ԵԴ1/3063/01/24




Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
ՀՀ Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)

Նախագահող դատավոր Ս.ԳԶՈԳՅԱՆԻ
քարտուղարությամբ Լ․ՉՈԲԱՆՅԱՆԻ
մասնակցությամբ
հանրային մեղադրող Է․ՊՈՂՈՍՅԱՆԻ
տուժողներ Հ․ԱՌԱՔԵԼՅԱՆԻ
Ա․ԱՌԱՔԵԼՅԱՆԻ
Մ․ԱՌԱՔԵԼՅԱՆԻ
Մ․ՂԱԶԱՐՅԱՆԻ
պաշտպան Ս․ՍԱՀԱԿՅԱՆԻ
մեղադրյալ Ն․ԱՖՅԱՆԻ

2024 թվականի դեկտեմբերի 26-ին, Երևան քաղաքում, դռնբաց դատական նիստում, քննելով քրեական գործն ըստ մեղադրանքի`
Նարեկ Արամի Աֆյանի՝ ծնված 1991 թվականի մայիսի 20-ին, ք․Երևան, հայ, ՀՀ քաղաքացի, միջնակարգ կրթությամբ, ամուսնալուծված, ունի երկու անչափահաս երեխա, նախկինում դատապարտված, աշխատում է որպես առաքիչ, բնակվում է ք․Երևան, Աբելյան 9 բն 2 հասցեում, մեղադրվում է ՀՀ քրեական օրենսգրքի 194-րդ հոդվածի 2-րդ մասի 6-րդ կետով և 195-րդ հոդվածի 1-ին մասով, որպես խափանման միջոց է ընտրված բացակայելու արգելքը,


ՊԱՐԶԵՑ

1.Գործի դատավարական նախապատմությունը.
2024 թվականի ապրիլի 22-ին ՀՀ քրեական օրենսգրքի 194-րդ հոդվածի 2-րդ մասի 6-րդ կետի հատկանիշներով նախաձեռնվել է թիվ 11-0277-24 քրեական վարույթը:
Նախաքննության մարմնի 2024 թվականի ապրիլի 22-ի որոշումներով Հարություն Արարատի Առաքելյանը և Արտյոմ Արարատի Առաքելյանը ճանաչվել են տուժող։
Նախաքննության մարմնի 2024 թվականի ապրիլի 30-ի որոշմամբ Մանուշակ Հովհաննեսի Ղազարյանը ճանաչվել է տուժող։
2024 թվականի հուիսի 28-ին ՀՀ քրեական օրենսգրքի 195-րդ հոդվածի 1-րդ մասի հատկանիշներով նախաձեռնվել է թիվ 11147324 քրեական վարույթը:
Նախաքննության մարմնի 2024 թվականի հունիսի 28-ի որոշմամբ Հարություն Արարատի Առաքելյանը ճանաչվել է տուժող։
Նախաքննության մարմնի 2024 թվականի հունիսի 28-ի մեկ այլ որոշմամբ թիվ 11147324 քրեական վարույթը միացվել է թիվ 11-0277-24 քրեական վարույթին և շարունակվել թիվ 11-0277-24 համարով։
Նախաքննության մարմնի 2024 թվականի հոկտեմբերի 21-ի որոշմամբ Նարեկ Արամի Աֆյանի նկատմամբ քրեական հետապնդում է հարուցվել ՀՀ քրեական օրենսգրքի 194-րդ հոդվածի 2-րդ մասի 6-րդ կետով և 195-րդ հոդվածի 1-ին մասովայն արարքների համար, որ նա, 2024 թվականի ապրիլի 22-ին՝ ժամը 16:00-ի սահմաններում, գնացել է Երևան քաղաքի Արտաշիսյան փողոցի 51/16-րդ շենքի 4-րդ հարկում գնտվող իր նախկին զուգընկեր Մարիաննա Առաքելյանի բնակության՝ թիվ 16-րդ բնակարանի մուտքի դռան մոտ, որտեղ նախաքննությամբ չհայտնաբերված մարմնական վնասվածք պատճառելու համար նախապես պատրաստված գործիքը՝ դանակը ձեռքում պահած վիճակում, վերջինիս եղբայրներից՝ Հարություն Առաքելյանից և Արտյոմ Առաքելյանից, ինչպես նաև մորը՝ Մանուշակ Ղազարյանից պահաջել է բացել տան դուռը, հակառակ դեպքում սպառնացել, որ դուռը կջարդի և ում պատահի դանակով կհարվածի, ինչպես նաև Հարություն Առաքելյանին սպառնացել է, որ դուռը բացի առաջինն իրեն է հարվածելու, որի ժամանակ Ն.Աֆյանը ձեռքին եղած դանակի սուր ծայրով առնվազն 3 հարվածներ է հասցրել Երևան քաղաքի Արտաշիսյան փողոցի 51/16-րդ շենքի թիվ 16-րդ բնակարանի մուտքի դռանը: Հնչեցված սպանության սպառնալիքները տվյալ իրադրությունում իրականացնելու իրական վտանգ է եղել, ինչը Հարություն Առաքելյանի, Արտյոմ Առաքելյանի և Մանուշակ Ղազարյանի մոտ առաջացրել է տագնապի, սեփական անվտանգության համար անհանգստության և վախի զգացում, որի արդյունքում Հ. Առաքելյանը ահազանգել է ՀՀ ՆԳՆ ոստիկանություն:
Բացի այդ, Նարեկ Արամի Աֆյանը 2024 թվականի հունիսի 28-ին՝ ժամը 20:15-ի սահմաններում, Երևան քաղաքի Հ.Հովսեփյան փողոցի 4-րդ հասցեում գնտվող թիվ 173-րդ հիմնական դպրոցի կողային հատվածում Հարություն Առաքելյանի հետ գումարային հարցերի շուրջ ծագած խոսակցության ընթացքում առաջացած վիճաբանության ժամանակ դիտավորությամբ բռունցքով հարվածներ է հասցրել վերջինիս դեմքին և առնվազն 1 անգամ ոտքով՝ աջ ոտքին, որի արդյունքում Հ.Առաքելյանի առողջությանը պատճառել է աջ սրունքի միջին երրորդականի առաջային մակերեսի քերծվածքի ձևով թեթև վնասի հատկանիշներ չպարունակող մարմնական վնասվածք»:
2024 թվականի հոկտեմբերի 22-ի որոշմամբ Նարեկ Արամի Աֆյանի նկատմամբ խափանման միջոց է ընտրվել բացակայելու արգելքը:
2024 թվականի նոյեմբերի 1-ին քրեական գործը մեղադրական եզրակացությամբ ստացվել է Երևան քաղաքի առաջին ատյանի ընդհանուր իրավասության դատարանում, գործին շնորհվել է ԵԴ1/3063/01/24 համարը:
2023 թվականի նոյեմբերի 5ին Դատարանի դատավոր Ս.Գզոգյանը որոշում է կայացրել վարույթը ստանձնելու և նախնական դատալսումներ նշանակելու մասին


2.Համաձայնության վարույթ
Նախնական դատալսումների փուլում մեղադրյալ Նարեկ Արամի Աֆյանը միջնորդեց կիրառել համաձայնության վարույթը: Նա հայտարարեց, որ համաձայն է մեղադրանքի հետ և իրեն մեղավոր է ճանաչում, միջնորդությունը ներկայացրել է կամավոր, խորհրդակցել է պաշտպանի հետ, գիտակցում է միջնորդության բնույթն ու հետևանքները:
Մեղադրող Է․Պողոսյանը, տուժողները և պաշտպան Ս․Սահակյանը չեն առարկել համաձայնության վարույթ կիրառելուն:
Դատարանը, համոզվելով, որ առկա չեն ՀՀ նախկին քրեական դատավարության օրենսգրքի 458-րդ հոդվածի 2-րդ մասով նախատեսված համաձայնության վարույթի կիրառումը բացառող հանգամանքները, բավարարել է համաձայնության վարույթ կիրառելու մասին միջնորդությունը և բանակցությունների համար սահմանել է ժամկետ:
Բանակցությունների արդյունքում կողմերը եկել են համաձայնության և կազմվել է համաձայնության մասին արձանագրություն հետևյալ բովանդակությամբ. «ԱՐՁԱՆԱԳՐՈՒԹՅՈՒՆ ՀՀ քրեական դատավարության օրենսգրքի 460-րդ հոդվածով սահմանված կարգով համաձայնության գալու վերաբերյալ
Սույն արձանագրությունը կազմվել է Երևան քաղաքի առաջին ատյանի ընդհանուր իրավասության քրեական դատարանի «Կենտրոն» նստավայրում 26.12.2024 թ։
Մասնակցությամբ՝ Շենգավիթ վարչական շրջանի դատախազի տեղակալ, առաջին դասի խորհրդական Էդգար Պողոսյանի, մեղադրյալ Նարեկ Արամի Աֆյանի (ծնված՝ 20.05.1991 թ., ազգությամբ հայ, ՀՀ քաղաքացի, նախկինում դատված, դատվածությունը մարված), պաշտպան Ս. Սահակյանի՝ արտոնագիր՝ 3335.
2024 թվականի հոկտեմբերի 21-ին հսկող դատախազի որոշմամբ նկատմամբ Նարեկ Արամի Աֆյանի նկատմամբ հանրային քրեական հետապնդում է հարուցվել քրեական օրենքով նախատեսված, պատժի սպառնալիքով արգելված, մեղավորությամբ կատարված այն արարքի համար, որ նա Հարություն Առաքելյանի, Արտյոմ Առաքելյանի և Մանուշակ Ղազարյանի հասցեին հնչեցրել է սպանության սպառնալիքներ, որոնք իրականացնելու իրական վտանգ է եղել, ինչպես նաև դիտավորությամբ հարվածներ է հասցրել Հարություն Առաքելյանի մարմնի տարբեր հատվածներին:
Այսպես՝
Նարեկ Արամի Աֆյանը, 2024 թվականի ապրիլի 22-ին՝ ժամը 16:00-ի սահմաններում, գնացել է Երևան քաղաքի Արտաշիսյան փողոցի 51/16-րդ շենքի 4-րդ հարկում գնտվող իր նախկին զուգընկեր Մարիաննա Առաքելյանի բնակության՝ թիվ 16-րդ բնակարանի մուտքի դռան մոտ, որտեղ նախաքննությամբ չհայտնաբերված մարմնական վնասվածք պատճառելու համար նախապես պատրաստված գործիքը՝ դանակը ձեռքում պահած վիճակում, վերջինիս եղբայրներից՝ Հարություն Առաքելյանից և Արտյոմ Առաքելյանից, ինչպես նաև մորը՝ Մանուշակ Ղազարյանից պահաջել է բացել տան դուռը, հակառակ դեպքում սպառնացել, որ դուռը կջարդի և ում պատահի դանակով կհարվածի, ինչպես նաև Հարություն Առաքելյանին սպառնացել է, որ դուռը բացի առաջինը իրեն է հարվածելու, որի ժամանակ Ն. Աֆյանը ձեռքին եղած դանակի սուր ծայրով առնվազն 3 հարվածներ է հասցրել Երևան քաղաքի Արտաշիսյան փողոցի 51/16-րդ շենքի թիվ 16-րդ բնակարանի մուտքի դռանը: Հնչեցված սպանության սպառնալիքները տվյալ իրադրությունում իրականացնելու իրական վտանգ է եղել, ինչը Հարություն Առաքելյանի, Արտյոմ Առաքելյանի և Մանուշակ Ղազարյանի մոտ առաջացրել է տագնապի, սեփական անվտանգության համար անհանգստության և վախի զգացում, որի արդյունքում Հ. Առաքելյանը ահազանգել է ՀՀ ՆԳՆ ոստիկանություն։
Այսինքն՝ Նարեկ Արամի Աֆյանը կատարել է հանցանք՝ նախատեսված ՀՀ քրեական օրենսգրքի 194-րդ հոդվածի 2-րդ մասի 6-րդ կետով:
Բացի այդ, Նարեկ Արամի Աֆյանը 2024 թվականի հունիսի 28-ին՝ ժամը 20:15-ի սահմաններում, Երևան քաղաքի Հ. Հովսեփյան փողոցի 4-րդ հասցեում գնտվող թիվ 173-րդ հիմնական դպրոցի կողային հատվածում Հարություն Առաքելյանի հետ գումարային հարցերի շուրջ ծագած խոսակցության ընթացքում առաջացած վիճաբանության ժամանակ դիտավորությամբ բռունցքով հարվածներ է հասցրել վերջինիս դեմքին և առնվազն 1 անգամ ոտքով՝ աջ ոտքին, որի արդյունքում Հ. Առաքելյանի առողջությանը պատճառել է աջ սրունքի միջին երրորդականի առաջային մակերեսի քերծվածքի ձևով թեթև վնասի հատկանիշներ չպարունակող մարմնական վնասվածք:
Այսինքն՝ Նարեկ Արամի Աֆյանը կատարել է հանցանք, որը նախատեսված է ՀՀ քրեական օրենսգրքի 195-րդ հոդվածի 1-ին մասով:
Մեղադրյալ Նարեկ Արամի Աֆյանի նկատմամբ որպես խափանման միջոց է կիրառված բացակայելու արգելքը:
Հիմք ընդունելով ՀՀ քրեական դատավարության օրենսգրքի 460-րդ հոդվածի 4-րդ մասի 9-րդ կետը և ղեկավարվելով ՀՀ քրեական օրենսգրքի 69-րդ, 77-րդ, 79-րդ հոդվածներով՝ կողմերը համաձայնվում են մեղադրյալին մեղսագրվող արարքի համար հետևյալ պատժատեսակի և պատժաչափի վերաբերյալ՝
Նարեկ Աֆյանի նկատմամբ ՀՀ քրեական օրենսգրքի 195-րդ հոդվածի 2-րդ մասի 6-րդ կետով նշանակել պատիժ ազատության սահմանափակման ձևով 1 տարի ժամկետով, ՀՀ քրեական օրենսգրքի 194-րդ հոդվածի 1-ին մասով նշանակել պատիժ ազատության սահմանափակման ձևով 6 ամիս ժամկետով, պատիժները լրիվ գումարելու կանոններով ղեկավարվելով՝ վերջնական պատիժ նշանակել ազատության սահմանափակման ձևով 1 տարի 6 ամիս ժամկետով, որը նա պետք է կրի՝ արգելելով Ն. Աֆյանին առանց դատապարտյալի նկատմամբ վերահսկողություն իրականացնող իրավասու մարմնի համաձայնության փոխել բնակության վայրը՝ Երևան քաղաքի Աբելյան փողոց 9-րդ շենք 2-րդ բնակարանը, ինչպես նաև ժամը 21:00-ից մինչև 08:00-ն բացակայել նշված հասցեի տնից: (...)»:
Համաձայնության մասին արձանագրության հրապարակումից հետո մեղադրյալ Ն․ Աֆյանը հայտնել է, որ իրեն պարզ է կնքված համաձայնության բովանդակությունը և համաձայն է դրա հետ, դրանում արտահայտել է իր իրական կամքը, գիտակցում է կնքված համաձայնության հետևանքները և պնդում է կնքված համաձայնությունը:
Պաշտպան Ս․Սահակյանը և մեղադրող Է․Պողոսյանը պնդել են կնքված համաձայնությունը:

3.Դատարանի իրավական վերլուծությունները
Մեղադրյալ Նարեկ Արամի Աֆյանի կողմից մեղադրանքն ընդունելու և համաձայնության վարույթ կիրառելու պայմաններում Դատարանը գտնում է, որ մեղադրյալ Նարեկ Արամի Աֆյանի կողմից կատարված արարքներն ապացուցված են, ճիշտ են որակված և համապատասխանում են ՀՀ քրեական օրենսգրքի 194-րդ հոդվածի 2-րդ մասի 6-րդ կետի և 195-րդ հոդվածի 1-ին մասի հատկանիշներին:
Դատարանը, հաշվի առնելով կողմերի միջև կնքված համաձայնության մասին արձանագրության բովանդակությունը, հիմք ընդունելով ՀՀ քրեական օրենսգրքի 7-րդ, 55-րդ, 69-րդ, 77-րդ հոդվածների պահանջները, գտնում է, որ մեղադրյալ Նարեկ Արամի Աֆյանի նկատմամբ պատիժ պետք է նշանակել ազատության սահմանափակման ձևով։
Քննարկելով մեղադրյալ Նարեկ Արամի Աֆյանի նկատմամբ կիրառված խափանման միջոցի հարցին` Դատարանը գտնում է, որ նրա նկատմամբ ընտրված բացակայելու արգելք խափանման միջոցը պետք է թողնել անփոփոխ՝ մինչև սույն դատավճռի օրինական ուժի մեջ մտնելը:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 347-350-րդ, 458-464-րդ հոդվածներով` Դատարանը

Վ Ճ Ռ Ե Ց

Մեղադրյալ Նարեկ Արամի Աֆյանին մեղավոր ճանաչել ՀՀ քրեական օրենսգրքի 194-րդ հոդվածի 2-րդ մասի 6-րդ կետով և 195-րդ հոդվածի 1-ին մասով նախատեսված արարքների կատարման մեջ, և նրա նկատմամբ պատիժ նշանակել․
ՀՀ քրեական օրենսգրքի 194-րդ հոդվածի 2-րդ մասի 6-րդ կետով՝ ազատության սահմանափակում՝ 1 (մեկ) տարի ժամկետով։
ՀՀ քրեական օրենսգրքի 195-րդ հոդվածի 1-ին մասով՝ ազատության սահմանափակում՝ 6 (վեց) ամիս ժամկետով։
ՀՀ քրեական օրենսգրքի 74-րդ հոդվածի հիման վրա՝ նշանակված պատիժները լրիվ գումարելու միջոցով, մեղադրյալ Նարեկ Արամի Աֆյանի նկատմամբ վերջնական պատիժ նշանակել ազատության սահմանափակում՝ 1 (մեկ) տարի 6 ամիս (վեց) ամիս ժամկետով։
Մեղադրյալ Նարեկ Արամի Աֆյանի վրա դնել պարտականություն առանց վերահսկողություն իրականացնող մարմնի թույլտվության չփոխել իր բնակության վայրը՝ Երևան քաղաքի Աբելյան փողոց 9-րդ շենք 2-րդ բնակարանը, ինչպես նաև ժամը 21:00-ից մինչև 08:00-ն բացակայել նշված հասցեից։
Մեղադրյալի նկատմամբ հսկողությունը պետք է իրականանցի ՀՀ ԱՆ պրոբացիայի ծառայության կողմից:
Արտավարութային փաստաթուղթ ճանաչված և քրեական գործին կցված փաստաթղթերը թողնել կցված քրեական գործին՝ դատավճիռն օրինական ուժի մեջ մտնելուց հետո։
Մեղադրյալ Նարեկ Արամի Աֆյանի նկատմամբ որպես խափանման միջոց ընտրված բացակայելու արգելքը թողնել անփոփոխ՝ մինչև դատավճռի օրինական ուժի մեջ մտնելը:
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-ին, 2-րդ, 3-րդ մասերով և 377-րդ հոդվածով նախատեսված հիմքերի, կարող է բողոքարկվել ՀՀ վերաքննիչ քրեական դատարան՝ հրապարակվելու օրվանից մեկամսյա ժամկետում:



ԴԱՏԱՎՈՐ՝ Ս.ԳԶՈԳՅԱՆ