ԵԴ1/2884/01/24

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

09 դեկտեմբերի 2024թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև՝ Դատարան),

Նախագահությամբ՝ դատավոր Մ.Մելքոնյանի,
քարտուղարությամբ` Ա.Մանասյանի,
մասնակցությամբ`
մեղադրող Ե․Աբովյանի,
մեղադրյալ Գ․Մղդեսյանի,

Դռնբաց դատական նիստում քննության առնելով քրեական գործն ըստ մեղադրանքի Գարիկ Սարգսի Մղդեսյանի (ծնված՝ 01.09.1996թ. ազգությամբ հայ, ՀՀ քաղաքացի, նախկինում չդատված, հաշվառված ք.Երևան, Նաիրի Զարյան 74Ա շենք 247 բն.) ՀՀ քրեական օրենսգրքի 344-րդ հոդվածի 1-ին մասով.

Պ Ա Ր Զ Ե Ց

1. Գործի դատավարական նախապատմությունը.
1.1 2024 թվականի սեպտեմբերի 11-ին ՀՀ ՔԿ ԵՔՔՎ ՃՏՀ քննության բաժնի քննիչ Մ.Աբաջյանը կազմել է արձանագրություն՝ ՀՀ քրեական օրենսգրքի 344-րդ հոդվածի 1-ին մասով թիվ 60585024 քրեական վարույթը նախաձեռնելու մասին:
1.2 2024 թվականի սեպտեմբերի 21-ին ՀՀ ՔԿ ԵՔՔՎ ՃՏՀ քննության բաժնի քննիչ Մ.Աբաջյանը որոշում է կայացրել թիվ 60585024 քրեական վարույթով Գարիկ Սարգսի Մղդեսյանի վերաբերյալ ՀՀ ոստիկանության պարեկային ծառայության Երևան քաղաքի գնդի ծառայողների կողմից կազմված վարչական իրավախախտման վերաբերյալ արձանագրության (կից չլրացված իրավախախտման վերաբերյալ արձանագրություն 8180409722, 88180360577) Գարիկ Մղդեսյանի սթափության զննության ստուգաչափման թիվ 103684 ստուգաչափման վկայականի, Գարիկ Սարգսի Մղդեսյանի վերաբերյալ ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից կատարված քաղվածքի պատճենները որպես արտավարութային փաստաթուղթ ապացույց ճանաչելու մասին:
1.3 2024 թվականի սեպտեմբերի 24-ին ՀՀ դատախազության Երևան քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Ե.Աբովյանը որոշում է կայացրել թիվ 60585024 քրեական վարույթով Գարիկ Սարգսի Մղդեսյանի նկատմամբ ՀՀ քրեական օրենսգրքի 344-րդ հոդվածի 1-ին մասով հանրային քրեական հետապնդում հարուցելու մասին:
1.4 2024 թվականի սեպտեմբերի 26-ին ՀՀ ՔԿ ԵՔՔՎ ՃՏՀ քննության բաժնի քննիչ Մ.Աբաջյանը որոշում է կայացրել թիվ 60585024 քրեական վարույթով մեղադրյալ Գարիկ Սարգսի Մղդեսյանի նկատմամբ որպես խափանման միջոց բացակայելու արգելք կիրառելու մասին:
1.5 2024 թվականի հոկտեմբերի 16-ին թիվ 60585024 քրեական վարույթը, հաստատված մեղադրական եզրակացությամբ, ստացվել է Երևան քաղաքի առաջին ատյանի ընդհանուր իրավասության քրեական դատարանում, որը ստանալով թիվ ԵԴ1/2884/01/24 դատական համարը, մակագրվել և ստացվել է նույն դատարանի դատավոր Մասիս Մելքոնյանի աշխատակազմում:
1.6 2024 թվականի հոկտեմբերի 17-ին Երևան քաղաքի առաջին ատյանի ընդհանուր իրավասության քրեական դատարանը, նախագահությամբ դատավոր Մասիս Մելքոնյանի, որոշում է կայացրել թիվ ԵԴ1/2884/01/24 քրեական գործը վարույթ ընդունելու և նախնական դատալսումներ նշանակելու մասին:
2. Մեղադրանքի փաստական նկարագրությունը.
2.1 2024 թվականի սեպտեմբերի 24-ին ՀՀ դատախազության Երևան քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Ե.Աբովյանը որոշում է կայացրել թիվ 60585024 քրեական վարույթով Գարիկ Սարգսի Մղդեսյանի նկատմամբ ՀՀ քրեական օրենսգրքի 344-րդ հոդվածի 1-ին մասով հանրային քրեական հետապնդում հարուցելու մասին այն հանցանքի կատարման համար, որ նա, տրանսպորտային միջոցներ վարելու իրավունքից 1 տարի ժամկետով զրկված լինելու պայմաններում վարել է տրանսպորտային միջոց. Այսպես.Գարիկ Մղդեսյանը ՀՀ ՆԳՆ ոստիկանության պարեկային ծառայության աշխատակցի 2024 թվականի հունվարի 28-ին կայացված վարչական տույժ նշանակելու մասին թիվ 8180360577 որոշմամբ 1 տարի ժամկետով զրկված լինելով տրանսպորտային միջոցներ վարելու իրավունքից և այդ մասին պատշաճ ծանուցված լինելով՝ 2024 թվականի հուլիսի 14-ին Երևան քաղաքի Տիգրանյան փողոցում, ժամը 16:10-ի սահմաններում վարել է «Տոյոտա» մակնիշի 77 GM 077 հաշվառման համարանիշի ավտոմեքենան, որի վերաբերյալ պարեկային ծառայության աշխատակցի կողմից կազմվել է վարչական իրավախախտման մասին թիվ 8180409722 արձանագրությունը:
3.Դատաքննության ընթացքում հետազոտված թույլատրելի ապացույցները.
3.1․ 2024 թվականի դեկտեմբերի 09-ին տեղի ունեցած դատական նիստում մեղադրյալ Գարիկ Մղդեսյանը հրաժարվել է ցուցմունք տալուց և հարցերին պատասխանելուց, միաժամանակ հայտնեց, որ իրեն մեղավոր է ճանաչում:
(Մանրամասները տես դատական նիստի արձանագրություն՝ 09.12.2024թ.)
3.2․ Դատարանը, հաշվի առնելով այն հանգամանքը, որ մեղադրյալ Գարիկ Մղդեսյանը, օգտվելով իր իրավունքից, հրաժարվել է ցուցմունք տալուց, որոշում է կայացրել հրապարակել մեղադրյալ Գարիկ Մղդեսյանի նախաքննական ցուցմունքները հետևյալի մասին՝ Գարիկ Մղդեսյանը ցուցմունք է տվել այն մասին, որ չի ընդունում իրեն առաջադրված մեղադրանքը և օգտվելով իր դատավարական իրավունքից՝ հրաժարվում է ցուցմունք տալուց: Հայտնել է, որ քանի որ չի ընդունում իրեն առաջադրված մեղադրանքը, չի ցանկանում, որ իր նկատմամբ կիրառվի համաձայնությամբ տուգանք նշանակելու վարույթ, հայտնել է նաև, որ գիտակցում է հետևանքները:
(Վ․Թ․ 34-35 դատական նիստի արձանագրություն՝ 09.12.2024թ.)
3.3. Զննում կատարելու մասին արձանագրության համաձայն՝
2024 թվականի հուլիսի 14-ին Գարիկ Սարգսի Մղդեսյանի նկատմամբ կազմվել է թիվ 8180409722 վարչական իրավախախտման վերաբերյալ արձանագրությունն այն մասին, որ նույն օրը՝ ժամը 16:10-ին, զրկված լինելով տրանսպորտային միջոցներ վարելու իրավունքից, Երևան քաղաքի Տիգրանյան փողոցում վարել է «Տոյոտա» մակնիշի 77GM077 հաշվառման համարանիշի ավտոմեքենան:Վարչական իրավախախտման վերաբերյալ թիվ 88180360577 որոշման համաձայն՝ Գարիկ Սարգսի Մղդեսյանը 28.01.2024 թվականին մի տարի ժամկետով զրկվել է տրանսպորտային միջոցներ վարելու իրավունքից, որի վերաբերյալ կազմված արձանագրության մեջ ստացա բաժնում առկա է ստորագրություն:Գարիկ Սարգսի Մղդեսյանի սթափության կտրոնի զննությամբ պարզվել է, որ ստուգաչափման սարքի համարը՝ 91101449 զննման համարը՝ 00999 զննման ամսաթիվը՝ 28.01.2024թ., ստուգումը կատարվել է ավտոմատ, ժամը՝ 20:21:05-ին, ալկոհոլի պարունակությունը՝ 0,621 մգ/լ, վարորդի անունը՝ Գարիկ, ազգանունը՝ Մղդեսյան, տրանսպորտային միջոցի համարանիշը՝ 77GM077, տեսուչի ազգանունը՝ Սախոյան, կրծքանշանի համար՝ 00165, առկա են նաև ծանուցվող վարորդի և պարեկային ծառայողի ստորագրությունները:Առկա է նաև սթափության 91101449 համարի սարքի, ստուգաչափման թիվ 103684 վկայականի պատճենը, որի զննությամբ պարզվել է, որ ստուգաչափման թվականն է 31.08.2023թ., այն ուժի մեջ է մինչև 31.08.2024թ.: Չափման միջոցի անվանումը և տեսակը՝ ալկոմետր, գործարանային համարը՝ 91101449 տեսակը՝ «Jupiter X/RP», չափման տիրույթը՝ (0.000-2,000 մգ/), ճշտության կարգը և դասը (սխալանքը) 0:0,1+5%, 0,1-0,15+-8% > 0,15+-191, արտադրողը՝ Չինաստան, պատկանում է ՀՀ ՆԳՆ ոստիկանություն:
(Գ. Թ. 3-5, 9, 16 մանրամասները տես դատական նիստի արձանագրութունը)
3․4․ Արտավարութային փաստաթուղթ ապացույց ճանաչելու մասին որոշման համաձայն՝ որպես արտավարութային փաստաթուղթ ապացույց է ճանաչվել Գարիկ Սարգսի Մղդեսյանի վերաբերյալ ՀՀ ոստիկանության պարեկային ծառայության Երևան քաղաքի գնդի ծառայողների կողմից կազմված վարչական իրավախախտման վերաբերյալ արձանագրության (կից չլրացված իրավախախտման վերաբերյալ արձանագրություն 8180409722, 88180360577) Գարիկ Մղդեսյանի սթափության զննության ստուգաչափման թիվ 103684 ստուգաչափման վկայականի, Գարիկ Սարգսի Մղդեսյանի վերաբերյալ ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից կատարված քաղվածքի պատճենները:
( Գ.Թ. 3-5, 17-18 մանրամասները տես դատական նիստի արձանագրութունը) )
4.Դատարանի իրավական վերլուծությունները.
4.1. Վերլուծելով մեղադրյալ Գարիկ Սարգսի Մղդեսյանին ներկայացված մեղադրանքը և հիմնվելով հետազոտված թույլատրելի ապացույցների վրա` Դատարանը գտնում է, որ.
գ ապացուցված է մեղադրյալ Գարիկ Սարգսի Մղդեսյանին վերագրվող փաստական հանգամանքները, մասնավորապես՝ մեղադրյալ Գարիկ Սարգսի Մղդեսյանի կողմից տրանսպորտային միջոցներ վարելու իրավունքից զրկված լինելով կրկին տրանսպորտային միջոց վարելու փաստը և տրանսպորտային միջոցներ վարելու իրավունքից զրկված անձի կողմից ոչ սթափ վիճակում տրանսպորտային միջոց վարելու փաստը.
գ ապացուցված է վերոգրյալ արարքի քրեական հակաիրավականությունը, որը նախատեսված է 2021 թվականի մայիսի 05-ին ընդունված ՀՀ քրեական օրենսգրքի 344-րդ հոդվածի 1-ին մասով.
գ ապացուցված է մեղադրյալ Գարիկ Սարգսի Մղդեսյանի կողմից 2021 թվականի մայիսի 05-ին ընդունված ՀՀ քրեական օրենսգրքի 344-րդ հոդվածի 1-ին մասով նախատեսված վերոգրյալ արարքը կատարելը.
գ ապացուցված է մեղադրյալ Գարիկ Սարգսի Մղդեսյանի մեղավորությունը 2021 թվականի մայիսի 05-ին ընդունված ՀՀ քրեական օրենսգրքի 344-րդ հոդվածի 1-ին մասով նախատեսված արարքը կատարելու մեջ:
4.2. Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
4.3. ՀՀ Սահմանադրության 71-րդ հոդվածի համաձայն՝ 1. Հանցանք կատարած անձի պատժի հիմքը նրա մեղքն է: 2. Օրենքով սահմանված պատիժը, ինչպես նաև նշանակված պատժատեսակը և պատժաչափը պետք է համաչափ լինեն կատարված արարքին:
4.4. ՀՀ քրեական օրենսգրքի 7-րդ հոդվածի 1-ին մասի համաձայն`
Հանցանք կատարած անձին քրեական պատասխանատվության «պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին հանցավորի անձնավորությանը:
4.5. ՀՀ քրեական օրենսգրքի 55-րդ հոդվածի 2-րդ մասի համաձայն՝
1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ: 2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:
4.6. ՀՀ քրեական օրենսգրքի 69-րդ հոդվածի համաձայն`
Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները: 2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները: 4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ: Պատիժ նշանակելը քրեական գործով արդարադատության իրականացման վճռական պահն է, որը պետք է դառնա կատարված հանցանքի հասարակական վտանգավորության գնահատման լիարժեք չափանիշ, պատժի ենթարկվող անձին վերասոցիալականացնելու, ինչպես մեղադրյալի, այնպես էլ այլ անձանց կողմից հանցագործությունները կանխելու գործուն միջոց: Արդարության և պատասխանատվության անհատականացման սկզբունքը պատժի տեսակը և չափը որոշելու բազմաթիվ դրույթների ու չափանիշների հետ մեկտեղ անխզելիորեն կապված է պատասխանատվությունը և պատիժը մեղմացնող ու ծանրացնող հանգամանքները հետազոտելու և հաշվի առնելու հետ: ՀՀ քրեական դատավարության օրենսգրքի 102-րդ հոդվածում թվարկված են յուրաքանչյուր քրեական գործով ապացուցման ենթակա փաստական հանգամանքները: Այդ հոդվածի 5-րդ կետի համաձայն՝ քրեական օրենքով նախատեսված պատասխանատվությունը մեղմացնող կամ խստացնող հանգամանքները հաստատվում են միայն ապացույցների հիման վրա: Ընդ որում, անձի պատասխանատվությունը և պատիժը մեղմացնող ու ծանրացնող հանգամանքների գնահատումը յուրաքանչյուր կոնկրետ գործով պատիժ նշանակելիս հնարավորություն է տալիս դատարանին պատկերացում կազմել հանցանքի հանրության համար վտանգավորության աստիճանի, բնույթի, ինչպես նաև հանցավորի անձնավորության մասին և յուրաքանչյուր կոնկրետ գործով անհատականացնել պատիժը: Պատժի անհատականացման կարևորությունն այն է, որ դա լուրջ երաշխիք է ՀՀ քրեական օրենսգրքի 55-րդ հոդվածի 2-րդ մասով սահմանված պատժի նպատակների իրականացման համար:
4.7. Վերոհիշյալ իրավադրույթների և ՀՀ վճռաբեկ դատարանի որոշումների համատեքստում, ուսումնասիրելով մեղադրյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մեղադրյալ Գարիկ Սարգսի Մղդեսյանի նկատմամբ, նրա կատարած հանցանքի համար պատիժ նշանակելիս` Դատարանը հաշվի է առնում հանցանքի բնույթն ու հանրության համար վտանգավորության աստիճանը, հանցավորի անձը բնութագրող հանգամանքները, այն, որ նա դատվածություն չունի:
4.8. Դատարանը քննարկելով պատժի նշանակման հարցը՝ գտնում է, որ Գարիկ Սարգսի Մղդեսյանի նկատմամբ ՀՀ քրեական օրենսգրքի 344-րդ հոդվածի 1-ին մասով նախատեսված արարքի համար պետք է նշանակել տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով, որով հնարավոր կլինի հասնել ՀՀ քրեական օրենսգրքով սահմանված պատժի նպատակներին:
Միաժամանակ Դատարանը գտնում է, որ Գարիկ Սարգսի Մղդեսյանին իր նկատմամբ որպես վերջնական պատիժ նշանակված 375.000 (երեք հարյուր յոթանասունհինգ հազար) ՀՀ դրամի չափով տուգանքը պետք է թույլատրել վճարել մաս առ մաս՝ 12 ամիս ժամկետով:
4.10. ՀՀ քրեական դատավարության 348-րդ հոդվածի համաձայն դատավճռում պետք է շարադրվեն նաև հետևյալ հարցերի պատասխանները.
գ գույքային հայցը ենթակա է արդյոք բավարարման, ում օգտին և ինչ չափով, ինչպես նաև պատճառված գույքային վնասը ենթակա է արդյոք հատուցման, եթե գույքային հայց չի հարուցվել.
գ որ գույքն է ենթակա բռնագրավման, ինչ չափով և ինչպիսի հիմքով,
վերացվելու է արդյոք կիրառված գույքի արգելադրումը, իսկ եթե այդպիսին կիրառված չէ, ապա ենթակա է արդյոք կիրառման,
գ ինչպես պետք է պահպանվեն և տնօրինվեն ապացույցները,
գ դատապարտված մեղադրյալի նկատմամբ վերացվելու, փոխվելու կամ կիրառվելու է արդյոք որևէ խափանման միջոց.
գ ում վրա և ինչ չափով պետք է դրվեն վարութային ծախսերը։
4.11. Քննարկելով մեղադրյալի նկատմամբ ընտրված խափանման միջոցի հարցը՝ Դատարանը գտնում է, որ մեղադրյալ Գարիկ Սարգսի Մղդեսյանի նկատմամբ որպես խափանման միջոց ընտրված բացակայելու արգելքը, պետք է թողնել անփոփոխ մինչև դատավճռի օրինական ուժի մեջ մտնելը, իսկ դրանից հետո՝ վերացնել:
4.12. Նկատի ունենալով, որ սույն քրեական գործով գույքային հայց, գույք բռնագրավելու անհրաժեշտություն, արգելադրված գույք, վարույթային ծախսեր, ապացույցների պահպանման և տնօրինման հարցեր առկա չեն, Դատարանը այդ հարցերին չի անդրադառնում:
4.13. Քննարկելով ապացույցների պահպանման և տնօրինման հարցը, ղեկավարվելով ՀՀ քրեական դատավարության օրենսգրքի 99-րդ հոդվածով՝ Դատարանը գտնում է, որ արտավարութային ապացույց ճանաչված Գարիկ Սարգսի Մղդեսյանի վերաբերյալ ՀՀ ոստիկանության պարեկային ծառայության Երևան քաղաքի գնդի ծառայողների կողմից կազմված վարչական իրավախախտման վերաբերյալ արձանագրության (կից չլրացված իրավախախտման վերաբերյալ արձանագրություն 8180409722, 88180360577) Գարիկ Մղդեսյանի սթափության զննության ստուգաչափման թիվ 103684 ստուգաչափման վկայականի, Գարիկ Սարգսի Մղդեսյանի վերաբերյալ ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից կատարված քաղվածքի պատճենները պետք է պահվեն վարութային նյութերի հետ դրանց ամբողջ ընթացքում:
Ելնելով վերոգրյալից և ղեկավարվելով Հայաստանի Հանրապետության քրեական դատավարության օրենսգրքի 30-31-րդ, 100-րդ, 167-րդ, 347-350-րդ, 352-353-րդ, 364-րդ հոդվածներով, Դատարանը`

Վ Ճ Ռ Ե Ց

1. Գարիկ Սարգսի Մղդեսյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված հանցանք կատարելու համար և նրա նկատմամբ այդ արարքը կատարելու համար պատիժ նշանակել տուգանքը՝ հանցանքը կատարելու պահին գործող նվազագույն աշխատավարձի հնգապատկի չափով 375․000 /երեք հարյուր յոթանասունհինգ հազար/ ՀՀ դրամի չափով:
2. Դատավճիռն օրինական ուժի մեջ մտնելուց հետո թույլատրել Գարիկ Սարգսի Մղդեսյանին դատավճռով նշանակված 375․0000 /երեք հարյուր յոթանասունհինգ հազար/ ՀՀ դրամը վճարել մաս առ մաս` 12 /տասներկու/ ամսվա ընթացքում:
3. Գարիկ Սարգսի Մղդեսյանին նկատմամբ ընտրված խափանման միջոց բացակայելու արգելքը թողնել անփոփոխ՝ մինչև դատավճռի օրինական ուժի մեջ մտնելը:
4. Ապացույց ճանաչված արտավարութային փաստաթղթերը պահել քրեական գործի նյութերում:
5. Դատավճիռը կարող է բողոքարկվել ՀՀ վերաքննիչ քրեական դատարան այն ստանալու օրվանից հետո` մեկամսյա ժամկետում:

ԴԱՏԱՎՈՐ ՄԱՍԻՍ ՄԵԼՔՈՆՅԱՆ