Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ


ԵԴ1/3014/01/24

«13» հունվարի 2025թ. ք. Երևան

Երևան քաղաքի առաջին ատյանի ընդհանուր իրավասության քրեական դատարանը

նախագահությամբ դատավոր՝ Ա. Մելիքսեթյանի,
քարտուղարությամբ՝ Ս. Ջավադյանի,

մասնակցությամբ.
հանրային մեղադրողներ՝ Ա․ Ոսկանյան,
Մ․ Խաչատրյանի
պաշտպան՝ Ք․ Նազարյանի

դռնբաց դատական նիստում, համաձայնեցման վարույթի կիրառմամբ քննելով քրեական գործն ըստ մեղադրանքի՝ Անգելինա Արսենի Եղիյանի (ծնված՝ 2000 թվականի սեպտեմբերի 18-ին, ազգությամբ հայ, ՀՀ քաղաքացի, նախկինում չդատված, խնամքին 8 ամսեկան երեխա, հաշվառված՝ ք. Երևան, Մալաթիա-Սեբաստիա, Բաբաջանյան փող. 6 շենքի 22 բնակարանում, փաստացի բնակվող՝ ք․ Երևան, Իսակով պողոտա, 27/24 հասցեում) ՀՀ քրեական օրենսգրքի 255-րդ հոդվածի 1-ին մասով /2 դրվագ/,

Պ Ա Ր Զ Ե Ց

Գործի դատավարական պատմությունը.
2022թ. հոկտեմբերի 19-ին ՀՀ քրեական օրենսգրքի 255-րդ հոդվածի 1-ին մասով հարուցվել է թիվ 16846122 քրեական վարույթը:
2023թ. մարտի 12-ին ՀՀ քրեական օրենսգրքի 255-րդ հոդվածի 1-ին մասով հարուցվել է թիվ 16152323 քրեական վարույթը:
2023 թվականի դեկտեմբերի 19-ին որոշում է կայացվել թիվ 16846122 քրեական վարույթը թիվ 16152323 վարույթին միացնելու մասին:
2023թ. դեկտեմբերի 28-ին որոշում է կայացվել Անգելինա Արսենի Եղիյանի նկատմամբ ՀՀ քրեական օրենսգրքի 255-րդ հոդվածի 1-ին մասով /2 դրվագ/ հանրային քրեական հետապնդում հարուցելու մասին:
2023թ. դեկտեմբերի 28-ին որոշում է կայացվել թիվ 16152323 քրեական վարույթով մեղադրյալ Անգելինա Արսենի Եղիյանի նկատմամբ որպես խափանման միջոց բացակայելու արգելքն ընտրելու մասին:
Երևան քաղաքի առաջին ատյանի ընդհանուր իրավասության քրեական դատարանում 2024 թվականի հոկտեմբերի 28-ին մուտք է եղել նախաքննական 16152323 համարով քրեական գործն ըստ մեղադրանքի Անգելինա Արսենի Եղիյանի ՀՀ քրեական օրենսգրքի 255-րդ հոդվածի 1-ին մասով /2 դրվագ/, քրեական գործին շնորհվել է ԵԴ1/3014/01/24 դատական գործի համարը:
2024 թվականի հոկտեմբերի 29-ին որոշում է կայացվել թիվ ԵԴ1/3014/01/24 քրեական գործով վարույթ ստանձնելու և նախնական դատալսումներ նշանակելու մասին:

Համաձայնեցման վարույթ
Մինչև դատաքննությունը սկսելն մեղադրյալը միջնորդեց դատական քննությունն անցկացնել համաձայնեցման հատուկ կարգով, միևնույն ժամանակ հայտնեց, որ առաջադրված մեղադրանքն իրենց ամբողջությամբ պարզ է և հասկանալի, համաձայն է մեղադրանքի հետ և իրեն լիովին մեղավոր է ճանաչում, միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում են համաձայնեցման հատուկ կարգով դատական քննություն անցկացնելու բնույթը և հետևանքները:
Մեղադրողն առարկություն չներկայացրեց համաձայնեցման վարույթ կիրառելու դեմ:
Տուժողները չէին ներկայացել դատական նիստին:
Դատարանը պարզելով, որ առկա է ՀՀ քրեական դատավարության օրենսգրքի 458-րդ հոդվածի 1-ին մասով նախատեսված համաձայնեցման վարույթ կիրառելու հիմքը և միաժամանակ արձանագրելով, որ բացակայում են նույն հոդվածի 2-րդ մասով նախատեսված՝ համաձայնեցման վարույթի կիրառումը բացառող հանգամանքները, որոշեց ՀՀ քրեական դատավարության օրենսգրքի 459-րդ հոդվածի համաձայն բավարարել համաձայնեցման վարույթ կիրառելու մասին մեղադրյալի միջնորդությունը և կողմերին տրամադրել ժամանակ բանակցությունների համար։

Դատական նիստի ժամանակ հանրային մեղադրողը հրապարակեց համաձայնության վերաբերյալ արձանագրությունները, հետևյալ բովանդակությամբ.
«ՀՀ Երևան քաղաքի ընդհանուր իրավասության առաջին ատյանի քրեական դատարանի /դատավոր Ա․ Մելիքսեթյան/ վարույթում է գտնվում թիվ ԵԴ1/3014/01/24 քրեական գործն ըստ մեղադրանքի Անգելինա Արսենի Եղիյանի՝ երկու դրվագ ՀՀ քրեական օրենսգրքի 255-րդ հոդվածի 1-ին մասով:
Նկատի ունենալով, որ դատարանը բավարարել է համաձայնեցման վարույթ կիրառելու մասին միջնորդությունը՝ համաձայնեցման գալու նպատակով մեղադրողը բանակցություններ է սկսել մեղադրյալի և նրա պաշտպանի հետ:
Երևան քաղաքի Մալաթիա-Սեբաստիա վարչական շրջանի դատախազության դատախազ Մարիա Ստյոպայի Խաչատրյանի աշխատասենյակում` 2024 թվականի դեկտեմբերի 11-ին, մասնակցությամբ՝
Հանրային մեղադրող՝ Երևան քաղաքի Մալաթիա-Սեբաստիա վարչական շրջանի դատախազության դատախազ, առաջին դասի խորհրդական Մարիա Ստյոպայի Խաչատրյանի (վկայական N100)
Մեղադրյալ՝ Անգելինա Արսենի Եղիյանի (ծնված 2000 թվականի սեպտեմբերի 18-ին, ազգությամբ հայ, ՀՀ քաղաքացի, նախկինում չդատված, խնամքին 8 ամսեկան երեխա, հաշվառված՝ ք. Երևան, Մալաթիա-Սեբաստիա, Բաբաջանյան փող. 6 շենքի 22 բնակարանում, փաստացի բնակվող՝ ք․ Երևան, Իսակով պողոտա, 27/24 հասցեում, )
Պաշտպան՝ ՀՀ փաստաբանների պալատի փաստաբան Քաջիկ Լազարյանի (արտոնագիր թիվ)
Անգելինա Արսենի Եղիյանը մեղադրվում է այն հանրորեն վտանգավոր արարքի կատարման համար, որ նա 2022 թվականի հոկտեմբերի 17-ին՝ ժամը 11:00-ի սահմաններում իրեն պատկանող «Ինստագրամ» հավելվածի «armine___movsisyan__» օգտատիրոջ էջով կապ է հաստատել Էմմա Աշոտի Մաթևոսյանի անվամբ նույն հավելվածում բացված «point___point» օգտատիրոջ էջի հետ և հետաքրքվել վերջինիս էջում առկա հագուստի վաճառքով: Էմմա Մաթևոսյանից հագուստները, այն է՝ սվիտեր, չոկեր, սպորթային սեթ, ջինսե տաբատ և ջինսե բաճկոն հափշտակելու և չվերադարձնելու նախնական դիտավորությամբ, խաբեության եղանակով, դրանք փորձելու և հավանելու դեպքում գնելու վերաբերյալ Էմմա Մաթևոսյանին իրականությանը չհամապատասխանող տեղեկություններ է հայտնել և վերջինիս վստահությունը չարաշահելով՝ վերը նշված հագուստների դիմաց 262.000 ՀՀ դրամ գումարը վճարելու շուրջ պայմանավորվածություն ձեռք բերելով, 2022 թվականի հոկտեմբերի 17-ին՝ ժամը 16:00-ից մինչև 17:00-ն ընկած ժամանակահատվածում Էմմա Մաթևոսյանի կողմից խանութի առաքիչ Լևոն Ալիկի Ալիխանյանի միջոցով նախապես պայմանավորված Երևան քաղաքի Շերամի 115 հասցե է ուղարկվել վերը նշված հագուստը, որտեղ Անգելինա Եղիյանը ապօրինի, անհատույց հափշտակել է Էմմա Մաթևոսյանին պատկանող զգալի չափերի՝ 262.000 ՀՀ դրամ արժողության սվիտերը, չոկերը, սպորթային սեթը, ջինսե տաբատը և ջինսե բաճկոնը՝ այդ կերպ Էմմա Աշոտի Մաթևոսյանին պատճառելով զգալի չափերի՝ 262.000 ՀՀ դրամի գույքային վնաս:
Այսինքն՝ Անգելինա Արսենի Եղիյանին մեղսագրվում է հանցանքի կատարում, որը նախատեսված է ՀՀ քրեական օրենսգրքի 255-րդ հոդվածի 1-ին մասով:
Բացի այդ, Անգելինա Արսենի Եղիյանը, 2023 թվականի մարտի 20-ին՝ ժամը 23:11-ի սահմաններում, իրեն պատկանող «Ինստագրամ» հավելվածի «no____nameeee_» օգտատիրոջ էջով կապ է հաստատել Նինա Գագիկի Կարապետյանի անվամբ նույն հավելվածում բացված էջի հետ և հետաքրքվել վերջինիս էջում առկա հագուստի և դիմահարդարման պարագաների վաճառքով: Նինա Կարապետյանից ապրանքները, այն է՝ Պումա ֆիրմայի մեկ զույգ սպորտային կոշիկներ, Թոմի ջինս ֆիրմայի կանացի անթև շապիկ, Կելվին Կլայն ֆիրմայի մեկ հատ գլխարկ, Դազ օֆ Քոլրս ֆիրմայի դիմափոշու սպունգ, Դազ օֆ Քոլրս ֆիրմայի պալետ՝ ստեվաներկեր, Էսդալաուդեր ֆիրմայի տոնային քսուկ, Սեֆոր ֆիրմայի երկու շրթներկ, Վերսաչի ֆիրմայի մինի օծանելիք, Ռառե բյութի ֆիրմայի սևաներկ՝ տուշ, Բենեֆիտ ֆիրմայի բրոնզեր և Բրուբար ֆիրմայի հոնքերի հավաքածու հափշտակելու և չվերադարձնելու նախնական դիտավորությամբ, խաբեության եղանակով, դրանք գնելու վերաբերյալ Նինա Կարապետյանին իրականությանը չհամապատասխանող տեղեկություններ է հայտնել և վերջինիս վստահությունը չարաշահելով՝ վերը նշված ապրանքների դիմաց 148.900 ՀՀ դրամ գումարը փոխանցելու շուրջ պայմանավորվածություն ձեռք բերելով, 2023 թվականի մարտի 21-ին՝ ժամը 14:00-ի սահմաններում Նինա Կարապետյանի կողմից իր մայրիկի՝ Նաիրա Սերյոժայի Առաքելյանի միջոցով նախապես պայմանավորված Երևան քաղաքի Ծովակալ Իսակովի 27 հասցե է ուղարկվել վերը նշված ապրանքները, որտեղ Անգելինա Եղիյանն ապօրինի, անհատույց հափշտակել է Նինա Կարապետյանին պատկանող զգալի չափերի՝ ընդհանուրը 148.900 ՀՀ դրամ արժողության Պումա ֆիրմայի մեկ զույգ սպորտային կոշիկներ, Թոմի ջինս ֆիրմայի կանացի անթև շապիկ, Կելվին Կլայն ֆիրմայի մեկ հատ գլխարկ, Դազ օֆ Քոլրս ֆիրմայի դիմափոշու սպունգ, Դազ օֆ Քոլրս ֆիրմայի պալետ՝ ստեվաներկեր, Էսդալաուդեր ֆիրմայի տոնային քսուկ, Սեֆոր ֆիրմայի երկու շրթներկ, Վերսաչի ֆիրմայի մինի օծանելիք, Ռառե բյութի ֆիրմայի սևաներկ՝ տուշ, Բենեֆիտ ֆիրմայի բրոնզեր և Բրուբար ֆիրմայի հոնքերի հավաքածուն՝ այդ կերպ Նինա Գագիկի Կարապետյանին պատճառելով զգալի չափերի՝ 148.900 ՀՀ դրամի գույքային վնաս:
Այսինքն՝ Անգելինա Արսենի Եղիյանին մեղսագրվում է հանցանքի կատարում, որը նախատեսված է ՀՀ քրեական օրենսգրքի 255-րդ հոդվածի 1-ին մասով:
Այսպիսով Անգելինա Արսենի Եղիյանին մեղսագրվում է երկու դրվագ ՀՀ քրեական օրենսգրքի 255-րդ հոդվածի 1-ին մասով նախատեսված հանցանքների կատարում:
2023 թվականի դեկտեմբերի 28-ին Անգելինա Եղիյանի նկատմամբ որպես խափանման միջոց կիրառվել է բացակայելու արգելք խափանման միջոցը:
2024 թվականի հոկտեմբերի 28-ին քրեական գործը մեղադրական եզրակացությամբ ուղարկվել է Երևան քաղաքի առաջին ատյանի ընդհանուր իրավասության քրեական դատարան:
Տուժող՝ Նինա Գագիկի Կարապետյանը նախնական դատալսումների ընթացքում դատարանին դիմում է հասցեագրել այն մասին, որ հրաժարվում է Անգելինա Եղիյանի կողմից իրեն պատճառված 55․900 ՀՀ դրամի գույքային վնասի փոխհատուցումից, որևէ բողոք-պահանջ չունի և չի առարկում համաձայնեցման վարույթ կիրառելու դեմ, իսկ տուժող Էմմա Աշոտի Մաթևոսյանը դատարանին հասցեագրած դիմումով հայտնել է, որ Անգելինա Եղիյանը փոխհատուցել է իրեն պատճառված 262․000 ՀՀ դրամ գույքային վնասը, որևէ բողոք-պահանջ չունի և չի առարկում համաձայնեցման վարույթ կիրառելու դեմ։
Բանակցությունների ընթացքում մեղադրյալ Անգելինա Արսենի Եղիյանին պարզաբանվել է, որ իրեն մեղսագրվող արարքները հանդիսանում են ոչ մեծ ծանրության արարքներ, որոնք նախատեսված են ՀՀ քրեական օրենսգրքի 255-րդ հոդվածի 1-ին մասով, այն է՝ Խարդախությունը՝ խաբեության կամ վստահությունը չարաշահելու եղանակով հափշտակությունը, և ենթակա է պատժի ՀՀ քրեական օրենսգրքի 255-րդ հոդվածի 1-ին մասով, որի համար նախատեսված է պատիժ տուգանք՝ առավելագույնը քսանապատիկի չափով, կամ հանրային աշխատանքներ՝ ութսունից հարյուր հիսուն ժամ տևողությամբ, կամ ազատության սահմանափակում՝ առավելագույնը երկու տարի ժամկետով, կամ կարճաժամկետ ազատազրկում՝ մեկից երկու ամիս ժամկետով, կամ ազատազրկում ՝ առավելագույնը երկու տարի ժամկետով:
ՀՀ պետական եկամուտների կոմիտեից ստացված գրության համաձայն, կատարված արարքներին նախորդող 12 ամիսների ընթացքում Անգելինա Եղիյանը 02.08.2022 թվականից մինչև 31.08.2022 թվականն ընկած ժամանակահատվածում աշխատել է «ԷՍ ՎԻ» ընկերությունում որպես հյուրընկալ և ստացել աշխատավարձ 100.000 ՀՀ դրամի չափով:
Հիմք ընդունելով ՀՀ քրեական դատավարության օրենսգրքի 460-րդ հոդվածը և ՀՀ քրեական օրենսգրքի 77-րդ հոդվածի 1-ին մասի դրույթները, բանակցությունների արդյունքում կողմերը եկան համաձայնության հետևյալի վերաբերյալ՝
1․ Անգելինա Արսենի Եղիյանին մեղավոր ճանաչել ՀՀ քրեական օրենսգրքի 255-րդ հոդվածի 1-ին մասով, և որպես պատիժ նշանակել տուգանք արարքի կատարման պահին գործող նվազագույն աշխատավարձի յոթնապատիկի, այն է՝ 476.000 ՀՀ դրամի չափով:
2. Անգելինա Արսենի Եղիյանին մեղավոր ճանաչել ՀՀ քրեական օրենսգրքի 255-րդ հոդվածի 1-ին մասով, և որպես պատիժ նշանակել տուգանք տուգանք արարքի կատարման պահին գործող նվազագույն աշխատավարձի յոթնապատիկի չափով, այն է՝ 525.000 ՀՀ դրամի չափով:
3. ՀՀ քրեական օրենսգրքի 74-րդ հոդվածի կանոններով նշանակված պատիժներն ամբողջությամբ գումարելու եղանակով ՀՀ քրեական օրենսգրքի 255-րդ հոդվածի 1-ին մասով նշանակված տուգանքին՝ նվազագույն աշխատավարձի յոթնապատիկի չափով, այն է՝ 476.000 ՀՀ դրամին գումարել ՀՀ քրեական օրենսգրքի 255-րդ հոդվածի 1-ին մասով նշանակված տուգանքի յոթնապատիկի չափին, այն է 525.000 ՀՀ դրամ գումարին, և որպես վերջնական պատիժ նշանակել տուգանք՝ նվազագույն աշխատավարձի տասնչորսապատիկի, այն է՝ 1.001.000 ՀՀ դրամի չափով: Դատավճիռն օրինական ուժի մեջ մտնելուց հետո նշանակված 1.001.000 ՀՀ դրամը վճարելու համար Անգելինա Արսենի Եղիյանին տրամադրել տասներկու ամիս ժամկետ՝ յուրաքանչյուր ամիս 83.420 ՀՀ դրամ վճարելու պայմանով:
4․ Մեղադրյալի նկատմամբ ընտրված բացակայելու արգելք խափանման միջոցը թողնել անփոփոխ` մինչև դատական ակտի օրինական ուժի մեջ մտնելը:
5․ Բռնագանձման ենթակա գույք և իրեղեն ապացույց չկա:»

Դատարանի իրավական վերլուծությունները
Մեղադրողի կողմից համաձայնության մասին արձանագրությունը հրապարակումից հետո մեղադրյալը հայտնեց, որ իրեն պարզ է կնքված համաձայնությունների բովանդակությունը, համաձայն է դրան, արտահայտել է իր իրական կամքը, գիտակցում է կնքված համաձայնության հետևանքները, պնդում են կնքված համաձայնությունը, այն չի կնքվել բռնության, սպառնալիքի կամ հարկադրանքի այլ միջոցի ազդեցության հետևանքով։
Պաշտպան հայտնեց, որ պնդում է կնքված համաձայնությունը։
Վերոգրյալի հիման վրա Դատարանն արձանագրում է, որ կողմերի միջև կնքված համաձայնությունը բխում է ՀՀ քրեական դատավարության օրենսգրքով նախատեսված համաձայնեցման վարույթի կիրառման վերաբերելի դրույթների պահանջներից:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 463-րդ հոդվածով, Դատարանը

Վ Ճ Ռ Ե Ց

Մեղադրյալ Անգելինա Արսենի Եղիյանին մեղավոր ճանաչել ՀՀ քրեական օրենսգրքի 255-րդ հոդվածի 1-ին մասով նախատեսված հանցանքում և պատիժ նշանակել տուգանք՝ արարքի կատարման պահին գործող նվազագույն աշխատավարձի յոթնապատիկի՝ 476.000 ՀՀ դրամի չափով:
Մեղադրյալ Անգելինա Արսենի Եղիյանին մեղավոր ճանաչել ՀՀ քրեական օրենսգրքի 255-րդ հոդվածի 1-ին մասով նախատեսված հանցանքում և պատիժ նշանակել տուգանք՝ արարքի կատարման պահին գործող նվազագույն աշխատավարձի յոթնապատիկի՝ 525.000 ՀՀ դրամի չափով:
ՀՀ քրեական օրենսգրքի 74-րդ հոդվածի կանոններով նշանակված պատիժներն ամբողջությամբ գումարելու եղանակով որպես վերջնական պատիժ նշանակել տուգանք՝ նվազագույն աշխատավարձի տասնչորսապատիկի՝ 1.001.000 ՀՀ դրամի չափով:
Թույլատրել մեղադրյալ Անգելինա Արսենի Եղիյանին դատավճռով նշանակված 1.001.000 ՀՀ դրամ գումարի չափով տուգանքը վճարել մաս առ մաս՝ 12 /տասներկու/ ամսվա ընթացքում՝ յուրաքանչյուր ամիս վճարելով 83.420 ՀՀ դրամ գումար:
Մեղադրյալ Անգելինա Արսենի Եղիյանի նկատմամբ ընտրված բացակայելու արգելք խափանման միջոցը թողնել անփոփոխ` մինչև դատական ակտի օրինական ուժի մեջ մտնելը:
Բռնագանձման ենթակա գույքի և իրեղեն ապացույցի հարցը համարել լուծված:
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերի, կարող է բողոքարկվել ՀՀ վերաքննիչ քրեական դատարան` դատական ակտը ստանալուց հետո մեկամսյա ժամկետում:



ԴԱՏԱՎՈՐ՝ Ա. ՄԵԼԻՔՍԵԹՅԱՆ