ԵԴ1/3164/01/24
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՌԱՋԻՆ
ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

2024թ․ դեկտեմբերի <<11>> ք․Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)

Նախագահող դատավոր Ա.Հովհաննիսյան
դատական նիստերի քարտուղար Մ․Հովհաննիսյան
հանրային մեղադրող Դ.Մարգարյան

դռնբաց դատական նիստում քննեց քրեական վարույթն ըստ մեղադրանքի Էդվարդ Գևորգի Եկոբյանի՝ ծնված 1973 թվականի նոյեմբերի 14-ին, ազգությամբ հայ, ՀՀ քաղաքացի, ամուսնացած, նախկինում չդատապարտված, հաշվառված և բնակվող՝ Երևան քաղաքի Նորք Մարաշ, Նորքի 13-րդ փողոցի 147-րդ տանը: Հանրային քրեական հետապնդում է հարուցվել ՀՀ քրեական օրենսգրքի 344-րդ հոդվածի 1-ին մասով՝ 2 դրվագ․ որպես խափանման միջոց է կիրառվել բացակայելու արգելքը:
Վարույթի դատավարական նախապատմությունը.
2024 թվականի հունվարի 25-ի ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Հ.Ստեփանյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60025824 քրեական վարույթը։
2024 թվականի հունվարի 25-ի ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Հ.Ստեփանյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60025924 քրեական վարույթը։

2024 թվականի հունվարի 25-ի ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի քննիչ Հ.Ստեփանյանի որոշմամբ թիվ 60025924 քրեական վարույթը միացվել է թիվ 60025824 քրեական վարույթին և նախաքննությունը շարունակվել է թիվ 60025924 նախաքննական համարի ներքո:
2024 թվականի հոկտեմբերի 21-ի ՀՀ դատախազության Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ.Մարգարյանի որոշմամբ Էդվարդ Գևորգի Եկոբյանի նկատմամբ հանրային քրեական հետապնդում է հարուցվել քրեական օրենսգրքով նախատեսված այն արարքների կատարման համար, որ նա, տեղյակ լինելով, որ գրված է տրանսպորտային միջոցներ վարելու իրավունքից, 2023 թվականի հոկտեմբերի 5-ին՝ ժամը 01:05-ի սահմաններում և 2024 թվականի հունվարի 16-ին՝ ժամը 00:25-ի սհամաններում, վարել է <<Օպել>> մակնիշի 36 LA 317 հաշվառման համարանիշի ավտոմեքենան:
Այսպես. ՀՀ ՆԳՆ ոստիկանության <<Ճանապարհային ոստիկանություն>> ծառայության կողմից 2023 թվականի հունիսի 7-ին կայացված վարչական տույժ նշանակելու մասին թիվ 2316547446 որոշմամբ Էդվարդ Գևորգի Եկոբյանը 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ սկսած 2023 թվականի հուլիսի 1-ից մինչև 2024 թվականի հուլիսի 1-ը, որի մասին ծանուցվել է ինչպես փոստային առաքման, այնպես էլ՝ +37477652493 հեռախոսահամարին ուղարկված <<ՍՄՍ>> հաղորդագրության միջոցով։ Տեղյակ լինելով, որ զրկված է տրանսպորտային միջոցներ վարելու իրավունքից՝ Էդվարդ Գևորգի Եկոբյանը, զրկման ժամկետը դեռ չլրացած, 2023 թվականի հոկտեմբերի 5-ին՝ ժամը 01:05-ի սահմաններում, Երևան քաղաքի Հերացի փողոցում վարել է <<Օպել>> մակնիշի 36 LA 317 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության կրտսեր պարեկ Հարություն Մանգասարյանի կողմից նույն օրը՝ ժամը 01:56-ին, կազմվել է վարչական իրավախախտման վերաբերյալ թիվ 8180260194 արձանագրությունը:
Այսինքն՝ Էդվարդ Գևորգի Եկոբյանին մեղսագրվում է պատժի սպառնալիքով արգելված, մեղավորությամբ կատարված արարք՝ նախատեսված ՀՀ քրեական օրենսգրքի 344-րդ հոդվածի 1-ին մասով։
Բացի այդ, տեղյակ լինելով, որ 2023 թվականի հունիսի 7-ին կայացված վարչական տույժ նշանակելու մասին թիվ 2316547446 որոշմամբ 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ Էդվարդ Գևորգի Եկոբյանը, զրկման ժամկետը դեռ չլրացած, 2024 թվականի հունվարի 16-ին՝ ժամը 00:25-ի սհամաններում, Երևան քաղաքի Ագաթանգեղոսի փողոցում վարել է <<Օպել>> մակնիշի 36 LA 317 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության կրտսեր պարեկ Արթուր Մեջլումյանի կողմից նույն օրը՝ ժամը 00:30-ին, կազմվել է վարչական իրավախախտման վերաբերյալ թիվ 8180268851 արձանագրությունը:
Այսինքն՝ Էդվարդ Գևորգի Եկոբյանին մեղսագրվում է պատժի սպառնալիքով արգելված, մեղավորությամբ կատարված արարք՝ նախատեսված ՀՀ քրեական օրենսգրքի 344-րդ հոդվածի 1-ին մասով։
Այսպիսով՝ Էդվարդ Գևորգի Եկոբյանին մեղսագրվում են պատժի սպառնալիքով արգելված, մեղավորությամբ կատարված արարքներ՝ նախատեսված ՀՀ քրեական օրենսգրքի 344-րդ հոդվածի 1-ին մասով և 344-րդ հոդվածի 1-ին մասով:
2024 թվականի հոկտեմբերի 22-ի ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական երրորդ բաժնի քննիչ Հ.Գևորգյանի որոշմամբ Էդվարդ Գևորգի Եկոբյանի նկատմամբ որպես խափանման միջոց է կիրառվել բացակայելու արգելքը։
2024 թվականի նոյեմբերի 7-ին թիվ 60-0259-24 քրեական վարույթի նյութերը մեղադրական եզրակացությամբ ուղարկվել են Երևան քաղաքի առաջին ատյանի ընդհանուր իրավասության քրեական դատարան։
Ապացույցների հետազոտումը և գնահատումը․
Հիմնական դատալսումների ընթացքում մեղադրյալ Էդվարդ Եկոբյանը, օգտվելով իր քրեադատավարական իրավունքից, հրաժարվել է ցուցմունք տալ, ուստի որոշվել է հրապարակել վերջինի նախաքննական ցուցմունքը։
2024 թվականի սեպտեմբերի 26-ի վկայի հարցաքննության արձանագրության համաձայն. <<Վկա Էդվադ Եկոբյանը հայտնել է, որ տեղեկացել է, որ զրկվել է վարելու իրավունքից՝ բալերը զրոյանալու պատճառով և որոշումը ստացել է ինքը։ Սակայն քանի որ ընտանիքում ունեցել է ֆինանսական խնդիրներ և միայն ապրուստի միջոցը եղել է տաքսի վարելը, ստիպված կրկին զրկված լինելով, վարել է իր կողմից շահագործված <<Օպել>> մակնիշի 36 LA 317 հաշվառման համարանիշի ավտոմեքենան: 2023 թվականի հոկտեմբերի 5-ին, երբ պարեկային ծառայության աշխատակիցները իր վերաբերյալ կազմել են վարչական իրավախախտումների վերաբեյալ արձանագրություն, իրեն տեղեկացրել են այդ մասին, սակայն կրկին նույն պատաճառով շարունակել է շահագործել մեքենան և հաջորդ անգամ արդեն իրեն կանգնեցրել են Ագաթանգեղոս փողոցում ու կրկին նույն խախտման՝ զրկված լինելու պայմաններում մեքենա վարելու համար կազմել են վարչական իրավախախտումների վերաբերյալ արձանագրություն: Այժմ չի վարում մեքենա։ Զղջում է իր կողմից կատարած արարքի համար>>:
2024 թվականի հոկտեմբերի 24-ի մեղադրյալի հարցաքննության արձանագրության համաձայն․ << Էդվադ Եկոբյանը հայտնել է, որ իրեն մեղավոր է ճանաչում և հրաժարվում է ցուցմունք տալուց>>։
2024 թվականի օգոստոսի 21-ի զննություն կատարելու մասին արձանագրության համաձայն՝ զննությամբ պարզվել է, որ վարչական իրավախախտումների վերաբերյալ թիվ 8180268851 արձանագրությունը կազմվել է 2024 թվականի հունվարի 16-ին՝ ժամը 00:30-ին, Երևան քաղաքի Ագաթանգեղոսի փողոցում, Երևան քաղաքի գնդի 3-րդ գումարտակի 3-րդ վաշտի կրտսեր պարեկ Արթուր Մեջլումյանի կողմից Էդվարդ Գևորգի Եկոբյանի նկատմամբ այն բանի համար, որ նա ժամը 00:25-ին <<Օպել>> մակնիշի 36 LA 317 հաշվառման համարանիշի ավտոմեքենան վարել է տրանսպորտային միջոցը վարելու իրավունքից զրկված վիճակում: <<Վարչական իրավախախտում կատարած անձի բացատրությունը, դիտողությունը, ստորագրությունը>> բաժնում առկա է ստորագրություն: <<Արձանագրությանը ծանոթացա, իմ իրավունքների և պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումն ստացա>> բաժնում առկա է ստորագրություն, էջի ստորին հատվածում առկա է արձանագրությունը կազմող անձի ստորագրությունը:
Վարչական իրավախախտումների վերաբերյալ թիվ 8180260194 արձանագրությունը կազմվել է 2023 թվականի հոկտեմբերի 5-ին՝ ժամը 01:56-ին, Երևան քաղաքի Հերացի 1/1 փողոցում, Երևան քաղաքի գնդի 2-րդ գումարտակի 3-րդ վաշտի կրտսեր պարեկ Հարություն Մանգասարյանի կողմից Էդվարդ Գևորգի Եկոբյանի նկատմամբ այն բանի համար, որ նա ժամը 01:00-ին <<Օպել>> մակնիշի 36 LA 317 հաշվառման համարանիշի ավտոմեքենան վարել է տրանսպորտային միջոցը վարելու իրավունքից զրկված վիճակում: <<Վարչական իրավախախտում կատարած անձի բացատրությունը, դիտողությունը, ստորագրությունը>> բաժնում առկա է ստորագրություն: <<Արձանագրությանը ծանոթացա, իմ իրավունքների և պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումն ստացա>> բաժնում առկա է ստորագրություն, էջի ստորին հատվածում առկա է արձանագրությունը կազմող անձի ստորագրությունը։
ՀՀ Ճանապարհային ոստիկանության էլեկտրոնային ռեգիստրից արված քաղվածքի համաձայն՝ Էդվարդ Գևորգի եկոբյանի վարորդական իրավունքի վկայականի վրա առկա է զրկումներ, զրկման սկիզբը նշված է 2023 թվականի հուլիսի 1-ից մինչև 2024 թվականի հուլիսի 1-ը:
Հարթակից օգտվելու և էլեկտրոնային եղանակով ծանուցումների վերաբերյալ տեղեկանքի համաձայն՝ <<Roadpolice.am>> կայք մուտք է գրանցվել որպես վարորդ, տարբեր IP հասցնեներից՝ 2020 թվականի հունվար, 2022 թվականի հունիս, հուլիս, օգոստոս, 2021 թվականի նոյեմբերի 6-ին, 37477652493 հեռախոսահամարին ուղարկվել է <<ԷԴՎԱՐԴ ԳԵՎՈՐԳԻ ԵԿՈԲՅԱՆ վարորդական վկայականը կասեցվել է>> հաղորդագրությունը, 2021 թվականի նոյեմբերի 25-ին 37477652493 հեռախոսահամարին ուղարկվել է <<ԷԴՎԱՐԴ ԳԵՎՈՐԳԻ ԵԿՈԲՅԱՆ վարորդական վկայականը կասեցվել է>> հաղորդագրությունը, 2021 թվականի նոյեմբերի 26-ին 37477652493 հեռախոսահամարին ուղարկվել է <<ԷԴՎԱՐԴ ԳԵՎՈՐԳԻ ԵԿՈԲՅԱՆ բալերը զրոյացել են>> հաղորդագրությունը, 2022 թվականի հունվարի 4-ին 37477652493 հեռախոսահամարին ուղարկվել է <<ԷԴՎԱՐԴ ԳԵՎՈՐԳԻ ԵԿՈԲՅԱՆ վարորդական վկայականը կասեցվել է>> հաղորդագրությունը, 2023 թվականի հուլիսի 7-ին 37477652493 հեռախոսահամարին ուղարկվել է <<ԷԴՎԱՐԴ ԳԵՎՈՐԳԻ ԵԿՈԲՅԱՆ վարորդական վկայականը զրկվել է>> հաղորդագրությունը, 2023 օգոստոսի 8-ին 37477652493 հեռախոսահամարին ուղարկվել է <<ԷԴՎԱՐԴ ԳԵՎՈՐԳԻ ԵԿՈԲՅԱՆ բալերը զրոյացել են>> հաղորդագրությունը:
Թիվ 2113880563 որոշումը կայացվել է 2021 թվականի դեկտեմբերի 2-ին, որի համաձայն՝ Էդվարդ Գևորգի Եկոբյանի տրանսպորտային միջոցը վարելու իրավունքը կասեցվել է 6 ամիս ժամկետով։
Թիվ 2316547446 որոշումը կայացվել է 2023 թվականի հունիսի 7-ին, որի համաձայն՝ Էդվարդ Գևորգի Եկոբյանը զրկվել է տրանսպորտային միջոցը վարելու իրավունքից 1 տարի ժամկետով:
Թիվ 2215160933, 2215217755, 2215313789, 2215420496, 2215515088, 2215526908, 2215570291, 2215602988, 2315926393, 2316310960 որոշումները կայացվել են Էդվարդ Գորգի Եկոբյանի նկատմամբ տարբեր օրերի տարբեր վայրերում տարբեր իրավախախտումներ կատարելու համար, որոնց համար վերջինը տոգանվել է և հանվել են համապատասխան միավորներ: Դրանք առաքվել են Երևան քաղաքի Նորք-Մարաշ Նորքի 13-րդ փողոցի 147-րդ տուն հասցեով, որոնք հանձնվել են և առկա է ստացողի ստորագրությունը և ամսաթիվ:
2024 թվականի օգոստոսի 21-ի արտավարութային փաստաթուղթն ճանաչելու մասին որոշման համաձայն՝ թիվ 8180268851 և 180260194 արձանագրությունների, ՀՀ Ճանապարհային ոստիկանության էլեկտրոնային ռեգիստրից արված Էդվարդ Գևորգի Եկոբյանի թիվ 659549 վարորդական իրավունքի վկայականի պատճենը, <<Roadpolice.am>> հարթակից օգտվելու և էլեկտրոնային եղանակով ծանուցումների վերաբերյալ տեղեկանքի, թիվ 2316547446 որոշման և դրանց առաքման թերթիկները ճանաչվել են արտավարույթային փաստաթուղթ:
ՀՀ ՆԳՆ ոստիկանության ինֆորմացիոն կենտրոնի պահանջագրի համաձայն՝ Էդվարդ Գևորգի Եկոբյանը նախկինում արատավորված՝ դատապարված չի եղել:
Մեղադրական վերդիկտ․
Վերոնշյալ փաստերի հիման վրա Դատարանը գալիս է այն եզրահանգմանը, որ Էդվարդ Գևորգի Եկոբյանը, տեղյակ լինելով, որ զրկված է տրանսպորտային միջոցներ վարելու իրավունքից, 2023 թվականի հոկտեմբերի 5-ին՝ ժամը 01:05-ի սահմաններում և 2024 թվականի հունվարի 16-ին՝ ժամը 00:25-ի սհամաններում, վարել է <<Օպել>> մակնիշի 36 LA 317 հաշվառման համարանիշի ավտոմեքենան, բացի այդ, Էդվարդ Գևորգի Եկոբյանը, տեղյակ լինելով, որ 2023 թվականի հունիսի 7-ին կայացված վարչական տույժ նշանակելու մասին թիվ 2316547446 որոշմամբ 1 (մեկ) տարի ժամանակով զրկվել է տրանսպորտային միջոցներ վարելու իրավունքից՝ Էդվարդ Գևորգի Եկոբյանը, զրկման ժամկետը դեռ չլրացած, 2024 թվականի հունվարի 16-ին՝ ժամը 00:25-ի սհամաններում, Երևան քաղաքի Ագաթանգեղոսի փողոցում վարել է <<Օպել>> մակնիշի 36 LA 317 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության կրտսեր պարեկ Արթուր Մեջլումյանի կողմից նույն օրը՝ ժամը 00:30-ին, կազմվել է վարչական իրավախախտման վերաբերյալ թիվ 8180268851 արձանագրությունը, որպիսի պայմաններում հիմնավոր կասկածից վեր ապացուցողական չափանիշով ապացուցված է՝
1) մեղադրյալ Էդվարդ Գևորգի Եկոբյանին վերագրվող փաստական հանգամանքները (արարքները),
2) ՀՀ քրեական օրենսգրքի 344-րդ հոդվածի 1-ին մասով (2 դրվագ) նախատեսված արարքների քրեական հակաիրավականությունը,
3) մեղադրյալ Էդվարդ Գևորգի Եկոբյանի կողմից այդ արարքները կատարելը,
4) մեղադրյալ Էդվարդ Գևորգի Եկոբյանի մեղավորությունը տվյալ արարքները կատարելու մեջ,
Հ Ե Տ Ե Վ Ա Պ Ե Ս
ապացուցված է Էդվարդ Գևորգի Եկոբյանի մեղավորությունը ՀՀ քրեական օրենսգրքի 344-րդ հոդվածի 1-ին մասով (2 դրվագ) նախատեսված հանցավոր արարքների կատարման մեջ:
Դատարանի իրավական վերլուծությունները.
ՀՀ վճռաբեկ դատարանը 2010 թվականի օգոստոսի 27-ի թիվ ՍԴ/0293/01/09 որոշմամբ դիրքորոշում է հայտնել, որ պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, անձը բնութագրող տվյալները և, քրեական օրենքով նախատեսված պահանջներից ելնելով, հանցագործության մեջ մեղավոր անձի նկատմամբ նշանակում է այնպիսի պատիժ, որն անհրաժեշտ է և բավարար է այդ անձին ուղղելու և նրա կողմից նոր հանցանքի կատարումը կանխելու համար: Պատժի տեսակի և չափի որոշման ժամանակ դատարանը պետք է հաշվի առնի կատարված հանցագործության՝ հանրության համար վտանգավորության աստիճանն ու բնույթը, հանցավորի անձը բնութագրող տվյալները, այդ թվում՝ նրա պատասխանատվությունը մեղմացնող և (կամ) ծանրացնող հանգամանքները:
Դատարանը, ուսումնասիրելով Էդվարդ Գևորգի Եկոբյանի պատասխանատվությունը և պատիժը մեղմացնող ու ծանրացնող հանգամանքները, վերասոցիալականացման և իրավահպատակ վարքագծի ձևավորման համար նշանակություն ունեցող տվյալները, եկավ հետևյալ եզրահանգման.
Էդվարդ Գևորգի Եկոբյանի անձը բնութագրող հանգամանք է նախկինում արատավորված՝ դատապարտված չլինելը:
Դատարանն Էդվարդ Գևորգի Եկոբյանի քրեական պատասխանատվություն ու պատիժը մեղմացնող հանգամանք է դիտում մեղքն ընդունելը և կատարածի համար զղջալը:
Վերոնշյալ դրական բնութագրող և պատասխանատվությունն ու պատիժը մեղմացնող հանգամանքները երկու հանցագործություններով էլ առկա են:
Միևնույն ժամանակ, պետք է նկատել, որ Էդվարդ Գևորգի Եկոբյանի պատասխանատվությունն ու պատիժը ծանրացնող հանգամանքներ առկա չեն:
Կատարված արարքների համար ամբաստանյալ Էդվարդ Գևորգի Եկոբյանը ենթակա քրեական պատասխանատվության և պատժի։
Դատարանը, հաշվի առնելով Էդվարդ Գևորգի Եկոբյանի կատարած արարքների բնույթը և հանրային վտանգավորության աստիճանը, մասնավորապես՝ այն, որ վերջինի կատարած հանցանքները հանդիսանում են ոչ մեծ ծանրության հանցագործություն, այդ թվում՝ նրա գործողությունների վտանգավորության աստիճանը, անձը բնութագրող, պատասխանատվությունն ու պատիժը մեղմացնող հանգամանքի առկայությունը, ծանրացնող հանգամանքների բացակայությունը, ինչպես նաև այն, որ մեղադրյալի կատարած արարքների համար քրեական օրենսգրքի համապատասխան հոդվածի սանկցիայով նախատեսված է պատիժ նաև տուգանքի ձևով, գտնում է՝ Էդվարդ Գևորգի Եկոբյանի նկատմամբ ՀՀ քրեական օրենսգրքի 344-րդ հոդվածի 1-ին մասով մեղսագրվող երկու դրվագով էլ պետք է պատիժներ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
Ընդ որում, որպես հաշվարկային դրույք է վերցվում ՀՀ-ում հանցանքի կատարման պահին նվազագույն աշխատավարձի չափը՝ նկատի ունենալով այն, որ Էդվարդ Գևորգի Եկոբյանը հանցանքի կատարմանը նախորդող տասներկու ամիսների ընթացքում կանոնավոր ամսական եկամուտ չի ունեցել:
ՀՀ քրեական օրենսգրքի 74-րդ հոդվածի 1-ին մասի կիրառմամբ՝ նշանակված պատիժները լրիվ գումարելու միջոցով Էդվարդ Գևորգի Եկոբյանի նկատմամբ վերջնական պատիժ պետք է նշանակել տուգանք՝ 750.000 (յոթ հարյուր հիսուն հազար) ՀՀ դրամի չափով:
Դատական նիստի ընթացքում մեղադրյալը միջնորդեց նշանակվելիք տուգանք պատժատեսակը տարաժամկետել և թույլատրել մաս առ մաս վճարել, քանի որ ֆինանսական դրությամբ պայմանավորված չի կարող միանվագ վճարում կատարել:
ՀՀ քրեական օրենսգրքի 59-րդ հոդվածի 8-րդ մասի համաձայն՝ եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում: Եթե տուգանքը նշանակելուց հետո դատապարտյալի նյութական վիճակի վատթարացման հետևանքով նա զրկվում է տուգանքը վճարելու հնարավորությունից, ապա դատարանը, հաշվի առնելով դատապարտյալի դիրքորոշումը`
1) երկարաձգում է տուգանքի վճարման սահմանված վերջնաժամկետը` առավելագույնը 1 տարով,
2) նշանակում է հանրային աշխատանքներ` հանրային աշխատանքների 24 ժամը հաշվարկելով հանցանքը կատարելու պահին նվազագույն աշխատավարձի չափով:
ՀՀ քրեակատարողական օրենսգրքի 26-րդ հոդվածի 2-րդ մասի համաձայն՝ պրոբացիայի ծառայություն ներկայանալու դեպքում դատապարտյալը վերցվում է հաշվառման, լրացվում է հաշվառման քարտ, նրան ստորագրությամբ անհապաղ պարզաբանվում են տուգանքի կատարման կարգն ու պայմանները, իր իրավունքները և պարտականությունները, ինչպես նաև դրանց չկատարման դեպքում օրենսդրությամբ սահմանված պատասխանատվությունը։ Այն դեպքում, երբ դատարանը թույլատրել է տուգանքը մաս առ մաս վճարել, կամ տուգանքի վճարման համար սահմանվել է մինչև մեկ տարի ժամկետ, ապա կազմվում է նաև վերահսկողության պլան:
Վերը նշված հոդվածների կարգավորումները հիմք ընդունելով՝ կարելի է եզրահանգել, որ տուգանքի վճարման երկարաձգումը հնարավոր է իրականացնել ինչպես դատավճռով, այնպես էլ դատավճռի օրինական ուժի մեջ մտնելուց հետո՝ դատարանի առանձին որոշմամբ: Դատարանի այս մոտեցումը պայմանավորված նրանով, որ նշված գործընթացը դատավճռով իրականացնելու համար օրենսդրական որևէ արգելք նախատեսված չէ և բացի այդ, ՀՀ քրեական օրենսգրքի 59-րդ հոդվածում խոսք է գնում դատապարտվող (այլ ոչ թե դատապարտյալ) անձի մասին: Իսկ այն, որ նույն հոդվածում օգտագործվում է նաև դատապարտյալ կարգավիճակը, ապա դա վերաբերելի է այն դեպքերին, երբ դատական ակտի օրինական ուժի մեջ մտնելուց հետո դատապարտյալը նյութական վիճակի վատթարացման հետևանքով զրկվում է տուգանքը վճարելու հնարավորությունից:
Այսպիսով՝ Դատարանը, հաշվի առնելով Էդվարդ Գևորգի Եկոբյանի սոցիալական դրությունը, գտնում է, որ նշանակվող պատժի վճարումը պետք է տասներկու ամսով երկարաձգել և թույլատրել վճարել մաս առ մաս՝ յուրաքանչյուր ամիս 62.500 ՀՀ դրամով:
Դատարանը գտնում է, որ Էդվարդ Գևորգի Եկոբյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ՝ մինչև դատավճռի օրինական ուժի մեջ մտնելը:
ՀՀ քրեական դատավարության օրենսգրքի 167-րդ հոդվածի 1-ին մաuի 1-ին, 2-րդ և 4-7-րդ կետերով նախատեսված վարութային ծախսերը մեղադրյալ Էդվարդ Գևորգի Եկոբյանից ենթակա չեն հատուցման, քանի որ նմանատիպ վարութային ծախսեր առկա չեն:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 167-րդ, 276-րդ, 342-րդ, 347-349-րդ, 353-րդ, 364-րդ հոդվածներով` Դատարանը

Վ Ճ Ռ Ե Ց

Էդվարդ Գևորգի Եկոբյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով (2 դրվագ):
Էդվարդ Գևորգի Եկոբյանի նկատմամբ ՀՀ քրեական օրենսգրքի 344-րդ հոդվածի 1-ին մասով պատիժ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
Էդվարդ Գևորգի Եկոբյանի նկատմամբ ՀՀ քրեական օրենսգրքի 344-րդ հոդվածի 1-ին մասով պատիժ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի 1-ին մասի կիրառմամբ՝ նշանակված պատիժները լրիվ գումարելու միջոցով Էդվարդ Գևորգի Եկոբյանի նկատմամբ վերջնական պատիժ նշանակել տուգանք՝ 750.000 (յոթ հարյուր հիսուն հազար) ՀՀ դրամի չափով:
Դատավճիռն օրինական ուժի մեջ մտնելուց հետո՝ նշանակված 750.000 ՀՀ դրամը վճարելու համար Էդվարդ Գևորգի Եկոբյանին տրամադրել տասներկու ամիս ժամկետ՝ յուրաքանչյուր ամիս 62.500 ՀՀ դրամ վճարելու պայմանով:
Էդվարդ Գևորգի Եկոբյանի նկատմամբ կիրառված խափանման միջոց՝ բացակայելու արգելքը, թողնել անփոփոխ մինչև դատավճռի օրինական ուժի մեջ մտնելը:
Վարութային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան` այն ստանալու օրվանից մեկամսյա ժամկետում:

ԴԱՏԱՎՈՐ Ա.ՀՈՎՀԱՆՆԻՍՅԱՆ