Գործ ԵԴ1/2804/01/24





Դ Ա Տ Ա Վ Ճ Ի Ռ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆՈՒՆԻՑ

ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆԸ

նախագահությամբ՝ դատավոր Ս.ՅՈՒԶԲԱՇՅԱՆԻ
քարտուղարությամբ՝ Լ.ՂԱԶԱՐՅԱՆԻ

մասնակցությամբ`
հանրային մեղադրող՝ Երևան քաղաքի Մալաթիա-
Սեբաստիա վարչական
շրջանի դատախազության
դատախազ Ա.ԴԱՎԹՅԱՆԻ
մեղադրյալ՝ Ս.ԳԵՎՈՐԳՅԱՆԻ

2024 թվականի հոկտեմբերի 28-ին, Երևան քաղաքում, դռնբաց դատական նիստում քննության առնելով քրեական գործն ըստ մեղադրանքի՝
Սարգիս Գագիկի Գևորգյանի՝ ծնված 04.02.1993 թվականին, ազգությամբ հայ, ՀՀ քաղաքացի, ամուսնացած, խնամքին երեք անչափահաս երեխաներ, չի աշխատում, միջնակարգ կրթությամբ, չդատապարտված, հաշվառված և բնակվող՝ ք.Երևան, Բաբաջանյան 1-ին շենք, 14 բնակարան հասցեում, որպես խափանման միջոց է ընտրված բացակայելու արգելքը, մեղադրվում է ՀՀ քրեական օրենսգրքի 344-րդ հոդվածի 2-րդ մասով, ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով:

1. Գործի դատավարական նախապատմությունը.
1.1 2023 թվականի հունվարի 23-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60145623 քրեական վարույթը /հատոր 1-ին, գ.թ. 9/։
1.2 2023 թվականի փետրվարի 13-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60819423 քրեական վարույթը /հատոր 1-ին, գ.թ. 20/։
1.3 2023 թվականի մարտի 06-ին որոշում է կայացվել թիվ 60819423 քրեական վարույթը թիվ 60145623 քրեական վարույթին միացնելու և նախաքննությունը թիվ 60145623 համարի ներքո շարունակելու մասին /հատոր 1-ին, գ.թ. 24-25/։
1.4 2024 թվականի ապրիլի 29-ին ՀՀ քննչական կոմիտեի Երևան քաղաքի քննչական վարչության ՃՏՀ քննության բաժնում ՀՀ քրեական օրենսգրքի 344-րդ հոդվածի 2-րդ մասով նախաձեռնվել է թիվ 60-1697-24 քրեական վարույթը /հատոր 1-ին, գ.թ. 38-39/։
1.5 2024 թվականի ապրիլի 30-ին որոշում է կայացվել թիվ 60-1697-24 քրեական վարույթը թիվ 60145623 քրեական վարույթին միացնելու և նախաքննությունը թիվ 60145623 համարի ներքո շարունակելու մասին /հատոր 1-ին, գ.թ. 42-43/։
1.6 2024 թվականի սեպտեմբերի 27-ին թիվ 60145623 քրեական վարույթով Սարգիս Գագիկի Գևորգյանի նկատմամբ ՀՀ քրեական օրենսգրքի 344-րդ հոդվածի 2-րդ մասով, ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով հարուցվել է հանրային քրեական հետապնդում /հատոր 1-ին, գ.թ. 58-59/:
1.7 2024 թվականի սեպտեմբերի 30-ին թիվ 60145623 քրեական վարույթով Ս.Գևորգյանի նկատմամբ որպես խափանման միջոց է կիրառվել բացակայելու արգելքը /հատոր 1-ին, գ.թ. 60-62/:
1.8 Նույն օրը Սարգիս Գագիկի Գևորգյանին մեղադրանք է ներկայացվել /հատոր 1-ին, գ.թ. 65-69/:
1.9 2024 թվականի հոկտեմբերի 02-ին կազմվել է թիվ 60145623 քրեական վարույթով մեղադրական եզրակացությունը /հատոր 1-ին, գ.թ. 76-87/:
1.10 2024 թվականի հոկտեմբերի 09-ին որոշում է կայացվել թիվ 60145623 քրեական վարույթով մեղադրական եզրակացությունը հաստատելու մասին։
1.11 2024 թվականի հոկտեմբերի 10-ին թիվ 60145623 քրեական գործը մուտք է եղել դատարան, էլեկտրոնային եղանակով նույն օրը թիվ ԵԴ1/2804/01/24 համարի ներքո մակագրվել և նույն թվականի հոկտեմբերի 11-ին հանձնվել է դատավոր Ս.Յուզբաշյանին։
1.12 2024 թվականի հոկտեմբերի 14-ին որոշում է կայացվել քրեական գործով վարույթն ստանձնելու և նախնական դատալսումներ նշանակելու մասին:
1.13 2024 թվականի հոկտեմբերի 28-ին որոշում է կայացվել մեղադրյալի նկատմամբ կիրառված խափանման միջոց բացակայելու արգելքն անփոփոխ թողնելու մասին:
1.14 2024 թվականի հոկտեմբերի 28-ին որոշում է կայացվել հիմնական դատալսումներ նշանակելու մասին:
1.15 2024 թվականի հոկտեմբերի 28-ին կայացվել է մեղադրական վերդիկտ և նույն օրը որոշում է կայացվել լրացուցիչ դատալսումներ նշանակելու մասին:

2. Մեղադրանքի փաստական նկարագրությունը.
2.1 Սարգիս Գագիկի Գևորգյանին ՀՀ քրեական օրենսգրքի 344-րդ հոդվածի 2-րդ մասով, ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով մեղադրանք է ներկայացվել պատժի սպառնալիքով, մեղավորությամբ կատարված այն արարքների կատարման համար, որ նա, «չունենալով տրանսպորտային միջոցներ վարելու իրավունք, 2022 թվականի հոկտեմբերի 08-ին՝ ժամը 05:05-ի սահմաններում, Երևան քաղաքի Անդրանիկի փողոցում ոչ սթափ վիճակում՝ 0,526 մգ/լ պարունակությամբ ալկոհոլ օգտագործած (հաշվի առնելով ստուգաչափման սարքի սխալանքը՝ +-10), վարել է «ԲՄՎ» մակնիշի 37 PF 063 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Երևան քաղաքի գնդի 4-րդ գումարտակի 1-ին վաշտի կրտսեր պարեկ Լիպարիտ Ռոստոմյանի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180162609 արձանագրությունը:
Բացի այդ՝ Սարգիս Գագիկի Գևորգյանը, չունենալով տրանսպորտային միջոցներ վարելու իրավունք, 2022 թվականի դեկտեմբերի 29-ին՝ ժամը 23:55-ի սահմաններում, Երևան քաղաքի Բաբաջանյան փողոցում ոչ սթափ վիճակում՝ 0,782 մգ/լ պարունակությամբ ալկոհոլ օգտագործած (հաշվի առնելով ստուգաչափման սարքի սխալանքը՝ +-10), վարել է «ԲՄՎ» մակնիշի 37 PF 063 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկայի ծառայության Երևան քաղաքի գնդի 1-ին գումարտակի 3-րդ վաշտի կրտսեր պարեկ Էդգար Կուրղինյանի կողմից, և ինչի կապակցությամբ կազմվել է վարչական իրավախախտման վերաբերյալ թիվ 880168210 արձանագրությունը:
Բացի այդ՝ Սարգիս Գագիկի Գևորգյանը, չունենալով տրանսպորտային միջոցներ վարելու իրավունք, 2024 թվականի մարտի 24-ին՝ ժամը 01:40-ի սահմաններում, Երևան քաղաքի Րաֆֆու փողոցում ոչ սթափ վիճակում՝ 0,890 մգ/լ պարունակությամբ ալկոհոլ օգտագործած (հաշվի առնելով ստուգաչափման սարքի սխալանքը՝ +-10), վարել է «ԲՄՎ» մակնիշի 37 PF 063 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Երևան քաղաքի գնդի 4-րդ գումարտակի 3-րդ վաշտի պարեկ Ծովինար Մկրտչյանի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180404502 արձանագրությունը»:

3. Հիմնական դատալսումների ընթացքում հետազոտված թույլատրելի ապացույցները.
3.1 Զննություն կատարելու մասին 2024 թվականի սեպտեմբերի 20-ի արձանագրությունը, համաձայն որի՝ զննության են ենթարկվել՝
1/ Թիվ 93000838 ալկոտեստերի՝ Սարգիս Գևորգյանի 08/0/2022 թվականի սթափության աստիճանի ստուգման կտրոնի պատճենը,
2/ Թիվ 91100989 ալկոտեստերի՝ Սարգիս Գևորգյանի 30/2/2022 թվականի սթափության աստիճանի ստուգման կտրոնի պատճենը,
3/ Թիվ 91101102 ալկոտեստերի՝ Սարգիս Գևորգյանի 03/03/2024 թվականի սթափության աստիճանի ստուգման կտրոնի պատճենը,
4/ Վարչական իրավախախտման վերաբերյալ 08/10/20222 թվականին թվագրվող թիվ 8180162609 արձանագրության պատճենը,
5/ Վարչական իրավախախտման վերաբերյալ 30/12/2022 թվականին թվագրվող թիվ 8180168210 արձանագրության պատճենը,
6/ Վարչական իրավախախտման վերաբերյալ 03/03/2024 թվականին թվագրվող թիվ 8180404502 արձանագրության պատճենը:
Թիվ 93000838 ալկոտեստերի՝ Սարգիս Գևորգյան 08/10/2022 թվականի սթափության աստիճանի ստուգման կտրոնի պատճենի զննությամբ պարզվել է, որ զննման համարն է՝ 05535, զննման ամսաթիվը և ժամը՝ 08/10/2022 թվականին՝ ժամը 05:12:41-ին, ալկոհոլի պարունակությունը՝ 0,526 mg/, վարորդի անունը՝ Սարգիս, տրանսպորտային միջոցի համարանիշ՝ 37 PF 063, ՃՈ տեսուչը՝ Ռոստոմյան, կրծքանշանի համարը՝ 06679:
Թիվ 91100989 ալկոտեստերի՝ Սարգիս Գևորգյանի 30/12/2022 թվականի սթափության աստիճանի ստուգման կտրոնի պատճենի զննությամբ պարզվել է, որ զննման համարն է՝ 00974, զննման ամսաթիվը և ժամը՝ 30/12/20202 թվականին՝ ժամը 00:06:07-ին, ալկոհոլի պարունակությունը՝ 0,782 mg/, վարորդի անուն-ազգանունը՝ Սարգիս Գևորգյան, տրանսպորտային միջոցի համարանիշ՝ 37 PF 063, տեսուչը՝ Կուրղինյան, կրծքանշանի համարը՝ 06711:
Թիվ 91101102 ալկոտեստերի՝ Սարգիս Գևորգյանի 03/03/2024 թվականի սթափության աստիճանի ստուգման կտրոնի պատճենի զննությամբ պարզվել է, որ զննման համարն է՝ 01436, զննման ամսաթիվը և ժամը՝ 03/03/2024 թվականին՝ ժամը 01:42:31-ին, ալկոհոլի պարունակությունը՝ 0,890 mg/l, վարորդի անուն-ազգանունը՝ Սարգիս Գևորգյան, տրանսպորտային միջոցի համարանիշ՝ 37 PF 063, տեսուչը՝ Մկրտչյան, կրծքանշանի համարը՝ 09933:
Վարչական իրավախախտման վերաբերյալ 08/10/2022 թվականին թվագրվող թիվ 8180162609 արձանագրության պատճենի զննությամբ պարզվել է, որ արձանագրությունը կազմվել է 08/10/2022 թվականին՝ ժամը 05:20-ին, խախտումը' Երևան քաղաքի Անդրանիկի փողոցում ժամը 05:05-ին տրանսպորտային միջոցներ վարելու իրավունք չունեցող անձը տրանսպորտային միջոցը վարել է ոչ սթափ վիճակում, զննման համար՝ 05535, ալկոտեստերի համար՝ 93000838: Ծանոթացման հատվածում առկա է ստորագրություն:
Վարչական իրավախախտման վերաբերյալ 30/12/2022 թվականին թվագրվող թիվ 8180168210 արձանագրության պատճենի զննությամբ պարզվել է, որ արձանագրությունը կազմվել է 30/12/2022 թվականին՝ ժամը 00:16-ին, խախտումը՝ Երևան քաղաքի Բաբաջանյան փողոցում՝ 29/12/2022 թվականին՝ ժամը 23:55-ին տրանսպորտային միջոցներ վարելու իրավունք չունեցող անձը տրանսպորտային միջոցը վարել է ոչ սթափ վիճակում, զննման համար՝ 00974, ալկոտեստերի համար՝ 91100986: Ծանոթացման հատվածում առկա է ստորագրություն:
Վարչական իրավախախտման վերաբերյալ 03/03/2024 թվականին թվագրվող թիվ 8180404502 արձանագրության պատճենի զննությամբ պարզվել է, որ արձանագրությունը կազմվել է 03/03/2024 թվականին՝ ժամը 01:48-ին, խախտումը՝ Երևան քաղաքի Րաֆֆու փողոցում՝ 03/03/2024 թվականին՝ ժամը 01:40-ին տրանսպորտային միջոցներ վարելու իրավունք չունեցող անձը տրանսպորտային միջոցը վարել է ոչ սթափ վիճակում, զննման համար՝ 01436: Ծանոթացման հատվածում առկա է ստորագրություն /հատոր 1-ին գ.թ. 51-52 դատական նիստի արձանագրություն/:
3.2 Որպես արտավարութային փաստաթուղթ ճանաչված՝ թիվ 93000838 ալկոտեստերի՝ Սարգիս Գևորգյանի 08/0/2022 թվականի սթափության աստիճանի ստուգման կտրոնի, թիվ 91100989 ալկոտեստերի՝ Սարգիս Գևորգյանի 30/2/2022 թվականի սթափության աստիճանի ստուգման կտրոնի, թիվ 91101102 ալկոտեստերի՝ Սարգիս Գևորգյանի 03/03/2024 թվականի սթափության աստիճանի ստուգման կտրոնի, վարչական իրավախախտման վերաբերյալ 08/10/20222 թվականին թվագրվող թիվ 8180162609 արձանագրության, վարչական իրավախախտման վերաբերյալ 30/12/2022 թվականին թվագրվող թիվ 8180168210 արձանագրության, վարչական իրավախախտման վերաբերյալ 03/03/2024 թվականին թվագրվող թիվ 8180404502 արձանագրության պատճենները /հատոր 1-ին գ.թ. 3-7, 18-22, 30-32 դատական նիստի արձանագրություն/:
3.3 Մեղադրյալ Սարգիս Գևորգյանն օգտվելով իր դատավարական իրավունքից հրաժարվեց հիմնական դատալսումների ընթացքում ցուցմունք տալ: ՀՀ քրեական դատավարության օրենսգրքի 330-րդ հոդվածի համաձայն՝ հրապարակվեցին վերջինիս նախաքննական ցուցմունքները, համաձայն որոնց՝ «ԲՄՎ» մակնիշի 37 PF 063 հաշվառման համարանիշի ավտոմեքենան հաշվառված է իր մայրիկի՝ Վերժինե Գրիգորյանի անունով, սակայն ավտոմեքենան շահագործվում է իր հայրիկի՝ Գագիկ Գևորգյանի կողմից: Հայտնել է, որ նշված երեք անգամները՝ 1/ 2022 թվականի հոկտեմբերի 08-ին՝ ժամը 05:05-ի սահմաններում Երևան քաղաքի Անդրանիկի փողոցում, 2/ 2022 թվականի դեկտեմբերի 29-ին՝ ժամը 23:55-ին՝ Երևան քաղաքի Բաբաջանյան փողոցում, 3/ 2024 թվականի մարտի 03-ին՝ ժամը 01:40-ի սահմաններում՝ Երևան քաղաքի Րաֆֆու փողոցում, ինքն է վարել ավտոմեքենան և եղել է ոչ սթափ վիճակում և չի ունեցել վարորդական իրավունք: Ինքը վարորդական իրավունք երբևէ չի ունեցել: Ընդունել է, որ կատարել է արարքները, զղջացել դրանց կատարման համար /հատոր 1-ին գ.թ. 47-50, 70-74, դատական նիստի արձանագրություն/:
Ցուցմունքները հրապարակվելուց հետո մեղադրյալ Սարգիս Գևորգյանը նշեց, որ դրանք համապատասխանում են իրականությանը և պնդում է /դատական նիստի արձանագրություն/:

4. Լրացուցիչ դատալսումներ.
4.1 Լրացուցիչ դատալսումների ընթացքում հետազոտվեց՝ ՀՀ ոստիկանության ինֆորմացիոն կենտրոնի ձև 8 տեղեկանքը, որի համաձայն՝ Սարգիս Գագիկի Գևորգյանը հանդիսանում է չդատապարտված /դատական նիստի արձանագրություն/:
4.2 Հետազոտվեցին նաև ՔԿԱԳ շտեմարանում առկա տվյալները, որոնց համաձայն՝ Սարգիս Գագիկի Գևորգյանը խնամքին ունի երեք անչափահաս երեխաներ /դատական նիստի արձանագրություն/:
4.3 ՀՀ պետական եկամուտների կոմիտեի 2024 թվականի հոկտեմբերի 21-ի գրությունը, որի համաձայն՝ Ս.Գևորգյան ամսական եկամտի վերաբերյալ տվյալներ առկա չեն /դատական նիստի արձանագրություն/:
4.4 Մեղադրյալը հայտնեց, որ եթե Դատարանը որոշի իր նկատմամբ որպես պատիժ նշանակել տուգանք, ինքն ի վիճակի չէ այն անհապաղ վճարել, քանի որ խնամքին ունի երեք անչափահաս երեխաներ և չունի աշխատանք /դատական նիստի արձանագրություն/:

5. Դատարանի պատճառաբանությունը և եզրահանգումները.
5.1 Հիմնական դատալսումների ընթացքում պատշաճ իրավական ընթացակարգով հետազոտված թույլատրելի ապացույցների հիման վրա, դրանց ձևի և բովանդակության վերլուծության, այլ ապացույցների հետ համադրելու միջոցով, գնահատելով դրանք վերաբերելիության, թույլատրելիության, հավաստիության, իսկ բոլոր ապացույցների համակցությունը՝ հիմնավոր եզրափակիչ դատավարական ակտ կայացնելու համար բավարարության տեսանկյունից, դրանց պատշաճ հետազոտման և վերլուծության վրա հիմնված ներքին համոզմամբ, մեղադրյալի մեղավորության վերաբերյալ չփարատվող բոլոր ողջամիտ կասկածները նրա օգտին մեկնաբանելով, Դատարանն ապացուցված է համարում, որ Սարգիս Գագիկի Գևորգյանը, չունենալով տրանսպորտային միջոցներ վարելու իրավունք, 2022 թվականի հոկտեմբերի 08-ին՝ ժամը 05:05-ի սահմաններում, Երևան քաղաքի Անդրանիկի փողոցում ոչ սթափ վիճակում՝ 0,526 մգ/լ պարունակությամբ ալկոհոլ օգտագործած (հաշվի առնելով ստուգաչափման սարքի սխալանքը՝ +-10), վարել է «ԲՄՎ» մակնիշի 37 PF 063 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Երևան քաղաքի գնդի 4-րդ գումարտակի 1-ին վաշտի կրտսեր պարեկ Լիպարիտ Ռոստոմյանի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180162609 արձանագրությունը:
Բացի այդ՝ Սարգիս Գագիկի Գևորգյանը, չունենալով տրանսպորտային միջոցներ վարելու իրավունք, 2022 թվականի դեկտեմբերի 29-ին՝ ժամը 23:55-ի սահմաններում, Երևան քաղաքի Բաբաջանյան փողոցում ոչ սթափ վիճակում՝ 0,782 մգ/լ պարունակությամբ ալկոհոլ օգտագործած (հաշվի առնելով ստուգաչափման սարքի սխալանքը՝ +-10), վարել է «ԲՄՎ» մակնիշի 37 PF 063 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկայի ծառայության Երևան քաղաքի գնդի 1-ին գումարտակի 3-րդ վաշտի կրտսեր պարեկ Էդգար Կուրղինյանի կողմից, և ինչի կապակցությամբ կազմվել է վարչական իրավախախտման վերաբերյալ թիվ 880168210 արձանագրությունը:
Բացի այդ՝ Սարգիս Գագիկի Գևորգյանը, չունենալով տրանսպորտային միջոցներ վարելու իրավունք, 2024 թվականի մարտի 24-ին՝ ժամը 01:40-ի սահմաններում, Երևան քաղաքի Րաֆֆու փողոցում ոչ սթափ վիճակում՝ 0,890 մգ/լ պարունակությամբ ալկոհոլ օգտագործած (հաշվի առնելով ստուգաչափման սարքի սխալանքը՝ +-10), վարել է «ԲՄՎ» մակնիշի 37 PF 063 հաշվառման համարանիշի ավտոմեքենան, ինչը հայտնաբերվել է տվյալ տարածքում ծառայություն իրականացնող ՀՀ ոստիկանության պարեկային ծառայության Երևան քաղաքի գնդի 4-րդ գումարտակի 3-րդ վաշտի պարեկ Ծովինար Մկրտչյանի կողմից, և ինչի կապակցությամբ կազմվել է վարչական իրավախախտման վերաբերյալ թիվ 8180404502 արձանագրությունը:
Այլ կերպ, Դատարանը հանգում է այն հետևության, որ մեղադրյալ Սարգիս Գագիկի Գևորգյանը մեղավորությամբ կատարել է իրեն մեղսագրված արարքները, որոնց համար կիրառելի են ՀՀ քրեական օրենսգրքի 344-րդ հոդվածի 2-րդ մասը, ՀՀ քրեական օրենսգրքի 344-րդ հոդվածի 2-րդ մասը և ՀՀ քրեական օրենսգրքի 344-րդ հոդվածի 2-րդ մասը:
5.2 Հաստատված համարելով մեղադրյալ Սարգիս Գագիկի Գևորգյանի մեղավորությունը ՀՀ քրեական օրենսգրքի 344-րդ հոդվածի 2-րդ մասով, ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով նախատեսված հանցանքների կատարման մեջ՝ Դատարանը գտնում է, որ մեղադրյալը ենթակա է քրեական պատասխանատվության և պատժի:
Մեղադրյալի նկատմամբ պատիժ նշանակելու հարցը քննարկելիս` Դատարանը գտնում է հետևյալը.
ՀՀ քրեական օրենսգրքի 7-րդ հոդվածի 1-ին մասի համաձայն՝
Հանցանք կատարած անձին քրեական պատասխանատվության, պատժի կամ քրեաիրավական ներգործության այլ միջոցների ենթարկելը կամ քրեական պատասխանատվությունից կամ պատժից ազատելը պետք է լինի արդարացի՝ ապահովելով ինչպես կիրառվող օրենսդրության, այնպես էլ պետական հակազդեցության համաչափությունը կատարված հանցանքին, դա կատարելու հանգամանքներին, հանցավորի անձնավորությանը։
ՀՀ քրեական օրենսգրքի 55-րդ հոդվածի համաձայն՝
«1. Պատիժը պետական հարկադրանքի միջոց է, որը դատարանի դատավճռով պետության անունից նշանակվում է հանցագործության համար մեղավոր ճանաչված անձի նկատմամբ և արտահայտվում է այդ անձին իրավունքներից կամ ազատություններից սույն օրենսգրքով նախատեսված զրկմամբ կամ դրանց սահմանափակմամբ:
2. Պատժի նպատակներն են` վերականգնել սոցիալական արդարությունը, վերասոցիալականացնել պատժի ենթարկված անձին և կանխել հանցագործությունները:»:
ՀՀ քրեական օրենսգրքի 69-րդ հոդվածի համաձայն՝
«1. Հանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սանկցիայի սահմաններում՝ հաշվի առնելով սույն օրենսգրքի Ընդհանուր մասի դրույթները:
2. Պատժի տեսակը և չափը որոշվում են հանցագործությամբ պատճառված վնասի բնույթով և չափով, հանցագործության եղանակով, տեղով, ժամանակով, հանցագործության շարժառիթներով և նպատակներով, դիտավորության կամ անզգուշության տեսակով, պատասխանատվությունը և պատիժը մեղմացնող ու ծանրացնող հանգամանքներով, ինչպես նաև նշանակվող պատժի` հանցավորի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցությամբ:
3. Ազատությունից զրկելու հետ կապված պատիժ կարող է նշանակվել, եթե Դատարանը հիմնավորի, որ առավել մեղմ պատժատեսակը չի կարող ապահովել պատժի նպատակները:
4. Պատժի կատարման կարգը և պայմանները սահմանվում են Հայաստանի Հանրապետության քրեակատարողական օրենսդրությամբ»:
ՀՀ քրեական օրենսգրքի 74-րդ հոդվածի համաձայն՝
«1.Հանցագործությունների համակցությամբ յուրաքանչյուր հանցագործության համար առանձին պատիժ (հիմնական և լրացուցիչ) նշանակելով` դատարանը վերջնական պատիժը որոշում է նշանակված պատիժները լրիվ կամ մասնակիորեն գումարելու միջոցով: Մասնակի գումարման դեպքում վերջնական պատիժը պետք է ավելի լինի, քան համակցության մեջ մտնող հանցագործությունների համար նշանակված առավել խիստ պատիժը: Հանցագործությունների համակցությամբ վերջնական պատիժը որոշելիս մասնակի գումարվող պատիժը չի կարող պակաս լինել տվյալ պատժատեսակի համար սույն օրենսգրքով նախատեսված նվազագույն չափից կամ ժամկետից, սակայն վերջնական պատիժը չի կարող գերազանցել սույն հոդվածի 2-րդ, 3-րդ, 4-րդ, 5-րդ, 6-րդ և 9-րդ մասերով նախատեսված առավելագույն չափը կամ ժամկետը:
/.../
9. Հանցագործությունների համակցության դեպքում մյուս պատիժները լրիվ կամ մասնակիորեն գումարելու դեպքում նշանակվող վերջնական պատիժը չի կարող գերազանցել սույն օրենսգրքի Ընդհանուր մասով պատժի տվյալ տեսակի համար սահմանված առավելագույն ժամկետը կամ չափը:
/.../»:
ՀՀ քրեական օրենսգրքի 344-րդ հոդվածի 2-րդ մասի համաձայն՝
«Տրանսպորտային միջոցներ վարելու իրավունքից զրկված կամ տրանսպորտային միջոցներ վարելու իրավունքը կասեցված կամ տրանսպորտային միջոց վարելու իրավունք չունեցող անձի կողմից հարբած (ոչ սթափ) վիճակում տրանսպորտային միջոց վարելը կամ այդ անձի կողմից սթափության վիճակի զննություն անցնելուց հրաժարվելը կամ խուսափելը`
պատժվում է տուգանքով՝ առավելագույնը քսանապատիկի չափով, կամ հանրային աշխատանքներով՝ ութսունից հարյուր հիսուն ժամ տևողությամբ, կամ կարճաժամկետ ազատազրկմամբ՝ մեկից երկու ամիս ժամկետով, կամ ազատազրկմամբ՝ առավելագույնը երկու տարի ժամկետով»:
Պատժի տեսակների միջև ճիշտ ընտրություն կատարելու և արարքի բնույթն ու հանրային վտանգավորության աստիճանը գնահատելու հարցերին ՀՀ վճռաբեկ դատարանն անդրադարձել է Գ.Մադաթյանի գործով որոշման մեջ, որտեղ իրավական դիրքորոշում է հայտնել այն մասին, որ. «(…) այլընտրանքային սանկցիաների միջև ընտրություն կատարելիս պատժի արդարացիության սկզբունքի ապահովման հիմնական երաշխիքը դատարանների կողմից յուրաքանչյուր գործի քննության ժամանակ այնպիսի հանգամանքների բացահայտումն է, որոնք ազդել են անձի կողմից կատարված արարքի հանրային վտանգավորության բնույթի և աստիճանի վրա:
Արարքի հանրային վտանգավորության բնույթը հանցագործության որակական կողմն է, այն որոշվում է մեղքի ձևի և տեսակի, հանցագործության նպատակի և շարժառիթի, ինչպես նաև քրեական օրենսդրությամբ պահպանվող հասարակական հարաբերության` հանցանքի կատարման պահին ունեցած սոցիալական նշանակության վերաբերյալ փաստական տվյալների ամբողջությամբ:
Արարքի հանրային վտանգավորության աստիճանի որոշման ժամանակ դատարանը պետք է բացահայտի կատարված հանցագործությամբ պատճառված վնասի չափը, հանցագործության կատարման եղանակը, հանցավոր մտադրության իրականացման աստիճանը, հանցակցության դեպքում` հանցավորի կատարած արարքը և հանցագործությանը նրա մասնակցության աստիճանը: (…)» (տե՛ս Գարուշ Նորիկի Մադաթյանի վերաբերյալ 2009 թվականի փետրվարի 17-ի թիվ ԵՇԴ/0029/01/08 որոշումը):
Գոռ Գագիկի Ավետիսյանի և Արմեն Իշխանի Հովակիմյանի գործով 2010թ. նոյեմբերի 5–ին կայացված թիվ ԵԱՔԴ/0164/01/09 որոշման մեջ անդրադառնալով նշանակվող պատժի արդարացիության պահանջին՝ ՀՀ վճռաբեկ դատարանը նշել է, որ՝ «(…) հանցանք կատարած անձի նկատմամբ նշանակված պատիժը համարվում է արդարացի, եթե դատարանը ճիշտ է գնահատում գործի բոլոր հանգամանքները, հանցագործության` հանրության համար վտանգավորության աստիճանն ու բնույթը, հանցավորի անձը բնութագրող տվյալները, ինչպես նաև պատիժն ու պատասխանատվությունը մեղմացնող ու ծանրացնող հանգամանքները և, ելնելով քրեական օրենքով նախատեսված պահանջներից, ղեկավարվելով պատիժ նշանակելու ընդհանուր սկզբունքներով, նշանակում է այնպիսի պատիժ, որն անհրաժեշտ և բավարար է այդ անձին ուղղելու, նրա կողմից նոր հանցանքի կատարումը կանխելու համար: Հետևաբար, ակնհայտ մեղմ կամ ակնհայտ խիստ լինելու պատճառով անարդարացի կլինի այնպիսի պատիժը, որը նշանակվել է առանց պատիժ նշանակելու ընդհանուր սկզբունքների պահպանման»:
5.3 Դատարանը ՀՀ քրեական օրենսգրքի հոդվածների համապատասխան Սարգիս Գևորգյանի նկատմամբ նշանակվող պատժի տեսակը և չափը որոշելիս հաշվի է առնում կատարված հանցագործությունների եղանակը, շարժառիթն ու նպատակը, քրեական պատասխանատվությունն ու պատիժը մեղմացնող և ծանրացնող հանգամանքները, նրա անձը բնութագրող տվյալները, ինչպես նաև նշանակվող պատժի` մեղադրյալի վերասոցիալականացման և իրավահպատակ վարքագծի ձևավորման գործընթացի ու նրա ընտանիքի կենսապայմանների վրա ազդեցության հանգամանքը:
Դատարանը, ղեկավարվելով ՀՀ քրեական օրենսգրքի 70-րդ հոդվածի 1-ին մասի 4-րդ կետով և 2-րդ մասով, որպես Սարգիս Գագիկի Գևորգյանի պատասխանատվությունը կամ պատիժը մեղմացնող հանգամանք արձանագրում է խնամքին երեք անչափահաս երեխաներ ունենալը, ինչպես նաև մեղքն ընդունելն ու անկեղծորեն զղջալը:
Մեղքն ընդունելը որպես մեղմացնող հանգամանք դիտարկելիս Դատարանը հաշվի է առնում արագացված վարույթի կիրառմամբ պայմանավորված մեղադրյալի դիրքորոշումը, ինչպես նաև այդ կապակցությամբ ՀՀ վճռաբեկ դատարանի մոտեցումն, ըստ որի՝ «/.../ մեղքն ընդունելը կամ չընդունելն անձի սուբյեկտիվ իրավունքն է, որը նախատեսված և երաշխավորված է ՀՀ Սահմանադրության 21-րդ և 22-րդ հոդվածներով։ Հետևաբար, մեղքը չընդունելը չի կարող պատիժ նշանակելիս հաշվի առնվել և հակառակը` մեղքն ընդունելը և կատարածի համար անկեղծորեն զղջալը ՀՀ քրեական օրենսգրքի շրջանակներում բարենպաստ քրեաիրավական նշանակություն ունեցող հանգամանք է և կարող է կատարել պատասխանատվությունը և պատիժը մեղմացնող հանգամանքի դեր։ Վճռաբեկ դատարանը փաստում է, որ մեղքն ընդունելը և կատարածի համար անկեղծորեն զղջալը, որպես մեղավոր անձի հետհանցավոր դրական վարքագիծ, վկայում է այն մասին, որ նա լրիվ գիտակցել է իր արարքի հանրային վտանգավորությունը, զղջացել է դրա համար։ Մեղքն ընդունելու պարագայում քրեական պատժի նպատակների իրացումը, այդ թվում` պատժի ենթարկված անձին ուղղելու հավանականությունը, զգալիորեն բարձրանում է /.../ (տե՛ս Սերոբ Ֆրունզիկի Սարգսյանի գործով 2012 թվականի նոյեմբերի 01-ի թիվ ՍԴ/0109/01/12 որոշման 27 կետը):
Դատարանը, ղեկավարվելով ՀՀ քրեական օրենսգրքի 71-րդ հոդվածով, արձանագրում է, որ Սարգիս Գագիկի Գևորգյանի պատասխանատվությունը կամ պատիժը ծանրացնող հանգամանքներ չկան:
Որպես Սարգիս Գագիկի Գևորգյանի անձը բնութագրող հանգամանք է դատապարտված չլինելը:
5.4 Անդրադառնալով մեղադրյալի նկատմամբ 2022 թվականի հոկտեմբերի 08-ի և 2022 թվականի դեկտեմբերի 29-ի դրվագներով նշանակվող տուգանքի ձևով պատժի չափին, Դատարանն արձանագրում է, որ 2003 թվականի դեկտեմբերի 17-ին ընդունված «Նվազագույն ամսական աշխատավարձի մասին» ՀՀ օրենքի 1-ին հոդվածի համաձայն՝
«Հայաստանի Հանրապետությունում նվազագույն ամսական աշխատավարձը սահմանել 68000 դրամ»:
2022 թվականի դեկտեմբերի 07-ին ընդունված «Նվազագույն ամսական աշխատավարձի մասին» օրենքում փոփոխություններ կատարելու մասին ՀՀ օրենքի 1-ին հոդվածի համաձայն՝
««Նվազագույն ամսական աշխատավարձի մասին» 2003 թվականի դեկտեմբերի 17-ի ՀՕ-66-Ն օրենքի (այսուհետ՝ Օրենք) 1-ին հոդվածում «68000» թիվը փոխարինել «75000» թվով»:
ՀՀ քրեական օրենսգրքի 8-րդ հոդվածի 1-ին մասի համաձայն՝
«Արարքի հանցավորությունը, պատժելիությունը և քրեաիրավական այլ հետևանքները որոշվում են դա կատարելու ժամանակ գործող քրեական օրենքով (…)»:
Նույն օրենսգրքի 9-րդ հոդվածի 1-ին մասի համաձայն՝
«Արարքի հանցավորությունը սահմանող, պատիժը խստացնող կամ հանցանք կամ քրեական օրենսդրությամբ նախատեսված արարք կատարած անձի վիճակն այլ կերպ վատթարացնող օրենսդրությունը հետադարձ ուժ չունի (…)»:
Այսինքն, 2023 թվականի հունվարի 1-ից ուժի մեջ մտած «Նվազագույն ամսական աշխատավարձի մասին» ՀՀ օրենքով ղեկավարվելով մեղադրյալ Սարգիս Գևորգյանի նկատմամբ պատիժ նշանակելու դեպքում վերջինիս համար կառաջանան անբարենպաստ հետևանքներ, ինչը կհակասի նույն օրենսգրքի 9-րդ հոդվածի 1-ին մասին:
Ինչ վերաբերվում է մեղադրյալի նկատմամբ 2024 թվականի մարտի 24-ի դրվագով նշանակվող տուգանքի ձևով պատժի չափին, Դատարանն արձանագրում է, որ սույն դեպքում կիրառելի է օրենսդրական գործող իրավակարգավորումները:
5.5 Դատարանը, հիմք ընդունելով 4.1-4.3 և 5.3 կետում արձանագրված հանգամանքները, ղեկավարվելով 5.2 և 5.4 կետերում մեջբերված նորմերով և իրավական դիրքորոշումներով, գտնում է, որ Սարգիս Գագիկի Գևորգյանի նկատմամբ՝
- ՀՀ քրեական օրենսգրքի 344-րդ հոդվածի 2-րդ մասով պետք է պատիժ նշանակել տուգանք՝ նվազագույն աշխատավարձի հնգապատիկի՝ 340.000 /երեք հարյուր քառասուն հազար/ ՀՀ դրամ, չափով,
- ՀՀ քրեական օրենսգրքի 344-րդ հոդվածի 2-րդ մասով պետք է պատիժ նշանակել տուգանք՝ նվազագույն աշխատավարձի հնգապատիկի՝ 340.000 /երեք հարյուր քառասուն հազար/ ՀՀ դրամ, չափով,
- ՀՀ քրեական օրենսգրքի 344-րդ հոդվածի 2-րդ մասով պետք է պատիժ նշանակել տուգանք նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամ, չափով:
Դատարանը գտնում է, որ Սարգիս Գագիկի Գևորգյանի նկատմամբ նշանակված տուգանքի ձևով պատիժները, ՀՀ քրեական օրենսգրքի 74-րդ հոդվածի 1-ին և 9-րդ մասերով նախատեսված կանոններով, պետք է լրիվ գումարել և Սարգիս Գագիկի Գևորգյանի նկատմամբ վերջնական պատիժ պետք է նշանակել տուգանք՝ 1.055.000 /մեկ միլիոն հիսունհինգ հազար/ ՀՀ դրամի չափով, որը նա պետք է կրի:
5.6 Դատարանը, հիմք ընդունելով 4.4 կետերում արձանագրված հանգամանքները, գտնում է, որ մեղադրյալն ի վիճակի չէ անհապաղ և ամբողջությամբ վճարել տուգանքը:
ՀՀ քրեական օրենսգրքի 59-րդ հոդվածի համաձայն՝
«/.../
7. Տուգանքի նշանակման հնարավորությունը և չափը դատարանը որոշում է՝ հաշվի առնելով հանցագործության ծանրությունը, հանցագործությամբ պատճառված վնասի բնույթն ու չափը, հանցագործությամբ ստացված գույքային կամ ոչ գույքային բնույթի օգուտները, դատապարտվողի ու նրա ընտանիքի գույքային դրությունը, ինչպես նաև դատապարտվողի՝ եկամուտ ստանալու հնարավորությունը կամ նրան պատկանող այնպիսի գույքի առկայությունը, որի վրա կարող է բռնագանձում տարածվել։
8. Եթե դատապարտվողն ի վիճակի չէ անհապաղ և ամբողջությամբ վճարելու նշանակված տուգանքը, ապա դատարանը նրա համար վճարման ժամկետ է սահմանում՝ առավելագույնը 1 տարի, կամ թույլատրում է տուգանքը մաս առ մաս վճարել նույն ժամկետում։ Եթե տուգանքը նշանակելուց հետո դատապարտյալի նյութական վիճակի վատթարացման հետևանքով նա զրկվում է տուգանքը վճարելու հնարավորությունից, ապա դատարանը, հաշվի առնելով դատապարտյալի դիրքորոշումը`
1) երկարաձգում է տուգանքի վճարման սահմանված վերջնաժամկետը` առավելագույնը 1 տարով,
2) նշանակում է հանրային աշխատանքներ` հանրային աշխատանքների 24 ժամը հաշվարկելով հանցանքը կատարելու պահին նվազագույն աշխատավարձի չափով: /…/»:
Դատարանը գտնում է, որ մեղադրյալի նկատմամբ նշանակված տուգանքը վճարելու համար պետք է սահմանել 12 /տասը/ ամիս ժամանակ՝ առաջին տասնմեկ ամիսներին՝ յուրաքանչյուր ամիս վճարել 90.000 /իննսուն հազար/ ՀՀ դրամ, իսկ վերջին՝ տասներկուերորդ ամսում՝ 65.000 /վաթսունհինգ հազար/ ՀՀ դրամ:
5.7 Քննության առնելով որպես արտավարութային փաստաթուղթ ապացույց ճանաչված և քրեական վարույթին կցված՝ թիվ 93000838 ալկոտեստերի՝ Սարգիս Գևորգյանի 08/0/2022 թվականի սթափության աստիճանի ստուգման կտրոնի, թիվ 91100989 ալկոտեստերի՝ Սարգիս Գևորգյանի 30/2/2022 թվականի սթափության աստիճանի ստուգման կտրոնի, թիվ 91101102 ալկոտեստերի՝ Սարգիս Գևորգյանի 03/03/2024 թվականի սթափության աստիճանի ստուգման կտրոնի, վՎարչական իրավախախտման վերաբերյալ 08/10/20222 թվականին թվագրվող թիվ 8180162609 արձանագրության, վարչական իրավախախտման վերաբերյալ 30/12/2022 թվականին թվագրվող թիվ 8180168210 արձանագրության, վարչական իրավախախտման վերաբերյալ 03/03/2024 թվականին թվագրվող թիվ 8180404502 արձանագրության պատճենների տնօրինման հարցը՝ Դատարանը գտնում է, որ դրանք պետք է պահել գործի հետ միասին ՝ վերջինիս պահելու ամբողջ ժամանակամիջոցում:
5.8 Քննության առնելով մեղադրյալի նկատմամբ նախնական դատալսման ընթացքում ընտրված խափանման միջոցի հարցը՝ Դատարանը գտնում է, որ այն պետք է թողնել անփոփոխ` մինչ դատավճռի օրինական ուժի մեջ մտնելը: Դատավճռի օրինական ուժի մեջ մտնելուց հետո պետք է վերացնել նաև Ս.Գևորգյանի կողմից ՀՀ պետական սահմանը հատելու ու անձնագրային գործարքներ կատարելու արգելքները:
5.9 Քննության առնելով վարույթային ծախսերի հարցը՝ Դատարանը գտնում է, որ այն պետք է համարել լուծված, քանի որ ՀՀ քրեական դատավարության օրենսգրքի 167-րդ հոդվածով նախատեսված վարույթային ծախսը բացակայում է:
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 9-րդ, 99-րդ, 347-350-րդ, 352-353-րդ, 364-րդ հոդվածներով, Դատարանը.


Վ Ճ Ռ Ե Ց

Սարգիս Գագիկի Գևորգյանին մեղավոր ճանաչել ՀՀ քրեական օրենսգրքի 344-րդ հոդվածի 2-րդ մասով, ՀՀ քրեական օրենսգրքի 344-րդ հոդվածի 2-րդ մասով և ՀՀ քրեական օրենսգրքի 344-րդ հոդվածի 2-րդ մասով նախատեսված արարքներում:
Սարգիս Գագիկի Գևորգյանի նկատմամբ ՀՀ քրեական օրենսգրքի 344-րդ հոդվածի 2-րդ մասով պատիժ նշանակել տուգանք՝ նվազագույն աշխատավարձի հնգապատիկի՝ 340.000 /երեք հարյուր քառասուն հազար/ ՀՀ դրամ, չափով:
Սարգիս Գագիկի Գևորգյանի նկատմամբ ՀՀ քրեական օրենսգրքի 344-րդ հոդվածի 2-րդ մասով պատիժ նշանակել տուգանք՝ նվազագույն աշխատավարձի հնգապատիկի՝ 340.000 /երեք հարյուր քառասուն հազար/ ՀՀ դրամ, չափով:
Սարգիս Գագիկի Գևորգյանի նկատմամբ ՀՀ քրեական օրենսգրքի 344-րդ հոդվածի 2-րդ մասով պատիժ նշանակել տուգանք՝ նվազագույն աշխատավարձի հնգապատիկի՝ 375.000 /երեք հարյուր յոթանասունհինգ հազար/ ՀՀ դրամ, չափով:
ՀՀ քրեական օրենսգրքի 74-րդ հոդվածի կիրառմամբ՝ հանցագործությունների համակցությամբ, նշանակված պատիժները լրիվ գումարելու միջոցով, Սարգիս Գագիկի Գևորգյանի նկատմամբ վերջնական պատիժ նշանակել տուգանք՝ 1.055.000 /մեկ միլիոն հիսունհինգ հազար/ ՀՀ դրամի չափով:
Սարգիս Գագիկի Գևորգյանին թույլատրել որպես պատիժ նշանակված 1.055.000 /մեկ միլիոն հիսունհինգ հազար/ ՀՀ դրամ տուգանքը մաս առ մաս վճարել 12 /տասներկու/ ամիս ժամկետում, սահմանելով տուգանքի վճարման ժամանակացույց` առաջին տասնմեկ ամիսներին՝ յուրաքանչյուր ամիս վճարել 90.000 /իննսուն հազար/ ՀՀ դրամ, իսկ վերջին՝ տասներկուերորդ ամսում՝ 65.000 /վաթսունհինգ հազար/ ՀՀ դրամ:
Որպես արտավարութային փաստաթուղթ ապացույց ճանաչված և քրեական վարույթին կցված փաստաթղթերի պատճենները պահել գործի հետ միասին՝ վերջինիս պահելու ամբողջ ժամանակամիջոցում:
Դատավճռի օրինական ուժի մեջ մտնելուց հետո Սարգիս Գագիկի Գևորգյանի նկատմամբ ընտրված խափանման միջոց՝ բացակայելու արգելքը և դրանով պայմանավորված սահմանափակումները վերացնել:
Վարույթային ծախսերի հարցը համարել լուծված:
Դատավճիռը կարող է բողոքարկվել ՀՀ վերաքննիչ քրեական դատարան՝ այն ստանալու օրվանից հետո՝ մեկամսյա ժամկետում։


ԴԱՏԱՎՈՐ Ս.ՅՈՒԶԲԱՇՅԱՆ