ԵԴ1/2852/01/24

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՌԱՋԻՆ
ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ

ԴԱՏԱՎՃԻՌ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

2025թ. փետրվարի <<26>> ք.Երևան

Երևան քաղաքի առաջին ատյանի ընդհանուր իրավասության քրեական դատարանը (այսուհետ նաև` Դատարան)

Նախագահող դատավոր Ա.Հովհաննիսյան
դատական նիստերի քարտուղար Մ.Հովհաննիսյան
հանրային մեղադրող Ա.Երիցյան
պաշտպան Վ.Ջիվանյան

դռնբաց դատական նիստում քննեց քրեական վարույթն ըստ մեղադրանքի Աղվան Գեորգիի Երեմյանի` ծնված 1986 թվականի օգոստոսի 5-ին Արագածոտնի մարզի Ապարան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին երեք անչափահաս երեխա, նախկինում չդատապարտված, հաշվառված և բնակվող՝ Արագածոտնի մարզի Ապարան քաղաքի Ա.Հարությունյան փողոցի 12-րդ տանը: Հանրային քրեական հետապնդում է հարուցվել ՀՀ քրեական օրենսգրքի 355-րդ հոդվածի 2-րդ մասով. որպես խափանման միջոց է կիրառվել բացակայելու արգելքը:

Վարույթի դատավարական նախապատմությունը.
2023 թվականի սեպտեմբերի 18-ին Ռ.Ներսիսյանը հանցագործության մասին հաղորդում է ներկայացրել ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժին:
2023 թվականի սեպտեմբերի 18-ի ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնի քննիչ Խ.Մարտիրոսյանի արձանագրությամբ ՀՀ քրեական օրենսգրքի 355-րդ հոդվածի 2-րդ մասի հատկանիշներով նախաձեռնվել է թիվ 14-0023-23 քրեական վարույթը:
2023 թվականի սեպտեմբերի 18-ի ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնի քննիչ Ա.Թումանյանի որոշմամբ Ցողիկ Պատվականի Գրիգորյանը տուժող է ճանաչվել:
2024 թվականի հուլիսի 10-ի ՀՀ դատախազության Երևան քաղաքի Արաբկիր և Քանաքեռ-Զեյթուն վարչական շրջանների դատախազության ավագ դատախազ Ա.Երիցյանի որոշմամբ Աղվան Գեորգիի Երեմյանի նկատմամբ հանրային քրեական հետապնդում է հարուցվել ՀՀ քրեական օրենսգրքով նախատեսված, պատժի սպառնալիքով արգելված, մեղավորությամբ կատարված հանրորեն վտանգավոր այն արարքի կատարման համար, որ նա, ըստ ծառայողական դիրքի՝ հանդիսանալով շինարարարական աշխատանքների ընթացքում անվտանգության և աշխատանքի պաշտպանության կանոնների պահպանման համար պատասխանատու անձ, չի պահպանել նշված կանոնները, որն անզգուշությամբ առաջացրել է մարդու մահ:
Այսպես՝ Աղվան Գեորգիի Երեմյանը, լինելով <<Սամվել Սարգսյան>> Ա/Ձ-ի տնօրեն և աշխատանքների պատասխանատու անձ, փաստացի հանդիսանալով Սամվել Հարությունյանի գործատուն՝ լինելով աշխատանքի պաշտպանության վերաբերյալ գործող օրենսդրության, նորմատիվ իրավական ակտերի և հրահանգների համար պատասխանատու անձ, խախտել է ՀՀՇՆ 13-02-2022 <<Անվտանգության տեխնիկան շինարարությունում>> ՀՀ շինարարական նորմերի 4-րդ՝ <<Անվտանգության տեխնիկայի ընդհանուր պահանջները>>, 13-րդ, 50-րդ, 781-րդ, 782-րդ կետերի, ՀՀ աշխատանքային օրենսգրքի 102-րդ հոդվածի 1-ին և 217-րդ հոդվածի 4-րդ կետերի, <<Պաշտպանիչ գույքային ցանկապատերը>> նորմատիվ ակտի 2-րդ՝ <<տեխնիկական պահանջները>> գլխի 2.2-րդ կետի պահանջները: Նշված խախտումների պատճառով 2023 թվականի սեպտմբերի 18-ին՝ ժամը 21:30-ի սահմաններում, Երևան քաղաքի Գրիբոյեդով 18/5 հասցեում կառուցվող շենքի <<Դ>> մասնաշենքի 1-ին հարկում վերելակի հորանի պատի կառուցման աշխատանքներ իրականացնող Սամվել Պատվականի Հարությունյանը կորցրել է հավասարակշռությունը, ընկել է նշված շենքի 3-րդ հարկ և ստացած բազմաթիվ վնասվածների հետևանքով մահացել:
Այսինքն, Աղվան Գեորգիի Երեմյանին մեղսագրվում է հանցավոր արարքի կատարում՝ նախատեսված ՀՀ քրեական օրենսգրքի 355-րդ հոդվածի 2-րդ մասով:
2024 թվականի հուլիսի 10-ի ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնի քննիչ Ա.Թումանյանի որոշմամբ մեղադրյալ Աղվան Գեորգիի Երեմյանի նկատմամբ որպես խափանման միջոց է կիրառվել բացակայելու արգելքը:
2024 թվականի հոկտեմբերի 11-ին թիվ 14-0023-23 քրեական վարույթը մեղադրական եզրակացությամբ ուղարկվել է Երևան քաղաքի առաջին ատյանի ընդհանուր իրավասության քրեական դատարան:
Հատուկ կարգով դատաքննությունը.
Նախնական դատալսումների ընթացքում պաշտպան Վահագն Ջիվանյանը հայտնեց, որ իր պաշտպանյալ Աղվան Երեմյանը ցանկանում է, որպեսզի իր նկատմամբ կիրառվի համաձայնեցման վարույթ, և խնդրեց տրամադրել որոշակի ժամանակ հանրային մեղադրողի հետ բանակցություններ վարելու և վերջինի հետ համաձայնության գալու համար:
Մեղադրյալ Աղվան Երեմյանը հայտնեց, որ համաձայն է իրեն մեղսագրվող արարքին, միջնորդությունը ներկայացրել է կամավոր և գիտակցում է իր միջնորդության բնույթը և հետևանքները:
Հանրային մեղադրողը չառարկեց համաձայնեցված վարույթ կիրառելու դեմ:
Դատական նիստին չի ներկայացել տուժող Ցողիկ Գրիգորյանը, սակայն Դատարանին ուղղված դիմումով նշել է, որ առողջական խնդիրների պատճառով չի կարող ներկայանալ դատական նիստին և խնդրում է այն իրականացնել իր բացակայությամբ: Միաժամանակ հայտնել է, որ Աղվան Երեմյանի նկատմամբ որևէ տեսակի պահանջ կամ բողոք, այդ թվում՝ նաև գումարային չունի, ուստիև չի առարկում, որ Աղվան Երեմյանի նկատմամբ իրականացվի համաձայնեցման վարույթ:
Ուստի, Դատարանը, ստանալով համաձայնության մասին արձանագրությունը և համոզվելով, որ առկա է ՀՀ քրեական դատավարության օրենսգրքի 458-րդ հոդվածի 1-ին մասով նախատեսված հիմքը, բացակայում է նույն օրենսգրքի 458-րդ հոդվածի 2-րդ մասով, և 461-րդ հոդվածի 2-րդ մասով նախատեսված` համաձայնեցման վարույթի կիրառումը բացառող հանգամանքները, որոշում է կայացրել հատուկ կարգով դատաքննություն անցկացնելու և շարունակելու մասին։

Համաձայնության մասին արձանագրությունը.
ԱՐՁԱՆԱԳՐՈւԹՅՈւՆ
ՀՀ քրեական դատավարության օրենսգրքի 460-րդ հոդվածով սահմանված կարգով համաձայնության գալու վերաբերյալ
Սույն արձանագրությունը կազմվել է մասնակցությամբ՝ ՀՀ դատախազության Երևան քաղաքի Արաբկիր և Քանաքեռ-Զեյքուն վարչական շրջանների դատախազության ավագ դատախազ Արմեն Երիցյանի, մեղադրյալ՝ Աղվան Գեորգիի Երեմյանի (ծնված՝ 1986 թվականի օգոստոսի 5-ին Արագածոտնի մարզի Ապարան քաղաքում, ազգությամբ հայ, ՀՀ քաղաքացի, ամուսնացած, աշխատող՝ <<Սամվել Սարգսյան>> Ա/Ձ-ում՝ որպես տնօրեն, նախկինում չդատապարտված, հաշվառված և բնակվող՝ Արագածոտնի մարզի Ապարան քաղաքի Ա.Հարությունյան փողոցի 12-րդ տանը, խնամքին եներեք անչափահաս երեխաներ) և պաշտպան Վահագն Ջիվանյանի:
Մեղադրյալի նկատմամբ կիրառված խափանման միջոցը և դրա կիրառման ժամկետը. մեղադրյալի նկատմամբ որպես խափանման միջոց է կիրառվել բացակայելու արգելքը:
Աղվան Գեորգիի Երեմյանը, լինելով <<Սամվել Սարգսյան>> Ա/Ձ-ի տնօրեն և աշխատանքների պատասխանատու անձ, փաստացի հանդիսանալով Սամվել Հարությունյանի գործատուն՝ լինելով աշխատանքի պաշտպանության վերաբերյալ գործող օրենսդրության, նորմատիվ իրավական ակտերի և հրահանգների համար պատասխանատու անձ, խախտել է ՀՀՇՆ 13-02-2022 <<Անվտանգության տեխնիկան շինարարությունում>> ՀՀ շինարարական նորմերի 4-րդ՝ <<Անվտանգության տեխնիկայի ընդհանուր պահանջները>>, 13-րդ, 50-րդ, 781-րդ, 782-րդ կետերի, ՀՀ աշխատանքային օրենսգրքի 102-րդ հոդվածի 1-ին և 217-րդ հոդվածի 4-րդ կետերի, <<Պաշտպանիչ գույքային ցանկապատերը>> նորմատիվ ակտի 2-րդ՝ <<տեխնիկական պահանջները>> գլխի 2.2-րդ կետի պահանջները: Նշված խախտումների պատճառով 2023 թվականի սեպտմբերի 18-ին՝ ժամը 21:30-ի սահմաններում, Երևան քաղաքի Գրիբոյեդով 18/5 հասցեում կառուցվող շենքի <<Դ>> մասնաշենքի 1-ին հարկում վերելակի հորանի պատի կառուցման աշխատանքներ իրականացնող Սամվել Պատվականի Հարությունյանը կորցրել է հավասարակշռությունը, ընկել է նշված շենքի 3-րդ հարկ և ստացած բազմաթիվ վնասվածների հետևանքով մահացել:
Այսինքն, Աղվան Գեորգիի Երեմյանին մեղսագրվում է հանցավոր արարքի կատարում՝ նախատեսված ՀՀ քրեական օրենսգրքի 355-րդ հոդվածի 2-րդ մասով:
Հիմք ընդունելով ՀՀ քրեական դատավարության օրենսգրքի 460-րդ հոդվածի 4-րդ մասի 9-րդ կետը և ՀՀ քրեական օրենսգրքի 77-րդ հոդվածի 1-ին մասը՝ կողմերը համաձայնվում են մեղադրյալին մեղաագրվող արարքի համար հետևյալ պատժատեսակի և պատժաչափի վերաբերյալ.
ՀՀ քրեական օրենսգրքի 355-րդ հոդվածի 2-րդ մասով նախատեսված հանցանքը կատարելու համար նշանակել պատիժ՝ ազատազրկում 4 տարի ժամկետով, ՀՀ քրեական օրենսգրքի 84-րդ հոդվածի կիրառմամբ նշանակված պատիժը պայմանականորեն չկիրառել՝ սահմանելով փորձաշրջան՝ 2 (երկու) տարի ժամկետով, Աղվան Երեմյանի նկատմամբ նշանակել պարտականություն՝ առանց դատապարտյալի վարքագծի նկատմամբ վերահսկողություն իրականացնող իրավասու մարմնի համաձայնության Հայաստանի Հանրապետության տարածքը չլքել և բնակության վայրը փոխելու դեպքում սեղմ ժամկետում իր նոր բնակության վայրի հասցեն հայտնել դատապարտյալի վարքագծի նկատմամբ վերահսկողություն իրականացնող իրավասու մարմնին:
Արձանագրությունը ստորագրվել է հանրային մեղադրող Արմեն Երիցյանի, մեղադրյալ Աղվան Երեմյանի և պաշտպան Վահագն Ջիվանյանի կողմից։
Հրապարակված արձանագրության վերաբերյալ մեղադրյալ Աղվան Երեմյանը նշել է, որ իրեն պարզ է կնքված համաձայնության բովանդակությունը և ինքը համաձայն է դրան: Հավելել է, որ արտահայտել է իր իրական կամքը, գիտակցում է կնքված համաձայնության հետևանքները, պնդում է կնքված համաձայնությունը և այն չի կնքել բռնության, սպառնալիքի կամ հարկադրանքի այլ միջոցի ազդեցության հետևանքով:
Հանրային մեղադրողը և պաշտպանը պնդեցին կնքված համաձայնությունը:
Դատարանը գտնում է, որ Աղվան Գեորգիի Երեմյանի նկատմամբ կիրառված խափանման միջոց՝ բացակայելու արգելքը, դատավճիռն օրինական ուժի մեջ մտնելուց հետո, պետք է վերացնել:
ՀՀ քրեական դատավարության օրենսգրքի 167-րդ հոդվածի 1-ին մաuով նախատեսված վարութային ծախսերը համաձայնեցման վարույթ կիրառելու դեպքում, համաձայն նույն օրենսգրքի 463-րդ հոդվածի 5-րդ մասի՝ դատապարտված մեղադրյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 276-րդ, 318-րդ, 347-350-րդ, 458-464-րդ հոդվածներով՝


Վ Ճ Ռ Ե Ց

Աղվան Գեորգիի Երեմյանին մեղավոր ճանաչել ՀՀ քրեական օրենսգրքի 355-րդ հոդվածի 2-րդ մասով և պատիժ նշանակել ազատազրկում՝ 4 (չորս) տարի ժամկետով:
ՀՀ քրեական օրենսգրքի 84-րդ հոդվածի կիրառմամբ Աղվան Գեորգիի Երեմյանի նկատմամբ նշանակված պատիժը պայմանականորեն չկիրառել և սահմանել փորձաշրջան՝ 2 (երկու) տարի ժամկետով:
Փորձաշրջանի ընթացքում Աղվան Գեորգիի Երեմյանի վրա դնել առանց իր վարքագծի նկատմամբ վերահսկողություն իրականացնող իրավասու մարմնի համաձայնության Հայաստանի Հանրապետության տարածքը չլքելու և բնակության վայրը փոխելու դեպքում իր վարքագծի նկատմամբ վերահսկողություն իրականացնող իրավասու մարմնին սեղմ ժամկետում նոր բնակության վայրի հասցեն հայտնելու պարտականությունը:
Դատավճիռն օրինական ուժի մեջ մտնելուց հետո Աղվան Գեորգիի Երեմյանի նկատմամբ որպես խափանման միջոց կիրառված բացակայելու արգելքը, վերացնել:
Վարութային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 373-րդ հոդվածով և 375-րդ հոդվածի 1-3-րդ մասերով նախատեսված հիմքերով):


ԴԱՏԱՎՈՐ Ա.ՀՈՎՀԱՆՆԻՍՅԱՆ