ԵԴ1/3143/01/24


ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ

Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


«25» Նոյեմբերի 2024թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ՝ նաև Դատարան)՝
նախագահող դատավոր՝ ԱՐՇԱԿ ՄԱԹԵՎՈՍՅԱՆ
քարտուղարությամբ՝ ՌՈԲԵՐՏ ՍԻՐԱԿԱՆՅԱՆԻ
մասնակցությամբ.
հանրային մեղադրող՝ ԵՍԱՅԻ ԱԲՈՎՅԱՆԻ
մեղադրյալ՝ ՍՏԵՓԱՆ ԶՐՎԱՆԴՅԱՆԻ
դռնբաց դատական նիստում քննելով քրեական գործն ըստ մեղադրանքի՝ Ստեփան Աշոտի Զրվանդյանի(1) ՀՀ քրեական օրենսգրքի 344 հոդվածի 2-րդ մասով (2 դրվագ).






1. ՄԵՂԱԴՐԱՆՔԻ ՓԱՍՏԱԿԱՆ ՆԿԱՐԱԳՐՈՒԹՅՈՒՆԸ.
Թիվ 60532624 քրեական վարույթով (որին միացվել է թիվ 60081523 քրեական վարույթը) Ստեփան Աշոտի Զրվանդյանին ՀՀ քրեական օրենսգրքի 344 հոդվածի 2-րդ մասով և 344 հոդվածի 2-րդ մասով մեղադրանք է ներկայացվել հետևյալ արարքների համար.
«Նա ՀՀ ՆԳՆ ոստիկանության պարեկային ծառայության աշխատակցի կողմից 2022 թվականի նոյեմբերի 10-ին կայացված թիվ ԱՆ 008968 որոշմամբ 1 տարի ժամկետով զրկված լինելով տրանսպորտային միջոց վարելու իրավունքից և գտնվելով հարբած (ոչ սթափ) վիճակում՝ ալկոհոլի պարունակությունը արտաշնչած օդում 0,280 մգ/լ, 2023 թվականի մարտի 6-ին, ժամը՝ 02:25-ի սահմաններում Երևան քաղաքի Թբիլիսյան խճուղում վարել է «Օպել» մակնիշի 61 DV 999 հաշվառման համարանիշի տրանսպորտային միջոցը, ինչի վերաբերյալ ՀՀ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180246832 արձանագրությունը:
(...)
Բացի այդ, Նա չունենալով տրանսպորտային միջոց վարելու իրավունք և գտնվելով հարբած (ոչ սթափ) վիճակում ալկոհոլի պարունակությունը արտաշնչած օդում 0,973 մգ/լ, 2024 թվականի մայիսի 5-ին, ժամը՝ 02:25-ի սահմաններում, Երևան քաղաքի Թբիլիսյան խճուղում վարել է «Օպել» մակնիշի 61 DV 999 հաշվառման համարանիշի տրանսպորտային միջոցը, և վթարի ենթարկվել»։

2. ԴԱՏԱՔՆՆՈՒԹՅԱՆ ԸՆԹԱՑՔՈՒՄ ՀԵՏԱԶՈՏՎԱԾ ԹՈՒՅԼԱՏՐԵԼԻ ԱՊԱՑՈՒՅՑՆԵՐԸ.
ՀԻՄՆԱԿԱՆ ԴԱՏԱԼՍՈՒՄՆԵՐ

2.1 Արտավարութային փաստաթղթերը զննելու մասին 2024 թվականի հոկտեմբերի 23-ի արձանագրության համաձայն.
«1. 10.11.2022 թվականին կազմված վարչական իրավախախտումների վերաբերյալ թիվ ԱՆ 008968 արձանագրության համաձայն՝ Ստեփան Զրվանդյանը 2022 թվականի նոյեմբերի 11-ին՝ ժամը 22:17-ի սահմաններում, Իջևան-Երևան ճանապարհի 108/կմ-ին իր կողմից շահագործվող «Օպել» մակնիշի 61 DV 999 հաշվառման համարանիշի տրանսպորտային միջոցը վարել է ոչ սթափ վիճակում և ՀՀ ՆԳՆ ոստիկանության պարեկային ծառայության աշխատակցի կողմից զրկվել է տրանսպորտային միջոցներ վարելու իրավունքից՝ 1 տարի ժամկետով:
2. 10.11.2022 թվականին Ստեփան Զրվանդյանի արտաշնչած 1 լիտր օդում ալկոհոլի պարունակությունը կազմել է 0,568 մգ/լ:
3. Ստեփան Զրվանդյանը զրկված լինելով տրանսպորտային միջոցներ վարելու իրավունքից 2023 թվականի մարտի 6-ին՝ ժամը 02:25-ի սահմաններում Երևան քաղաքի Թբիլիսյան խճուղիում «Օպել» մակնիշի 61 DV 999 հաշվառման համարանիշի տրանսպորտային միջոցը վարել է հարբած (ոչ սթափ) վիճակում՝ ալկոհոլի պարունակությունն արտաշնչած օդում 0,280 մգ/լ, (կտրոն՝ 91100909, ստուգաչափման վկայական 084203 պիտանելիության ժամկետը՝ 2022-11-21-2023-11-21), ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտումների վերաբերյալ թիվ 8180246832 արձանագրությունը:
4. Ստեփան Երվանդյանը զրկված լինելով տրանսպորտային միջոցներ վարելու իրավունքից 2-ին թվականի մայիսի 5-ին՝ ժամը 02:25-ի սահմաններում, Երևան քաղաքի Ռուբինյանց փողոցում «Օպել» մակնիշի 61 DV 999 հաշվառման համարանիշի տրանսպորտային միջոցը վարել է հարբած (ոչ սթափ) վիճակում՝ ալկոհոլի պարունակությունն արտաշնչած օդում 0,973 մգ/լ, (կտրոն՝ 91101151, ստուգաչափման վկայական 120888՝ պիտանելիության ժամկետը՝ 2024-04-04-2024-04-04), ինչի արդյունքում ենթարկվել է վթարի։
5. 05-05.2024 թվականին կազմված ճանապարհատրանսպորտային դեպքի վայրի զննման արձանագրության համաձայն, Ստեփան Զրվանդյանի մասնակցությամբ վրաերթը տեղի է ունեցել Երևան քաղաքի Ռուբինյանց փողոցում՝ «Ալմաստ» գործարանի դիմացի կամրջի մոտակայքում, որտեղ ճանապարհն ասֆալտաապատ է եղել և բաժանված 2 երթևեկելի մասի:
6. Դատաբժշկական փորձաքննության թիվ 1233/հ եզրակացության համաձայն՝ Ստեփան Զրվանդյանի կողմից վրաերթի ենթարկված Ֆահրադ Խանի Ալիի առողջությանը պատճառվել է միջին ծանրության վնաս, առողջության տևական քայքայումով։
7. ՃՈ ռեգիստրի տեղեկանքի համաձայն՝ Ստեփան Զրվանդյանը 10.11.2022-10.11-2023թթ-ին զրկվել է տրանսպորտային միջոցներ վարելու իրավունքից՝ թիվ ԱՆ 008968 որոշմամբ»:(2)
2.2 Արտավարութային փաստաթուղթ ճանաչված՝ «Վարչական իրավախախտման վերաբերյալ» թիվ ԱՆ 008968 արձանագրությունը կազմվել է 2022 թվականի նոյեմբերի 10-ին ՀՀ ՆԳՆ ոստիկանության ճանապարհային ոստիկանության 2-րդ գումարտակի 3-րդ վաշտի 2-րդ դասակի պարեկ Արտյոմ Էդիկի Հակոբյանի կողմից:
2.3 Արտավարութային փաստաթուղթ ճանաչված՝ թիվ 120888 ստուգաչափման վկայականի պատճենի համաձայն՝ Jupiter X/RP տեսակի 91101151 գործարանային համարի ստուգաչափման սարքի ստուգաչափման թվականն է՝ 2024 թվականի ապրիլի 4-ը, որն ուժի մեջ է մինչև 2025 թվականի ապրիլի 4-ը:
2.4 Արտավարութային փաստաթուղթ ճանաչված՝ թիվ 084203 ստուգաչափման վկայականի պատճենի համաձայն՝ Jupiter X/RP տեսակի 91100909 գործարանային համարի ստուգաչափման սարքի չափման տիրույթն է 0.000-0.200 մգ/լ, իսկ սխալանքը կազմում է՝ (...) 10%: Ստուգաչափման թվականն է՝ 2022 թվականի նոյեմբերի 21-ը, որն ուժի մեջ է մինչև 2023 թվականի նոյեմբերի 21-ը:
2.5 Ստեփան Աշոտի Զրվանդյանը ներկայացված մեղադրանքում իրեն մեղավոր ճանաչեց և, օգտվելով իր սահմանադրական իրավունքից, հրաժարվեց դատարանում ցուցմունք տալուց: Ստեփան Զրվանդյանը հրաժարվեց նաև նախաքննության ընթացքում պաշտպանի բացակայությամբ տված ցուցմունքներից:
ԵԶՐԱՓԱԿԻՉ ԵԼՈՒՅԹՆԵՐ

Հանրային մեղադրողն իր եզրափակիչ ելույթում անդրադառնալով 91100909 գործարանային համարի ստուգաչափման սարքի չափման տիրույթին՝ նշեց, որ դա տեխնիկական վրիպակի արդյունք է և ամեն դեպքում կարելի է արձանագրել, որ տվյալ սարքով հնարավոր է անձի արտաշնչած 1 լիտր օդի մեջ չափել առնվազն 0.200 միլիգրամ լիտր ալկոհոլի պարունակություն։
Մեղադրյալը հանդես չեկավ եզրափակիչ ելույթով կամ հայտարարությամբ։

ԼՐԱՑՈՒՑԻՉ ԴԱՏԱԼՍՈՒՄՆԵՐ

2.6 ՀՀ ոստիկանության ինֆորմացիոն կենտրոն օպերատիվ տեղեկատու քարտադարանի Ձև 8 տեղեկանքում առկա տվյալների համաձայն՝ ՀՀ քրեական օրենսգրքի 342 հոդվածի 1-ին մասով նախաձեռնված թիվ 60189624 քրեական վարույթով 2024 թվականի մայիսի 31-ին Ստեփան Աշոտի Զրվանդյանի նկատմամբ քրեական հետապնդումը դադարեցվել է (չի իրականացվել) ՀՀ քրեական օրենսգրքի 82 հոդվածի 1-ին մասի կիրառմամբ՝ տուժողի և հանցանք կատարած անձի հաշտության հիմքով:
2.7 ՀՀ քաղաքացիական կացության ակտերի գրանցման տվյալների շտեմարանում միասնական էլեկտրոնային տեղեկատվական համակարգի միջոցով կատարված հարցմանն ի պատասխան ստացվել է ծննդի պետական գրանցման թիվ 219 ակտը, համաձայն որի՝ 2020 թվականի մայիսի 20-ին ծնված Գայանե Ստեփանի Զրվանդյանի հայրն է Ստեփան Աշոտի Զրվանդյանը:
2.8 ՀՀ պետական եկամուտների կոմիտեի հարկ վճարողների սպասարկման վարչության պետի 2024 թվականի նոյեմբերի 18-ի գրության համաձայն՝ Ստեփան Աշոտի Զրվանդյանը հանցանքն ավարտվելու օրվան նախորդող 12 ամիսների ընթացքում չի հանդիսացել վարձու աշխատող։ Հարկային մարմնի տեղեկատվական բազայում առկա չեն նաև Ստեփան Աշոտի Զրվանդյանի կողմից իր ակտիվների ներդրմամբ (տրամադրմամբ) այլ անձանց գործունեությունից ստացված եկամուտի (շահաբաժնի, տոկոսի, ռոյալթիի, վարձակալական վճարի) վերաբերյալ տվյալներ։
2.9 Պատժի վերաբերյալ հարցերը քննարկելիս հանրային մեղադրողը Դատարանին խնդրեց Ստեփան Զրվանդյանի նկատմամբ 2023 թվականի մարտի 6-ին կատարված հանցանքի համար որպես պատիժ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի չափով, իսկ 2024 թվականի մայիսի 5-ին կատարված հանցանքի համար՝ տուգանք՝ հանցանքը կատարելու պահին նվազագույն աշխատավարձի վեցապատիկի չափով:
2.10 Մեղադրյալը հրաժարվեց հանրային աշխատանքներ կատարելուց և Դատարանին հայտնեց, որ տուգանքի ձևով պատիժ նշանակվելու դեպքում ի վիճակի կլինի միանգամից և ամբողջությամբ վճարել այն:
3. ԴԱՏԱՐԱՆԻ ՓԱՍՏԱԿԱՆ ՎԵՐԼՈՒԾՈՒԹՅՈՒՆՆԵՐԸ ԵՎ ԴԱՏԱՐԱՆԻ ԿՈՂՄԻՑ ՀԱՍՏԱՏՎԱԾ ԿԱՄ ՀԵՐՔՎԱԾ ՓԱՍՏԱԿԱՆ ՀԱՆԳԱՄԱՆՔՆԵՐԸ.
3.1 Հիմնական դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանն արձանագրում է, որ առկա է փոխկապակցված վերաբերելի, թույլատրելի, հավաստի ապացույցների ամբողջություն, որը թույլ է տալիս հաստատված համարել, որ.
ա) Ստեփան Աշոտի Զրվանդյանը 1 տարի ժամկետով զրկված լինելով տրանսպորտային միջոցներ վարելու իրավունքից, 2023 մարտի 6-ին՝ ժամը 02:25-ի սահմաններում, Երևան քաղաքի Թբիլիսյան խճուղում վարել է «Օպել» մակնիշի 61 DV 999 հաշվառման համարանիշի տրանսպորտային միջոցը։
բ) Ստեփան Աշոտի Զրվանդյանը 1 տարի ժամկետով զրկված լինելով տրանսպորտային միջոց վարելու իրավունքից՝ 2024 թվականի մայիսի 5-ին վարել է «Օպել» մակնիշի 61 DV 999 հաշվառման համարանիշի տրանսպորտային միջոցը։
3.2 Հիմնական դատալսումների ընթացքում հետազոտված ապացույցները ստուգելու և գնահատելու արդյունքում՝ Դատարանը հաստատված չի համարում՝
գ) Ստեփան Աշոտի Զրվանդյանի կողմից 2023 մարտի 6-ին՝ ժամը 02:25-ի սահմաններում, տրանսպորտային միջոցը ոչ սթափ վիճակում վարելու հանգամանքը, քանի որ Jupiter X/RP տեսակի 91100909 համարի ալկոմետրի միջոցով իրականացված սթափության վիճակի ստուգմամբ նրա արտաշնչած 1 լիտր օդի մեջ ալկոհոլի պարունակությունը կազմել է 0.280 մգ/լ, մինչդեռ, թիվ 084203 ստուգաչափման վկայականի համաձայն՝ Jupiter X/RP 91100909 ալկոմետրի չափման տիրույթի առավելագույն շեմը եղել է 0.200 մգ/լ-ը։ Ավելին՝ թիվ 084203 ստուգաչափման վկայականի վրա առկա չէ ստուգաչափողի եւ ստորաբաժանման ղեկավարի կողմից կնիքով վավերացված՝ ստուգաչափման վկայականում հայտնաբերված սխալների փոփոխության վերաբերյալ նշում։(3)
Հիմնական դատալսումների ընթացքում ստուգաչափող սարքի վերաբերյալ հետազոտված ապացույցն (ապացույցի հատվածն) արժանահավատ չէ, դրա ճշմարտացիությունը կասկած է հարուցում, քանի որ Jupiter X/RP 91100909 ալկոմետրով արձանագրվել է դրա ստուգաչափման տիրույթը գերազանցող ցուցանիշ, որը 91100909 համարի ալկոմետրն արձանագրել չէր կարող. այն սխալ է, ինչը նշանակում է, որ հնարավոր չէ ասել, թե 2023 մարտի 6-ին՝ ժամը 02:25-ի սահմաններում, որքան է կազմել Ստեփան Աշոտի Զրվանդյանի արտաշնչած 1 լիտր օդի մեջ ալկոհոլի պարունակությունը և արդյոք այն գերազանցել է «Վարչական իրավախախտումների վերաբերյալ» ՀՀ օրենսգրքի 126 հոդվածի 9-րդ մասով սահմանված թույլատրելի շեմը։
ՀՀ քրեական դատավարության օրենսգրքի 17 հոդվածի 4-րդ մասի համաձայն.
«Մեղադրանքն ապացուցված լինելու վերաբերյալ բոլոր ողջամիտ կասկածները, որոնք չեն փարատվել սույն օրենսգրքի դրույթներին համապատասխան պատշաճ իրավական ընթացակարգի շրջանակներում, մեկնաբանվում են հօգուտ մեղադրյալի»։
Վերոգրյալի հիման վրա Դատարանն ընդունելի չի համարում նշված թիվ 91100909 ալկոմետրով անձի արտաշնչած 1 լիտր օդի մեջ առնվազն 0.200 միլիգրամ լիտր չափելու «կարողության» մասին հանրային մեղադրողի փաստարկը և արձանագրում է, որ հիմնական դատալսումներում պատշաճ իրավական ընթացակարգերի շրջանակներում ապացույցների հետազոտումից հետո Ստեփան Զրվանդյանի կողմից 2023 մարտի 6-ին՝ ժամը 02:25-ի սահմաններում, տրանսպորտային միջոցը ոչ սթափ՝ հարբած վիճակում վարելու վերաբերյալ մեղադրանքի ապացուցվածության վերաբերյալ կասկածները շարունակում են պահպանվել, հետևաբար դրանք պետք է մեկնաբանել հօգուտ մեղադրյալի:
դ) Դատարանը հաստատված չի համարում նաև Ստեփան Աշոտի Զրվանդյանի կողմից 2024 թվականի մայիսի 5-ին «Օպել» մակնիշի 61 DV 999 հաշվառման համարանիշի տրանսպորտային միջոցը Թբիլիսյան խճուղում վարելու հանգամանքը, քանի որ դա չի հաստատվում հիմնական դատալսումների ընթացքում հետազոտված որևէ ապացույցով։
3.3 Հիմնական և լրացուցիչ դատալսումների ընթացքում հետազոտված թույլատրելի ապացույցները ստուգելու և գնահատելու արդյունքում Դատարանը հաստատված է համարում նաև սույն քրեական գործի լուծման համար նշանակություն ունեցող հետևյալ փաստական հանգամանքները.
-Ստեփան Զրվանդյանն ընդունել է մեղքը, նախկինում դատապարտված չի եղել, խնամքին է մեկ անչափահաս երեխան:
4. ԴԱՏԱՐԱՆԻ ԻՐԱՎԱԿԱՆ ՎԵՐԼՈՒԾՈՒԹՅՈՒՆՆԵՐԸ, ՀԵՏԵՎՈՒԹՅՈՒՆՆԵՐՆ ՈՒ ՈՐՈՇՈՒՄՆԵՐԸ.
4.1 Դատարանի կողմից հաստատված փաստական հանգամանքների և 2024 թվականի նոյեմբերի 25-ին կայացված մեղադրական վերդիկտի հիման վրա Դատարանն ապացուցված է համարում մեղադրյալ Ստեփան Աշոտի Զրվանդյանին վերագրվող արարքները (2023 թվականի մարտի 6-ի արարքն առանց հարբած վիճակի), այդ արարքների քրեական հակաիրավականությունը, մեղադրյալի կողմից այդ արարքները կատարելը, մեղադրյալի մեղավորությունը տվյալ արարքները կատարելու մեջ սահմանելով, որ 2023 թվականի մարտի 6-ին Ստեփան Զրվանդյանի կատարած արարքի նկատմամբ ենթակա է կիրառման ՀՀ քրեական օրենսգրքի 344 հոդվածի 1-ին մասը, իսկ 2024 թվականի մայիսի 5-ին կատարած արարքի նկատմամբ՝ 344 հոդվածի 2-րդ մասը։
Դատարանը 2024 թվականի նոյեմբերի 25-ին կայացված մեղադրական վերդիկտի հիման վրա փոխել է մեղադրյալին մեղսագրված՝ 2023 թվականի մարտի 6-ին կատարված արարքին ՀՀ քրեական օրենսգրքի 344 հոդվածի 2-րդ մասով տրված իրավական գնահատականը՝ քանի որ այդ մասով Դատարանի կողմից հաստատված փաստական հանգամանքները՝ Ստեփան Աշոտի Զրվանդյանի կողմից 1 տարի ժամկետով զրկված լինելով տրանսպորտային միջոցներ վարելու իրավունքից, 2023 թվականի մարտի 6-ին՝ ժամը 02:25-ի սահմաններում, Երևան քաղաքի Թբիլիսյան խճուղում ««Օպել» մակնիշի 61 DV 999 հաշվառման համարանիշի տրանսպորտային միջոցը վարելը, դուրս չեն մեղադրանքի հիմքում դրված փաստական հանգամանքների շրջանակից, տվյալ հարցը պատշաճ իրավական ընթացակարգի շրջանակներում քննարկվել է կողմերի հետ, իսկ դատավճռի 3.2 կետում նշված վերլուծությունների, ինչպես նաև Դատարանի կողմից հերքված փաստական հանգամանքների պայմաններում Ստեփան Աշոտի Զրվանդյանին վերագրվող ապացուցված այդ արարքի նկատմամբ ենթակա է կիրառման ՀՀ քրեական օրենսգրքի 344 հոդվածի 1-ին մասը։
4.1 Հաստատված փաստական հանգամանքների հիման վրա Դատարանն արձանագրում է, որ Ստեփան Աշոտի Զրվանդյանի պատասխանատվությունն ու պատիժը մեղմացնող ՀՀ քրեական օրենսգրքի 70 հոդվածով նախատեսված հանգամանք է պատիժ նշանակելու պահին մեղադրյալի խնամքի տակ մեկ անչափահաս երեխայի առկայությունը։
Ստեփան Զրվանդյանի պատասխանատվությունն ու պատիժը մեղմացնող հանգամանք պետք է դիտել նաև ներկայացված մեղադրանքում իրեն լիովին մեղավոր ճանաչելը և կատարածի համար զղջալը, քանի որ մեղքն ընդունելը, կատարածի համար զղջալը, որպես մեղավոր անձի հետհանցավոր դրական վարքագիծ, վկայում է այն մասին, որ նա լրիվ գիտակցել է իր արարքի հանրային վտանգավորությունը և զղջացել է դրա համար:
Դատարանն արձանագրում է, որ Ստեփան Զրվանդյանի պատասխանատվությունն ու պատիժը ծանրացնող՝ ՀՀ քրեական օրենսգրքի 71 հոդվածով նախատեսված հանգամանքներ առկա չեն:
4.2 Կատարած հանցանքների համար մեղադրյալ Ստեփան Զրվանդյանը ենթակա է պատժի։
4.3 Դատապարտված մեղադրյալի նկատմամբ նշանակվող պատժի տեսակն ու չափը որոշելիս՝ Դատարանը հաշվի է առնում հետևյալը՝
-Ստեփան Աշոտի Զրվանդյանի կատարած հանցանքների հանգամանքները, հանրային վտանգավորության աստիճանն ու բնույթը, մասնավորապես՝ այն, որ նրա կատարած հանցանքները դասվում են ոչ մեծ ծանրության հանցագործությունների շարքին։
-Ստեփան Աշոտի Զրվանդյանի անձը բնութագրող տվյալները, պատասխանատվությունը և պատիժը մեղմացնող հանգամանքի առկայությունն ու ծանրացնող հանգամանքների բացակայությունը, ՀՀ քրեական օրենսգրքի 69 հոդվածի 2-րդ մասում թվարկված մյուս հանգամանքները։
• Այսպիսով, Դատարանը գտնում է, որ ՀՀ քրեական օրենսգրքի 55 հոդվածի 2-րդ մասով սահմանված պատժի նպատակներն ապահովելու համար Ստեփան Աշոտի Զրվանդյանի կողմից կատարված հանցագործությունների բնույթին, վտանգավորության աստիճանին, դրա կատարելու հանգամանքներին, ինչպես նաև հանցավորի անձին համաչափ պատիժ է՝
-ՀՀ քրեական օրենսգրքի 344 հոդվածի 1-ին մասով նախատեսված 2023 թվականի մարտի 6-ին կատարված հանցանքի համար՝ հանցանքը կատարելու պահին նվազագույն աշխատավարձի հնգապատիկի չափով տուգանքը։
- ՀՀ քրեական օրենսգրքի 344 հոդվածի 2-րդ մասով նախատեսված 2024 թվականի մայիսի 5-ին կատարված հանցանքի համար՝ հանցանքը կատարելու պահին նվազագույն աշխատավարձի վեցապատիկի չափով տուգանքը։
Հիմք ընդունելով ՀՀ քրեական օրենսգրքի 59 հոդվածի 5-րդ մասը, և հաշվի առնելով մեղսագրվող վերջին հանցանքն ավարտվելու օրվան նախորդող 12 ամիսների ընթացքում Ստեփան Աշոտի Զրվանդյանի եկամտի բացակայության վերաբերյալ դատավճռի 2.8 կետում նշված տվյալները՝ տուգանքի չափը պետք է հաշվարկել հանցանքները կատարելու պահին՝ 2023 թվականի մարտի 6-ին և 2024 թվականի մայիսի 5-ին ՀՀ նվազագույն աշխատավարձի՝ 75.000 (յոթանասունհինգ հազար) ՀՀ դրամի չափով:
Այսպիսով,
-ՀՀ քրեական օրենսգրքի 344 հոդվածի 1-ին մասով նախատեսված 2023 թվականի մարտի 6-ին կատարված հանցանքի համար Ստեփան Զրվանդյանի նկատմամբ պետք է պատիժ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով,
-ՀՀ քրեական օրենսգրքի 344 հոդվածի 2-րդ մասով նախատեսված 2024 թվականի մայիսի 5-ին կատարված հանցանքի համար Ստեփան Զրվանդյանի նկատմամբ պետք է պատիժ նշանակել տուգանք՝ հանցանքը կատարելու պահին նվազագույն աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով:
• ՀՀ քրեական օրենսգրքի 74 հոդվածով սահմանված կարգով՝ նշանակվող պատիժները պետք է լրիվ գումարել և Ստեփան Աշոտի Զրվանդյանի նկատմամբ վերջնական պատիժ նշանակել տուգանք՝ 825.000 (ութ հարյուր քսանհինգ հազար) ՀՀ դրամի չափով:
• Միևնույն ժամանակ, Դատարանն արձանագրում է, որ կատարած հանցանքների համար Ստեփան Զրվանդյանի նկատմամբ լրացուցիչ պատիժ նշանակելու հիմքերն ու անհրաժեշտությունը տվյալ դեպքում բացակայում են։
4.4 Ստեփան Աշոտի Զրվանդյանը պետք է կրի իր նկատմամբ նշանակված պատիժը, քանի որ նրան պատժից ազատելու հիմքեր առկա չեն։
4.5 ՀՀ քրեական դատավարության օրենսգրքի 348 հոդվածի 1-ին մասի 11-14-րդ հարցերին անդրադառնալու անհրաժեշտությունը սույն քրեական գործով բացակայում է։
4.6 Ստեփան Աշոտի Զրվանդյանի նկատմամբ ընտրված խափանման միջոցը՝ 300.000 ՀՀ դրամի չափով գրավը, պետք է վերացնել, քանի որ վերացել է դրա անհրաժեշտությունը։
4.7 ՀՀ քրեական դատավարության օրենսգրքի 167 հոդվածի 1-ին մասի 1-6-րդ կետերով նախատեսված վարութային ծախսեր սույն քրեական գործով առկա չեն, իսկ 7-րդ կետով նախատեսված ծախսերի վերաբերյալ տվյալները բացակայում են: Ավելին՝ այդ վարութային ծախսերի հատուցման պահանջ Դատարանին չի ներկայացվել, որպիսի պայմաններում վարութային ծախսերի հարցը պետք է համարել լուծված։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 167, 276, 347, 348, 349 և 364 հոդվածներով՝ Դատարանը

Վ Ճ Ռ Ե Ց

1. Ստեփան Աշոտի Զրվանդյանին մեղավոր ճանաչել ՀՀ քրեական օրենսգրքի 344 հոդվածի 1-ին մասով և 344 հոդվածի 2-րդ մասով նախատեսված հանցանքները կատարելու մեջ։
-ՀՀ քրեական օրենսգրքի 344 հոդվածի 1-ին մասով նախատեսված 2023 թվականի մարտի 6-ին կատարած հանցանքի համար Ստեփան Զրվանդյանի նկատմամբ պատիժ նշանակել տուգանք՝ հանցանքը կատարելու պահին նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
-ՀՀ քրեական օրենսգրքի 344 հոդվածի 2-րդ մասով նախատեսված 2024 թվականի մայիսի 5-ին կատարած հանցանքի համար Ստեփան Զրվանդյանի նկատմամբ պատիժ նշանակել տուգանք՝ հանցանքը կատարելու պահին նվազագույն աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով։
2. Նշանակված պատիժները լրիվ գումարել և Ստեփան Զրվանդյանի նկատմամբ վերջնական պատիժ նշանակել տուգանք՝ 825.000 (ութ հարյուր քսանհինգ հազար) ՀՀ դրամի չափով:
3. Ստեփան Զրվանդյանի նկատմամբ ընտրված խափանման միջոցը՝ 300.000 (երեք հարյուր հազար) ՀՀ դրամ գրավը վերացնել։
4. Վարութային ծախսերի հարցը համարել լուծված:
Դատավճիռը վերաքննության կարգով կարող է բողոքարկվել Հայաստանի Հանրապետության վերաքննիչ քրեական դատարան՝ ստանալու օրվանից հետո՝ մեկամսյա ժամկետում:



ԴԱՏԱՎՈՐ ԱՐՇԱԿ ՄԱԹԵՎՈՍՅԱՆ


(1)Ծնված՝ 1987 թվականի նոյեմբերի 13-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին մեկ անչափահաս երեխա, նախկինում չդատապարտված, հաշվառված է և բնակվում է Երևան քաղաքի Կոմիտասի պողոտայի 57 շենքի 45 բնակարանում, որպես խափանման միջոց է ընտրված 300.000 ՀՀ դրամի չափով գրավը:
(2)Տե՛ս, քրեական գործ, հատոր 1, թերթեր 68-69:
(3)Տե՛ս ՀՀ տնտեսական զարգացման և ներդրումների նախարարի 2018 թվականի փետրվարի 19-ի թիվ 133-Ն հրամանի 3-րդ կետի 1-ին ենթակետով հաստատված՝ չափման միջոցի ստուգաչափման կազմակերպման և իրականացման կարգի 29 կետը։