ԵԴ1/2970/01/24



Ո Ր Ո Շ ՈՒ Մ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ և ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՀԱՐՑԸ ՔՆՆՈՒԹՅԱՆ ԱՌՆԵԼՈՒ ՄԱՍԻՆ

06 նոյեմբերի 2024թ. ք. Երևան
Երևան քաղաքի առաջին ատյանի ընդհանուր իրավասության քրեական դատարանը (այսուհետ՝ Դատարան), նախագահությամբ դատավոր Վ.Մելիքյանի, քարտուղարությամբ՝ Գ.Ավետիսյանի, մասնակցությամբ՝ հանրային մեղադրող Ե.Աբովյանի, պաշտպան Ա.Քալաշյանի, մեղադրյալներ Գ.Գրիգորյանի, Է.Ավետիսյանի, դռնբաց դատական նիստում քննության առնելով Գուրգեն Արմենի Գրիգորյանի (ծնված՝ 25.03.2005թ., ազգությամբ հայ, ՀՀ քաղաքացի, միջնակարգ կրթությամբ, չդատված, չամուսնացած, փաստացի բնակվում է ք.Երևան, Բաբաջանյան փ., 30-րդ շ., 22-րդ բնակարան հասցեում) և Էմմանուել Հրաչյայի Ավետիսյանի(ծնված՝ 10.05.1995թ., ազգությամբ հայ, ՀՀ քաղաքացի, 8-ամյա կրթությամբ, չդատված, չամուսնացած, հաշվառված՝ ք.Երևան, Հասրաթյան փ., 27 տուն հասցեում, բնակվել է՝ ք.Երևան, Արտաշիսյան փ., 71 շենք, 15 բնակարան հասցեում) նկատմամբ քրեական հետապնդումը դադարեցնելու և քրեական գործի վարույթը կարճելու հարցը,

Պ Ա Ր Զ Ե Ց
07.09.2024 թվականին ՀՀ ՔԿ ԵՔՔՎ Արաբկիր վարչական շրջանի քննչական բաժնում նախաձեռնվել է թիվ 14169024 քրեական վարույթը /հատոր 1-ին, գ.թ. 17-18/:
09.09.2024 թվականին ՀՀ ՔԿ ԵՔՔՎ Արաբկիր վարչական շրջանների քննչական բաժնի քննիչ Զ.Սամսոնյանի որոշմամբ թիվ 09106224, 09106324 և 14169024 քրեական վարույթները միացվել են մեկ վարույթում /հատոր 1-ին, գ.թ. 60-64/:
Նախաքննական մարմնի որոշումներով Աշոտ Ազատի Ազիզյանը, Անդրանիկ Վաչագանի Ներսիսյանը, Հայկ Վարուժանի Օհանջանյանը ճանաչվել են տուժող:
09.09.2024 թվականին Երևան քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Ե.Աբովյանի որոշմամբ Գուրգեն Արմենի Գրիգորյանի նկատմամբ հարուցվել է քրեական հետապնդում ՀՀ քրեական օրենսգրքի 254-րդ հոդվածի 2-րդ մասի 1-ին կետով երեք դրվագով /հատոր 1-ին, գ.թ. 155-156/:
09.09.2024 թվականին Երևան քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Ե.Աբովյանի որոշմամբ Էմմանուել Հրաչյայի Ավետիսյանի նկատմամբ հարուցվել է քրեական հետապնդում ՀՀ քրեական օրենսգրքի 254-րդ հոդվածի 2-րդ մասի 1-ին կետով երեք դրվագով /հատոր 1-ին, գ.թ. 158-159/:
10.09.2024 թվականին Երևան քաղաքի առաջին ատյանի ընդհանուր իրավասության քրեական դատարանի թիվ ԵԴ1/1525/06/24 որոշմամբ Էմմանուել Հրաչյայի Ավետիսյանի նկատմամբ խափանման միջոց է կիրառվել կալանավորումը երկու ամիս ժամկետով /հատոր 1-ին, գ.թ. 22-33/:
10.09.2024 թվականին Երևան քաղաքի առաջին ատյանի ընդհանուր իրավասության քրեական դատարանի թիվ ԵԴ1/1526/06/24 որոշմամբ Էմմանուել Հրաչյայի Ավետիսյանի նկատմամբ խափանման միջոց է վարչական հսկողութունը և բացակայելու արգելքը /հատոր 1-ին, գ.թ. 34-58/:
Նախաքննական մարմնի որոշմամբ տուժող է ճանաչվել Հակոբ Կամոյի Ստամբոլցյանը /հատոր 1-ին, գ.թ. 93/:
14.10.2024 թվականին Երևան քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Ե.Աբովյանի որոշմամբ Գուրգեն Արմենի Գրիգորյանի նկատմամբ հարուցվել է նոր հանրային քրեական հետապնդում ՀՀ քրեական օրենսգրքի 254-րդ հոդվածի 2-րդ մասի 1-ին կետով 4 դրվագով /հատոր 1-ին, գ.թ. 144-150/:
14.10.2024 թվականին Երևան քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Ե.Աբովյանի որոշմամբ Էմմանուել Հրաչյայի Ավետիսյանի նկատմամբ հարուցվել է նոր հանրային քրեական հետապնդում ՀՀ քրեական օրենսգրքի 254-րդ հոդվածի 2-րդ մասի 1-ին կետով 4 դրվագով /հատոր 1-ին, գ.թ. 151-156/:
Թիվ ԵԴ1/2970/01/24 (09120924 նախաքննական համար) քրեական գործն ըստ մեղադրանքի՝ Գուրգեն Արմենի Գրիգորյանի ՀՀ քրեական օրենսգրքի 254-րդ հոդվածի 2-րդ մասի 1-ին կետով 4 դրվագով և Էմմանուել Հրաչյայի Ավետիսյանի ՀՀ քրեական օրենսգրքի 254-րդ հոդվածի 2-րդ մասի 1-ին կետով 4 դրվագով ուղարկվել է Երևան քաղաքի առաջին ատյանի ընդհանուր իրավասության քրեական դատարան, մուտքագրվել է և համակարգչային ծրարգրի միջոցով իրականացվող գործերի բաշխմամբ, գործը մակագրվել է դատավոր Վահագն Մելիքյանին:
29.10.2024 թվականի որոշմամբ քրեական գործը վարույթ է ստանձնվել և նախնական դատալսումներ է նշանակվել:
Գուրգեն Արմենի Գրիգորյանի նկատմամբ ՀՀ քրեական օրենսգրքի 254-րդ հոդվածի 2-րդ մասի 1-ին կետով 4 դրվագով քրեական հետապնդում է հարուցվել այն բանի համար, որ նա Էմմանուել Հրաչյայի Ավետիսյանի հետ խմբի կազմում ուրիշի գույքի գաղտնի հափշտակություն կատարելու դիտավորությամբ՝ 2024 թվականի սեպտեմբերի 06-ից սեպտեմբերի 07-ն ընկած ժամանակահատվածում Երևան քաղաքի տարբեր հասցեներից կատարել է ուրիշի գույքի գաղտնի հափշտակություններ։
Այսպես.
Գուրգեն Արմենի Գրիգորյանը խմբի կազմում ուրիշի գույքի գաղտնի հափշտակություն կատարելու դիտավորությամբ՝ Էմմանուել Ավետիսյանի հետ, 2024 թվականի սեպտեմբերի 06-ից սեպտեմբերի 07-ն ընկած ժամանակահատվածում մոտենալով Երևան քաղաքի Մինաս Ավետիսյան 4-րդ փողոցի 8ա շենք հասցե, մոտեցել են այնտեղ կայանված՝ Աշոտ Ազիզյանին պատկանող «Մերսեդես» մակնիշի 34 PR 892 հաշվառման համարանիշի ավտոմեքենային, այնուհետև գաղտնի հափշտակել նշված ավտոմեքենայի կողային հայելիները և հեռացել, այդ կերպ՝ Աշոտ Ազիզյանին պատճառելով մանր չափի՝ 42.000 ՀՀ դրամի գույքային վնաս:
Բացի այդ, Գուրգեն Արմենի Գրիգորյանը խմբի կազմում ուրիշի գույքի գաղտնի հափշտակություն կատարելու դիտավորությամբ՝ Էմմանուել Ավետիսյանի հետ, 2024 թվականի սեպտեմբերի 06-ից սեպտեմբերի 07-ն ընկած ժամանակահատվածում մոտենալով Երևան քաղաքի Լեփսիուսի 10ա շենք հասցե, մոտեցել են այնտեղ կայանված՝ Անդրանիկ Ներսիսյանին պատկանող «Մերսեդես» մակնիշի 37 NA 925 հաշվառման համարանիշի ավտոմեքենային, այնուհետև գաղտնի հափշտակել նշված ավտոմեքենայի կողային հայելիները և հեռացել, այդ կերպ՝ Անդրանիկ Ներսիսյանին պատճառելով մանր չափի՝ 75.000 ՀՀ դրամի գույքային վնաս:
Բացի այդ, Գուրգեն Արմենի Գրիգորյանը՝ խմբի կազմում ուրիշի գույքի գաղտնի հափշտակություն կատարելու դիտավորությամբ՝ Էմմանուել Ավետիսյանի հետ, 2024 թվականի սեպտեմբերի 06-ից սեպտեմբերի 07-ն ընկած ժամանակահատվածում, մոտենալով Երևան քաղաքի Լեփսիուսի 7 հասցե, մոտեցել են այնտեղ կայանված՝ Հայկ Օհանջանյանին պատկանող «Մերսեդես» մակնիշի 90 PN 066 հաշվառման համարանիշի ավտոմեքենային, այնուհետև գաղտնի հափշտակել նշված ավտոմեքենայի կողային հայելիները, դիմացի հողմափակիչները և հեռացել, այդ կերպ՝ Հայկ Օհանջանյանին պատճառելով մանր չափի՝ 53.000 ՀՀ դրամի գույքային վնաս:
Բացի այդ, Գուրգեն Արմենի Գրիգորյանը խմբի կազմում ուրիշի գույքի գաղտնի հափշտակություն կատարելու դիտավորությամբ՝ Էմմանուել Ավետիսյանի հետ, 2024 թվականի սեպտեմբերի 06-ից սեպտեմբերի 07-ն ընկած ժամանակահատվածում մոտենալով Երևան քաղաքի Լեփսիուսի 7 շենք հասցեի մոտ, մոտեցել են այնտեղ կայանված` Հակոբ Կամոյի Ստամբոլցյանին պատկանող «Մերսեդես» մակնիշի 37 OF 966 հաշվառման համարանիշի ավտոմեքենային, այնուհետև գաղտնի հափշտակել նշված ավտոմեքենայի կողային հայելիները, և հեռացել, այդ կերպ՝ Հակոբ Կամոյի Ստամբոլցյանին պատճառելով մանր չափի՝ 38.000 ՀՀ դրամի գույքային վնաս:
Էմմանուել Հրաչյայի Ավետիսյանի նկատմամբ ՀՀ քրեական օրենսգրքի 254-րդ հոդվածի 2-րդ մասի 1-ին կետով 4 դրվագով քրեական հետապնդում է հարուցվել այն բանի համար, որ նա Գուրգեն Գրիգորյանի հետ խմբի կազմում ուրիշի գույքի գաղտնի հափշտակություն կատարելու դիտավորությամբ՝ 2024 թվականի սեպտեմբերի 06-ից սեպտեմբերի 07-ն ընկած ժամանակահատվածում Երևան քաղաքի տարբեր հասցեներից կատարել է ուրիշի գույքի գաղտնի հափշտակություններ։
Այսպես.
Էմմանուել Հրաչյայի Ավետիսյանը խմբի կազմում ուրիշի գույքի գաղտնի հափշտակություն կատարելու դիտավորությամբ՝ Գուրգեն Գրիգորյանի հետ, 2024 թվականի սեպտեմբերի 06-ից սեպտեմբերի 07-ն ընկած ժամանակահատվածում մոտենալով Երևան քաղաքի Մինաս Ավետիսյան 4-րդ փողոցի 8ա շենք հասցե, մոտեցել են այնտեղ կայանված՝ Աշոտ Ազիզյանին պատկանող «Մերսեդես» մակնիշի 34 PR 892 հաշվառման համարանիշի ավտոմեքենային, այնուհետև գաղտնի հափշտակել նշված ավտոմեքենայի կողային հայելիները և հեռացել, այդ կերպ՝ Աշոտ Ազիզյանին պատճառելով մանր չափի՝ 42.000 ՀՀ դրամի գույքային վնաս:
Բացի այդ, Էմմանուել Հրաչյայի Ավետիսյանը խմբի կազմում ուրիշի գույքի գաղտնի հափշտակություն կատարելու դիտավորությամբ՝ Գուրգեն Գրիգորյանի հետ, 2024 թվականի սեպտեմբերի 06-ից սեպտեմբերի 07-ն ընկած ժամանակահատվածում մոտենալով Երևան քաղաքի Լեփսիուսի 10ա շենք հասցե, մոտեցել են այնտեղ կայանված՝ Անդրանիկ Ներսիսյանին պատկանող «Մերսեդես» մակնիշի 37 NA 925 հաշվառման համարանիշի ավտոմեքենային, այնուհետև գաղտնի հափշտակել նշված ավտոմեքենայի կողային հայելիները և հեռացել, այդ կերպ՝ Անդրանիկ Ներսիսյանին պատճառելով մանր չափի՝ 75.000 ՀՀ դրամի գույքային վնաս:
Բացի այդ, Էմմանուել Հրաչյայի Ավետիսյանը՝ խմբի կազմում ուրիշի գույքի գաղտնի հափշտակություն կատարելու դիտավորությամբ՝ Գուրգեն Գրիգորյանի հետ, 2024 թվականի սեպտեմբերի 06-ից սեպտեմբերի 07-ն ընկած ժամանակահատվածում, մոտենալով Երևան քաղաքի Լեփսիուսի 7 հասցե, մոտեցել են այնտեղ կայանված՝ Հայկ Օհանջանյանին պատկանող «Մերսեդես» մակնիշի 90 PN 066 հաշվառման համարանիշի ավտոմեքենային, այնուհետև գաղտնի հափշտակել նշված ավտոմեքենայի կողային հայելիները, դիմացի հողմափակիչները և հեռացել, այդ կերպ՝ Հայկ Օհանջանյանին պատճառելով մանր չափի՝ 53.000 ՀՀ դրամի գույքային վնաս:
Բացի այդ, Էմմանուել Հրաչյայի Ավետիսյանը խմբի կազմում ուրիշի գույքի գաղտնի հափշտակություն կատարելու դիտավորությամբ՝ Գուրգեն Գրիգորյանի հետ, 2024 թվականի սեպտեմբերի 06-ից սեպտեմբերի 07-ն ընկած ժամանակահատվածում մոտենալով Երևան քաղաքի Լեփսիուսի 7 շենք հասցեի մոտ, մոտեցել են այնտեղ կայանված` Հակոբ Կամոյի Ստամբոլցյանին պատկանող «Մերսեդես» մակնիշի 37 OF 966 հաշվառման համարանիշի ավտոմեքենային, այնուհետև գաղտնի հափշտակել նշված ավտոմեքենայի կողային հայելիները, և հեռացել, այդ կերպ՝ Հակոբ Կամոյի Ստամբոլցյանին պատճառելով մանր չափի՝ 38.000 ՀՀ դրամի գույքային վնաս:
Մեղադրյալներ Էմմանուել Հրաչյայի Ավետիսյանի և Գուրգեն Արմենի Գրիգորյանի պաշտպան Ա.Ավետիսյանը միջնորդել է մեղադրյալների նկատմամբ իրականացվող քրեական հետապնդումը դադարեցնել, վերջիններիս և տուժողների հաշտության հիմքով:
Մեղադրյալներ Էմմանուել Ավետիսյանը և Գուրգեն Գրիգորյանը միացել են պաշտպանին և հայտնել, որ հաշտվել են տուժողների հետ:
Տուժողներ Աշոտ Ազիզյանը, Անդրանիկ Ներսիսյանը, Հակոբ Ստամբոլցյանը և Հայկ Օհանջանյանը հայտնել են, որ հաշտվել են մեղադրյալների հետ, նրանցից որևէ բողոք պահանջ չունեն:
Հանրային մեղադրող Ե.Աբովյանը չի առարկել քրեական վարույթը՝ մեղադրյալների և տուժողների հաշտության հիմքով կարճելու դեմ:
Անդրադառնալով մեղադրյալների և տուժողի հետ հաշտվելու հիմքով քրեական հետապնդումը դադարեցնելու և քրեական գործի վարույթը կարճելու հարցին, Դատարանն արձանագրում է հետևյալը.
ՀՀ քրեական դատավարության օրենսգրքի 12-րդ հոդվածի համաձայն` «1. Քրեական հետապնդում չպետք է հարուցվի, իսկ հարուցված քրեական հետապնդումը ենթակա է դադարեցման, եթե`
(...):
12) անձը Հայաuտանի Հանրապետության քրեական oրենuգրքի ընդհանուր կամ հատուկ մասի դրույթների ուժով ենթակա է ազատման քրեական պատաuխանատվությունից.(...):»:
ՀՀ քրեական օրենսգրքի 82-րդ հոդվածի համաձայն՝
«1. Եթե անձն առաջին անգամ է հանցանք կատարել, ապա ազատվում է քրեական պատասխանատվությունից, եթե նրա կատարած արարքը ոչ մեծ կամ միջին ծանրության հանցանք է, և նրա ու տուժողի միջև առկա է հաշտության վերաբերյալ ինքնուրույն և ազատ կամարտահայտության վրա հիմնված փոխադարձ համաձայնությունը, բացառությամբ այն դեպքերի, երբ կատարված հանցանքում առկա են ընտանիքում բռնության հատկանիշներ:
2. Եթե անձն առաջին անգամ է հանցանք կատարել, որը ոչ մեծ կամ միջին ծանրության հանցագործությանը հանցակցություն է, ապա նա հաշտության հիմքով ազատվում է քրեական պատասխանատվությունից, եթե առկա է հաշտության վերաբերյալ տուժողի և տվյալ հանցակցի՝ ինքնուրույն և ազատ կամարտահայտության վրա հիմնված փոխադարձ համաձայնությունը:
(...)»:
ՀՀ քրեական օրենսգրքի 254-րդ հոդվածի համաձայն՝
«1. Գողությունը՝ գաղտնի հափշտակությունը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ ազատության սահմանափակմամբ՝ առավելագույնը երկու տարի ժամկետով, կամ կարճաժամկետ ազատազրկմամբ՝ առավելագույնը երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:
2. Գողությունը, որը կատարվել է՝
1) մի խումբ անձանց կողմից նախնական համաձայնությամբ,
2) տուժողի մարմնի վրայից, հագուստից, պայուսակից, այլ պահոցից կամ օբյեկտից,
3) տեխնիկական միջոցի, հատուկ հարմարեցված սարքավորման կամ այլ առարկայի կամ միջոցի գործադրմամբ կամ այլ եղանակով գույքի պաշտպանության կամ պահպանման համար նախատեսված սարքավորումը, համակարգը, կառույցը կամ այլ միջոցը ոչնչացնելով, վնասելով կամ շրջանցելով կամ
4) խոշոր չափերով՝
պատժվում է տուգանքով` քսանապատիկից հիսնապատիկի չափով, կամ հանրային աշխատանքներով՝ հարյուր հիսունից երկու հարյուր յոթանասուն ժամ տևողությամբ, կամ ազատության սահմանափակմամբ՝ մեկից երեք տարի ժամկետով, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ` երկուսից հինգ տարի ժամկետով:
(...)»:
Դատարանը նախ փաստում է, որ մեղադրյալներ Էմմանուել Ավետիսյանին և Գուրգեն Գրիգորյանին ՀՀ քրեական օրենսգրքի 254-րդ հոդվածի 2-րդ մասի 1-ին կետով մեղսագրված արարքները դասվում են միջին ծանրության հանցագործությունների շարքին:
Դատարանն արձանագրում է, որ համաձայն ՀՀ ոստիկանության ինֆորմացիոն կենտրոնից ստացված տեղեկանքի ուսումնասիրությամբ մեղադրյալները տվյալ պահին համարվում են դատվածություն չունեցող, հետևաբար, նաև ՀՀ քրեական օրենսգրքի 82-րդ հոդվածի իմաստով համարվում են առաջին անգամ ենթադրյալ հանցանք կատարող։
Դատարանը նաև արձանագրում է, որ տուժողներ Աշոտ Ազիզյանը, Անդրանիկ Ներսիսյանը, Հակոբ Ստամբոլցյանը և Հայկ Օհանջանյանը հայտնել են, որ հաշտվել են մեղադրյալների հետ, նրանցից որևէ բողոք պահանջ չունեն՝ ներկայացնելով գրավոր դիմումներ:
Նկատի ունենալով, որ մեղադրյալները դատական նիստի ընթացքում ևս ինքնակամ հայտնել են տուժողների հետ հաշտվելու մասին՝ Դատարանը նշված հանգամանքը դիտում է որպես մեղադրյալների և տուժողների միջև հաշտության վերաբերյալ ինքնուրույն և ազատ կամարտահայտության վրա հիմնված փոխադարձ համաձայնություն։
Վերոգրյալի արդյունքում Դատարանը գտնում է, որ մեղադրյալ Էմմանուել Հրաչյայի Ավետիսյանի նկատմամբ ՀՀ քրեական օրենսգրքի 254-րդ հոդվածի 2-րդ մասի 1-ին կետով 4 դրվագով քրեական հետապնդումը պետք է դադարեցնել ՀՀ քրեական օրենսգրքի 82-րդ հոդվածի կիրառմամբ՝ ՀՀ քրեական դատավարության օրենսգրքի 12-րդ հոդվածի 1-ին մասի 12-րդ կետի հիմքով:
Վերոգրյալի արդյունքում Դատարանը գտնում է, որ մեղադրյալ Գուրգեն Արմենի Գրիգորյանի նկատմամբ ՀՀ քրեական օրենսգրքի 254-րդ հոդվածի 2-րդ մասի 1-ին կետով 4 դրվագով քրեական հետապնդումը պետք է դադարեցնել ՀՀ քրեական օրենսգրքի 82-րդ հոդվածի կիրառմամբ՝ ՀՀ քրեական դատավարության օրենսգրքի 12-րդ հոդվածի 1-ին մասի 12-րդ կետի հիմքով:
Քննության առնելով մեղադրյալ Էմմանուել Ավետիսյանի նկատմամբ կիրառված կալանավորում խափանման միջոցի հարցը, Դատարանը գտնում է, որ վերջինիս նկատմամբ կիրառված կալանավորում խափանման միջոցը ենթակա է վերացման և մեղադրյալին պետք է անհապաղ ազատ արձակել դատական նիստերի դահլիճում, քանի որ վերացել է խափանման միջոցի անհրաժեշտությունը:
Քննության առնելով մեղադրյալ Գուրգեն Գրիգորյանի նկատմամբ կիրառված վարչական հսկողություն և բացակայելու արգելք խափանման միջոցների հարցը, Դատարանը գտնում է, որ վերջինիս նկատմամբ կիրառված խափանման միջոցները ենթակա է վերացման, քանի որ վերացել է խափանման միջոցի անհրաժեշտությունը:
Քննության առնելով իրեղեն ապացույցների տնօրինման հարցը, Դատարանը գտնում է, որ իրեղեն ապացույց ճանաչված Աշոտ Ազիզյանի, Անդրանիկ Ներսիսյանի, Հակոբ Ստամբոլցյանի և Հայկ Օհանջանյանի մեքենաների կողային հայելիները պետք է վերադարձնել վերջիններիս՝ ըստ պատկանելիության
Քրեական գործով դատական ծախսեր և գույքային հայց առկա չեն:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 12-րդ, 315-րդ և 364-րդ հոդվածներով` Դատարանը

Ո Ր Ո Շ Ե Ց
Թիվ ԵԴ1/2970/01/24 քրեական գործով մեղադրյալներ Գուրգեն Արմենի Գրիգորյանի՝ ՀՀ քրեական օրենսգրքի 254-րդ հոդվածի 2-րդ մասի 1-ին կետով 4 դրվագով և Էմմանուել Հրաչյայի Ավետիսյանի ՀՀ քրեական օրենսգրքի 254-րդ հոդվածի 2-րդ մասի 1-ին կետով 4 դրվագով առաջադրված մեղադրանքով քրեական հետապնդումը դադարեցնել և քրեական գործի վարույթը կարճել՝ տուժողներ Ա.Ներսիսյանի, Հ.Օհանջանյանի, Հ.Ստամբոլցյանի և Ա.Ազիզյանի հետ հաշտվելու հիմքով:
Մեղադրյալ Էմմանուել Հրաչյայի Ավետիսյանի նկատմամբ կիրառված կալանավորում խափանման միջոցը վերացնել և վերջինիս անհապաղ ազատ արձակել դատական նիստերի դահլիճում:
Մեղադրյալ Գուրգեն Արմենի Գրիգորյանի նկատմամբ կիրառված վարչական հսկողությունը և բացակայելու արգելքը վերացնել:
Իրեղեն ապացույց ճանաչված Աշոտ Ազիզյանի, Անդրանիկ Ներսիսյանի, Հակոբ Ստամբոլցյանի և Հայկ Օհանջանյանի մեքենաների կողային հայելիները վերադարձնել վերջիններիս՝ ըստ պատկանելիության:
Որոշումը հատուկ վերանայման կարգով կարող է բողոքարկվել ՀՀ վերաքննիչ քրեական դատարան` դատական ակտը ստանալու օրվանից հետո՝ մեկամսյա ժամկետում:

ԴԱՏԱՎՈՐ Վ.ՄԵԼԻՔՅԱՆ