ԵԴ1/3102/01/24







Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

Հայաստանի Հանրապետության Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան),

Նախագահող դատավոր Ս.ԳԶՈԳՅԱՆԻ
քարտուղարությամբ Լ.ՉՈԲԱՆՅԱՆԻ
մասնակցությամբ
հանրային մեղադրող Ա․ԴԱՎԹՅԱՆԻ
մեղադրյալ Ա․ՊԵՏՐՈՍՅԱՆԻ


2025 թվականի մարտի 21-ին, Երևան քաղաքում, դռնբաց դատական նիստում, քննելով քրեական գործն ըստ մեղադրանքի`
Արտակ Աղվանի Պետրոսյանի՝ ծնված 1979 թվականի հունվարի 28-ին, ք․Երևան, հայ, ՀՀ քաղաքացի, թերի բարձրագույն կրթությամբ, դատվածություն չունեցող, ամուսնացած, ըստ իր հայտարարության՝ խնամքին երեք անչափահաս երեխա, զբաղվում է շինարարությամբ, հաշվառված է և բնակվում է ք․Երևան, Քանաքեռ 15-րդ փողոց, 17-րդ տուն հասցեում, մեղադրանք է առաջադրվել 2 դրվագ ՀՀ քրեական օրենսգրքի 344-րդ հոդվածի 1-ին մասով, որպես խափանման միջոց է ընտրվել բացակայելու արգելքը,

ՊԱՐԶԵՑ

1.Գործի դատավարական նախապատմությունը
2023 թվականի փետրվարի 16-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60832323 քրեական վարույթը:
2023 թվականի հոկտեմբերի 12-ին ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60-0201-23 քրեական վարույթը:
2023 թվականի հոկտեմբերի 30-ի որոշմամբ թիվ 60020123 քրեական վարույթը միացվել է թիվ 60832323 քրեական վարույթին, վարույթը շարունակվել թիվ 60832323 համարով։
Նախաքննության մարմնի 2024 թվականի սեպտեմբերի 20-ի որոշմամբ թիվ 60832323 քրեական վարույթով մեղադրյալ Արտակ Աղվանի Պետրոսյանի նկատմամբ հանրային քրեական հետապնդումը կասեցվել է մեղադրյալի գտնվելու վայրը անհայտ լինելու պատճառով։
Նախաքննության մարմնի 2024 թվականի հոկտեմբերի 23-ի որոշմամբ թիվ 60832323 քրեական վարույթով մեղադրյալ Արտակ Աղվանի Պետրոսյանի նկատմամբ հանրային քրեական հետապնդման ժամկետը վերսկսվել է։
2024 թվականի սեպտեմբերի 13-ի որոշմամբ Արտակ Աղվանի Պետրոսյանի նկատմամբ քրեական հետապնդում է հարուցվել 2 դրվագ ՀՀ քրեական օրենսգրքի 344-րդ հոդվածի 1-ին մասով այն արարքների համար, որ նա, տրանսպորտային միջոցներ վարելու իրավունքից մեկ տարի ժամկետով՝ 2022 թվականի նոյեմբերի 29-ից մինչև 2023 թվականի նոյեմբերի 29-ը, զրկված լինելու և այդ մասին նախապես տեղյակ լինելու պայմաններում, 2023 թվականի հունվարի 4-ին՝ ժամը 13:50-ի սահմաններում, Երևան քաղաքի Րաֆֆու փողոցում, վարել է «Նիսսան» մակնիշի 36 VS 890 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Երևան քաղաքի գնդի 2-րդ գումարտակի 3-րդ վաշտի կրտսեր պարեկ Մերի Վառյանի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180167494 արձանագրությունը։
Այսինքն՝ Արտակ Աղվանի Պետրոսյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարում։
Բացի այդ՝ Արտակ Աղվանի Պետրոսյանը, տրանսպորտային միջոցներ վարելու իրավունքից մեկ տարի ժամկետով՝ 2022 թվականի նոյեմբերի 29-ից մինչև 2023 թվականի նոյեմբերի 29-ը, զրկված լինելու և այդ մասին նախապես տեղյակ լինելու պայմաններում, 2023 թվականի օգոստոսի 20-ին՝ ժամը 05:10-ի սահմաններում, Երևան քաղաքի Տ.Պետրոսյան փողոցում, վարել է «Նիսսան» մակնիշի 36 VS 890 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Երևան քաղաքի գնդի 4-րդ գումարտակի 1-ին վաշտի կրտսեր պարեկ Լևոն Բաղդասարյանի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180261290 արձանագրությունը։
Այսինքն՝ Արտակ Աղվանի Պետրոսյանին մեղսագրվում է ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի կատարում:
Այսպիսով՝ Արտակ Աղվանի Պետրոսյանին մեղսագրվում է երկու դրվագ ՀՀ քրեական օրենսգրքի 344-րդ հոդվածի 1-ին մասով նախատեսված հանցանքների կատարում։
2024 թվականի սեպտեմբերի 16-ի որոշմամբ Արտակ Աղվանի Պետրոսյանի նկատմամբ խափանման միջոց է ընտրվել բացակայելու արգելքը:
2024 թվականի նոյեմբերի 4-ին քրեական գործը մեղադրական եզրակացությամբ ստացվել է Երևան քաղաքի առաջին ատյանի ընդհանուր իրավասության քրեական դատարանում, գործին շնորհվել է ԵԴ1/3102/01/24 համարը:
2024 թվականի նոյեմբերի 6-ին Դատարանի դատավոր Ս.Գզոգյանը որոշում է կայացրել վարույթը ստանձնելու և նախնական դատալսումներ նշանակելու մասին։
2025 թվականի մարտի 21-ին Դատարանը Արտակ Աղվանի Պետրոսյանի նկատմամբ կայացրել է մեղադրական վերդիկտ։


2.Դատարանում հետազոտված և գնահատված ապացույցներ
Դատական վարույթի ընթացքում՝ Արտակ Աղվանի Պետրոսյանը որպես մեղադրյալ հարցաքննվելիս ցուցմունք է տվել այն մասին, որ ինքն է վարել մեքենան, ինքը նախկինում Երևանում չի ապրել, Արցախում է ապրել, այստեղ տաքսի է վարել, քանի որ իր ընտանիքի միակ եկամուտը տաքսի վարելն էր, ինքը շարունակել է վարել, բայց այս պահին չի վարում, քանի որ ուրիշ աշխատանք ունի, շարունակել է վարել, քանի որ մտածել է, որ մեկ տարին լրացել է։ Դեպքի մանրամասները լավ չի հիշում։ Ինքը իրեն մեղավոր է ճանաչում երկու դեպքում էլ (տե´ս 2025 թվականի մարտի 21-ի դատական նիստի արձանագրություն)։
Հիմնական դատալսումների ընթացքում հետազոտվել են հետևյալ գրավոր ապացույցները.
Զննություն կատարելու մասին արձանագրությունը, որի համաձայն՝ զննության է ենթարկվել վարչական իրավախատման վերաբերյալ կազմված թիվ 8200367467 արձանագրությունը, որը գտնվում է քրեական վարույթի 3-րդ և 16-րդ էջերում։ Քննությամբ պարզվել է, որ 2022 թվականի նոյեմբերի 29-ին ՀՀ ոստիկանության պարեկ Գոռ Բաբայանը Արտակ Աղվանի Պետրոսյանի վերաբերյալ կազմել է վարչական իրավախախտման արձանագրություն այն բանի համար, որ նա 29.11.2022 թվականին ժամը 15:10-ին Նիսսան Բլյուբերդ մակնիշի 36 VS 890 հաշվառման համարանիշի ավտոմեքենան վարելիս՝ ընթացքի ժամանակ օգտագործել է ծխախոտային արտադրատեսակ: Տրանսպորտային միջոցներ վարելու իրավունքի կասեցման ժամկետը լրանալուց հետո` մեկ տարվա ընթացքում, իրավախախտման համար նախատեսված տուգանային միավորի և տվյալ տարում վարորդի նկատմամբ կիրառված տուգանային միավորների հանրագումարը 9 կամ ավելի միավոր կազմելու դեպքում։ Արձանագրության ծանոթացման հատվածում առկա է Արտակ Աղվանի Պետրոսյան 1979-01- 28 գրառումը և ստորգրություն։ Այնուհետև առկա է 8200367467 որոշումը, համաձայն որի, վերը նկարագրված իրավախախտման համար ՎԻՎ ՀՀ օրենսգրքի 129.3-րդ հոդվածի 2-րդ մասի համաձայն քաղաքացի Արտակ Աղվանի Պետրոսյանը զրկվել է տրանսպորտային միջոցներ վարելու իրավունքից 1 տարի ժամկետով: Որոշման պատճենը և այդ մասին քաղվածքը ստանալու համար նախատեսված հատվածում առկա է ստորագրություն: Վարչական իրավախախտման վերաբերյալ կազմված թիվ 8180167494 արձանագրությունը, այն է՝ ՀՀ ոստիկանության ՊԾ 2-րդ գումարտակի 3-րդ վաշտի կրտսեր պարեկ, ոստիկանության սերժանտ Մերի Արշակի Վասոյանը 04.01.2023 թվականին՝ ժամը 14:01-ին կազմել է 8180167494 վարչական իրավախախտման վերաբերյալ արձանագրությունն այն բանի համար, որ Արտակ Աղվանի Պետրոսյանը /28.01.1973 թ., բնակվող Զովունի 37 փ. 17/1 տ./ Լուսիկ Հենրիկի Սահակյանի անվամբ գրանցված Նիսսան մակնիշի 36 VS 890 հաշվառման համարանիշի ավտոմեքենան՝ Երևան քաղաքի Րաֆֆու փողոցում, նույն օրը` ժամը 13:50-ին վարել է տրանսպորտային միջոցներ վարելու իրավունքից զրկված վիճակում։ Վարչական իրավախախտում կատարած անձի բացատրություն, դիտողություն, ստորագրություն հատվածում առկա է ստորագրություն, միևնույն ստորագրությունից առկա է նաև արձանագրությ ձանագրության ստացման, իրավունքների պարտականությունների մասին քաղվածքի և խախտման քննարկման վայրի ու ժամանակի վերաբերյալ ծանուցման հատվածում: Վարչական իրավախախտման վերաբերյալ կազմված թիվ 8180261290 արձանագրությունը, այն է՝ ՀՀ ոստիկանության ՊԾ ԵՔԳ 4-րդ գումարտակի 1-ին վաշտի կրտսեր պարեկ, ոստիկանության ավագ սերժանտ Լևոն Մկրտչի Բաղդասարյանը 20.08.2023 թվականին՝ ժամը 05:19-ին կազմել է 8180261290 վարչական իրավախախտման վերաբերյալ արձանագրությունն այն բանի համար, որ Արտակ Աղվանի Պետրոսյանը /28.01.1973 թ., բնակվող Կոտայքի մարզ Զովունի 37 փ. 17/1 տ Լուսիկ Սահակյանի անվամբ գրանցված Նիսսան մակնիշի 36 VS 890 հաշվառման համարանիշի ավտոմեքենան, Երևան քաղաքի Տ. Պետրոսյան փողոցում, նույն օրը՝ ժամը 05:10-ին, վարել է տրանսպորտային միջոցներ վարելու իրավունքից զրկված վիճակում: Վարչական իրավախախտում կատարած անձի բացատրություն, դիտողություն, ստորագրություն հատվածում առկա է ստորագրություն, միևնույն ստորագրությունից` առկա է նաև արձանագրության ստացման, իրավունքների ու պարտականությունների մասին քաղվածքի և խախտման քննարկման վայրի ու ժամանակի վերաբերյալ ծանուցման հատվածում։
Ճանապարհային ոստիկանության էլեկտրոնային ռեսգիստրից արտատպված՝ Արտակ Աղվանի Պետրոսյանի վարորդական վկայականի վերաբերյալ առկա տեղակտվությունը, որոնք գտնվում են քրեական վարույթի 4-րդ և 17-րդ էջերում։ Զննությամբ պարզվել է, որ Արտակ Աղվանի Պետրոսյանի /անձնագիր` AM0288957, ՀԾԸ 3801790177, ծնված 28-01-1979, բնակվող ք. Երևան Կուրղինյան փ. 23 շ. 31 բն./ B և C կարգերի RB 460871 վարորդական վկայականը, թողարկված՝ 03-06-2019 թ, գտնվում է զրկված վիճակում, սկիզբը՝ 29-11-2022 թ, ավարտ՝ 29-11-2023 թ, պարզվել է նաև, որ վերը նշված վարորդական վկայականը եղել է նաև կասեցված վիճակում, սկիզբը՝ 11-09-2021 թ., ավարտը՝ 11-03-2022 թ.։ (տե´ս դատական նիստի արձանագրություն, քրեական գործ 28-29-րդ թերթեր):
Ա․Պետրոսյանի դատավածության վերաբերյալ տեղեկանքը, որի համաձայն՝ Ա․Պետրոսյանը նախկինում դատված, դատվածությունը մարված է (տե´ս դատական նիստի արձանագրություն):


3.Դատարանի իրավական վերլուծությունները
Դատարանը, վերլուծելով մեղադրյալ Ա․Պետրոսյանին առաջադրված մեղադրանքի հիմքում դրված և հիմնական դատալսումների ընթացքում հետազոտված վերոգրյալ ապացույցները՝ դրանք գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր կասկածները նրա օգտին մեկնաբանելով, հաստատված է համարում, որ Արտակ Աղվանի Պետրոսյանը, տրանսպորտային միջոցներ վարելու իրավունքից մեկ տարի ժամկետով՝ 2022 թվականի նոյեմբերի 29-ից մինչև 2023 թվականի նոյեմբերի 29-ը, զրկված լինելու և այդ մասին նախապես տեղյակ լինելու պայմաններում, 2023 թվականի հունվարի 4-ին՝ ժամը 13:50-ի սահմաններում, Երևան քաղաքի Րաֆֆու փողոցում, վարել է «Նիսսան» մակնիշի 36 VS 890 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Երևան քաղաքի գնդի 2-րդ գումարտակի 3-րդ վաշտի կրտսեր պարեկ Մերի Վառյանի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180167494 արձանագրությունը։ Բացի այդ, Արտակ Աղվանի Պետրոսյանը, տրանսպորտային միջոցներ վարելու իրավունքից մեկ տարի ժամկետով՝ 2022 թվականի նոյեմբերի 29-ից մինչև 2023 թվականի նոյեմբերի 29-ը, զրկված լինելու և այդ մասին նախապես տեղյակ լինելու պայմաններում, 2023 թվականի օգոստոսի 20-ին՝ ժամը 05:10-ի սահմաններում, Երևան քաղաքի Տ.Պետրոսյան փողոցում, վարել է «Նիսսան» մակնիշի 36 VS 890 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Երևան քաղաքի գնդի 4-րդ գումարտակի 1-ին վաշտի կրտսեր պարեկ Լևոն Բաղդասարյանի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180261290 արձանագրությունը։
Այսպիսով, Դատարանը գտնում է, որ սույն գործով ձեռք բերված հավաստի ապացույցների համակցությունը բավարար է հիմնավոր կասկածից վեր ապացուցողական չափանիշին համապատասխան հաստատված համարելու մեղադրյալ Ա․Պետրոսյանի կողմից երկու անգամ տրանսպորտային միջոց վարելը դրանից զրկված լինելու պայմաններում, այդ արարքներն ապացուցված են, ճիշտ են որակված և համապատասխանում է 2 դրվագ ՀՀ քրեական օրենսգրքի 344-րդ հոդվածի 1-ին մասի հատկանիշներին:
Անդրադառնալով մեղադրյալի նկատմամբ նշանակվելիք պատժի հարցին՝ Դատարանն արձանագրում է, որ անձի նկատմամբ պատժի տեսակ և չափ ընտրելիս, ինչպես նաև այն կրելու նպատակահարմարության հարցը լուծելիս պետք է ղեկավարվել ՀՀ քրեական օրենսգրքի մի շարք դրույթներով:
ՀՀ քրեական օրենսգրքի 55-րդ հոդվածի 2-րդ մասի համաձայն՝ «2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»։
ՀՀ քրեական օրենսգրքի 69-րդ հոդվածի համաձայն՝ «1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ։ (․․․)»։
Պատժի նշանակման հիմնական կանոնները սահմանող իրավական նորմերը (նախկին օրենսգրքի) ՀՀ վճռաբեկ դատարանը վերլուծել և դրանց վերաբերյալ իրավական դիրքորոշումներ է հայտնել թիվ ՎԲ-50/07, ՎԲ-124/07, ՎԲ-142/07, ՎԲ-192/07, ՎԲ-201/07, ԱՎԴ2/0059/01/08, ԵԱՔԴ/0078/01/09 ԵԿԴ/0042/01/11, ինչպես նաև մի շարք այլ գործերով կայացված որոշումներում: Վճռաբեկ դատարանի ձևավորած կայուն նախադեպային իրավունքի համաձայն՝ պատժի արդարությունը դրսևորվում է հանցագործության և քրեաիրավական ներգործության միջոցների (պատժի) համաչափության ապահովմամբ: Պատիժն արդարացի է, եթե համաչափ է կատարված հանցագործությանը, ինչպես նաև բավարար պատժի նպատակներին հասնելու տեսանկյունից: Պատժի արդարության պահանջներից նահանջելը կարող է հանգեցնել չափազանց մեղմ կամ չափազանց խիստ պատժի նշանակման: Քրեական օրենքը համընդհանուր բնույթ ունի, իսկ արարքը և այն կատարող անձը կոնկրետ են: Հետևաբար կոնկրետ գործով պատիժ նշանակելիս դատարանի ներքին համոզմունքը ձևավորվում է կատարված արարքի հանրային վտանգավորության բնույթի ու աստիճանի, այն կատարող անձի, պատիժը մեղմացնող և ծանրացնող հանգամանքների վերլուծության հիման վրա։
Այսպես` Դատարանը մեղադրյալ Ա․Պետրոսյանի նկատմամբ պատիժ նշանակելիս հաշվի է առնում նրան մեղսագրված հանցագործության՝ հանրության համար վտանգավորության աստիճանն ու բնույթը, այդ թվում՝ հանցանքի կատարման հանգամանքները և եղանակը, ինչպես նաև խախտված հասարակական հարաբերության սոցիալական նշանակությունը:
Դատարանը մեղադրյալ Ա․Պետրոսյանի նկատմամբ պատիժ նշանակելիս հաշվի է առնում նաև նրա անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները:
Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, որպես մեղադրյալ Ա․Պետրոսյանի պատասխանատվությունն ու պատիժը մեղմացնող հանգամանք հաշվի է առնում այն, որ նա իրեն լիովին մեղավոր է ճանաչել և տվել խոստովանական ցուցմունքներ, անկեղծորեն զղջացել է կատարած արարքների համար:
Դատարանը, արձանագրում է, որ մեղադրյալ Ա․Պետրոսյանի պատասխանատվությունն ու պատիժը ծանրացնող հանգամանքներ առկա չեն:
Դատարանը գտնում է, որ կատարած արարքների համար մեղադրյալ Ա․Պետրոսյանը ենթակա է պատժի:
Դատարանը, հաշվի առնելով մեղադրյալ Արտակ Աղվանի Պետրոսյանի կատարած արարքների՝ հանրության համար վտանգավորության աստիճանն ու բնույթը, նրա անձը բնութագրող, պատասխանատվությունը և պատիժը մեղմացնող հանգամանքները, գտնում է, որ մեղադրյալ Արտակ Աղվանի Պետրոսյանն իր կատարած 2 դրվագ ՀՀ քրեական օրենսգրքի 344-րդ հոդվածի 1-ին մասով նախատեսված հանցագործության համար ենթակա է պատժի տուգանքի ձևով՝ ՀՀ քրեական օրենսգրքի 344-րդ հոդվածի 1-ին մասով՝ տուգանք՝ 375․000 (երեք հարյուր յոթանասունհինգ հազար) ՀՀ դրամի չափով և 344-րդ հոդվածի 1-ին մասով՝ տուգանք՝ 375․000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի հիման վրա՝ պատիժների լրիվ գումարելու միջոցով, մեղադրյալ Արտակ Աղվանի Պետրոսյանի նկատմամբ վերջնական պատիժ նշանակել տուգանք՝ 750․000 (յոթ հարյուր հիսուն հազար) ՀՀ դրամի չափով:
ՀՀ քրեական օրենսգրքի 59-րդ հոդվածի հիման վրա՝ նրա նկատմամբ նշանակված տուգանքը տարաժամկետել 10 (տաս) ամիս ժամկետով և թույլատրել տուգանքը վճարել մաս առ մաս՝ յուրաքանչյուր ամիս 75․000 (յոթանասուն հինգ հազար) ՀՀ դրամի չափով։
Դատարանն արձանագրում է, որ արտավարութային փաստաթուղթ ճանաչված և քրեական գործին կցված փաստաթղթերը պետք է թողնել կցված քրեական գործին՝ դատավճիռն օրինական ուժի մեջ մտնելուց հետո։
Քննարկելով մեղադրյալ Ա․Պետրոսյանի նկատմամբ ընտրված խափանման միջոցի հարցը՝ Դատարանը գտնում է, որ վերջինիս նկատմամբ որպես խափանման միջոց ընտրված բացակայելու արգելքը, պետք է թողնել անփոփոխ՝ մինչև դատավճռի օրինական ուժի մեջ մտնելը, որից հետո վերացնել:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 347-350-րդ հոդվածներով` Դատարանը

Վ Ճ Ռ Ե Ց

Արտակ Աղվանի Պետրոսյանին մեղավոր ճանաչել 2 դրվագ ՀՀ քրեական օրենսգրքի 344-րդ հոդվածի 1-ին մասով նախատեսված արարքների կատարման մեջ և նրա նկատմամբ պատիժ նշանակել․
ՀՀ քրեական օրենսգրքի 344-րդ հոդվածի 1-ին մասով՝ տուգանք՝ 375․000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 344-րդ հոդվածի 1-ին մասով՝ տուգանք՝ 375․000 (երեք հարյուր յոթանասունհինգ հազար) ՀՀ դրամի չափով:
ՀՀ քրեական օրենսգրքի 74-րդ հոդվածի հիման վրա՝ պատիժների լրիվ գումարելու միջոցով, մեղադրյալ Արտակ Աղվանի Պետրոսյանի նկատմամբ վերջնական պատիժ նշանակել տուգանք՝ 750․000 (յոթ հարյուր հիսուն հազար) ՀՀ դրամի չափով:
ՀՀ քրեական օրենսգրքի 59-րդ հոդվածի հիման վրա՝ նրա նկատմամբ նշանակված տուգանքը տարաժամկետել 10 (տաս) ամիս ժամկետով և թույլատրել տուգանքը վճարել մաս առ մաս՝ յուրաքանչյուր ամիս 75․000 (յոթանասուն հինգ հազար) ՀՀ դրամի չափով։
Արտակ Աղվանի Պետրոսյանի նկատմամբ ընտրված խափանման միջոցը՝ բացակայելու արգելքը, թողնել անփոփոխ մինչև դատավճռի օրինական ուժի մեջ մտնելը:
Արտավարութային փաստաթղթերը թողնել կցված քրեական գործին դատավճիռն օրինական ուժի մեջ մտնելուց հետո։
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:


ԴԱՏԱՎՈՐ՝ Ս.ԳԶՈԳՅԱՆ