ԵԴ1/2862/01/24




ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
2025 թվականի մայիսի 27-ին քաղաք Երևան
Երևան քաղաքի առաջին ատյանի ընդհանուր իրավասության քրեական դատարանը /այսուհետ նաև` Դատարան/` հետևյալ կազմով
Նախագահությամբ դատավոր՝ Վ.Մելիքյանի
Քարտուղարությամբ՝ Մ.Ներսիսյանի
Մասնակցությամբ.
Հանրային մեղադրող՝ Ա.Հակոբյանի
Պաշտպան՝ Տ.Հակոբյանի
Տուժող՝ Մ.Մաթևոսյանի
Մեղադրյալ՝ Տ.Առաքելյանի
Դռնբաց դատական նիստում արագացված վարույթի կիրառմամբ, քննության առնելով քրեական գործն ըստ մեղադրանքի Տիգրան Գարեգինի Առաքելյանի (ծնված՝ 16.04.1996թ., Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, դատվածություն չունեցող, չի աշխատում, հաշվառված՝ ք.Երևան, Դավթաշեն 1-ին թղմ., 34-րդ բնակարանում, փաստացի բնակվում է՝ ք.Երևան, Աշտարակի խճուղի 8/20 հասցեում) ՀՀ քրեական օրենսգրքի 195-րդ հոդվածի 2-րդ մասի 6-րդ կետով,
1.Գործի դատավարական նախապատմությունը.
22.04.2024 թվականին ՀՀ ՔԿ ԵՔՔՎ Աջափնյակ և Դավթաշեն վարչական շրջանների քննչական բաժնում ՀՀ քրեական օրենսգրքի 195-րդ հոդվածի 2-րդ մասի 6-րդ կետով նախաձեռնվել է թիվ 10134624 քրեական վարույթը /հատոր 1-ին, գ.թ. 13/:
22.04.2024 թվականին նախաքննական մարմնի որոշմամբ թիվ 10134624 քրեական վարույթով Մանուշակ Սամվելի Մաթևոսյանը ճանաչվել է տուժող /հատոր 1-ին, գ.թ. 28/:
23.04.2024 թվականին Երևան քաղաքի Աջափնյակ և Դավթաշեն վարչական շրջանների դատախազության դատախազ Ա.Հակոբյանի որոշմամբ Տիգրան Գարեգինի Առաքելյանի նկատմամբ հարուցվել է հանրային քրեական հետապնդում ՀՀ քրեական օրենսգքր 171-րդ հոդվածի 2-րդ մասի 6-րդ կետով /հատոր 1-ին, գ.թ. 16-47/:
18.06.2024 թվականին Երևան քաղաքի Աջափնյակ և Դավթաշեն վարչական շրջանների դատախազության դատախազ Ա.Հակոբյանի որոշմամբ Տիգրան Գարեգինի Առաքելյանի նկատմամբ հարուցվել է հանրային քրեական հետապնդում ՀՀ քրեական օրենսգքր 195-րդ հոդվածի 2-րդ մասի 6-րդ կետով /հատոր 1-ին, գ.թ. 111-112/:
Նախաքննական մարմնի որոշմամբ մեղադրյալ Տիգրան Գարեգինի Առաքելյանի նկատմամբ խափանման միջոց է կիրառվել բացակայելու արգելքը:
Թիվ ԵԴ1/2862/01/24 (10134624 նախաքննական համար) քրեական գործն ըստ մեղադրանքի՝ Տիգրան Գարեգինի Առաքելյանի ՀՀ քրեական օրենսգրքի 195-րդ հոդվածի 2-րդ մասի 6-րդ կետով 15.10.2024 թվականի գրությամբ ուղարկվել է Երևան քաղաքի առաջին ատյանի ընդհանուր իրավասության քրեական դատարան, մուտքագրվել է 2024 թվականի հոկտեմբերի 15-ին և նույն օրը համակարգչային ծրագրի միջոցով իրականացվող գործերի բաշխմամբ մակագրվել է դատավորին:
Դատարանի 20.10.2024թ. որոշմամբ քրեական գործը վարույթ է ստանձնվել և նախնական դատալսումներ նշանակվել:
Տիգրան Գարեգինի Առաքելյանի նկատմամբ ՀՀ քրեական օրենսգրքի 195-րդ հոդվածի 2-րդ մասի 6-րդ կետով հանրային քրեական հետապնդում է հարուցվել այն բանի համար, որ նա 2024 թվականի ապրիլի 21-ին՝ ժամը 21:30-ին, Երևան քաղաքի Աշտարակի խճուղի 8/20 հասցեում, առանց որևէ դրդապատճառի, ալկոհոլի ազդեցության տակ հնչեցրել է հայհոյանքներ, այնուհետև հարձակվել է իր մերձավոր ազգական՝ կնոջ Մանուշակ Մաթևոսյանի վրա, որի ընթացքում պատառաքաղով հարվածել է ճակատի ձախակողմյան հատվածին, այնուհետև բռնի գործողությամբ բռնել է մազերից, ձեռքերով բազմաթիվ հարվածներ է հասցրել մարմնի տարբեր մասերին, որից հետո Մանուշակ Մաթևոսյանը դուրս է եկել բնակարանից, ինչի ընթացքում Տիգրան Առաքելյանը շարունակելով բռնի գործողությունները քաշելով ներս է բերել, բռնել կոկորդից և ձեռքով հարվածել գլխին, որոնք արտահայտվել են ճակատային շրջանի քերծվածքի, պարանոցի միջին երրորդի աջ կողային մակերեսի, պարանոցի միջին երրորդի ձախ կողմնային մակերեսի, ձախ բազկի միջին երրորդի դրսային մակերեսի, աջ նախաբազկի միջին երրորդի հետին մակերեսի, աջ բազկի միջին երրորդի առաջային և կողմնային մակերեսի արյունազեղումների ձևով՝ պատճառելով Մանուշակ Մաթևոսյանի առողջությանը թեթև վնասի հատկանիշներ չպարունակող մարմնական վնասվածքներ:
Արագացված վարույթ.
Քրեական գործով նախնական դատալսումների փուլում մեղադրյալ Տիգրան Գարեգինի Առաքելյանի պաշտպանը միջնորդել է կիրառել արագացված վարույթ:
Մեղադրյալ Տիգրան Գարեգինի Առաքելյանը միացել է ներկայացված միջնորդությանը և հայտնել, որ միջնորդությունը ներկայացրել է կամավոր, խորհրդակցել է պաշտպանի հետ, գիտակցում է արագացված վարույթի կիրառման հետևանքները, առաջադրված մեղադրանքն իրեն պարզ է, համաձայն է մեղադրանքի հետ, իրեն լիովին մեղավոր է ճանաչում առաջադրված մեղադրանքում:
Հանրային մեղադրողը չի առարկել արագացված վարույթի կիրառման դեմ:
Տուժող Մ.Մաթևոսյանը չի առարկել ներկայացված միջնորդության դեմ:
Դատարանը, համոզվելով, որ առկա են ՀՀ քրեական դատավարության օրենսգրքի 464.1-րդ հոդվածի 1-ին մասով նախատեսված և բացակայում են նույն հոդվածի 2-րդ մասով նախատեսված պայմանները, որոշում է կայացրել արագացված վարույթ կիրառելու մասին և անցել է լրացուցիչ դասալսումների փուլ:
Դատարանի իրավական վերլուծությունները.
Դատարանը հիմք ընդունելով մեղադրանքն ամբողջ ծավալով մեղադրյալ Տիգրան Գարեգինի Առաքելյանի կողմից կամովին ու գիտակցաբար ընդունելու և դրա հետ համաձայն լինելու փաստերը, հանգում է հետևության, որ նա մեղավորությամբ կատարել է իրեն ՀՀ քրեական օրենսգրքի 195-րդ հոդվածի 2-րդ մասի 6-րդ կետով մեղսագրվող արարքը:
Ուսումնասիրելով և գնահատելով գործով ձեռք բերված և հետազոտված ապացույցները վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, Դատարանն ապացուցված է համարում մեղադրյալ Տիգրան Գարեգինի Առաքելյանի կողմից հանցավոր արարք կատարելը:
Արարքը, որի կատարման մեջ մեղադրվում է վերջինս, համապատասխանում է ՀՀ քրեական օրենսգրքի 195-րդ հոդվածի 2-րդ մասի 6-րդ կետի հատկանիշներին և ճիշտ է որակված:
Ապացուցված է նաև մեղադրյալ Տիգրան Գարեգինի Առաքելյանի կողմից նշված արարքը կատարելը և մեղավորությունը տվյալ հանցանքը կատարելու մեջ:
Մեղադրյալ Տիգրան Գարեգինի Առաքելյանի նկատմամբ պատիժ նշանակելիս դատարանը հաշվի է առնում ինչպես կատարած հանցագործության բնույթն ու հասարակական վտանգավորության աստիճանը, այնպես էլ նրա անձը:
Դատարանը մեղադրյալ Տիգրան Գարեգինի Առաքելյանի անձը բնութագրող և պատասխանատվությունն ու պատիժը մեղմացնող հանգամանքներ է արձանագրում մեղքն ընդունելը, անկեղծորեն զղջալը և խնամքին երկու անչափահաս երեխաներ ունենալը:
Դատարանը մեղադրյալ Տիգրան Գարեգինի Առաքելյանի պատասխանատվությունն ու պատիժը ծանրացնող հանգամանք չի արձանագրում:
Դատարանը, նպատակ ունենալով վերականգնելու սոցիալական արդարությունը, ուղղելու պատժի ենթարկված անձին, ինչպես նաև կանխելու հանցագործությունները և հաշվի առնելով Տիգրան Գարեգինի Առաքելյանի անձը, նրա պատասխանատվությունն ու պատիժը մեղմացնող հանգամանքների առկայությունը և ծանրացնող հանգամանքների բացակայությունը, գտնում է, որ մեղադրյալի նկատմամբ պետք է պատիժ նշանակել ազատության սահմանափակման ձևով, որը տվյալ դեպքում համաչափ է կատարված կոնկրետ հանցագործության բնույթին, վտանգավորության աստիճանին, այն կատարելու հանգամանքներին, հանցավորի անձին և բավարար է պատժի նպատակների նվաճման տեսանկյունից:
Հաշվի առնելով, որ մեղադրյալ Տիգրան Գարեգինի Առաքելյանը 22.04.2024 թվականից մինչև 23.04.2024 թվականը փաստացի գտնվել է անազատության մեջ, ուստի Դատարանը ղեկավարվելով ՀՀ քրեական օրենսգրքի 79-րդ հոդվածի կարգավորմամբ գտնում է, որ մեղադրյալի նկատմամբ ազատության սահմանափակման ձևով նշանակվելիք պատժին պետք է հաշվակցել վերջինիս անազատության մեջ գտնվելու ժամկետը, որը տվյալ դեպքում հաշվարկվում է անազատության 1 օրն ազատության սահմանափակման 2 օրվա դիմաց:
Միևնույն ժամանակ Դատարանը գտնում է, որ պատժի կրման ընթացքում մեղադրյալ Տիգրան Գարեգինի Առաքելյանին պետք է արգելել՝ առանց վերահսկողություն իրականացնող մարմնի համաձայնության փոխել մշտական բնակության վայրը:
Քննության առնելով խափանման միջոցի հարցը, Դատարանը գտնում է, որ մեղադրյալ Տիգրան Առաքելյանի նկատմամբ կիրառված բացակայելու արգելք խափանման միջոցը պետք է թողնել անփոփոխ՝ մինչև դատավճռի օրինական ուժի մեջ մտնելը:
Քրեական գործով քաղաքացիական հայց չի հարուցվել, իրեղեն ապացույցներ առկա չեն, իսկ դատական ծախսերի հարցը պետք է համարել լուծված՝ այդպիսիք մեղադրյալից բռնագանձման ենթակա չլինելու հիմքով:
Արտավարույթային փաստաթղթերը պետք է թողնել կցված քրեական գործին, դրա պահպանության ողջ ժամանակահատվածում:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 345-350-րդ, 464.4-րդ և 464.5-րդ հոդվածներով` Դատարանը

Վ Ճ Ռ Ե Ց
Մեղադրյալ Տիգրան Գարեգինի Առաքելյանին մեղավոր ճանաչել ՀՀ քրեական օրենսգրքի 195-րդ հոդվածի 2-րդ մասի 6-րդ կետով և դատապարտել ազատության սահմանափակման 6/վեց/ ամիս ժամկետով:
ՀՀ քրեական օրենսգրքի 79-րդ հոդվածի կիրառմամբ նշանակված պատժին հաշվակցել փաստացի ձերբակալման 1 օրը և վերջնական պատիժ նշանակել ազատության սահմանափակում 5 ամիս 28 օր ժամկետով:
Մեղադրյալ Տիգրան Գարեգինի Առաքելյանին արգելել պատժի կրման ընթացքում առանց վերահսկողություն իրականացնող մարմնի համաձայնության փոխել մշտական բնակության վայրը:
Մեղադրյալ Տիգրան Գարեգինի Առաքելյանի նկատմամբ կիրառված բացակայելու արգելք խափանման միջոցը թողնել անփոփոխ՝ մինչև դատավճռի օրինական ուժի մեջ մտնելը:
Արտավարույթային փաստաթղթերը թողնել կցված քրեական գործին դրա պահպանության ողջ ժամանակահատվածում:
Դատավճիռը կարող է բողոքարկվել ՀՀ վերաքննիչ քրեական դատարան դատավճիռը ստանալու օրվանից հետո՝ մեկամսկա ժամկետում, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3 մասերով նախատեսված հիմքերով:

ԴԱՏԱՎՈՐ Վ.ՄԵԼԻՔՅԱՆ