ԵԴ1/3053/01/24

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՌԱՋԻՆ
ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

2025թ․ դեկտեմբերի <<2>> ք․Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)

Նախագահող դատավոր Ա.Հովհաննիսյան
դատական նիստերի քարտուղար Մ.Հովհաննիսյան
հանրային մեղադրող Վ.Արսենյան

դռնբաց դատական նիստում քննեց քրեական վարույթն ըստ մեղադրանքի՝ Աշոտ Գուրգենի Դալլաքյանի՝ ծնված 1961 թվականի ապրիլի 30-ին Քաջարան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, չի աշխատում, դատվածություն ունեցող (ենթադրյալ հանցանքի կատարման պահին), հաշվառված և բնակվող՝ Երևան քաղաքի Վարդաշեն 9-րդ փողոցի 70-րդ տանը (ՀՔԿ-ում): Հանրային քրեական հետապնդում է հարուցվել ՀՀ քրեական օրենսգրքի 344-րդ հոդված 1-ին մասով. որպես խափանման միջոց է կիրառվել բացակայելու արգելքը:
Վարույթի դատավարական նախապատմությունը.
2023 թվականի ապրիլի 5-ի ՀՀ քննչական կոմիտեի Կոտայքի մարզային քննչական վարչության քննիչ Լ.Իսպիրյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 20147123 քրեական վարույթը:
2023 թվականի մայիսի 26-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Մ.Կոստանդյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60923723 քրեական վարույթը:
2023 թվականի մայիսի 26-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Մ.Կոստանդյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60923823 քրեական վարույթը:
2023 թվականի մայիսի 26-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Մ.Կոստանդյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60923923 քրեական վարույթը:
2023 թվականի մայիսի 26-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Մ.Կոստանդյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60924023 քրեական վարույթը:
2023 թվականի մայիսի 26-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Մ.Կոստանդյանի արձանագրությամբ ՀՀ քրեական օրենսգրքի 344-րդ հոդվածի 1-ին մասի հատկանիշներով նախաձեռնվել է թիվ 60924123 քրեական վարույթը:
2023 թվականի մայիսի 31-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Մ.Կոստանդյանի որոշմամբ թիվ 60923823, 60923923, 60924023, 60924123 քրեական վարույթները միացվել են թիվ 60923723 քրեական վարույթին և նախաքննությունը շարունակվել է թիվ 60923723 համարի ներքո:
2023 թվականի հունիսի 30-ի ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ Մ.Կոստանդյանի որոշմամբ թիվ 20147123 քրեական վարույթը միացվել է թիվ 60923723 քրեական վարույթին և նախաքննությունը շարունակվել է թիվ 60923723 համարի ներքո:
2024 թվականի սեպտեմբերի 3-ի ՀՀ դատախազության Երևան քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Ե.Աբովյանի որոշմամբ Աշոտ Գուրգենի Դալլաքյանի նկատմամբ հանրային քրեական հետապնդում է հարուցվել այն հանցանքի կատարման համար, որ նա տրանսպորտային միջոցներ վարելու իրավունքը կասեցված վիճակում, վարել է տրանսպորտային միջոց:
Այսպես. Աշոտ Գուրգենի Դալլաքյանը, տրանսպորտային միջոցներ վարելու իրավունքը կասեցված լինելու պայմաններում, 2023 թվականի մարտի 28-ին՝ ժամը 21:40-ի սահմաններում, Երևան քաղաքի Վարդաշեն 6-րդ և 7-րդ փողոցների խաչմերուկում վարել է <<Ռենո>> մակնիշի 37 CZ 920 հաշվառման համարանիշի տրանսպորտային միջոցը, որի վերաբերյալ 2023 թվականի մարտի 28-ին՝ ժամը 22:50-ին, ՀՀ ՆԳՆ ոստիկանության պարեկային ծառայության աշխատակցի կողմից կազմվել է արձանագրութուն, որին Աշոտ Գուրգենի Դալլաքյանը ծանոթացել է և ստորագրել այն:
Բացի այդ, Աշոտ Գուրգենի Դալլաքյանը, տրանսպորտային միջոցներ վարելու իրավունքը կասեցված լինելու պայամններում, 2023 թվականի մարտի 25-ին՝ ժամը 12:08-ի սահմաններում, Երևան քաղաքի Վ.Համբարձումյան - Երզնկյան - Բաղրամյան փողոցների խաչմերուկի հատվածում վարել է <<Ռենո>> մակնիշի 37 CZ 920 հաշվառման համարանիշի տրանսպորտային միջոցը, որի վերաբերյալ 2023 թվականի ապրիլի 12-ին ՀՀ ՆԳՆ ճանապարհային ոստիկանության աշխատակցի կողմից կազմվել է վարչական տույժ նշանակելու մասին թիվ 2316211425 որոշումը։
Այսինքն՝ Աշոտ Գուրգենի Դալլաքյանին մեղսագրվում է հանցանքի կատարում՝ նախատեսված ՀՀ քրեական օրենսգրքի 344-րդ հոդվածի 1-ին մասով:
2024 թվականի սեպտեմբերի 6-ի ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնի ավագ քննիչ Տ.Տոնոյանի որոշմամբ Աշոտ Գուրգենի Դալլաքյանի նկատմամբ որպես խափանման միջոց է կիրառվել բացակայելու արգելքը:
2024 թվականի հոկտեմբերի 30-ին թիվ 60923723 քրեական գործը մեղադրական եզրակացությամբ ուղարկվել է Երևան քաղաքի առաջին ատյանի ընդհանուր իրավասության քրեական դատարան:
Ապացույցների հետազոտումը և գնահատումը.
Հիմնական դատալսումների ընթացքում մեղադրյալ Աշոտ Դալլաքյանը ցուցմունք է տվել, որ 2023 թվականի մարտի 28-ին ինքն է Վարդաշեն փողոցում տրանսպորտային միջոց վարելու իրավունքը կասեցված վիճակում վարել տրանսպորտային միջոց, իսկ ինչ վերաբերում է նույն թվայանի մարտի 25-ին Բաղրամյան պողոտայում մեքենա վարելուն, ապա ինքն այդ օրը մեքենան չի վարել: Գտնում է, որ անհիմն են կասեցրել իր վարելու իրավունքը, քանի որ վարչական իրավախախտումների մեծ մասը ձևակերպվել է իր անունով, սակայն իրականում դա ինքը չի կատարել:
2024 թվականի օգոստոսի 29-ի զննության արձանագրության համաձայն՝ զննությամբ պարզվել է, որ ճանապարհային ոստիկանության կողմից կայացված 2214127188, 2214222023, 2214264490, 2214600320, 2214709016, 2214774378, 2215135808, 2215135843, 2215273634, 2215377218, 2215394116, 2215406195, 2215542638, ՃՈ վարչական իրավախախտման արձանագրություններով՝ լրացել են Աշոտ Գուրգենի Դալլաքյանի՝ տուգանային 9 միավորները: Նշված որոշումները առաքվել են փոստային ծառայության միջոցով Երևան քաղաքի Բելինսկու փողոցի 5 տուն հասցեով և չեն ստացվել տեղափոխված նշումով: Այնուհետև 2022 թվականի դեկտեմբերի 5-ին կայացվել է ՃՈ վարչական իրավախախտման 2215584187 արձանագրությունը, համաձայն որի՝ <<Renault>> մակնիշի 37 CZ 920 հաշվառման համարանիշի ավտոմեքենայի վարորդ Աշոտ Գուրգենի Դալլաքյանը 2022 թվականի նոյեմբերի 2-ին՝ ժամը 17:12-ին Երևան քաղաքի Թումանյան/Սարյան խաչմերուկում կատարել է վարչական իրավախախտում, որի համար վարչական օրենսգրքի 129.3-րդ հոդվածի 1-րդ մասի համաձայն՝ վարորդական իրավունքի վկայականը կասեցվել է 6 ամիս ժամկետով: Նաև առկա էր Հայփոստ ընկերությունից առկա ծանուցման պատճենը, համաձայն որի՝ որոշումը չի հանձնվել հասցեատիրոջը և դրա վրա նշված է, որ տվյալ որոշումը հետ է վերադարձվել տեղափոխված լինելու հիմքով։ 2022 թվականի դեկտեմբերի 9-ին կայացվել է ՃՈ վարչական իրավախախտման 2215611242 արձանագրությունը, համաձայն որի՝ <<Renault>> մակնիշի 37 FG 151 հաշվառման համարանիշի ավտոմեքենայի վարորդ Աշոտ Գուրգենի Դալլաքյանը 2022 թվականի նոյեմբերի 4-ին՝ ժամը 16:46-ին Երևան քաղաքի Գայի/ Ստեփանյան խաչմերուկի հատվածում կատարել է վարչական իրավախախտում, որի համար վարչական օրենսգրքի 129.3-րդ հոդվածի 1-րդ մասի համաձայն՝ վարորդական իրավունքի վկայականը կասեցվել է 6 ամիս ժամկետով: Նաև առկա էր Հայփոստ ընկերությունից առկա ծանուցման պատճենը, համաձայն որի՝ որոշումը չի հանձնվել հասցեատիրոջը և դրա վրա նշված է, որ տվյալ որոշումը հետ է վերադարձվել տեղափոխված լինելու հիմքով։
2023 թվականի փետրվարի 9-ին դիմում է ներկայացվել Ճանապարհային ոստիկանություն, համաձայն որի՝ Ռենո մակնիշի 37 CZ 920 հաշվառման համարանիշի ավտոմեքենան 2022 թվականի հունիսի 1-ից մինչ օրս հանձնվել է Աշոտ Դալլաքյանին և դրանով կատարված 2315824094 վարչական իրավախախտման արձանագրությամբ նշված իրավախախտումը կատարել է Աշոտ Դալլաքյանը, որի համար խնդրել է այն վերահասցեագրել վերջինի հասցեով՝ Բելինսկու փողոց, 5 տուն հասցեով:
2315824094 վարչական իրավախախտման արձանագրությունը կազմվել է Անի Սամվելի Մանուկյանի նկատմամբ 2023 թվականի հունվարի 24-ին այն բանի համար, որ վերջինը կատարել է վարչական իրավախախտում Վ.Համբարձումյան/Երզնկյան/ Բաղրամյան խաչմերուկի հատվածում, որի համար նշանակվել է տուգանք՝ 5000 ՀՀ դրամի չափով:
Առանց թվագրման դիմում է ներկայացվել Ճանապարհային ոստիկանություն ծառայություն, համաձայն որի՝ Ռենո մակնիշի 37 CZ 920 հաշվառման համարանիշի ավտոմեքենան 2022 թվականի հունվարի 1-ից մինչ օրս հանձնվել է Աշոտ Դալլաքյանին և դրանով կատարված 2315859008, 2315972476, 2315934480, 2315933308 վարչական իրավախախտման արձանագրությամբ նշված իրավախախտումը կատարել է Աշոտ Դալլաքյանը, որի համար խնդրել է այն վերահասցեագրել վերջինի հասցեով՝ Բելինսկու փողոց, 5 տուն հասցեով:
2315859008 վարչական իրավախախտման արձանագրությունը կազմվել է Անի Սամվելի Մանուկյանի նկատմամբ 2023 թվականի հունվարի 13-ին այն բանի համար, որ վերջինը կատարել է վարչական իրավախախտում Գր.Լուսավորիչ/Մաշտոց խաչմերուկի հատվածում, որի համար նշանակվել է տուգանք՝ 25.000 ՀՀ դրամի չափով և հանվել է 2 տուգանային միավոր:
2315934480 վարչական իրավախախտման արձանագրությունը կազմվել է Անի Սամվելի Մանուկյանի նկատմամբ 2023 թվականի հունվարի 27-ին այն բանի համար, որ վերջինը կատարել է վարչական իրավախախտում Վ.Համբարձումյան/Երզնկյան/ Բաղրամյան խաչմերուկի հատվածում, որի համար նշանակվել է տուգանք՝ 5000 ՀՀ դրամի չափով:
2315933308 վարչական իրավախախտման արձանագրությունը կազմվել է Անի Սամվելի Մանուկյանի նկատմամբ 2023 թվականի հունվարի 25-ին այն բանի համար, որ վերջինը կատարել է վարչական իրավախախտում Աճառյան/Աճառյան 2-րդ փակուղի խաչմերուկի հատվածում, որի համար նշանակվել է տուգանք՝ 25.000 ՀՀ դրամի չափով և հանվել է 2 տուգանային միավոր:
2315972476 վարչական իրավախախտման արձանագրությունը կազմվել է Անի Սամվելի Մանուկյանի նկատմամբ 2023 թվականի փետրվարի 3-ին այն բանի համար, որ վերջինը կատարել է վարչական իրավախախտում Էրեբունի/Ազատամարտիկների խաչմերուկի հատվածում, որի համար նշանակվել է տուգանք՝ 25.000 ՀՀ դրամի չափով և հանվել է 2 տուգանային միավոր:
2023 թվականի ապրիլի 19-ին դիմում է ներկայացվել Ճանապարհային ոստիկանություն, համաձայն որի՝ Ռենո մակնիշի 37 CZ 920 հաշվառման համարանիշի ավտոմեքենան 2023 թվականի հունվարի 1-ից մինչ օրս հանձնվել է Աշոտ Դալլաքյանին և դրանով կատարված 2316129216 վարչական իրավախախտման արձանագրությամբ նշված իրավախախտումը կատարել է Աշոտ Դալլաքյանը, որի համար խնդրել է այն վերահասցեագրել վերջինին՝ Բելինսկու փողոց, 5 տուն հասցեով:
2316129216 վարչական իրավախախտման արձանագրությունը կազմվել է Անի Սամվելի Մանուկյանի նկատմամբ 2023 թվականի մարտի 10-ին այն բանի համար, որ վերջինը կատարել է վարչական իրավախախտում Վ.Համբարձումյան/Երզնկյան/ Բաղրամյան խաչմերուկի հատվածում, որի համար նշանակվել է տուգանք՝ 5.000 ՀՀ դրամի չափով:
2023 թվականի մայիսի 2-ին դիմում է ներկայացվել Ճանապարհային ոստիկանություն, համաձայն որի՝ Ռենո մակնիշի 37 CZ 920 հաշվառման համարանիշի ավտոմեքենան 2023 թվականի հունվարի 1-ից մինչ օրս հանձնվել է Աշոտ Դալլաքյանին և դրանով կատարված 2316211425 վարչական իրավախախտման արձանագրությամբ նշված իրավախախտումը կատարել է Աշոտ Դալլաքյանը, որի համար խնդրել է այն վերահասցեագրել վերջինին՝ Բելինսկու փողոց, 5 տուն հասցեով:
2316211425 վարչական իրավախախտման արձանագրությունը կազմվել է Անի Սամվելի Մանուկյանի նկատմամբ 2023 թվականի մարտի 25-ին այն բանի համար, որ վերջինը կատարել է վարչական իրավախախտում Վ.Համբարձումյան/Երզնկյան/ Բաղրամյան խաչմերուկի հատվածում, որի համար նշանակվել է տուգանք 5.000 ՀՀ դրամի չափով:
Առկա է նաև արձանագրություն՝ կազմված ՀՀ ոստիկանության Էրեբունու բաժնի ՀՈԲ տեսուչի կողմից, համաձայն որի՝ ձեռնարկվել են միջոցառումներ Աշոտ Դալլաքյանին հանձնելու կասեցման որոշումները, սակայն վերջինը Բելինսկու փողոց 5 տանը չի բնակվում շուրջ 4 տարի և նրա գտնվելու վայրն անհայտ է։
Ըստ Հարթակից օգտվելու և էլեկտրոնային եղանակով ծանուցումների վերաբերյալ տեղեկանքի՝ ուղարկվել է հաղորդագրություն 098-55-33-27 հեռախոսահամարին կասեցման վերաբերյալ 2023 թվականի հունվարի 10 և 12-ին։ Առկա են մուտքեր Roadpolice.am կայք 2020 և 2021 թվականներին:
Ճանապարհային ոստիկանության ծառայությունից ստացված գրության համաձայն՝ Աշոտ Դալլաքյանի վերաբերյալ կազմվել են 215584187 և 2215611242 կասեցման որոշումները և կասեցման սկիզբ է համարվում 2023 թվականի հունվարի 3-ը, իսկ ավարտը՝ 2023 թվականի հուլիսի 4-ը: Նշված որոշումները չեն ստացվել Աշոտ Դալլաքյանի կողմից քանի որ փոստային ծառայությունը հետ է վերադարձրել նամակները: Ձեռնարկվել են միջոցառումներ որոշումները ՀՀ ՆԳՆ ոստիկանության Երևան քաղաքի վարչության Էրեբունու բաժնի աշխատակիցների միջոցով հանձնելու, սակայն դրանք գրությամբ հետ են վերադարձվել բաժին։
Զննության են ենթարկվել 2316260796, 2316073309, 2315928324, 2316333238, 2316073296, 2316073298, 2316073302 արձանագրությունները, որոնք ամբողջությամբ նույնական էին Անի Մանուկյանի կողմից վարչական իրավախախտման դիմումով Աշոտ Դալլաքյանին վերահասցեագրած ՃՈ վարչական իրավախախտման արձանագրություններին: Բոլոր որոշումները ուղարկվել են Աշոտ Դալլաքյանի Բելինսկու փողոց 5 տուն հասցեով և չեն ստացվել տեղափոխված նշումով:
Աշոտ Դալլաքյանի վերաբերյալ ՃՈ Էլեկտրոնային ռեգիստրից կատարված քաղվածքի համաձայն՝ վերջինի վարորդական իրավունքի վկայականի կասեցման սկիզբ է համարվում 2023 թվականի հունվարի 3-ից մինչև 2023 թվականի հուլիսի 3-ը, ինչպես նաև նշված է, որ սկիզբ է համարվում 2023 թվականի հունվարի 4-ը, իսկ ավարտ է համարվում 2023 թվականի հուլիսի 4-ը: Քննության համար նշանակություն ունեցող այլ տվյալներ չեն հայտնաբերվել:
2024 թվականի օգոստոսի 29-ի զննության արձանագրության համաձայն՝ զննությամբ պարզվել է, որ Աշոտ Դալլաքյանի նկատմամբ 2023 թվականի մարտի 23-ին՝ ժամը 03:10-ին կայացվել է վարչական իրավախախտման վերաբերյալ թիվ 8180280798 արձանագրությունը Կոտայքի մարզի գումարտակի 2-րդ վաշտի 1-ին դասակի պարեկ Նարեկ Հովսեփյանի կողմից Աշոտ Գուրգենի Դալլաքյանի նկատմամբ այն բանի համար, որ վերջինը նույն օրը՝ ժամը 03:00-ին Աբովյան քաղաքի Զորավար Անդրանիկ 5 հասցեում տրանսպորտային միջոցը վարելու իրավունքը կասեցված վիճակում վարել է Ռենո Լոգան մակնիշի 37 CZ 920 հաշվառման համարանիշի ավտոմեքենան։ Աշոտ Դալլաքյանը ստորագրել է արձանագրությունը և նշել է, որ ինքը տեղեկացված չի եղել կասեցման մասին:
Դրանից հետո զննության է ենթարկվել նաև 2023 թվականի մարտի 28-ին՝ ժամը 22:50-ին կայացված վարչական իրավախախտման վերաբերյալ թիվ 8180251261 արձանագրությունը Երևան քաղաքի 4-րդ գումարտակի 1-ին վաշտի պարեկ Էդգար Հայրապետյանի կողմից Աշոտ Գուրգենի Դալլաքյանի նկատմամբ այն բանի համար, որ վերջինս նույն օրը՝ ժամը 21:40-ին Երևան քաղաքի Վարդաշեն 6-7 փողոցների խաչմերուկում տրանսպորտային միջոցը վարելու իրավունքը կասեցված վիճակում վարել է Ռենո Լոգան մակնիշի 37 CZ 920 հաշվառման համարանիշի ավտոմեքենան: Աշոտ Դալլաքյանը ստորագրել է արձանագրությունը:
Զննվել է նաև 2023 թվականի մարտի 28-ին՝ ժամը 22:55-ին կայացված վարչական իրավախախտման վերաբերյալ թիվ 8300511913 արձանագրությունը՝ պարեկ Էրիկ Հայրապետյանի կողմից Աշոտ Գուրգենի Դալլաքյանի նկատմամբ այն բանի համար, որ վերջինը նույն օրը՝ ժամը 22:55-ին Երևան քաղաքի Վարդաշեն 6-րդ փողոցում վարել է Ռենո Լոգան մակնիշի 37 CZ 920 հաշվառման համարանիշի ավտոմեքենան՝ տեխնիկական զննությունը չանցած վիճակում:
Զննվել է նաև Գրիգոր Դալլաքյանի նկատմամբ 2023 թվականի մարտի 28-ին՝ ժամը 23:16-ին կայացված վարչական իրավախախտման վերաբերյալ թիվ 8300511939 արձանագրությունը պարեկ Էդգար Հայրապետյանի կողմից Աշոտ Գուրգենի Դալլաքյանի նկատմամբ այն բանի համար, որ վերջինը նույն օրը՝ ժամը 23:16-ին Երևան քաղաքի Վարդաշեն 6-րդ փողոցում վարել է Ռենո Լոգան մակնիշի 37 CZ 920 հաշվառման համարանիշի ավտոմեքենան՝ չունենանլով վարելու իրավունքի վկայական:
Քննության համար նշանակություն ունեցող այլ տվյալներ չեն հայտնաբերվել:
2024 թվականի սեպտեմբերի 6-ի արտավարութային փաստաթուղթ ճանաչելու մասին որոշման համաձայն՝ ՀՀ ՆԳՆ ճանապարհային ոստիկանության ծառայության կողմից կազմված 2214127188, 2214222023, 2214264490, 2214600320, 2214709016, 2214774378, 2215135808, 2215135843, 2215273634, 2215377218, 2215394116, 2215406195, 2215542638, 2215584187, 2215611242, 2316211425, ՀՀ ոստիկանության պարեկային ծառայության աշխատակիցների կողմից կազմված թիվ 8180280798, 8180251261, 8300511913, 8300511939 վարչական իրավախախտման արձանագրությունները, էլեկտրոնային ռեգիստրից Աշոտ Դալլաքյանի վերաբերյալ կատարված քաղվածքի պատճենը, ինչպես նաև Անի Սամվելի Մանուկյանի դիմումը՝ ներկայացված Ճանապարհային ոստիկանության ծառայություն և Ճանապարհային ոստիկանության ծառայությունից ստացված դիմումն արտավարութային փաստաթուղթ են ճանաչվել և կցվել սույն քրեական վարույթին:
ՀՀ ՆԳՆ ոստիկանության ինֆորմացիոն կենտրոնի պահանջագրի համաձայն՝ Աշոտ Դալլաքյանը 2002 թվականի դեկտեմբերի 25-ի Էրեբունի և Նուբարաշենի ժողովրդական դատարանի դատավճռով դատապարտվել է ազատազրկման՝ 14 (տասնչորս) տարի ժամկետով, որը 2013 թվականի հոկտեմբերի 3-ին համաներմամբ կրճատվել է և սահմանվել է ազատազրկում՝ 13 (տասներեք) տարի 6 (վեց) ամիս ժամկետով: Պատժի կրումից ազատվել է ժամկետին՝ 2015 թվականի դեկտեմբերի 14-ին:
Դատարանի իրավական վերլուծությունները.
ՀՀ վճռաբեկ դատարանը 2013 թվականի մայիսի 8-ի թիվ ԵԿԴ/0168/01/12 որոշմամբ դիրքորոշում է հայտնել, որ ապացույցների գնահատումը կատարվում է ներքին համոզման հիման վրա: Ներքին համոզմունքը, որպես ապացույցների գնահատման արդյունք, բնութագրվում է օբյեկտիվ և սուբյեկտիվ գործոնների անխզելի կապով. այն, մի կողմից, պետք է բխի հետազոտվող ապացույցների բավարար համակցությունից և հիմնվի դրանց վրա, իսկ մյուս կողմից, անկողմնակալ դիտորդի մոտ պետք է առաջացնի այն վստահությունը, որ ապացույցները հետազոտվել են արդարության բոլոր պահանջների պահպանմամբ:
Հանցանք կատարելու մեջ անձի մեղավորությունը հաստատելիս ապացույցների բավարարությունը որոշելու հարցին ՀՀ վճռաբեկ դատարանն անդրադարձել է Արարատ Ավագյանի և Վահան Սահակյանի վերաբերյալ գործով 2014 թվականի հոկտեմբերի 31-ի թիվ ԵԿԴ/0252/01/13 որոշմամբ: Մասնավորապես` իրացնելով օրենքի միատեսակ կիրառությունն ապահովելու իր սահմանադրական գործառույթը` Վճռաբեկ դատարանը հիշատակված դատական ակտում նախադեպային նշանակության իրավական դիրքորոշումներ է արտահայտել առ այն, որ գործի լուծման համար բավարար ապացույցներ ասելով` պետք է հասկանալ թույլատրելի, վերաբերելի և արժանահավատ ապացույցների համակցություն, որը, հաղթահարելով անմեղության կանխավարկածը, անաչառ դիտորդի մոտ կձևավորի հիմնավոր կասկածից վեր համոզվածություն անձի մեղավորության վերաբերյալ, ինչպես նաև կհաստատի գործով ապացուցման առարկան կազմող մյուս հանգամանքները և հնարավորություն կտա կայացնել հիմնավորված և պատճառաբանված որոշում: Ապացույցների բավարարությունը չի կարող որոշվել թվաբանական ցուցանիշով: Ակնհայտ է, որ ապացույցները բավարար չեն, եթե`
1) գործում բացակայում է որևէ ապացույց գործի ճիշտ լուծման համար նշանակություն ունեցող որևէ հանգամանքի պարզման համար,
2) եղած ապացույցը թույլ չի տալիս պարզել այդ հանգամանքն անհրաժեշտ խորությամբ և լրիվությամբ,
3) այդ հանգամանքի ապացուցվածությունը կասկած է հարուցում (...):
Արդյունքում՝ Վճռաբեկ դատարանն արձանագրել է, որ քրեական դատավարությունում մեղքի հարցը լուծելիս որպես ապացույցների բավարարության շեմ պետք է գործի <<հիմնավոր կասկածից վեր>> ապացուցողական չափանիշը: Ընդ որում` <<հիմնավոր կասկածից վեր>> ապացուցողական չափանիշ ասելով պետք է հասկանալ փաստական տվյալների (ապացույցների) այնպիսի համակցություն, որը բացառում է հակառակի ողջամիտ հավանականությունը: Վերոգրյալը չի նշանակում, որ հանցանք գործելու մեջ անձի մեղավորությունն ընդհանրապես չի կարող առաջացնել որևէ կասկած, սակայն այդպիսի կասկածի հավանականության դեպքում դրա աստիճանը պետք է լինի աննշան (խիստ ցածր): Այլ խոսքով` մեղադրանքը կազմող յուրաքանչյուր փաստական հանգամանք պետք է հիմնավորվի ապացույցների այնպիսի ծավալով, որը կբացառի դրա ապացուցվածության վերաբերյալ ցանկացած ողջամիտ կասկած (...):
Անդրադառնալով մեղադրյալ Աշոտ Դալլաքյանի արարքում ՀՀ քրեական օրենսգրքի 344-րդ հոդվածի 1-ին մասով նախատեսված հանցանքի առկայության կամ բացակայության հարցին՝ Դատարանը գտնում է, որ այն հիմնավոր կասկածից վեր ապացուցողական չափանիշով հաստատվում է սույն քրեական գործի շրջանակներում ձեռք բերված ապացույցներով, այլ կերպ ասած՝ ապացուցված է Աշոտ Դալլաքյանի մեղավորությունը ՀՀ քրեական օրենսգրքի 344-րդ հոդվածի 1-ին մասով նախատեսված հանցավոր արարքի կատարման մեջ:
Ընդ որում, Դատարանի համար առանցքային նշանակություն ունի նաև այն, որ սույն քրեական գործի շրջանակներում մեղադրյալ Աշոտ Դալլաքյանն ամբողջովին ընդունում է մեղքը և զղջում է կատարվածի համար (այդ դրվագով):
Ինչ վերաբերում է հանրային քրեական հետապնդում հարուցելու մասին որոշման մեջ ներառված 2025 թվականի մարտի 25-ին՝ ժամը 12:08-ի սահմաններում, Երևան քաղաքի Վ.Համբարձումյան-Երզնկյան-Բաղրամյան փողոցների խաչմերուկում Աշոտ Դալլաքյանի կողմից տրանսպորտային միջոցներ վարելու իրավունքը կասեցված լինելու պայմաններում տրանսպորտային միջոց վարելուն, ապա Դատարանը նկատում է, որ թեև նշվածը բովանդակային առումով ներառվել է հանրային քրեական հետապնդում հարուցելու մասին որոշման նկարագրական մասում, սակայն ի վերջո, հսկողություն իրականացնող դատախազի կողմից այն որևէ իրավական գնահատականի չի արժանացել: Այլ կերպ ասած՝ հանրային քրեական հետապնդում հարուցելու մասին որոշումից, ըստ էության, հետևում է, որ քրեական հետապնդման մարմինների կողմից իրավական գնահատականի արժանացել է բացառապես 2023 թվականի մարտի 28-ին տեղի ունեցած դեպքը, որի արդյունքում Դատարանը չի կարող, դուրս գալով հանրային քրեական հետապնդման որոշման շրջանակներից, գնահատական տալ նաև մյուս գործողություններին, որոնց մասով քրեական հետապնդում հարուցված չէ: Դեռ ավելին՝ հանրային մեղադրողը ևս իր եզրափակիչ ելույթով միջնորդեց Աշոտ Դալլաքյանին մեղավոր ճանաչել միայն 2023 թվականի մարտի 28-ին տեղի ունեցած դրվագով:
Դատարանը, ուսումնասիրելով Աշոտ Գուրգենի Դալլաքյանի պատասխանատվությունը և պատիժը մեղմացնող ու ծանրացնող հանգամանքները, վերասոցիալականացման և իրավահպատակ վարքագծի ձևավորման համար նշանակություն ունեցող տվյալները, հանգում է հետևյալ եզրահանգման.
Աշոտ Գուրգենի Դալլաքյանի քրեական պատասխանատվություն ու պատիժը մեղմացնող հանգամանք է մեղքն ընդունելը և կատարվածի համար զղջալը։
Միաժամանակ, պետք է արձանագրել, որ Աշոտ Գուրգենի Դալլաքյանի պատասխանատվությունն ու պատիժը ծանրացնող հանգամանք է հանցանքը դատվածություն ունեցող անձի կողմից կատարելը։
Մասնավորապես, Ինֆորմացիոն կենտրոնի պահանջագրի և <<Դատալեքս>> տեղեկատվական համակարգի ուսումնասիրությամբ պարզ է դառնում, որ Աշոտ Գուրգենի Դալլաքյանը 2002 թվականի դեկտեմբերի 25-ի Էրեբունի և Նուբարաշենի ժողովրդական դատարանի դատավճռով դատապարտվել է ազատազրկման՝ 14 (տասնչորս) տարի ժամկետով, որը 2013 թվականի հոկտեմբերի 3-ին համաներմամբ կրճատվել է և սահմանվել է ազատազրկում՝ 13 (տասներեք) տարի 6 (վեց) ամիս ժամկետով: Վերջինը պատժի կրումից ազատվել է ժամկետին՝ 2015 թվականի դեկտեմբերի 14-ին, որպիսի պայմաններում Աշոտ Դալլաքյանի դատվածությունը բնականոն հոսքի պայմաններում մարվելու էր 2023 թվականի դեկտեմբերի 14-ին (ութ տարի անց): Ստացվում է, որ Աշոտ Դալլաքյանը փաստացի մինչև 2023 թվականի դեկտեմբերի 14-ն ունեցել է դատվածություն, իսկ սույն գործով վերջինին մեղսագրվող արարքը կատարվել է 2023 թվականի մարտի 28-ին, այսինքն՝ դատվածություն ունենալու պայմաններում:
Կատարված արարքի համար մեղադրյալ Աշոտ Գուրգենի Դալլաքյանը ենթակա է քրեական պատասխանատվության և պատժի։
ՀՀ վճռաբեկ դատարանը 2010 թվականի օգոստոսի 27-ի թիվ ՍԴ/0293/01/09 որոշմամբ դիրքորոշում է հայտնել, որ պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, անձը բնութագրող տվյալները և, քրեական օրենքով նախատեսված պահանջներից ելնելով, հանցագործության մեջ մեղավոր անձի նկատմամբ նշանակում է այնպիսի պատիժ, որն անհրաժեշտ է և բավարար է այդ անձին ուղղելու և նրա կողմից նոր հանցանքի կատարումը կանխելու համար: Պատժի տեսակի և չափի որոշման ժամանակ դատարանը պետք է հաշվի առնի կատարված հանցագործության՝ հանրության համար վտանգավորության աստիճանն ու բնույթը, հանցավորի անձը բնութագրող տվյալները, այդ թվում՝ նրա պատասխանատվությունը մեղմացնող և (կամ) ծանրացնող հանգամանքները:
Դատարանը, հաշվի առնելով Աշոտ Գուրգենի Դալլաքյանի կատարած արարքի՝ հանրության համար վտանգավորության աստիճանն ու բնույթը, այդ թվում՝ նրա գործողությունների վտանգավորության աստիճանը, մասնավորապես՝ վերջինին մեղսագրվող արարքի ոչ մեծ ծանրության լինելը, պատասխանատվությունն ու պատիժը մեղմացնող և ծանրացնող հանգամանքների առկայությունը, ինչպես նաև այն, որ մեղադրյալի կատարած արարքի համար ՀՀ քրեական օրենսգրքի համապատասխան հոդվածի սանկցիայով նախատեսված է պատիժ նաև հանրային աշխատանքների ձևով, իսկ ՀՀ քրեական օրենսգրքի 69-րդ հոդվածի 3-րդ մասի կարգավորմամբ՝ ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները, գտնում է, որ Աշոտ Գուրգենի Դալլաքյանի նկատմամբ ՀՀ քրեական օրենսգրքի 344-րդ հոդված 1-ին մասով՝ պատիժ պետք է նշանակել հանրային աշխատանքներ՝ 80 (ութսուն) ժամ տևողությամբ:
Ընդ որում, պատժի տեսակն ընտրելիս Դատարանի կողմից կարևորվում է նաև դատական նիստի ընթացքում մեղադրյալ Աշոտ Դալլաքյանի հայտարարությունը, ըստ որի՝ չի կարող տուգանքի գումար վճարել, հետևաբար՝ համաձայն է, որ իր նկատմամբ նշանակվի հանրային աշխատանքներ պատժատեսակը:
Անդրադառնալով դատապարտված մեղադրյալի նկատմամբ կիրառված խափանման միջոցի հարցին՝ Դատարանը գտնում է, որ Աշոտ Դալլաքյանի նկատմամբ ընտրված բացակայելու արգելքը, պետք է թողնել անփոփոխ մինչև դատավճռի օրինական ուժի մեջ մտնելը:
ՀՀ քրեական դատավարության օրենսգրքի 167-րդ հոդվածի 1-ին մաuի 1-ին, 2-րդ և 4-7-րդ կետերով նախատեսված վարութային ծախսերը մեղադրյալ Աշոտ Դալլաքյանից ենթակա չեն հատուցման, քանի որ նմանատիպ վարութային ծախսեր առկա չեն:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 167-րդ, 276-րդ, 342-րդ, 347-349-րդ, 353-րդ, 364-րդ հոդվածներով՝ Դատարանը

Վ Ճ Ռ Ե Ց

Աշոտ Գուրգենի Դալլաքյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով և պատիժ նշանակել հանրային աշխատանքներ՝ 80 (ութսուն) ժամ տևողությամբ:
Աշոտ Գուրգենի Դալլաքյանի նկատմամբ կիրառված խափանման միջոց՝ բացակայելու արգելքը, թողնել անփոփոխ մինչև դատավճռի օրինական ուժի մեջ մտնելը:
Վարութային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից մեկամսյա ժամկետում:


ԴԱՏԱՎՈՐ Ա.ՀՈՎՀԱՆՆԻՍՅԱՆ