ԵԴ1/3140/01/24




ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

«24» փետրվարի 2025թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ` Դատարան)

նախագահությամբ՝ դատավոր Տաթևիկ Մուրադյանի,
քարտուղարությամբ՝ Ագնետա Հակոբյանի,

մասնակցությամբ`
հանրային մեղադրող՝ Վազգեն Եդիգարյանի,
պաշտպան՝ Կատյա Գաբոյանի,
մեղադրյալ՝ Թեմուր Ամոյանի,
թարգմանիչ՝ Աշոտ Երիցյանի,

դռնբաց դատական նիստում, արագացված կարգով քննելով քրեական գործն ըստ մեղադրանքի`
Թեմուր Մայիսի Ամոյանի`
ծնված՝ 04.12.2000թ. Երևան քաղաքում, ազգությամբ եզդի, ՀՀ քաղաքացի, միջնակարգ կրթությամբ, ամուսնացած, խնամքին մեկ անչափահաս երեխա, աշխատում է Ռիմա Համբարձումյան ՍՊԸ-ում՝ որպես մարկետինգի մենեջեր, դատվածություն չունեցող, հաշվառված է՝ Երևան քաղաքի Խաղաղ Դոնի փողոցի 1 շենքի 97 բնակարանում, բնակվում է՝ Երևան քաղաքի Մուշավան թաղամասի 7-րդ փողոցի 77 տուն հասցեում ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով,

ՊԱՐԶԵՑ

1. Քրեական գործի դատավարական նախապատմությունը.
2023 թվականի հոկտեմբերի 19-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության հատկանիշներով նախաձեռնվել է թիվ 60-0395-23 քրեական վարույթը:
2024 թվականի մայիսի 03-ին ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնում ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության հատկանիշներով նախաձեռնվել է թիվ 60-1837-24 քրեական վարույթը:
Նախաքննության մարմնի 2024 թվականի հուլիսի 26-ի որոշմամբ թիվ 60-1837-24 քրեական վարույթը միացվել է թիվ 60-0395-23 քրեական վարույթին և նախաքննությունը շարունակվել է թիվ 60039523 քրեական վարույթի համարի ներքո։
2024 թվականի հոկտեմբերի 24-ին ՀՀ դատախազության Երևան քաղաքի Էրեբունի և Նուբարաշեն վարչական շրջանների դատախազության դատախազ Վ. Եդիգարյանի որոշմամբ՝ թիվ 60039523 քրեական վարույթով Թեմուր Մայիսի Ամոյանի նկատմամբ ՀՀ քրեական օրենսգրքի 344-րդ հոդվածի 2-րդ մասով՝ երկու դրվագով հարուցվել է հանրային քրեական հետապնդում:
2024 թվականի նոյեմբերի 06-ին Երևան քաղաքի առաջին ատյանի ընդհանուր իրավասության քրեական դատարան է ստացվել քրեական գործն ըստ մեղադրանքի՝ Թեմուր Մայիսի Ամոյանի՝ ՀՀ քրեական օրենսգրքի 344-րդ հոդվածի 2-րդ մասով՝ երկու դրվագով, որին շնորհվել է ԵԴ1/3140/01/24 համարը:
Նույն օրը քրեական գործն էլեկտրոնային եղանակով մակագրվել և 2024 թվականի նոյեմբերի 07-ին հանձնվել է դատավոր Տաթևիկ Մուրադյանին:
2024 թվականի նոյեմբերի 08-ին Դատարանի կողմից որոշում է կայացվել թիվ ԵԴ1/3140/01/24 քրեական գործի վարույթն ստանձնելու և նախնական դատալսումներ նշանակելու մասին։
2025 թվականի փետրվարի 03-ին թիվ ԵԴ1/3140/01/24 քրեական գործով նախնական դատալսումների ընթացքում Դատարանը որոշել է մեղադրյալ Թեմուր Մայիսի Ամոյանի նկատմամբ մինչդատական վարույթում կիրառված խափանման միջոցը՝ բացակայելու արգելքը, թողնել անփոփոխ։

2. Մեղադրանքի փաստական նկարագրությունը.
Թեմուր Մայիսի Ամոյանին մեղադրանք է ներկայացվել ՀՀ քրեական օրենսգրքի 344-րդ հոդվածի 2-րդ մասով՝ երկու դրվագով՝ այն հանցանքների կատարման համար, որ «նա չունենալով տրանսպորտային միջոց վարելու իրավունք և գտնվելով հարբած (ոչ սթափ) վիճակում՝ ալկոհոլի պարունակությունը արտաշնչած օդում 0.139 մգ/լ, 2023 թվականի մարտի 1-ին՝ ժամը 01:30-ին Երևան քաղաքի Գուրգեն Մահարու փողոցում վարել է «ԿԻԱ» մակնիշի 37 TT 300 հաշվառման համարանիշի ավտոմեքենան, ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180244921 արձանագրությունը:
Բացի այդ, Թեմուր Մայիսի Ամոյանը չունենալով տրանսպորտային միջոց վարելու իրավունք և գտնվելով հարբած (ոչ սթափ) վիճակում՝ ալկոհոլի պարունակությունը արտաշնչած օդում 0.144 մգ/լ, 2024 թվականի ապրիլի 6-ին՝ ժամը 01:20-ի սահմաններում Երևան քաղաքի Տիգրան Մեծ պողոտայում վարել է «Մերսեդես» մակնիշի 01 OI 091 հաշվառման համարանիշի ավտոմեքենան, ինչի վերաբերյալ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180405390 արձանագրությունը։»։

3. Արագացված վարույթը և լրացուցիչ դատալսումների ընթացքում հետազոտված թույլատրելի ապացույցները.
Նախնական դատալսումների ընթացքում պաշտպան Կատյա Գաբոյանը և մեղադրյալ Թեմուր Ամոյանը ներկայացրին արագացված վարույթ կիրառելու մասին միջնորդություն:
Մեղադրյալ Թեմուր Ամոյանը հայտնեց, որ իրեն պարզ է ներկայացված մեղադրանքը, ամբողջությամբ համաձայն է ներկայացված մեղադրանքի հետ, միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված վարույթ կիրառելու հետևանքները և պնդում է ներկայացված միջնորդությունը:
Հանրային մեղադրող Վազգեն Եդիգարյանը չառարկեց արագացված վարույթ կիրառելու դեմ:
Դատարանը, համոզվելով, որ առկա է ՀՀ քրեական դատավարության օրենսգրքի 464.1-րդ հոդվածի 1-ին մասով նախատեսված հիմքը, բացակայում են ՀՀ քրեական դատավարության օրենսգրքի 464.1-րդ հոդվածի 2-րդ մասով նախատեսված` արագացված վարույթի կիրառումը բացառող հանգամանքները, բավարարեց արագացված վարույթ կիրառելու մասին միջնորդությունը և որոշում կայացրեց լրացուցիչ դատալսումներ անցկացնելու մասին:
Լրացուցիչ դատալսումների ընթացքում հետազոտվել են հետևյալ թույլատրելի ապացույցները.
 ՀՀ ոստիկանության ինֆորմացիոն կենտրոնի օպերատիվ տեղեկատու քարտադարանից ստացված տեղեկանքը, համաձայն որի՝ Թեմուր Ամոյանը նախկինում դատված չի եղել:
 Դատարանի հարցմանն ի պատասխան՝ ՀՀ ՊԵԿ հարկ վճարողների սպասարկման վարչության պետի գրությունը, համաձայն որի՝ 2023 թվականի մարտի 1-ին նախորդող տասներկու ամիսների ընթացքում Թեմուր Ամոյանը ստացել է ընդհանուր 5.287.631 հինգ միլիոն երկու հարյուր ութսունյոթ հազար վեց հարյուր երեսունմեկ ՀՀ դրամի չափով եկամուտ, իսկ 2024 թվականի ապրիլի 6-ին նախորդող տասներկու ամիսների ընթացքում՝ 1.168.280 մեկ միլիոն հարյուր վաթսունութ հազար երկու հարյուր ութսուն ՀՀ դրամի չափով եկամուտ։
 Թեմուր Ամոյանի անչափահաս երեխայի ծննդի մասին պետական վկայականը, համաձայն որի՝ նրա խնամքին է գտնվում 30.12.2023թ. ծնված Անգելինա Թեմուրի Ամոյանը։
 Թեմուր Ամոյանի զինվորական գրքույկի պատճենը, համաձայն որի՝ վերջինս պատերազմի մասնակից է, իսկ 12.02.2021թ. վաղաժամկետ զորացրվել է առողջական վիճակի պատճառով։
 ՀՀ աշխատանքի և սոցիալական հարցերի նախարարության բժշկասոցիալական փորձաքննության որոշումը, համաձայն որի՝ Թեմուր Ամոյանի մոտ առկա է հաշմանդամության երրորդ խումբ։

4. Դատարանի փաստական վերլուծությունները և հաստատված կամ հերքված փաստական հանգամանքները.
Լրացուցիչ դատալսումների ընթացքում հետազոտված թույլատրելի ապացույցները, ինչպես նաև գործով կազմված մեղադրական եզրակացության մեջ պարունակվող տվյալները վերլուծելու և գնահատելու արդյունքում Դատարանը հաստատված է համարում սույն քրեական գործի լուծման համար նշանակություն ունեցող հետևյալ փաստական հանգամանքները.
Թեմուր Ամոյանը նախկինում դատված չի եղել, ներկայացված մեղադրանքում իրեն լիովին մեղավոր է ճանաչել և զղջացել կատարածի համար, ունի հաշմանդամության երրորդ խումբ, պատերազմի մասնակից է, խնամքին է գտնվում մեկ անչափահաս երեխա։ Առաջին դրվագով մեղսագրվող հանցանքն ավարտվելու օրվան նախորդող 12 ամիսների ընթացքում Թեմուր Ամոյանի ստացած ընդհանուր եկամուտը կազմել է 5.287.631 հինգ միլիոն երկու հարյուր ութսունյոթ հազար վեց հարյուր երեսունմեկ ՀՀ դրամ, և նրա ստացած միջին ամսական եկամուտը կազմում է 440.635 չորս հարյուր քառասուն հազար վեց հարյուր երեսունհինգ ՀՀ դրամ, որի 35 տոկոսը կազմում է 154.222 հարյուր հիսունչորս հազար երկու հարյուր քսաներկու ՀՀ դրամ։ Երկրորդ դրվագով մեղսագրվող հանցանքն ավարտվելու օրվան նախորդող 12 ամիսների ընթացքում Թեմուր Ամոյանի ստացած ընդհանուր եկամուտը կազմել է 1.168.280 մեկ միլիոն հարյուր վաթսունութ հազար երկու հարյուր ութսուն ՀՀ դրամ, և նրա ստացած միջին ամսական եկամուտը կազմում է 97.356 իննսունյոթ հազար երեք հարյուր հիսունվեց ՀՀ դրամ, որի 35 տոկոսը կազմում է 34.074 երեսունչորս հազար յոթանասունչորս ՀՀ դրամ, որը պակաս է Նվազագույն ամսական աշխատավարձի մասին» ՀՀ օրենքով սահմանված նվազագույն ամսական աշխատավարձի չափից։

5. Դատարանի իրավական վերլուծությունները, հետևությունները և որոշումները.
Արագացված վարույթ կիրառելու պայմաններում Դատարանն ապացուցված է համարում մեղադրյալ Թեմուր Ամոյանին վերագրվող փաստական հանգամանքները (արարքները), այդ արարքների քրեական հակաիրավականությունը, մեղադրյալի կողմից այդ արարքները կատարելը, մեղադրյալի մեղավորությունը տվյալ արարքները կատարելու մեջ, ինչպես նաև գտնում է, որ մեղադրյալ Թեմուր Ամոյանի արարքների նկատմամբ պետք է կիրառվի ՀՀ քրեական օրենսգրքի 344-րդ հոդվածի 2-րդ մասը և ՀՀ քրեական օրենսգրքի 344-րդ հոդվածի 2-րդ մասը:
Դատարանի կողմից հաստատված փաստական հանգամանքների հիման վրա Դատարանը գտնում է, որ Թեմուր Ամոյանի անձը բնութագրող հանգամանք է նախկինում դատված չլինելը, հաշմանդամության երրորդ խումբ ունենալը, պատերազմի մասնակից լինելը։
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, գտնում է, որ Թեմուր Ամոյանի պատասխանատվությունն ու պատիժը մեղմացնող հանգամանքներ պետք է դիտել ներկայացված մեղադրանքում իրեն լիովին մեղավոր ճանաչելը և կատարածի համար զղջալը (Դատարանի նման մոտեցումը համահունչ է Սերոբ Սարգսյանի գործով 2012 թվականի նոյեմբերի 1-ի թիվ ՍԴ/0109/01/12 որոշման 27-րդ կետում ՀՀ վճռաբեկ դատարանի արտահայտած իրավական դիրքորոշմանը), ինչպես նաև խնամքին մեկ անչափահաս երեխայի առկայությունը։
Դատարանը միաժամանակ արձանագրում է, որ Թեմուր Ամոյանի պատասխանատվությունն ու պատիժը ծանրացնող՝ ՀՀ քրեական օրենսգրքի 71-րդ հոդվածի 1-ին մասով նախատեսված հանգամանքներ առկա չեն:
Դատարանը գտնում է, որ կատարած հանցանքների համար մեղադրյալ Թեմուր Ամոյանը ենթակա է պատժի։
Դատարանը, հաշվի առնելով Թեմուր Ամոյանի կատարած հանցանքների հանգամանքները, նրա անձը բնութագրող տվյալները, պատասխանատվությունը և պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ՀՀ քրեական օրենսգրքի 69-րդ հոդվածի 2-րդ մասում թվարկված մյուս հանգամանքները, ինչպես նաև այն, որ ՀՀ քրեական օրենսգրքի 344-րդ հոդվածի 2-րդ մասի սանկցիայով որպես հիմնական պատիժ է նախատեսված նաև տուգանքի ձևով և ՀՀ քրեական օրենսգրքի 55-րդ հոդվածի 2-րդ մասով սահմանված պատժի նպատակներն ապահովելու համար նշված հանցագործությունների կատարման համար առավել խիստ պատիժ նշանակելու անհրաժեշտությունը բացակայում է, գտնում է, որ նրա նկատմամբ ՀՀ քրեական օրենսգրքի 344-րդ հոդվածի 2-րդ մասով՝ առաջին դրվագով հիմնական պատիժ պետք է նշանակել տուգանք՝ ամսական աշխատավարձի հնգապատիկի՝ 771․110 (յոթ հարյուր յոթանասունմեկ հազար հարյուր տասը) ՀՀ դրամի չափով, իսկ ՀՀ քրեական օրենսգրքի 344-րդ հոդվածի 2-րդ մասով՝ երկրորդ դրվագով հիմնական պատիժ պետք է նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածով սահմանված կարգով` Թեմուր Մայիսի Ամոյանի նկատմամբ ՀՀ քրեական օրենսգրքի 344-րդ հոդվածի 2-րդ մասով առաջին դրվագով նշանակված ամսական աշխատավարձի հնգապատիկի՝ 771․110 (յոթ հարյուր յոթանասունմեկ հազար հարյուր տասը) ՀՀ դրամի չափով տուգանքին պետք է լրիվ գումարել ՀՀ քրեական օրենսգրքի 344-րդ հոդվածի 2-րդ մասով՝ երկրորդ դրվագով նշանակված նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով տուգանքը և Թեմուր Մայիսի Ամոյանի նկատմամբ վերջնական պատիժ պետք է նշանակել տուգանք՝ 1.146.110 մեկ միլիոն հարյուր քառասունվեց հազար հարյուր տասը ՀՀ դրամի չափով՝ վճարման համար սահմանելով 1 (մեկ) տարի ժամկետ՝ ըստ վերջինի և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
Դատարանը գտնում է, որ վերոնշյալ պատժի կիրառումն անհրաժեշտ ու բավարար է ՀՀ քրեական օրենսգրքի 55-րդ հոդվածով նախատեսված պատժի նպատակների իրացմանը հասնելու համար:
Միաժամանակ, նկատի ունենալով Թեմուր Մայիսի Ամոյանի կողմից տուգանքն ամբողջությամբ և անհապաղ վճարելու անհնարինության վերաբերյալ դատական նիստում արված հայտարարությունը, Դատարանը գտնում է, որ Թեմուր Մայիսի Ամոյանի նկատմամբ նշանակվող տուգանքի վճարումը պետք է տարաժամկետել և նրան թույլատրել տուգանքը վճարել մաս առ մաս՝ 1 (մեկ) տարվա ընթացքում՝ ըստ մեղադրյալի և ՀՀ ԱՆ պրոբացիայի ծառայության համապատասխան մարմնի կողմից համատեղ սահմանած վճարման ժամանակացույցի:
Միևնույն ժամանակ Դատարանը գտնում է, որ գործում առկա փաստական տվյալները թույլ են տալիս եզրահանգելու, որ տվյալ կոնկրետ դեպքում պատժի նպատակները կարող են իրացվել նաև՝ առանց Թեմուր Մայիսի Ամոյանի նկատմամբ լրացուցիչ պատժի կիրառման:
Դատարանն արձանագրում է, որ ՀՀ քրեական դատավարության օրենսգրքի 348-րդ հոդվածի 1-ին մասի 11-14-րդ կետերով նշված հարցերին անդրադառնալու անհրաժեշտությունը սույն քրեական վարույթով բացակայում է։
Անդրադառնալով խափանման միջոցի հարցին՝ Դատարանը գտնում է, որ Թեմուր Մայիսի Ամոյանի նկատմամբ ընտրված խափանման միջոցը՝ բացակայելու արգելքը, պետք է թողնել անփոփոխ՝ մինչև դատավճռի օրինական ուժի մեջ մտնելը, իսկ դրանից հետո պետք է վերացնել։
Դատարանը գտնում է, որ վարութային ծախսերի հարցը պետք է համարել լուծված, քանի որ արագացված վարույթ կիրառելու պայմաններում ՀՀ քրեական դատավարության օրենսգրքի 167-րդ հոդվածի 1-ին մաuով նախատեսված վարութային ծախսերը մեղադրյալ Թեմուր Մայիսի Ամոյանից ենթակա չեն բռնագանձման՝ համաձայն ՀՀ քրեական դատավարության օրենսգրքի 464.4 հոդվածի 3-րդ մասի։
Ելնելով վերոգրյալից և ղեկավարվելով ՀՀ քրեական դատավարության 347-350-րդ, 464.1-464.5 հոդվածներով` Դատարանը

ՎՃՌԵՑ

Թեմուր Մայիսի Ամոյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով՝ երկու դրվագով նախատեսված հանցանքների կատարման մեջ։
Թեմուր Մայիսի Ամոյանի նկատմամբ ՀՀ քրեական օրենսգրքի 344-րդ հոդվածի 2-րդ մասով՝ առաջին դրվագով պատիժ նշանակել տուգանք՝ ամսական աշխատավարձի հնգապատիկի՝ 771․110 (յոթ հարյուր յոթանասունմեկ հազար հարյուր տասը) ՀՀ դրամի չափով:
Թեմուր Մայիսի Ամոյանի նկատմամբ ՀՀ քրեական օրենսգրքի 344-րդ հոդվածի 2-րդ մասով՝ երկրորդ դրվագով պատիժ նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածով սահմանված կարգով` Թեմուր Մայիսի Ամոյանի նկատմամբ ՀՀ քրեական օրենսգրքի 344-րդ հոդվածի 2-րդ մասով առաջին դրվագով նշանակված ամսական աշխատավարձի հնգապատիկի՝ 771․110 (յոթ հարյուր յոթանասունմեկ հազար հարյուր տասը) ՀՀ դրամի չափով տուգանքին լրիվ գումարել ՀՀ քրեական օրենսգրքի 344-րդ հոդվածի 2-րդ մասով՝ երկրորդ դրվագով նշանակված նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով տուգանքը և Թեմուր Մայիսի Ամոյանի նկատմամբ վերջնական պատիժ նշանակել տուգանք՝ 1.146.110 մեկ միլիոն հարյուր քառասունվեց հազար հարյուր տասը ՀՀ դրամի չափով՝ վճարման համար սահմանելով 1 (մեկ) տարի ժամկետ՝ ըստ վերջինի և ՀՀ ԱՆ պրոբացիայի ծառայության համապատասխան ստորաբաժանման կողմից սահմանված տուգանքի վճարման ժամանակացույցի:
Թեմուր Մայիսի Ամոյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը, իսկ դրանից հետո վերացնել։
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով նախատեսված հիմքերի, կարող է բողոքարկվել ՀՀ վերաքննիչ քրեական դատարան՝ ստանալու օրվանից հետո մեկամսյա ժամկետում:




ԴԱՏԱՎՈՐ ՏԱԹԵՎԻԿ ՄՈՒՐԱԴՅԱՆ