Գործ ԵԴ1/3099/01/24



Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
29.11.2024 թվական ք.Երևան

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ
ՔՐԵԱԿԱՆ ԴԱՏԱՐԱՆ

ԴԱՏԱՎՈՐ՝ Դ.ԲԱԼԱՅԱՆ
ՆԻՍՏԻ ՔԱՐՏՈՒՂԱՐՆԵՐ՝ Ա.ՄԱԼՈՅԱՆ
ՄԱՍՆԱԿՑՈՒԹՅԱՄԲ՝
ՀԱՆՐԱՅԻՆ ՄԵՂԱԴՐՈՂ` Ե.ԿԱՐԱՊԱՏՅԱՆ
ՄԵՂԱԴՐՅԱԼ՝ Մ.ՊԵՏՐՈՍՅԱՆ

Դռնբաց դատական նիստերում քննության առնելով վարույթն ըստ մեղադրանքի Մարտուն Վարդգեսի Պետրոսյանի՝ ծնված 07.01.1992 թվականին Երևան քաղաքում,
ազգությամբ հայ, ՀՀ քաղաքացի, միջնակարգ մասնագիտական կրթությամբ, ամուսնացած, խնամքին անչափահաս երեխա, չի աշխատում, դատվածություն չունեցող, բնակվում է՝ քաղաք Երևան Կ.Ուլնեցի փողոց, 1-ին փակուղի, 1-ին շենք, 55/1 կից հասցեում, որպես խափանման միջոց է ընտրված բացակայելու արգելքը, 20.11.2024 թվականին կայացվել է մեղադրական վերդիկտ ՀՀ քրեական օրենսգրքի 344-րդ հոդվածի 2-րդ մասով

I.Գործի դատավարական նախապատմությունը.

2024 թվականի մայիսի 18-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Հ.Կիրակոսյանը կազմել է արձանագրություն ՀՀ քրեական օրենսգրքի 344-րդ հոդվածի 2-րդ մասի հատկանիշներով թիվ 60522624 քրեական վարույթը նախաձեռնելու վերաբերյալ /հատոր 1-ին գ.թ. 10/:
2024 թվականի հոկտեմբերի 21-ին Երևան քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Ե.Կարապետյանը որոշում է կայացրել Մարտուն Վազգենի Պետրոսյանի նկատմամբ ՀՀ քրեական օրենսգրքի 344-րդ հոդվածի 2-րդ մասով հանրային քրեական հետապնդում հարուցելու մասին, այն արարքի կատարման համար, որ նա, տեղյակ լինելով ՀՀ ոստիկանության պարեկային ծառայությունում 2023 թվականի նոյեմբերի 12-ին իր վերաբերյալ կայացված վարչական իրավախախտման գործով թիվ 8180266743 որոշման, այն է՝ մեկ տարի ժամկետով՝ 2023 թվականի նոյեմբերի 12-ից մինչև 2024 թվականի նոյեմբերի 12-ն ընկած ժամանակահատվածում, տրանսպորտային միջոցներ վարելու իրավունքից զրկման մասին, 2024 թվականի մարտի 24-ին՝ ժամը 22:10-ի սահմաննեւոմ, Երևան քաղաքի Հրազդանի կիրճում գտնվելվ ոչ սթափ վիճակում (մեկ լիտր արտաշնչած օդի մեջ մաքուր ալկոհոլի պարունակությունը 0.332 միլիգրամ) վարել է «Օփել» մակնիշի 77 MP 797 հաշվառման համարանիշի տրանսպորտային միջոցը, որի վերաբերյալ ՀՀ ոստիկանության պարեկային ծառայության 2-րդ գումարտակի 2-րդ վաշտի պարեկի կողմից կազմվել է թիվ 8180402327 արձանագրությունը /հատոր 1-ին գ.թ. 27-28/:
2024 թվականի հոկտեմբերի 22-ին Մարտուն Պետրոսյանին ներկայացվել է մեղադրանքը և պարզաբանվել մեղադրյալի իրավունքներն ու պարտականությունները: Վերջինիս նկատմամբ որպես խափանման միջոց է ընտրվել բացակայելու արգելքը /հատոր 1-ին գ.թ. 29-30, 31, 32, 35-36/:
2024 թվականի հոկտեմբերի 30-ին կազմվել է մեղադրական եզրակացությունը /հատոր 1-ին գ.թ. 41-48/:
2024 թվականի նոյեմբերի 01-ին դատախազ Ե.Կարապետյանը որոշում է կայացրել մեղադրական եզրակացությունը հաստատելու մասին /հատոր 1-ին գ.թ. 51-52/:
2024 թվականի նոյեմբերի 04-ին քրեական գործը մուտք է եղել դատարան, էլեկտրոնային եղանակով մակագրվել և հաջորդ օրը հանձնվել է դատավոր Դ.Բալայանին /հատոր 1-ին գ.թ. 50, 53-54/:
2024 թվականի նոյեմբերի 06-ին որոշում է կայացվել քրեական գործը վարույթ ստանձնելու և նախնական դատալսումներ նշանակելու մասին /հատոր 1-ին գ.թ. 55/:
2024 թվականի նոյեմբերի 20-ին մեղադրյալ Մարտուն Պետրոսյանի նկատմամբ ՀՀ քրեական օրենսգրքի 344-րդ հոդվածի 2-րդ մասով կայացվել է մեղադրական վերդիկտ /հատոր 1-ին գ.թ.59/:

II. Հիմնական դատալսումների ընթացքում հետազոտված թույլատրելի ապացույցները.
1. 07.10.2024 թվականին զննություն կատարելու մասին կազմված արձանագրության համաձայն՝ քննիչը զննության է ենթարկել սույն դատակական ակտի 2-7-րդ կետերում թվարկված փաստաթղթերը, որոնք ճանաչվել են որպես արտավարութային ապացույց /հատոր 1-ին գ.թ. 14-16, 17-18/:
2. 24.03.2024թ. կազմված վարչական իրավախախտման վերաբերյալ թիվ 8180402327 արձանագրության պատճենի համաձայն՝ Մարտուն Պետրոսյանը տրանսպորտային միջոց վարելու իրավունքից զրկված և գտնվելով ոչ սթափ վիճակում, նույն օրը՝ ժամը 22:20-ին, Երևան քաղաքի Հրազդանի կիրճում, վարել է «Օփել» մակնիշի 77 MP 797 հաշվառման համարանիշի ավտոմեքենան /հատոր 1-ին գ.թ. 3/:
3. Սթափության վիճակի ստուգման կտրոնի պատճենի համաձայն՝ Մարտուն Պետրոսյանի սթափության վիճակի ստուգումը կատարվել է թիվ 91101065 «Jupiter X/RP» տեսակի ստուգաչափման սարքով, ստուգումը կատարվել է 24.03.2024 թվականին, ալկոհոլի պարունակությունը կազմել է 0.332 մգ/լ /հատոր 1-ին գ.թ. 4/:
4. ՀՀ Էկոնոմիկայի նախարարության «Ստանդարտաֆիկացման և չափագիտության ազգային մարմին» ՓԲԸ-ն կողմից տրված թիվ N110907 ստուգաչափման վկայականի պատճենի համաձայն՝ «Ալկոտեստեր» անվանման, «Jupiter X/RP» տեսակի ստուգաչափման՝ թիվ 91101065 սարքը, ստուգաչափում է անցել 13.11.2023 թվականին և ուժի մեջ է մինչև 07.11.2024 թվականը, դրա չափման տիրույթը 0,000-2000 մգ/լ է, իսկ ճշտության դասը /սխալանքը/ +- 10% է /հատոր 1-ին գ.թ. 5/:
5. Ճանապարհային ոստիկանության էլեկտրոնային ռեգիստրի տվյալների համաձայն Մարտուն Պետրոսյանը տրասնպորտային միջոց վարելու իրավունքի վկայականից զրկվել է 2023 թվականի նոյեմբերի 12-ից մինչև 2024 թվականի նոյեմբերի 12-ը /հատոր 1-ին գ.թ. 6/։
6. Վարչական իրավախախտման վերաբերյալ թիվ 8180266743 արձանագրության պատճենի համաձայն՝ Մարտուն Պետրոսյանը 2023 թվականի նոյեմբերի 12-ին Երևան քաղաքի Մամիկոնյանց փողոցում ոչ սթափ վիճակում վարել է տրանսպորտային միջոց: Մարտուն Պետրոսյանը զրկվել է տրանսպորտային միջոցներ վարելու իրավունքից 1 տարի ժամկետով /հատոր 1-ին գ.թ. 7/:
7. Սթափության վիճակի ստուգման կտրոնի պատճենի համաձայն՝ Մարտուն Պետրոսյանի սթափության վիճակի ստուգումը կատարվել է թիվ 91101227 «Jupiter X/RP» տեսակի ստուգաչափման սարքով, ստուգումը կատարվել է 12.11.2023 թվականին, ալկոհոլի պարունակությունը կազմել է 0,590 մգ/լ /հատոր 1-ին գ.թ. 8/:
8. Մեղադրյալ Մարտուն Պետրոսյանը ներկայացված մեղադրանքում իրեն մեղավոր ճանաչեց և օգտվելով իր իրավունքից հրաժարվեց ցուցմունք տալ /դատական նիստի արձանագրություն/:

III.Դատարանի պատճառաբանությունը և եզրահանգումները.

Հիմնական դատալսումների ընթացքում պատշաճ իրավական ընթացակարգով հետազոտված ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով, դատարանը հաստատված է համարում, որ Մարտուն Պետրոսյանը մեղավորությամբ կատարել է իրեն մեղսագրված արարքը, որի նկատմամբ կիրառելի է ՀՀ քրեական օրենսգրքի 344-րդ հոդվածի 2-րդ մասը:
Դատարանը հաստատված համարելով հանցագործության և դրա կատարման մեջ Մարտուն Պետրոսյանի մեղքի ապացուցված լինելը, գտնում է, որ նա ենթակա է պատժի կատարածի համար:
Դատարանը դատապարտված մեղադրյալի նկատմամբ պատիժ նշանակելիս հաշվի է առնում ինչպես նրա կատարած հանցագործության բնույթը, եղանակն ու նպատակը, դիտավորության աստիճանը, հանցավորի վերասոցիալականացման և իրավահպատակ վարքագծի ձևավորման գործընթացի վրա ազդեցությունը, այնպես էլ նրա անձը բնութագրող տվյալները, այն որ երիտասարդ է, ունի ընտանիք, դատապարտված չի եղել /հատոր 1-ին գ.թ. 66, 68-69/:
Դատարանը ղեկավարվելով ՀՀ քրեական օրենսգրքի 70-րդ հոդվածի 1-ին մասի 4-րդ կետով, որպես Մարտուն Պետրոսյանի պատասխանատվությունը և պատիժը մեղմացնող հանգամանք հաշվի է առնում, նրա խնամքին գտնվող անչափահաս երեխայի՝ 23.07.2018 թվականին ծնված Վազգեն Մարտուն Պետրոսյանի առկայությունը /հատոր 1-ին գ.թ. 70-71/:
Դատարանն արձանագրում է, որ դատապարտված մեղադրյալի պատասխանատվությունը կամ պատիժը ծանրացնող հանգամանք առկա չէ:
Դատարանը՝ հաշվի առնելով Մարտուն Պետրոսյանի անձը բնութագրող տվյալները, նրա պատասխանատվությունն ու պատիժը մեղմացնող հանգամանքի առկայությունը և ծանրացնող հանգամանքի բացակայությունն ու ղեկավարվելով ՀՀ քրեական օրենսգրքի 7-րդ հոդվածի 1-ին, 55-րդ և 69-րդ հոդվածներով գտնում է, որ նրա նկատմամբ որպես պատիժ պետք է նշանակել ՀՀ քրեական օրենսգրքի 344-րդ հոդվածի 2-րդ մասի սանկցիայով նախատեսված ամենամեղմ պատժատեսակը՝ տուգանքը:
Հաշվի առնելով այն հանգամանքը, որ մեղադրյալն չունի աշխատանք և եկամուտ, դատարանն արձանագրում է, որ տուգանքի չափի հաշվարկը պետք է իրականացվի ՀՀ քրեական օրենսգրքի 59-րդ հոդվածի 5-րդ մասով սահմանված կարգով՝ «Նվազագույն ամսական աշխատավարձի մասին» ՀՀ օրենքով սահմանված նվազագույն ամսական աշխատավարձի չափով: Հիմք ընդունելով, որ «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն ՀՀ-ում ամսական նվազագույն աշխատավարձը սահմանված է 75.000 ՀՀ դրամը՝ դատարանը գտնում է, որ մեղադրյալ Մարտուն Պետրոսյանի նկատմամբ պետք է նշանակել ՀՀ քրեական օրենսգրքի 344-րդ հոդվածի 2-րդ մասի սանկցիայով նախատեսված տուգանքի նվազագույն չափը՝ տուգանք նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով։
Միևնույն ժամանակ՝ հաշվի առնելով, որ դատաքննության ընթացքում մեղադրյալը խնդրել է իր նկատմամբ տուգանքի ձևով պատիժ նշանակելու դեպքում դրա վճարումը տարաժամկետել, դատարանը գտնում է, որ Մարտուն Պետրոսյանն ի վիճակի չէ անհապաղ և ամբողջությամբ վճարել տուգանքը: ՀՀ քրեական օրենսգրքի 59-րդ հոդվածի 8-րդ մասի համաձայն՝ եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ Դատարանը գտնում է, որ մեղադրյալի նկատմամբ նշանակված տուգանքը վճարելու համար պետք է սահմանել 5 ամիս ժամկետ՝ յուրաքանչյուր ամիս 75.000 ՀՀ դրամ վճարելու պայմանով: Միաժամանակ դատարանն արձանագրում է, որ վճարման մեկ տարի ժամկետի սահմանումը, կոնկետ դեպքում, երակարաժմկետ է և չի կարող ծառայել պատժի նպատակների իրագործմանը:
Քննության առնելով դատապարտված մեղադրյալի նկատմամբ ընտրված խափանման միջոցի հարցը՝ դատարանը գտնում է, որ այն պետք է վերացնել դատավճռի օրինական ուժի մեջ մտնելուց հետո:
Դատարանը արձանագրում է նաև, որ դատապարտված մեղադրյալից բռնագանձման ենթակա չեն ՀՀ քրեական դատավարության օրենսգրքի 167-րդ հոդվածի 1-ին մասի 1-7-րդ կետերով նախատեսված վարութային ծախսերը՝ նկատի ունենալով այն հանգամանքը, որ նույն հոդվածի 2-րդ մասի համաձայն՝ հանրային մեղադրանքով վարութային ծախսերը վճարվում են պետական միջոցների հաշվին:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 9-րդ, 347-349-րդ հոդվածներով, դատարանը

Վ Ճ Ռ Ե Ց

Մարտուն Վազգենի Պետրոսյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված արարքում և պատիժ նշանակել` տուգանք՝ ամսական եկամտի հնգապատիկի՝ 375.000 ՀՀ դրամի չափով:
Տուգանքը վճարելու համար սահմանել 5 ամիս ժամկետ՝ յուրաքանչյուր ամիս 75.000-ական ՀՀ դրամ վճարելու պայմանով:
Մարտուն Պետրոսյանի նկատմամբ ընտրված խափանման միջոցը՝ բացակայելու արգելքը, վերացնել՝ դատավճռի օրինական ուժի մեջ մտնելուց հետո:
Վարութային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան ստանալու օրվանից հետո՝ մեկամսյա ժամկետում:

ԴԱՏԱՎՈՐ Դ.ԲԱԼԱՅԱՆ