը նշված հոդվածների կարգավորումները հիմք ընդունելով՝ կարելի է եզրահանգել, որ տուգանքի վճարման երկարաձգումը հնարավոր է իրականացնել ինչպես դատավճռով, այնպես էլ դատավճռի օրինական ուժի մեջ մտնելուց հետո՝ դատարանի առանձին որոշմամբ: Դատարանի այս մոտեցումը պայմանավորված նրանով, որ նշված գործընթացը դատավճռով իրականացնելու համար օրենսդրական որևէ արգելք նախատեսված չէ և բացի այդ, ՀՀ քրեական օրենսգրքի 59-րդ հոդվածում խոսք է գնում դատապարտվող (այլ ոչ թե դատապարտյալ) անձի մասին: Իսկ այն, որ նույն հոդվածում օգտագործվում է նաև դատապարտյալ կարգավիճակը, ապա դա վերաբերելի է այն դեպքերին, երբ դատական ակտի օրինական ուժի մեջ մտնելուց հետո դատապարտյալը նյութական վիճակի վատթարացման հետևանքով զրկվում է տուգանքը վճարելու հնարավորությունից:
Այսպիսով՝ Դատարանը, հաշվի առնելով Արթուր Վարդանի Ասատրյանի սոցիալական դրությունը, գտնում է, որ նշանակվող պատժի վճարումը պետք է տասներկու ամսով երկարաձգել և թույլատրել վճարել մաս առ մաս՝ յուրաքանչյուր ամիս 90.835 ՀՀ դրամով:
Դատարանը, նկատի ունենալով, որ մեղադրյալը ներկայացրել է երկիրը ժամանակավոր լքելու վերաբերյալ միջնորդություն, ինչը բավարարվել է, գտնում է, որ Արթուր Ասատրյանի նկատմամբ կիրառված խափանման միջոց՝ բացակայելու արգելքը պետք է վերացնել:
ՀՀ քրեական դատավարության օրենսգրքի 167-րդ հոդվածի 1-ին մաuի 1-ին, 2-րդ և 4-7-րդ կետերով նախատեսված վարութային ծախսերը մեղադրյալ Արտակ Մանուկյանից ենթակա չեն հատուցման, քանի որ նմանատիպ վարութային ծախսեր առկա չեն:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 167-րդ, 276-րդ, 342-րդ, 347-349-րդ, 353-րդ, 364-րդ հոդվածներով՝ Դատարանը

Վ Ճ Ռ Ե Ց

Արթուր Վարդանի Ասատրյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով՝ 3 դրվագ:
ՀՀ քրեական օրենսգրքի 344-րդ հոդվածի 1-ին մասով պատիժ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 340.000 (երեք հարյուր քառասուն հազար) ՀՀ դրամի չափով:
ՀՀ քրեական օրենսգրքի 344-րդ հոդվածի 1-ին մասով պատիժ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 344-րդ հոդվածի 1-ին մասով պատիժ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի 1-ին մասի կիրառմամբ՝ նշանակված պատիժները լրիվ գումարելու միջոցով Արթուր Վարդանի Ասատրյանի նկատմամբ պատիժ նշանակել տուգանք՝ 1.090.000 (մեկ միլիոն իննսուն հազար) ՀՀ դրամի չափով:
Դատավճիռն օրինական ուժի մեջ մտնելուց հետո՝ նշանակված 1.090.000 ՀՀ դրամը վճարելու համար Արթուր Վարդանի Ասատրյանին տրամադրել տասներկու ամիս ժամկետ՝ յուրաքանչյուր ամիս 90.835 ՀՀ դրամ վճարելու պայմանով:
Արթուր Վարդանի Ասատրյանի նկատմամբ կիրառված այլընտրանքային խափանման միջոց բացակայելու արգելքը վերացնել:
Վարութային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից մեկամսյա ժամկետում:


ԴԱՏԱՎՈՐ Ա.ՀՈՎՀԱՆՆԻՍՅԱՆ