Գործ ԵԴ1/2847/01/24



Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ
18.09.2025 թվական ք.Երևան

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ
ՔՐԵԱԿԱՆ ԴԱՏԱՐԱՆ

ԴԱՏԱՎՈՐ՝ Դ.ԲԱԼԱՅԱՆ
ՆԻՍՏԻ ՔԱՐՏՈՒՂԱՐ՝ Ա.ՄԱԼՈՅԱՆ
ՄԱՍՆԱԿՑՈՒԹՅԱՄԲ՝
ՀԱՆՐԱՅԻՆ ՄԵՂԱԴՐՈՂ` Ն.ԲԱՐԵԿՅԱՆ
ՄԵՂԱԴՐՅԱԼ՝ Կ.ԱԶՈՅԱՆ

Դռնբաց դատական նիստերում քննության առնելով վարույթն ըստ մեղադրանքի
Կարեն Սամվելի Ազոյանի՝ ծնված 17.06.1988 թվականին ՀՀ Արագածոտնի մարզի
Աշնակ գյուղում, ազգությամբ հայ, ՀՀ քաղաքացի, գտնվում է փաստական ամուսնական հարաբերություններ մեջ, ըստ իր հայտարարության խնամքին երկու անչափահաս, չի աշխատում, ֆիզիկապես առողջ, դատապարտված՝
1. 24.08.2023 թվականին (ԱՎԴ2/0025/01/23) ՀՀ Արարատի և Վայոց Ձորի մարզերի առաջին ատյանի ընդհանուր իրավասության դատարանի կողմից 2003 թվականի ապրիլի 18-ին ընդունված ՀՀ քրեական օրենսգրքի 118-րդ հոդվածով՝ 2 դրվագով, 353.1 հոդվածի 1-ին մասով՝ 2 դրվագով, 05.05.2021 թվականին ընդունված ՀՀ քրեական օրենսգրքի 508-րդ հոդվածի 1-ին, 195-րդ հոդվածի 2-րդ մասի 6-րդ կետով և 195-րդ հոդվածի 1-ին մասով հանցանքների համակցության կանոնով ազտազրկման 5 ամիս 12 օր ժամկետով և տուգանքի 200.000 ՀՀ դրամի չափով, ազատազրկման ձևով պատժի կրումից ազտվել է, այն փաստացի կրած լինելու հիմքով
2. 16.04.2024 թվականին (ԵԴ/0637/01/19) Երևան քաղաքի ընդհանուր իրավասության առաջին ատյանի դատարանի կողմից 2003 թվականի ապրիլի 18-ին ընդունված ՀՀ քրեական օրենսգրքի 38-177-րդ հոդվածի 2-րդ մասի 3-րդ կետով՝ 5 դրվագով, 38-177-րդ հոդվածի 2-րդ մասի 1-ին և 3-րդ կետերով, 177-րդ հոդվածի 2-րդ մասի 2-րդ և 3-րդ կետերով, 34-177-րդ հոդվածի 2-րդ մասի 1-ին և 3-րդ կետերով, 177-րդ հոդվածի 3-րդ մասի 1.1 կետով՝ 2 դրվագով, 177-րդ հոդվածի 2-րդ մասի 1-ին և 3-րդ կետերով, 05.05.2021 թվականի ՀՀ քրեական օրենսգրքի 74-րդ հոդվածի կանոններով ազատազրկման 6 տարի 6 ամիս ժամկետով ՀՀ քրեական օրենսգրքի 79-րդ հոդվածի 3-րդ մասի կանոնով սահմանվել է ազատազրկում` 4 տարի 4 ամիս 2 օր ժամկետով, ՀՀ քրեական օրենսգրքի 74-րդ հոդվածի 11-րդ մասի կանոննով (ԱՎԴ2/0025/01/23) տուգանքի 200.000 ՀՀ դրամի չափով
3. 19.06.2024 թվականին (ԱՐԱԴ/0126/01/24) ՀՀ Արագածոտնի մարզի ընդհանուր իրավասության առաջին ատյանի դատարանի կողմից ՀՀ քրեական օրենսգրքի 344-րդ հոդվածի 1-ին մասով՝ 2 դրվագով, հանցանքների համակցության կանոնով հանրային աշխատանքների 140 ժամ տևողությամբ և 74-րդ հոդվածի 11-րդ մասի կանոնով (ԱՎԴ2/0025/01/23) տուգանքի չկրած 115.000 ՀՀ դրամի չափով, 10.09.2024 թվականին տուգանքը վճարվել է, 23.10.2024 թվականին կատարվել են հանրային աշխատանքները, բնակվում է ՀՀ Արագածոտնի մարզ, Աշնակ գյուղ, Իսրայելյան փողոց, 61-րդ տուն հասցեում, որպես խափանման միջոց է ընտրված բացակայելու արգելքը, հանդիսանում է «Սևան» ՔԿՀ-ի դատապարտյալ, հանրային հետապնդում է հարուցվել ՀՀ քրեական օրենսգրքի 344-րդ հոդվածի 1-ին մասով

I.Գործի դատավարական նախապատմությունը.

2023 թվականի նոյեմբերի 16-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի ավագ քննիչ Շ.Խաչատրյանը կազմել է արձանագրություն ՀՀ քրեական օրենսգրքի 344-րդ հոդվածի 1-ին մասի հատկանիշներով թիվ 60-0766-23 քրեական վարույթը նախաձեռնելու վերաբերյալ /հատոր 1-ին գ.թ. 6-7/:
2024 թվականի օգոստոսի 09-ին քրեական վարույթն ուղարկվել է ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժին և նույն օրը վարույթի քննությունը հանձնարարվել է նույն քննչական բաժնի քննիչ Մ.Գրիգորյանին /հատոր 1-ին գ.թ. 10/:
2024 թվականի սեպտեմբերի 16-ին քննիչ Մ.Գրիգորյանը կազմել է արձանագրություն ՀՀ քրեական օրենսգրքի 344-րդ հոդվածի 1-ին մասի հատկանիշներով թիվ 09109824 քրեական վարույթը նախաձեռնելու վերաբերյալ /հատոր 2-րդ գ.թ. 29/:
Նույն օրը քննիչ Մ.Գրիգորյանը որոշում է կայացրել թիվ 09109824 քրեական վարույթոը թիվ 60076623 քրեական վարույթին միացնելու և նախաքննությունը 60076623 համարով շարունակելու մասին /հատոր 2-րդ գ.թ. 30-31/:
2024 թվականի սեպտեմբերի 17-ին Երևան քաղաքի Արաբկիր և Քանաքեռ-Զեյթուն վարչական շրջանների դատախազության դատախազ Ա.Ալիխանյանը որոշում է կայացրել Կարեն Ազոյանի նկատմամբ ՀՀ քրեական օրենսգրքի 344-րդ հոդվածի 1-ին մասով հանրային քրեական հետապնդում հարուցելու մասին, այն արարքի կատարման համար, որ նա, որ նա «Վարչական իրավախախտումների վերաբերյալ» ՀՀ օրենսգրքի 129.3-րդ հոդվածի 1-ին մասի համաձայն՝ 2022 թվականի օգոստոսի 18-ին իրավասու պետական մարմնի աշխատակցի կողմից կայացված վարչական տույժ նշանակելու մասին որոշմամբ ենթարկված լինելով վարչական պատասխանատվության՝ տրանսպորտային միջոցներ վարելու իրավունքը 6 (վեց) ամիս ժամկետով կասեցնելու ձևով և պատշաճ ծանուցված և տեղեկացված լինելով այդ մասին, կասեցման ժամկետը չլրացած՝ 2023 թվականի փետրվարի 20-ին՝ ժամը 22:15-ի սահմաններում, Երևան քաղաքի Շրջանցիկ թունել փողոցում վարել է «ԴԱԵՎՈ» մակնիշի 35 SC 542 հաշվառման համարանիշի ավտոմեքենան, որի վերաբերյալ ՀՀ ՆԳՆ ոստիկանության պարեկային ծառայության ծառայողի կողմից կազմվել է վարչական իրավախախտման մասին արձանագրություն /հատոր 2-րդ գ.թ. 43/:
2024 թվականի սեպտեմբերի 26-ին Կարեն Ազոյանին ներկայացվել է մեղադրանքը և պարզաբանվել են մեղադրյալի իրավունքներն ու պարտականությունները և նկատմամբ որպես խափանման միջոց է ընտրվել բացակայելու արգելքը /հատոր 2-րդ գ.թ. 45-46, 47, 48, 51-53/:
2024 թվականի սեպտեմբերի 27-ին կազմվել է մեղադրական եզրակացությունը /հատոր 2-րդ գ.թ. 58-63/:
2024 թվականի հոկտեմբերի 07-ին նույն դատախազության դատախազ Ա.Ալիխանյանը որոշում է կայացրել մեղադրական եզրակացությունը հաստատելու մասին /հատոր 2-րդ գ.թ. 67/:
2024 թվականի հոկտեմբերի 14-ին քրեական գործը մուտք է եղել դատարան, էլեկտրոնային եղանակով մակագրվել և հաջորդ օրը հանձնվել է դատավոր Դ.Բալայանին /հատոր 1-ին գ.թ. 66, 68-69/:
2024 թվականի հոկտեմբերի 17-ին որոշում է կայացվել քրեական գործը վարույթ ստանձնելու և նախնական դատալսումներ նշանակելու մասին /հատոր 1-ին գ.թ. 70/:
2025 թվականի հուլիսի 18-ին մեղադրանքի պաշտպանությունը հանձնարարվել է դատախազ Ն.Բարեկյանին /հատոր 1-ին գ.թ. 88-89/:

II. Հիմնական դատալսումների ընթացքում հետազոտված թույլատրելի ապացույցները.

Վարչական իրավախախտման վերաբերյալ թիվ 8180244379 արձանագրության պատճենի համաձայն՝ Կարեն Ազոյանը 2023 թվականի փետրվարի 20-ին՝ ժամը 22:15-ի սահմաններում, Երևան քաղաքի Շրջանցիկ թունել փողոցում տրանսպորտային միջոցներ վարելու իրավունքը կասեցված լինելու պայմաններում վարել է «ԴԱԵՎՈ» մակնիշի 35 SC 542 հաշվառման համարանիշի տրանսպորտային միջոց /հատոր 1-ին գ.թ. 3/:
Ճանապարհային ոստիկանության էլեկտրոնային ռեգիստրի տվյալների համաձայն Կարեն Ազոյանի տրանսպորտային միջոցներ վարելու իրավունքը 27.09.2022 թվականից մինչև 27.03.2023 թվականը կասեցվել է /հատոր 1-ին գ.թ. 5/։
18.08.2022 թվականի թիվ 2215032298 վարչական տույժ նշանակելու որոշման համաձայն՝ Կարեն Ազոյանի տրանսպորտային միջոցներ վարելու իրավունքը կասեցվել է 6 ամիս ժամկետով /հատոր 1-ին գ.թ. 242/:
ՀՀ ոստիկանության Արագածոտնի մարզային վարչության Թալինի բաժնի պետի գրության և կից ստացականի պատճենի համաձայն՝ Կարեն Ազոյանը 02.12.2022 թվականին ստացել է ՃՈ 18.08.2022 թվականին կայացված թիվ 2215032298 որոշումը /հատոր 1-ին գ.թ. 243-244/:
12.09.2024 թվականին զննություն կատարելու մասին կազմված արձանագրության համաձայն՝ քննիչը զննության է ենթարկել վերը թվարկված փաստաթղթերը, որոնք ճանաչվել են որպես արտավարութային ապացույց /հատոր 2-րդ գ.թ. 22-23, 32-33/:
Մեղադրյալ Կարեն Ազոյանը հայտնեց, որ ներկայացված մեղադրանքում իրեն մեղավոր չի ճանաչում միաժամանակ օգտնվելով իր իրավունքից հրաժարվեց ցուցմունք տալուց /դատական նիստի արձանագրություն/:

III. Դատարանի պատճառաբանությունը և եզրահանգումները.

Հիմնական դատալսումների ընթացքում պատշաճ իրավական ընթացակարգով հետազոտված ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով, դատարանը հանգում է այն հետևության, որ մեղադրյալ Կարեն Ազոյանը մեղավորությամբ կատարել է իրեն մեղսագրված արարքը, որը համապատասխանում է ՀՀ քրեական օրենսգրքի 344-րդ հոդվածի 1-ին մասի հատկանիշներին:
Դատարանը՝ հաստատված համարելով հանցագործությունների և դրանց կատարման մեջ Կարեն Ազոյանի մեղքի ապացուցված լինելը, գտնում է, որ նա ենթակա է պատժի կատարածի համար:
Դատարանը մեղադրյալի նկատմամբ պատիժ նշանակելիս հաշվի է առնում ինչպես նրա կատարած հանցագործության բնույթը, եղանակն ու նպատակը, դիտավորության աստիճանը, հանցավորի վերասոցիալականացման և իրավահպատակ վարքագծի ձևավորման գործընթացի վրա ազդեցությունը, այնպես էլ նրա անձը բնութագրող տվյալները:
Դատարանն արձանագրում է, որ Կարեն Ազոյանի պատասխանատվությունը կամ պատիժը ինչպես մեղմացնող, այնպես էլ ծանրացնող հանգամանքներ առկա չեն:
Դատարանն արձանագրում է, որ սույն պարագայում մեղադրյալի նկատնմամբ կայացված երեք դատավճիռների առկայությունը հիմք չէ հաստատված համարելու, որ առկա է մեղադրյալի պատասխանատվությունը կամ պատիժը ծանրացնող հանգամանք կամ ռեցիդիվ, քանի որ մեղադրյալը արարքը կատարել է 20.02.2023 թվականին, մինչդեռ նրա նկատմամբ թիվ ԱՎԴ2/0025/01/23, ԵԴ/0637/01/19, ԱՐԱԴ/0126/01/24 գործերով դատավճիռները կայացվել են 2023 թվականի հուլիսից հետո:
Դատարանը՝ հաշվի առնելով մեղադրյալի անձը բնութագրող տվյալները, նրա պատասխանատվությունն ու պատիժը մեղմացնող և ծանրացնող հանգամանքի բացակայությունը և ղեկավարվելով ՀՀ քրեական օրենսգրքի 7-րդ հոդվածի 1-ին, 55-րդ և 69-րդ հոդվածներով գտնում է, որ Կարեն Ազոյանի նկատմամբ պետք է նշանակել ՀՀ քրեական օրենսգրքի 344-րդ հոդվածի 1-ին մասի սանկցիայով նախատեսված ամենամեղմ պատժատեսակը՝ տուգանքը: Հաշվի առնելով այն հանգամանքը, որ մեղադրյալը չունի աշխատանք, դատարանն արձանագրում է, որ տուգանքի չափի հաշվարկը պետք է իրականացվի ՀՀ քրեական օրենսգրքի 59-րդ հոդվածի 5-րդ մասով սահմանված կարգով՝ «Նվազագույն ամսական աշխատավարձի մասին» ՀՀ օրենքով սահմանված նվազագույն ամսական աշխատավարձի չափով: Հիմք ընդունելով, որ «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն ՀՀ-ում ամսական նվազագույն աշխատավարձը սահմանված է 75.000 ՀՀ դրամը՝ դատարանը գտնում է, որ մեղադրյալ Կարեն Ազոյանի նկատմամբ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամի չափով տուգանքի նշանակման դեպքում կարելի է հասնել պատժի նպատակների իրագործմանը։
Սրա հետ մեկտեղ, դատարանն արձանագրում է, որ Կարեն Ազոյանի նկատմամբ սույն դատական ակտով նշանակված պատիժը՝ տուգանքը, նրա նկատմամբ 16.04.2024 թվականի թիվ ԵԴ/0637/01/19 դատական ակտով նշանակված պատժին՝ ազատազրկմանը, հանցանքների համակցության կանոնների համաձայն գումարելու անհրաժեշտությունը բացակայում է, քանի որ ՀՀ քրեական օրենսգրքի 78-րդ հոդվածի 2-րդ մասի կանոնով տուգանքի ձևով նշանակված պատիժը տուգանքի հետ գումարելիս դրանք ի կատար են ածվում առանձին-առանձին:
Դատարանը արձանագրում է նաև, որ դատապարտված մեղադրյալից բռնագանձման ենթակա չեն ՀՀ քրեական դատավարության օրենսգրքի 167-րդ հոդվածի 1-ին մասի 1-7-րդ կետերով նախատեսված վարութային ծախսերը՝ նկատի ունենալով այն հանգամանքը, որ նույն հոդվածի 2-րդ մասի համաձայն՝ հանրային մեղադրանքով վարութային ծախսերը վճարվում են պետական միջոցների հաշվին:
Քննության առնելով մեղադրյալ Կարեն Ազոյանի նկատմամբ ընտրված խափանման միջոցի հարցը, դատարանը գտնում է, որ այն պետք է վերացնել մինչ դատավճռի օրինական ուժի մեջ մտնելը նկատի ունենալով, որ մեղադրյալն ունի դատապարտյալի կարգավիճակ և ազատազրկման ձևով պատիժ է կրում:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 9-րդ և 347-349-րդ հոդվածներով, դատարանը

Վ Ճ Ռ Ե Ց

Կարեն Սամվելի Ազոյանին մեղավոր ճանաչել ՀՀ քրեական օրենսգրքի 344-րդ հոդվածի 1-ին մասով նախատեսված արարքում և պատիժ նշանակել տուգանք՝ նվազագույն աշխատավարձի հնգապատիկի՝ 375.000 ՀՀ դրամի չափով:
Կարեն Ազոյանի նկատմամբ ընտրված խափանման միջոցը՝ բացակայելու արգելքը, վերացնել՝ մինչ դատավճռի օրինական ուժի մեջ մտնելը:
Վարութային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան ստանալու օրվանից հետո՝ մեկամսյա ժամկետում:


ԴԱՏԱՎՈՐ Դ.ԲԱԼԱՅԱՆ