ԵԴ1/3132/01/24







Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

Հայաստանի Հանրապետության Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան),

Նախագահող դատավոր Ս.ԳԶՈԳՅԱՆԻ
քարտուղարությամբ Լ.ՉՈԲԱՆՅԱՆԻ
մասնակցությամբ
հանրային մեղադրող Ե․ԱԲՈՎՅԱՆԻ
մեղադրյալ Ս․ՏԵՐ-ՄԵՍՐՈՊՅԱՆԻ

2025 թվականի փետրվարի 17-ին, Երևան քաղաքում, դռնբաց դատական նիստում, քննելով քրեական գործն ըստ մեղադրանքի`
Սարգիս Կոլյայի Տեր-Մեսրոպյանի՝ ծնված 1985 թվականի դեկտեմբերի 9-ին, Երևան քաղաքում, հայ, ՀՀ քաղաքացի, թերի-բարձրագույն կրթությամբ, ամուսնացած, ըստ իր հայտարարույան՝ խնամքին՝ մեկ երեխա և մայրը, չի աշխատում, նախկինում դատապարտված, դատվածությունը չմարված, հաշվառված է և փաստացի բնակվում է Երևան քաղաքի Գոգոլի 5-րդ շենքի, 16-րդ բնակարանում, քրեական հետապնդում է հարուցվել ՀՀ քրեական օրենսգրքի 344-րդ հոդվածի 1-ին մասով, որպես խափանման միջոց է ընտրվել բացակայելու արգելքը,

ՊԱՐԶԵՑ

1.Գործի դատավարական նախապատմությունը
2023 թվականի դեկտեմբերի 8-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել թիվ 60515323 քրեական վարույթը:
2024 թվականի հոկտեմբերի 29-ի որոշմամբ Սարգիս Կոլյայի Տեր-Մեսրոպյանի նկատմամբ քրեական հետապնդում է հարուցվել ՀՀ քրեական օրենսգրքի 344-րդ հոդվածի 1-ին մասով այն արարքի համար, որ նա, տրանսպորտային միջոցներ վարելու իրավունքից 1 տարի ժամկետով զրկված լինելու պայմաններում վարել է տրանսպորտային միջոց․
Այսպես՝ Սարգիս Տեր-Մեսրոպյանը տրանսպորտային միջոցներ վարելու իրավունքը 2023 թվականի հունվարի 3-ին կայացված վարչական տույժ նշանակելու մասին թիվ 8180169128 որոշմամբ 1 տարի ժամկետով զրկված լինելու և այդ որոշման մասին վերջինիս կողմից պատշաճ ծանուված լինելու պայմաններում 2023 թվականի մայիսի 3-ին՝ ժամը 00։30-ի սահմաններում, Երևան քաղաքի Ռուբինյանց փողոցում վարել է «ԲՄՎ» մակնիշի 99 FR 699 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության աշխտակցի կողմից կազմվել է վարչական իրավախախտման մասին թիվ 8180251735 արձանագրությունը:
2024 թվականի հոկտեմբերի 30-ի որոշմամբ Սարգիս Կոլյայի Տեր-Մեսրոպյանի նկատմամբ խափանման միջոց է ընտրվել բացակայելու արգելքը:
2024 թվականի նոյեմբերի 6-ին քրեական գործը մեղադրական եզրակացությամբ ստացվել է Երևան քաղաքի առաջին ատյանի ընդհանուր իրավասության քրեական դատարանում, գործին շնորհվել է ԵԴ1/3132/01/24 համարը:
2024 թվականի նոյեմբերի 8-ին Դատարանի դատավոր Ս.Գզոգյանը որոշում է կայացրել վարույթը ստանձնելու և նախնական դատալսումներ նշանակելու մասին։
2025 թվականի փետրվարի 17-ին Դատարանը Սարգիս Կոլյայի Տեր-Մեսրոպյանի նկատմամբ կայացրել է մեղադրական վերդիկտ։

2.Դատարանում հետազոտված և գնահատված ապացույցներ
Մեղադրյալ Սարգիս Կոլյայի Տեր-Մեսրոպյանն առաջադրված մեղադրանքում իրեն մեղավոր է ճանաչել, հիմնական դատալսումների ընթացքում, օգտվելով իր իրավունքներից, հրաժարվել է ցուցմունք տալ (տե՛ս դատական նիստի արձանագրությունը):
Մինչդատական վարույթի ընթացքում Սարգիս Կոլյայի Տեր-Մեսրոպյանը ցուցմունք է տվել այն մասին, որ 2023 թվականի մայիսի 3-ին ինքն է վարել «ԲՄՎ» մակնիշի 99 FR 699 հաշվառման համարանիշի տրանսպորտային միջոցը։ Տեղյակ է եղել, որ 2023 թվականի հունվարի 3-ին զչկվել է տրանսպորտային միջոց վարելու իրավունքից մեկ տարի ժամկետով, բայս 03,05,2023 թվականին վարել է տրանսպորտային միջոց (տե´ս դատական նիստի արձանագրություն, քրեական գործ, 30-32-րդ թերթեր)։
2024 թվականի հոկտեմբերի 30-ին որպես մեղադրյալ հարցաքննվելիս ցուցմունք է տվել այն մասին, որ առաջադրված մեղադրանքում իրեղ մեղավոր է ճանաչում, պնդում է նախկին ցուցմունքը (տե´ս դատական նիստի արձանագրություն, քրեական գործ, 40-41-րդ թերթեր)։
Ցուցմունքները հրապարակելուց հետո Սարգիս Կոլյայի Տեր-Մեսրոպյանը հայտարարել է, որ դրանք համապատասխանում են իրականությանը և պնդում է դրանք (տե՛ս դատական նիստի արձանագրությունը):
Հիմնական դատալսումների ընթացքում հետազոտվել են հետևյալ գրավոր ապացույցները.
Արտավարութային փաստաթուղթ ճանաչված և քրեական վարույթի նյութերին կցված.
2023թ. մայիսի 3-ին Սարգիս Կոլյայի Տեր-Մեսրոպյանի նկատմամբ կազմված վարչական իրավախախտման վերաբերյալ արձանագրությունը, որի համաձայն՝ Սարգիս Կոլյայի Տեր-Մեսրոպյանը 2023 թվականի մայիսի 3-ին՝ ժամը 00։30-ի սահմաններում, Երևան քաղաքի Ռուբինյանց փողոցում վարել է «ԲՄՎ» մակնիշի 99 FR 699 հաշվառման համարանիշի տրանսպորտային միջոցը, այն վարելու իրավունքից զրկված լինելու պայմաններում (տե´ս դատական նիստի արձանագրություն, քրեական գործ, 4-րդ թերթ)։
Սարգիս Կոլյայի Տեր-Մեսրոպյանի վերաբերյալ կազմված վարչական իրավախախտման վերաբերյալ 8180169128 արձանագրությանը և համապատասխան որոշումը, որի համաձայն՝ նա զրկվել է տրանսպորտային միջոց վարելու իրավունքից (տե´ս դատական նիստի արձանագրություն, քրեական գործ, 5-րդ թերթ)։
ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրում Սարգիս Կոլյայի Տեր-Մեսրոպյանի տրանսպորտային միջոց վարելու իրավունքից զրկվել է 03.01.2023 թվականից, ավարտը՝ 03.01.2024 թվականը։
Զննություն կատարելու մասին 2024 թվականի հոկտեմբերի 29-ի արձանագրությունը:
Արտավարութային փաստաթուղթ ճանաչելու մասին 2024 թվականի հոկտեմբերի 29-ի որոշումը։
Սարգիս Կոլյայի Տեր-Մեսրոպյանի դատավածության վերաբերյալ տեղեկանքը, որի համաձայն՝ Արագածոտնի մարզի առաջին ատյանի դատարանի 2024 թվականի հունվարի 17-ի դատավճռով մեղավոր է ճանաչվել ՀՀ քրեական օրենսգրքի 344-րդ հոդվածի 1-ին մասով և դատապարտվել տուգանքի 375․000 ՀՀ դրամի չափով, դատավճիռը մտել է օրինական ուժի մեջ 2024 թվականի մարտի 7-ին, Գեղարքունիքի մարզի առաջին ատյանի ընդհանուր իրավասության դատարանի 2024 թվականի հունվարի 23-ի դատավճռով մեղավոր է ճանաչվել ՀՀ քրեական օրենսգրքի 344-րդ հոդվածի 1-ին մասով և դատապարտվել տուգանքի 375․000 ՀՀ դրամի չափով, դատավճիռը մտել է օրինական ուժի մեջ 2024 թվականի մարտի 1-ին, Երևան քաղաքի առաջին ատյանի ընդհանուր իրավասության քրեական դատարանի 2024 թվականի հոկտեմբերի 22-ի դատավճռով մեղավոր է ճանաչվել ՀՀ քրեական օրենսգրքի 344-րդ հոդվածի 1-ին մասով և դատապարտվել հանրային աշխատանքների՝ 100 ժամ տևողությամբ, դատավճիռը մտել է օրինական ուժի մեջ 2024 թվականի դեկտեմբերի 3-ին, (տե´ս դատական նիստի արձանագրություն):
ՀՀ ԱՆ պրոբացիայի ծառայությանը կատարված հարցմամբ փաստվել է, որ դատապարտյալն կատարել է հանրային աշխատանքները, իսկ նրա նկատմամբ նշանակված տուգանքները փոխարինվել է գույքի բռնագրավմամբ։

3.Դատարանի իրավական վերլուծությունները
Դատարանը, վերլուծելով մեղադրյալ Սարգիս Կոլյայի Տեր-Մեսրոպյանի առաջադրված մեղադրանքի հիմքում դրված և հիմնական դատալսումների ընթացքում հետազոտված վերոգրյալ ապացույցները՝ դրանք գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր կասկածները նրա օգտին մեկնաբանելով, հաստատված է համարում, որ Սարգիս Կոլյայի Տեր-Մեսրոպյանը, տրանսպորտային միջոցներ վարելու իրավունքը 2023 թվականի հունվարի 3-ին կայացված վարչական տույժ նշանակելու մասին թիվ 8180169128 որոշմամբ 1 տարի ժամկետով զրկված լինելու և այդ որոշման մասին վերջինիս կողմից պատշաճ ծանուված լինելու պայմաններում 2023 թվականի մայիսի 3-ին՝ ժամը 00։30-ի սահմաններում, Երևան քաղաքի Ռուբինյանց փողոցում վարել է «ԲՄՎ» մակնիշի 99 FR 699 հաշվառման համարանիշի տրանսպորտային միջոցը, որի վերաբերյալ ՀՀ ՆԳՆ ոստիկանության պարեկային ծառայության աշխտակցի կողմից կազմվել է վարչական իրավախախտման մասին թիվ 8180251735 արձանագրությունը:
Այսպիսով, Դատարանը գտնում է, որ սույն գործով ձեռք բերված հավաստի ապացույցների համակցությունը բավարար է հիմնավոր կասկածից վեր ապացուցողական չափանիշին համապատասխան հաստատված համարելու մեղադրյալ Սարգիս Կոլյայի Տեր-Մեսրոպյանի կողմից տրանսպորտային միջոցներ վարելը դրանից զրկված լինելու պայմաններում, այդ արարքն ապացուցված է, ճիշտ է որակված և համապատասխանում է ՀՀ քրեական օրենսգրքի 344-րդ հոդվածի 1-ին մասի հատկանիշներին:
Անդրադառնալով մեղադրյալի նկատմամբ նշանակվելիք պատժի հարցին՝ Դատարանն արձանագրում է, որ անձի նկատմամբ պատժի տեսակ և չափ ընտրելիս, ինչպես նաև այն կրելու նպատակահարմարության հարցը լուծելիս պետք է ղեկավարվել ՀՀ քրեական օրենսգրքի մի շարք դրույթներով:
ՀՀ քրեական օրենսգրքի 55-րդ հոդվածի 2-րդ մասի համաձայն՝ «2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»։
ՀՀ քրեական օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ։ (․․․)»։
Այսպես` Դատարանը մեղադրյալ Սարգիս Կոլյայի Տեր-Մեսրոպյանի նկատմամբ պատիժ նշանակելիս հաշվի է առնում նրան մեղսագրված հանցագործության՝ հանրության համար վտանգավորության աստիճանն ու բնույթը, այդ թվում՝ հանցանքի կատարման հանգամանքները և եղանակը, ինչպես նաև խախտված հասարակական հարաբերության սոցիալական նշանակությունը:
Դատարանը մեղադրյալ Սարգիս Կոլյայի Տեր-Մեսրոպյանի նկատմամբ պատիժ նշանակելիս հաշվի է առնում նաև նրա անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, որպես մեղադրյալ Սարգիս Կոլյայի Տեր-Մեսրոպյանի պատասխանատվությունն ու պատիժը մեղմացնող հանգամանք հաշվի է առնում այն, որ նա իրեն լիովին մեղավոր է ճանաչել և տվել խոստովանական ցուցմունքներ, անկեղծորեն զղջացել է կատարած արարքի համար:
Դատարանը, արձանագրում է, որ մեղադրյալ Սարգիս Կոլյայի Տեր-Մեսրոպյանի պատասխանատվությունն ու պատիժը ծանրացնող հանգամանքներ առկա չեն:
ՀՀ քրեական օրենսգրքի 60-րդ հոդվածի համաձայն՝ «1. Հանրային աշխատանքները դատարանի նշանակած և իրավասու մարմնի որոշած վայրում չվարձատրվող, դատապարտյալի ուսումնառությունից կամ աշխատանքից ազատ ժամանակահատվածում նրա կողմից հանրության համար օգտակար այնպիսի աշխատանքների կատարումն է, որոնք չեն վտանգում նրա ֆիզիկական կամ հոգեկան առողջությունը։
2. Հանրային աշխատանքները դատապարտյալի համաձայնությամբ ոչ ավելի, քան օրական 4 ժամ տևողությամբ սահմանվում են ոչ մեծ և միջին ծանրության հանցագործությունների համար՝ 60-270 ժամ տևողությամբ: (․․․)»։
Դատարանը գտնում է, որ կատարած արարքի համար մեղադրյալ Սարգիս Կոլյայի Տեր-Մեսրոպյանը ենթակա է պատժի՝ հանրային աշխատանքների ձևով 100 (հարյուր) ժամ տևողությամբ:
Դատարանն արձանագրում է, որ արտավարութային փաստաթուղթ ճանաչված և քրեական գործին կցված փաստաթղթերը պետք է թողնել կցված քրեական գործին՝ դատավճիռն օրինական ուժի մեջ մտնելուց հետո։
Քննարկելով մեղադրյալ Սարգիս Կոլյայի Տեր-Մեսրոպյանը նկատմամբ ընտրված խափանման միջոցի հարցը՝ Դատարանը գտնում է, որ վերջինիս նկատմամբ որպես խափանման միջոց ընտրված բացակայելու արգելքը, պետք է թողնել անփոփոխ՝ մինչև դատավճռի օրինական ուժի մեջ մտնելը:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 342-349-րդ հոդվածներով` Դատարանը

Վ Ճ Ռ Ե Ց

Մեղադրյալ Սարգիս Կոլյայի Տեր-Մեսրոպյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված արարքի կատարման մեջ, և նրա նկատմամբ պատիժ նշանակել հանրային աշխատանքներ՝ 100 (հարյուր) ժամով:
Արտավարութային փաստաթուղթ ճանաչված և քրեական գործին կցված փաստաթղթերը թողնել քրեական գործին կցված դատավճիռն օրինական ուժի մեջ մտնելուց հետո։
Մեղադրյալ Սարգիս Կոլյայի Տեր-Մեսրոպյանը նկատմամբ ընտրված խափանման միջոցը՝ բացակայելու արգելքը, թողնել անփոփոխ՝ մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ վերաքննիչ քրեական դատարան՝ ստանալու օրվանից հետո՝ մեկամսյա ժամկետում:


ԴԱՏԱՎՈՐ՝ Ս.ԳԶՈԳՅԱՆ