ԵԴ1/2984/01/24

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

15 հունվարի 2025 թվական ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև՝ Դատարան),

Նախագահությամբ՝ դատավոր Մ.Մելքոնյանի,
քարտուղարությամբ` Ա.Մանասյանի,
մասնակցությամբ`
մեղադրող Վ.Մարգարյանի,
մեղադրյալ Ա.Հակոբյանի,

Դռնբաց դատական նիստում քննության առնելով քրեական գործն ըստ մեղադրանքի` Արմեն Արթուրի Հակոբյանի (ծնված` 10.09.1999թ.-ին ՀՀ-ում, ազգությամբ հայ, ՀՀ քաղաքացի, նախկինում դատված, չամուսնացած, հաշվառված և բնակվում է ք.Երևան, Քանաքեռ-Զեյթուն, Քանաքեռ 6 փողոց 64 տուն հասցեում)
ՀՀ քրեական օրենսգրքի 344-րդ հոդվածի 2-րդ մասով.

Պ Ա Ր Զ Ե Ց

1․ Քրեական գործի դատավարական նախապատմությունը․
1․1․ 2024 թվականի մայիսի 31-ին ՀՀ ՔԿ ԵՔՔՎ ՃՏՀ քննության բաժնի քննիչ Ն.Սիմոնյանը կազմել է արձանագրություն ՀՀ քրեական օրենսգրքի 344-րդ հոդվածի 2-րդ մասով թիվ 60528424 քրեական վարույթը նախաձեռնելու մասին:
1.2. 2024 թվականի սեպտեմբերի 02-ին ՀՀ ՔԿ ԵՔՔՎ ՃՏՀ քննության բաժնի քննիչ Ն.Սիմոնյանը որոշում է կայացրել թիվ 60528424 քրեական վարույթով Արմեն Արթուրի Հակոբյանի նկատմամբ կազմված վարչական իրավախախտման վերաբերյալ թիվ 818026730 և 8180268844 արձանագրությունների, ալկոհոլի պարունակության ստուգման թիվ 00681 և 01405 կտրոնների, ստուգաչափման թիվ 110923 և 110926 վկայականների, ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկատվության և ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության պատճենները որպես արտավարութային փաստաթուղթ ապացույց ճանաչելու մասին:
1.5. 2024 թվականի սեպտեմբերի 03-ին ՀՀ դատախազության Երևան քաղաքի Ավան և Նոր Նորք վարչական շրջանների դատախազության դատախազ Վ.Մարգարյանը որոշում է կայացրել թիվ 60528424 քրեական վարույթով Արմեն Արթուրի Հակոբյանի նկատմամբ ՀՀ քրեական օրենսգրքի 344-րդ հոդվածի 2-րդ մասով հանրային քրեական հետապնդում հարուցելու մասին:
1.6. 2024 թվականի սեպտեմբերի 04-ին ՀՀ ՔԿ ԵՔՔՎ ՃՏՀ քննության բաժնի քննիչ Ն.Սիմոնյանը որոշում է կայացրել թիվ 60528424 քրեական վարույթով մեղադրյալ Արմեն Արթուրի Հակոբյանի նկատմամբ որպես խափանման միջոց բացակայելու արգելքը կիրառելու մասին:
1.7. 2024 թվականի հոկտեմբերի 23-ին թիվ 60528424 քրեական վարույթը, հաստատված մեղադրական եզրակացությամբ, ստացվել է Երևան քաղաքի առաջին ատյանի ընդհանուր իրավասության քրեական դատարանում, որը ստանալով թիվ ԵԴ1/2984/01/24 դատական համարը, մակագրվել և ստացվել է նույն դատարանի դատավոր Մասիս Մելքոնյանի աշխատակազմում:
1.8. 2024 թվականի հոկտեմբերի 25-ին Երևան քաղաքի առաջին ատյանի ընդհանուր իրավասության քրեական դատարանը, նախագահությամբ դատավոր Մասիս Մելքոնյանի, որոշում է կայացրել թիվ ԵԴ1/2984/01/24 քրեական գործը վարույթ ընդունելու և նախնական դատալսումներ անցկացնելու մասին:
1.9. 2025 թվականի հունվարի 15-ին Դատարանը թիվ ԵԴ1/2984/01/24 քրեական գործով մեղադրյալ Արմեն Արթուրի Հակոբյանի նկատմամբ ՀՀ քրեական օրենսգրքի 344-րդ հոդվածի 2-րդ մասով կայացրել է մեղադրական վեդիկտ։
2. Մեղադրանքի փաստական նկարագրությունը.
2024 թվականի սեպտեմբերի 03-ին ՀՀ դատախազության Երևան քաղաքի Ավան և Նոր Նորք վարչական շրջանների դատախազության դատախազ Վ.Մարգարյանը որոշում է կայացրել թիվ 60528424 քրեական վարույթով Արմեն Արթուրի Հակոբյանի նկատմամբ ՀՀ քրեական օրենսգրքի 344-րդ հոդվածի 2-րդ մասով հանրային քրեական հետապնդում հարուցելու մասին այն արարքի կատարման համար, որ նա, 1 տարի ժամկետով զրկված լինելով տրանսպորտային միջոցներ վարելու իրավունքից, ոչ սթափ վիճակում վարել է տրանսպորտային միջոց:
Այսպես.
Արմեն Արթուրի Հակոբյանը, 2023 թվականի նոյեմբերի 20-ի թիվ 8180266730 վարչական իրավախախտման վերաբերյալ արձանագրությամբ 1 տարի ժամկետով զրկված լինելով տրանսպորտային միջոց վարելու իրավունքից և չունենալով տրանսպորտային միջոց վարելու իրավունք, 2024 թվականի փետրվարի 08-ին ՝ ժամը 22:50-ին, Երևան քաղաքի Բագրևանդի փողոցում, 0,197 մգ/լ ալկոհոլի ազդեցության տակ վարել է «ԿԻԱ» մակնիշի 70 KA 077 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության գնդի 3-րդ վաշտի պարեկ Ռոման Ալոյանի կողմից կազմվել է վարչական իրավախախտման վերաբերյալ թիվ 8180268844արձանագրությունը:
3.Դատաքննության ընթացքում հետազոտված թույլատրելի ապացույցները.
3․1․ 2025 թվականի հունվարի 15-ին տեղի ունեցած դատական նիստում մեղադրյալ Արմեն Հակոբյանը, օգտվելով իր իրավունքից, հրաժարվել է ցուցմունք տալուց: Դատարանը, հաշվի առնելով այն հանգամանքը, որ մեղադրյալ Արմեն Հակոբյանը, օգտվելով իր իրավունքից, հրաժարվել է ցուցմունք տալուց և հարցերին պատասխանելուց, որոշում է կայացրել հրապարակել մեղադրյալ Արմեն Հակոբյանի նախաքննական ցուցմունքները: 2024 թվականի հոկտեմբերի 03-ին որպես մեղադրյալ հարցաքննվելիս Արմեն Հակոբյանը ցուցմունք է տվել այն մասին, որ առաջադրված մեղադրանքում իրեն ամբողջությամբ մեղավոր է ճանաչում և զղջում է կատարվածի համար, օգտվելով իր դատավարական կարգավիճակից չի ցանկացել ցուցմունք տալ և պատասխանել հարցերին (Հատոր 1, Գ.Թ. 42-44 տես՚ դատական նիստի արձանագրություն՝ 15.01.2025թ.)։
3․2․ Զննություն կատարելու մասին արձանագրության համաձայն՝ զննության է ենթարկվել Արմեն Արթուրի Հակոբյանի նկատմամբ կազմված վարչական իրավախախտման վերաբերյալ թիվ 8180266730 և 8180268844 արձանագրությունները, ալկոհոլի պարունակության ստուգման թիվ 00681 և 0140 կտրոնները, ստուգաչափման թիվ 110923 և 110926 վկայականները, ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկատվությունը և ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվությունը, համաձայն որի՝ զննությամբ պարզվել է ,որ 2023 թվականի նոյեմբերի 20-ին ՝ ժամը 02:10-ին , Երևան քաղաքի Պ.Սևակի փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդգումարտակի, 3-րդ վաշտի պարեկ Ռուբեն Պապիկյանի(կրծքանշան թիվ 06882) կողմից կազմվել է վարչական իրավախախտման վերաբերյալ թիվ 8180266730 արձանագրությունը, համաձայն որի՝ Արմեն Արթուրի Հակոբյանը (ծնված ՝ 10.09.1999թ.) ժամը 02:00-ի սահմաններում Երևան քաղաքի Պ.Սևակի փողոցում վարել է «ԲՄՎ» մակնիշի 37 XN 603 հաշվառման համարանիշի տրանսպորտային միջոցը՝ ոչ սթափ վիճակում: 30.01.2023թ. թիվ 880266730 վարչական գործով' որոշում է կայացվել, որով Արմեն Արթուրի Հակոբյանը զրկվել է տրանսպորտային միջոցներ վարելու իրավունքից՝ 1(մեկ) տարի ժամկետով: Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն: Արձանագրությանը ծանոթանալու, իրավունքների ու պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումը ստանալու հատվածում առկա է ստորագրություն: Արձանագրության ներքևի ձախ հատվածում առկա է արձամագրությունը կազմողի ստորագրությունը, որպես խախտման ծածկագիր նշված' 73 թիվը: Ալկոհոլի պարունակության ստուգման կտրոնի զննությամբ պարզվեց, որ ստուգաչափման սարքի համարն է՝ 91101039, զննման համարը՝ 00681, զննման անսաթիվը՝ 20.11.2023թ., զննման ժամը՝ 02:07:22, վերջին ստուգաչափման ամսաթիվը՝ 14.11.2023թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.179 մգ/լ, վարորդի անունն է՝ Արմեն, ազգանունը՝ Հակոբյան, տրանսպորտային միջոցի համարանիշը՝ 37 XN 603, վարորդական վկայականի սերիա համարը RB350692, Պ/Ծ ազգանունը՝ Պապիկյան, կրծքանշանի համարը՝ 06882: ՀՀ էկոնոմիկայի նախարարության «Ստանդարտացման և չափագիտության ազագային մարմին» ՓԲԸ-ից կողմից տրված թիվ 110923 ստուգաչափման վկայականի զենությամբ պարզվեց, որ վկայականը ուժի մեջ է 2023 թվականի նոյեմբերի 14-ից մինչև 2024 թվականի նոյեմբերի 08-ը, ստուգաչափման սարքի գործարանային համարն է 9101039, տեսակը՝ Jupiter XIRP, չափման տիրույթը՝ 0.000+0.200մգ/լ ճշտության դասը, կարգը /սխալանքը/ +5++10%, արտադրողը' Չինաստան, պատկանում է ՀՀ ՆԳՆ ոստիկանություն, ստուգաչափումը կատարվել է հետևյալ ստուգաչափման մերոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրույթուն և նշված է Վ. Բաբաջանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ. Մարտիրոսյան: 2024 թվականի փետրվարի 02-ին՝ ժամը 22:58-ին, Երևան քաղաքի Բագրևանդի փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 3-րդ գումարտակի 3-րդ վաշտի պարեկ Ռոման Ալոյանի /կրծքանշան թիվ 010525/ կողմից կազմվել է վարչական իրավախախտման վերաբերյալ թիվ 81802068844 արձանագրությունը, համաձայն որի՝ Արմեն Արթուրի Հակոբյանը (ծնված՝ 10.09.1999թ.) տրանսպորտային միջոց վարելու իրավունքից զրկված վիճակում, ժամը 22:50-ի սահմաններում Երևան քաղաքի Բագրևանդի փողոցում վարել է «Կիա» մակնիշի 70 КО 077 հաշվառման համարանիշի տրանսպորտային միջոցը: Արձանագրության վարչական իրավախախտում կատարած անձի բացատրությունը և դիտողությունը նշելու հատվածում առկա է ստորագրություն: Արձանագրությանը ծանոթացա, իմ իրավուքների ու պարտականությունների մասին քաղվածքը և խախտման քննարկման վայրի ու ժամանակի վերաբերյալ ծանուցումը ստանալու հատվածում առկա է ստորագրություն: Արձանագրության ներքևի ձախ հատվածում առկա է արձանագրությունը կազմողի ստորագրությունը, որպես խախտման ծածկագիր նշված՝ 202.1 թիվը: Ալկոհոլի պարունակության ստուգման կտրոնի զննությամբ պարզվեց, որ ստուգաչափման սարքի համարն է՝ 91101189, զննման համարը' 01405, զննման ամսաթիվը' 08.02.2024թ., զննման ժամը՝ 22:56:07, վերջին ստուգաչափման ամսաթիվը՝ 14.11.2023թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.197 մգ/լ, վարորդի անունն է՝ Արմեն, ազգանունը՝ Հակոբյան, տրանսպորտային միջոցի համարանիշը՝ 70 КО 077, անձ. AT0364810, Պ/Ծ ազգանունը՝ Ալոյան, կրծքանշանի համարը՝ 10525: ՀՀ էկոնոմիկայի նախարարության «Ստանդարտացման և չափագիտության ազագային մարմին» ՓԲԸ-ից կողմից տրված թիվ 110926 ստուգաչափման վկայականի զննությամբ պարզվեց, որ վկայականը ուժի մեջ է 2023 թվականի նոյեմբերի 14-ից մինչև 2024 թվականի նոյեմբերի 02-ը, ստուգաչափման սարքի գործարանային համարն է 91101189, տեսակը' Jupiter X/RP, չափման տիրույթը՝ 0.000+0.200մգ/լ ճշտության դասը, կարգը /սխալանքը/ +5++10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի՝ MU2835-2008, ստուգաչափող անվան դիմաց առկա է ստորագրություն և նշված է Վ. Բաբաջանյան, իսկ բաժնի /լաբորատորիայի վարիչ/ անվան դիմաց առկա է ստորագրություն և նշված է Գ. Մարտիրոսյան: ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրում Արմեն Արթուրի Հակոբյանի (ՀԾ համարանիշ 2009990137) մուտքագրման արդյունքում պարզվել է, որ վերջինիս տրանպորտային միջոց վարելու իրավունքը (RB350692 սերիա համարի վարորդական վկայական) սույն քրեական վարույթը նախաձեռնելուց առաջ ունեցել է զրկված կարգավիճակ՝ սկիզբը 03.01.2024 թվականից, ավարտը՝ 03.01.2025 թվականը: ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկանքի զննությամբ՝ պարզվեց, որ Արմեն Արթուրի Հակոբյանը, ծնված՝ 10.09.1999թ., անձնագիր՝ AT0364818, ՀԾՀ համարանիշն է՝ 2009990137, հաշվառված է քաղաք Երևան, Քանաքեռ-Զեյթուն, Քանաքեռ 6 փողոց, 64 տուն հասցեում: Զննությամբ քննությանը հետաքրքրություն ներկայացնող այլ տվյալներ չհայտնաբերվեցին (Հատոր 1, Գ.Թ. 16-18 տես՚ դատական նիստի արձանագրություն՝ 15.01.2025թ.)։
3․3․ Արտավարութային փաստաթուղթ ապացույց ճանաչելու մասին որոշման համաձայն որպես արտավարութային փաստաթուղթ ապացույց է ճանաչվել վարչական իրավախախտման վերաբերյալ թիվ 818026730 և 8180268844 արձանագրությունների, ալկոհոլի պարունակության ստուգման թիվ 00681 և 01405 կտրոնների, ստուգաչափման թիվ 110923 և 110926 վկայականների, ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկատվության և ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության պատճենները (Հատոր 1, Գ.Թ. 19-20 տես՚ դատական նիստի արձանագրություն՝ 15.01.2025թ.)։
4.Դատարանի իրավական վերլուծությունները.
4.1. Վերլուծելով մեղադրյալ Արմեն Արթուրի Հակոբյանին ներկայացված մեղադրանքը և հիմնվելով հետազոտված թույլատրելի ապացույցների վրա` Դատարանը գտնում է, որ.
• ապացուցված է մեղադրյալ Արմեն Արթուրի Հակոբյանին վերագրվող փաստական հանգամանքները, մասնավորապես՝ մեղադրյալ Արմեն Արթուրի Հակոբյանի կողմից տրանսպորտային միջոցներ վարելու իրավունքից զրկված լինելով կրկին տրանսպորտային միջոց վարելու փաստը.
• ապացուցված է վերոգրյալ արարքի քրեական հակաիրավականությունը, որը նախատեսված է 2021 թվականի մայիսի 05-ին ընդունված ՀՀ քրեական օրենսգրքի 344-րդ հոդվածի 2-րդ մասով.
• ապացուցված է մեղադրյալ Արմեն Արթուրի Հակոբյանի կողմից 2021 թվականի մայիսի 05-ին ընդունված ՀՀ քրեական օրենսգրքի 344-րդ հոդվածի 2-րդ մասով նախատեսված վերոգրյալ արարքները կատարելը.
• ապացուցված է մեղադրյալ Արմեն Արթուրի Հակոբյանի մեղավորությունը 2021 թվականի մայիսի 05-ին ընդունված ՀՀ քրեական օրենսգրքի 344-րդ հոդվածի 2-րդ մասով նախատեսված արարքները կատարելու մեջ:
4.2. Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
4.3. ՀՀ Սահմանադրության 71-րդ հոդվածի համաձայն՝ 1. Հանցանք կատարած անձի պատժի հիմքը նրա մեղքն է: 2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին:
4.4. ՀՀ քրեական օրենսգրքի 7-րդ հոդվածի 1-ին մասի համաձայն`
Հանցանք կատարած անձին քրեական պատասխանատվության «պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին հանցավորի անձնավորությանը:
4.5. ՀՀ քրեական օրենսգրքի 55-րդ հոդվածի 2-րդ մասի համաձայն՝
1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ: 2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:
4.6. ՀՀ քրեական օրենսգրքի 69-րդ հոդվածի համաձայն`
Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները: 2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ: 3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները: 4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ: Պատիժ նշանակելը քրեական գործով արդարադատության իրականացման վճռական պահն է, որը պետք է դառնա կատարված հանցանքի հասարակական վտանգավորության գնահատման լիարժեք չափանիշ, պատժի ենթարկվող անձին վերասոցիալականացնելու, ինչպես մեղադրյալի, այնպես էլ այլ անձանց կողմից հանցագործությունները կանխելու գործուն միջոց: Արդարության և պատասխանատվության անհատականացման սկզբունքը պատժի տեսակը և չափը որոշելու բազմաթիվ դրույթների ու չափանիշների հետ մեկտեղ անխզելիորեն կապված է պատասխանատվությունը և պատիժը մեղմացնող ու ծանրացնող հանգամանքները հետազոտելու և հաշվի առնելու հետ: ՀՀ քրեական դատավարության օրենսգրքի 102-րդ հոդվածում թվարկված են յուրաքանչյուր քրեական գործով ապացուցման ենթակա փաստական հանգամանքները: Այդ հոդվածի 5-րդ կետի համաձայն՝ քրեական օրենքով նախատեսված պատասխանատվությունը մեղմացնող կամ խստացնող հանգամանքները հաստատվում են միայն ապացույցների հիման վրա: Ընդ որում, անձի պատասխանատվությունը և պատիժը մեղմացնող ու ծանրացնող հանգամանքների գնահատումը յուրաքանչյուր կոնկրետ գործով պատիժ նշանակելիս հնարավորություն է տալիս դատարանին պատկերացում կազմել հանցանքի հանրության համար վտանգավորության աստիճանի, բնույթի, ինչպես նաև հանցավորի անձնավորության մասին և յուրաքանչյուր կոնկրետ գործով անհատականացնել պատիժը: Պատժի անհատականացման կարևորությունն այն է, որ դա լուրջ երաշխիք է ՀՀ քրեական օրենսգրքի 55-րդ հոդվածի 2-րդ մասով սահմանված պատժի նպատակների իրականացման համար:
4.7. Վերոհիշյալ իրավադրույթների և ՀՀ վճռաբեկ դատարանի որոշումների համատեքստում, ուսումնասիրելով մեղադրյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մեղադրյալ Արմեն Արթուրի Հակոբյանի նկատմամբ, նրա կատարած հանցանքի համար պատիժ նշանակելիս` Դատարանը հաշվի է առնում հանցանքի բնույթն ու հանրության համար վտանգավորության աստիճանը, հանցավորի անձը բնութագրող հանգամանքները:
4.8. Դատարանը, ղեկավարվելով ՀՀ քրեական օրենսգրքի 70-րդ հոդվածի 2-րդ մասով, որպես մեղադրյալի պատասխանատվությունը և պատիժը մեղմացնող հանգամանք, հաշվի է առնում այն, որ նա ներկայացված մեղադրանքում իրեն լիովին մեղավոր է ճանաչել և տվել է խոստովանական ցուցմունք:
4.9. Դատարանը, ղեկավարվելով նաև ՀՀ քրեական օրենսգրքի 71-րդ հոդվածի 1-ին մասի 1-ին կետով, որպես մեղադրյալի քրեական պատասխանատվությունը և պատիժը ծանրացնող հանգամանք, հաշվի է առնում այն, որ նա ունի դատվածություն:
4.10. Դատարանը, քննարկելով մեղադրյալ Արմեն Արթուրի Հակոբյանի նկատմամբ պատժի նշանակման հարցը, գտնում է, որ մեղադրյալ Արմեն Արթուրի Հակոբյանի նկատմամբ անհրաժեշտ է տուգանքի չափ նշանակել նվազագույն աշխատավարձի վեցապատիկի՝ 450.000 (չորս հարյուր հիսուն հազար) ՀՀ դրամի չափով, որով կապահովվի ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը, ավելին՝ այն անհրաժեշտ և բավարար է սոցիալական արդարությունը վերականգնելու, պատժի ենթարկված անձին վերասոցիալականացնելու և հանցագործությունները կանխելու համար: Միաժամանակ Դատարանը գտնում է, որ մեղադրյալ Արմեն Արթուրի Հակոբյանի նկատմամբ սույն դատավճռով նշանակված պատժին դատավճիռների համակցությամբ պետք է մասնակի գումարել թիվ ԵԴ1/1674/01/24 քրեական գործով Երևան քաղաքի առաջին ատյանի ընդհանուր իրավասության դատարանի 2024 թվականի սեպտեմբերի 13-ի դատավճռով Ա.Հակոբյանի նկատմամբ նշանակված 1.395.000(մեկ միլիոն երեք հարյուր իննսունհինգ հազար) ՀՀ դրամ տուգանքը և Արմեն Արթուրի Հակոբյանի նկատմամբ որպես վերջնական պատիժ նշանակել տուգանք՝ 1.500.000 (մեկ միլիոն հինգ հարյուր հազար) ՀՀ դրամի չափով: Միևնույն ժամանակ, հաշվի առնելով մեղադրյալի գույքային դրությունը՝ դատարանը գտնում է, Արմեն Արթուրի Հակոբյանի նկատմամբ նշանակված տուգանքի` 1.500.000 (մեկ միլիոն հինգ հարյուր հազար) ՀՀ դրամ գումարի վճարումը պետք է տարաժամկետել, դրա վճարման ժամկետ սահմանել 12 (տասներկու) ամիս:
4.11. ՀՀ քրեական դատավարության 348-րդ հոդվածի համաձայն դատավճռում պետք է շարադրվեն նաև հետևյալ հարցերի պատասխանները.
• գույքային հայցը ենթակա է արդյոք բավարարման, ում օգտին և ինչ չափով, ինչպես նաև պատճառված գույքային վնասը ենթակա է արդյոք հատուցման, եթե գույքային հայց չի հարուցվել.
• որ գույքն է ենթակա բռնագրավման, ինչ չափով և ինչպիսի հիմքով,
վերացվելու է արդյոք կիրառված գույքի արգելադրումը, իսկ եթե այդպիսին կիրառված չէ, ապա ենթակա է արդյոք կիրառման,
• ինչպես պետք է պահպանվեն և տնօրինվեն ապացույցները,
• դատապարտված մեղադրյալի նկատմամբ վերացվելու, փոխվելու կամ կիրառվելու է արդյոք որևէ խափանման միջոց.
• ում վրա և ինչ չափով պետք է դրվեն վարութային ծախսերը։
4.12. Քննարկելով մեղադրյալի նկատմամբ ընտրված խափանման միջոցի հարցը՝ Դատարանը գտնում է, որ վերջինիս նկատմամբ որպես խափանման միջոց ընտրված բացակայելու արգելքը, պետք է թողնել անփոփոխ մինչև դատավճռի օրինական ուժի մեջ մտնելը, իսկ դրանից հետո՝ վերացնել:
4.13. Նկատի ունենալով, որ սույն քրեական գործով գույքային հայց, գույք բռնագրավելու անհրաժեշտություն, արգելադրված գույք, վարույթային ծախսերի վերաբերյալ հարցեր առկա չեն, Դատարանը այդ հարցերին չի անդրադառնում:
4.14. Քննարկելով որպես արտավարութային փաստաթուղթ ապացույց ճանաչված
վարչական իրավախախտման վերաբերյալ թիվ 818026730 և 8180268844 արձանագրությունների, ալկոհոլի պարունակության ստուգման թիվ 00681 և 01405 կտրոնների, ստուգաչափման թիվ 110923 և 110926 վկայականների, ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկատվության և ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության պատճենների պահպանության հարցը՝ Դատարանը գտնում է, որ դատավճիռն օրինական ուժի մեջ մտնելուց հետո դրանք պետք է թողնել կցված քրեական գործի նյութերի հետ:
Ելնելով վերոգրյալից և ղեկավարվելով Հայաստանի Հանրապետության քրեական դատավարության օրենսգրքի 30-31-րդ, 100-րդ, 167-րդ, 347-350-րդ, 352-353-րդ, 364-րդ հոդվածներով, Դատարանը`

Վ Ճ Ռ Ե Ց

1. Մեղադրյալ Արմեն Արթուրի Հակոբյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով նախատեսված արարք կատարելու համար:
2. ՀՀ քրեական օրենսգրքի 344-րդ հոդվածի 2-րդ մասով նախատեսված հանցագործության կատարման համար Արմեն Արթուրի Հակոբյանի նկատմամբ պատիժ նշանակել տուգանք՝ նվազագույն աշխատավարձի վեցապատիկի չափով՝ 450.000 /չորս հարյուր հիսուն հազար/ ՀՀ դրամի չափով:
3. Երևան քաղաքի առաջին ատյանի ընդհանուր իրավասության քրեական դատարանի ԵԴ1/1674/01/24 քրեական գործով 2024 թվականի սեպտեմբերի 13-ի դատավճռով Արմեն Արթուրի Հակոբյանի նկատմամբ նշանակված 1.395.000 (մեկ միլիոն երեք հարյուր իննսունհինգ հազար) տուգանքին՝ ՀՀ քրեական օրենսգրքի 75-րդ հոդվածով դատավճիռների համակցությամբ և պատիժների մասնակի գումարման սկզբունքով Արմեն Արթուրի Հակոբյանի նկատմամբ որպես վերջնական պատիժ նշանակել տուգանք՝ 1.500.000 (մեկ միլիոն հինգ հարյուր հազար) ՀՀ դրամի չափով:
4. Արմեն Արթուրի Հակոբյանին թույլատրել դատավճռով նշանակված 1.500.000 (մեկ միլիոն հինգ հարյուր հազար) ՀՀ դրամի չափով տուգանքը վճարել մաս առ մաս՝ 12 (տասներկու) ամիս ժամկետում:
5. Արմեն Արթուրի Հակոբյանի նկատմամբ որպես խափանման միջոց ընտրված բացակայելու արգելքը թողնել անփոփոխ մինչև սույն դատավճռի օրինական ուժի մեջ մտնելը:
6. Դատավճիռն օրինական ուժի մեջ մտնելուց հետո արտավարութային փաստաթուղթ ճանաչված ապացույցները թողնել կցված քրեական գործի նյութերին:
7. Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալուց հետո մեկամսյա ժամկետում:

ԴԱՏԱՎՈՐ ՄԱՍԻՍ ՄԵԼՔՈՆՅԱՆ