ԵԴ1/2858/01/24

Դ Ա Տ Ա Վ Ճ Ի Ռ
Հ Ա Յ Ա Ս Տ Ա Ն Ի Հ Ա Ն Ր Ա Պ Ե Տ Ու Թ Յ Ա Ն Ա Ն Ու Ն Ի Ց

31.10.2024թ. ք.Երևան

Երևան քաղաքի առաջին ատյանի ընդհանուր իրավասության քրեական դատարանը՝ նախագահությամբ դատավոր Մ.Շահվերդյանի, գրավոր ընթացակարգով քննության առնելով քրեական վարույթն ըստ մեղադրանքի՝
Բիլալ Ահմեդի Աթայի, ծնված՝ 09.02.1992թ., ազգությամբ քուրդ, Թուրքիայի Հանրապետության քաղաքացի, միջնակարգ կրթությամբ, ամուրի, հաշվառված է՝ Արմավիրի մարզ գ.Հայկավան 16-րդ փողոց, տուն 4, փաստացի բնակվում է՝ Երևան քաղաքի, Մոլդովական փողոցի 29/1-րդ շենքի 10/1-րդ բնակարանում:
Մեղադրվում է ՀՀ քրեական օրենսգրքի 297-րդ հոդվածի 1-րդ մասով:

Պ Ա Ր Զ Ե Ց

ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի ավագ քննիչ Դ.Դանիելյանի կողմից 03.01.2023թ. ՀՀ քրեական օրենսգրքի 264-րդ հոդվածի 2-րդ մասի 3-րդ կետով նախաձեռնվել է թիվ 12100623 քրեական վարույթը:
ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի քննիչ Դ.Դանիելյանի կողմից 17.01.2023թ. ՀՀ քրեական օրենսգրքի 264-րդ հոդվածի 2-րդ մասի 3-րդ կետով նախաձեռնվել է թիվ 12123723 քրեական վարույթը:
ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի քննիչ Դ.Դանիելյանի 02.02.2023թ. որոշմամբ՝ թիվ 12123723 քրեական վարույթը միացվել է 12100623 քրեական վարույթին:
Երևան քաղաքի Էրեբունի և Նուբարաշեն վարչական շրջանների դատախազության դատախազ Ա.Ներսիսյանի 01.03.2023թ. որոշմամբ՝ Բիլալ Ահմեդի Աթայի նկատմամբ ՀՀ քրեական օրենսգրքի 297-րդ հոդվածի 1-ին մասով հարուցվել է հանրային քրեական հետապնդում:
ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական առաջին բաժնի քննիչ Դ.Դանիելյանի կողմից 02.03.2023թ. Բիլալ Ահմեդի Աթային հանձնվել է հանրային քրեական հետապնդում հարուցելու մասին՝ 01.03.2023թ. որոշման պատճենը, պարզաբանվել մեղադրանքի փաստական հիմքը և իրավական գնահատականն ու ՀՀ քրեական դատավարության օրենսգրքի 43-րդ հոդվածով նախատեսված՝ նրա իրավունքները և պարտականությունները, ինչպես նաև նրան է հանձնվել դրանց ցանկը, որի մասին կազմվել է արձանագրություն:
ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի քննիչ Է.Գաբրիելյանը, թիվ 12100623 քրեական վարույթով հսկող դատախազի համաձայնությամբ, մեղադրյալ Բիլալ Ահմեդի Աթային գրավոր ծանուցել է համաձայնությամբ տուգանք նշանակելու վարույթ կիրառելու հնարավորության և իրավական հետևանքների մասին, իսկ վարույթի նյութերը մեղադրյալ Բիլալ Ահմեդի Աթայի ծանոթացմանը ներկայացնելիս ճշտել է համաձայնությամբ տուգանք նշանակելու վարույթ կիրառելու վերաբերյալ մեղադրյալ Բիլալ Ահմեդի Աթայի դիրքորոշումը, համաձայն որի՝ վերջինս չի վիճարկել իրեն ներկայացված մեղադրանքի փաստական հիմքն ու իրավական գնահատականը և պաշտպան Գ.Ասատրյանի հետ խորհրդակցելուց հետո կամավոր ցանկություն է հայտնել, որ դատարանում գործի քննությունն իրականացվի համաձայնությամբ տուգանք նշանակելու վարույթի կարգով:
Թիվ 12100623 քրեական վարույթի նյութերը մեղադրական եզրակացությամբ և դրան կից՝ ՀՀ քրեական դատավարության օրենսգրքի 464.6-րդ հոդվածով սահմանված կարգով կազմված և ստորագրված արձանագրությամբ 14.10.2024թ. մուտքագրվել է Երևան քաղաքի առաջին ատյանի ընդհանուր իրավասության քրեական դատարանում:
Բիլալ Ահմեդի Աթայի նկատմամբ ՀՀ քրեական օրենսգրքի 297-րդ հոդվածի 1-ին մասով հանրային քրեական հետապնդում է հարուցվել այն բանի համար, որ նա իրավական և բարոյական նորմերի նկատմամբ բացահայտ արհամարհական վերաբերմունք ցուցաբերելով՝ հայհոյանքներով և համակեցության կանոնների ցուցադրաբար անտեսմամբ հասարակական նշանակության օբյեկտի բնականոն աշխատանքը խոչընդոտելով կատարել է խուլիգանություն:
Այսպես. Թուրքիայի Հանրապետության քաղաքացի Բիլալ Ահմեդի Աթայը 2023թ. հունվարի 3-ին, ժամը՝ 0100-ի սահմաններում, որպես հաճախորդ գտնվելով Երևան քաղաքի Արին Բերդ փողոցի 9/2 հասցում գործող «Դալի» գիշերային ակումբում, լինելով ալկոհոլի ազդեցության տակ, բացահայտ արհամարհական վերաբերմունք ցուցաբերելով հասարակությունում ընդունված համակեցության նորմերի, ինչպես նաև գիշերային ակումբի աշխատակիցների և հաճախորդների նկատմամբ, ակումբում հնչող երաժշտության հետ կապված չնչին առիթով վիճաբանել է ակումբի աշխատակիցների հետ, որի ընթացքում անպարկեշտ արտահայտություններով սկսել է խախտել նրանց և հաճախորդների անդորրը, ինչպես նաև խափանել գիշերային ակումբի բնականոն աշխատանքը, որով պայմամավորված ակումբի անվտանգության աշխատակցի կողմից դուրս է հրավիրվել ակումբից: Դրսում՝ ակումբի մոտ, Բիլալ Ահմեդի Աթայը, շարունակելով իր խուլիգանական գործողությունները, բղավելով մոտեցել է տարածքում շրջիկ ծառայություն իրականացնող ՀՀ ՆԳՆ ոստիկանության պարեկային ծառայության Երևան քաղաքի գնդի 1-ին գումարտակի 2-րդ վաշտի պարեկներ Հենրիկ Սալոյանի և Նուշիկ Վարդանյանի ավտոմեքենային և ձեռքերով հարվածներ հասցրել դրա շարժիչի ծածկոցին: Այնուհետև՝ գետնից վերցրած քարով հարավածել և կոտրել է «Դալի» գիշերային ակումբի մուտքի դռան ապակին, կրկին մտել է ակումբ և վաճառասեղանի մոտ դրված գարեջրի արկղերն անկանոն նետելով հաճախորդների և ակումբի աշխատակիցների ուղղությամբ՝ շարունակել է համակեցության կանոնների ցուցադրաբար անտեսմամբ խախտել ակումբի հաճախորդների անդորրը և խափանել ակումբի բնականոն աշխատանքը, որի արդյունքում ակումբի հաճախորդները հեռացել են, իսկ ակումբի գործունեությունը դադարել է: Բիլալ Ահմեդի Աթայի խուլիգանական գործողությունները դադարեցվել են պարեկային ծառայության աշխատակիցների կողմից՝ նրան ձերբակալելու և ՀՀ ՆԳՆ ոստիկանության Երևան քաղաքի վարչության Էրեբունու բաժին ներկայացնելու արդյունքում:
Դատարանի՝ 17.10.2024թ. որոշմամբ՝ սույն քրեական վարույթն ստանձնվել և հարուցվել է համաձայնությամբ տուգանք նշանակելու վարույթ:
Համաձայնությամբ տուգանք նշանակելու վարույթով դատարանը ՀՀ քրեական դատավարության օրենսգրքով սահմանված ընդհանուր կարգով ապացույցների հետազոտում չիրականացնելով և հիմք ընդունելով մեղադրյալ Բիլալ Ահմեդի Աթայի կողմից իրեն ներկայացված մեղադրանքի փաստական հիմքն ու իրավական գնահատականը չվիճարկվելու փաստը, հանգում է հետևության, որ մեղադրյալ Բիլալ Ահմեդի Աթային մեղսագրվող արարքին ՀՀ քրեական օրենսգրքի 297-րդ հոդվածի 1-ին մասով տրված իրավական գնահատականը համապատասխանում է մեղադրանքի փաստական հանգամանքներին, որով և պետք է ենթարկվի քրեական պատասխանատվության:
ՀՀ քրեական դատավարության օրենսգրքի 464.9-րդ հոդվածի 3-րդ մասի համաձայն՝
«Համաձայնությամբ տուգանք նշանակելու վարույթի արդյունքով մեղադրական դատավճիռ կայացնելիս դատարանը նշանակում է պատիժ՝ հաշվի առնելով Հայաuտանի Հանրապետության քրեական օրենսգրքի 77-րդ հոդվածի վերաբերելի դրույթները:
ՀՀ քրեական օրենսգրքի 77-րդ հոդվածի 6-րդ մասի համաձայն՝
«Ավարտված կամ չավարտված հանցագործություններով համաձայնությամբ տուգանք նշանակելու վարույթի դեպքում նշանակվում է սույն օրենսգրքի Հատուկ մասի համապատասխան հոդվածի սանկցիայով նախատեսված տուգանքի նվազագույն չափը՝ առանց լրացուցիչ պատիժ և անվտանգության միջոց նշանակելու:
Վերոգրյալի հաշվառմամբ դատարանը գտնում է, որ Բիլալ Ահմեդի Աթային իրեն մեղսագրվող՝ ՀՀ քրեական օրենսգրքի 297-րդ հոդվածի 1-ին մասով նախատեսված հանցանքը կատարելու համար ենթակա է տուգանքի ձևով պատժի՝ նվազագույն աշխատավարձի հնգապատիկի չափով:
Միևնույն ժամանակ դատարանն արձանագրում է, որ ՀՀ պետական եկամուտների կոմիտեից ստացված տեղեկատվության համաձայն ՝ մեղադրյալ Բիլալ Ահմեդի Աթային սույն գործով իրեն մեղսագրվող հանցանքն ավարտվելու օրվան՝ 03.01.2023թ. նախորդող 12 ամիսների ընթացքում չի հանդիսացել վարձու աշխատող, հետևաբար՝ դատարանը գտնում է, որ տուգանքի չափը պետք է հաշվարկել հանցանքը կատարելու պահին նվազագույն աշխատավարձի՝ 75.000(յոթանասունհինգ հազար) ՀՀ դրամի չափով:
Դատարանը նաև պարզեց, որ մեղադրյալ Բիլալ Ահմեդի Աթային չի կարող անհապաղ և ամբողջությամբ վճարել նշանակված տուգանքը, սակայն պատրաստակամ է այն վճարել մաս առ մաս :
ՀՀ քրեական օրենսգրքի 59-րդ հոդվածի 8-րդ մասի համաձայն՝
«Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ (...)»:
Նկատի ունենալով, որ մեղադրյալ Բիլալ Ահմեդի Աթային, նյութական դրությունից ելնելով, ի վիճակի չէ անհապաղ և ամբողջությամբ վճարելու տուգանքը, այսինքն՝ տուգանքի անհապաղ վճարումն անհնար է՝ դատարանը գտնում է, որ նրան պետք է թույլատրել նշանակվող տուգանքը մաս առ մաս վճարել 1 տարվա ընթացքում:
Քննարկելով խափանման միջոցի հարցը՝ դատարանը գտնում է, որ մեղադրյալ Բիլալ Ահմեդի Աթայի նկատմամբ կիրառված խափանման միջոց բացակայելու արգելքը վերացնելու կամ փոխելու հիմքեր չկան, հետևաբար՝ այն պետք է թողնել անփոփոխ՝ մինչև դատավճռի օրինական ուժի մեջ մտնելը:
Քննարկելով վարութային ծախսերի հարցը՝ դատարանն արձանագրում է, որ ՀՀ քրեական դատավարության օրենսգրքի 464.9-րդ հոդվածի 4-րդ մասի համաձայն՝ ՀՀ քրեական դատավարության օրենսգրքի 167-րդ հոդվածի 1-ին մասով նախատեսված վարութային ծախսերը մեղադրյալից ենթակա չեն բռնագանձման:
Անդրադառնալով ապացույցների տնօրինման հարցին՝ դատարանը գտնում է, որ արտավարութային փաստաթուղթ ճանաչված և վարույթի նյութերին կցված՝ Երևան քաղաքի Արին Բերդ 9/3-րդ հացեում գտնվող «Դալի» ակումբի տեսանկարահանղ սարքերի տեսագրոթւյունների լազերային սկավառակն ու դեպքի օրվա լուսանկարները և Բիլալ Աթայի սթափության զննության ստուգաչափման վկայականի կտրոնը պետք է պահել վարույթի նյութերի հետ՝ դրանք պահելու ամբողջ ընթացքում:
Դատավճիռն օրինական ուժի մեջ մտնելուց հետո, Բիլալ Ահմեդի Աթայի նկատմամբ սույն քրեական վարույթի շրջանակներում կիրառված սահմանափակումները պետք է վերացնել:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 347-350-րդ, 364-րդ, 464.9-րդ և 464.10-րդ հոդվածներով՝ դատարանը.

Վ Ճ Ռ Ե Ց

Բիլալ Ահմեդի Աթային մեղավոր ճանաչել ՀՀ քրեական օրենսգրքի 297-րդ հոդվածի 1-ին մասով և դատապարտել տուգանքով՝ նվազագույն աշխատավարձի հնգապատիկի՝ 375.000(երեք հարյուր յոթանասունհինգ հազար) ՀՀ դրամի չափով:
Բիլալ Ահմեդի Աթային թույլատրել նշանակված՝ 375.000(երեք հարյուր յոթանասունհինգ հազար) ՀՀ դրամ տուգանքը մաս առ մաս վճարել 1(մեկ) տարվա ընթացքում:
Բիլալ Ահմեդի Աթայի նկատմամբ կիրառված խափանման միջոց բացակայելու արգելքը թողնել անփոփոխ՝ մինչև դատավճռի օրինական ուժի մեջ մտնելը:
Վարույթի նյութերին կցված արտավարութային փաստաթղթերը պահել վարույթի նյութերի հետ՝ դրանք պահելու ամբողջ ընթացքում:
Դատավճիռն օրինական ուժի մեջ մտնելուց հետո, Բիլալ Ահմեդի Աթայի նկատմամբ սույն քրեական վարույթի շրջանակներում կիրառված սահմանափակումները վերացնել:
Դատավճիռը, բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերի, կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:


ԴԱՏԱՎՈՐ Մ. ՇԱՀՎԵՐԴՅԱՆ