Գործ N ԵԴ1/3155/01/24




Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈւՆԻՑ
ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆԸ ՀԵՏԵՎՅԱԼ ԿԱԶՄՈՎ.

ՆԱԽԱԳԱՀՈՂ ԴԱՏԱՎՈՐ` Վ.Լ.ԳՐԻԳՈՐՅԱՆ
ՔԱՐՏՈՒՂԱՐՈՒԹՅԱՄԲ` Լ.ՊՐԱԶՅԱՆԻ,
Մասնակցությամբ`
ՄԵՂԱԴՐՈՂ` Կ.ՍՏԵՓԱՆՅԱՆԻ,
ՄԵՂԱԴՐՅԱԼ` Գ.ԽԱՉԱՏՐՅԱՆԻ,

2024 թվականի նոյեմբերի 21-ին Երևան քաղաքում` դռնբաց դատական նիստում` քննության առնելով քրեական գործն ըստ մեղադրանքի`
Գևորգ Լևոնի Խաչատրյանի /ծնված` 17.03.2003թ., Արարատի մարզ, գ.Այնթափ, ազգությամբ հայ, ՀՀ քաղաքացի, չամուսնացած, միջնակարգ կրթությամբ, նախկինում չդատված, աշխատում է «ՕԴ ԴԸ ԲԵՍԹ» ՍՊԸ-ում, որպես վարորդ, հաշվառված և բնակվող՝ Արարատի մարզ, գ.Այնթափ, 6-րդ փողոցի 37 տուն հասցեում/: Մեղադրվում է երեք դրվագ ՀՀ քրեական օրենսգրքի 344-րդ հոդվածի 1-ին մասով.

Պ Ա Ր Զ Ե Ց

Գործի դատավարական նախապատմությունը.
2024 թվականի փետրվարի 28-ին ՀՀ ՔԿ ԵՔՔՎ ՃՀՔ բաժնի քննիչ Տ.Կարապետյանը կազմել է արձանագրություն՝ ՀՀ քրեական օրենսգրքի 344-րդ հոդվածի 1-ին մասի հատկանիշներով թիվ 60-0774-24 քրեական վարույթը նախաձեռնելու մասին:
2024 թվականի փետրվարի 28-ին քննիչ Տ.Կարապետյանը կազմել է արձանագրություն՝ ՀՀ քրեական օրենսգրքի 344-րդ հոդվածի 1-ին մասի հատկանիշներով թիվ 60-0775-24 քրեական վարույթը նախաձեռնելու մասին:
2024 թվականի փետրվարի 28-ին քննիչ Տ.Կարապետյանը կազմել է արձանագրություն՝ ՀՀ քրեական օրենսգրքի 344-րդ հոդվածի 1-ին մասի հատկանիշներով թիվ 60-0776-24 քրեական վարույթը նախաձեռնելու մասին:
2024 թվականի փետրվարի 28-ին քննիչ Տ.Կարապետյանը որոշում է կայացրել թիվ 60077524 և թիվ 60077624 քրեական վարույթները թիվ 60-0774-24 քրեական վարույթին միացնելու մասին:
2024 թվականի փետրվարի 28-ին քննիչ Տ.Կարապետյանը որոշում է կայացրել ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրում առկա Գևորգ Լևոնի Խաչատրյանի վարորդական վկայականի վերաբերյալ տեղեկատվության քաղվածքի, Գևորգ Լևոնի Խաչատրյանի վերաբերյալ 2023թ. ապրիլի 26-ին կազմված վարչական իրավախախտման վերաբերյալ արձանագրության (կից չլրացված վարչական իրավախախտման որոշում` 81802048857), Գևորգ Խաչատրյանի վերաբերյալ 2023 թվականի մայիսի 3-ին ՀՀ ՆԳՆ ոստիկանության Պարեկային ծառայության համապատասխան ծառայողի կողմից կայացված վարչական իրավախախտման վերաբերյալ թիվ 8300536261 որոշման, Գևորգ Լևոնի Խաչատրյանի վերաբերյալ 2023թ. մայիսի 3-ին կազմված վարչական իրավախախտման վերաբերյալ արձանագրության (կից չլրացված վարչական իրավախախտման որոշում՝ 8180254137), Գևորգ Լևոնի Խաչատրյանի վերաբերյալ 2023թ. օգոստոսի 4-ին կազմված վարչական իրավախախտման վերաբերյալ արձանագրության (կից չլրացված վարչական իրավախախտման որոշում՝ 81802591547), ՀՀ ՆԳՆ ոստիկանության «Պարեկային ծառայություն» և «Ճանապարհային ոստիկանություն ծառայություններից ստացված 91/91/1/33100-24 և 14/7/33005-24 գրությունների ու կից նյութերի պատճենները թիվ 60077424 քրեական վարույթով որպես արտավարութային ապացույց ճանաչելու մասին:
2024 թվականի հոկտեմբերի 21-ին Երևան քաղաքի Շենգավիթ վարչական շրջանի դատախազության ավագ դատախազ Կ.Ստեփանյանը որոշում է կայացրել թիվ 60077424 քրեական վարույթով Գևորգ Լևոնի Խաչատրյանի նկատմամբ ՀՀ քրեական օրենսգրքի 344-րդ հոդվածի 1-ին մասով (3 դրվագով) հանրային քրեական հետապնդում հարուցելու մասին:
2024 թվականի հոկտեմբերի 22-ին քննիչ Տ.Կարապետյանը որոշում է կայացրել թիվ 60077424 քրեական վարույթով Գևորգ Լևոնի Խաչատրյանի նկատմամբ որպես խափանման միջոց բացակայելու արգելք կիրառելու մասին:
2022 թվականի նոյեմբերի 07-ին թիվ 60077424 քրեական վարույթը՝ հաստատված մեղադրական եզրակացությամբ, ստացվել է Երևան քաղաքի առաջին ատյանի ընդհանուր իրավասության քրեական դատարանում, որը ստացել է թիվ ԵԴ1/3155/01/24 դատական համարը:

Մեղադրանքի փաստական նկարագրությունը.
2024 թվականի հոկտեմբերի 21-ին Երևան քաղաքի Շենգավիթ վարչական շրջանի դատախազության ավագ դատախազ Կ.Ստեփանյանը որոշում է կայացրել թիվ 60077424 քրեական վարույթով Գևորգ Լևոնի Խաչատրյանի նկատմամբ ՀՀ քրեական օրենսգրքի 344-րդ հոդվածի 1-ին մասով (3 դրվագով) հանրային քրեական հետապնդում հարուցելու մասին, այն բանի համար, որ նա տրանսպորտային միջոցներ վարելու իրավունքը կասեցված վիճակում (երեք անգամ) վարել է տրանսպորտային միջոց:
Այսպես.
2023 թվականի ապրիլի 14-ից մինչև 2023թ. հոկտեմբերի 16-ը Գևորգ Լևոնի Խաչատրյանի տրանսպորտային միջոցներ վարելու իրավունքը վեց ամիս կասեցված վիճակում և այդ մասին պատշաճ կարգով ծանուցված լինելորվ, այդ ժամանակահատվածում՝ 2023թ.-ի ապրիլի 26-ին, ժամը 10:30-ին Երևան քաղաքի Բագրատունյաց պողոտայում վարել է «ԼԱԴԱ» մակնիշի, 60 OH 001 հաշվառման համարանիշով տրանսպորտային միջոցը, որպիսի փաստն արձանագրվել է ՀՀ ոստիկանության պարեկային ծառայողի կողմից և կազմվել է վարչական իրավախախտման վերաբերյալ արձանագրություն:
Բացի այդ, 2023 թվականի ապրիլի 14-ից մինչև 2023թ. հոկտեմբերի 16-ը Գևորգ Լևոնի Խաչատրյանի տրանսպորտային միջոցներ վարելու իրավունքը վեց ամիս ժամանակով կասեցված վիճակում և այդ մասին պատշաճ կարգով ծանուցված լինելով, այդ ժամանակահատվածում՝ 2023թ.-ի մայիսի 3-ին, ժամը 14:00-ին Երևան քաղաքի Աթոյան փողոցում վարել է «ԼԱԴԱ» մակնիշի, 60 OH 001 հաշվառման համարանիշով տրանսպորտային միջոցը, որպիսի փաստն արձանագրվել է ՀՀ ոստիկանության պարեկային ծառայողի կողմից և կազմվել է վարչական իրավախախտման վերաբերյալ արձանագրություն:
Բացի այդ, 2023 թվականի ապրիլի 14-ից մինչև 2023թ. հոկտեմբերի 16-ը Գևորգ Լևոնի Խաչատրյանի տրանսպորտային միջոցներ վարելու իրավունքը վեց ամիս ժամանակով կասեցված վիճակում և այդ մասին պատշաճ կարգով ծանուցված իրելով, այդ ժամանակահատվածում՝ 2023թ.-ի օգոստոսի 4-ին, ժամը 03:10-ին Երևան քաղաքի Մաշտոցի պողոտայում վարել է «ԼԱԴԱ» մակնիշի, 60 OH 001 հաշվառման համարանիշով տրանսպորտային միջոցը, որպիսի փաստն արձանագրվել է ՀՀ ոստիկանության պարեկային ծառայողի կողմից և կազմվել է վարչական իրավախախտման վերաբերյալ արձանագրություն:

Դատաքննությամբ հետազոտված թույլատրելի ապացույցները.
Քրեական գործի դատաքննության փուլում մեղադրյալ Գևորգ Լևոնի Խաչատրյանը հրաժարվեց ցուցմունք տալ:
/դատական նիստի արձանագրություն՝ 21.11.2024թ./
Նախաքննության ընթացքում որպես մեղադրյալ հարցաքննվելիս Գևորգ Լևոնի Խաչատրյանը ցուցմունք է տվել այն մասին, որ ունեցել է «B» կարգի վարորդական իրավունքի վկայական: 2023 թվականի ապրիլի 14-ին՝ Պարեկային ծառայության համապատասխան ծառայողների կողմից կայացված վարչական իրավախախտման վերաբերյալ թիվ 8300536261 որոշմամբ իր տրանսպորտային միջոցներ վարելու իրավունքը կասեց վել է վեց ամիս ժամկետով: Որոշման համապատասխան տողերում առկա ստորագրությունները կատարել է ինքը և համարվել է ծանուցված: Իրեն ներկայացված մեղադրանքի 3 դրվագներում առկա վարչական իրավախախտումների վերաբերյալ արձանագրությունների համապատասխան տողերում առկա ստորագրությունները կատարել է ինքը և նշված իրավախախտումները կատարվել են իր կողմից: Կազմված վարչական իրավախախտման վերաբերյալ արձանագրությունների մասով որևէ անհամաձայնություն չի ունեցել: Խնդրել է վարույթն իրականացնող մարմնին հնարավորինս մեղմ վերաբերվել:
/Հատոր 1, գ.թ. 88-91/
Զննություն կատարելու մասին 08.04.2024թ. արձանագրության համաձայն՝ զննության է ենթարկվել քրեական վարույթի նյութերում առկա մի շարք փաստաթղթեր:
Զննությամբ պարզվել է հետևյալը.
2023թ. ապրիլի 26-ին՝ ժամը 10:35-ին, Երևան քաղաքի Բագրատունյաց պողոտայում ՀՀ ոստիկանության պարեկային ծառայության Երևան քաղաքի գնդի պարեկ Հովհաննես Սարգսյանի (06501) կողմից Գևորգ Լևոնի Խաչատրյանի (ծնվ.17.03.2003թ.,ՎԻՎ RF631418, բն. Արարատի մարզ գ. Այնթափ 6-րդ փողոց 37-րդ տուն) վերաբերյալ կազմվել է վարչական իրավախախտման վերաբերյալ արձանագրությունը (Կից չլրացված վարչական իրավախախտման վերաբերյալ որոշում 8180248857), այն մասին, որ վերջինս 2023թ. ապրիլի 26-ին՝ ժամը 10:30-ին, Երևան քաղաքի Բագրատունյաց փողոցում վարել է «Լադա» մակնիշի 60 OH 001 հաշվառման համարանիշի ավտոմեքենան՝ տրանսպորտային միջոցներ վարելու իրավունքը կասեցված վիճակում: Արձանագրության համապատասխան տողերում առկա են ծանուցվողի (վարորդի) և պարեկային ծառայողի ստորագրությունները:
ՀՀ ոստիկանության «Ճանապարհային ոստիկանություն» ծառայության էեկտրոնային ռեգիստրում Գևորգ Լևոնի Խաչատրյանի տվյալների (ՀԾՀ 3023030111) մոտքագրման արդյունքում պարզվել է, որ վերջինիս RF631418 սերիա համարի վարորդական իրավունքի վկայականը 2023 թվականի ապրիլի 14-ին կասեցվել է 6 ամիս ժամկետով (կասեցման սկիզբ 14.04.2023թ, կասեցման ավարտ 16.10.2023թ):
2023թ. ապրիլի 14-ին՝ ժամը 11:11-ին, Գևորգ Լևոնի Խաչատրյանը (ծնվ. 17.03.2003թ., ՎԻՎ RF631418, բն. Արարատի մարզ գ. Այնթափ 6-րդ փողոց 37-րդ տուն) Երևան քաղաքի Ալեք Մանուկյան փողոցում «Լադա» մակնիշի 60 OH 001 հաշվառման համարանիշի ավտոմեքենայով կանգառ է կատարել մայթին, ինչի կապակցությամբ, նույն օրը ՀՀ ՆԳՆ ոստիկանության Պարեկային ծառայության համապատասխան ծառայողի կողմից կազմվել է վարչական իրավախախտման վերաբերյալ արձանագրություն և կայացվել է թիվ 8300536261 որոշումը Գևորգ Լևոնի Խաչատրյանի տրանսպորտային միջոցներ վարելու իրավունքը 6 ամիս ժամկետով կասեցնելու վերաբերյալ: Վարչական իրավախախտման վերաբերյալ կազմված արձանագրության և կայացված թիվ 8300536261 որոշման համապատասխան տողերում առկա են ծանուցվողի «վարորդի» և պարեկային ծառայողի ստորագրություններ:
2023թ. մայիսի 3-ին՝ ժամը 14:10-ին, Երևան քաղաքի Աթոյան փողոցում ՀՀ ոստիկանության պարեկային ծառայության Երևան քաղաքի գնդի կրտսեր պարեկ Գոհար Արզումանյանի (10960) կողմից Գևորգ Լևոնի Խաչատրյանի (ծնվ.17.03.2003թ.,ՎԻՎ RF631418, բն. Արարատի մարզ գ. Այնթափ 6-րդ փողոց 37-րդ տուն) վերաբերյալ կազմվել է վարչական իրավախախտման վերաբերյալ արձանագրությունը (կից չլրացված վարչական իրավախախտման վերաբերյալ որոշում 8180254137), այն մասին, որ վերջինս 2023թ. մայիսի 3-ին՝ ժամը 14:00-ին, Երևան քաղաքի Աթոյան փողոցում վարել է «Լադա» մակնիշի 60 OH 001 հաշվառման համարանիշի ավտոմեքենան՝ տրանսպորտային միջոցներ վարելու իրավունքը կասեցված վիճակում: Արձանագրության համապատասխան տողերում առկա են «Ես դիմում եմ ներկայացրել որ իմ տ/մ-ն վարել է այլ մարդ» գրառումը, ծանուցվողի (վարորդի) և պարեկային ծառայողի ստորագրությունները:
ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրում Գևորգ Լևոնի Խաչատրյանի տվյալների (ՀԾՀ 302303011) մուտքագրման արդյունքում պարզվել է, որ վերջինիս RF631418 սերիա համարի վարորդական իրավունքի վկայականը 2023 թվականի ապրիլի 14-ին կասեցվել է 6 ամիս ժամկետով (կասեցման սկիզբ 14.04.2023թ, կասեցման ավարտ 16.10.2023թ):
2023թ. ապրիլի 14-ին՝ ժամը 11:11-ին, Գևորգ Լևոնի Խաչատրյանը (ծնվ.17.03.2003թ., ՎԻՎ RF631418, բն. Արարատի մարզ գ. Այնթափ 6-րդ փողոց 37-րդ տուն) Երևան քաղաքի Ալեք Մանուկյան փողոցում «Լադա» մակնիշի 60 OH 001 հաշվառման համարանիշի ավտոմեքենայով կանգառ է կատարել մայթին, ինչի կապակցությամբ, նույն օրը ՀՀ ՆԳՆ ոստիկանության Պարեկային ծառայության համապատասխան ծառայողի կողմից կազմվել է վարչական իրավախախտման վերաբերյալ արձանագրություն և կայացվել է թիվ 8300536261 որոշումը Գևորգ Լևոնի Խաչատրյանի տրանսպորտային միջոցներ վարելու իրավունքը 6 ամիս ժամկետով կասեցնելու վերաբերյալ: Վարչական իրավախախտման վերաբերյալ կազմված արձանագրության և կայացված թիվ 8300536261 որոշման համապատասխան տողերում առկա են ծանուցվողի «վարորդի» և պարեկային ծառայողի ստորագրություններ:
2023թ. օգոստոսի 4-ին՝ ժամը 03:15-ին, Երևան քաղաքի Մաշտոցի պողոտայում ՀՀ ոստիկանության պարեկային ծառայության Երևան քաղաքի գնդի կրտսեր պարեկ Մարտին Ենոքյանի (12664) կողմից Գևորգ Լևոնի Խաչատրյանի (ծնվ. 17.03.2003թ., ՎԻՎ RF631418, բն. Արարատի մարզ գ. Այնթափ 6-րդ փողոց 37-րդ տուն) վերաբերյալ կազմվել է վարչական իրավախախտման վերաբերյալ արձանագրությունը (կից չլրացված վարչական իրավախախտման վերաբերյալ որոշում 8180259154), այն մասին, որ վերջինս 2023թ. օգոստոսի 4-ին՝ ժամը 03:10-ին, Երևան քաղաքի Մ. Մաշտոցի պողոտայում վարել է «Լադա» մակնիշի 60 OH 001 հաշվառման համարանիշի ավտոմեքենան՝ տրանսպորտային միջոցներ վարելու իրավունքը կասեցված վիճակում: Արձանագրության համապատասխան տողերում առկա են ծանուցվողի (վարորդի) և պարեկային ծառայողի ստորագրությունները:
ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրում Գևորգ Լևոնի Խաչատրյանի տվյալների (ՀԾ 3023030111) մուտքագրման արդյունքում պարզվել է, որ վերջինիս RF631418 uերիա համարի վարորդական իրավունքի վկայականը 2023 թվականի ապրիլի 14-ին կասեցվել է 6 ամիս ժամկետով (կասեցման սկիզբ 14.04.2023թ, կասեցման ավարտ 16.10.2023թ.):
2023թ. ապրիլի 14-ին՝ ժամը 11:11-ին, Գևորգ Լևոնի Խաչատրյանը (ծնվ.17.03.2003թ., ՎԻՎ RF631418, բն. Արարատի մարզ գ. Այնթափ 6-րդ փողոց 37-րդ տուն) Երևան քաղաքի Ալեք Մանուկյան փողոցում «Լադա» մակնիշի 60 OH 001 հաշվառման համարանիշի ավտոմեքենայով կանգառ է կատարել մայթին, ինչի կապակցությամբ, նույն օրը ՀՀ ՆԳՆ ոստիկանության Պարեկային ծառայության համապատասխան ծառայողի կողմից կազմվել է վարչական իրավախախտման վերաբերյալ արձանագրություն և կայացվել է թիվ 8300536261 որոշումը Գևորգ Լևոնի Խաչատրյանի տրանսպորտային միջոցներ վարելու իրավունքը 6 ամիս ժամկետով կասեցնելու վերաբերյալ: Վարչական իրավախախտման վերաբերյալ կազմված արձանագրության և կայացված թիվ 8300536261 որոշման համապատասխան տողերում առկա են ծանուցվողի «վարորդի» և պարեկային ծառայողի ստորագրություններ:
Տեղեկատվության պահանջի հիման վրա ՀՀ ոստիկանության «Ճանապարհային ոստիկանություն» ծառայությունից ստացված թիվ 14/7/33005-24 գրության և կից նյութերի զննությամբ պարզվել է, որ Գևորգ Լևոնի Խաչատրյանի վարորդական իրավունքը կասեցվել է Պարեկային ծառայության թիվ 83000536261 որոշման հիման վրա:
Գևորգ Լևոնի Խաչատրյանի վարորդական իրավունքը կասեցնելու հիմք հանդիսացած Ճանապարհային ոստիկանության որոշումները թղթային տարբերակով, փոստային ծառայության միջոցով առաքվել են հասցեատիրոջը, սակայ փոստային ծառայությունը որոշումները վերադարձրել է Ճանապարհային ոստիկանություն: Փոստային ծառայությունը վարորդական իրավունքը կասեցնելու հիմք հանդիսացած որոշումները հանձնել է հասցեատիրոջը, իսկ վարորդական իրավունքը կասեցնելու վերաբերյալ որոշումը վերադարձել է Ճանապարհային ոստիկանություն:
Գևորգ Լևոնի Խաչատրյանը www. roadpolice.am հարթակում գրանցված է որպես տրանսպորտային միջոցներ շահագործող անձ, չի բաժանորդագրվել Ճանապարհային ոստիկանության ծանուցումների էլեկտրոնային համակարգում առկա եղանակներից որևէ մեկին, սակայն 37433669696 հեռախոսահամարին ուղարկվել է SMS կարճ հաղորդագրությտններ՝ վերջինիս տոգանային միավորները սպառվելու և վարորդական իրավունքի կարգավիճակի (կասեցնելու, զրկվելու) վերաբերյալ:
2023-04-14 17:15:08.000-ին 37433669696 հեռախոսահամարին ուղարկվել է «Գևորգ Խաչատրյան Լևոնի վարորդական վկայականը կասեցվել է» տեքստով հաղորդագրությունը»:
2023-04-15 10:58:47.000-ին 37433669696 հեռախոսահամարին ուղարկվել է «Գևորգ Խաչատրյան Լևոնի բալերը զրոյացել են» տեքստով հաղորդագրությունը:
ՀՀ ոստիկանության «Ճանապարհային ոստիկանություն» ծառայությունից ստացված թիվ 14/7/33005-24 գրությամբ ստացված Գնորգ Լևոնի Խաչատրյանի վերաբերյալ կազմված վարչական իրավախախտման վերաբերյալ արձանագրումյունների և (կամ) կայացված որոշումների դրանց առաքման ծանուցագրերի համառոտ տեղեկատվությունը ներկայացվել է աղյուսակի տեսքով, որոնցում նշվում են միայն արձանագրության (կից լրացված կամ չլրացված որոշման) համարը, կայացման ամսաթիվը, խախտման ամսաթիվը, տրանսպորտային միջոցը, կայացված որոշումը, ծանուցված լինելու հանգամանքը՝ ըստ առկա նշումների՝



որոշման
համար


կայացման
ամսաթիվը

խախտման
ամսաթիվը
այն
տրանսպորտային միջոցը, որով
կատարվել է
վարչական
իրավախախտումները
Կայացված
որոշում
(տուգանային
միավոր) որոշման
առաքման
կարգավիճակն
ըստ ծանուցագրի
նշումների
(ստացման
ամսաթիվ)
221467021
5 08.06.2022թ 25.05.2022թ. «Լադա» մակնիշի 60 OH 001 2 Չպահանջված
221473262
4 20.06.2022թ 07.06.2022թ. «Լադա» մակնիշի 60 OH 001 1 Չպահանջված
221474377
6 22.06.2022թ. 09.06.2022թ. «Լադա» մակնիշի 60 OH 001 3 Չպահանջված
520000118
4 30.08.2022թ 12.08.2022թ. «Լադա» մակնիշի 60 OH 001 0,5 Չպահանջված
221528524
6 28.09.2022թ 21.09.2022թ. «Լադա» մակնիշի 60 OH 001 2 Չպահանջված
83005362
61 14.04.2023թ. 14.04.2023թ. «Լադա» մակնիշի 60 OH 001 Կասեցնել 6
ամիս
ժամկետով Ստորագրված
Ծանուցման
թերթիկը
բացակայում է

ՀՀ ՆԳՆ ոստիկանության «Պարեկային ծառայություն» ծառայությունից ստացված թիվ 91/91/1/33100-24 գրության համաձայն Գևորգ Լևոնի Խաչատրյանի տրանսպորտային միջոցներ վարելու իրավունքը կասեցվել է պարեկային ծառայության թիվ 8300536261 որոշման հիման վրա, իսկ թիվ 40/40/67294-2024 գրությանբ նշված ժամանակահատվածում վերջինիս վերաբերյալ պարեկային ծառայության ծառայողների կողմից կազմվել է թվով 3 արձանագրություն, որոնք ուղարկվել են ՀՀ ՔԿ քրեական վարույթ նախաձեռնելու հարցը քննարկելու համար:
/Հատոր 1, գ.թ. 60-63/
Արտավարութային փաստաթուղթ ճանաչելու մասին 16.05.2024թ. որոշմամբ ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրում առկա Գևորգ Լևոնի Խաչատրյանի վարորդական վկայականի վերաբերյալ տեղեկատվության քաղվածքի, Գևորգ Լևոնի Խաչատրյանի վերաբերյալ 2023թ. ապրիլի 26-ին կազմված վարչական իրավախախտման վերաբերյալ արձանագրության (կից չլրացված վարչական իրավախախտման որոշում` 81802048857), Գևորգ Խաչատրյանի վերաբերյալ 2023 թվականի մայիսի 3-ին ՀՀ ՆԳՆ ոստիկանության Պարեկային ծառայության համապատասխան ծառայողի կողմից կայացված վարչական իրավախախտման վերաբերյալ թիվ 8300536261 որոշման, Գևորգ Լևոնի Խաչատրյանի վերաբերյալ 2023թ. մայիսի 3-ին կազմված վարչական իրավախախտման վերաբերյալ արձանագրության (կից չլրացված վարչական իրավախախտման որոշում՝ 8180254137), Գևորգ Լևոնի Խաչատրյանի վերաբերյալ 2023թ. օգոստոսի 4-ին կազմված վարչական իրավախախտման վերաբերյալ արձանագրության (կից չլրացված վարչական իրավախախտման որոշում՝ 81802591547), ՀՀ ՆԳՆ ոստիկանության «Պարեկային ծառայություն» և «Ճանապարհային ոստիկանություն ծառայություններից ստացված 91/91/1/33100-24 և 14/7/33005-24 գրությունների ու կից նյութերի պատճենները ճանաչվել են ապացույց:
/Հատոր 1, գ.թ. 3-5, 12-14, 21-23, 36-59, 64-66/

Դատարանի իրավական վերլուծությունները.
ՀՀ քրեական օրենսգրքի 14-րդ հոդվածի համաձայն` «1. Քրեական պատասխանատվության հիմքն ինչպես ավարտված, այնպես էլ չավարտված հանցանք կատարելն է:»:
ՀՀ քրեական օրենսգրքի 16-րդ հոդվածի համաձայն`
«1. Հանցանք է համարվում սույն օրենսգրքով նախատեսված, պատժի սպառնալիքով արգելված, հանցագործության սուբյեկտի կողմից մեղավորությամբ կատարված արարքը:
(...)»:
ՀՀ 05.05.2021թ. քրեական օրենսգրքի 344-րդ հոդվածի համաձայն`
«1. Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված անձի կողմից տրանսպորտային միջոց վարելը՝
պատժվում է տուգանքով` առավելագույնը տասնապատիկի չափով, կամ հանրային աշխատանքներով` առավելագույնը հարյուր ժամ տևողությամբ, կամ կարճաժամկետ ազատազրկմամբ՝ առավելագույնը մեկ ամիս ժամկետով:
(...)
4. Սույն օրենսգրքի իմաստով՝ անձի՝ տրանսպորտային միջոցներ վարելու իրավունքը համարվում է կասեցված, եթե նրա` տրանսպորտային միջոցներ վարելու իրավունքն օրենքով սահմանված կարգով կասեցվել է, և կասեցման ժամկետը չի լրացել:
(...)»:
ՀՀ քրեական դատավարության օրենսգրքի 22-րդ հոդվածի համաձայն`
«1. Քրեական վարույթի համար նշանակություն ունեցող ցանկացած հանգամանք պետք է հաստատվի պատշաճ ապացույցների բավարար համակցությամբ:
2. Եզրափակիչ դատավարական ակտը պետք է հիմնվի հետազոտված ապացույցների ազատ և բարեխիղճ գնահատման վրա:
3. Մեղադրական դատավճռի հիմքում դրվող յուրաքանչյուր փաստական հանգամանք պետք է հիմնավորվի ապացույցների այնպիսի ծավալով, որը կբացառի դրա ապացուցվածության վերաբերյալ ցանկացած հիմնավոր կասկած: Դատավճիռ կայացնելիս պետք է հաշվի առնվի անհրաժեշտ և հնարավոր ապացույցների բացակայությունը:
4. Վարույթն իրականացնող մարմինը պարտավոր է հանգամանորեն ստուգել ի պաշտպանություն մեղադրյալի բերված և պատշաճ ձևակերպված փաստարկները:
5. Հանցագործության համար անձի մեղավորության մասին հետևությունը չի կարող հիմնվել ենթադրությունների վրա. այն պետք է հաստատվի փոխկապակցված վերաբերելի, թույլատրելի, հավաստի ապացույցների ամբողջությամբ:
6. Խոստովանական ցուցմունքը չի կարող անձին դատապարտելու հիմք հանդիսանալ, եթե այն չի հիմնավորվել պատշաճ իրավական ընթացակարգի շրջանակներում հետազոտված բավարար ապացույցներով:
(...)»:
ՀՀ քրեական դատավարության օրենսգրքի 101-րդ հոդվածի համաձայն՝
«1. Ապացուցումը սույն օրենսգրքով նախատեսված` ապացուցման ենթակա փաստական հանգամանքները, ինչպես նաև վարույթի համար նշանակություն ունեցող այլ հանգամանքներ հաստատելու կամ հերքելու նպատակով ապացույցներ հավաքելը, ստուգելը և գնահատելն է:»:
ՀՀ քրեական դատավարության օրենսգրքի 102-րդ հոդվածի համաձայն՝
«1. Քրեական վարույթի ընթացքում ապացուցման ենթակա են՝
1) դեպքը և դրա հանգամանքները (ժամանակը, տեղը, եղանակը և այլն).
2) մեղադրյալի առնչությունը դեպքին.
3) ենթադրյալ հանցագործության՝ քրեական օրենքով նախատեսված հատկանիշները.
4) մեղադրյալի մեղավորությունը ենթադրյալ հանցանքը կատարելու մեջ.
5) քրեական պատասխանատվությունը կամ պատիժը մեղմացնող և ծանրացնող հանգամանքները.
6) մեղադրյալի անձը բնութագրող հանգամանքները.
7) ենթադրյալ հանցագործությամբ պատճառված վնասը.
8) այն հանգամանքները, որոնք թույլ են տալիս անձին ազատել քրեական պատասխանատվությունից կամ պատժից.
9) այն հանգամանքները, որոնցով անձը հիմնավորում է վարույթի ընթացքում իր գույքային պահանջները.
10) այն հանգամանքները, որոնցով վարույթի մասնակիցը կամ այլ անձը հիմնավորում է իր պահանջները:
2. Սույն օրենսգրքով նախատեսված վարույթի առանձին տեսակների համար կարող է սահմանվել ապացուցման ենթակա հանգամանքների այլ շրջանակ:»:
ՀՀ քրեական դատավարության օրենսգրքի 105-րդ հոդվածի համաձայն՝
«1. Յուրաքանչյուր ապացույց ենթակա է գնահատման՝ վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից:
2. Քննիչը, դատախազը, դատավորը, ղեկավարվելով քրեադատավարական օրենսդրությամբ, ներառյալ ապացուցման չափանիշների մասին վերաբերելի կանոններով, ապացույցները գնահատում են դրանց պատշաճ հետազոտման և վերլուծության վրա հիմնված ներքին համոզմամբ:
3. Ոչ մի տվյալ նախապես հավաստի ապացույցի ուժ չունի: Դատավորը, ինչպես նաև քննիչը և դատախազը չպետք է կանխակալ վերաբերմունք դրսևորեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան, քանի դեռ պատշաճ իրավական ընթացակարգի շրջանակներում դրանք չեն գնահատվել:»:
Վերլուծելով մեղադրյալ Գևորգ Լևոնի Խաչատրյանին առաջադրված մեղադրանքը և հիմնվելով հետազոտված թույլատրելի ապացույցների վրա` Դատարանը գտնում է, որ.
- ապացուցված է մեղադրյալ Գևորգ Լևոնի Խաչատրյանին վերագրվող փաստական հանգամանքները (արարքները),
- ապացուցված է ՀՀ քրեական օրենսգրքի 344-րդ հոդվածի 1-ին մասով նախատեսված արարքների քրեական հակաիրավականությունը,
- ապացուցված է մեղադրյալ Գևորգ Լևոնի Խաչատրյանի կողմից այդ արարքները կատարելը,
- ապացուցված է մեղադրյալ Գևորգ Լևոնի Խաչատրյանի մեղավորությունը տվյալ արարքները կատարելու մեջ։
Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ Սահմանադրության 71-րդ հոդվածի համաձայն՝
«1. Հանցանք կատարած անձի պատժի հիմքը նրա մեղքն է:
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին»:
ՀՀ քրեական օրենսգրքի 55-րդ հոդվածի համաձայն`
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»:
ՀՀ քրեական օրենսգրքի 69-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ:»:
ՀՀ քրեական օրենսգրքի 344-րդ հոդվածի 1-ին մասի սանկցիան այլընտրանքային է, պատիժ է նախատեսում ինչպես տուգանքի, այնպես էլ՝ հանրային աշխատանքների, կարճաժամկետ ազատազրկման և ազատազրկման ձևով:
Ուսումնասիրելով մեղադրյալ Գևորգ Լևոնի Խաչատրյանի անձը` նրա կատարած հանցագործության համար պատիժ նշանակելիս Դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն որ վերջինս նախկինում դատապարտված չի եղել, իրեն մեղավոր է ճանաչել և զղջացել է կատարածի համար:
Հաշվի առնելով մեղադրյալ Գևորգ Լևոնի Խաչատրյանի կատարած հանցագործությունների բնույթը և հանրության համար վտանգավորության աստիճանը, դրանց կատարման եղանակը, հանցավոր մտադրության իրականացման աստիճանը, հանցագործությունները կատարելուց հետո նրա դրսևորած վարքագիծը, ինչպես նաև խախտված հասարակական հարաբերության սոցիալական նշանակությունը` դատարանը գտնում է, որ Գևորգ Լևոնի Խաչատրյանն իր կատարած` ՀՀ քրեական օրենսգրքի 344-րդ հոդվածի 1-ին մասով նախատեսված հանցագործությունների համար ենթակա է տուգանքի ձևով նախատեսված պատժի:
ՀՀ քրեական օրենսգրքի 59-րդ հոդվածի համաձայն՝
«1. Տուգանքը դրամական տուժանք է, որը նշանակվում է սույն օրենսգրքով նախատեսված դեպքերում և չափերով:
2. Տուգանքը որպես հիմնական պատիժ կարող է նշանակվել սույն օրենսգրքի Հատուկ մասով նախատեսված դեպքերում:
3. Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով։
(…)
5. Հանցանք կատարած անձի եկամտի բացակայության կամ դրա չափը պարզելու անհնարինության դեպքում տուգանքի չափը հաշվարկվում է հանցանքը կատարելու պահին նվազագույն աշխատավարձի չափով: Տուգանքի չափը որոշվում է նույն կարգով, եթե հանցանք կատարած անձի եկամուտն առաջացել է հանցանքն ավարտվելուց հետո։ Տուգանքի չափը որոշվում է նույն կարգով նաև այն դեպքում, երբ անձի ամսական եկամտի հաշվարկի արդյունքով դրա չափը պակաս է ստացվում նվազագույն աշխատավարձի չափից:
(…)
8. Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ Եթե տուգանքը նշանակելուց հետո դատապարտյալի նյութական վիճակի վատթարացման հետևանքով նա զրկվում է տուգանքը վճարելու հնարավորությունից, ապա դատարանը, հաշվի առնելով դատապարտյալի դիրքորոշումը`
1) երկարաձգում է տուգանքի վճարման սահմանված վերջնաժամկետը` առավելագույնը 1 տարով,
2) նշանակում է հանրային աշխատանքներ` հանրային աշխատանքների 24 ժամը հաշվարկելով հանցանքը կատարելու պահին նվազագույն աշխատավարձի չափով:
(…)»:
Նկատի ունենալով, որ թեպետ մեղադրյալ Գևորգ Լևոնի Խաչատրյանը աշխատում է, սակայն նրա ամսական եկամտի հաշվարկի արդյունքով դրա չափը պակաս է ստացվում նվազագույն աշխատավարձի չափից, ուստի Դատարանը գտնում է, որ տուգանքի չափը պետք է հաշվարկել արարքը կատարելու պահի նվազագույն աշխատավարձի չափով, ինչպես նաև Դատարանը գտնում է, որ վերջինիս նկատմամբ պետք է նշանակվի ՀՀ քրեական օրենսգրքի 344-րդ հոդվածի 1-ին մասի սանկցիայով նախատեսված տուգանքի նվազագույն՝ հնգապատիկի չափով:
Միաժամանակ հաշվի առնելով մեղադրյալի հայտարարությունը, որ տուգանքը միանվագ վճարելու հնարավորություն չունի, Դատարանը գտնում է, որ մեղադրյալ Գևորգ Լևոնի Խաչատրյանին պետք է թույլատրել նշանակված տուգանքը վճարել մաս առ մաս՝ 12 /տասներկու/ ամսվա ընթացքում:
ՀՀ քրեական օրենսգրքի 61-րդ հոդվածի համաձայն՝
«1. Որոշակի պաշտոններ զբաղեցնելու իրավունքից զրկելը՝ որոշակի պաշտոններ զբաղեցնելը, իսկ որոշակի գործունեությամբ զբաղվելու իրավունքից զրկելը՝ կատարված հանցանքի բնույթի հետ կապված որոշակի գործունեությամբ զբաղվելն արգելելն է:
(…)
4. Որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելը որպես լրացուցիչ պատիժ սահմանվում է ոչ մեծ և միջին ծանրության հանցագործությունների համար՝ 1-3 տարի, իսկ ծանր և առանձնապես ծանր հանցագործությունների համար՝ 1-5 տարի ժամկետով:
5. Որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելը որպես լրացուցիչ պատիժ կարող է նշանակվել այն դեպքում, երբ դատարանը, ելնելով հանցավորի պաշտոնավարության կամ որոշակի գործունեությամբ զբաղվելու ժամանակ նրա կատարած հանցանքի բնույթից, հնարավոր չի համարում անձի կողմից հետագա ժամանակահատվածում որոշակի պաշտոններ զբաղեցնելը կամ որոշակի գործունեությամբ զբաղվելը:
(…)»:
Քննարկելով մեղադրյալ Գևորգ Լևոնի Խաչատրյանի նկատմամբ լրացուցիչ պատիժ նշանակելու հարցը` Դատարանը փաստում է, որ վերջինս աշխատում է որպես վարորդ, դրանով վաստակում է իր եկամուտը, իսկ այդ հանգամանքն էլ համադրելով կատարված արարքների բնույթի և հանրորեն վտանգավորության աստիճանի հետ, գործի քննության ընթացքում վերջինիս դրսևորած վարքագծի հետ, Դատարանը գտնում է, որ մեղադրյալ Գևորգ Լևոնի Խաչատրյանի նկատմամբ լրացուցիչ պատիժ նշանակելու անհրաժեշտությունը բացակայում է:
Քննարկելով խափանման միջոցի հարցը` Դատարանը գտնում է, որ մեղադրյալ Գևորգ Լևոնի Խաչատրյանի նկատմամբ «Բացակայելու արգելք» խափանման միջոցն ընտրված է ճիշտ և վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը:
Քննարկելով արտավարութային փաստաթղթերի պահպանման հարցը, Դատարանը գտնում է, որ դրանք անհրաժեշտ է թողնել կցված քրեական գործին:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ` Դատարանը.

Վ Ճ Ռ Ե Ց

Գևորգ Լևոնի Խաչատրյանին մեղավոր ճանաչել երեք դրվագ ՀՀ քրեական օրենսգրքի 344-րդ հոդվածի 1-ին մասով:
ՀՀ քրեական օրենսգրքի 344-րդ հոդվածի 1-ին մասով դատապարտել տուգանքի` նվազագույն աշխատավարձի հնգապատիկի՝ 375.000 երեք հարյուր յոթանասունհինգ հազար) ՀՀ դրամի չափով՝ առանց լրացուցիչ պատժի:
ՀՀ քրեական օրենսգրքի 344-րդ հոդվածի 1-ին մասով դատապարտել տուգանքի` նվազագույն աշխատավարձի հնգապատիկի՝ 375.000 երեք հարյուր յոթանասունհինգ հազար) ՀՀ դրամի չափով՝ առանց լրացուցիչ պատժի:
ՀՀ քրեական օրենսգրքի 344-րդ հոդվածի 1-ին մասով դատապարտել տուգանքի` նվազագույն աշխատավարձի հնգապատիկի՝ 375.000 երեք հարյուր յոթանասունհինգ հազար) ՀՀ դրամի չափով՝ առանց լրացուցիչ պատժի:
Պատիժների լրիվ գումարմամբ Գևորգ Լևոնի Խաչատրյանի նկատմամբ որպես վերջնական պատիժ նշանակել տուգանք՝ նվազագույն աշխատավարձի տասնհինգապատիկի՝ 1.125.000 մեկ միլիոն հարյուր քսանհինգ հազար) ՀՀ դրամ չափով:
Դատավճիռն օրինական ուժի մեջ մտնելուց հետո թույլատրել Գևորգ Լևոնի Խաչատրյանին դատավճռով նշանակված 1.125.000 մեկ միլիոն հարյուր քսանհինգ հազար) ՀՀ դրամը վճարել մաս առ մաս՝ 12 /տասներկու/ ամսվա ընթացքում, յուրաքանչյուր ամիս նվազագույնը 93.750 /իննսուներեք հազար յոթ հարյուր հիսուն/ ՀՀ դրամի չափով:
Գևորգ Լևոնի Խաչատրյանի նկատմամբ ընտրված խափանման միջոց «Բացակայելու արգելքը» թողնել անփոփոխ մինչև դատավճռի օրինական ուժի մեջ մտնելը:
Ապացույց ճանաչված արտավարութային փաստաթղթերը թողնել կցված քրեական գործին:
Դատավճիռը կարող է բողոքարկվել ՀՀ քրեական վերաքննիչ դատարան` ստանալու օրվանից հետո մեկամսյա ժամկետում:

ԴԱՏԱՎՈՐ` Վ.Լ.ԳՐԻԳՈՐՅԱՆ