Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


ԵԴ1/3067/01/24

«14» նոյեմբերի 2024թ. ք. Երևան

Երևան քաղաքի առաջին ատյանի ընդհանուր իրավասության քրեական դատարանը

նախագահությամբ դատավոր՝ Ա. Մելիքսեթյանի,
քարտուղարությամբ՝ Ս. Ջավադյանի,

մասնակցությամբ.
հանրային մեղադրող՝ Ս․ Պետրոսյանի,

դռնբաց դատական նիստում, քննելով քրեական գործն ըստ մեղադրանքի՝
Լավրենտի Մուշեղի Մնոյանի /ծնված՝ 24.07.1994թ., ազգությամբ հայ, ՀՀ քաղաքացի, նախկինում չդատված, ամուսնացած, խնամքին՝ երկու անչափահաս երեխա, հաշվառված և բնակվող՝ ք․ Երևան, Լուկաշինի 1-ին փողոց, 44 տուն/ ՀՀ քրեական օրենսգրքի 344-րդ հոդվածի 2-րդ մասով /2 դրվագ/,

Պ Ա Ր Զ Ե Ց

1.Գործի դատավարական պատմությունը.
1.1․ 2024թ. մայիսի 18-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60524324 քրեական վարույթը:
1.2․ 2024թ. հունիսի 14-ին ՀՀ քրեական օրենսգրքի 344-րդ հոդվածի 2-րդ մասի հատկանիշներով նախաձեռնվել է թիվ 60231924 քրեական վարույթը:
1.3․ 2024թ. հունիսի 14-ին որոշում է կայացվել թիվ 60231924 քրեական վարույթը թիվ 60524324 քրեական վարույթին միացնելու և նախաքննությունը թիվ 60524324 քրեական վարույթի ներքո շարունակելու մասին:
1.4․ 2024թ. հոկտեմբերի 24-ին որոշում է կայացվել Լավրենտի Մուշեղի Մնոյանի նկատմամբ ՀՀ քրեական օրենսգրքի 344-րդ հոդվածի 2-րդ մասով /2 դրվագ/ հանրային քրեական հետապնդում հարուցելու մասին:
1.5․ 2024թ. հոկտեմբերի 24-ին որոշում է կայացվել Լավրենտի Մուշեղի Մնոյանի նկատմամբ որպես խափանման միջոց բացակայելու արգելք կիրառելու մասին:
1.6․ 2024 թվականի նոյեմբերի 01-ին Երևան քաղաքի առաջին ատյանի ընդհանուր իրավասության քրեական դատարան մուտք է եղել ՀՀ դատախազության Երևան քաղաքի Մալաթիա-Սեբաստիա վարչական շրջանի դատախազությունից ստացված նախաքննական 60524324 համարով քրեական գործն ըստ մեղադրանքի՝ Լավրենտի Մուշեղի Մնոյանի՝ ՀՀ քրեական օրենսգրքի 344-րդ հոդվածի 2-րդ մասով, քրեական գործին շնորհվել է ԵԴ1/3067/01/24 դատական գործի համարը:
1.7․ 2024 թվականի նոյեմբերի 04-ին Դատարանը կայացրել է թիվ ԵԴ1/3067/01/24 քրեական գործով վարույթ ստանձնելու և նախնական դատալասումներ նշանակելու մասին որոշում:

2. Մեղադրանքի փաստական նկարագրությունը.
Լավրենտի Մուշեղի Մնոյանը, չունենալով տրանսպորտային միջոցներ վարելու իրավունք, 2024 թվականի ապրիլի 22-ին՝ ժամը 00:23-ի սահմաններում, Երևան քաղաքի Սեբաստիա փողոցում արտաշնչած օդի մեջ 0.314 միլիգրամ պարունակությամբ ալկոհոլ օգտագործած, ինչը «Վարչական իրավախախտումների վերաբերյալ» ՀՀ օրենսգրքի 126-րդ հոդվածի 9-րդ մասի հիմքով համարվում է ոչ սթափ վիճակ, վարել է «Լադա» մակնիշի 47 KK 477 հաշվառման համարանիշի ավտոմեքենան, ինչի կապակցությամբ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180402426 արձանագրությունը:
Բացի այդ, Լավրենտի Մուշեղի Մնոյանը, չունենալով տրանսպորտային միջոցներ վարելու իրավունք, 2024 թվականի մայիսի 22-ին՝ ժամը 23:48-ի սահմաններում, Երևան քաղաքի Բաբաջանյան փողոցում, արտաշնչած օդի մեջ 0.973 միլիգրամ պարունակությամբ ալկոհոլ օգտագործած, ինչը «Վարչական իրավախախտումների վերաբերյալ» ՀՀ օրենսգրքի 126-րդ հոդվածի 9-րդ մասի հիմքով համարվում է ոչ սթափ վիճակ, վարել է «Լադա» մակնիշի 47 KK 477 հաշվառման համարանիշի ավտոմեքենան, ինչի կապակցությամբ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180408006 արձանագրությունը:

3. Դատաքննությամբ հետազոտված թույլատրելի ապացույցները.
3.1․ Զննության ենթարկելու մասին արձանագրությունը, համաձայն որի՝ թիվ 8180402426 որոշման զննությամբ պարզվեց, որ 2024 թվականի ապրիլի 22-ին՝ ժամը 00:23-ին, Երևան քաղաքի Մալաթիայի փողոցում ՀՀ ոստիկանության պարեկային ծառայության Երևան քաղաքի գնդի կրտսեր պարեկ Սերյոժա Վահանի Ղազարյանի (կրծքանշանի համար՝ 10659) կողմից Լավրենտի Մուշեղի Մնոյանի (ծնվ.` 24.07.1994թ.) վերաբերյալ կազմվել է վարչական իրավախախտման վերաբերյալ արձանագրություն (կից չլրացված վարչական իրավախախտման որոշում՝ 8180402426) այն մասին, որ վերջինս նույն օրը ժամը 00:10-ին, Երևան քաղաքի Սեբաստիա փողոցում, տրանսպորտային միջոցներ վարելու իրավունք չունենալով և ոչ սթափ վիճակում գտնվելով, վարել է «Լադա» մակնիշի 47 KK 477 հաշվառման համարանիշի ավտոմեքենան: Արձանագրության համապատասխան տողերում առկա են ծանուցվող վարորդի և պարեկային ծառայողի ստորագրությունները։
3․2․ Լավրենտի Մուշեղի Մնոյանի սթափության կտրոնի զննությամբ պարզվել է, որ ստուգաչափման սարքի համարը՝ 91101000, զննման նման համարը՝ 02072, զննման ամսաթիվը՝ 22.04.2024թ., ստուգումը կատարվել ավտոմատ, ժամը՝ 00:14:22-ին, ալկոհոլի կարունակությունը՝ 0.314 մգ/լ, վարորդի անունը Լավրենտի, ազգանունը՝ Մնոյան, տրանսպորտային միջոցի համարանիշը՝ 47 KK 77, անձնագիր՝ AT0663893, տեսուչի ազգանունը՝ Ղազարյան, կրծքանշանի համար՝ 10659, առկա են նաև ծանուցվող վարորդի պարեկային ծառայողի ստորագրությունները:
3․3․ Սթափության 91101000 համարի սարքի, ստուգաչափման թիվ 093651 վկայականի պատճենը, որի զննությամբ պարզվել է, որ ստուգաչափման թվականն է 26.04.2023թ., այն ուժի մեջ է մինչև 26.04.2024թ.: Չափման միջոցի անվանումը և տեսակը՝ ալկոմետր, գործարանային համարը՝ 91101000 տեսակը՝ <<Jupiter X/RP>>, չափման տիրույթը՝ (0.000-0,2000 մգ/լ), ճշտության կարգը և դասը (սխալանքը) 0:0,1+-5%, 0,1-0,15+- 8% > 0,15+-10%, արտադրողը՝ Չինաստան, պատկանում է ՀՀ ՊԾ:
3․4․ Լավրենտի Մուշեղի Մնոյանի վարորդական վկայականի վերաբերյալ ոստիկանության «Ճանապարհային ոստիկանություն» ծառայության էլեկտրոնային ռեգիստրից կատարված քաղվածքի պատճենի զննությամբ պարզվել է, որ վերջինս ունեցել է «B,C» կարգերի վարորդական վկայական, որն ունի զրկված կարգավիճակ, զրկման սկիզբը՝ 16.10.2021թ., զրկման ավարտը՝ 16.10.2022թ.:
3․5․ Թիվ 8180030613 որոշման զննությամբ պարզվել է, որ 2021 թվականի հոկտեմբերի 16-ին` ժամը 02:25-ին, Երևան քաղաքի Թաիրով փողոցում ՀՀ ոստիկանության պարեկային ծառայության Երևան քաղաքի գնդի կրտսեր պարեկ Գոռ Ստեփանի Հայրապետյանի կրծքանշանի համար՝ 03247) կողմից Լավրենտի Մուշեղի Մնոյանի (ծնվ.` 24.07.1994թ.) վերաբերյալ կազմվել է վարչական իրավախախտման վերաբերյալ արձանագրություն (կից րացված վարչական իրավախախտման որոշում` 8180030613) այն մասին, որ վերջինս նույն օրը՝ ժամը 01:35-ին, Երևան քաղաքի Հր. Աճառյան փողոցում, ոչ սթափ վիճակում գտնվելով (վարորդի արտաշնչած մեկ լիտր օդի մեջ ալկոհոլի պարունակությունը գերազանցում է 0.5 մգ/լ-ն), վարել է «Լադա» մակնիշի 47 KK 477 հաշվառման համարանիշի ավտոմեքենան, ինչի համար Լավրենտի Մուշեղի Մնոյանը 16.10.2024թ.-ին մեկ տարի ժամկետով զրկվել է տրանսպորտային միջոցներ վարելու իրավունքից: Արձանագրության համապատասխան տողերում առկա են ծանուցվող վարորդի և պարեկային ծառայողի ստորագրությունները:
3․6․ Լավրենտի Մուշեղի Մնոյանի սթափության կտրոնի զննությամբ պարզվել է, որ ստուգաչափման սարքի համարը՝ 91100821, զննման համարը՝ 00242, զննման ամսաթիվը՝ 16.10.2021թ., ստուգումը կատարվել է ավտոմատ, ժամը՝ 02:08:58-ին, ալկոհոլի պարունակությունը՝ 0.587 մգ/լ, վարորդի անունը՝ Լավրենտի, ազգանունը՝ Մնոյան, տրանսպորտային միջոցի համարանիշը՝ 47 KK 477, Վ/Վ՝ RB360076, տեսուչի ազգանունը՝ Դալլաքյան, կրծքանշանի համար՝ 06584:
3․7․ Սթափության 91100821 համարի սարքի, ստուգաչափման թիվ 054523 վկայականի պատճենը, որի զննությամբ, պարզվեց, որ ստուգաչափման թվականն է 30.08.2021թ., այն ուժի մեջ է մինչև 30.08․2024թ․։ Չափման միջոցի անվանումը և տեսակը՝ ալկոմետր, գործարանային համարը՝ 9110082, տեսակը՝ <<Jupiter X/RP>>, չափման տիրույթը՝ (0.000-1,200 մգ/լ), ճշտության կարգը և դասը (սխալանքը) +-10%, արտադրողը՝ Չինաստան, պատկանում է ՀՀ ՊԾ:
3․8․ Թիվ 8180408006 որոշման զննությամբ պարզվել է, որ 2024 թվականի մայիսի 22-ին՝ ժամը 23:48-ին, Երևան քաղաքի Բաբաջանյան փողոցում ՀՀ ոստիկանության պարեկային ծառայության Երևան քաղաքի գնդի ավագ պարեկ Գևորգ Երանոսյանի (կրծքանշանի համար՝ 00910) կողմից Լավրենտի Մուշեղի Մնոյանի (ծնվ.՝ 24.07.1994թ.) վերաբերյալ կազմվել է վարչական իրավախախտման վերաբերյալ արձանագրություն (կից չլրացված վարչական իրավախախտման որոշում՝ 8180408006) այն մասին, որ վերջինս նույն օրը՝ ժամը 23:40-ին, Երևան քաղաքի Բաբաջանյան փողոցում, տրանսպորտային միջոցներ վարելու իրավունք չունենալով և ոչ սթափ վիճակում գտնվելով, վարել է «Լադա» մակնիշի 47 KK 477 հաշվառման համարանիշի ավտոմեքենան: Արձանագրության համապատասխան տողերում առկա են «Հրաժարվել է ստորագրելուց» գրառումը և պարեկային ծառայողի ստորագրությունը։
3․9․ Լավրենտի Մուշեղի Մնոյանի սթափության կտրոնի զննությամբ պարզվել է, որ ստուգաչափման սարքի համարը՝ 91100996, զննման համարը՝ 01694, զննման ամսաթիվը` 22.05.2024թ., ստուգումը կատարվել է ավտոմատ, ժամը՝ 23:46:08-ին, ալկոհոլի պարունակությունը՝ 0.973 մգ/լ, վարորդի անունը՝ Լավրենտի, ազգանունը՝ Մնոյան, տրանսպորտային միջոցի համարանիշը՝ 47 KK 477, Վ/Վ՝ RBRB60076, տեսուչի ազգանունը՝ Երանոսյան, կրծքանշանի համար 00910, առկա է նաև պարեկային ծառայողի ստորագրությունը։
3․10․ Սթափության 91100996 համարի սարքի, ստուգաչափման թիվ 100904 վկայականի պատճենը, որի զննությամբ պարզվեց, որ ստուգաչափման թվականն է 05.04.2024թ., այն ուժի մեջ է մինչև 05.04.2025թ.: Չափման միջոցի անվանումը և տեսակը՝ ալկոմետր, գործարանային համարը՝ 91100996 տեսակը՝ <<Jupiter X/RP>>, չափման տիրույթը` (0.000-2,000 մգ/լ), ճշտության կարգը և դասը (սխալանքը) 0:0,1+-5%, 0,1-0,15+- 8% > 0,15+-10%, արտադրողը՝ Չինաստան, պատկանում է ՀՀ ՆԳՆ ոստիկանությանը:
3․11․ Քրեական վարույթով 2024 թվականի հոկտեմբերի 07-ին կայացված արտավարութային փաստաթուղթ ճանաչելու մասին որոշումը, համաձայն որի՝ թիվ 60524324 քրեական վարույթի նյութերում առկա Լավրենտի Մուշեղի Մնոյանի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի ծառայողների կողմից կազմված վարչական իրավախախտման վերաբերյալ արձանագրությունների (կից չլրացված վարչական իրավախախտմպն որոշումներ՝ 8180402426, 8180408006, կից լրացված վարչական իրավախախտման որոշում 8180030613), Լավրենտի Մուշեղի Մնոյանի վարորդական վկայականի վերաբերյալ ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրից կատարված քաղվածքի, Լավրենտի Մուշեղի Մնոյանի սթափության զննության ենթարկելու վերաբերյալ 02072, 00242,01694 զննման համարների կտրոնների, սթափության զննության 91101000 սարքի 102579 ստուգաչափման վկայականի, սթափության զննության 91100891 սարքի 054523 ստուգաչափման վկայականի և սթափության զննության 91100996 սարքի 120904 ստուգաչափման վկայականի պատճենները ճանաչվել են արտավարութային փաստաթուղթ:
3.12․ Մեղադրյալ Լավրենտի Մուշեղի Մնոյանը դատարանում հրաժարվեց ցուցմունք տալ, ուստի հանրային մեղադրողի միջնորդությամբ հրապարակվեց վերջինիս նախաքննական ցուցմունքը, համաձայն որի՝ «(…)Ունեցել է «B,C» կարգերի տրանսպորտային միջոցներ վարելու իրավունք, որից 2021 թվականի հոկտեմբերի 16-ին զրկվել է մեկ տարի ժամկետով։ 2024 թվականի ապրիլի 22-ին՝ ժամը 00:10-ի սահմաններում, Երևան քաղաքի Սեբաստիա փողոցում «Լադա» մակնիշի 47 KK 477 հաշվառման համարանիշի ավտոմեքենան վարել է տրանսպորտային միջոցներ վարելու իրավունք չունենալով և ոչ սթափ վիճակում գտնվելով, որի վերաբերյալ պարեկային ծառայության աշխատակիցները կազմել են թիվ 8180402426 արձանագրությունը։ Նշված արձանագրությունը ծանոթացել է, համաձայն է այդ արձանագրության հետ:
Բացի այդ, 2024 թվականի մայիսի 22-ին՝ ժամը 23:40-ի սահմաններում, Երևան քաղաքի Բաբաջանյան փողոցում «Լադա» մակնիշի 47 KK 477 հաշվառման համարանիշի ավտոմեքենան, վարել է տրանսպորտային միջոցներ վարելու իրավունք չունենալով և ոչ սթափ վիճակում գտնվելով, որի վերաբերյալ պարեկային ծառայության աշխատակիցները կազմել են թիվ 8180408006 արձանագրությունը։ Նշված արձանագրությունը նույնպես ծանոթացել է, համաձայն է այդ արձանագրության հետ:
Վերը նշված արարքները կատարելու համար ընդունում է իր մեղավորությունը, զղջում է կատարվածի համար: Խնամքին ունի երկու անչափահաս երեխա, խնդրում է այդ հանգամանքը հաշվի առնել իր նկատմամբ պատիժ նշանակելիս և հնարավորինս մեղմ պատիժ նշանակել: (…)»

4. Դատարանի փաստական վերլուծությունները և դատարանի կողմից հաստատված փաստական հանգամանքները.
Հետազոտված ապացույցների հիման վրա Դատարանի կողմից հաստատվել են հետևյալ փաստական հանգամանքները.
Լավրենտի Մուշեղի Մնոյանը, չունենալով տրանսպորտային միջոցներ վարելու իրավունք, 2024 թվականի ապրիլի 22-ին՝ ժամը 00:23-ի սահմաններում, Երևան քաղաքի Սեբաստիա փողոցում արտաշնչած օդի մեջ 0.314 միլիգրամ պարունակությամբ ալկոհոլ օգտագործած, ինչը «Վարչական իրավախախտումների վերաբերյալ» ՀՀ օրենսգրքի 126-րդ հոդվածի 9-րդ մասի հիմքով համարվում է ոչ սթափ վիճակ, վարել է «Լադա» մակնիշի 47 KK 477 հաշվառման համարանիշի ավտոմեքենան, ինչի կապակցությամբ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180402426 արձանագրությունը:
Բացի այդ, Լավրենտի Մուշեղի Մնոյանը, չունենալով տրանսպորտային միջոցներ վարելու իրավունք, 2024 թվականի մայիսի 22-ին՝ ժամը 23:48-ի սահմաններում, Երևան քաղաքի Բաբաջանյան փողոցում, արտաշնչած օդի մեջ 0.973 միլիգրամ պարունակությամբ ալկոհոլ օգտագործած, ինչը «Վարչական իրավախախտումների վերաբերյալ» ՀՀ օրենսգրքի 126-րդ հոդվածի 9-րդ մասի հիմքով համարվում է ոչ սթափ վիճակ, վարել է «Լադա» մակնիշի 47 KK 477 հաշվառման համարանիշի ավտոմեքենան, ինչի կապակցությամբ ՀՀ ՆԳՆ ոստիկանության պարեկային ծառայության աշխատակցի կողմից կազմվել է վարչական իրավախախտման վերաբերյալ թիվ 8180408006 արձանագրությունը:

5. Դատարանի իրավական վերլուծությունները.
5.1. Վերլուծելով մեղադրյալ Լավրենտի Մուշեղի Մնոյանին առաջադրված մեղադրանքը և հիմնվելով հետազոտված թույլատրելի ապացույցների վրա` Դատարանը գտնում է, որ.
- ապացուցված է մեղադրյալ Լավրենտի Մուշեղի Մնոյանին վերագրվող փաստական հանգամանքները, մասնավորապես մեղադրյալ Լավրենտի Մուշեղի Մնոյանի կողմից, չունենալով տրանսպորտային միջոցներ վարելու իրավունք, ոչ սթափ վիճակում երկու անգամ տրանսպորտային միջոց վարելը,
- ապացուցված է վերոգրյալ արարքների քրեական հակաիրավականությունը, որը նախատեսված է ՀՀ քրեական օրենսգրքի 344-րդ հոդվածի 2-րդ մասով /2 դրվագ/,
- ապացուցված է մեղադրյալ Լավրենտի Մուշեղի Մնոյանի կողմից ՀՀ քրեական օրենսգրքի 344-րդ հոդվածի 2-րդ մասով /2 դրվագ/ նախատեսված վերոգրյալ արարքները կատարելը.
- ապացուցված է մեղադրյալ Լավրենտի Մուշեղի Մնոյանի մեղավորությունը ՀՀ քրեական օրենսգրքի 344-րդ հոդվածի 2-րդ մասով /2 դրվագ/ նախատեսված արարքները կատարելու մեջ:
5.2. Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ Սահմանադրության 71-րդ հոդվածի համաձայն
«1. Հանցանք կատարած անձի պատժի հիմքը նրա մեղքն է:
2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին»:

ՀՀ քրեական օրենսգրքի 7-րդ հոդվածի 1-ին մասի համաձայն`
«1. Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը:»:

ՀՀ քրեական օրենսգրքի 55-րդ հոդվածի 2-րդ մասի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները»:

ՀՀ քրեական օրենսգրքի 69-րդ հոդվածի համաձայն`
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ»:

ՀՀ քրեական օրենսգրքի 74-րդ հոդվածի համաձայն`
«1. Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:»:


Պատիժ նշանակելը քրեական գործով արդարադատության իրականացման վճռական պահն է, որը պետք է դառնա կատարված հանցանքի հասարակական վտանգավորության գնահատման լիարժեք չափանիշ, պատժի ենթարկվող անձին վերասոցիալականացնելու, ինչպես մեղադրյալի, այնպես էլ այլ անձանց կողմից հանցագործությունները կանխելու գործուն միջոց: Արդարության և պատասխանատվության անհատականացման սկզբունքը պատժի տեսակը և չափը որոշելու բազմաթիվ դրույթների ու չափանիշների հետ մեկտեղ անխզելիորեն կապված է պատասխանատվությունը և պատիժը մեղմացնող ու ծանրացնող հանգամանքները հետազոտելու և հաշվի առնելու հետ: ՀՀ քրեական դատավարության օրենսգրքի 102-րդ հոդվածում թվարկված են յուրաքանչյուր քրեական գործով ապացուցման ենթակա փաստական հանգամանքները: Այդ հոդվածի 5-րդ կետի համաձայն քրեական օրենքով նախատեսված պատասխանատվությունը մեղմացնող կամ խստացնող հանգամանքները հաստատվում են միայն ապացույցների հիման վրա: Ընդ որում, անձի պատասխանատվությունը և պատիժը մեղմացնող ու ծանրացնող հանգամանքների գնահատումը յուրաքանչյուր կոնկրետ գործով պատիժ նշանակելիս հնարավորություն է տալիս դատարանին պատկերացում կազմել հանցանքի՝ հանրության համար վտանգավորության աստիճանի, բնույթի, ինչպես նաև հանցավորի անձնավորության մասին և յուրաքանչյուր կոնկրետ գործով անհատականացնել պատիժը: Պատժի անհատականացման կարևորությունն այն է, որ դա լուրջ երաշխիք է ՀՀ քրեական օրենսգրքի 55-րդ հոդվածի 2-րդ մասով սահմանված պատժի նպատակների իրականացման համար:
5.3. Դատարանը որպես մեղադրյալի պատասխանատվությունը և պատիժը մեղմացնող հանգամանք, հաշվի է առնում այն, որ վերջինս իր խնամքին ունի երկու անչափահաս երեխա, ինչպես նաև ներկայացված մեղադրանքում իրեն լիովին մեղավոր է ճանաչել և զղջացել կատարած արարքի համար:
Մեղադրյալի պատասխանատվությունը և պատիժը ծանրացնող հանգամանքներ Դատարանը չի արձանագրում:
5.4. Վերոգրյալ իրավանորմերի համատեքստում քննարկելով այն հարցը, թե ինչ պատժատեսակ և պատժաչափ պետք է նշանակվի մեղադրյալի նկատմամբ, հաշվի առնելով մեղադրյալի կատարած հանցագործության բնույթը և հանրության համար վտանգավորության աստիճանը, ինչպես նաև հանցագործության անմիջական օբյեկտի՝ հասարակության անվտանգության դեմ ուղղված ոտնձգության բնույթը և այդ ոլորտում պետության քրեական քաղաքականության ուղղվածությունը, դրանք համադրելով մեղադրյալի անձը բնութագրող տվյալների հետ, հաշվի առնելով նաև մեղադրյալի պատասխանատվությունը և պատիժը մեղմացնող վերոգրյալ հանգամանքների առկայությունը և ծանրացնող հանգամանքների բացակայությունը` Դատարանը գտնում է, որ մեղադրյալ Լավրենտի Մուշեղի Մնոյանն իր կատարած՝ ՀՀ քրեական օրենսգրքի 344-րդ հոդվածի 2-րդ մասով նախատեսված արարքների համար ենթակա է պատժի այդ հանցագործության համար նախատեսված պատիժներից առավել մեղմ պատժի` տուգանքի ձևով, իսկ առավել խիստ պատիժ նշանակելու հիմքերը բացակայում են:
Միևնույն ժամանակ, հաշվի առնելով, որ որ մեղադրյալի եկամուտները ցածր են «Նվազագույն ամսական աշխատավարձի մասին» ՀՀ օրենքով նախատեսված նվազագույն աշխատավարձի չափից, ուստի մեղադրյալի նկատմամբ տուգանքի ձևով պատժի չափը որոշելիս պետք է հաշվի առնել հանցանքը կատարելու պահին նվազագույն աշխատավարձի չափը, որը «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն սահմանված է 75.000 (յոթանասունհինգ հազար) ՀՀ դրամ:
Դատարանը գտնում է, որ 2024 թվականի ապրիլի 22-ին կատարված ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման համար մեղադրյալի նկատմամբ պետք է նշանակվի պատիժ տուգանք՝ նվազագույն աշխատավարձի հնգապատիկի չափով՝ 375.000 երեք հարյուր յոթանասունհինգ հազար/ ՀՀ դրամի չափով, իսկ 2024 թվականի մայիսի 22-ին կատարված ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման համար մեղադրյալի նկատմամբ պետք է նշանակվի պատիժ տուգանք՝ նվազագույն աշխատավարձի հնգապատիկի չափով՝ 375.000 երեք հարյուր յոթանասունհինգ հազար/ ՀՀ դրամի չափով, և պատիժները լրիվ գումարելու միջոցով վերջնական պատիժ պետք է սահմանել տուգանք 750.000 /յոթ հարյուր հիսուն հազար/ ՀՀ դրամ, որով կապահովվի ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին և բավարար կլինի սոցիալական արդարությունը վերականգնելու, պատժի ենթարկված անձին վերասոցիալականացնելու և հանցագործությունները կանխելու համար:
5.5. Անդրադառնալով պատիժը մեղադրյալի կողմից կրելու հարցին՝ Դատարանն արձանագրում է, որը մեղադրյալը պատիժը պետք է կրի: Միևնույն ժամանակ հաշվի առնելով այն, որ մեղադրյալը չունի բավարար ֆինանսական միջոցներ, խնամքին ունի անչափահաս երկու երեխա, Դատարանը գտնում է, որ մեղադրյալն ի վիճակի չէ անհապաղ և ամբողջությամբ վճարելու նշանակված տուգանքը, ուստի արձանագրում է, որ անհրաժեշտ է դատավճռով նրա նկատմամբ նշանակվող տուգանքը տարաժամկետել 12 /տասներկու/ ամիս ժամկետով՝ թույլատրելով վերջինիս յուրաքանչյուր ամիս վճարել առնվազն 62 500 /վաթսուներկու հազար հինգ հարյուր/ ՀՀ դրամ գումար:
5.6. Անդրադառնալով մեղադրյալի նկատմամբ լրացուցիչ պատիժ նշանակելու հարցին, Դատարանն արձանագրում է, որ մեղադրյալ կողմից հանցանքն առաջին անգամ կատարելու պարագայում միայն հիմնական պատիժը՝ տուգանքը, բավարար է պատժի նպատակներին հասնելու համար, ուստի մեղադրյալի նկատմամբ լրացուցիչ պատժատեսակ նշանակելն աննպատակահարմար է:
5.7. Դատարանն արձանագրում է, որ սույն գործով գույքային հայց չի հարուցվել, բռնագրավման ենթակա գույքի, ինչպես նաև գույքի արգելադրման վերաբերյալ տվյալներ գործում առկա չեն:
5.8. Անդրադառնալով ապացույցների տնօրինման հարցին՝ Դատարանը գտնում է, որ 2024 թվականի հոկտեմբերի 07-ին արտավարութային փաստաթուղթ ճանաչված և վարույթի նյութերին կցված՝ Լավրենտի Մուշեղի Մնոյանի վերաբերյալ ՀՀ ՆԳՆ ոստիկանության պարեկային ծառայության Երևան քաղաքի գնդի ծառայողների կողմից կազմված վարչական իրավախախտման վերաբերյալ արձանագրությունների (կից չլրացված վարչական իրավախախտմպն որոշումներ՝ 8180402426, 8180408006, կից լրացված վարչական իրավախախտման որոշում 8180030613), Լավրենտի Մուշեղի Մնոյանի վարորդական վկայականի վերաբերյալ ՀՀ ոստիկանության «Ճանապարհային ոստիկանություն» ծառայության էլեկտրոնային ռեգիստրից կատարված քաղվածքի, Լավրենտի Մուշեղի Մնոյանի սթափության զննության ենթարկելու վերաբերյալ 02072, 00242,01694 զննման համարների կտրոնների, սթափության զննության 91101000 սարքի 102579 ստուգաչափման վկայականի, սթափության զննության 91100891 սարքի 054523 ստուգաչափման վկայականի և սթափության զննության 91100996 սարքի 120904 ստուգաչափման վկայականի պատճենները պետք է պահել վարույթի նյութերի հետ՝ դրանք պահելու ամբողջ ընթացքում:
5.9. Քննարկելով խափանման միջոցի հարցը` դատարանը գտնում է, որ մեղադրյալի նկատմամբ որպես խափանման միջոց բացակայելու արգելքն ընտրված է ճիշտ և այն վերացվելու կամ փոփոխվելու ենթակա չէ մինչև դատավճռի օրինական ուժի մեջ մտնելը:
5.10. Քննարկելով դատական ծախսերի հարցը՝ Դատարանն արձանագրում է, որ վարույթով դատական ծախսեր առկա չեն:
Վերոգրյալի հիման վրա և ղեկավարվելով Հայաստանի Հանրապետության քրեական դատավարության օրենսգրքի 100-րդ, 167-րդ, 347-350-րդ, 352-353-րդ, 364-րդ հոդվածներով, Դատարանը`

Վ Ճ Ռ Ե Ց

Մեղադրյալ Լավրենտի Մուշեղի Մնոյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքում և պատիժ նշանակել տուգանք՝ նվազագույն աշխատավարձի հինգապատիկի` 375.000 /երեք հարյուր յոթանասունհինգ հազար/ ՀՀ դրամ գումարի չափով:
Մեղադրյալ Լավրենտի Մուշեղի Մնոյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքում և պատիժ նշանակել տուգանք՝ նվազագույն աշխատավարձի հինգապատիկի` 375.000 /երեք հարյուր յոթանասունհինգ հազար/ ՀՀ դրամ գումարի չափով:
ՀՀ քրեական օրենսգրքի 74-րդ հոդվածի կիրառմամբ հանցանքների համակցությամբ պատիժները լրիվ գումարելու միջոցով վերջնական հիմնական պատիժ նշանակել տուգանք՝ 750.000 /յոթ հարյուր հիսուն հազար/ ՀՀ դրամը:
Լավրենտի Մուշեղի Մնոյանին թույլատրել դատավճռով նշանակված 750.000 ՀՀ դրամ գումարի չափով տուգանքը վճարել մաս առ մաս, 12 /տասներկու/ ամսվա ընթացքում՝ յուրաքանչյուր ամիս վճարելով առնվազն 62 500 /վաթսուներկու հազար հինգ հարյուր/ ՀՀ դրամ գումար:
Մեղադրյալ Լավրենտի Մուշեղի Մնոյանին նկատմամբ ընտրված խափանման միջոց բացակայելու արգելքը պահպանել՝ մինչև դատավճռի օրինական ուժի մեջ մտնելը:
Դատական ծախսերի հարցը համարել լուծված։
Վարույթի նյութերին կցված արտավարութային փաստաթղթերը պահել վարույթի նյութերի հետ՝ դրանք պահելու ամբողջ ընթացքում:
Դատավճիռը կարող է բողոքարկվել ՀՀ վերաքննիչ քրեական դատարան` դատական ակտը ստանալու օրվանից հետո մեկամսյա ժամկետում:


ԴԱՏԱՎՈՐ՝ Ա. ՄԵԼԻՔՍԵԹՅԱՆ