ԵԴ1/3116/01/24







Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

Հայաստանի Հանրապետության Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան),

Նախագահող դատավոր Ս.ԳԶՈԳՅԱՆԻ
քարտուղարությամբ Լ.ՉՈԲԱՆՅԱՆԻ
մասնակցությամբ
հանրային մեղադրող Դ․ԹԱԴԵՎՈՍՅԱՆԻ
մեղադրյալ Ե․ԼԱՉԻՆՅԱՆԻ


2025 թվականի հուլիսի 15-ին, Երևան քաղաքում, դռնբաց դատական նիստում, քննելով քրեական գործն ըստ մեղադրանքի`
Եփրեմ Ալեքսանդրի Լաչինյանի՝ ծնված 1989 թվականի հունիսի 8-ին, ք․Երևան, հայ, ՀՀ քաղաքացի, միջնակարգ կրթությամբ, նախկինում դատված, դատվածությունը մարված, չամուսնացած, խնամքին ոչ ոք, չի աշխատում, բնակվում է ք․Երևան, Չարենցի 135 տուն հասցեում, մեղադրանք է առաջադրվել 3 դրվագ ՀՀ քրեական օրենսգրքի 344-րդ հոդվածի 2-րդ մասով, որպես խափանման միջոց է ընտրվել բացակայելու արգելքը,

ՊԱՐԶԵՑ

1.Գործի դատավարական նախապատմությունը
2024 թվականի մայիսի 30-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60-2095-24 քրեական վարույթը:
2024 թվականի հունիսի 14-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60-2323-24 քրեական վարույթը:
Նախաքննության մարմնի 2024 թվականի հունիսի 14-ի մեկ այլ որոշմամբ թիվ 60-2095-24 քրեական վարույթը միացվել թիվ 60-2323-24 քրեական վարույթին, վարույթը շարունակվել թիվ 60-2095-24 համարի նեքո։
2024 թվականի հուլիսի 30-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60-2840-24 քրեական վարույթը:
Նախաքննության մարմնի 2024 թվականի հուլիսի 30-ի մեկ այլ որոշմամբ թիվ 60-2095-24 քրեական վարույթը միացվել թիվ 60-2840-24 քրեական վարույթին, վարույթը շարունակվել թիվ 60-2095-24 համարի նեքո։
Նախաքննության մարմնի 2024 թվականի հոկտեմբերի 28-ի որոշմամբ Եփրեմ Ալեքսանդրի Լաչինյանի նկատմամբ 3 դրվագ ՀՀ քրեական օրենսգրքի 344-րդ հոդվածի 2-րդ հարուցվել է հանրային քրեական հետապնդում այն արարքների համար, որ «նա, չունենալով տրանսպորտային միջոցներ վարելու իրավունք, 2024 թվականի մայիսի 1-ին, մայիսի 12-ին և հունիսի 19-ին հարբած (ոչ սթափ) վիճակում վարել է տրանսպորտային միջոցներ:
Այսպես.
Եփրեմ Լաչինյանը, օրենքով սահմանված կարգով չստանալով տրանսպորտային միջոցներ վարելու իրավունքի վարորդական վկայական, 2024 թվականի մայիսի 1-ին՝ ժամը 03:41-ի սահմաններում, գտնվելով ոչ սթափ վիճակում՝ մեկ լիտր արտաշնչած օդի մեջ 0.276 մգ/լ մաքուր ալկոհոլի պարունակությամբ, Երևան քաղաքի Ծ.Իսակովի պողոտայում վարել է «Toyota» մակնիշի, 682 CU 61 հաշվառման համարանիշի տրանսպորտային միջոցը։
Բացի այդ, Եփրեմ Լաչինյանը, օրենքով սահմանված կարգով չստանալով տրանսպորտային միջոցներ վարելու իրավունքի վարորդական վկայական, 2024 թվականի մայիսի 12-ին՝ ժամը 04:50-ի սահմաններում, գտնվելով ոչ սթափ վիճակում՝ մեկ լիտր արտաշնչած օդի մեջ 0.541 մգ/լ մաքուր ալկոհոլի պարունակությամբ, Երևան քաղաքի Թամանցիների փողոցում վարել է «Kia» մակնիշի, 37 ST 889 հաշվառման համարանիշի տրանսպորտային միջոցը։
Բացի այդ, Եփրեմ Լաչինյանը, օրենքով սահմանված կարգով չստանալով տրանսպորտային միջոցներ վարելու իրավունքի վարորդական վկայական, 2024 թվականի հունիսի 19-ին՝ ժամը 23:19-ի սահմաններում, գտնվելով ոչ սթափ վիճակում՝ մեկ լիտր արտաշնչած օդի մեջ 0.133 մգ/լ մաքուր ալկոհոլի պարունակությամբ, Երևան քաղաքի Հ. Քոչարի փողոցում վարել է «Toyota» մակնիշի, 37 QA 843 հաշվառման համարանիշի տրանսպորտային միջոցը»:
Նախաքննության մարմնի 2024 թվականի հոկտեմբերի 29-ի որոշմամբ Եփրեմ Ալեքսանդրի Լաչինյանի նկատմամբ որպես խափանման միջոց է ընտրվել բացակայելու արգելքը։
2024 թվականի նոյեմբերի 5-ին քրեական գործը հաստատված մեղադրական եզրակացությամբ ստացվել է Երևան քաղաքի առաջին ատյանի ընդհանուր իրավասության քրեական դատարանում, գործին շնորհվել է թիվ ԵԴ1/3116/01/24 համարը։
2024 թվականի նոյեմբերի 7-ին Դատարանի դատավոր Ս.Գզոգյանը որոշում է կայացրել վարույթն ստանձնելու և նախնական դատալսումներ նշանակելու մասին։
Երևան քաղաքի առաջին ատյանի ընդհանուր իրավասության քրեական դատարանի 2025 թվականի փետրվարի 5-ի որոշմամբ Եփրեմ Ալեքսանդրի Լաչինյանի նկատմամբ ընտրված բացակայելու արգելք խափանման միջոցը փոփոխվել, և որպես խափանման միջոց է ընտրվել կալանավորումը՝ երեք ամիս ժամկետով՝ փաստացի արգելանքի վերցնելու պահից:
Երևան քաղաքի առաջին ատյանի ընդհանուր իրավասության քրեական դատարանի 2025 թվականի հուլիսի 15-ի որոշմամբ Եփրեմ Ալեքսանդրի Լաչինյանի նկատմամբ ընտրված կալանավորում խափանման միջոցը փոփոխվել, և որպես խափանման միջոց է ընտրվել բացակայելու արգելքը:
2025 թվականի հուլիսի 15-ին Դատարանը Եփրեմ Ալեքսանդրի Լաչինյանի նկատմամբ կայացրել է մեղադրական վերդիկտ։


2.Դատարանում հետազոտված և գնահատված ապացույցներ
Մեղադրյալ Եփրեմ Ալեքսանդրի Լաչինյանն առաջադրված մեղադրանքում իրեն մեղավոր է ճանաչել, հիմնական դատալսումների ընթացքում, օգտվելով իր իրավունքներից, հրաժարվել է ցուցմունք տալ (տե՛ս դատական նիստի արձանագրությունը):
Մինչդատական վարույթի ընթացքում Եփրեմ Ալեքսանդրի Լաչինյանը ցուցմունք է տվել այն մասին, որ ՀՀ քրեական օրենսգրքի 344-րդ հոդվածի 2-րդ մասով (3 դրվագով) ներկայացված մեղադրանքում իրեն մեղավոր է ճանաչում: Հոգեպես ֆիզիկապես առողջ է, տիրապետում է հայերեն գրավոր և բանավոր լեզվին, ցանկանում է ցուցմունք տալ հայերեն լեզվով, չի առարկում, որպեսզի ցուցմունքը իր պատմածին համապատասխան արձանագրվի քննիչի կողմից համակարգչային տպագրման եղանակով: Երբևէ վարորդական իրավունքի վկայական չի ունեցել։ 2024 թվականի մայիսի 1-ին, 2024 թվականի մայիսի 12-ին և 2024 թվականի հունիսի 19-ին տրանսպորտային միջոցը վարել է ոչ սթափ վիճակում չունենակով տրանսպորտային միջոցներ վարելու իրավունքի վկայական, ինչի կապակցությամբ պարեկային ծառայողների կողմից կազմվել են համապատասխան վարչական իրավախախտման վերաբերյալ արձանագրություններ, որոնց համապատասխան տողերում առկա ստորագրություները կատարել է անձամբ և որևէ առարկություն չի ունեցել: Իրեն ներկայացված մեղադրանքի 3 դրվագներով ընդունում է իր մեղավորությունը և ավելացնելու այլ բան չունի: (տե´ս դատական նիստի արձանագրություն, քրեական գործ, 71-74-րդ թերթեր)։
Ցուցմունքները հրապարակելուց հետո Եփրեմ Ալեքսանդրի Լաչինյանը հայտարարել է, որ դրանք համապատասխանում են իրականությանը և պնդում է դրանք (տե՛ս դատական նիստի արձանագրությունը):
Հիմնական դատալսումների ընթացքում հետազոտվել են հետևյալ գրավոր ապացույցները.
Զննության ենթարկելու մասին արձանագրությամբ համաձայն որի՝ 2024թ. մայիսի 12-ին ժամը` 05:05-ին, Երևան քաղաքի Թամանցիների փողոցում ՀՀ ոստիկանության պարեկային ծառայության Երևան քաղաքի գնդի պարեկ Նարեկ Սիմոնյանի (06069 կողմից Եփրեմ Ալեքսանդի Լաչինյանի (ծնվ.08.06.1989թ., ՀԾՀ 1814890912, բն. ք.Երևան Չարենցի փողոց 135-րդ տուն) վերաբերյալ կազմվել է վարչական իրավախախտման վերաբերյալ արձանագրությունը (կից չլրացված վարչական իրավախախտման որոշում՝ 8180402257), այն մասին, որ վերջինս 2024թ. մայիսի 12-ին՝ ժամը 04:50-ին, Երևան քաղաքի Թամնցիների փողոցում վարել է «Կիա» մակնիշի 37 ST 889 հաշվառման համարանիշի ավտոմեքենան՝ ոչ սթափ վիճակում՝ չունենալով տրանսպորտային միջոց վարելու իրավունք: Արձանագրության համապատասխան տողերում առկա են ծանուցվողի (վարորդի) ու պարեկային ծառայողի ստորագրությունները:
Եփրեմ Լաչինյանին սթափության զննության ենթարկելու վերաբերյալ կտրոնի պատճենի զննությամբ պարզվել է, որ զննության սարքի համարն է 91101017, զննման համարը՝ 02101, 02101, զննման ամսաթիվը՝ 12.05.2024թ., ստուգումը կատարվել է ավտոմատ, ժամը 04:59:30-ին, ալկոհոլի պարունակությունը՝ 0.541մգ/լ, վարորդի անունը՝ Եփրեմ, ազգանունը՝ Լաչինյան տրանսպորտային միջոցի համարանիշը՝ 37 ST 889, ՀԾՀ 1814890912, Պ/Ծ-ի ազգանունը (Երիցյան, կրծքանշանի համար 05744): Սթափության զննության կտրոնի համապատասխան տողերում առկա են ստորագրություններ:
Առկա է նաև սթափության 91101017 համարի սարքի ստուգաչափման թիվ 113409 վկայականի պատճենը, որի զննությամբ պարզվեց, որ ստուգաչափման թվականն է 07.12.2023թ., այն ուժի մեջ է մինչև 07.12.2024թ.» Չափման միջոցի անվանումը և տեսակը՝ ալկոտեստեր, գործարանային համարը՝ 91101017 տեսակը՝ «Jupiter X/RP», չափման տիրույթը՝ (0.000-2.000մգ/լ), ճշտության կարգը և դասը (սխալանքը) 0+0,1±5%, 0.1-0.15+8%>0.15+10%, արտադրողը՝ Չինաստան, պատկանում է ՀՀ ՊԾ:
ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրում Եփրեմ Ալեքսանդրի Լաչինյանի տվյալների մուտքագրման արդյունքում պարզվել է, որ վերջինիս տրանսպորտային միջոցներ վարելու իրավունքի վերաբերյալ տվյալներ առկա չեն:
2024թ. մայիսի 1-ին ժամը՝ 03:58-ին, Երևան քաղաքի Իսակովի պողոտայում ՀՀ ոստիկանության պարեկային ծառայության Երևան քաղաքի գնդի պարեկ Սեդրակ Մարդոյանի (09808) կողմից Եփրեմ Ալեքսանդի Լաչինյանի (ծնվ. 08.06.1989թ., ՀԾՀ 1814890912, բն. ք. Երևան Շահումյան 4-րդ փողոց 28-րդ տուն) վերաբերյալ կազմվել է վարչական իրավախախտման վերաբերյալ արձանագրությունը (կից չլրացված վարչական իրավախախտման որոշում՝ 8180267494), այն մասին, որ վերջինս 2024թ. մայիսի 1-ին՝ ժամը 03:41-ին, Երևան քաղաքի Իսակովի պողոտայում վարել է «Տոյոտա» մակնիշի 682 CU 61 հաշվառման համարանիշի ավտոմեքենան՝ ոչ սթափ վիճակում՝ չունենալով տրանսպորտային միջոց վարելու իրավունք: Արձանագրության համապատասխան տողերում առկա են ծանուցվողի (վարորդի) ու պարեկային ծառայողի ստորագրությունները:
Եփրեմ Լաչինյանին սթափության զննության ենթարկելու վերաբերյալ կտրոնի պատճենի զննությամբ պարզվել է, որ զնն համարը՝ 01283, զննման ամսաթիվը՝ 01.05.2024թ., ստուգումը կատարվել է ավտոմատ, ժամը 03:57:31-ին, ալկոհոլի պարունակությունը՝ 0.276մգ/լ, վարորդի անունը՝ Եփրեմ, ազգանունը՝ զննության սարքի համարն է 91100909, զննման Լաչինյան տրանսպորտային միջոցի համարանիշը՝ 37 ST 889, անձ. AR0357890, Պ/Ծ-ի ազգանունը (Ղուկասյան, կրծքանշանի համար 01297): Սթափության զննության կտրոնի համապատասխան տողերում առկա են ստորագրություններ:
Առկա է նաև սթափության 91100909 համարի սարքի ստուգաչափման թիվ 115142 վկայականի պատճենը, որի զննությամբ պարզվեց, որ ստուգաչափման թվականն է 26.01.2024թ., այն ուժի մեջ է մինչև 26.01.2025թ.» Չափման միջոցի անվանումը և տեսակը՝ ալկոտեստեր, գործարանային համարը՝ 91100909 տեսակը՝ «Jupiter X/RP», չափման տիրույթը՝
(0.000-2.000໖q/1), 0-0,15%, 0.1-0.15±8%>0.15±10%, արտադրողը՝ Չինաստան, պատկանում է ՀՀ ՊԾ: ճշտության կարգը դասը (սխալանքը) և ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրում Եփրեմ Ալեքսանդրի Լաչինյանի տվյալների մուտքագրման արդյունքում պարզվել է, որ վերջինիս տրանսպորտային միջոցներ վարելու իրավունքի վերաբերյալ տվյալներ առկա չեն:
2024թ. հունիսի 19-ին ժամը՝ 23:19-ին, Երևան քաղաքի Վաղարշյան փողոցում ՀՀ ոստիկանության պարեկային ծառայության Երևան քաղաքի գնդի պարեկ Հրաչյա Սարդարյանի (06945) կողմից Եփրեմ Ալեքսանդի Լաչինյանի (ծնվ. 08.06.1989թ., ՀԾՀ 1814890912, բն. բն. ք. Երևան Չարենցի փողոց 135-րդ տուն) վերաբերյալ կազմվել է վարչական իրավախախտման վերաբերյալ արձանագրությունը (կից չլրացված վարչական իրավախախտման որոշում՝ 8180405780), այն մասին, որ վերջինս 2024թ. հունիսի 19-ին՝ ժամը 23:19-ին, Երևան քաղաքի Հրաչյա Քոչարի փողոցում վարել է «Տոյոտա» մակնիշի 37 QA 843 հաշվառման համարանիշի ավտոմեքենան՝ ոչ սթափ վիճակում՝ չունենալով տրանսպորտային միջոց վարելու իրավունք: Արձանագրության համապատասխան տողերում առկա են ծանուցվողի (վարորդի) ու պարեկային ծառայողի ստորագրությունները։
Եփրեմ Լաչինյանին սթափության զննության ենթարկելու վերաբերյալ կտրոնի պատճենի զննությամբ պարզվել է, որ զննության սարքի համարն է 91100878, զննման համարը՝ 01630, զննման ամսաթիվը` 19.06.2024թ., ստուգումը կատարվել է ավտոմատ, ժամը 23:23:36-ին, ալկոհոլի պարունակությունը՝ 0.133մգ/լ, վարորդի անունը՝ Եփրեմ, ազգանունը՝ Լաչինյան տրանսպորտային միջոցի համարանիշը՝ 37 ST 889, COS 1814890912, ՊԾ-ի ազգանունը (Փաշայան, կրծքանշանի համար 08367): Սթափության զննության կտրոնի համապատասխան տողերում առկա են ստորագրություններ։
Առկա է նաև սթափության 91100878 համարի սարքի ստուգաչափման թիվ 120894 վկայականի պատճենը, որի զննությամբ պարզվեց արդի ստուգաչափման թվականն է 05.04.2024թ., այն ուժի մեջ է մինչև 05.04.2025թ. Չափման միջոցի անվանումը և տեսակը՝ ալկոտեստեր, գործարանային համարը՝ 91100378 տեսակը՝ Jupiter X/RP», չափման տիրույթը՝ (0.000-2.000մգ/), ճշտության կարգը և դասը (սխալանքը) 0-0,1±5%, 0.1-0.158% 0.15±10%, արտադրողը՝ Չինաստան, պատկանում է ՀՀ ՊԾ։
ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրում Եփրեմ Ալեքսանդրի Լաչինյանի տվյալների մուտքագրման արդյունքում պարզվել է, որ վերջինիս տրանսպորտային միջոցներ վարելու իրավունքի վերաբերյալ տվյալներ առկա չեն: (տե´ս դատական նիստի արձանագրություն, քրեական գործ, 3-6-րդ, 15-18-րդ, 29-32-րդ, 42-44-րդ թերթեր)։
2024 թվականի սեպտեմբերի 6-ին կայացված արտավարութային փաստաթուղթ ճանաչելու մասին որոշմամբ, համաձայն որի՝ արտավարութային փաստաթուղթ են ճանաչվել՝ ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրում առկա Եփրեմ Ալեքսանդի Լաչինյանի վարորդական վկայականի վերաբերյալ տեղեկատվության քաղվածքի, Եփրեմ Ալեքսանդի Լաչինյանի վերաբերյալ 2024թ. մայիսի 12-ին՝ կազմված վարչական իրավախախտման վերաբերյալ արձանագրության (կից չլրացված վարչական իրավախախտման որոշում՝ 8180402257), Եփրեմ Լաչինյանին 2024 թվականի մայիսի 12-ին՝ սթափության զննության ենթարկելու վերաբերյալ 02101 զննման համարի կտրոնի, 91101017 համարի սարքի ստուգաչափման թիվ 113409 վկայականի, Եփրեմ Ալեքսանդի Լաչինյանի վերաբերյալ 2024թ. մայիսի 1-ին՝ կազմված վարչական իրավախախտման վերաբերյալ արձանագրության (կից չլրացված վարչական իրավախախտման որոշում՝ 8180267494), Եփրեմ Լաչինյանին 2024 թվականի մայիսի 1-ին՝ սթափության զննության ենթարկելու վերաբերյալ 01283 զննման համարի կտրոնի, 91100909 համարի սարքի ստուգաչափման թիվ 115142 վկայականի, Եփրեմ Ալեքսանդի Լաչինյանի վերաբերյալ 2024թ. հունիսի 19-ին՝ կազմված վարչական իրավախախտման վերաբերյալ արձանագրության (կից չլրացված վարչական իրավախախտման որոշում՝ 8180405780), Եփրեմ Լաչինյանին 2024 թվականի հունիսի 19-ին՝ սթափության զննության ենթարկելու վերաբերյալ 01630 զննման համարի կտրոնի, 91100878 համարի սարքի ստուգաչափման թիվ 120894 վկայականի պատճենները, որոնք կցվել են քրեական վարույթի նյութերին: (տե´ս դատական նիստի արձանագրություն, քրեական գործ, 45-47-րդ թերթ)։
Ե․Լաչինյանի դատավածության վերաբերյալ տեղեկանքը, որի համաձայն՝ Ե․Լաչինյանը նախկինում դատված, դատվածությունը մարված է (տե´ս դատական նիստի արձանագրություն 48-50-րդ թերթ):


3.Դատարանի իրավական վերլուծությունները
Դատարանը, վերլուծելով մեղադրյալ Եփրեմ Լաչինյանին առաջադրված մեղադրանքի հիմքում դրված և հիմնական դատալսումների ընթացքում հետազոտված վերոգրյալ ապացույցները՝ դրանք գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր կասկածները նրա օգտին մեկնաբանելով, հաստատված է համարում, որ Եփրեմ Լաչինյանը, օրենքով սահմանված կարգով չստանալով տրանսպորտային միջոցներ վարելու իրավունքի վարորդական վկայական, 2024 թվականի մայիսի 1-ին՝ ժամը 03:41-ի սահմաններում, գտնվելով ոչ սթափ վիճակում՝ մեկ լիտր արտաշնչած օդի մեջ 0.276 մգ/լ մաքուր ալկոհոլի պարունակությամբ, Երևան քաղաքի Ծ.Իսակովի պողոտայում վարել է «Toyota» մակնիշի, 682 CU 61 հաշվառման համարանիշի տրանսպորտային միջոցը։ Բացի այդ, Եփրեմ Լաչինյանը, օրենքով սահմանված կարգով չստանալով տրանսպորտային միջոցներ վարելու իրավունքի վարորդական վկայական, 2024 թվականի մայիսի 12-ին՝ ժամը 04:50-ի սահմաններում, գտնվելով ոչ սթափ վիճակում՝ մեկ լիտր արտաշնչած օդի մեջ 0.541 մգ/լ մաքուր ալկոհոլի պարունակությամբ, Երևան քաղաքի Թամանցիների փողոցում վարել է «Kia» մակնիշի, 37 ST 889 հաշվառման համարանիշի տրանսպորտային միջոցը։ Բացի այդ, Եփրեմ Լաչինյանը, օրենքով սահմանված կարգով չստանալով տրանսպորտային միջոցներ վարելու իրավունքի վարորդական վկայական, 2024 թվականի հունիսի 19-ին՝ ժամը 23:19-ի սահմաններում, գտնվելով ոչ սթափ վիճակում՝ մեկ լիտր արտաշնչած օդի մեջ 0.133 մգ/լ մաքուր ալկոհոլի պարունակությամբ, Երևան քաղաքի Հ. Քոչարի փողոցում վարել է «Toyota» մակնիշի, 37 QA 843 հաշվառման համարանիշի տրանսպորտային միջոցը:
Այսպիսով, Դատարանը գտնում է, որ սույն գործով ձեռք բերված հավաստի ապացույցների համակցությունը բավարար է հիմնավոր կասկածից վեր ապացուցողական չափանիշին համապատասխան հաստատված համարելու մեղադրյալ Ե․Լաչինյանի կողմից տրանսպորտային միջոց վարելու իրավունք չունենալու պարագայում ոչ սթափ վիճակում երեք անգամ տրանսպորտային միջոց վարելը, այդ արարքներն ապացուցված են, ճիշտ են որակված և համապատասխանում է 3 դրվագ ՀՀ քրեական օրենսգրքի 344-րդ հոդվածի 2-րդ մասի հատկանիշներին:
Անդրադառնալով մեղադրյալի նկատմամբ նշանակվելիք պատժի հարցին՝ Դատարանն արձանագրում է, որ անձի նկատմամբ պատժի տեսակ և չափ ընտրելիս, ինչպես նաև այն կրելու նպատակահարմարության հարցը լուծելիս պետք է ղեկավարվել ՀՀ քրեական օրենսգրքի մի շարք դրույթներով:
ՀՀ քրեական օրենսգրքի 55-րդ հոդվածի 2-րդ մասի համաձայն՝ «Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»։
ՀՀ քրեական օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ։ (․․․)»։
Պատժի նշանակման հիմնական կանոնները սահմանող իրավական նորմերը (նախկին օրենսգրքի) ՀՀ վճռաբեկ դատարանը վերլուծել և դրանց վերաբերյալ իրավական դիրքորոշումներ է հայտնել թիվ ՎԲ-50/07, ՎԲ-124/07, ՎԲ-142/07, ՎԲ-192/07, ՎԲ-201/07, ԱՎԴ2/0059/01/08, ԵԱՔԴ/0078/01/09 ԵԿԴ/0042/01/11, ինչպես նաև մի շարք այլ գործերով կայացված որոշումներում: Վճռաբեկ դատարանի ձևավորած կայուն նախադեպային իրավունքի համաձայն՝ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման: Քրեական օրենքը համընդհանուր բնույթ ունի, իսկ արարքը և այն կատարող անձը կոնկրետ են: Հետևաբար կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, այն կատարող անձի, պատիժը մեղմացնող և ծանրացնող հանգամանքների վերլուծության հիման վրա
Այսպես` Դատարանը մեղադրյալ Ե․Լաչինյանի նկատմամբ պատիժ նշանակելիս հաշվի է առնում նրան մեղսագրված հանցագործության՝ հանրության համար վտանգավորության աստիճանն ու բնույթը, այդ թվում՝ հանցանքի կատարման հանգամանքները և եղանակը, ինչպես նաև խախտված հասարակական հարաբերության սոցիալական նշանակությունը:
Դատարանը մեղադրյալ Ե․Լաչինյանի նկատմամբ պատիժ նշանակելիս հաշվի է առնում նաև նրա անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, որպես մեղադրյալ Ե․Լաչինյանի պատասխանատվությունն ու պատիժը մեղմացնող հանգամանք հաշվի է առնում այն, որ նա իրեն լիովին մեղավոր է ճանաչել և տվել խոստովանական ցուցմունքներ, անկեղծորեն զղջացել է կատարած արարքների համար:
Դատարանը, արձանագրում է, որ մեղադրյալ Ե․Լաչինյանի պատասխանատվությունն ու պատիժը ծանրացնող հանգամանքներ առկա չեն:
Դատարանը գտնում է, որ կատարած արարքների համար մեղադրյալ Ե․Լաչինյանը ենթակա է պատժի:
Դատարանը, հաշվի առնելով մեղադրյալ Ե․Լաչինյանի կատարած արարքների՝ հանրության համար վտանգավորության աստիճանն ու բնույթը, նրա անձը բնութագրող, պատասխանատվությունը և պատիժը մեղմացնող հանգամանքները, գտնում է, որ մեղադրյալ Ե․Լաչինյանն իր կատարած 3 դրվագ ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության համար ենթակա է պատժի տուգանքի ձևով՝ ՀՀ քրեական օրենսգրքի 344-րդ հոդվածի 2-րդ մասով՝ տուգանք՝ 450․000 (չորս հարյուր հիսուն հազար) ՀՀ դրամի չափով, ՀՀ քրեական օրենսգրքի 344-րդ հոդվածի 2-րդ մասով՝ տուգանք՝ 450․000 (չորս հարյուր հիսուն հազար) ՀՀ դրամի չափով, ՀՀ քրեական օրենսգրքի 344-րդ հոդվածի 2-րդ մասով՝ տուգանք՝ 450․000 (չորս հարյուր հիսուն հազար) ՀՀ դրամի չափով:
ՀՀ քրեական օրենսգրքի 74-րդ հոդվածի հիման վրա՝ նշանակված պատիժները լրիվ գումարելու միջոցով, նրա նկատմամբ վերջնական պատիժ պետք է նշանակել տուգանք՝ 1․350․000 (մեկ միլիոն երեք հարյուր հիսուն հազար) ՀՀ դրամի չափով։
Միաժամանակ ՀՀ քրեական օրենսգրքի 79-րդ հոդվածի 3-րդ մասի համաձայն՝ «Մինչև դատավճռի օրինական ուժի մեջ մտնելը, անկախ Հայաստանի Հանրապետության իրավազորությունից, փաստացի անազատության մեջ գտնվելու ժամկետը հաշվակցվում է կարճաժամկետ ազատազրկման, կարգապահական գումարտակում պահելու, ազատազրկման ձևով նշանակված պատժին` 1 օրը հաշվելով 1 օրվա դիմաց, ազատության սահմանափակման ձևով նշանակված պատժին՝ 1 օրը հաշվելով 2 օրվա դիմաց, իսկ հանրային աշխատանքների դեպքում՝ 1 օրը 8 ժամի դիմաց»:
Սույն գործով մեղադրյալ Ե․Լաչինյանն անազատության մեջ է գտնվել 2025 թվականի հունիսի 12-ից մինչև հուլիսի 15-ը, որպիսի ժամկետը պետք է հաշվակցել նրա նկատմամբ նշանակվելիք պատժի ժամկետին, և նրա նկատմամբ վերջնական պատիժ սահմանել տուգանք՝ 525․000 (հինգ հարյուր քսանհինգ հազար) ՀՀ դրամի չափով։
Դատարանն արձանագրում է, որ արտավարութային փաստաթուղթ ճանաչված և քրեական գործին կցված փաստաթղթերը պետք է թողնել կցված քրեական գործին՝ դատավճիռն օրինական ուժի մեջ մտնելուց հետո։
Քննարկելով մեղադրյալ Ե․Լաչինյանի նկատմամբ ընտրված խափանման միջոցի հարցը՝ Դատարանը գտնում է, որ վերջինիս նկատմամբ որպես խափանման միջոց ընտրված բացակայելու արգելքը պետք է թողնել անփոփոխ՝ մինչև դատավճռի օրինական ուժի մեջ մտնելը։
Ելնելով վերոգրյալից և ղեկավարվելով ՀՀ քրեական դատավարության օրենսգրքի 347-350-րդ հոդվածներով` Դատարանը

Վ Ճ Ռ Ե Ց

Եփրեմ Ալեքսանդրի Լաչինյանին մեղավոր ճանաչել 3 դրվագ ՀՀ քրեական օրենսգրքի 344-րդ հոդվածի 2-րդ մասով նախատեսված արարքների կատարման մեջ և նրա նկատմամբ պատիժ նշանակել․
ՀՀ քրեական օրենսգրքի 344-րդ հոդվածի 2-րդ մասով՝ տուգանք՝ 450․000 (չորս հարյուր հիսուն հազար) ՀՀ դրամի չափով:
ՀՀ քրեական օրենսգրքի 344-րդ հոդվածի 2-րդ մասով՝ տուգանք՝ 450․000 (չորս հարյուր հիսուն հազար) ՀՀ դրամի չափով:
ՀՀ քրեական օրենսգրքի 344-րդ հոդվածի 2-րդ մասով՝ տուգանք՝ 450․000 (չորս հարյուր հիսուն հազար) ՀՀ դրամի չափով:
ՀՀ քրեական օրենսգրքի 74-րդ հոդվածի հիման վրա՝ պատիժների լրիվ գումարելու միջոցով, մեղադրյալ Եփրեմ Ալեքսանդրի Լաչինյանի նկատմամբ վերջնական պատիժ նշանակել տուգանք՝ 1․350․000 (մեկ միլիոն երեք հարյուր հիսուն հազար) ՀՀ դրամի չափով:
ՀՀ քրեական օրենսգրքի 79-րդ հոդվածի հիման վրա՝ հաշվակցել Եփրեմ Ալեքսանդրի Լաչինյանի անազատության մեջ գտնվելու ժամանակահատվածը՝ 33 (երեսուներեք) օրը, և նրա նկատմամբ վերջնական պատիժ սահմանել տուգանք՝ 525․000 (հինգ հարյուր քսանհինգ հազար) ՀՀ դրամի չափով։
Մեղադրյալ Եփրեմ Ալեքսանդրի Լաչինյանի նկատմամբ որպես խափանման միջոց ընտրված բացակայելու արգելքը թողնել անփոփոխ՝ մինչև դատավճռի օրինական ուժի մեջ մտնելը։
Արտավարութային փաստաթղթերը թողնել կցված քրեական գործին դատավճիռն օրինական ուժի մեջ մտնելուց հետո։
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:


ԴԱՏԱՎՈՐ՝ Ս.ԳԶՈԳՅԱՆ