ԵԴ1/2848/01/24



Ո Ր Ո Շ ՈՒ Մ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ և ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՀԱՐՑԸ ՔՆՆՈՒԹՅԱՆ ԱՌՆԵԼՈՒ ՄԱՍԻՆ

03 դետեմբերի 2024թ. ք. Երևան
Երևան քաղաքի առաջին ատյանի ընդհանուր իրավասության քրեական դատարանը (այսուհետ՝ Դատարան), նախագահությամբ դատավոր Վ.Մելիքյանի, քարտուղարությամբ՝ Գ.Ավետիսյանի, մասնակցությամբ՝ հանրային մեղադրող Ե.Աբովյանի, տուժողների ներկայացուցիչ Ն.Գրիգորյանի, մեղադրյալ Է.Ամիրբեկյանի, դռնբաց դատական նիստում քննության առնելով Էդուարդ Հարությունի Ամիրբեկյանի (ծնված՝ 15.01.1997թ., ազգությամբ հայ, ՀՀ քաղաքացի, չամուսնացած, դատվածություն չունեցող, միջնակարգ կրթությամբ, չամուսնացած, հաշվառված փաստացի բնակվում է ք.Երևան, Չեխովի փ., 40 շենք, 12 բնակարան հասցեում) նկատմամբ քրեական հետապնդումը դադարեցնելու և քրեական գործի վարույթը կարճելու հարցը,

Պ Ա Ր Զ Ե Ց

08.08.2024 թվականին ՀՀ ՔԿ ԵՔՔՎ Քանաքեռ-Զեյթուն վարչական շրջանների քննչական բաժնում նախաձեռնվել է թիվ 09-0580-24 քրեական վարույթը /հատոր 1-ին, գ.թ. 6-8/:
25.09.2024 թվականին Երևան քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Ե.Աբովյանի որոշմամբ Էդուարդ Հարությունի Ամիրբեկյանի նկատմամբ հարուցվել է հանրային քրեական հետապնդում ՀՀ քրեական օրենսգրքի 171-րդ հոդվածի 2-րդ մասի 6-րդ կետով և ՀՀ քրեական օրենսգրքի 195-րդ հոդվածի 1-ին մասով /հատոր 1-ին, գ.թ. 276-281/:
Նախաքննական մարմնի որոշումներով Էլեն Սիմոնյանը և Անդրեյ Սիմոնյանը ճանաչվել են տուժող:
Նախաքննական մարմնի մեկ այլ որոշմամբ մեղադրյալ Էդուարդ Հարությունի Ամիրբեկյանի նկատմամբ խափանման միջոց է կիրառվել բացակայելու արգելքը:
Թիվ ԵԴ1/2848/01/24 (09-0580-24 նախաքննական համար) քրեական գործն ըստ մեղադրանքի՝ Էդուարդ Հարությունի Ամիրբեկյանի ՀՀ քրեական օրենսգրքի 195-րդ հոդվածի 1-ին մասով, 171-րդ հոդվածի 2-րդ մասի 6-րդ կետով 14.10.2024 թվականի գրությամբ ուղարկվել է Երևան քաղաքի առաջին ատյանի ընդհանուր իրավասության քրեական դատարան, մուտքագրվել է 2024 թվականի հոկտեմբերի 14-ին և նույն օրը համակարգչային ծրագրի միջոցով իրականացվող գործերի բաշխմամբ, գործը մակագրվել է դատավոր Վահագն Մելիքյանին:
Քրեական գործը դատավորին հանձնվել է 2024 թվականի հոկտեմբերի 20-ին:
24.10.2024 թվականի դատարանի որոշմամբ քրեական գործը վարույթ է ստանձնվել և նախնական դատալսումներ է նշանակվել:
Էդուարդ Հարությունի Ամիրբեկյանի նկատմամբ ՀՀ քրեական օրենսգրքի ՀՀ քրեական օրենսգրքի 195-րդ հոդվածի 1-ին մասով և ՀՀ քրեական օրենսգրքի 171-րդ հոդվածի 2-րդ մասի 6-րդ կետով քրեական հետապնդում է հարուցվել այն բանի համար, որ նա 2024 թվականի օգոստոսի 04-ին հարվածներ է հասցրել Էլեն Սիմոնյանին, այլ բռնի գործողություններ կատարել, այուհետև ձեռքերով և ոտքերով հարվածներ է հասցրել Անդեյ Սիմոնյանի մարմնի տարբեր մասերին և մարմնական վնասվածքներ պատճառել վերջիններիս:
Այսպես՝
Էդուարդ Ամիրբեկյանը 2024 թվականի օգոստոսի 04-ին, ժամը 20:00-ի սահմաններում գնալով Երևան քաղաքի Ազատության փողոց 2/2 հասցեում գտնվող «Ռեդիոսն Բլու» ռեստորանի տարածք՝ մոտեցել է իր նախկին զուգընկեր Էլեն Սիմոնյանին, վերջինիս հետ սկսել վիճաբանել։ Վիճաբանության ընթացքում Է.Ամիրբեկյանը մարմնական վնասվածքներ պատճառելու դիտավորությամբ ձեռքով հարվածներ է հասցրել Էլեն Սիմոնյանի դեմքի հատվածին, այնուհետև այլ բռնի գործողություններ կատարել՝ բռնել մազերից և քաշքշել, այդ կերպ՝ Էլեն Սիմոնյանին պատճառելով աջից բազկի միջին երրորդի փափուկ հյուսվածքների սալջարդի, ձախ դաստակի երկրորդ մատի շրջանի քերծվածքների, դեմքի փափուկ հյուսվածքների սալջարդի, քթոսկրի փակ կոտրվածքի և վեստիբուլո-ատակտիկ համախտանիշով, հետտրավմատիկ ցերվիկալգիայով, լյումբալգիայով, սուբկոմպենսացիայի փուլում` չափավոր ցավոտ մկանային-տոնիկ համախտանիշով՝ ուղեկցված փակ, բութ, գանգուղեղային վնասվածքի, առողջության կարճատև քայքայումով, առողջության թեթև վնասի հատկանիշներ պարունակող մարմնական վնասվածքներ:
Բացի այդ, Էդուարդ Ամիրբեկյանը 2024 թվականի օգոստոսի 8-ին, ժամը 20:00-ի սահմաններում գնալով Երևան քաղաքի Ազատության փողոց 2/2 հասցեում գտնվող «Ռեդիոսն Բլու» ռեստորանի տարածք` մոտեցել է իր նախկին զուգընկեր Էլեն Սիմոնյանին, վերջինիս հետ սկսել վիճաբանել: Վիճաբանության ընթացքում Է.Ամիրբեկյանը ձեռքով հարվածներ է հասցրել Էլեն Սիմոնյանի դեմքի և մարմնի այլ հատվածներին, այնուհետև այլ բռնի գործողություններ կատարել` բռնել մազերից և քաշքշել, այդ կերպ՝ Էլեն Սիմոնյանին պատճառելով աջից բազկի միջին երրորդի փափուկ հյուսվածքների սալջարդի, ձախ դաստակի երկրորդ մատի շրջանի քերծվածքների, դեմքի փափուկ հյուսվածքների սալջարդի, քթոսկրի փակ կոտրվածքի և վեստիբուլո-ատակտիկ համախտանիշով, հետտրավմատիկ ցերվիկալգիայով, լյումբալգիայով, սուբկոմպենսացիայի փուլում՝ չափավոր ցավոտ մկանային-տոնիկ համախտանիշով ուղեկցված փակ, բութ, գանգուղեղային վնասվածքի, առողջության կարճատև քայքայումով, առողջության թեթև վնասի հատկանիշներ պարունակող մարմնական վնասվածքներ, ինչից հետո Էլեն Սիմոնյանը զանգահարել և կատարվածի մասին տեղեկացրել է իր հայրիկին՝ Անդրեյ Սիմոնյանին: Նույն օրը Անդրեյ Սիմոնյանը մոտենալով Էլեն Սիմոնյանին փորձել է հասկանալ ինչ է կատարվել, որից հետո Է.Սիմոնյանի հետ քայլել է Երևան քաղաքի Ազատության փողոց 2/2 հասցեում գտնվող «Ֆրունզե» ռեստորանի ավտոկայանատեղի, որտեղ Ա.Սիմոնյանին և Էլեն Սիմոնյանին է մոտեցել Է.Ամիրբեկյանը, սկսել վիճաբանել Անդրեյ Սիմոնյանի հետ, վիճաբանության ընթացքում սկսել ձեռքերով և ոտքերով հարվածներ հասցնել Անդրեյ Սիմոնյանի մարմնի տարբեր հատվածներին, այդ կերպ՝ Անդրեյ Սիմոնյանին պատճառելով գլխի, դեմքի, ականջախեցու, պարանոցի, կրծքավանդակի, ձախ արմնկային, զույգ ծնկային հոդերի շրջանների փափուկ հյուսվածքների սալջարդի, քերծվածքների, արյունազեղումների, սալջարդ վերքերի ձևով, առողջության թեթև վնասի հատկանիշներ չպարունակող մարմնական վնասվածքներ
Նախնական դատալսումների ընթացքում տուժողների ներկայացուցիչ Ն.Գրիգորյանը հայտնել է, որ տուժողներ Էլեն Սիմոնյանը և Անդրեյ Սիմոնյանը մեղադրյալի դեմ որևէ բողոք-պահանջ չունեն և հաշտվել են մեղադրյալի հետ: Միաժամանակ ներկայացրել է տուժողներ Է՚Սիմոնյանի և Ա.Սիմոնյանի կողմից ներկայացված դիմումների օրինակները, համաձայն որոնց տուժողները հայտնել են, որ ինքնակամ հաշտվում են մեղադրյալի հետ, նրանից որևէ բողոք-պահանջ չունեն:
Մեղադրյալ Է.Ամիրբեկյանը նույնպես հայտնել է, որ հաշտվել է տուժողների հետ և ցանկանում է, որ այդ հիմքով քրեական հետապնդումը դադարեցվի:
Հանրային մեղադրող Ե.Աբովյանը չի առարկել քրեական հետապնդումը ադադրեցնելու վերաբերյալ, հայտնելով որ նախկին զուգընկերը չի հանդսիանում մերձավոր ազգական և ըստ այդ էլ սույն քրեական գործով ընտանիքում բռնության հատկանիշներ առկա չեն:
Անդրադառնալով մեղադրյալի՝ տուժողների հետ հաշտվելու հիմքով քրեական հետապնդումը դադարեցնելու և քրեական գործի վարույթը կարճելու հարցին, Դատարանն արձանագրում է հետևյալը.
ՀՀ քրեական դատավարության օրենսգրքի 12-րդ հոդվածի համաձայն` «1. Քրեական հետապնդում չպետք է հարուցվի, իսկ հարուցված քրեական հետապնդումը ենթակա է դադարեցման, եթե`
(...):
12) անձը Հայաuտանի Հանրապետության քրեական oրենuգրքի ընդհանուր կամ հատուկ մասի դրույթների ուժով ենթակա է ազատման քրեական պատաuխանատվությունից.(...):»:
ՀՀ քրեական օրենսգրքի 82-րդ հոդվածի համաձայն՝
«1. Եթե անձն առաջին անգամ է հանցանք կատարել, ապա ազատվում է քրեական պատասխանատվությունից, եթե նրա կատարած արարքը ոչ մեծ կամ միջին ծանրության հանցանք է, և նրա ու տուժողի միջև առկա է հաշտության վերաբերյալ ինքնուրույն և ազատ կամարտահայտության վրա հիմնված փոխադարձ համաձայնությունը, բացառությամբ այն դեպքերի, երբ կատարված հանցանքում առկա են ընտանիքում բռնության հատկանիշներ:
2. Եթե անձն առաջին անգամ է հանցանք կատարել, որը ոչ մեծ կամ միջին ծանրության հանցագործությանը հանցակցություն է, ապա նա հաշտության հիմքով ազատվում է քրեական պատասխանատվությունից, եթե առկա է հաշտության վերաբերյալ տուժողի և տվյալ հանցակցի՝ ինքնուրույն և ազատ կամարտահայտության վրա հիմնված փոխադարձ համաձայնությունը:
(...)»:
ՀՀ քրեական օրենսգրքի 171-րդ հոդվածի համաձայն՝
«1. Մեկ ուրիշին մարմնական վնասվածք կամ առողջությանն այլ վնաս պատճառելը, որն առաջացրել է՝
1) առողջության կարճատև քայքայում կամ
2) ընդհանուր աշխատունակության աննշան կայուն կորուստ`
պատժվում է տուգանքով` առավելագույնը տասնապատիկի չափով, կամ հանրային աշխատանքներով` առավելագույնը հարյուր ժամ տևողությամբ, կամ ազատության սահմանափակմամբ` առավելագույնը մեկ տարի ժամկետով, կամ կարճաժամկետ ազատազրկմամբ՝ առավելագույնը մեկ ամիս ժամկետով, կամ ազատազրկմամբ՝ առավելագույնը մեկ տարի ժամկետով:
2. Սույն հոդվածի 1-ին մասով նախատեսված արարքը, որը կատարվել է՝
1) անձի կամ նրա մերձավոր ազգականի կամ մերձավորի նկատմամբ` կապված այդ անձի կողմից իր պետական, քաղաքական, ծառայողական, մասնագիտական կամ հասարակական գործունեության կամ պարտքի կատարման հետ,
2) հղի կնոջ նկատմամբ,
3) անօգնական վիճակում գտնվողի նկատմամբ,
4) անչափահասի նկատմամբ,
5) մի խումբ անձանց կողմից,
6) մերձավոր ազգականի, զուգընկերոջ կամ նախկին զուգընկերոջ կողմից կամ
7) խուլիգանական դրդումներով,
8) ռասայական, ազգային, էթնիկ կամ սոցիալական ծագումով, կրոնով, քաղաքական կամ այլ հայացքներով կամ անձնական կամ սոցիալական բնույթի այլ հանգամանքներով պայմանավորված ատելության, անհանդուրժողականության կամ թշնամանքի շարժառիթով՝
պատժվում է հանրային աշխատանքներով` ութսունից հարյուր հիսուն ժամ տևողությամբ, կամ ազատության սահմանափակմամբ` առավելագույնը երկու տարի ժամկետով, կամ կարճաժամկետ ազատազրկմամբ՝ առավելագույնը երկու ամիս ժամկետով, կամ ազատազրկմամբ՝ առավելագույնը երկու տարի ժամկետով:
3. Հոգեկան խիստ հուզմունքի վիճակում, անհրաժեշտ պաշտպանության կամ հակաիրավական ոտնձգություն կատարած անձին բռնելու համար անհրաժեշտ միջոցների սահմանազանցմամբ մեկ ուրիշի առողջությանը թեթև վնաս պատճառելը հանցագործություն չի համարվում...»:
ՀՀ քրեական օրենսգրքի 195-րդ հոդվածի համաձայն՝ «...1. Հարվածներ հասցնելը կամ բռնի այլ գործողություններ կատարելը, եթե չեն առաջացել սույն օրենսգրքի 171-րդ հոդվածով նախատեսված հետևանքները`
պատժվում է տուգանքով` առավելագույնը քսանապատիկի չափով, կամ հանրային աշխատանքներով` ութսունից հարյուր հիսուն ժամ տևողությամբ, կամ ազատության սահմանափակմամբ` առավելագույնը մեկ տարի ժամկետով, կամ կարճաժամկետ ազատազրկմամբ՝ առավելագույնը մեկ ամիս ժամկետով:
2. Սույն հոդվածի 1-ին մասով նախատեսված արարքը, որը կատարվել է`
1) անձի կամ նրա մերձավոր ազգականի կամ մերձավորի նկատմամբ` կապված այդ անձի կողմից իր պետական, քաղաքական, ծառայողական, մասնագիտական կամ հասարակական գործունեության կամ պարտքի կատարման հետ,
2) հղի կնոջ նկատմամբ,
3) անչափահասի նկատմամբ,
4) առանձին դաժանությամբ,
5) մի խումբ անձանց կողմից,
6) մերձավոր ազգականի, զուգընկերոջ կամ նախկին զուգընկերոջ կողմից,
7) հանցավորից նյութական կամ այլ կախվածության մեջ գտնվողի նկատմամբ,
8) շահադիտական դրդումներով,
9) խուլիգանական դրդումներով կամ
10) ռասայական, ազգային, էթնիկ կամ սոցիալական ծագումով, կրոնով, սեռով, քաղաքական կամ այլ հայացքներով կամ անձնական կամ սոցիալական բնույթի այլ հանգամանքներով պայմանավորված ատելության, անհանդուրժողականության կամ թշնամանքի շարժառիթով`
պատժվում է հանրային աշխատանքներով` հարյուրից երկու հարյուր ժամ տևողությամբ, կամ ազատության սահմանափակմամբ` առավելագույնը երկու տարի ժամկետով, կամ կարճաժամկետ ազատազրկմամբ՝ առավելագույնը երկու ամիս ժամկետով:
Դատարանը նախ փաստում է, որ մեղադրյալ Էդուարդ Ամիրբեկյանին մեղսագրված արարքները դասվում են միջին ծանրության հանցագործությունների շարքին:
Դատարանն արձանագրում է, որ համաձայն ՀՀ ոստիկանության ինֆորմացիոն կենտրոնից ստացված տեղեկանքի ուսումնասիրությամբ մեղադրյալը տվյալ պահին համարվում է դատվածություն չունեցող, հետևաբար, նաև ՀՀ քրեական օրենսգրքի 82-րդ հոդվածի իմաստով համարվում է առաջին անգամ ենթադրյալ հանցանք կատարող։
Դատարանը նաև արձանագրում է, որ տուժողներ Էլեն Սիմոնյանը և Անդրեյ Սիմոնյանը հայտնել են, որ հաշտվել են մեղադրյալի հետ, նրանից որևէ բողոք պահանջ չունեն՝ ներկայացնելով գրավոր դիմումներ:
Նկատի ունենալով, որ մեղադրյալը դատական նիստի ընթացքում ևս ինքնակամ հայտնել է տուժողների հետ հաշտվելու մասին՝ Դատարանը նշված հանգամանքը դիտում է որպես մեղադրյալի և տուժողների միջև հաշտության վերաբերյալ ինքնուրույն և ազատ կամարտահայտության վրա հիմնված փոխադարձ համաձայնություն։
Վերոգրյալի արդյունքում Դատարանը գտնում է, որ մեղադրյալ Էդուարդ Հարությունի Ամիրբեկյանի նկատմամբ ՀՀ քրեական օրենսգրքի 171-րդ հոդվածի 2-րդ մասի 6-րդ կետով և ՀՀ քրեական օրենսգրքի 195-րդ հոդվածի 1-ին մասով քրեական հետապնդումը պետք է դադարեցնել ՀՀ քրեական օրենսգրքի 82-րդ հոդվածի կիրառմամբ՝ ՀՀ քրեական դատավարության օրենսգրքի 12-րդ հոդվածի 1-ին մասի 12-րդ կետի հիմքով:
Քննության առնելով մեղադրյալ Էդուարդ Հարությունի Ամիրբեկյանի նկատմամբ կիրառված բացակայելու արգելք խափանման միջոց հարցը, Դատարանը գտնում է, որ այն ենթակա է վերացման, քանի որ վերացել է խափանման միջոցի անհրաժեշտությունը:
Քրեական գործով դատական ծախսեր, գույքային հայցի պահանջ և տնօրինման ենթակա իրեղեն ապացույցներ առկա չեն:
Քննության առնելով արտավարութային փաստաթղթերի տնօրինման հարցը, Դատարանը գտնում է, որ դրանք պետք է թողնել կցված քրեական գործին՝ դրա պահպանության ողջ ժամանակահատվածում:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 12-րդ, 315-րդ և 364-րդ հոդվածներով` Դատարանը

Ո Ր Ո Շ Ե Ց
Թիվ ԵԴ1/2848/01/24 քրեական գործով մեղադրյալ Էդուարդ Հարությունի Ամիրբեկյանի՝ ՀՀ քրեական օրենսգրքի 171-րդ հոդվածի 2-րդ մասի 6-րդ կետով և ՀՀ քրեական օրենսգրքի 195-րդ հոդվածի 1-ին մասով առաջադրված մեղադրանքով քրեական հետապնդումը դադարեցնել և քրեական գործի վարույթը կարճել՝ տուժողներ Է.Սիմոնյանի և Ա.Սիմոնյանի հետ հաշտվելու հիմքով:
Մեղադրյալ Էմմանուել Էդուարդ Հարությունի Ամիրբեկյանի նկատմամբ կիրառված բացակայելու արգելքը վերացնել:
Արտավարութային փաստաթղթերը թողնել կցված քրեական գործին՝ դրա պահպանության ողջ ժամանակահատվածում:
Որոշումը հատուկ վերանայման կարգով կարող է բողոքարկվել ՀՀ վերաքննիչ քրեական դատարան` դատական ակտը ստանալու օրվանից հետո՝ մեկամսյա ժամկետում:

ԴԱՏԱՎՈՐ Վ.ՄԵԼԻՔՅԱՆ