ԵԴ1/2818/01/24


Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈւԹՅԱՆ ԱՆՈւՆԻՑ

30 մայիսի 2025թ. ք. Երևան

Երևան քաղաքի առաջին ատյանի ընդհանուր իրավասության քրեական դատարանը՝ հետևյալ կազմով.


նախագահող դատավոր՝ Ն. Բաղդասարյան,
քարտուղարությամբ՝ Ա. Սարգսյանի,

մասնակցությամբ՝
հանրային մեղադրող՝ Ա. Մարտոյանի,

մեղադրյալներ՝ Ա. Գրիգորյանի,
Մ.Գրիգորյանի,
Գ.Մխիթարյանի,

մեղադրյալների օրինական
ներկայացուցիչներ՝ Գ.Գրիգորյանի,
Հ.Խաչատրյանի,
Ա.Եսայանի,

պաշտպաններ՝ Գ. Ասատրյանի,
Ս.Ոսկանյանի,

դատարանում, դռնփակ դատական նիստում, դատաքննության հատուկ կարգի կիրառմամբ քննեց քրեական գործն ըստ մեղադրանքի
Արման Դավիթի Գրիգորյանի՝ ծնված 15.09.2007թ., Երևան քաղաքում, ազգությամբ հայ, ՀՀ քաղաքացի, սովորում է դպրոցում, չի աշխատում, նախկինում չդատված, հաշվառված և բնակվող՝ ք.Երևան, Մարգարյան փողոց, 37 շենք, բն. 85 հասցեում, որպես խափանման միջոց է ընտրվել բացակայելու արգելքը, մեղադրվում է ՀՀ քրեական օրենսգրքի 264-րդ հոդվածի 2-րդ մասի 2-րդ կետով,
Մհեր Արմենի Գրիգորյանի՝ ծնված 07.08.2008թ., Երևան քաղաքում, ազգությամբ հայ, ՀՀ քաղաքացի, սովորում է Երևանի պետական տեխնոլոգիական քոլեջում, բնութագրվում է դրական, չի աշխատում, նախկինում չդատված, հաշվառված և բնակվող՝ ք.Երևան, Վեգների փողոց, 20-րդ տուն հասցեում, որպես խափանման միջոց է ընտրվել բացակայելու արգելքը, մեղադրվում է ՀՀ քրեական օրենսգրքի 264-րդ հոդվածի 2-րդ մասի 2-րդ կետով,
Գոռ Արտաշեսի Մխիթարյանի ծնված 23.01.2009թ., Երևան քաղաքում, ազգությամբ հայ, ՀՀ քաղաքացի, սովորում է դպրոցում, չի աշխատում, նախկինում չդատված, բնութագրվում է դրական հաշվառված և բնակվող՝ ք.Երևան, Սեբաստիա փողոց, 16-րդ շ., բն. 21 հասցեում, որպես խափանման միջոց է ընտրվել բացակայելու արգելքը, մեղադրվում է ՀՀ քրեական օրենսգրքի 264-րդ հոդվածի 2-րդ մասի 2-րդ կետով,

Պ Ա Ր Զ Ե Ց՝

Գործի դատավարական նախապատմությունը.
15.01.2024թ․ՀՀ քննչական կոմիտեի Երևան քաղաքի քննչական վարչության Մակալթիա-Սեբաստիա վարչական շրջանի քննչական բաժնում ՀՀ քրեական օրենսգրքի 264-րդ հոդվածի 2-րդ մասի 2-րդ կետով նախաձեռնվել է թիվ 16107524 քրեական վարույթը։
05.02.2024թ. Երևան համայնքը ճանաչվել է տուժող, 04.03.2024թ. Հարություն Կամոյի Սարդարյանը ճանաչվել է տուժողի լիազոր ներկայացուցիչ:
2024 թվականի սեպտեմբերի 30-ին ՀՀ դատախազության Երևան քաղաքի Մալաթիա-Սեբաստիա վարչական շրջանի դատախազի տեղակալ Ա.Մարտոյանը որոշում է կայացրել թիվ 16107524 քրեական վարույթով Մհեր Արմենի Գրիգորյանի նկատմամբ ՀՀ քրեական օրենսգրքի 264-րդ հոդվածի 2-րդ մասի 2-րդ կետով հանրային քրեական հետապնդում հարուցելու մասին, այն բանի համար, որ նա, ուրիշի գույքը հրկիզման եղանակով վնասելու շուրջ նախնական համաձայնության գալով Արման Դավիթի Գրիգորյանի և Գոռ Արտաշես Մխիթարյանի հետ, 2024 թվականի հունվարի 14-ին՝ ժամը 18:50-ից մինև 19:30-ն ընկած ժամանակահատվածում, Երևան քաղաքի Մալաթիա-Սեբաստիա վարչական շրջանում գտնվող՝ «Պատերազմի հաղթանակի 40-ամյակին նվիրված» զբոսայգում, խմբի կազմում, փոխլրացնելով միմյանց գործողությունները, հրկիզման եղանակով դիտավորյալ վնասել է նշված զբոսայգում առկա՝ Երևան համայնքին պատկանող սղարանը, որի հետևանքով Երևան համայնքին պատճառվել է խոշոր չափերի՝ 1.100.000 ՀՀ դրամի գույքային վնաս::։
2024 թվականի սեպտեմբերի 30-ին ՀՀ դատախազության Երևան քաղաքի Մալաթիա-Սեբաստիա վարչական շրջանի դատախազի տեղակալ Ա.Մարտոյանը որոշում է կայացրել թիվ 16107524 քրեական վարույթով Արման Դավիթի Գրիգորյանի նկատմամբ ՀՀ քրեական օրենսգրքի 264-րդ հոդվածի 2-րդ մասի 2-րդ կետով հանրային քրեական հետապնդում հարուցելու մասին, այն բանի համար, որ նա, ուրիշի գույքը հրկիզման եղանակով վնասելու շուրջ նախնական համաձայնության գալով Մհեր Արմենի Գրիգորյանի և Գոռ Արտաշես Մխիթարյանի հետ, 2024 թվականի հունվարի 14-ին՝ ժամը 18:50-ից մինև 19:30-ն ընկած ժամանակահատվածում, Երևան քաղաքի Մալաթիա-Սեբաստիա վարչական շրջանում գտնվող՝ «Պատերազմի հաղթանակի 40-ամյակին նվիրված» զբոսայգում, խմբի կազմում, փոխլրացնելով միմյանց գործողությունները, հրկիզման եղանակով դիտավորյալ վնասել է նշված զբոսայգում առկա՝ Երևան համայնքին պատկանող սղարանը, որի հետևանքով Երևան համայնքին պատճառվել է խոշոր չափերի՝ 1.100.000 ՀՀ դրամի գույքային վնաս:։
2024 թվականի սեպտեմբերի 30-ին ՀՀ դատախազության Երևան քաղաքի Մալաթիա-Սեբաստիա վարչական շրջանի դատախազի տեղակալ Ա.Մարտոյանը որոշում է կայացրել թիվ 16107524 քրեական վարույթով Գոռ Արտաշեսի Մխիթարյանի նկատմամբ ՀՀ քրեական օրենսգրքի 264-րդ հոդվածի 2-րդ մասի 2-րդ կետով հանրային քրեական հետապնդում հարուցելու մասին, այն բանի համար, որ նա, ուրիշի գույքը հրկիզման եղանակով վնասելու շուրջ նախնական համաձայնության գալով Արման Դավիթի Գրիգորյանի և Մհեր Արմենի Գրիգորյանի հետ, 2024 թվականի հունվարի 14-ին՝ ժամը 18:50-ից մինչև 19:30-ն ընկած ժամանակահատվածում, Երևան քաղաքի Մալաթիա-Սեբաստիա վարչական շրջանում գտնվող՝ «Պատերազմի հաղթանակի 40-ամյակին նվիրված» զբոսայգում, խմբի կազմում, փոխլրացնելով միմյանց գործողությունները, հրկիզման եղանակով դիտավորյալ վնասել են նշած զբոսայգում առկա՝ Երևան համայնքին պատկանող սղարանը, որի հետևանքով Երևան համայնքին պատճառվել է խոշոր չափերի՝ 1.100.000 ՀՀ դրամի գույքային վնաս:։
30.09.2024թ. Գայանե Միքայելի Գրիգորյանը ճանաչվել է Արման Դավիթի Գրիգորյանի օրինական ներկայացուցիչ:
30.09.2024թ. Արման Դավիթի Գրիգորյանի նկատմամբ որպես խափանման միջոց է կիրառվել բացակայելու արգելքը։
30.09.2024թ. Արևիկ Արարատի Եսայանը ճանաչվել է Գոռ Արտաշեսի Մխիթարյանի օրինական ներկայացուցիչ:
30.09.2024թ. Գոռ Արտաշեսի Մխիթարյանի նկատմամբ որպես խափանման միջոց է կիրառվել բացակայելու արգելքը։
30.09.2024թ. Հասմիկ Արմենի Խաչատրյանը ճանաչվել է Մհեր Արմենի Գրիգորյանի օրինական ներկայացուցիչ:
30.09.2024թ. Մհեր Արմենի Գրիգորյանի նկատմամբ որպես խափանման միջոց է կիրառվել բացակայելու արգելքը։
2024թ. հոկտեմբերի 11-ին քրեական գործը մեղադրական եզրակացությամբ ստացվել է Երևան քաղաքի առաջին ատյանի ընդհանուր իրավասության քրեական դատարան, մակագրվել և 14.10.2024թ. թիվ ԵԴ1/2818/01/24 համարի ներքո հանձնվել է դատավոր Ն.Բաղդասարյանին։
16.10.2024թ. կայացվել է որոշում վարույթ ստանձնելու և նախնական դատալսումներ նշանակելու մասին։
Դատարանի՝ 29.05.2025թ. որոշմամբ Արման Գրիգորյանի, Մհեր Գրիգորյանի և Գոռ Մխիթարյանի նկատմամբ որպես խափանման միջոց կիրառված բացակայելու արգելքը թողնվել է անփոփոխ։
Նախնական դատալսումների ընթացքում մեղադրյալներ Ա.Գրիգորյանը, Մ.Գրիգորյանը, Գ.Մխիթարյանը, նրաց օրինական ներկայացուցիչներ Գ.Գրիգորյանը, Ա. Եսայանը, Հ. Խաչատրյանը, պաշտպաններ Գ.Ասատրյանը և Ս. Ոսկանյանը միջնորդեցին կիրառել համաձայնեցման վարույթ։
Մեղադրյալ Արման Գրիգորյանը և նրա օրինական ներկայացուցիչը հայտարարեցին, որ համաձայն են մեղադրանքի հետ, Ա. Գրիգորյանն իրեն մեղավոր է ճանաչում, խորհրդակցել են պաշտպանի հետ, միջնորդությունը ներկայացնում են կամավոր և գիտակցում են միջնորդության բնույթը և հետևանքները։
Մեղադրյալ Մհեր Գրիգորյանը և նրա օրինական ներկայացուցիչը հայտարարեցին, որ համաձայն են մեղադրանքի հետ, Մ. Գրիգորյանն իրեն մեղավոր է ճանաչում, խորհրդակցել են պաշտպանի հետ, միջնորդությունը ներկայացնում են կամավոր և գիտակցում են միջնորդության բնույթը և հետևանքները։
Մեղադրյալ Գոռ Մխիթարյանը և նրա օրինական ներկայացուցիչը հայտարարեցին, որ համաձայն են մեղադրանքի հետ, Գ.Մխիթարյանն իրեն մեղավոր է ճանաչում, խորհրդակցել են պաշտպանի հետ, միջնորդությունը ներկայացնում են կամավոր և գիտակցում են միջնորդության բնույթը և հետևանքները։
Հանրային մեղադրող Ա.Մարտոյանը միջնորդության դեմ չառարկեց։
Համաձայն Երևանի քաղաքապետարանի աշխատակազմի իրավաբանական վարչության պետ Տ.Մարգարյանի՝ թիվ 07/114304-24 գրության՝ պատճառված վնասի 2/3-ը հատուցվել է, Երևան համայնքն առարկություն չունի գործուն զղջալու հիմքով նրանց նկատմամբ հանրային քրեական հետապնդում չհարուցելու և քրեական վարույթը կարճելու վերաբերյալ:
30.055.2025թ. դատարան է ստացվել տուժողի լիազոր ներկայացուցիչ Հ.Սարդարյանի՝ 30.05.2025թ. թիվ 07/2818 գրությունը, որով հայտնել է, որ մեղադրյալներ Մհեր Գրիգորյանի և Գոռ Մխիթարյանի կողմից մասնակի վերականգնվել է սույն քրեական գործով պատճառված վնասը, համաձայնեցված վարույթ կիրառելու դեմ չի առարկում:

Համաձայնեցման վարույթ.
Դատարանը, հաշվի առնելով, որ առկա է ՀՀ քրեական դատավարության օրենսգրքի 458-րդ հոդվածի 1-ին մասով նախատեսված հիմքը, և համոզվելով, որ բացակայում են ՀՀ քրեական դատավարության օրենսգրքի 458-րդ հոդվածի 2-րդ մասով նախատեսված համաձայնեցման վարույթի կիրառումը բացառող հանգամանքները, որոշել է համաձայնեցման վարույթ կիրառելու մասին միջնորդությունը բավարարել և կողմերի բանակցությունների համար սահմանել ժամկետ:
2025 թվականի մայիսի 30-ին հանրային մեղադրող Ա.Մարտոյանը դատարանին ներկայացրեց ՀՀ քրեական դատավարության օրենսգրքի 460-րդ հոդվածով սահմանված կարգով կողմերի միջև կնքված համաձայնության մասին արձանագրությունները, որն ընդունելուց հետո դատարանը, ղեկավարվելով ՀՀ քրեական դատավարության օրենսգրքի 461-րդ հոդվածի 1-ին մասով, որոշում կայացրեց լրացուցիչ դատալսումներ անցկացնելու մասին։
Դատարանում հանրային մեղադրող Ա.Մարտոյանը հրապարակեց 2025 թվականի մայիսի 30-ին՝ հանրային մեղադրողի, մեղադրյալների, նրանց օրինական ներկայացուցիչների և պաշտպանների միջև կնքված համաձայնության մասին արձանագրությունները հետևյալ բովանդակությամբ.
« ԱՐՁԱՆԱԳՐՈՒԹՅՈՒՆ
ՀՀ քրեական դատավարության օրենսգրքի 460-րդ հոդվածով սահմանված կարգով
Համաձայնության գալու վերաբերյալ
30 մայիս 2025թ. ք. Երևան
ՀՀ քրեական դատավարության 460-րդ հոդվածով սահմանված կարգով համաձայնության գալու վերաբերյալ սույն արձանագրությունը կազմվել է մասնակցությամբ.
Մեղադրողի անունը, ազգանունը, զբաղեցրած պաշտոնը.
ՀՀ դատախազության Մալաթիա-Սեբաստիա վարչական շրջանի դատախազի պաշտոնակատար, թիվ ԵԴ1/2818/01/24 (16107524) քրեական գործով հանրային մեղադրող Արթուր Մարտոյան
Մեղադրյալի անունը, ազգանունը, հայրանունը և այլ տեղեկություններ.
1. Մեղադրյալի անունը ազգանունը, հայրանունը՝ Գոռ Արտաշեսի Մխիթարյան
2. Ծննդյան թիվը, ամիսը, օրը, ծննդավայրը՝ 23.01.2009թ., ք. Երևան
3. Բնակության հասցեն (հաշվառման և փաստացի)՝ ք.Երևան, Սեբաստիա փողոց, 16-րդ շ., բն. 21
4. Քաղաքացիությունը և ազգությունը՝ ՀՀ քաղաքացի, հայ:
5. Առողջական վիճակը՝ առողջ
6. Կրթությունը՝ սովորում է դպրոցում
7. Մայրենի լեզուն՝ հայերեն
8. Ընտանեկան դրությունը՝ չամուսնացած
9. Աշխատանքի վայրը՝ չի աշխատում
10. Մեղադրյալի դատվածության առկայությունը՝ չդատապարտված:
11. Այլ վերաբերելի տեղեկատվություն՝ առկա չէ:

Մեղադրյալի օրինական ներկայացուցչի անունը ազգանունը՝ Արևիկ Եսայան

Պաշտպանի անունը և ազգանունը.
Պաշտպան Ստեփան Ոսկանյան, ՀՀ փաստաբանների պալատի փաստաբան, արտոնագիր թիվ 31:
Ամբաստանյալի նկատմամբ կիրառված խափանման միջոցը և դրա կիրառման ժամկետը.
Ամբաստանյալի նկատմամբ որպես խափանման միջոց ընտրված է բացակայելու արգելքը:
Մեղադրյալին ներկայացված մեղադրանքի փաստական նկարագրությունը և արարքի իրավական գնահատականը.
Գոռ Արտաշեսի Մխիթարյանը մեղադրվում է այն հանցանքի կատարման համար, որ նա, ուրիշի գույքը հրկիզման եղանակով վնասելու շուրջ նախնական համաձայնության գալով Արման Դավիթի Գրիգորյանի և Մհեր Արմենի Գրիգորյանի հետ, 2024 թվականի հունվարի 14-ին՝ ժամը 18:50-ից մինչև 19:30-ն ընկած ժամանակահատվածում, Երևան քաղաքի Մալաթիա-Սեբաստիա վարչական շրջանում գտնվող՝ «Պատերազմի հաղթանակի 40-ամյակին նվիրված» զբոսայգում, խմբի կազմում, փոխլրացնելով միմյանց գործողությունները, հրկիզման եղանակով դիտավորյալ վնասել են նշած զբոսայգում առկա՝ Երևան համայնքին պատկանող սղարանը, որի հետևանքով Երևան համայնքին պատճառվել է խոշոր չափերի՝ 1.100.000 ՀՀ դրամի գույքային վնաս:
Այսինքն Գոռ Արտաշեսի Մխիթարյանին մեղսագրվում է հանցանքի կատարում, որը նախատեսված է ՀՀ քրեական օրենսգրքի 264-րդ հոդվածի 2-րդ մասի 2-րդ կետով:

Համաձայնեցված պատիժը (պատժատեսակը և պատժաչափը), ներառյալ այն կրելու նպատակահարմարության հարցը.
Հիմք ընդունելով ՀՀ քրեական դատավարության օրենսգրքի 460-րդ հոդվածի 4-րդ մասի 9-րդ կետը և ՀՀ քրեական օրենսգրքի 77-րդ հոդվածի 1-ին մասը՝ կողմերը համաձայնվում են մեղադրյալին մեղսագրվող արարքների համար հետևյալ պատժատեսակի և պատժաչափի վերաբերյալ.
Մասնավորապես՝ հաշվի առնելով, որ մեղադրյալ Գոռ Արտաշեսի Մխիթարյանը ընդունում է մեղքը, անկեղծորեն զղջացել է կատարած արարքի համար, նախկինում դատապարտված չի եղել, ուստի նրա նկատմամբ ՀՀ քրեական օրենսգրքի 264-րդ հոդվածի 2-րդ մասի 2-րդ կետով նախատեսված հանցանքը կատարելու համար սահմանել պատիժ ազատազրկման ձևով՝ 3 տարի ժամկետով:
Միաժամանակ հաշվի առնելով, որ առկա չեն պատիժն ու պատասխանատվությունը ծանրացնող հանգամանքներ, պատճառված վնասը հատուցվել է, գտնում եմ, որ նրա նկատմամբ նշանակված պատժի նպատակների իրականացումը հնարավոր է առանց պատիժը կրելու, ուստի ղեկավարվելով ՀՀ քրեական օրենսգրքի 84-րդ հոդվածի 1-ին մասով՝ Գ.Մխիթարյանի նկատմամբ ազատազրկման ձևով 3 տարի ժամկետով նշանակված պատիժը պայմանականորեն չկիրառել, սահմանելով փորձաշրջան 3 տարի ժամկետով, միաժամանակ վերջինի վրա դնել հետևյալ պարտականությունները.
1. Բնակության վայրը փոխելու դեպքում դատապարտյալի վարքագծի նկատմամբ վերահսկողություն իրականացնող իրավասու մարմնին սեղմ ժամկետում հայտնել իր նոր բնակության վայրի հասցեն:
2. Առանց դատապարտյալի վարքագծի նկատմամբ վերահսկողություն իրականացնող իրավասու մարմնի համաձայնության Հայաստանի Հանրապետության տարածքը չլքելը:
Կիրառված խափանման միջոցի հարցը
Գոռ Արտաշեսի Մխիթարյանի նկատմամբ կիրառված խափանման միջոց բացակայելու արգելքը թողնել անփոփոխ մինչև դատավճռի օրինական ուժի մեջ մտնելը, որից հետո այն վերացնել:
Հատուցված կամ հատուցման ենթակա վնասի բնույթը և չափը.
Հանցանքի հետևանքով Երևան համայնքին պատճառվել է 1.100.000 ՀՀ դրամ գույքային վնաս, որի 2/3-ը հատուցվել է:

Բռնագանձման ենթակա գույքը և դրա չափը.
Գործով բռնագանձում չի կիրառվել:

Հանրային մեղադրող՝____________________________________Ա. Մարտոյան

Մեղադրյալ՝ ___________________________ ______Գ.Մխիթարյան

Մեղադրյալի օրինական ներկայացուցիչ՝_____________ ___Ա. Եսայան

Պաշտպան՝ ___________________________________ Ս.Ոսկանյան»։


ԱՐՁԱՆԱԳՐՈՒԹՅՈՒՆ
ՀՀ քրեական դատավարության օրենսգրքի 460-րդ հոդվածով սահմանված կարգով
Համաձայնության գալու վերաբերյալ
30 մայիս 2025թ. ք. Երևան
ՀՀ քրեական դատավարության 460-րդ հոդվածով սահմանված կարգով համաձայնության գալու վերաբերյալ սույն արձանագրությունը կազմվել է մասնակցությամբ.
Մեղադրողի անունը, ազգանունը, զբաղեցրած պաշտոնը.
ՀՀ դատախազության Մալաթիա-Սեբաստիա վարչական շրջանի դատախազի պաշտոնակատար, թիվ ԵԴ1/2818/01/24 (16107524) քրեական գործով հանրային մեղադրող Արթուր Մարտոյան
Մեղադրյալի անունը, ազգանունը, հայրանունը և այլ տեղեկություններ.
12. Մեղադրյալի անունը ազգանունը, հայրանունը՝ Արման Դավիթի Գրիգորյան
13. Ծննդյան թիվը, ամիսը, օրը, ծննդավայրը՝ 15.09.2007թ., ք. Երևան
14. Բնակության հասցեն (հաշվառման և փաստացի)՝ ք.Երևան, Մարգարյան փողոց, 37 շենք, բն. 85
15. Քաղաքացիությունը և ազգությունը՝ ՀՀ քաղաքացի, հայ:
16. Առողջական վիճակը՝ առողջ
17. Կրթությունը՝ սովորում է դպրոցում
18. Մայրենի լեզուն՝ հայերեն
19. Ընտանեկան դրությունը՝ չամուսնացած
20. Աշխատանքի վայրը՝ չի աշխատում
21. Մեղադրյալի դատվածության առկայությունը՝ չդատապարտված:
22. Այլ վերաբերելի տեղեկատվություն՝ առկա չէ:

Մեղադրյալի օրինական ներկայացուցչի անունը ազգանունը՝ Գայանե Գրիգորյան

Պաշտպանի անունը և ազգանունը.
Պաշտպան Գագիկ Ասատրյան, ՀՀ փաստաբանների պալատի փաստաբան, արտոնագիր թիվ 2055:
Ամբաստանյալի նկատմամբ կիրառված խափանման միջոցը և դրա կիրառման ժամկետը.
Ամբաստանյալի նկատմամբ որպես խափանման միջոց ընտրված է բացակայելու արգելքը:
Մեղադրյալին ներկայացված մեղադրանքի փաստական նկարագրությունը և արարքի իրավական գնահատականը.
Արման Դավիթի Գրիգորյանը մեղադրվում է այն հանցանքի կատարման համար, որ նա, ուրիշի գույքը հրկիզման եղանակով վնասելու շուրջ նախնական համաձայնության գալով Մհեր Արմենի Գրիգորյանի և Գոռ Արտաշես Մխիթարյանի հետ, 2024 թվականի հունվարի 14-ին՝ ժամը 18:50-ից մինև 19:30-ն ընկած ժամանակահատվածում, Երևան քաղաքի Մալաթիա-Սեբաստիա վարչական շրջանում գտնվող՝ «Պատերազմի հաղթանակի 40-ամյակին նվիրված» զբոսայգում, խմբի կազմում, փոխլրացնելով միմյանց գործողությունները, հրկիզման եղանակով դիտավորյալ վնասել է նշված զբոսայգում առկա՝ Երևան համայնքին պատկանող սղարանը, որի հետևանքով Երևան համայնքին պատճառվել է խոշոր չափերի՝ 1.100.000 ՀՀ դրամի գույքային վնաս:
Այսինքն՝ Արման Դավիթի Գրիգորյանին մեղսագրվում է հանցանքի կատարում, որը նախատեսված է ՀՀ քրեական օրենսգրքի 264-րդ հոդվածի 2-րդ մասի 2-րդ կետով։

Համաձայնեցված պատիժը (պատժատեսակը և պատժաչափը), ներառյալ այն կրելու նպատակահարմարության հարցը.
Հիմք ընդունելով ՀՀ քրեական դատավարության օրենսգրքի 460-րդ հոդվածի 4-րդ մասի 9-րդ կետը և ՀՀ քրեական օրենսգրքի 77-րդ հոդվածի 1-ին մասը՝ կողմերը համաձայնվում են մեղադրյալին մեղսագրվող արարքների համար հետևյալ պատժատեսակի և պատժաչափի վերաբերյալ.
Մասնավորապես՝ հաշվի առնելով, որ մեղադրյալ Արման Դավիթի Գրիգորյանը ընդունում է մեղքը, անկեղծորեն զղջացել է կատարած արարքի համար, նախկինում դատապարտված չի եղել, ուստի նրա նկատմամբ ՀՀ քրեական օրենսգրքի 264-րդ հոդվածի 2-րդ մասի 2-րդ կետով նախատեսված հանցանքը կատարելու համար սահմանել պատիժ ազատազրկման ձևով՝ 3 տարի ժամկետով:
Միաժամանակ հաշվի առնելով, որ առկա չեն պատիժն ու պատասխանատվությունը ծանրացնող հանգամանքներ, պատճառված վնասի մի մասը հատուցվել է, գտնում եմ, որ նրա նկատմամբ նշանակված պատժի նպատակների իրականացումը հնարավոր է առանց պատիժը կրելու, ուստի ղեկավարվելով ՀՀ քրեական օրենսգրքի 84-րդ հոդվածի 1-ին մասով՝ Ա.Գրիգորյանի նկատմամբ ազատազրկման ձևով 3 տարի ժամկետով նշանակված պատիժը պայմանականորեն չկիրառել, սահմանելով փորձաշրջան 3 տարի ժամկետով, միաժամանակ վերջինի վրա դնել հետևյալ պարտականությունները.
3. Բնակության վայրը փոխելու դեպքում դատապարտյալի վարքագծի նկատմամբ վերահսկողություն իրականացնող իրավասու մարմնին սեղմ ժամկետում հայտնել իր նոր բնակության վայրի հասցեն:
4. Առանց դատապարտյալի վարքագծի նկատմամբ վերահսկողություն իրականացնող իրավասու մարմնի համաձայնության Հայաստանի Հանրապետության տարածքը չլքելը:
Կիրառված խափանման միջոցի հարցը
Արման Դավիթի Գրիգորյանի նկատմամբ կիրառված խափանման միջոց բացակայելու արգելքը թողնել անփոփոխ մինչև դատավճռի օրինական ուժի մեջ մտնելը, որից հետո այն վերացնել:
Հատուցված կամ հատուցման ենթակա վնասի բնույթը և չափը.
Հանցանքի հետևանքով Երևան համայնքին պատճառվել է 1.100.000 ՀՀ դրամ գույքային վնաս, որի 2/3-ը հատուցվել է:

Բռնագանձման ենթակա գույքը և դրա չափը.
Գործով բռնագանձում չի կիրառվել:

Հանրային մեղադրող՝____________________________________Ա. Մարտոյան

Մեղադրյալ՝ _________________________________ Ա.Գրիգորյան

Մեղադրյալի օրինական ներկայացուցիչ___________________ Գ.Գրիգորյան

Պաշտպան՝ ___________________________________ Գ.Ասատրյան


ԱՐՁԱՆԱԳՐՈՒԹՅՈՒՆ
ՀՀ քրեական դատավարության օրենսգրքի 460-րդ հոդվածով սահմանված կարգով
Համաձայնության գալու վերաբերյալ
30 մայիս 2025թ. ք. Երևան
ՀՀ քրեական դատավարության 460-րդ հոդվածով սահմանված կարգով համաձայնության գալու վերաբերյալ սույն արձանագրությունը կազմվել է մասնակցությամբ.
Մեղադրողի անունը, ազգանունը, զբաղեցրած պաշտոնը.
ՀՀ դատախազության Մալաթիա-Սեբաստիա վարչական շրջանի դատախազի պաշտոնակատար, թիվ ԵԴ1/2818/01/24 (16107524) քրեական գործով հանրային մեղադրող Արթուր Մարտոյան
Մեղադրյալի անունը, ազգանունը, հայրանունը և այլ տեղեկություններ.
23. Մեղադրյալի անունը ազգանունը, հայրանունը՝ Մհեր Արմենի Գրիգորյան
24. Ծննդյան թիվը, ամիսը, օրը, ծննդավայրը՝ 07.08.2008թ.
25. Բնակության հասցեն (հաշվառման և փաստացի)՝ ք.Երևան, Վեգների փողոց, 20-րդ տուն
26. Քաղաքացիությունը և ազգությունը՝ ՀՀ քաղաքացի, հայ:
27. Առողջական վիճակը՝ առողջ
28. Կրթությունը՝ սովորում է դպրոցում
29. Մայրենի լեզուն՝ հայերեն
30. Ընտանեկան դրությունը՝ չամուսնացած
31. Աշխատանքի վայրը՝ չի աշխատում
32. Մեղադրյալի դատվածության առկայությունը՝ չդատապարտված:
33. Այլ վերաբերելի տեղեկատվություն՝ առկա չէ:

Մեղադրյալի օրինական ներկայացուցչի անունը ազգանունը՝ Հասմիկ Խաչատրյան

Պաշտպանի անունը և ազգանունը.
Պաշտպան Ստեփան Ոսկանյան, ՀՀ փաստաբանների պալատի փաստաբան, արտոնագիր թիվ 31:
Ամբաստանյալի նկատմամբ կիրառված խափանման միջոցը և դրա կիրառման ժամկետը.
Ամբաստանյալի նկատմամբ որպես խափանման միջոց ընտրված է բացակայելու արգելքը:
Մեղադրյալին ներկայացված մեղադրանքի փաստական նկարագրությունը և արարքի իրավական գնահատականը.
Մհեր Արմենի Գրիգորյանը մեղադրվում է այն հանցանքի կատարման համար, որ նա, ուրիշի գույքը հրկիզման եղանակով վնասելու շուրջ նախնական համաձայնության գալով Արման Դավիթի Գրիգորյանի և Գոռ Արտաշես Մխիթարյանի հետ, 2024 թվականի հունվարի 14-ին՝ ժամը 18:50-ից մինև 19:30-ն ընկած ժամանակահատվածում, Երևան քաղաքի Մալաթիա-Սեբաստիա վարչական շրջանում գտնվող՝ «Պատերազմի հաղթանակի 40-ամյակին նվիրված» զբոսայգում, խմբի կազմում, փոխլրացնելով միմյանց գործողությունները, հրկիզման եղանակով դիտավորյալ վնասել է նշված զբոսայգում առկա՝ Երևան համայնքին պատկանող սղարանը, որի հետևանքով Երևան համայնքին պատճառվել է խոշոր չափերի՝ 1.100.000 ՀՀ դրամի գույքային վնաս:
Այսինքն՝ Մհեր Արմենի Գրիգորյանին մեղսագրվում է հանցանքի կատարում, որը նախատեսված է ՀՀ քրեական օրենսգրքի 264-րդ հոդվածի 2-րդ մասի 2-րդ կետով։

Համաձայնեցված պատիժը (պատժատեսակը և պատժաչափը), ներառյալ այն կրելու նպատակահարմարության հարցը.
Հիմք ընդունելով ՀՀ քրեական դատավարության օրենսգրքի 460-րդ հոդվածի 4-րդ մասի 9-րդ կետը և ՀՀ քրեական օրենսգրքի 77-րդ հոդվածի 1-ին մասը՝ կողմերը համաձայնվում են մեղադրյալին մեղսագրվող արարքների համար հետևյալ պատժատեսակի և պատժաչափի վերաբերյալ.
Մասնավորապես՝ հաշվի առնելով, որ մեղադրյալ Մհեր Արմենի Գրիգորյանը ընդունում է մեղքը, անկեղծորեն զղջացել է կատարած արարքի համար, նախկինում դատապարտված չի եղել, ուստի նրա նկատմամբ ՀՀ քրեական օրենսգրքի 264-րդ հոդվածի 2-րդ մասի 2-րդ կետով նախատեսված հանցանքը կատարելու համար սահմանել պատիժ ազատազրկման ձևով՝ 3 տարի ժամկետով:
Միաժամանակ հաշվի առնելով, որ առկա չեն պատիժն ու պատասխանատվությունը ծանրացնող հանգամանքներ, պատճառված վնասի մի մասը հատուցվել է, գտնում եմ, որ նրա նկատմամբ նշանակված պատժի նպատակների իրականացումը հնարավոր է առանց պատիժը կրելու, ուստի ղեկավարվելով ՀՀ քրեական օրենսգրքի 84-րդ հոդվածի 1-ին մասով՝ Մ.Գրիգորյանի նկատմամբ ազատազրկման ձևով 3 տարի ժամկետով նշանակված պատիժը պայմանականորեն չկիրառել, սահմանելով փորձաշրջան 3 տարի ժամկետով, միաժամանակ վերջինի վրա դնել հետևյալ պարտականությունները.
5. Բնակության վայրը փոխելու դեպքում դատապարտյալի վարքագծի նկատմամբ վերահսկողություն իրականացնող իրավասու մարմնին սեղմ ժամկետում հայտնել իր նոր բնակության վայրի հասցեն:
6. Առանց դատապարտյալի վարքագծի նկատմամբ վերահսկողություն իրականացնող իրավասու մարմնի համաձայնության Հայաստանի Հանրապետության տարածքը չլքելը:
Կիրառված խափանման միջոցի հարցը
Մհեր Արմենի Գրիգորյանի նկատմամբ կիրառված խափանման միջոց բացակայելու արգելքը թողնել անփոփոխ մինչև դատավճռի օրինական ուժի մեջ մտնելը, որից հետո այն վերացնել:
Հատուցված կամ հատուցման ենթակա վնասի բնույթը և չափը.
Հանցանքի հետևանքով Երևան համայնքին պատճառվել է 1.100.000 ՀՀ դրամ գույքային վնաս, որի 2/3-ը հատուցվել է:

Բռնագանձման ենթակա գույքը և դրա չափը.
Գործով բռնագանձում չի կիրառվել:

Հանրային մեղադրող՝____________________________________Ա. Մարտոյան

Մեղադրյալ՝ _________________________________ Մ.Գրիգորյան

Մեղադրյալի օրինական ներկայացուցիչ՝ __________________Հ. Խաչատրյան

Պաշտպան՝ ___________________________________ Ս.Ոսկանյան


Արձանագրությունները հրապարակելուց հետո մեղադրյալները և նրանց օրինական ներկայացուցիչները հայտնեցին, որ պարզ է կնքված համաձայնության բովանդակությունը, համաձայն են դրա հետ, արտահայտել են իրենց իրական կամքը, գիտակցում են կնքված համաձայնության հետևանքները, համաձայնությունը չի կնքել բռնության, սպառնալիքի կամ հարկադրանքի այլ միջոցի ազդեցության հետևանքով, պնդում են կնքված համաձայնությունը:
Հանրային մեղադրողը, պաշտպանները, մեղադրյալները և նրանց օրինական ներկայացուցիչները պնդեցին կնքված համաձայնությունը:

Դատարանի իրավական վերլուծությունը, դատարանի հետևությունները և դրանց իրավական հիմնավորումները.

ՀՀ քրեական դատավարության օրենսգրքի 463-րդ հոդվածի համաձայն`
«1.Համաձայնեցման վարույթի արդյունքով դատարանը կայացնում է մեղադրական դատավճիռ սույն օրենսգրքի 347-350-րդ հոդվածներով սահմանված կարգով` հաշվի առնելով սույն հոդվածով նախատեսված առանձնահատկությունները:
2.Մեղադրական դատավճիռը պարունակում է համաձայնության մասին արձանագրության տեքստի բառացի շարադրանքը:
3.Մեղադրական դատավճռով դատարանը նշանակում է համաձայնության մասին արձանագրությամբ համաձայնեցված պատիժը (պատժատեսակն ու պատժաչափը), սահմանում է բռնագրավման ենթակա գույքը և դրա չափը:
4.Եթե առկա է գույքային հայց, ապա այն թողնվում է առանց լուծման:
5.Սույն օրենսգրքի 167-րդ հոդվածի 1-ին մասով նախատեսված վարութային ծախսերը մեղադրյալից ենթակա չեն բռնագանձման:
6.Դատավճիռը հրապարակելուց հետո դատավորը կողմերին պարզաբանում է նաև դատավճիռը բողոքարկելու` սույն օրենսգրքով նախատեսված սահմանափակումները:»։
Դատարանն ապացուցված է համարում մեղադրյալ Արման Գրիգորյանի կողմից իրեն մեղսագրված արարքի կատարումը, որը համապատասխանում է ՀՀ քրեական օրենսգրքի 264-րդ հոդվածի 2-րդ մասի 2-րդ կետով նախատեսված հանցագործության հատկանիշներին, ապացուցված է համարում նաև տվյալ արարքը կատարելու մեջ նրա մեղավորությունը և գտնում, որ իր կատարած հանցանքի համար նա ենթակա է պատժի։
Դատարանն ապացուցված է համարում մեղադրյալ Մհեր Գրիգորյանի կողմից իրեն մեղսագրված արարքի կատարումը, որը համապատասխանում է ՀՀ քրեական օրենսգրքի 264-րդ հոդվածի 2-րդ մասի 2-րդ կետով նախատեսված հանցագործության հատկանիշներին, ապացուցված է համարում նաև տվյալ արարքը կատարելու մեջ նրա մեղավորությունը և գտնում, որ իր կատարած հանցանքի համար նա ենթակա է պատժի։
Դատարանն ապացուցված է համարում մեղադրյալ Գոռ Մխիթարյանի կողմից իրեն մեղսագրված արարքի կատարումը, որը համապատասխանում է ՀՀ քրեական օրենսգրքի 264-րդ հոդվածի 2-րդ մասի 2-րդ կետով նախատեսված հանցագործության հատկանիշներին, ապացուցված է համարում նաև տվյալ արարքը կատարելու մեջ նրա մեղավորությունը և գտնում, որ իր կատարած հանցանքի համար նա ենթակա է պատժի։
Դատարանը, ղեկավարվելով ՀՀ քրեական դատավարության օրենսգրքի 463-րդ հոդվածի 3-րդ մասով, գտնում է, որ մեղադրյալների նկատմամբ նշանակվելիք պատժատեսակի, պատժաչափի, պատիժը կրելու նպատակահարմարության հարցերը պետք է լուծել ըստ համաձայնության մասին արձանագրության:
Քննարկելով դատական ծախսերի հարցը, դատարանը գտնում է, որ համաձայնեցման վարույթի կիրառման պայմաններում այն պետք է համարել լուծված։
Հաշվի առնելով, որ սույն քրեական գործով գույքային հայց չի ներկայացվել՝ դատարանն այդ հարցին չի անդրադառնում։
Քննարկելով ապացույցների պահպանման և տնօրինման հարցը, ղեկավարվելով ՀՀ քրեական դատավարության օրենսգրքի 99-րդ հոդվածով՝ դատարանը գտնում է, որ արտավարութային փաստաթուղթ ճանաչված փաստաթղթերի պատճենները պետք է պահել վարույթի նյութերի հետ՝ դրանք պահելու ամբողջ ընթացքում:
Անդրադառնալով մեղադրյալների նկատմամբ կիրառված խափանման միջոցի հարցին` դատարանը գտնում է, որ մեղադրյալ Արման Գրիգորյանի, Մհեր Գրիգորյանի և Գոռ Մխիթարյանի նկատմամբ կիրառված խափանման միջոցը՝ բացակայելու արգելքը, պետք է թողնել անփոփոխ՝ մինչև սույն դատավճռի օրինական ուժի մեջ մտնեը:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 347-350-րդ և 463-464-րդ հոդվածներով` Դատարանը.

Վ Ճ Ռ Ե Ց՝

Մեղադրյալ Արման Դավիթի Գրիգորյանին մեղավոր ճանաչել ՀՀ քրեական օրենսգրքի 264-րդ հոդվածի 2-րդ մասի 2-րդ կետով նախատեսված արարքի կատարման մեջ, և նրա նկատմամբ նշանակել պատիժ՝ ազատազրկում՝ 3 /երեք/ տարի ժամկետով։
ՀՀ քրեական օրենսգրքի 84-րդ հոդվածի կիրառմամբ՝ ազատազրկման ձևով նշանակված պատիժը պայմանականորեն չկիրառել՝ սահմանելով փորձաշրջան 3 /երեք/ տարի ժամկետով։
Արման Դավիթի Գրիգորյանի վարքագծի նկատմամբ վերահսկողություն սահմանել ՀՀ ԱՆ պրոբացիայի ծառայության համապատասխան ստորաբաժանման ներքո և նրա վրա դնել պարտականություն՝ բնակության վայրը փոխելու դեպքում սեղմ ժամկետում իր նոր բնակության վայրի հասցեն հայտնել դատապարտյալի վարքագծի նկատմամբ վերահսկողություն իրականացնող իրավասու մարմնին, ինչպես նաև առանց դատապարտյալի վարքագծի նկատմամբ վերահսկողություն իրականացնող իրավասու մարմնի համաձայնության չլքել Հայաստանի Հանրապետության տարածքը:
Արման Դավիթի Գրիգորյանի փորձաշրջանի կրման ժամկետի սկիզբը հաշվարկել ՀՀ ԱՆ պրոբացիայի ծառայության տարածքային մարմնում հաշվառման վերցվելու օրվանից:
Մեղադրյալ Արման Դավիթի Գրիգորյանի նկատմամբ ընտրված խափանման միջոց բացակայելու արգելքը թողնել անփոփոխ՝ մինչև դատավճռի օրինական ուժի մեջ մտնելը:

Մեղադրյալ Մհեր Արմենի Գրիգորյանին մեղավոր ճանաչել ՀՀ քրեական օրենսգրքի 264-րդ հոդվածի 2-րդ մասի 2-րդ կետով նախատեսված արարքի կատարման մեջ, և նրա նկատմամբ նշանակել պատիժ՝ ազատազրկում՝ 3 /երեք/ տարի ժամկետով։
ՀՀ քրեական օրենսգրքի 84-րդ հոդվածի կիրառմամբ՝ ազատազրկման ձևով նշանակված պատիժը պայմանականորեն չկիրառել՝ սահմանելով փորձաշրջան 3 /երեք/ տարի ժամկետով։
Մհեր Արմենի Գրիգորյանի վարքագծի նկատմամբ վերահսկողություն սահմանել ՀՀ ԱՆ պրոբացիայի ծառայության համապատասխան ստորաբաժանման ներքո և նրա վրա դնել պարտականություն՝ բնակության վայրը փոխելու դեպքում սեղմ ժամկետում իր նոր բնակության վայրի հասցեն հայտնել դատապարտյալի վարքագծի նկատմամբ վերահսկողություն իրականացնող իրավասու մարմնին, ինչպես նաև առանց դատապարտյալի վարքագծի նկատմամբ վերահսկողություն իրականացնող իրավասու մարմնի համաձայնության չլքել Հայաստանի Հանրապետության տարածքը:
Մհեր Արմենի Գրիգորյանի փորձաշրջանի կրման ժամկետի սկիզբը հաշվարկել ՀՀ ԱՆ պրոբացիայի ծառայության տարածքային մարմնում հաշվառման վերցվելու օրվանից:
Մեղադրյալ Մհեր Արմենի Գրիգորյանի նկատմամբ ընտրված խափանման միջոց բացակայելու արգելքը թողնել անփոփոխ՝ մինչև դատավճռի օրինական ուժի մեջ մտնելը:
Մեղադրյալ Գոռ Արտաշեսի Մխիթարյանին մեղավոր ճանաչել ՀՀ քրեական օրենսգրքի 264-րդ հոդվածի 2-րդ մասի 2-րդ կետով նախատեսված արարքի կատարման մեջ և նրա նկատմամբ նշանակել պատիժ՝ ազատազրկում՝ 3 /երեք/ տարի ժամկետով։
ՀՀ քրեական օրենսգրքի 84-րդ հոդվածի կիրառմամբ՝ ազատազրկման ձևով նշանակված պատիժը պայմանականորեն չկիրառել՝ սահմանելով փորձաշրջան 3 /երեք/ տարի ժամկետով։
Գոռ Արտաշեսի Մխիթարյանի վարքագծի նկատմամբ վերահսկողություն սահմանել ՀՀ ԱՆ պրոբացիայի ծառայության համապատասխան ստորաբաժանման ներքո և նրա վրա դնել պարտականություն՝ բնակության վայրը փոխելու դեպքում սեղմ ժամկետում իր նոր բնակության վայրի հասցեն հայտնել դատապարտյալի վարքագծի նկատմամբ վերահսկողություն իրականացնող իրավասու մարմնին, ինչպես նաև առանց դատապարտյալի վարքագծի նկատմամբ վերահսկողություն իրականացնող իրավասու մարմնի համաձայնության չլքել Հայաստանի Հանրապետության տարածքը:
Գոռ Արտաշեսի Մխիթարյանի փորձաշրջանի կրման ժամկետի սկիզբը հաշվարկել ՀՀ ԱՆ պրոբացիայի ծառայության տարածքային մարմնում հաշվառման վերցվելու օրվանից:
Մեղադրյալ Գոռ Արտաշեսի Մխիթարյանի նկատմամբ ընտրված խափանման միջոց բացակայելու արգելքը թողնել անփոփոխ՝ մինչև դատավճռի օրինական ուժի մեջ մտնելը:
Արտավարութային փաստաթուղթ ճանաչված փաստաթղթերի պատճենները պահել վարույթի նյութերի հետ՝ դրանք պահելու ամբողջ ընթացքում:
Վարութային ծախսերի հարցը համարել լուծված:
Դատավճիռը ստանալու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան՝ բացառությամբ ՀՀ քրեական դատավարության օրենսգրքի 373-րդ հոդվածով, 375-րդ հոդվածի 1-3-րդ մասերով և 377-րդ հոդվածով նախատեսված հիմքերի:


ԴԱՏԱՎՈՐ՝ Ն. Ռ. ԲԱՂԴԱՍԱՐՅԱՆ