ԵԴ1/2805/01/24


Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

28.10.2024 թվական ք.Երևան

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ
ՔՐԵԱԿԱՆ ԴԱՏԱՐԱՆ

ՆԱԽԱԳԱՀՈՂ ԴԱՏԱՎՈՐ՝ Ժ.ՉԻՉՈՅԱՆ
ՆԻՍՏԻ ՔԱՐՏՈՒՂԱՐ՝ Ա.ԱՍՏՎԱԾԱՏՐՅԱՆ
ՄԱՍՆԱԿՑՈՒԹՅԱՄԲ`
ՀԱՆՐԱՅԻՆ ՄԵՂԱԴՐՈՂ՝ Դ.ՄԱՐԳԱՐՅԱՆԻ
ՊԱՇՏՊԱՆՆԵՐ՝ Է.ԽԱՉԻԿՅԱՆԻ
Վ․ԶՈՀՐԱՄԲՅԱՆԻ

Դռնբաց դատական նիստում, մեղադրյալի բացակայությամբ՝ վարույթի հեռակա կարգով, քննության առնելով քրեական գործն ըստ մեղադրանքի Էրիկ Մանուկի Զաքարյանի՝ ծնված 06.06.2005 թվականին, ազգությամբ հայ, ՀՀ քաղաքացի, չդատապարտված, հաշվառված՝ Արարատի մարզի, Արտաշատ համայնքի Մարքսի փողոցի 19/1 շենքի 16-րդ հասցեի հասցեի բնակարանում, բանկվող՝ Արարատի մարզի, Արտաշատ համայնքի Ազատավան բնակավայրի, Բարեկամության փողոցի 27-րդ հասցեի տանը, որպես խափանման միջոց է ընտրված Հայաստանի Հանրապետությունից բացակայելու արգելքը, մեղադրվում է ՀՀ քրեական օրենսգրքի 344-րդ հոդվածի 2-րդ մասով, 28.10.2024 թվականին Է.Զաքարյանի վերաբերյալ կայացվել է մեղադրական վերդիկտ՝ 344-րդ հոդվածի 2-րդ մասով.

I.Գործի դատավարական նախապատմությունը.

2024 թվականի մայիսի 18-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ՝ Հ.Կիրակոսյանը արձանագրություն է կազմել թիվ 60522224 քրեական վարույթը նախաձեռնելու մասին:
2024 թվականի սեպտեմբերի 23-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ՝ Հ.Կիրակոսյանը միջնորդություն է հարուցել թիվ 60522224 քրեական վարույթով հսկող դատախազին Էրիկ Մանուկի Զաքարյանի նկատմամբ ՀՀ քրեական օրենսգրքի 344-րդ հոդվածի 2-րդ մասով հանրային քրեական հետապնդում հարուցելու մասին:
2024 թվականի սեպտեմբերի 23-ին Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ.Մարգարյանը որոշում է կայացրել քրեական վարույթով ՀՀ քրեական օրենսգրքի 344-րդ հոդվածի 2-րդ մասով Էրիկ Մանուկի Զաքարյանի վերաբերյալ հանրային քրեական հետապնդում հարուցելու մասին:
Համաձայն հանրային քրեական հետապնդում հարուցելու մասին որոշման և մեղադրական եզրակացության եզրափակիչ մասի, Էրիկ Մանուկի Զաքարյանին ՀՀ քրեական օրենսգրքի 344-րդ հոդվածի 2-րդ մասով մեղադրանք է ներկայացվել պատժի սպառնալիքով մեղավորությամբ կատարված այն արարքի համար, որ նա՝ «[չ]ունենալով տրանսպորտային միջոց վարելու իրավունք և միաժամանակ գտնվելով ոչ սթափ վիճակում (սթափության վիճակի զննման կտրոնի համարը՝ 02010)՝ մեկ լիտր արտաշնչած օդի մեջ մաքուր ալկոհոլի պարունակությունը 0.335 մգ/լ (առնվազն՝ 0.3015 մգ/՝ նկատի ունենալով ստուգաչափող թիվ 91100981 ալկոտեստեր սարքի չափման ճշտության հնարավոր 10% սխալանքը), 2024 թվականի ապրիլի 13-ին' ժամը 01:50-ի սահմաններում, Երևան քաղաքի Թումանյան փողոցում վարել է «Լադա» մակնիշի 07 ER 707 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության պարեկ Կարեն Օհանյանի կողմից նույն օրը' ժամը 02:03-ին, կազմվել է վարչական իրավախախտման վերաբերյալ թիվ 8180400904 արձանագրությունը:»
2024 թվականի սեպտեմբերի 24-ին Էրիկ Մանուկի Զաքարյանի նկատմամբ որպես խափանման միջոց է ընտրվել Հայաստանի Հանրապետությունից բացակայելու արգելքը:
2024 թվականի սեպտեմբերի 25-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնի քննիչ՝ Հ.Կիրակոսյանը որոշում է կայացրել թիվ 60522224 քրեական վարույթով մեղադրյալ Էրիկ Մանուկի Զաքարյանի նկատմամբ հեռակա վարույթ իրականացնելու մասին։
2024 թվականի սեպտեմբերի 30-ին կազմվել է մեղադրական եզրակացությունը:
2024 թվականի հոկտեմբերի 09-ին Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Դ.Մարգարյանը որոշում է կայացրել մեղադրական եզրակացությունը հաստատելու մասին:
2024 թվականի հոկտեմբերի 11-ին քրեական գործը մուտք է եղել դատարան, էլեկտրոնային եղանակով մակագրվել և 2024 թվականի հոկտեմբերի 14-ին հանձնվել է դատավոր Ժ.Չիչոյանին:
2024 թվականի հոկտեմբերի 15-ին որոշում է կայացվել քրեական գործով վարույթն ստանձնելու և նախնական դատալսումներ նշանակելու մասին:
2024 թվականի հոկտեմբերի 28-ին որոշում է կայացվել Է.Զաքարյանի նկատմամբ կիրառված խափանման միջոց՝ Հայաստանի Հանրապետությունից բացակայելու արգելքը անփոփոխ թողնելու մասին:
2024 թվականի հոկտեմբերի 28-ին որոշում է կայացվել հիմնական դատալսումներ նշանակելու մասին:
2024 թվականի հոկտեմբերի 28-ին մեղադրյալ Էրիկ Մանուկի Զաքարյանի նկատմամբ կայացվել է մեղադրական վերդիկտ, նույն օրը որոշում է կայացվել լրացուցիչ դատալսումներ անցկացնելու մասին:

II.Հեռակա դատաքննության ընթացքում հետազոտված թույլատրելի ապացույցները.

2024 թվականի ապրիլի 13-ին ՝ ժամը 01:50-ին, Երևան քաղաքի Թամանցիների փողոցում ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 3-րդ վաշտի պարեկ Կարեն Օհանյանի /կրծքանշան թիվ 01277/ կողմից կազմված վարչական իրավախախտման վերաբերյալ թիվ 8180400904 արձանագրությունը, համաձայն որի՝ Էրիկ Մանուկի Զաքարյանը (ծնված՝ 06.06.2005թ.) չունենալով տրանսպորտային միջոցներ վարելու իրավունք՝ ժամը 01:50-ի սահմաններում Երևան քաղաքի Թամանցիների փողոցում՝ ոչ սթափ վիճակում վարել է «Վազ» մակնիշի 07 ER 707 հաշվառման համարանիշի տրանսպորտային միջոցը:
(հատոր 1-ին գ.թ. 3, դատական նիստի արձանագրություն)
Ալկոհոլի պարունակության ստուգման կտրոնի պատճենը, համաձայն որի՝ ստուգաչափման սարքի համարն է՝ 91100981, զննման համարը՝ 02010, զննման ամսաթիվը՝ 13.04.2024թ., զննման ժամ՝ 01:59:45, վերջին ստուգաչափման ամսաթիվը՝ 04.04.2024թ., դատարկ թեստ՝ 0.000 մգ/լ, ստուգաչափման ձևաչափը՝ ավտոմատ, ալկոհոլի պարունակությունը՝ 0.335մգ/լ, վարորդի անունն է՝ Էրիկ, այգանունը՝ Զաքարյան, տրանսպորտային միջոցի համարանիշը՝ 07 ER 707, ՀԾՀ՝ 1634050533, Պ/Ծ ազգանունը՝ Մելքոնյան, կրծքանշանի համարը՝ 06204, ստորաբաժանում՝ 4-րդ գումարտակ, 3-րդ վաշտ:
(հատոր 1-ին գ.թ. 4, դատական նիստի արձանագրություն)
ՀՀ էկոնոմիկայի նախարարության «Ստանդարտացման և չափագիտության ազագային մարմին» ՓԲԸ-ից կողմից տրված թիվ 120883 ստուգաչափման վկայականի պատճենը, համաձայն որի՝ վկայականը ուժի մեջ է 2024 թվականի ապրիլի 04-ից մինչև 2025 թվականի ապրիլի 04-ը, ստուգաչափման սարքի գործարանային համարն է 91100981, տեսակը՝ Jupiter X/RP, չափման տիրույթը՝ 0.00+2.000մգ/լ, ճշտության դասը, կարգը /սխալանքը/ +10%, արտադրողը՝ Չինաստան, պատկանում է ՀՀ ՊԾ-ին, ստուգաչափումը կատարվել է հետևյալ ստուգաչափման մեթոդիկայի անվանման նշագրի' MU2835-2008 MP242-1353 -2012, ստուգաչափող անվան դիմաց առկա է ստորագրույթուն և նշված է Ա.Գուլքանյան, իսկ բաժնի /լաբորատորիայի վարիչ/ անվան դիմաց առկա է ստորագրույթյուն և նշված է Գ.Մարտիրոսյան:
(հատոր 1-ին գ.թ. 5, դատական նիստի արձանագրություն)
ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության պատճենը, համաձայն որի՝ սոցիալական քարտ՝ 1634050533, վարորդական վկայական առկա չէ:
(հատոր 1-ին գ.թ. 6, դատական նիստի արձանագրություն)
ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկանքի պատճենը, համաձայն որի՝ Էրիկ Մանուկի Զաքարյանը՝ ծնված 06.06.2005թ., անձնագիր՝ 015094022, հաշվառված է Արարատի մարզ, քաղաք Արտաշատ, Մարքսի փողոց, 19/1 շենք, բնակարան 16 հասցեում:
(հատոր 1-ին գ.թ. 7, դատական նիստի արձանագրություն)
2024 թվականի սեպտեմբերի 16-ի զննում կատարելու մասին արձանագրությունը, համաձայն որի՝ զննության են ենթարկվել վերոնշյալ փաստաթղթերը:
(հատոր 1-ին գ.թ. 12-13, դատական նիստի արձանագրություն)
2024 թվականի սեպտեմբերի 16-ի քննիչի որոշմամբ որպես արտավարույթային փաստաթուղթ ապացույց ճանաչված և քրեական վարույթին կցված՝ Էրիկ Մանուկի Զաքարյանի կազմված վարչական տույժ նշանակելու մասին թիվ 8180400904 արձանագրության, ալկոհոլի պարունակության ստուգման թիվ 02010 կտրոնի, ստուգաչափման թիվ 120883 վկայականի, ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկատվության և ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության պատճենները:
(հատոր 1-ին գ.թ. 14-15, դատական նիստի արձանագրություն)

III.Դատարանի պատճառաբանությունը և եզրահանգումները.

Հեռակա դատալսումների ընթացքում պատշաճ իրավական ընթացակարգով հետազոտված թույլատրելի ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով, Դատարանը հաստատված է համարում, որ Էրիկ Զաքարյանը, չունենալով տրանսպորտային միջոց վարելու իրավունք և միաժամանակ գտնվելով ոչ սթափ վիճակում (սթափության վիճակի զննման կտրոնի համարը՝ 02010)՝ մեկ լիտր արտաշնչած օդի մեջ մաքուր ալկոհոլի պարունակությունը 0.335 մգ/լ (առնվազն՝ 0.3015 մգ/՝ նկատի ունենալով ստուգաչափող թիվ 91100981 ալկոտեստեր սարքի չափման ճշտության հնարավոր 10% սխալանքը), 2024 թվականի ապրիլի 13-ին' ժամը 01:50-ի սահմաններում, Երևան քաղաքի Թումանյան փողոցում վարել է «Լադա» մակնիշի 07 ER 707 հաշվառման համարանիշի ավտոմեքենան, որի վերաբերյալ ՀՀ ոստիկանության պարեկային ծառայության պարեկ Կարեն Օհանյանի կողմից նույն օրը' ժամը 02:03-ին, կազմվել է վարչական իրավախախտման վերաբերյալ թիվ 8180400904 արձանագրությունը: Այլ խոսքով, Դատարանը հանգում է այն հետևության, որ մեղադրյալ Էրիկ Զաքարյանը կատարել է իրեն մեղսագրված արարքը, որի համար կիրառելի է ՀՀ քրեական օրենսգրքի 344-րդ հոդվածի 2-րդ մասը:
ՀՀ քրեական օրենսգրքի 55-րդ հոդվածի 1-ին մասի համաձայն.
§1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:¦
ՀՀ քրեական օրենսգրքի 69-րդ հոդվածի 1-ին մասի համաձայն.
§1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե Դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ:¦
ՀՀ քրեական օրենսգրքի 344-րդ հոդվածի 2-րդ մասի համաձայն.
§Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով (…)¦
Դատարանը հաստատված համարելով հանցագործության և դրա կատարման մեջ Էրիկ Զաքարյանի մեղքի ապացուցված լինելը, գտնում է, որ նա ենթակա է պատժի կատարածի համար:
Դատարանը ՀՀ քրեական օրենսգրքի հոդվածների համապատասխան Էրիկ Զաքարյանի նկատմամբ նշանակվող պատժի տեսակը և չափը որոշվելիս հաշվի է առնում կատարված հանցագործության եղանակը, հանցագործության շարժառիթներն ու նպատակները, նրա անձը բնութագրող տվյալները՝ այն որ դատապարտված չի եղել, ինչպես նաև նշանակվող պատժի` մեղադրյալի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցության հանգամանքը:
Դատարանը, ղեկավարվելով ՀՀ քրեական օրենսգրքի 70-րդ հոդվածով արձանագրում է, որ Էրիկ Զաքարյանի պատասխանատվությունը կամ պատիժը մեղմացնող հանգամանքներ չկան:
Դատարանը ղեկավարվելով ՀՀ քրեական օրենսգքրի 71-րդ հոդվածով արձանագրում է, որ Էրիկ Զաքարյանի պատասխանատվությունը կամ պատիժը ծանրացնող հանգամանքներ չկան:
Դատարանը՝ հիմք ընդունելով մեղադրյալի կողմից կատարած հանցագործության եղանակը, տեղը, ժամանակը, հանցագործության շարժառիթը և նպատակները, դիտավորության տեսակը, պատասխանատվությունը և պատիժը մեղմացնող ու ծանրացնող հանգամանքների բացակայությունը և ղեկավարվելով ՀՀ քրեական օրենսգրքի 7-րդ հոդվածի 1-ին, 55-րդ և 69-րդ հոդվածներով, գտնում է, որ Էրիկ Զաքարյանի նկատմամբ պետք է նշանակել ՀՀ քրեական օրենսգրքի 344-րդ հոդվածի 2-րդ մասի սանկցիայով նախատեսված տուգանքի ձևով պատիժ:
ՀՀ քրեական օրենսգրքի 59-րդ հոդվածի համաձայն.
§(…)
Տուգանքը որպես հիմնական պատիժ սահմանվում է ոչ մեծ և միջին ծանրության հանցագործությունների համար՝ հանցանք կատարած անձի ամսական եկամտի հնգապատիկից հիսնապատիկի չափով։ (…)¦
Քրեաիրավական նշված նորմի վերլուծությունից պարզ է դառնում, որ տուգանքի հաշվարկման հիմքում դրվում է ոչ թե նվազագույն աշխատավարձը, այսինքն պետությունում սահմանված ֆիքսված որևէ գումար, այլ հանցանք կատարած անձի եկամուտը:
ՀՀ քրեական օրենսգրքի 3-րդ հոդվածի համաձայն.
§(…)
Ամսական եկամուտ` հանցանքն ավարտվելու օրվան նախորդող 12 ամիսների ընթացքում անձի ստացած միջին ամսական եկամտի 35 տոկոսը: Միջին ամսական եկամտի մեջ հաշվարկվում են ստացվող աշխատավարձը և դրան հավասարեցված այլ վճարումները, (…)¦:
Հաշվի առնելով այն, որ քրեական նոր օրենսգրքում տուգանքի հաշվարկման հիմքում դրվում է հանցանք կատարած անձի եկամուտը, օրենսդիրը կարգավորել է նաև այն իրավիճակները, երբ անձը եկամուտ չունի կամ դրա չափը անհնարին է պարզել: Այդ դեպքերում տուգանքի չափը հաշվարկվում է հանցանքը կատարելու պահին նվազագույն ամսական աշխատավարձի չափով:
Հաշվի առնելով, այն հանգամանքը, որ մեղադրյալ Էրիկ Զաքարյանը չի հանդիսանում վարձու աշխատող, ուստի վերջինիս նկատմամբ որպես պատիժ նշանակվող տուգանքի չափը պետք է որոշվի ՀՀ-ում սահմանված նվազագույն ամսական աշխատավարձի չափով:
2022 թվականի դեկտեմբերի 7-ին ընդունված՝ «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն՝ 2023 թվականի հունվարի 1-ին ՀՀ-ում որպես նվազագույն ամսական աշխատավարձ է սահմանվել 75.000 ՀՀ դրամը:
Դատարանը հիմք ընդունելով մեղադրյալ Էրիկ Զաքարյանի անձը բնութագրող տվյալները, պատիժն ու պատասխանատվությունը մեղմացնող և ծանրացնող հանգամանքների բացակայությունը, ինչպես նաև վերջինիս կողմից կատարված հանցանքի բնույթն ու նշանակությունը գտնում է, որ վերջինիս նկատմամբ որպես պատիժ պետք Է նշանակվի տուգանք՝ նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
Քննության առնելով մեղադրյալի նկատմամբ նախնական դատալսման ընթացքում ընտրված խափանման միջոցի հարցը՝ Դատարանը գտնում է, որ այն պետք է թողնել անփոփոխ` մինչ դատավճռի օրինական ուժի մեջ մտնելը:
Քննության առնելով 2024 թվականի սեպտեմբերի 16-ի որոշմամբ որպես արտավարույթային փաստաթուղթ ճանաչված և քրեական վարույթին կցված՝ Էրիկ Մանուկի Զաքարյանի կազմված վարչական տույժ նշանակելու մասին թիվ 8180400904 արձանագրության, ալկոհոլի պարունակության ստուգման թիվ 02010 կտրոնի, ստուգաչափման թիվ 120883 վկայականի, ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկատվության և ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության պատճենների հարցը, Դատարանը գտնում է, որ դրանք պետք է պահել քրեական գործի հետ միասին՝ վերջինիս պահելու ամբողջ ժամանակամիջոցում:
Դատարանը գտնում է նաև, որ վարույթային ծախսերի հարցը պետք է համարել լուծված, քանի որ ՀՀ քրեական դատավարության օրենսգրքի 167-րդ հոդվածով նախատեսված վարույթային ծախսը բացակայում է:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 9-րդ, 347-349-րդ հոդվածներով, Դատարանը՝

Վ Ճ Ռ Ե Ց

Էրիկ Մանուկի Զաքարյանին մեղավոր ճանաչել՝ ՀՀ քրեական օրենսգրքի 344-րդ հոդվածի 2-րդ մասով նախատեսված արարքում և պատիժ նշանակել տուգանք նվազագույն աշխատավարձի հնգապատիկի՝ 375.000 (երեք հարյուր յոթանասունհինգ հազար) ՀՀ դրամի չափով:
2024 թվականի սեպտեմբերի 16-ի որոշմամբ որպես արտավարույթային փաստաթուղթ ճանաչված և քրեական վարույթին կցված՝ Էրիկ Մանուկի Զաքարյանի կազմված վարչական տույժ նշանակելու մասին թիվ 8180400904 արձանագրության, ալկոհոլի պարունակության ստուգման թիվ 02010 կտրոնի, ստուգաչափման թիվ 120883 վկայականի, ՀՀ ՆԳՆ ոստիկանության անձնագրային և վիզաների վարչության բնակչության պետական ռեգիստրի համակարգից ստացված քաղաքացու անձնագրի վերաբերյալ տեղեկատվության և ՀՀ ՆԳՆ ոստիկանության «Ճանապարհային ոստիկանություն» ծառայության էլեկտրոնային ռեգիստրից ստացված տեղեկատվության պատճենները, պահել գործի հետ միասին՝ վերջինիս պահելու ամբողջ ժամանակամիջոցում:
Դատավճռի օրինական ուժի մեջ մտնելուց հետո Էրիկ Մանուկի Զաքարյանին նկատմամբ ընտրված խափանման միջոց՝ Հայաստանի Հանրապետությունից բացակայելու արգելքը և դրանով պայմանավորված սահմանափակումները, վերացնել:
Վարույթային ծախսերի հարցը համարել լուծված:
Դատավճիռը, այդ թվում՝ հեռակա վարույթի կիրառման ոչ իրավաչափ լինելու հիմքով, կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում:


ԴԱՏԱՎՈՐ՝ Ժ.ՉԻՉՈՅԱՆ