ԵԴ1/3139/01/24

Ո Ր Ո Շ ՈՒ Մ
ՔՐԵԱԿԱՆ ՎԱՐՈՒՅԹԸ ԿԱՐՃԵԼՈՒ ԵՎ ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

04 ապրիլի 2025 թվական ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան), նախագահությամբ՝ դատավոր Մ.Մելքոնյանի, քարտուղարությամբ՝ Մ.Մկրտչյանի, մասնակցությամբ՝ հանրային մեղադրող Է.Զոհրաբյանի, մեղադրյալ Հ.Չոբանյանի, քննության առնելով հանրային մեղադրողի միջնորդությունը հանրային քրեական հետապնդումը դադարեցնելու և քրեական վարույթը կարճելու վերաբերյալ.

Պ Ա Ր Զ Ե Ց

1.Վարույթի դատավարական նախապատմությունը.
1.1. 2023 թվականի օգոստոսի 09-ին ՀՀ ՔԿ ԶՔԳՎ չորրորդ կայազորային քննչական բաժնում ՀՀ քրեական օրենսգրքի 461-րդ հոդվածի 1-ին մասով նախատեսված հանցագործության հատկանիշներով հարուցել է թիվ 92219923 քրեական վարույթը:
1.2. 2023 թվականի հոկտեմբերի 20-ին ՀՀ ՔԿ ԶՔԳՎ չորրորդ կայազորային քննչական բաժնում որոշում է կայացվել Հարություն Հայկի Չոբանյանի զորակոչիկի քարտի պատճենը, ՀՀ ՊՆ Զ և ԶՀԾ Երևանի թիվ 2 տարածքային ստորաբաժանումից ստացված հաղորդումը, Հարություն Հայկի Չոբանյանի անձնագրի վերաբերյալ տեղեկանքը որպես արտավարութային փաստաթղթեր ճանաչելու մասին:
1.3. 2023 թվականի նոյեմբերի 30-ին ՀՀ ՔԿ ԶՔԳՎ չորրորդ կայազորային քննչական բաժնում միջնորդություն է ներկայացվել բժշկական գաղտնիք պարունակող տեղեկություններ առգրավելու թույլտվություն ստանալու վերաբերյալ, որը Դատարանի 30.11.2023 թվականի որոշմամբ բավարարվել է:
1.4. 2023 թվականի դեկտեմբերի 07-ին ՀՀ ՔԿ ԶՔԳՎ չորրորդ կայազորային քննչական բաժնում որոշում է կայացվել թիվ 92219923 քրեական վարույթով ՀՀ ՊՆ Զ և ԶՀԾ Երևանի թիվ 2 տարածքային ստորաբաժանումից Հարություն Հայկի Չոբանյանի վերաբերյալ կազմված անձնական գործը առգրավելու մասին:
1.5. 2023 թվականի դեկտեմբերի 14-ին ՀՀ ՔԿ ԶՔԳՎ չորրորդ կայազորային քննչական բաժնում որոշում է կայացվել թիվ 92219923 քրեական վարույթով ՀՀ ՊՆ Կենտրոնական բժշկական հանձնաժողովի՝ առ 16.05.2023 թվականի և 29.07.2023 թվականի թվով 2/երկու/ եզրակացությունների պատճենները, Հարություն Հայկի Չոբանյանի՝ առ 18.05.2023 թվականի և 29.07.2023 թվականի թվով 2/երկու/ դիմումների պատճենները՝ հասցեագրված ՀՀ ՊՆ Զ և ԶՀԾ Երևանի թիվ 2 տարածքային ստորաբաժանման ղեկավարին, որպես արտավարութային փաստաթղթեր ճանաչելու մասին:
1.6. 2024 թվականի փետրվարի 08-ին ՀՀ դատախազության Երևանի կայազորի զինվորական դատախազության դատախազ Է.Զոհրաբյանը թիվ 92219923 քրեական վարույթով որոշում է կայացրել Հարություն Հայկի Չոբանյանի նկատմամբ ՀՀ քրեական օրենսգրքի 461-րդ հոդվածի 1-ին մասով նախատեսված հանցանք կատարելու համար հանրային քրեական հետապնդում հարուցելու մասին:
1.7. Հարություն Հայկի Չոբանյանին ՀՀ քրեական օրենսգրքի 461-րդ հոդվածի 1-ին մասով ներկայացվել է մեղադրանք:
1.8. 2024 թվականի փետրավարի 12-ին ՀՀ ՔԿ ԶՔԳՎ չորրորդ կայազորային քննչական բաժնում որոշում է կայացվել թիվ 92219923 քրեական վարույթով Հարություն Հայկի Չոբանյանի նկատմամբ որպես խափանման միջոց բացակայելու արգելքը կիրառելու մասին:
1.9. 2024 թվականի մարտի 18-ին ՀՀ ՔԿ ԶՔԳՎ չորրորդ կայազորային քննչական բաժնում որոշում է կայացվել թիվ 92219923 քրեական վարույթով հանձնաժողովային դատաբժշկական փորձաքննություն նշանակելու մասին:
1.10. 2024 թվականի մարտի 20-ին միջնորդություն է ներկայացվել Հարություն Հայկի Չոբանյանի նկատմամբ հանրային քրեական հետապնդման ժամկետը 2 ամսով կասեցնելու վերաբերյալ, որը հսկող դատախազի 20.03.2024 թվականի որոշմամբ բավարարվել է:
1.11. 2024 թվականի մայիսի 10-ին ՀՀ դատախազության Երևանի կայազորի զինվորական դատախազության դատախազ Է.Զոհրաբյանը բավարարել է քննիչի ներկայացրած միջնորդությունը և որոշում է կայացրել Հ.Չոբանյանի նկատմամբ ևս 2 ամիս ժամկետով հանրային քրեական հետապնդման ժամկետը կասեցնելու վերաբերյալ:
1.12. 2024 թվականի հուլիսի 16-ին ՀՀ դատախազության Երևանի կայազորի զինվորական դատախազության դատախազ Դ.Հովհաննիսյանը բավարարել է քննիչի ներկայացրած միջնորդությունը և որոշում է կայացրել Հ.Չոբանյանի նկատմամբ քրեական հետապնդման ժամկետը 1 ամսով՝ մինչև օգոստոսի 20-ը, կասեցնելու վերաբերյալ:
1.13. 2024 թվականի օգոստոսի 19-ին ստացվել է փորձագետի թիվ 200 եզրակացությունը, համաձայն որի ՝ «(...) 2023 թվականի ամառային զորակոչի զորակոչային միջոցառումների շրջանակներում Հարություն Հայկի Չոբանյանի վերաբերյալ իրականացրած հետազոտությունների արդյունքը /ները/ եղել են հիմնավոր և ըստ այդմ էլ Հարություն Հայկի Չոբանյանի՝ վերաբերյալ ՀՀ ՊՆ ԿԲՀ 2023 թվականի մայիսի 16-ի և ՀՀ ՊՆ-ԲՀ 2023 թվականի հուլիսի 29-ի եզրակացությունը ախտորոշման մասով եղել են հիմնավոր»:
1.14. 2024 թվականի օգոստոսի 21-ին ՀՀ դատախազության Երևանի կայազորի զինվորական դատախազության դատախազ Է.Զոհրաբյանը որոշում է կայացրել քննիչի կողմից թիվ 92219923 վարույթով մեղադրյալ Հարություն Հայկի Չոբանյանի նկատմամբ հանրային քրեական հետապնդման կասեցված ժամկետը վերսկսելու միջնորդությունը մերժելու մասին:
1.15.2024 թվականի սեպտեմբերի 16-ին ՀՀ ՔԿ ԶՔԳՎ չորրորդ կայազորային քննչական բաժնում որոշում է կայացվել թիվ 92219923 քրեական վարույթով 30.03.2003 թվականին ծնված Հարություն Չոբանյանի վերաբերյալ «Աստղիկ» ԲԿ-ում 08.06.2023 թվականին ժամը 17:39-ին իրականացրած գլխի ՄՌՏ հետազոտության եզրակացության պատճենը, Հարություն Հայկի Չոբանյանի վերաբերյալ 26.07.2023 թվականից 27.07.2023 թվականը «Արմենիա» ՀԲԿ-ի նյարդաբանական բաժանմունքում իրականացրած հետազոտության՝ առողջական վիճակի հետազոտման ակտի պատճենը, ՀՀ ՊՆ ԿՌԲՓԿ-ի առ 04.09.2024 թվականի թիվ ՊՆ49-838 գրությունը որպես արտավարութային փաստաթղթեր ճանաչելու մասին:
1.16. 2024 թվականի նոյեմբերի 04-ին ՀՀ դատախազության Երևանի կայազորի զինվորական դատախազության դատախազ Է.Զոհրաբյանը որոշում է կայացրել թիվ 92219923 քրեական վարույթով մեղադրական եզրակացությունը հաստատելու և այն վարույթի նյութերի հետ միասին դատարան հանձնելու մասին:
1.6. Թիվ ԵԴ1/3139/01/24 քրեական գործն ըստ մեղադրանքի Հարություն Հայկի Չոբանյանի՝ ՀՀ քրեական օրենսգրքի 461-րդ հոդվածի 1-ին մասով, 2024 թվականի նոյեմբերի 04-ի գրությամբ՝ ՀՀ դատախազության Երևանի կայազորի զինվորական դատախազությունից ուղարկվել է Երևան քաղաքի առաջին ատյանի ընդհանուր իրավասության քրեական դատարան:
1.7. Դատավորների միջև գործերի բաշխման համակարգչային ծրագրի միջոցով քրեական գործը, թիվ ԵԴ1/3139/01/24 համարի ներքո, 2024 թվականի նոյեմբերի 06-ին մակագրվել և հանձնվել է դատավոր Մ.Մելքոնյանի աշխատակազմին:
1.8. 2024 թվականի նոյեմբերի 07-ին որոշում է կայացվել վարույթ ստանձնելու և նախնական դատալսումներ նշանակելու մասին:
1.9. 2025 թվականի ապրիլի 04-ին տեղի ունեցած դատական նիստի ընթացքում հանրային մեղադրող Է.Զոհրաբյանը Դատարան ներկայացրեց ՀՀ ՊՆ ՀԶԿ-ի Երևանի թիվ 2 զինվորական կոմիսարիատից ստացված, 03.02.2025 թվագրված գրությունն այն մասին, որ Հարություն Հայկի Չոբանյանը 31.01.2025 թվականին զորակոչվել է ՀՀ ԶՈՒ թիվ 55076-25836 զորամաս: Գրությանը կից ստացվել է Հ.Չոբանյանի 31.02.2025 թվականի դիմումը, համաձայն որի՝ վերջինս ստացել է ծանուցագիր 2025 թվականի հունվարի 31-ին ՀՀ ԶՈՒ զորակոչվելու համար և չի առարկել, որպեսզի իր նկատմամբ հարուցված քրեական հետապնդումը դադարեցվի ոչ արդարացնող հիմքով: Հաշվի առնելով, որ առկա է քրեական հետապնդումը բացառող հանգամանք, հանրային մեղադրողը միջնորդեց մեղադրյալի նկատմամբ հանրային քրեական հետապնդումը դադարեցնել, սակայն քանի որ ոչ արդարացնող հիմքով է քրեական հետապնդումը դադարեցվելու, ուստի անհրաժեշտ է, որպեսզի մեղադրյալը չառարկի: Դատարանի հարցերին ի պատասխան Հ.Չոբանյանը հայտնեց, որ տեղյակ է ինչի մասին է խոսքը, ինքը ցանկանում է, որպեսզի ոչ արդարացնող հիմքով քրեական հետապնդումը դադարեցվի իր նկատմամբ, իսկ պաշտպանի խորհրդատվության կարիք չունի:
2.Մեղադրանքի փաստացի նկարագրությունը.
Հարություն Հայկի Չոբանյանի նկատմամբ հանրային քրեական հետապնդում է հարուցվել ՀՀ քրեական օրենսգրքով նախատեսված այն արարքի կատարման համար, որ նա, հաշվառված լինելով ՀՀ ՊՆ զորակոչային և զորահավաքային համալրման ծառայության Երևանի թիվ 2 տարածքային ստորաբաժանումում, ենթակա է եղել զորակոչման 2023 թվականի ամառային զորակոչին, որի ընթացքում Կենտրոնական բժշկական հանձնաժողովի 29.07.2023թ-ի եզրակացությամբ ճանաչվել է սահմանափակումով պիտանի զինվորական ծառայության համար, սակայն հրաժարվել է ծանուցագիր ստանալուց և մինչև զորակոչի ավարտը՝ 2023 թվականի հուլիսի 31-ը չի ներկայացել ՀՀ ՊՆ զորակոչային և զորահավաքային համալրման ծառայության Երևանի թիվ 2 տարածքային ստորաբաժանում և խախտելով «Զինվորական ծառայության և զինծառայողի կարգավիճակի մասին» ՀՀ օրենքի 19-րդ հոդվածի 1-ին մասի պահանջները՝ խուսափել է հայտարարված պարտադիր զինվորական ծառայության 2023 թվականի ամառային զորակոչից՝ այդ զորակոչից տարկետում ստանալու կամ ծառայությունից ազատվելու՝ օրենսդրությամբ սահմանված հիմքերի բացակայության դեպքում: Այսինքն՝ Հարություն Հայկի Չոբանյանին մեղսագրվում է ՀՀ քրեական օրենսգրքի 461-րդ հոդվածի 1-ին մասով նախատեսված հանցանքի կատարում:
3.Դատարանի իրավական վերլուծություններն ու եզրահանգումը.
Քննարկելով միջնորդությունը, ուսումնասիրելով ներկայացված քրեական վարույթի նյութերը, լսելով վարույթ իրականացնող մարմնի հիմնավորումներն ու պատճառաբանությունները, դատավարության մասնակիցների ներկայացրած բացատրություններն ու դիրքորոշումները` Դատարանն արձանագրում է հետևյալը․
3.1. ՀՀ սահմանադրության 61-րդ հոդվածը սահմանում է դատական պաշտպանության իրավունքը և մարդու իրավունքների պաշտպանության միջազգային մարմիններ դիմելու իրավունքը, համաձայն որի՝ 1. Յուրաքանչյուր ոք ունի իր իրավունքների և ազատությունների արդյունավետ դատական պաշտպանության իրավունք: 2. Յուրաքանչյուր ոք, Հայաստանի Հանրապետության միջազգային պայմանագրերին համապատասխան, ունի իր իրավունքների և ազատությունների պաշտպանության խնդրով մարդու իրավունքների և ազատությունների պաշտպանության միջազգային մարմիններ դիմելու իրավունք:
3.2. ՀՀ սահմանադրության 63-րդ հոդվածը սահմանում է արդար դատաքննության իրավունքը, համաձայն որի՝ 1. Յուրաքանչյուր ոք ունի անկախ և անաչառ դատարանի կողմից իր գործի արդարացի, հրապարակային և ողջամիտ ժամկետում քննության իրավունք: 2. Դատական վարույթը կամ դրա մի մասը, օրենքով սահմանված դեպքերում և կարգով, դատարանի որոշմամբ կարող է անցկացվել դռնփակ` վարույթի մասնակիցների մասնավոր կյանքի, անչափահասների կամ արդարադատության շահերի, ինչպես նաև պետական անվտանգության, հասարակական կարգի կամ բարոյականության պաշտպանության նպատակով: 3. Հիմնական իրավունքների խախտմամբ ձեռք բերված կամ արդար դատաքննության իրավունքը խաթարող ապացույցի օգտագործումն արգելվում է:
3.3. ՀՀ քրեական դատավարության օրենսգրքի 12-րդ հոդվածի 1-ին մասի 12-րդ կետի համաձայն` «Քրեական հետապնդում չպետք է հարուցվի, իսկ հարուցված քրեական հետապնդումը ենթակա է դադարեցման, եթե անձը Հայաuտանի Հանրապետության քրեական oրենuգրքի ընդհանուր կամ հատուկ մասի դրույթների ուժով ենթակա է ազատման քրեական պատասխանատվությունից:
3.4. ՀՀ քրեական դատավարության օրենսգրքի 12-րդ հոդվածի 4-րդ մասի համաձայն` «Սույն հոդվածի 1-ին մաuի 11-14-րդ կետերով նախատեսված հանգամանքների առկայությունը քրեական հետապնդումը բացառող չէ, եթե անձն առարկում է դրա դեմ այն հիմքով, որ չի կատարել իրեն մեղսագրվող արարքը: Այu դեպքում քրեական վարույթը շարունակվում է ընդհանուր կարգով, սակայն մեղադրական վերդիկտ կայացնելու դեպքում այդ անձի նկատմամբ պատիժ չի նշանակվում:
3.5. ՀՀ քրեական դատավարության օրենսգրքի 13-րդ հոդվածի 1-ին մասի 3-րդ կետի համաձայն` «Քրեական վարույթը ենթակա է կարճման, եթե մեղադրյալի նկատմամբ դադարեցվել է քրեական հետապնդումը, և սպառվել են վարույթը շարունակելու բոլոր հնարավորությունները»։
3.6. ՀՀ քրեական դատավարության օրենսգրքի 311-րդ հոդվածի համաձայն՝
1. Նախնական դատալսումների ընթացքում սույն հոդվածով սահմանված հաջորդականությամբ դատարանը քննարկման առարկա է դարձնում՝ 1) ինքնաբացարկի, բացարկի և վարույթին մասնակցելուց ազատելու հարցը. 2) վարույթի ընդդատության հարցը. 3) քրեական հետապնդումը դադարեցնելու կամ վարույթը կարճելու հարցը. 4) մեղադրյալի նկատմամբ խափանման միջոց կիրառելու հարցը. 5) գույքային հայց հարուցված լինելու դեպքում` գույքային պատասխանող ճանաչելու հարցը. 6) միջնորդության դեպքում` համաձայնեցման վարույթ կամ արագացված վարույթ կամ համագործակցության վարույթով դատաքննության հատուկ կարգ կիրառելու հարցը. 7) հետազոտման ենթակա ապացույցների ծավալի հարցը. 8) ապացույցների թույլատրելիության հարցը. 9) այլ վերաբերելի հարցեր: 2. Սույն հոդվածի 1-ին մասի 4-րդ կետով նախատեսված հարցը կողմի միջնորդությամբ կամ դատարանի նախաձեռնությամբ կարող է քննարկվել առաջնահերթության կարգով:
3.7. ՀՀ քրեական դատավարության օրենսգրքի 315-րդ հոդվածի համաձայն՝
1. Սույն օրենսգրքի 12-րդ հոդվածի 1-ին մասի 3-14-րդ կետերով նախատեսված որևէ հանգամանքի առկայության դեպքում, երբ դա հնարավոր է առանց ապացույցների հետազոտման, դատարանը որոշում է կայացնում քրեական հետապնդումը դադարեցնելու և վարույթը կարճելու մասին: Եթե քրեական հետապնդումը բացառող հանգամանքը վերաբերում է մեղադրյալներից մեկին, ապա քրեական հետապնդումը դադարեցվում է միայն նրա նկատմամբ՝ առանց վարույթը կարճելու: 2. Քրեական հետապնդումը դադարեցնելու մասին որոշմամբ վերացվում են տվյալ մեղադրյալի նկատմամբ կիրառված հարկադրանքի միջոցները, իսկ վարույթը կարճելու դեպքում` նաև այլ անձանց նկատմամբ կիրառված հարկադրանքի միջոցները: Վարույթը կարճելու մասին որոշմամբ լուծվում է նաև իրեղեն ապացույցների տնօրինման հարցը: 3. Քրեական հետապնդումը դադարեցնելու և վարույթը կարճելու մասին որոշման պատճենն ուղարկվում է հանրային մեղադրողին և վարույթի մասնավոր մասնակիցներին:
3.8. ՀՀ քրեական օրենսգրքի 461-րդ հոդվածի համաձայն՝
1. Պարտադիր զինվորական կամ այլընտրանքային ծառայության հայտարարված զորակոչից խուսափելը՝ այդ զորակոչից տարկետում ստանալու կամ ծառայությունից ազատվելու՝ օրենսդրությամբ սահմանված հիմքերի բացակայության դեպքում՝ պատժվում է ազատազրկմամբ՝ երկուսից հինգ տարի ժամկետով (…)
4. Սույն հոդվածի 1-ին կամ 2-րդ մասով նախատեսված հանցանք կատարած անձն ազատվում է քրեական պատասխանատվությունից, եթե կամովին ներկայացել և զորակոչվել է պարտադիր զինվորական կամ այլընտրանքային ծառայության կամ կամավոր ներկայանալով քրեական վարույթ իրականացնող մարմին՝ Հայաստանի Հանրապետության պետական բյուջե է վճարել պարտադիր զինվորական ծառայություն չանցնելու դիմաց օրենքով սահմանված գումարը:
3.9. Վերոգրյալի հիման վրա՝ Դատարանը փաստում է, որ առկա են ՀՀ քրեական օրենսգրքի 461-րդ հոդվածի 4-րդ մասով նախատեսված պայմանները, այն է՝ Հարություն Հայկի Չոբանյանը կամովին ներկայացել է ՀՀ ՊՆ ՀԶԿ-ի Երևանի թիվ 2 զինվորական կոմիսարիատ և 2025 թվականի հունվարի 31-ին զորակոչվել է պարտադիր զինվորական ծառայության: Բացի այդ, վերջինս չի առարկել իր նկատմամբ հարուցված հանրային քրեական հետապնդումը դադարեցնելու դեմ:
Հաշվի առնելով վերը նշված հանգամանքները՝ Դատարանը գտնում է, որ հանրային մեղադրողի կողմից ներկայացված միջնորդությունը հիմնավոր է, ենթակա է բավարարման. մեղադրյալի նկատմամբ ՀՀ քրեական օրենսգրքի 461-րդ հոդվածի 1-ին մասով հարուցված քրեական հետապնդումը պետք է դադարեցնել, իսկ քրեական վարույթը կարճել՝ նկատի ունենալով, որ սպառվել են վարույթը շարունակելու բոլոր հնարավորությունները:
3.10. Նկատի ունենալով, որ սույն քրեական գործով գույքային հայց, հանցագործությամբ պատճառված վնաս, գույքի բռնագրավման հետ կապված հարց և արգելադրված գույք, վարութային ծախսեր առկա չեն, Դատարանը այդ հարցերին չի անդրադառնում։
3.11. Անդրադառնալով ապացույցների տնօրինման հարցին՝ Դատարանը գտնում է, որ արտավարութային փաստաթղթեր ճանաչված Հարություն Հայկի Չոբանյանի զորակոչիկի քարտի պատճենը, ՀՀ ՊՆ Զ և ԶՀԾ Երևանի թիվ 2 տարածքային ստորաբաժանումից ստացված հաղորդումը, Հարություն Հայկի Չոբանյանի անձնագրի վերաբերյալ տեղեկանքը, ՀՀ ՊՆ Կենտրոնական բժշկական հանձնաժողովի՝ առ 16.05.2023 թվականի և 29.07.2023 թվականի թվով 2/երկու/ եզրակացությունների պատճենները, Հարություն Հայկի Չոբանյանի՝ առ 18.05.2023 թվականի և 29.07.2023 թվականի թվով 2/երկու/ դիմումների պատճենները՝ հասցեագրված ՀՀ ՊՆ Զ և ԶՀԾ Երևանի թիվ 2 տարածքային ստորաբաժանման ղեկավարին, «Աստղիկ» ԲԿ-ում 08.06.2023 թվականին ժամը 17:39-ին իրականացրած գլխի ՄՌՏ հետազոտության եզրակացության պատճենը, Հարություն Հայկի Չոբանյանի վերաբերյալ 26.07.2023 թվականից 27.07.2023 թվականը «Արմենիա» ՀԲԿ-ի նյարդաբանական բաժանմունքում իրականացրած հետազոտության՝ առողջական վիճակի հետազոտման ակտի պատճենը, ՀՀ ՊՆ ԿՌԲՓԿ-ի առ 04.09.2024 թվականի թիվ ՊՆ49-838 գրությունը անհրաժեշտ է պահել վարույթի նյութերում:
3.12. Անդրադառնալով մեղադրյալի նկատմամբ ընտրված խափանման միջոցի հարցին՝ Դատարանը գտնում է, որ մեղադրյալ Հարություն Հայկի Չոբանյանի նկատմամբ որպես խափանման միջոց կիրառված բացակայելու արգելքը պետք է վերացնել:
Ղեկավարվելով ՀՀ քրեական դատավարության օրենսգրքի 33-րդ հոդվածով, 12-րդ հոդվածի 1-ին մասի 12-րդ կետով, 13-րդ հոդվածի 1-ին մասի 3-րդ կետով, ՀՀ քրեական օրենսգրքի 461-րդ հոդվածի 4-րդ մասով՝ Դատարանը.

Ո Ր Ո Շ Ե Ց

1. Թիվ ԵԴ1/3139/01/24 քրեական վարույթով մեղադրյալ Հարություն Հայկի Չոբանյանի նկատմամբ ՀՀ քրեական օրենսգրքի 461-րդ հոդվածի 1-ին մասով հարուցված հանրային քրեական հետապնդումը դադարեցնել՝ ՀՀ քրեական օրենսգրքի հատուկ մասի դրույթի ուժով քրեական պատասխանատվությունից ազատման ենթակա լինելու հիմքով:
2. Թիվ ԵԴ1/3139/01/24 քրեական վարույթը կարճել՝ ՀՀ քրեական դատավարության օրենսգրքի 13-րդ հոդվածի 1-ին մասի 3-րդ կետով սահմանված կարգով:
3. Հարություն Հայկի Չոբանյանի նկատմամբ որպես խափանման միջոց կիրառված բացակայելու արգելքը վերացնել:
4. Որոշման օրինակները տրամադրել վարույթի հանրային և մասնավոր մասնակիցներին:
5. Որոշումը կարող է բողոքարկվել ՀՀ վերաքննիչ քրեական դատարան` այն ստանալու օրվանից հետո՝ մեկամսյա ժամկետում։

ԴԱՏԱՎՈՐ ՄԱՍԻՍ ՄԵԼՔՈՆՅԱՆ